Drittijiet tal-passiġġieri tal-ajru

Id-drittijiet tal-passiġġieri tal-ajru tal-UE japplikaw:

• Jekk it-titjira tiegħek hija fi ħdan l-UE u hija operata minn linja tal-ajru tal-UE jew mhux tal-UE
• Jekk it-titjira tiegħek tasal fl-UE minn barra l-UE u hija operata minn linja tal-ajru tal-UE
• Jekk it-titjira tiegħek titlaq mill-UE għal pajjiż mhux fl-UE u hija operata minn linja tal-ajru tal-UE jew mhux tal-UE
• Jekk għadek ma rċevejtx benefiċċji (kumpens, rotta ġdida, assistenza mil-linja tal-ajru) għal problemi relatati ma’ dan il-vjaġġ skont il-liġi rilevanti ta’ pajjiż mhux tal-UE.

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

L-UE tfisser is-27 pajjiż tal-UE, inklużi Guadeloupe, il-Guyana Franċiża, Martinique, il-Gżira ta' Réunion, Mayotte, Saint-Martin (l-Antilli Franċiżi), l-Azores, Madeira u l-Gżejjer Kanarji (iżda mhux il-Gżejjer Faeroe). Ir-regoli tal-UE japplikaw ukoll għal titjiriet lejn u mill-Iżlanda , in-Norveġja u l-Iżvizzera.

X’mar ħażin?

• It-titjira tiegħek ġiet ikkanċellata
• It-titjira tiegħek ittardjat
• Ġejt rifjutat l-imbark
• It-titjira tiegħek kellha bbukkjar żejjed
• It-titjira tiegħek tqiegħdet fi klassi ogħla jew fi klassi inferjuri
• Tlift it-titjira ta’ konnessjoni tiegħek
• Il-bagalji tiegħek intilfu, saritilhom il-ħsara jew ittardjaw

Kif tista’ titlob id-drittijiet tiegħek?

Itlob id-drittijiet tiegħek!

Ċaħda għall-imbark

Tista’ ma titħalliex titla’ fuq l-ajruplan mil-linja tal-ajru:

• Għal raġunijiet ta’ sikurezza, sigurtà jew saħħa (pereżempju, jekk ma infurmajtx minn qabel lil-linja tal-ajru b’xi allerġiji severi jew mard infettiv) jew jekk m’għandekx id-dokumenti tal-ivvjaġġar it-tajbin (aktar informazzjoni dwar id-dokumenti li għandek bżonn biex tivvjaġġa fl-Ewropa)
• Jekk ma ħadtx it-titjira tad-destinazzjoni ta’ prenotazzjoni li kienet tinkludi titjira tar-ritorn
• Jekk ma ħadtx titjira/titjiriet oħra inklużi fi prenotazzjoni b’titjiriet konsekuttivi
• Jekk m’għandekx id-dokumentazzjoni rilevanti għall-annimal domestiku tiegħek meta dan jivvjaġġa miegħek

Jekk ippreżentajt ruħek fil-ħin għaċ-check-in bi prenotazzjoni valida ta’ titjira u bid-dokumentazzjoni tal-ivvjaġġar u l-linja tal-ajru ma ħallitekx titla’ fuq l-ajruplan minħabba bbukkjar żejjed jew raġunijiet operazzjonali, u ma tirrinunzjax volontarjament li ċċedi postok, inti intitolat għal:

• kumpens
• id-dritt li tagħżel bejn rimborż, rotta differenti jew ibbukkjar mill-ġdid aktar tard u
• assistenza

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

Titjira kkanċellata

Ikun hemm kanċellazzjoni meta:

• l-iskeda oriġinali tat-titjira tiegħek tiġi abbandunata u tiġi trasferit għal titjira skedata oħra
• l-ajruplan telaq iżda kellu jirritorna fl-ajruport tat-tluq u ġejt trasferit f’titjira oħra
• it-titjira tiegħek tasal f’ajruport li mhuwiex id-destinazzjoni finali indikat fuq il-biljett tiegħek, ħlief meta:
  • Aċċettajt rotta differenti (b’kundizzjonijiet kumparabbli ta’ trasport mal-ewwel opportunità) lejn l-ajruport tad-destinazzjoni finali oriġinali tiegħek jew għal kwalunkwe destinazzjoni oħra li qbilt dwarha. F'dan il-każ jitqies bħala dewmien u mhux bħala kanċellazzjoni.
  • L-ajruport tal-wasla u l-ajruport tad-destinazzjoni finali oriġinali jservu l-istess raħal, belt jew reġjun. F'dan il-każ jitqies bħala dewmien u mhux bħala kanċellazzjoni.

Jekk it-titjira tiegħek tiġi kkanċellata għandek id-dritt li tagħżel bejn rimborż, rotta differenti jew ritorn.

Int intitolat ukoll għall-assistenza mill-ajruport.

Jekk ġejt infurmat bil-kanċellazzjoni anqas minn 14-il jum qabel id-data skedata tat-tluq, għandek dritt għal kumpens. Il-linja tal-ajru għandha l-obbligu li tagħti prova jekk u meta inti ġejt personalment infurmat li t-titjira kienet ikkanċellata. Jekk dan mhux il-każ tista’ tikkuntattja l-awtorità nazzjonali en tiegħek għal aktar assistenza.

Madankollu, ma jingħatax kumpens jekk l-operatur tal-ajru jista’ juri li l-kanċellazzjoni hi kkawżata minn ċirkostanzi straordinarji li ma setgħux jiġu evitati anki jekk ittieħdu l-miżuri raġonevoli kollha. Il-linja tal-ajru trid tagħti prova ta’ dan billi tipprovdi, pereżempju, estratti minn ġurnali ta’ abbord jew mir-rapporti tal-inċidenti. It-trasportatur tal-ajru għandu jagħti din l-evidenza lill-korp tal-infurzar nazzjonali kif ukoll lill-passiġġieri kkonċernati f’konformità mad-dispożizzjonijiet nazzjonali dwar l-aċċess għad-dokumenti.

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

Dewmien

Jekk it-titjira tiegħek tittardja mit-tluq, għandek id-dritt għal assistenza, rimborż u titjira tar-ritorn, skont it-tul tad-dewmien u d-distanza tat-titjira.

Jekk wasalt fid-destinazzjoni finali tiegħek b’dewmien ta’ aktar minn tliet sigħat, int intitolat għal kumpens, sakemm id-dewmien ma kienx minħabba ċirkostanzi straordinarji. Il-linja tal-ajru trid tagħti prova ta’ dan billi tipprovdi, pereżempju, estratti minn ġurnali ta’ abbord jew mir-rapporti tal-inċidenti. It-trasportatur tal-ajru għandu jagħti din l-evidenza lill-korp tal-infurzar nazzjonali kif ukoll lill-passiġġieri kkonċernati f’konformità mad-dispożizzjonijiet nazzjonali dwar l-aċċess għad-dokumenti.

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

It-titjira tiegħek kellha bbukkjar żejjed

Jekk ippreżentajt ruħek fil-ħin għaċ-check-in bi prenotazzjoni valida ta’ titjira u bid-dokumentazzjoni tal-ivvjaġġar u tiġi rifjutat l-imbark minħabba bbukkjar żejjed jew raġunijiet operazzjonali, u ma tirrinunzjax volontarjament li ċċedi postok, inti intitolat għal:

• kumpens
• id-dritt li tagħżel bejn rimborż, rotta differenti jew ibbukkjar mill-ġdid aktar tard u
• assistenza mil-linja tal-ajru

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

Tqegħid fi klassi ogħla jew fi klassi inferjuri

Jekk titqiegħed fi klassi ogħla, il-linja tal-ajru ma tistax titlob pagament addizzjonali.

Jekk titqiegħed fi klassi inferjuri, inti għandek id-dritt għal rimborż ta’ perċentwal tal-prezz tal-biljett tiegħek, skont id-distanza tat-titjira kif ġej:

a) 30% - titjiriet ta’ 1,500 km jew anqas

b) 50% - titjiriet fl-UE ta’ aktar minn 1,500 km (ħlief għat-titjiriet bejn l-UE u d-Dipartimenti Franċiżi extra-Ewropej), u t-titjiriet l-oħra kollha bejn 1,500 u 3,500 km

c) 75% - titjiriet li ma jaqgħux taħt (a) jew (b), inklużi titjiriet bejn l-UE u d-Dipartimenti Franċiżi extra-Ewropej.

Meta jkun hemm żewġ titjiriet konnessi jew aktar inklużi f’biljett uniku, ir-rimborż hu pagabbli biss għat-titjira fejn tpoġġejt fi klassi inferjuri u mhux għall-vjaġġ kollu. Ir-rimborż għandu jitħallas fi żmien sebat ijiem.

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

Itlob id-drittijiet tiegħek!

Tlift it-titjira ta’ konnessjoni tiegħek

It-titjiriet ta’ konnessjoni huma vjaġġi fejn trid tieħu aktar minn titjira waħda biex tasal fid-destinazzjoni finali tiegħek.

Jekk titlef titjira ta’ konnessjoni, u tasal fid-destinazzjoni finali tiegħek b’dewmien ta’ aktar minn 3 sigħat, int intitolat għall-kumpens. Dan il-kumpens huwa kkalkulat skont it-tul tad-dewmien u d-distanza għad-destinazzjoni finali tiegħek.

Għandek dritt għal kumpens jekk:

• it-titjira tiegħek kienet ibbukkjata bħala parti minn prenotazzjoni waħda u
• japplikaw id-drittijiet tal-passiġġieri tal-ajru tal-UE u
• il-ħin tal-wasla tiegħek ma kienx ikkawżat minn ċirkostanzi straordinarji

Ivvjaġġar mir-Renju Unit lejn pajjiż tal-UE

Mill-1 ta’ Jannar 2021, ir-regoli tal-UE dwar id-drittijiet tal-passiġġieri tal-ajru ma japplikawx għal każijiet ta’ imbark miċħud, kanċellazzjonijiet jew dewmien għal titjiriet mir-Renju Unit lejn l-UE jekk it-titjira tiegħek kienet operata minn trasportatur tar-Renju Unit jew trasportatur ieħor mhux tal-UE, anki jekk ibbukkjajt it-titjira tiegħek qabel din id-data. Madankollu, ir-regoli tal-UE jkomplu japplikaw mill-1 ta’ Jannar 2021 jekk it-titjira tiegħek mir-Renju Unit lejn l-UE kienet operata minn trasportatur tal-UE, sakemm ma tkunx diġà rċevejt kumpens jew benefiċċji skont il-liġi tar-Renju Unit.

Itlob id-drittijiet tiegħek!

Bagali li jintilfu, issirilhom il-ħsara jew li jittardjaw

Bagali li jkun sarilhom iċ-check in

Jekk il-bagalji tiegħek li jkun sarilhom iċ-check-in jintilfu, issirilhom il-ħsara jew jittardjaw, il-linja tal-ajru hija responsabbli u int intitolat għal kumpens sa ammont ta' madwar €1,300. Madankollu, jekk il-ħsara tiġi kkawżata b’difett inerenti fil-bagalji nnifisihom, ma għandek dritt għal ebda kumpens.

Bagalji tal-idejn

Jekk issir ħsara lill-bagalji tal-idejn il-linja tal-ajru hija responsabbli jekk kienet responsabbli għall-ħsara.

Assigurazzjoni tal-ivvjaġġar

Biex tiżgura li għandek kopertura suffiċjenti meta tivvjaġġa b’oġġetti li jiswew ħafna flus nagħtuk parir li tagħmel assikurazzjoni privata. Jekk ma tixtieqx tagħmel dan tista’ titlob limitu ogħla ta’ kumpens billi tħallas tariffa (aktar minn €1,300) mil-linja tal-ajru li tkun qed tivvjaġġa magħha. Dan għandu jsir bil-quddiem, u l-aktar tard meta tagħmel iċ-check in.

Kif tilmenta

Jekk tixtieq tagħmel ilment għal bagalji mitlufin jew li saritilhom il-ħsara, jeħtieġlek tagħmel dan bil-miktub lil-linja tal-ajru sa 7 ijiem, jew fi żmien 21 jum li fihom tkun irċevejt il-bagalji tiegħek jekk dawn ittardjaw. M’hemm ebda formola standard għall-UE kollha.

Kumpens - imbark rifjutat

Jekk wasalt fil-ħin għaċ-check in, int għandek dejjem tirċievi kumpens jekk ma titħalliex titla’ fuq l-ajruplan. L-unika eċċezzjoni hija jekk kien hemm raġunijiet raġonevoli biex ma titħalliex titla’ fuq l-ajruplan, bħal tħassib dwar is-saħħa, is-sikurezza jew is-sigurtà. Jew jekk ma kellekx id-dokumenti tal-ivvjaġġar meħtieġa.

Anki f’każijiet fejn jeżistu raġunijiet bħal dawn, il-linji tal-ajru xorta jistgħu joffrulek kumpens skont it-termini u l-kundizzjonijiet speċifiċi marbuta mal-biljett tiegħek.

Titjira konnessa - prenotazzjoni waħda b’check-in wieħed

Jekk tiġi rifjutat l-imbark minħabba li l-linja tal-ajru li topera t-titjira konnessa qieset li se tasal tard wisq biex titla’ fuq din it-titjira (peress li l-ewwel titjira tiegħek ittardjat), tirċievi kumpens.

Itlob id-drittijiet tiegħek!

Kumpens - kanċellazzjoni

Jekk it-titjira tiġi kkanċellata, il-linja tal-ajru għandha toffrilek għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta differenti għad-destinazzjoni finali tiegħek mal-ewwel opportunità, jew
3. rotta differenti f’data aktar tard meta jkun l-aħjar għalik taħt kundizzjonijiet ta’ trasport komparabbli, suġġetti għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru jaf xorta jkollha tipprovdi kumpens.

• jekk tagħżel li tiġi rimburżat għall-biljett tiegħek – il-kumpens se jiddependi fuq it-tip ta’ titjira
• jekk tagħżel rotta ġdida – il-kumpens se jiddependi fuq it-tip ta’ titjira u d-dewmien fid-destinazzjoni finali tiegħek, mill-ħin tal-wasla inizjalment skedat.

M’intix intitolat għal kumpens:

• jekk tiġi informat aktar minn 14-il jum minn qabel
• jekk tiġi informat bejn ġimagħtejn u 7 ijiem qabel it-tluq skedat u tiġi offrut rotta differenti li tippermettilek:
  • titlaq mhux aktar minn sagħtejn qabel il-ħin tat-tluq oriġinali skedat
  • tasal fid-destinazzjoni finali tiegħek anqas minn 4 sigħat wara l-ħin tal-wasla oriġinali skedat.

• tiġi informat anqas minn 7 ijiem qabel it-tluq skedat u tiġi offrut rotta differenti li tippermettilek:
  • titlaq mhux aktar minn siegħa qabel il-ħin tat-tluq oriġinali skedat
  • tasal fid-destinazzjoni finali tiegħek anqas minn sagħtejn wara l-ħin tal-wasla oriġinali skedat.

Itlob id-drittijiet tiegħek!

Kumpens - dewmien mal-wasla

• Jekk tasal fid-destinazzjoni finali tiegħek b’dewmien ta’ 3 sigħat jew aktar inti intitolat għal kumpens jekk id-dewmien ma kienx ikkawżat minn ċirkostanzi straordinarji.
• Jekk titlef titjira konnessa fi ħdan l-UE jew barra l-UE fuq titjira minn pajjiż tal-UE, għandek tkun intitolat għal kumpens, jekk tasal fid-destinazzjoni finali tiegħek b’dewmien ta’ aktar minn 3 sigħat. Mhux rilevanti jekk it-trasportatur li jopera t-titjiriet konnessi huwa linja tal-ajru tal-UE jew mhux tal-UE.
• Jekk titlaq minn pajjiż mhux fl-UE għad-destinazzjoni finali tiegħek f’pajjiż tal-UE, b’titjiriet konnessi operati suċċessivament minn linji tal-ajru mhux tal-UE u tal-UE jew minn linji tal-ajru tal-UE biss, it-titjiriet operati minn linji tal-ajru tal-UE biss jitqiesu għad-dritt għal kumpens f’każ ta’ dewmien twil mal-wasla fid-destinazzjoni finali.
• M’intix intitolat għal kumpens jekk titlef titjiriet konnessi minħabba dewmien fil-kontrolli tas-sigurtà jew jekk ma rrispettajtx il-ħin tal-imbark tat-titjira tiegħek fl-ajruport tat-trasferiment.
• Jekk taċċetta titjira lejn ajruport differenti minn dak oriġinali u tasal tard, m’intix intitolat għal kumpens. Il-ħin tal-wasla użat biex jiġi kkalkulat id-dewmien huwa l-ħin tal-wasla fl-ajruport imsemmi fl-ibbukkjar oriġinali jew id-destinazzjoni li qbilt dwarha mal-linja tal-ajru. L-ispejjeż tat-trasport bejn l-ajruport alternattiv u dak fl-ibbukkjar oriġinali jew tad-destinazzjoni li tkun qbilt dwarha għandhom jitħallsu mil-linja tal-ajru.

Itlob id-drittijiet tiegħek!

Kumpens - rifjut ta’ imbark minħabba bbukkjar żejjed

Dejjem għandek tirċievi kumpens jekk tiġi rifjutat l-imbark.

Titjira konnessa - prenotazzjoni waħda b’check-in waħda

Jekk tiġi rifjutat l-imbark minħabba li l-linja tal-ajru li topera t-titjira konnessa qieset li se tasal tard wisq biex titla’ fuq din it-titjira (peress li l-ewwel titjira tiegħek ittardjat), tirċievi kumpens.

Itlob id-drittijiet tiegħek!

Assistenza f’każ ta’ rifjut ta’ imbark

Il-linji tal-ajru jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b'diżabbiltà u l-klieb ta' servizz tagħhom. L-assistenza li trid tiġi pprovduta tinkludi:

• Xorb
• Ikel
• Akkomodazzjoni (jekk l-ibbukkjar il-ġdid ikun għall-jum ta’ wara)
• Trasport għall-akkomodazzjoni tiegħek u r-ritorn għall-ajruport
• Żewġ telefonati, telex, faks jew emails

Jekk ma ngħatajtx assistenza u kellek tħallas għal kwalunkwe ħaġa minn dawk elenkati hawn fuq minn butek, il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta differenti, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob id-drittijiet tiegħek!

Assistenza f’każ ta’ kanċellazzjoni

Il-linji tal-ajru għandhom joffru u jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b'diżabbiltà u l-klieb ta' servizz tagħhom. L-assistenza li trid tiġi pprovduta tinkludi:

• Xorb
• Ikel
• Akkomodazzjoni (jekk l-ibbukkjar il-ġdid ikun għall-jum ta’ wara)
• Trasport għall-akkomodazzjoni tiegħek u r-ritorn għall-ajruport
• Żewġ telefonati, telex, faks jew emails

Jekk ma ġietx mogħtija assistenza u kellek tħallas għall-ikel u x-xorb tiegħek eċċ. il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta differenti, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob id-drittijiet tiegħek!

Assistenza f’każ ta’ dewmien mit-tluq

Jekk linja tal-ajru tistenna li t-titjira tiegħek se tittardja lil hinn mill-ħin tat-tluq skedat, int intitolat għal ikel u xorb, skont kemm se jkollok tistenna, u 2 telefonati, emails jew faxes bla ħlas. Il-punt li fih inti intitolat għal dawn id-drittijiet jiddependi fuq it-tul tad-dewmien u d-distanza tat-titjira kif ġej:

• dewmien ta’ sagħtejn jew aktar għal titjiriet ta’ 1,500 km jew anqas
• dewmien ta’ tliet sigħat jew aktar għal titjiriet intra-Komunitarji ta’ aktar minn 1,500 km u għat-titjiriet l-oħrajn kollha bejn 1,500 u 3,000 km
• dewmien ta’ erba’ sigħat jew aktar għat-titjiriet l-oħrajn kollha

Fejn il-ħin tat-tluq il-ġdid mistenni huwa ta’ mill-anqas jum wara l-ħin tat-tluq skedat inizjalment, int intitolat għall-akkomodazzjoni f’lukanda u t-trasport lejn u mill-ajruport u l-akkomodazzjoni tiegħek (jekk jeħtieġlek toqgħod il-lejl)

Il-linji tal-ajru għandhom joffru u jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b'diżabbiltà u l-klieb ta' servizz tagħhom.

Jekk ma ġietx mogħtija assistenza u kellek tħallas għall-ikel u x-xorb tiegħek, il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta differenti, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob id-drittijiet tiegħek!

Assistenza f’każ ta’ rifjut ta’ imbark minħabba bbukkjar żejjed

Il-linji tal-ajru għandhom joffru u jipprovdu assistenza bla ħlas waqt li tistenna. F’każ ta’ bidliet fl-ivvjaġġar, għandek tippreżenta ruħek lil-linja tal-ajru li tkun qed topera t-titjira, biex tevita sitwazzjoni fejn ikollok tagħmel l-arranġamenti tiegħek stess. Il-linji tal-ajru għandhom jiżguraw ukoll, fejn disponibbli, li l-akkomodazzjoni tkun aċċessibbli għall-persuni b'diżabbiltà u l-klieb ta' servizz tagħhom. L-assistenza li trid tiġi pprovduta tinkludi:

• Xorb
• Ikel
• Akkomodazzjoni (jekk l-ibbukkjar il-ġdid ikun għall-jum ta’ wara)
• Trasport għall-akkomodazzjoni tiegħek u r-ritorn għall-ajruport
• Żewġ telefonati, telex, faks jew emails

Jekk ma ġietx mogħtija assistenza u kellek tħallas għall-ikel u x-xorb tiegħek eċċ. il-linja tal-ajru għandha tirrimborżak, sakemm l-ispejjeż kienu neċessarji, raġonevoli u xierqa. Għalhekk għandek iżżomm l-irċevuti kollha. Inti għandek id-dritt għall-assistenza jekk kellek tistenna għal rotta differenti, taħt kundizzjonijiet ta’ trasport kumparabbli, għad-destinazzjoni finali tiegħek mill-iktar fis possibbli jew titjira ta’ ritorn.

F’każijiet eċċezzjonali, il-linja tal-ajru tista’ tiddeċiedi li tillimita jew tirrifjuta li tagħti l-assistenza jekk dan jikkawża aktar dewmien lill-passiġġieri li jkunu qed jistennew titjira alternattiva jew imdewma.

Itlob id-drittijiet tiegħek!

Rimborż, rotta differenti jew prenotazzjoni mill-ġdid fil-każ ta’ rifjut tal-imbark

Il-linja tal-ajru għandha toffrilek, fuq bażi ta’ darba, għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta differenti għad-destinazzjoni finali tiegħek mal-ewwel opportunità, jew
3. rotta differenti f’data aktar tard meta jkun l-aħjar għalik taħt kundizzjonijiet ta’ trasport komparabbli (jiġifieri “bbukkjar mill-ġdid”), suġġett għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru xorta tista’ tipprovdi kumpens skont id-distanza tat-titjira tiegħek u t-tul tad-dewmien mill-ħin tal-wasla oriġinarjament ippjanat.

• Jekk il-linja tal-ajru ma tikkonformax mal-obbligi tagħha li toffrilek rotta differenti jew ritorn taħt kundizzjonijiet tat-trasport komparabbli mal-ewwel opportunità, ikollha tirrimborża l-ispejjeż tat-titjira tiegħek.
• Jekk il-linja tal-ajru ma toffrilekx l-għażla bejn ir-rimborż u rotta ġdida iżda tiddeċiedi unilateralment li tirrimborża l-biljett oriġinali tiegħek, inti intitolat għal rimborż addizzjonali tad-differenza fil-prezz tal-biljett il-ġdid (taħt kundizzjonijiet tat-trasport komparabbli).
• Jekk ibbukkjajt titjira lejn destinazzjoni u titjira ta' ritorn separatament ma' linja tal-ajru differenti u t-titjira lejn id-destinazzjoni tiġi kkanċellata, ir-rimborż ikun dovut biss għat-titjira kkanċellata.

Madankollu, jekk it-titjiriet lejn id-destinazzjoni u tar-ritorn huma operati minn linja tal-ajru differenti, iżda kienu parti minn prenotazzjoni waħda, jekk it-titjira lejn id-destinazzjoni tiġi kkanċellata, inti għandek dawn id-drittijiet:

• Kumpens
• Għażla bejn ir-rimborż tal-biljett kollu tiegħek (titjiriet lejn id-destinazzjoni u tar-ritorn) jew rotta differenti fuq titjira oħra għat-titjira lejn id-destinazzjoni

Itlob id-drittijiet tiegħek!

Rimborż, rotta differenti jew prenotazzjoni mill-ġdid fil-każ ta’ kanċellazzjoni

Il-linja tal-ajru għandha toffrilek abbażi ta’ darba biss, għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta differenti għad-destinazzjoni finali tiegħek mal-ewwel opportunità, jew
3. rotta differenti f’data aktar tard meta jkun l-aħjar għalik taħt kundizzjonijiet ta’ trasport komparabbli, suġġetti għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru xorta tista’ tipprovdi kumpens skont id-distanza tat-titjira tiegħek u t-tul tad-dewmien mill-ħin tal-wasla oriġinarjament ippjanat.

• Jekk il-linja tal-ajru ma tikkonformax mal-obbligi tagħha li toffrilek rotta differenti jew ritorn taħt kundizzjonijiet tat-trasport komparabbli mal-ewwel opportunità, ikollha tirrimborża l-ispejjeż tat-titjira tiegħek.
• Jekk il-linja tal-ajru ma toffrilekx l-għażla bejn ir-rimborż u rotta ġdida iżda tiddeċiedi unilateralment li tirrimborża l-biljett oriġinali tiegħek, inti intitolat għal rimborż addizzjonali tad-differenza fil-prezz tal-biljett il-ġdid (taħt kundizzjonijiet tat-trasport komparabbli).
• Jekk ibbukkjajt titjira lejn destinazzjoni u titjira ta' ritorn separatament ma' linja tal-ajru differenti u t-titjira lejn id-destinazzjoni tiġi kkanċellata, ir-rimborż ikun dovut biss għat-titjira kkanċellata.

Jekk it-titjiriet lejn id-destinazzjoni u tar-ritorn huma operati minn linji tal-ajru differenti, iżda kienu parti minn prenotazzjoni waħda, fl-avveniment li t-titjira lejn id-destinazzjoni tiġi kkanċellata, inti għandek dawn id-drittijiet:

• Kumpens
• Għażla bejn ir-rimborż tal-biljett kollu tiegħek (titjiriet lejn id-destinazzjoni u tar-ritorn) jew rotta differenti fuq titjira oħra għat-titjira lejn id-destinazzjoni

Itlob id-drittijiet tiegħek!

Rimborż u titjira ta’ ritorn f’każ ta’ dewmien twil (5 sigħat jew aktar) mit-tluq

Jekk it-titjira tiegħek tittardja tal-anqas 5 sigħat mit-tluq, il-linja tal-ajru għandha tirrimborża l-biljett tiegħek u, jekk għandek titjira konnessa, toffri servizz ta’ ritorn lejn l-ajruport tat-tluq mal-ewwel opportunità.

Itlob id-drittijiet tiegħek!

Rimborż, rotta differenti jew prenotazzjoni mill-ġdid fil-każ ta’ rifjut tal-imbark minħabba bbukkjar żejjed

Il-linja tal-ajru għandha toffrilek abbażi ta’ darba biss, għażla bejn:

1. ir-rimborż tal-biljett tiegħek, jekk għandek titjira konnessa, titjira bir-ritorn lejn l-ajruport tat-tluq mal-ewwel opportunità
2. rotta differenti għad-destinazzjoni finali tiegħek mal-ewwel opportunità, jew
3. rotta differenti f’data aktar tard meta jkun l-aħjar għalik taħt kundizzjonijiet ta’ trasport komparabbli, suġġetti għad-disponibbiltà tal-postijiet.

Hekk kif tagħżel waħda minn dawn it-tliet opzjonijiet, ma jkollokx aktar drittijiet relatati maż-żewġ opzjonijiet l-oħra. Madankollu, il-linja tal-ajru xorta tista’ tipprovdi kumpens skont id-distanza tat-titjira tiegħek u t-tul tad-dewmien mill-ħin tal-wasla oriġinarjament ippjanat.

• Jekk il-linja tal-ajru ma tikkonformax mal-obbligi tagħha li toffrilek rotta differenti jew ritorn taħt kundizzjonijiet tat-trasport komparabbli mal-ewwel opportunità, ikollha tirrimborża l-ispejjeż tat-titjira tiegħek.
• Jekk il-linja tal-ajru ma toffrilekx l-għażla bejn ir-rimborż u rotta ġdida iżda tiddeċiedi unilateralment li tirrimborża l-biljett oriġinali tiegħek, inti intitolat għal rimborż addizzjonali tad-differenza fil-prezz tal-biljett il-ġdid (taħt kundizzjonijiet tat-trasport komparabbli).
• Jekk ibbukkjajt titjira lejn destinazzjoni u titjira ta' ritorn separatament ma' linja tal-ajru differenti u t-titjira lejn id-destinazzjoni tiġi kkanċellata, ir-rimborż ikun dovut biss għat-titjira kkanċellata.

Madankollu, jekk it-titjiriet lejn id-destinazzjoni u tar-ritorn huma operati minn linja tal-ajru differenti, iżda kienu parti minn prenotazzjoni waħda, jekk it-titjira lejn id-destinazzjoni tiġi kkanċellata, inti għandek dawn id-drittijiet:

• Kumpens
• Għażla bejn ir-rimborż tal-biljett kollu tiegħek (titjiriet lejn id-destinazzjoni u tar-ritorn) jew rotta differenti fuq titjira oħra għat-titjira lejn id-destinazzjoni

Itlob id-drittijiet tiegħek!

Ċirkostanzi straordinarji - Kanċellazzjoni

Ċirkostanzi straordinarji jistgħu jwasslu għal aktar minn kanċellazzjoni jew dewmien wieħed fid-destinazzjoni finali. Eżempji ta’ avvenimenti definiti bħala straordinarji huma deċiżjonijiet tal-ġestjoni tat-traffiku tal-ajru, instabbiltà politika, kundizzjonijiet ħżiena tat-temp u riskji għas-sigurtà.

Sitwazzjonijiet li mhumiex ikkunsidrati bħala straordinarji jinkludu:

• Il-biċċa l-kbira tal-problemi tekniċi li jinqalgħu matul il-manutenzjoni tal-ajruplan jew li huma kkawżati minħabba li l-ajruplan ma setgħetx issiru l-manutenzjoni
• kolliżjoni tat-taraġ mobbli tal-imbarkazzjoni ma' ajruplan
• strajkijiet mill-istaff tat-trasportatur tal-ajru (azzjoni ta’ strajk intern)

Kwalunkwe strajk estern għal trasportatur tal-ajru li jaffettwa l-operat tal-linja tal-ajru jista’ jitqies bħala ċirkostanzi straordinarji. Madankollu, biex linja tal-ajru tkun eżentata milli tħallas kumpens, hi trid tagħti prova li: i) hemm rabta bejn iċ-ċirkostanzi straordinarji u d-dewmien jew il-kanċellazzjoni, kif ukoll ii) id-dewmien jew il-kanċellazzjoni ma setgħux jiġu evitati anki jekk ittieħdu l-miżuri raġonevoli kollha

Jekk il-linja tal-ajru ma tagħtikx spjegazzjoni sodisfaċenti, tista’ tikkuntattja lill-awtorità nazzjonali en tiegħek għal aktar assistenza.

Ċirkostanzi straordinarji - Dewmien

Ċirkostanzi straordinarji jistgħu jwasslu għal aktar minn kanċellazzjoni jew dewmien wieħed fid-destinazzjoni finali. Eżempji ta’ avvenimenti definiti bħala straordinarji huma deċiżjonijiet tal-ġestjoni tat-traffiku tal-ajru, instabbiltà politika, kundizzjonijiet ħżiena tat-temp u riskji għas-sigurtà.

Sitwazzjonijiet li mhumiex ikkunsidrati bħala straordinarji jinkludu:

• Il-biċċa l-kbira tal-problemi tekniċi li jinqalgħu matul il-manutenzjoni tal-ajruplan jew li huma kkawżati minħabba li l-ajruplan ma setgħetx issiru l-manutenzjoni
• kolliżjoni tat-taraġ mobbli tal-imbarkazzjoni ma' ajruplan
• strajkijiet mill-istaff tat-trasportatur tal-ajru (azzjoni ta’ strajk intern)

Kwalunkwe strajk estern għal trasportatur tal-ajru li jaffettwa l-operat tal-linja tal-ajru jista’ jitqies bħala ċirkostanzi straordinarji. Madankollu, biex linja tal-ajru tkun eżentata milli tħallas kumpens, hi trid tagħti prova li: i) hemm rabta bejn iċ-ċirkostanzi straordinarji u d-dewmien jew il-kanċellazzjoni, kif ukoll ii) id-dewmien jew il-kanċellazzjoni ma setgħux jiġu evitati anki jekk ittieħdu l-miżuri raġonevoli kollha

Jekk il-linja tal-ajru ma tagħtikx spjegazzjoni sodisfaċenti, tista’ tikkuntattja lill-awtorità nazzjonali en tiegħek għal aktar assistenza.

Itlob drittijietek!

Jekk taħseb li d-drittijiet tiegħek ma ġewx rispettati, hemm diversi forom ta’ rimedju li tista’ tuża. Madankollu dejjem għandek l-ewwel tibgħat l-ilment tiegħek lil-linja tal-ajru. Tista’ tikkonsulta wkoll liċ-Ċentru Ewropew tal-Konsumatur għal għajnuna jew parir dwar problemi relatati mad-drittijiet tal-passiġġieri tal-ajru.