Xiri ta' mediċina online

It-tipi ta’ mediċina mingħajr riċetta tat-tabib li tista’ tixtri online jiddependu fuq il-pajjiż tal-UE li għalih tixtieq li l-mediċina tiġi esportata. Pajjiżi differenti jippermettu li tipi differenti ta’ mediċini jinbiegħu minn fuq l-internet.

Qabel ma tipprova tixtri, iċċekkja r-reġistri nazzjonali tal-bejjiegħa bl-imnut tal-mediċini online biex tiżgura li l-bejjiegħ bl-imnut li qed tixtri mingħandu jkun awtorizzat fil-pajjiż tal-oriġini tiegħu biex ibigħ il-mediċina online.

Lista ta’ reġistri nazzjonali tal-bejjiegħa bl-imnut tal-mediċini online

Logo tal-UE

Spiżeriji jew bejjiegħa bl-imnut reġistrati mal-awtorità nazzjonali tagħhom biex ibigħu l-mediċina online għandhom juru fuq is-sit web tagħhom il-logo en tal-UE għall-bejgħ online tal-mediċini. Il-logo hu magħmul mill-bandiera tal-pajjiż tal-UE fejn l-ispiżerija jew il-bejjiegħ bl-imnut hu rreġistrat u l-kliem “Ikklikkja biex tivverifika li dan is-sit qed jopera legalment”.

Jistgħu jintużaw biss il-bnadar tal-pajjiżi tal-UE flimkien ma’ dawk tan-Norveġja, tal-Iżlanda u tal-Liechtenstein. Logo li juri l-bandiera tal-UE, pereżempju, ikun frodulenti.

Meta tikklikkja l-logo, se tkun ridirett lejn is-sit web tal-awtorità nazzjonali korrispondenti. Hemmhekk issib lista tal-bejjiegħa bl-imnut online li joperaw legalment f’dak il-pajjiż tal-UE. Jekk m’intix ridirett lejn ir-reġistru tal-bejjiegħa bl-imnut jew jekk l-ispiżerija online tiegħek ma tidhirx fil-lista, tkomplix bix-xiri.