Erasmus għal Imprendituri Żgħażagħ
Imprendituri ġodda – kif tikkwalifika għall-iskema
Jekk għadek kif bdejt negozju jew beħsiebek tibda wieħed, tista' tikkwalifika għall-iskema ta' skambju Erasmus għal Imprendituri Żgħażagħ.
L-iskema - li hi parzjalment iffinanzjata mill-UE - tippermettilek tqatta' xi żmien f'pajjiż ieħor tal-UE biex taħdem u titgħallem minn imprenditur tal-esperjenza. Jekk jogħġbok innota li din hi skema ta’ skambju, mhux impjieg bi ħlas.
Biex tikkwalifika għall-iskema, trid tkun tista' turi l-motivazzjoni tiegħek u l-intenzjoni soda li tibda negozju. Ikollok tippreżenta idea konkreta ta' negozju, inkluż pjan ta' negozju realistiku. Jeħtieġlek ukoll li tkun tista’ tikkomplementa l-fondi tal-programm kif ikun hemm bżonn biex tkopri l-ispejjeż tas-soġġorn tiegħek barra pajjiżek.
Tista’ xorta tapplika anke jekk tkun diġà bdejt negozju. L-importanti li ma tkunx ilek tmexxi n-negozju għal aktar minn 3 snin meta tapplika.
Irid ikollok aktar minn 18-il sena u resident f’pajjiż parteċipanti en .
Tul tal-iskema
It-tul tal-iskema hu ta' bejn xahar u 6 xhur. Hu rakkomandat li tagħmel l-iskambju kollu mingħajr interruzzjoni, iżda hu possibbli li taqsam iż-żjara tiegħek f’diversi partijiet, sakemm tispiċċa fi żmien 12-il xahar mill-bidu tal-programm.
Lil min għandek tikkuntattja
Fil-biċċa l-kbira tal-pajjiżi hemm punti ta' kuntatt lokali (Organizzazzjoni Intermedjarja - OI). Dawn jiggwidawk fl-applikazzjoni u l-proċess ta' skambju u jħallsu l-appoġġ finanzjarju tiegħek. F’każ li ma jkunx hemm OI f’pajjiżek, tista’ tikkuntattja OI f’pajjiż ieħor.
Appoġġ finanzjarju tal-UE
Int se tirċievi għajnuna finanzjarja sabiex tgħinek fl-ispejjeż tal-ħajja tiegħek ta’ kuljum u l-ispejjeż tal-ivvjaġġar waqt li qed tipparteċipa fil-programm. L-ammont li tirċievi jvarja minn pajjiż għal ieħor.
Għajnuna finanzjarja skont il-pajjiż
| Żjarat fil-pajjiż fejn joqgħod l-imprenditur il-ġdid | L-ammont li jingħata kull xahar waqt li tkun fil-pajjiż (f’euro minn Ġunju 2024) |
| L-Albanija | 600 |
| L-Armenja | 850 |
| L-Awstrija | 1000 |
| Il-Belġju | 900 |
| Il-Bosnja-Ħerżegovina | 650 |
| Il-Bulgarija | 650 |
| Il-Kanada | 1050 |
| Il-Kroazja | 800 |
| Ċipru | 850 |
| Iċ-Ċekja | 750 |
| Id-Danimarka | 1200 |
| L-Estonja | 800 |
| Il-Finlandja | 1000 |
| Franza | 950 |
| Il-Georgia | 750 |
| Il-Ġermanja | 900 |
| Il-Greċja |
850 |
| L-Ungerija | 700 |
| L-Iżlanda | 1000 |
| L-Italja | 1000 |
| Il-Kosovo* | 650 |
| Il-Latvja | 700 |
| Il-Liechtenstein | 1200 |
| Il-Litwanja | 650 |
| Il-Lussemburgu | 900 |
| Malta | 750 |
| Il-Moldova | 700 |
| Il-Montenegro | 650 |
| In-Netherlands | 950 |
| Il-Maċedonja ta’ Fuq | 650 |
| In-Norveġja | 1200 |
| Il-Polonja | 650 |
| Il-Portugall | 850 |
| Ir-Rumanija | 650 |
| Is-Serbja | 650 |
| Singapore | 1150 |
| Is-Slovakkja | 700 |
| Is-Slovenja | 800 |
| Spanja | 900 |
| L-Iżvezja | 1000 |
| It-Turkija | 800 |
| L-Ukrajna | 600 |
| Ir-Renju Unit | 1100 |
| L-Istati Uniti tal-Amerka | 1200 |
| Imprendituri minn/għal: Ir-Reġjuni Ultraperiferiċi u l-Pajjiżi u t-Territorji Ekstra-Ewropej tal-UE | 1200 |
| Intraprendituri b’diżabbiltà (irrispettivament mill-pajjiż ta’ soġġorn) | 1200 |
*Din id-deżinjazzjoni hi mingħajr preġudizzju għall-pożizzjonijiet dwar l-istatus, u hi konformi mal-UNSCR 1244/1999 u mal-Opinjoni tal-QIĠ dwar id-dikjarazzjoni tal-indipendenza tal-Kosovo.
Kif tapplika
- Tista' tirreġistra għall-iskema online
- Se jkollok tagħżel punt ta’ kuntatt fil-pajjiz ta’ residenza tiegħek
Dokumenti meħtieġa biex tapplika:
- Is-CV tiegħek
- L-ittra ta’ motivazzjoni tiegħek
- Il-pjan ta' negozju tiegħek
Għal aktar tagħrif tista' tikkonsulta l-Gwida ta' reġistrazzjoni għall-imprendituri ġodda en
Kif issir ospitant u tilqa' imprenditur ġdid
Jekk inti imprenditur ta' suċċess u bl-esperjenza jew is-sid ta’ negozju żgħir, tista’ tikkwalifika biex tospita imprenditur ġdid. Tista’ tibbenefika int stess meta tkun parti minn din l-iskema b’diversi modi, pereżempju:
- Li taħdem ma’ imprenditur ħerqan ġdid jista' jwassal għal ideat innovattivi, għarfien u ħiliet ġodda għan-negozju tiegħek.
- Jista’ jkollok il-possibbiltà li titgħallem dwar swieq barranin, dan jista’ jwassal għal opportunitajiet ta’ tkabbir tan-negozju tiegħek u involviment f’attivitajiet transkonfinali.
- Jista’ jkollok l-opportunità biex ittejjeb il-ħiliet lingwistiċi tiegħek.
Kif tapplika bħala l-parti li tospita
X’għandek bżonn biex tipparteċipa bħala ospitant fil-programm
- Jeħtieġ li tkun resident permanenti f'Pajjiż Membru tal-UE jew xi pajjiż ieħor parteċipanti.
- Trid tipprovdi s-CV tiegħek (li tispeċifika l-esperjenza imprenditorjali tiegħek – minimu ta' 3 snin - u informazzjoni dwar in-negozju attwali).
- Trid tkun kapaċi turi l-motivazzjoni tiegħek li tipparteċipa fl-iskema
Tista' taqra aktar dwar xi jkun jinvolvi r-rwol tiegħek fil-gwida għall-imprendituri ospitanti en