Kummerċ elettroniku, bejgħ mill-bogħod u barra mil-lok tan-negozju

Informazzjoni bil-quddiem lill-klijenti

Qabel ma tikkonkludi l-kuntratt mal-klijent tiegħek, għandek tipprovdilhom l-informazzjoni li ġejja b'format ċar u li jinftiehem:

Dettalji dwarek

• l-identità tiegħek
• l-indirizz fiżiku u l-email tiegħek
• in-numru tat-telefown (jekk disponibbli)

Oġġetti u servizzi

• il-karatteristiċi ewlenin tal-oġġetti jew tas-servizzi

Konsenja u ritorni

Ir-regoli dwar ir-ritorni f'dan il-kuntest jirrelataw mad-dritt tal-irtirar tal-konsumatur (mhux man-nonkonformità tal-prodott)

• jekk japplikawx restrizzjonijiet fuq il-forniment
• arranġamenti ta' konsenja
• l-obbligu tal-klijent li jħallas l-oġġetti ritornati u stima dwar l-ispiża li jirritornahom jekk ma jistgħux normalment ikunu ritornati bil-posta (p.e. oġġetti goffi) (jekk ma tinformax lill-klijent minn qabel se tkun responsabbli għall-ispiża tal-oġġetti ritornati)

Prezzijiet, pagamenti u spejjeż

• il-prezz tal-oġġetti jew tas-servizz - li jinkludi kwalunkwe spiża addizzjonali, bħat-taxxi, l-ispejjeż tal-konsenja u l-posta, eċċ.
• il-mezzi aċċettabbli ta' pagament
• l-arranġamenti għal pagament
• l-ispejjeż lill-klijent — meta jikkuntattjak biex jikkonkludi l-kuntratt — jekk ikunu 'l fuq mir-rata bażika (p.e. il-prezzjijiet ta' telefonati bir-rati primjum għall-kuntratti li jiġu konklużi bit-telefown)
• il-kundizzjonijiet għal kull depożitu li jrid jitħallas
• il-kundizzjonijiet ta' kwalunkwe garanzija finanzjarja mogħtija

Jekk tixtieq tiċċarġja lill-klijent għal xi mezz speċifiku ta' pagament bħall-karta ta' kreditu, il-ħlas qatt ma jista' jkun aktar għali minn kemm fil-fatt jiswik biex tipproċessa l-pagament. F'xi pajjiżi dawn it-tariffi jistgħu fil-fatt ikunu pprojbiti għalkollox.

Kodiċi ta' kondotta u kundizzjonijiet kuntrattwali

• Kif taċċessa kwalunkwe kodiċi ta' kondotta li tapplika
• it-tul ta' żmien tal-kuntratt u l-kundizzjonijiet biex wieħed itemmu

Dritt tal-irtirar mill-kuntratt

• il-kundizzjonijiet, il-limiti ta' żmien u l-proċeduri
• il-formola ta' rtirar speċifika
• l-obbligu tal-klijent li jħallas għal kwalunkwe servizzi (jew utilitajiet pubbliċi) fornuti diġà matul il-perjodu ta' rtirar, p.e. jekk ikun talab biex is-servizzi jingħataw immedjatament wara l-konklużjoni tal-kuntratt u mbagħad iddeċieda li jirtira mill-kuntratt
• l-obbligu tal-klijent li jħallas għall-oġġetti ritornati u stima tal-ispiża ta' oġġetti ritornati li ma jistgħux normalment ikunu ritornati bil-posta (p.e. oġġetti goffi)
• l-imġiba li ttellef id-dritt tal-irtirar (p.e. il-ftuħ ta' DVD jew CD issiġillat)
• l-imġiba fejn id-dritt tal-irtirar ma japplikax (p.e. regoli għall-oġġetti li jiskadu). F'każijiet ta' din ix-xorta ma jeħtiġlekx tinforma dwar ir-regoli t'hawn fuq dwar id-dritt tal-irtirar.

Tista' ssib kampjuni ta' testi li juruk kif tagħti l-informazzjoni dwar il-kundizzjonijiet tal-irtirar fl-anness I tad-Direttiva.

Garanziji u soluzzjoni ta' tilwim

• l-arranġamenti biex ikunu mmaniġġjati lmenti
• l-iskemi disponibbli barra mill-qorti għas-soluzzjoni ta' tilwim
• in-nota ta' tfakkir dwar il- garanzija legali għall-oġġetti
• kundizzjonijiet għas-servizz ta' wara l-bejgħ jew garanziji kummerċjali

Kif għandek tipprovdi din l-informazzjoni?

Għandek tipprovdi fuq kollox l-informazzjoni msemmija hawn fuq b'mod ċar u faċli li jinftiehem.

Qabel ma l-klijent jagħmel l-ordni tiegħu (jikklikkja buttuna ħallas/ixtri) u viċin il-buttuna ħallas/ixtri għandek ukoll b'mod ċar u prominenti tindika:

• il-karatteristiċi ewlenin tal-oġġetti jew tas-servizzi
• il-prezz totali, inklużi l-ispejjeż addizzjonali
• it-tul ta' żmien u l-kundizzjonijiet biex wieħed itemm il-kuntratt
• iż-żmien minimu tal-obbligi tal-konsumatur skont il-kuntratt (jekk ikun hemm wieħed)

Il-klijenti għandha wkoll tingħatalhom l- opportunità li jirrikonoxxu li l-ordni tobbligahom li jħallsu. Pereżempju: il-buttuna "Konferma tal-Ordni" għandha b'mod ċar tindika l-funzjoni tagħha, p.e. ikun fiha t-test "Ordna u Ħallas".

Kaxex immarkati minn qabel

Ma tistax tuża kaxxi ttikkjati minn qabel meta titlob pagamenti addizzjonali għal servizzi li jkunu extra, p.e. l-assigurazzjoni fuq l-ivvjaġġar meta jsir ibbukkjar ta' titjira. Il-klijenti dejjem għandhom jingħataw il- possibbiltà li jaqblu espliċitament dwar kwalunkwe pagament addizzjonali.

Bejgħ ta' kontenut diġitali

Jekk tbigħ kontenut diġitali bħal mużika, vidjows jew software online, għandek ukoll tinforma l-klijenti dwar:

• l- interoperabbiltà tal-kontenut ma' hardware u ma' software rilevanti;
• il- funzjonalità tal-kontenut — bħal kwalunkwe restrizzjoni ġeografika fl-użu u jekk titħalliex tagħmel kopji għal użu personali.

Hekk kif il-klijent jibda jaċċessa l-kontenut — bl- iddawnlowdjar, l-istreaming jew mod ieħor — hu ma jkunx jista' jirtira mill-kuntratt miegħek.

Madankollu l-ewwel għandek tagħti lill-konsumaturi l-opportunità li jaqblu b'mod espliċitu dwar dan u li tirrikonoxxi li jitilfu d-dritt tagħhom li jirtiraw hekk kif jibdew jiddawnlowdjaw, eċċ.

Jeħtieġlek ukoll tinkludi konferma ta' dan il-ftehim u konferma ta' riċevuta fil-konferma tal-kuntratt li tibgħatilhom.

Komunikazzjoni bit-telefown wara l-bejgħ

Jekk tipprovdi linja diretta tat-telefown għal mistoqsijiet/ilmenti tal-klijenti dwar kuntratti li jkunu kkonkludew, jeħtieġlek tiżgura li t-telefonati jitħallsu bi prezzijiet ta' rata bażika.

Ma tistax tuża linji tat-telefown b'rati primjum għal dan il-għan.

Informazzjoni bil-quddiem lill-klijenti

Qabel ma tikkonkludi l-kuntratt mal-klijent tiegħek, għandek tipprovdilhom l-informazzjoni li ġejja b'format ċar u li jinftiehem:

Dettalji dwarek

• l-identità tiegħek
• l-indirizz fiżiku u l-email tiegħek
• in-numru tat-telefown (jekk disponibbli)

Oġġetti u servizzi

• il-karatteristiċi ewlenin tal-oġġetti jew tas-servizzi

Konsenja u ritorni

• jekk japplikawx restrizzjonijiet fuq il-forniment
• arranġamenti ta' konsenja
• l-obbligu tal-klijent li jħallas għall-oġġetti ritornati u stima tal-ispiża tar-ritorn tagħhom jekk ma jistgħux normalment ikunu ritornati bil-posta (speċjalment oġġetti goffi)

Prezzijiet, pagamenti u spejjeż

• il-prezz tal-oġġetti jew tas-servizz - li jinkludi kwalunkwe spiża addizzjonali, bħat-taxxi, l-ispejjeż tal-konsenja u l-posta, eċċ.
• il-mezzi aċċettabbli ta' pagament
• l-arranġamenti għal pagament
• l-ispejjeż lill-klijent — meta jikkuntattjak biex jikkonkludi l-kuntratt — jekk ikunu 'l fuq mir-rata bażika (p.e. il-prezzjijiet ta' telefonati bir-rati primjum għall-kuntratti li jiġu konklużi bit-telefown)
• il-kundizzjonijiet għal kull depożitu li jrid jitħallas
• il-kundizzjonijiet ta' kwalunkwe garanzija finanzjarja mogħtija

Jekk tixtieq tiċċarġja lill-klijent għal xi mezz speċifiku ta' pagament bħall-karta ta' kreditu, il-ħlas qatt ma jista' jkun aktar għali minn kemm fil-fatt jiswik biex tipproċessa l-pagament. F'xi pajjiżi dawn it-tariffi jistgħu fil-fatt ikunu pprojbiti għalkollox.

Kodiċi ta' kondotta u kundizzjonijiet kuntrattwali

• kif taċċessa kwalunkwe kodiċi ta' kondotta li tapplika
• it-tul ta' żmien tal-kuntratt u l-kundizzjonijiet biex wieħed itemmu

Dritt tal-irtirar mill-kuntratt

• il-limiti ta' żmien u l-proċeduri
• il-formola ta' rtirar speċifika
• l-obbligu tal-klijent li jħallas għal kwalunkwe servizzi (jew utilitajiet pubbliċi) fornuti diġà matul il-perjodu ta' rtirar, p.e. jekk ikun talab biex is-servizzi jingħataw immedjatament wara l-konklużjoni tal-kuntratt u mbagħad iddeċieda li jirtira mill-kuntratt
• kwalunkwe eċċezzjonijiet mid-dritt tal-irtirar (p.e. oġġetti li jmorru) jew atti li jċedu d-dritt (p.e. it-tneħħija tas-siġill ta' DVD jew ta' CD issiġillati)

Tista' ssib kampjuni ta' testi li juruk kif tagħti l-informazzjoni dwar il-kundizzjonijiet tal-irtirar fl-anness 1 tad-Direttiva.

Garanziji u soluzzjoni ta' tilwim

• l-arranġamenti biex ikunu mmaniġġjati lmenti
• l-iskemi disponibbli barra mill-qorti għas-soluzzjoni ta' tilwim
• in-nota ta' tfakkir dwar il- garanzija legali għall-oġġetti
• il-kundizzjonijiet għas-servizz ta' wara l-bejgħ jew garanziji kummerċjali

Kif għandek tipprovdi din l-informazzjoni?

Għandek tipprovdi fuq kollox l-informazzjoni msemmija hawn fuq b'mod ċar u faċli li jinftiehem.

Qabel ma l-klijent jagħmel l-ordni tiegħu għandek b'mod ċar u prominenti tindika:

• il-karatteristiċi ewlenin tal-oġġetti jew servizzi
• il-prezz totali, inklużi l-ispejjeż addizzjonali
• it-tul ta' żmien u l-kundizzjonijiet biex wieħed itemm il-kuntratt
• iż-żmien minimu tal-obbligi tal-konsumatur skont il-kuntratt (jekk ikun hemm wieħed)

Għandek ukoll tagħti lill-klijenti l- opportunità li jirrikonoxxu li jekk jagħmlu l-ordni jkunu obbligati li jħallsu.

Bejgħ bit-telefown

Malli tibda t-telefonata tiegħek, għandek dejjem tagħti l-identità tiegħek u tgħarraf lin-nies li qed tbigħ xi oġġett. Jeħtieġlek ukoll tagħti l-informazzjoni dwar l-ispejjeż li l-klijent se jkollu jħallas (jekk ikunu 'l fuq mir-rata bażika) meta jikkuntattjak biex tikkonkludu l-kuntratt p.e. il-prezzjijiet ta' telefonati bir-rati primjum għal kuntratti li jiġu konklużi bit-telefown.

Meta tikkonkludi kuntratti bit-telefown fi wħud mill- Istati Membri tal-UE , se jkollok tikkonferma biss l-offerta lill-klijent li hu marbut bil-kuntratt meta jkun iffirma l-offerta.

Bejgħ b'messaġġ miktub bil-mowbajl (jew simili)

Jekk il-mezz ta' bejgħ jagħmilha teknikament diffiċli għalik li tagħti din l-informazzjoni kollha - p.e. kuntratti konklużi permezz ta' messaġġ miktub bil-mowbajl - tista' tagħti ammont limitat ta' informazzjoni, bħal:

• l-identità tiegħek
• il-karatteristiċi ewlenin tal-oġġetti jew tas-servizzi
• il-prezz totali
• id-dritt ta' rtirar
• it-tul ta' żmien u l-kundizzjonijiet biex wieħed itemm il-kuntratt
• il-link għal sors ieħor (p.e. sit web) għal-lista sħiħa ta' informazzjoni

Komunikazzjoni bit-telefown wara l-bejgħ

Jekk tipprovdi linja diretta tat-telefown għal mistoqsijiet/ilmenti tal-klijenti dwar kuntratti li jkunu kkonkludew, jeħtieġlek tiżgura li t-telefonati jitħallsu bi prezzijiet ta' rata bażika.

Ma tistax tuża linji tat-telefown b'rati primjum għal dan il-għan.

Konferma tal-kuntratt

Jeħtieġlek tipprovdi l-informazzjoni meħtieġa bil-miktub meta tikkonferma l-kuntratt. Il-konferma għandha tkun b'format durabbli (ittra, email, eċċ.), iżda tista' tibgħat ukoll il-konferma f'kont personali fis-sit web tiegħek li l-klijent għandu aċċess esklużiv għalih.

Trid tikkonferma l-kuntratt kemm jista' jkun malajr mhux aktar tard mill-konsenja tal-oġġetti jew qabel ma jibda s-servizz.

Konferma tal-kuntratt

Jeħtieġlek tipprovdi l-informazzjoni meħtieġa bil-miktub meta tikkonferma l-kuntratt. Il-konferma għandha tkun b'format durabbli (ittra, email, eċċ.), iżda tista' tibgħat ukoll il-konferma f'kont personali fis-sit web tiegħek li l-klijent għandu aċċess esklużiv għalih.

Trid tikkonferma l-kuntratt kemm jista' jkun malajr mhux aktar tard mill-konsenja tal-oġġetti jew qabel ma jibda s-servizz.

Irtirar minn kuntratt

Meta jista' jirtira l-klijent tiegħek mill-kuntratt?

Jekk tajt l-informazzjoni neċessarja kollha dwar id-dritt ta' rtirar, il-klijent tiegħek għandu 14-il jum biex jirtira mill-kuntratt - mingħajr penali u mingħajr ma jkollu għaliex jagħti kwalunkwe raġuni:

• Għal oġġetti – dan ifisser 14-il jum wara l-konsenja
• Għal servizzi – dan ifisser 14-il jum wara li jkun konkluż il-kuntratt

Kuntratti mħallta

Għall-kuntratti mħalltin, bħal dawk li joffru oġġetti bħala l-fokus ewlieni tal-kuntratt - b'servizzi addizzjonali - il-piż se jkun fuq id-dritt tal-irtirar tal-oġġetti, p.e. sa 14-il jum wara l-konsenja. Għas-servizzi bħala l-fokus ewlieni - b'oġġetti addizzjonali - il-piż se jkun fuq id-dritt tal-irtirar tas-servizzi, p.e. sa 14-il jum mill-konklużjoni tal-kuntratt.

Fi kwalunkwe każ, il-perjodu jkun estiż għall-jum tax-xogħol li jmiss jekk dan jintemm fi tmiem il-ġimgħa jew btala pubblika.

Jekk inqast milli tipprovdi l-informazzjoni kollha meħtieġa, il-klijent għandu sena sħiħa addizzjonali biex jirtira mill-kuntratt. Jekk f'xi punt matul dan il-perjodu ta' sena tipprovdi l-informazzjoni, il-perjodu ta' rtirar ta' 14-il jum jibda minn dak il-ħin.

X'inhuma l-obbligi tiegħek wara li l-konsumatur jirtira mill-kuntratt?

Għandek trodd lura l-flus li rċevejt mingħand il-klijent tiegħek (jew tikkanċella l-pagament tiegħu) fi żmien 14-il jum minn meta tiġi nnotifikat li se jirtira.

Tista' żżomm dan ir-rimborż sakemm tirċievi l-oġġetti lura mingħand il-klijent, jew tal-anqas sa meta tirċievi evidenza li fil-fatt ikun bagħathom.

Min iħallas xiex?

Il- Klijent iħallas l-ispiża biex jirritorna l-oġġetti (sakemm ma tkunx inqast milli tinformah dwar dan minn qabel — f'dan il-każ tkun ir-responsabbiltà tiegħek li tħallas dawn l-ispejjeż).

In-negozju tiegħek għandu jirrimborża l- ispejjeż oriġinali tal-konsenja, iżda mhux kwalunkwe spiża addizzjonali jekk il-klijent għażel konsenja aktar għalja (p.e. express) bħala opzjoni ta' konsenja milli konsenja standard.

Obbligi tal-Klijent

Qabel ma jirtira, il-klijent jista' biss jiċċekkja l-oġġetti bħallikieku kien jinsab f'ħanut, li jippermettilu jikkonferma li l-oġġett hu dak li ordna.

Jekk il-klijent ikun fil-fatt uża l-oġġetti qabel ma jibgħathom lura, tista' titlob għal kumpens tal-valur imnaqqas minħabba l-użu tagħhom.

Irtirar minn servizzi

Jekk, fuq it-talba tal-klijent, inti bdejt twettaq is-servizz ordnat — p.e. l-installazzjoni ta' sistema ta' allarm — qabel ma jiskadi l-perjodu tad-dritt ta' rtirar, u l-klijent imbagħad jiddeċiedi li jirtira, hu għandu jħallsek għas-servizzi li tkun ipprovdejt sa dak il-punt.

Meta ma jistax jirtira l-klijent tiegħek?

L-eċċezzjonijiet ewlenin għar-regoli dwar l-irtirar huma jekk il-kuntratt kien għal:

• servizz li inti diġà wettaqt kompletament (bi ftehim mal-klijent tiegħek) qabel ma l-klijent jiddeċiedi li jirtira
• merkanzija li tiskadi (eż. ċerti oġġetti tal-ikel)
• oġġetti siġillati li ma jistgħux jintbagħtu lura wara li jkunu miftuħa għal raġunijiet ta' iġjene
• oġġetti mfassla apposta u żviluppati skont l-ispeċifikazzjonijiet tal-klijent jew personalizzati b'mod ċar
• media siġillata (awdjo rekordings, vidjow rekordings jew software) li l-klijent neħħielhom is-siġill
• gazzetti jew magażins (iżda l-irtirar minn abbonamenti hu possibbli)
• akkomodazzjoni waqt btala, kiri ta' karozza, catering jew servizzi ta' divertiment (jekk impenjajt ruħek li twettaq dawn is-servizzi f'data speċifika jew f'perjodu speċifiku)

Irtirar minn kuntratt

Meta jista' jirtira l-klijent tiegħek mill-kuntratt?

Jekk tajt l-informazzjoni neċessarja kollha dwar id-dritt ta' rtirar, il-klijent tiegħek għandu 14-il jum biex jirtira mill-kuntratt - mingħajr penali u mingħajr ma jkollu għaliex jagħti kwalunkwe raġuni:

• Għal oġġetti – dan ifisser 14-il jum wara l-konsenja
• Għal servizzi – dan ifisser 14-il jum wara li jkun konkluż il-kuntratt

Kuntratti mħallta

Għall-kuntratti mħalltin, bħal dawk li joffru oġġetti bħala l-fokus ewlieni tal-kuntratt - b'servizzi addizzjonali - il-piż se jkun fuq id-dritt tal-irtirar tal-oġġetti, p.e. sa 14-il jum wara l-konsenja. Għas-servizzi bħala l-fokus ewlieni - b'oġġetti addizzjonali - il-piż se jkun fuq id-dritt tal-irtirar tas-servizzi, p.e. sa 14-il jum mill-konklużjoni tal-kuntratt.

Fi kwalunkwe każ, il-perjodu jkun estiż għall-jum tax-xogħol li jmiss jekk dan jintemm fi tmiem il-ġimgħa jew btala pubblika.

Jekk inqast milli tipprovdi l-informazzjoni kollha meħtieġa, il-klijent għandu sena sħiħa addizzjonali biex jirtira mill-kuntratt. Jekk f'xi punt matul dan il-perjodu ta' sena tipprovdi l-informazzjoni, il-perjodu ta' rtirar ta' 14-il jum jibda minn dak il-ħin.

X'inhuma l-obbligi tiegħek wara li l-konsumatur jirtira mill-kuntratt?

Għandek trodd lura l-flus li rċevejt mingħand il-klijent tiegħek (jew tikkanċella l-pagament tiegħu) fi żmien 14-il jum minn meta tiġi nnotifikat li se jirtira.

Tista' żżomm dan ir-rimborż sakemm tirċievi l-oġġetti lura mingħand il-klijent, jew tal-anqas sa meta tirċievi evidenza li fil-fatt ikun bagħathom.

Min iħallas xiex?

Il- Klijent iħallas l-ispiża biex jirritorna l-oġġetti (sakemm ma tkunx inqast milli tinformah dwar dan minn qabel — f'dan il-każ tkun ir-responsabbiltà tiegħek li tħallas dawn l-ispejjeż).

In-negozju tiegħek għandu jirrimborża l- ispejjeż oriġinali tal-konsenja, iżda mhux kwalunkwe spiża addizzjonali jekk il-klijent għażel konsenja aktar għalja (p.e. express) bħala opzjoni ta' konsenja milli konsenja standard.

Obbligi tal-Klijent

Qabel ma jirtira, il-klijent jista' biss jiċċekkja l-oġġetti bħallikieku kien jinsab f'ħanut, li jippermettilu jikkonferma li l-oġġett hu dak li ordna.

Jekk il-klijent ikun fil-fatt uża l-oġġetti qabel ma jibgħathom lura, tista' titlob għal kumpens tal-valur imnaqqas minħabba l-użu tagħhom.

Irtirar minn servizzi

Jekk, fuq it-talba tal-klijent, inti bdejt twettaq is-servizz ordnat — p.e. l-installazzjoni ta' sistema ta' allarm — qabel ma jiskadi l-perjodu tad-dritt ta' rtirar, u l-klijent imbagħad jiddeċiedi li jirtira, hu għandu jħallsek għas-servizzi li tkun ipprovdejt sa dak il-punt.

Meta ma jistax jirtira l-klijent tiegħek?

L-eċċezzjonijiet ewlenin għar-regoli dwar l-irtirar huma jekk il-kuntratt kien għal:

• servizz li inti diġà wettaqt kompletament (bi ftehim mal-klijent tiegħek) qabel ma l-klijent jiddeċiedi li jirtira
• merkanzija li tiskadi (eż. ċerti oġġetti tal-ikel)
• oġġetti siġillati li ma jistgħux jintbagħtu lura wara li jkunu miftuħa għal raġunijiet ta' iġjene
• oġġetti mfassla apposta u żviluppati skont l-ispeċifikazzjonijiet tal-klijent jew personalizzati b'mod ċar
• media siġillata (awdjo rekordings, vidjow rekordings jew software) li l-klijent neħħielhom is-siġill
• gazzetti jew magażins (iżda l-irtirar minn abbonamenti hu possibbli)
• akkomodazzjoni waqt btala, kiri ta' karozza, catering jew servizzi ta' divertiment (jekk impenjajt ruħek li twettaq dawn is-servizzi f'data speċifika jew f'perjodu speċifiku)

Kunsinna tal-oġġetti

Sakemm ma jkunx miftiehem mod ieħor fil-kuntratt, trid twassal l-oġġetti mingħajr dewmien żejjed, sa mhux aktar tard minn 30 jum wara li jiġi konkluż il-kuntratt.

Jekk ma tistax twassalhom fi żmien 30 jum jew iż-żmien miftiehem, il-klijent jista' jitlob li inti tikkonsenjahom f'perjodu ta' żmien addizzjonali.

Jekk inti tonqos milli twasslu fi żmien dan il-perjodu addizzjonali, il-klijent jista' jtemm il-kuntratt u jitlob li jingħata flusu lura.

Eċċezzjoni

F'każijiet fejn id-data tal-konsenja speċifikata hi essenzjali (p.e. libsa tat-tieġ), il-klijent jista' jtemm il-kuntratt immedjatament u hu intitolat għal rimborż sħiħ jekk l-oġġett ma jiġix ikkonsenjat fid-data li oriġinalment sar qbil dwarha.

Ir-riskju ta' xi danni lill-oġġetti matul il-konsenja hu tiegħek, sakemm ma kienx il-klijent li organizza l-konsenja u kkummissjona lit-trasportatur. Inti dejjem responsabbli għal dak li jiġri mill-oġġetti meta dawn ikunu qed jinġarru minn trasportatur imqabbad minnek.

Konsenja tal-oġġetti

Sakemm ma jkunx miftiehem mod ieħor fil-kuntratt, trid twassal l-oġġetti mingħajr dewmien żejjed, sa mhux aktar tard minn 30 jum wara li jiġi konkluż il-kuntratt.

Jekk ma tistax twassalhom fi żmien 30 jum jew iż-żmien miftiehem, il-klijent jista' jitlob li inti tikkonsenjahom f'perjodu ta' żmien addizzjonali.

Jekk inti tonqos milli twassalhom fi żmien dan il-perjodu addizzjonali, il-klijent jista' jtemm il-kuntratt u jitlob li jingħata flusu lura.

Eċċezzjoni

F'każijiet fejn id-data tal-konsenja speċifikata hi essenzjali (p.e. libsa tat-tieġ), il-klijent jista' jtemm il-kuntratt immedjatament u hu intitolat għal rimborż sħiħ jekk l-oġġett ma jiġix ikkonsenjat fid-data li oriġinalment sar qbil dwarha.

Ir-riskju ta' xi danni lill-oġġetti matul il-konsenja hu tiegħek, sakemm ma kienx il-klijent li organizza l-konsenja u kkummissjona lit-trasportatur. Inti dejjem responsabbli għal dak li jiġri mill-oġġetti meta dawn ikunu qed jinġarru minn trasportatur imqabbad minnek.