Miżati tal-università u għajnuna finanzjarja
Miżati u għotjiet ta' flus għall-korsijiet
Il-miżati tal-universitajiet fl-Ewropa en jvarjaw konsiderevolment – filwaqt li f'xi wħud mill-pajjiżi tal-UE l-ammissjoni għall-edukazzjoni terzjarja hi bla ħlas, f'universitajiet oħrajn din tista' tkun tassew għalja. L-appoġġ finanzjarju f'forma ta' boroż ta' studju, għotjiet u self jiddependu wkoll minn kriterji differenti.
Ħarsa ġenerali tal-istrutturi tal-miżati u tal-għotjiet
Madankollu, bħala ċittadin tal-UE li jkun qed jistudja f'università f'pajjiż ieħor tal-UE:
- int ma tistax tkun imġiegħel tħallas miżati ogħla għall-kors.
- int għandek id-dritt għall-istess għotjiet ta' flus biex tagħmel tajjeb għall-miżati bħaċ-ċittadini ta' dak il-pajjiż.
Twissija
Dan it-trattament ma japplikax neċessarjament għall-appoġġ jew l-għotjiet jew self ta' manteniment. Madankollu wħud mill-pajjiżi jistgħu jagħżlu li jipprovdu għotjiet ta' manteniment lil studenti barranin, fuq inizjattiva tagħhom.
Studenti barranin li diġà huma residenti
Anki jekk m'intix ċittadin tal-pajjiż fejn tixtieq tistudja, jekk ilek tgħix hemm għal ħames snin jew aktar, int għandek id-dritt għall-għotja ta' manteniment bl-istess kundizzjonijiet bħaċ-ċittadini ta' dak il-pajjiż. Jekk tiddeċiedi li tistudja f’pajjiż ieħor tal-UE, fejn m’għandek ebda dritt ta’ residenza, jistgħu japplikaw regoli u kundizzjonijiet speċjali, iċċekkja l-portal tal-UE dwar l-immigrazzjoni għal aktar informazzjoni en es fr pt.
Għajnuna finanzjarja skont il-pajjiż
Agħżel il-pajjiż
Sib u qabbel l-għotjiet u l-boroż ta' studju ewlenin fil-pajjiżi tal-UE en (u lil hinn minnha).
Għal informazzjoni dwar l-għotjiet ta' flus għal studju f'pajjiż barrani, tista' wkoll tikkuntattja l-ministeru tal-edukazzjoni nazzjonali ta' pajjiżek.
Jekk tagħżel li tistudja f'pajjiż barrani, xorta waħda tista' takkwista għotja ta' flus għall-manteniment minn pajjiżek. Dan jiddependi mill-awtoritajiet nazzjonali ta' pajjiżek. Madankollu, għotjiet ta' flus ta' din ix-xorta jistgħu jkunu disponibbli għal perjodu limitat ta' żmien.
Storja bħala eżempju
Iċċekkja l-kundizzjonijiet marbutin mal-għotjiet għall-istudenti ta' pajjiżek
Johs hu Daniż li ddeċieda li jibda kors ta' Master's ta' sentejn fin-Netherlands wara erba' snin jistudja fl-Istati Uniti. F'dak iż-żmien, il-Gvern Daniż kien jipprovdi għotjiet ta' flus għall-manteniment ta' studenti Daniżi għal massimu ta' sitt snin. Madankollu, kien hemm limitu ta' erba' snin għan-numru ta' snin li student Daniż seta' jirċievi din l-għotja ta' flus jekk l-istudji tiegħu ma jsirux fid-Danimarka. Johs ma kienx jaf b’din il-kundizzjoni billi kien ilu jirċievi l-għotja ta' flus fl-Istati Uniti għal erba' snin, hu sfortunatament spiċċa mingħajr għotja matul il-kors tiegħu fin-Netherlands.