Breith a chlárú

Tá sé éigeantach breith a chlárú i ngach tír den Aontas ach athraíonn na rialacha agus na coinníollacha chun é sin a dhéanamh ó thír go tír. I roinnt tíortha, is féidir an próiseas clárúcháin a chur i gcrích ar líne nó san ospidéal inar rugadh an leanbh. I dtíortha eile, ní mór duit breith do linbh a chlárú go pearsanta in oifig an riaracháin áitiúil ábhartha, agus b’fhéidir go mbeidh ort táille a íoc. Ní mór duit cloí le haon spriocdháta clárúcháin atá i bhfeidhm i do thír féin, nó d’fhéadfá a bheith faoi réir pionós.

Chun an próiseas clárúcháin a chur i gcrích, beidh ort doiciméid áirithe a thaispeáint agus eolas sonrach a thabhairt. Áirítear leis sin eolas pearsanta faoi do leanbh (e.g. ainm/ainmneacha agus inscne) agus fútsa mar thuismitheoir/tuismitheoirí (e.g. ainm, gairm bheatha). Beidh na rialacha maidir le cé atá in ann breith a chlárú agus na doiciméid a theastaíonn ag brath ar do chás ar leith agus tá siad sainithe ag rialacha náisiúnta.

Nuair a bheidh an próiseas clárúcháin críochnaithe, de ghnáth eiseofar teastas breithe duit ar an láthair i gcás clárúcháin i bpearsa. I gcás clárúcháin ar líne, gheobhaidh tú an teastas breithe tríd an bpost nó go digiteach. I gcás áirithe, seans go mbeidh ort táille a íoc.
Má rugadh do leanbh thar leat, beidh ort rialacha clárúcháin na tíre inar rugadh do leanbh a leanúint. Mar sin féin, is gnách go mbeidh tú in ann an bhreith a chlárú i do thír dhúchais freisin.

Chun tuilleadh eolais a fháil maidir le breith a chlárú, féach suíomh gréasáin na tíre ábhartha den Aontas thíos.