Neil Armstrong

Neil Alden Armstrong (ganet d'ar 5 a viz Eost 1930 e Wapakoneta, Ohio; marvet d’ar 25 a viz Eost 2012 e Columbus, Ohio) a oa un nijour ha levier arnodiñ en aervorlu amerikan a-raok mont da astraer e 1962. An den kentañ da gerzhet war al Loar eo, d'an 21 a viz Gouhere 1969 e-kerzh ar gefridi Apollo 11 eus ar programm Apollo. Gant Buzz Aldrin e tremenas div eurvezh hanter oc'h ergerzhet gorread an adplanedenn tra m'edo Michael Collins o kelc'htreiñ tro-dro dezhi.