Neil Armstrong

Si Neil Alden Armstrong (Wapakoneta, Ohio, Agosto 5, 1930 - Agosto 25, 2012 Columbus, Ohio]) sarong dating astronuta kan NASA asin siya an enot na nakatongtong sa daga kan bulan nin kinaban kan Hulyo 21, 1969, sa sarong misyon kan Apollo II. Si Armstrong iyo an nagbutas kan historikong tataraman na "Iyan an sarong lakad nin (sarong) tawo, sarong higanteng lukso para sa katauhan" (That's one small step for a man, one giant leap for mankind). Kaiba niya sa misyon na ini si Buzz Aldrin asin pareho sinda naglakawlakaw sa ibabaw kan bulan sa pagmasid asin pagretrato manta na minilyon na tawo an nagdadalan sa pangyayaring ini.

Bago siya nagin astronuta, si Armstrong yaon sa Pwersang Pandagat kan Estados Unidos asin nagserbi sa Gerang Koreano. Dangan, pakatapos kan gera, siya nagserbi bilang test pilot sa National Advisory Committee for Aeronautics (NACA) High-Speed Flight Station, ngonyan inaapod nang Dryden Flight Research Center, kun saen siya nakapagpalupad nin sobra sa 900 na paglayog nin iba-ibang klaseng eroplano. Bilang research pilot, si Armstrong nagserbi komo piloto sa proyektong F-100 Super Sabre A and C variants, F-101 Voodoo, asin sa Lockheed F-104A Starfighter. Nakapagpalupad naman siya kan manlaenlaen na mga eroplano arog kan Lockheed F-104A Starfighter, Bell X-1B, Bell X-5, North American X-15, F-105 Thunderchief, F-106 Delta Dart, B-47 Stratojet, KC-135 Stratotanker asin Paresev. Siya naggradwar sa Unibersidad kan Purdue asin sa Unibersidad kan Southern California.

Bilang partisipante sa inapod na U.S. Air Force's Man In Space Soonest (E.U. Pwersang Pang-ayreng Programa na, Tawo sa Espasyo Tolostolos) asin sa X-20 Dyna-Soar human spaceflight programs (Programa kan X-20 Dyna-Soar sa pangtawong paglayog sa espasyo), si Armstrong nakabali NASA Astronaut Corps kan 1962. An enot niyang palayog-espasyo iyo an NASA GFemini Mission kan 1966, na igdi siya an namamayong piloto asin siya nagin saro sa pinakaenot na mga sibilyan na magpalayog sa espasyo. Sa misyon na ini ginibo niya asin ni David Scott an pinakaenot na pagtakodan nin duwang spacecraft. An ikaduwa asin ultimong palayog-espasyo na ginibo ni Armstrong iyo an bilang pamayo kan misyon kan Apollo II na iyo an paghugpa sa bulan kan Hulyo 20, 1969. Sa misyon na ini, kapwa si Armstrong asin si Aldrin naghilig sa kadagaan kan bulan asin duwa may bangang oras sinda naglakawlakaw duman manta' na si Michael Collins nagtener sa orbit sa Command Module. Huli sa mga palayog-espasyo niya, si Armstrong nakaresebi kan Congressional Space Medal of Honor.

Kagadanan

Si Amstrong ilinaog sa ospital kan Agosto 7, 2012 sa tuyong maoperararan ta nabara an ibang ugat sa puso alagad huli sa komplikasyon siya nagadan sa ospital sa Columbus, Ohio kan Agosto 25. Kan nagadan, siya nag'eedad na 82. An pasubol na tinaram ni Presidente Obama siya saro "sa nangangaenot na Amerikanong heroe- bako sana sa panahon niya kundi sa gabos na panahon." ^[1]^[2]