星8卦丨「純品」錯愛「怪人」被分手 用附屬咭支持靠「怪人媽」
2024-08-23 11:30 
幸福真係要自己去爭取，尤其係任何一個女人，而你係又靚又叻又有學識。全人類都唔明「純品」點解會鍾意「怪人」，除咗屋企有錢讀得書之外，佢真係一個自視極高，怪癖多多但又有啲才華嘅男人 。
相關閱讀：星8卦丨「嬌嗲」「阿仔」真心相愛結良緣 奶奶變態行徑破壞夫妻關係
「純品」死心眼鍾意，就算全世界話唔對路，尤其係父母更加心痛，個女仲係出身咁好，大把男人任揀啦。「怪人」仲要恃住自己屋企有錢又有專業人士身份，所以未停過係出面媾女，「純品」一直唔信，話係啲女人唔啱，唔怪得啲男人喎。
「怪人」 阿媽係好硬淨，一早認定「純品」係好女仔，所以話畀阿仔知呢個係自己揀選嘅新抱，叫「怪人」好好對人，仲出咗張附屬卡畀「純品」用 。後嚟「怪人」又點都唔肯定落嚟，加埋「純品」真係做老婆人選，一啲都唔好玩，好快就畀人知「怪人」玩到成條街都知，完全唔畀面，「純品」受到屋企壓力亦被「怪人」分手，傷心咗好耐。
咁多年「純品」張附屬卡都仲係用緊，因為「怪人」阿媽太錫佢，見佢又唔係好大駛，一個月幾千蚊找下啲電話費同啲雜費，當阿仔出聲要cut咭，阿媽即刻鬧話佢連呢啲錢到畀唔起咩 ？「純品」終於好快就結婚，「怪人媽」亦好戥佢高興，因為兩個人好似母女咁嘅感情，仲去埋飲封咗大利是 ，價碼大到「純品」眼都紅晒，感動有人咁錫自己，「怪人」而家咪當多咗個妹，反正阿媽鍾意，啲錢又係佢自己搵番嚟，真係話之佢！
其他文章：
星8卦丨「高大媽」阻住阿仔拍拖出奇招 冷飯菜汁招呼「花旦」終分手
星8卦丨「忠心」嫁人被逼增肥扮醜 「高大」大男人真身暴現新婚變分居
星8卦丨「高大」媾錯大嫂 大佬開辣條件懲罰 急娶「忠心」自救害人害己
星8卦丨「骨精」亂投資趁低吸納蝕大本累「長髮」狂接job退唔到休
最新回應