Juicy叮｜呻身邊無朋友感寂寞 中年男：「我個世界窄到一個點」
2022-11-22 10:54 
人愈大愈發覺自己沒有朋友？有港男在網上發文，提到自己人到中年，身邊已沒有太多朋友，並因此感到寂寞，更直言「我個世界窄到一個點」。
該名港男在香港討論區以「人到中年，身邊已經冇咩朋友......好寂寞」為題發文，指在中學畢業時約有6個朋友，在畢業後初期仍會經常相約見面，但逐漸各散東西，當中部分人在結識新朋友後開始有意脫離或不理會他們，亦有人在吵架後「翻咗面」因此不再聯絡，並指其中一名朋友因為其太太任職保險業，經常催促他們購買保險，「買完一份又想下一份，人愈大見住佢變得愈勢利」，因此自己隨後亦未有再聯絡對方。
他提到在步入社會後，曾經以為在工作地點結識到幾名朋友，但對方在轉工後便不再回應短訊，又指近10年曾有過幾份工作，均需要較長時間工作 ，加上自己有修讀碩士，在該幾年「辛苦到暈」，亦沒有時間參加其他活動。
他續指，「如是者，畢業11年過去了，我身邊仲有聯絡嘅得返 : 1個ex，3個中同，1個舊公司識」，並直言「我個世界窄到一個點」。他指，與他們大約一年會相約一次見面吃飯，「見下大家過成點」，但平日不會特地相約，「因為佢哋都另外嘅圈子同自己活動，我唔想打攪佢哋咁多」，又指「有時喺街上見到啲路人一班朋友一齊行街一齊食野一齊傾計，真係好羨慕」。
相關帖文隨即引起熱議，並獲不少網民留言安慰。有人指，「我都冇咩朋友」、「除非做銷售，否則一個就夠」、「其實大部分人都係咁」、「要咁多豬朋狗友幹嘛！？」、「其實要咁多朋友做咩？多朋友就多煩惱又洗得多」、「冇朋友冇咁多錢要用，多啲時間同自己相處做自己野，人愈大愈唔需要太多朋友」等。另有人則建議「自己搵節目，興趣， 我見不少一人去釣魚， 話行就行，佢哋打扮不似一個寂寞人」、「一個人的運動」、「快樂自己發掘」、「你可以去參加多一些社區活動」等。另有人則分享指，「平時，喜歡偷偷地放平日假，一個人去大嶼山行吓，大澳睇吓海，行吓昂坪，梅窩坐吓，遊吓巴士河，睇吓書，思考人生、投資、退休，又一天。還是不用應酬別人好。」
帖文來源：香港討論區
最新回應