吳君如開心重遇崔始源 被陳可辛踢爆愛小鮮肉

崔始源、吳君如、陳可辛、劉嘉玲等前晚出席「M+慈善晚宴2024」，君如主動攬始源，被老公陳可辛爆現在愛「小鮮肉」。君如對於Edan認追林明禎，笑言不敢講二人襯不襯，否認是自己介紹，指Edan沒帶明禎見她。

當晚有過百名粉絲在場外守候始源，當他到場時，全場即大叫，始源親民走到粉絲前跟大家自拍，又化身「吉祥物」逐一同女嘉賓合照，連何超瓊也特地走出會場與始源擁抱、合照。當吳君如與老公陳可辛到場，她也上前攬始源。
君如表示很久沒見始源，早幾年差點有機會合作：「我嗰時做監製，本來佢肯做，但我覺得個角色唔係寫得幾好，不如唔好嘥咗佢。」君如希望日後與崔始源再有合作的機會，提議陳可辛開部電影讓君如和崔始源談情，陳可辛笑指有興趣，又踢爆君如現在喜愛小鮮肉，君如即笑說：「而家再後生即係MC（張天賦），咁始源都係小鮮肉。」另外，問到有否恭喜Edan（呂爵安）？君如即反問「恭喜咩？」反而要陳可辛提醒她Edan正在追求林明禎，但兩人未正式拍拖，問君如覺得兩人是否相襯？她說：「唔敢講呢啲，我冇見過，佢又冇帶過嚟俾我見，我點敢話佢哋襯唔襯！（以為你介紹！）我都唔識（林明禎），我都係拍戲先識到人，年青人自由發展啦！」此外，Edan昨日中秋節則在社交網限時動態晒與邱鋒澤聚會合照，惹網民問是否想借此轉移視線。
劉嘉玲舞台劇加場壓力大
劉嘉玲12月主演舞台劇《香港式離婚》加開18場，門票被秒殺，她表示開心同時壓力大。問到會否再加場？嘉玲大反應笑言：「唔係啩！《煙血紅船》62場，今次58差唔多。（破紀錄100場？）我全年都唔使休息！咁又唔好，唞唞再嚟過。」她表示可考慮開part 2，但要看其他演員，聞言飛債即表示：「唔關我事！」她指很多訓練班老師移民多年都問她是否有飛，她已訂幾千張。問到梁朝偉是否有興趣演舞台劇？嘉玲指曾經有人寫好劇本給偉仔，但偉仔都不做，他對自己要求高。
同場的周汶錡表示多年前見過始源，自爆曾看過Super Junior演唱會，這晚與對方同枱。談到多了活動邀請，她坦言都有人傾母子檔拍廣告，但老公不太想影響兒子讀書。