Pinyin
Pinyin (in et Standaard Sjinees: 拼音; in et Pinyin: pīnyīn) is een offisjeel skriefstelsel um Sjinese karakters umme te zetten in et Latiense alfabet. Et wörd gebroekt in de Volksreppubliek Sjina, Maleisië, Sinjapore en Taiwan. Et wörd ook völle gebroekt um Standaard Sjinees te learen en Sjinese naams in boetenlaandse publikasies te beskriewen. Doarnöast wörd et gebroekt um Sjinese karakters (汉字 / 漢字, hànzì) in komputers in te voren.
In de joaren 50 van et et 20ste joarhoonderd leaden Zhou Youguang nen road, dee met ne verbettering van een eulder systeem an et oetdokteren gungen. Et systeem wör duur de regearing in 1958 in evoord en doarnoa nog een antal moal veraanderd. De Internasjonale Organisasie vuur Standaardisasie nöm Pinyin an as de internasjonale standaard in 1982. In Taiwan wör in et 2009 offisjeel an enömmen. Doar wörd et meestal et Nieje Fonetiese Stelsel eneumd.