Ennymockle

She rang fockle eh ennymockle.

Meenaghey

Dy tradishoonagh, ta meenaghey yn 'ockle çheet er "ennym red, pheiagh, eie, jannoo..." as y lheid.

Ta çhengoayllee meenaghey ennymockle rere'n aght t'ad cochiangle ayns raa, liorish prowal formoil. Un fa dy vel ad credjal shen, shen nagh vel cagh cordail rish meenaghey "nhee"" ny "jannoo".^[1]

"Cre'n sorçh dy ennymockle ta jeerid ny anvea? T'adsyn ny smoo casley rish staydyn na "nheeghyn"; agh dy tradishoonagh, t'ad gra dy vel fockle ta cowraghey stayd ny vreear. Agh ta prowal scaalhean formoil taishbyney dy nee ennymocklyn t'ayn, er y fa dy vel y ghaa cur dy kiart ayns "scoltan" ennymockle, myr sampleyr: foddee ___ cur aggle ort."^[2]

Prowaltyssyn formoil

Ta'n ymmyd jeant jeh ny prowaltyssyn shoh dy gheddyn magh dy nee ennymockle (ny abbyrt ennymocklagh) t'ayn ny dyn.

Reagheyderyn

Ta ennymocklyn ry-akin dy mennick lesh reagheyder. Cha nel reagheyderyn ry-akin agh lesh ennymocklyn. Myr sampleyr:

Row yn coloayrtys anaasagh.
*Row yn coloayrt anaasagh.

'sy Ghaelg (as shiartanse dy hengaghyn elley), ta'n cooish shoh lieh-'ollit dy mennick, er y fa nagh vel eddyrscarrey baghtal eddyr breearyn as ennymocklyn.

Ta'n screeu doillee.

Enmyn as kione ny cass y raa

Prowaltys elley da enmyn, shen my foddee fockle (ny raa) ennagh jannoo obbyr kione ny cass y raa.^[1]

Raaghyn sampleyragh:

Cha nel ___ ry-gheddyn jiu.
Ta ___ er çheu elley yn awin.
Honnick ee ___.
Haink ___ erriu.

(Cha vees dagh ooilley abbyrt ennymocklagh goll dy mie ayns dagh "scoltan" kione ny cass, er coontey keeal y raa ny er coontey abbyr cliaghtagh; Haink y vunscoill erriu ny Ta saveenys er çheu elley yn awin.)

Coardailys breear-kione

Ayns ymmodee çhengaghyn, ta coardailys grammeydagh ennagh eddyr breearyn as king (ayns çhengaghyn elley, ta coardailys eddyr oc as cassyn ny keayrtyn; fir jeu, rish reddyn elley myrgeddin, myr sampleyr, yn eaishtaght). Dy ghra myr shen, ta'n breear caghlaa cummey son dy 'choardrail' rish troyn y chione.

'sy Ghaelg, cha nel monney coardailys, er-lhimmey jeh beggan 'syn emshir ry-heet as y kianglagh.

Hed yn ooh er ee.
Hed shiu er ee.
Hem er ee.

Ta'n sampleyr shoh soilshaghey magh dy nee ooh, shiu ny (in-hoggit) mee kione ny raaghyn heose.

Imraaghyn

↑ ^a ^b Maggie Tallerman (2005). Understanding Syntax, 2oo (Baarle).
↑ Maggie Tallerman (2005). Understanding Syntax, 2oo (Baarle), 30-31. “Baarle: "What sort of nouns are sincerity and turbulence? These seem more like states than 'things', yet a word which expresses a state is supposed to be a verb. But a formal distribution test shows clearly that both words are nouns; they fit another typical noun slot such as: ___ can be frightening"”

[TallermanSyntax-1] Maggie Tallerman (2005). Understanding Syntax, 2oo (Baarle).

[TallermanSyntaxQuote-2] Maggie Tallerman (2005). Understanding Syntax, 2oo (Baarle), 30-31. “Baarle: "What sort of nouns are sincerity and turbulence? These seem more like states than 'things', yet a word which expresses a state is supposed to be a verb. But a formal distribution test shows clearly that both words are nouns; they fit another typical noun slot such as: ___ can be frightening"”

[1]

[2]