Bachinamda
| Yaɣ sheli | nominal locution, name  |
|---|---|
| Pahi la | bachinamdili yɛltɔɣ'ŋmasɔɣu |
| Nahingbaŋ | countability |
| Represents | substance |
Bachinamda nyɛla yuya bachinima din mali tiri ninsalinima, tinsi, binkɔbiri, binvuri ni luɣi shɛŋa din gahim.[1] Di nyɛla yuya bachinima ka di mali tiri binnamdili kam.
Bachinamda zaɣi yini n-nyɛ bachinamdili. Di ni tooi nyɛ tɛha bee haŋkali ni tɛhi gbaai. Shɛhiranima:
- Taani- Zakaria ti ma taani.
- Baa- Baba da baa daani.
- Yɛm - Sana mali yɛm gari Daasu.
- Karimba - Karimba dala loori palli.
Balibu[2]
[mali niŋ | mali mi di yibu sheena n-niŋ]Bachinamdi bɔbigu: Bachinamdi bɔbigu nyɛla bachi shɛŋa din nyɛ yuli n-ti binbɔbigu. Shɛhira; shizɔmli, nyuŋmani, kabɔbili, sɔɣu, dabɔbili.
Bachinamdi maŋa nyɛla bachinamdi shɛŋa ŋan piini ni bachikɔb' karili. Hali lala bachi yi be yɛltɔɣa sunsuuni bee di bahigu. Shɛhiranima: Adam, Tamale, Ghana, Naawuni, Nawunni.
Bachinamdi yari nyɛla bachinamdi shɛŋa ŋan piini ni bachikɔb' bihi di yi yina yɛltɔɣa sunsuuni mini di bahigu, amaa di yi ti yɛn pili yɛltɔɣa di ni tooi pili bachikɔb'karili. Shɛhiranima: noo, bua, dirigu
Bachinamdi sɔɣirili:Nyɛla bachinamdili ŋan ku too nya bee n-shihi. Shɛhira kamani viɛllim, yɛm, suhudoo.
Bachinamdi kaana:Di nyɛla bachinamda shɛŋa ŋan ni tooi kali. Shɛhira. teebuli, baaji, buku, ni din kam pahi.
Bachinamdi din ku tooi kali: lala bachinamda ŋɔ nyɛla bachinamda din ku tooi kali. Misaali. gaali, kom, yalim, tandi.
Kundivihira
[mali niŋ | mali mi di yibu sheena n-niŋ]- ↑ https://www.theidioms.com/nouns/
- ↑ What Is a Noun? (en) (2017-03-21).