Mga Ilokano

Mga Ilokano an ikatolo sa pinakan dakul na etnikong grupong Filipino. Apwera kan apod na Ilocano, inaapod man ninda an saindang mga sadiri na Samtoy hale sa tataramon na Ilokanong "sao mi ditoy" na boot sabihon 'hale sa samong tataramon'. An tataramon na "Ilokano" hale sa tataramon na "Iloko" kan mga etniko sa Kordelyara.^[1]

Hiwas

An mga Ilokano an dominenteng etnikong grupo sa norte-sulnupan na Luzon asin an saindang tataramon iyo an lingua fraca kan rehiyon. Mayoridad an mga Ilokano sa mga provincia kan Ilocos Norte, Ilocos Sur, Abra, La Union, Apayao, Cagayan, Isabela, Nueva Vizcaya, Quirino asin Tarlac. Igwa nin significanteng parte sa populasyon kan mga provincia kan Pangasinan, Nueva Ecija, Aurora, Zambales, Benguet, Batanes, Ifugao, Kalinga asin Mountain Province. Igwa nin mga Ilokano sa mga provincia kan Sur Cotabo asin Sultan Kudarat nin huli sa mga migrasyon na pinaggibo kan govierno. May mga importanteng komunidad nin Ilokano sa Manila asin saen man sa kinaban.^[2]

Demografico

Minaabot sa 9.136 milyon an mga Ilokano. Kadikit kan Ilokano na nag-eerok sa Kordillyera igwa nin dugong Kordilyerano. Nagtataram sinda nin Ilokano na parte kan Northern Philippine subgroup kan Malayo-Polynesian family kan mga tataramon. Nagtataramam man sinda nin Cebuano (sa Mindanaw), Tagalog asin and Ingles bilang ikaduwang mga tataramon. Kadaklan kan mga Ilokano mga Romano Katoliko mientras na significanteng numero kabali sa Simbahan na Aglipayan Church na nagpoon sa Ilocos Norte.^[3]

Toltolan

Pinopoonan an artikulong ini. Makakatabang ka sa Bikol Wikipedia sa pagparambong kaining pahina.

[1] ttps://psa.gov.ph/sites/default/files/PHIILIPPINES_FINAL%20PDF.pdf

[2] ttps://www.encyclopedia.com/humanities/encyclopedias-almanacs-transcripts-and-maps/ilocanos

[3] ttps://joshuaproject.net/people_groups/12212/RP

[1]

[2]

[3]