吳保錡告白女神菊梓喬 望與對方合唱兼約食飯 預告ERROR將出新團歌
更新時間：16:45 2024-07-06
發佈時間：16:45 2024-07-06
發佈時間：16:45 2024-07-06
字體大小
ERROR成員吳保錡與女團Beanies今日（6日）到紅磡出席活動，除了唱歌外，他們亦踩在半圓運動球上玩問答遊戲，保錡指自己從小就踢波，現在就跑步，同時也開始研究其他運動如羽毛球及游水，他笑指自己10多歲時曾考過港青足球，當時有幾百人參加，不過因為太渣未有入選。
早前有報道指保錡棄鍾柔美移情別戀轉冧菊梓喬，問到現時常常與跑友一起到處跑步的保錡，是否有相約對方一起跑？他說：「我有同佢傾關於做運動嘅嘢，因為佢之前隻腳跛咗，佢都有問關於運動嘅嘢。（你好鍾意呢個女神？）菊梓喬不嬲都鍾意，聽咗佢啲歌好多年，佢嘅音樂同佢嘅唱歌，我係好欣賞。」
與女神唱歌一定有Feel！
保錡又謂曾向公司提議，希望兩人能合作出歌，因對方的合唱歌很好聽，問到是否跟對方合唱關於愛情題材的歌會比較有feel？他說：「同女神唱歌一定有feel，你見到一個靚女同佢食飯都特別開心。（有冇約佢食飯？）你提議完我試吓，問吓佢公司同我公司會唔會接洽個project？（唔係傾歌都想約佢傾其他？）都可以試吓，你哋提議完我都可以大膽啲做呢個新嘗試。（大家都single！）感情嘅嘢遲啲講。」保錡又指在奧運前ERROR會出新團歌，不過什麼類型他就先賣關子，而自己今年也想出solo歌曲。
