Kanite Bible Papua New Guinea

Anumayamo'a Haegafa Alino Hagelafilatenea
Kea
1 Kolini
00
11
22
33
44
55
66
77
88
99
10 10
11 11
12 12
13 13
14 14
15 15
16 16
This version of Total HTML Converter is unregistered.
1 Kolini 1 Kolini
<<
00
>>
^
1 Kolini
Poloa nunamu huno muse humaine.
Yisasifema haviya amakupi malenaya veamoya apaseya mainae.
Kalaisia Anumaya Kotina tokiyaa maine.
Poloa Kolini veamogami amametitihe humaine.
Anumaya Koti Avamumoa kanale tagu tagesa nelamie.
Mono aliya vayala Anumaya Koti aliya vaya mainae.
Mono aliya veamoya kamuta vaya kana huya mainae.
Tamakaya Anumaya Kotina alu aotage nomaa mainae.
Veamogami amakia alisaga ohisune.
Anumayamoa agaia aliya vayaamogamina fako nehie.
Kolini mainaya veamoya amakaiami amaki alisaga humainae.
Poloa Nagai auava akave male ho. huno hamapai-maine.
Kumai he yamoa Kolini veapina hane.
Kolini vayamoya kefo yama hisia kanoa anati-taleho. huno humaine.
Yisasi anagamoya neamafugamina kaiyekea hu omatesae.
Mukia laugafa Anumaya Kotina nomaae.
Poloa alavemogami auavafe humaine.
Anumaya Kotima hulatenea auavamo avamete maisune.
Afaa maineya velema omaiya ama oalinaya veamogamife Poloa humaine.
Afa yafe Anumayati maine. huya amametiti nehaya yafe humaine.
Poloa Yisasi aliyama aliana miyama oalinea yafena muse humaine.
Poloa mukia veamogami aliya kano maine.
Tagaya taiyage taiyage huta uvayi huo huno humainele uvayi huta anonaa alisune.
Havigu ayelavataga hisia yapi asaga hu lavisunagi kayeta maisune.
Anumaya Kotiteene Kefo Avamuteene tolemogani anakia alisaka ohiho.
Mukia kanafina Anumaya Koti agi alisaga hisune.
Mono nopima anemoya amanute aiso hisaya yafe humaine.
Kolini veamoya Anumayamo kavema negahena fatago auava kavala nohae.
Yisasia kai hame mayaene nofi alagamo timaaene anagaamogamina amamine.
Tagaitia taguamona fako huta ageteta Anumayamo kavela nesune.
Alu Aotage Avamumoa alua lua tokiya nelamia yafe humaine.
Tagaya mukiamogata nagoke augafamo augafa atupa-tapaa mainone.
Tagaya nagoa veala taipa amamisune.
Anumayamo kea huhaletama hisaya yafena tusiya huno tamahaino.
Mukia Anumayamo agima alisaga hisuna auava kavala fatago kavakeya hisune.
Kalaisia ago fali-mainefiti eteno heti-maine.
Haenagaa mukia fali-mainaya veala hetigahae.
Faliteta hetisuna taugafa haote ya kana hugahie.
Poloa Mone alitalu higena malanageno Yelusalemu vino. huno humaine.
Poloa Kolini mainaya veane momakesia ke humaine.
Poloa nagoa atupa kea humaine.
1 Kolini 1 Kolini
<<
00
>>
2002 Wycliffe Bible Translators, Inc.
1 Kolini 1 Kolini
<<
11
>>
1 Kolini
Poloa Efesusi kumate maineno mani avona Kolini kumate maineya Yisasife haviya
amakupi malenaya veamogamife kae-malene. Yisasia faliteno hetino ikapinaga haitegeno
Poloa tueti talia (23) kafu agava maineno 1 Kolini kea kae-malene. Ani veamoya hagoteya
avona kaeya havigageno kenonaamile mani avona kaeno amamine.
1
1-2
Nagaya Polonae. Anumaya Kotina haigeno nagaila hapalinateno Yisasi Aposolo
kano maiyo. huno humaineafe nagayaene taganatimoa Sosetenesiene mani avona kaetaa
Kolini mainetama Yisasi kea tamametiti hutama Yisasi Kalaisiene ailokaetama mainayafe alu
aotage veane mainae. Mukia kotega veanene Anumayatimo Yisasi Kalaisi agile nunamu
nehaya veanene tamakaifeenena agaia alu aotage veanea maisayafene huno hapalilamatene.
Yisasia amakaiene tagaiene Anumayatimo maine.
3
Anumaya Kotia, Nelafaene Yisasi Kalaisi Anumayatimoene kayone hisaya yaene
tamaipa falu hisia yaene tamamisae.
Poloa nunamu huno muse humaine.
4
Yisasi Kalaisiene ailokaetama maigeno Anumaya Kotia agaia kayone yamaa
tamamineafene huna nagaya mukia kanafina tamakaifena Anumayamotega muse huna
nunamuna nehue.
5-6
Kalaisi kea ago tamahapaugetama havilama hulinetama ani keleti
Anumaya Kotifema havitama tamakupi malayana Yisasiene ailokaetama maigeno Anumaya
Kotia mukia tokiyaa ago tamamineanagitama nagoa veamogamina mani kea hamapaisaya
tokiyatamia hane.
7
Haneanagi meni kanafina Anumayatimoa Yisasi Kalaisima ikapinagati
elavino fufu yatema esiafe tamametitia hutama agava mainageno Alu Aotage Avamumoa
tokiya yamaa kasagoya tamamineana-gitama nago yafena aupa nohae.
8
Yisasia tokiya
vaitama maisaya yana tamamisigetama tokiya vaitama mainetama ma mopama hano hisia
yupa kefo yatamia omalenageno Anumayatimoa Yisasi Kalaisima kaiyeke hulamatesia yupa
kanaleya hutama hetigahae.
9
Anumaya Kotina nafaneamoa Yisasi Kalaisie Alatimoene
nagoke tamaipale maisayafe tamakaila ke huno Naa hugahue. huno hulamatenea kea
oatalegahianagino ani kavala hugahie.
Yisasifema haviya amakupi malenaya veamoya apaseya mainae.
10
Nafunagana-gatama Alatimoa Yisasi Kalaisi agile tokiyaage kea tamahanepauve.
Nagoa tamakesa havitama alu ke alu kea ohutama apaohetama mainetama nagoke tamaku
tamakesale maiho huna tamahanepauve.
11
Nafunagana-gatama Koloe anagamoya
tamakaifena mage huya nahapaiye Amakaya ke vaige vaige yate nemaiye. huya nahapaiye.
12
Tamakaya ani kema nevaiya yana nagokemogatama Tagaya Polo veane mainone.
hutama hageya nagoamogatama Tagaya Apolosi veane mainone. hutama hageya
nagoamogatama Tagaya Pita veane mainone. hutama hageya nagoamogatama Tagaya
Kalaisi veane mainone. hutama nehae.
13
Naa higetama ani kea nehae? Kalaisi augafamoa
akalu kale-peno haote haote humaineo? Nagaila Polonina tamakaife huna yafaga yosale
nahaeya asaigena fali-maino? Ifi nagaila Poloni nagile tina fale-lamatenao? Aao tamakaya
Ma kanomo mono ke nehavuna veane mainone. hutama ohiho.
14
Tamakai amunopina Kalisipusiene Kaiyusiene tina falenatenoe. Nagoamogamina fale
oamatenoa yafena muse nehue.
15
Havigu nagoa veamoya Polo agile tina falelatenae. huya
hisagi.
16
Tamage nagaya Setefanasi nofi anagaene tina falematenoe. Nagoa veanenena
falematenesuo fale oamatenesuo nagesa ohavinoe.
17
Kalaisia tina falelamatesuafene huno
hunategena omenogi agaia hulatenea yafe kanale mono kema huhalena tamahapaisuafene
huno hunatene. Mani kea ma mopafima kanalehaviyaami hanea vayamoya nehaya augafa
kema hisuana Yisasi Kalaisia yafaga yosalema fali-mainea kemoa afa ya kana hu yafenagina
naa augafa kea ohugahue.
Kalaisia Anumaya Kotina tokiyaa maine.
18
Hani yapi, tegelege nehia atafi, visaya veamoya Yisasia yafaga yosalema fali-mainea
kehena Havigu-nagu ke nehae. huya nehayanagi tagaya Anumaya Kotia tagu tamema ali
negatea veamogata Yisasia yafaga yosalema fali-mainea kemoa Anumaya Kotina
tokiyaae. huta nehune.
19
Anumaya Koti avopina mage huno kae-maleneane
Nagaya mukia kanale haviyaami hanea veamogamina havilinaya yana alitalesugeno fanane
hugahie. Kanale amaku amakesama hanesia veamogamina amaku amakesa ali
hano hutalegahue. huno Anumayamoa humaineane.
20
Kanale haviyaamima hanea veafena naane hisune? Kahegi kema havilinaya veafena naane
hisune? Ma mopale yafema amakemoma nehaya veafena naane hisune? Anumaya Kotia ma
mopale yafe kanale haviyaamima hanea veamogamifena Havigu-nagu ke nehae. huno
humaine.
21
Anumaya Kotia tusia kanale haviyaa hanea kanogino agaia haiya kava huno Ma
mopafi veamoya amakaiami haviyaamima hanea yateti nagaila nagelama huya onagegahae.
huno huteno haiya agesa mage huno havimaine Yisasia hulatenea yafena kanale mono kea,
huhaletama hamapaiya kema haviya amakupi maleya amametiti humainaya veamogamina
amaku amamena aligatigahue. huno humaine.
22
Yuta veamoya Tokiyaage avame yana
hisanageta ageteta Kalaisife havita lagupina malegahune. huya hageya Kaliki veamoya
Mukia yana havita kanale haviyatiene veane maisune. huya hae.
23
Hayanagi tagaya
Kalaisia yafaga yosalema fali-mainea kema huhaleta hamanepaunana Yuta veamoya
tagaifena Tayo hia ke nehae. huya amakaveno hutageya Yuta vea omainaya veamoya
Ani kea havigu-nagu ke nehae. huya humainae.
24
Hayanagi tagaila Anumaya Kotima
hapalilatenea veamogata, Yuta veanene Yuta vea omainaya veanenena, ago havimainone
Kalaisia Anumaya Kotina tokiyaagino kanale haviyaa hanea kano maine.
25
Anumaya
Kotifena Havigu-nagu agu agesa hane. huya nehayanagi mukia mopale veamogamina
haviyaami amakase-maine. Anumaya Kotifena Nagoa fulu fulu yamaa hane. huya
nehayanagi ani fulu fulu yamaamoa ma mopafi veamogami tokiyaamimona amakase-maine.
26
Nafunagana-gatama Anumaya Kotia tamakaila hapalilamatenea yupahe tamakesa havi
havi hutama haviho. Tamakai amunopina ma mopale kanale haviyaami hanea veanene
mopale tokiyaamima hanea veanene amakima hanea veamogami nafaneyagaene kasagoya
omainayane.
27
Omainagi haviyaami hanea veala amakaye hisiafe Anumaya Kotia ma mopale
yafe haviyaami omalenea veanea hapalimatene. Tokiyaamima hanea veamogamina amakaye
hisiafe ma mopale fulu fulu nehaya veanea hapalimatene.
28
Ma mopafina amaki hanea
veamogami tokiyaamia heno fanane hugahe ma mopafina amaki omale veanene Afa veane
mainae. huya haya veanene hapalimatene.
29
Nago kanomoa Anumaya Koti aufina augafa
alino nehaino agaiahena Nagaya nagi hanea kano mainoe. huno ohisiafene huno Anumaya
Kotia ania augafa veala hapalimatene.
30
Anumaya Kotia agaia Yisasi Kalaisiene
ailokaetama maiho. huno nagopi alino ailokaelateneafe Yisasi Kalaisia tagaya havisuna tagu
tagesamona aepaa maine. Yisasia hulatenea yateti Anumaya Kotia havi yapitila ago miya
hulateneno tagaifena Fatago veane mainae. huno hulateteno alu aotage auava yama hisuna
tokiyaa tamine.
31
Ani yama hulatenea yafena Anumaya Koti avopina mage huno kae-
maleneane
Nago kanomoa agaia agima alisaga hisia agesama havinunoa neataleno Anumayamo agi
alisaga huno musena hino. huno humaineane.
1 Kolini 1 Kolini
<<
11
>>
1 Kolini 1 Kolini
<<
22
>>
2
Poloa Kolini veamogami amametitihe humaine.
1
Nafunagana-gatama nagaya nayona tamakaite Anumaya Koti kema me
lamahapauvana haviyaami hanea veamoya nehaya avamete huna tamaipafinaga tamahaisifa
kea tamahaopainoe.
2
Nagainia naguafinaga mage huna havimainoe Nagaya tamakai
amunopima mainoana nagoa yafena tamahaopaigahue. Nagaya Yisasi Kalaisia yafaga
yosalema falimainea yafekeya tamahapaigahue. huna humainoe.
3
Hagotena tamakaienema
mainoa kanafina foli foli huna koli nehuna atali huna mainoe.
4-5
Atali nehuna Anumaya Koti
tokiyahe havitama tamakupi maletama tamametiti hisae huna ma mopafi haviyaami hanea
veamoya nehaya augafa kea ohunogi Avamumo tokiyaleti kea huhalena tamahapai-
mainoane. Haviyaami hanea veamoya nehaya kehena tamametitia ohisae huna Yisasifena
kanale mono kea humainoe.
Anumaya Koti Avamumoa kanale tagu tagesa nelamie.
6
Anumaya Kotina amakua amitafa huya akave nemalaya veamogamifena tokiyaage kea
nehuanagi ma mopafi haviyaami hanea veamogami augafa kene, ma mopafi kava yagai-
mainaya veamoya nehaya augafa kene, fanane hisia kea nohue.
7
Aao, tagaya Anumaya Koti
agu agesamoa falaki-mainea ke tamahanepaune. Anumaya Kotia ma mopama talo ohunenoa
hagoteno nago kea humainegeno falakino haneanagino menia lagaya Anumaya Kotitegati
tokiya hale yamaa alisunafe mani kemoa falote humainone.
8
Ma mopafi kava vayamoya
mani kemona aepaa ohavinae. Mani kema havimainasina tokiya hale yamo aepaa hanea
kanoa, Anumayamona, yafaga yosalela nilia heya oasaisine.
9
Anumaya Koti avopina mage
huno kae-malenayane
Taulagamoa oagenea yaene tagesamoa ohavinea yaene veamogami amaku amakesafiti
omalenea yaenena Anumaya Kotina amakuama aminaya veamogamife talo tala
humalene. huya kae-malenayane.
10
Veamoya oagageno falakino hanea kea Anumaya Kotia agaia Avamualeti taveli-maine. E,
Alu Aotage Avamumoa mukia yana atiyeno Anumaya Kotina falakino hanea agu agesaene
agemaine.
11
Hana veamoya nago kanomoma agesama nehavia yana agemaine? Aao
oagenagi agaia agupima mainea agu nafamokeya agemaine. Ani kava huno nagoa veamoya
Anumaya Kotia agu agesafima havia yana ohavinagi agaia Avamumokeya agemaine.
12
Anumaya Kotia ma mopafi veamoya nehaviya amaku amakesa notamigi tagaima
Anumaya Kotia taminea kema havilama huta havisunafe ani Alu Aotage Avamula tamigeta
avale-mainone.
13
Tagaya mani kea huhaleta nehune. Ma mopale kanale haviyaami hanea veamogami
ke kana huta nohunagi Avamumo tahapaiya kegeya tamahanepaunageno ani Avamuma
amakupi mainea veafekeya sili huta hamanepaune.
14
Hamanepaunanagi Alu aotage
Avamumoma amakupi omainesia veamoya ani Avamumo kea haviya akave malesaya
amukoamia omaleneanagiya Mani kea havigu-nagu ke nehae. huya nehuya Avamula
oavalenayanagiya aepaa havisaya amukoamia omalene.
15
Alu Aotage Avamuma amakupi
mainea veamoya mukia aepaa haviya yamona fako hugahayanagi nagoa veamoya agaifena
Naa kano mainane. huya fako hu oategahae.
16
Anumaya Koti avopina mage huno kae-
maleneane
Anumayamo nehavia agu agesa hanaa veamoya havilineya Anumayamo aliya alisia yafena
hapaigahae? huno humaineane.
Naa ohugahagi Kalaisia agai agu agesa ago tahapaino tamigeta agai kemo aepaa havilinone.
1 Kolini 1 Kolini
<<
22
>>
1 Kolini 1 Kolini
<<
33
>>
3
Mono aliya vayala Anumaya Koti aliya vaya mainae.
1
Nafunagana-gatama tamakaiene mainena, Avamumoma amakupi mainea veamoya
havisaya avamete kea ohunogi tamakaya atafa lamaipale, osi nafane kana hutama mainagena
Kalaisi humainea auava yafema nohavinaya veamogami avamete kea tamahapai-mainoe.
2
Tamakaya tokiyaage kema hisua kea ohavigahayanagina nu tamamisua avamete ke
tamahapai-mainoe. Meni kanafienena ania huna nu tamamisua avamete ke tamahanepauve.
3
Naafene atafa lamaipamo akave maletama mainetama tamafu-tamakana-gamifena tamaipa
haviya humatetama kema vaimatayana atafa lamaipa hanegetama ma mopafi veamoya
nehaya kavakeya nehae.
4
Nagoamogatama Polo tahapaiya kele akave nehune. hutama
hagetama nagoamogatama Tagaila Apolosi tahapaiya kele akave nehune. hutama nehae.
Ani kavama nehayana ma mopafi veamoya nehaya avamete kava nehae.
5
Apolosia hanaa augafa kanoe? Nagaya Polona hanaa augafa kanoe? Taagaya aliya
kanolatake mainoe. Anumaya Kotia alu aliya lu aliya taamigetaa nealue. Ani aliyateti
tamakaya Yisasifena havitama tamakupina maletama lamametitia humainae.
6
Nagaya Yisasi
kea tamakupina fai-maletogeno Apolosia timaa hefino taki-maleneanagi Anumaya Kotia
agaiage alino aifalo higeno hagemaine.
7
Naa humainegi avina yama fai-malenea kanomo
agiene tima taki falu hu-malenea kanomo agienena omalegi avina yama alino aifalo higeno
hage-mainea kanoa, Anumaya Koti agigeya alisaga hisune.
8
Anumaya Koti kema faimalenea
kanoene tima takino falu humalenea kanoene nago aliya alimainae. Ani aliyatetila
tolemogania ali-mainaa avamete anonaania aligae.
9
Taagaya Anumaya Kotiene ailokaetaa
aliya kanolatamaa mainoe. Tamakaya Anumaya Kotina hoyaa kana hutama mainae.
Tamakaya Anumaya Kotina nomaa kana hutama mainae.
Mono aliya veamoya kamuta vaya kana huya mainae.
10
Tamakaya Anumaya Kotina nomaa mainagena Anumaya Kotia kayone yamaaleti
nagaya no ki aliyate kava kano mainena yafateti tunagea ago ayemalenogeya nagoa veamoya
nona negiye. Mukia veamoya amakesa havilama huteya kanaleya huya kiho.
11
Anumaya
Kotia tokiyaage no yosamoma noma atafa nehia yosa Yisasi Kalaisina agaiage ategeno
maineanagiya nagoa veamoya alu tokiya noma atafa hisia yosa oayegahae.
12
Nagoa
veamoya haya keleti ani nona tokiyaage huno falu otesia yosaletiene u yosaletiene
yafatetiene negiyanagi nagoa veamoya hofaletiene vitimo alapaletiene aupaa kasalisia yateti
negiye.
13
Negiyanagino Anumaya Kotia kaiyekema hulatesia kanafina mukia veamogami
aliyamo aepaa haote haote huno atamo anefemo avame humateno amakege amakege
hutesigeya aliyama ali-mainesaya aliyamo aepaa fufu yate ali falote hugahie.
14
Nagoa
veamoya tokiyaage u yosaleti kimalenaya avamete huya ki-malenesaya noamimoma atama
otesigeno kanalema huno hanesiana ani veamoya kanale miyana anonaamia aligahae.
15
Aligahagi nagoa veamoya ki-malesaya noamimoma atama lesigenoa mukia aliyamaamimoa
fanane hugahianagi atafiti veama ali vati huna avamete huno amakaiami amaku amamena
aligatisigeya maigahayanagiya anonaamia oaligahae.
Tamakaya Anumaya Kotina alu aotage nomaa mainae.
16
Tamakaya Anumaya Kotina alu aotage nomaa mainageno Anumaya Kotina Alu
Aotake Avamuamoa tamakupina maine. Tamakaya ani yana havilama ohunao?
17
Nagoa
veamoya Anumaya Kotima mainea nomaama ali haviya hisayana Anumaya Kotia amakaina
ali haviya humategahie. Anumaya Koti nomaa alu aotage nona haneanagitama tamakaya ani
nona mainae.
Veamogami amakia alisaga ohisune.
18
Havigu tamakaitamihe havige ayemavataga hisagi. Nagoamogatama Mopafi
veamogami haviyamiene veane mainone. huya hisayana naa amaku amakesa ataleteya
amakesa nohaviya vea kana huya maisayana kanale haviyamiene veane maigahae.
19
Ma
mopafi haviyaami hanea veamoya Anumaya Koti aulagafina amakesa nohaviya veane kana
humainae. Anumaya Koti avopina mage huno kae-maleneane
Ma mopale haviyaamiene veamoya savaleage nehageno Anumaya Kotia veamoya kalifuma
hanagi-maleneya nehayafiya avamete huno amatafa nehie. huno humaineane.
20
Nagoene mage huno humaineane
Anumayamoa haviana ma mopale haviyaamima hanea veamoya nehaviya amaku
amakesamoa afa ya kana humaine. huno humaineane.
21
Na yafe Ma veala kanale veane mainae. hutama amakia alisaga ohiho. Anumaya Kotia
mukia yana tamamine.
22
Polonagi, Apolosiagi, Pitaagi, ma mopaene tamahaimuene, fali
yaene, meni kanaene, haenagama falote hisia kanaene, mukia yana Anumaya Kotia
tamamine.
23
Tamamigetama tamakaya Kalaisi ayapi maigeno Kalaisia Anumaya Koti ayapi
maine.
1 Kolini 1 Kolini
<<
33
>>
1 Kolini 1 Kolini
<<
44
>>
4
Anumayamoa agaia aliya vayaamogamina fako nehie.
1
Yisasi kema tamahanepauna vayamogatihena mage huya hisae Yisasi Kalaisina aliya
vayaamoya maineya Anumaya Kotia nayoma falaki-malenea kea yagai-maineya huhaleya
nehae. huya hisae.
2
Kavayagaisaya veafena Efi efi hutama aliyana aliho. huno humaine.
3
Tamakayaene nagoa veanene nagaima fako hutama nagaya kanaleya huna tamahanepauvo
havi kava huna tamahanepauvo hutama hisaya yafena kolia nohue. Nagainia nehua yafena
nagainia fakoa nohugi Anumayamoa agaia fako hunategahie.
4
Nagaya agoana Fatago aliya
kano mainoe. huna nehuanagi Anumaya Koti aulagafina fatago aliya kano maino ifi
omainoe huno Anumayamoa agaiage Naa humainane. huno nagaila fako hunenate.
5
Kaiyekema hulatesia kanamoa yaufa falote ohuneanagitama tamakaya veala alitama Naa
kavala havi kava nehae. hutama hu oamateho. Anumayamo esia kanafina agava
mainesageno mukia veamoya kefo yama, hani yapi falaki-mainea yana, Anumaya Kotia hale
yate alino falote hugahie. Anumayamoa agaia amahaote amahaote amakua amaketeno
Kanale humainao kefo ya humainao. huno agaia alino fako huteno veamogamina
humainesaya avamete Anumaya Kotia agaia muse yana amamigahie.
Kolini mainaya veamoya amakaiami amaki alisaga humainae.
6
Nafunagana-gatama tamakaya havisae huna nagaiene Apolosienema alitama fako
ohisaya kea nehuna kaana tamave-nelue. Anumayamo avopifena mage hie Okaenesaya kea
ohiho. huya humainaya kea havitama akave nehutama nagoa veamogami amakia alisaga
nehutama nago veamogami amakia ali haviya nehaya kavala ohiho.
7
Tamakaya mukia
veama mainaya avamete hutama mainagi alua avametela hutama oamakasenagi mukia yana
Anumayamoa tamamineanagi naa higetama Nagainia ani yana ali falote nehue. hutama
tamakesa havitama tamaugafa alitama nehaiye?
8
Tamakaya ma ke hutama nehao? Tagaitigekeya Yisasi kema havuna kea hai
havimainone. Poloene Apolosiene mani kea tahapaiageta ohavinonagi tagaitigeya hai
havilineta sauve veane mainone. hutama nehao? Ani kavama humaineleasina taagaienena
ania hutaa sauve vaya kana hutaa mainoaleasine. Tamage tamakaya ani avamete veanea
omainae.
9
Nagaya ma nagesa nehavue Anumaya Kotia tagaila Aposolo vayala haenagalafa
maisunafe hulatene. Nayoma kame vayama hamaegahe amavaleya kumate emainageya
amaketeya kigi hu neamataya avamete kava nehageta tagaya haenagalafa vaya kana huta
mainonageya Hamaesageya falisae. huya hageya veamoyaene ensole vayaene tagaila
nelageya kigi hunelatae.
10
Tagaya Yisasi Kalaisi aliya nealunanagita aifo vaya kana huta
mainonagi tamakaya Kalaisiene ailokaetama mainetama kanale havi haviyatami hanea veane
mainao? Tagaya tokiyatia omale vaya maunagetama tamakaya tokiyatami hanea veane
mainao? Tamakai tamakia alisaga nehayanagi tagaifena Otahaiya vaya mainae. huya
nehae.
11
Yisasi kema hamanepaunafe nayoene meni kanafiene neyafena lagala neleno tifena
nelageno nehie. Kenatia haviya nehuno faesuna noenena omalegeta vaiyatete nehunageya
kayo kevea nelamiye.
12
Kaveti ali falote hisuna yafena tayapitila tusia aliya nealune.
Vayamoya tagaila hu-haviya hu nelatayanagi anonaa kanale manua neamamune. Tagaila
tusiya huya ali haviyana hulatayanagi tagaya tokiya vaita mainone.
13
Hu-haviya hu
nelatayanagi anonaamia ako huta falu hamaisifa ke huneamatone. Nayoene meniene
vayamoya tagaifena Kasali-mainea yama halafi hutalaya avamete vaya mainae. huya
nehae.
Poloa Nagai auava akave male ho. huno hamapai-maine.
14
Mani kea havitama tamakaye hisie huna nokaogi nagaila nahaiya nafaneyagamo-
gatama ali lamakafa hisue huna mani kea kae-malenoe.
15
Kalaisima akave visaya kea teni
tausenia (10,000) vaya hulamave-lisayana nagaya nagainige nagoke nelamafana mainoe.
Yisasi Kalaisi kanale mono kema tamahapaugetama havitama Anumaya Kotina tamakua
amitafa hageno agaia nafaneyaga lamateneafe nagaya nelamafana mainoe.
16
Mainoa yafe
nagayama nemauva auava kavala agetetama akave maletama maiho.
17
Ani yafe Timotina
hutogeno tamakaite umaine. Timotia Anumayatimoene ailokaeno maineno kanale aliya
nealianagino nagaila nahau nayamopafi nenahaiya nafanenia maineafe nagayama Yisasi
Kalaisiene ailokaena mainena vai neayoa auava yafena tamahapaiteno ani kate visaya kea
huno tamakesa hugahie. Mukia kumate uvana Yisasife haviya amakupi malenaya
veamogamina mani kea hamanepauvane.
18
Nagoamogatama nagaifena Omegahie. hutama nehutama tamakaitami tamaugafa
alitama nehaiye.
19
Nehaiyanagi Anumayamoa hainegenoma Vuo. huno hunatesigena iva
aupaa ago egahue. Neena amakaiami amaugafa aliya nehaiya vayala mo neamakena
nagaifema nehaya kea havitena tokiyaamiene agegahue.
20
Anumaya Kotima kava yagai-
mainea yamo aepaa keagela omalenegi Anumaya Kotina tokiyaa alita maisuna yamoenena
aepaa hane.
21
Tamakaila na kava hisuafe nelamahaiye? Kelama-kisua kema hisua yafe esuo?
Ifi ako huna tamakaifena aluya huno nahau nayamopafi nenahaiya kava hugahe esuo? Ani
yafena lamakesa nehavitama etetama fatago hutama maisayana tamakaifena nahau
nayamopafi nahau-mainenagena evayi hano.
1 Kolini 1 Kolini
<<
44
>>
1 Kolini 1 Kolini
<<
55
>>
5
Kumai he yamoa Kolini veapina hane.
1
Nago kema falote higena havuana Yisasi kema nohaviya veamoya nohaya kefo yana
tamakai veapitila nago veamoya maitama nehae. Nago kanomoa nefa aene kumai heno alitea
tamavagea hagena havi-mainoe.
2
Havuanagi naa higetama tamaugafa alitama nehaiye? Naa
higetama tamahauna hutama tamakayea nohigetama tamakaipitila ani kanoa anati noatalae.
3
Nagaya alule mainoanagi afaa nagu namemoa tamakaiene mainegena ani kefo yama
humainea kanomofena Kefo ya nehie. huna Yisasi Kalaisi agile nehue.
4
Anumayatimoa
Yisasi agile alitalu hutama mainageno nagaila nagu namemoene Yisasi Kalaisi tokiyamoene
tamakaiena maigahie.
5
Maigahigi Anumayatimoa kaiyekema hulatesia kanafina ani kanomo
agu amena aligatisiafene hutama menia Satani ayapi ateho. Satania augafaage haesigeno age
hayema nehia yamaa hano hisigeno Kefo ya nehue. huno agua aiyahae huno eteno eno.
Kolini vayamoya kefo yama hisia kanoa anati-taleho. huno humaine.
6
Tamakaya tamaugafama alitama nehaiya yana kanale ohunea kava nehae. Tamakaya
ma yafena ohavinao? Tanefaleti kai hame maya talo hageno osi kanoamo halegisia yana
maleteno alino havigu hinageno mukia tanefafi ute ete hinageno haenaga mukia tanefamoa
halenegie. Anima hale negia avamete huno osi kefo ya kanoamoagi mukia veapinaga ute ete
hisigeno ala kefo yana ali falote hugahie.
7
Hugahigi kaihamema hale negia atafa yana kai
hamepitila alitama hagayu hu neatalaya avamete fatago kavakeya huta maisunafene hutama
tamakaipitila kefo yana alitama hagayu hutaleho. Nayona veamoya kefo yaamihe haviya sipi
sipi hemainaya avamete huno Yisasia tagayama fatago huta maisuna yafe fali-mainegeta
kefo yana ohisuna veala maisune.
8
Ani yafe nayona veamoya sipi sipia heya muse
humainaya avamete huta musena nehuta hale negia yana, vea ali haviya humatesuna kavaene
kefo yaene neataleta fatago huta tole lagesa ohavita kelamage kegeya huta maisune.
9
Nagoma kae-malenoa avopina mage huna humainoe Kumai nehesaya veanenena
tokaetama omaiho. huna kae-malenoe.
10
Yisasi kema nohaviya veamoya kumai nehaya
veanene amakaiamiahekeya amakesa haviya Nagainia mukia yana alisue. huya nehaya
veanene havige huya musufayama nehaya veanene ago fali-mainaya veafe Anumayati
mainae. huya amakisana nevaiya veanene mukia mopale mainayafe ani veanene tokaetama
omaiho huna hisugetama hanate haote yatela maisae? Yisasi kema nohaviya veafena mani
kea ohunoe.
11
Ohunogi nagaya Yisasina amakua amitafa humainaya tamafu-tamakanaya
kumai he kavaene agaiahe agesa havino Mukia yana nagai ya hapaesie. huno nehisia
kavaene ago fali-mainaya veafe Anumayati mainae. huya amakisana nevaiya kavaene
vayaamihe hu-haviya humate kavaene havili neya aneginagi nehaya kavaene musufayama
nehaya kavaenema tamafu-tamakanayama hisagetama amakaienena ailokaetama maitama
kavela oneho huna hulokiya vaina avona kae-malenoe.
12-13
Anumayamo akave nomalaya veala fako humatesia yana nagai aliyana omalegi
Anumaya Kotia agaia aliyanagino kaiyekea humategahie. Tagaiene maineya Yisasina amakua
amitafa humainesaya veala kanaleya hutama fako hutama Kefo yana ohiho. hutama amaya
hisaya aliyatamia hanegeno Anumaya Koti avopina mage huno kae-maleneane
Tamakaiene maineno kefo yama nehisia kanomona henati-taleho. huno kae-maleneane.
1 Kolini 1 Kolini
<<
55
>>
1 Kolini 1 Kolini
<<
66
>>
6
Yisasi anagamoya neamafugamina kaiyekea hu omatesae.
1
Nagoa nelamafuyaene kema vaitetama agaima kaiyekema hutegahena naa higetama
Anumayamo kema akave nomalaya kava vayatela amavaletama nevae? Ani kavala ohiho.
Yisasina amakua amitafa humainesaya vayate vigeno ketamia alino kanale huno fatago
hulamateno.
2
Yisasi anagamoya haenagaa ma mopale veamogamina kaiyekea humategahae
huya humainaya kea ohavinao? Mukia veala kaiyekea humategahagi osi kea fako hisaya
tokiyatamia hane huna nehue?
3
Tamakaya ohavinao? Haenagaa tagaya ensole vayamogami
kaiyekea humategahunagi ma mopale yana osi yanagitama tamakaya afaa fako hugahae.
4
Nago yama falote hisia yupa kema fako hugahena naa higetama Anumayamo akave
nomaleya mono nopi amaki omale vayatela kea alitama nevae? Ani kavama hayana havi
kava nehae.
5
Tamakaipina tole nelamafugania kema vaisaagenoa tamakaipina nagola kanale
havi haviyaa hanea kanoa amunoanifi hetino keanima fako hisia kanoa omaineo?
Mainegahie. Tamakaye hisifa kea nehue.
6
Naa higetama ani kanomotela anavaletama outama
nelamafuganina kaiyekema hunategahena Anumayamo akave nomalaya kanomotela
anavaletama nevae?
7
Ke vai yatamima falote higetama kaiyekema humategahe vayana havi kava nehae.
Nago kanomoa kagaila havi kavama hunegatesiana Afa yane. nehuka kaiyekea hu oateka
yuna heka maiteasina kanale hileasine. Nago kanomoa kagaipiti musufayama higeka Afa
yane. nehuka kaiyekea hu oateka maiteasina kanale hileasine.
8
Kanaleya hugahe hianagi ani
kavala ohutama tamakaya havige hutama nelamafugamina havi kava huneamatae.
9
Kefo
yama nehaya veala Anumaya Kotia kava yagai-mainea kumatela ohaigahae huno humainea
kea ohavinao? Ani kehena havilama hutetama havige hisaya kea ohaviho. Ani kefo yama
nehaya veala Anumaya Kotia kava yagai-mainea kumatela ohaigahae moli huliteya nehuya
kumai nehaya veanene ago fali-mainaya vayafe Anumayati maine. huya amakisana nevaiya
veanene alu kanomo anema amavayu nehaya vayaene ve amafaluyaene moli nehaya vayaene
Anumaya Kotima kava yagai-mainea kumatela ougahae.
10
Musufa yama nehaya veanene alu
kanomo yatema age hamaye nehaya veanene havili neya aneginagi nehaya veanene nagoa
veafe hu-haviya nehaya veanene havige huya musufa yama nehaya veanene Anumaya
Kotima kava yagai-mainea kumatela amaugosa tamage huno omalegahie.
11
Tamakaila
nagoatamimoya nayona ani avamete kefo ya nehageno Anumayatimoa Yisasi Kalaisi
agiletiene Anumaya Koti Avamutetiene kefo yatamia ago aye hami-talegetama alu aotage
veane maigeno Anumaya Koti aufina Fatago veane mainae. huno alino kanale hulamatene.
Mukia laugafa Anumaya Kotina nomaae.
12
Mukia yama hisuna kavala kahe-okineanagita afaa hugahune. huya nehayanagi
nagaya mage huna nehue Mukia yamoa laya ohutafa huno laya ohugahie. Mukia yana afaa
hugahuanagi ani yamoa nofi hunate yafenagina nagaya ani kavala ohugahue.
13
Anumaya
Kotia kave nesunafene huno taipa talo huno nesuna kavela talo humaleneanagita afaa
negahune. huya nehayanagi Anumaya Kotia haenagaa kaveene taipaene alino fanane
hugahie. Moli huliteta huta kumai hesunafene huno Anumaya Kotia veamogati laugafa talo
ohunegi Anumayamoene ailokaeta mainesunageno ani laugafa agaia kava yagaisiafene huno
talo hulatenea yafe moli huliteta huta kumai he kavala ohisune.
14
Anumaya Kotia tokiyaaleti
Yisasina fali-mainefitila alino hetiteneanagino tagayama falisunagenoa ania huno alino
hetilategahie.
15
Nagi ohavinao Kalaisienema mai hapaita mainonageno tagai taugafamoa Kalaisi aiya,
aya, aulaga, agesa, kana huta mainone. Kalaisi augafa mainonagi hanaa huta Kalaisi augafa
kumai nehaya anenena alita mai hapaisune? Aao ania ohisune.
16
Anumaya Koti avopina
mage huno kae-maleneane
Alavema mainaana nagoke anaugafa hane. huno kae-maleneane.
Naa humaineanagi nago kanomoa kumai nehea aene noma faeyana agaiene mai hapaiageno
nagoke anaugafa kali-mainae. Ani yafena ohavinao?
17
Nago anaugafa kali mainaanagi
Anumayamoene mai hapaino mainea kanomoa nagopi maineana nagoke anamete mainae.
18
Nagi kumai heyafena kolia hutama ohutafa hiho. Mukia kefo yamoa amega
amaugafale yanagi kumai he yamoa alino vea amaugafafina haviya nehia yafena tusia koli
hutama ani kavala ohutafa hiho.
19
Anumaya Kotia agaia Alu Aotage Avamua ago
tamamigeno tamakupina maineafe tamaugafamoa Avamumona nomaa haneanagino
tamaugafa tamakaitami yana omalene. Ani kea ohavinao?
20
Anumaya Kotia ala miyateti
tamakaila ago miya hulamateneafe tamaugafa kava yagaitama kanale auava yakeya hutama
Anumaya Koti agia alisaga hiho.
1 Kolini 1 Kolini
<<
66
>>
1 Kolini 1 Kolini
<<
77
>>
7
Poloa alavemogami auavafe humaine.
1
Avoma kaetama nahavigaya kea tamahapaigahugi haviho. Nago kanomoa anea ali
oatesiana kanaleya huno maigahie.
2
Maigahianagi amaugafa age hamaye huya kumai he
yamoa ala nehiafe mukia vemoya aneamia maitele hisigeya anemoya veamia maitele hisie.
3
Alavemoya nehaya yana vemoa aamona Aao. hu oateno amoa ania huno anauamona
Aao. hu oatesie.
4
Amo augafa agaia augafa omalenegi anauamo yagai-mainea augafa
hane. Ania huno vemo augafa agaia augafa omalenegi aamo yagai-mainea augafa hane.
5
Naa
humaineafe vemoga akamoene humo kavafena Aao. hu oategeno amoga anaukamoene
humo kavafena Aao. hu oato. Nagote tokaetana mainetana tanakesa havitana Osi kana
kanoa humo kavala ohutaa afaa mainetaa nunamuna hugahue. hutana hisaana kanale
hugahianagi mukia kanafina ve alave humo kavala oataleho. Atalesaana Satania ayelana-
vataga hinagetana alu veleene alu ateene age lanahaye hu yafenagi osia maigetana hio.
6
Mage huna nehua kea nagainia mani kea nehugi Anumaya Koti kahegi kea nohue.
7
Nagi nagainige mainena ama oalinoa yama huya mukia vayala maisaya yafe nenahaiyanagi
Anumaya Kotia agaia alua lua mai yana nagoke nagokemogatina tamigeta tahaote tahaote
auavate nemaune.
8
Neyavene munanene keto anenefe mani kea nehue nagayama ama oalina mainoa
avamete huya maisayana kanaleya hugahie.
9
Hugahigi age hamayema hisaya yatela
yagaisaya tokiyaamima omalesiana ata lamale-yafenagi anea alitesageya vea alisageya hisae.
10
Alavemogatama kahegi kea, nagainia nagesafitila nohugi Anumayamo humainea kea
tamahapaigahue. Anemogatama vetamia oamataletama kanaleya hutama maiho.
11
Maigahayanagi vetamima amataletama vinutamahena alu velela omaiho. Afaa omaisaya
tamakesa hisigetama etetama vetamile etama nagoke tamaipale emaiho. Vemogatama
atamimona tamakaitamia hu oamateho.
12
Nagoamogatamihena Anumayamoa ohunea kea nagainia mage nehue. Yisasite
ametiti humainesia kanomoa Anumayamote ametiti nohisia amoa neveenema maisia
agesama havisigenoa nevea Nenataleka vuo. huno oataleno.
13
Yisasite ametiti hu-mainesia
amoa Anumayamote ametiti nohisia velema mainesigeno ani vemoa aamoene maisia
agesama havisigenoa Nenataleka vuo. huno nevena hu oateno.
14
Nagi Yisasite ametiti hu-
mainesia amoa Yisasite ametiti nohisia neveenema maisiana ailokaeana maisaa yamoa
oniyaagela ohunegi ani vemoa Anumaya Koti kema havisia yafe alu aotage kano maine.
Yisasite ametiti hu-mainesia vemoma Yisasite ametiti nohisia aenema maisiana ailokaeana
maisaa yamoa oniyaagela ohunegi ani amoa Anumaya Koti kema havisia yafe alu aotage ane
maine. Anumaya Koti aufima alu aotage veatalama omaisaana nafaneamimoya ania huya
oniyaagela haleasinagi tamage huya Anumaya Koti kema havisaya yafe alu aotage
nafaneyaga maigahae.
15
Mainageno Yisasite ametiti nohia api vefi atalesayana afaa
atalegahae. Atalesayana Yisasite ametiti hunesia veanefi mainaa nofila ago aigalu hetalegeya
afaa mainae. Anumaya Kotia falu huta maisunafe ke higeta agaitega emainone.
16
Yisasite
kametiti hu-mainana amoga agaiene maineka aya hisanageno anaukamoa agua aiyahae
hinageno Anumaya Kotia agu amena aligatisio? huka kagaya ohavinane. Yisasite kametiti
hu-mainana kanomoga akamoene maineka aya hisanageno akamoa agua aiyahae hinageno
Anumaya Kotia agu amena aligatisio? huka kagaya ohavinane.
Anumaya Kotima hulatenea auavamo avamete maisune.
17
Anumaya Kotia mukia veala noma maisaya yana fako huno amamineanagitama
mukiamogatama Anumayamoa hapali-lamatenea yapi maiho. Mani kea Anumayamo anagala
alule alule mo hamapai-mainogi haviho.
18
Anumayamoma hapalimatenea kanafina nagoa
Yuta vayamoya amaugafa taga hu-malenaya amafugula hanegeya eteya ani amafugula aye
hananeya fala okisae. Nagoa vayamoya Anumaya Kotia hapali-matenea kanaleti amaugafa
taga ohunaya vayamoya menia laga ohisae.
19
Taugafa laga nehaya yano taga ohunaya yano
ani tole yamoa afa ya hanegi Anumaya Koti kema havita akave malesuna yana kanale
yanagino aepaa hane.
20
Nagi mukiamogatama Anumaya Kotia agoma hapali-lamatenea
kanafina no maiyatamia oataletama nagoene anile maiho.
21
Anumayamoa hapali-lamatenea
yupa nofipi mainetama miya oalisaya aliya nealitama mainageno ani aliyana afaa aliho.
Aligahagi kava kanotamimoa Menia nofila huotamategahugi afaa lamatalegahue. huno
hisigetama muse nehutama afaa ugahae.
22
Anumayamoa hapali-lamatenea yupa nofipi
mainetama miya oalisaya aliya nealitama Anumayatimoene ailokaetama mainayafe
Anumayamoa kefo yatamimoma alino nofi hulamatenefitila ago alino kalu he-taleneafe
nofipina nagoene omainae. Omainagi nagoa veala afaa mainageno Anumayamoa hapali-
lamateneafe Kalaisia miyana oalisia aliya veanea tamage hutama maigahae.
23
Anumaya Kotia
ala miyateti miya hu-lamategetama agai veane mainagi ma mopafi veamogami aliya veanea
omaisae huna nehue.
24
Nafunagana-gatama Anumayamoma hapali-lamatenea kanafina no
maiyatamia oataletama nagoene Anumaya Kotia tamakaiene mainesigetama Hai mainone.
hutama maiho.
Afaa maineya velema omaiya ama oalinaya veamogamife Poloa humaine.
25
Anumaya Kotia kalagi ainategena tamagegeya hisua kanogina nago kea hugahe hue.
Anumayamoa mani kahegi kea ohunegi nagaya nagesafiti nehue. Vene ofaenesaya
munanene anene ofaenesaya veyagahe nehue.
26
Meni kanafina tusia kana yana falote nehiafe
nagesa mage huna nehavue neyavene munaneyagaene mainaya avamete hutama maiho.
27
Nagi ama ago alitenesana vemoga akamofena Kataloe. huka hu oato. Ama oalinesana
vemoga anea oalio huna nehue.
28
Nehuanagi ama ali-tenukahena kefo yana omaleneanagika
afaa aligane. Vene ofaenesaya munanemoya vele maisayana kefo yana omalenegi ma mopafi
mainesaageno tanakaipina kasagoya kana yamo falote huyafenagina mani kea nehue.
29
Nafunagana-gatama ma mopamoa aupa kanafi hano hisia yafe meni kanaleti aepa
hetama ama atenesia kanomoa aamofena agesa ohavino aama omai kano kana huno maisie
huna nehue.
30
Nagoamoya avima neatesaya veamoya osi kanoa avia ateho. Musema
nehisaya veamoya osi kanoa musena hiho. Afenoamima miya nehisaya veamoya oali vea
kana huya maiho.
31
Mama mainona mopa aupa kanafi fanane hugahigi mopafi aliyama
nealisaya veamoya mani mopale yafekeyana amakesa havi havi huya omaisae.
32
Ma mopale
yafema tamakesa kumoma haya yafena nagaila nonahaiye.
Ama oalino mainea kanomoa Anumayamona haisia yafeene aliyamaaene agesa havi
havi huno nemaiye.
33
Nemaiyanagi aama mainea kanomoa ma mopafi yafena, aamoa
musema hisiafene agesa havi havi huno nemaiye.
34
Nago kaiyaga Anumayamofena agesa
nehavino nago agesamoa aamofena agesa nehavianagi keto anene vele ounaya munanene
Anumayamo aliyafekeya amakesa haviya Mukia taugafaene taguaene Anumayamona alu
aotage nomaa hane. huya kava yagaiya mainayanagi vele mainaya anemoya anauamimoya
musema humatesayafene huya mopafi yafe amakesa nehaviye.
35
Mani kemoa katilelamatesua kea nohugi tamaya hisuafe nehue. Kanaleya hutama
Anumayamofena tamakesa havi havi hutama nago yamo tamavayu huno atifi mafi ohisie
huna nehue.
36
Nago kanomoa hage-malenesia aamofena hagoteno Afaa tokaetaa omaigahue.
huno huteno haenagaa tusi haye hisigeno Kanale kavala hu noatoe. huno haisia kava huno
ani munala alitesie. Alitesiana kefo yana ohugahie.
37
Nago neyamoa agua amino hage-
malenea aamofena Anumayamo aliya alisuafe afaa aote maigahue. huno agesa haviteno
augafa age haye hisia agu agesa hinageno kanaleya huno kava yagaino Afaa aote
maigahue. hisiana kanale kava hugahie.
38
Ani yafe nago kanomoa hage-malenesia aama
alitesiana kanale kava nehianagi nago kanomoa hage-malenesia aama ali oatesiana tusia
kanale kava hugahie.
39
Aneyaga velema faitesageno anauamoma ofalino afaa mainesigenoa nagopi mai
hapaino maineno amoa ataleno alu vele ovisie. Anauamoma falitesigenoma Alu kanole
maigahue. huno hisiana kanale hugahianagi Anumayamoene mai-lokaeno mainesia vea
alisie.
40
Aligahianagi nagaya nagesa havuana afaama maisiana tusia muse hugahie huna
nehue. Manima hua kea Anumayamo Avamumo nahapaigena nehue.
1 Kolini 1 Kolini
<<
77
>>
1 Kolini 1 Kolini
<<
88
>>
8
Afa yafe Anumayati maine. huya amametiti nehaya yafe humaine.
1
Ago fali-mainaya vayafe Anumayati maine. huya amakisana vaiya afu neamamiya
yamo kea nagaya hugahe nehue. Tagaya nagoa yafena havilinonanagi ani kanale haviyatimoa
tamaugafa alita haisuna yanagi alu veafe tahau-tamayamopafi nelahaiya yana amaya huta ali
tokiya vaimategahune.
2
Mukia yana havilama hulinoe. huno agesa havisia kanomoa mukia
yafema havilama hisia himamua omaleneanagino ohavine.
3
Ohavinegi nagoa veamoya
Anumaya Kotina amakua aminesaya veala Anumaya Kotia amakaila ago amakelama
humaine.
4
Ago fali-mainaya veafe Anumayati maine. huya amakisana vaiyama neamiya afuma
nesaya yafe nehugi haviho. Tagaya havunana ago fali-mainaya veamoya ma mopafina
tokiyaamia omalene. Anumaya Kotia agaiage nagoke Anumaya maineanagiya kasagoya
Anumaya omainae.
5-6
Omainagi mopaleene ikapinagaene afa anumaya kasagoyama
mainaleasina tagaya tamage huteasinagi Nelafaa agaiage Anumaya Kotia maineno mukia
yana talo humalegeta mainone. Nagoke Anumayatimoa Yisasi Kalaisia maineno mukia yana
talo huteno tagaienena talo hulateneanagita agaiteti tahaimula nealune.
7
Nagoa veamoya mani kea ohavineya Afa anumayayaga tamage huya mainae. huya
nehae. Nagoa veamoya Yisasife haviya amakupi malayanagi amakuamoa tokiyaagela
ohuneafe ani afa anumayamoma aminaya afua neneya mage nehae Afa anumayamo kave
nenonageno ani kavemoa taguamona alino haviya higeno oniyaage nehie. huya amakesa
havimainae.
8
Nehaviyanagi kavemoa Anumaya Koti avatela tavaleno otategahie. Ani afuma
onesunana Anumaya Koti aufina havi veala omaigahunagi nesunana Anumaya Koti aufina
kanale veanea omaigahune.
9
Afaa anumayamogami amamiya afua negahune. hutama hisaya yafena kayeho.
Havigu Yisasifena amakuamoa tokiya ovainesia veamoya ageteya nesayana Kefo ya
nehune. huya havigu asaga hulaviyafenagi kayeho.
10
Afaa anumayayaga tamage huya
omainae. hutama havimainaya veamogatama anima afa anumayamo amiya afuma
malenesaya nopi mo nenesageno nagola Yisasifena aguamoa tokiya ovainesia kanomoa
tamaketeno Negahue. huno hu yafenagi kaye ho.
11
Ani yafe tamakaya Havilama
humainone. hutama nehaya yatamimoa, nagoma aguamoa tokiya ovainea nelamafufe huno
Kalaisia fali-maineanagitama tamakaya avaletama havi kate atesageno ali haviya huyafenagi
kaye ho.
12
Ani yafe aguamoa tokiya ovainesia nelamafuna kefo ya hutesageno tokiyaa
omalesia agu nafanea agata aisia havi kava huteyafenagi kaye ho. Tamafu-tamakanana kefo
yama hutesayana Kalaisiene kefo yana huneatae.
13
Ani yafe kavela nenoanagina
nafunaganana havigu neteno havi kapi asaga hulavino visia yafenagina nagaienena nagoene
afua onegahue. Havigu nafunaganaa kefo yapi uyafenagina ani kavala ohugahue.
1 Kolini 1 Kolini
<<
88
>>
1 Kolini 1 Kolini
<<
99
>>
9
Poloa Yisasi aliyama aliana miyama oalinea yafena muse humaine.
1
Nago kanomoa Naa ohuo. huno natafa nehio? Aao natafa nohie. Aposolo kanoa
maino? E, ani kano mainoe. Nagaya Anumayatimo Yisasina agemaino? E, tamage
Anumayamoene ailokaena mainena agai aliya ali-mainoa aliyateti lamakaya tamakua aiyahae
nehae.
2
Nagoa veamoya nagaifena mage nehae Aposolo kanoa omaine. huya nehayanagi
Yisasi kema tamahapaugetama havitama tamakua aiyahae hageya veamoya nelamakeya
nagaifena Anumayamoene ailokaeno Aposolo kanoa maine. huya nehae.
3
Nagoa veamoya auavaniama fako hisagena nagaya mage huna hugahue.
4
Anumayamo aliyana nealuanagina kaveene tienena afaa alisuo?
5
Nagoa Aposolo vayaene
Yisasi aganaamoyaene Pitaene nehaya kava huna Yisasima agua aminesia ama alitenena
avalena vaiyesuana ani yamoa havi kava hugahio?
6
Panapasiene taagaitiage Anumayamo
aliyana nealitaa taagaitia moneleti kavela miya hutaa nenoe. Naa higetama taaya nohae?
7
Nagi ati vayala kamele ugahena amakaiami moneamileti kaveamia kenaamia miya nehao?
Aao. Hana kanomo hoya vai-maleteno ani hoyafitila kavela alino onene? Hana kanomo
pulumaka kava yagaiteno haenagaa nutimaa onene? Ani kavala ohugahagi afaa aliya
negahae.
8
Veamoya nehaya kavakeya akave malena mani kea nehuo? Aao, Anumaya Koti
avopiene ani kea huno kae-maleneane.
9
Mosese kahegi kefina mage huno kae-maleneane
Pulumakamoa aliyamaa nealino vitimo avina ayeno hagage huno onesie hutama avayalela
nofila okinegeno aliyana nealino kavela neno. huno kae-maleneane.
Mani kea Anumaya Kotia pulumakamofe humaineo?
10
Aao, tagaife humaine. Nagi hoyama
alino humalenea kanomoa kave nesia yafena agesa haviteno negafie. Hoyafitima nena
humainesia kavema nealisia kanomoenena Aliyatialeti kavela nagopi mainetaa negahue.
huana aliyana nealie.
11
Nagaya Anumayamo kea huhalena tamahapaitena Avamumo avina
yana hoyafina kali-malenogi ani hoyamoma nena hisigenahena tamakaipitila kenaniene
kaveniene kanalelagina alisuo ifi oalisue?
12
Nagoa vayamoya tamakaipitila nealigi nagaya
amakase-mainoa yafena tamakaipitila alisuo oalisuana? Kanalelagina aligahuanagi havigu
Yisasi Kalaisi kanale mono kema havisaya katamia kahea kiotamatesuafene huna kavela
oalina mainena mukia kana yana aluanagi Kavela namiho. huna nohue.
13
Mono nopi aliya nealiya vayamoya ani nopiti kaveamia nealiye. Anumayamofe
haviya sipi sipi heya kae-salamana nehaya aliya vayamoya ani sipi sipifiti kaveamia ali-
mainae. Ani kea ohavinao?
14
Naama hayana Yisasi kanale mono kema hamanepaiya
vayafena Anumayamoa mage humaineane Mono ketamima havisaya veamoya anonaa
kenatamia kavetamia tamamisae. huno humaineane.
15
Humaineanagi nagaya Namiho. huna ohunananagi menia Namiho. huna mani
avona nokaove. Yisasi kema tamahapauvana tamakaipitila kavela afaa oalinoa yafena muse
nehua yania haneafe ago faligahema husina kavefena tamahavigesua nagesa ohavusine.
16
Yisasi kanale mono kema huhalena nehuafenagina nagaini naugafa alina ohaigahue.
Anumaya Kotia Naa huo. huno tokiyaage ke huno hunategena huhalena nehue.
Ohuleasina Anumaya Kotia muse ohigeno kana yana namileasine.
17
Nagaya nagesafiti ani
aliyana noalugi Anumayamo hunategena mani aliyama alua yafena miya yania oaligahue.
18
Anumayamoa hunategena huhalena nehua aliyana afaa nealuanagina monema onamisaya
yafena naipamoa kanale nehie. Huhalena nehua yatetila miyania alisua amukonia haneanagi
oalisua yatetila muse yania hane.
Poloa mukia veamogami aliya kano maine.
19
Monema oalua yafena nagoa veamogami aliya kanoamia omainogi mukia veamoya
amakua aiyahae hisayafene huna aliya kanoamia mainoe.
20
Yuta veamoya Yisasi akave
hisaya yafe amakaiami nehaya kava huna mainena Yisasi kea hamanepauve. Kahegi kema
havina akave malesugenoa Anumayamoa Fatago kano mainane. huno hunategahie huna
nohugi ani kema akave nemalaya veala Yisasi akave hisae huna amakaiene mainena mani
kemo akave malena Yisasi kea hamanepauve.
21
Kahegi kema ohavinaya veanene mainena
Yisasi akave hisae huna amakaya haya avamete huna Yisasi kea hamanepauve. Anumaya
Koti kahegi kea akave malena Kalaisi akave nehuna agai kea havina akave nemaloe.
22
Yisasife haviya tokiya vaisaya amakua omalenesia veanene mainena amakua ali lokiya
vaimatesuafe tokiya nagu hanea kano omainoe. Nagoa veamogami amaku amamena
aligatisua yafe aluya huna amakaiamima amahaote amahaote nehaya kava huna Yisasi kea
hamanepauve.
23
Naa nehisugeya kasagoya veamoya Yisasi hulatenea kanale mono kea
havitesagena amakaiene kanaleya huna mainena musena hisue huna nehue.
Tagaya taiyage taiyage huta uvayi huo huno humainele uvayi huta anonaa alisune.
24
Ohavinao oagase aagase huya amakasaya veamoya nealiya yana nagoke kanomoa
amakaseno agaiage muse yana aligahie. Ani kava hutama tamaiyage tamaiyage nehigeno
Anumayamoa anonaa tamamino.
25
Ani yokaloma nelaya veamoya aluya huya amaku
amakesalela tokiya vaiya kava neyagaiye. Muse hisaya yama anonaamia alisaya yafe kava
yagaiya mainageno amakasesia kanomoa konagali yana aligahianagi ani yamoa fanane
hugahie. Fanane hugahianagi tagaya fanane ohisia kanale yana anonatia alisunafene huta tagu
tagesalela tokiya vaita neyagaune.
26
Ani yama alisua yafena naiyayege naiyayege nehuna
amakasesuafene huna faitega moge mege nohue. Nayatetiene amakasesua yokaloa nelena
nagaya faitega mo ai me ai nohugi nayatetila vaya amaugafale sili huna amaikonelue.
27
Fatago kate viho. huna veama hamanepaisuletila havigu nagaya havi kate visugeno
Anumaya Kotia nagaila akaveno hunatesigena kanale anonania oalisuafene huna tusiya huna
Naugafamo age haye hia yana ohugahue. huna nagu nagesale kava yagaina mainoe.
1 Kolini 1 Kolini
<<
99
>>
1 Kolini 1 Kolini
<<
10 10
>>
10
Havigu ayelavataga hisia yapi asaga hu lavisunagi kayeta maisune.
1-2
Nafunagana-gatama Yuta taginagomo-gamifena tamakesa havisae huna nehue.
Mosese akavema umainayana nago siamoa mukia aiso humateneno kana amaveligeya
kanaleya huya vayana mukiamoya Haesa tina lakae-mainayafe Moseseene ailokaeya maineya
siatetiene hage litetiene tima fale neamataya avame kavala humaine.
3-4
Mukiamoya ti omale
kotega umaineya nagoke ikapinagati kaveene yafapiti falote hia alu aotage tiene ne-mainae.
Ne-mainagi ani yafana Kalaisie. Agaya maineno amakaiene vaiyatete humaine.
5
Mukiamoya
nayanagi kasagoya veamoya Anumaya Koti kea akave omalageno Anumaya Kotia musena
hu oamateno amatalegeya nagoa veala faligeya amaugafa kame kopi atalegeno mopagopi
haneme umaine.
6
Naama humainaya kavala tagaiti hulamakesa hisunafe hu-mainayanagita amakaya
humainaya avamete huta age lahaye nehuna kavala ohisune.
7
Nagoa veamoya afa anumaya,
amayateti talo humaleteya amakua amiteya Anumaya Koti kea atalenayane. Tagaya ani
kavala ohisunafe Anumayamo avopina mage huno kae-maleneane
Afa anumayamofena muse huya kaveene tiene neteya amoa ayeya anene yokaloa
lemainae. huno avopina kae-maleneane.
8
Nagoa veamoya kumai haya yateti nagoke yupa tueti tali tausenia (23,000) veane fali hano
humainae. Naa humainayafe tagaya kumai kavala ohisune.
9
Anumayamofe Ma kava huo.
huya ayevataga hayafe osifavemoya hamae hano hageya fali-mainagi ania huta
Anumayamona ayevataga ohisune.
10
Nagoa veamoya Anumayamoa havi kava nehie.
huya kalu kalu ke hutageno ensole kanomoa nagoa veala me hamaegeya fali-mainayane.
Tamakaya Anumayamofena kalu kalu kea vaioateho.
11
Mukia anima falote humainea yana ageteta fatago huta maisunafene huno Anumaya
Kotia avopina kae-maleneane. Tagaya menima mainona kanafina mopamoa aupaa fanane
hugahe nehiafe mani kea haviteta kefo yana ohisunafene huno kae-maleneane.
12
Naa humaineafe Kanaleya huta heti-mainone. hutama nehisaya veamogatama
havigu asaga hu laviyafenagi yagaitama maiho.
13
Yagaitama mainesageno kana yano Havi
yama hiho. hunoma ayelamavataga hisia yano falote hisiana ani yana tamakaitamige
ayelamavataga nohigi mukia veala ania huno ayemavataga nehie. Naa nehianagi Anumaya
Kotia huno tokiya vaino humalenea kele tole agesa ohavinegi ani kele akave maleno tamaya
hugahie. Ayelamavataga hisigetama Tokiyania omalene. hutama hugahe hageno tokiya
vaitama maisayafe Anumaya Kotia tusiya huno tamaya huno Haegafa katela male viho.
huno tamave-ligahie.
Anumaya Kotiteene Kefo Avamuteene tolemogani anakia alisaka ohiho.
14
Nahau-mainea nafunagana-gatama ago fali-mainaya veamogamife Anumayati
maine. hutama amakisana nevaiya yana ohiho. Anumaya Kotifekeya muse huteho.
15
Tamakaya tamaku tamakesaene veane mainagi tamahapaisua kea havitama ali fako hiho.
16
Kalaisia tagai kefo yafene huno fali-maine. huta tagesa havi havi hisuna yafe nofi
alagamo tina, Kalaisi kolanagita alita Anumayamotega muse hutama nonana Kalaisi kolana
tokaeta nenone. Kalaisia augafa agata aimainea yamo kefo yatia ago alitalene. huta maya
alita aposita nenona yamo Kalaisi augafa tokaeta nenone.
17
Nagoke maya haneanagi mukia
veamogata nagoke mayafiti aposita nenonafe tagaya nagoke veane nagoke kanomo augafa
kana huta mainone.
18
Tamakaya tamakesa haviho Yuta veamoya Anumaya Kotitega sipi sipi heya kae-
salamana heteya tokaeya anifiti aliya neteya Anumayamoene nagopi ailokaeya mainayane.
19
Manima hua kemo aepaa haviho. Ago fali-mainaya veafe Anumayati maine. huya afu
heya amakisana vaiya amamiya yamoa afa kava humainae. Anima fali-mainaya
veamogamina tokiyaamia omalene.
20
Tokiyaamia omalenegi nagaya tamahanepauve Yisasi
kema nohaviya veamoya Kefo Avamumo kavela malenagi Anumaya Koti kavela
omalenayane. Kefo Avamuene ailokaetama omaisae huna nehue. Ani kavela oneho.
21
Havigu tamakaya Kalaisia tagai kefo yafe huno fali-maine. hutama Anumayamo kapufiti
nenetama Kefo Avamumogami neamamiya tina mo neyafenagi ani kavala tamage hutama
ohiho. Havigu tamakaya Anumayamo kave nenetama Kefo Avamumogami amamiya
kaveene neyafenagi ani kavala ohiho.
22
Ani kava nehisunageno Anumaya Koti aipamoa
haviya hisie hutama nehao? Ifi tagai tokiyamoa agai tokiya agase-maine. hutama nehao?
Aao, naa kavala ohune.
Mukia kanafina Anumaya Koti agi alisaga hisune.
23
Nagoa veamoya mage huya nehae Mukia hisuna kavala kahe okineanagita afaa
hugahune. huya nehayanagi ani mukia yamoa taya ohugahie huna nehue. Mukia kavala kahe
okineanagita afaa hugahunanagi mukia ani yamoa Yisasife havita tametiti humainona yamona
alilokiya vai oategahie.
24
Tagaiti laugafa hamaesia yafekela tagesa ohavisune. Aao, alu
veamogami yafe tagesa havita amaya hisune.
25
Maketifiti afumo amea miya hugahema vinutamahena Kefo Avamuma amaminaya
afuo? Nesunana haviya hulatesio? hutama tamakuafinaga havio-ketama afaa miya hutama
neho.
26
Anumayamo avopina mage huno kae-maleneane
Ma mopaene mukia mopafi hanea yaenena Anumayamo yamaage hane. huno
humaineane.
27
Yisasi kema nohavisaya veamoya Etama kavela me neho. huya hisagetama
vinutamahena tamakesa ohavitama tamamisaya kavela afaa neho. Havigu tamakuamoa
Havi kava nehae. huno hisagetama havioketama afaa neho.
28-29
Negahayanagi nago
kanomoa Ma kavela Kefo Avamumo kae-salamana hutaya kavele. huno hisigetamahena
afaa onetama ataleho. Tamakai tamakuamoa Havi ya nehae. huno hisia yafeene
kahanepaiya kanomo agua ali haviya huyafenagi ani kavela oneho.
Ani kave nesuana nago kanomo agua ali haviya hu-yafenagina nagaya ani kavela nesuo
ifi onesue?
30
Nagaya ani kavela Anumayamotega muse hutena nesuana naa hinageno nago
kanomoa nagaya anima muse hutena noa yafena Havi kavala nehane. huno kea
nenamake?
31
Kave nesao aliya alisao mukia yama hinutamahena Anumayamo agia alisaga hisaya
yafeke hiho.
32
Yuta vealo, Yuta vea omainaya vealo, Yisasife haviya amakupi malenaya
vealo, mukia veamogami amaufina kanale kavakeya hiho. Havigu havi kava hisageno ani
kefo yamoa amaiyafi akoya yamo ayea kava hinageya asaga hu-lavisagi.
33
Nagaya mukia
kavama nehuana nagai nahaisia yafe nagesa ohavina mukia Anumaya Kotia veamogamina
amaku amamena aligatisiafene huna hamaisifa kava nehue.
1 Kolini 1 Kolini
<<
10 10
>>
1 Kolini 1 Kolini
<<
11 11
>>
11
1
Nagaya Polonae Kalaisima humainea kava huna akave nehugi nagaila nenagetama
nagayama nehua kavakeya nakave hutama maiho.
Mono nopima anemoya amanute aiso hisaya yafe humaine.
2
Kahegi malena tamahapaugetama tamakela okanitama kanale kava hutama akave
nemalayafe Kanale kava nehae. huna musena hu nelamatoe.
3
Ma ma hisua kea havilama
hiho. Anumaya Kotia Yisasina ala kanoa maiteno agenopa maigeno Yisasife haviya amakupi
malenaya veamogamina ala kanoamia Yisasia maiteno amakenopaamia maigeya ania huya
vemoya aneamimogamina ala kanoamia maiteya amakenopaamia mainae.
4
Nagoa vayamoya
Anumaya Koti kema huhaleya nehuyao nunamuma nehuyao amanutela aiso ohisae. Aiso
hisayana Yisasina, amakenopamona agaye hisifa kava huneatae.
5
Huneatagi nagoa anemoya
Anumaya Koti kema huhaleya nehuyao nunamuma nehuyao hinuya amanutela nago yatetila
aiso ohisayana amakenopamoa, anauamimona agaye hisifa kava huya amayolagefa mukia
laga hu-talenaya anemoya nehaya augafa kava nehae.
6
Nagoa anemoya amanutema aiso
ohisayana afaa amayolagefa mukia laga hu-talesae. Tagama huya aupa hisaya yamoa
amakaye hisifa kavama hanesigeya neataleya amanutela aiso hisae.
7
Vemoya Anumaya
Kotina amemaa Anumayamo agi alisaga hisae. huno vemogamina talo hu-maleneafe
amanutela aiso ohisagi anemoya anauamimogami amaki alisaga hisayafe amanutela aiso
hisae.
8
Anumaya Kotia anemogami amaugafaleti venenea talo ohunegi vemogami
amaugafaleti anea talo humalene.
9
Anumaya Kotia anehe Hamao. huno venenea talo
ohunegi vehe Hamaesia yane. huno anea talo hu-maleneane.
10
Talo hu-malenea yafeene
ensole vayamoya neagaya yafeene anemoya Anautimo amaiyaafi nemaune. huya
amanutela aiso hulisae huna nehue.
11
Nehuanagi Anumayamoene ailokaetama maisayana
amoa haotela agaiagela omaisie. Vemoa ania huno haotela omaisie. Agaila aya nehisiana
agaila aya nehisiana hutana maisae.
12
Hagoteno vefiti anea ali falote higeya mainayanagi
menia anemoya venenea neamatayanagi Anumaya Kotipiti mukia yamoa falote hu-maineafe
aepaa maine.
13
Tamakaya tamakaitami haya kavala fako hutama ageho. Anemoya amanutela aiso
ohuneya nunamuma hisayana kanale nehio?
14
Tamakaitami haya yamoa tamaveli-maine
vemoya amayolagefa kuma hanesiana amakaye hisaya yana hane.
15
Haneanagi Anemogami
amayolagefa kula muse hisaya konagali yaami hane. hutama nehae. Anumaya Kotia
amanute aiso hisaya yafe amayolagefa kula amamine.
16
Nagoa veamoya ani yafema kema
vaisayana ani kenonaamihe mani kea nehue nagaiene mukia Yisasife havita tagupi malenona
veanene alu auava kavala nohunagi nagoke kavakeya nehune huna nehue.
Kolini veamoya Anumayamo kavema negahena fatago auava kavala nohae.
17
Menima tamahapaisua kea haviho tamakaya havi kava nehagena havina musena hu
notamatoe. Yisasi agima alisaga hugahe melitalu hutama maifina kanale kavala nohagi havi
kava nehagena nagainia onahaiye huna nehue.
18
Nagoa veamoya nahapaiyana tamakaya
Yisasife havitama melitalu hutama maifina ke nevaitama tolefi ali fako nehae huya hayana
tamage huya nehao? E, tamage nehae huna nagesa nehavue.
19
Tamakaiene mainaya veapina
nagoa veala fatago huya Anumaya Kotina haiya kavala nehae. Ani veala agetama falote
hisaya yafe tolefi ali fako nehae huna nehue.
20
Anumayamo kavema negahe melitalu
hayanagi tolefima ali fako haya yatamia haneafe Anumayamo kave lama nonae.
21
Ani
kavema negahema melitalu hayana nagoa veafena amakava nohagi tamahaote tamakaitami
alitama aya kavela nenageya nagoa veala amakala nelegeya nagoa veamoya nofi alagamo
tina ne hano huteya anegi vaya kana huya nemaiye. Naa havi kava nehutama Anumayamo
kavemona aepaa havilama ohutama afaa nenae.
22
Naa higetama naa kavala nehae? Kavema
lima nesaya notamia omaleo? Netetama eho. Anumaya Kotife haviya amakupi malenaya
veafena Afa vea kana nehae. hutama nehutama kaveamima omalea veafena Afa vea kana
nehae. hutama amakaye hisifa kavala nehao? Ani kavama hayana Kanale kava nehae.
huna hisuo? Aao Tusia havi kava nehae. huna nehue.
Yisasia kai hame mayaene nofi alagamo timaaene anagaamogamina amamine.
23-24
Anumayamotegati ali-mainoa kegina ago tamahapai-mainoa kemoa maa humaine
Yutasia Yisasina agesi huno avaleno kame vaya amayapi atenea kegela Alatimoa Yisasia kai
hame kana maya alino Anumayamotega muse huno nunamu huteno aposino neamamino
mage huno hie Mamona nagaini naugafae. Tamakai tamaya hisiafene huna naugafa hakina
nelamamugi nagaifena tamakesa havi havi nehutama nete nete hume hume haiho. huno
hamapaiye.
25
Higeya ani kavela netageno ania huno nofi alagamo keayola alino mage hie
Nagai kolama laki lavisia kanafina Anumaya Kotia haegafa alino hagelafi lamatesia kea ali
fatago hisia yana havisaya yafe mukia kanafina mani keayopiti nofi alagamo tina nenetama
nagaifena tamakesa havi havi hutama maiho.
26
Ani mayaene nofi alagamo tiene
nenetamahena Anumayatimoa tagaife huno fali-mainea aepaa huhaletama hugahae. Ania
hume nevisageno Anumayatimoa eteno esie.
Tagaitia taguamona fako huta ageteta Anumayamo kavela nesune.
27
Nagoa veamoya kai hame kana mayaene nofi alagamo tifeenena amakua fakoa ohuya
afaa nesayana Anumayamo augafaene kolamaaene alihaviya nehae. Anumayamo aufina kefo
auava kava nehae.
28
Ani yafe mukia veamogatama Anumayamo mayaene nofi alagamo tiene
nenutamahena hagotetama tamahaote tamahaote tamakua fako hutama agetetama Kefo
yana humaino? hutama tamakesa havitetama tamakuamoma kanale hu-mainesigetamahena
neho.
29
Nagoa veamoya kai hame mayaene nofi alagamo tiene neneya Yisasima tagaife
huno augafa hakino fali-mainea aepaahema ohaviya afaa nenesaya veamogamina Anumaya
Kotia kaiyekea humateno anonaamia amamigahie.
30
Naa kavama humainea yafenagiya
tamakaipitila nagoa veala amaugafamoa fulu fulu higeya kalia aligeya nagoa veala ago fali-
mainae.
31
Tagaya hagoteta tagua havita ali fako huteta noteasina Anumaya Kotia kaiyekea
hulateno anonaa otamileasine.
32
Anumayamoa haenaga agai kema nohaviya veama kaiyekea
humateno anonaa amamisia kavala tagaila otamisiafe menia tagaya kefo yama nehunagenoa
fako hulateno mai fatago huta maisunafe kayona nelamie.
33
Nafunagana-gatama naa humaineafe Anumayamo kavema negahena melitalu
hutetama kanaleya hutama nagoa veafena amakava mainegeya mukiamoya esagetama
nagopi tamakoya aye-mainetama ani kavela neho.
34
Havigu kefo yama nehutama
Anumayamo kavema nesayana Anumaya Kotia kaiyeke hulamateno fako hulamateyafenagi
nagoa veamogamima tusia amakatesigeyahena noamifinagati neteya esae. Nagoa kea
haneanagina tamakaitegama esua kanafina tamahapaigahue.
1 Kolini 1 Kolini
<<
11 11
>>
1 Kolini 1 Kolini
<<
12 12
>>
12
Alu Aotage Avamumoa alua lua tokiya nelamia yafe humaine.
1
Nafunagana-gatama menia Alu Aotage Avamumoa tokiya neamamia ke havisae huna
nehue.
2
Nayona Yisasi kema ohavinaya kanafina Satania tamavayu higetama agea oaino ago
fali-mainaya veafena Anumayati mainae. hutama amakisana nevaitama havi kate umainaya
yafena tamakaya ago havilinae.
3
Anumaya Koti Avamumoa nago kanomo aguafima
mainesigenoa mani kea ohugahie Anumaya Kotia Yisasife hai vaiteno hani yapi maiyo
huno hutesie. huno Yisasina hu-haviya hu oategahie. Nago kanomona Alu Aotage
Avamuma agupi omainesia kanomoa Yisasia Alaniamo maine. huno ohugahie.
4
Anumayamo aliya aligahe alua lua muse yamo tokiya nelamianagi nagoke Alu Aotage
Avamumo nelamie.
5
Anumayamo aliyana alua lua aliya hanegeta nealunanagi nagoke
Anumaya maine.
6
Mainegi alua lua aliya alisuna tokiyatia hanegeta nealunagi nagoke
Anumaya Kotia aliyamaa alisuna tokiya nelamianagino agaia aliyana nealie.
7
Mukia veane
amaya hisunafe Avamumoa tokiyaa tave-nelino tahaote tahaote tamine.
8
Alu Aotage
Avamumoa nagoa veamogamina Anumaya Kotina agu agesaene kea hamapaisia tokiya
amamiteno nagoa veamogamina falaki-mainea kemo aepaa havisaya amaku amakesa
amamine.
9
Ani Avamumokeya nagoa veamogamina Anumayamofe haviya tokiyaage
amametiti hisaya amakua neamamino nagoa veamogamina kalima nealiya veane aliya kanale
humatesaya tokiya nagoke Avamumokeya amamine.
10
Nagoa veamogamina tokiyaage
avame yama hisaya tokiya neamamino nagoa veamogamina Anumayamo kea amakupinaga
humainea kea huhaleya hisaya tokiya amamine. Nagoa veamogamina havilama huya fako
hisaya tokiya amamigeya Mani kavala Anumayamo Avamumo nehio? Veamoya amaku
amakesafiti nehao? Kefo Avamumo nehio? huya havisaya tokiya amamine. Nagoa
veamogamina nohaviya kefiti alu amake alu amakefiti hisaya tokiya amamine. Ani kemona
aepaa hu yahae huya hisaya tokiya nagoa veamogamina amamine.
11
Haote haote tokiya
nagoke Avamumokeya tamine. Agaia haiya kava huno tahaote tahaote alu lokiya alu lokiya
fako huno lamine.
Tagaya mukiamogata nagoke augafamo augafa atupa-tapaa mainone.
12
Taugafafitila taiya, tayana, taulaga aote aote haneanagi taugafa nagoke yane. Ania
huta Kalaisife havita lagupi malenona veala alu veane alu veane mainonanagi mukia veala
Kalaisina nagoke augafa mainone.
13
Nagoke Avamumoa tina falelamatea kava huno nagoke
augafale alino aikamaelategeta Yuta vea omainaya veanene, Yuta veanene, nofipi maineya
mone oali aliya veanene, miyaamima alisaya aliya nealiya veanene alino aigamaelategeta
nagoke taugafa mainonageno nagoke Avamumona timoma hia kava huno ani li nesunafe
nelamie.
14
Taugafa nagoke yamaagela omalegi taugafafitila taiya, tayana, taulaga hane.
15
Aiyamoa Nagaya ayana omainoafe mani augafafiti kanoa omainoe. hunoma hisiana
havige afaa ani augafafiti kano maine.
16
Agesamoa Aulaga omainoafe mani augafafiti
kanoa omainoe. huno hisiana havige afaa ani augafafiti kano hane.
17
Mukia augafafima
aulagaagema haneleasina hanaa huno agesa havileasine? Mukia augafafima agesama
haneleasina hanaa huno mana havileasine?
18
Naa ohunegi Anumaya Kotia agesa haviteno
agaia haiya kava huno taulaga, taiya, tayana talo hulateteno aote aote yana nagoke
taugafafina alino malete malete higeno hane.
19
Nagoke yamaagema hanesina mukia laugafa
omalesine.
20
Alu tupa-tapama alino talo higenoa taiya, tayana haneanagi nagoke taugafale
hane.
21
Aulagamoa ayafena Kagayama omaiteasina nagaya kanaleya huna mauleasine.
huno ohugahie. Anumoa aiyahena Kagayama omaiteasina nagaya kanaleya huna mausine.
huno ohugahie.
22
Naa ohugahigi nago kaiyaga taugafamofema Tokiyaa omalene. huta
nehunanagi ani kaiyaga taugafamoa tusia aliyamaa hane.
23
Nago kaiyaga taugafamofena
Afa ya kana humaine. huta ali hilato huneatonanagi tagaye hisuna kaiyaga falakita kena fai
nealune.
24
Fai nealunagi kanalema humainea kaiyagatia afaa kena nofaunagi Anumaya Kotia
agaia agesa haviteno mukia laugafa talo humaleteno afa ya kana huno haviya humainea
taugafamo kaiyaga kanaleya huno agia alisaga nehie.
25
Mukia laugafamoya ali fako
ohisayafe ani kavala humalegeno Nagoke taugafa hane. nehuta nago avamete maineta
kava yagai-mainone.
26
Nago kaiyaga taugafamoa tagatama aiyana mukia laugafamoa tagata
neaiye. Nago kaiyaga taugafamoa ala agima aligenoa mukia taugafamoa muse nehie.
27
Lamakaya mukia Yisasina augafa aiya, aya, aulagaa mainae.
28
Yisasife havita lagupi
malenona veamogatama nagopima maunana alu aliya alu aliyana Anumaya Kotia agaia
huyogino lamine. Hagoteno Aposolo vayala humateteno anile Anumayamo amakupi
humainea kema huhaleya hisaya veala humateteno anile Anumaya Koti ke huge amavelige
hisaya veala humateteno anile tokiya avame yama hisaya veala humateteno anile kali vea ali
hetimatesaya veala humateteno anile vea amaya hisaya veala humateteno anile kava veala
humateteno anile amakesamoa nohavia kefiti hisaya veanene alino hetimatene.
29
Mukia
vayamogata Aposolo vaya mainao? Ifi mukia veamogata Anumayamo amakupi humainea
kea huhaletama hisaya vea mainao? Ifi mukia veamogata huge amavelige aliyana nealiyo? Ifi
mukia veamogata tokiyaage avame yana nehao?
30
Ifi mukia veamogata kalima aliya veala ali
kanale huneamatao? Ifi mukia veamogata tagesamoa ohavinea kefitila nehao? Ifi mukia
veamogata ani amakema aiya kea hu yahae hutama nehao?
31
Aao naa nohunagi tamakaya
Avamumo uhagote hanea muse yana alisayafe tokiyaage huno tamahaisie huna nehue.
Tagaya nagoa veala taipa amamisune.
Menia nagaya nago yamoa lamage huno uhagote hanea auavafe tamahapaigahe hugi
haviho.
1 Kolini 1 Kolini
<<
12 12
>>
1 Kolini 1 Kolini
<<
13 13
>>
13
1
Nagaya nohavua kefiti huna mopale veamogami amakene Ensole vaya amakene
aisuanagi veamogamife nahau nayamopafi onahaisigena yaveyaene veloene afaa aiko
nelugeno kema ayeso nehia avamete huna afa kegefa nehue.
2
Anumayamoa avayafiti
nahapaiya kea huhalena nehuna Anumaya Kotia falaki-malenea kemona aepaa mukia
havilama humainoanagi veafe nahau nayamopafi onahaisiana afa ya kana huna mainoe.
Anumayamofena havina nametitia hutena Agoyamoga alule vuo. hisugeno ani agoyamoa
nagai ke havino visianagi veafena nahau nayamopafi onahaisiana afa ya kana huna mainoe.
3
Veafema nahau nayamopafi onahaisigena mone afenoami omalenesia veane mukia yania
amamisuana ani yamoa naya ohugahie. Veafema nahau nayamopafi onahaisgena
Anumayamo kema huhalena nehisugeya hamai vainateya navaleya atafi natalesageno
naugafa leno asagalisia yamoa naya ohugahie.
4
Veafe hamau amayamopafi nehamaiya
veamoya haviyama humatesageya mailava huya maineya anonaamia huoamateya kayoneage
veane mainae. Alu kanomo yate age hamaye huya amaipamoa haviyana ohigeya amaugafa
aliya ohai veane mainae.
5
Amakaiami amakia alisaga huya veganokanola nohae. Amakaiami
yafekela amakesa havi havi nohae. Aupaa hamaiya novaiye. Havi kavama humataya veafena
amakesa ohaviya afaa neatalae.
6
Veafe hamau amayamopafi nehamaiya veamoya nago
kanomoa kefo yama hisia yafena muse ohugahagi tamage kelefe musena hugahae.
7
Veafe
hamau amayamopafi nehamaiya veamoya haviya humatesaya veamogamina oamatalegahagi
Anumayamo amaya hisiafe amametiti nehuya agava maineya mai lokiya vaiya nemaiye.
8
Ma ma hamau amayamopafima nehamaiya yana hanege hanege huno hanegahianagi
Anumayamo amakupi humainea kema huhaleya hamapaiya kemoa hano hugahie.
Amakesamoa nohaviya kema nehaya yamoa hano hugahie. Falaki-mainea kemo aepaama
havilama nehaya yamoa fanane hugahianagi hamau amayamopafi nehamaiya yana agola
hano ohugahie.
9
Hano ohugahigi havimainona yamoa nago kaiyagaa havilama ohunone.
Anumayamoa lagupi humainea kea huhaleta nehunanagi nago kaiyagaa havilama ohunone.
10
Havilama ohunonagi fatago kavakeya nehisia kanomoa, Yisasia, mukia yafena havilama
hulineanagino esigeta havilama ohuneta nehuna yamoa fanane hugahie.
11
Nagaya osi nafanema mainoa kanafina nafanemoma nehia kea nehuna nagesa havi
havi humainoanagi ko hutena ala kanoma mauvana nafanemoya nehaya kavala ago atalenoe.
12
Meni kanafina tagaya hanikomako yapi maineta Anumaya Koti augosa galasifima tamema
agona avamete kava nehuta agelama huta noagonanagi haenagaa Anumayamo augosa
neageta agelama hugahune. Meni kanafina Anumayamo kea havilama nohunanagi
Anumayamoa nagaila nagelama humainea kava huna haenagaa nagaya agaila agelama
hugahue.
13
Anumayamofe havita lagupi maleta tametitima humainona yaene Anumayamoa
hulamategahue huno humainea yana hugahie. huta lametiti nehuna yaene veafe tahau
tayamopafi nelahaiya kavaene ani tagufa (3) yamoa hanege hanege huno hanegahianagi
tahau tayamopafi nelahaiya yamoa uhagoteno mani tole yamona agaseno tama yatafa hane.
1 Kolini 1 Kolini
<<
13 13
>>
1 Kolini 1 Kolini
<<
14 14
>>
14
Anumayamo kea huhaletama hisaya yafena tusiya huno tamahaino.
1
Hagotetama veafena tusiya huno tamahau tamayamopafi tamahaino. Anile Alu Aotage
Avamumo lamamisia tokiya alisaya yafe musena nehutama tusiya huno tamahaino. Ani
tokiya yapiti hagotetama Anumayamoa tamakupima humainea kema huhaletama hisaya
tokiyahena tusiya huno tamahaino.
2
Amakesamoa nohavia kema hisia kanomoa veala
hamanopaigi Anumaya Kotina agaiage hanepaiye. Veamoya ani kea nohavigi falaki-mainea
kea Avamumo hapaigeno humaine.
3
Humainegi Anumaya Kotia amakupi humainea kema
huhaleya nehaya veamoya nagoamogami amametitia ali lokiya vaimatesaya kene amaya
hisaya kene huhaleya humatenae.
4
Nohaviya kefiti nehaya veamoya amakaiami amakuamo
tokiya vaisia yana neamiyanagi Anumayamoa amakupi humainea kema huhaleya hisaya
veamoya Yisasife haviya mono nopi melitalu nehaya veamogamina amaya nehae.
5
Mukia veala amakesamoa nohaviya kefiti hisagenahena muse hugahe huanagi mukia
veala Anumaya Kotia tamakupi humainea kema huhaletama hisagena aluya huna musena
hugahue. Anumayamo kema huhaleno nehisia kanomoa agesamoa nohavia kefiti nehisia
kanomona agase-maineanagi ani kea hu yahae hisigeya Yisasife haviya melitalu humainesaya
veamoya havisageno hamamaeno amametita ali lokiya vaigahie.
6
Ani yafe nafunagana-gatama tamakaya mainesalega uvayi huna ohavinesua kefitima
tamahapaisugetama ohavisayana ani kemoa tamaya ohugahianagi Anumayamo aepaa
havilama huna mani kene Anumayamoa falaki-malenea kene Anumayamoa nagupi humainea
kene huge hamave-lige huna huhalena hisugeno ani kemoa tamaya hugahie.
7
Nagi veamoya kepitiene otofitiene yagamema hufatago huya ohisayana veamoya
havilama huya ohavigahae.
8
Nago kumatema tuma hugahe keha kehama hisageya havilama
ohisaya kema hisayana vayamoya hanaa huya haviteya kamea hugahae?
9
Tamakaya ania
humainae tamakesamoma ohavinesia kema hisageya hanaa huya ani kea havigahae? Ani
kemoa yasimoma hia kava huno fanane hugahie.
10
Ma mopafi veamoya alu amake alu
amake neaiyanagi mukia ani kemoa afa yana omalegi ani kema nehaviya veamogami
aepaaene ke hane.
11
Haneanagi nago kanomoa alu kefiti, nohavisua kema hisigena Ohavua
ke nehianagina ani kanoenena tokaena omaigahue. huna hugahue.
12
Tamakaya
Anumayamo aliyama aligahena Avamumoa tokiyaama tamamisia yafena aluya hunoma
tamahaisiana Yisasife haviya amakupi malenaya veala amaya hutama ali lokiya vaimatesaya
aliyamo tokiyahekeya aluya huno tamahaisie.
13
Ani yafema ohavinesia kefitima hisia kanomoa ani kea hu yahae hisia tokiya alisia
yafena Anumayamotega havigesie.
14
Nagesamoa ohavinesia kefiti Anumayamotega
havigesuana ani kea nagesamoa nohavianagi nagu nafanemoke ani kea huno havinege.
15
Ani
yafena naane hisue? Nagesamoa nohavia kefiti nagu nafanemoa Anumayamotega
havigegena nagainia havua nagesaene Anumayamotega havigegahue. Mono yagamea
nagesamoa nohavia kefiti nagu nafanemoa hugahianagino nagainia nagesa havimainoa mono
yagamene hugahue.
16
Ania ohisanana kagu nafanemoke kagesamoa nohavia kefitila
Anumayamo agia alisaga hisigeya nagoa ani yafema ohavinesaya veamoya kema hana kea
nohaviyafe hanaa huya Tamage nehie. huya Anumayamo agia alisaga hugahae?
17
Kagaya
Anumayamofe muse huka kanaleya huka agia alisaga nehananagi amakaya ohavisayana
amakua ali lokiya vai noamatane.
18
Nagaya mukia veala amakasena nohavua kefitila tusiya huna nehua yafena
Anumayamofena muse nehue.
19
Muse nehuanagi Yisasife haviya mono nopi melitalu
hisafina huhalena hisugetama havilama hisae huna tagaiti kefitila faefua (5) ke kanoa osia
tamahapaisuana teni tausenia (10,000) kema nagesamoa nohavisia kefiti hisua kemona
agasegahie huna nehavue.
20
Nafunagana-gatama kefo yama hisaya yafena nute nafanemoya nehaviya amakesamo
avamete hu havitama maiho huna nehuanagi alopa veamoya nehaviya amaku amakesamo
avamete havitama kanaleya hutama ma ma Alu Aotage Avamumoa tokiyama tamamisia
kema tamahapauva kea fako hutama nafanemoya nehaviya avamete tamaku tamakesa
ohaviho.
21
Anumayamoa mage higeya avopina kae-malenayane
Yuta veafe nayona mage huna humainoane Nagaini veafe alu veamogami kefiti
hamapaisuanagi ania huya veganokano nehuya nagai kea haviya akave
omalegahae. huno humainayane.
22
Naa humaineafe ohavinesia kefiti nehisageya Yisasina amakaveno hutenaya veamoya
haviya Anumaya Kotina tokiya avame yamaa neageya Anumayamo kea tamage nehie.
huya hisayafe amave-lianagi Yisasife haviya amakupi malenaya veafe ani avame kea nohigi
Anumaya Kotia avayafiti humainea kema huhaleya nehageno amaya nehie.
23
Yisasife haviya melitalu hisafina mukia veamoya nohavisaya kefiti kema hisageya ani
kavama oagenesaya vealo Yisasina amakaveno hutenaya vealo me havisayana hinageya
Havigunagu kava nehae. huya hugahae.
24
Hugahagi mukia veamoya Anumayamoa
amakupi humainea kema huhaleya nehisageya ani kavama oagenesaya vealo Yisasina
amakaveno hutenesaya vealo hainefaleya havinuya Yisasife huhaleya hisaya keleti amakaiami
Kefo ya nehune. huya hisageno hisaya kemoa amakaila kaiyeke humateteno fako
humategahie.
25
Fako hamaisigeya amakupima falaki-mainesia yana falote hisigeya ageteya
Anumaya Kotite ape huya Anumaya Koti agia alisaga nehuya Anumaya Kotia tamakaiene
maine. huya hugahae.
Mukia Anumayamo agima alisaga hisuna auava kavala fatago kavakeya hisune.
26
Nafunagana-gatama naa hisaya yafena naane hisune? Melitalu hisayana nago
veamoya yagamea hisageya nago veamoya Anumaya Koti kea hisae. Nago veamoya
Anumayamo falaki-malenea kea agupi hapaiya kea huhaleno hisayana nago veamoya
Avamumo aminea kea agesamoa nohavia kefiti nehisageno nago veamoya ani kea huya
aiyahae hisae. Ani kavakeya hutama veala amakua ali lokiya vaisaya kea hiho.
27
Nagoa
veamoya amakesamoa nohaviya kefitima hinuyahena tolemoganio tagufa veamoyao
amahaote amahaote hisageya nagoa veamoya ani kea aiyahae hiho.
28
Ani kema aiyahae hisia
kanoma omainesigeya mono nopina ani kea ohuya amakupinaga Anumayamofena ani kea
hisae.
29
Tolemoganio tagufa veamoyao Anumaya Kotia amakupi humainea kea huhaleya
hisageya nagoa veamoya ani kehena amakesa havi havi huya fako huya haviho.
30
Nago
kanomoa Anumaya Koti kea huhaleno nehisigeno Anumayamoa nago kanomona agupi kea
nehisigenoa hagote kanomoa kea ohuno mainesigeno anile kanomoa kea hisie.
31
Mukia vea
amaya hisageya haviya kanaleya huya mai-lokiya vaisayafe mukiamogatama tamahaote
tamahaote Anumaya Kotia tamakupi kea higetama huhaletama hiho.
32
Anumayamoa
amakupi humainea kema huhaleya hisaya veamoya mani kea hisaya yafeene ohisaya yafeene
amakaiami amakuale kava yagaiya mainae.
33
Anumaya Kotia haviya havaya hisaya kavafena
nohaigi ako hutama maisaya yafe nehaiye.
Mukia Yisasife haviya melitalu nehaya veamogami ani kava nehae.
34
Anemoya mono
nopina kea ohuya ako huya maiho. Kahegi kema akave maleya anauamimo amaiyafinaga
maineya mono nopina ke haviya nago kea ohuya maiho.
35
Nago kemoa kanama
hamaisigeya noamifinaga umaineya anauamimona ani kehena hamavigesae. Anemoya mono
nopina kea hisayana amakaye hisia kava hugahae.
36
Yisasi kanale mono kea hagoteno tamakaipiti falote humaineo? Aao ania ohune.
Tagaitige havimainone. hutama nehao? Aao ani kemofena veganokanola ohiho.
37
Nago
kanomoa Anumayamoa nagupi kea higena huhalena hisua kano mainogeno Avamumo
tokiya namigena mainoe. huno hisia kanomoa ma ma kae-malenoa kemona Anumayamo
kahegi kehe humaine. huno hise.
38
Manima hua kema amakaveno hutesaya veamogami kea
ohaviho.
39
Nafunagana-gatama Anumayamo kea huhaletama hisaya tokiyahe aluya huno
lamahaigahianagi amakesamoa nohavia kefitima hisaya veafena Aao. hu oamateho.
40
Mukia kavama mono nopima melitalu hutama nehaya kavala kaliso oatitama fatago
hutama hisaya kavakeya hiho.
1 Kolini 1 Kolini
<<
14 14
>>
1 Kolini 1 Kolini
<<
15 15
>>
15
Kalaisia ago fali-mainefiti eteno heti-maine.
1
Nafunagana-gatama Yisasia hulatenea kanale mono kema huhalena tamahapai-mainoa
kea nagoene huna tamakesa ali hao hugahe nehue. Mani kea havitama tamakupi maletama
tamametiti hutetama ago hetitama mainae
2
Ani kanale kea atafa hulinesageno Anumayamoa
tamaku tamamena aligatigahianagi afaa amega tamaugafaletima Yisasifena nagua aminoe.
hutama hisayana tamaku tamamena aliokatigahie.
3
Anumayamoa nahapaigena havimainoa kemoa uhagoteno agase-mainea kea mage
huna tamahapai-mainoe Anumayamo avopi kae-malenea kate Kalaisia kefo yama humainona
yatefene huno fali-maine.
4
Faligeya hevaitageno tole yupa komufinaga hanetegeno tagufa
(3) kanale avopima kae-malenea kate maleno Anumaya Kotia avale heti-maine.
5
Eteno
hetiteno Pita aule evayi huteno haenagaa agaia alevenia (11) anagatela vayi humaine.
6
Vayi
higeya faefu hataletia (500) alitalu humainaya tafu-taganate evayi humaine. Ani veala osia
falitageno kasagoya veala ofaliya afaa mainae.
7
Anile Yemesi mainele evayi huteno
haenagaa mukia Aposolo vayatela evayi higeya age-mainae.
8-9
Naa huteno haenagalafa nagaitela evayi humaine. Kalaisina akave nehaya veala
nagaya tusiya huna ali haviya humatenoafe Aposolo kano maisua yafena onatenegi mukia
Aposolo vayala nagaila nagasegena osi vaya kana huna maigena amoa kanaa omalegeno
nafane atea kava huno Anumaya Kotia agaia nafane nategeno Kalaisia faliteno nagaitela
evayi humaine.
10
Anumaya Kotia agaia kayone yamaa namineafe Aposolo kanoa mainoe.
Kayone yamaa naya higena nagoa Aposolo vayamoya aliyama ali-mainaya aliyana
amakasena nealuanagi nagaya omagi Anumaya Koti kayone yamaamo naya higeno nagaiene
haneafe ali-mainoa aliyamoa amakase-maine.
11
Nagoa Aposolo vayamoyao nagayao
tamahapauna kea lagaya mukiamogata nagoke kegeya huhaleta humainona kele havitama
tamakupina malenae.
Haenagaa mukia fali-mainaya veala hetigahae.
12
Kalaisia ago fali-mainefiti heti-maine. huta nehunagi naa higetama nagoa
veamogatama Fali-mainaya veala eteya heotigahae. hutama nehae?
13-14
Fali-mainaya
veama he-otinaleasine Anumayamoa Kalaisienena fali-mainefitila ali heti-oateleasine.
Kalaisina fali-mainefitima ali heti-oateleasina nagayama nehua kea afa ke kana higetama
tamakaya afa yafe tamakupina maletama tamametitia haleasine.
15
Anumaya Kotia Kalaisina
alino heti-oatenesina tagaya Anumaya Kotia Kalaisina alino hetitene. huta nehuna kemoa
Anumaya Kotife havige huteasine. Anumaya Kotia fali-mainaya veama alino heti-
oamateleasina Kalaisienena alino heti-oateneleasine.
16
Tamage Anumaya Kotia veama fali-
mainafiti ali heti-omateneleasina Kalaisienena ania huno alino heti-oateneleasine.
17
Nagi
Anumayamoa Kalaisima ali heti-oatenesina tamakupi maletama tamameti nehaya yamoa afa
ya kana higeno kefo yama nehaya yatamimoa aigagilamateno lamatafa hileasine.
18
Kalaisife
haviya amakupi maleteya fali-mainaya veamoya hanimo aguafi agola amakata aiya no
maileasine.
19
Kalaisife havita tagupi malona yana ma mopale mainona kanafikeya taya
hileasina haenaga faliteta hetita ikapinaga ohauteasina Kalaisife havita lakupi malenona
yamoa afa ya kana huleasinagi haenagama vayima hisia yafe tamage huta lametitia nehune.
20
Tamage Anumayamoa Kalaisina fali-mainefiti ago alino hetiteneane. Hoyafi
kavemoma hagoteno nena hia avamete huno Kalaisina hagoteno ali hetiteneanagino
haenagaa fali-mainaya veala alino hetimategahie.
21
Nagoke kanomoa, Atamu, kefo yama
humainea yateti fali yana ali falote humaineanagi nagoke kanomoa, Kalaisia, fali-mainea
yateti ania huno tagaya veamogata heti yana ali falote humaine.
22
Maa humaine Atamu
mukia nelafa maineafe mukiamogata agayama humainea kava huta nefalunanagi
Kalaisienema aigamaeta mainona veamogata agayama humainea kava huta eteta hetita
haegafa veane maigahune.
23
Anumaya Kotia malenea kanaale Kalaisia hagoteno heti-
maineafe agayama eteno esia yupa mukia Kalaisife haviya amakupi malenaya veamoya fali-
mainesafiti hetigahae.
24
Hetitesageno ani kanafi mukia yana hano hisigeno Kalaisia mukia
ma mopale kava vayaene Anumaya Koti kame vayaaene Kefo yamo tokiyama hanea
Avamuyagaene Kalaisia amakaseno ani vayamogamina ali hano humaleteno Anumaya
Kotina kava yagaisiafe Nefa ayapi mukia amategahie.
25
Kalaisia yagaime yagaime haino
mukia kame vayaa amakaseno aiyafinaga alino amategahie.
26
Kalaisia kame yana ali hano
humaleteno haenagalafa veama nefaluna yana heno fanane hutalegahie.
27
Kava yagaisiafe
mukia yana Anumaya Kotia Yisasi aiyafi malene. huno kae-maleneane. Mani kea Mukia
yana malene. huno humainea kea Anumaya Kotia, kava yagaisiafe mukia yana Yisasi aiyafi
malenea kanomofe ohune.
28
Ani kavala humaleteno mukia yana agaseno kava yagai-mainea
kano Kalaisina, Anumaya Kotia aiyaafi ateteno Anumaya Kotia mukiamoya hagote kava
kano maigahie.
29
Yisasia fali-mainefitila heotineleasina nagoa veamoya fali-mainaya veafena amakesa
haviya mono tima nefalayana na kanale ya falote hugahie? Fali-mainaya veala heotisayana
naa hinageya fali-mainaya veafena haviya tina nefalae?
30
Tagaya Anumaya Koti kea huhaleta
nehunageya mukia kanafina kayo kevea lamigeta falisuna kavala nehune. Veama heotisayana
naa higeta ani hu nelataya kavala afaa nealune?
31
Nafunagana-gatama tamagelafa nehue
mukia kanafina kayo keve namigena faligahe huanagi Yisasi Kalaisi Anumayatimoene
ailokaena mainena agai kema tamahapaugetama havimainaya yafena aluya huna musena
nehue.
32
Ma mopafi yafekeya nagesa nehavina Efesusi kumate mainaya vayala, kaveage
afela afu kana nehaya vayaene keleti tua nehuanagiya fali-mainesaya veama heotisayana ani
kavama hunenataya yamo anonaa hanaa huna alisue? Falimainesaya veala heotisayana
veamoya nehaya kea Ega falisupi afaa maineta tiene kaveene neta kanaleya huta
maigahune. huya nehaya kemona akave malegetao.
33
Havigema nehaya veamogami kea ohaviho. Fatago veamoya kefo yama nehaya
veanene maisayana ali haviya hulamategahagi kayetama maiho.
34
Tamakesa hao hinagetama
kefo yama nehaya yana ataleho. Nagoamogatama Anumaya Kotifema ohaviya yafena
tamakaye hino huna nehue.
Faliteta hetisuna taugafa haote ya kana hugahie.
35
Nagoa veamogatama mage hutama nahavi-negae Hanaa huya fali-mainesaya veala
hetigahae? Fali-mainesaya veama hetisayana hana augafa amaugafa hanesigeya evayi
hugahae? hutama nahavi-negae.
36
Nahavi-negaya veamogatama havigu ke nehae. Avina
yama mopafi fai-malenageno falino numayu ohisigenoa ohagegahie.
37
Hageno vayi
higetamahena fai-malenaya avina kana ohunegi osi avina alaga kanoa viti avinafi alu avina
yapi osi kanoa fai-nemalae
38
Fai-malenageno Anumaya Kotia agesa haviteno haiya kava
huno avina yana alu augafa alu augafa amigeno nehage. Anima nehagea avamete huno
Anumaya Kotia fali-mainesaya veala alu amaugafa amamiteno ali hetimategahie.
39
Mukia yamona nagoke augafa okaline. Veala alu laugafa kali-maigeno afu
kalamogamina alu amaugafa kali-maigeno namayaga-mona alu amaugafa kali-maigeno
noyameyaga alu amaugafa kali-maine.
40
Ikapinaga yana alu amaugafa kali-mainegi ma mopafi veala alu amaugafa kali-maine.
Mopale veala konagali yaamia haneanagi ikapinaga veala alua konagali yaami hane.
41
Yagemoa alu konagali yamaa hanegeno ikamoa alu konagali yamaa hane. Kanefiyagamona
alu konagali yamaa haneanagi nagoa kanefimona alu konagali yamaa haneanagi nagoa
kanefimoya alu konagali yaamia hane.
42
Fali-mainaya veala faligeya hevaimataya amaugafa kasalisia amaugafa haneanagi
eteya hetisaya amaugafa agola hanege hanege huno fanane ohisia amaugafa hanegahie.
43
Hevaimatesaya amaugafa amakaye hisia amaugafa haneanagi eteya fali-mainesafiti
hetisayana tokiya hale yamaa hanesia amaugafaene hetigahae. Hevaimatesaya
amaugafamona tokiyaa omalenea amaugafa haneanagi eteya hetisaya kanafina tokiyaa
hanesia amaugafaene hetigahae.
44
Hevaimatesaya amaugafa mopa amaugafa hanegeno
hetisaya amaugafa ikapinaga amaugafa falote hugahie. Mopale maisuna taugafama hanesiana
ikapinaga maisuna taugafaene falote hugahie.
45
Naa humainea yafe Anumaya Koti avopina
Hagote kanoa, Atamue, haimula hanea kano falote humaine. huno kae-maleneane.
Kae-maleneanagi haenagama falote humainea Atamua, Yisasie, ikapinaga maige maige
hisaya hamaimula amamisia kano maine.
46
Hagoteno ikapinaga maisuna taugafa falote
ohunegi mopale taugafa hagoteno falote huteno haenaga ikapinaga maisuna taugafa falote
hugahie.
47
Hagote kanoa, Atamuna, mopaleti aye kakali-feno talo huteneanagino haenaga
falote humainea kanoa, Yisasia ikapinagati emaine.
48
Mopale mainaya veala mopaleti talo
humalenea kanomo avamete huya mainagi ikapinagama visaya veala ikapinagati emainea
kanomo avamete huya maigahae.
49
Menia mopaleti talo humalenea kanomo augafa kali-mai
veane mainonanagi haenagaa ikapinagati emainea kanomo augafa kali-mai taugafa hanegahie.
50
Nafunagana-gatama tamahanepauve mopafi taugafamoa Anumaya Koti kava yagai-
mainea kumatela ougahianagino kasalino fanane hisia taugafamoa agola maige maige nehaya
kumatela outafa huno ougahie.
51
Anumaya Koti kema falakino hanea kea tamahapaigahugi haviho. Mukia Yisasife
haviya amakupi malenaya veamogata ofalita afaa mainesunageno aupaa mukia laugafamoa
alino alua hu taugafa hapaegahie.
52
Aupaa aulumaya konelia auava kava huno haenagalafa
kepiti ufe kalafa kemoa nehigeno Yisasia ikapinagatila efalote hisigeno agoma fali-mainaya
veala hetiteya agola maige maige hisaya amaugafa alitesageta ofalita afaa mainesuna veala
anile maige maige hisuna taugafa hapaegahie.
53
Mopafima mainona taugafamoa
negasalianagi haenagaa okasalisia taugafa falote hugahie. Falisuna taugafa haneanagi
haenagaa ofalita agola maige maige hisuna taugafa falote hugahie.
54-55
Negasalia taugafamoa fanane hutenageno okasalisia taugafa falote hugahie. Fali
yamoa fanane hinageno ofalisuna yana falote hisigeno ma ma Anumaya Koti humainea
kemoa falote huno tamage hugahie. Mage huno kae-maleneane
Maige maige hisuna yamoa falisuna yamona agasetafa humaine. Nefaluna yamoga
tagasesana tokiyakaa hanate hane? Fali yamoga veala amaugafa akafu anika
henefalina tokiyakaa hanate hane? huno kae-maleneane.
56
Kahegi kea akave omalonafe kefo yana nehune. Kefo yama nehuna yana akafu amanino
veane hefalisia ya hane.
57
Haneanagi Anumayati Yisasi Kalaisia hulatenea yamo falisuna
yana ago agase-maineafe Anumaya Koti agia alisaga huta muse hisune.
58
Nahau-mainea nafunagana-gatama Yisasifena tamakua ami hetofa hutama mai-lokiya
vaitama etetama alu katela oviho. Anumaya Koti aliyamoa afa ya kana ohuno kanale anonaa
alisaya aliya haneafenagitama mukia kanafina Anumayamo aliyana tokiyaage vaitama aliho.
1 Kolini 1 Kolini
<<
15 15
>>
1 Kolini 1 Kolini
<<
16 16
>>
16
Poloa Mone alitalu higena malanageno Yelusalemu vino. huno humaine.
1
Yisasi anagala Yelusalemua mainagena amaya hisaya mone amamisaya kea hugahe
hue. Kalesia kotega mainaya veamogamina hamapaugeya humainaya kavala tamakaya ania
hiho.
2
Nagaya esua kanafina ani monema alitalu hisaya yafena nonahaigi Sotamaahe
Sotamaahe alisaya monea ali fako hutama alu vaya amamisaya monea alitalu hute hute hiho.
3
Ani kava nehagena esua yupa tamahaisia vayala hapalisagena avo kaena amamitena
humatesugeya avoene monene aliya Yelusalemua ugahae.
4
Ugahagi nagaya visua nagesa
hisugenofena amakaya nagaiene ugahae.
Poloa Kolini mainaya veane momakesia ke humaine.
5
Masetonia kotega mainaya anagamogamina mogetena tamakaitega egahue.
6
Neena
nago kanafina tamakaiene yasima alisia ikatela mainena alulegama ugahe hisugetama nagaila
naya hutama ali kate nategahae.
7
Anumayamoa kanalene hisigena nagayama visuana
tamaketena aupaa tamatalena visua yafe onahaigi nagoene ayaaya kanagefa tamakaienena
maisua nagesa nehavue.
8
Efesusi kumate mainena kavema afulesia kanahe muse hisaya imu kisaya kanamoa
falote hutesigena ugahue.
9
Meni kanafina Anumaya Kotia agai kea hamapaisuafe fita
yakinateno tusia aliyana namigena nealugeya kasagoya veamoya ani kea nehaviyanagi ani
kemona kame vayaa kasagoya vaya mainae.
10
Nagaya Anumaya Koti aliya nealua kava huno Timotia Anumaya Koti aliya
nealianagino tamakaitema visiana tamakaife kolia ohuno aipamoa falu nehinageno kanaleya
huno maino.
11
Afa kano maine. hutama hu-haviya hu-oateho. Falu yapi mainesigetama
aya hutama hutesageno nagaya mainolega kanaleya huno eteno esie. Agayaene nagoa
nafunaganayaene esayafe amakava mainoe.
12
Apolosia nenafufe nehue nagoa nafunaganayaene Kolini kumate vuo huna
hamapaite hamapaite nehuanagi Menia ovisua nagesa nehianagina ougahugi haenagama
visua kananiama hanesigena ugahue. huno humaine.
Poloa nagoa atupa kea humaine.
13
Kayetama mainetama Yisasife havitama lamakupi malenaya yana atafa hutama kolia
ohutama lokiya vaitama maiho.
14
Nelama-fugamifena tamahau tamayamopafi nelahainage-
tama mukia kavala hiho.
15
Tamakaya Setefanasifena havi-mainae. Kaliki kotega agaiene agaia afamoaene
hagoteya amakua aiyahae huteya Yisasife haviya amakupi malenayapiti mukia kanafina
Yisasi anagala amaya humainae.
16
Naa kava humaineya Anumaya Koti aliyana tusiya huya
nealiya veamogami amaiyaafi maiho.
17
Tamakaya alulega mainetama nahaomaenayanagi menia Setefanasiene Fotunatusiene
Akaikusiene nagaitega agena nahanemaeyafe tusia muse nehue.
18
Amakaya tamakaifema me
nahapaigeno naipamoa kanaleya higena muse nehue. Muse nehuafe tamakai tamaipamoa
ania huno kanaleya humaine. Naa kava nehaya vayafena tusia muse hutama amakia alisaga
hiho.
19
Esia kotega alu kumate kumate maineya Yisasife haviya alitalu nehaya veala
Mainafio? huya hu falu fala hunelamatae. Akuvilaene Palisilaene anakai nopima Yisasife
haviya melitalu nehaya veala Anumayamoene ailokaeya maineya Mainafio? huya hu falu
fala hu nelamatae.
20
Mukia mafi mainaya tafu-taganagaya Mainafio. huya hu falu fala hu
nelamatae.
Tamakaya Anumaya Koti anaga mainayafe nagoke nagokemogatama tamayana oami
aami hutama maiho.
21
Nagoa kea nago kanomona hapaugeno kae-maleneanagi nagaya Polona mamona
atupa avona nagaini nayapiti kaena nelamamue.
22
Anumayamofe havino hau ayamopafi nomalea kanomona Anumaya Kotia ali haviya
hutesie. Anumayatimogae aupaa eno. huna nehue.
23
Anumayati Yisasi kayone yamaa
tamakaiene hanesie huna nehue.
24
Yisasi Kalaisiene aigamaena tamakaila naipa nelamamue.
Tamage.
Kenia male hano hie.
Nagaini nagia Polonae.
1 Kolini 1 Kolini
<<
16 16
>>
Kea
1 Yoni
00
11
22
33
44
55
1 Yoni 1 Yoni
<<
00
>>
^
1 Yoni
Haimuaene Kemoa efufute emaine.
Tagaya hale yapi ute ete huta maisune.
Yisasia tagai tahamaisea kano maine.
Nago kanomoa tamage huno Anumaya Kotifema nehaiya kanomoa nefugamifena
nehaiye.
Tagaya ma mopale auava yafena otahaisie.
Kalaisina kame vayaa ago falote humainae.
Alu Aotage Avamumoa tamageage kea hulave-nelie.
Menia tagaya Anumaya Koti nafane mainone.
Yisasia tafu-tagana-gamife tahau tayamopafima lahau yana tokiyaage yana ago
taveli-maine.
Anumayamona aguama aminesia kanomoa Anumaya Koti aufina kolia ohugahie.
Avamumogamina fako hutama Anumaya Kotitegati neefi alu kateti neefi hutama
ageho.
Anumaya Kotifema nelahaiya avamete nelafu-gamifena tahau tayamopafi tahaisie.
Yisasife amakupi maleya amametiti nehaya veamoya ma mopafi kefo kavamo
tokiya ago agase-mainae.
Anumaya Kotia nafaneamofe huhaleno humaine.
Tagaya havimainone maige maige hisuna tahaimula ago ali-mainone.
1 Yoni 1 Yoni
<<
00
>>
1 Yoni 1 Yoni
<<
11
>>
1 Yoni
Yonia Yisasiene vaiyeno tuelufua (12) anagapi maineno Yisasima humainea kea avopi
kae-malene. Kae-maleteno haenagaa kosunama leno mainenoa talia (3) avona kae-malene.
Yisasia falitenoma hetino ikapinaga haitegeno Yonia sikisitia (60) kafu agava maineno vani
(1) Yoni kea kae-maleneane.
1
Haimuaene Kemoa efufute emaine.
1
Ehema ma mopama talo ohunea kanafina Yisasie, nago agia Haimuma Hanea Kemoe,
maineane. Maineanagina nagaya naulagafiti ani kanoa agelama huna agetena nayateti atafa
hu-mainoanagina avona kaena tamahanepauve.
2
Anima hano ohu tahaimumona aepaamoa
Nefaene tokaeno maineleti evayi higena age-mainoe. Hano ohu tahaimula agola alita maige
maige hisuna kanoa aepaamona agetena tamagelafa huna tamahanepauve.
3
Tagaiene
tamakaienena nagoke taipa huta maisuna yafe havitena agetena humainoa kanomofe
tamahanepauve. Tagayama Anumaya Kotiene nafaneamoa, Yisasi Kalaisiene, nagoke taipale
mainone.
4
Mani kema kaova kemoa tagaiti muse yatimoa tamagelafa huno havatesia yafe
mani avopina kae-malenone.
Tagaya hale yapi ute ete huta maisune.
5
Nagi Yisasima tahapai-mainea kea havitena tamahanepaugi haviho. Anumaya Kotia
hale yamaaene kano mainegeno aguafina osi kanoa haniki mai yamaa tamagelafa huno
omalene.
6
Omaleanagita tagaya Anumaya Kotiene taguamoa nagoke taipale mainone.
nehuta haniki mai yapima ute etema hisunana havige nehuta kelamage kemona akave
nomalone.
7
Nomalonanagi Anumaya Kotima hale yapima mainea ya huta hale yapima ute
etema hisunana nelafuyaene nagoke taipale maisunagenoa Anumaya Kotina nafaneamoa,
Yisasi kolamoa mukia kefo yatia aye hami nelate.
8
Aye nehami nelateanagi tagaya Kefo yatia omalene. huta hisunana tagaiti taipamona
havige aye lavataga hisunageno kelamage kemoa taguafina omalegeta havigeage veane
mainone.
9
Mainonagi tagayama kefo yama hu-mainona yafema hu falotema hisunana
Anumaya Kotia aigetateno ani kefo yatia atalelategahie. Anumaya Kotia fatago auava
yamaaene kano maineno tahapai-mainea kemona ani kate maleno hugahie. Mukia kefo
kavama nehuna yana aye hami-talesigeno taguamoa efeage hugahie.
10
Tagayama Kefo yatia
omalene. hutama hisunana Anumaya Kotifena Havigeage kano maine. huta nehunageno agai
kemoa taguafina nomale.
1 Yoni 1 Yoni
<<
11
>>
1 Yoni 1 Yoni
<<
22
>>
2
Yisasia tagai tahamaisea kano maine.
1
Nagaini nafaneyagamo-gatama kefo kavala ohisaya yafe mani avona negaogi
tagayama kefo yama hisunana Yisasi Kalaisia fatago agu agesaene kanogino tagaite maleno
Nefatega ke huno havigegahie.
2
Anumaya Kotia tagayama kefo yama huna yafena havino
aipa haviya hu-lateanagi Yisasia kefo yatihe falitegeno Anumaya Kotia aigetateno alino
atalelatene. Tagaitige kefo yafena ani kavala ohunegi mukia ma mopafima mainaya
veamogami kefo yafeene ani kavala huno fali-latene.
3
Hanaa huta Yisasina tagua amitafa hu-
mainesuna yafena havisune? Anumaya Kotia kahegi malenea kema akave malesunana
tamage huta Tagua amitafa hu-mainone. huta nehuta agaila ago age-mainone huta hugahune.
4
Nagoa veamoya Anumaya Kotina tagua amitafa hu-mainone. huya nehuya Anumaya Koti
kahegi kea akave omalesayana havigeage veane mainageno kelamage kemoa amakuafina
omalene.
5-6
Omaleneanagi nagoa veamoya Anumaya Koti kema akave malesaya yateti
Anumaya Kotife hamau amayamopafi tusiya huno hamau-maine. Yisasiene tokaena mainoe.
hunoma nehea kanomoa Yisasima hu-mainea kava huno ute ete hisie. Aniama hisunana
Yisasiene tokaeta mainone. huta havilama hugahune.
Nago kanomoa tamage huno Anumaya Kotifema nehaiya kanomoa nefugamifena
nehaiye.
7
Nahau nayamopafi nenahaiya nafunagana-gatama menima negaova kahegi malenea
kea haegafa ohavinaya kea nokaogi nayoma ehe kanafima havilinaya ke negaove. Ani kea
nayoma ago havimainaya ke hane.
8
Haneanagi menima negaova kahegi kemoa haegafa
kelafa hane. Haniki-mainea yamoa ago fanane higeno tamage hale yama aye vasa hisia yana
ago emaine. Yisasiene tamakaiene kanale kavama nehaya yafe mani kea Tamage nehie.
hutama nehae.
9
Nagoa veamoya Hale yapi nemaune. huya nehuya amafuamakana-gamina amaipa
kafama he neamatesayana haniki-mainea yapi mainae.
10
Amafuamakana-gamifema hamau
amayamopafi hamauge hamauge nehia veamoya hale yapi maineya aye hataga huliya kefo
yapina asaga hu otavigahae.
11
Otavigahayanagi amafuamakana-gamina amaipa kafa he
neamataya veamoya haniki-mainea yapi maineya ute ete nehageno ani haniki yamo amaulaga
ayesu nehigeya visaya kana agelama huya noagae.
12
Osi nafanenimogatama Yisasi agile Anumaya Kotia kefo yatamia ago aige-lamateno
atale-lamatenea yafe mani avona negaove.
13
Vayatamamo-gatama Yisasia nayoma ehe
kanafima mainea kanomona aepaa ago havilama hutama havimainaya yafe mani avona
negaove. Neyavemo-gatama Satanienema tua hutama agase-mainaya yafe mani avona
negaove.
14
Nafaneyagamo-gatama Nefafema havimainaya yafe mani avona kae-malenoe.
Vayatamamo-gatama Yisasia nayoma ehe kanafima mainea kanomo aepaa havilama hutama
havilinaya yafe mani avona kae-malenoe. Neyavemo-gatama tokiya neyave mainaya yafeene
Anumaya Koti kemoma tamakupi hanea yafeene Satanienema tu hutama agasaya yafeene
tamakaife huna mani avona kae-malenoe.
Tagaya ma mopale auava yafena otahaisie.
15
Ma mopaene mopale hanea yafeene tusia muse hutama agetama tamahayea ohiho.
Nagoa veamoyama ma mopafi yafema tusia muse huteya age hamayema hisayana Nefana
amakua noamiye.
16
Mukia mopafi hanea yana augafa haga neyaene aulaga age haye hu
yaene augafa alino hai kava hu yaene Nelafategatila omenegi mani mopafima mainaya
veamogami amaku amakesafiti falote humaine.
17
Ma mopaene mukia yama ageya hamaye
hu yaene hano hugahianagi Anumaya Kotima haiya kavama nehia kanomoa hano ohu
haimula alino agola maige maige hugahie.
Kalaisina kame vayaa ago falote humainae.
18
Nafaneyaganimo-gatama ma mopama hano hisia kanamoa ago falote higeno
Kalaisina kame kanoamoa ago egahie hu-mainea kea ago havimainae. Kasagoya Kalaisina
kame vayaa ago evayi hu-mainaya yafena ageho ma mopama hano hisia kanamoa ago falote
humaine huta havimainone.
19
Ani Kalaisina kame vayaa tagaiene mainaleti nelataleya
tagayama havuna amakesa ohaviya alu anaga maineya tagaila nelataleya havigu nemaiye.
Tagayama havuna amakesama havileasipa otatalaleasine. Mukia veamoya tagai anaga
omainae huya havisaya yafe tataleya umainae.
20
Tamakaila Anumaya Kotia Alu Aotage Avamula tamamigetama kelamage kea
havilinae.
21
Nagaya tamakaya Yisasifena kelamage kea ohavinaya yafe avona negaove huna
nohugi tamakaya Yisasifena kelamage keama havilinaya yafe negaove. Ke-lamage kefitila
havigema nehaya kemoa omene.
22
Havigeage kanoa ta maine? Nagoa veamoya Yisasina Anumaya Koti hutegeno
emainea kanoa, Kalaisia omaine. huyama nehaya veamoya havigeage veane mainae. Ani
veamoya Anumaya Kotiene nafaneamoene amakavenoma hutenayana veamoya Kalaisina
kame veanea mainae.
23
Nagoa veamoya Yisasina amakavenoma hutesayana Anumaya Koti
nafanea omaine. Omainagi nagoa vayamoya Yisasifema Anumaya Koti hutegeno emainea
kano maine. huya hisayana Yisasia amakupi mainegeno Anumaya Kotia nefoamimo maine.
Alu Aotage Avamumoa tamageage kea hulave-nelie.
24
Tamakayama nayoma havimalenaya kea atafa hutakalo higeno kutamifi haneno. Ani
kavama hisayana Nelafaene nafaneamoene tokaetama agola maigahae.
25
Maigahayanagi
Kalaisia tagaifena hu lokiya vaino mage humaine Agola maige maige hisaya tamahaimula
tamamigahue. huno hu lokiya vai-maineane.
26
Havigeage kema huya havi kapima tamavaleya visaya yafema aye lamavataga hisaya
veamoya havisaya yafe mani avona ago nekaove.
27
Kaovanagi Anumaya Koti Alu Aotage
Avamumona tamamineanagitama tamakaya ago avalageno tamakupi mainegi havigu alu
kanomo havi ya tamave-liyafenagi Alu Aotage Avamumoa mukia yafena tamav nelino
tamageage hugahianagino havigea ohugahie. Hulamavema-nelia yafena Yisasiene
aigamaetama maiho.
28
Nagi osi nafanenimogatama Yisasiene aigamaetama maiho. Aigamaetama maisunana
Yisasima ikapinagati esia kanama vayima hisigeta kolia ohuta agai augafima agesuna yafena
tagayea ohugahune.
29
Tamakayama Yisasia fatago auava yamaaene kano maine. hutama
havilama hu-mainaya yafe nagoa veamoya fatago kavama huge huge nehaya veamoya
Anumaya Koti nafane mainae. hutama ago havilinae.
1 Yoni 1 Yoni
<<
22
>>
1 Yoni 1 Yoni
<<
33
>>
3
Menia tagaya Anumaya Koti nafane mainone.
1
Vaeha Nelafaa tagaifema tusiya huno hau ayamopafima nehaiyanagino tagaifena
Anumaya Kotia nafaneyagania mainae. huno humaine. Tamage agaia nafaneyagalafa
mainone. Ma mopale yafema muse nehaya veamoya Anumaya Kotifema havilama huya
ohaviya kava huya tagayama Anumaya Koti nafanema mainona yafena tagaienefena
havilama nohae.
2
Nenahaiya nafunagana-gatama meni kanafina tagaya Anumaya Koti nafane
mainonagi haenagaama maisuna aepaa ohavinonagi mani kemona ago havimainone.
Yisasima esia kanafina agaila aepaama agesuna yafe agaienena nagoke avamete maigahune.
3
Ani yafe mukia veamoya Yisasima esigeya agesaya yafe amametitia nehuya amakua sese
huge huge nehuya Yisasia kefo kavama ohuno agupima oniya yama omalenea kava huya
kanale kavaage huya maisae.
4
Mukia kefo kavama huge huge nehaya veamoya Anumaya
Kotina amakaveno huteteya agaiama kahegi malenea kea ali neatagae. Kefo yama nehaya
yamona aepaamoa Anumaya Koti ke atagae ya hane.
5
Tamakaya ago age-mainae Yisasia
tagai kefo yana ali talegahe ikapinagatila emaine. Agaila aguafina tamage huno kefo yamaa
omalene.
6
Yisasiene aigamaeya nemaiya veamoya kefo kavala huge huge nohae. Kefo
kavama huge huge nehaya veamoya Yisasina oageneyagiya agelama huya oagenae.
7
Osi
nafaneyaganimoga-tama tamakaya kaye ho. Nagoa veamoya havi kapi visaya yafe aye
lamavataga hugahae. Fatago kavama huge huge nehaya veamoya Yisasima fatago kanoma
mainea ya huya ani veamoya fatago veane mainae.
8
Mainagi kefo kavama huge huge nehaya
veamoya Satani nafaneyaga mainae. Satania nayona ehe kanaleti aepa heno kefo kavala
hume hume neea kano mainegeno Anumaya Kotina nafaneamoa Satanima kefo kavama hu-
malenea yana alino kofanafa huno ali hano hu-talesia yafe ma mopafina efalote humaine.
9
Anumaya Kotima amatenea veamoya kefo kavala maiya huge huge nohae. Anumaya
Kotina haimuamoa amakupi hanegeya Anumaya Kotima amatenea yafe kefo kavala huge
huge maiya nohagi amakaya Anumaya Koti nafaneyaga mainae.
10
Fatago huya nomaiya
veamoyaene Yisasi kema nehaviya vayamofe hamau ayamopafima nohamaiya veamoyaene
Anumaya Koti nafanea omainae. Ani auava yaamia ageteta Ma veamoya Anumaya Koti
nafane mainayanagi atu veamoya Satani nafaneyaga mainae. huta agegahune.
Yisasia tafu-tagana-gamife tahau tayamopafima lahau yana tokiyaage yana ago
taveli-maine.
11
Nayoma havimainaya kea mage huno humaine Yisasi kema nehaviya tamafu
tamakana-gamifena tamahau tamayamopafi tamahaino. huno hu-maineane.
12
Tagaya
Kenima humainea kava ohisune. Kenia Satani nafanema mainea yafe aganaamona haegeno
fali-maine. Naa higeno haegeno fali-maine? Aganaamoa fatago huno mainea yafe agaia kefo
kavaage nehia kanogino aipa haviya huteteno aganaamona haegeno fali-maine.
13
Yisasina
tamakuama aminaya nafunagana-gatama ma mopale yafema muse nehaya veamoya
tamakaila kamea hu-lamatesaya yafena atali talua ohiho.
14
Yisasina amukuama aminaya tafu-
tagana-gamifena tagaya tahau tayamopafima tahaisiana kefo kavama nehuna yana falimai
yapiti ago hetita agola maige maige hisuna tahaimula hanea yapi mainona yafena ago
havimainone. Neamafu-gamifema hamau amayamopafima nohamaiya veamoya falimai yapi
mainae.
15
Nagoa veamoya neamafugamima amaipa kafa hematesayana amakeyama fakaliya
augafa veane mainagetama tamakaya ago age-mainae. Veama amakeya fakaliya veamogami
amakupina agola maige maige hisaya hamaimula omalene.
16
Yisasia tagaife huno fali-mainea
yafe hau ayamopafima haiya yana taveligeta tagaya ago havimainonafe tagaya ania huta
Yisasima taveli-mainea kavala nelafu-gamina amaya hisuna yafe falisune.
17
Faligahunanagi
nagoa veamoyama ma mopalema kanaleya huya maisaya yana hanegeya nagoa yafema kafu
huya nemaiya anagaamima amaketeya Tamahaote yatamie. huya nagola nesaya yana
oamamisagenoa Anumaya Kotina hau ayamopafima nehaiya yana ani veamogamipina
tamage huno omalene.
18
Osi nafaneyaganimo-gatama nelafu-gamifena tahau tayamopafina
Tusiya huno tamakaifena nelahaiye. huta tavayafiti keagela ohisunagi tamagelafa huta amaya
nehuta tagua amamigetao.
Anumayamona aguama aminesia kanomoa Anumaya Koti aufina kolia ohugahie.
19-20
Ania hisunana Anumaya Kotina kelamage kea haviteta mainona veane mainone.
huta nehavita tagaiti taguamona Kefo kava nehunanagino Anumaya Kotia kaiyeke
hulategahie. hutama hisagenoa Anumaya Kotia tagai taguamona agaseno ala kano
maineanagino mukia yafena ago havimainea kano maineafe Tagaila laya hugahie. nehuta agai
aufina taipamoa falu hinageta maigahune.
21-22
Nenahaiya anaganimo-gatama taguamoa
kaiyekema hu notatesiana tagaitihena Kefo kavala nohune. huno hisigeta Anumaya Kotifena
kolia ohuta nunamuma huta havigesunagenoa keama akave nemalona yafeene haiya kavama
nehuna yafeene havigesuna yana tamigahie.
23
Anima akave malesuna kahegi kemoa mage
huno nehie Nagai nafanea Yisasi Kalaisia hulamatenea yafena havitama tamakupi maletama
tamametiti hutetama mama Yisasima hu-mainea kea akave maletama nagoke nagokemo-
gatama nelamafu-gamifena tamahau tamayamopafi tamahaino. huno hu-maineane.
24
Mukia
Anumaya Kotia kahegi malenea kema akave nemalaya veamoya Anumaya Kotiene ailokaeya
maigeno Anumaya Kotia ani veamoyaene ailokaeno maine. Ani yafema havisuna yafe Alu
Aotage Avamula ago tamigeno tagai tagupi maine.
1 Yoni 1 Yoni
<<
33
>>
1 Yoni 1 Yoni
<<
44
>>
4
Avamumogamina fako hutama Anumaya Kotitegati neefi alu kateti neefi hutama
ageho.
1
Nenahaiya anaganimogatama ma mopafina kasagoya havigeage amaune vayamoya
Anumaya Koti kea alita neone. huya emainagi mukia vayamoya avamumo kema hisaya kea
ohavitama hagotetama Anumaya Koti humategeya emainafi? Hanateti emainafi hutama
agelama hutetama amakai kea haviho.
2
Maa hutama agelama hiho Yisasi Kalaisia ma
mopafima eana velafa emaine. huyama humainaya veamogami agetetama Amakupina
Anumaya Kotina Alu Aotake Avamuamoa maine. hutama agelama hugahae.
3
Yisasia ma
mopafima eno velafa maine. huya hu falotema nohaya vayamogami amakupina Anumaya
Kotina Alu Aotage Avamuamoa omainegi alu avamule Anumaya Kotitegatila omenea avamu
amakupina mainegetama tamakaya inaa augafa vayama esaya kea ago havilinae. Ma
mopafina Kalaisina kame hutesaya amaune vayala ago emainae.
4
Osi nafanenimogatama tamakaya Anumaya Koti nafaneyaga mainae. Ma mopafima
mainea Satania osi kanoa mainegi Anumaya Kotina Alu Aotage Avamuamoa tamakupima
mainea Avamumoa Satanina ago agaseno ala mainea yafe havigeage amaune laga nehaya
vayala ago amakase-mainae.
5
Anima havigeage amaunema laga nehaya vayala ma mopafiti falote huteya mopale
yafe kea nehageya mani mopafi yafe musema nehaya veamoya amakai kea nehaviye.
6
Nehaviyanagi tagaya Anumaya Koti nafaneyaga mainone. Anumaya Kotina agelama
nehaya veamoya tagai kea nehaviyanagi Anumaya Kotia oamatenea veamoya tagai kea
nohaviye. Ani kavama nehaya yafe ke-lamage Avamumoma nehia kene havigeage
avamumoma nehia kene havilama huta ago havilinone.
Anumaya Kotifema nelahaiya avamete nelafu-gamifena tahau tayamopafi tahaisie.
7
Nenahaiya anaganimo-gatama tahau tayamopafima nelahaiya yana Anumaya
Kotitegati efalote huno emaine. Ani yafe Yisasina amakuama aminaya anagatimo-gamifena
tahau tayamopafi nelai-hainageta maigetao. Mukia anagatimo-gamifema hamau
amayamopafi nehamaisia veamoya Anumaya Koti amatenea veane maineya Anumaya
Kotina agelama nehae.
8
Anumaya Kotia tahau tayamopafima nelahaiya yamona aepaa
maine. Ani yafe hamau amayamopafima nohamaiya veamoya Anumaya Kotina tamagelafa
huya oagenae.
9
Anumaya Kotia maa huno tagaifena hau ayamopafina hau-mainea kavala
tagaila taveli-maine. Anumaya Kotia agaia nafanea aiya nagoke nafaneamona hutegeno ma
mopafina emaine. Emaineafe Yisasima fali-mainea yateti agola maige maige hisuna tahaimula
aliteta kanaleya huta maisuna yafe hutegeno emaine.
10
Manima hau ayamopafima hau-mainea yana tagaya Anumaya Kotife tahau
tayamopafi nelahaiya yanomagi agaia tagaifema hau ayamopafima hau-mainegeno agaia
nafanea hutegeno emaine. Tagayama kefo yama huna yafena Anumaya Kotia havino aipa
haviya hu-lateneanagi Yisasia kefo yatihe huno faligeno Anumaya Kotia aigetateno kefo
yatia alitalesia yafe Yisasina hutegeno emaine.
11
Nenahaiya nafunagana-gatama haviho Anumaya Kotia ania huno tagaifena hau
ayamopafima hau-mainea yafe tagaya ani kava huta nelafu-gamifena tahau tayamopafi
tahaisie.
12
Nagoke kanomoa Anumaya Kotina oagenegi tagayama nelafu-gamifema tahau
tayamopafima lahaisigenoa Anumaya Kotia tagaienena tokaeno mainegeno agaima hau
ayamopafima hau-mainea yana tagupi tamigeno tokiyaage huno ala hu-maine.
13
Anumaya Kotia Alu Aotage Avamua ago taminea yafe Anumaya Kotia tagupi
maigeta tagaya agai agupi mainone. huta havimainone.
14
Havuna yafe Anumaya Kotia agaia
nafanea hutegeno ma mopafi veamogami amaku amamemaa aligatisia yafe emaineanagita
agaila ago agelama humaineta tamakaila tamahanepaune.
15
Tamahanepaunanagi nagoa
veamoya Yisasifema Anumaya Koti nafane maine. huya hisayana Anumaya Kotia
amakaiene tokaeno maigeya ani veamoya Anumaya Kotiene tokaeya mainae.
16
Anumaya Kotima tagaifema hau ayamopafima nehaiya yana ago havilama huta tagupi
malenone. Anumaya Kotia tahau tayamopafima nelahaiya yamona aepaa mainegi hamau
amayamopafima nehamaiya veamoya Anumaya Kotiene tokaeya maigeno Anumaya Kotia
amakaiene tokaeno maine.
17
Ani yafe Anumaya Kotife tahau tayamopafina tusiya huno
tahau-mainesigeta tagaya ma mopafina maineta Yisasima hu-mainea kava huta maisuna yafe
Anumaya Kotia kaiyekema humatesia yupa kolia huta lagayea ohugahune.
18
Anumaya Kotia
hau ayamopafima nehaiya veamoya kolia nohaya yafe Anumaya Kotia hau ayamopafina
tusiya huno nehaiya yamoa koli hisaya amakesa ago anati-talene. Kefo kavama nehuna yafe
anonaa havi yana aligahune. huya amakesa nehavigeno kolia hu yana falote nehigi kolima
nehaya veamoya Anumaya Kotima amakaifema tusiya huno hau ayamopafima nehaiya
yamoa amakaipina tokiyaage huno ala ohune.
19
Anumaya Kotia hagoteno tagaifena hau ayamopafi hau-mainea yafe tagaya nelafu-
gamifeene Anumaya Kotifeene tahau tayamopafina lahaisie.
20
Nagoa veamoya Anumaya
Kotifena Tahau tayamopafima nelahaiye. huteya Yisasina amakuama aminaya aganaamo-
gamifema amaipa kafama he neamatesayana havigeage veane mainae. Age-mainaya
anagaamo-gamifema ohamaisiana ania huya Anumaya Kotina, oagenaya kanomofena,
hamau amayamopafina nohamaiye.
21
Anumaya Kotia kahegi malenea kema taminea kemoa
mage huno humaine Anumaya Kotifema hamau amayamopafima nehamaiya veamoya ania
huya Yisasina amakuama aminaya veamogamina hamau amayamopafina hamaisie. huno
humaine.
1 Yoni 1 Yoni
<<
44
>>
1 Yoni 1 Yoni
<<
55
>>
5
Yisasife amakupi maleya amametiti nehaya veamoya ma mopafi kefo kavamo
tokiya ago agase-mainae.
1
Mukia veamoya Yisasife Anumaya Kotima taugafa aligatigahe hutenea kanoa, Kalaisi
maine. huyama haviya amakupi maleya amametitima hayana Anumaya Kotina nafaneyagaa
mainae. Maineya Nelamafaa, Anumaya Kotifena, amahau amayamopafima hamaisigeya ania
huyama Anumaya Kotina nafaneyagaahena hamaugahie.
2
Tagaya Anumaya Kotifema tahau
tayamopafima tahaisigeta agai kema akave malesunana agai nafaneyagahe tahau
tayamopafina nelahaiye huta havigahune.
3-4
Tagayama Anumaya Kotife tamagelafa huno
lahaisiana agai kea akave malegahune. Agai kemoa kana ohuneanagita Anumaya Kotima
latenea nafaneyagaa maineta ma mopale kefo kavala ago agase-mainone. Agaifema tagupi
maleta tametitima hu-mainonana ma mopale kefo kavala ago ataleta agase-mainone.
Anumaya Kotia nafaneamofe huhaleno humaine.
5
Hana veamoya ma mopale kefo kavala ago ataleya agase-mainae? Yisasia Anumaya
Kotina nafaneama maine. huya amakupi maleya amametitima hu-mainaya veamoya ma
mopale kefo kavala neataleya ago agase-mainae.
6
Yisasi Kalaisia egeno tina faletetegeno
fali-mainea kolamaamoa lavi-mainea yateti Anumaya Kotia tagu tamena aligatigahe hutegeno
emainea kano maine. Ani kanoma emainea yafe titetikela lave-otinegi agaia kolamaaletiene
taveligeta age-mainone. Anumaya Kotina Alu Aotake Avamuamoa kelamage kemona aepaa
mainea yafe ania huno tave-nelie.
7-8
Yisasia Anumaya Kotima taugafa aligatigahema
hutegeno emainea kanohena tagufa (3) yamo tahanepaiye, Anumaya Kotina Alu Aotake
Avamuamoene timoene kolamaamoene tahanepaiya nagoke kate tahanepaiye.
9
Nehageta
tagaya veamoyama hu falote haya kea nehavunanagi Anumaya Kotima hu-mainea kea
Yisasia nagaini nafane maine. huno hu falote hunoma humainea kea veamogami kemona
amakaseno ala humainea kegita havisune.
10
Anumaya Koti nafanehema haviyama amakupi
maleya amametitima nehaya veamoya Yisasifena amakupi ago havimainagi Anumaya
Kotifema haviya amakupi omaleya amametitima nohaya veanea Anumaya Kotia Yisasifema
nagaini nafane maine. huno hu-mainea kema nohaviya yafe Anumaya Kotifena Havigeage
kano maine. huya nehae.
11
Anumaya Kotia mage huno humaine Agola maige maige hisaya
tamahaimula ago tamaminoe. hunoma hiana agola maige maige hisuna tahaimumona aepaa
agaia nafane maine.
12
Nagoa veamoya Anumaya Kotina nafanehema Nagupi emaiyo.
huyama hisayana agolama maige maige hisaya hamaimula ago ali-mainagi Anumaya Kotina
nafaneamofema Nagupi emaiyo. huyama nohaya veamogamina Yisasia amakupina
omainegeya agolama maige maige hisaya hamaimula oalinae.
Tagaya havimainone maige maige hisuna tahaimula ago ali-mainone.
13
Agola maige maige hisuna tahaimula ago ali-mainone hutama havilama hisaya yafe
tamakaya Anumaya Koti nafanehe havitama tamakupi maletama tamametitima haya
veamogatami mani avona kaena tamahanepauve.
14
Tagaya Anumaya Kotitegama nelahaisia
yafema havigesunana havigahie. Havigahie huta havimainona yafe agaifena kolia ohuta agaite
eupa huta havinegone.
15
Mukia yafema havigesunana havigahie. huta havilama hu-mainona
yafe Havigesuna yana lamigahie. huta havimainone.
16
Nagola kefo kavala falisia augafa kefo kava haneanagi nago kanoa ania augafa kefo
kavama hiseana ani kanomofe Anumaya Kotitega ke hutama havigeho huna nohugi nago
negafuma agesanageno kefo kavama mainoma nehisia kanomofena Anumayamotega
havigesanageno agola maige maige hisia haimula amigahie.
17
Mukia kefo kavala kefo
yamaage hanegi kefo kavafema amakua aiyahaema hisayana ofaligahae.
18
Tagaya ago havimainone Anumaya Kotima atenea kanomoa kefo kavala maino huge
huge nohie. Yisasie, Anumaya Kotima atenea nafanemoa, auvai neamatea yafe Satania
melino haviya humategahena mematafa ohugahie.
19
Anumaya Koti nafaneyaga mainonagi mukia veanemoya Satani tokiyale aiyafinaga
nemaiya yafe tagaya ago havimainone.
20
Yisasi Kalaisia, Anumaya Koti nafanemoa, eaamo aepaa agelama hisuna tagu tagesa
ago tamineafe tamage Anumaya Kotina agelama nehuta agaiene nafaneamoene ailokaeta
mainone. Ani kanoa tamage Anumaya Koti maineno agola maige maige hisuna tahaimumona
aepaa maine.
21
Mainegi osi nafaneyaganimogatama kava yagaitama afaa Anumayamofena
tamakesa havitama tamakua oamiho.
Kaiyekenia male me hano hie.
Nagainia nagia Yoninae.
1 Yoni 1 Yoni
<<
55
>>
Kea
1 Pita
00
11
22
33
44
55
1 Pita 1 Pita
<<
00
>>
^
1 Pita
Kanaleya huta maisuna tahaimumoa ikapinaga tagava humaine.
Anumaya Kotia miyamaamoa hai-mainea miyateti tagaila miya hulatene.
Tafu-taganafe tahau tayamopafi tahaisie.
Yisasia kanale haimuene yafa maine.
Anumaya Koti aliya veane kana huta maisune.
Tagaya Kalaisima humainea kava huta aiyaka maeme maeme neuta agatama
aimainea yana alisune.
Alavemo-gamitega ma kemoa umaine.
Mukia yupa lagaya nagoamogamina kanale auava kava hu-matesune.
Tagaya kanale auava yama hisuna yateti laugafa tagata yama falote hu-latesiana
kanalele.
Tagaya atafa tagu tagesafi mainona yana atalesune.
Anumaya Kotima laminea muse yateti kanale aliya alisune.
Kalaisima ali-mainea augafa lagata yana muse nehuta alisune.
Tamakaya kava vayamogatama Anumaya Koti anagatela kava yagaiho.
Tagaiti taugafa alita hai kavala neataleta fatago tagu tagesa havisune.
Nagoa atupa ke.
1 Pita 1 Pita
<<
00
>>
1 Pita 1 Pita
<<
11
>>
1 Pita
Pitaa Yisasiene vaiyatete huno tuelufua (12) anagapi maineno haenagaa kosuna leteno
mani avona kae-malene. Yisasia faliteno hetino ikapinaga haitegeno Pitaa teti vania (31) kafu
agava maineno 1 Pita kea kae-malene. Nagoa Yisasina amakua aminaya veamoya tusia kana
ya aliya nemaiya yafene huno mani avona kaeno amamine.
1
1
Nagaya Pitanae Yisasi Kalaisi Aposolo kanomona Anumaya Kotia haigeno tamakaila
hapali-malenea veamogatamahe mani avona kaena nelamamue. Tamakaya alu mopalega
Potasima Kalesiama Kapatosiama Esiama Vitinia kotegama yoka umainaya yafene huna
mani avona kaena nelamamue.
2
Anumaya Kotia Nelafae nayona ago tamakeno Nagai vea
maigahae. huno huyogi-maleneafe Yisasi Kalaisina akave maletama avaya ali hipoya
nehageno agaia kolamoteti kefo yatamia ago aye hami-talegeno Alu Aotage Avamumoa alu
aotage veane maisaya tamaku tamakesa ago tamamine. Tamamigena mage huna hue
Anumaya Kotia tusiya huno kayone hisaya yaene tamaipamoa falu hisia yaene tamamino
hiya hu-lamatesie. huna nehue.
Kanaleya huta maisuna tahaimumoa ikapinaga tagava humaine.
3
Tagayama Yisasi Kalaisia Anumayatimoe Nefana Anumaya Koti agia, tusiya huta
alisaga hisune. Anumaya Kotia tusiya huno hau hulateno Yisasi Kalaisina hutegeno
mefaligeno komufitila alino hetitene. Hetitenea yafe Anumaya Kotia tagaila lategeta agaia
haegafa nafanea maineta agola maige maige hisuna tahaimula ago alisunafene huta tametitia
nehune
4
Anumaya Kotia ikapinaga tahaimula alisuna yana ago latene. Ani yana haviya
hulavino hano ohisia yane. Oniyaagela ohuno alena le otavisia yana tagai tamigahe atafa
huno kava yagaino maine.
5
Yagai-maineno agaifema tamakupi maletama tamametiti haya
yafe Anumaya Kotia agaia himamuleti tamakaienena kava yagai-lamateno ma mopama ali
hano hisia kanafima tamaku tamamema aligatisia yana ago talo tala hu-maleneanagino evayi
hinagetama agegahae.
6
Tamakaya mani yafena aluya hutama musena hayanagi menia osi
kana kanoafi aye-lamavataga hisia kana yama vayi hiana tamagata aiya kana ya ali-mainae.
7
Koli yafana aliya Kanale Kolifi havi Kolifi? huya agesaya yafe atafi kaeya age-mainae.
Aniama haya kavala Anumaya Kotia Nagaifena tamakupi malenaya yana tamage hutama
malenafi? huno agesia yafe aye lamavataga lama-haisia kana yapina tamatene. Ani Koli
yafana haviya hu-lavino hano hugahianagi Yisasife havitama tamakupi maletama
tamametitima nehaya yamoa ago agaseno kanale ya hu-maineanagino kanalema hu-
mainesiana Yisasi Kalaisia veamogatami tamaulagale evayi hisia kanafina tusia muse huno
tamakia alisaga nehuno tokiya hale yamaa tamamigahie.
8
Tamakaya Yisasina oagenagi
tamakua maitama neamiye. Meni kanafina agaila oagenagi aluya hutama agaifena havitama
tamakupi maletama tamametiti hu-mainaya yafena muse yatamimoa ala hinagetama mage
hutama nehae Muse huna kavala alumoni naguafi hanegi hanaa huna tamahapaisue? hutama
nehae.
9
Naa hutama agaifema havitama tamakupi malenaya yafe Anumaya Kotia tamaku
tamamena ago aligati-maine.
10
Ani tamaku tamame aligati-mainea yafena nayona Anumaya Koti amaune vayamoya
tusiya huya ati yegeteya Anumaya Kotia tamakaila kayone hisaya yana tamamisia yafena
amaune laga huya hamapai-mainayane.
11
Hamanepaiya Kalaisina Alu Aotage Avamuamoa
amakupi mainegeya mage huya amaunea laga huya hamapainae Anumaya Kotima amaugafa
aligatigahe hutenea kanomoa augafa agata aigeno faliteno tokiya hale yamaa alitesigeya agai
agia alisaga hugahae. huya hamanepaiya amakaya kea huya havige havige nehuya mage hae
Hana kanafi ani kavala falote hugahie? huya humainae.
12
Hayanagi Anumaya Kotia hu falote
huno mage hamapai-maineane Tamakaitamihe mani kea ohunagi haenagama vayi hisaya
veafe humainae. huno hu-maineane. Anima humainea kea tamakaife humainegi menia
Anumaya Kotia Alu Aotage Avamuma hutegeno nagoa veane memaya higeya Yisasifena
kanale kea ago tamahapaigetama havimainae. Havimainagi mani kea ensole vayamoya tusiya
huya havisaya amaku amakesa haviyanagi ohavinae.
13
Ani yafe tamakaya tamaku tamakesa havilama hutama yagai lokiya vaitama
mainetama Yisasi Kalaisima veamogami amaufima elavisia kanafina kayone hisaya yana
tamamisia yafe aluya hutama tamametitia hutama maiho.
14
Tamakaya nafanemoya kema
haviya akave nemalaya kava hutama maiho. Yisasi kema ohavinaya kanafina tamaugafa age
tamahaye nehaya kavala hutama mainagi menia mani auava yapina nagoene maitama ohaiho.
15
Ohaitama agaitega visaya yafe kema hu-lamatenea kanomoa kefo kavala ohunea kanogino
alu aotage kano mainegi tamakaya ania hutama kefo kavala ohutama alu aotage veane
maiho.
16
Anumaya Koti avopina mage huya kae-malenayane
Kefo kavala ohuna alu aotage kano mainoa yafe tamakaya ani kava hutama kefo kavala
ohutama alu aotage anaga maiho. huya kae-malenayane.
Anumaya Kotia miyamaamoa hai-mainea miyateti tagaila miya hulatene.
17
Anumaya Kotia kaiyeke humatesia kanafina amakima hanea vayamogami amakile
fako hu oamategahigi tagaiti agoma hu-mainona auava yatileti nagoke avamete huno
kaiyekea hu-lategahie. Tamakaya ani kanomofena Nelafae hutama nunamupitila
havinegayanagi ma mopalema mainaya mopa agola maisaya mopa omalenea yafe
Anumayamofena kolia nehutama fatago hutama vaiyeho.
18
Tamakaya ago havimainae
tamakinagomo-gamipitila afa ya kana hisaya auava kea alitetama mani kefo auava yapina
mainageno Anumaya Kotia anifiti tamavalesia kava huno ago miya hu-lamatene. Hu
hatiyama nenaya miyana haviya hu-lavino hano hisia miyatetila miya hu otamatene.
19
Miya
hu otamatenegi tamakaila kefo yafe huno Kalaisia fali-mainea kolateti miya hu-lamatene.
Kalaisia nagokela amu afugula omale Sipi sipi nafane avamete huno nagola kefo yamaa
aguafina omale kanogino agaia kolamaa tayamopafi yanagino miya hu-lamatene.
20
Anumaya
Kotia ma mopama talo ohunenoa Kalaisifena Mopale vayatefene huka faligane. huno
hutetegeno tamakaima tamaya hisia yafe atupa kanafina evayi humaine.
21
Evayi hu-
maineanagino Anumaya Kotia hevaitenaya komufiti alino hetiteteno tokiya hale yamaaene ala
agiene ago amine. Naa hu-maineafe tamakaya Yisasi fali-mainea yateti Anumaya Kotife
havitama tamakupi maletama tamametiti humainae.
Tafu-taganafe tahau tayamopafi tahaisie.
22
Tamakaya tamagema hu-mainea kehena akave malaya yafe tamakuamoa efeage hu-
maineanagitama tamafu-tamakanana tamakua kanaleya hutama neamamiyanagi amegatila
tamakua oamamitama kanaleya hutama tamakua amamitafa hutama amamiho.
23
Anumaya
Kotia lamategetama tamakaya ago haegafa nafane falote humainae. Anumaya Kotia
vayamoya avina huya nafane alivina nehaya ya kana yateti otamatene. Tamakaya haviya hu-
lavino hano hisia avina yatetila falote ohunagi Anumaya Koti keletilagino haegafa yamaa
hanea kegino ani kemoa hanege hanege huno tamakaila tamatene.
24
mage huya kae-malenayane
Mukia veala tala ya kana huya mainageya mamu hekaleamimo agimoa tala yamo ausemoma
hia kava humainae. Ani tala yana teno mukia fayotegeno ausemoa ali lavino
haviya nehie.
25
Haviya nehianagi Anumayamo kemoa hanege hanege hugahie.
huno kae-maleneane.
Mani kemoa Yisasifena kanale mono kea hu falote huya tamahanepaiya ke.
1 Pita 1 Pita
<<
11
>>
1 Pita 1 Pita
<<
22
>>
2
Yisasia kanale haimuene yafa maine.
1
Naa haya yafe tamakaya mukia kefo kavaene, vaya havi kema hu-matesaya yaene,
vagala kavaene, alumogami yatefe agetama tamahaye nehaya yaene, nelamafu-gami hu-
haviya humate yaene mukia ataleho.
2
Ataletetama yaufa nafanemoma nufema aluya huno
nesia agesa nehia kava hutama Anumaya Kotina kanale kea nesaya tamakesa havitamama
nesayana ko hisageno Anumaya Kotia tamaku tamamena aligatigahie.
3
Tamakaya ago
avame hutama agagi Anumayamoa kanale kayone yama hu-lamatenea yamoa tusiya huno
hagaage humaine hutama age-mainae.
4
Hagaage humainea yafe agaitega eho. Yisasi Kalaisia haimula hanea yafa kana kano
mainegi veanemoya agaila amakaveno hutayanagi Anumaya Kotia ago agaila huyogino
Nayamopafi nenagea kano mainane. huno hutene.
5
Tamakayaenena tamahaimu hanea yafa
kana veane mainageno Anumaya Kotia tamakaila alino yafa nona Alu Aotage Avamumo
maisia yafa nona maino negie. Negianagitama ani nopi mainetama kefo kavala huge huge
ohugahayanagitama alu aotage mono note kava veane mainetama Yisasi Kalaisia tamakai
kefo yatamihe huno fali-mainea yateti Anumaya Kotina haisia kava hisageno aluya huno
musena hugahie.
6
Anumaya Kotia avopina Yisasife higeya mage huya kae-malenayane
Ageho nago yafana nayamopafi hanea yafana ago huyogitena tokiyaage huno noma
kisiafene huna Saiyoni agoyale malogeno haneanagiya veamoya agaifema
amakupi malesayana amakayea ohugahae. huya kae-malenayane.
7
Tamakayama agaife havitama tamakupi maletama tamametiti nehaya veamogatama ani
yafa, Yisasia, tamayamopafi kano mainegi Yisasina amakaveno hu neataya veamogamifena
Anumaya Koti avopina mage huya kae-malenayane.
Vayamoya yafa noma negiyahena nago yafafena Haviya humaine. huya ali-talenagi haenagaa
ani yafamoa tusia kanale yafane. Ani yafamoa nomona alino tokiya vaisiafe
ayetagenale aye-malenae. huya kae-malenayane.
8
Nago kea Yisasife mage huya kae-malenayane
Mani yafate hava vale-mainegeya aye kayo-pelaviya asaga hu-lavigahae. Ala yafakefa kapi
aliya malenageno amaiyafima ayegeya takatiya asaga hu-nelaviya kava hugahae.
huya kae-malenayane.
Nagai kema ali atagaenuyahena asaga hu-lavigahae. Ani kavala hugahae. huna nagaya
Anumaya Kotina ago hu-malenoe.
9
Ani kavala nehagi Anumaya Kotia tamakaila ago agaia nofi veane huno huyogi-
lamategetama mainae. Ala Sauve kanomo aliya veanea mainetama agia alisaga nehutama
musena hu neatae. Kefo kavala nohagi alu aotage veanea mainae. Anumaya Koti
anagalagitama haniki mainea yapima mainaya yapitila ago tamavaleno tusia hale yapi
lamatenegetama agaia tusia kanale auava yamaahema mukia veama hamapaisayafene huno
Anumaya Kotia huyogi-lamategetama mainae.
10
Nayona tamakaya havigu yapi afa veane
mainageno menia tamakaila tamavalegetama Anumaya Koti anaga mainae. Nayona
tamakaifena Anumaya Kotia kalagila ai otamateneanagi menia tusiya huno kalagila ai
nelamate.
Anumaya Koti aliya veane kana huta maisune.
11
Nahau-mainea nafunagana-gatama menia ali lamakafa huna tamahanepauve tamakaya
ma mopalela aupa kana kanoama maisayafene tamaugafahema age lamahayema nehaya yana
ataleho. Anima age lamahaye hisaya yamoa tamaku tamakesaene ke vaiana tu nehae.
12
Tamakaya Yisasi kema nohaviya veamogami amunopima kama vaiyegahena fatago
hutama vaiyeho. Ani veamoya tamakaife Kefo kava nehae. huya hu-haviya hu-
lamatesagetama tamakaya kanale auava yatamia nehisageya ageteya haenagaa Anumaya
Kotima kaiyeke hu-mategahema esigeya Anumayamo agia alisaga hugahae.
13
Anumayatimona haisia kava hutama mukia ma mopale Kamani vayaigami kea akave
nemaletama amakaseno ala sauve mainesia kanomo aiyaafi maiho.
14
Sauve kanomoa hu-
mategeya tamakaitema mainesaya Kamani vayamogami kene havitama akave maleho. Ani
Kamani vayamoya havi kavama humainaya veala anonaamia amamiteya kanale kavama
humainaya veanemo-gamina amakia alisaga hugahe hu-mategeya emainae.
15
Tamakaya
Anumaya Kotia aluya huno nehaiya kava hutama kanale auava yatamile kema ohavi
veanemoya ageteya kea ohuya afaa maigahae.
16
Nayona kefo yama hu-mainaya yateti
nofipina mainayanagi menia ago kalu he-lamatene. Nofipiti kalu he-lamatenaya kava hutama
vaiyatete hugahagi Nofipiti kalu henateneanagina nagainia nahaiya kefo kavala hugahue.
hutama ohutama Anumaya Koti aliya veanea mainone. hutama fatago veane maiho.
17
Mukia
veamogamina tamaipa amamiho. Tamafu-tamakana-gamina kayone humamiho. Anumaya
Kotife kolia hiho. Ala sauve kanomo agi alisaga hiho.
Tagaya Kalaisima humainea kava huta aiyaka maeme maeme neuta agatama
aimainea yana alisune.
18
Tamakaya nofipi mainetama miya oali aliyama nealiya veamogatama aluya hutama
kava kanotamimo agia alisaga nehutama amakai amaiyaafinaga maiho. Ako huno kanale
kava hu nelamatesia kava kanoene havi kava kanoene hisaya kea akave maleho.
19
Tamakayama kanale ya hutama kama vai neayesageno nago kanomoa havigu kema huno
tamaiko-lisigetama Anumaya Kotife tamakesa havi havi nehaya yafe mailava hutama
maisayana Anumaya Kotia aluya huno musetamia hugahie.
20
Tamakayama kefo kavama
nehisageya kayoma lamamisagetama tamamena malefalu hutama tamagata yama alitetama
maisayana ani yamoa afa ya kana hu-mainegi muse yana aligahafi? Aao oaligahae.
Tamakaya kanale kavama nehisageya kayoma tamamisageno tamaku tamamemoa ako huno
maisiana Anumaya Kotia ani kavafena tusia muse hu-lamategahie.
21
Ani kavama hisaya yafe
Anumaya Kotia ago ke huno hu-lamatene. Tamakaya agai aiyakama maetama visaya yafe
Kalaisia tamakaife huno agata yana ali-maine.
22
Agaya kefo kavala ohuno nago havigea
avayafitila higeya ohavinae. huya kae-malenayane.
23
Kamuge hatageya kema vaitayana
Yisasia kamugea eteno amakaila vai oamatene. Hayagenoa agata yana aleanagi ania huno
Anonaamia amakata aisia yana amamigahue. huno ohunegi afaa mukia yana fatago huno
kaiyeke hu-matesia kanomofe Kagaikaa kayapiti anonaamia hu-mategane. huno humaine.
24
Yisasia agaia augafale tagai kefo yana alino aigamaeteno ani kefo kavama hu-mainona
anonatia agaia aligahe yafaga yosalela haino maineno tagaila mukia kefo yatimoa alino
aigagi-latenea yana ali-galu he-taleneanagita tagaya mopale mainonana fatago kavaage huta
vaiyesune. Agaia augafama ali haviya hutenaya afuguteti tagaila alino kanale hu-latene.
25
Tamakaya sipi sipimo nafanemoya kanale kama neataleya afai nehaya kava hutama
mainagi menia tamakaya kefo yatamia neataletama kava yagai-mainea kanomote etetama
emainegeno tamaku tamametela kava yagai-lamatesie.
1 Pita 1 Pita
<<
22
>>
1 Pita 1 Pita
<<
33
>>
3
Alavemo-gamitega ma kemoa umaine.
1
Tamakaya velema mainesaya anemogatama anautamimo-gamina amaiyaafi maiho.
Anautamimoyama Yisasife haviya amakupima omalesagetamahena ani yafena nago kea
ohutama amaiyaafima mainaya kavafena ageteya Yisasifena haviya amakupi malegahae.
2
Naafene tamakaila anemo-gatamina Anumaya Kotife kolima hutama kanaleya hutama vai
neayaya yana nelamakeya amakua aiyahae hugahae.
3
Tamakaya amega ko tamaugafale hu-
lisaya yafena musena ohiho. Tamayolagefafi vaili yaene sesu konagalima ali yatamiene
kenama fai-lisaya yafeenena nelagafi notagafi hutama musena ohiho.
4
Ani yafena musena
ohutama tamakuafife tamakesa haviho. Tamakuafima alitamama malesaya yamoa amega
tamaugafalema hu-linageno atalagama nehia augafa kavala huno atalaga ohutafa huno
ohugahie. Anima tamakuafima alitamama malenaya yamoa tamaipamona mailava huno
maisia yaene kanaleya huno kayone hisaya yaene hanesie. Ani yamoa tusia kanale kava
hisageno Anumaya Kotia ageteno tusia muse hugahie.
5
Nayona Anumaya Kotife haviya
amametiti hu-mainaya anemoya alu aotage aneyaga maineya mani kanale kavama haya
kavamoa amakuafina hanegeya anauamimo-gamina amaiyaafi mainayane.
6
Salaa ania huteno
Apalahamuma hia kea havino akave nemaleno Apalahamufena Alaniamogae. huno hu-
maineanagitama tamakaya kanale auava kavaage nehutama nago yafena kolima ohisayana
tamakaya Sala nafaneyaga maigahae.
7
Avemoga ania huka akamoene ako huka tokaeka maiyo. Amo augafamoa falu falu
hu-maineafe agi alisaga nehuka tamakaya ako hutama amaya hiho. Anumaya Kotia kayone
huno maige maige hisaa tanahaimula ago tanaminea yafe tokaetana kanaleya hutana
mainetana Anumayamotega nunamuna hutana havigesaana nago yamoa katania maleli
otegahie.
Mukia yupa lagaya nagoamogamina kanale auava kava hu-matesune.
8
Menia nagaya mani kea hu hano hugahe mage huna nehue tamakaya mukiamogatama
nagoke tamaipale mainetama nagoamoga-mina tamahauna hu-mateho. Tamafu-tamakana-
gamina kayone humamiho. Ke ohavi yana neataletama kalagi ai-matetama tamamena
malelava hutama ako hutama maiho.
9
Nagoa veamoya kefo kavama hu-lamatesagetama
amakaila anonaamia havi kavala hu oamateho. Kamugema hatageya vai-lamatesagetama
amakaila kamugea vai oamatetama Anumayamotega nunamu kefiti ke hutama Kanale yana
amamio. hutama nunamu kefiti havigegeno amamino. Alu yafenomagi ani kava hisayafene
huno Anumaya Kotia ke higetama umainayanagitama agaitegati kanale manua aligahae.
10-
11
Aligahagi Anumaya Koti avopi mage huya kae-malenayane
Nago kanomoma maiyamaahe Kanaleya huna mainena kanale kana vayima hisiana
agegahue. huno hisia kanomoa avayaletila kamugea ovaino avefunamoa havigea
ohisie. Havi auava yana akaveno huteno kanale auava kavaage hisie.
Nagoamogamifena nagoke amaipa hisageno amaipamoa falu hisia yafe aluya
huno tokiyaage aliya alino.
12
Naa fene? Anumayamo aulagamoa fatagoma huya
vaiyaya veala neamakeno mukia kanafina agaitegama havigaya kelega agesa
havino amaya nehigi Anumayamoa kefo kavama haya veamogamina anonaamia
havi yama amamisia yafe neamake huya kae-malenayane.
Tagaya kanale auava yama hisuna yateti laugafa tagata yama falote hu-latesiana
kanalele.
13
Tamakaya kanale auava kava hisunafene hutamama hisayana ta tamakaila alino
haviya hu-lamategahie? Ania ohugahae.
14
Tamakaya kanale auava kavama nehaya yateti ali-
haviya hu-lamatesagenoa Anumaya Kotia muse yana tamamigahigi amakaifena koli hisaya
tamakesa havitama atali talua ohiho.
15
Kolia ohugahagi Kalaisifena Agaiage taguafina
Alatimo maine. hutama nehutama Yisasia eteno esia kanahema tamametiti hu-mainaya
yafema tamahavi-gesagetamahena hamapaisaya kea talo tala hutama maiho.
16
Amakaife Ala
vaya mainae. hutama tamametiti hu-mainaya kehena tamavayafiti ako hutama hamapaiho.
Havi kavala ohutama Kalaisiene tokaetama mainetama kanale auava kavatamihe kamuge
hatageya vai-lamatesayana tamakayama kefo kavala nohaya yafena haviya amakayea
hugahae.
17
Tamakayama kanale auava yama nehisageno Anumaya Kotina haisigenoa
vayamoya tamahaesa-getama tamaugafa tamakata yama alisayana kanalenagi tamakayama
kefo yama nehisageya tamahaesayana havi yatafa hane.
18
Kalaisia fatago kanogino ania
huno tagayama Anumaya Kotiene mo lokaeta maisunafene huno kefo kavama hu-mainona
anonatia agaya alino fali-maine. Nagoke yupa kanoa fali-maineanagino nagoene eteno
ofaligahie. Agaya afaa vayatafa mainegeya hayageno fali-maineanagi eteno heteana avamu
maine.
19
Avamu maineno viaamo faliteya kina hu-mainaya amaku nafaneyagamogami
avamula kanale mono kea mo hamapaimaine.
20
Ani avamula Noaa tipi kalemo noma
kimainea kanafi maineya Anumaya Koti kea haviya amakupi omalageno Anumaya Kotia
anima havi kavama haya anonaamia aupaa amamisia agesa ohavino amena malelava huno
mainegeya mukia veamoya ohavigeno eitia (8) anaga kanoamoya ani kea haviteya ani tipi
kalefina vayamaamo-gamina amaugafa alikati-maine.
21
Ani lipima vagenoma amaugafa
aligati-mainea yamoa avame ya huno menima mono tima fale nelataya yafe laveli-maine.
Mono tima fale nelataya yamoa amega tamaugafaleti oniya yayaga ayegalo-pelategahe ani
lina fale notamatagi tamakuamoa Nago kefo kavala ohisie. huya hageno Yisasi Kalaisina fali-
mainefiti eteno alihetitenea yafe tagu tamena alinegatie.
22
Ali hetitegeno ikapinaga haino
Anumaya Kotina tamaga ayatega mainegeya ensole vayaene Satani Avamuyagaene mukia
tokiya yama hanea yamoene mukiamoya agai aiyafinaga maineya agai kea alihipoya nehae.
1 Pita 1 Pita
<<
33
>>
1 Pita 1 Pita
<<
44
>>
4
Tagaya atafa tagu tagesafi mainona yana atalesune.
1
Kalaisia agaia augafale agata yana ali-maineafene hutama Ania hisune. hutama tamaku
tamakesa havitama tokiyaage hiho. Nagoa veamoya amaugafa amagata yama alisayana kefo
kavama hisaya amaku amakesa ago atalenae.
2
Ago atalenayafe ma mopale mainaya kanafina
amakaiami amaugafa age hamaye nehisaya kefo yana ohisaya amakesa haviya Anumaya
Kotima nehaiya auava kavaage nehae.
3
Tamakaya nayona Yisasi kema ohavinaya
veamoyama nehamaiya auava yana tusiya hutama hu-mainagi menia nagoene ania ohiho. Ani
auava yamoya maa hu-mainae, Amaugafa haga neya kumai he kavaene alitalu huya ala kave
neneya havili neya aneginagi huya hagifali kema nehatagaya yaene agoma fali-mainaya
vayafe Anumayati mainae. huya amakisana nevaiya kavaene neataletama nagoene ohiho.
4
Tamakaya mani kefo kavala amakaienena nakoene ohutama agoma amatalaya yafe mage
huya nehae Ohavuna kava nehae. huya amakesa nehaviya tamakaifena kamugea hatageya vai
nelamatae.
5
Naa nehayanagi haenagaa ala kaiyekema hu-matesia kanole hetiya amakaiamia
kefo kavama hu-mainaya yafena aepaamia hapaigahae. Ani kaiyekema hu-matesia kanomoa
hamaimuma hanea veanene fali-mainaya veanene ali fako hisia aguamete maine.
6
Ani yafe
Anumaya Kotina kanale mono kea agoma haviteya fali-mainaya veamogamite vigeno
Anumaya Kotia ma veamogami kaiyekema hu-matesia kava huno fako hu-mategahie.
Anumaya Kotia avamu mainea kava huya amaku amamena ofaligeya afaa mainae.
Anumaya Kotima laminea muse yateti kanale aliya alisune.
7
Mukia ma mopale yayaga ago hano hugahe nehiafe tamakesa havilama hutama
tamaku tamakesale yagai lokiya vaitetama Anumayamotega nunamu hutama havigeho.
8
Uhagote kea mage huno nehie tamakaya tamafu-tamakana-gamina tamakuama amamisaya
yana atafa hutama tokiyaage hiho. Kaguama aminesana kanomoma kefo kavama hisigeka
aupaa aigeateka kefo yamaa ataletegane.
9
Anumayamo veama emainesageta-mahena kavela
afaa amamiho. Ani kavama hisaya yafena tamaipamoa haviyana ohino.
10
Tamakaila nagoke
nagokemo-gatamina Anumaya Kotima tamaminea kayone hisaya muse yana ago
alimainayanagitama kanale muse aliya alisaya tokiya yamaa ago tamaminea yateti tama-
futamakana-gamina alitama kanale hu-matetama hamamaeho.
11
Nago kanomoma Anumaya
Koti kema hisia muse yama ali-mainenunofena ani keage hisie. Nago kanomoma veama
amaya hisia muse yama ali-mainenunofena Anumaya Kotima aminea himamuleti ani aliyana
alino. Yisasi Kalaisima ali-mainea aliyateti Anumaya Koti agimoa ala huno anale haisia yafe
mukia ani aliyana alisae. Anumaya Koti agia alisaga nehuta tokiya hale yamaaene kava
yagaisia tokiyaaene agaiafikeya mukia kanafina hanege hanege huno hanesie. Tamage.
Kalaisima ali-mainea augafa lagata yana muse nehuta alisune.
12
Nenahaiya nafunagana-gatama Anumaya Kotia tamakaifena Tamakua namitafa hu-
mainafi namitafa ohunafi? huno tamake-mainea augafa yana atamoma tamaugafama tesagalia
augafa kava huno vayi hu-lamatesia yafena tamakesa kumoa ohino.
13
Ohutama Kalaisima
augafa agata yama ali-mainea yana tokaetama nealiyafe muse nehutama agai agima alisaga
hisia tokiya hale yamaa tamave-lisia kanama vayi hinagetama tusia muse nehutama
tamaipamoa kanaleya hugahie.
14
Tamakaya Kalaisi nafaneyaga mainonema. hutama agima
ayesaya yateti tamakaima ali haviya hu-lamatesagetama Anumaya Kotina tokiya hale
yamaamoene Alu Aotage Avamuamoene tamakaienema mainea yafena tusia muse hiho.
15
Muse hugahagi havigu tamakaipiti nagoa vayamoya vea hamae-falisafi musufaya hisafi
havigu-nagu kefo kava hisafi alu kanomo aliyate ageteno ali haviya hu neateno nehisigeya
anonaa agata aisia yana amigahae. Yisasi agia ali haviya huyafenagi ani kavala ohiho.
16
Ohutama Yisasi nafane mainone. huya agai agima amakaite hanesia yateti amagata aisia
yama amamisagenoa amakayea ohugahayanagino Yisasi nafanema mainaya yafene huno
Anumaya Koti agia alisaga hisae.
17
Anumaya Kotia agaia veapima kaiyekema hu-matesia kanamoa ago aepa he-maine.
Tagaima aepa heno kaiyekema fako hu-latetenunoa hanaa huno agai kema amakaveno
hutenaya veamogamina kasagekela hu-maino kaiyekea fako hu-mategahie.
18
Anumaya Koti
avopina mage huya kae-malenayane
Anumaya Kotia kasageke humaino fatagoma huya mainesaya veamogami amaku amamena
aligatisigeya agai kema amakaveno hutenaya veanene kefo kavama nehaya
veanene hanaa hugahae? Havi kapi ugahae. huya kae-malenayane.
19
Ani yafe Anumaya Kotima hau-mainea yamaaletima nagoa veamoya amakata yama alisaya
veamoya fatago huya vaiyeya amaku amamemaa Anumaya Koti ayapi kava yagaisia yafe
malesae. Agaiama talo hu-latetenoa kanale kavaage efi efi huno yagai nelate.
1 Pita 1 Pita
<<
44
>>
1 Pita 1 Pita
<<
55
>>
5
Tamakaya kava vayamogatama Anumaya Koti anagatela kava yagaiho.
1
Menia Yisasi anagamo-gamitema kava neyagaiya vayamo-gatamina tamahapaigahue.
Nagaienena tamakaiene ania huna kava yagai-mainoa kano mainoe. Nagainia naulagafiti
Kalaisima agata aimainea yana agetena haenagaama Kalaisia esigena nagaya agaiene
tokiyaage hale yamafi maisuafene huna ali-lamakafa huna kea tamahanepauve.
2
Anumaya
Kotife haviya amakupi malenaya veala sipi sipimo hia kava huya tamayapi mainagi anima
mainaya veala kava yagai-mateho. Kava aliyatamihe nagoa vayamoya Naa hiho. huya hu-
lamatafa hu-mainaya kehenomagi Tahaiya aliyanagita aligahune. hutama aliho. Miya alisaya
yafena tamaku tamakesa ohavitama Tahaiya aliyanagita aligahune. hutama Anumaya Kotima
nehaiya kava hutama aliyana aliho.
3
Nealitama tamakaya ala vaya kana hutama mainetama
tamayapima mainesaya veafena kahegi omatetama amatalegeya aiyaka maeme maeme
visayafe kanale auava yana alitama maiho.
4
Naama hisaya yateti sipi sipiyagale uhagote
mainea kava kanoma evayi hinunofena tokiya hale yamaa hanea amuse yana agola hanege
hanege hisia yanagino tamamigahie.
Tagaiti taugafa alita hai kavala neataleta fatago tagu tagesa havisune.
5
Neyavemo-gatama ala vayamogami amaiyaafinaga maiho. Mukia veamogatama
tamaugafa alitama ohaitama tamafu-tamakana-gamienena mailava hutama maiho. Anumaya
Koti avopfina mage huya kae-malenayane Anumaya Kotia amaugafama aliya nehaiya
veamogamina kame lagino kae neamategi mailava huya yuna heya mainesaya veamo-gamina
hau humateno kayone hisaya yana neamamie. huya kae-malenayane.
6
Ani yafe tamakaya Anumaya Kotima tokiyaaletima kavama yagaisiana agai ayapi
maigahune. hutama nehutama tamaugafa alitama ohaitama ako hutama maisayana agaiama
hu-malenea kanafina tamakaila alisaga lamahaugahie.
7
Anumaya Kotia tamakaifena hau
ayamopafi nehaigeno aluya huno kava yagai nelamatea yafe tamakaya kana yatamia agai
ayapi maleho.
8
Tamakaya tamaku tamakesalela yagai lokiya vaitama mainetama kayetama maiho.
Kame kanotamia Satania kaveage afai kalamoma hau hau huno avima neatea kava huno
veafena ati yeno hamaeno negahe vai neaye.
9
Vai neayeanagi tamakaya Yisasife havitama
lamakupi maletama tamametiti nehutama tokiya vaitama Satanife Kagai kea ohavigahunagi
alulega vuo. hutama hapaiho. Tamakaya ago havimainae mukia kotega tamafu-tamakanaya
tamakaiene ania huya amakata yapi nemaiye.
10
Anumaya Kotia mukia kayone hisaya
yamona aepaa maineanagino tamakaya Kalaisienema tokaetama mainaya yafe tokiyaage hale
yapima agola maisayafene huno ke hu lamateneanagitama tamakaya aupa kana kanoafi
tamaugafa tamakata yana alitesageno Anumaya Kotia agaia eteno tamakaila alino kanale hu-
lamateno ali heti-lamatesigetama agaife havitama tamakupi malenaya yamoa ali lokiya vai-
lamateno tamategahie.
11
Anumaya Kotia mukia tokiyaa agaiafikeya mukia kanafina tamage
huno hanege hanege hisie. Tamage.
Nagoa atupa ke.
12
Sailasia aliya alige alige nehia tamafu-tamakanaagino mainegena nagaya Sailasina mo
hugesa hugeno osi kea kaeno tamakaife humaine. Manima kae-malenoa kelamage kea
Anumaya Kotima tamaminea yana hanegi ani kayone yapi tokiyaage hutama hetitama mai
fatago hiho huna ali lamakafa nehue.
13
Anumaya Kotia tamakaienema huyogi-malenea anagamoya Papiloni mainayanagiya
tamakaifena hu falu fala hu nelamatae. Nagaini nafanemoa, Makia, ania huno hu falu fala hu
nelamate.
14
Mukiamo-gatama tamafu-tamakana-gamifema tamahaisigetamahena tamayana
oami aami hiho. Kalaisienema tokaetama mainaya yafe tamaipamoa falu nehinagetama
maiho.
Nagaini nagia Pitanae.
1 Pita 1 Pita
<<
55
>>
Kea
1 Tesalonaika
00
11
22
33
44
55
1 Tesalonaika 1 Tesalonaika
<<
00
>>
^
1 Tesalonaika
Tesalonaika veamoya Yisasi kea aliya amakupi malenaya yafe Poloa muse humaine.
Poloa Tesalonaika veapi maineno Yisasi ke hamapai-mainea aliyamo ke.
Yisasi anagamoya amametitia nehuya tokiyaage huya heti-maineya kana yana alisae.
Poloa eteno amaufi agesia yafena tusiya huno hau-maine.
Poloa Timotina hutegeno tokiya vaiya maisae huno hamapaigahe umaine.
Yisasife haviya amakupi malenaya veamogamife Timotia kanale ke alino egeno
Poloa muse humaine.
Poloa amakaitega visia yafe nunamu humaine.
Tagaya kumai kavala ohisune.
Yisasia eteno esiana melino alitalu hulategahie.
Anumayamo elavisia kanahe talo tala huta maisune.
Anumayamoa amaya hinageya kanale auava yana aligahae.
<<
00
>>
<<
11
>>
1 Tesalonaika
Poloa Kolini kumate maineno Tesalonaika kumate Yisasi ke haviya amakupi malenaya
veafe hagoteno mani avona kaeno amamine. Yisasia faliteno hetino ikapinagama haigenoa
Poloa naetinia (19) kafu agava maineno 1 Tesalonaika kea kae-malene. Haenaga 2
Tesalonaika kea kae-maleneane.
1
1
Polonagi Sailasiagi Timotiagi tagaya mani avona kaeta Tesalonaika kumatema
mainetama Yisasifema havitama tamakupi malenaya veamogatamina kaeta nelamamune.
Anumaya Koti, Nelafaene Yisasi Kalaisi, Anumayatimoene tokaetama mainaya
veamogatamina mani avona kaeta nelamamune. Anumaya Kotia kayone hisaya yaene
tamaipamoa falu tamahaisia yaene tamamisie.
Tesalonaika veamoya Yisasi kea aliya amakupi malenaya yafe Poloa muse
humaine.
2
Tagaya mukia yupa Anumaya Kotitega tamakaifena muse huta tamaki ayeta
nunamuna nehune.
3
Tamakayama nehaya kavafe tamakaitamima tamakupima alitama
malenaya yamoa kanale auava yatamia falote higetama aliyana nealitama nagoamogamifema
tamahau tamayamopafi lamahaigetama hama nemaetama Anumayatimoa Yisasi Kalaisima
esia kanahe tamametiti hutama tokiya vaitama mailama humainaya yafena tagela-okanita
Nelafaa Anumaya Kotitega muse huta nunamuna nehune.
4
Nafunagana-gatama, Anumaya
Kotia hau ayamopafima nehaiya tafutagana-gatama, Anumaya Kotia tamakayama agai
veama maisaya yafe ago huyogi-malegeta tagaya ago havimainone.
5
Haviteta tagayama
Yisasife mani kanale kema alitama emainonana Kelamage kea hane. hutama havilama hu-
mainonafene huta tamakaitela keagela evayi ohunegi Alu Aotage Avamumo tokiyaleti tusiya
huno ani kema tamakupi malesaya tamaku tamakesa tamamine. Tamakaila amunotamifima
tamaya hisuna yafe tagayama fatago kavama huna kavala ago age-mainae.
6
Ago agetetama
tagai auava yaene Anumayamo auava yaene akave maletama Anumayamo kea alitama
tamakupi malenageya nagoa vayamoya alihavi ya hulamatageno kasagoya kana yamoa
tamakaipima evayi higenoa Alu Aotage Avamumoa agaia tusia musema hisaya yana
nelamamie.
7
Lamamigetama tamakaya Yisasifema haviya amakupi malenaya vayamogamina
Masetonia mainaya veanene Akaiya mainaya veanene kanale kavaage hutama Naa maa hiho.
hutama amave-limainae.
8
Anumayamo kemona tamakaya huhaletama hageno ani kemoa atifi
mafi huno ute ete hia yamo Masetonia kotegaene Akaiya kotegaenekela ounegi mukia
kotega tamakayama Anumaya Kotifema havitama tamakupima malaya kemona ago
havimainayanagita tagaya nagoene hamapaisuna kea omalene.
9
Tagayama nayoma
tamakaitegama uvayima hunageya amakaiami tamavagea mage huya hae Tamakayama
amakaipima uvayima hageya agoma fali-mainaya veanemogamife Anumayati mainae. huya
amakisana nevaiya kavala ago ataleya amakua aiyahae huya Anumaya Kotitega umainae.
Agola maige maige huno hilato haimu hanea Anumaya Kotina aliyamaa alisaya yafe
Anumaya Kotitega umainae.
10
Umaineya agaia nafanema ikapinagati eteno esia kanaahe
amametiti huya agava mainae. Ani kanoa, Yisasia fali-mainefiti Anumaya Kotia alino
hetiteneanagino haenagama Anumaya Kotima hai vaino kaiyekema hulatesia kanafina Yisasia
tagu tamena aligatigahie. huya humainae.
<<
11
>>
<<
22
>>
2
Poloa Tesalonaika veapi maineno Yisasi ke hamapai-mainea aliyamo ke.
1
Nafunagana-gatama tamakaitamia ago havimainae, tamakaipima umaineta kema
tamahapai-mainona kemoa afa ya kana ohunegi ago tamakupina aliyamaa ali-maine.
2
Tagaila
hagoteya Filipai kumatela tagaye hisifa ya tamigeno taugafamoa tusia tagata aimainegi Mukia
vayapina ani kea ohutafa hutama ohiho. huya hageno Anumaya Kotitimoa eteno tokiya tagu
tagesa tamigeta kolia ohuta afaa Anumaya Kotina kanale kea tamakaipina huhaleta
tamahapai-mainone.
3-4
Tamahapai-mainona kea havigea omale. Taugafamoa oniyaage huno
kefo kavala humainefitila veala aye-lamavataga hisuna kea nohunagi Anumaya Kotia
taguamona ageteno keama hamapaisuna aliyana tayapi malegeta tamahanepaune. Veamoya
muse hisayafene huta nohunagi Anumaya Kotia agaia muse hisia ke hunageno Anumaya
Kotia agaia taguamona ali fako huno neage.
5
Tamakayaene Anumaya Kotienena
havimainageta tagaya mani kea humainona kemoa tamaipafina ayegesia kea ohunone.
Tamakai yate ageta tahaye huteta ani yatami ali fala-kisuna yafe mani kea tamahanopaune.
6
Tamakaienefe alu veanenefe tagi alisaga hisae huta mani kea tamahanopaune.
7
Tamage
tagaya Aposolo vaya mainonanagita Tagia alisaga hutama taya hiho. huta hisuna amukotia
haneanagi ani kea ohunone Tamakaienema mainona kanafina tagaya anemoyama
nafaneamima ako huya amataya kavaage hu-mainone.
8
Tamakaifena aluya huno nelahaigeta
Yisasina kanale mono kea tamahapaisune huta nehune. Ani yamaagela omalegi tamakaifena
tusiya huno tahau tayamopafi nelahaigeta tamaya hisuna yafe Afaa faligahune. huta nehune.
9
Nafunagana-gatama tagayama tusiya huta tayapiti aliyama aluna yana ago age-mainae.
Havigu kavete yagai-latesaya yamo kana ya tamamigahune huta tayapitila aliyana alita kave
neyana alifalote hugahe kegeene felugaene nealita Anumaya Koti kea tamahanepaune.
10
Tamakayaene Anumaya Kotiene tagayama mauna auava yana tage-mainae.
Yisasifema havitama tamakupi maletama tamametiti haya veamogatamilema fatago huta
vaiyeta alu aotage auava yama nehuta nagola osi kefo kavala ohunone.
11-12
Anumaya Kotia
agaia kava yagai-mainea yapina tokiya hale yamaaene hanea yapi maisaya yafe tamakaila ago
ke hu-maineanagitama Anumaya Kotina haisia auava ya alitama vaiyeho. huta ali lamakafa
nehune. Tamakaya ago havimainae, nefaa nafaneyagaama huge amave-ligema nehia kava
huta tamakaila nagoke nagokemogatamina ani kava hisayana nagoke kate tamatesia tamakua
maletama maisae huta ali heti-lamatenone.
Yisasi anagamoya amametitia nehuya tokiyaage huya heti-maineya kana yana
alisae.
13
Tamakaya Anumaya Koti kea tagai tavayafitila alitama Nagola afa kanomo ke hane.
hutama ohunagi Anumaya Kotina tokiyaage kelamaa hane. hutetama alitama lamakupi
malageno tamakuafina ani kemoa umaineno aliyamaa nealia yafena mukia kanafina muse
nehuta nunamuna nehune.
14
Nafunagana-gatama Yuta vayamoya Yutia maineya Yisasife
haviya amakupi malenaya veala ali haviya humataya kava huya tamakaila kumatamile
vayayamoya ali haviya hu nelamatae. Tamakaya Yutia maineya Yisasife haviya amakupi
malenaya veanene nago iyaya hutama tamaugafa lamakata yana ali-mainae.
15
Ani Yuta
vayamoya Yisasia Anumayatimoene Anumaya Koti amaune vayaene hamayageya falitageya
tagaila tanati-talenae. Ani vayamoya Anumaya Kotima nehaiya kavala ohuya mukia
vayamogamina kame humatenae.
16
Naa nehageta tagaya Yuta vea omainaya vayapina
Anumaya Kotia amaku amamena aligatisiafene huta Yisasi kea alita hamapaigahe
nehunageya visunema huna kaana maleli nelae. Aniama haya kefo yaamima halaya hagenoa
ago ala hu-mainegeno Anumaya Kotia hai vaimateno kaiyeke humatesia yamoa ago amavate
emaine.
Poloa eteno amaufi agesia yafena tusiya huno hau-maine.
17
Nafunagana-gatama Yuta vayamoya tagaila tanatigeta aupa kana kanoa tamakaienena
omainona yafe megusa nafanemoya haya kava huta mainone. Tamage tamaulagafina
notamakonanagi taguamoa tamakaifena nelahaigeta tamakesuna yafena tusiya huno kalagi
neaigeta tamakesuna kafena tusiya huta ati neayone.
18
Tamakaitega egahe nehunanagi
nagaya Polona mukia kanafina tamakaitega egahue nehuanagi Satania kania malelile nenate.
19
Yisasima eteno esigeta agai aulela hetita maineta na yafene huta muse kea hapaisune?
Hana vayafe tametiti nehune? Tamakayama agai kema havimainaya yafe Yisasia muse yana
tamigahie.
20
He tamakaya Yisasina tamakuama aminaya yafe ala tagia aligahune.
Tamakaifekeya musena nehune.
<<
22
>>
<<
33
>>
3
Poloa Timotina hutegeno tokiya vaiya maisae huno hamapaigahe umaine.
1-2
Tamakaifena havi havi nehuta nagoene maiyaaya ohugahune huta nagainige Atenisia
maigahue huna Timotina tamakaitega hutenoe. Ani kanoa tafutaganae Anumaya Koti aliya
kano maineno Yisasi Kalaisina kanale mono kea hamanepaiya kanogina tamakayama
Yisasife havitama tamakupima malenaya yana atafa hutama tokiya vaisaya yafe tamaya hisie
huna hutenoe.
3
Tokiya vaitetama tamakaitema kana yamoma tamakata neaiya yafe Yisasi
kea oataletama tamaku tamakesa alino agafa hisie huna tamakaitega hutenoe. Tamakaitamia
ago havimainae Anumaya Kotia Ani kana yana aligahae. huno hu-maineane.
4
Tamage
nayona tagaya tamakaiene maineta mani kea ago tamahapai-mainone Haenagaa tagata aisia
yana aligahune. huta hu-mainona yana menia ago vayi higetama age-mainae.
5
Ani yafe
havigu Satania aye-lamavataga hisigetama tamakupi alitama malenaya yana afa ya kana
huyafene huna ani kema havisua yafena aluya huno nenahaigena nago kanoa hutenoe.
Tamakupi alitama malenaya yama atalesayana aliya ali-mainoa aliyamoa afa ya kana hugahie
huna nehue.
Yisasife haviya amakupi malenaya veamogamife Timotia kanale ke alino egeno
Poloa muse humaine.
6
Timotina hutogeno tamakaite uteno tamakaila nelama-taleno tagaitega evayi huno
kanale ke alino tamakaifena mage huno melahapaiye Amakaya Yisasife haviya amakupi
malenaya yana tokiyaage huya atafa hulineya mukia veafe hamau amayamopafi nehamaigeya
mukia yupa tagaifena amakesa havi havi huya amaipa haviya kanaleya hu nelatae. Tagayama
amakaila amakesuna yafema nelahaiya kava huya tagesaya yafena aluya huno nehamaiye.
huno tahapaiye.
7
Tahapaigeta haviteta tamakaya nafunagana-gatama Yisasife havitama
tamakupi maletama nemaiye huno higeta havuna yafena kanaagema tahaigeta mainonageno
ani kema egeta havunagenoa taipamoa kanale hia ke alino me nelamie.
8
Tamakaya
Anumayamoene tokaetama maitafa haya yafena tagaila maiyatimoa kanaleya higeta mainone.
9
Tagaya tamakaifena aluya huta Anumayamotega hetita musena hu neatonagi hanaa huta
Anumayamotega tamakaifena muse huna yana amisune huta nehune.
10
Kegeene felugaene
tamakai tamaufima agesuna yafena Anumaya Kotitega aluya huta nunamuna nehune.
Tamaketeta Yisasife havitama tamakupi malenaya yamoma kosa he otamatesiana tagaya
Nagoene kosa helamatesia yana tamamimano. huta nunamuna nehune.
Poloa amakaitega visia yafe nunamu humaine.
11
Anumaya Kotia Nelafaene Yisasia Anumayatimoene anakaiani tamakaitega tavaleana
visae huta havinegone.
12
Tagayama tamakaifena tahau tayamopafi nelahaiya kava hutama
tamakayama tamafu-tamakana-gamifeene mukia veanenefe tamahau tamayamopafima
tamahaisia yatamimoa ala hisia yafe Anumayamotega havinegone.
13
Ania hulamatesigeno
tokiya vaisia tamaku tamamisigetama haenagaa Anumayatimoa Yisasia agaia alu aotage
veaamoenema eteno esiana tamakaya kefo kava ohutama alu aotage veanea mainetama
Anumaya Kotina, Nelafa aufina hetitama Nagola kefo yaamia omale veane mainae. huno hu-
lamatesie huta Anumayatimotega havinegone. Tamage.
<<
33
>>
<<
44
>>
4
Tagaya kumai kavala ohisune.
1
Nagaya mani kea huna hano hugahe mage nehue nafunagana-gatama musetami nehugi
Yisasia Alatimoene tokaeta mainona yafe tamakaifena huna tokiyaage ke nehue. Anumaya
Kotina haiya yama alinutamahena kaana ago tamave-lunagetama ani yana akave nemalagi
nagoene akave maleme maleme haiho.
2
Alatimoa Yisasina agai agile tahapaigeta tamahapai-
mainona kea ago havimainae.
3
Anumaya Kotima haiya agu agesamoa maa humaine Kefo
kavala ohutama alu aotage vea mainetama lamaugafa age lamahaye hu kavala neataletama
afaa maiho. huno humaine.
4-5
Tamaugafa age lamahaye hutama havi kava hisaya tamaku
tamakesa ataletama kava yagaitama maiho. Anumaya Kotife nohaviya veamoya nehisaya
kavala hutama kumai yama hisaya tamaku tamakesa ohavisae.
6
Tamakaitami ama
alinutamahena tamafu-tamakana-gami anea amavayu hutama kefo kavala hu oamateho.
Alatimoa ani augafa kavama haya veala anonaamia kana yana amamigahie huta nayona ani
kavafena tamakesa ago huta hale-mainone.
7
Taguamoa oniyaage huno kefo yamo tagu
tagesa havisunafene huno Anumaya Kotia tagaifena kea ohunegi kefo kavala ohuta alu
aotage veaa maisunafene huno kea humaine.
8
Naa hianagiya veamoyama ani kemona
amakavenoma hutenayana veamogamina amakaveno hu oamatenagi Anumaya Kotina Alu
Aotage Avamuama tamaminea kanomona amakaveno hutegahae.
9
Yisasifema haviya amakupi malenaya tafu-tagana-gamifena tamahau tamayamopafima
tamahaisia yafena Anumaya Kotia agaia ago tamave-limaineanagina nagaya nagoene ani
yafena tamaha-opaigahue.
10
Tamage tamakaya mukia Masetonia mainaya nenafu-gamifena
tamahau tamayamopafina ago tamahau-maineanagitama Nagoene ani kavala hume hume
haiho. huna nenafu-gatamahena tokiya kenia nehue.
11
Tamakaya ako hutama tamaugafa
kava hutama maiya tamamete maisaya yafe muse hutama nagoa veamoya hisaya kavafena
tamakesa ohavitama tamakaitami tamayapiti aliyana alitama maiho huna nayona ago
tamahapai-mainoane.
12
Ani kavama hisayana nagoa yatamihena omalesigetama nagoa veafe
Tamiho. hutama ohisageya Yisasi kema nohaviya veamogami amaufina kanaleya hutama
vaiyesageya tamakia alisaga hugahae.
Yisasia eteno esiana melino alitalu hulategahie.
13
Nafunagana-gatama fali-mainaya veama haenagama hisaya kavafe ohavisaya yafena
onahaiyanagina tamahapaigahue. Yisasi kema nohaviya veamoya tusiya huya avia neataya
kavala tamakaya ohutama tamahaumana ohaleno alava hino.
14
Tagaya Yisasima faliteno
heti-mainea yafena tagupi ago malenone. Ania nehuta Yisasima eteno esia kanafina agaifema
haviya amakupi maleteya fali-mainaya veanene amavaleno egahie huta ago havimainone.
15
Anumayatimo tahapai-mainea kea hufalote huta tamaha-nepaunagi haviho
Anumayatimoma eteno esia kanafina tagaya tahaimuma hanegeta mainona veala analega
aupaa uhagoteta ohaigahunagi fali-mainaya veamoya hagoteya hetiya haigahae.
16
Anumayamoa agaia hu lokiya vaino kea nehinageno uhagote mainea ensole kanomoa ke
nehisigeno Anumaya Kotina kapufamaafitila ke nehinageno Anumayamoa ikapinagatila
neataleno elavino egahie. Esigeya Yisasifema haviya amakupima maleteya fali-mainaya
veamoya hagoteya fali-mainesafitila hetigahae.
17
Hetisageta tagayama tahaimuma afaa
hanegeta mainesuna veala amakaiene tokaesunageno tavalesaga hisigeta siapi haita
Anumayatimona mogeteta agola agaiene tokaeta maige maige hugahune.
18
Naa hisaya yafe
kasagoya veala mani kea mo hamapai me hamapai hutama amaipa ali tokiya vaiho.
<<
44
>>
<<
55
>>
5
Anumayamo elavisia kanahe talo tala huta maisune.
1
Nafunagana-gatama Anumayamoa elavisia kanahena Na kanafine ma kanafi
elavigahie. huta kanaa maleta tamaha-opaigahune.
2
Tamakaitamia ago havimainae
Anumayamoa enunofena kesima musufa kanoma ako huno hanipinaga kesima evayi nehia
kava huno egahie.
3
Veamoyama Menia kanale yupagita ako huta maigahune. huya hisaya
kana kanoafi aupaa amakata aino ali haviya humatesia yana vayi hugahie. Anemoya
nafanema ategahe hageno aupaa amakata neaiya kava huno ani kana aupaa vayi
hugahianagiya veamoya faleya falakiyama maisaya kaamia omalegahie.
4
Omalegahigi
tamakaya nafunagana-gatama haniki-mainea yapina omainaya yafe ani kanafina musufa
kanomo nehia kava huno esigetama atili-talua ohugahae.
5
Tamakaya mukiamogatama hale
mainea yapiene yagele mainea yapiene mainaya veane mainagi tagaya kegepi haniki-mainea
yapi mainaya veala omainone.
6
Nagoa kefo kava nehaya veamoya nehaya kavala huta
havigua taula faeta omaigetao. Taulaga agegali huta ageta tagu tagesamona yagai lokiya vaita
maisune.
7
Amauma nefayaya veala hanimo aguafi nefayae. Havilima neya aneginagi
nehisaya veala hanimo aguafi maineya ani kavala nehae.
8
Nehagi tagayama yagelema
mainona veala tagu tagesale kava yagaisune. Yisasife havita tagupi maleneta tametiti nehuna
yaene nagoa anagatimogamife tahau tayamopafi nelahaisia yaene auvai-latesia yana alita aye
hailita maisune. Anumaya Kotia tagu tamema aligatisia yafe tametiti huta tanutela tokiyaage
tumano ku vailisune.
9
Tagaya Anumaya Kotia hai vaisia ya alisuna yafene huno huyo
okinegi Yisasi Kalaisia tagu tamema aligatisia yafene huno Anumaya Kotia tagaila huyogi-
malene.
10
Yisasi Kalaisia tagaifene huno fali-maineafe tahaimuene mainesuno fali-mainesuno
agaienekeya tahaimula hanesigeta agola maige maige huta maigahune.
11
Ani yafe nagoke
nagokemogatama nehaya auava kavala nagoene hutama tamafu-tamakana-gamina kanale
fatago amaku amakesale maisaya kea hamapaiho.
Anumayamoa amaya hinageya kanale auava yana aligahae.
12
Anumaya Kotia tamakaipina mono kava vayala amatete amatete higeya mainagi ani
kava vayamoya ke huya fatago tamaku tamakesa alisagetama amaiyaafi mainetama keamia
haviho.
13
Amaiyaafi mainetama aliyaamihena tamakesa havitama amamitetama Kanale kava
nehae. hutama tamahau tamayamopafi aluya huno tama-hainagetama tamafu-tamakana-
gamiene nagoke avamete tamaipa falu hutama maiho.
14
Nafunagana-gatama nagaya tamakaifena hu lokiya vaina tamahapauve aliyama oaliya
haviguma nemaiya veafena tamakaya Naa hutama aliyana aliho. hutama humateho. Kolima
nehaya veala Kolia ohiho. hutama amakua alitama oya humateho. Lokiyaamima omalesia
veala amaya hiho. Mukia veamogamina ako hutama alilava hutama amateho.
15
Nagoa
veamoya kefo kavama hulamatesagetama anonaamia etetama kefo kavala hu oamateho.
Mukia yupa tamafu-tamakana-gamifeene mukia veamogamifeene kayone kavaage humateho.
16
Mukia kanafina muse hutama kigi yokalo hutama maiho.
17
Mukia kanafina nunamuna
huge huge hutama maiho.
18
Mukia kanale yaene havi yaenema tamakaitema falote
hulamatesigetama Anumayamotega muse hutama havigeho. Tamakayama Yisasi Kalaisiene
tokaetama mainetama mani kavama hisaya yafena Anumaya Kotina nehaiye.
19
Anumaya Kotina Alu Aotage Avamuamoa tamakupima nelea ata tamakaya ayesua
ohiho.
20
Anumayamo avayafiti amaune kema tamahanepaiya kemona tamakaya
tamakavenona hu oateho.
21-22
Tamakaveno hu oategahagi mukia yana ali fako hutetama
Kanale yapi havi yapi? hutama tamakesa havilama hutetama kanale yamaage tamakoya
amupi ali-maletama mukia kefo yana tamakaveno huteho.
23
Anumaya Kotia taipamo falu hisia yamona aepaa agaiage mainea kanogino alu
aotage auava kava hutama mai fatago hisaya tokiya tamamisie. Agaya mukia tamaku
tamakesaene tamaugafaene kava yagai-lamatesigetama haenagaa Anumayatimoa Yisasi
Kalaisima elavisia kanafina kefo yatamia omalesie huna Anumayamotega havinegoe.
24
Anumaya Kotia tamakaifema ke higetama agaialegama ageno fatago kanoma maineafe
Naa hugahue. hunoma mukia humainea keamona fatago huno akave maleno hugahie.
25
Tafu-tagana-gatama tamakaya nunamuna hutama tagaila laya hiho.
26
Mukia
tafutagana-gamina tamayana amamitama ali falu fala humateho.
27
Nagaya Anumayamo agile
tokiyaage kea mage nehue Tamakaya ma avona hapalitama hamapaigeya mukia tafu-
taganaya haviho.
28
Anumayatimoa Yisasi Kalaisia agaia ali kayone hulamatesia yana tamamisie.
<<
55
>>
Kea
1 Timoti
00
11
22
33
44
55
66
1 Timoti 1 Timoti
<<
00
>>
^
1 Timoti
Havigeage kea helava hisune.
Anumayamoa Polona kalagima aitenea yafe Anumayamotega huno muse hutene.
Timotia Sataniene tokiya vaino tu hisia yafe humaine.
Anumayamotega havigesunageno mukia veala amaya hisie.
Kanale auava kavama nehaya anemogamina kanale koganali yaami kana humaine.
Mono note kava vayamoya kanale auava kavaage akave malesae.
Mono aliya vayamoya kanale auava kavaage akave malesae.
Anumaya Koti auava kemona aepaa tamage huno ala yakefa hane.
Mukia havige havagemoa vea amaku amakesa ali haviya nehie.
Timotifena Naa huka Kalaisina kanale aliya kanoa maiyo. huno hutene.
Timotia agaia anagatafa kana huno veala amakesie.
Ta keto aneyaga kava yagai-mategahie?
Mono note kava vayamoya kanale aliyama alisaya vayala kanaleya huta yagai-
matesune.
Nofi humatageya afa aliya vayamoya kanale kavakeya hisae.
Monehema tahauge lahaugema nehia yana kefo auava yamona aepaae.
Kaiyage kaiyage huka neuka maige maige hisana kahaimula alio.
Kuafenoamima kasago humainea veamoya Anumayamote amametiti hisae.
Timotigae aliyakaa yagailama huka tokiyaage huo.
1 Timoti 1 Timoti
<<
00
>>
1 Timoti 1 Timoti
<<
11
>>
1 Timoti
Poloa Timotife Efesusi kumatema Yisasife haviya amakupi maleya nemaiya
veamogamite kava huo. huno huteteno haenagaa mani avona ani aliyatema aya hisia yafe
Poloa kaeno Timotina amine. Yisasia faliteno hetino ikapinaga haitegeno Poloa teti talia (33)
kafu agava maineno 1 Timoti kea kae-malene.
1
1
Nagaya Polonae Timotigahe mani avona negaove. Anumaya Kotia tagu tamema
aligati-mainea kanoene Yisasi Kalaisifema tametiti nehuna kanoene naumono maleteana
nahapaiagena Aposolo kanoa mainoe.
2
Ani yafe Timotiga Yisasi kema kahanepauva yafe nagai nafane kana huka
mainanageno Anumaya Kotia, Nelaafaene Yisasi Kalaisia, Anumayatiamoene hanau
hugateana kayone hisana yaene kaipamoa falu kahaisia yaene kamisae huna nehue.
Havigeage kea helava hisune.
3
Masetoniama neuna kagaifena Efasusi kumate maiyo. huna hugatenoe. Anile maineka
alu mono huge amave-lige nehisaya vayala mage huka hamapaiyo Mani kema haya kea
ataleho. huka hamapaigeya ani havi monoamia nagoene ohuya atalesae huna ani kumatela
katenoe.
4
Ani vayamoya manimo kea haviya amakesa havi havi nehuya Tamage nehie. huya
nehuya amakinagomogami amakia ayeya ayaaya kegefa afa ke nehuya amakesa haviya mo
hamavige me hamavige nehae. Aniama haya kavamoa Yisasifena havitama tamakupi
maletama akavema malesaya yafena tamaya ohugahie. Ani yafe Ataleho. huka hamapaiyo.
5
Hamapaisanageya akave malesayana oniyama ohunea tamakupitila tamage hutama
Yisasifena havitama tamakupi maletama tamametitima nehaya yana amegatila ohutama
kanale yama humainea tamakuamoma hia kava hutama veamogamifena tamahau
tamayamopafi tamahaino huna nehue.
6
Nagoa veamoya mani kea neataleya yagaleya neuya
afaa havigu havagu havigeyaga aliya amakupi maleteya Anumaya Koti kea akave nomalae.
7
Ani vayamoya Anumaya Kotima kahegi kea huta falote hisuna veane maisune. huya
hayanagi anima haya keyaga havilama huya nohavigi afaa Tamage nehune. huya nehae.
8
Anumaya Kotina kahegi keama havilama huta akavema malesunana kanale ke
haneanagino taya hugahie huta ago havimainone.
9
Kanale yama huya fatagoma humainaya
veanehe mani kahegi kemoa ohunegi kefo kavama maiya nehuyama mainaya veanene, ke
ohavi veanene, veganokano veanene, Anumaya Koti kema akave nomalaya veanene, kefo
kavaagema maiya nehaya veanene, Anumaya Kotina amakaveno huteya hu haviya hu
neataya veanene, nefanagi itaamonagi huno hamaeno nefalino, alu veanene hamaeno nefalia
vayaenefe mani kea humaine.
10
Moli yokalo teliliatete huya kumai kavama nehaya veanene,
ve amafaluyaene moli yokalo nelaya vayaene, veama musufa yama huya vaya neamavalaya
veanene, havigeage nehaya veanene, kaiyekema havi kanomote havigema hu neamataya
veanene, Anumaya Kotina kanale keama neataleya kefo kava nehaya veamogamife kahegi
malenea kea humaine.
11
Tusia musema hisuna Anumaya Kotia mani kea agaia avayafiti
huno tokiya hale-mainea ke, Yisasifena kanale mono kea, nagaila nahapaino hunategena
tamakaila tamahanepauve.
Anumayamoa Polona kalagima aitenea yafe Anumayamotega huno muse hutene.
12
Yisasi Kalaisia, Anumayatimona aliyamaa alisua yafe tokiyaa namigena muse hu
neatoe. Nagaifena Kanaleya huno aliyania aligahie. huno huteno nagaila huyoginateneafene
huna musena huneatoe.
13
Nagaya nayona agai agia hu haviya huneatena kame kanoa
mainena agaifena havilama huna nagupina omalenoa yafe agaya kalagi ainatene.
14
Kalagi
ainateteno Anumaya Kotia kanaleya huno kayone hu yamaa tusiya huno namigena Yisasi
Kalaisienena ailokaena mainena agaifena nagupi malena nametiti nehua yaene nahau
nayamopafima nenagea yaene namine.
15
Tusia tokiyaage kea, mukia veamoya haviya
amakupi malesaya kea mage huno humaine Yisasi Kalaisia kefo kavama nehaya
veamogamina amaku amamemaa aligatigahe ma mopafina elavino emaine.
16
Emaineanagina
nagaya kefo kavama nehaya vayala amakasena kasagoya kefo kava uhagotena humainoa
yafe agaitega esaya vayamogamina kalagi ainatenea kavala agesaya yafe Yisasi Kalaisia ako
huno tusia kalagi anategeya mukia veamoya Tagaiene ani kalagi ailategahie. huteya agaifena
haviya amakupi maleya amametiti huteya agola maige maige hisaya hamaimula aligahae.
17
Anumayamoa mukia kanafina agola maige maige nehia Sauve Kanomoa ofaligahianagita
tagaya agaila oagegahune. Anumaya agaiage mainea yafe veamogata agai agia alisaga huge
huge nehisunageno mukia kanafina hale-mainea tokiya yamaa hanege hanege hisie huta
hisune. Mani kea tamage.
Timotia Sataniene tokiya vaino tu hisia yafe humaine.
18
Timotigae, nagai nafanemoga, nayona nagoamogamina Anumayamoa avayafiti kea
kagaifena huno falotema humainea augafa ke menia ma avopima kaenama kamua kahegi
kemoa hanegi ani kemona fatago huka akave malesanana ani keleti Satanienena tua hugane.
19
Anumayamofema havika kagupi malenana yana tokiyaage huka atafa hulisanageno
Anumayamo aufina kaguamoa Kefo yania omalene. huno hinageka kaugafa kava hugane.
Nagoa veamogamina amakuamoma Aao. huno hia kene Anumayamo kene amakaveno
huteteya Anumayamofema amametitima nehaya yamona ali haviya nehae.
20
Ania humainaya
veapitila tole kanolatamogani anakia Himeneusiene Alekasataene ani kavala haageno Satania
kana hanaisia yana anamisigeana anakua aiyahae huana Anumaya Koti agia nagoene huana
haviya ohisaa yafe Satani ayapi hunatenoe.
1 Timoti 1 Timoti
<<
11
>>
1 Timoti 1 Timoti
<<
22
>>
2
Anumayamotega havigesunageno mukia veala amaya hisie.
1
Nunamuna hagote yane. Tama yatafa hisaya yana hanea yafe Anumayamotega
havinegetama tamakaima tamahaisia yafeene mukia veamogamima hamamaesia yafeene agai
agi ayetama muse hutama havigesae.
2
Ala sauve vayaene mukia kamani kava vayaene
amaya hisia yafe nunamuna hutama havigesageno kanale ya huno fatago kavaage
humatesigeta falu yapi maineta Anumayamo nehaiya auava kava nehuta alu aotage vaya
maisuna yafe nunamuna hiho.
3
Ani nunamuma hisaya yana Anumaya Kotia, tagu tamema ali
negatia kanomo aufina tusia kanaleya huno tatesia kavale.
4
Anumaya Kotia mukia
veamogami amaku amamena aligatisigeya kelamage kea havilama huya havisaya yafena
tusiya huno nehaiye.
5
Anumaya Kotia nagoke kanoa agaiage maine. Mainegeno Yisasi
Kalaisia, nagoke kanomoa ma mopafi veanemogatileene Anumaya Kotitegaene amunotifina
heti-maineno nagopi alino ailokaelatene.
6
Mukia veamogamina kefo yaamimoa alino
hayagimategeya mainageno Yisasia anifinagati amavayu hisiafe miya ataleno agaia augafa
hakino fali-maine. Anumaya Kotia huyogi-malenea kanafi mani yana taveli-maine.
7
Taveliteno Yuta vea omainaya veamoya mani kea havisae huno Anumayamoa hamapaisua
yafe huno nagaila yogi-malenea ne mainoe. Aposolo kano mainena manima kelamage kema
hamapaisugeya haviya amakupi maleya amametiti hisaya yafe mani kea hu falote nehue.
Mani kea havigea nohugi tamageage ke nehue.
8
Maa kavafe nenahaiye mukia kumatema nemaiya vayamoya kanaleya huya fatago
huya maineya kea ovaiya amaipa havi yana ohuyama nemaiya vayamoya amayana alisaga
huya Anumayamotega nunamu huya havigesaya yafe nagaila nenahaiye.
Kanale auava kavama nehaya anemogamina kanale koganali yaami kana
humaine.
9-10
Anemoya maa huya maisaya yafe nenahaiye amakaiami amaugafa aliya ohaiya
kenaage fai-lineya ako huya maineya vayamoya auluma hamaesaya yafena amaugafale
konagali ya ali-malesaya yafena ohuya Anumayamo kema akave nemalaya veamogami
auava kava huya maineya mai kayone huya maisae.
11
Anemoya amakaiami amaugafa aliya
ohaiya Anumayamo keagema havisaya yafe ako huya maineya kanaleya huya havisae.
12
Vemoya anemogamina kavaami mainayanagiya anemoya Anumayamo kea huge amavelige
hiho huna nohugi ako huya maineya ke haviya maisae huna nehue.
13
Haviho Anumayamoa
hagoteno Atamuna talo huteno haenagaa aala Ivina talo hu-malenea yafe anemoya ako huya
maisae.
14
Satania Ivina aye-vataga higeno Ivia Tamage nehane. huno nehuno hagoteno kefo
kavala hu-maineanagi Atamua naa kavala ohune.
15
Ohunegi aneyagamoya Anumayamofe
haviya amakupi maleya amametiti nehuya nagoamogamifena hamau amayamopafi
hamaisigeya maineya nafaneamia amatesageno Anumaya Kotia amaugafa aligatisie.
1 Timoti 1 Timoti
<<
22
>>
1 Timoti 1 Timoti
<<
33
>>
3
Mono note kava vayamoya kanale auava kavaage akave malesae.
1
Mani kemoa kelamage ke. Yisasife haviya amakupi malenaya veatema kava yagaisia
aliyate Hagote kano maisue. hunoma nehia kanomoa kanale aliyafekeya haumaine.
2
Yisasife
haviya amakupi malenaya anagatema hagote kava yagaisaya vayamoa maa augafa kava huya
maisae. Kefo yamaama veamogami amaufima omalenesia kanoe. Aama nagoke atenesia
kano. Agu agesale yagaino tokiyaage huno havi kavama hisia yafena aupa agesa nohavia
kanoe. Natu veane alino kanale hu neamatesia kanoe. Kanaleyama huno Yisasi kema
humave-nelisia kanoe.
3
Havili neno aneginagi nohisia kanoe. Vayala havigu mohae mehae
nohisia kanoe. Ke vai yana alino falote ohuno aipa kanale yapi nemaisia kanoe. Monema
alisia yafena hagaa nohaesia kanoe.
4
Ane nafanea kanaleya huno kava yagai-matesigeya agai
agi alisaga nehuya agai ke ali hipoya hisageno kanale yama huno nemaisia kanoe.
5
Ane
nafaneyagaama kanaleyama huno kava noyagaisia kanomoa Anumaya Koti
anagamogamitela kanale huno kava oyagaigahie.
6
Meni kanoa Anumaya Koti nafanema
haegafa emainesia kanomoa kava yagaisia aliyatela he otino. Havigu hetinunoa agaia augafa
alino haisigeno Anumaya Kotia Satanina kaiyekema huteteno haeno fananema humainea
kava huno ani kanomona ania augafa kava hutegahie.
7
Nagoa yaenefe nehue Yisasi kema
nohaviya veanenema vaiyatete nehisigeya ageteya Ma kanoa kanale fatago kano maine. huya
hutesaya vayapiti kava vayala ali hetite hetite huo. Kanale yama huno omainesia vayama ali
heti-matesanageya veamoya hu haviya humatesageno Satanima hanagi-malenea kalifumoa
aupaa hateno amatafa huno havi kate amavaleno amateyafe nehugi amaketeka ali hetimato.
Mono aliya vayamoya kanale auava kavaage akave malesae.
8
Yisasife haviya amakupi malenaya vayate kava aliya vayamoya ania huya kanale
vayaage maisae. Fatago huya nemaiya vayale. Vagala kea ohu vayale. Havi lina neya
aneginagi ohu vayale. Moneamihe amakesa havi havi ohu vayale.
9
Anumaya Kotia
Yisasifena falaki-mainea kemo aepaamofena haviya amakupi maleya atafa hu-lineya
Anumayamo aufina amakuamoa kefo kavala nohisia vaya maisae.
10
Hagotetama amakaila
avame humatetama amakelama hutetama kefo yaamima omalenesiana kanaleya huya aliya
vayala maisae.
11
Aneamimoyaenena ania huya kanale ya huya maineya alumo kea aliya atifi
mafi ohisae. Havi lina neya aneginagi ohuya efi efi huya fatago aliyamaage aliya maisae.
12
Yisasife haviya amakupi malenaya anagate kava aliya alisaya vayamoya nagokema aami
mainesigeya ane nafaneamia kanaleya huya kava yagai-matesageya amakai ke ali hipoya
hisae.
13
Yisasife haviya amakupi malenaya anagate kava huya kanale aliyama alisayana
mukia veamoya amavagea haviteya kanaleya huya amakia alisaga hugahae. Alisagama
hisayana Yisasi Kalaisife haviya amakupi maleya amametitima nehaya yafena kolia ohuya
hetiya hu falote hugahae.
Anumaya Koti auava kemona aepaa tamage huno ala yakefa hane.
14-15
Mani avona nagaya negaena Aupaa mo kagesue. huna nagesaa havuanagi visua
kaniama omalesigena aupaama ovisugeka ma avoma kaena kamua avopiti hapalika
Anumaya Koti kema nehaviya anagama alitalu hisaya yupa kanaleya huya maisaya kavafe
havisane huna mani avona kaena kahanepauve. Anumaya Kotia haimuaene mainegi tagaya
agai anagaamogata alitaluma hisunagenoa tokiyaage tunage yosa kana hugahie. Mukia hanae
yosama ali manu manu huno atafa hulinea kava hisigeta tagaya kelamage kea tokiyaage huta
alisaga hugahune.
16
Anumaya Kotia hufalote huno tahanepaiya auava yana tusia lamayo
aisuna yane. Yisasia ma mopafi vaya augafa kalino efalote huno mainegeno Alu Aotage
Avamumoa Lamage huno Anumaya maine. huno tahapai-maine. Ensole vayamoya agaila
agageya vayamoya avagea huya alu kote kote mo huya falote hageno ma mopale kasagoya
veamoya haviteya aliya amakupi maleya amametiti hageno Yisasia eteno ikapinaga nehaino
tokiyaage hale yamona ali-maine.
1 Timoti 1 Timoti
<<
33
>>
1 Timoti 1 Timoti
<<
44
>>
4
Mukia havige havagemoa vea amaku amakesa ali haviya nehie.
1
Alu Aotage Avamumoa huhaleno mage huno humaine Anumayamo esia kanamoa
eaupama hisiana nagoa Kefo Avamumoya havigema huya ayemavataga hisaya yafe ani
vayamogami ke haviteya akave nemaleya Yisasifema haviya amakupi malenaya kea neatalae.
2
Anima ayemavataga hisaya veala amakaiami amega amaugafafiti havigeage ke ali falote
hageya kanale amaku amakesa akave omalegahae. Naama hisaya yafe amakuamoa Havi
kavala nehae. huno kea ohuno maine.
3
Naa vayamoya mage huya nehae Vemoya anea ali
oatesae. huya humategahae. Anumaya Kotia kavela agaia talo humaleteno agai kema aliya
amakupi maleya amametiti nehaya veamogamifena Muse nehutama alitama neho. hunoma
talo humalenea kavefena nagoa veamoya amakaiami Oneho. huya kahegi-mategahae.
4
Mukia yana Anumaya Kotia talo hu-malenea yana kanale yamaage hanegi nagoke ya
kanoahena Oneho. huno ohuneanagita mukia yana muse nehuta alita nesune.
5
Anumaya
Kotima humainea kemoene Anumayamotega nunamu huta muse hu neateta havinegona
yamoene Anumaya Koti aufina ani kavela alino kanaleya nehie.
Timotifena Naa huka Kalaisina kanale aliya kanoa maiyo. huno hutene.
6
Timotigae kahapai-mainoa kema kafu-kagana-gamina hamapaisanana Yisasi Kalaisina
kanale aliya kanoa maigane. Yisasifema havika kagupi maleka kametitima nehana kemoa
hagaage hinageka akavema malesanana tokiyaage kano maigane.
7
Maigananagi Anumaya
Kotina amaku amakesa haviya oaminaya veamoya nehaya manifena aneginagi kema hisaya
kea ohavika Anumayamofekeya havika akave maleme maleme haiyo.
8
Taugafamoma tokiya
vaisia yana yokaloma lesuna yana kanale ya haneanagino osia kanaleya huno lahamaegahie.
Lahamaegahianagi tagayama Anumayamoma nehaiya kavama huta maisunana meniene
haenagaene ikapinaga haita maisuna yafe lahamaegahie.
9
Mani kemoa tamagelafa huno
nehiafe mukia veamoya havilama huya aliya amakupi maleya amametitia hisae.
10
Haimuaene
mainea Anumaya Kotia mukia veamogata kefo kavaage nehuna yapiti alino kalu hetaleno
tagu tamena aligatigahe nehigi agaifema haviya amakuafi maleya amametitima nehaya
veamogamina amaku amamena ago aligati-maine. Ani yafekeya tametitia nehuta taya mukiki
huta aliyana nealune.
11
Menima kahapauva kea hamanepaika Maa hiho. huka amavelio.
12
Nagoa vayamoya
kagaifena Meni neya kanoa, afa kano maineanagita agai kea ohavisune. huya nahagi Ani kea
ohiho. huka hamapaiyo. Anumaya Koti anagamogamina kaana amavene-lika fatago keage
nehuka kanale kava huka vaiyatete nehuka vayakamogamina kagua neamamika hamamaeka
Yisasifena havika kagupi maleka kametiti nehuka oniyaage ohunesia kagu kagesaene maiyo.
Naa hisanageya kagai kakavela visae.
13
Nagaya aupaa hunama omesugekahena
veamogamina Anumaya Koti avopiti kea hapalika hu haleka hamapaigeya haviho.
14
Mono
note kava vayamoya kanute amayana maleya huyonegiya Anumaya Koti aliya kano maiyo.
huya hugatageno Anumaya Kotia avayafiti hamapaigeya aune laga hageno Anumaya Kotia
tokiya yamaa kaminegi ani yana oataleka aluya huka ani yateti aliyana alio.
15
Anima
kahapauva aliyana aluya huka alige-lige nehuka ani yafeke kagesa havi havi huka kanale
aliyama alisanana veamoya negageya Menia kanale ya nehie. huya hugategahae.
16
Kagaikaa
maisana auava yakaaene Yisasi kema hamanepaina yaene atale yafenagi kava hume hume
haiyo. Aniama hisanana Anumaya Kotia kagai kagu kamena alinegatino kagai kema nehaviya
veamogami amaku amamena aligatisigeya kanaleya huya fatago kate ugahae.
1 Timoti 1 Timoti
<<
44
>>
1 Timoti 1 Timoti
<<
55
>>
5
Timotia agaia anagatafa kana huno veala amakesie.
1
Vayatamamo-gamina kea oamamakika negafama huneatana kava huka kanaleya huka
ako humateka ania huka ali hetimato. Yaufa neyavemo-gamina kaganakamo-gamima hu
neamatana kava huka ania humato.
2
Alekanomo-gamina itakamoma hu neatana kava huka
ania humato. Yauva anemogamina kasakamo-gamima hu neamatana kava huka ania
humateka havi kagu kagesa ohavika Anumaya Koti aulela fatago hisia kava humato.
Ta keto aneyaga kava yagai-mategahie?
3
Keto aneyaga hamamaesaya vayama omainesayana kanale auava kava hu neamateka
amaki alisaga huo.
4
Nago keto amona agehoamopi nafaneamopi mainesayana ani
anagamoya kanaleya huya hamaesae. Anumaya Koti kema nehaviya veamoya itaamoa nefaa
nafaneyagaama hamamaenesia anonaa kanaleya huya hamaesae. Ani kavama hisagenoa
Anumayamo aipamoa kanaleya hugahie.
5
Nafaneamima vayaamima omainesia keto
aneyagama amakaiamige maisayana hamamao huna nehue. Ani keto anemoya kanaleya huya
Anumayamofe amakesa haviya Laya hugahie. huya amametiti nehageno Anumayamoa
amakaima hamamaesia yafena nateene kegeene Anumayamotega ke huya havinegagi
tamakaya amaya hiho.
6
Amaya hugahayanagi nagoa keto anemoya Anumaya Kotifena
amakesa ohaviya amakaiami amakuamoma nehaiya kavafe havi havima nehaya aneyaga
hamaimuene mainayanagi fali-mainaya veamoya haya kava huya Anumayamo kea havilama
huya nohaviye.
7
Alu veamoya Yisasina amakua aminaya veafe Kefo kava nehae. huya
ohisaya yafe ani keto anemo-gamina kanaleya huya hamamaesae huna mani kea
kahanepaugi hamapaiyo.
8
Nagoa veamoya amakaiami konaga afamoma kanale kava huya
oamatesayana amakupima malenaya kea amakaveno huteteya tusia havi kava nehuya Yisasi
kema ohavinaya vayamoyama havi kavama nehaya kavala agaseya tusia havi kavaage nehae.
9
Maa humainaya keto anemogami amakia kaetetama amaya hugahae sikisitia (60) kafu
humainesaya alekanoa, nagoke ve kanoale fatago huya mainesagenoma fali-mainesia
alekano-mogami amakiage kaeho.
10
Amavagemoma kanaleyama humainesia anegi, kanale
kavaage nehisaya keto alekanoyagagi, nafaneami kanale kava huya kava nehuya natu
vayaene kanaleya huya neamateya, Anumaya Kotina amakua neamiya veala kanaleya huya
kava hu neamateya, kana yama amakaite evayi hinageya aliya kanale hu neamateya, mukia
aliyana kanaleya huya ali-mainesaya keto alekanomo-gami amakiage kaeho.
11
Yauva keto anemogamina amakia okaeho. Haenagaa Kalaisi aliyana neataleya alu
vele umaisaya amaku amakesa havigahae.
12
Ani kavama hisayana Kalaisi aliya aligahune.
huyama hulokiya vai-malenaya kemona ago atalenaya yafe Havi kava humainone. huya
amaipa haviya huyafenagi.
13
Nago yaenena aliyana oaliya afaa maineya nokuyate vaineayeya
umaiya-hai emaiya-hai nehuya alu veamogami ke huya atile male nehuya kanale ohunea
keyagaene amakesafitila hugahae.
14
Yauva keto anemoya alu ve aliteya nafaneami
neamateya kanaleya huya kava yagai-maisaya yafe nagaila nenahaiye. Ania hisageya kame
vayatimoya havigea tagaila hu otatesae.
15
Nagoa keto anemoya Yisasi kema havisaya kaana
neataleya Satani akavema nevaya yafe nehue.
16
Nagoma Yisasife havino aguafi malenea
amoa agaia tayamepima keto ama mainesiana kanaleya huno hamaeno kava yagaitesie.
Havigu mono nopi malesaya monema omalesigenoa kana hamaugahigi vayaamima
omainesaya keto anege alita amaya hisune.
Mono note kava vayamoya kanale aliyama alisaya vayala kanaleya huta yagai-
matesune.
17
Yisasina amakua aminaya vayate kava vayamoya kanale aliya nealiya Anumaya Koti
ke huhaleya nehuya kanale keage hamapaisaya vayala Kanaleya huya amatesia kava nehae.
hutama ani kavama haya anonaa amakia alisaga nehutama kanaleya hutama nagoene monea
amamisae huna nehue.
18
Anumaya Koti avopima kaemalenaya kemoa mage huno humaine
Pulumakamoa viti avina aiyaleti aye hagagema hisigetamahena amavayalela nofila okiho.
Amatalegeya aliyaamia nealiya vaiyeya kavela neneya vaiyeho.
Mani kea nehuno nago kene mage huno humaine
Aliya veamoya aliyaamiletila anonaa miyana alisageno amategahie. huno humaineane.
19
Nagoke kanomoa Anumayamo aliya nealisia kanomofe Naa huno havi kava nehie.
hunoma hisigetamahena kea ohaviho. Tolemoganifi tagufa vayamoyama
tamahapaisagetamahena havitetama kaiyekea hutesae.
20
Anumaya Koti aliya nealisaya
veamoya kefo kavama huge huge hisagetama mukia mono note veamogami amaufi amavale-
matetama amaku amakesa alitama fatago hisageya mukia veamoya ageteya koli hisae huna
nehue.
21
Anumaya Koti aufiene Yisasi Kalaisi aufiene huno yogi-malenea ensole vayaigami
amaufiene mage huna kahanepauve Anima kahapauva kemona akave nehuka veala alika
fako faka ohuka nago kana kana huka mukia veala kagesa havi neamamika aliyakaa alio.
22
Anumaya Koti aliya alisie. huka nehanafe nago kanomo anute kaya maleka ani aliyatela
aupaa alika heti oato. Agelama huteka ali hetito. Havigu nagoa vayamogami kefo yaamimo
kagaipi eyafenagi kagaya fatago kavakeya huka maiyo.
23
Mukia kanafina kaipa kagata neaigeka kali vaya kana nehanafe titafakeyamaagela
oneka nofi alagamo tina osia negeno kaipamoa kanale hino.
24
Nagoa veamoya kefo kavakeya nehageno kefo yaamimoa ago efufute higeya
kaiyekele umainagi nagoa veamoya falakiya kefo kavala maiya nehaya veanea haenagaa kefo
yaamimoa efufute huno falote hugahie.
25
Naa augafa kava huya kanale kava nehaya kavala
mukiamogatamina fufu yate nelamakone. Fufutema nohia kanale kavamoa nagola fala
okigahianagino mukia falotekeya huno fufu yate hugahie.
1 Timoti 1 Timoti
<<
55
>>
1 Timoti 1 Timoti
<<
66
>>
6
Nofi humatageya afa aliya vayamoya kanale kavakeya hisae.
1
Yisasina amakuama aminaya veamoya, nofi humatageya afa aliyama nealiya veamoya,
amatesia kava huya kava vayaamimo-gami amakia alisaga hisae. Alisaga nehuya keamia ali
hipoya ohisageya veamoya neamakeya Anumaya Koti agia ali haviya nehuya Anumaya
Kotiamimo kea akave nomalae. huya hugahae.
2
Kava vayatamimoya Yisasina amakuama
aminaya veama mainaya yafe Afaa nafunagana maineafe agai kea ali hipoya ohugahue.
hutama ohiho. Ani kema ohisayana Yisasina amakuama aminaya vayatela afa aliya veane
mainetama tamakuama aminayafe tamakaila kanaleya hutama amaya hisaya aliyaamia aliho.
Manima kahapauva kea kagaya Timotiga hamapaiyo.
Monehema tahauge lahaugema nehia yana kefo auava yamona aepaae.
3-4
Nagoa veamoya alu ke hisayana Anumayatia Yisasi Kalaisina kelamage keamona
akave ohuya Anumaya Kotina haiya kava hiho. huya nohaya veala amakaiami amaugafa
aliya nehaiya kanale amaku amakesa amakai amakupina tamage huno omalene. Omalenea
yafe kema hisaya yafena ati neayeya Yisasi kehe ke vaiya nemaiye. Kema vaiya yapiti nago
yana falote nehigeya mage huya nehae Agima haneafe ali haviya hugahe nehune. huya
amakaiami keamimo tua hu neamategeya amakia hu haviya nehuya Havi kavala nehae. huya
humatenayane.
5
Kelamage kemoa ago amakekani-mainegeya kea vaige vaige maiya nehae.
Ani veamoya amakesafiti mage huya nehae Anumaya Koti kemona akave malesunana
kuafenotimoa ali kasago hinageta kanaleya huta maigahune. huya tusi yate havi amakesa
havimainae.
6
Havi amakesa nehaviyanagi tamage tagaya Anumaya Koti ke akave nemaleta ali-
mainona yafeke muse nehuta Alu yaenena nagoene alisune. huta nohuna yafena tusia muse
huta maigahune.
7
Ehema itatimoya latageta mainonana nago yana alita omenone. Tagaya
falisuna yupa nago yana eteta alita ougahune.
8
Ani yafe Kenatiene kavetiene hai hane.
Taipamoa kanale nehinageta kanaleya huta maigahune. huta hisune.
9
Kanaleya huta
maigahunanagi Mone afenoti alita kasago hisunema. haya veala ani yamoa Kefo kava hiho.
huno aye-mavataga hisigeya hanagimalenea kalifufi hemaleneya amaugafa ali haviya hisia
yafe aneginagi yapi asaga hulaviya kefo kavaage hisaya yaamimo ayegeamategeya ali haviya
humatesigeno amaugafa amakata aigahie.
10
Mukia monehema muse nehaya kavala mukia
kefo kavamona aepaa hane. Ani kavamoa haga nehamaigeya nagoa veala Yisasife haviya
amakupi malenaya kemona ago atalageno amaipamoa tusia kanaage hamau-maine.
Kaiyage kaiyage huka neuka maige maige hisana kahaimula alio.
11
Kagaya Timotigae Anumaya Koti kema akave nemalana kanomoga mukia ani kefo
yana neataleka fatago kavaage hisana kagesa havika maineka Anumayamoma nehaiya
kavaage nehuka Yisasife havika kagupi malenana yana atafa hulineka veafena kahau
kayamopafi kahaino. Tokiya vaisana yana atafa nehuka mailava huka ako huka maiyo.
12
Aluya huka Yisasifema kagupi malenana kemona atafa hisanafe Satanienena kanaleya
huka tua nehuka Anumaya Koti akave neuka agola maige maige hisana kahaimula atafa huo.
Mukia veamogami amaufima Yisasifena havina nagupi malenoe. huka hu falotema
humainana kanafina ani agolama maige maige hisana kahaimula aligane huno humainea yafe
Anumaya Kotia kagaila ago huno yogi-malene.
13
Anumaya Kotia mukia yamogami
hamaimu aepama mainea kanomo aufina hulokiya vaina kahanepauve. Ala kava kanomoa
Potiasi Pailatia Yisasi Kalaisina kaiyekema hu neategenoa Yisasi Kalaisia kanaleya huno
kelamage kea huno falote humainea kanomo aufina mage huna hulokiya vaina kahanepauve.
14
Anumaya-moma kahapai-mainea kea nehavika ani kavaageya veamogami amaufina hume
hume haiyo. Aniama hisanageya veamoya Havi kava nehie. huya ohugahae. Ani kavakeya
hume hume nevisanageno Anumayatimoa Yisasi Kalaisia esie.
15
Agaiama malenea kanama
falote hisia yupa Anumaya Kotia Yisasina hutesigeno eteno elavisigeta agegahune.
Tokiyaage huta tusia muse hutesuna Anumaya agaiage mukia yana kava yagaino maine.
Anumaya Kotia mukiama uhagote mainaya sauve vayamo-gamina agaiage amakaseno ala
sauve kanoamia maine. Ala vayamogamina agaiage amakaseno ala kanoamia maine.
16
Anumaya Kotia ofalino agola maige maige nehia kano maine. Agaya tusia hale yapi
maineafe mopafi veala mo aupa ohuteasine. Nago kanomoa agaila oagenegi tokiyatia
omaleneanagita agaila oagoteasine. Agaya agaia ala kava kano agola maige maige huno
agola kava kano maisie huta agia alisaga hisune. Mani kea tamage.
Kuafenoamima kasago humainea veamoya Anumayamote amametiti hisae.
17
Kuafenoamima kasagoya hanea veamoya ani yaamihe amaugafa aliya ohaisae.
Fanane hisia kuafenoamihe amametiti ohisagi Anumaya Kotima mukia muse nehuna yama
neamamia kanomofe haviya amametiti hiho huka amaumonola malo.
18
Mukia
kuafenoamima hanesia veamoya kanale kava nehuya vayamogamina monene amaya hisae.
Vayaamimofe hamau humateya vaya kaikai vea maisae.
19
Ani kavama hisayana kanale
kavaage yayaga aliya halaya hu-maleneya haenagama ikapinaga haiya maisaya no avana
huya tunage yosa neayeya kanale hamaimula atafa hu-lineya maige maige hugahae.
Timotigae aliyakaa yagailama huka tokiyaage huo.
20
Vaeha Timotigae kaminea aliyana aluya huka aunevaika kava neyagaigeno Anumaya
Kotia ohunea kea afa kegi ohavika kakaveno huto. Nagoa veamoya Tagaya ke havilama
nehuna vea mainone. huya havige huya hisaya veamogami kea ohavika kakaveno huto. Naa
augafa kemoa Anumaya Kotina kamea maine.
21
Nagoa veamoya amakaiami kema haviya
akavema malaya yafe Anumaya Kotife havita tagupima malenona kea ago neatalae.
Anumaya Kotia kayone hisia yamaa kaminageno kanaleya huno kaya hisie huna nehue.
1 Timoti 1 Timoti
<<
66
>>
Kea
2 Kolini
00
11
22
33
44
55
66
77
88
99
10 10
11 11
12 12
13 13
2 Kolini 2 Kolini
<<
00
>>
^
2 Kolini
Anumaya Kotia aya humainea yafe Poloa huno muse hutene.
Poloa Kolini veanea havigea hamaopaine.
Poloa amakaitega aupaa uvayi ohunea aepaa hamapai-maine.
Kolini veamogatama kefo yama hisia kanomona aigeatetama kefo yamaa ataleteho.
Poloa Taitasi agegahe humaine.
Anumaya Koti tokiyaleti agai aliyama nealiya vayamoya Satanina agase-mainae.
Aposolo vayala haegafa alino hagelafi-latenea kemo aliya vaya mainae.
Aposolo anagala mopa susufane kana humainae.
Aposolo anagamoya amametitima haya yateti tokiya ali-mainae.
Tagaya veama alita Anumaya Kotiene nago amaipa humatesuna aliyatia hane.
Aposolo vayamoya aliyaamiletila kasagoya kana ya ali-mainae.
Tagaya Anumaya Kotina alu aotage nomaa mainone.
Kolini veamoya amakua aiyahae haya yafe Poloa muse humaine.
Anumayamona amakua aminaya veamoya Yutia veane amaya hisaya mone alitalu
humainae.
Poloa nagoa vayala humategeya Kolini kumate umainae.
Kolini veamoya muse yana Anumaya Koti veanea amamisaya yafe humaine.
Polo aliya ali haviya haya vayamogami kenonaami humaine.
Polo auava yamoa havigema nehaya Aposolo vaya kana ohune.
Poloa Aposolo aliyatetila kasagoya kana ya ali-maine.
Anumaya Kotia himona kana yapi Polona mukia yana aveli-maine.
Nekaya kana yamoa Polona augafafi aye-maine.
Poloa Kolini veamogami amametiti alino lokiya vaimatesia yafe humaine.
Kolini veamoya amametitile kava yagasae.
Poloa huno falu fala humatenea ke.
2 Kolini 2 Kolini
<<
00
>>
2 Kolini 2 Kolini
<<
11
>>
2 Kolini
Poloa Masetonia maineno Kolini kumate maineya Yisasina amakua aminaya veafe
havino mani avona kaeno amamine. Yisasia faliteno hetino ikapinaga haitegeno Poloa tueti
foa (24) kafu agava maineno 2 Kolini kea kae-malene.
1
1
Nagaila Polonia Anumaya Kotia hapalinateno Aposolo kano maiyo huno hunatene.
Nelafua Timotiene mani avona negaoe.
Tamakaife nehue. Tamakaya Anumaya Koti anagala Kolini kumate mainetama agai
kema havigahe melitalu hutama nemaiya veafeene Akaiya kotega maineya Yisasife haviya
amakupi malenaya veanenefe hutaa mani avona negaoe.
2
Anumaya Kotia Nelafaene Yisasi
Kalaisi Anumayatimoene kayone yamaaene tamaipa falu hisia yaene tamamisae huna
Anumayamotega havigena mani avona negaove.
Anumaya Kotia aya humainea yafe Poloa huno muse hutene.
3
Musena huneateta Anumaya Koti agia alisaga nehuta maisune. Anumaya Kotia Yisasi
Kalaisina Nefaagino kalagi aimate yamona aepaa maineafe mukia veamogatina taipamoa
kanale hisia yamona aepaa nagoke maineanagino ani yana hunelate.
4
Tagaya mukia kana
yama alunagenoa Anumaya Kotia taipa kanale hulatesia yana nelamie. Tamineafe tagaya ania
huta nagoa veama kana yama falote humatesigeta Anumaya Kotia tayama hia kava huta
veala amaipa alita kanale humatesunafe tagaitema falote humainea avamete kana yana falote
humaine.
5
Yisasi Kalaisitema kasagoya kana yama falote humainea avamete huno tagaipina
kana yana falote nehiafe Kalaisiene ailokaeta mainonanagino agaya tusiya huno taipamona
alino kanale hunelate.
6
Tagaitema kana yama falote hisigeta tamakaifena, tagaya tamaipa ali
kanale hulamatesuna yafe falote nehie. Tamakaila tamaku tamamema aligatisiafe falote nehie.
Falotema hia kanafina Anumaya Kotia taipamona alino kanale hulatesigeta tagaya tamaya
hisunafe taipa alino kanale hunelate. Tagaitema falote humainea avamete kana yana
tamakaya aligeno Anumaya Kotia tamaya hinageno tamaipamoa kanale hisigetama mailava
hutama mai lokiya vaitama maigahae.
7
Tokiyaage huya maigahae. huta tamakaifena tusiya
huta tametitia nehune. Tagaiteenema kana yama folote hia kanafina Anumayamoa tagaila
taipa alino kanale hulatenea avamete huno tamakai tamaipa alino kanale hulamategahie huta
nehune.
8
Esia kotega kana yama alimainona yafena nafunaganatama huna lamakesa hugahe
tamahapaigahue. Tusiya huno kana yana tagaipina falote higeta tokiya vaita maisuna
tokiyatia omalegeta Faligahune. huta humainone.
9
Humainonanagi tagaya kanaleya huta
maisuna tokiyatia omaleneanagita ani lokiyahena tametitia ohisunagi Anumaya Kotia fali
vayama alino heti-neamatea kanomofe tametitia hisunafe ani avamete kana yana falote
humaine.
10
Ani kotega tahaesageno tusi lagata aisigeta fali-mainesuna yapiti Anumaya Kotia
taugafa aligatiteno haenagaa eteno nagoene taugafa aligatigahie huta tametitia nehune.
11
Tametitia nehunagi tamakaya laya hutama Anumayamotega ke hutama havigegeno laya
hino. Taya hisigeya mukia veamoya anima tahamaesia yana ageteya mukia veamoya
havigaya kema havisaya yafena Anumaya Kotina muse hutegahae.
Poloa Kolini veanea havigea hamaopaine.
12
Nagaya Yisasi kema nohaviya veanene tamakaiene ailokaena mainena alu aotage
kano mainogeno Anumaya Kotia kayone yamaa namigena fatago huna mainena ma mopale
haviyaami hanea vayamogami ke kana kea nohue. Ani yafena nagesa havuana naguamoa
Havi kava nehane. huno ohia yafena muse nehue.
13-14
Nagi menia hapalitama havilama
hisaya kegeya avopina negaove. Menia mukia aepania havilama nohayanagi haenagaa
havilama hisae huna nametitia nehue. Yisasi Kalaisima eteno esia yupa aepania havilama
hutetama tagaya tamakaifema muse nehuna avamete hutama tamakaya tagaifena musena
hugahae.
15-16
Nagaifena muse hugahae huna nametitia nehuna Masetonia ugahe hagotena
mainesalega mo lamavatagigena Masetoniatila etena egahe tole yupa tamaya hugahe me
lamakeme evisuafe nagaila naya hisae huna nagesa nehavue.
17
Ani kema hutena ounama
mainoa yafena Havige huno ayelavataga hie. hutama tamakesa havimainao? Nagaya
nagesa havina Naa maa huna aliyana aligahue. hutena atafa naipamo haiya yafe E.
hutena haenaga Aao. nehuo? Aao naa kavala nohue.
18
Anumaya Kotia agoma humainea
kea fatago huno hugahie. Nagaienena fatago huna havigea ayelamavataga ohugahue.
Tamahapai-mainoa kea nago yupa E. hutena haenaga Aao. huna ohunoane.
19
Yisasi
Kalaisia Anumaya Koti nafanemoa havige huno ayelavataga hisia kanoa omaine. Nago yupa
E. huteno haenaga Aao. huno ohuneane. Fatago kegeya huno E. nehia kano maine.
Sailasiene Timotiene nagainiene tamakaipina Yisasi Kalaisi kea mo lamahapai-mainone.
20
Tamahapaunageno Anumaya Kotia Hulamategahue. huno hulokiya vai-malenea kemona
aepaa Yisasia agaia maineanagino ani kehena E, hulamategahue. huno agaia humaineafe
Anumaya Kotifena Tamage nehie. huta nehuta agia alisaga nehune.
21
Agia alisaga
nehunageno Anumaya Kotia agaia tavaleno tagaiene tamakaiene Kalaisiene aigamaelateno
Tokiya vaitama maiho. huno hunelate. Ani kema huhaleta hisunafe tagaila hapalilatene.
22
Hapalilateno Tamakaya nagai anaga mainae. huno humainea kema havisaya yafe agaia
Avamula taguafina faetene. Faetegeno taguafina maineafe tagayama havunana Haenagaa
kanaleya huta maigahune. huta nehune.
Poloa amakaitega aupaa uvayi ohunea aepaa hamapai-maine.
23
Nagaya kelamama-kisugeno tamaipamoa haviya huyafene huna Kolini kumatela
nagoene uvayi ohunoe. Anumaya Kotia nagesa havua yana ago havimaineanagina agai
aufina tamage nehue.
24
Tamakaya Anumayamofena havitama lamakupi maletama tamametiti
humainaya kemona atafa hutama tokiyaage hulinayafe menia kahegi kea huta kava hu
notamatonagi muse hutama tamaipa kanale yapi maisayafe mani kea nehune.
2 Kolini 2 Kolini
<<
11
>>
2 Kolini 2 Kolini
<<
22
>>
2
1
Tamakaitega etenama esuana kelamama-kisugetama tamaipa haviya huyafene huna
nagoene ougahue huna humainoe.
2
Nagaya hisua kemo tamaipa ali haviya hisigeya taya
nagaila muse yania namigahae? Tamakai tamaipa haviya hisia yama tamamisua
veamogatamage muse yana namisaya veanea mainae.
3
Tamakaitegama visua yupa kea
otamama-kisuafe mani avona ago kaena tamaminoe. Tamakaya muse yama namisaya veane
mainagi havigu kelamama-kisua yamo tamaipa haviya hisigeno naipamoene haviya hu yafene
huna aupaa omenoe. Tamahapai-mainoa kefo yana ago ali fatago hugahae huna nagaya
musema hisua yana ailokaeta nagopi musena hugahune huna nehue.
4
Tusiya huna
tamakaifena nagesa nehavugeno naipamoa kanaage nehigena avi neatena ani avona ago
kaena tamaminoe. Tamaipa haviya hisie huna okaenogi Tagaifena aluya huno haigeno mani
avona lamie. hutama hisayafene huna ani avona ago kaena lamaminoe.
Kolini veamogatama kefo yama hisia kanomona aigeatetama kefo yamaa
ataleteho.
5
Tokaetama mainaya vayapiti nago kanomoma kefo yama hia yafe naipa havina
haviyama huana nagainigelomagi tamakaiene mukiamogatamina tamaipamoa tusiya huno
haviya nehie. Haviya nehianagi ani yafena mukia kea ohisua nagesa nehie.
6
Tamaipamoa
haviya higetama ani kanomona Kefo ya nehane. hutama havi anonaa hu neatayafe ani kefo
yamo anonaa ago alimaine.
7
Ali-maineafe aigeatetama kefo yamaa ataletetama aipa alitama
kanale huteho. Havigu agaye yamo kana ya amisigi kanale kava huteho.
8
Alitama kanale hu
neatetama Kagaifena aluya huno nelahaiye. hutama huteho huna tokiyaage ke nehue.
9
Kanaleya hutama mukia kenia havitama akave nemalao ifi nomalao? huna nagaya
tamakaila avame hulamatena ani avona ago kaena lamaminoe.
10
Nago kanomona
aigeatetama kefo yamaama ataletesayana nagaya ania huna ani kanomona aigeatena kefo
yamaa ataleneatoe. Nago kanomona aigeatenama kefo yamaa ataletoana tamakaifene huna
Kalaisi aufina ania humainoe.
11
Naa ohisugenoa Satania ayelavataga huno tatafa hugahie.
Agaia havige huno ayelavataga hisia yafena ago havilinone.
Poloa Taitasi agegahe humaine.
12
Kalaisifena kanale mono kema huhalena hugahema Taloasi kumate uvayima hugenoa
Anumayamoa anile mainaya veamogamina amakua alino aikalo higena kanaleya huna ani kea
huhalena humainoe.
13
Huhalena huanagi nenafua Taitasia omaigena agaife nagesa kumo
higena amatalena atiyegahe Masetonia umainoe.
Anumaya Koti tokiyaleti agai aliyama nealiya vayamoya Satanina agase-mainae.
14
Kalaisia Satani ayapitila tavalegeta agaiene ailokaeta mainonanagita mukia kefo yana
agaseta mainona yafe Anumaya Kotife muse huta agia alisaga hisune. Agaya tagaila laya
higeta alule alule vaiyeta Yisasi kema nehuna yafena ani kemona havilama hageno kanale
manaage yamo hia kava huno ute ete nehie.
15
Higeta lagaya Yisasi kema nehuna veamogata
Kalaisiene ailokaeta mainonafe kanale manaage yamo hia avamete hunageno Anumaya Kotia
muse nehie. Ani manaamoa ute ete huno mukia veapi vigeya ani manaage kea nehavigeno
amaku amamema alinegatia veanene kefo yakeya huya hani yapima tegelege nehia atafi
visaya veanene ani kea nehaviye.
16
Nehavigi nagoamoya ani kea haviya Akave
omalegahune. huya nehaya veala hani yapi tegelege nehia atafi visaya veamogamife mani
kemoa fali-mai veamogami manaamimo hia kava humaineanagi nagoamoya haviya amakupi
maleteya Maige maige hisuna yafe kanale manaage nehie. huya nehae. Tusia aliya
nealunanagi tagaitigela mani aliyana oaluteasine.
17
Kasagoya veamoya Anumaya Koti
aliyateti Miya alisune. huya nehagi tagaila Anumaya Kotia hulategeta fatago huta
kelamagema huhaleta hunana Kalaisiene ailokaeta maineta Anumaya Koti aufina mani kea
huhaleta nehune.
2 Kolini 2 Kolini
<<
22
>>
2 Kolini 2 Kolini
<<
33
>>
3
Aposolo vayala haegafa alino hagelafi-latenea kemo aliya vaya mainae.
1
Tagaya nagoene tagaiti laugafa alita haisuna yafe mani kea nehuno? Aao naa nohune.
Tagaifema ohaviya yafe mani kea nehuno? Nago kanomofe avopina Kanale kano mainegi
agai kea haviho. huya kae-malenaya kea aliya vaiyatete nehagi tagaifena ago havimainaya
yafe tagaya ani avamete avona alita vai noayone. Tamatalena visuana Ani avamete avona
namiho. huna ohugahue.
2
Ohugahugi tamakaya tagai kea havitetama tamakua ago aiyahae
hageya mukia veamoya nelamakeya tagaifena Anumaya Koti kea fatago ke nehae. huya
nehagetama tagai avo kana hutama mainageno tagupina hane.
3
Nagaya tamaya huna
Kalaisifena tamahapaugeno Kalaisia ani avona tamakaife huno veamogami amakupina kae-
malene. Oko titetila yafamona amega okaenegi haimua hanea Anumaya Kotia agaia
Avamuteti veamogatami amakupina ani avona kae-malegetama Kalaisi avo kana hutama
mainayafe mukia veamoya hapaliya nehaviye.
4
Kalaisia tayama hia yafe Anumaya Kotifena tametiti nehuta mani kea nehune.
5
Nehunanagi Mani aliyana tagaitige alimainone huta nohunagi Anumaya Kotia tokiya
lamigeta mani aliyana nealune.
6
Anumaya Kotia kosa helatesia tokiyaa tamineafe Anumaya
Kotia haegafama alino hagelafi-latenea kema hamapaisuna yafe hulatene. Anumaya Kotia
hagoteno kahegi kea yafate kae-malenegeya veamoya akave malesaya amakesa haviyanagi
tokiyaamia omalegeya ago alitagae-mainaya yafe fali-mainae. Fali-mainagi Avamumoa anima
haegafama alino hagelafi-latenea kea tave-liteno haegafa yama alita maige maige hisuna
tahaimula nelamie.
7
Nelamianagi hagote kahegi kema akave omalaya yafe ani kemoa hamaegeya fali-
maine. Ani kahegi kea yafate kaeteno amaminea yupa Anumaya Kotitegati tokiya hale
yamoa falote huno Mosese augosafina tusiya huno aihalea yamo Isaleli veamogami
amaulaga ayeno haviya higeya Mosesena oagageno ani tokiyaage hale yamoa osia maigeno
fanane humaine.
8
Meni kanafina Alu Aotage Avamumoma taya nehia aliyamoa nayo kahegi
kemona agaseno tusiya huno tokiyaage hale yamoa falote humaine.
9
Hagote kahegi kema
akave omalageno hefalimatenea kea tusia tokiyaage hale yamaaene kema hanesiana
Anumaya Koti aufina fatago huta maisuna kea hagote kemo hale yamona ago agaseno tusia
tokiya hale yamaaene kea hane.
10
Tamage tusia tokiya hale yamaama hanea kema falote
humaineafe hagoteno falote humainea hale yamona agase-maineanagino menia hagote
kahegi kemoa aye hale olatene.
11
Fananema humainea kahegi kemoa tokiya hale yamaaene
hagoteno falote humaineanagi menima agola maige maige hisuna kemoa tusia tokiya hale
yamaa hanea ke hane.
12
Ani kemoa Agola hanege hanege hugahie. huta tametitima nehuna yafe kolia huta
fala okita ani kegeya huhaleta nehune.
13
Nehuta falanokunagi Mosesena augosafima tokiya
hale yama fanane hisigeya Isaleli veamoya oagesayafene huno augosafina kenaletila alino
fala kigeya oagenae. Oagenayanagi tagaya Mosesema humainea avamete huta Anumayamo
kea fala nokune.
14
Fala nokunagi Mosesea kenaleti augosafina alino aiso humalenea
avamete huno Anumaya Kotia Isaleli veamogami amakuamona alino hayagino atalako
higeya havilama ohunae. Nagi nayoene meniene Anumaya Koti avopima hapaliyana kenaleti
aiso humalenea avamete huno amaku amamemoa aiso humainegeya havilama nohagi nagoa
veamoya Kalaisiene ailokaesayana ani amaku amamema aliya aiso humalenaya yana Kalaisia
alitalegeya havilama huya nehaviye.
15
Tamage menienema Mosese kahegi kema hapaliyama
haviyana amaku amamemoa kenama Mosesea alino augosafi aiso humainea avamete higeya
havilama nohae.
16
Havilama nohagi nagoa veamoya amakua aiyahae huya Anumayamotega
visayana aliyama aiso humalenaya yana Kalaisia alitalenageya havilama hugahae.
17
Nagi
Anumayamoa Alu Aotage Avamu maine. Anumayamo Avamula tagaienema mainesiana
taguama alino aiso hulateno aigagilatenea yana aligalu helateneafe nagoene kahegi kemo
akavela omalegeta nofipi mainaya vaya kana huta nagoene omainone.
18
Taugosafi aiso
humainea yana omalegeno Anumayamo tokiya hale yamoa lagai taugosafi aye halegeya
veamoya nelageya Anumayamo tokiya hale yamaa neagae. Avamumoa agai avamete veane
maisunafe tagaila alino hapae-lategeta agaia tokiya hale yana alime alime nehaune.
2 Kolini 2 Kolini
<<
33
>>
2 Kolini 2 Kolini
<<
44
>>
4
Aposolo anagala mopa susufane kana humainae.
1
Anumaya Kotia kalagi ailateno Nagai kea huhaletama hiho. huno hulateneafe
Kasalotahae. huta nohune.
2
Aao ani aliyama alunana falakita tagaye hisifa kavala huta
veala aye-mavataga huta Anumaya Koti kea alita aiyahae huta Mage nehie. huta havigea
nohunagi hulama huta huhaleta nehune. Anumaya Koti aufina veamogamina kelamagea
hamapaunageya mukia veamoya amakualeti Lamage nehae. huya nehae.
3
Nehagi
Yisasifena kanale mono kema huhaleta nehunageya nagoa veamoya havilamama nohayana
ani veamoya hani yapima tegelege nehia atafi visaya veane mainae.
4
Satania, ma mopafi
kava yagai-mainea kanomoa, Yisasi kema nohaviya veala Kalaisia kefo yaamia alino kanale
humateno alino halematesia kea ohavisaya yafe Satania amaku amakesa alino aye-lileno
amaulaga alino asu humainea vea kana humatene. Humategeno Kalaisia agaia tokiya hale
yamaa hanea kano maineanagino Anumaya Kotienena nago avamete huana mainae.
5
Mainaageta lagaya tagaiti laugafa alita haisuna yafe mani kea huhaleta nohunagi Yisasina
Anumaya Kotia taugafa aligatigahe hutenea kanoa Anumayati maine. huta tamaya hisunafe
Yisasi aliya vaya mainone.
6
Anumaya Kotia ikaene mopaene talo humaleteno Hani yapitila
halo. hunoma humainea kanomoa hani yama hanea taguafina aye hale-lategeta maineta
Yisasi Kalaisi augosafina Anumaya Koti tokiya hale yamoa hanegeno tave-ligeta age-
mainone.
7
Age-mainonanagi Anumaya Kotia agaiage ani ala tokiyamona aepaa maineafe
Veamogamina amave-lisue. huno ani lokiya yamaa tagaila, fulu fulu veamogati tagupina
malenegeta agai aliyana nealunageya veamoya nelageya Amakaila tokiyaamia omalene.
huya Anumayamo agia alisaga nehae.
8
Mukia kanafina alu kana ya alu kana yana tagaitela
falote nehigenoagi tagaila alino haviyatafana nohie. Tagesa kumo nehianagi tagesa alino
haviyatafana nohie.
9
Yisasi kema huna yateti ali haviya hulatayanagi Anumayamoa otatalene.
Mukia kanafina kayo kevema lamiyana ofalinone.
10
Nagi Yisasia fali-mainefiti heti-mainea
haimumoa tagai taugafale hanenageya agesayafe Yisasina haesunageno falisie. huya
hutenaya kavala menia ania huya tahaeya faligahe nehae.
11
Yisasia fanane hisia taugafale
maineno tokiyaama nelamia yana amave-lisiafe tagaya ma mopafima mainona kanafina
Yisasi kea huhaleta nehunageya hamaiya vai-lateya tahaegahena maiya nehae.
12
Higeya
Anumaya Koti kema huhaleta huna yafe fali yamoa tagaipina haneanagi agola maige maige
hisuna haimumoa tamakaipina aliyana nealiye.
13
Anumaya Koti avopina mage huno kae-maleneane
Tamage nehie huna havina nagupi malena nametiti hu-mainoafe mani kea huhalena nehue.
huno higeya kae-malenayane.
Tagaya ania huta Anumayamoa lamage nehie. huta tagupi malenonafe mani kea huhaleta
nehune.
14
Tagaya ago havimainone Yisasiene ailokaeta mainonafe Anumaya Kotia
Anumayatimoa Yisasina fali-mainefiti alino hetitenea kanomoa tagaiene tamakaienena ania
huno fali-mainesupitila ali hetilateno agaia mainelega tavaleno lategahie huta tagesa
havimainone.
15
Tamakai tamaya hisunafe tagaitela kana yana falote nehianagi kasagoya
veanele Anumayamo kayone yamaamoa falote higeya neagageno Anumayamoa kasagoya
veala amaya nehianagia kasagoya veamoya Anumaya Kotifena muse huya agia alisaga
hugahae.
Aposolo anagamoya amametitima haya yateti tokiya ali-mainae.
16
Nagi amega taugafamoa haviya hugahe hianagi mukia kanafina Anumayamoa
taipamona alino haegafa hulategeta Anumayamo aliyafena Kasalo tahae. huta noatalone.
17
Tamage menima falote nehia kana yana afa ya kana huno fanane hugahie. Ani kana yama
nealuna yafe ikapinaga haita maisuna yamoa, tusia ala yane, ohavunamaa kanale tokiya hale
yana falote huno hanege hanege hugahie.
18
Ikapinaga haita maineta alisuna yafena ago
havimainonafe ma mopafi yafena tagesa havi havi nohunagi oagenona yana, haenagama
falote hisia kanale yafe tagesa nehavune. Ma mopafi hanegeta neagona yana fanane hugahigi
noagona yana, haenagama falote hisia kanale yana afaa agola hanege hanege huno hanegahie
huta nehune.
2 Kolini 2 Kolini
<<
44
>>
2 Kolini 2 Kolini
<<
55
>>
5
1
Tagaya maa huta nehavune ma mopafi mainona taugafa yugu no kana hu-mainegi
falisunagenoa ani nona fanane hisigeno Anumaya Kotia ikapinaga agola hanege hanege hisia
no kana taugafa talo tala hulatene. Vayamoya ani nona amayatetila okinagi Anumaya Kotia
agaia kimalene huta ago havimainone.
2
Havimainonanagi menia ma mopafi taugafale
mainonafe Kasalo tahae. huta ikapinaga maisuna taugafa tamisia yafe tusiya huno
nelahaiye.
3
Nelahaiyanagi ani laugafa aliteta hakalo kana huta omaigahunagi taugafaene
veane maigahune.
4
Maigahunagi ma mopafi mainona taugafalela kana yamo higeta
Avovo. huta kalagila neaita falisuna yafena notahaiyanagi maige maige hisuna taugafa
alisuna yafena aluya huno nelahaiye. Maige maige hisuna tahaimumoa esiaamo haegafa
kenama nefaiya avamete huno falino fananema hisia taugafa alino aiso hulatesigeta agola
maige maige hisuna yafena aluya huno nelahaiye.
5
Anumaya Kotia tagaya agola maige
maige hisunafene huno talo hu lateneanagita ani yafena Tamage nehie. huta havisuna yafe
Alu Aotage Avamula lamine.
6
Tamineafe taguamoa kolia nohianagita havilama huta havilinone ma mopafi mainona
kanafina ikapinaga Anumayamo avatela omainonane.
7-8
Omainonanagi Anumayamona
oagenona kanafina agaife havita lagupi maleta lametiti hu-mainona yateti ma mopafina
vaineayeta ma ma mainona taugafa neataleta Anumayamo avatela agola umaisuna yafena
aluya huno nelahaiye.
9
Ma mopafi mainonano falisunano Anumayamona haisia kavala
hugahune. huta huna yafena aluya huno nelahaiye.
10
Tagaya mukia veala nagoke
nagokemogata Kalaisi aule mo hetisunageno mopalema havi auava yama humainesuna
yafeene kanale auava yama hu-mainesuna yafeenena agelama huno fako hulateno tagayama
maita nehisuna avamete anonatia tahaote tahaote tamisiafene huta Anumayamona haiya
kavala nehune.
Tagaya veama alita Anumaya Kotiene nago amaipa humatesuna aliyatia hane.
11
Tagaya Anumayamofena Kolia hisuna kano maine. huta havilineta veamoya fatago
huya maisaya auava yana amave-nelune. Anumaya Kotia lagupina nelageno Kanale kava
nehae. huno nehio? Ifi tamakaya tamakuafinaga tagaifena Kanale kava nehae. hutama
nehao? huna nehue.
12
Mani kea tagaiti lagi alita ala hisuna yafe nohunagi nagoa veamoya
amega amaugafahe haviya muse nehuya Fatago kavakeya nehuna veane mainone. huya
nehayanagi amakupina oageneya ani veamoya tagaifema tamahavi-gesagetama tagaifena
Kanale kava nehae. hutama muse nehutama kenonaamia hamapaisayafene huta mani kea
nehune.
13
Anumaya Koti aliya nealunageya nagoa veamoya tagaifena Aifo vaya mainae.
huya nehayanagi ani aifo-nafo kavama hisunana Anumayamo agi alisaga hisuna yafe ani
kavala nehune. Tamakai tamaya hisunafene huta kanale tagu tagesa nehavita Anumaya Koti
aliyana nealune.
14
Kalaisia lagaifena hau ayamopafima nehaiya yamofe huta agai aliyana
nealune. Nealita nago yafema havunana nago kanomoa mukia veafene huno fali-maine.
Kalaisia tagaife huno fali-maineafe mukia veala agaiene tokaeta ago fali-mainone.
15
Faliteta
ago eteta hetita haegafa veane mainonafe tagaiti tahaisia kavala ohisunagi tagaifema huno
faliteno heti-mainea kanomona tagua amiteta agaima haisia kavakeya hisunafene huno
Yisasia fali-maine.
16
Nayona veamoya nehaya kavafena ageteta amegati fako humainonagi menia Kalaisia
tagaifema huno fali-mainea kema havuna yafe ani kea nago kanomofena nohune. Nayona
Kalaisima humainea kavala ageteta fako hu-mainonagi menia ago havilama huteta ani kavala
nohune.
17
Ani yafe nagoa veamoya Kalaisiene ailokaeya maiyaamo haegafa veala hapaeya
mainageno atafa auava amaipamoa fanane higeno haegafa amaipa alino hapaematene.
18
Anumaya Kotia agaia ani yamona aepaa maineanagino agaienena kame vayaa
mainonageno Kalaisina hutegeno eaamo Anumaya Kotiene melino taipa falu hulategeta
agaiene nago taipale mainone. Mainonageno Anumaya Kotia Nagoa veamogamina ani
kavala humategahue. huno humaineafe tagaya amaipa alita agaiene falu humatesuna
aliyamaa tagaila lamine.
19
Nelamino Veala nagaiene alitama amaipa falu hisia kea mage
hutama hamapaiho. huno mage humaine Kalaisia tamakaifene huno fali-mainea yafe
Anumaya Kotia kefo yatimo anonaa otamisia agesa haviteno ma mopafi veamogami amaipa
alino falu humateno agaiene nagopi maiho. huno hulatene.
20
Hulategeta Anumaya Kotia Kalaisi agile huhaleno tahapaigeta agai avayafiti kea mage
nehune Musetami nehunagi Kalaisia tamakaifene huno fali-maineafe Anumaya Kotina
tamakoya hute yana ataletama agaiene tamaipa alitama falu hutama nagopi maiho. huta
tamahapai-mainone.
21
Nagi tagaila taya hisiafene huno hulateneafe nagola osi kefo yamaa
omalenea kanoa, Yisasie, tagayama kefo yama hu-mainona yana alino Yisasi agupile maleno
kefo yatimo anonaa amigeno kefo yama nehaya vaya kana huno fali-maineafe Anumaya
Kotia tagaifena Nagainia fatago veania mainae. huno hulatene.
2 Kolini 2 Kolini
<<
55
>>
2 Kolini 2 Kolini
<<
66
>>
6
Aposolo vayamoya aliyaamiletila kasagoya kana ya ali-mainae.
1
Anumayamoene ailokaeta aliyana nealita mage huta ali lamakafa nehune. Anumaya
Kotia kayone yamaa ago tamamigetama ali-mainagi afa kavala ohutama akave maleme
maleme haiho.
2
Anumayamoa agaia avopina mage huno hu-maineane
Naguamoa kanale nehigena nahavigaya kea havuanagi tamaugafama aligatisua kanale
tamaya hugahue. huno hu-maineane.
Hu-maineanagina tamahanepauve meni kanafina Anumaya Kotia aguamoa kanale nehigeno
tamaku tamamena aligatisiafe nehaigi tamakua aiyahae hiho.
3
Aliyatihena Haviya hie. huya ohisaya yafe tagaya kefo yana nohune. Havigu kefo
yama hisunana veamoya nelageya amakua aiyahae ohugahae huta lagaya tagu tametela kava
neyagaune.
4
Anumaya Koti aliya vaya mainone huta mukia maa kavala nehune. Vayamoya
aliya haviyama hulatayana tokiya vaita mailava huta mainone. Kana yama falote higeta
mailava huta mainonafe tamakaya Kanale aliya vayaa mainae. hutama hisaya yafe tagutela
kava neyagaune.
5
Neyagaunageno maa yana falote humaine kayoteti nelahaeya nofi
hulatenae. Mukia veamoya alakenake huya tahaegahe humainae. Tusia aliya nealita taula
ofaonageno tusia tagate-maine.
6
Naa hulatayanagi oniyaage kavala ohune. Anumayamo kea
havilama hulineta mailava huta maineta veala ali kayone humateta amaya nehune. Alu Aotage
Avamula taguafi maineno laya higeta lamage huta veafena tahau tayamopafi nelahaiye.
7
Nelahaigeta kelamage kea huta Anumaya Koti tokiyaleti aliyana nealita vayamoya ati
kevema tamaga amayapina nealiya hauga amayapina halegula aye haiteya kamema nehaya
avamete huta fatago kavakeya nehuta Satanienena tua nehuta Anumayamo aliyana nealune
8
Nagoa veamoya tagia alisaga nehayanagi nagoa veamoya tagia ali haviya hunelatae. Nagoa
veamoya kamugea hatageya vainelayanagi nagoa veamoya huya kanale hunelatae. Tagaya
tama kavakeya nehunanagi tagaifena Havige huya ayelavataga nehae. huya nehae.
9
Nagoa
veamoya tagaifena Afa vaya kana humainae. huya nehayanagi Anumaya Kotiene nagoa
veanene Aao amaki hanea vaya mainae. huya nehageya nagoa veamoya tatafa huya
tahayayanagi ageho ofalinone. Anumaya Koti kema nehunafenagiya hamai vailateya
tahayayanagi ofalinone.
10
Nagoa yafena tahauna hunanagi mukia kanafina taipamoa kanale
nehigeta musena nehune. Afeno yatia omaleanagi Yisasi kema huhaleta nehunafenagita
nagoa veamogamina tusia kanale yana neamamune. Nagoa yatia omaleanagi afeno yaamima
hanea vaya kana huta mainone. Ani yamoa tagaipina falote higeya veamoya tagaila nelagae.
11
Kolini kumate mainaya nelafugatama tamakaifena aluya huno nelahaigeta nago kea
fala okinonagi fatago huta tamahapai-mainone.
12
Tamahanepaunageno tamakaifena
lahaiyanagi tamakaya tagaifena otamahaiye.
13
Nagaini nafane kana hutama mainayafe
tamakaila taguama tamamuna avamete hutama anonatia tagaila tamakua tamiho.
Tagaya Anumaya Kotina alu aotage nomaa mainone.
14
Aliya aligaheno anemoya vema aligaheno vemoya anema aligaheno naama
hinutamahena Anumaya Kotina amakaveno huneataya veanenena ailo okaeho. Ailokaetama
maisayana hanaa huno fatago humainea yaene kefo yamoenena ailokaeana maigae? Hani
yamoa hale yamoenena ailokaegao?
15
Ifi Yisasi Kalaisiene Satanienena ailokaeana nagoke
anaipale maigao? Ifi Anumayamo akave nomalaya veanene Yisasife haviya amakupi
malenaya veanene ailokaeya maisayana nagoke amaku amakesale omaigahae.
16
Ago fali-
mainaya veafe Anumayati maine. huya amakisana nevaiya yaene Anumaya Kotima mainea
noene aliya nagopi malesayana kanale hugahio? Anumaya Kotia haimuene kanoa tagai
tagupi maineafe Anumaya Koti avopina mage huno hu-maineane
Nagaya amakupi mainena amakaiene vaiyatete nehuna Anumaya Kotiami maisugeya nagai
anaga maigahae.
17
Ani yafe kefo yana neataletama alule mainetama oniyaage kefo
yana ohisagena nagainilega tamavalena tamategahue.
18
Lamatenena tamakaila
nelamafana maisugetama nagai nafane munaneyaga maigahae. Nagaya mukia
tokiyamona aepaagina mainoe. Anumayamona, mani kea nehue. huno higeya
kae-malenayane.
2 Kolini 2 Kolini
<<
66
>>
2 Kolini 2 Kolini
<<
77
>>
7
1
Ani kema hulokiya vaino hulateneafe nahau nayamopafi nenahaiya nenafu-gatama
taugafaene tagu tameene ali haviya hisia kavala neataleteta Anumaya Kotifema koli hisuna
tagesa havita fatago kavakeya huge huge nehuta alu aotage veane maisune.
Kolini veamoya amakua aiyahae haya yafe Poloa muse humaine.
2
Tagaifena tamaipa haviya ohutama tamakua lamiho. Nagoa veala ali haviya hu
noamatone. Nagoa veala havi katela amavaleta noamatone. Nagoa veala ayemavataga huta
moneamia noalune.
3
Noalunagi kelamama-kisuafene huna mani kea nohugi Nahau
nayamopafi nenahaiye. huna ago tamahapai-mainoe. Afaa maisunano falisunano
tamakaiene ailokaeta maigahune.
4
Tamakaya fatago hutama maigahae huna nametitia nehuna
tamakia alisaga nehue. Mukia kana yana nagaipima falote higena ani yapima mauvanagi
tamakaifena naipa havina tusia muse nehue.
5
Masetonia kotega uvayi hunanagi alu kumate kumatela kana yamoa falote higeya
nagoa veamoya tagaiene ke vaiya tu hulatageno taguamoa koli hia kava higeta maifalua
ohunone.
6
Ohunonagi Anumaya Kotia kana yama aliya veala amakua alino kanale
huneamatea kano maineanagino Taitasina hutegeno eaamo tagua melino falu hulatene.
7
Taitasima ea yafekela musena nohunagi Taitasina hutageno mage huno me lahapaiye
Amakaya Kolini kumate mainaya veamoya kanale yama hunataya yafena nagua alino kanale
humaine. huno huteno Kagesaya yafena hamaigeya kagayama hamapai-mainana kefo
yaamihena amakua aiyahae hayanagi neataleya Nagoa vayamoya kagai kagia ali haviya
hugahe hayanagita tagaya kaya hugahune. huya hae. huno hia yafena naipamoa kanale
higena tusia muse nehue.
8
Nehugi avoma kaena lamamuana tamaipamoa haviya hie huna nagesa havuanagi
Haviya huna avona kaena amaminoe. huna hu-mainoanagi menia osi kanafina tamaipamoa
kana higetama etetama tamakua aiyahae haya yafena muse nehuna Kanaleya huna avona
kaena amaminoe. huna nagesa havimainoe.
9
Havitena menia muse nehue. Tamaipa kanama
haya yafena musena nohugi tamaipa kana hutetama etetama tamaipama aiyahae haya yafena
muse nehue. Anumaya Kotia ania huno tamaipa kana hutetama etetama lamaipama aiyahae
hutama agaitegama aya yafena muse nehigi tamaminoa avomoa tamakaila alino haviyana
ohunegi kanaleya hulamatene huna nehue.
10
Tagua aiyahae hisunafe Anumaya Kotia kana
yana taguafina nelamie. Tamisigeta aliteta tagua aiyahae hisunageno tagu tamena
aligatisiafene huno nelamie. Ani yafe Anumaya Kotima tamia kana yafena Otahaiye. huta
nohunagi ma mopafi yafema amakesa havi havi nehaya veamoya kana yama falote hinageya
amakuama aiyahae ohisagenoa Anumaya Kotia amaya ohinageya faliteya hani yapi ugahae.
11
Tamakaipima mainea kanomoa kefo yama higena osi avona kaena tamamugetama
agetageno tamaipamoa kana higeno Anumaya Kotima tamaminea kana yana tusia kanaleya
hulamatenegi haviho. Ani kefo yafena Tagaye nehinagetama aupaa alitalegahune. hutama
tamakua aiyahae humainagi koli hutama ani kefo yama humainea kanomofena tamaipamoa
kana higetama anonaa aminayafe nagaima nagesaya yafena nelamahaiye. Anima mukia yama
humainaya yafena tamakaya ani kefo yama ohunaya yana ago naveli-mainae.
12
Mani avoma kaovana ani kefo yama nehia kanomofeene kefo yama hutaya veanenefe
huna okaenogi tamakaife huna kae-malogetama tamakaya hapalitama Anumaya Koti aufina
ani avopiti kea akave maletama Polofe lahaigeta agai veane mainone. hutama hisayafene
huna mani avona kaena tamaminoe.
13
Tamaminogi nagai kema haviya yafena naipamoa
kanaleya nehie.
Naafenomagi ania hutama Taitasi aipama alitama kanale haya yafena nagoene
naipamoa kanaleya nehie.
14
Tamakaifena muse huna tamakima alisaga huna Taitasina
hapaugetama kanale kavama hutaya yafena nagayea nohie. Tamakaila kelamagema
tamahapai-mainoa avamete huna Taitasina tamakaifema hapauva kea havigea huna
haopainogi tamakaya hapauva avamete hutama kanaleya humainae.
15
Tamakaya koli hutama
atali hutetama agai kema haviya yafena Taitasia agesa havi havi huno tamakaifena aipamoa
aluya huno musena humaine.
16
Ani yafe tamakaya kefo yana ohiho. Fatago hutama
maigahae huna nametitia nehuna tusia muse nehue.
2 Kolini 2 Kolini
<<
77
>>
2 Kolini 2 Kolini
<<
88
>>
8
Anumayamona amakua aminaya veamoya Yutia veane amaya hisaya mone alitalu
humainae.
1
Anumaya Kotia Masetonia maineya Yisasina amakua aminaya veamogamina kayone
yamaa amamigeya kanale yama haya yafe tamahapaigahe hue.
2
Ani veapina tusia kana yamo
falote hianagi Anumayamofena muse nehuya amakaipina osi kanoa afeno yaamia hanegeya
afa veane maiyanagi tusiya huya alu veamogamima amaya hisaya yafena monea alitalu huya
kanale kavakeya humatenae.
3-4
Tamahanepauve osi kanoa afeno yaamia hanegeya Nagoa
tagaitia malesune. huya amakesa ohaviya havigu mainaya veamogamina monea amaminae.
Ani kava hiho. huta hamaopaunanagi Tatalageta Yutia maineya Yisasina amakua
aminaya veamogamina amaya hamano. huya huteya ani kavala humainae.
5
Hayanagita
Monea osia amamigahae. huta hunanagi ala mone hageya amaminae. Ani yamaagelomagi
Anumaya Kotifena hamaiya avamete huya hagoteya amakaiami amakua Anumayamona
amitafa huteya ania huya amakua tagaila taminae.
6
Naa hayafe Taitasifena mage huta hapai-
mainone Hagoteka Kolini veanene umaineka Nagoa veamogami amaya hisia monea alitalu
hiho. huka hamapai-mainanagi menia anima kayone hisaya aliyana molivayayo. huta hapai-
mainone.
7
Tamakaya mukia yama haya yamoa aluya huno kanale ya higetama
Anumayamofena havitama lamakupi maletama lamametitima haya yamo tokiyaagela hutama
Yisasi kema hayana fatago kegeya nehae. Kanale tamaku tamakesaene veane mainayafe
tagaifena tamahau tamayamopafi nelama-hainagetama menia kayone hutama veamogamina
amaya hisaya monema neamamiya aliyana aluya hutama aliho.
8
Monea amamiho. huna kahegi kea nohugi nagoa veamoya kanaleya huya monea
malagena agetena fako hulamatogi hanaa hugahae? Nagoa veafe tamahau tamayamopafi
nelahamaiya yana kanaleya huno haneo? huna nelamakoe.
9
Tamakaya Anumayati Yisasi
Kalaisia kayonema hulatenea yafena ago havilinae. Tusia kanale yapi maineanagino tagaifene
huno tagayama kanale noma maisunafene huno agaia kanale maiyamaa ataleteno ma mopafi
eaamo tusia havi noma mainea yateti tamakaya mukia kanale yana ali-mainae.
10
Ali-mainagi ani kanale kavala hiho huna nagesa havua kea tamahapaigahugi haviho.
Tamakaya ago hano humainea kafufina hagotetama Ani monea alitalu hisune. hutetama
aepa hetama alitalu hu-mainagi menia ani aliyakeya alitama alivayayeho.
11
Monea
amamigahune. hutama hayanagi menia ania hutama amamisaya tamakesama
havinutamahena malenesaya yapitila ali hano hutama alitalu hutetama amamiho.
12
Nagi
amakuamoa kanale higeya malenaya monefiti amaminaya yafena Anumayamoa muse
humateanagi nagoa veamoya nago yaamima omalesayana Anumayamoa Amamiho huno
ohugahie.
13-14
Amakaya kanale no maisaya yafe ala monea amamitetama monetamia omaleafe
tamakaya havi no maigahae. huna nohugi menia monea tamakaipi haneafenagiya
omalegeyama afaa mainaya veamogamina amaya nehutama haenagaa tamakaya
omalesigetama afaa maisageyahena tamaya hugahae. Ani kavama hisayana mukiamogatama
nago avamete hutama maigahae.
15
Nayona Anumaya Kotia Isaleli veamogamina ikapinagati
kave amaminea kanafina Anumaya Koti avopina mage huno hu-maineane
Kasagoya ali-mainea kanomoene osia ali-mainea kanomoenena amamu hia kave
nemainae. huno avona kae-maleneane.
Naa humaineafe amaya hiho huna nehue.
Poloa nagoa vayala humategeya Kolini kumate umainae.
16
Tamaya hisua nagesa havua nagesa Anumaya Kotia Taitasina ago aminea yafena
Anumayamofena muse nehue.
17
Muse nehugi Kolini kumate vuo. huta hutonana E,
muse nehue ani kumate visua nagesa nehavue. huno agaia humaine.
18
Humainegi nago
kanoa kanaleya huno Yisasi kanale mono kea huhaleno higeya mukia veamoya muse
humainaya kanoa hutesugeana Taitasiene ugae.
19
Ani yamaagelomagi alu kumate kumate
Yisasina amakua aminaya veapina tagaiene vaiyeno taminaya monea alita momisunafe ani
kanomona aliya hetitenae. Hetitageta veafeke tahau higeta Anumayamo agima alisaga hisuna
yafe Monea alita momamisune. huta nehune.
20
Ani tusia monema alitalu haya monehena havigu veamoya tagaifena Havi kava hae.
huya hisaya yafenagita lagaya kava yagaita ani tafutaganaene nagopi vaiyegahune.
21
Kava
yagaita Anumayamo auleene veamogami amauleene kanaleya huta aliyana alisuna yafe
nelahaiye.
22
Nelahaigeta nago tafu-taganaa mukia kanafina alu aliya alu aliyana nealianagita fako
huta agonana tokiyaage huno veamogamina amaya nehianagino menia aluya huno
lamakaifena Kanale kava hugahae. huno hia yafe Taitasiganiene hunategahune.
23
Tamakaima tamaya hisia yafe Taitasia nagaiene tokaeno maineno aliyana nealigeya alu
kumate kumate mono note veamoya humatageana agaiene vaa tafu-taganagania aliyama
nealia yamoa Kalaisi agia alisaga nehae.
24
Naa nehaafe tamakaya tamahau tamayamopafima
nelahamaiya yafena tamakia alisaga huta hamapai-mainona yana amave-lisaya yafe anima
esaya vayala amaya nehisageya Yisasina amakua aminaya veamoyama agesayana Poloa
humainea kea tamage humaine. huya hugahae.
2 Kolini 2 Kolini
<<
88
>>
2 Kolini 2 Kolini
<<
99
>>
9
Kolini veamoya muse yana Anumaya Koti veanea amamisaya yafe humaine.
1-2
Yutia maineya Yisasina amakua aminaya veane amaya huta monea amamigahune.
hutama haya kea havitena Masetonia kotega mainaya veamogamina tamakaifena mage huna
hamapauve Akaiya kotega mainaya veamoya ago hano hia kafufina anima amamisaya
monea ago talo tala humalenae. huna hamapaugeya nagoa veamoya tamakaya tokiyaagema
hutama haya yafena haviteya Tagaya ania hugahune. huya nehae. Ani monema
amamisayafene huna nagoene avoma kaesuana afa ya kana hugahie.
3
Tamakaifena Ago
talo tala humalenae. huna hamanepaugi havigu Kagaya havige nehane. huya huyafenagi
ani monea menima alitalu hisaya yafe nagoa tafu-taganagamina humatesugeya tamakaitega
ugahae.
4
Ani monema alisuafe nagaya amakave visuaamona Masetonia kotega mainaya
veanenema visugeya havigu monema alitalu ohunesagena nagayaene tamakayaenena tagaye
huyafene huna nagoa vayala hagotena humatesugeya ugahae.
5
Ani monehena Kasagoya
amamigahune. hutama humainaya monea talo tala hisayafene huna nagoa tafu-
taganagamina humatogeya ugahe nehagi uvayima huteya Naama tamiho. huya hisagetama
amamiho. Oamamisaya tamakesa ohavitama tamaipa kanale yapiti ala monea afaa amamiho
huna nehue.
6
Ani monema amamisaya yafena tamakesa haviho. Osi avina kanoa fai-malenesia
kanomoa kosa ohesia kave kanoa aligahigi kasagoya hoya vai-malenesia kanomoa kasagoya
kavea aligahie.
7
Naa hu-maineafe tamakaya tamahaote tamahaote tamaku tamakesa
havitetama Ma monea amamigahune. higeno tamaipamoa kanaagela ohinagetama kanaleya
hutama amamiho. Aipa kanale yapiti vaya kaikai hisia kanomofena Anumaya Kotia hau
ayamopafi nehaiye.
8
Anumaya Kotia kosa helamatesia yana kayone yamaa tamamisia
amukoa haneanagino mukia kanafina tamakaila tamaya hisia yaene mukia veamogamina
amaya hisia yamaaene kosa helamatesia yana alu ya alu yana tamamigahie.
9
Naama hisia
yafena Anumaya Koti avopina mage huno kae-maleneane
Nagoa veamoya afeno yaamima omalenesia veamogamina amamite amamite hisageno
fatago kavaamimoa hanege hanege huno agola hanegahie. huno kae-maleneane.
10
Anumaya Kotia avina yana tamigeno anifiti nena hutegeno kavela falote higeno nelamino
vayama kaitama amaya hisaya yana kasagoya tamamisigetama tamahau hutama vayama
kaisayana fatago kavatamimoa ala hugahie.
11
Anumayamoa mukia yana tamamisigetama
mukia kanafina veala amamigahae. Amamisayafene hutama tagai tayapi malenesageta ani
veamogamina amamisuna yateti Anumaya Kotina musena hutegahae.
12
Yisasina amakua
aminaya veamogamina kosa heoamatea yama amamiyanagi ani yamaagelomagi ani kavama
haya yafena tusiya huya Anumaya Kotina musena hutegahae.
13
Kalaisi kanale mono kea
havita lagupi malenone. hutetama ani kea kanaleya hutama akave maletama vaya kaikai
nehutama amakaiene nagoa veanene amaya hutama amave-lisageya Tamage Anumayamo
akave nehae. huya Anumaya Koti agia alisaga hugahae.
14
Alisaga hisageno Anumaya Kotia
tusiya huno kayone hulamatesia yafe amakesa haviya tamakaifena aluya huno
nehamainageya Anumayamoa nagoene tamaya hisie. huya nunamuna hugahae.
15
Anumaya Kotia tusiya huno kayone hulateno laminea kanohena hanaa huta musena
hisune. Ani yafe Anumaya Kotifena tusiya huta musena hutesune huna nehue.
2 Kolini 2 Kolini
<<
99
>>
2 Kolini 2 Kolini
<<
10 10
>>
10
Polo aliya ali haviya haya vayamogami kenonaami humaine.
1
Nagoa vayamoya nagaifena mage huya nehae Poloa alulema mainenoa tagaifena
tokiyaage ke nehianagi tagai taulema emaiyana koli huno kea nohie. huya nehayanagi
nagaya Polona musetami nehugi Kalaisia ako huno kayone humainea avamete huna ako
huna kayone kefiti mage huna tamahavi-negoe.
2
Tamakaya mainesalema uvayi hisuana
tokiyaage ke huyafenagi menima omenesule ali fatago hiho. Ali fatago ohisayana nagoa
veamoya nagaifena Mopafi veamoya nehaya avamete kava nehie. huya haya
veamogamina nagayama vinunahena ani veafena tokiyaage ke hugahue huna nehue.
3
Tamage tagaya mopafi vaya mainonanagi Sataniene tuma hunana atafa laipa akave maleta
tua nohune.
4
Mopafi mainaya veamoya kame hugahe nehaya avamete huta ati kevea alita
kamea nohunagi Anumaya Kotia agaia tokiya ago tamineanagita Satani tokiya yamaa ali
haviya huta neagasone.
5
Satanina agaseta Anumaya Kotifena havigema huneataya kemona
ali haviya huteta veamoya amakaiami amaugafama aliya haiteya Anumaya Koti kema
ohavigahune. huya nehaya kemona agaseta hu-mainona keleti amakaiami amaku amakesa
Kalaisi aiyafinaga agai kema akave hisayafe amatenone.
6
Amatenonafe tamakaya tamakua
aiyahae hutama mukia Kalaisi kea akave malesageta kema neatagaya veala anonaamia
anamigahune.
7
Tamakaya amega yate neagae. Nagoa veamoya Tagaya tamage huta Kalaisi veane
mainone. huya hisayana nagaienena ania huna Kalaisina agai kano mainoa yafena lamakesa
havi havi hutama maiho.
8
Tagaya kavatami mainonafe tamakua ali lokiya vailama-tesunafene
huno Anumayamoa tagaila hulatene. Tamakua ali haviya hisunafene huno huotatenegi
Anumayamoma hulatenea yafe tusia muse huna veala hamanepauva yafena nagayea
ohugahie.
9
Nagayama kae-maloa avona kolinia hisaya kea huna avopina okaenoe.
10
Nagoa
veamoya nagaifena mage nehae Poloa avoma kaeno lahapaiyana tokiyaage huno
keanelama-kianagi tagai taulema neenoa fulu fulu kano emaineno koliti huno afa ke maino
nehie. huya nehae.
11
Naa kema nehaya veala mani kea haviho. Avopitima hua kene
navayafitima hua kenena nagoke augafa avamete ke haneanagina ani kavala hugahue.
12
Hugahuanagi ani veamoya nagoamogamina maiya auavaami ageteya Naa nehaya
veane mainagi nagai auava yamoa amakaila amakasena mainoe. huya nehayanagi kanale
amaku amakesa omalene. Omaleneanagina nagaya Amakaya maiya auava yamona ago
amakasena kanaleya huna mainoe. huna hisuo? Ifi nagaila ago nagaseya kanaleya huna
mainae. huna hisue? Naa avamete kavala ohugahue.
13
Anumaya Kotia alisuna aliyana ago
tamiteno ani aliyate tavalegeta tamakaitegama onana anima taminea aliyakeya nealita tagia
alisaga hugahunanagi nagoa aliyafena tagia alisaga ohugahune.
14
Ohugahunagi nagoa veanea
omenageta tagaya hagoteta Kalaisifena kanale mono kea tamakaila tamahapai-mainonafe
menia ani aliyafena muse nehugi Anumaya Kotia otaminesia aliyafena tagia alisaga
ohugahune.
15
Alu vayamoyama agoma ali-mainesaya aliyafena Tagaiti ali-mainona
aliyane. huta tagia alisaga nohunagi Yisasife havitama tamakupi malenaya yamoa ala huno
tokiyaage hisigetama tamakaipina nagoene Yisasi mono kea tamahapaisunageno aliyatimoa
ala hisie huta tametitia nehune.
16
Naa hisigeta kotamia agaseta alu kote kote vaiyeta
Anumayamo kema ohavinesaya veamogamina mo hamapaisuna yafe nelahaiye. Alu
vayamogami aliyatela tagia alisaga hisuna yafena notahaiye.
17
Anumaya Koti avopina mage huya humainayane
Nago kanomoa agima alisaga hugahena Anumayamo agigeya alisaga hino. huya kae-
malenayane.
18
Nago kanomoa Kanale kavakeya nehua kano mainoe. huno hisia kanomona
Anumayamo aulela agia omalenegi Anumayamoa agaia nago kanomofena Kanale kavakeya
nehia kanoe. hunoma hisigenoa tamagelafa huno Anumayamo aulela agimoa hanegahie.
2 Kolini 2 Kolini
<<
10 10
>>
2 Kolini 2 Kolini
<<
11 11
>>
11
Polo auava yamoa havigema nehaya Aposolo vaya kana ohune.
1
Ako hutama natalenetama mani kea haviho. Afaa osia aifo ke kana ke hugahugi ako
hutama maiya avamete nagoene maiho.
2
Anumayamoa tamakaifema agesa nehavia avamete
huna havi kapi ovisaya yafe nagesa kumoa tusiya huno nehie. Nagi nagola hage-malenea
munala alu vemoa avayu hia yafe amona nefaa tusia agaye nehia avamete huna nagaya
Kalaisina alu aotage veanea maisae huna kava yagainelamatoe.
3
Osifavemoa savalema huno
Ivina ayevataga humainea avamete huya nagoa vayamoya ayelama-vatagama
hisagetamahena tamakesa ali fatago hutama Kalaisi akavema nevaletila agai katela
neataletama tole lamakesa havitama Kalaisina tamakavenoma hutesaya yafena nagaila tusiya
huno nagesa kumoa nehie.
4
Yisasifena ago tamahapai-mainoa kea nagoa vayamoya nohagi
Yisasifena havigea alu kema me lamahanepaiyana tamakaya Tamage nehae. hutama aupaa
amakave nemalae. Nemalayanagi tagaya Alu Aotage Avamula tamakupi emaigahie. huta
nehunanagi amakaya haya kemoa mage hae Alu kanomo avamula tamakupi emaine. huya
hagetama aupaa muse nehutama tusia havi kava nehae.
5
Anima havige huya ayemavataga haya vayamoya tamage huya nagaila onagasenae.
6
Aupa aupa kema hisua tokiyania omalegi aluya huna nagu nagesaene kano mainena mukia
kanafina kanale kava huna mukia yana mukia veamogami amaufina kea huhalena
nehugetama nehaviye.
7
Anumaya Koti kanale mono kema tamahapauvana Nagoa monea namiho. huna
ohunoe. Tamavalesaga hisugetama tamakaya anale maisaya yafe nagainia ako huna mai
kayone huna nayapiti aliyana ali-mainoe. Aniama huana kefo ya humaino?
8
Tamakai tamaya
huna mono aliyana nealugeya alu kumate maineya Yisasina amakua aminaya veamoya
nagaila naya huya monea naminae. Namigena ani monea alina musufayama nehia kanomo
nehia auava kavala humaino?
9
Tamakaipina aliyama aluana nagoa yaniama omalegena
Monea namiho. huna tamahaviokenogi Masetoniati aya vayamoya mukia yana naminae.
Hagotenama havimainoa nagesa haenagaa ania huna tamakaifena Monea namiho. huna
ohugahue.
10
Kalaisi kelamage kemoa nagupima haneafene huna tamagea nehue. Monema
oalina afa aliyama nealua yafena tusia muse nehuafe nagola Akaiya kotega mainaya veamoya
ani musema nehua yamoa kania tileonategahae.
11
Naa higena ani kavala nehue? Miya oalua
yafe tamakaifena nonahaiyo? Aao tamakaifena nahau nayamopafima nenahaiya yana
Anumaya Kotia ago age-maine.
12
Havigema tamahanepaiya vayamoya amakima aliya haigahena Poloma nehia kava
nehune. huya hu-mainesaya kea ohavisaya yafe nagaya humainoa kavala huge huge huna
tamakaipitila monea oaligahue.
13
Ani vayamoya havigegeya nehageya veamoya Kalaisi
Aposolo vaya mainae. huya hulatesayafene huya Aposolo vaya kana nehuya veala
ayemavataga nehae.
14
Naama hayana amakaiami-omagi Satania agaia hale yapima nemaiya
ensole vaya kana huno ali hapaeteno veamogamina ayemavataga nehie.
15
Satani ani kavala
nehigeya agaia aliya vayamoya ania huya fatago yamo aliya vaya kana huya aliya
hapaesayana tamakaya atalia ohiho. Haenagaa ani kavama nehaya yamona kefo miyana
anonaamia aligahae.
Poloa Aposolo aliyatetila kasagoya kana ya ali-maine.
16
Nagoene tamahanepauve nagima alina hauva yafena nagoa veamogatama nagaifena
Agaya aifo kano maine. hutama ohiho. Ani kema hinutamahena natalegena osi kanoa afaa
nagima alina haisua kea haviho.
17
Ani nagima alina haisua kea Anumayamoa Mage huka
huo. huno ohunea kea nagainia anegi nena aifo vaya kana huna mani kea nehue.
18
Mukia
ma mopafi veamoya havigu kema nehuya amakaiami amakima alisaga nehaya kava huna
nagaini nagia alisaga huna mani kea tamahapaigahue.
19
Tamakaila kelamama-kina mage huna
nehue tamakaya kanale havi haviyatamima hanea veamogatama naa higetama aifonafo
vayamogami kea nehaviye?
20
Ani vayamoya Tagai aliya vaya maiho. huya hagetama
amakavela nemalae. Tamakaipitila monea nealiya tamakaila aliya haviya hu nelamateya
amakaiami amaugafa aliya nehaiya tamakaifena Afa vaya mainae. huya haya kehena kea
ohutama amatalageya ani kavala maiya nehae.
21
Ani kavama haya kavala nagaya naa nohuafe havi kava nehuo? Nagaifena Tokiyaa
omale. hutama nehao? Ani kema haya yafena nagayea nehugi nagoa vayamoya amakaiami
amaki alisaga hisaya kea nehayanagi nagayaenena ania augafa kea huna aifo vaya kana huna
mani kea hugahue.
22
Ani vayala Hipalu vayama maisayana nagayaenena ania huna Hipalu
kano mainoe. Amakaya Isaleli veamogami mono kema havisayana nagayaenena ania huna
Isaleli veamogami mono kea nehavue. Amakaya Apalahamu aginagomoya mainesayana
nagayaenena ania huna Apalahamu aginagomona mainoe.
23
Amakaya Kalaisina aliya
vayaama mainesayana nagaya amakaila amakasena tusiya huna Kalaisi aliyana nealue.
Avonio nagima alisaga hua kea aifo ke kana ke nehue. Amakasena nagaya tusiya huna
Anumayamo aliyana nealue. Amakasena kasagoya kanafina kina nopina mainoane.
Kasagoya kanafina kayo kevea naminayanagi amakaila osia amaminae. Nagaya kasagoya
kanafi falisua kavala huanagi amakaya nagayama hua kavala ania huya ohunae.
24
Yuta
vayamoya faefua (5) kanafi alu ikate alu ikate teti naenia (39) haifula naminae.
25
Tagufa (3)
kanafi kayo kevea naminae. Nago kanafi yafa kayotetila nahae-mainae. Tagufa (3) kanafi tipi
kalefina mainogeno timoa ai kalato kalato huno nahaesia kavala humaine. Ani tipi kalemoa
kofa-nafa huno haviya higena nago yosa atupale atafa hulina nago kanaene kegeene
felugaene tipina mainoane.
26
Mukia kanafina vaiyatete nehugeno nahaesia kavakeya falote
hunatene. Timoa hogino nahaesia kavaene musufaya nehaya vayamoya nahaesaya kavaene
nagai anagamoya, Yuta vayaene, Yuta vea omainaya vayaene nahaesaya kavakeyana
hunatenae. Ala kumate mainogeyaene kame kotega mainogeyaenena ali haviyana hunatenae.
Tipi kalefima umainoana nahae-mainae. Negafugata mainone. huya havige nehaya
vayamoyaene nahaegahena humainae.
27
Tusia aliyama aluana nafia nelegena kasagoya
kanafina naula ofaena nagala neleno tifeenena nage-maine. Kasagoya kanafina kavefeene
kenanienefena omalegeno yasimoa nahaigena havi no mainoe.
28
Amega naugafamo kana
yaene mukia kanafina Yisasife haviya elitaluma nehaya veamogamina kava yagaisua yafena
nagesa havi havi nehugeno nagesa kumoa nehie.
29
Ani veapina nagoa veamogamina hamao
otage fatage higena amakaifena nahauna humatenoe. Nagoa veamoya veamogamifena Kefo
yana hiho huya hageya Anumayamo katela neataleya kefo yama hagena naipamoa ata
lemaine.
30
Nagia alina haisua nagesama havisugenoa nago yafena fulu fulu kano mainoa yafe
tamave-ligahue.
31
Anumayatia, Yisasina Nefaa, Anumaya Kotina, vayamoya agola agai agia
alisaga huge huge hisaya kanomo aufina nagaya havigea huna nohue.
32-33
Nagaya
Tamasigasi kumate mainogeno sauve kanomo agia Aletasae kava kanoamona hutegeno
natafa hisaya yafe Katela yagaiho. huno higeya yagaiya maiyanagi vayanimoya kupi
nasaga huya nateya ani kumamona tokiyaage kegiya akalogapiti nofi aliya ayeteya ali kaleyo
nehagena falena ayenefe huna umainoe.
2 Kolini 2 Kolini
<<
11 11
>>
2 Kolini 2 Kolini
<<
12 12
>>
12
Anumaya Kotia himona kana yapi Polona mukia yana aveli-maine.
1
Nagaini nagima alisaga hisuana naya ohugahigi alu katela omaleneanagina nago kene
tamahapaigahue. Anumayamoa himona kana yapi naveli-mainea kea tamahapaisue.
2
Navelia
yamoa fotinia (14) kafu nagasetegena ani kavafena tamahapaigahe hue. Ani kanafina
Kalaisiene ailokaena mainoanagino Anumaya Kotia ikapinaga navalegena hauvana nagu
nameene haimainesuo naugafaene haimainesuo nagaya ohavinoe. Anumaya Kotia agaiage
havimaine.
3
Havimainegi ikapinaga navalegenama hai-mainoa yafena havilinoe. Nagu
nameke hai-mainesuo ifi naugafamoene hai-maineo ohavinogi Anumaya Kotike haviline.
4
Ikapinaga hai-vayi hutena alua augafa avamete kea havitena ani augafa kea ma mopafi
veamoya ohaleasinagi nagalu hu-malenea kea humaine.
5
Kanale muse yamaa navelia yafena
muse nehuna mani kea hugahuanagi nagainia nagia alina ohaigahue. Tokiyania omalegeno
naya humaineafe muse nehuna tamahanepauve.
6
Tamage nagaya nagia alina haisua kema
hisua nagesama havuleasina havigu-nagu kea ohugahuanagina tamage huna huleasinagi ani
kea ohugahue. Veamoya ani kea haviteya Naa augafa kano maine. huya hisaya yafena
nonahaigi nemauva auavaniene nagai kema havisaya yafeene musena hisae huna nehue.
Nekaya kana yamoa Polona augafafi aye-maine.
7
Anumayamoa tusia kanale yakeyama naveligena agoa yafena Anumayamoa mage hie
Havigu kaugafa alika haiyafene. huno nekaya akoya kana yamoa naugafafina malegeno
nagata aiye. Ani kana yamoa Satanipiti falote higeno namineanagina naugafa alina
ohaisuafene huno nagata yana namine.
8
Nagatama aiya yamoa fanane hisia yafe tagufa (3)
yupa Anumayamotega havige-mainoe.
9
Havigogeno kenonania mage huno nahapaiye Ani
yamoa hano ohugahie. Nagaya kayone yanialeti kaya hisugeno kosa hegatesigeka aliyakaa
afaa aligane. Kayamufa omaleneafe tusia tokiyania falote hugategahie. huno higena ani
kema havuafena nayamufa omalegeno Kalaisia tokiya namigena musena humainoe.
10
Kalaisifena nagesa havina aliyamaa nealuafe nayamufa omalegeya nagai nagia hu-haviya
nehao kana yama falote hunateo ifi Yisasi kema nehua yafe nagaila ali haviya hunenatao havi
no maisuo ani yamoma falote hia yafena naipamoa haviya ohugahianagina afaa muse
hugahue. Nayamufa omalegeno Anumayamoa tokiyaama naminea yafena tusia muse nehue.
Poloa Kolini veamogami amametiti alino lokiya vaimatesia yafe humaine.
11
Tamakaya havi kava hutama nagai nagima alisaga ohayafene huna nagainia nagia
alisaga nehuna aifo vaya kana nehue. Anima havigegeyama huya mono kema tamahanepaiya
vayafena tamakaya Kanale vaya mainae. hutama nehayanagi nagaya afa ya kana kano
mainoanagi ani vayamoya tamage huya nagaila onagasenae.
12
Onagasenagi tamage nagaya
Aposolo kano mainoafe tamakaiene mainena ako huna tokiyaage avame yana hugetama
Tamage Aposolo kano maine. hutama nage-mainae.
13
Nage-mainetamagi tamakaya mage
hutama nehae Alu Anumayamo anagama kava neyagaiya avamete huno tagaila kava
nohie. hutama nehao? Aao, nagoke avamete huna kava yagainelamatoe. Tamakaipina
nagoke yana alu kavala humainoe Monea namiho. huna oalinoa yafena Havi kava hie.
hutama nehao? Ifi hanageke yama hu-mainesuana afaa aigenatetama atalenateho.
14
Nagi tole kanale mo lamake-mainogi menia tagufa (3) molia kanale nagoene mo
lamakesuafene huna nehuanagi tamakaipitila nagoa yana oaligahue. Tamakai monehena
nonahaiye afaa tamakayama Yisasina tamakua amisaya yafe nenahaiye. Nafanemoya ita-
afoamimogamife huya monea alitalu huteya kave amamisaya aliyana omalenegi ita-
afoamimoyage nafaneamihena huya monea halaya huteya kavela neamamiya yane. Nagaya
ania huna nelamafana mainoanagina Nafanenimogatama monea namiho. huna ohugahue.
15
Nagaya tamaya hisugetama Yisasina tamakua amisayafene huna mukia moneniene
tokiyaniene atalegahue. Atalesuaamoma nafima lesiana kanalele. Tamakaifena tusiya huno
nahau nayamopafina nenahaiyanagi tamakaya nagaifena tamahau tamayamopafina
notamahaiyo? huna nehue.
16
Nagoa veamoya nagaifena mage nehae Tamage Poloa fufu yatela tagai monea
noaligi savalekeya huno havigegeya nehuno falakino kesi monetia nealie. hutama nehae.
17
Nehayanagi nagaya hanaa huna ayelamavataga nehue? Nagoa vayala humatogeya
ayelamavataga huya tamakai monea aliya me naminao? Aao ani kavala ohunae.
18
Tamakaya
mainalega Taitasiene nago tafu-taganaene Vio. huna hunatogeana umainae. Taitasia mo
ayelama-vataga huno tamakai monea ali-maineo? Aao Taitasiene nagaiene nago avamete
hutaa kanale taagesale mainetaa aliyana nealue.
19
Tamakaya manima kae-maloa kehena mage hutama nehao? Tagai taufina agi alisaga
nehie. hutama nehao? Aao Anumaya Koti aufina Kalaisiene ailokaena mainena mani kea
nehue. Nahau nayamopafi nenahaiya nenafugatama Yisasife huna tamakua ali lokiya
vailamatesua yafe mukia mani kea nehue.
20
Naafene koli nehuna ma nagesa nehavue havigu
tamakaya mainesalega uvayi hisugetama onahaisia kavama hutama mainesayana naipa
haviya hutena kelamama-kisugetama nagaifena tamaipa haviya hinagetama havigu ke vaitama
tamaipa ali haviya hisaya yamoa tamahaivai yana falote hisigetama vaya okai yama
hisagenoa tamakaitami tamaugafahekeya tamakesa havitetama alu kanomo agia ali haviya
nehutama veafema havige nehaya kava hutama ala tamaki alitetama kefo yama hisaya
yafenagina koli nehuna mani avona kaena nelamamue.
21
Havigu tamakaya mainesalega uvayi
hisugeya oniyaage kefo kavaene moli huliteya nehuya kumai he kavaene age hamaye huya
kumai nehaya kavaenema nayoma nehaya veamoya amakua aiyahae ohuya ani kavakeya
nehisagena me neamakesugeno tamakai tamaufi Anumaya Kotia nagaye hisifa yana
namisigeno naipamoa haviya hisia yafena tusiya huna koli nagesa nehavue.
2 Kolini 2 Kolini
<<
12 12
>>
2 Kolini 2 Kolini
<<
13 13
>>
13
Kolini veamoya amametitile kava yagasae.
1
Tole yupa tamakaya mainalega umainoanagi menia tagufa (3) molia kanale nagoene
visue huna nehue. Nago kanomoa kefo yama hisigena kaiyekema hutesuana tole (2) vayalo
tagufa (3) veamoyao humainesia yama ageteya hufalote hisayana kanalelagina kaiyekea
hutegahue.
2
Agoma tamakaienema mainena humainoa kea menia alule mainena mani kea
nagoene hulokiya vaina lamahanepauve. Haenagama tagufa (3) molia kanale tamakaya
mainesalegama esua kanafina kefo yama humainaya veanene nagoa veamoya kefo yama
nehaya veanenena kaiyekea humatetena anonaamia amamigahue.
3
Tamakaya nagaifena
Kalaisi hapaiya ke nehio ifi agesafiti ke nehie? hutama nehayanagi nagaya kefo yama
nehaya vayafena tokiyaage ke huna me kemama-kisugetama nenagetama Tamage
Kalaisiteti tokiyaage kea nehie. hutama hugahae. Tamage Kalaisia tamakaipima aliyama ali-
maineana fulu fulu kanoa omainegi tokiyaaleti aliyamaa ali-maineane.
4
Tamage Kalaisia fulu
fulu veane mainaya avamete huno maigeya yafaga yosalela nili heya asaigeno fali-maineanagi
menia Anumaya Koti tokiyaleti hetino maine. Tagayaenena fulu fulu veane mainonanagi
Kalaisiene ailokaeta mainonageno Anumaya Kotia tokiyaa lamigeta agaiene maineta agai
tokiyaleti tamaya nehune.
5
Tamakaya tamakaitami lamakua agelama hutama lamakupi malenaya kea atafa
hulitama mainao? Yisasi Kalaisia tamakupima mainea yafena havilinao? Tamakupima
omainesiana agaia veala tamagelafa hutama omainae.
6
Tamakua agelama hutetama ania
hutama tagaila tagelama hutama lageho Kanale kava nehae. hutama hisaya yafe nenahaiye.
7
Nenahaiyafe Kefo yana ohisae. huna nunamuna nehue. Tamakaya kanale kava hisageya
nagoa veamoya nelamakeya Poloa kanale aliya nealie. huya hisayafene huna nunamuna
nohugi tamakaitamia kanale kava hutama maisae huna nunamuna nehue. Nagoa vayamoya
tagaifena Anumayamo kea nehuya havi aliya nealiye. huya hisayana kanalele.
8
Anumaya
Koti kelamage kemoa Ohiho. huno humainesia kea ohugahunagi agai kea akave malesuna
vaya mainone.
9
Tayamufa omalenagetama tamakaya mai lokiya vaitama mainesaya yafena
muse nehune. Fatago hutama tokiyaage hisae huta nunamuna nehune.
10
Tamakaya
mainalega uvayima hisuana havigu Anumaya Kotima naminea tokiyaleti kelamama-kiyafene
huna menia alule mainena mani avona kaena nelamamugi tamakua aiyahae hiho. Anumaya
Kotima naminea tokiya tamakaila alino haviya hulamatesia yafe onaminegi tamakaila
tamakua alina tokiya vailamatesuafe namine.
Poloa huno falu fala humatenea ke.
11
Nafunagana-gatama nagaya hua kemoa hano hugahe hue. Fatago hutama maisaya
yafena tamakesa havi havi hutama nagayama nehua kea havilama hiho. Nagoke tamaku
tamakesale kea ovaitama tamaipamo falu nehinagetama maiho. Naa nehisageno hau
ayamopafi nehainageno kanale falu yamona aepaamoa Anumaya Kotia tamakaiene maigahie.
12
Tamakaya nagoke nagokemo-gatama tamayana oami aami hutama maiho. Mukia
Anumaya Koti anagala nagaiene maineya tamakaifena Felugae. huya hu falu fala
hunelamatae.
13-14
Anumayati Yisasi Kalaisia kayone hulamatesia yamaa tamaminageno Anumaya
Kotia tamakaifena hau ayamopafi nehainageno Alu Aotage Avamumoa tamakaiene tokaeno
maisigetama nagopi maisae huna nunamuna nehue.
2 Kolini 2 Kolini
<<
13 13
>>
Kea
2 Yoni
00
11
2 Yoni 2 Yoni
<<
00
>>
^
2 Yoni
Tagaya nelafu-gamifema tahau tayamopafi nelahaiya yana akave malesune.
Kalaisina kea atafa huta lokiya vailisune.
Yonia kava kanogino amakegahe humaine.
2 Yoni 2 Yoni
<<
00
>>
2 Yoni 2 Yoni
<<
11
>>
2 Yoni
Yonia Yisasiene vaiyatete huno tuelufua (12) anagapi maineno Yisasifena ala avopi
kae-malene. Haenagaa kosuna leteno mani tagufa (3) osi avona kae-malene. Yisasia faliteno
hetino ikapinagama haigenoa Yonia sikisitia (60) kafu agava maineno mani 2 Yoni kea kae-
malene.
1
1
Nagaya Yoninae Yisasina amakua aminaya vayate kava vayatamamonae mani avona
kaogi haviho. Anumaya Kotima hapalino huyogi-katenea amogae kagaifeene
nafaneyagakamofeene kaena nelamamue. Tamage huna nagaya tamakaifena nahau
nayamopafi nenahaiye. Nagainigela nonahaigi mukia veamoya Anumaya Kotia kelamage
kema humainea kema havilinaya veamoya ania huya tamakaifena amahau amayamopafi
nehamaiye.
2
Anumaya Kotina kelamage keamoa tagupi haneme uno agola hanesia yafe
tagaya tamakaifena tahau tayamopafina nelahaiye.
3
Tamageage veane mainonafe nelafu-
gamifena tahau tayamopafi tahaisigeno Anumaya Kotia, Nelafaene nafaneamoa Yisasi
Kalaisiene kayone hu yamaaene kalagi aimate yamaaene taipa falu hisia yaene lamisae.
Tagaya nelafu-gamifema tahau tayamopafi nelahaiya yana akave malesune.
4
Nagaya nagoa nafaneyagaka-moya Nelafama tagaifena Mani kema akave maleho.
huno hu-mainea kate maleya Anumaya Kotina kelamage keama akave nemalaya yafe
havitena tusia muse nehue.
5
Musekaa nehugi amogae menia mukia Yisasi kema nehaviya
nelamafu-gamifema tamahau tamayamopafina tamahaisie. Nagaya ohavinana kea
kahanopaugi nayoma havimainona ke kahanepauve.
6
Anumaya Kotifema tahau
tayamopafima nelahaisiana agai kea akave malegahune. Nayoma havimainaya kemoa mage
humaine Nelafu-gamifema tamahau tamayamopafima tamahaisia yana akave maleho. huno
humaine.
Kalaisina kea atafa huta lokiya vailisune.
7
Nesuya veamoya aye lamavataga huya havige nehuya ma mopafina vaiyatete huya
havigea mage huya nehae Yisasi Kalaisia ma mopafina vea eno omaine. huya nehae. Mani
kema hisaya veamoya havigelafa aye lamavataga hisaya vaya maineya Yisasina kame vayaa
mainae.
8
Tamakaya aliyama alitetama ali-mainaya yana ataleyafenagi yagaitama tokiya hiho.
Ania hisayana mukiamogatama anonaatamia kanale yatamia aligahae.
9
Nagoa veamoyama
Yisasi kema atafa huya tokiya ovaiya haleyama alu kefima vayana Anumaya Kotina
oavalenagi Yisasi kema atafa huyama tokiya vai-linaya veamoya Yisasiagi Nefaganiene ani
veaene nemaie.
10
Nago kanomoma tamakaitema evayi hunoma mani Yisasi kema oalino alu
ke alu kema alino esigetama tamakaya hu falu fala hu oatetama avaletama notamifina oateho.
11
Hu faluma hutesaya veamoya ani kanomona havi aliyamaa aya nehae.
Yonia kava kanogino amakegahe humaine.
12
Nagaya kasagoya ke kaegahe huanagi Afaa ani kemoa avopina okaesue. Afaa
tamakaila mo lamakesugetama kea kea nehuta musekase hugahune. huna nehue.
13
Nunakamona Anumaya Kotia hapalino agaialega atenea amoene nafaneyagaaene
tamakaifena Felugae. huya hu falu fala hu nelamatae.
Nagaini nagia Yoninae.
2 Yoni 2 Yoni
<<
11
>>
Kea
2 Pita
00
11
22
33
2 Pita 2 Pita
<<
00
>>
^
2 Pita
Anumaya Kotia tagaila huyogino Nagaini veane mainae. huno hulatene.
Havigeage vayamoya Yisasi anagamogami amaku amakesa ali haviya nehae.
Tamage huno Yisasia eteno egahie.
Ma mopaene ikaene fanane hugahie.
Taugafa kava huta maineta Yisasife agava maisune.
2 Pita 2 Pita
<<
00
>>
2 Pita 2 Pita
<<
11
>>
2 Pita
Pitaa Yisasiene vaiyatete huno tuelufua (12) anagapi maineanagino haenagaa kosuna
leteno mani avona kae-malene. Yisasia faliteno hetino ikapinaga haitegeno Pitaa teti vania
(31) kafu agava maineno 2 Pita kea kae-malene. Nagoa Yisasina amakua aminaya veamoya
tusia kana ya aliya nemaiya yafene huno mani avona kaeno amamine.
1
1
Nagaya Saimoni Pitana Yisasi Kalaisi Aposolo kano mainoanagina agai aliya kano
mainena mani kea kaena nelamamue. Tagu tamema aligati-mainea kanoa, Yisasi Kalaisia,
Anumaya Kotitia, fatago huno maineleti lamakaya tagaiene nago augafa kava hutama
havitama lamakupi maletama tamametiti hisaya yana tamamineanagitama tamakua
aminayafene huna mani avona kaena nelamamue.
2
Menia tamakaya Anumaya Kotifeene
Anumayatimona Yisasifeene kanaleya hutama havimainae. Nagoene havisageno tamaipamoa
falu lamahaisia yaene kayone hisaya yamaaene tusiya huno tamamisie.
Anumaya Kotia tagaila huyogino Nagaini veane mainae. huno hulatene.
3
Anumaya Kotia tokiya hale yamaaletiene agaia kanale kava humainea yatetiene
tagayama agaitega visunafene huno kea hu-maineanagita ago neuta agaifena nehavune. Ago
havunafe agaia tokiyaleti mukia lahaimuma alita maisuna yaene agaiama haiya auava kavama
huta vaiyesuna yaene ago lamine.
4
Ani yateti tusiya huno hu lokiya vai-malenea kea ago
tamigeta ani keleti tamakaya age lamahayema hu-mainaya yamoa ma mopale kasalino haviya
hu-lavisia yana, neataletama Anumaya Kotina agaia haimuaene aepaaene aligahae.
5
Ani yafe tamakaya tamaya mukiki hutama Yisasifena havitama tamakupi maletama
tamametitima hanesiana kanale auava kavala hiho. Kanale auava yama hanesiana Anumaya
Kotina agelama hutama ageho.
6
Agelama hutama agesayana tamaku tamakesalela yagai
lokiya vaiho. Tamaku tamakesalema yagai lokiya vaisayana kana yama lamakaite vayi
hisigetamahena hetitama mai lokiya vaitama maiho. Hetitama lokiyaage hutama maisayana
Anumaya Kotina haisia auava kava hugahae.
7
Anumaya Kotina haisia auava kavama
hisayana tafu-tagana-gamina ali kayone hu-mateho. Ali kayone hu-matesayana tamahau
tamayamopafina tamahaino.
8
Manima tamahapauva kemo auava kavama hisagenoma alama hisigetamahena
tamakaya Yisasi Kalaisife havitama tamakuama aminaya yamoa afa ya kana ohugahigi alaga
ayeno kasago huteno helafi-lavigahie.
9
Alaga ayeno helafigahianagi nagoa veanemoya ani
augafa auava kavaamima omalesigeya amaulaga haviya huno asu humainea veanemoya
nehaya augafa kava nehuya Anumaya Kotima kefo yaamima aye hami-talenea yafena ago
amake-kanitenae.
10
Ani yafe nafunagana-gatama Anumaya Kotia tamakaife ago ke huno
huyogi-malenea kemona atafa hisaya yafe tamakaya tamaya mukiki hutama tamahapai-
mainoa auava kavala hiho. Tamakayama mani augafa kavama hisayana asaga hu otavigahae.
11
Asaga hu otavigahayanagino tagaima tagu tamema aligati-mainea kanoa, Anumayatimona
Yisasi Kalaisi, kumala agola hanege hanege humainea kumate hai falesuna kamoa yaki-
malenesigeta hai faleta maigahune.
12
Ani yafe mukia kanafina tamaku tamakesama vaikalo hisua kea hugahue. Tamakaya
ani augafa yafena ago havitama kelamage kea ago alitetama kanaleya hutama ani kemo
akaveyale heti-mainagi afaa mukia yupa tamahapaigahe nehue.
13
Nehuanagi nagaya nagesa
havuana kanale kava huna mukia kanafina ofalinama ma naugafaenema mainena nagoene
tamaku tamakesa vaikalo hugahe nehue.
14
Anumayatimoa Yisasi Kalaisia ago nahapaigena
havi-mainogi aupa kanafi nagaya falitena naugafa atalegahue.
15
Atalesugetama Naa huno
mani kea tahapai-mainea ke. hutama tamakesa havisayafene huna tokiyaage aliya alina
tamahanepauve.
16
Tagaya Yisasi Kalaisina tokiyaaene esia avageaenema tamahapai-mainonana
tagesafiti havigu-nagu ke akave nemalona kea tamaha-opainonagi tagaya alu aotage tokiya
hale yamaa agaite hanegeta taulagafiti ageteta tamahanepaune.
17
E, Nefaa, Anumaya Kotia,
agai agi alisaga huno tokiya hale yamaama aminea kanafina Anumaya Kotia tokiya hale
yamaafi maineno Yisasife mage huno hapaiye Mamona nagaila nahaumanafi nahau-mainea
nafanegina agaifena aluya huno nenahaiya nafane maine. huno hu-maineane.
18
Tagaya
Yisasiene Anumayamo agoyale mainonageno ikapinagati age aino mani kea higeta tagesafiti
havi-mainone.
19
Haviteta tagaya Anumaya Koti amaune vayamogami kemona tagupi maleta tametiti
hu-mainonanagi mani kemoa kani kana huno hanima kimainea yapina aye ha nele. Ani yafe
mani kehena tamakesa havi havi hutama mainegeno aiha-lesia kanafina kola ali haleno
Yisasina, nago agia ehema ikate aye ha nelea kanefilagino tamakaila tamakuafinaga falote
hugahie.
20-21
Hagotetama ma yafe haviho. Nayona nago kanomoa agaia agesafiti aunemena
laga huno Anumaya Koti avopina okaenegi Anumaya Kotina Alu Aotage Avamuamoa agai
agupi efalegeno Anumaya Kotima hapaiya kea hamapai-maineafe manima Anumaya Koti
avopima hanegeya amaunema laga nehaya kea veamoya amakaiami amakuafitila huhaleya
nohae.
2 Pita 2 Pita
<<
11
>>
2 Pita 2 Pita
<<
22
>>
2
Havigeage vayamoya Yisasi anagamogami amaku amakesa ali haviya nehae.
1
Anumaya Koti amaune vayala mainagi havigeage amaune vayamoya veamogami
amunopi vayi hu-maineya havigea hu-maveli ha-maveli hu-mainayanagiya ania huya tamakai
amunopitila hetiya maigahae. Maineya kesi kava huya veala ali haviya hamaisaya havigeamia
nehuya amaku amamema miya huno aligati-mainea Anumayamofena amakaveno huteteya
amakaiami amaku amamena ali haviya hugahae.
2
Amakaya amaugafa amakeya hamaye
hisaya yaamia maiya nehayanagiya mukia veamoya aniama hisaya kavala ageteya akave
maleya kelamage kema hisaya kemona ali haviya hu-talegahae.
3
Ani havigeage kema hu-
maveliya vayamoya monea age hamaye huya havigema lamahanepaiya yateti monetamia
lamaha-falegahayanagi Anumaya Kotia kaiyekea hu-mateteno ali haviya hu-mateno hanageke
ya amamisia yamoa nayona talo tala hu-malegeno aula ofaenegi aulaga ageno amakava-
maine.
4
Nayona nagoa ensole vayamoya kefo kavama hagenoa Anumaya Kotia afaa
amataleya omainagi haniki-mainea kina nopi nofi hu-mategeya mainayanagiya menia tusia
haniki-mainea komufi maineya kaiyekema hu-matesia kanahe agava-mainae.
5
Nayoma
mainaya veamoya Anumaya Kotina amakavenoma hutagenoa Anumaya Kotia afaa
amatalegeya omainagi tusia li amamigeno ani limoa hogino ani veanea aye faluti-taleanagi
Noaa Kanale kavaage hiho. huno huhalenoma nehia kanomona Anumaya Kotia ani kanoene
sevenia (7) anaga kanoaene amaugafa alikati-maine.
6
Anumaya Kotia Sotomuene
Komolaene kaiyeke hu-mateteno ani tole ala kumatalana ata kae-sagaligeno tanefaage hu-
mainegi Anumaya Kotia ani ala kumatalapi mainaya veamogamina anonaamia humategeya
ali-mainaya yafena meni kanafima havi kavama maiya nehaya veamoya ageteya amakaima
kaiyekema humatesia yafena amakesa havisae.
7
Ani kumatela fatagoma huno nemaiya
kanoa, Lotie, mukia veamoya age hamaye huya kumai nehaya yamona ageteno aipamoa
havino kanaage humainea kanomo augafa Anumaya Kotia aligati-maine.
8
E, anima fatago
kavama nehia kanomoa mani veamogami amunopi maineno amakayama kefo kavama maiya
nehaya kavala neageno mukia kanafina ani kavaene kema haya kea havino maineno
Anumaya Koti kema ali haviyama haya yafena fatago agu agesa hanegeno mainea kanogino
tusiya huno aipamoa agata aimaine.
9
Naa hu-maineanagino meni kanafina Anumaya Koti
kema akave nemalaya veanelema kana yama vayi hisigenoa Anumayamoa ani kana yapitila
ali amatalegahigi kefo kavama nehaya veala ago neamakeanagino amakata aisia yana
amamiteno ala kaiyekema hu-matesia kanahe amatafa hu-lineno amakava maine.
10
Ani
veanemoya amaugafa age hamaye huya kumai he yaamimoa oniyaage hamaigeya tusia
veganokano kava nehae. Amakaiami amaugafa aliya haiteya kolia ohuya ikapinaga uhagote
mainaya ensole vayafena kamuge hatageya vai neamatae.
11
Vai neamatayanagi kefo kavama
nehaya veamogami tokiyaamia ani ensole vayamogami tokiyaamimoa amakaseya
mainayanagiya Anumayamo aulagafina kefo kavama nehaya vayafena kaiyekea hu-mateya
kamugea vai-mateya nohae.
12
Ohunagi mani havigeage kema hu-mave-neliya vayamoya yaga kafamoma hia kava
huya amaku amakesa omale vayalagiya amaugafa age hamaye hisaya kavaage nehaya
vayamoya hamaesageya falisaya yafe itaamimoya amatenae. Agelama ohunaya yafena
kamuge hatageya vai neamateya havi kavala nehayanagi anima amakaiami nehaya kavamo
hamaesigeya faligahae.
13
Havi kavaage nehayanagino anonaamia amakaila alino haviya hu-
mategahie. Yagema lea yapi alitalu huya maineya havili neneya hagifali kema hatagaya yafe
muse nehuya tamakai amunopi emaineya kavela nenageno amaugafalegatila
kanomanaamimoa tusi ya nehigeya tamakai tamakia ali haviya nehae.
14
Mukia kanafina
amaulagamoa aneyagalegageya vigeya kumai hesaya amakesa haviteya kefo kava hisaya
yaamia oatalenae. Yisasife haviya amaku amamena ali lokiya ovaiya mainaya veamogamina
amavayu huya Kefo kava hiho. huya nehae. Alu kanomo yate age hamaye nehuya amaku
amakesa havige havige nehae.
15
Fatago hu-mainea katema visaya yafena amakaveno
huteteya afai heya mainae. Palamu nafanea Peoma humainea kavamo aiyaka nemayae. Ani
kanoa Palamue kefo kavaage huteno mone alisia yafe aluya huno nehaiya kanoe.
16
Palamua
kefo kavama maino nehia yafe nagola hosi kana afua, tokimoe, kea nohia afugino
veamoyama nehaya kava huno age aino Palamuna aifonafo kavama maino hia kavafe ke-
amakino kamaa maleno tiletene.
17
Ani havigeage kavama nehaya vayala timoma komufima omalenea komumoma hia
kava huya mainae. Ala yasimoa siama alino aye hagagi-talea kava hugahae. Anumaya Kotia
hanimaage humainea kumapi hu-matesigeya umaisayafe ani kumala talo tala hu-mategeno
hane.
18
Ani veamoya amaugafa aliya haisaya kea afa keyagaage nehuya Yisasina amakua
meni kanoama amiteya havi auava kavala agoma atalenaya veamogamina amavayu huya
amaipa ayeya Tamaugafa age lamahaye hutama kumai he yana hiho. huya amavayu huya
havi kapina neamatae.
19
Anima havigeage kavama humave-neliya vayamoya mage nehae
Mukiama tamahaisia yamaagela afaa maitama hiho. huya nehayanagi amakayama kefo
kavaamia atalesaya amakesa nehaviyanagi amakuamoa augafa haga neyafekeya higeya
noatalae. Ani yamoa nofimo alino haya ki-matenea augafa kava maino higeya ani kefo
kavala eteya maiya nehae.
20
Nagoa veamoya Yisasi Kalaisia tagu tamema aligati-mainea
kanomofena haviteya ma mopalema kasalino haviya hulavisia yana ago atalenayanagi
nagoene eteya ani havi kavama hisagenoa ani yamoa nofi hu-matesigeya aniageya maiya
hugahae. Hagoteya ani augafa kavama hayana havi yapi mainayanagiya haenagaa ani
kavakeyama maiya hisayana nagoene nagoene havi yatafapi agola maigahae.
21
Anumaya
Koti kamoa fatago humainea kafema ohavinaleasina afaa kanale haleasinagi alu aotage kea
agoma haviteya eteya amakavenoma hutayana tusiya huya havi kava maiya nehae.
22
Amakaya ani kavama haya yafena Anumaya Koti avopina mage huya kae-malenayane
Kalamoa mua vali-taleteno eteno ani mua yogino nene. Afumoa tina faletenoagi eteno
hapafina viayamo hapa negalie. huya hu-mainayane.
2 Pita 2 Pita
<<
22
>>
2 Pita 2 Pita
<<
33
>>
3
Tamage huno Yisasia eteno egahie.
1
Nahau-mainea nafunagana-gatama anilema molia kea menia kaena nelamamue.
Nayona kae-malenoa avopiene mani avoma nelamamua avopienena tamakuamofe aligafa
huna tamakesamoa aihagalo hinagetama fatago kema havisayafene huna mani avona kaena
nelamamue.
2
Anumaya Koti amaune vayamoya haenagama vayi hisiafene huya humainaya
kene taugafa aligati-mainea Anumayatimo avayafiti Aposolo vayatamimo-gamina hamapai-
mainea kahegi kene haviho. Mani kea ago hagetama havi-mainaya kehe tamakesa ali hao
hutama havisae.
3
Hagotetama tamakaya ma kea havilama hiho. Mukia yama hano hugahema atupa
kanama esigeya Yisasima egahema humainea kanahena nagoa veamoya hu-haviya hu
neateya amakaiami amaugafa age hamaye hisaya yatega akave nemaleya mage huya
hugahae.
4
Yisasia Etena egahue. hunoma hu-maineana hanate maine? Eteno nomegi.
Anumaya Kotia ehema ma mopama taloma hu-malenelegatila tototimoya maime neeya fali-
mainaya augafa kava huno haneanagita menia ania huta mainonagi mukia yana aniageya
huno hane. huya hugahae.
5
Ehe kanafima Anumaya Kotia agaia hu-malenea kealeti ikana ali
falote huteno tina eteno nealino mopa talo hu-malene.
6
Ani limoa mani mopafiti eteno tusia
li vayi huno hogiteno mopamona ago alino fanane hu-talene.
7
Fanane hu-taleanagi ani
Anumaya Koti kemokeya menima hanea ikamoene mopamoene Anumaya Kotima ala
kaiyeke hunatesia kanahe agava mainaanagino ani yupama atamoma me leno
anasagalisigeno Anumaya Kotia kefo kavama nehaya veanea kaiyekema hu-matesigeya
haniki-mainea kumapi tegelege nehisia atafi agola umaigahae.
8
Nahau-mainea nafunagana-gatama mani kemoa tamakela okanino. Anumayatimoa
maa huno agesa nehavie Nagoke yupa kanoamoa vani tausania (1,000) kafu kana humaine.
Nagi vani tausania (1,000) kafumoa nagoke yupa kanoa kana huno nagoke avamete
humainae. huno agesa nehavie.
9
Anumayatimoa nagoa veamoya maiya nehaya augafa kava
huno vase vase huno hu lokiyama vai-malenea kemotela aliyana noalie. huta nehunagi agaya
tagaife agesa nehavino Nagoa veala haniki-mainea yapi tegelege nehia atafina ovisae. huno
agesa nehavino Mukiamo-gatama tamakua aiyahae hutama maiho. huno tagaifena ako huno
tagava maine.
Ma mopaene ikaene fanane hugahie.
10
Tagava maineanagi Anumayatimoma enunofena musufa yatema nevaya kava huno
egahie. Anima esia yupa ikamoa ala agegefa neaino fanane hinageno mukia yana atamo teno
fanane hugahie. Ma mopaene mukiama mopalema talo hu-malegeno hanea yaenena atamo
teno fanane hugahie.
11
Ani yayagama fanane hisia yafena menia tamakaya hana augafa kava
hutama maigahae? Alu aotage veane mainetama kefo kavala ohutama Anumaya Koti auava
kavaage akave maleho.
12
Anumaya Koti kanahe agava mainetama Aupaa vayi hisie. hutama
nehutama anagatamimogamina amaku amakesa aliho. Anima vayi hisia kanafina ikamoa ata
leno fanane hisigeno mukia yana tesagalino yeye huteno ti kana hugahie.
13
Naa hugahagi
Anumaya Kotia ago hu lokiya vaino mage huno humaine Ani ikaene mopaene hanoma
hisiana haegafa ikaene mopaene talo hisugeya fatago amaku amakesaene veaneage anilela
maigahae. huno humaine. Ani yama falote hisiafe tagaya muse hisune.
Taugafa kava huta maineta Yisasife agava maisune.
14
Nahau-mainea nafunagana-gatama tamakaya ani yafema agava mainenutamahena
tamaya mukiki hutama Anumayamo aufi nagoa kefo kavala ohutama ako hutama mainetama
agaiene tamakuamoa falu nehinagetama maiho.
15
Anumayatimoa tagu tamema aligatisia yafe
tagava maineno ako huno nelate. hutama tamakesa havi havi hutama maiho. Anumaya Kotia
Polona tahau-mainea nelafuna kanale agu agesa amigeno ania huno nagayama hua kava
huno avopina kae-malene.
16
Poloa mani kea Yisasima eteno esia yafe huno mukiama kae-
malenea avopina ania huno kaeno tamahapai-maine. Nagoa agaiama kae-malenea avopina
havilama huta ohavisuna augafa ke hanegeya ani kema haviyama hatayo hataya nehaya
veanene havilama nohaya kene mukiama Anumaya Koti avopima kae-malenaya kene aliya
aiyahae huya hu haviya huya neataleya alu kate kate nevae. Naa augafa kavama nehaya
yafena haniki-mainea kumapima tegelege nehia atafi agola ugahae.
17
Naa hu-maineafe tamakaya nahau-mainea nafunagana-gatama haenagama vayi hisia
yafena ago havimainagi kayetama maiho. Havigu kahegi kema aliya neatagayaya veanemoya
havige huya tamakaila ali haviya hu-lamatesageno tamametitimoa tokiyaage huno fatago
ohuyafenagi tamakaya kayeho.
18
Tamakai tamagu tamamema aligati-mainea kanoa, Yisasi
Kalaisifena, ago havimainagi agaia kayone yamaafi mainetama nagoene kayonema hisaya
yana alitetama Kalaisife tamakesa havi havi hutama havilama hutetama ko hiho. Anumaya
Kotina alu aotage tokiya hale yamaamoa meniene haenagaaene agola akaiafikeya mukia
kanafina hanege hanege huno hanesigeta tagaya mukia kanafina agai agia alisaga huge huge
huta maisune. Tamage.
Nagaini nagia Pitanae.
2 Pita 2 Pita
<<
33
>>
Kea
2 Tesalonaika
00
11
22
33
<<
00
>>
^
2 Tesalonaika
Ani kumate veamoya kana yapina hetiya tokiyaage huya nemaiye.
Anumaya Kotia fatago kavaage huno tagaila alino fako hunelate.
Poloa Tesalonaika veala amakua alino tokiya vaimatesia yafe nunamuna humaine.
Kefo Kanoa evayi hugahie.
Anumaya Kotia tamaku tamamena aligatisia yafe ago tamakaila huyogimalene.
Anumayamotega nunamu hutama havigegeno tahamaeno.
Mukia veamogatama kavema nesaya yafena aliyana aliho.
Poloa felugae huno hu falu fala humatenea ke.
<<
00
>>
<<
11
>>
2 Tesalonaika
Haenaga Poloa Kolini kumate maineno Tesalonaika kumate maineya Yisasife haviya
amakupi malenaya veamogamitega nagoene mani avona kaeno amamine. Yisasia faliteno
hetino ikapinaga haitegeno Poloa tuetia (20) kafu agava maineno 2 Tesalonaika kea kae-
malene.
1
1
Tagaya Polonagi Sailasiagi Timotiagi huta mani autama kaeta Tesalonaika kumate
Yisasi anagamogatamilega kaeta nelamamune. Tamakaila Anumaya Kotia, Nelafaene
Anumayatimoa, Yisasi Kalaisiene tokaetama nemaiye.
2
Anumaya Kotia, Nelafaene Anumayatimo, Yisasi Kalaisiene kayone hu yaene tamaipa
falu lamahaisia yaene tamamisae huta Anumayamotega havinegone.
Ani kumate veamoya kana yapina hetiya tokiyaage huya nemaiye.
3
Tafu-tagana-gatama tamakaya Yisasifema havitama tamakupi malenaya yamoa mai
lokiya vaitama maiya yaenefe tamakayama tusiya hutama mukiamogatama nagoke
nagokemogatama tamahau tamayamopafima lamahaiya yamoa via yamo alakefa hia yaenefe
Anumaya Kotitega ke huta muse ya neamune. Mukia yupa tatea kava huta tamakaifena
Anumayamotega ke huta muse yana neamune.
4
Aniama haya yateti Anumaya Kotina
veamoya alitaluma huya maiya amunoamifina maineta tamakai tamakia alisaga nehuta mage
huta nehune Yisasife haviya amakupi malenaya yafe Anumaya Kotina kame vayaamoya ali
haviya humatayanagi tokiyaage huya amakupima malenaya kemona atafa huya tokiya
hulinae. huta hamanepaune.
Anumaya Kotia fatago kavaage huno tagaila alino fako hunelate.
5
Anima kefo kava hulamataya kavateti Anumaya Kotia fatago huno fako nehia kavala
tavelino tamakaife Nagai kea havimainafi ohavinafi? huno fako hisia yafe ani tamaugafa
lamakata aisia yana vayi nehie. Vayi higetama tamakupi malenaya yatamimoa tokiyaage
humainea yafe tamatea kava hageno Anumaya Kotia haenagama agaia kava yagai-lamatesia
kumatema umaisayafe tamakua alino fatago hu nelamate.
6
Hu nelamateanagi Anumaya
Kotia fatago kanogino tamakaima kana yama nelamamiya veamogamina anonaamia kana
yana amamigahie.
7
Neamamino Yisasia agaia tokiyaage ensole vayaaene tusiya huno anefea
hanea ataene ikapinagatila ataleya fufu yate esageno manima havi kavama hulamatenaya
yana Anumaya Kotia alitaleteno tamakaiene tagaiene mai falu hisuna yana tamigahie.
8
Tamiteno Anumaya Kotina amakuama oaminesaya veanene Yisasina kanale keama haviya
akave nomalaya veanene amakata aisia yana amamigahie.
9
Anima amagata aisia yama
amamisiana Anumayamo aulela omaigahagi aluale maineya halesia yamaaene tokiyaage
yamaaene oagetafa huya oagegahagi amakata aige aige hisia yapi agola maige maige huya
maigahae.
10
Maigahayanagi mukia Anumayamona alu aotage anagaa Yisasife haviya
amakupi maleya amametiti nehaya anagaa ani kanafina Yisasima tokiya halesia yamaale
esigeya ageteya tusia muse nehuya Tamayo aiya kava nehane. huya agia alisaga hugahae.
Tamakayaene Anumaya Koti kema tamakai amunopima tamahapaunagetama havitetama
tamakupi maletama tamametiti nehutama agia alisaga hugahae.
Poloa Tesalonaika veala amakua alino tokiya vaimatesia yafe nunamuna humaine.
11
Tagaya ani kanahe tagesa havita mukia kanafina Anumayamotega tamakaifena ke
huta mage huta havinegone Nagainialega esae huka ke humainana veamoya amakaiamima
fatago huya vaiyesaya yana kosa hematesia yana amamisanageya alisageno amatesie.
Amakaila amaya huka tokiyakaa amamisanageya Yisasife haviya amakupi nemalaya yapina
Kanale auava yana hugahune. huya haya yana ali hano hisae. huta havinegone.
12
Ani
kavama hinutamahena Anumaya Kotiene Anumayatimoa Yisasi Kalaisiene kayone huta
maisuna yana tamamisaagetama ani kanale kavama haya yafe Anumayatimona, Yisasi agima
alisaga nehisageya veamoya ania huya tamakai tamakia alisaga hugahae.
<<
11
>>
<<
22
>>
2
Kefo Kanoa evayi hugahie.
1
Tafu-tagana-gatama Anumayatimoa, Yisasi Kalaisima eteno elavisigeta agaitega alitalu
huta maisuna kanahe tamahapaigahe nehunagi haviho.
2
Nagoa veamoya Anumaya Koti
nahapaigena havuana Anumayamoma kaiyeke hulatesia kanaa ago evayi humaine. huyama
hisaya kene nagaifema Polo mani kea avopi kaegeno evayi humaine. huya hisaya kene
havitama tamakesa kumoa ohinagetama atali talua ohutama mai-lanetama maiho.
3
Havigu
nago kanomoa mani havigehena aye-lamavataga hisigi ani kanaa kahaoneno vayi ohugahigi
hagoteya mukia veamoya vegano-kano huya Anumaya Kotina amakaveno hutetesageno
Kefo Kanoa fufu yate evayi hugahie. Ani kanomoa hani kimainea yapi uno agola agata aige
aige huno maisia kano maine.
4
Mukia yamona vayamoya agima alisaga nehuya Anumayati
maine. huyama hisaya yafena ani Kefo Kanomoa Afa ya kana yane. huno kame humateteno
ala mono nopi haino siale maineno Nagaya nagainia Anumaya Kotina mainoe. huno
hugahie.
5
Nayona tamakaiene mainena mani yafena ago tamahapai-mainogi ago tamake-kanifi?
6
Kefo Kanoma esia kaana tile-mainea kanohena tamakaya ago havimainae. Agaia kanaama
vayi hisigenoa fufu yatela evayi hugahie.
7
Kefo Kanomoa falakunaku humaineno aliyamaa
menia nealianagi efufutema ataleno esia katema mailile-mainea kanoma avalenageno maime
vinageno fufu yatela Kefo Kano evayi hugahie.
8-9
Evayima hisiana mani Kefo Kanoa Satani
tokiyaleti veamogamina aye-mavataga hisia yafe ageati tokiya avame aliyana aligahianagi
haenagaa Anumayatimoa Yisasia fufu yate evayi huteno avayafiti haimutetiene aye vasa hisia
hale yamo himamuletiene mani Kefo Kanomona haesigeno faligahie.
10-11
Hagoteno Kefo
Kanomoa tusiya huno kasagoya havi kavaage hinageya veamoya Anumaya Kotia amaku
amamema aligatisia ke-lamage kehena nelahaiye huya ohuya amakaveno hutenaya veamoya
Kefo Kanomo kea nehaviye. Mani kavala ageteya Tamage nehie. huya amakupina malesaya
yafena Anumaya Kotia havigehekeya havisaya amaku amakesa amamigahie. Ani veamoya
kelamage kemona haviya amakupina nomalayanagiya amakata yana aliya haniki-mainea yapi
tegelege nehia atafina maigahae. Kelamage kemona haviya amakupima malaleasina Anumaya
Kotia amaku amamena aligatileasine.
12
Aligatigahianagi mukia vemoya kelamage kemona
haviya amakupi omaleya kefo kavaage hisaya yafekeya tusia muse huya nemaiya
veamogamina Anumaya Kotia kaiyekea humatetenageno tusia amakata maino aisia
anonaamia aligahae.
Anumaya Kotia tamaku tamamena aligatisia yafe ago tamakaila huyogimalene.
13
Tamakaya Anumayamoma hau ayamopafi nehaiya nafunagana-gatama mukia yupa
nunamuna huta tamakaifena muse nehune. Nayona ehe kanafina Anumaya Kotia tamaku
tamamena aligatisia yafe tamakaila agaialega tamavaleno tamatesie huno ago huyogi-
maleneanagino Alu Aotage Avamua tamakaila ago tamamine. Anumaya Kotina alu aotage
auava kavaama hisaya tamaku tamamena tamamigetama tamakaya Anumaya Koti kelamage
kea havitama lamakupi maletama havilama nehayafe tamaku tamamena aligatigahie.
14
Anumayatimona, Yisasi Kalaisi tokiya halesia yamaa tamamisia yafe Yisasife kanale kema
tamahapai-mainona yateti agaialega visaya yafena tamakaila ago ke humaine.
15
Ke humainea
yafe nafunagana-gatama hetitama fatago hutama maiho. Mukia Anumaya Koti kema
tavayafiti huge amave-lige nehuna yaene avopi kae-malenona kene atafa hutama akave
maletafa hutama maleho.
16-17
Anumayatimoa, Yisasi Kalaisiene Anumaya Kotia, Nelafaene tagaifema hau
ayamopafi maino haigeno kayone hisia yamaaleti mukia kanafina agola tagai tagupina falu
huta maisuna yaene agaife agava hisuna tametiti yaene ago tamiteno tamaipa alino tokiya
vailamatesigetama mukia kanale kavaage nehutama kanale kema hisaya yafe tamaya hisae
huta Anumayamotega havinegone.
<<
22
>>
<<
33
>>
3
Anumayamotega nunamu hutama havigegeno tahamaeno.
1
Tafu-tagana-gatama tagaya nago kene tamahapaigahune. Nunamuna mage hutama
tagaifena havigeho Anumayamo kemoa tamakaipima humainea kava huno mukia kotega
aiyage aiyage huno mukia veamogamite visigeya mani kehena muse huya agia alisaga hisae
hutama havigeho.
2
Tamakaya nunamuna nehisageno havi vayamoya tagaima tatafa
hugahema hisayana Anumaya Kotia taugafa aligatisigeta vamano. Tamakaya ago age-mainae
mukia veamoya Yisasifena haviya amakupina maleya amametiti nohae.
3
Amametiti nohagi Anumaya Kotia Nagaya maa hugahue. huno humainesia kavala
hugahie. Aniama nehia kanoa mainea yafe agaya tamaku tamakesa alino kanale tokiya vai-
lamatesigeno Satania tamavayuma hisia kanafina tamahau vaigahie.
4
Anumayamoa tamakaila
tamaya hisigetama tamahapai-mainona kea nehutama haenagaaenena ani kavala hugahae ani
yafe havita tametiti nehune.
5
Anumayamoa tamakaife hau ayamopafi haiya yafeene Kalaisima kana yama falote
hisia kanafina mai fatago huno mainea kavafeene tamaku tamakesa havilama hisayafene huta
Anumayamotega havinegone.
Mukia veamogatama kavema nesaya yafena aliyana aliho.
6
Nafunagana-gatama Anumayatimoa, Yisasi Kalaisi agile tagaya tamakaifena tokiyaage
ke huta tamahapaigahunagi haviho. Tamakaipitima nagoa tafu-taganaya aliyama oaliya
havigu maineya agoma tamamigetama ali-mainaya kea akave nomalae. Aniama hisaya
veanenena tamakaya tokaetama omaitama aluale maiho.
7
Tamakaya ago age-mainae
tamakaienema maunana afaa felua omainonagi tagayama hunagetama age-mainaya kava
hutama maiho.
8
Tagaya tamayapitila kavema aligahena afaa havigua oalinonagi tamakaipi
kana ya maleyafene huta miya nehuta tagaya tusiya huta kegeene felugaene tayapiti kave
nesuna aliyana tokiyaage huta nealita Yisasi kea tamahanepaune.
9
Kavela tamakaipitila
kanale afaa aluteasinagi tamakayama hisuna kavafena agetetama mani kava akave
maleyafene huta kavela afaa noalune.
10
Nayona tamakaienema maineta mage huta
tamahapai-mainone Nago kanomoa aliyama oalisia kanoa kavela onegahie. huta humainone.
11
Tagaya havunana nagoa tamakaipi mainaya veamoya aliyana oaliya afaa feluami
maineya ani veamoya alu kanomo hia yafe ke hu-liteya nehuya aliyaamia noaliye.
12
Naama
haya veafena Anumayatimona Yisasi Kalaisi agile hulokiya vaita kea mage huta
hamanepaune Tamakaya kanaleya hutama mainetama aliyama alisaya aliyateti kavela ali
falote hutama neho. huta nehune.
13
Tagaya mukia tafu-tagana-gatama mage huta tamahanepaune kanale auava yamofena
tamakaveno hutetama kasalo otamahaeno.
14
Mani avopima kae-malona kea nagoa veamoya
akave omalesayana Ma kanomo mani kavala nehie. hutama amakaienena tokaetama
omaitama aluale maigeya amakayea hino.
15
Tamakaya aniama hisia kanomofena Kefo
kavaage hana kano mainane. hutama hu oatetama Taganatimoga mainane. hutama agu agesa
amigeno agua aiyahae huno eteno kanale kate esie hutama hiho.
Poloa felugae huno hu falu fala humatenea ke.
16
Anumayamoa tamaipa falu hisia yamona aepaa maineno mukia kanafina alu yana alu
yana tamakaitema falote hisigenoa agaia tamaipa falu hisia yana tamamisie. Anumayamoa
agola tamakaiene mukiamo-gatamaene tokaeno maisie.
17
Hapalitama nevaya avona alu kanomofe hugesa hugeno kae-malenegi nagaya Polona
haenagalafa mani ke kanoa nagaini nayapiti kaena tamakaila hu falu fala hu nelamatoe. Mani
avoma kaova augafa kea mukiama kae-malenoa avopina ania huna kae-malenoe.
18
Anumayatimoa Yisasi Kalaisia kayone hisaya yamaamona tamamisigeno
tamakaienena maisie.
<<
33
>>
Kea
2 Timoti
00
11
22
33
44
2 Timoti 2 Timoti
<<
00
>>
^
2 Timoti
Yisasina kanale keahena tagayea ohisune.
Timotiga Yisasi Kalaisina tokiyaage ati kanoa maiyo.
Timotia tokiyaage aliya kano maineno Anumayamo aliya kano maisie.
Atupa kanama falote hugahema hisigeya mukia veamoya tusia havi kavayaga
hugahae.
Timotia Anumaya Koti kea atafa hulokiya vaisie.
Timotiga tokiyaage huka Anumaya Koti kea huhaleka huo.
Poloa mage hie Menia ago faligahe nehue. huno humaine.
Timotia aupaa Polote esie.
2 Timoti 2 Timoti
<<
00
>>
2 Timoti 2 Timoti
<<
11
>>
2 Timoti
Poloa Lomu kumate kina nopi maineno ago faligahe nehuno Timotife agesa havino
mani avona kae-malene. Timotia ani kanafina Efesusi kumate maineno Yisasife haviya
amakupi malenaya veamogamite kava yagaino nemaiyane. Yisasia faliteno hetino ikapinaga
haitegeno Poloa tetifoa (34) kafu agava maineno 2 Timoti kea kae-malene.
1
Yisasina kanale keahena tagayea ohisune.
1-2
Nagaya Polonae Timotigahe aluya huno nenahaiya nafanenimogahe mani avona
negaove. Yisasi Kalaisiene tokaetama maisunana Maige maige hisuna tahaimula
tamamigahue. huno hulokiya vai-malenea kema havisaya yafene huno Anumaya Kotia haiya
kava huno nagaila huyogi-maleteno Aposolo kanoa hunatene. Kagaya Timotiga Anumaya
Kotia Nelafaene Yisasi Kalaisi Anumayatimoene kagaifena hanau hugateana kayone hu
yaene kaipa falu kahaisia yaene kamisae.
3
Nagaila naginagomoya hu-mainaya kava huno naguamoa nahapaigena ani kate neuna
Anumaya Koti aliyana nealina nateene felugaene kegeene kagaila kaya hisiafene huna
Anumayamotega muse huna nunamuna huna havinegoe.
4
Kagaya avima atana yafene huna
nagesa havinegamina kagaila kagesua yafena aluya huno nenahaigena kagesugeno naipamoa
tusia musena hugahie.
5
Kagehokamoa, Loisiene itakamoa, Yunasiene Yisasife haviana
anakupi maleana anametitia hu-mainaa kava kagaya ania huka Yisasife havika kagupi
malenane huna nagesa havina negamue.
6
Naa hu-maineafe nagayama kagai kanute nayama
malogeno Anumaya Koti aliyamona tokiya yamaa kamigeka ali-mainana tokiya yana fufu
hisanageno kanale anefe tesigeka ani aliyana oataleka alige-lige huo.
7
Anumaya Kotima
laminea Avamumoa koli hisuna tagu tagesa notamiafe tagaya tokiya yamaaene kanaleya huta
veanea tagua neamamita tagu tagesalema kava yagaisuna tokiya ago tamine.
8
Anumayatimo ke huka falote hisana yafena kagayea ohinageka kolia ohuo. Nagaya
keama huna falote nehugeya kina nopi natenaya yafena kagayea ohuo. Anumaya Kotia
tokiyaa kaminegeka Yisasina kanale keama hana yafe kagaima kana yama kamisageka
nakaiene tokaetaa aligahue.
9-10
Anumaya Kotia kefo kava huna yapiti tagu tamena alino
katigeta alu aotage anagaa maisuna yafe tagaila huno yogi-malene. Tagayama kanale
humainona yafene huno huyo okinegi agaia agesa haviteno haiya kava huno kayone
hulategahe ani kavala humaine. Ikaene mopaene falote ohunegeno Yisasi Kalaisia Kayone
hulamategahue. huno agesaa havimaineanagino menia Yisasia efalotema humainea yateti
taveli-maine. Tagayama kefo kavama huna yamo anonaa Yisasi Kalaisia alia yafe tagu
tamena aligatiteno fali yamo tokiyaa ago ali hano hu-taleteno ofalita agola maige maige
hisuna tahaimula tamiteno umaige maige hisuna kaana ago taveli-maine.
11
Nagaya Yisasina kanale kea huna falote nehuna huge amavelige hisuafene huno
Anumaya Kotia nagaila huyogi-malegena Aposolo kanoa mainoe.
12
Ani yafe nagaila ali
haviya hunatayanagi nagaila lamage huno nagayehena ohuna Anumayamofe havina nagupi
malena nametiti humainoa kanomofena ago havilama humainoe. Agaia naminea aliyanagino
auvainenateno kanaleya huna alisua yafe Nagaila nahamaegahie. huna nagesa havimainoe.
Ani kavala nehinageno Yisasia ikapinagatima eteno elavigahie huna nehue.
13
Naa huo huna
hu-kavelina kahapai-mainoa kelamagea akave malo. Kagaya Yisasifena havika kagupi
maleteka Yisasi Kalaisina kaipa amineka veafena kahau kayamopafi kahaisigeka kahapai-
mainoa kea akave malo.
14
Kagaya Anumayamo kelamage kea fatago huka hamapaiyo. Alu
ke ohisana yafe kava huo. Taguafima mainea Alu Aotage Avamuamoa kelamage kea
kaminageka ani aliyamona kava hugane.
15
Kagaya ago havimainane Esia kotega mainaya veamoya nagaila ago natalenae. Ani
vayapitila tole kanolatamogani anakia Fiselasiene Hemosenisiene nagaila ago natalenaa kea
ago havimainane.
16
Onesifolasia mukia kanafima kanale yama huno naipa ali falu humainea
yafena Anumayamoa Onesifolasiene agaia afamoene kanaleya huno amaya hisie huna
Anumayamotega havinegoe. Nagaya kina nopima mainoa kea haviteno agayea ohunegi afaa
nahamae-maine.
17
Naa huteno Lomu kumate evayi huno tusiya huno nagaifena natiyemaino
yemaino nageno ali falote humaine.
18
Naa kavama humainea yafena Anumayamotega mage
huna havinegoe Yisasima esia kanafina agaifena hau huteteno kalagi aitesie. huna nehue.
Efesusi kumatela kanaleya huno naya humainea yafena kagaya ago havimainane.
2 Timoti 2 Timoti
<<
11
>>
2 Timoti 2 Timoti
<<
22
>>
2
Timotiga Yisasi Kalaisina tokiyaage ati kanoa maiyo.
1
Nafanenimoga mukia yupa Yisasi Kalaisiene tokaeka mainana yafena atalegeno
kayone yamaa kaminenageka mai lokiya vaika maiyo.
2
Maineka mukia veamogami
amaufima huhalenama hamapai-mainoa kea nagoenema efi efi huya kanale aliya nealiya
veamogamina hamapaisanageya ani veamoya alu veamogamina hamapaisae.
3
Kagaya Yisasi Kalaisina kanale ati kanoamoga aliya nealina yafema hu haviya hu
negataya yafena mai lokiya vaika maiyo.
4
Ati vayamoya amakaiami kava kanoamimo muse
humatesifa huya alu aliyana oaliya alu kehena nohamaiye.
5
Nago yaenena maa humaine
oagase aagase huya yokalo nelageno nago kanomoa hagoteno agaseno umaineanagi ani
yokalomo kahegi keama akave omalesiana kanale anona miyamaa oaligahie.
6
Nago yaenena
maa humaine nagoamoya hoya aliyana tusiya huya nealigeno hoyaamifi kavemoa nena
hutegeya hagoteya kanale nenaa aligahae. Aligahagi Anumayamoa ania huno anonatia
tamigahie.
7
Tamigahigi mani kea havilama huka havisanageno Anumayamoa agaia ani mukia
yamo aepaa kahapaigahie.
8
Yisasife kanale ke huna falote nehua kemoa Tevitina aginagomoa Yisasi Kalaisia fali-
mainefitima heti-mainea yafena nagayama huhalena nehua kehena kagesa havi havi huka
maiyo.
9
Ani kema huna falote hu-mainoa keleti nagaila aliya haviya hunateteya kefo kavama
nehia kanomoma hutenaya augafa kava hunateya kina nopi natayanagi Anumaya Koti
kemona kina nopina oategahayanagino mukia mopalega ute ete hugahie.
10
Ani yafe mukia
Anumaya Kotima huno yogi-malenea veala Yisasi Kalaisiene tokaeya maisagenofena
Anumaya Kotia amaku amamena aligatisigeya agola maige maige huya tokiya hale yapi
maisaya yafe nagaya naugafa nagata neaigena mailava huna mai lokiya vaina mainoe.
11
Tamagema humainea kemoa mage huno humaine
Yisasiene tokaeta fali-mainenutahena agaiene tokaeta hetita maigahune.
12
Huhaviya
hulatesaya yapina afaa lokiyama vaita mailava huta mainuta haenagaa Yisasiene
ala sauve vea talo huta kava yagaita maigahune. Tagaya agaima takavenoma
hutesunana agaienena tagaila ania huno akaveno hulamigahie.
13
Tagaya agaiama
humainea kea takavenoma huteta havita tagupi maleta tametitima ohisunagenoa
agaiama hu-malenea kegino kelamage kano maineanagino ani kea oatalegahie.
Timotia tokiyaage aliya kano maineno Anumayamo aliya kano maisie.
14
Anima humainoa kehena amakesa huhagalo humateteka Anumaya Koti aufina mage
huka humakesa huo. Anumaya Koti kehena kea ovaiho. Ani kehema kema nevaiya kemoa
haviya veamogamina amaya nohigi amaku amakesa alino haviya nehie.
15
Anumaya Koti
aufima hetisana yupa kagai aliyafena muse hugatesia yafena Anumayamona kanale kelamage
kemona aepaa havi fatago huka kaya mukiki huka hu falote nehuka kagayea ohino.
16
Nagoa
veamoya Anumaya Kotina nohaiya kea, afa keyagama, mohu mehu hisagekahena ani
kavama hisalega ovuo. Ani kema nehaya veamoya Anumaya Koti kea amakaveno hutesaya
kate amavaleya nevae.
17
Ani kema haya kemoa tusia havi amamumoma leno alakefama
nehia kava huno ani keamimoa ali haviya nehamaiye. Ani kema hamanepaiya vayapitila tole
kanolata mainae anakia Himeneusiene Filetasiganie.
18
Ani kanolata-mogania Anumaya
Kotina kelamage keamo kaana neataleana mani havigea mage hae Agoma fali-mainaya
vayala hetiya maisaya kanamoa ago vayi humaine. huana nehuana Nagoa veamoya fali-
mainesafitila he otigahae. huana humainaa keleti nagoa veamoya Yisasife haviya amakupi
maleya amametitima haya yamona ali haviya nehae.
19
Haanagi Anumaya Kotia mono nomaa
kisia yafe tokiyaage anumaya yosa aye-malenea yosale mage huno kae-maleneane
Anumayamoa agaia veamogamina ago amakelama huno amake-maine. huno humaine.
Nago kene mage huno kae-maleneane
Nagaya Anumayamona nafanea mainoe huya hisaya veamoya kefo kavala amakaveno
hutesae. huno humaineane.
20
Nagola ala nopina alua augafa yopayaga hane. Nagoa kanileta yafateti talo humale
yaene tokiya yafateti talo humale yaene yosaleti talo humale yaene mopaleti talo humale
yayagaene hane. Nagoa yopa kanale aliya alisaya yafe talo hu-malenagi nagoa yopayaga
tagaye hisuna augafa aliya alisaya yafe talo hu-malenae.
21
Ani yopayaga aliya alisayafene
huya talo humalenaya kava huno tagaila kanale aliya alisuna yafe talo hulatene. Nago
kanomoa agaye hisifa kefo kavaama ataleteno alu aotage kanoma maisiana Anumaya Kotia
Kanale aliyania aligane. huteno talo tala huno ani aliyatega atene.
22
Neyavemoya haya kava
huka age kahaye hisana kagu kagesa ohavika kakaveno huto. Maifalu ohuka fatago
kavakeya nehisanageya oniyaami omalenesia amakualeti nunamu nehisaya veamoyaene
Anumayamofena havitama tamakupi nemaletama tamafu tamakanafena tamahau
tamayamopafi nelama-hainagetama tamaipa falu yapi maisaya yafe tamaya mukiki hiho.
23
Naa nehuka havi amakesa haviya aifonafo ke huya ke nevaiya mo hu me hu kema nehaya
veanenena to okao. Ania augafa kefitila tu hisaya yana falote nehia yafena ago havimainane.
24
Anumayamo aliya anagamo-gatama kea ovaitama kanaleya hutama mainetama
veamogamina kanaleya hutama ali kayonea humatetama mailama hutama mainetama kanale
keage hamapaisae.
25
Ani kavama nehuya kekaama ohavisaya veamogamina ali kayone huka
kanale kaana amave-lisanagenoa Anumayamoa veamoyama havisaya yafena amakua alino
aiyahae hinageya kanale kelamage kea havisafi?
26
Satania agai kema akave malesae huno
amatafa huno hanagi malenea kalifumoa ago hategeno Anumaya Kotia alino kalu
hematesigeya ani veamogamina amakesamoma aihagalo hamaisigenoa kanaleya huya fatago
kate ugahae.
2 Timoti 2 Timoti
<<
22
>>
2 Timoti 2 Timoti
<<
33
>>
3
Atupa kanama falote hugahema hisigeya mukia veamoya tusia havi kavayaga
hugahae.
1
Ma yafe tamakesa havi havi hutama maiho. Yisasia egahema hisigenoa tusia kanaage
yayaga falote hugahie.
2
Ani kanafina maa hugahae. Veamoya amakaiamihekeya hamaugahie.
Mone alisaya yafe aluya huno hamaugahie. Amakaiami amaugafa aliya haiteya Ala vaya
mainone. huya hugahae. Anumaya Kotiene anagaamoyaenefena hu haviya humategahae.
Itaamo-afoamogami kea ali hipoya ohugahae. Nagoa yafena huya musena ohuya kefo
kavaage maiya hugahae.
3
Amakaiami anagaamimo-gamifena amakesa haviya oamamiya
kefo kavaamia aige-amateya atale oamateya kea aliya atifi mafi huya amakia hu haviya
hugahae. Amakaiami amaku amakesalela kava yagai lokiya ovaiya hamaye hu yana aupaa
akave nemaleya fatago kavafena ohamaugahie.
4
Havigu ke nehatageya anagamimo-gamifena
kame vayaamia hamapaigahae. Amakesa ohaviya aupaa kefo kavala nehuya tusiya huya
amaugafa alisaga nehuya tusiya huya hamayema hisia yafena havime havime nehaiyanagi
Anumayamofena nohamaiye.
5
Ani veamoya mage huya nehae Tagaya mono kea nehavune.
huya nehayanagi havigea amegati nehuya Anumaya Kotina tusia tokiya yamaa amakaveno
huteya aliya vai oayegahae. Ani kavaagema hisaya veanenena tokaeka omaika aluale maiyo.
6
Na kavama nehaya vayapitila nagoa vayamoya alu veamogami nopi haisageyahena ani nopi
anemogamina kanale amakesa omaleno afaa havigu amakesale maineya kefo kava nehuya
amatafama hayana kanaage nehamauno higeya maiyana alu kefo yaenefena amakesa
nehaviya anene ke hageya aupaa amakaya Tamage nehae. huya ani keamia ali hipoya hageya
ani vemoya ani anemo-gamina amatafa huya amaku amakesa ali haviya nehae.
7
Ani
anemoya mukia kea havigu afaa nehaviya kelamage kea neataleya aliya amakupina omalenae.
8
Omalageya ani havi vayamoya nayona Isipiti kotega tole kanolatana Yanesiagi
Yapalesigania humainaa augafa kava humainae. Ani kanolatana Mosesena aliana havi ya
huana anakaveno hutenaa augafa kava huya mani havi amakesa hanea vayamoya kelamage
kemona amakaveno huteya Anumayamofena amegati haviya amakupina omalageno
Anumayamoa ago ama-taleneane.
9
Amatalegeana nayoma Isipiti kotega kanolatana havi
auava kavala haageya anakelama humainaya augafa kava huya mani vayamo-gamina
amakelama nehuya Kefo kavaage maiya nehae. huya humatesageno aliyaamimoa ala
ohugahie.
Timotia Anumaya Koti kea atafa hulokiya vaisie.
10
Nagaya naa augafa kanoa omainogeka kagaya Timotiga mukiama humainoa kavala
ago age-mainane. Nagayama hamanepauva kene nemauva auavaene mukiamo-gamifema
nenahaiya yamona aepaaene Anumayamofe havina nagupi malena nametiti nehua yaene ago
age-mainane. Nagaya kanaleya huna mainena veala ako huna mailama huna veafena nahau
nayamopafi nenagea kavaene ago age-mainane.
11
Yisasi kema nehua yafene huya nagaila ali
haviya hu-natageno nagata aiyanagi mai lokiya vaina mainoa yana ago age-mainane. Atiyoku
kumateene Aikoniamu kumateene Lisitala kumateene nagaila aluya huya hu haviya
hunatayanagi Anumayamoa nagaila naya huno naugafa ali-gatigena ofalina mainoe.
12
Ofalina
afaa mainogi tamage mukia Yisasi Kalaisiene ali lokaeya fatago huya maisaya veamo-
gamitela hu haviya hulamatesaya yamoa falote hugahie.
13
Falote hugahigi kefo kavama
nehaya veanene vagala nehaya veanene tusiya huya havi kavala nagoene hugahagi Satania
aye-mavataga hisia yateti veala aye-mavataga vatagoa hugahae.
14
Hugahagi kagaya aniama
haya kavala ohuka kahapai-mainona veamogatina agoma tage-mainana yafena kava nehuka
agoma kave-ligekama havika kagupi maletafa humainana kemofena kagesa havilama huka
maiyo.
15
Osi nafane kanoama mainana kanafina Anumayamo avopima kae-malenaya kea
ago havimainane. Ani kemona havika Yisasi Kalaisifema havika kagupi malesanana kagaila
kagu kamena aligatigahie huya kae-malenaya kea kave-limainae.
16
Mukia Anumaya Koti
avopima kae-malenaya kemoa Anumaya Kotia agaia veaamona hamapaigeya kae-
malenayafe mukia mani kemoa kanaleya huno fatago kavala lave-nelino kefo kava hu yafene
huno ke nelama-kino kayagi-mainea yana ali fatago hutama vaiyesayafene huno kanale kaana
tave-nelie.
17
Tave-nelino Anumaya Koti aliyama nealisia kanomoa mani kea havino kanale
huteno fatago huno talo tala huno mukia kanale aliyana aligahie.
2 Timoti 2 Timoti
<<
33
>>
2 Timoti 2 Timoti
<<
44
>>
4
Timotiga tokiyaage huka Anumaya Koti kea huhaleka huo.
1
Yisasi Kalaisia fali-mainaya veanene afaa mainaya veanene kaiyekema hulatesia
yafeene Yisasia agaiama kava yagaigahema ikapinagati eteno elavisia yafeene Anumaya Koti
aufiene Yisasi Kalaisi aufiene tokiyaage ke huna kahanepauve.
2
Kanale kanafiene havi
kanafiene veamoya havisaya kanafiene ohavisaya kanafiene Anumayamo kea aluya huka
kaula ofaeka huge huge huka hamapaiyo. Maigayetama maiho. Kefo kavama nehaya
yamona anonaa aligahae. huka yuna kefiti vase huka hamapaiyo. Ani kavama hisana yafena
kasalo okahaenageka mailava huka maineka kanale kea huhaleka hamapaiyo.
3-4
Nagi
haenagaa veamoya kelamage kea ohavisaya amakesa haviya amakaveno huteteya amakaiami
hamaisia kema havisaya yafe amakesa haga neneya kasagoya vayayaga kanale ohunea kema
hamapaisaya yafe amavale-mainae. Aniama haya yafe menia kaula ofaeka aluya huka kanale
keage hamapaiyo. amakaiamima hamaisia kema hisaya vayate alu vayamo ke alu vayamo ke
haviya havigema haya amavagea havigahae.
5
Kagaya mukia kanafina kagu kagesale yagai
lokiya vaika maiyo. Kana yama kagaipi falote hisigeka mailava huka maiyo. Yisasina kanale
keama huhaleka hisana aliyana nealika mukia Anumaya Kotima kaminea aliyakaa mukia
alivayayo.
Poloa mage hie Menia ago faligahe nehue. huno humaine.
6
Kagaya age-mainane nagaya Anumayamo aliya nealuanagiya nahaesageno kolania
lavisigena ma mopa neatalena falina visua kania ago falote humaine.
7
Satanienena kanaleya
huna ago tua hu-malenoe. Anumaya Koti naminea katela ago naiyage naiyage huna evayima
huo hunoma humainelela ago evayi humainoe. Anumayamo aliya alina agai kema havina
nagupi malena nametiti humainoa yania oatalenoe.
8
Oatalenoa yafe Anumaya Kotia kanale
anona yania natene. Fatago huno kaiyeke hulatesia Anumayatimoa kaiyeke hulatesia
kanafina Fatago kano mainane. huno hunateteno aliyamaa ali-mainoafe kanale anona yania
namigahie. Ani anonaa nagainigela oaligahugi mukia veama Anumayamoa etenoma elavisia
yafe muse nehuya agava nemaiya veanene ani anonaa aligahune.
Timotia aupaa Polote esie.
9
Kaiyayeka nakaitega aupaa eno.
10
Nago kanomo agia Timasie ma mopafi yafe
haigeno nagaila nenataleno Tesalonaika kumate umaine. Nako kanomo agia Kalesenie
Kalesia kotega vigeno Taitasia ania huno Talamesi kotega nataleno umaine.
11
Nago kanomo
agia Lukue agaiage nagaienena maine. Makia kanaleya huno naya hugahigi kagaya avale-
lineka eno.
12
Nagaya Tikikusina ago hutogeno Efasusi kumate umaine.
13
Nagaya yasi
siotania Taloasi kumate Kapasi nopi atalena emainogi nealika avoniaene yagamo augafaleti
talo hu-malenea avofena aluya huno nenahaigi alika me namio.
14
Haesa kapale aliya nealia kanomo agia Alekasatae nagaila nagia alino haviya
hunateanagi Anumayamoa anima humainea kava huno agaila anona yamaa havi yana
amigahie.
15
Aluya hutama agaifena kaye ho. Tagayama humainona kehena tusiya huno hai
vai-mainea kano maine.
16
Ehema kaiyeke hunatageya nagoa veamoya naya hisaya yafe nagaienena hetiya
omaiya natalagena nagainige heti-mainoe. Nagaima nataleya ufuma humainaya yafena
Anumayamoa anonaamia havi yana oamamisie huna nunamupiti havinegoe.
17
Vayamoya
nagaila natalayanagi Anumayamoa naya huno nagaiene hetino tokiyaa namigena mukia Yuta
vea omainaya veamoya havilama huya havisaya yafene huna Anumayamo kea huhalena
hugeya ani kaiyekema hunataya vayamoya kaveage afua laiyonimoma hia kava huya naugafa
anitaga huya negahe hayanagi Anumaya Kotia naugafa aligati-maine.
18
Anumayamoa ani
kava huno mukia havi kava hugahe haya yapitilagi nagaila nau nevaino nagu namena
aligatiteno agaia ikapinaga kavama hu-mainelega navaleno nategahie. Ani yafe Anumayamo
agia alisaga nehuta agai agigeya agola alisaga hume hume haisune. Tamage.
19
Kagaya Palisilaene Akuilaene Onesifolasina agaila nomaafi mainaya anagaaene
nagainia hu falu fala kenia humato.
20
Nago nafanemo agia Elasatusie Kolini kumate
atalogeno mainegeno Talofimasia kali aligena Mailitusi kumate atalena emainoe.
21
Kagaya
havigu mainesanageno yasiage ikana evayi huyafenagi evayi ohunesigeka kaiyayeka ago
eno.
Mukia lafu-taganayaene Yupulusiene Putenisiene Linusiene Kolotiaene felugae huya hu
fulu fala hunegatae.
22
Nagi Anumayamoa kagaila kagu kagesafi maineno kayone hutama maisaya yana
tamamisie huna havinegoe.
2 Timoti 2 Timoti
<<
44
>>
Kea
3 Yoni
00
11
3 Yoni 3 Yoni
<<
00
>>
^
3 Yoni
Tiotalefesia kefo kava humaine.
Temitaliusia kanale auava kava humaine.
Yonia kava kanomoa Kaiyusina agegahe humaine.
3 Yoni 3 Yoni
<<
00
>>
3 Yoni 3 Yoni
<<
11
>>
3 Yoni
Yonia Yisasiene vaiyatete huno tuelufua (12) anagapi maineno Yisasifena ala avopi
kae-malene. Haenagaa kosuna leteno mani tagufa (3) avona kae-malene. Yisasia faliteno
hetino ikapinagama haigenoa Yonia sikisitia (60) kafu agava maineno mani 3 Yoni kea kae-
malene. Mani avona afuaganaa Kaiyusife huno kae-malene.
1
1
Nagaya Yoninae Yisasina amakuama aminaya veate kava vayatamamonae Kaiyusiga
nafunaganagae tamagelafa huna kagaifena nahau nayamopafi nenahaiye huna mani avona
negaove.
2
Nahau-mainea nafunaganaga kagaila kagu kamemoa kanaleya huno nemaiya kava
huka mukia kaugafaene aliyama alisana yamoene kanaleya hisie huna nunamuna nehue.
3
Nagoa tafutaganaya kagayama Anumaya Kotina kelamage keama akave malekama kama
vaiyana yafena Tamage huno fatago huno vai neaye. huya me nahapaigena havitena tusiya
huna musekasena hu negatoe.
4
Nafaneyaganimoya fatago huya vai yesayana tusia musekase
nehuanagi mani musema hua yamona nagola alu muse yama nehua yamona oagasene.
5
Nenahaiya nafunaga kanale kava nehuka katega oagenana kafukagana-gamina neageka
amayama hu-mainana kavala kanale kava hu-mainane.
6
Nagoama amaya hu-mainana
veamoya eteya mono nopi hetiya kagayama amakaima kayone humatenana kavafena me
lahapaigeta haviteta tusia musekaa hugi menia Anumaya Kotina haisia kava huka katema
visaya veala amaya huo.
7-8
Amakaya Yisasi kea hamapaigahe ayanagi Yisasi kema
ohavinaya vayapitila nagola monema oalinaya yafena tagaya aniama hu-mainaya vaya amaya
hinuta amakaiene tokaeta Anumaya Kotina kelamage kea ali lokaeta hamapai-mainone.
Tiotalefesia kefo kava humaine.
9
Nagaya nago kea ago kaena mono nopi vayate ago atalogeno umaineanagi nago
kanoa Tiotalefesia uhagoteno maisia yafe nehaigeno Yonini kea ohavine.
10
Ohavianagina
nagaya tamakaitega visuaamona ani kavama hia kavala mono nopima mainaya vaya mo
hamapaigahue. Nagaifena havige huno Havi kava nehie. huno nehuno ani kavaagela nohigi
tafuta-ganayama neayana amavaleno falu fala hu oamateno amatalegeya nagoa veamoya
amavaleyama falu fala humategahema nehayana Ania ohiho. huno nehuno mono nopitila
amavayu hu neamataleno nehie.
Temitaliusia kanale auava kava humaine.
11
Nenahaiya nafuna-ganaga kefo kavala akave omalo. Kanalema humainesia kavaage
akave malo. Kanale kavaage huge hugema nehaya veamoya Anumaya Kotina nafanea
mainagi kefo kavaage huge hugema nehaya veamoya Anumaya Kotina oagenae.
12
Mukia veamoya Temitaliusifena Kanale kano maine. huya hageno Anumaya Koti
kelamage kemoa Kanale kava nehie. huno higena nagaienena Kanale kava nehie. huna nehue.
Kagaya nagayama kelamage keage kanoma mainoa yafena ago havimainane.
Yonia kava kanomoa Kaiyusina agegahe humaine.
13-14
Nagaya kasagoya kea kaegahe huanagi ani kea nagoke omanafina okaegahue.
Kagaila aupa kanafi mo kagesugetaa kea kea hugahue.
15
Kaipamoa falu huno maisie. Male mainaya kafuka-ganaya kagaifena Felugae. huya
hu falu fala hu negatagena nagaya nalegama mainaya nafunagana-gamina ania huna Felugae.
huna hu neamatogi amahaote amahaote amaki ayeka hamapaiyo.
3 Yoni 3 Yoni
<<
11
>>
Kea
Aposolo
00
11
22
33
44
55
66
77
88
99
10 10
11 11
12 12
13 13
14 14
15 15
16 16
17 17
18 18
19 19
20 20
21 21
22 22
23 23
24 24
25 25
26 26
27 27
28 28
Aposolo Aposolo
<<
00
>>
^
Aposolo
Yisasia Alu Aotage Avamula tamamigahue. huno hulokiya vaino hamapai-maine.
Yisasia eteno ikapinaga haimaine.
Yutasi kuma alisie huya nago kanoa hapalitenae.
Alu Aotage Avamula amakaite elavi-maine.
Pitaa ke huhaleno humaine.
Tevitia Yisasima humainea kava huno ikapinaga haino omainegi mani kea agaiahena
ohunegi Kalaisife humaineane.
Pitaene Yoniene nago aiya haviya humainea kanomona aliana kanale hutenae.
Pitaa ala mono nopi maineno Yisasi kea hufalote humaine.
Pitagani Yoniganina kina hunatenae.
Pitagani Yoniganina kanisole vayate kaiyeke hunatenae.
Ananaiyasigani Safailagania Anumaya Koti aufina havige humainae.
Tokiya avame yayaga alu ya alu ya humainae.
Aposolo vayala amavaleya kina nopi amatenageno ensole kanomoa memavaleno
kumatega amatene.
Aposolo vayamoya kolia ohuya kanisole vayamogami amaufina kea hufalote
humainae.
Sevenia (7) vayafe Aposolo vaya amaya hiho huya humatenae.
Yuta vayamoya Sitivenina kaiyeke hutenae.
Sitivenia Kanisole vayamogami amaufi kea huno falote humaine.
Sitivenina yafa kayoteti hayageno fali-maine.
Soloa tusiya huno Yisasina amakuama aminaya veala alino haviya humatene.
Filipia Yisasina kanale mono kea nagoa Samelia kumate mo huhaleno humaine.
Saimonia tokiya avame ya talo nehia kanoe.
Filipia nagola Itiopia kotega kanomona Yisasina kanale mono kea hapai-maine.
Soloa Yisasite agua aiyahae humaine.
Soloa Tamasigusia Yisasifena kanale mono kea huhaleno humaine.
Yuta vayamoya Solona haeya faligahe hageno faleno umaine.
Soloa Yelusalemu umaine.
Pitaa Ainiasina kalia alino kanale hutene.
Tapitaa fali-mainegeno Pitaa alino hetitene.
Nago ensole kanomoa eno Koniliasina ke me-hapai-maine.
Pitaa himona kana ya age-maine.
Pitaa Koniliasi notega umaine.
Pitaa Koniliasi nopi Yisasi kea huhaleno humaine.
Isaleli vea omainaya veamoya Alu Aotage Avamula ali-mainae.
Pitaa Yelusalemu uno aliyamaahe hamapaimaine.
Atioku kumate veamoya Yisasi ke haviya amakupi maleya amametiti humainae.
Panapasiene Soloene hunatageana Yelusalemu elavi-mainae.
Helotia Yemesina haegeno faligeno Pitana nofi hutene.
Nago ensole kanomoa eno kina nopiti Pitana avalegeno umaine.
Helotia ago falimaine.
Panapasiene Soloene Anumayamo aliya alisaa yafe huyogiya hunatageana vaiye-
mainae.
Panapasigani Sologania Saipalusi kumate umainae.
Nagola Pisitia kotega hanea kumala Atioku kumate uana Yisasi kea hamapai-
mainae.
Pologani Panapasigania Aikoniamu uana Yisasi mono kea hamapai-mainae.
Poloene Panapasiene eteana Silia kotega hanea kumala Atioku kumate elavi-
mainae.
Kasagoya veamoya Yisasina amakua aminaya veamoya Yelusalemu melitalu
humainae.
Isaleli veane omainaya vayapiti Yisasina amakua aminaya veanefi mani avona kaeya
amaminae.
Poloene Panapasienena nagoke anaipalela omainae.
Timotia aepa heno Poloene Sailasiene tokaeya vaiye-mainae.
Poloa himonafi nago Masetonia kanoa age-maine.
Litiaa Anumayamote agua aiyahae humaine.
Poloene Sailasiene Filipai kumate nofi humainae.
Tesalonaika vayamoya Poloene Sailasiene hanaegahe humainae.
Pologani Sailasigania Pelia kumate uana Yisasi mono kea hamapai-mainae.
Poloa Atenisi kumate mono ke huhaleno humaine.
Poloa Kolini kumate Yisasi mono kea huhaleno humaine.
Poloa eteno Silia kotega hanea kumala Atioku umaine.
Apolosia Efesusi kumate mono ke huhaleno humaine.
Poloa Efesusi maineno Yoni kema nehaviya veamogamina Yisasi kea hamapai-
maine.
Sekeva ne nafaneyagamoya kefo avamu anati-talegahe humainae.
Efesusi veamoya Polona haesaya ke humainae.
Poloa Masetoniaene Kalikiene umaine.
Yutikusia asaga hulavino haegeno Poloa ali hetitene.
Poloa Taloasia neataleno Miletusi umaine.
Poloa Efesusi soka vayafe maiho huno hu falu fala humateteno agola amataleno
umaine.
Poloa tipi kalefi viaamo Yelusalemu ugahe humaine.
Sisalia kumategati nagola aune kanoa Agapusia Polona ke hapai-maine
Poloa Yelusalemu hai vayi humaine.
Kava vayamoya Polofe Ala mono nopi vuo. huya hapai-mainae.
Yuta vayamoya Polona mono nopi atafa humainae.
Lomu ati vayamoya Polona Yuta vayamogami amayapiti movaleya emainae.
Poloa agaia ametiti yamo aepaa hu falote huno hamapaimaine.
Poloa agaiama Yisasina agua aminea yamo aepaa hamapai-maine.
Anumayamoa Polona Yuta vea omainaya veapi mono kea mo huhalesiafene huno
hutene.
Poloa Nagaya Lomu kano mainoe. huno ati vayala hamapaimaine.
Poloa Yuta kanisole vayamogami amaulagale kaiyekea huhaleno humaine.
Yuta vayamoya ke huhayagiya Polona haesunageno faligahie. huya humainae.
Polona hutegeno ala kava kanoa Filikisitega umaine.
Yuta kava vayamoya Filikisi aule Polona kaiyeke hutenae.
Poloa Filikisitela kea huhaleno humaine.
Filikisia Polona tole kafu nofila hutene.
Poloa Ala Kamani kanoa Sisafe kenia havisie. huno ke humaine.
Fesatusia Polofe Yuta vayamogami ala sauve kanoamia Agalipana havige-maine.
Poloa agaima kaiyekema hutaya kea huhaleno Agalipana hapai-maine.
Poloa agaia Yisasina agua aiyahae huno aminea kea humaine.
Poloa agaiama Yisasi kema hamapaino vaiye-mainea kavafe Agalipana hapai-maine.
Poloa Agalipafe Anumayafena havika kagupi maleka kametiti huo. huno
hapaimaine.
Polona Lomu kumate visia tipi kalefi avaleya atenae.
Tusia yasimo hage lina ali haviya humaine.
Tipi kalea ago alino haviya humaine.
Poloa Malata kumate maine.
Poloa Lomu kumate uvayi humaine.
Poloa Lomu kumate Yisasi kanale mono kea huhaleno hamapai-maine.
Aposolo Aposolo
<<
00
>>
Aposolo Aposolo
<<
11
>>
Aposolo
Alu Aotage Avamumoa amaya higeya Aposolo vayala alimainaya aliyafe Lukua kae-
malene. Lukua hagoteno Yisasife avona kae-malenegeno Yisasia faliteno hetino ikapinaga
haitekeno Lukua fotia (40) kafu agava maineno mani avona kaemalene. Aposolo vayamoya
(Yisasi kema nehavigeno humatenea vayamoya) Yisasina kanale kea aliya alu kote kotega
vayamogamina mo hamapai-mainae. Pitana aliyamaa Sapta 1 leti 12 le hane. Polo aliyamoa
Sapta 13 leti 18 le hanegi hapalika havio.
1
Yisasia Alu Aotage Avamula tamamigahue. huno hulokiya vaino hamapai-maine.
1-2
Tiofilasigae hagotena kaemalenoa autamafina Yisasima aepa heno ali-mainea
aliyaene humaveli-mainea kene Anumaya Kotina Alu Aotage Avamumo tokiyaleti Naa maa
kava hiho. huno Aposolo vayala (agai kema nehavigeno humatenea vayala) hamapaiteno
ikapinaga haimainea yafeene ago kaena kahapai-mainoe.
3
Yisasia tusia augafa agataiya alino
faliteno hetino Aposolo vayamogami amaulagale efalote huno fali-mainefitima hetino mainea
yafena havise huno kasagoya tokiya kavaage humaine. Fotia (40) yupa mopafina maineno
efalote huno amaveliteno amataleno uteno eteno efalote huno Anumaya Kotima kava
yagaisia yafena hamapai-maine.
4-5
Amakaienema mainea kanafina mage huno hamapai-
maine Tamakaya Yelusalemu kumala ataletama oviho. Nenafama Nago kanoa
tamamigahue. hunoma humainea kanoa avaletetama viho. Nagaya ani kanohena ago
tamahapai-mainoane. Yonia titeti falelamateneanagi tamakaya aupa kana kanoa maisayana
Nenafana Alu Aotage Avamuamoteti falelamategahie. huno humaine.
Yisasia eteno ikapinaga haimaine.
6
Ani yupa Aposolo anagamoya alitalu huya maineya Yisasifena mage huya havinegae
Alatimogae menia ma kanafina Lomu kamani vayamogami amayapitila Isaleli vayamogati
hafaleka kagaikaa kava yagailatesanageno tokiyaage hisifi? huya havinegae.
7
Havigageno
Yisasia mage huno hie Nenafaa agaia tokiyaleti Ma kanaene mukia kanafiene maa kava
hugahue. huno huteno yagai-mainegi agayama hisia yana tamakaya havisaya yana omalene.
8
Omalenegi Anumaya Kotina Alu Aotage Avamuamoma tamakaitema esiana tokiyaa
tamamisigetama nagai kea Yelusalemuene mukia Yutia kotegaene Samelia kotegaene mukia
ma mopamo atupale mainaya veanenena nagaifena hamapaigahae. huno humaine. Yisasia
ikapinaga haimaine.
9
Mani kea huno hano huteno ageya mainageno mopaleti haino haino
haigeno nako siamoa melino aiso hulino avaleno haimaine.
10
Haigeya amakaya ikapinaga
agesaga huya ageya maiya anayufi tole kanolatana efeage kena failiana efalote huana
amakaiene anile heti-mainae.
11
Hetiana mage huana hae Kalili kumate veamogatama naa
higetama heti-mainetama ikatela aulula maitama nehae? Yisasia tamataleno ikapinaga ago
haiyanagi manima ikapinaga haiya avamete huno eteno elavisigetama agegahae. huana
hamapai-mainae.
Yutasi kuma alisie huya nago kanoa hapalitenae.
12
Amakaya Olivi yosa hanea agoyaleti taviteya aupaale lagiya vani kilomita vayaamoya
Yelusalemua uvayi humainae.
13
Uvayi huteya nemaiya nona folamo huya ana yapi kimale
nopi haiya mainae. Haiya mainaya vayamogami amakia Pitae Yonie Yemesie Etalue Filipie
Tomasie Patolomiue Matiue Alafiusi nafanea Yemesie Saimonie kanomona nako agia
Selotie Yutasia Yemesi nafanene haiya mainae.
14
Ani vayaene aneyagaene Maliaa Yisasina
itaamoene Yisasina aganaamoyaene nagoke amaku amakesale maineya mukia yupa
Anumayamotega muse huya nunamu humainae.
15
Ani kanafina Yisasifema haviya amakupi
maleya amametiti humainaya veala, vani hataleti tuetia (120) veane, mainageno Pitaa amakai
amunopi heti-maineno mage huno humaine.
16
Nafunaganagatama Anumaya Kotina Alu
Aotage Avamuamoa Teviti avayafiti hufalote huno nayona Yutasife humaine. Yisasima atafa
hisaya kama amavelisia kanohe, aune laga humaine. Ani kemoa ago falote huno tamage
humaine.
17
Ani kanoa, Yutasie, Yisasienema tokaeta nemauna anagapi maineno Yisasi kea
nehavigeno aliyatela hutenea kano maine.
18
Ani kanoa, Yutasie, kefo yama hia yamo anonaa
mone aliteno mopa miya humaleteno ani mopafi agoya faigeno aipamoa aitalaga higeno
mukia aipamoa helafi lavi-maine.
19
Helafi lavigeya mukia Yelusalemuma mainaya veamoya
ani kea haviteya ani mopamo agia amakaiami kefina Akelatama. huya humainae. Tagai
kefina ani agia Kolama lavi-mainea kumale. huya humainae.
20
Tevitima yagamema
humainea autamafina, Samupina, mage huno kae-maleneane
Agaiama nemaiya kumala vaya omaino yu kuma hapaesie.
huno kae-maleneane. Ani kemoa nago kaiyaga mage huno humaineane
Alu kanomoa agai aliyatela alisie. huno humaineane.
21-22
Ani yafe nago kanomoma Yonia tima falematenea kanaleti aepa heno Anumayatia
Yisasiene tagaienema vaiyatete huno huno egenoma Yisasia ikapinaga haimainea yupa
tagaienema nemaiya vayapiti nago kanoa Yisasima fali-mainefitima heti-mainea kema
hamapaisiafe ani aliyatela alita hetitesune. huno Pitaa humaine.
23
Higeya amakaya tole
kanolafe Anakayae. huya hageana nago kanoa, Yosefe Pasapasie kanomona, nago agia
Yasatusie, nago kanoa Matiasie huya anakia ayemainae.
24-25
Ayeteya Anumayamotega mage
huya havinegae Anumayamoga kagaya mukia vayamogami amakuafina ago age-mainane.
Yutasima haiya kavama huteno tataleno havi kapi umainea yafe anonaale alu kanomoa
hetino Aposolo kano maisie huta nehune. Kagaya ani kanolatapitila hana kano ago hapalika
huneatane? Huneatana kanoa tavelio. huya havinegae.
26
Nunamuna huteya anakia aote yate
kaeteya yopafi maleneya nagoke avayu huya agayana Matiasi agi avayu huteya ani kanoa
avaleya hetitageno Aposolo vayapi maine.
Aposolo Aposolo
<<
11
>>
Aposolo Aposolo
<<
22
>>
2
Alu Aotage Avamula amakaite elavi-maine.
1
Yisasia ago falitegeya sevenia (7) sota maiteya vitimo afulea kanahe muse haya imu
kiya kanafina mukia Yisasi veala nago nopi alitalu huya mainae.
2
Mainageno aupaa
ikapinagati ala age neaino ala yasimoma huhu huhu nehia kava huno age neaino anima
mainaya nopina me hiya humaine.
3
Hiya higeya agayana atamo anefe kana yamoa hamaote
hamaote amaugafale mo kamaemaine.
4
Mo kamae-mainegeno Alu Aotage Avamumoa eno
mukiamogami amakupina me hiya higeya amakaya aepa heya Alu Aotage Avamumo
hamapaigeya amaku amakesafiti nohaviya kea alu ke alu ke humainae.
5
Nehageya ani yupa
kasagoya Anumaya Koti kema nehaviya Yuta vayayaga mukia kotegati eya Yelusalemu
melitalu humainae.
6
Ani vayamoya ikapinagatima ala agegefa aigeya haviteya melitalu huya
haviyana ani nopima mainaya veamoya alu ke alu ke maiya nehageya alu kotegatima
emainaya veamoya mage hae Nagai ke nehie. Nagai ke nehie. huya tusia amamayo
aimainae.
7-8
Amamayo neaiya amakesa havi havi huya mage hae Mani kema nehaya
vayamoya Kalili vaya mainayanagi hanaa huya tagaiti itatimoya nelafaya nehageta nehavuna
kefitila hageta nehavune.
9-11
Tagaya ma kumayagaleti emainone Patiaene Mitiaene Elamiene
Mesopotemiaene Yutiaene Kapatosiene Potusiene Esiaene Filigiaene Pamafiliaene Isipiene
Sailinia aupaale Lipia kotegatiene Lomuene Kalitiene Alepiaene naa kotegati emainonagi
Yuta vayaene Yuta vayamogami Anumaya Kotiamimo ke havilinaya vayaene emainonagi
tahaote tahaote ketifiti Anumaya Koti tokiyaleti humainea kavafe tahapai-mainae. huya hae.
12-13
Hageya mukia veamoya tusia amamayo neaiya tusia amakesa nehaviya nagoa veamoya
mage huya hae Ani kavamona aepaa naane? huya hayanagi nagoa veamoya havigu ke
nehuya mage hae Amakaya havilina vaini nofi alagamo timaa neteya aneginagi nehae. huya
humainae.
Pitaa ke huhaleno humaine.
14
Pitaa alevenia (11) Aposolo vayaene heti-maineno ala kefiti mage huno humaine Yuta
nafunaganagatamaene Yelusalemuma mainaya veanene nago ke tamahapaigahugi haviho.
15
Tamakaya tamakesa haviyana mani veamoya havilina vaini li neya aneginagi nehae hutama
nehafi? Aao menia natekefa naeni kiloki nehigi havilina onenae.
16
Onenagi menima agaya
yafena nayona Anumaya Koti aune kanomoa Yoelima humainea kemoa mage huno
humaineane.
17
Anumaya Kotia mage huno humaine Mani kanamoa aupaama hano hugahema hisia
kanafina nagaya Alu Aotage Avamunimona mukia veanemogamina amamigahue.
Amamisugeya tamakai nafanemoene munanemoene Anumayamo avayafiti
hamapai-mainea kea hisageya neyavetamimoya himona kana yayaga feluga
neagesageya kosunatamimoya himona agegahae.
18
He, nagaya Alu Aotage
Avamula aliya veanimogamina vene anene amamisugeya Anumayamo avayafitima
hamapai-mainea kea tamahapaigahae.
19
Nagaya ikateene ma mopafiene tokiya
avameyama hisua yana kolaene ataene halinaene tamaveligahue.
20
Tamavelitesugeno yagemoa ayesu hinageno ikamoa kolamaage hisigeno
Anumayamoma esia kanafina tusia tokiyaaene hale yamaaene efalote hugahie.
21
Efalotema hinageya mukia veamoya Anumayamo agi neayeya Kalagi ailato.
huya nehisageno Anumaya Kotia amaku amamena aligatigahie. huno kae-
maleneane.
22
Isaleli vayamogatama nago kea tamahapaigahugi haviho Nasaleti Yisasie, Anumaya
Kotitegati emainea kano maine. hutama havisaya yafe Anumaya Kotia aya higeno tusia
tokiya avame yana tamakaipina ago ali falote higetama age-mainae.
23
Agayanagi Anumaya
Kotia nayona havino Naa maa hugahue. huno haya kimaleteno tamayapi ategetama
Anumaya Kotia hutenea kava hutama ani kanoa, Yisasina, kefo vayaene yafaga yosalela nilia
hetama asaitetama hayageno fali-maine.
24
Falimaineanagi falimainea yamoa atafa huno
atakalo ohune. Anumaya Kotia anima agata yama alino falimainea yapitila kalu heno ali
hetitene.
25
Nayona Tevitia Yisasima falimainesifitima alino heti-tesia yafena mage huno
humaineane
Mukia kanafina Anumayaniamoa nagaiene maineno tamaga nayategama mainea yafena
kolia ohugahue.
26
Nagaienema nemaiya yafena nagu nafanemoa tusia muse
nehigena agia alisaga nehue. Yoka falitena hetigahue huna nametitia nehue.
27
Anumaya Kotigae Alu aotage kanoe. huka hunatenana kanomonia naugafa
kasalisia yafe fali-mainaya veane mainaya kumatela natalesanagena ovisua yafe
nametitia nehue.
28
Kagaya agola maige maige hisua kana ago navelinagena age-
mainoafe kagaienema maisua yafena aluya huna musena hugahue. Teviti mani
kea humaineane.
29
Pitaa nagoene mage hie Nenafugatama hufalote huna tamahapaisue taginagomoa Tevitia
ago faligeya hevaitenae. Hevaitenaya komua tagai amunopi hanegi akaiahe mani kea
ohuneane.
30-31
Ohunegi Anumaya Kotia agaife mage huno hulokiya vaino kea humaineane
Kagai kaginagomopiti nago kanomoa hetino eteno kagai kumate veanea kava
yagaimategahie. huno humaineane. Humaineanagi Tevitia Anumaya Koti aune kano
maineanagino Kalaisia, Anumaya Kotima taugafa aligatigahe hutenea kanoa, fali-mainefiti
hetigahie huno aune laga huno mage huno humaine. Kalaisife Augafaa kasalisia yafe fali-
mainaya veane nemaiya kumatela oategane. huno humaineane.
32
Ani kanoa, Yisasina,
Anumaya Kotia fali-mainefiti eteno ago alino hetitegeta age-mainona yafe tamahanepaune.
33
Anumaya Kotia ali hetiteno avalesaga huno agaia tamaga aya kaiyagaa uhagote mainaya
vaya mainalega ateteno Tamamigahue. hunoma humainea kanoa, Alu Aotage Avamua,
amigeno aliteno Yisasia ani Alu Aotage Avamula eteno lamigeta mani kavala hunagetama
neagae.
34-35
Tevitia mage huno humaineane Anumaya Kotia Anumayaniamofena mage huno
humaine Tamaga nayatega uhagote mainaya vaya mainalega mopale emainesanagena kame
vayakaa kaiyafi amatesugeya ani kame vayamoya kagaifena ago tagasane. huya hugahae.
huno humaineane.
Tevitia Yisasima humainea kava huno ikapinaga haino omainegi mani kea
agaiahena ohunegi Kalaisife humaineane.
36
Ani yafe Isaleli vayamogata havilama huta havisune. Ani Yisasina tamakayama
yafaga yosalela nilia hetama asai-malenaya kanomofe Anumaya Kotia mage huno humaine
Ani kanomoa Anumaya maineanagi nagaya hutogeno emainea kano maine. huno
humaine. huno nehie. Kasagoya ve amoya amakua aiyahae hageya tina falematenae.
37
Pitama hia kemoa amakupi ayegeya haviteya Pitaene nagoa Aposolo vayaenefe mage
huya hae Nelafugatama menia hanaa hisune? huya hae.
38
Hageno Pitaa mage huno hie
Tamakaya mukiamogatama tamakua aiyahae hutama egeta Yisasi Kalaisi agile tina
falelamatano. Aniama hisagenoa Anumaya Kotia aigetamateno kefo yatamia atalelamateno
Alu Aotage Avamula tamamigahie.
39
Tamamigahue. huno humainea kea tamakaife nehigi
tamakayaene nafanetamiene Yuta vea omainaya veanenefe mani kea huno mukia Anumaya
Kotia kema humatesia veamogamife Tamamigahue. humaineane. huno Pita mani kea
humaine.
40
Pitaa mani kea nehuno alu ke alu ke huno kanaye kanaye huno mage huno hie
Meni kanafima mainaya veamoya tusia kefo kava maiya nehagi havigu tamakaya kefo kava
huyafenagi atalegeno Anumaya Kotia tamaku tamamena aligatino. huno humaine.
41
Higeya
nagoa veamoya tali tausenia (3,000) veamoya mani kea haviteya aliya amakupi maleya
amametiti hageya ani yupa lina falematenae. Yisasife amakupi nemalaya veamoya tokaeya
kanale kava nehae.
42
Lina falematageya amakaya mukia yupa nago amaku amakesa haviya
Aposolo vayamogami kea haviya hameya maya kofa huya nete nete nehuya
Anumayamotega muse huya nunamuna nehae.
43
Nehageya mukia veamoya tusia amamayo
neaigeya Aposolo vayamoya kasagoya tokiya avame yana nehae.
44
Mukia Yisasi kema
haviya amakupi maleya amametitima humainaya veamoya nagoke amaku amakesa haviya
mukia yayagaamihena Nagainige yane. huya ohunagi Mukia yana lagaiti ya hane. huya
nehae.
45
Mopaene afenoyaamienema hanea veamoya atalageno alu kanomoa miya higeya
monea aliteya fako hute hute huya kaveamima omalenea veala amaminae.
46-47
Mukia
kanafina nagoke amaku amakesa haviya ala mono nopina neuya alu nopina alu nopina uya
hameya maya kofa huya kaveene nete nete nehuya muse huya Anumaya Koti agia alisaga
nehageya mukia veanemoya ageteya Kanale kava nehae. huya nehageno Anumayamoa
nago kanafina nago kanafina nagoa veanea amaku amamena aligatiteno Nagai ke nehaviya
veaene maiho. huno humatene.
Aposolo Aposolo
<<
22
>>
Aposolo Aposolo
<<
33
>>
3
Pitaene Yoniene nago aiya haviya humainea kanomona aliana kanale hutenae.
1
Nago yupa une kanalega tali (3) kiloki Pitaene Yoniene nunamu hisaya kanamoa aupa
higeana ala mono notega umainae.
2
Nevaageya vayamoya nagola kali kanoa, atenelegati
aiyamoa haviya humainea kanoa, avaleya emainae. Mukia kanafina anima aiyama haviya
humainea kanomoa ala mono nomo fiate mopale nemaiyane. Ani fiamo agia koganali fiane
huya agia neayaya fiate maineno ala mono nopima vaya veafena Monea namiho. huno
ayana haya hulineno aukaya nehia kanoe.
3
Ani kanomoa ageana Pitaene Yoniene ala mono
nopi haigahe nehaageno Monea namitetanao. huno aukaya hunatene.
4
Hunategeana
Pitaene Yoniene tokiyaage aulu hemaineana Pitaa mage hie Taagaila taago. huno humaine.
5-7
Higeno ani kanomoa Nago ya namigahe nehae. huno anakaila anakeke huno anake-
mainegeno Pitaa mage huno hie Monenia omalegi nagaipima hanea yana kamigahue
Nasaleti Yisasi Kalaisi agile kahanepauve hetika ute ete huo. huno nehuno tamaga ayate
alino hetitegeno aupaa aiyamoene aleyamoene kanale hutegeno tokiya hau-maine.
8
Tokiyaage hautegeno hetino ute ete nehuno anakaiene ala mono nopinaga nehaino haite
asaga hulavite nehuno Anumaya Koti agia alisaga hume hume nehaiye.
9-10
Anumaya Koti
agia alisaga huno haigeya mukia veamoya agayana higeya Vae mani kanoa mukia yupa ala
mono nomona koganali fiate maineno aukaya nehia kanogi. huya nehuya alino kanalema
hutenea yafena tusia amamayo aimainae.
Pitaa ala mono nopi maineno Yisasi kea hufalote humaine.
11
Veamoya amamayo neaigeno ani kanomoa Pitaene Yoniene anatafa huno
ananukigeya mukia veamoya ala mono nomo haupale yasi alisia ya ayekalo humalenea
nomo, agia Solomoni none huya nehaya yate, amakaitega umainae.
12
Vageno Pitaa ageteno
mage huno humaine Isaleli kumate vayamogatama naa higetama atali talua nehae? Taagaya
taagaitia tokiyaletiene fatago humainoa auava yatetiene ani kanoa alitaa kanale hutoageno ute
ete nehie hutama taagaila taageneasagalifi?
13
Aao. Taginagomogami Anumaya Kotia,
Apalahamuene Aisakiene Yekopuene Anumaya Kotiamimoa, agaia aliya kanoamona, Yisasi,
tokiya hale ya amigahe ani kanomona alino kanale hutenegi tamakaya ani Yisasina avaletama
kame vayamogami amayapi atageno Pailatia Yisasife Afaa atalegahue. huno nehiana
tamakaya Pailati aulagafi Tagai kava kanoa omaigi agaya falisie. hutama tamakaveno
hutenae.
14-15
Alu aotage kanoa fatago kavaage nehia kanomona tamakaveno huneatetama
vayama hamaeno fali neamatea kanohe Atalegeno eno. hutetama mukia veamogami
hamaimumona aepaa mainea kanomona hayageno falianagi Anumaya Kotia fali-mainefiti
alino hetitegetaa ago agetetaa mani kea tamahanepaue.
16
Yisasia kanale hulaatesia tokiya
hane. hutaa taagupi malenoa yafe manima neagaya kanomona ago kanale hutetegeno
aiyamoa tokiya vaimaine. Yisasia kanale hutesia tokiyaa hane. hutaa taagupi malenoa yateti
tamakai tamaulagafi ago kanale hutegeno kanale huno maine.
17
Tamage nenafugatama
nagaya havuana tamakai kava vayatamimoyaene Yisasima emainea aepaaene havilama
ohunetama Yisasina hae-mainae.
18
Hae-mainaya yafe Anumaya Koti aune vayamogami
amavayafitima humainaya kea mage humainayane Nagaya tamaugafa aligatigahe hutenoa
kanomoa tusia agataya aliteno faligahie. huya humainaya kemoa efalote huno tamage
humaine.
19
Ani yafe kefo yatamia neataletama tamakua aiyahae hisageno Anumaya Kotia
kefo yatamia aye hami-talegahie.
20
Aye hamiteno agaialegati kanalema humatesia yana
nelamamino Yisasina tamakaifema tamaugafa aligatigahie huno hutenea kanoa eteno
tamakaitega hutenageno egahie.
21
Hutegahianagi meni kanafina Yisasia ikapinaga maineno
Anumaya Kotima mukia yana eteno haegafa yamaage talo hisia yafe agava-maine. Mukia
Anumaya Kotima nayoma mainaya amaune vayamoya humainaya kemoa efalote huno
tamage humaineafe Yisasia eteno egahie.
22
Mosesea mage huno kaemaleneane Anumaya
Kotia tamakaipiti nagola aune laga hisia kanoa nagayama huaya huno hisia kanoa ali
hetitegahie. Hetitetenagenoma agayama hisia kea haviho.
23
Ani aune kanomo kema
ohavisaya veamogamina Anumaya Kotia hamaeno fali hano hinageya Isaleli veapina
omaigahae. huno humaineane.
24
Mukia Anumaya Koti amaune vayamoya Samueliene agai
akavelegatima falote humainaya amaune vayayagaene menima mainona kanahe haviya kae-
malenayane.
25
Tamakaya Anumaya Koti amaune laga nehaya vayamogami
amakinagomogatama mainae. Anumaya Kotima Apalahamufe hulokiya vaino alino hagelafi
lamatenea kea huno tamakaienefe mani kea humaine. Anima hulokiya vaimalenea kemoa
mage huno humaineane Nago tamakinagomoa esiana mukia ma mopafi veamogamina
kanale manua amamigahie. huno humaineane.
26
Mukia manima humainaya kemoa falote
huno tamage hisia yafe Anumaya Kotia agaia aliya nafaneamona alino hetitegetama
tamakaya kefo yatamihe tamakua aiyahae hisageno tamaya huno kanale manua tamamisia
yafe hagoteno tamakaitela hutegeno emaine. Pitaa mage huno humaine.
Aposolo Aposolo
<<
33
>>
Aposolo Aposolo
<<
44
>>
4
Pitagani Yoniganina kina hunatenae.
1-2
Pitagani Yonigani yaufa mani kea hama-nepaiageya mono note kava vayaene mono
note ati kava kanoene nagoa Satiusi vayaene eya menakayana anakayama Yisasima fali-
mainefitila ago ali hetiteneanagino mukia veanea ania huya fali-mainesafitila eteya hetigahae.
huana hamapaia yafe amaipa haviya nehae.
3
Amaipa haviya huteya anatafa hagi Ago une
kianagita ega kaiyekea hunategahune. huya kina nopi anavaleya monatenae.
4
Monatayanagi
kasagoya veanemoya anakai kea haviteya amakupi maleya amametiti nehae. Faefu tausenia
(5,000) veamoya Yisasima hulatenea yafena haviya amakupi maleya amametitia nehae.
Pitagani Yoniganina kanisole vayate kaiyeke hunatenae.
5-6
Faeteya koma neliana kava vayaene vayatamaene kahegi kema havilinaya anagaene
Anasia ala mono note hagote kava kanomoene agaia anagaene Kaiyafasiene Yoniene
Alekasataene mukiamoya Yelusalemu alitalu humainae.
7
Alitalu huteya ani kanolatana
anavaleya amaufi hetinateneya mage huya hanavigae Tanakaya hanaa agimo tokiyaleti mani
kavala humainae? huya hanavigae.
8
Hana-vigageno Alu Aotage Avamumoa Pitana agupina
hiya higeno mage huno humaine Kava vayamogatamaene vayatamaene haviho.
9
Mani
aiyamoa haviya humainea kanomona ali falu hutetana alitana kanale hutenae kea havisune
hutama kaiyekea hulaatetama na yateti mani kava nehae hutama taahavi-negapi?
10
Taa-
havigayanagi mukiamogatamaene mukia Isaleli veamoyaene haviho. Nasaleti Yisasi Kalaisi
agimoa manima tamaufima heti-mainea kanomona alino kanale hutene. Ani Yisasina
tamakaya yafaga yosale nilia hetama asaigeno fali-maineanagi Anumaya Kotia fali-mainefiti
ago ali hetitene.
11
Anumaya Koti kemoa autamafina mage huno humaine
Tamakaya yafa noma kiyana nago yafafena Haviya hie. hutama atalayanagi menia ani
yafamoa tusia kanale yafane nomo ayetagenale ago malenae. huno humaineane.
Ani yafana Yisasife humaine.
12
Ani kanomoa agaiage tagu tamena aligatigahie. Mukia
mopafi veapitila nago kanomo agileti tagu tamena aliokatigahigi Yisasina agaiage agileti tagu
tamena aligatigahie huno humaine.
13
Pitagani Yonigania tokiyaage ke haageya haviteya mage
hae Vae mani kanolatana afa kanolata maineana avo nopina ounaa kanolanagi hanaa huana
tusia kanale kea nehae? huya amakesa havi havi nehuya Vae mani kanolatana Yisasiene
nemaia kanolatane. huya humainae.
14
Hayanagi aliana kanalema hutenaa kanoa anakaiene
heti-mainegeya agaya yafe nagoa havige havagea huoanatenae.
15
Kanisole vaya nopitila
ataletana vio. huya hunateteya amakaiamifi kea huge havige humainae.
16
Mage huya hae
Ani tole kanolatana hanaa hunatesune? Mama tokiya avame yana haageya mukia
Yelusalemu nemaiya veamoya ago age-mainagi hanaa huta ali fala-kisune?
17
Havigu mani
kemoa alu kote kotega ute ete huyafenagi aluya huta Nagoene mani agia oayeo. huta
kahegi-natesune. huya humainae.
18
Anakaife ke hageana aageya mage huya anaumonola
malenae Yisasifena nagoene veamogamina hamapaitana humaveotio. huya hae.
19
Hageana Pitaene Yoniene kenonaamia mage hae Na tamakesa nehaviye Anumaya Koti
aulagafi mainoagi ta kele akavela malesue? Tamakai kelepi Anumaya Koti kelele hutama
nehafi na tamakesa nehaviye? Tamakaitami fako hutama haviho.
20
Taagaya Yisasima
humainea kavala agetaa havimainoa kavayaga fala okigahue. huana nehae.
21
Haageya
anaikolisaya amakesa haviyanagi mukia veamoya humainaa kavala ageteya Anumaya Koti
agi alisaga nehageya mage hae Anaiko-lisunana veamoya kelama-kigahae. huya nagoene
anaumonola maleteya anatalageana umainae.
22
Anima aiyama haviya humainea kanoma
aliana kanale hutenaa kanomona kafua fotia (40) kafu humainea kanogiya Anumaya Koti agi
alisaga humainae. Yisasife amakupi malenaya veamoya tokiya vaiya Yisasi kema hufalote
hisaya yafe Anumayamotega havige-mainae.
23
Anatalageana anagaanimoya mainalega
uteana mukia ala mono note ala kava vayayagaene vayatamaene hanapaiya kea mo hamapai-
mainae.
24
Mo hamapaiageya haviteya nagoke amakesa haviya Anumayamotega ke huya
mage huya havige-mainae Kava yagai Anumayatimogae mopaene ikaene hage liene mukia
anifima hanea yayagaene talo humalenana kanomogae.
25-26
Kagaya kagai aliya kanoa,
tototimoa Tevitima avayafiti Alu Aotage Avamukaletila mage huka humainanane
Naa higeya Isaleli nofima omainaya veamoya Anumaya Kotiene tu hugahune. huya
havigu ke huya amaipa kafa hemainae? Ma mopafi kava vayaene vayatamaene
Anumayamofeene agaia tagu tamemaa aligatigahe hutenea kanomofeene amaipa
haviya nehuya kea nevaiye? huno humaineane.
27
Mamona kelamage. Mani kumate alu aotage aliya kanokaa kagaikaa taugafa aligatigahema
hutenana kanomona kame hutesaya yafe Helotiene Potiasi Pailatiene Yuta vea omainaya
vayayagaene Isaleli vayaene alitalu huya mainae.
28
Kagayama nayoma huka Naa maa
hugahae. hukama havimainana kagesa ania hugahe alitalu humainae.
29
Menia
Anumayatimoga manima tagaifema hamae vainelateya hu kolima latesaya kema haya kea
nehavika tahamao. Tagaya kagai aliya vaya mainonagi kagaya tahamaegeta kolia ohuta kagai
kea tokiyaage huta hamapaisune huta kahavinegone.
30
Kayana maleka kali veala alika kanale
huneamateka kagaikaa alu aotage nafanekamo agile tokiya avame yama hisuna tokiyakaa
lamio. huya Anumayamotega havinegae.
31
Havigageno Anumaya Kotia amakayama
mainaya nona alino kosi kosi hutegeno Alu Aotage Avamumoa amakupina me hiya
humainegeya Anumaya Koti kema tokiyaage huya hamapaisaya yafena kolia ohunae. Mukia
Yisasina amakuama aminaya veamoya nagoke amaipale maineya amaipa oami aami huya
mainae.
32
Mukia Yisasi kema haviya amakuama aminaya veamoya nagoke amaku amakesale
maineya nago kanomoa agaiage yafena ageteno Nagainige yane. huno ohunegi Mukia
yana tagaiti yamaage hane. huya humainae.
33
Hageno tusia tokiyaa amamigeya Aposolo
vayamoya Yisasia fali-mainefitila ago heti-maine. huya hamanepaigeno Anumaya Kotia
kayone hisaya yana neamamino amaya humaine.
34-35
Amaya higeya amakai amunoamifina
kavefena kafua ohu veane maineya mopaamia hanea veanene noamia hanea veanene Alu
kanomo miya hisie. huya hageya monea amamigeya aliya Aposolo vayamogamina
momamigeya kaveamima omalenea veamogamina amaya huya amamite amamite humainae.
36-37
Nago kanoa Yosefee, nago agia Aposolo vayamoya mage huya malenae Panapasie
huya malenae. Ani agimoa tagai kefina mage hie Amaipa falu hisia ke nehia kanoe. Ani
kanomoa Livai nofi kano maine. Saipalusi kumateti kanomoa agaia mopa alu kano amigeno
monea eteno amigeno ani monea alino Aposolo vaya me neamamiane.
Aposolo Aposolo
<<
44
>>
Aposolo Aposolo
<<
55
>>
5
Ananaiyasigani Safailagania Anumaya Koti aufina havige humainae.
1
Nago kanoa Ananaiyasie aamo agia Safailae ani alavelatamogania nago mopaania alu
kano neamiana mone ali-mainae.
2
Aliteana Ananaiyasia kesi nagoa monea agaia alino fala-
kigeno aamoa anima alia monea ago age-maine. Ananaiyasia nagoa monea alino Aposolo
vaya momamine.
3
Amamianagi Pitaa agaifena mage hie Ananaiyasigae Satania kefo kagu
kagesa kamigeka kagaya Mukia monea mama hane. huka nehanagi nagoa monea ali fala-
negika Alu Aotage Avamumofena havige huka ayevataga nehane.
4
Mani mopa kagaika
mopagika Alu kanomo alisie. huka monea nealika ania huka kagaika monegi naa higeka
Havigea huna ayevataga hugahue. huka kagu kagesafinaga nehane? Vayamona ayevataga
ohunanagi Anumaya Koti ayevataga humainane. huno nehie.
5-6
Higeno Ananaiyasia ani kea
haviteno ailakatino fali-maine. Faligeya neyavemoya nago kena moliya haya kiteteya aliya
komufi mo hevaitenae. Hevaitetageya ani kanoma fali-mainea kea mukia veamoya haviteya
tusia lagi tagiya amake-mainae.
7-8
Haenagaa talia (3) aova hanoma nehiana aamoa ani fali-
mainea kea ohavino egeno Pitaa agaife mage hie Manima hanea monea mopaletila hai ani
kanoa ali-mainao? huno higeno Tamage ani kanoa al-imainoe. huno humaine.
9
Higeno
Pitaa mage huno hie Naa higetana tanakaya tokaetana kea hutetana Alu Aotage
Avamumona ayevataga hugahue. hutana haane? Agego anaukamoma agoma aliya mo
hevaitaya vayala eteya fiate me heti-maineya kagaienena falisanageya aliya mo
hevaigategahae. huno humaine.
10
Nehigeno aupaa ani amoa Pita aiyafi ailakatino agoya
faiteno faligeya neyaveyagamoya haiya mogayana ani ala ago fali-mainegeya moliya
anauamoma hevaitale mo lokaeya hevainatenae.
11
Hevainatageya Yisasina amakuama
aminaya veaene mukia ani kema haviya veamoyaene tusia lagitagiya amake-maine.
Tokiya avame yayaga alu ya alu ya humainae.
12
Aposolo vayamoya mukia vea amunopi kasagoya tokiya avame yayaga hageya age-
mainae. Ageteya Yisasina amakuama aminaya veamoya nagoke amaku amakesale maineya
ala mono nomo haupale yasi alisia ya ayekalo humalenea nomo agia Solomoni none ani
nopi mukia kanafina molitalu humai humai nehayane.
13-14
Nehageya nagoa veamoya kolima
haya yafe amakaienena mo lokaeya uomainagi ani veamogami amaki alisaga humainae.
Mukia veamoya Yisasi kema haviya amakupi maleya amametitia huteya amakaiene mainae.
15
Tokiya avameyama humainea yafe mukia kalima hamaeya veala amavaleya kate amateya
hagifanale maineya mage hae Pitama esiana agai amemo me halatu hamaesigeno kanale
humategahie. huya kate momatenae.
16
Amatageya mukia veamoya Yelusalemu aupatema
hanea kumayagaleti kalima hamaeya veanene Satani avamumoma amakupi fale-mainea
veanene amavaleya ageno mukia ago alino kanale humatene.
Aposolo vayala amavaleya kina nopi amatenageno ensole kanomoa memavaleno
kumatega amatene.
17-18
Mono notema hagote kava kanomoene agaienema lokaeya mainaya vayaene
Satiusi vayamoyaene amaipa haviya humateteya Aposolo vayala amatafa huya amavaleya
kina nopi momatenae.
19-20
Amatenageno ani kegela Anumayamo ensole kanomoa eno fita
me yakino anifiti amavaleno kumatega neuno mage huno hie Tamakaya utama ala mono
nopi hetitama veamoyama haegafa huya agola maige maige hisaya hamaimula alisaya kea
hamapaiho huno humaine.
21
Higeya haviteya natekefafi hetiya uya ala mono nopi
veamogamina mo hamanepaiye. Hamanepaigeno ala mono note hagote kava kanomoene
agaienema lokaeya nemaiya vayaene ani kea ohaviya neataleya Kanisole vayafeene Isaleli
nofi vayatamaenefe moge hageya ageno ati vayafe Kinama humatenona vayala
momavaletama eho. huya hamapaimainae.
22-23
Me hageya ati vayala kina nopi mogayana
omaigeya neataleya eteya mage mo hae Tagaya mogonana fita tokiyaage alokileti
hemaleneya vayala kava yagaiya kumate hetimainageta fita mo yakiteta kina nopima
mogonana omainae. huya me humainae.
24
Mehageya ala mono note kava vayayagaene
mono note ati kava kanoene mani kea haviteya tusia amakesa havi havi huya mage hae
Hanaa huya kina nopitila fanane humainae? Hanaa humainea ya falote hugahie. huya hae.
25
Hageno nago kanomoa mage huno me hamapaiye Haviho kina nopima amataya vayala
ala mono nopi hetiya maineya veamogamina humave-neliye. huno me hie.
26
Me higeya
mono note ati kava kanomoene ati vayaaene uya Havigu amakai kema havimainesaya
veamoya yafateti tahaesageta falisunagi. huya amaikootiya ako huya amavaleya emainae.
Aposolo vayamoya kolia ohuya kanisole vayamogami amaufina kea hufalote
humainae.
27
Amavaleya ayaamoya Kanisole vaya amunopi me hetimatetageno ala mono note
hagote kava kanomoa mage huno hie.
28
Tagaya Yisasife nagoene veamogamina
hamapaitama humaveotiho huta tamakaila tamaumonola ago malonanagi tamakaya mukia
Yelusalemu nemaiya veamogamina mani kea hamapaitama tagaifena Ago Yisasina hae-
malenaya vaya mainae. hutama hamapai-mainae. huno hie.
29
Hianagi Pitaa nagoa Aposolo
vayaene mage huya nehae Ma mopafi vayamogami kemona akave omalegahunagi tagaya
Anumaya Koti kemo akave malegahune.
30
Tamakaya Yisasina nagoke yafaga yosale asai-
malageno fali-maineanagi Tototimo Anumaya Kotia fali-mainefiti ago ali hetitene.
31
Ali
hetiteteno avalesaga huno tamaga ayatega ategeno hagote kava kanoa tagu tamema
aligatimainea kanoene mainea yafe tagaya Isaleli veamogata tagua aiyahae hisuna tagesa
tamisigeta tagua aiyahae hisunageno aigetateno kefo yatia atalelategahie.
32
Tagaya mani kea
hisuna vaya mainonageno Alu Aotage Avamumoa ania huno mani kea humaine. Mukia
Anumaya Koti kema akave malenaya veamogamina Anumaya Kotia Alu Aotage Avamula
ago amamine. huno hie. Kamalielia kanisole vayamofe mage huno hie Aposolo
vayamogamina ako hutama amateho. huno humaine.
33
Hageyama mani kema haviya yafe
amaipa amakata aiya Aposolo vayala hamaesageya falisaya amakesa nehaviye.
34
Hamaegahayanagi nagola Falasia kanomo agia Kamalielie mono humave-nelia kanogino
Yuta vayamogami Kanisolefi mainegeya mukia veamoya agima alisaga nehaya kanogino ani
kanomoa hetino mage huno hie Tahaote kea hugahunagi Aposolo vayala humategeya
kumatega hati-lavisageta kea hisune. huno hie.
35
Higeya hati-laviya vageno mage huno
Kanisole vayamogamife hie Isaleli vayanimogatama mani vayamogamina nago yama
humategahunema hinutama tamakesa havilama hutetama ania hiho.
36
Nayona nago kanomo
agia Teutasie evayi huno Nagaya tokiyania hanea kano mainoe. huno higeya fo hataletia
(400) vayamoya akavela vayanagi kamani kava vayatimoya ago hayageno faligeya akavema
nevaya vayala atagufeya ute ete hageno aliyamaamoa afa ya kana humaine.
37
Agai akavelega
amakima negayaya kanafina Yutasie Kalili kanomoa evayi huno kea hamapaigeya nagoa
vayala akave nevageno kava vayatimoya Yutasina ago hayageno faligeya akavema nevaya
vayala atagufeya ute ete humainae.
38-39
Naa humainaya yafe menia tamahapauve mani vayala
amatalegeya viho. Anima nehaya kea amakaiami mopale vayamogami kema hanesigenoa
afaa hano hugahianagi Anumaya Koti kema hanesigetama tamakayama ali haviyama hisaya
amukotamia omalene. Havigu lamakaya Anumaya Kotina kame hutetama agaiene tu
hutesagi. huno humaine.
40
Higeya Kamalieli ke haviya Tamage hane. huteya Aposolo
vayafe ke hageya ageya nofi kayoteti haifu amamiteya amaumono nemaleya mage hae
Yisasifena nagoene veamogamina hamaopaiho. huya humateteya amatalageya umainae.
41
Ani Kanisole vayala amataleya neuya Anumaya Kotia ago tamatea kava nehae. huno
tagaifena nehuno Yisasi agima neayaya yafe tamakaye hisifa kavala hisagetama
amukotamia hanegahie. huno humainea yafe tusia muse hume hume umainae.
42
Mukia
yupa ala mono nopiene veamogami nopiene mukia veamogamina Yisasifena hamapai-
mainae. Yisasina Anumaya Kotia taugafa aligatigahema hutenea kanoe. huya hamapai-
mainae.
Aposolo Aposolo
<<
55
>>
Aposolo Aposolo
<<
66
>>
6
Sevenia (7) vayafe Aposolo vaya amaya hiho huya humatenae.
1
Kasagoya veamoya Yisasi kea haviya amakupi maleneya amaku aminaya kanafina
nagoa ani veamoya Kaliki ke havilinaya vea mainagi nagoa veamoya Hipalu ke havilinae.
Kaliki kema havilinaya veamoya mage hae Tagai megusa aneyaga havi kava hutama osi
kanoa kavela neamamiyanagi Hipalu amakema neaiya megusa aneyaga kasagoya kave
neamamiye. huya amaipa haviya huya ke vai-mainae.
2-3
Kema vaiya yafe Yisasina tuelufua
(12) Aposolo anagaamoya mukia Yisasina amakuama aminaya veafe ke hageya ageya mage
huya hae Havigu tagaya Yisasi ke hamanepauna aliyatia ataleta kavema fako faka hisunana
haviya huyafenagi nafunaganagatama tamakaitami amunotamifi atiyetama sevenia (7) kanale
amaku amakesaene vayama, mainesigenoma Alu Aotage Avamumoa amakupima hiya
humainenageya veaamimogami amaulagafima kanale kavama nehisaya vayafe atiyetama ani
aliyatela humatesune.
4
Humategahunanagi tagaya mukia yupa nunamu huta havige havige
nehuta Yisasi kea hamapaige hamapaige huta maigahune. huya humainae.
5
Hageya mukia
veamoya mani kea haviteya muse nehuya ani vayala hapaliya humataya vayala Sitivenia,
Yisasi kea aguafi tokiyaage huno malegeno Alu Aotage Avamumoa agupina hiya humainea
kanoene Filipiene Polokolasiene Nikanaene Timoniene Pamenasiene Nikolasie. Nikolasia
Atioku kanoa nayona Yuta nofi kanoa omaineanagi eayamo Yuta vayamogami Anumaya
Kotiamimo ke alina nagupi malegahue. huno Isaleli nofi vayapi maineane.
6
Ani vayala
amavalageya Aposolo vayatega ageya ani vayamogami amanute amaya maleya nunamuna
humatenae.
7
Anumaya Koti kemoa mukia kotega ute ete higeya kasagoya Yelusalemu
nemaiya veamoya Yisasi kea haviya amakupina malenae. Kasagoya mono note kava
vayayagaene ania huya Yisasi kea aliya amakupi maleya amametiti humainae.
Yuta vayamoya Sitivenina kaiyeke hutenae.
8
Sitivenia tusia kanale kanogino kayone hisia yaene tokiyaaene agupina hiya
humainegeno tusiya huno ani vayapina tokiya avame yana humaine.
9
Ania nehianagi nagoa
vayamoya hetiya Sitiveniene ke nevaiye. Ani vayala miya oali vaya maiteya eteya afaa
maineya nago mono nopi nevaya vayale. Sailinia vayaene Alekasatalia vayaene nagoa vayala
Silisia vayaene Esia vayaene Sitivenina ke vaitenae.
10
Kea vaitayanagi Alu Aotage
Avamumoa hamaegeno kanale agu agesaene kanomo kea amigeno humaine. Higeno amakai
kemoa Sitiveni kemona oagasene.
11
Oagasegeya nagoa vayafe Sitivenifena havige
hutesageta mone lamamigahune. huya hageya ani vayala mage mo hae Mani kanomoa
Mosesefeene Anumaya Kotifeene tusiya huno hu-haviya hunategeta havimainone. huya mo
humainae.
12
Mani kema haya yafe mukia vayamoyaene vayatamaene kahegi kema havilinaya
anagamogamina amakuamoa haviya higeya Sitivenina motafa huya Kanisole vayate avaleya
umainae.
13
Uteya nagoa havigema nehaya vayala amavaleya hetimatageya ani vayamoya
mage hae Mani kanomoa mukia yupa tagaila alu aotage mono notiene kahegi kene huno
haviya hie.
14
Higeta havunana Yisasia Nasaleti kanomoa ma ala mono nona alina lagaya
vaineatalena Mosesema tahapai-mainea kahegi kea ataletama alu kava hiho. huno higeta
havimainone. huya hae.
15
Nehageya mukia Kanisolefi mainaya vayamoya Sitivenina aulu
hayana augosamoa alave alave nehuno ensole vayamogami amaugosamoma nehia kava
higeya age-mainae.
Aposolo Aposolo
<<
66
>>
Aposolo Aposolo
<<
77
>>
7
Sitivenia Kanisole vayamogami amaufi kea huno falote humaine.
1
Ala mono note hagote kava kanomoa Sitivenifena mage huno havige Mani kema
hugataya kea tamage nehao? huno havige.
2
Higeno Sitivenia mage huno humaine
nenafagatamaene naganani-mogatamaene haviho. Taginagomoa Apalahamue yaufa Halani
kotega ouno Mesopotemia kotega mainegeno tokiya hale yamaaene Anumaya Kotia
Apalahamute efalote humaineane.
3
Efalote huteno mage huno hapaiye Kagaika
mopakaaene vayakamogamienena neamataleka kavelisua mopalega vuo. huno humaineane.
4
Higeno Apalahamua anile Kalatia vayamogami mopa neataleno Halani kotega umaineno
anilega nefaa falitegeno Anumaya Kotia eteno hutegeno tamakayama menima mainaya
mopalela emaineane.
5
Emaineanagi Anumaya Kotia agaia atafa hisia mopa nago atupa
kanoa ani mopa nagoke aiya malesia mopa oaminegi Haenagaa kamigahue. Ani mopa atafa
hulinesanageya kagaipiti falote hisaya nafaneyagamoya aligahae. huno hianagi ani kanafina
Apalahamua namo kano maineane.
6
Maineanagino Anumaya Kotia agaifena mage
humaineane Kagaikaa kaginagomoya Isaleli nofima omainaya vayamogami mopale
visageya ani vayamoya amatafa huya Aliyatia aliho. huya tusi yate ali haviya humatesageya
ani mopalela fo hataletia (400) kafu maigahae.
7
Maigahayanagi amatafama huyama
Aliyatima aliho. huya humainaya vayamogamina nagaya kaiyeke humatetena alina haviya
humatesugeya kagai kaginagomoya ani kotegatila eteya ma mopale emaineya nagai nagia
alisaga hugahae. huno humaineane.
8
Anumaya Kotia mage huno humaine Nagai anagama
maisaya yafe hagelafita maisuna kavala nafanekamogamina amakoya anoya taga huo. huno
higeno Apalahamua Aisakina nafanea ateteno napa eitia (8) kana maiteno agoya anoya taga
humaineane. Haenagaa Aisakia nafanea Yekopuna ategeno Yekopua haenagaa tuelufua (12)
nafaneyaga tagai taginagomogamina amatene.
9-10
Ani Yosefena nepuamoya Yosefefe tusia
amaipa kafa heteteya avaleya alu vayamogami neamamiya mone aligeya Isipi kotega avaleya
vayanagi Anumaya Kotia agaiene maineno kanama haiya yana alitaleno kanale agu agesa
amigeno Isipi sauve kanoa, Felona, aulagale hetigeno Feloa muse huno Hagote kava kano
maineka nagai noyagaene mukia Isipi kotega kava yagaigane. huno hutene.
11
Hutetegeno
mainegeno Isipi kotegaene Kenani kotegaene nagola tusia kafu haya kana efalote higeya
tototimogamina kaveamia omalegeya tusiya huno amakala lemainae.
12
Amakala legeno
Yekopua Isipi kotema kavela hanema. huya haya kea haviteno nafaneyagaa hagoteno
humategeya kavema hanelega umainae.
13
Haenagaa eteya anile vageno Yosefea Nagayae
tamakanatamimona mainoe. huno higeno Feloa Yosefe afamofena havimaine.
14-
15
Havitegeno Yosefea nefafena Yekopufeene mukia anagaa seveti faefua (75) anagaaene ke
higeya Isipi kotega umainageno Yekopua anile faligeya nafaneyagaaene tototimoya fali-
mainayane.
16
Faligeya eteya aliya Sekemu kumala, Apalahamua moneleti Hamolo
nafaneyagamogami mopa miya higeno amigeno ali-mainea mopafi mo hevaitenae.
17-
18
Anumaya Kotia Apalahamufema hulokiya vai-malenea kemoa fatago huno efalote hisia
kanamoa aupa higeya tagai taginagomoya Isipi kumatela falote huya kasago humainageno
alu sauve kanoa, Yosefefena oagenea kanomo, eteno sauvea alino humaineane.
19
Falote
huno maineno tagai nofi vayala ayemavataga huno huhaviya huneamateno Nafaneya-
gatamia hamaesunageya faligahae. huno tokiyaage ke humaineane.
20
Higeno ani kanafina
Mosesena itaamoa atetegeno Anumaya Kotia hau-mainea nafanegino itaamogani nefagania
talia (3) ikana noanifinaga kava huana ataageno mainae.
21
Kava huteteana kumate
atenaageno Felo munamoa ani nafanea avaleno agaia nafane kana huno yagai-maine.
22
Yagaiteno avo nopi ategeno Isipi vayamoyama havilinaya yana Mosesena huve-ligeno
aliteno tusiya huno tokiyaa haneteno kanale kea nehuno nehia kano maine.
23
Maineanagino
fotia (40) kafu huteno mage hie Isaleli vayanimogamina momakegahue. huno agesa
havimaine.
24
Haviteno mogeana nago Isipi kote kanomoa Isaleli kanomona aiko-neligeno
Mosesea moli-neataleno anonaa ani Isipi kote kanoa haegeno fali-maine.
25
Faligeno
Mosesea ma agesa havimaine Vayanimoya mage huya hugahae Anumaya Kotia Mosese
ayapiti taugafa aligatigahie. huya hugahae. huno agesa havianagi vayaamoya ani amakesa
ohavinae.
26
Ohavigeno Mosesea faeteno mogeana tole Isaleli kanolatana tu nehaageno
monaketeno moli-neanataleno mage huno hie Nenafugatanae tanakaya nagoke konagalata
mainaagi naa higetana tua nehae? huno hie.
27
Higeno anima tuma aepa henoma
aganaamoma aiko-lia kanomoa Mosesena ayetu-nefeno mage huno hie Kagaila tagaite kava
kano maika kaiyeke fatago hu kano maiyo kea ta kahapaigeka ania nehane?
28
Kagayama
egama Isipi kanoma hayana kava huka nahaegahe nehano? huno hie.
29
Higeno ani kema
hia kehe Mosesea faleno Mitiani kotega mo maineno ala aliteteno maineno haenagaa tole ne
nafanelata anatene.
30
Anilegama maiyana fotia (40) kafu maiteno Mosesea kame kotega
Sainai agoyafi haino mainegeno nago osi yosalela ala ata anefela nelea yapiti nago ensole
kanomoa evayi higeno age-maine.
31-32
Ageteno amayo neaino agelama hisue huno nehuno
avate neegeno Anumayamoa anileti age aino mage huno hie Nagaya kaginagomogamina
Anumaya Kotiami mainoe. Apalahamuagi Aisakiagi Yekopugami Anumaya Kotiami
mainoe. huno higeno Mosesea atali talu huteno ani yama nagoene agesia yafena tusi koli
huno oagene.
33
Koli nehigeno Anumayamoa mage huno hie Mamona alu aotage mopa
nagainia mopagika kaiya anona asagika maletekao.
34
Nagayama nagai nofi vayama Isipi
nemaiya veanimoga-mina ali haviyama humataya kavala ago age-mainoe. Avima atayana ago
havimainena amaugafa aligatigahe emainogi. Kagaya eno Isipi kotega hugategahue. huno
Mosesefena hapai-mainea ke huno Sitivenia hamapai-maine.
35
Mani Mosesefena nayona mage huya humainae Kagaila kava kano maineka
kaiyekea ali fatago hugane huya kea ta kahapaigeka ania nehane? huya amakaveno hutenae.
Anima amakaveno hutaya kanomona osi yosalema vayima humainea ensole kanomoa aya
higeno Anumaya Kotia kava humateno amaugafama aligatisia yafe huteneane.
36
Hutegeno
Mosesea Isipi kotega umaineno ani kotegati amavaleno fotia (40) kafu Isipi kumateene
haesa titeene kame kotegaene kasagoya tokiya avame yayaga humaineane.
37
Ani Mosesea
Isaleli veamogamife mage huno hamapai-maine Anumaya Kotia tamakai vayapiti nagayama
huaya huno aune laga hisia kanoa avaleno hetitegahie. huno hamapai-maineane.
38
Ani
Mosesea kame kotega maineno mono kema havigahema melitalu humainaya
taginagomoyaene maiteno Sainai agoyafi haitegeno nago ensole kanomoa evayi huno
Anumaya Kotina tahaimuma lamisia mono kea Mosesena hapaigeno Mosesea
taginagomogamina hamapai-maineane.
39-40
Hamapai-mainegi taginagomoya Mosese kea akave omalegahune. huya
amakaveno huteteya Isipi kotega eteya visaya amakesa nehaviya Elonife mage huya
humainae Kategama lavaleno visia yana Anumaya Kotitima maisia yana talo hulato.
Mosesea, Isipi kotegatima lavalenoma emainea kanoa hanatepi vigeta noagone. huya
humainae.
41
Mani kea huteya nagola pulamakamo nafanea amayateti talo humaleteya
Anumaya Kotitia ma maine. huya anima amayatetima talo humalaya yafena tusia muse
huya afua heya kaeteya aliya mominae.
42
Ani kavama haya yafena Anumaya Kotia akaveno
humateteno amatalegeya yagema kanefima ikama naa yama hanea yate Anumayati mainae.
huya muse nehuya amakua amitafa huya ani yaayagamogami amaki alisaga humainaya yafe
Anumaya Kotina aune vayamoya kae-malenaya autamafina mage huya humainae
Tamakaya Isaleli nofi veamogatama fotia (40) kafu kame kotega umainetama pulamakaene
sipi sipiene hetama kae salamana humainayanagi nagaifena muse hutama mani kavala nehafi
alu kanomofe musena nehae?
43
Tamaa omalenea Anumayamona agia Molekifena tusia
muse hutama agai agi alisaga hisaya nona kitetama alitama utama tamaa omalenea
Anumayamona agia Lefanifena tusia muse hutama kanefi kana yana talo hutama ani augafa
yayagale musena hutama tamakula amitafa hutama amakia alisaga nehae. Naama haya yafe
kame vayamoya humatesugetama kotamilegatila tamavaleya Papiloni kola agasetama ame
kaiyaga umaigahae. huno humaineane.
44
Taginagomoya kame kotegama mainagenoa Anumaya Kotia Ma kava huka talo
huo. hunoma Mosesena huveli-mainea kavala huno mono nona kenaleti talo humaleteno
kimalenegeno Anumaya Kotia ani nopi eno amakaiene me lokaeno kelamage kea hamapai-
maineane.
45
Haenagaa Mosesea falitegeya taginagomoya ani yuguletima kimalenaya mono
nona aliya Yosuaene Yuta vea omainaya veanene tua huteya mopaamia ali-mainae.
Anumaya Kotia taginagomogami amaulagafima Isaleli nofima omainaya veamoya ani
mopaletila amanatigeya ani yuguletima kimalenaya mono nona aliya ani mopafi eya me
malageno anile hanegeno Tevitia falote humaineane.
46-47
Anumaya Kotia Tevitina kanaleya
huno hamaegeno Tevitia mage humainene Yekopu Anumaya Kotiga kanale nona
kigatesue. huno hianagi ani nona okinegi haenagaa nafaneamoa Solomoni ani nona
kimaleneane.
48
Kianagi analema mainea Anumaya Kotia veamoya amayatetima kimalenaya
nopina nomaiye. Naama humainea yafena nagola Anumaya Koti aune kanomoa mage huno
humaineane
49-50
Anumaya Kotia mage hie Ikapinaga nagainia kava yagaisua siania hanegi maifaluma
hisua yafe naiya malena maisua yana mopa hanegi hana augafa no kinategahae?
Hana kumate maisue? Nagaya mukia yana ikapinagama hanea yaene ma
mopalema hanea yaene talo humalenoe. huno humaine. huno humaineane.
51
Tamakaya kea ohavi veane mainetama tamaku tamakesafinaga Anumaya Koti kea
ohavigahune. hutama Alu Aotage Avamumona tamakaveno hutetetama tamakinagomoya
nehaya kavaage nehae.
52
Tamakinagomoya mukia Anumaya Kotina amaune
vayaamogamina ali haviya humatenae. Kanale Fatago Kanoa egahie. huya amaune
vayamogamina tamakinagomoya ago hamayageya falimainayanagi tamakaya ani Kanale
Fatago Kanomona ago agesi hutama hayageno fali-maine.
53
Ensole vayamoya ayaamoya
kahegi kea ago tamahapaiyanagi tamakaya tamage hutama akavela nomalae. Mani kea
Sitivenia huno humaine.
Sitivenina yafa kayoteti hayageno fali-maine.
54
Higeya anilema mainaya veamoya Sitivenima hia kemona haviteya amaipamoa tusi
amakata aiteno hamai-vaigeya amavaya mumu mama humainae.
55
Naa nehageno Sitiveni
agupina Alu Aotage Avamumoa hiya higeno ikapinaga aulu heno ageana Anumaya Kotina
tokiya hale yamaaene Yisasia Kotina tamaga ayatega heti-mainegeno age-maine.
56
Ageteno
mage huno hie Agegeho nagaya agoana ikamoa ago aihalegeno ikapinagati emainea kanoa
vayamo atenea kanomoa Anumaya Kotina tamaga ayatega heti-mainegena nagaya neagoe.
huno hie.
57
Huno hianagi melitaluma humainaya veamoya agai kea ohavisaya yafe amayateti
amakesa ailineleya ala kenake nehuya tusia ke nevaiya aiko-ligahe motafa humainae.
58
Motafa huya avayu huya kumategati malaga hagayu hutaleneya yafa kayoteti hagayu huya
aiko-neliya Fatago kava nehune huya hisaya yafe siotaamia asagiya kava kanoa, Solo
aiyafi mo-malenae.
59
Maleteya yafa kayoteti aiko-neligeno Sitivenia Anumayamotega
havigeno mage huno hie Anumayaniamoga Yisasigae nagu namemaa kagai kayapi
nemaloe. huno hu-maine.
60
Mani kea nehuno aleya ayeno ala kegefafiti Anumayamotega
mage huno hie Anumayamogae mama kefo kavama nehaya yaamimona anonaamia hu-
oama-to. huno nehuno anile fali-maine.
Aposolo Aposolo
<<
77
>>
Aposolo Aposolo
<<
88
>>
8
Soloa tusiya huno Yisasina amakuama aminaya veala alino haviya humatene.
1-2
Sitivenima hayageno falia yafena Soloa Kanale kava hae. huno tusia muse
humaineanagi nagoa veamoya Anumaya Koti kema nehaviya veamoya Sitivenifena tusia avi
ateteya aliya mo hevaitetageya ani kanaleti aepa heya Yisasi kema haviya amakuama
aminaya vayamogamina Yelusalemuma nemaiya veamogamina aliya haviya humatageya ani
veamoya faleya Yutia kotegaene Samelia kotegaene ute ete hageya Aposolo vayala
amakaiamige Yelusalemua mainae.
3
Mainageno Soloa Yisasi kema haviya amakupi
malenaya veamogamina alino haviya humateno amakaiami noyagafi haino mukia veala
amavaleno kina mo humatene.
Filipia Yisasina kanale mono kea nagoa Samelia kumate mo huhaleno humaine.
4
Kinama humatageya nagoa umainaya veamoya alu kote kote faleya ute ete huya
Yisasina kanale mono kea hamapai-mainae.
5
Filipia nagola Samelia hanea kumate tavino
mage huno mo hamapaiye Yisasina Anumaya Kotia taugafa aligatigahema hutenea kano
emaine. huno hamanepaiye.
6-7
Hamapaigeya mukia veamoya agai kea haviteya agaiama
humainea tokiya avame yamoa Satani Avamuyaga veamogami amakupitila ala amake neaiya
hatilaviya nevageno amaiya amaya avayu hulavi-mainea veanene amaiya haviya humainea
veanene alino kanale humategeya ageteya nagoke amaku amakesa haviya kea aliya amakupi
malenae.
8
Amakupi maleteya ani kumate veamoya tusia muse humainae.
Saimonia tokiya avame ya talo nehia kanoe.
9
Muse hayanagi ani kumatela nago kanomo agia Saimonie Nagaya tusia ala kano
mainoe. huno tokiya avame yana higeya mukia Samelia veamoya ageteya tusia amamayo
neaiyane.
10
Amamayoa aiteya ala amakima hanea veanene osi amakima hanea veanene agai
kea haviteya mage huya humainae Ma kanoa Anumaya Kotia ala tokiyaa aminea kanoe.
huya humainae.
11
Kasagoya yupa tokiya avame yama higeya agaya yafe tusia amamayo
aigeya agai ke havimainae.
12
Haviyanagi Filipia anile evayi huno Anumaya Kotima kava
yagaisia kanale kene Yisasina Anumaya Kotia taugafa aligatigahema hutenea kano emaine.
hunoma hia kanale kene haviteya Yisasina amakua amitafa hageno veala tina falematene.
13
Saimonienena Yisasina agua amitafa higeno tina faletetegeno Filipiene vaineayegeno
Filipia tokiya avame yana higeno ageteno tusia amayo aimaine.
14
Samelia nemaiya veamoya Anumaya Koti kea haviya amakupi aliya malenae. huya
haya kea Yelusalemuma nemaiya Aposolo vayamoya haviteya Pitaene Yoniene hunatageana
ani kumatela elavi-mainae.
15
Elaviteana Anumaya Kotima ani veamogamima Alu Aotage
Avamuama amamisia yafe Anumayamotega havige-mainae.
16-17
Amakaya Yisasi agile ago
tina falematayanagi Alu Aotage Avamumoa amakaitela eotavine. Eotavinea yafe Pitaene
Yoniene anaya amaugafale avate hulinaageya Alu Aotage Avamula avale-mainae.
18-19
Aposolo kanolatamogania anayama nemalaageya Alu Aotage Avamula avalageno
Saimonia ageteno mage huno hie Mone lanamisugetana tokiya yana nagaila namisaagena
naya malesugeno veamoya Alu Aotage Avamula avalesae. huno hanavige.
20
Higeno Pitaa mage huno hapaiye Kagaya Anumaya Kotia afaama neamamia yafema
miya hugahue hukama kagesa havina yamoa monikaaene kagaikaaene Anumaya Kotia alino
haviya hugatesie.
21
Anumaya Koti aulagafina kagai kagupina kanale ohunea yafe ani aliyana
kagai yana omaletafa huno omalene.
22
Menima kefo kavama hana yafena kagua aiyahae
huka Anumayamotega havigesanageno ani kagu kagesafima havi kagesama havina yakaa
aigekateno kefo yakaa atalegatesie.
23
Nagaya kagupima agoana kaipamoa haviya humainea
yafe atuage nehigeno kefo yakamoa nofi hugatene. huno kenonaa hapaiye.
24
Higeno Saimonia mage huno hapaiye Nehana yamoa nagai naugafalela falote ohisia
yafe tanakaya nagaila nunamuna hunateo. huno hanapai-maine.
25
Pitaene Yoniene Anumayamo ke hamapaiana mage huana hae Taagaya Yisasina
agetetaa agaifena taagupi malenoe. huana hamapaiteana eteana Yelusalemu ugahe kategama
vaana Samelia kola alu kumate kumate uana Yisasifena kanale mono kea hamapai-mainae.
Filipia nagola Itiopia kotega kanomona Yisasina kanale mono kea hapai-maine.
26
Nago ensole kanomoa Filipifena mage huno me hapaiye Hetika Yelusalemuti Kasa
kumatema nevaya katega vuo. huno hapaiyana ani kana kame kotega umainea kane.
27-
28
Higeno Filipia hetino ani katega viayamo mogeana nagola anupa kanoa Itiopia kotega
kava kanoe mukia ala sauve aala, Kanatesie huya agia neayaya amo, mone afenoyate kava
neyagaiyane. Ani kanoa Anumaya Koti agi alisaga hugahe Yelusalemu uteno ani yupa eteno
nomaalega ugahe hosi afumoma avayu huno nevia kalefi haino maineno Anumaya Kotina
aune kanoamoa, Aisaiya, kae-malenea autamafi hapalime hapalime umaine.
29
Nevigeno Alu
Aotage Avamumoa Filipife mage huno hapaiye Kagaya ani kalefi mo haisaga humaika
agaiene tokaeka vuo. huno hapaiye.
30
Hapaigeno Filipia aiyayeno avate neuno mo haviana
Aisaiyama kae-malenea autamafima hapalimema via kea mo haviteno mage huno hapaiye
Kagaya mani kemona aepaa havilama nehano? huno havige.
31
Havigegeno ani kanomoa
mage hie Nago kanomoma naveotisiana hanaa huna havigahue? huno huteno Filipifena
Nagaya mainole ehaika nagaiene emaiyo. huno hapaiye.
32
Anima Anumaya Koti kema kae-malenea kema hapalia kemoa mage huno humaine
Sipi sipi haegahema avaleya nevagenoma avovoma ohuno ako huno nemaiya avameteene
sipi sipi nafaneyagama ayolagefama laga hugahema hia kanomote mo hetiya
maineya avovoma ohunaya avamete kava huno ke ohuno ako huno maine.
33
Ani
kanomofena Afa kano mainane. huya agaye hisifa kava huteteya fatagoma hia
kaiyekea huoatenagi afaa hayageno fali-mainegeno agaia nafanema omainea yafe
nagoa veamoya avagea ohugahae. Ma mopalema mainea kanaamoa ago hano
humaine. huno kaemalenea ke hapalime umaine.
34
Hapaliteno ani kava kanomoa Filipife mage huno havige Ani aune kanomoa tafe
mani kea huno humaine? Agaiahe humainefi nago kanomofe mani kea humaine? huno
havige.
35
Havigegeno Filipia aepa heno mani kemo aepaa hapaiteno Yisasina kanale mono kea
hapaimaine.
36
Hapaime hapaime katega neuana nago tite uvayi huteana ani kava kanomoa
mage huno hapaiye Tina ma hanegi ago kanale mani lina falenategano? huno havige.
37
Havigegeno Filipia mage huno hapaiye Mani kema havika kagupi malekama kametiti
hisanana kanalelagina lina falegategahue. huno higeno ani kanomoa mage hie Nagaya
Yisasi Kalaisia Anumaya Koti nafane maine. Tagai taugafa aligatigahe hutenea kano maine
huna alina nagupi malena nametiti nehue. huno humaine.
38
Nehuno hosi afumoma avayu nehia kalemo talaiva kanomofe Male atafa huo. huno
higeana Filipiene ani kava kanoene tipi taviteana Filipia tina faletene.
39
Faletetegeana tipitima
ehaiagenoa Alu Aotage Avamumoa aupaa Filipina avaleno vigeno ani kava kanomoa
nagoene Filipina oageanagi katega tusia muse hume hume umaine.
40
Utegeno Filipia Asotasi
evayi huteno Yisasina kanale mono kea mukia kumate veamogamina hamapaime hamapaime
uno Sisalia uvayi humaine.
Aposolo Aposolo
<<
88
>>
Aposolo Aposolo
<<
99
>>
9
Soloa Yisasite agua aiyahae humaine.
1-2
Ani kanafina Soloa aipafinaga tusia hai-vaiteno tokiyaage ke huno Anumayamo
anagaamogamina hamaesugeya falisae. huno huteno ala mono note hagote kava kanomote
uno mage huno havige Musekaa nehugi nagaya Tamasigusi kumate una Yisasi
anagaamogamima amakenunahena amatafa huna kina humatetena Yelusalemu amavalena
egahue. Ani kumate mono note kava vayamoya nayama hisaya yafe avona kaeka namio.
huno humaine.
3
Ani kotega Soloa viayamo Tamasigusi evayi hugahema nehiana aupaa
ikapinagatila tokiyaage hale yamoa tusiya huno agaite meyevasa humaine.
4
Meyevasa
higeno Soloa mopafi asaga hulavino fae-maineno havigeno nagola ala kemoa mage huno hie
Sologae Sologae naa higeka nagaila ali haviya nehane? huno humaine.
5-6
Higeno Soloa
mage hie Alamogae kagaya lagae? huno higeno mage hie Nagaya Yisasinae kagayama
nagaima ali haviya hunenatana kanomonagi hetika ala kumate ugenoo. Nago kanomoa Naa
maa hugane. huno kahapaigahie. huno hapai-maine.
7
Hapaigeya Soloenema vaiyaya vayamoya hetiya maineya anima agema aiya agea
haviyanagi vayama oagaya yafena tusia amamayo aiteya nagokela kea ohunae.
8
Solona
mopafiti avaleya hetitageno aulagama agegali hiana aulagamoa haniali koali higeya ayate aliya
Tamasigusi avaleya umainae.
9
Vageno Soloa talia (3) kanama maiyana aulagamoa ania huno
asu humaigeno kaveene tiene mosino afaa oneno maine.
10
Ani Tamasigusia nagola Yisasi anagapiti kanoa, Ananaiyasie nehaya kanoa
maineanagino Anumayamoa himonafi mage huno hapaiye Ananaiyasigae mainano? huno
higeno E, ma mainoe Anumaya niamogae. huno humaine.
11
Higeno Anumayamoa mage
huno hapaiye Hetika fatago kane huyama nehaya katega uteka Yutasi nopi ufalekama
agesanana nagola Tasusi kanomona agia Soloe nehaya kanoa anifi maineno
Anumayamotega nunamu maino nehianagika mogegane.
12
Ani kanomoa himonafima ageana
nago kanomoa eno aulagama agegali hisia yafe anute aya me-malene. Anima himonafima
agea kanoa kagayae. Kagaikaa Ananaiyasigae huno himonafina age-maine. huno hapai-
maine.
13
Hapaiyanagi Ananaiyasia mage huno humaine Anumayaniamogae ani kanomofena
mukia veamoya mage huya hagena nehavuane Yelusalemuma kagai anagama mainaya
veamogamina tusiya huno ali haviya huneamate huya hagena havi-mainoe.
14
Ala mono note
ala kava vayamoya avona amigeno malema kagai kagilema nunamu huta kahavinegona
veanea kina hulategahe emaine. huno hie.
15
Nage hianagi Anumayamoa mage huno hie Afaa agaitega vuo. Ani kanoa nagaya
ago hapalina hutenoa kanoe. Nagai kea alino visiayamo Yuta vea omainaya veamogamiene
sauve vayaamiene Isaleli veamogamiene nagai kea hamapaigahie.
16
Nagaifena huhaleno
hamanepainageya agata aisia yaene kanama haisia yaene evayi hutesia yafe aveligahue.
huno hapai-maine.
17
Hapaigeno Ananaiyasia viaamo ani nopi haino Solo anute aya maleno mage huno hie
Nagananimoga Sologae Yisasia Anumayatiamoa emainana katema evayima hu-mainea
kanomoa kaulagama agegali hisana yafeene Alu Aotage Avamumoa kagupima hiya kahaisia
yafeene hunategena neoe. huno hie.
18
Higeno aupaa aulagaletila haletina kana yamoa asaga
hulavigeno aulaga agetegeno mono tina faletene.
19
Kavela netegeno augafamoa tokiya
vaigeno Tamasigusi Yisasi anagama mainaya veapi uno nagoa kanafina amakaiene maine.
Soloa Tamasigusia Yisasifena kanale mono kea huhaleno humaine.
20
Tamasigusi maineno aupaa mukia mono noyagafi ute ete hia yamo mage huno
hamapaiye Yisasia agaiage Anumaya Koti nafanea maine. huno humaine.
21
Mani kema
haviya veamoya tusia amamayo neaiya mage huya hae Mani kanomoa Yelusalemu
maineno Yisasi agilema nehaviya veala ago hamaeteno ma kumate eno aniama nehaya veane
kina humateno ala mono note kava vayate kaiyeke humatesia yafe amavalegahe emainea
kanofi? huya hae.
22
Hayanagi Solona hamapaisia tokiyaamoa melino ala higeno Yisasina Anumaya
Kotia tagai taugafa aligatigahema hutenea kano emaine. huno tusiya huno humavelia yafena
anima Tamasagusi nemaiya Yuta veamoya alu amakesa alu amakesa havimainae.
Yuta vayamoya Solona haeya faligahe hageno faleno umaine.
23-24
Amaipamoa haviya higeya ayaaya kana maiteya Yuta vayamoya Hanaa huta
Solona haesunageno falisie? huya huteya haesaya yafe nateene kegeene ani kumamona
fiatega yagaiya maiyanagi Soloa mani kea ago havimaine.
25
Haviteno mainegeya nagoa
Yisasi anagamoya nago kegela Solona avaleya yafateti humalenaya tafile haiteya ala
kamagupi Solona asaga huya aiteya ani kegiyafiti malaga atalageno tavimaine.
Soloa Yelusalemu umaine.
26
Soloa Yelusalemu umaineno Yisasi anagapi umaigahe hianagi agaifena kolia nehuya
Solofena Yisasi kea nohavia kanoe. huya amametiti humainae.
27
Hayanagi Panapasia aya
huno Aposolo anagate Solona avaleno viaamo kategama Anumayamona agegeno kema
hapai-mainea yafeene Soloa Tamasigusia kolima ohuno tokiyaagema huno Yisasi kema
hamapai-mainea yafeene Panapasia hamapai-maine.
28
Hamapaigeya haviteya Solona
avalageno amakaiene Yelusalemu kumate vaiyatete huno maineno kolia ohuno Yisasi kea
tokiyaage huno hamapai-maine.
29
Soloa nagoa Kaliki kema nehaya Yuta vayaenema
tokiyaage kema vaiya yafe ke nevaiya haesagenoma falisia kafe atiye-mainae.
30
Neayageno
Yisasina amakuama aminaya veamoya ani kema haya kea haviteya Solona Sisalia kumate
avaleya taviteya anileti hutageno kuma aepaalega Tasusi umaine.
31
Yutiaene Kaliliene Sameliaenema Yisasifena haviya amakupi malenaya veamogamina
amaipamoa falu hinageya maineya kanaleya huya alitalu huge huge huya amakua ali lokiya
vaiya nemaiye. Anumaya Kotima haiya katema vaiyaya yafe Alu Aotage Avamumoa amaya
higeya kanaleya huya nemaigeya kasagoya veamoya ete ete huya amakaiene melitalu
humainae.
Pitaa Ainiasina kalia alino kanale hutene.
32
Pitaenena alu kumate kumate vaiyatete nehuno Lita kumatela Yisasifena haviya
amakupi malenaya veanene maine.
33
Maineno ageana nago kanoa aiya ayamoa avayu
hulavigeno nemaiya kanoa eitia (8) kafufina kaana vaioayeno sipale faeno nemaiya kanoa
mogemaine. Ani kanomo agia Ainiasie.
34
Pitaa mogeteno mage huno hapaiye Ainiasiga
Yisasie, Anumayatimoa, ago alino kanale hugategi hetika fae-nemaina sipakaa alika hilato
huo. huno higeno aupaa heneligeno kanale hutene.
35
Kanalema hutegeno maiya yafe Lita
veanene Saloni veanene ani kanomona ageteya Yisasite amakua aiyahae humainae.
Tapitaa fali-mainegeno Pitaa alino hetitene.
36
Yopa kumatega Yisasifena haviya amakupi malenaya veapiti nago aala maine. Ani
amo agia Tapitae. Kaliki kefina mage huya ani amo agia neayayane Tokasie huya neayaya
amoa tusiya huno kayoneage a maineno mukia kanafina kaveamiene afenoamienema
omalenea veala amaya huno neamamia ale.
37
Pitaa Lita mainegeno ani amoa kali alino
faligeya ani amona augafa sese huteteya aliya hunalagi-malenaya note anale malenae.
38
Maleteya Yisasifema haviya amakupi malenaya anagamoya Pitaa Litama mainea kea
haviteya Lita kumala Yopa kumamona aupaale hanea yafe tole kanolatana hunatageana uana
mage huana mo-hapaie Musekaa nehuagi aupaa taagaiene kumatialega eno. huana hapaie.
39
Hapaiageno Pitaa anakaiene viaamo uvayi higeya anima hunalagi-malenaya nopima
avaleya haiyana kasagoya megusa aneyaga anile hetiya maineya avi neateya amakaiamima
fai-linaya kenaamia Tokasia amakaienema afaa mainea kanafi talo humalenea kenaamia
Pitana aveli-mainae.
40
Aveligeno Pitaa ageteno mukiama mainaya veamogamifena Ma
nopinagatila hati-lavitama viho. huno higeya hati-laviya vageno aleya aye-maineno
nunamuna huteno ani ama malenalega augosa humaineno mage huno hie Tapitagae hetio.
huno higeno ani amoa fali-mainefitila aulaga agegali huno Pitana neageno hetino sipale
maine.
41
Sipale mainegeno Pitaa ayana amiteno avale hetiteteno Pitaa Yisasima amakuama
aminaya veafeene megusa aneyagaenefe ke higeya aageno fali-mainefitila hetino haegafa
higeno avaleno amamine.
42
Aniama hia kemoa mukia Yopa kumatela ute ete higeya
kasagoya veamoya haviteya Yisasifena haviya amakupi maleya amametiti humainae.
43
Pitaa
mukia yupa Yopa kumatela maineno nagola pulamakamo augafa taga huno talo nehia
kanoene nemaiyane. Ani kanomo agia Saimonie.
Aposolo Aposolo
<<
99
>>
Aposolo Aposolo
<<
10 10
>>
10
Nago ensole kanomoa eno Koniliasina ke me-hapai-maine.
1
Nago kanoa Koniliasie ati kava kanoa Sisalia maineno Itali kumateti vani hataletia
(100) ati vayate kava yagai-maineane.
2
Ani kanoene anagaaene Anumaya Koti kema
nehaviya nemaiya yafe Agayama haiya kava hugahune. huteya afenoamima omalenea
veala monea amamite amamite nehuya mukia kanafina nunamuna huya muse huya
havinegayane.
3-4
Nago unena ani kanomoa heti-maineno himona kana yana ageana nagola
Anumaya Koti ensole kanomoa agaite evayi huno mage huno humaine Koniliasigae
mainapio? huno higeno Koniliasia aulu neheno tusia amayo neaino mage huno hie Ala
kanomogae naa higeka nehane? huno higeno ensole kanomoa mage huno hie Kagayama
Anumayamotega havinegana yaene afenoamima omalenea veala hamamaeka amamite
amamite hana yaene Anumaya Kotia ageteno kagaifena agesa nehavie.
5
Kagaya menia
nagoa vayala humategeya Yopa kumateti Saimoni Pitana movaleya eho.
6
Ani kanomoa
nago pulamakamo augafa laga huno talo nehia kanoene nemaiye. Ani kanomo agia
Saimonie. Nomaa hagelimo agegayalega hane. huno hapaiye.
7-8
Ani kea hapaiteno ataleno vigeno Koniliasia tole aliya kanolatamaaene nagola
Anumaya Koti kema nehavia ati kanoamoenefe ke higeya ageno ani ensole kanomoma evayi
huno humainea kea hamapaiteno humategeya Yopa umainae.
Pitaa himona kana ya age-maine.
9
Katega mo-faeteya kotigeya hetiya Yopa evayi hugahe hageno yagemoa amuno-kano
higeno Pitaa nunamu hugahe nomona amega agotofulega haino maine.
10
Mainegeno tusia
agateanagi kavela yaufa talo tala nehageno nagola himona kana yana age-maine.
11
Ageana
ikamoa aihagalo higeno nagola tusia kena kana yana aluga aluga atupale nofi aye-maleteya
atalageno mopafi enelavigeno age-maine.
12
Ageana ani yapina mukia yaka kafa afua
osifavea nama vayupala yagaene mainageno elavi-maine.
13
Elavigeno Pitaa neagegeno
nagola age aino mage huno hapaiye Pitagae hetika ani memeyana heka no. huno hie.
14
Higeno Pitaa mage huno hapaiye Aao, Alanimogae ma ma yaga kafa kagai kaufina
oniyaage humainegena nagaluma humalenana yamofe tamage huna onenoa yayaga hane.
huno humaine.
15
Higeno nagoene agea aino mage huno humaine Anumaya Kotia ago alino
sese humalenea yafena Oniyaagela ohunegi afaa alika no. huno humainea kavefena
nagoene Oniyaage humaineanagina onegahue. huka ohuo.
16
Ani kavala talia (3) yupa
huteno aupaa ani kenamoa ikapinaga eteno haimaine.
17
Haigeno Pitaa maineno anima agea himonamo aepaahe agesa havige havige huno
nehavigeya Koniliasima humategeya aya vayamoya Saimoni nofe hamavige hamavige hume
hume uya ani nona ageteya fiate mehetiya mainae.
18
Hetiya maineya ke huya mage huya hae
Saimonia nago agia Pitae kanoa mani nopina mainefi omaiye? huya hae.
19
Hageno Pitaa
himonahe agesa havige havige huno mainegeno Avamumoa mage huno hapaiye Havio talia
(3) vayamoya kagaife megatineayae.
20
Mekatineayagi hetika afepinaga lavika mogo. Nagaya
humatogeya emainagi tole kagesa ohavika afaa amakaienena vuo. huno humaine.
21
Higeno Pitaa tavino mage huno hamapaiye Atimaayaya kanoa nagayae. Naa
higetama neae? huno hama-vige.
22
Hamavigegeya mage huya hae Nago kanoa Koniliasie
ati vayate kava kanogino fatago kano maineanagino Anumaya Kotina haiya kava hugahue.
huno humainea kanomoa hulategeta neonageno ani kanomoa Yuta vea omainea kano
maineanagi Yuta veamoya Kanale kano maine. huya hageno nemaiyane. Nago yupa
nagola alu aotage ensole kanomoa evayi huno mage huno hapaiye Saimoni Pitafe ke
hugeno kagai nopina eno nagola kea kahapaisigeka havigane. huno higeno hulategeta
neone huya hapai-mainae.
23
Hageno Pitaa kenonaamia mage huno hie Nopi ehaitama
emaiho. huno higeya haiya mo faeteya kotigeno Pitaa hetino amakaiene vigeya nagoa Yopa
kumateti Yisasife haviya amakupi malenaya vayamoya amakaiene tokaeya umainae.
Pitaa Koniliasi notega umaine.
24
Katega nagoke no mo faeteya ega Sisalia kumate evayi hageno Koniliasia esayafene
huno amakava maineno agaia nofi vayaene anagaamoyaenefe ke higeya melitalu huya
mainae.
25
Mainageno Pitaa ani nopi hai-falegeno Koniliasia avate eno aiyafi ape humaineno
muse hutene.
26
Musena hutetegeno Pitaa ali hetiteteno mage huno hie Hetio nagaienena afa
kano mainoe. huno hie.
27
Pitaa mani kea nehuno Koniliasiene kea kea hume nopinaga
haino mogeana kasagoya veane melitalu huya mainae.
28-29
Mainageno Pitaa mage huno hie tamakaitamia ago havimainae Yuta veamoya
Isaleli vea omainaya veanene maineya kea kea huyafena ago nagalu humalenaya kea ago
havimainae. Anumaya Kotia nagaila navelino mage hie Nago kanohena Oniyaage kano
mainane. huka ohuo. huno naveligena agetena nagaifema ke hanagena tole nagesa ohavina
aupaa emainogi naa higeka nagaifena kea hanagena emainoe? huno havige.
30
Havigegeno Koniliasia mage huno hapaiye Talia (3) kana ago euno nagasegena une
kanalega tali (3) kiloki noniafi mainena Anumayamotega nunamu huna havinegogeno aupaa
nago kanomona kenaamoa efeage nehuno alave alave nehigeno naule mehetigena agoe.
31
Agogeno ani kanomoa nagaifena mage huno nahapaiye Anumaya Kotia haavigana kea
ago haviteno kagayama afenoamima omalenea veala hamamaeka amamite amamite hana
yana ageteno kagaifena agesa nehavie.
32
Nehaviafe kagaya Saimoni Pitatega vayala
humatesanageya Yopa visae. Ani kanomona hamoamoa Saimonie pulamakamo augafa taga
huno talo nehia kanomo nona hageli agegayale hanegeno yoka unemaiye. huno humaine.
33
Higena nagaya aupaa kagaitega vayala alimatalogeya vageka kanaleya huka emainanageta
Anumayamoa Hamapaiyo. hunoma kahapai-mainea kea havigahune huta Anumaya Koti
aulagafi melitalu humainone. huno humaine.
Pitaa Koniliasi nopi Yisasi kea huhaleno humaine.
34-35
Pitaa hetino aepa heno mage huno hie Tamage, havuana Anumaya Kotia vayamo
agiahepi nofiahepi agesa havino notamianagi mukia nofi vayayagafitila nagoa veamoya
Anumaya Kotina amakua amiteya Agaila haiya kavala kanale kava humainaya veamoya
Anumaya Kotia ani veafe nahaiya veane mainae. huno hie.
36
Huteno Anumaya Kotia
Yisasi Kalaisina hutegeno kanale kea huno Anumaya Kotiene alino nagoke taipa falu huta
maisuna kea Isaleli veamogatina tahapaiya kea havimainae. Ani Yisasi Kalaisia mukia
veamogatina Anumayatimo maine.
37
Yonia Kefo yatamihena tamakua aiyahae hisagena
tina falelamategahue. huno hamapaitegeno Yisasia Kaliliti aepa heno mukia Yutia kotega
kema humainea kavafena tamakaya ago havimainae.
38
Anumaya Kotina Alu Aotage
Avamuamoene tokiyaaene Nasaleti Yisasina amigeno Anumaya Kotia agaiaene tokaeno
maineafene huno alu kumate kumate ute ete hiaamo kanale kava huno Satanima amatafa
higeya kalima ali-mainaya veamogamina alino kanale humatene.
39
Kanale humategeta tagaya
mukia Yuta veama mainalegaene Yelusalemuene humainea kavala taulagafiti age-mainona ke
tamahanepaune. Ani kava higeya yafaga yosale asaimalageno fali-maine.
40
Falianagi tole
yupa maiteno nago kanalela Anumaya Kotia fali-mainefiti alino hetitegeno veamogati taule
mo laveli-maine.
41
Mo lavelianagi mukia veamoya agaila oagenagi tagaya veama
hamapaisunafene huno Anumaya Kotia tagaila ago hapalilategeta mainonafe tagaya fali-
mainefiti ali hetitenea kanafina Yisasiene tokaeta maineta tiene kaveene nemainone.
42
Nemainonanagino Yisasia veamogamina mage hutama hamapaiho huno humaine Nagaya
fali-mainesaya veanene afaa mainesaya veanene kaiyeke humatesuafene huno Anumaya
Kotia Yisasinia hunategena emainoe. hutama hamapaiho. huno humaine.
43
Yisasifena
mukia Anumaya Koti amaune vayamoya mage huya humainayane Mukia veamoya agaife
haviya amakupi maleya amametiti hisageno agaia agileti kefo yaamia aigeamateno
alitalemategahie. huya humainayane. huno hie.
Isaleli vea omainaya veamoya Alu Aotage Avamula ali-mainae.
44
Pitaa mani kea yaufa hamanepaigeno Alu Aotage Avamumoa elavino mukia mani
kema maiya nehaviya veamogami amakupina efalemaine.
45-46
Amakupi efalegeya amaku
amakesafiti nohaviya kea alu ke alu kefiti Anumaya Koti agia alisaga nehae. Ani kavama
haya yafe Pitaene emainaya veamoya Yisasi kema havimainaya Isaleli veamoya haviteya
Anumaya Kotia ago alu veamogamina Alu Aotage Avamuama amamia yafena tusia
amamayo aigeno Pitaa mage huno humaine.
47
Anumaya Kotia tagaila Alu Aotage
Avamuamona taminea kava huno mani veanene ago amamine. Tima falematesuna kaana ta
nagalua hulategahie? Tina afaa falemategahune. huno humaine.
48
Huteno amakaife mage
hie Yisasi Kalaisi agile tina falelamatesue. huno hamapaiteno tina falematetegeya mage
huya hapaiye Tagaiene nagoa kana tagaya maigane. huya humainae.
Aposolo Aposolo
<<
10 10
>>
Aposolo Aposolo
<<
11 11
>>
11
Pitaa Yelusalemu uno aliyamaahe hamapaimaine.
1
Aposolo vayaene Yutia maineya Yisasife haviya amakupi malenaya vayaene nagoa
Isaleli vaya omainaya veamoya Anumaya Koti kea haviya amakupi malenae huya haya kea
havimainae.
2-3
Havigeno Pitaa Yelusalemu haino mainegeya Amakoya anoyaa taga hisaya
yana tusia tokiya yane. huya haya Yuta vayamoya Pitafena Kagaya havi kava nehane.
huya mage huya humainae Naa higeka amakoya anoya lagama ohunaya vayayagaenena
kavela mo nenane. huya humainae.
4-5
Hageno Pitaa aepa heno mukia yama falotema humainea yafena hufalote huno mage
huno hie nagaya Yopa kumate mainena nunamuna nehugeno nagu nagesamoa aiyahae
higena himonafi agoana nagola tusia kena kana yana aluga aluga atupale nofi aye-maleteya
atalageno nagaite mopafi elavigena age-mainoe.
6
Agoana ani yapina mukia yaga kafa afua
osifavea nama vayupala yapavena anifi mainageno elavi-maine.
7
Elavigena neagogeno
nagola age aino mage huno nahapaiye Pitagae hetika ani memeyana heka no. huno hie.
8
Higena mage huna hue Aao, Alanimogae ma ma yaga kafa kagai kaufina oniyaage
humainegena nagaluma humalenana yamofe tamage huna onenoa yayaga hane. huna hue.
9
Hugeno nagoene agea aino mage huno humaine Anumaya Kotia ago alino sese
humalenea yafena Oniyaagela humaine. huka ohuka afaa alika no. huno humainea
kavefena nagoene Oniyaage humaineanagina onegahue huka ohuo.
10
Ani kavala tagufa
(3) yupa huteno aupaa ani kenamoa ikapinaga eteno hai-maine.
11
Haitegeya ani kana
kanoale tagufa (3) vayala tagaya mainona note evayi humainae. Ani vayayaga Sisaliagati
nagaitega humategeya emainae.
12
Emainageno Alu Aotage Avamumoa nagaifena mage huno
hie Tole kagesa ohavika amakaiene tokaeka vuo. huno higena uanagi manile mainaya
sikisia (6) nafunagaya nakaiene umainae. Uteta ani kanomo note uvayi huta nomaafi hai-
mainone.
13-14
Haunageno agaya mage huno tahapaiye noniafima ensole kanomoma heti-
mainegena agoana ensole kanomoa mage huno nahapaiye Kagaya menia nagoa vayala
humategeya Yopa kumateti Saimoni Pitana movaleya eho. Ani kanoma esiana kagaiene
mukia anagakaene Yisasia taaugafa aligatisia kea tamahapaigahie. huno higena havue huno
tahapaiye.
15
Tahapaitegena nagaya aepa hena kea nehugeno Alu Aotage Avamumoa
hagoteno tagaima hulatenea kava huno elavino amakai amakupina fale-maine.
16
Nefalegeno
nagesamoa hao higena Anumayatimoa humainea kele nagesa havimainoe. Ani kea mage
huno humaine Yonia titafateti falemateneanagi haenagaa Alu Aotage Avamuteti
falelamatesigeno tamakupina faleno maigahie. huno humaineane.
17
Tagayama Yisasi
Kalaisife havita tagupi maleta tametiti humainona yupa Anumaya Kotia Alu Aotage Avamula
tamineanagino ania huno amakaienena Alu Aotage Avamula amamianagina nagaya tana
Anumaya Kotima aliyama alia aliyana tilesue? Nagaya maleli-otegahue huno hu-maine.
18
Higeya haviteya kea ohuya maineya Anumaya Koti agia alisaga nehuya mage huya
humainae Tamage Anumaya Kotia Isaleli vea omainaya veanenefe Tamaipa aiyahae
hisagena agola maige maige hisaya tamahaimula tamamino. huno humaine. huya nehae.
Atioku kumate veamoya Yisasi ke haviya amakupi maleya amametiti humainae.
19
Sitivenina hayageno falitegeya Yisasife haviya amakupi malenaya veamogamina ali-
haviya humatageya faleya alu kote kote ute ete humainae. Nagoa veala faleya Fonisia
umaigeya nagoa veala faleya Saipalusi umaigeya nagoa veala faleya Atioku kumate
umaineya Anumayamo kea Yuta veamogamike hamapai-mainagi alu veamogamina
hamaopainae.
20
Hamaopaiyanagi amakai amunopitila nagoa vayala Saipalusitiene Sailinitiene
euya Atioku maineya Kaliki veamogamina Yisasia Anumayatimofena kanale kea
mohamapai-mainae.
21
Hamanepaigeno Anumayamoa tokiyaaleti amaya higeya kasagoya
veamoya amakua aiyahae huya Anumayamo ke haviya amakupi maleya amametitia
humainae.
22
Amametitia hageya Yelusalemu maineya Yisasife haviya amakupi malenaya veamoya
ani kea haviteya Panapasina hutageno Atioku umaine.
23
Anile umaineno ageana Anumaya
Kotia kayone humatea yana ageteno muse huno mage huno hamapaiye Tamaku
tamakesamoa tokiyaage hinagetama efi efi hutama Anumayatimoene tokaetama vaiyatete
hiho. huno hamapaige hamapaige huno maine.
24
Anima hamapaiya kanoa Panapasie. Ani
kanoa kanale kanogino Yisasi kema havino agupi maleno ametiti higeno Alu Aotage
Avamumoa agupina hiya humainea kanogino Yisasifema hamanepaigeya kasagoya veamoya
amakua Yisasina amitafa humainae.
25
Amitafa hageno Panapasia Solofe atiyegahe Tasusi umaine.
26
Uno atiyeno ali-falote
huteno Atioku avaleno haigeana nago kafua Yisasi anagaene mo lokaeana maineana
kasagoya veamogamina Yisasi kea hamapaiageya Atioku mainaya veamoya hagote kanafi
Yisasi anagafe Kalisiteni veamogatamae. huya amakia malenae. Tagai kefitila ani
amakimoa Kalaisi akave malaya veamogatamae huya humainae.
Panapasiene Soloene hunatageana Yelusalemu elavi-mainae.
27
Ani kanafina nagoa Anumaya Koti amaune vayala Yelusalemuti ataleya Atiyoku hai-
mainae.
28
Haigeno amakai amunopitila nago kanomo agia Agapusie heti-mainegeno Alu
Aotage Avamumoa hapaigeno aune laga huno mage huno humaine Tusia kafu hisaya kana
mukia mopale evayi hugahie. huno humainea kemoa ani kafuma efalotema hia kanafina
Kolotiusia sauve kano maine.
29-30
Ani aunema Agapusia laga hia kea haviteya Yisasife
haviya amakupi malenaya veamoya mage hae Yutia mainaya tafu-taganagamina amaya
hisune. Mukiamogata moneti hanesimogata monea alitalu hisune. huya huteya alitalu huteya
ani monea aliya Yisasi anagamogamite kava vayamogamina amamigahe Panapasigani
Sologani hunatageana ani monea aliana umainae.
Aposolo Aposolo
<<
11 11
>>
Aposolo Aposolo
<<
12 12
>>
12
Helotia Yemesina haegeno faligeno Pitana nofi hutene.
1
Ani kanafina Helotia ala sauve kanogino nagoa Yisasife haviya amakupi malenaya
veala alino haviya humatene.
2
Humateteno Yemesia Yonina nepuamona ayaaya naepeleti
ageya fakaligeno fali-maine.
3
Falitegeno Helotia ageana aniama hia kavafena Yuta veamoya
amaipa haviya kanale haya yafe Pitana haegahe atafa humaine. Hale oki kaihame maya imu
kiya kanafi ani kavala humaine.
4
Helotia Pitana atafa huno kina huteteno sikisitinia (16) ati
vayamogamifena mage huno humaine Foa (4) maite maite hutama tokiyaage hutama
yagaiho. huno humaine. Ala imua Anumaya Kotima amakinagomo amaugafama aligati-
mainea yafe amakesa hao hisaya imu kitesageno vaya amaufi avaleno kaiyekea huteteno
haegahe humaine.
5
Pitaa kina nopi mainegeya Yisasife haviya amakupi malenaya veamoya
tusiya huya Anumaya Kotima aya hisiafene huya nunamupitila havigemainae.
Nago ensole kanomoa eno kina nopiti Pitana avalegeno umaine.
6
Havinegageno Helotia Ega avalena kaiyekea hutegahue. huno nehigeno ani kegela
Pitana tole ati kanolatamogani amunopi tole seni nofiteti aluga aluga ayatalapi ayeteya tole
ati kanolatamogani anayapiene aye-maletageno faeno mainegeya nagoa ati vayamoya hetiya
ani kina nomo fiate yagaiya mainae.
7
Yagai-mainageno nagola Anumayamo ensole
kanomoa evayi higeno ani kina nomo agupinaga tusiya huno aivasa higeno ani ensole
kanomoa Pitana haopale kayo neaino aligafa nehuno mage huno hapaiye Aupaa hetio.
huno higeno hetigeno ayapiti seni nofimoa atumaelavi-maine.
8
Atumae-lavigeno ani ensole
kanomoa mage huno hapaiye Kenakaa nefaika kaiya noene vaiyo. huno higeno Pitaa ania
hutegeno mage huno hapaiye Siotaka nevaika nakave eno. huno hie.
9
Higeno ani kina
nopitila Pitaa hati-lavino akave neuno tole agesa haviteno aneginagi huno mage hie Ensole
kanomoma hia kavala himona neagofi afaa falotega neagoe? huno humaine.
10
Anakaya
vaana hagotenoma yagai-mainea ati kanoa agaseana uana nago ati kanomona mogaseana
uana ala kumatema nevaya fiate uvayi haana tokiyaage aenileti talo humalenaya fitagino
kitalako humalenaya fitamoa agaia aiyaki-lavigeana nago nona agaseana osi kate vaafiti
ensole kanomoa motaleno fanane humaine.
11
Fanane higeno Pitana agu agesamoa aikalo higeno mage huno hie Menia nagaya
havilama huna nehavue Anumayamoa agaia ensole kanoa hutegeno Heloti ayapitila
melinatale. Yuta vayamoya nagaila nagoa kava hunategahe amakesa havi havi haya yapitilagi
naugafa meligatie. huno humaine.
12
Ani agesa havime havime Malia notega umaine. Ani
Maliaa Yoni Makina itaamoe. Ani nopi mukia veala melitalu huya Anumayamotega
havinegeya mainae.
13
Mainageno Pitaa kumategati ani nomo fitale mekalu kalu nehuno ke
higeno nagola aliya munamona agia Lotae yakigahe emaine.
14
Emaineno haviana Pitana
alenaga agele haviteno aipamoa havino muse huteno ani fita oyakino ataleno aiyayeno
nopinaga haino mage huno veamogamina hamapaiye Pitaa ago fiate me heti-maine. huno
hie.
15
Higeya Aifonafo ke nehane. huya hageno Aao, tamage nehue. huno higeya
Agaya omaigi ensole kanoa emainegi mogeho. huya humainae.
16
Nehageno Pitaa fitale akalu kalu maino huge huge nehigeya fita yakiya agayana
higeya ageteya tusiya huya atali talua humainae.
17
Amamayoa neaigeno Pitaa Kea ohutama
maiho. huno hamapaisia yafe ayateti aigo-sigosi huteno Anumayamoma nofi nopiti avaleno
emainea yafena hamapaiteno mage huno hamapaiye Ani kea Yemesiene nagoa tafu-
taganagamina hamapaiho. huno hamapaiteno hati-lavino alualega umaine.
18
Utegeno kola otinegeno yagea vayima nehiana ati vayamoya atali talu huteya Pitaa
hanaa huno hanate tataleno vie? huya ala ke nehuya amamayoa tusiya huno aimaine.
19
Helotia haviteno Pitafe atiyeho. huno higeya ati ayayana ali falote ohageno ati
vayamogamina kaiyeke huneamateno Hamaegeya faliho. huno humaine. Huteno Yutiati
tavino Sisalia mo maine.
Helotia ago falimaine.
20
Helotia kava yagai-mainea mopafiti kaveamia nealiya yafe Helotia Taiya nemaiya
veanene Saitoni veanenefe tusiya huno aipa haviya humategeya nago amaku amakesa
haviteya alitalu huya Helotina hagote aliya kanoamote Palasatusite mage huya me hae Falu
huta maisuna yafe kagaya Helotina hapaiyo. huya hageno agaya nago aipa ani veanene
huteno Helotite emainae.
21
Ageno Helotia nago kanaa amamiteno ani yupa sauve konagali kenaa faiteno sauve
kanomo siale maineno ayaaya ke hamapaiye.
22
Hamanepaigeya melitalu humainaya
veamoya mage huya nehae Mopale kanomo hia augafa kea nohanagi Anumaya Kotia kema
nehia kava huka nehane. huya humainae.
23
Nehageno Havige nehae. huno ohuno
Anumaya Koti agima alisaga ohia yateti aupaa Anumayamo ensole kanomoa me aikolino
kalia amigeno hagifayagamoya aipa laga hageno fali-maine.
24
Falitegeno Anumaya Koti
kemoa tokiyaage huteno mukia kumate ute ete humainegeya kasagoya veamoya haviteya
Yisasina amakua amitafa humainae.
25
Panapasiene Soloene ani monea Yelusalemu kumate
aliana momamiteana Yoni Makina avaleana Yelusalemuti Atioku kumate emainae.
Aposolo Aposolo
<<
12 12
>>
Aposolo Aposolo
<<
13 13
>>
13
Panapasiene Soloene Anumayamo aliya alisaa yafe huyogiya hunatageana vaiye-
mainae.
1
Ani Atiokua Yisasi anagapiti nagoa maineya amaune laga huya Yisasi ke hamanepaiya
vayala mainae. Ani vayamogami amakia Panapasiene Simionie kanomona nago agia Naisae.
Tagai kefina ani agimoa Anupa kanoe. huya neaya agie. Ani kanoene Lusiasia Sailini
kanoene Soloenena Manainie. Ani kanoa Helotia Kalili kava kanomona afaluamoe.
2
Nago
yupa Yisasi anagamoya kavela mosiya maineya Anumayamo agia alisaga nehuya muse huya
havinegae. Havinegageno Alu Aotage Avamumoa amakaifena mage huno humaine
Panapasigani Sologania anahaote aliyate hunateho. Nagaya nago aliyate ago hunatenoe.
huno humaine.
3
Higeya kave mosiya maineya Anumayamotega havinegeya ananute amaya
maleya hunatageana umainae.
Panapasigani Sologania Saipalusi kumate umainae.
4
Alu Aotage Avamumoa hunategeana Selusia taviana tipi kalefi haisaga humaiana
Saipalusi kotega umainae.
5
Salamisi vayi huana Yuta vayamogami mono nopi haiana
Anumaya Koti kea hamapai-mainae. Anakaiene Yoni Makia monaya humaine.
6
Ani
Saipalusia ti amulagoyafi hanea kumayagale ute ete huya Pafosi evayi humainae. Ani
kumatela nago Yuta kanomoa havige huno Anumaya Koti aune kano mainoe. huno nehia
kanomo agia Payisasie nehaya kanoa maine. Ani kanomoa tokiyaage kavayaga talo huno
veanea ayemavataga nehiane.
7
Ani kanomoa mukia kanafina kava kanomo agia Sesiusi
Polusiene nemaiyane. Sesiusi Polusia kanale agu agesaene kanogino Anumaya Koti ke
havigahe Panapasigani Sologanife ke higeana eana hapai-mainae.
8
Hapaiageno ani
havigeage aune kanoma Payisasia tokiyaage kavama nehia kanomona nago agia Kaliki kefiti
Elimasie mage huno nehie Mani kea havika kagupi omalo. huno hefalaki-maine.
9-
10
Hefalakeanagi Soloa nago agia Poloe agaia agupina Alu Aotage Avamumoa hiya higeno
Elimasina aulagafi age-maineno mage huno hapaiye Kagaya Satani nafanemogae fatago
humainea yamona kame kanoa mainane. Savale savala keage kano mainananagino kagai
kagupina havi keage yamoa hiya humaine. Naama hana kanomoga Anumaya Koti kamoa
fatago humainea kama haneanagi kagaya Kayagimainea ka hanegi oviho. huka
hamanepaine. Na yu ani havi kavakaa atalegane?
11
Oatalenana anonaa menia havio
Anumayamona tokiyaage ayatetila kahaesigeno kaulagamoa osi kanaganoa asu hisigeka
yagea oagegane. huno nehigeno aupaa aulagamoa anile asu higeno ayate aliya kama
avelisaya kanohe atiye-maine.
12
Kava kanomoa Sesiasi Polasia naama hia kavala ageteno
Yisasife hia kene tokiyaaenefe ageteno tusia amayo aigeno ani kea alino aguafi maleno
ametiti humaine.
Nagola Pisitia kotega hanea kumala Atioku kumate uana Yisasi kea hamapai-
mainae.
13
Poloenema vaa kanolatana Pafosi kumala ataleya tipi kalefi haisaga humaiya nagola
Pamafilia hanea kumala Pega kumate evayi huteya Yoni Makia neanataleno Yelusalemu
eteno lavi-maine.
14
Lavigeana anakaya Pega kumala ataleana nago Pisitia kotega kumamo
agia Atioku kumate evayi huana Sapati yupa Yuta vayamogami mono nopi haiana mopale
mainae.
15
Mopale mainaageya ani mono note soka vayamoya Mosese kae-malenea kene
Anumaya Koti amaune vayamoyama kae-malenaya kene hapaliteya nago kanoa hutageno
uno ani kanolatafe mage huno humaine Nelafugatana taguamoma tokiya vaisia kea
tanakuafima hanesigetanahena huhaleageta havimano. huno humaine.
16
Higeno Poloa
hetino ayana alisaga huno ke ohutama maiho huno amaveliteno mage huno humaine Isaleli
vayamogatamaene nagoa Isaleli omainaya vayala Anumaya Kotina haiya kava haya
vayamogatamaene haviho.
17
Isaleli veamogamina Anumaya Kotiamimoa taginagomogamife
agaia veane maisayafene huno hapalimategeya Isipi kotega yokala umaiyana Anumaya Kotia
amaya higeya tokiyaage veane aitagufeya kasago hageno agaia tokiyaaleti Isipi kotegatila
amavalegeya ataleya umainae.
18
Amavaleno vigeya fotia (40) kafu amakaiene kame kotega
umaineno veganokano kavama haya kavaamihe mailama huno maineno yagaino maine.
19
Anumaya Kotia sevenia (7) nofi veamoya Kenani nemaiya veamogamina hamae hano
higeya faligeno amakai mopa Isaleli veamoya maisaya yafene huno alino amamine.
20
Amamigeya fo hataleti fifitia (450) kafu ani kumatela mainageno anile Anumaya Kotia
kasagoya uhagotematesaya vayala amamigeya amakaya maime maime nehaigeno haenagaa
nagola Anumaya Kotina aune kanoa Samuelia evayi humaineane.
21
Evayi higeya Ala sauve
kanotia lamio. huya hageno Anumaya Kotia Solona amamine. Ani kanomona nefa agia
Kisie. Penisamini nofi kano maineanagino Soloa fotia (40) kafu kava yagaimateneane.
22
Kava yagaimateno maineanagino Anumaya Kotia neataleno Tevitina hutegeno ala sauve
kanoamia maineane. Anumaya Kotia Tevitifena mage huno humaineane
Yesi nafanea Tevitifena nagaiene nagoke taagu taagesa haneanagino Tevitia mukia nagaima
nahaiya kavala hugahie. huno humaineane.
23
Anumaya Kotia nayona hulokiya vaino mage huno humaine Tevitina aginagomopiti
tamaugafa aligatisia kanoa falote hugahie. huno humaineanagino ani kanoa Yisasie taugafa
aligatisia kano emaine.
24
Yisasia falote ohunea kanafina Yonia Isaleli veamogamina Kefo yatamihe tamakua
aiyahae hutama tina faleho. huno hamapai-maine.
25
Yonia aliyamaa alino avaya ayegahe
nehuno mage huno humaine Tamakaya nagaifena Anumaya Kotia taugafa aligatigahe
hutenea kano emaine. hutama nehayanagi nagaya ani kanoa omainogi ani kanoa aupaa
egahianagina nagaya afa kanogina agai aiyale ayesuana onategahie. huno humaine.
26
Nafu-naganagatama Apalahamupiti anagamogatamaene nagoa Isaleli omainaya
vayala Anumaya Kotina haiya kava haya vayamogatamaene Anumaya Kotia tamaugafa
aligatigahe humainea kea mukiamogatile evayi humaine.
27
Yelusalemu mainaya veamoya
kava vayaamiene Yisasina agelama ohunae. Mukia sapati kanafina amaune vayamoya
Yisasina kaiyeke huteteya haesaya yafema kae-malenaya kea hapaliyanagi aepaa havilama
huya ohavinae. Yisasina kaiyekema hutenaya yafe humainaya kemoa ago falote huno
tamage humaine.
28
Kaiyekea huteteya haesageno falisia augafa kefo kavala ohuneanagi
Pailatife Afaa haegeno falino. huya humainae.
29
Mukia amaune vayamoya agaifema
humalenaya kemoa falote huno ago tamage higeya yafaga yosaleti augafaa aliya yafakapi
mo-hevaitenae.
30
Mo hevaitayanagi Anumaya Kotia fali-mainefiti alino hetitene.
31
Hetitegeno Yisasia agaiaenema Kaliliti Yelusalemu hai-mainaya anagaamoya amaulagafiti
kasagoya yupa evayi higeya age-mainayanagiya menia agaifena mukia Yuta veamogamina
hamanepaiye.
32
Hamapai-mainaya yafe tagayaene Anumaya Kotia tamakinago-mogamina
hulokiya vaino hamapai-mainea kemona kanale ke tamakaila tamahapaigahe emainone.
33
Ani
kemoa falote huno tamagema hisiafene huno Anumaya Kotia tagaila amakinagomogati
taulagafi Yisasina ago alino hetitene. Mani kea Yagame Avopi tu (2) molia sapta mage huya
kae-malenae
Kagaya menia nafanenimoga mainane. Meni kanoa nagaya Negafana mainoe. huno kae-
maleneane.
34
Yisasia fali-mainefiti ago ali hetiteneafe eteno falino komufinaga mo okasalisiafene huno
nayona Anumaya Kotia mage huno humaineane
Tevitina Hano ohu manua kanale manu kamigahue. huna humainoa manua tamakaila
tamamigahue huno humaineane.
35
Ani yafe nago kemoa nago autamafina mage huno hu-maineane
Kagaya kanaleya huka huyogi-malenana aliya kanokamona Anumayamoga atalesanageno
augafamoa komufinaga okasaligahie. huno humaineane.
36-37
Mani kea Tevitifena ohune. Tevitia ma mopale mainea kanafina Anumaya Kotina haiya
kava humaineanagino faligeya totoamogami hevaimatenaya matimatipi augafamoa kasali-
maineanagi Anumaya Kotia Yisasina fali-mainefiti ali hetitenea kanomo augafamoa
okasaline.
38
Ani yafe nafunaganagatama havilama hutama haviho ani kanomoma hulatenea
kavafe Anumaya Kotia kefo yatamia aigetamateno atalelamatene huta tamahanepaune.
39
Mosesema kahegi malenea kemona akave malesunageno Anumaya Kotia kefo yatia
aigetateno atalelategahie hutama tamametiti hisayana aigetamateno ataleotamategahigi
Yisasife havitama tamakupi maletama tamametiti hisageno Yisasima fali-mainea yateti
Anumaya Kotia mukia kefo yatamia aigetamateno atale-lamategahie.
40-41
Amaune vayamoya
mage huya kae-malenae
Tamakaya kamuge hatagetama vaineamataya veamogatama tamakaya mainaya kanafina
nagaya Anumaya Kotina tusiya huna tokiyaage avame yana hugahue. Ani yafe
veamoya tamahapaisagetama Tamage nehae. hutama ohugahae ani yafe
tamamayoa ainagetama faligahae. huya kae-malenayane. Mani amaune vayama
kae-malenaya kea tamakaite evayi hugahigi kaye ho. huno humaine.
42
Poloa mani kea huteno Panapasiene hati-laviana ugahe nehaageya alitalu humainaya
veamoya mage hae Nago Sapati yupa ani monola nagoene me lahapaio. huya humainae.
43
Nehuya monola hano higeya hati-laviya mukia Yuta vayaene Anumaya Koti kema
nehaviya anagala Yuta vea omainaya veanene Pologani Panapasigania anakave nevageana
mage huana hamapaie Tokiyaage hutama Anumaya Kotia kayone hulamatesia yama
tamaminea yapi maiho. huana humainae.
44
Nago Sapati yupa mukia ani kumate veamoya Anumayamo ke havigahe melitalu
humainae.
45
Melitalu huya mainageya Yuta vayamoya ageteya amaipamoa haviya higeya
Poloma hia kehena Havige nehie. huya hu-haviya hutenae.
46
Hu-haviya hunatayanagi
Pologani Panapasigania tokiyaage kea mage huana hae Tamakaya Yuta veamogatamina
hagotetaa Anumaya Koti kea tamahapaigahe huanagi mani kemona tamakaveno hutetama
Agola maige maige hisuna tahaimu alisuna yafena notahaiyanagita oaligahune. hutama
haya yafe tamakaila tamataletaa Isaleli vea omainaya veamogamina mo-hama-paigahue.
47
Naa hisuafene huno Anumayamoa mage huno lahapai-maineane
Isaleli vea omainaya veamogamina aye-halematesayafene huna ago hulamatenoe. Mukia
mopaene mopaene mainaya veamogamina amaku amamena aligatisuafene hutama
hamapaigahae. huno humaineane. huana humainae.
48
Nehaageya Isaleli vea omainaya veamoya mani kea haviteya tusia muse huya
Anumayamo kea alisaga humainae. Naa nehuya Anumaya Kotina haigenoma Agola maige
maige hisaya tamahaimula aligahae. huno hapali-malenea veamoya mani kea haviteya aliya
amakupi maleya amametiti humainae.
49
Amametiti hageno Anumayamo kemoa mukia
kotega ute ete humaine.
50
Ute ete humaineanagi Yuta vayamoya ala amakima hanea aneyaga
mono kema nehaviya aneyagamogami amaipaene kava vayamogami amaipaene huya ali
hetigeya aepa heya Pologani Panapasiganina ali haviya-hunateteya ani kumategati ananati-
talenae.
51
Ananati-talageana anakaya Mani kavala havi kava nehae. huana ani kumapiti
kugukege yana anaiyafitila aifopo huneataleteana Aikoniamu umainae.
52
Vaanagi Yisasi
kema haviya amakupi malenaya veamoya tusia muse hageno Alu Aotage Avamumoa
amakupina hiya humaine.
Aposolo Aposolo
<<
13 13
>>
Aposolo Aposolo
<<
14 14
>>
14
Pologani Panapasigania Aikoniamu uana Yisasi mono kea hamapai-mainae.
1
Pologani Panapasigania Aikoniamu elavi-vayi huana Yuta veamogami mono nopi
haiana kanale mono ke hamapaiageya kasagoya Yuta veamoyaene Kaliki veamoyaene
haviya amakupi maleya amametiti humainae.
2
Naa haanagi nagoa Yuta veamoya Yisasi
kelefena tametiti ohugahune. huya nehaya Yuta veamoya havige huya Isaleli vea omainaya
veamogamina Yisasi anagafe Kefo kava nehae. huya hu-atile-male huya amaipa kafa
hematenae.
3
Naa hayanagi Pologani Panapasigania ayaaya kana anile maineana tokiyaage
huana Anumayamo kea huhalaageno Anumayamoa anaya huno agaia kayone humatesia kea
havisayafene huno tokiyaa anamigeana tokiyaage avame yayaga humainae.
4
Ani kava
haageya ani kumate veamoya tolefi aliya fako huya nagoa veamoya mage hae Yuta
vayamoya tamage nehae. huya hayanagi nagoa veamoya mage hae Aao, Aposolo
vayamoya tamagea nehae. huya humainae.
5
Huteya Yuta vayaene Isaleli vea omainaya vayaene kava vayaamiene mage hae
Pologani Panapasiganina ali haviya hunateteta yafa kayoteti hanaesunageana faligae. huya
humainae.
6-7
Hageana mani kea haviteana faleana Likonia kotega hanea kumatalate Lisitala
kumateene Tepe kumateene uana anilega hanea kumayagalega umaineana Yisasifena kanale
mono kea hamapai-mainae.
8
Lisitala kumatela nago kanoa maine. Ani kanoa atenelegati aiya avayu humai kanoa
vaiyatete nohia kanoa anile mopale maine.
9-10
Mopale maineno Poloma hia kea maino
nehavigeno Poloa aulu heno ageana ani kanomoa Yisasifema havino agupi maleno ametiti
hia tokiyaa hanegeno Poloa agupinaga havia kea ago haviteno ala kegefafiti mage huno hie
Kaiya ayepi huka hetika maiyo. huno higeno aupaa halelako humaino hetino ute ete
humaine.
11
Ute ete higeya alitalu humainaya veamoya Poloma hutea kavala ageteya ala kefiti
ailalupeya Likonia veamogami kefiti mage huya hae Tagai anumayatia vaya kana huya
tagaitela elavi-mainae. huya humainae.
12
Nehuya Panapasife Nago anumayati maine. Agia
Susi maine. huya nehuya Poloa kasagoya kema hia yafe Nago anumayati maine. Agia
Hemesi emaine. huya humainae.
13
Susi agima alisaga nehaya nona ani kumamo
agegayalega hanegeno ani note kava kanomoa ve pulumakaene tamu vailinea auseaene ani
kumamo hionale alino mukia veanene ani tole kanomofe pulamaka heya kae-salamana
hunategahe humainae.
14-15
Hunategahe nehageana Aposolo kanolatamogania Pologani Panapasigania mani
kea haviteana Havi kava hugahe nehae. huana kenaania ali hatata hutaleana anima alitalu
humainaya veamogami amunopi anaiyayeana vaayamogani ala kefiti mage hae
Nelaafugatamae naa higetama mani kavala nehae? Taagaya vayatafa mainoagi tamakai kana
hutaa mopale vaya mainoe. Kanale mono kea tamahapaigahe taagaya emainoe. Afa kava
hutama haimula omale manimo agi alisaga nehagi ani kavala neataletama tamakua aiyahae
hutama Anumaya Kotina tamakua amitafa hiho. Ani Anumaya Kotia ofalisia kano maine.
Ikaene mopaene hageliene talo humalene. Mukia ani lipi mainaya kafayagaene ikatega
mainaya namaene mopale mainaya afuene veanene talo humaleneane.
16
Nayo kanafina alu
nofi alu nofi veanemoya amakaiami hamaiya kate vaiyatete maiya hageno Anumaya Kotia
kahegi oamatene
17
Kahegi oamateneanagi Nagaya ma mainoe. huno amaveligahe huno
kanale kavala humateno ikapinagatila kola lamamino hoyafina kanale kavela lamamino
tamaku tamamemoa muse hisia yana male hiya hulamatene. huana nehae.
18
Mani kea haanagi ani veamoya anakaila afu heya kae-salamana henategahe nehageana
Aao. huana tokiyaage ke haa yafe atalenae.
19
Nagoa Yuta vayamoya Atiokutiene Aikoniamutiene anile evayi huya alitalu
humainaya vayamogami amaipamona huya ali hetimatageya yafa kayoteti Polona haeteya
agayana higeya Ago fali-maine. huya amakesa haviteya kumamona malaga avayu huya mo
talenae.
20
Mo talayanagi Yisasife haviya amakupi malenaya vayamoya ayaamoya me
maigagitageno anileti hetino kumatega mo faeteno kotigeno Panapasiene Tepe kumala
neataleana umainae.
21-22
Vaayamogani ani kumate vayamogamina Yisasi mono kea hamapaiageya kasagoya
veamoya Yisasife haviya amakupi maleya amametiti hageana eteana Lisitala kumate haiteana
Aikoniamu haiana Atioku kumate evaana anile maineya Yisasife haviya amakupi maleya
amametiti humainaya veamogami amaku amamema ali lokiya vaisaya kea mage huana
hamapaie Tokiyaage hutama tamakua Yisasina amitafa haya yana mukia kanafina ani
katekeya vaiyatete hiho. Anumaya Kotife Kava yagailato. huya nehaya veamoya ma
mopale mainageno kana yayagamoa amaugafale falote hisianagi haenagaa kanale kumatela
ugahae. huana hamapaie.
23
Alu mono note alu mono note ute ete huana kave mosiya
Anumayamotega havigeya Yisasina amakuama aminaya vayapiti kava yagaisaya soka vayala
hapaliana Kagayae kagayae. huana humateteana mage hae Tamakuama amitafa haya
Anumayamo ayapi tamaya hisia yafe nelamatoe. humateteana amateteana umainae.
Poloene Panapasiene eteana Silia kotega hanea kumala Atioku kumate elavi-
mainae.
24
Elaviana Pisitia kola mogaseana nago Pamafilia hanea kumala Pega kumate evayi
humainae.
25
Pega kumate veamogamina Yisasi mono kea hamapaiteana anileti neamataleana
Atalia kumate tavi-mainae.
26
Anileti tipi kalefi haisaga humaiageno anavaleno vigeana Atioku
kumate eteana hai-mainae. Nayona ani kumate maineya Yisasina amakua aminaya veamoya
Anumaya Kotia tanaya hisigetana agai kea mohamapaio. huya hunatenaya kumatelagiana
ani aliyana ali-vayayeteana eteana umainae.
27
Ago evayi huana Yisasi anagafe Melitalu hiho. haageya ageana Anumaya Kotia
anakaiene tokaeno mainegeana mukiama humainaa kavafena hamapaiteana Isaleli omainaya
veanene Yisasife haviya amakupi maleya amametiti haya yafe Anumaya Kotia fita ago
yakimatene huana hamapaie.
28
Ani Atioku kumatela Yisasi kema nehaviya veanenena
ayaaya kanagefa anilega mainae.
Aposolo Aposolo
<<
14 14
>>
Aposolo Aposolo
<<
15 15
>>
15
Kasagoya veamoya Yisasina amakua aminaya veamoya Yelusalemu melitalu
humainae.
1
Poloene Panapasiene Atioku kumate Yisasi anagaene mainaageya nagoa vayamoya
Yutiati elaviya mage huya hamapaiye Mosesema Tamakoya anoya taga hiho. huno
humainea kea akave omalesayana Anumaya Kotia tamaku tamamena aliokatigahie. huya
humainae.
2
Hageana Poloene Panapasiene Aao, tamakaya havige nehae. huana amakaiene
tusia ke vaiteya ani kema fatago hisaya yafe Poloene Panapasiene nagoa vayaene mo
hamavigegahe Aposolo vayategaene mono note kava vayategaene humatageya Yelusalemu
haimainae.
3
Yisasi anagamoya humatageya katega vayana Fonisia kotegaene Samelia kotegaene
alu kumate kumate ute ete huya Isaleli veane omainaya veamoya amakua aiyahae huya
Yisasina amakua aminaya kea amafuamakanagamina hamapaigeya haviteya tusia muse
humainae.
4
Muse hageya Yelusalemu uvayi hageya alitaluma humainaya Yisasi
anagamoyaene Aposolo vayaene soka vayayagaene falu fala humatageya mukia Anumaya
Kotia anakaiene tokaeno humainea kavafena hamapai-mainae.
5
Hamapaiageya nagoa Falasia
vayala Yisasina amakua aminaya vayamoya mage huya humainae Isaleli veane omainaya
veamoya Yisasina amakuama aminesayana ania hutama amakoya anoya taga hiho. Mosese
kahegi kemo akave maleho huta kahegi malesune. huya humainae.
6
Hageya ani kema humainaya ke fako hugahe Aposolo vayaene soka vayamoyaene
melitalu humainae.
7
Melitalu humaleteya kasagoya ke-yeso maiya hutageno Pitaa hetino
mage huno humaine nafunaganagatama tamakaya havimainae nayona Anumaya Kotia
tamakaipiti nagaifena Kagayae. huno Isaleli veane omainaya veamogamina Yisasi kanale
mono kea hamapaisanageya haviteya aliya amakupi maleya amametiti hugahae. huno
humaineane.
8
Anumaya Kotia taguafina ago agelama huno agemainea kanogino ageana Ani
veamoya amakua ago namitafa hageno tagaima Alu Aotage Avamumoma taminea kava
huno ani veala amamine.
9
Nagoke avamete huno Alu Aotage Avamula amamine.
Yisasifenema huya haviya amakupi malenayafene huno amakupima hanea kefo yaamia ago
aye hami-talene.
10
Ago aye hami-talenegi naa higetama Anumaya Kotima humainea
kavafena Afa ya kana yane. hutama tusia kanaage yana alitama Yisasina amakua aminaya
veatela malegahe nehae. Nayona taginagomoya Mosesema taminea kea akavela
omalenayane tagayaenena menia akave malesuna tagamula omalene.
11
Omaleneanagi
Anumayatimoa Yisasi ali kayone hulateno kefo yatihe huno faliteno tagu tamena
aligatimaine. huta tametiti nehunanagi ani yateti Isaleli veane omainaya veamogami amaku
amamena ago aligatimaine. huno humaine.
12
Pitaa mani kea hianagi mukiama alitalu humainaya vayamoya nago ke kanoa ohunae.
Ohageana Panapasiene Poloene Isaleli veane omainaya veamogami amunopi Anumaya
Kotima anakai anayapima tokiyaage avame yama humainea yafena hamapaiaageya
havimainae.
13
Nehavigeno Yemesia hetino mage huno humaine Nafunaganagatama nagai
kea haviho.
14-15
Anumaya Kotia ehe kanafima Isaleli veane omainaya veala amaya hugahe
viayamo ani veapitila agaia veane maisaya yafene huno amavale-maine. Saimoni Pitaa ago
tahapaigeta havimainonagi ani kea Anumaya Koti amaune vayamoya mage huya nayona
kae-malenayane
16
Mani kanamoa hano hisigena nagaya Anumaya Kotina Teviti nofi anagala nago no kana
hu-mainayanagiya tagapema ailavisayana nagaya etena alina hetigahue. Ali-haviya
hutalenaya nona etena kigahue.
17-18
Alisaga hugahuanagi mukia veanemoya
nagaifena natiyegahae. Isaleli veane omainaya veanemogamina nagaya ago hapali-
malenoa veamoya nagaife haviya nati-yegahae. Nagaya Anumaya Kotina ago
nayona tamahapaugetama havimainaya kavafe mani kea nehue. huno aune
kanoamoa kae-maleneane.
19
Ani yafe nagayama havua nagesamoa mage nehie Isaleli veane omainaya vayapiti
Yisasina amakua amitafa humainaya veamogamina kana yana oamamisune.
20
Avo kaeta
Mage hutama hiho. huta hamapaisune Fali-mainaya veafe Anumayati mainae. huya
amakisana nevaiya malenesaya kavela onesae. Ane munane amavayu nehisaya kavala
ataleho. Kolamoa agusafinaga hanesia afuene kolaenena oneho. huta hamapaisune.
21
Nayona aepa heya mukia kotega Yuta vayamogami mono nopina mukia Sapati yupa
Mosese kea hapaliya nehaviyane. Nehaviyanagi haviteya akavema malenuyahena akave
malegahae. huno humaineane.
Isaleli veane omainaya vayapiti Yisasina amakua aminaya veanefi mani avona
kaeya amaminae.
22
Aposolo vayaene soka vayaene Yisasi anagaaene mukia alitalu humaineya kea
haviteya Kanalele. huya amakaipiti tole kanolatana hesaga huteya hunatageana Poloene
Panapasiene Atioku kumate umainae. Anima hunataya kanolatana kava kanolataami mainae.
Anakia Yutasi Pasapasiene Sailasiene hunatageana umainae.
23
Avona kaeteya ani
kanolatamogani anayapina maleteya mage huya kae-malenae.
Tagaya Aposolo vayaene soka vayaene mani avona kaeta Isaleli veane omainaya
vayapitima Yisasife havitama tamakupi maletama tamametiti nehaya tafu-taganagatama
Atioku kotegaene Silia kotegaene Silisia kotegaene mainaya veamogatama Felugae. huta
avona kaeta nelamamune.
24
Tagayama havunana nagoa vayamoya tagaipitila nagoa
tamakesa kumo hutama tole lamakesa havisaya augafa kea mo lamahapaiyanagi tagaya Ani
kea hiho. huta hu-oama-tenone.
25-26
Hu-oamatenonafene huta melitalu hageta kea huta haya
kiteta tole kanolatana tagaipitila tahau tayamopafi nelahaiya kanolata hunatonageana
Anumayatimoa, Yisasi Kalaisina agai ke hamanepaia yateti hanaesageana falisaa yafena
anamayoa oai kanolatane, Panapasiene Poloene tamakaitega ugahe nehae.
27
Yutasiene
Sailasiene hunatesunageana tamakaitega humainona kea anavayafiti mo lamahapaigae.
28-
29
Alu Aotage Avamumoa tagaiene mainegeta kea kea huteta Kanalele nagoa kana yana
amayonalela omalegahunagi ma yamaage akave malesae. Fali-mainaya veafe amakisana
vaiya atupa kave alisaga huya malesaya kavela oneho. Kolamoa agusafinaga hanesia afuene
kolaenena onesae. Ane munane amavayu nehisaya kavala ohisae. Ani kavama ohisayana
kanaleya huya maigahae. Ketia male me hano hie. huya kae-malenae.
30-31
Kae-maleteya humatageya Atioku laviya Yisasi anagamogamina molitalu
humateteya mani avona amamigeya hapaliya haviteya humainaya kehena tusia muse
humainae.
32
Muse hageana Yutasiene Sailasiene Anumayamo aune kanolata maineana
ayaaya kea amaku amamema alilokiya vaisaya kea hamapai-mainae.
33-34
Ani kea huteana
ayaaya kanagefa amakaienena maiteana eteana vaageya ali falu fala hunatetageana
hunatenaya vayatega eteana umainae.
35
Vageana Poloene Panapasiene Atioku maineana nagoa veanene ailokaeana Yisasi
kea hamanepaiana mainae.
Poloene Panapasienena nagoke anaipalela omainae.
36
Nagoa kana maiteana Poloa Panapasifena mage huno humaine Etetaa mukia kumate
Yisasi mono ke hamapai-mainoa kumate ute ete hutaa tafu-taganaya kanaleya huya mainafi
haviya huya mainafi utaa mogesue. huno humaine.
37-38
Higeno Panapasia Yoni Maki
avale-linetaa ugahue. huno hianagi Poloa mage hie Aao, ani kanomoa hagoteno
taagaienema viana Pamafilia kumate mo nelaataleno aliyana oalino umaineane. huno
humaine.
39
Higeana ani yateti tolefi aliana fako huana anahaote anahaote umainae. Panapasia
Makina neavaleno tipi kalefi haisaga humaiageno Saipalusi anavaleno umaine.
40
Vaageno
Poloa anonaa Sailasina avalegeya afuaganaya Anumayamotega havigeya mage hae
Kategama visaana Anumayamoa kayone hulanateteno tanaya hisie. huya hageana
umainae.
41
Silia kotegaene Silisia kotegaene ute ete huana Yisasi anagamogamina amaku
amamena ali lokiya vaimateana amaya humainae.
Aposolo Aposolo
<<
15 15
>>
Aposolo Aposolo
<<
16 16
>>
16
Timotia aepa heno Poloene Sailasiene tokaeya vaiye-mainae.
1
Poloa Tepi kumate uno Lisitala kumate umaine. Ani kumatela nagola Yisasife havino
agupi malenea kanoa maine. Agia Timotie. Ani kanomoa Yuta amo nafane mainegi nefaa
Isaleli kanoa omainegi, Kaliki kano mainegeno, itaamoa Yisasina agua amitafa humainea
alagino maine.
2
Ani Lisatalaene Aikoniamuenema maineya Yisasi anagamoya Timotifena
Kanale kano maine. huya humainae.
3
Hageno Poloa Timotifena mage hie Taagaiene
tokaeta vaiyesune. Visuna kotega mainaya Isaleli veamoya kagaila negafaa Isaleli kanoa
omainegi, Kaliki kano maine, huya ago havimainagi havigu ani yafe amaipa haviya huyafene
huno nehuno Timotina avaleno Mosese kemo akave maleno agoya anoya laga humaine.
4
Naa huteya alu kumate kumate neuya Yelusalemu mainaya Aposolo vayaene soka vayaene
humalenaya kema akave malesaya yafe hamapai-mainae.
5
Hamapaigeya Yisasi
anagamogamina amametiti humainaya yamona tokiyaage higeya mukia yupa nagoa veanea
ete ete huya egasago hageya amakaienena tokaeya mainae.
Poloa himonafi nago Masetonia kanoa age-maine.
6
Alu Aotage Avamumoa Esia kotega nagai ke hamaopaigahae. huno nagalu
humateneanagiya Poloagi Sailasiagi Timotigamina Faligia kotegaene Kalesia kotegaene
umainae.
7
Misia kotega uvayi huya Pitinia haigahe hayanagi Yisasi Avamumoa Oviho.
huno nagalu humatene.
8
Nagalu humategeya Misia kola agaseya Taloasi kumate elavi-
mainae.
9-10
Ani kegela Poloa nagola himona kana ya ageana nagola Masetonia kotega
kanomoa hetino maineno ke huno mage huno humaine Kagaya hagelina lakaeka Masetonia
me lahamao. huno higeno Poloa agetegeta Anumaya Kotia tagaife Ani kotega utama
veamogamina Yisasife kanale mono ke mo hamapaiho. huno humaineanagita tagaya aupaa
Masetonia visuna kafe atineayone.
Litiaa Anumayamote agua aiyahae humaine.
11-12
Taloasiti tipi kalefi haisaga humaunageno tavaleteno aiyayeno fatago huno
Samotalesia ti amunopi hanea kumate euvayi higeta mo faeteta natena ufatago huno haigeta
Neapolisi hai vayi huteta mopafi euta Filipai kumate euvayi humainone. Filipai kumala
Masetonia veamogamina ala kumaamie. Nayona Lomu veanea eya mainaya kumale. Tagaya
ani kumate euvayi huta nagoa kana mainone.
13
Maineta Sapati yupa ani kumamona
kegiyamo hiyenale uteta titega lavita anilega Anumayamotega havinegaya kumala hane huta
lavunanagi nagoa aneyaga alitalu huya mainageta Yisasi kea mo hamapai-mainone.
14
Hamanepaunageno nagola ani kema maino havia amo agia Litiae. Tayataila kumateti
alagino haesate oko kena talo huno mone aliya nealia alagi Isaleli veane omainaya veapiti a
maineanagi aluya huno Anumaya Koti agia alisaga nehia alagino ani amoa Poloma hia ke
maino nehavigeno Anumaya Kotia agua alino aiyahae huteno havisia agu agesa amine.
15
Amigeno haviteno haenagaa mukia agaia anagaaene tina fale-matenae. Tina fale-
matetageno tagaila mage huno lahapaiye Musetami nehue nagaifema Yisasina agua amitafa
hia a maine. hutama hinutamahena nagaila noniafi emaiho. huno tokiyaage ke higeta
agayama hia kea akave malenone.
Poloene Sailasiene Filipai kumate nofi humainae.
16
Nago yupa Anumayamotega havinegona kumate ugahe katega neunageno nago
nofipi maineno miya noalia aliya nealia munala katega fotu hunanagi Kefo Avamumoa aguafi
mainegeno aune laga huno haenagama vayi hisia yafema havigagenoa hufalote huno
hamanepaiya munalagiya kava vayaamoya humainea keletila tusia mone nealiyane.
17
Ani
munamoa Poloene tagaiene takave neeno keha keha huno mage hie Ma vayala anafinaga
mainea Anumaya Kotina aliya vayaamoyae. Anumaya Kotima tamaku tamamema aligatisiafe
kanale kate kea tamahanepaiye. huno humaine.
18
Nehuno mukia yupa ani kegeya maino
higeno Polona aipamoa haviya higeno maiyahae huno ani Kefo Avamumofe mage huno
humaine Yisasi Kalaisina agai agileti kahanepauve ani munamo agupitila hati-lavika vuo.
huno higeno aupaa ani Kefo Avamumoa ataleno umaine.
19
Vigeya ani munamo kava vayaamoya agayana higeya monema nealiya kamoa
tilegeya aepaa ageteya Pologani Sailasiganina anatafa huteya anavayu huya vea atagu nefaya
kumapi kaiyeke hunatesaya vayate anavaleya umainae.
20
Yasi vayate anavaleya mage huya
mo hamapaiye Ma kanolatana Yuta kanolatanagiana tagai kuma alihaviya nehae.
21
Veane
amavaya huana Maa hiho. huana hulaveli-neliageta tagaya Lomu veamogata ani kavama
hisunana tusiya huno haviya hugahie. huya humainae.
22
Hageya melitalu humainaya
veamoya Tamage nehae. huya hageya Yasi vayamoya mage hae Kenaania ali hatata
hutalenetama hegi kayoteti hanaeho. huya hageya hanae-mainae.
23
Hegi kayoteti tusiya
huya anamulo-nalo huya hanaeteya kina nopi nofi hunateteya ani kina nopi kava kanomofe
mage huya hapaiye Ma kanolatatela tokiyaage huka yagaiyo. huya humainae.
24
Na ke
hageno haviteno kava neyagaiya kanomoa anavaleno tole ayenalagi-male nopinaga anateteno
anaiya nago yosa amunopi vaiteno aitalako hunatene.
25
Hunatayanagi anakaya ani kege amunona yagame nehuana Anumayamotega nunamu
huana havinegaageya kina nopi mainaya vayamoya haviya mainae.
26
Mainageno anile aupaa
tusia imi nealino ani kina note ayevasaga huya kimalenaya yosa ali kanage kanagu higeno
mukia fitayagamoa aiyaki-lavigeya mukia kina nopi mainaya vayamogami amayakopitila
nofiyagamoa kaluhelavi-maine.
27
Aikalu-helavigeno kina vayate kava kanomoa faeno
maineleti hetino mogeteno mukia fitayagamoa ago yaki-mainegeno mage huno agesa
havimaine Mukia kina vayamoya ago falae. huno ayaaya naepe kayona alisagino agaia
ageya fakaligahe humaine.
28
Nehigeno Poloa ala kefiti mage huno humaine Kagaikaa
kaugafa ali haviya ohuo. Tagaya mukiamogata afaa mainone. huno humaine.
29
Higeno ani
kava kanomoa vayafe Kanila alitama eho. huno hunemaleno aiyayeno ani nopinaga hai-
faleno monaketeno kolia huno atali nehuno Pologani Sailasiganina anavate eno anaiyafi
mesaga hulavi-maine.
30
Hu-laviteno ani nofipiti anavaleno kumatega viayamo anakaife mage
huno hanavige Musetani nehugi naa hisugeno Anumaya Kotia nagu namena aligatigahie?
huno hanavige-maine.
31
Higeana mage huana hapaie Anumayati Yisasife havika kagupi maleka kametiti
hisanageno Anumaya Kotia kagu kamena ali-negatino anagakamogamiene ali-gatisigetama
agai anaga maigahae. huana hapai-mainae.
32-33
Huteana ani kanoene mukia agaia anagaaene
Yisasi mono kea huhaleana hamapai-mainae. Hamapaitaageno ani kegekeya anavaleno
amuna sese hunateteya anile aupaa ani kanoene agaia anagaaene tina fale-matenae.
34
Tina
falematetaageno anavaleno nomaafinaga umaineno kavela anamiteno tusiya huno agaiaene
agaia anagaaene Anumaya Kotina amakua amiteya amametiti haya yafe tusia muse
humainae.
35
Muse hayanagi kotigeno Yasi kanomoa ati vaya humategeya eya mage me hae Ani
kanolatana afaa anatalegeana vio. huya humainae.
36
Hageno kina vayate kava kanomoa ani
kea mage huno Polona hapaiye Yasi vayamoya nagoa vaya humatageya eya tanakaife
mage hae tanakaya kina nopitila neataletana tanaipamoa kanale nehinagetana afaa vio. huya
me hanapaiye.
37
Higeno Poloa ati vayafe mage huno hamapaiye. Taagaya Lomu kanolata mainoagi
haviya hulaateya taagai kaiyekea haviteya fatago huya kaiyekea huotaateya vea amaulagafina
hegi kayoteti tusiya huya taamulonalo huteya nofila hulaatenagi menia naa higeya falakiya
taatalegahe nehae? Tamagelafa hutaa kesila ougahuagi amakaya amakaiami male eya Kina
nopitila ataletana vio. huya hulaatesae. huno humaine.
38
Hageya ati vayamoya ani kea aliya Yasi vayamogami mo hamapageya Lomu
kanolata mainoe. huana haa ke haviteya tusia koli humainae.
39
Koli huteya kina nopi uya
amahau ke mo hunateteya Havi kava hunagetana hae. huya kina nopitila anavale
neanataleya mage hae Musetani nehune mani no kumala neataletana vio. huya humainae.
40
Hageana kina nopitila ataleana Litia nopi mogaana anafuanakanagamina amaketeana
amaku amamena ali lokiya vaisaya kea hamapaiteana ani kumala ataletana umainae.
Aposolo Aposolo
<<
16 16
>>
Aposolo Aposolo
<<
17 17
>>
17
Tesalonaika vayamoya Poloene Sailasiene hanaegahe humainae.
1
Poloene anagaamoyaene Amifipolisi kumala mogaseya Apolonia kumala mogaseya
Tesalonaika kumate uvayi humainae. Ani kumatela nagola Yuta vayamogami mono nona
hane.
2-3
Haneanagino Poloa mukia kanafima nehia kava huno tagufa (3) Sapati yupa ani
mono nopina haino Anumaya Koti kema kae-malenaya autamafitila aepaa hugafino mage
huno hamapaiye Anumaya Kotima taugafa aligatigahema hutenea kanomoa tusia agata
aigeno fali-maine. Fali-mainefitila eteno heti-maine. Ani Yisasina Anumaya Kotia taugafa
aligatigahema hutenea kanomofe tamahanepauve. huno humaine.
4
Higeya nagoa Yuta
vayamoyaene kasagoya Anumaya Koti agima alisaga nehaya Kaliki vayaene amakima hanea
aneyagaene Yisasife haviya amakupi maleya amametiti huteya Poloene Sailasigani anakave
tokaeya umainae.
5
Tokaeya umainaya yateti Yuta vayamogami amaipamoa haviya nehae. Higeya kefo
kava nehuya felu mailiteya nehaya vayalagiya vaya atagu nefaya kumapi mainae. Maineya
vayayaga amavaleya melitalu humaleteya ani kumate vayamogamina amaku amakesa huya ali
hetigeya Yesoni note uya nomaa moyenafa huya Pologani Sailasiganina anavaleya alitalu
humainaya veamogami amayapi anategahe haimainae.
6
Haiteya atiyegetayana higeya
oanakeya Yesoniene nagoa Yisasi anagaene amavayu huya ani kumate kava vayate
amavaleya uvayi huya mage huya hae Mani vayamoya mukia kotega ute ete huya
veamogamina mono kea ali haviya hume hume menia tagai kumate emainae.
7
Emainageno
Yesonia nomaafi amavaleno amategeya maineya ala sauve kanotimoa, Sisama humainea kea
ali haviya nehuya mage hae Alu sauve kanoti maine. Ani kanomo agia Yisasie. huya
humainae. huya humainae.
8-9
Hageya melitaluma humainaya veamoyaene ani kumate kava
vayamoyaene ani kea haviteya amakesa kumo huteya Kina nopima ovisayafena monea
tamitetama ugahae. huya hageya Yesoniene nagoa vayaene monea hageya amamitageya
amatalageya umainae.
Pologani Sailasigania Pelia kumate uana Yisasi mono kea hamapai-mainae.
10
Aupaa ani kege kanoa Yisasi anagamoya Pologani Sailasiganina hunatageana Pelia
kumate vaayamogani Yuta vayamogami mono nopi mo haifale-mainae.
11
Pelia mainaya
veamoya Tesalonaika kumate mainaya veala amakaseya kanale amaku amakesaene veane
mainageno Poloa Yisasi kea hamapaigeya haviteya aluya huno nehamaiye. Haviya amakupi
maleteya mukia kanafina Tamage nehifi havige nehie? huya Anumaya Koti kema kae-
malenaya kefina hapaliya ati ayemainae.
12
Naa nehuya kasagoya Yuta vayamoyaene
kasagoya Kaliki aneyaga amakima hanea aneyagaene kasagoya Kaliki vayayagaene
Yisasifena haviya amakupi maleya amametiti humainae.
13
Amametiti hayanagi Tesalonaika
mainaya Yuta veamoya haviyana Poloma Anumaya Koti kema Pelia kumate veama
hamapaiye. huya haya kea haviteya anile evayi huya alitalu humainaya veamogami amaku
amakesa meli haviya humainae.
14
Ali haviya hageya Yisasi anagamoya aupaa Polona
hutageno hageli kahaepatega tavigeana Sailasigani Timotigania anile Pelia mainae.
15
Mainaageya avagi huya umainaya vayamoya Polona Atenisi avaleya umainageno Poloa
mage huno hamapaiye Sailasigani Timotiganife Tanakaya aupaa hutana nagaitega eo.
hutama hanapaiho. huno hamapaigeya ataleya umainae.
Poloa Atenisi kumate mono ke huhaleno humaine.
16
Vageno Poloa anakava maineno ageana Atenisi kumatela kasagoya yafateti talo
humalenaya afa anumayayaga malenageno mogeteno aipamoa tusia haviya humaine.
17
Aipamoa haviya higeno Yuta vayamogami mono nopi haino Yuta veanene Anumaya Koti
agi alisaga nehaya Yuta vea omainaya veanene Anumaya Koti kea huhaleno amakaiene huge
havige humaine. Mukia kanafina veane atagu nefaya kumapi maineno anifima mainaya
veamogamina Anumaya Koti mono kea hamanepaino huge havige humainae.
18
Hamanepaigeya nagoa Epikuliaene Sitoikiene ala havi haviya alilinaya vayaamimoyaene ke
ovai ovai nehageya alitalu humainaya veamoya haviteya nagoamoya Polofe mage huya hae
Ma kanomoa na ke huliteno nehie? huya nehageya nagoamoya Poloma Yisasifeene fali-
mainefiti hetimainea kanale mono kema hamapaiya kehe mage huya humainae Alu kumate
anumayahe nehifi? huya humainae.
19
Huteya agai ke havigahe Aleopagusi Kanisole vayate
avaleya uteya Polofe mage huya havigae Kagayama haegafa kema hamapaina kea havigahe
nehunagi tahapaiyo.
20
Kekaama havunana alua augafa kema hanageta havuna kemo aepaa
havisune huta nehune. huya humainae.
21
Mukia Atenisi mainaya vayaene yoka emainaya
vayaene mukia kanafina haegafa kema hisaya ke havisaya yafena tusiya huno nehamaiya
vayalagiya alu kavala ohisaya amakesa nehae.
22
Hageno Poloa Aleopagusi kanisole
vayamogami amunopi hetino mage huno humaine Atenisi mainaya vayamogatama nagaya
agoana tamakaya aluya hutama afa anumayamo mono kea tokiyaage hutama nehaya vaya
mainae.
23
Mainagena nagaya vaiyatete nehuna agoana yafateti talo humalenaya afa
anumayamogami amakima alisaga nehaya afa anumayatamimona agetena nago yafa
folamole mogoana ani yafatela mage hutama kae-malenae Oagenona anumayamogae.
hutama kae-malenagena agoa kanomofe Oagenona kanomo agima alisaga nehune. hutama
kae-malenaya kanomofe aepaa hugafina tamahapaigahugi haviho.
24
Anumaya Kotia ma
mopaene mukia mopafima hanea yaene talo humalenea kanogino mukia ikapinaga yaene
mopafi yaene kava yagai-mainea kanogino veamoya amayateti kimalenaya nopina
nomaiyane.
25
Tagaya tayapitila nago yana haomaegahune. Agaia mukia veamogami
hamaimuene mukia yama amaminea kanogita hanaa huno nago yamaa omaleneanagita aya
hugahune?
26
Anumaya Kotia nagoke tototimona hagoteno talo humaleteno ani kanofiti
mukia ma mopale mainaya nofi veala ali falote humatene. Humateteno Ma kote kote
maiho. huno amateteno kasagoya vaya maisaya kanaamiene agaia humatene.
27
Amakaya
Anumaya Kotina amaku amigahena ati yege yege huya Anumaya Koti aepaa havisae huno
ani kavala humaineane. Tamage agaya alulega omaigi tagaiene nagoke nagokemogatiene
tokaeno maine.
28
Maineanagita agaiage tahaimula tamigeta vaiyatete huta mainone. Ani kehe
nagoa tamakai avoma agelinaya vayamoya mage huya humainae Tagaienena agaia lategeta
nafaneyagaa mainone. huya humainayane.
29
Higeta tagaya agaia latenea nafaneyaga
mainone. Havigu lagaya ma lagesa havisunagi Anumaya Koti aepaa tagesafitila yafatetiene
kapaletiene kanileta yafatetiene kanaleya huta talo humalenaya augafa kanoe. huta ohisune.
30
Nayona Anumaya Koti aepaa mukia veamoya ohavinayanagino Anumaya Kotia kasagoya
kea ohuneane. Nagi menia mukia ma mopale veafena tokiyaage ke huno mage hie
Tamakua aiyahae hutama nagaitega eho. huno humaine.
31
Anumaya Kotia mukia ma
mopale veamogamina fatago huno kaiyekema humatesia kanafina ago hapalino ani
kaiyekelema yagaisia vemona ago ali hetitene. Ani vemofe Veamoya havilama huya
havisae. huno fali-mainefitila ali hetitene huno humaine.
32
Higeya Fali-mainefiti ago ali
hetitenema. hia kea haviteya nagoa veamoya kigi huya akaya atageya nagoa veamoya mage
hae Nagoene mani kea hugeta havimano. huya humainae.
33-34
Nehageno Poloa
neamataleno umaineanagi nagoa veamoya agai akave neuya Yisasife haviya amakupi maleya
amametiti hu-mainae. Amametiti humainaya veapitila nago kanomo agia Tionisiusie
Aleopagusi kanisole kano maineane. Nago amo agia Tamalisiene nagoa veanene amametitia
humainae.
Aposolo Aposolo
<<
17 17
>>
Aposolo Aposolo
<<
18 18
>>
18
Poloa Kolini kumate Yisasi mono kea huhaleno humaine.
1
Haenagaa Poloa Atenisi kumala ataleno Kolini kumate umaine.
2
Anile maineno nago
Yuta kanoa age-maine. Ani kanomo agia Akuilae. Kuma aepaa Potusi hanegi ani kanafina
Palisilaa aamoene Itali kumateti emainae. Itali kumate kava kanomoa Kolotiusia mage huno
kahegi malene Mukia Yuta veamogatama Itali veamogami ala kumaamia, Lomua,
neataletama viho. huno humainea kehe Akuilaagi Palisilaagia ataleana Kolini umainaageno
Poloa anakaitega umaine.
3
Uno monakeana nagoke aliyake hanegeno kena noma fakaniya
mone nealiya aliya nealiageno monaketeno anakaiene tokaeno maineno ani aliyana ali-
mainae.
4
Poloa mukia Sapati yupa Yuta vayamogami mono nopi haino tokiyaage kea huno
Yuta vayaene Kaliki vayaene Yisasife amakupi malesayafe hamapai-maine.
5
Haenagaa Sailasiene Timotiene Masetoniati evayi nehaana Poloa alu aliya oalino
mukia yupa Yuta veafena Yisasie Anumaya Kotia lamaugafa aligatigahe hutenea kano
maine. huno hamapai-maine.
6
Hamanepaigeya agai kea hefalakiya hu-haviya havaya
hutageno Poloa Kefo kava nehae. huno kenaale hanea kugukege yayaga aifopo
huneataleno mage huno hamapaiye Tamakaya Anumaya Kotitegati fananema hisayana
tamakaitami yanagi nagai yana omalene. Menia nagaya tamatalena Isaleli veane omainaya
veapi mo hamapaigahue. huno humaine.
7
Huteno amataleno nago kanoa Anumaya Koti agi
alisaga nehia kanomo nopi uno maine. Ani kanomo agia Titiusi Yasatusie. Ani kanomo
nona Yuta vaya mono nomo avate hane.
8
Ani mono note soka kanomoa Kalisipusiene
mukia agaia anagaaene Anumayamofe haviya amakupi malageya kasagoya Kolini mainaya
veamogamina Poloa hamapaigeya Yisasife haviya amakupi maleya amametiti hutageno tina
fale-matene.
9-10
Nago kegela Anumayamoa himonafi evayi huno Polofena mage huno hapaimaine
Kolia ohuka tokiyaage huka kea hamanepaika oatalo. Nagaya kagaiene mainoe.
Maigahuanagino nago kanomoa hetino ali haviya huokategahayanagiya nagaini veala
kasagoya mani kumatela mainae. huno humaine.
11
Higeno Poloa ani kumatela nago kafugi
sikisia (6) ikanagi huno ani vayapi maineno Anumaya Koti kea hamapai-maine
12-13
Hamapaiyanagi Kalioa Kaliki kumate kava yagaiyo. huya Lomu kava vayamoya
hutageno kava yagaino mainea kanafina Yuta vayamoya alitalu huya Polona atafa huya Yasi
kanomote avaleya mage huya mo hae Ma kanomoa tagaila Lomu vayamogami kahegi kea
atagaeno veafe mage huno nehie Maa hutama Anumaya Koti agia alisaga hiho. huno
humave-nelie. huya hae.
14-15
Hageno Poloa kenonaamia hamapaigahe hianagi Kalioa mage
huno hamapaiye Yuta vayamogatama ani kanomoa tusia kefo kava hileasina kanale huna
namena mailava huna mainena havuleasinagi tamakaya havige havage nehatagetama agilefe
nehagi tamakaitami kahegi kehe nahavinegayanagi ani kea ohavigahue tamakaitami fako
hiho. Nagaya naa augafa kema haviyafena nonahaiye huno humaine.
16
Ani kea huteno
kaiyeke havi nopitila hemanati-talene.
17
Hemanati-talegeya Yuta vayamogami mono note
soka kanomona Sosetenesina atafa huya kaiyeke havi kumamo avate aiko-neliyana Kalioa
Aoteyamaae. nehuno oagene.
Poloa eteno Silia kotega hanea kumala Atioku umaine.
18
Naama nehayana Poloa mukia kanafima nemaiya afuaganagamina amataleno
Palisilaene Akuilaene anavaleno tipi kalefi haisaga humaiya Senikalia uteya Silia eneuya
Poloa Anumaya Koti aufima hulokiya vaino kema humainea yafe aiyolagefa laga humaine.
19-21
Huteno Efesusi uvayi huteya Poloa Yuta vayamogami mono nopi hai-faleno Yuta
vayaene huge havige nehigeya mage hae Mani kumatela ayaaya kana maisane. huya
hayanagi Aao. nehuno amataleno ugahe mage huno hie Anumaya Kotia haisigenahena
haenagaa etena tamakaitega egahue. huno humateteno Palisilaene Akuilaene neanataleno
Efesusiti tipi kalefi asaga humaino elavi-maine.
22
Sisalia elavi-vayi huteno Yelusalemu haino Yisasi veane moli falu fala huneamateno
Atioku lavi-maine.
23
Anile ayaaya kana maiteno neamataleno Yisasi veane ali lokiya vaimatetele huno alu
kumate kumate vaiyatete huno mukia Kalesia kumateene Faligia kumateene ute ete humaine.
Apolosia Efesusi kumate mono ke huhaleno humaine.
24
Nagola Yuta kanomo agia Apolosie kuma aepaa Alekasatalia kanogino Efesusi uvayi
humaine. Ani kanoa kanaleya huno kea nehavia kanogino maineno Anumaya Koti autamafi
hanea kea havilama huno havilinea kanoe.
25
Apolosia Anumayamo kea havilama hulineno
aya mukiki huno kanale kavaage nehuno Yisasifena hamapaiyanagi Yonia tima falematenea
yafeke havilinegi Yisasi agile ti falemate kavafena ohavine.
26
Yuta vayamogami mono nopi
haino tokiyaage kea hamapaigeana Palisilaene Akuilaene haviteana avaleana vaayamogani
Anumaya Koti auava yafena moli fatago huana aveli-mainae.
27
Aveliageno Apolosia Akaiya
ugahe Yisasi anagaamoya aya huya Akaiya maineya Yisasi kema nehaviya veate avona
kaeya mage hae Apolosina avaletama falu fala huteho. huya kae-malageno anile alino
uvayi higeya Anumaya Koti kayone yamaaleti Yisasife haviya amakupi maleya amametiti
humainaya veamogamina amaya humaine.
28
Mukia vea amaufina tokiyaage kea huno Yuta
veamoya havilama ohunayafene huno Anumaya Koti autamafiti kea hapalino hamapaino
Yisasia Anumaya Kotima taugafa aligatigahe hutenea kano maine. huno avopitila hapalino
hamapaimaine.
Aposolo Aposolo
<<
18 18
>>
Aposolo Aposolo
<<
19 19
>>
19
Poloa Efesusi maineno Yoni kema nehaviya veamogamina Yisasi kea hamapai-
maine.
1
Apolosia Kolini mainegeno Poloa agoyalega hanea kumayagale vaiyatete huno
Efesusi uvayi huno nagoa Yisasina amakua amitafa humainaya veanea amake-maine.
2
Amaketeno mage huno hamavike Yisasife havitama tamakupi maletama tamametiti nehaya
kanafina Alu Aotage Avamula ali-mainafi oalinae? huno hamavigegeya Aao, Alu Aotage
Avamula maine. huya haya kea ohavinone. huya hae.
3
Hageno Poloa mage huno
hamavige Hanaa li falelamatenae? huno hamavigegeya mage hae Yoni ti falelatenae.
huya humainae.
4
Hageno Poloa mage huno hie Yonia mage nehuno tina falematene Kefo
yatamihena tamakua aiyahae hisagena tina fale-lamategahue. huno nehuno veala mage huno
hamapai-maine Nagai nakavelaga esia kanomofe, havitama tamakupi maletama tametiti
hiho. huno humaineana Yisasife huno humaineane.
5
Huno higeya ani kea haviyanagino
Efesusi veamogamina Anumayatimoa Yisasi agile tina falematene.
6
Fale-mateteno Poloa
ayana amanute malegeno Alu Aotage Avamula amakaite elavino egeya amaku amakesafiti
nohaviya kea, alu amake alu amake aiya Anumayamo avayafiti hamapaiya kea hufalote
humainae.
7
Ani vayala tuelufua (12) vaya mainae.
8
Poloa tagufa (3) ikana Yuta veamogami mono nopi ute ete huno tokiyaage kea huno
Anumaya Koti kava yagaisia yafe amakua ali hetino hamapai-maine.
9
Hamanepaiyanagi
nagoa vayamoya amaku amakesa ailineleya tokiyaage ke huya Havige nehananagita
tagupina ali omalegahune. huya mukia vea amaufi Yisasi kea hu-haviya hutageno Poloa
neamataleno Yisasife haviya amakupi malenaya veala amavaleno mukia kanafina efi efi huno
Tilanusi humavenelia nopi mo huhaleno hamapai-maine.
10
Tole kafu ania huno
hamanepaigeya mukia Esia mainaya veanea Yuta veanene Kaliki veanene Anumayamo kea
havimainae.
Sekeva ne nafaneyagamoya kefo avamu anati-talegahe humainae.
11
Anumaya Kotia Polo ayapi tokiya avame yana humaine.
12
Nehigeya veamoya
akasipiene kenaene Polo augafale akasaseteya kali vayate aliya vageno kaliamimoa kanale
humategeno amakusafiti Kefo Avamuyaga hati-laviya umainae.
13
Nagoa Yuta vayamoya
Kefo Avamula veamogami amakusafinagati amanati neatalaya vayamoya Kefo Avamula
amakusafima mainea veate Yisasi agi neayeya mage huya humainae Poloma tahanepaiya
kanoa, Yisasi, agile Kefo Avamumoga amakusafinagatila hati-lavika evuo huna
kahanepauve. huya humainae.
14
Ani kavama nehaya vayala sevenia (7) ne nafaneyaga ala
mono nopi kava yagai-mainea kanomo nafaneyaga Sikeva nafaneyagamoya ani kavala
humainae.
15
Nago yupa ani kava nehageno Kefo Avamumoa mage huno kenonaamia
humaine Yisasina ago agetena Polona age-mainogi tamakaya tagatamae? huno humaine.
16
Higeno Kefo Avamuma agusafinaga mainea kanomoa ani sevenia (7) vayamogamite
haiteno asaga hunelavino amakaseno nehamaeno amaugafa tusiya huno alihaviya
humateteno kenaamiene ali hatata hutalegeya amaugafa alapaage ani nopitila hati-laviya
falemainae.
17
Mani kea Efesusi mainaya veala Yuta veanene Kaliki veanene haviteya koli
nehuya Anumayatimona Yisasi agia tusiya huya alisaga humainae.
18
Hageya kasagoyamoya
Yisasifena haviya amakupi maleya amametiti nehuya kefo kavama haya kavafena hufalote
humainae.
19
Hufalote huteya sesefe yaamiene tusa huneamataya yaamiene analisa yaamiene
ani yayagahema kae-malenaya avoyaga mukia vea amaufi atafi kaesagali-talenae. Kae-
mainaya avoma miya humainaya monema hapaliyana fifiti tausenia (50,000) kina hapali-
mainae.
20
Anima tokiyaage kavama humainea kavafena mukia kotega mo hamanepaiya
Anumayamofena haviya amakupi malageno tokiyaage humaine.
Efesusi veamoya Polona haesaya ke humainae.
21
Ani yayagamoa hano hutegeno Alu Aotage Avamumoa Polona visia agu agesa
amigeno mage huno hie Masetonia umaigena Akaiya etena Yelusalemu uvayi hisuaamona
Lomu visua nagesa nehavue. huno humaine.
22
Huteno tole hanemayaa kanolatana
Timotiene Elasatusiene hunategeana Masetonia vaageno Poloa agaiage anile nagoene Esia
kotega maine.
23
Ani kanafina Yisasi kea nohaviya veamoya Yisasi akave nemalaya kehena tusiya
huya hetiya ke vaiya amakoya ke humainae.
24
Ani kotega vayamoya yafateti nago akefa
amayateti talo huya Anumayati maine. huteya agia Atemisie huya nehae. Huya hageno
nago kanomo agia Temitiliusie efe mone atafi kaeteno ani moneleti ani akefamo agima
alisaga nehaya nona, osi osi nona talo higeya veamoya miya hageya taloma nehaya
vayamoya tusia mone nealiyane.
25
Nealiyanagino Temitiliusia mukia agaia aliya vayaene
mukia osi osi Atemisina nomaa taloma nehaya vayaene ke higeya melitalu hageno mage
huno hama-paiye Vemogatama tamakaya havimainae ani aliyateti kanale monetia nealune.
26
Nealunanagi ani kanoa, Poloe, mukia Efesusi nemaiya veanene mukia Esia kotega nemaiya
veanenefe Amayateti taloma haya anumaya afa yatafa hanegi Anumaya omainae. huno
higeya mukia veamoya Tamage nehane. huya akave malaya kea ago havitama age-mainae.
27
Poloma hia kemoa tagai aliyatimo agia alino haviya havaya hutegeya Esia nemaiya
veanene alu mopalega veanene agima alisaga nehaya Atemisina atalesageno lavisigeya
veamoya Anumayati maine. huya agia alisaga ohisageno Atemisi agima alisaga nehaya
nofena Afa yatafa hane. huya hugahae. huno humaine.
28
Higeya alitalu humainaya veamoya ani kea havigeno amaipamoa tusiya huno ata
legeya mage huya hae Atemisia Efesusi mainona vayamogatina tusia ala anumayati maine.
huya humainae.
29
Hageya mukia ani kumate veamoya ala kenake nehuya Poloenema
vaiyatete nehaa kanolatana tolea Masetoniati kanolatane Kaiyusiene Alisatakusiene anavayu
huya alitaluma nehaya kumapi anavaleya amaiyayeya umainae.
30
Vageno Poloa
Amunoamifi kaiyeke mo hisue. huno hianagi afuaganaya Ougane. huya atafa humainae.
31
Atafa hageya nagoa Polona kanapaamoya ani Esia kumate Lomu kava vayamoya ania
huya agaitega kea atalageno egeya mage huya tokiyaage kea hae Kagaya veama alitalu haya
kumapina ovuo. huya humainae.
32
Hageya alitalu humainaya veamoya amaku amakesamoa
yagalegeya nagoa veamoya nago kea hageya nagoa veamoya alu kea hageya tusiya huya ala
kenakea hageya kasagoya veanema alitalu humainaya yamona aepaa ohavinae.
33
Ohavigeya
nagoa Yuta veamoya Mage huka huo. huya Alekasatana ayetufageno amunoamifi mo
hetino ani kemo aepaa hamapaigahe Afaa maiho. huno ayana aligosi-gosi humaine.
34
Aligosi-gosi hianagi Yuta kanoma mainea yafe agelama huteya nagoke amavayage
ailalupeya mage hae Atemisia Efesusi mainona vayamogatina tusia ala anumayati maine.
huyama maiya hayana tole yagemo kanafi ani keageyana maiya humainae.
35
Nehageno haenagaa ani kumate avo kae aliyate kanomoa alitalu humainaya
vayamogamina ali hakayufeno mage hie Efesusi vayamogatama Atemisina anumayatimo
agima alisaga nehaya nona Efesusi kumatema kanaleya huno kava neyagaiya yafena hana
veamoya ohavinae? Ikapinagati elavi-mainea yafana nagaluma humalenaya yafafena kanaleya
huta kava yagai-mainonagi hana veamoya ohavinae? Mukiamoya ago havimainae.
36
Havimainayanagiya mani kea hefala okigahagi tamakaya afaa maiho. Nagola aifonafo
kavala ohiho.
37
Anavaletama aya kanolatamogania Atemisi agima alisaga nehuna nopitila
nagaluma humalenona yana musufa yana ohunae. Tagaiti anumayatimona Atemisife
huhaviyana hu-oatenae.
38
Ala kaiyeke havisia kanomoa nagoa kanafi kaiyeke havi nopi
maineno kaiyekea havigahigi Timitiliasiene agaiene aliya nealiya vayamoya Kema hane.
hinuyahena ani kanomote visae.
39
Ugahagi alu yafema hinutamahena kamani vayamoyama
alitalu hisagetamahena ani kea fatago hiho.
40
Ma yagefima hu-mainona yafena kamani
vayamoya Tu nehae. huya tahavigesagetahena hana kanomo hetino anima keha keha
nehaya yamona aepaa hamapaigahie? huno humaine.
41
Avo kae aliyate kanomoa mani kea
huteno Notamilega ataletama viho. huno hemanatigeya umainae.
Aposolo Aposolo
<<
19 19
>>
Aposolo Aposolo
<<
20 20
>>
20
Poloa Masetoniaene Kalikiene umaine.
1
Kema ayeso haya kemoa hano hutegeno Poloa Yisasina amakua amitafa humainaya
veafe ke higeya agaite ageno tokiyaage huya maisaya amaku amakesa alino hapaiteno hu
falu fala humateteno amataleno Masetonia haigahe haimaine.
2
Ani kotega vai neayeno mukia
kanafina tokiyaage huya maisaya kea hamapaiteno Kaliki kotega elavi-maine.
3
Elavino
tagufa (3) ika emaiteno Silia eugahe Tipi kale alisue. huno hiana Yuta vayamoya agaila
haesaya kema haya kea hageno haviteno agesa aiyahae huno tipi kalea neataleno Etena
mopafi Masetonia kotega agasena haigahue. huno humaine.
4
Agaienema tokaeya haiya
vayala Pilusi nafanemo agia Sopatae Pelia kumate kanoene Tesalonaikati Alisatakusiagi
Sekutasigani Tepi kumateti kanoa Kaiyusiene Timotiene Esia kanolatana Tikikusigani
Talofimusiganie naa vayayaga Poloene hai-mainae.
5
Ani vayayaga euhagoteya Taloasi
kumate tagava maigahe eumainae.
6
Euya mainageta tagaya Filipai maineta hale oki kaihame
nenaya imu kiya naya kanamoa hano hutegeta tipi kalefi haisaga humaita faefua (5) tau faeta
tina lakaeta amakaitega Taloasi euvayi huta sevenia (7) yupa ani kumatela mainone.
Yutikusia asaga hulavino haegeno Poloa ali hetitene.
7
Sota yupa Anumayamo agile kave negahe alitalu humainonageno Poloa egama visia
yafe huhaleno mono kea tahapaino hume hume nevigeno kege amunokefa maino humaine.
8
Mainoma hiana anafi kikalo humalenaya nopi maunanagino kasagoya kaniyaga ayevasa
humalageta mainone.
9
Mainonageno nago neyana Yutikusie akalogate mopale mainegeno
Poloa mono kea ayaayate maino hume hume vigeno Yutikusina aukalo kalo higeno aula
faeno fae latapalino fae-mainefiti anale tagufa (3) ayekalo huya kimalenaya nopitilagino ani
akalogapiti asaga hulavino mopafi tavino haegeno faligeya molisaga huya agayana ago fali-
maine.
10
Fali-mainegeno Poloenena lavino mo anu-kilineno mage hie Atali talua ohiho.
Ago fali-maineanagi eteno haimula nealie. huno humaine.
11
Huteno ani nopinaga eteno
haino maineno kaihame maya kolino higeya nenageno ani kavela neteno ayaaya mono ke
amakaiene huge huge nehigeno kola ali halegeno neamataleno umaine.
12
Vigeno ani neyana
eteno haegafa huno maigeya avaleya notega neuya tusia muse nehuya amaipamoa kanale
humaine.
Poloa Taloasia neataleno Miletusi umaine.
13
Tagaya uhagoteta tipi kale alitonageno Poloa Mopafi Asosi utesugetama anileti tipi
kalefina navalegahae. huno higeta tipi kalefi Asosi mogava mainone.
14
Asosi agava maineta
Polona avaleta tipi kalefi asaga humaita Mitilini kumate umainone.
15
Uteta anileti tipi kalefi
mo faeteta Kiosi kumate uvayi huta ani lipi kalefi faeteta Samosi mo faeteta Miletusi evayi
humainone.
16
Poloa Afulea kanahe muse hisaya imu kisaya kana Yelusalemu evayi
hisuafene. huno ayaaya kana Esia kotega omaisia agesa haviteno Efesusia ago agasena
ugahue. huno humaine.
Poloa Efesusi soka vayafe maiho huno hu falu fala humateteno agola amataleno
umaine.
17-18
Poloa Miletusiti vaya humateno Efesusi utama soka vayafe nagaitega esaya ke
hamapaiho. huno higeya uya mo hamapaigeya agaitega ageno mage huno hamapaiye
tamakaya ago agemainae nagaya hagotena Esia kotega evayima humainoa kanafina aepa
hena humainoa kavala ago agemainae.
19
Naugafa alina ohainogi Anumayamo aliya
nealugeya Yuta vayamoya mukia kanafina hu-haviya hunatagena tusia avite-mainoe.
20
Avia
atoanagi atalia ohuna mukia lamaku tamamema ali lokiya vaisaya kea atalutamifiene notamifi
notamifiene Anumaya Koti kea huhalena tamahapai-mainoe.
21
Tamahapaina Yuta veanene
Kaliki vayanenefe Kefo yatamihe tamakua aiyahae hutama Anumayatimona Yisasife
havitama lamakupi maletama tametiti hiho. huna huhalena tamaha-pai-mainoe.
22
Tamahapai-mainogi menia agegeho Alu Aotage Avamumoa Yelusalemu haiyo. huno
nahapaiyanagina anilega visugeyama vayamoya hunatesaya kavala nagaya ohavinoe.
23
Ohavinogi mukiama umainoa kumatela Alu Aotage Avamumoa mage huno nahapai-maine
Tusia kanaage yama hugatesaya yana falote hugateno nofipina kategahae. huno nahapai-
maine.
24
Nahapai-maineanagi nagaya falisufi afaa maisufi afa yatafa hane huna nagesa
nehavugi Anumayatimoa Yisasi naminea aliyama, veafe Anumaya Kotia tusia kayone
hulatenea kanale mono kea huhalena hamapaisua aliyana ali hano hisua nagesa nehavue.
25
Tamakai amunopina vaiyatete huna Anumaya Koti kava yagai-lamatesia kea
tamahanepauvanagina menia lamahanepaugi haviho nagaya havimainoe haenagaa nagaila
naukipalela nagoene onagegahae.
26-27
Ani yafe menia tamagelafa huna tamahanepauve
nagaya kolia ohuna mukia Anumaya Koti agu agesafima hanea kea ago tamahapai-mainoafe
nago kanomoga Anumaya Kotitegati fananema hisanana tamakaitami yane. Ani kemoa
nagaipina omegahie.
28
Omegahigi tamakaya tamaugafa kayetama maiho. Alu Aotage
Avamumoa Kava yagai-mateho. huno lamaminea vayala, Anumayamoa agaia kolamaaleti
miya humalenea sipi sipilelela kava yagaiho.
29
Nagaya nehavue tamatalenama visuana nagoa
vayala, kaveage afela kalamo nehia kava huya tamakai amunopi esayaamoya Yisasife haviya
amakupi malenaya sipi sipiyaga ali haviya hugahae.
30
Ali haviya hugahagi tamakai
amunopitila nagoa vayamoya hetiya havigea mohu haviya mehu haviya nehuya Yisasife
haviya amakupi malenaya veala Tagai takave eho. huya amavayu hugahae.
31
Ani kavama
hisaya yafena kayeho. Nagaya tagufa (3) kafufina felugaene kegeene kasalonahae huna
maifalua ohunoe. Avia neatena mukiamogatamina tamaku tamakesa nagoke
nagokemogatamina tamaumonola malogetama havimainagi ani yafe tamakesa ali hao hutama
haviho.
32
Menia Anumaya Koti ayapi tamatogeno agaia kayone hulamatesia keamoa tamakaila
alino tokiyaage hulamateteno mukia agaia alu aotage veaneamogamima neamatea kanale
yana tamamigahie.
33
Nagaya nagoa vayamogatama mone afenotamileene kukenatamileene
agena nahayea nohuane.
34
Tamakaitamia agayana nayapiti aliyana alina nesua yaene
nagaienema lokaeya nemaiya vayamoya nesaya yaene ali falote hugetama age-mainae.
35
Naa
nehuna mukia yana tamavelina mage huna humainoe Aliya alitetama kalima nealiya vayala
amaya hiho. Anumayatimoa Yisasi humainea kea mage humaine Veamoya nago yama
alisayana muse hugahagi afuaganana nago yana amisiana tusiya huno musena hugahie.
Aminea yamo muse yamoa ali-mainea muse yana agase-maine. huno humainea kea
tamakesa havi havi hutama maiho huno humaine.
36
Mani kea huteno soka vayaene Poloa aleya ayeno Anumayamotega ke huno havige-
maine.
37-38
Havigetegeya mukia soka vayamoya tusia avi neateya Polona anukiya atako
ataka nehuya haenagaama agai aukipalema nagoene oagesaya yafe hamaumana halegeya
avia ateteya tipi kale hanelega avaleya umainae.
Aposolo Aposolo
<<
20 20
>>
Aposolo Aposolo
<<
21 21
>>
21
Poloa tipi kalefi viaamo Yelusalemu ugahe humaine.
1
Amataleta tipi kalefi unaamogata Kosi kumate mo faeteta lina takaeta Lotesi uvayi
huta mo faeteta lina lakaeta Patala uvayi humainone.
2
Uvayi huta nagola hagelipi kalea
agonana Fonisia kotega ugahe nehigeta ani lipi kalefi haisaga humaita umainone.
3
Neuta
Saipalusi mogonana haoga laya kaiyaga hanegeta neataleta Silia uta tipi kalemoa afenoyaga
atalegahe higeta Taiya limo agegayalega lavi-mainone.
4
Anile tatalegeta Yisasife haviya
amakupi malenaya anagafe momatiyeta ali falote huteta amakaiene sevenia (7) kana
mainonageno Alu Aotage Avamumoa hamapaigeya haviteya Polofena Yelusalemua ovuo.
huya hapai-mainae.
5
Hapaitageta amakaienema mauna kanamoa hanoma nehiana katega
ugahe nehunageya mukiamoya aneamiene nafaneamiene tavaleya kumala ataleya vageta ti
agegayalega hanea kahaepate mo latalegahe hageta taleya moyeta nunamu humainone.
6
Nunamuna huteta hufalu fala humateta Maiho. humateteta tipi kalefi haisaga
humaunageya eteya noamilega emainae.
Sisalia kumategati nagola aune kanoa Agapusia Polona ke hapai-maine
7
Taili kumala ataleta Tolemesi uvayi huta Yisasife haviya amakupi malenaya anagala hu
falu fala huneamateta amakaienena nagoke kana kanoa mainone.
8
Maita faeteta amataleta
Sisalia uvayi huta Filipi nopi umainone. Ani Filipie kanomoa Yisasi ke hamanepaiya
kanogino Yelusalemu kave amamite amamite hisaya yafe hapaliya humatenaya sevenia (7)
vayapiti kanogita ani kanoene umainone.
9
Umainonageno ani kanomoa foa (4) vele
omainaya munanea mainayanagino Anumaya Kotia avayafiti hamapaiya kea huya amaune
laga nehaya munaneyaga mainae.
10
Mainageta lagaya anile tole lagufa kana mainonageno
nagola Anumaya Koti aune kanoa Agapusie nehaya kanoa Yutiati elavi-vayi humaine.
11
Takaite evayi huno Polo amunofila melino agaia aiya ayate kisalu negino mage huno hie
Alu Aotage Avamumoa mage huno nahapaiye Yelusalemu mainaya Yuta vayamoya ma
kava huya mani amunofimona nefana aiya ayate kisalu kiteya vayamoya haesageno falisiafe
Yuta veane omainaya vayamogami amayapi ategahae. huno hikena havitena mani kavala me
nehue. huno humaine.
12
Higeta anima hia kea haviteta tagaiene ani kumate veanene mage
huta hapaune Pologa museka nehunagi Yelusalemua ohaiyo. huta hutenone.
13
Nehunana
Poloa mage huno humaine Naa higetama avia neatetama nagu nagesa ali haviya nehae?
Nagaya Anumayanimona Yisasi nagua amitafa humainoafe nagaya nagesa talo tala huna
Yelusalemu haisugeya natafa huya nofipi nateteya nahaesagenama falisuana kanalele huna
nehue. huno humaine.
14
Higeta haviteta kenonaa haopaita mage huta humainone
Anumayatimoa havimaineanagino haisia kavala hisie. huta humainone.
15
Ani kea huteta lagaya ali lalo tala nehuta Yelusalemu haimainone.
16
Haunana nagoa
Sisalia lafu-taganaya tagaiene haigeta Yelusalemua hai vayi hunageya nagola Saipalusi
kanomo agia Nasonie agai notega tavaleya vageta umainone. Nasonia nayona Yisasi anagapi
maineane.
Poloa Yelusalemu hai vayi humaine.
17
Yelusalemua hai vayi hunageya tafu-taganaya tusi muse huya ali falu fala hulateya
lavale-mainae.
18
Lavaleya vageta mo faeteta Poloa tagaiene Yemesi agegahe neunageya
mukia soka vayayaga anile emainae.
19
Ageno Poloa Mainafio. huno hu falu fala
huneamateno Anumaya Kotima aya higeno Yuta vea omainaya veamogami amunopi ali-
mainea aliyafe hamapailama huno hamapaiye.
Kava vayamoya Polofe Ala mono nopi vuo. huya hapai-mainae.
20
Poloma hia kea haviteya Anumaya Koti agia alisaga huya Polofe mage huya hae
Kasagoya tausenia veamoya Yisasife haviya amakupi maleya amametiti nehaya Yuta
veapiti Yelusalemu mainaya veamoya Mosese kahegi kema akave malesaya amaku amakesa
humainae.
21
Nehuya kagayama mukia Yuta vea omainaya veapi mainaya Yuta
vayamogamife Mosese kahegi kea neataletama nafanetamimogami amakoya anoya laga
ohutama nayoma Yuta vayamoya mainaya auava yana atale ho. huka humainana kehena
hamapaigeya ago havimainae.
22
Havimainagi kagayama evayi humainana kema havinuya
hisageta na kava hugahune?
23
Nago yafe kahapaigahe hunagi kahapaisuna kavala akave huo.
Foa (4) vayala Anumaya Koti aulagafina hulokiya vaiya kea humalenaya vayala manile
mainae.
24
Mainayanagika mukia vayamoya kagaifema agoma havimainaya kehema Havige
nehae. huya hisayafena kagaife Anumaya Koti kahegi kemo akave nemale. huya hu-
gatesayafena ani foa (4) vayala amavaleka amakaienena Anumaya Koti aulagafina oniyaage
yama omalesia kavala huka kagaikaa monea miya hisanageya amayolagefa laga humatesae.
25
Yuta vea omainaya veama Yisasife haviya amakupi maleya amametiti nehaya
veamogamife tagaya nayona avona kaeta huhaya gi-malenona kea mage huta humainone
Fali-mainaya veafe amakisana vaiya atupa kave alisaga huya malesaya kavela oneho.
Kolamoa agusafinaga hanesia afuene kolaenena oneho. Ane munane amavayu nehisaya yana
ataleho. huta ago avona kaeta hamapai-mainone. huya humainae.
26
Hageno Poloa faeteno
ani foa (4) vayala amavaleteya amaugafaene amakuaene sese nehaya kava huteya ala mono
nopi haigeno Poloa mono nopi mainaya kava vayafe mage huno humaine Laugafaene
taguaene Anumaya Koti aulagafina oniyaage otahaisia kava huta sese huteta maineta ma
yupa eta tahaote tahaote Anumaya Kotina sipi sipia heta amigahune. huno humaine.
Yuta vayamoya Polona mono nopi atafa humainae.
27
Ani sevenia (7) kanamoa hano hugahe nehigeya nagoa Esiati Yuta vayala
elaviyaamoya Poloa ala mono nopi mainegeya megeteya mukia alitalu humainaya
veamogami amaipa ali haviya huya ali hetimateteya Polona atafa humainae.
28
Atafa huteya
mage hae Isaleli vayamogata laya hiho. Ma kanomoa mukia kumate vayamogamina mage
huno humave-nelie Isaleli vayaene Mosese kahegi kene mono noamiene afa yayaga hane.
huno nehuno nagoa Yuta vea omainaya vayala Kaliki kotegati vayala ma ma nagalu
humalenea nopina amavaleno egeya mani nona ali haviya nehageno oniyaage nehie. huya
humainae.
29
Naafene nago yupa Poloa Talofimusiene ala kumapi vaiyateti nehaageya age-
mainayanagiya Talofimusia Efesusiti kano maineanagiya amakesafinaga havige nehuya
Poloa ani Yuta vea omainea kanoa tagaila ala mono notifi avaleno haimaine. huya havige
humainae.
30
Hageya mukia ani kumate veamoya ani kema haviya kemoa amaipa ali hetigeya
amaiyayeya molitalu huteya Polona atafa huya mono nopinagatila avayu vaye nehageya ani
mono nomo fitayaga mukia aliya kimainae.
Lomu ati vayamoya Polona Yuta vayamogami amayapiti movaleya emainae.
31
Polona ago maiya nehayageno Lomu ati vayate kava kanomoa mukia Yelusalemu
veamoya ke vaiya tusia lu maiya nehae huya haya kea havimaine.
32
Haviteno ati kava
vayaaene ati vayayagaene amavalegeya amaiyayeya amakaite elaviya ageya ani vayamoya ala
kava kanoene ati vayaaene ageya ageteya Polona nagoene ohaeya ataleya mainae.
33
Ataleya
mainageno ati vayate kava kanomoa Polona metafa huno Tole seni nofiteti aiya ayate
kisalu kiho. huno nehuno alitalu humainaya vayafe mage huno hamavige Mani kanoa tae?
Hana augafa havi kava higetama ani kavala nehae? huno hamavige-maine.
34
Hamavigegeya
nagoa vayamoya nagoa kea nehageya nagoa vayamoya alu kea nehageya maiya tusia keyeso
haya kemona aepaa havilama ohuno ati vayamogamife mage hie Lagaiti lokiyaage nopinaga
avaletama viho. huno humaine.
35-36
Higeya mukia veamoya amakave keyeso hume hume
neuya mage hae Haesageno falisie. huya hume hume nevageya ani nomo fiate avaleya
vageya mukia vayamoya tusiya huya tu hisaya kava hayakehe ati vayamoya Polona
avalesaga huya anale avaleliya umainae.
Poloa agaia ametiti yamo aepaa hu falote huno hamapaimaine.
37
Ati vayamoya tokiyaage nopinaga avaleya haigahe nehageno Poloa ati vayate kava
kanomofe mage huno humaine Nago kea kahapaigahe nehuana kanalepio? huno
havigegeno ati vayate kava kanomoa mage hie Kagaya Kaliki kea havilinano?
38
Kagaya
Isipiti kanogika mukia vayafena Kamani vayaene tu hugahune. huka huteka tu huge huge
nehaya vayala fo tausenia (4,000) vayala kame kotega amavaleka umainana kano mainane
huna nagesa nehavugi kagaya ani kano mainapio? huno havige.
39
Higeno Poloa mage huno
humaine Nagaya Yuta kano mainoe. Silisia kotega agi hanea kumala Tasusie kuma aepania
hane. Museka nehugi nagaya alitalu humainaya veamogamina nago kea hamapaisufio?
huno havige-maine.
40
Havigegeno Kanalelagi hamapaiyo. huno higeno Poloa ani nomo
fiate heti-maineno kema aepa hegahena Afaa maiho. huno ayana alisaga higeya alitalu
humainaya vayamoya kea ohuya mainageno Poloa amakaiami kea Hipalu kefiti Yuta
vayamogamina hamapai-maine.
Aposolo Aposolo
<<
21 21
>>
Aposolo Aposolo
<<
22 22
>>
22
1
Poloa ati vayamogami tokiya nomo fiate heti-maineno mage huno hamapaiye
Nafunaganagatamaene nenafagatamaene haviho nagaya havi kavala ohunoa ke
lamahapaigahe hugi haviho. huno hie.
2
Higeya Yuta vayamoya amakaiami kea Hipalu kefiti
hia kea haviteya ke ohuya mainageno hamapaiye.
3
Nagaya Yuta kano mainoe. Itanimoa natenea kumala ala kola Silisiae osi kumania
Tasusie nateneanagina manima mainona kumate Yelusalemu emainena ala huna Kamalielia
mukia taginago-vanagomogami kahegi kemo aepaa hu-naveligena havimainoanagitama
tamakaya meni kanafima Anumaya Koti kema akave malaya kava huna tusiya huna nagula
amitafa humainoane.
4
Nagaya nayona Yisasi akave nehaya veala tusiya huna ali haviya
humatetena hamaena fali-mategahe venenene anene amatafa huna nofiteti kisalu kimatetena
nofipi amavalena amatenoane.
5
Ani kavama humainoa kea ala mono nopi uhagote mainea
kava kanoene Kanisole vayaene age-mainayanagiya tamahapaigahae. Ani vayamoya nago
autama kaeya namiteya Tamasigusi mainaya tafu-taganagamitega alika vuo. huya hagena
alina mage huna hue Yisasi akave nevaya vayala Tamasigusi momatafa huna nofiteti kisalu
kimatetena amakata aisia ya alisaya yafe Yelusalemu amavalena egahue. huna humainoane.
Poloa agaiama Yisasina agua aminea yamo aepaa hamapai-maine.
6
Yagemoa amunokano higena Tamasigusi uvayi hugahe hugeno aupaa ikapinagatila
tusia hale yamo nagaitela meyevasa humaine.
7
Meyevasa higena mopafi asaga hu-lavitena
havugeno nagola ala kefiti mage huno hie Sologae Sologae naa higeka nagaila ali haviya
hunenatane? huno humaine.
8
Higena kenonaa mage huna hue Alamogae kagaya tagae?
huna hugeno nagaifena mage hie Nagaya Nasaleti Yisasinae. Nagaila maika ali haviya
hunenatane. huno humaine.
9
Higeya nagaienema mainaya vayamoya hale yamaa agayanagi
nagaila kema nahapaiya agea ohavinae.
10
Ohavinagi nagaya mage hue Alamogae naa hisue? huna havigogeno mage huno hie
Hetika Tamasigusi ugenoo. Visanagenoa mukia aliyama alisana kea nago kanomoa
kahapaigahie. huno nahapaiye.
11
Nahapaigena nehavugeno hale yamaamoa tusiya huno aye
vasa higenoagino naulaga oagogeya nagaienema umainona vayamoya nayate aligeta
Tamasigusia umainone.
12
Unana nago kanomo agia Ananaiyasie anile nemaiyanagino tusiya
huno Anumaya Koti kahegi kea akave nemalea kanogiya mukia ani kumatema mainaya Yuta
veamoya Kanale kano maine. huya agia alisaga nehaiya kanoe.
13
Ani kanoa Ananaiyasie
nagaila navate me heti-maineno mage huno humaine Pologa nenafugae kaulagamoa eteno
aigali hisie. huno higeno naulagamoa aigali higena anile aupaa ani kanoa age-mainoe.
14
Neagogeno Ananaiyasia nagaifena mage huno nahapaiye Taginagomoya agima alisaga
humainaya Anumaya Kotia agaia haiya yafema havisana yafeene Fatagoma Humainea
Kanomoma ageteka agai avayafiti kema havisanafene huno kagaila hapali-maine.
15
Hapali-
maineanagika agaifena huhaleka hamanepaika age-mainana yafeene havimainana yafeene
mukia vayamogamina hamapaigane.
16
Naa higeka agava mainane? Hetika ugeya Yisasi agile
tina falegatesageno Anumaya Kotia kefo yakaa aye hami-taleno. huno humaine.
Anumayamoa Polona Yuta vea omainaya veapi mono kea mo huhalesiafene huno
hutene.
17
Higena nagaya etena Yelusalemu emainena ala mono nopi haina Anumayamotega
havinegena nagola himona kana yana age-mainoe.
18
Agoana Yisasina agogeno nagaifena
mage huno humaine Male mainaya veamoya nagaifema hisana kehena Tamage nehane.
huya ohavigahagi Yelusalemua neataleka kaiyayeka alu kumate vuo. huno humaine.
19
Higena nagaya mage hue Anumayanimogae nagaya mukia Yuta veamogami mono nopi
falege falege huna kagaifema haviya amakupi malenaya veala amavalena kina nopi mo
humatetena kayona neamamina humainoa kea mani vayamoya ago havilinae.
20
Havilinagi
Sitivenia kagaifema hamanepaiya kanoma hayagenoma faligena nagaya avate heti-mainena
Kanale kava nehae. huna hayaya vayamogamina kenaamile yagaina mainogeya hayageno
fali-maine. huno hamapaiye.
21
Higeya Anumayamoa nagaifena mage huno humaine
Hetika vuo. Nagaya hugatesugeka ayaaya kotega Yuta veane omainaya veapi
hugategahue. huno higena havimainoe huno humaine.
Poloa Nagaya Lomu kano mainoe. huno ati vayala hamapaimaine.
22
Yuta vea omainaya veapi ugahuema. hia keleti amaipa haviya nehuya ala kegefafiti
Polofena mage huya hae Haegeno falino. Naa augafa kanomoa afaa omaigahigi ago
haegeno falino. huya humainae.
23-24
Ala kenake nehuya siotaamia asagi neataleya
kugukegeya kateya hagayu hu neatageno ati vayate ala kava kanomoa mage hie Hailagi
ataleho. nehuno ati vayamogamife Tokiya notifi Polona avaletama haiho. Vayayagamoya
ala kefitima Polona Haegeno falino. huya haya kemona aepaama havisuafe hegi kayoteti
Polona aikolisageno ani kemona aepaa tahapaisie. huno humaine.
25
Higeya avaleya hegi
kayoteti haegahe nofiteti kineatageno Poloa ani aliyate kava neyagaiya ati kanomofena mage
huno havige Lomu kahegi kemoa Kanalelagi Lomu nofi kanomona kaiyekea havitama
fatago hutama kaiyekea huoatenetama hegi kayotetila haeho. huno humainefi? huno
hamavige-maine.
26
Higeno ati vayatema kava neyagaiya kanomoa anima hia kea haviteno anile ataleneno
ala kava kanomote mage huno mo hie Kagaya hanaa hugane? Mani kanoa fatago huno
Lomu nofi kano maine. huno hapaiye.
27
Higeno ati vayate ala kava kanomoa Polote eno
mage huno havige Kagaya Lomu nofi kano mainano? huno havigegeno Poloa E. huno
humaine.
28
Higeno ati vayate ala kava kanomoa mage hie Nagaya kamani vayala kasagoya
monenia miyana amamitena Lomu nofi kano hapae-mainoe. huno higeno Poloa mage hie
Kagaya ania humainanagi nagaya itanimoa nategena Lomu nofi kano fatago huna mainoe.
huno humaine.
29
Higeya hegi kayoteti amigahema haya vayamoya ani kea haviteya anile
aupaa neataleya vageno ati vayate ala kava kanomoa havigeno Poloa Lomu nofi kano
fatago huno mainegena nofila hutenoe. huno tusi yate kolia humaine.
Poloa Yuta kanisole vayamogami amaulagale kaiyekea huhaleno humaine.
30
Kolia nehuno mo faeteno egamaga Yuta vayamoyama Polofe Ma kava humaine.
huya humainaya kemona aepaa havigahe ayapiti nofila kalu heneateno ala mono note kava
vayaene mukia Yuta vayamogami Kanisole vayaenefe Melitalu hiho. huno higeya melitalu
humaletageno Polona avaleno elavino amunoamifi me hetitene.
Aposolo Aposolo
<<
22 22
>>
Aposolo Aposolo
<<
23 23
>>
23
1
Poloa Kanisole vaya amaulagafi agesagali-maineno mage huno humaine
Nafunaganagatamae nagaya kanale ka vai neayena mukia kanafiene meni kanafiene
Anumaya Koti aulagafina naguamoa nagola havi kavala ohune huna nehue. huno humaine.
2
Higeno mono notema uhagote mainea kava kanomo agia Ananaiyasie avatema hetiya
maiya vayafena mage hie Avayale kayo aikoliho. huno humaine.
3
Higeno Poloa agaifena
mage huno hapaiye Kagaya nagaifena Haeho. huka nehananagi Anumaya Kotia kagaila
kahaegahie. Kagaya haviya hia kegiyamo agupile efe peni fale-malenea kana augafa kava
nehuka kaguafina havi omaleka amegati savale kanomogae. Kagaya kahegi kefiti kaiyeke
hunategahe nehuka Haeho huka nehananagi ani kea ali neatagayane. huno humaine.
4
Huno
higeya Polo avate hetiya mainaya vayamoya mage hae Kagaya Anumaya Koti mono note
uhagote mainea kava kanomofena kanale ohunea kea nehano? huya humainae.
5
Hageno
Poloa mage hie Nafunaganagatama musetami nehugi nagaya havi kava hue. Agayama
mono note hagote kava kano maine kema havimainoleasina mani kea ohuleasinagi.
Anumaya Koti autamafina mage huno kae-maleneane Kava kanotamimofena kanale
ohunesia kea ohiho. huya kae-malenagena age-mainoane. huno nehie.
6
Huteno Poloa haviana nagoa Kanisole vayala Satiusi vayalagi nagoa Kanisole vayala
Falasia vayalagi huya mainageno haviafene huno mage huno hamapaiye Nagaya Falasia
kanogina nenafaa Falasia kanomo nateneanagina nagaya Fali-mainaya vayala hetigahae.
huna nametiti nehua yateti kaiyekea hunategahe nehae. huno humaine.
7
Mani kema higeya
haviteya Falasia vayaene Satiusi vayaene amunoamifi tusia ke vaiteya ani Kanisolefitila tolefi
ali fako faka humainae.
8
Naafene? Satiusi vayamoya mage huya nehae Vayayagama fali-
mainesafitila heotigahae. huya nehuya Ensole vayaene avamuene omainae. huya
nehayangiya Falasia vayamoya ani yayagahena Lamage mainae. huya nehayane.
9
Anileti
ala kefiti tusia ke nevaiya nagoa Falasia vayapiti nagoa kahegi kema havilinaya vayamoya
hetiya mage hae Ma kanoma agonana havi kavama nehia yana omalene. Ensole kanofi
avamumoafi hapai-mainesia kea havigu Anumaya Kotiene tu huyafenagita afaa atalesune.
huya humainae.
10
Nehageya kasagoya kema vaiya yateti ati vayate ala kava kanomoa Polona aluga
alugati avayu hisalega amunopiti aiya aya ali akalupeyafene huno ati vayamogamife
Lavitama amunoamifiti Polona avalesaga hutama tokiyaage notifinaga avaletama moteho.
huno higeya movaleya umainae.
11
Ani kegela Anumayamoa Polo avate me heti-maineno Polofe mage huno hapaiye
Kolia ohuka kagu kamena ali lokiya vaika maiyo. Kagaya Yelusalemuma maineka
nagaifema hamapai-mainana kava huka Lomua mo huhaleka hamapaigane. huno humaine.
Yuta vayamoya ke huhayagiya Polona haesunageno faligahie. huya humainae.
12
Faeteya koma neliana nagoa Yuta vayamoya alitalu huya mage hae Polona
haesunageno falisie. Anumaya Koti aulagafina tamagelafa nehune menia tiene kaveene
mosita maineta falisia yupa hataka huta negahune. Haesunagenoma ofalisiana Anumaya
Kotia ali-haviya hulatesie huya hulokiya vai-mainae.
13
Ani kema hulokiya vai-mainaya
vayala fotia (40) vayamoya humainae.
14
Ani vayayagamoya mono note kava vayateene
soka vayateene uya mage huya mo hamapaiye Lagaya Polona haesunageno falisie huta
menia tiene kaveene mosita maineta falisia yupa hataka huta negahune huta Anumaya Koti
aufina hulokiya nevaune.
15
Nevaunafe menia tamakayaene Kanisole vayaene ati vayate kava
kanomofe ke hutama mage hutama hiho Kaiyeke hutegahunagi Polona tagaite avaletama
eho. hutama higeya yaufa tamakaitega evayi ohuneya katega avaleya neesageta hayamano.
huya humainae.
16
Hageno Polona asaamo nafanemoa ani kea haviteno ati vayamogami nopinaga haino
Polona hapai-maine.
17
Hapaigeno Poloa nagoa ati vayate kava kanomofena ke higeno
egeno mage huno hapaiye Ma nafanea mukia ati vayate kava kanomotega avaleka
visanageno nago ke hapaisie huna nehue. huno humaine.
18
Hapaigeno mukia ati vayate
kava kanomote avaleno vigeno mage huno mo hie Nofipi kanoa, Poloa, ke higena ugeno
Ma nafanehe nago ke kahapaigahigi kagaitefe avaleka vuo. huno higena avalena eneoe.
huno hapai-maine.
19
Hapaigeno mukia ati vayate kava kanomoa ani nafanea ayate alilino
avaleno agegayalega anakaianige umaineana mage huno havige Naane ke nahapaigahe
emainane? huno havige.
20
Havigegeno ani nafanemoa mage huno hapaiye Yuta vayamoya
ke huya haya kiteya kagaifena mage huya kahavi-gegahe nehae Ega Polona Kanisolete
avaleka esanageta nagoene kemo aepaa havisune. huya kahavi-gegahe nehae.
21
Huya
hugahagi amakai kea havika akave omalo. Ani vayapiti fotia (40) vayaene nagoa vayaene
Polona haekahe kafo maleneya mage huya hae Menia tiene kaveene mosita maineta falisia
yupa hataka huta negahune. Haesunageno ofalisigenoa Anumaya Kotia ali-haviya hulatesie.
huya Anumaya Koti aulagafina hulokiya vaiteya menima kagaya avalekama visanafene huya
kagava mainae. huno humaine.
22
Higeno mukia ati vayate kava kanomoa ani nafanemofena
mage huno hapaiye Manima nagaima hufalote huka nahapaina kea nagoa vayala
hamaopaiyo. Nagi kagaya nagaitegatila ago vuo. huno hutegeno umaine.
Polona hutegeno ala kava kanoa Filikisitega umaine.
23
Tole kanolatana ati vayate kava yagai-mainaa kanolatafe ke higeana aageno mage
huno hanapaiye Talo tala hutana meni kegela naeni (9) kiloki tu hataletia (200) ati vayaene
sevetia (70) hosi agupifi nevaya ati vayaene tu hataletia (200) keve nehaya ati vayaene Sisalia
ugahae.
24
Poloma maino visia hosi afuene talo tala hutetana aluya hutana kava yagaitana
Polona fatago hutana avaletana ala Kamani kava kanomo ayapi moteo. Ani kanomo agia
Filikisie. huno humaine.
25-26
Huteno avona kaeno mage huno humaine Nagaila nagia Kolotiusi Lisiasinae tusi
kanale Kamani kava kanomoga Filikisigale mani avona kaena hu falu fala hunegatoe.
27
Yuta
vayamoya mani kanomona atafa huya hae falisaya kava hayanagi agaya Lomu kanoma
mainea ke havitena ati vayaniene ani vayamogami amayapitila mo-vale-mainoe.
28
Kaiyeke
hutesaya kemo aepaa havigahe Kanisole vayaamile avalena lavimainoe.
29
Avalena lavi-
mainena havuana amakaiami Kahegi kea atagae-maine. huya hayanagi falisia augafa havi
kavala ohune. Nofi hutesua augafa kefo yaenena tamage huno ohune.
30
Ohunegi nago kema
havuana nagoa vayamoya Kesi falakita haesunageno falisie. huya haya ke me nahapaigena
havitena aupaa kagaitega hutogeno vie. Vigi kaiyekema hutesaya vayamoya kagaitega mo
hufalote huya hu fatago hisageka havisane huna hamapaugeya nevae. Kenia male hano hie
nagaini nagia Kolotiusi Lisiasinae. huno avopina kae-malene.
31
Ati vayamoya kava kanomo ke akave maleya kege Polona avaleya Atipatalisi kumate
umainae.
32
Mo faeteya nagoa ati vayamoya eteya ageya hosimo agupifi nemaiya ati
vayamoya Polona avaleya umainae.
33
Sisalia uvayi huya ani avona ala Kamani kava
kanomona mo-miteya Polona agai aule avaleya mo hetitenae.
34
Mo heti-mainegeno ala
Kamani kava kanomoa ani autama alino hapalino haviteno Polona mage huno havige
Kagaya hana kotega kano mainane? huno higeno Silisia kano mainoe. huno humaine.
35
Higeno haviteno mage huno hie Kaiyekema hugatesaya vayama evayi hisagena
kaiyekekaa havigahue. huno nehuno ati vayafe Helotima kimalenea Kamani nopi
avaletama kava mo yagaitegeno maino. huno humaine.
Aposolo Aposolo
<<
23 23
>>
Aposolo Aposolo
<<
24 24
>>
24
Yuta kava vayamoya Filikisi aule Polona kaiyeke hutenae.
1
Faefua (5) kanamoa hano higeya mono nopi hagote kava kanomoa Ananaiyasiene
nagoa vayatamaene nagola ke havino fatago nehia kanoa Tetulusiene Sisalia elaviya
emaineya Polona kaiyekema hutegahe haya kea ala Kamani kava kanomona hapaimainae.
2-
3
Hapaigeno haviteno Polofe ke higeno egeno Tetulusia aepa heno Polona kaiyekea
huneateno mage huno hie Kanale Kamani kava kanomoga Filikisigae kagayama kava yagai-
mainanafena tagaya kanaleya huta yuna heta mainonageka kasagoya kanale kavakeya huka
kasagoya kumatema laya hisana kea hanageta aluya huta musekaa humainonane.
4
Nagoa
kene hugahe huanagi amusekaa nehunagi menima kahapaisuna kea osi kea havio.
5
Tagayama agonana ma kanoa Poloe tusia havi kavayaga nehuno mukia kumate Yuta
veamogami amunoamifina hetino ke vaino tu hisaya ke hamanepaino Nasaleti Yisasi kema
nehaviya veamogami ala kanoami maine.
6-7
Maineno tagaiti ala mono nopi hilato ohunea
kava hugahe hianagi mo-tafa huta tagaiti kahegi keleti kaiyekea hutegahe hunanagi ati vayate
ala kava kanoa Lisiasia eno tokiyaaleti tayapiti mevaleno umaine.
8
Avaleno emainegi kagaya
havigeteka kaiyekema hutesanana mukiama humainona kea agaia avayafiti aepaa hinageka
havigane. huno humaine.
9
Higeya Yuta vayamoyaenena Tamage nehie. huya nagoene
Polona kaiyekea hutenae.
Poloa Filikisitela kea huhaleno humaine.
10
Ala Kamani kava kanomoa Polofe Kaiyeke huo. huno ayateti avamename higeno
Poloa mage huno humaine kagaya ayaaya kafufima ani nofi vayatela kaiyekema humatenana
yafena havina kolia nohue. Naipa kanale yapiti kenonakalela kahapaisue.
11
Hama-vigesanana
kahapaisageka havigane nagaya ayaaya kanagefa Yelusalemua haina omainogi tuelufua (12)
kana kanoa Anumaya Koti agi alisaga hugahe Yelusalemua haina mainoe.
12
Hainama
mauvana nagaya ala mono nopi mainena nagoa vayaenena kea ovainoe. Nagaitela veala
melitalu hiho. huna ohunoe. Mono noyagafiene ala kumapienena ani kavala hugeya
onagenae.
13
Onagenagi menia kaiyekema hunenataya kemona ma vayamoya Tamage
nehune. Age-mainonanagita aepaa kahapaigahune. huya hisaya keamia omalegeya nehae.
14
Nehagi nago yafe kea hu-falote huna kahapaisue. Amakayama Alu kategae. huya
nehaya kama, Yisasi kema nehaviya veamoya akave nehaya kana, taginagomoya nevaya
kate neuna Anumaya Koti agia alisaga nehuna mukia kahegi kene Anumaya Koti amaune
vayamogami kene havina nagupi malenoe.
15
Nagupi malenogi amakayama haya kea
Anumaya Kotia fatago huya maineya fali-mainesaya veanene kefo kava huteya fali-
mainesaya veanene ali hetimategahie. huna nametitia nehue.
16
Ani yafe Anumaya Koti
aulagaleene veamogami amaulagaleene hilato ohunea kavala ohuna fatago huna maisua yafe
kava yagaina nemauvane.
17
Mainoanagina ayaaya kafua alule mainoanagi menia Yuta nafunaganagamina nagoa
mone amamisuafene huna Anumaya Koti muse yaene amigahe Yelusalemua hai-mainoe.
18
Naugafaene naguaene sese hutena ala mono nopi haina amitena mainogeya nage-mainae.
Nagaienena nagoa vayala me-litalu huya keyesoa ohagena mainoe.
19
Mauvanagi nagoa
Esiati Yuta vayamoya eya me nage-mainae. Amakayake nagaifena Havi kava nehie. huya
humainaya ke kagai kaulagale me hunateho.
20
Omesageyahena ma ma mainaya vayamoya
nagayama Kanisole vaya amaulema heti-mainoa yupa Havi kava humaine. huya
humainesaya yafena me kahapaiho.
21
Kahapaigahagi nagaya ma yamaage amakai
amunoamifina hetina humainoe Veama fali-mainesafitila hetigahae. huna humainoa keleti
meni kanafina kaiyekea hu-nenatae huno humaine.
22
Higeno Filikisia Yisasi kema nehaviya veamoya haya kea havimaineanagino mage
huno hie Haile. Ati vayate ala kava kanoa Lisiasia elavino esigena kaiyeketamia fatago
hulamategahue. huno humaine.
23
Huteno ati vayate kava neyagaiya kanomofe ke higeno
egeno mage hie Polona avaleka nofi nopina mo hutegananagi tokiyaage huka nofila hu
oateka atalenegeya nefuya kavela afaa memiya aya hisae. huno humaine.
Filikisia Polona tole kafu nofila hutene.
24
Nagoa kanamoa hano hutegeno Filikisiene aamoa Yuta ale agia Talusilaene aageno
Filikisia Polofe ke higeno eno Yisasi Kalaisife haviya amakupima maleya amametiti nehaya
kea mehanapai-maine.
25
Mage huno hanapaiye Fatago hutana mainetana tanaku tanakesale
kava yagai hetofa hutana maio. Anumaya Kotia haenagama kaiyeke humatesia ke nehigeno
Filikisia koli nehuno mage huno humaine Haile. Menia nenataleka eteka vuo. Haenaga
aliyania omalesigena nagoene kekaa havigahue. huno humaine.
26
Nehuno agesa mage huno
havie Poloma atalesugenoa nagoa mone namisifi? huno agesa nehavino mukia yupa
agaifena ke higeno egeana kaiyekea huana mainae.
27
Hume neaageno tole kafumoa hano hutegeno Filikisi aliyatema anonaa alimainea
kava kanomo agia Polisiusi Fesatusie. Filikisia masave ageaino Yuta vayamogamina
hamaisia kava hugahue. huno Polona nagoene nofi nopina atalegeno maine.
Aposolo Aposolo
<<
24 24
>>
Aposolo Aposolo
<<
25 25
>>
25
Poloa Ala Kamani kanoa Sisafe kenia havisie. huno ke humaine.
1
Fesatusia yagaisia kotega ago evayi huno tagufa (3) kana maiteno Sisaliati
Yelusalemu haimaine.
2-3
Haigeya mono note kava vayaene Yuta kava vayaene Polofena
Havi kava humaine. huya hapaiteya mage hae Musekaa nehunagi taya huka Polona
hutegeno Yelusalemu eno. huya humainae. Amakaya katega kafo maleneya haesageno
falisia amakesaleti humainae.
4-5
Hageno Fesatusia mage huno humaine Poloa Sisalia nofi
nopi mainegena nagaya osi kana kanoa maitena anilega ugahe nehugi tamakaitami kava
vayamogatama nagaiene tavi-mainetama agaya havi kavama humainesiana kaiyekea mo
hutegahae. huno humaine.
6
Fesatusia eitia (8) kanao tenia (10) kanafiga Yelusalemua maiteno eteno Sisalia lavino
faeteno koma neliana kaiyekema havi nopi umaineno mage hie Polona avaletama eho.
huno humaine.
7
Kema higeno egeya Yelusalemuti emainaya Yuta vayamoya avaale maigagi
maineya Tusia havi kava humaine. huya kaiyekea hutayanagi nagoa aepaa tamage huya hu
falote huya haopainae.
8
Haopaigeno Poloa mage huno hie Nagaya nagoa Yuta veamogami
kahegi kene ala mono nopienena Lomu ala kava kanoa Sisaene ali-haviyana huoatenoe.
Tamage huna nago kanomona havi kavala huoatenoe. huno humaine.
9
Hianagi Fesatusia masave age aino Yuta vayamogamina hamaisifa kava hugahue.
huno Polofena mage huno havige-maine Kagaya kanale Yelusalemu haisanagena anilega
haina kaiyekekaa havina fatago hugatesufio? huno havige-maine.
10
Higeno Poloa mage huno hie Menima Sisaa kaiyeke nehavia nopi heti-mainesugeka
anile kaiyekenia haviteasine huna nehue. Kagaya ago havilinane nagaya Yuta vayapina nago
kanomona havi kavala huoatenoe.
11
Nahaesagena falisua kefo kavama humainoleasina
kanalelagina faluleasinagi manima hunataya kaiyekemoa tamage huno aepaama
omalesigekahena amayapina onateganagi ala kanoa Sisa ayapi natesanageno ani kaiyekea
hunatesie huna nehue. huno humaine.
12
Higeno Fesatusia agaia Kanisole vayaene kea kea
huteno mage hie Sisaa kaiyekea hunatesie huka hanafe Sisatega ugane. huno humaine.
Fesatusia Polofe Yuta vayamogami ala sauve kanoamia Agalipana havige-maine.
13
Nagoa kanamoa hano hutegeno ala sauve kanoa Agalipaene asaamoa Peniasiene
Fesatusina hu falu fala hutegahe Sisalia evayi humainae.
14
Evayi huteana ayaaya kanagefa
mainaageno Fesatusia Polo kaiyekea sauve kanoa Agalipana hanepaino mage huno hie
Filikisima mainea kanafina nago kanoa nofi nopi mainegeno Filikisia anifi ataleno umaine.
15
Umaineanagina Yelusalemu haina mainogeya mono note kava vayaene Yuta kava vayaene
agaifena nahapaiya Kaiyekea huteteka hanageke yana amio. huya humainae.
16
Hagena
mage humainoe Tagaya Lomu vayamogata ma auava kava nehunane. Nago kanomoa
kaiyeke hutesia vayala amaule mainesageya kaiyekea hutetesageno anonaamile Kagaya
kaiyekema hugataya kea huo. huta hagoteta hisunageno hinageta haviteta fatago hugahune
huta humainonane. huna hamapai-mainoe.
17
Hugeya male melitalu huya mainagena faetena aupaa kaiyeke humate nopi una
Polona avaletama eho. huna humainoe.
18
Hugeya kaiyekema hutaya vayala hetiya aepa
heya agaila kaiyekea hutayanagi Naa kefo kavala humaine. huna nagesama havua kefo
kavafena ohunae.
19
Ohunagi amakaiami monoamihekeya agaienena ke nevaiya nagola fali-
mainea kanoa, Yisasie, kanomofe, Poloa Ani kanoa afaa hetino maine. huno higeya ke
vai-mainae.
20
Higena Hanaa huna ani kemo aepaa havina fatago hisue? huna hutena mage
huna havige-mainoe Kanale Yelusalemua haisanagena kaiyekekaa havitena fatago
hugatesufio? huna havige-mainoe.
21
Havigogeno Poloa Mainesugeno ala kava kanomoa
kaiyekenia havisie. huno higena Kanalelagi nofi nopi atesugeno mainesigena Sisate
hutegahue. huna humainoe. huno hie.
22
Higeno Agalipaa Fesatusife mage huno humaine
Nagaya ani kanomo kea havigahue. huno higeno Kanalelagi egamaga kea havigane.
huno humaine.
23
Higeya mo faeteya kotigeya Agalipagani Penaisigania kanale konagali kena faiteana
kaiyeke havi nopi vaageya ati vayate kava vayamoyaene ani kumate kava vayamoyaene
tokaeya ani nopi hai-mainageno Fesatusia Polofe ke higeya avaleya emainae.
24
Ageno
Fesatusia mage huno humaine Ala Sauve kanomoga, Agalipagaene mukia melitalu
humainaya vayaene haviho. Ma ma agaya kanomofe mukia Yuta vayamoya Yelusalemuene
ma kumateene maineya tokiyaage kefiti mage huya nahapaiye Mani kanoa kaiyeke huteka
haegeno falino. huya ala kefiti humainae.
25
Hagena nagayama agoana mani kanomoa
nagola falisia kefo kavala ohune huna hugeno Poloa Lomu ala Sauve kanomo kaiyekenia
havigahie. huno higena Kanalelagika ugane. huna humainoe.
26
Huanagi ani kanomoa
falisia kefo kavama humainea kemoa omalegena Na keleti kaiyekea huto. huna ala Sauve
kanomotega autama kaesugeno visia kenia omalegena tamakaite avalena neogi ala kava
kanomoga Agalipaga mani kanomo kaiyekea havilama huka havisanagena avona kaena
atalesue huna tanakaite avalena neoe.
27
Nagaya havuana nofi kanoa hutesugeno vinagena
kaiyekema hutesaya kema kaena oamisuana haviya hugahie huna nehue. huno humaine.
Aposolo Aposolo
<<
25 25
>>
Aposolo Aposolo
<<
26 26
>>
26
Poloa agaima kaiyekema hutaya kea huhaleno Agalipana hapai-maine.
1
Agalipaa Polofe mage huno hapaiye Kagaya kekaa huo. huno higeno Poloa ayana
haya huno kaiyeke hutea kenonaa mage huno humaine.
2
Agalipaga, ala sauve kanomogae, menia kagai kaule hufalote huna Yuta vayamoyama
kaiyeke hunatenaya kemo anonaa hisua yafena muse nehue.
3
Yuta vayamogatama nehuna
kavaene ke nevauna aepaa kagaya ago age-mainanafene huna tusia muse nehue. Naa
humainanafe musekaa nehugi kagaitema hisua kehena kasalola okahaenageka ako huka
maineka havio.
4
Nafanema mainolegati Silisia mainoanagina haenagaa Yelusalemuma elavi-mainoana
ani nofi veamoya kama vai-neayoa yana Yuta veamoya nage-mainae.
5
Nayona nagaya
Falasia vayamogami kahegi kema akave malogeya nage-mainaya yafema kahapaisugeyahena
ani kea kahapaigahae.
6
Kahapaigahagi nayoma taginagomogamifema Anumaya Kotia
Nago yana hulamategahue. huno hulokiya vai-malenea kelema nametiti hua yateti menia
kaiyekea hunatagena heti-mainoe.
7
Anima hulokiya vai-malenea kelefena mukia tuelufua (12)
Yuta nofi veamoya amametitia nateene kegeene ani yama hulatesiafene huya Anumaya Koti
agia ayeme ayeme nevae. Nevagena Agalipaga, ala sauve kanomogae, nagaya ania huna
nametiti hua yateti Yuta vayamoya kaiyekea maiya hunenatae.
8
Naa higetama nagaya
Anumaya Kotia fali-mainaya veala ali hetimatene. hunama hua kehena Havige nehie.
hutama nehae?
9
Nayona nagaya Nasaleti Yisasi agia alina mopafi atalesugeno lavisie. huna alu kava
alu kavala humatenoe.
10
Mono note kava vayamoya Naama huo. huya hunatagena
Yelusalemu maineya Yisasina amakua amitafa humainaya veamogamina amavalena nofi mo
humatenogeya kaiyekema humataya yupa Hamaegeya faliho. huna humainoane.
11
Yisasi
veamogamina Kalaisifena kamuge hatagetama vaimateho. huna nehuna kasagoya mono
nopi kayona mo neamamina nahai-vaina Yuta veane omainaya vayamogami kumapina moli-
haviya huneamatoane.
Poloa agaia Yisasina agua aiyahae huno aminea kea humaine.
12
Ani kava hisuafe ala mono note kava vayamoya hunatagena Tamasigusi ugahe
umainoe.
13
Ala Sauve kanomogae, yagemoa amunokano higena katega nehaugeno
ikapinagati tusia vasa yamoa, yagemona agaseno ala yakefa, huno aivasa higena age-
mainogeya nagaima navagi hageta hauna vayaene aivasa lahau-maine.
14
Higeta lagaya
mopafi asaga hu-lavita tagoya aye-maineta havugeno Yuta vayamogami kefiti mage hie
Sologae Sologae naa higeka nagaila ali haviya nehane? Aniama hanana avela hanegeno
kagaikaa kagata neaiye. huno humaine.
15-16
Higena mage huna hue Ala kanomogae
kagaya lagae? huna hugeno mage hie Nagaya Yisasinae ali-haviya maikama hunatana
kanomonagi hetio. Kagaila hugatesugeka nagai aliyana alika nagaima nagana yafeene
haenagama kavelisua yafeene hamapaisanafene huna kagaitela evayi nehue.
17
Nehuafe Yuta
veane omainaya veamogamitega hugategahugi haenagama ali haviya hugatesaya Yuta
vayapitiene Yuta veane omainaya vayamogami amayapitiene kavalena kaugafa aligatigahue.
18
Yuta veane omainaya veamogamina asuma humainea amaulaga alika kaligali
humatesanageya haniki-mainea yapima mainaya yana neataleya amakua aiyahae huya vasa
yapi maisaya yafe hunegatoe. Satani kava yagai-mainea yapina neataleya amakua aiyahae
huya Anumaya Koti kava yagai-mainea yapi maisaya yafe hunegatoe. Nagaife haviya
amakupi maleya amametiti hisagena kefo yaamia aigeamatena atalematetena alu aotage
anaganiene amavalena amatesugeya maisae huna hunegatoe. huno humaine.
Poloa agaiama Yisasi kema hamapaino vaiye-mainea kavafe Agalipana hapai-
maine.
19
Agalipaga, ala Sauve kanomogae ani kema higena ikate age-mainoa yafenagina akave
malenoe.
20
Hagotena Tamasigusi utena anileti Yelusalemua uayamona anileti mukia Yutia
kotega ute ete huna Yuta veane omainaya veateene mage huna hamapai-mainoe Kefo
yatamia neataletama tamakua aiyahae hutama Anumaya Kotitega etama kanale auava yana
hisageya tamakuama aiyahae hisaya yana agesae. huna hamapai-mainoe.
21
Mani kema
hamapai-mainoa keleti ala mono nopi mainogeya Yuta vayamoya natafa huya nahaesagena
falisua kavala hunatenae.
22
Hunatenagi Anumaya Kotia mukia yupa naya higena menia
hetina mainena ala kava vayaene osi vayaenena tamahanepauve. Moseseene Anumaya Koti
aune vayaene Naa yana maa yana falote hugahie. huya humainaya keage hamapai-mainoe.
23
Mage huya humainayane Anumaya Kotima taugafa aligatigahema hutenea kanomoa
augafa agata aisigeno faligahie. Fali-mainesifiti mukia veala amakaseno uhagote-lamateno
hetiteno hale yamaa hanesia kea Yuta veanene Yuta veane omainaya veanene
hamapaigahie. huya humainayane huno humaine.
Poloa Agalipafe Anumayafena havika kagupi maleka kametiti huo. huno
hapaimaine.
24
Poloa na ke higeno Fesatusia ala kefiti mage huno hie Pologae aifonafo ke maika
nehanagi alu avo alu avoma maika nehapalina yayagamo aifonafo kavala hugatene. huno
humaine.
25
Higeno Poloa mage huno hie Fesatusigae, ala kava kanomogae, aifonafo kea
nohugi kelamage nehue.
26
Nehugi nagayama hua kemoa ala Sauve kanomoga Agalipagae
havilinanagena hufalote huna nehue. Nagaya havuana mukia ani kavala falakiya ohunagi ani
kavala ago age-mainane.
27
Ala Sauve kanomoga, Agalipagae, kagaya Anumaya Koti
amaune vayamogami kea ago havika kagupi maleka kametiti nehano? E, kagupina ago alika
malana yana nagaya ago havilinoe. huno hapaiye.
28
Higeno Agalipaa mage huno hie
Menima hana keleti aupaa nagaya Yisasife havina nagupi malegahue huka nehano? huno
humaine.
29
Higeno Poloa mage huno hie Aupa kana kanoafi ayaaya kana mainesanano
nagaya hua augafa kava huka Yisasife havika kagupi malesanafe Anumayamotega ke huna
havi-negoe. Kagaifekeya mani kea nohugi mukia ma kanalema maineya nagai kema nehaviya
veanenefe nagaya mainoa augafa kava huya maisae huna Anumayamotega havinegogi nofipi
maisaya yafena nonahaiye. huno humaine.
30-31
Higeya ala Sauve kanoa Agalipaene nago kava kanoa Fesatusiene Penaisiene
amakaienema mainaya veanemoya hetiya alule umaineya kea kea mohu mehu huteya mage
hae Mani kanomoa nofila huteteya haesageno falisia augafa kefo kavala ohune. huya
humainae.
32
Hayanagi Agalipaa Fesatusina mage huno hapaiye Mani kanoa, Poloe, Sisaa
kaiyekenia havisie. hunoma ohuneleasina Nofipitila atalegeno vino. huna huleasine. huno
humaine.
Aposolo Aposolo
<<
26 26
>>
Aposolo Aposolo
<<
27 27
>>
27
Polona Lomu kumate visia tipi kalefi avaleya atenae.
1
Polofe Lomu kumate tipi kalefi ugane. huya huteya avaleya nagoa nofipi mainaya
vayaene amavaleya ati vayate kava kanomo ayapi amatenae. Ani ati kanomo agia Yuliusie.
Ani kanoa Sisaa, Sauve kanomo, ati kanoa maineane.
2
Nagaya Lukunae Alisatakusiene
Poloene umainone. Alisatakusia Masetoniati kanoe. Osi kumaamo agia Tesalonaika
kanogino tagaiene vigeta nago Atalamitiumu kumate tipi kalefi haisaga humaunageno tipi
kalemoa Esia komo haopalega haigahe higeta hai-mainone.
3
Nehaunageno kotigeta ega
Saitoni kumate hai vayi hunageno Yuliusia Polona ali kayone huneateno Kanalelagika
vayakamogamitega visanageya ali kanale hulamatesae. huno tatalegeta umainone.
4
Umaigeta Saitoni kumala neataleta yasimoa tusiya huno alino halage higeta yasimoa osima
hisiafe nago hagelimo amunopi hanea kumamo aupate eumainone. Ani kumamo agia
Saipalusie.
5
Hagelipi Silisiaene Pamafilia kumaene mogaseta Maila euvayima hunana ani
kumamona ala agia Lisia eumainone.
6
Maila mainonageno kava humainea ati kanomoa nago
Alekasatalia tipi kalea ageteno ani tipi kalemoa Lomu ugahe higeno tavalegeta ani tipi kalefi
haisaga humaita eumainone.
7
Tipi kalefima unana aiyayeno ounegi kasagoya kanagefa hako hako huno vigeno osi
yasi kanoa aligeta Nitusi umainone. Yasimoa osi higeno nagola timo amunopi hanea kotega
Kaliti komo aupate unana Salamone kumala aupaale hane.
8
Kaliti limo agegayalega hako
hako huta unana nago kumamo agia Kanale Ti kahaepatele huya nehaya ti agegayalega
euvayi humainone. Ani agegayalega ala kumamo aupate Lasie huno hane.
9
Hako huta una yafe ayaaya kanagefa katega neunageno Yuta vayamoya kave
monesiya kanamoa ago falote hianagi timoa ayamufa aigeno Poloa ani vayafe mage huno
hamapaiye,
10
Nagaya nagesa havuana tipi kalefina kasageke huta nevisunageno
afenoyatiene tipi kalene tagaitiene tusiya huno alihaviya tahaugahie. huno hamapaiye.
11
Hamapaiyanagi ati vayate kava kanomoa ani kea havino agupina omaleanagi tipi kalemo
kayomaalema nealia kanomo kene tipi kalemo nefa kene havino akave malenegi Poloma hia
kea havino akave omalene.
12
Akave omalegeya ani kumala tusia yasima alia kanafinagiya
kanale huya maisaya kumala omalegeya tipi kalema nealiya vayamoya ke huge havige huteya
Ani kumala neataleta Finikisia, Kaliti kumamo haupalega nagola tipi kalema malesuna
kumafe avame huta visune. Ani kumatela yasima alisia kanalela mo maigahune. huya
humainae.
Tusia yasimo hage lina ali haviya humaine.
13
Amuko yasimoa ako huno aligeya Kanalelagita ugahunagi afaa vigetao. nehuya tipi
kalema atafa hulino nemaiya yana alisaga huteya ani lipi kalea Kaliti limo agegayalega
eumainae.
14-15
Enevageno Kaliti kumateti tusia yasimoa alino egeta Eteta ani kumate
ugahune. huta hunanagi ani yasimoa tipi kalea melino haviya huno aiyahae huno atalegeno
ani yasimoa ayetufegeta emainone.
16-17
Onana nagola hage limo amunopi hanea kumala osi
kumamo avate eumainone. Ani kumamo agia Kautae. Neonageno yasimoa osia alino laga
higeta tusi aliya aliyaamoya hevayu huya osi tipi kalea alisaga huya ala tipi kalefi maleneya
ani ala tipi kalemoma kofa-nafa ohiseafene huya nomo aiyafi nofila kitafa humalenae.
Yasimoa ayetufesigeta Afelika komo ti kahaepatega mo haviya hugahune. huteya anale
asai-malenaya kena yasimoma ayetu-nefea kena kalu heya afepi maletageno yasimoa ayetu-
fegeta emainone.
18
Neeta mo faonageno koma neliana timoa ayamufaage higeya ani lipi
kalefima hanea afenoyayaga aliya kalemoa yoyo huno visiafene huya hage lipi hagayu
hagayu hu-talenae.
19
Tagufa (3) kanale tipi kalemo aliya yamaa amakaiami amayapiti aliya
tipi hagayu hagayu hutalenae.
20
Kasagoya kanagefa yagene kanefienena oagogeno limoa
tusiya huno ayamufa aigeta taugafa aligatisia yafema tametiti nehuna yana ago ataleta Ani
lipi fanane hugahune. huta maita humainone.
21
Nehuya vayayaga ayaaya kanagefa kavela oneya maigeno Poloa amunoamifi hetino
mage huno hie Nafunaganagatama tamakaya havi kava hutama hagotenama tamahapauva
kea Kaliti kumala oatalesune. huna hua kea ohavinae. Tamakayama havileasina ma ma ali
haviyama hulatea yana falote ohigeno afenoyatienena ovayagileasine.
22
Nagi menia
tamahanepauve kolia ohutama tokiya vaitama maiho. Tagaipitila nago kanoa ofaligahigi tipi
kaleage haviyana hugahie.
23
Nagaya Anumaya Koti nafane mainoanagina mukia kanafina
agia alisaga hume hume neogeno meni kegela agaia ensole kanomoa navate me heti-maine.
24
Heti-maineno mage huno nahapaiye Pologae kolia ohuo. Kagaya Sisa aulela mo
hetigananagino Anumaya Kotia mukia mani lipi kalefi kagaienema nevaya vayamogamina
amaugafa aligatigahie. huno nahapaiye.
25
Nahapaiyafe tamakaya mukiamogatama kolia
ohiho. Anumaya Kotia nahapaiya avamete huno ani kate hugahie huna nagupi malena
nametiti nehue.
26
Nehuanagi yasimoa ali haviya hisigeta nagola ti amunopi hanea kumate
vailagailita ugahune. huno humaine.
27
Ani tipi kalefina tole sota onageno timoa ayamufaage higeta Metiteleniani hage li
amunopi onageno kege amuno higeya tipi kalefi aliya vayamoya Kumate uvayi hugahe
aupa nehune. huya humainae.
28
Huteya augelifipi amegafi huya nofimo atupale tumo tumo
yana kanaage ya ayeteya atalageno tipinaga lavitegeya alisaga huya agayana augelimoa
ayaayaamoa fotia (40) mita humaine. Nagoene osia utonageya ania huya tipinaga ani nofila
ataleteya agayana ti augelimoa tetia (30) mita humaine.
29
Higeya Havigu yafa agupifi
visunageno yafamoa tahaiyafene. huya koli huteya foa (4) tipi kalema atafa hulino maisia
yana tipi kalemo aia kapiti tipi atalageno lavi-mainegeno yagemoa aupaa evayi hisiafene huya
nunamuna humainae.
30
Nehuya tipi kalefi aliya vayamoya koli huya Faleta ugahune.
nehuya osi tipi kalea ali-talageno lipi lavigeya mage huya vayala ayemavataga hae Tagaya
kalema atafa hulino maisia yana agosisinapalega atalenone. huya ayemavataga humainae.
31
Hageno Poloa ati vayafeene amakaiami kava kanomofeene mage huno hamapaiye Mani
vayayagama ala tipi kalefima omaisayana tamakaila tamaugosamoa fanane hugahie. huno
humaine.
32
Nage higeya ati vayamoya osi tipi kalema atafa hulinea nofila taga hutalageno osi
tipi kalea tipina umaine.
33
Yagemoa evayi hugahe aupa higeno Poloa mukia vayamogamife mage huno hie
Tole sotana koli hutama kavela mositama onenagi menia kavela neho.
34
Lokiyaage ke
nagaya tamahanepauve Kavela neho. huna nehue. Kavela netetama tokiya aligahae.
Tamage lamahanepauve mukiamogatama kanale hutama uvayi hugahae. Nagoke kanoa
fanane ohugahae. huno humaine.
35
Mani kea nehuno maya alino amaulagale
Anumayamotega muse nunamu huno havigeteno kolino nemaine.
36
Negeya ageteya
amaipamoa kanale higeya amakaienena ania huya kavela ne-mainae.
37
Tagaya lipi kalefima
mainona vayala tu hataleti seveti sikisia (276) vaya mainone.
38
Kavela nemamu huteya tipi
kalemoa kanaagela ohisie huya viti avinayaga tipi aliya atalenae.
Tipi kalea ago alino haviya humaine.
39
Yagema vayi higeya agayana noagaya kotega uvayi huteya agayana nagola timoa
moyetagena humainea yatela kanale ti kahaepa hanegeya ageteya Lipi kalemoa anile aupaa
visie. huya humainae.
40
Huteya tipi kalema atafa hulino nemaiya nofila hekano hutaleteya
aliya moli kagi meli kagi nehaya kayote kimalaya nofila aliya kaleyo humaleteya yasi alisia
kena anale maleya atafa humalageno tipi kalemoa aiyayeno ti agegayalega ugahe nehie.
41
Vianagi tipina kahaepamoa agoyagefa hai-mainea kahaepate haino anifi mo vailino
agoyamona atafa huno tokiyaage huligeno kanagela ohuno hanegeno timoa tokiyaage huno
aia katega aino kofanafa humaine.
42-43
Kofanafa higeya ati vayamoya nofima humatenaya vayafena Hamaesunageya
falisae. Havigu nago kanomoa tipiti faleno visigi. huya hayanagi ati vayate kava kanomoa
Poloa ofalisia agesa nehavino Naa ohiho. huno huneama-teno mukia tipi nagosa neaiya
vayafe Nagosa aitama ti agegayalega viho. huno humaine.
44
Higeta mukiamogata tipi
kalemoma haviya hia yosamo ayamufa alita agupile maiteta ayetufeta ti agegayalega
umainone.
Aposolo Aposolo
<<
27 27
>>
Aposolo Aposolo
<<
28 28
>>
28
Poloa Malata kumate maine.
1
Tagaya kanale huta evayi hune. Evayi huna komo agia Malata kumale huya
tahapaigeta havimainone.
2
Ani kumate vayayagamoya kanaleya huya ali kayone hulatageta
mainonageno kola aiteno yasiage higeya ata kae-maleteya me lavaleya ata mo lota hulatenae.
3
Poloa ata haefusa haya alino ata kaeyana nagola vayama nehaeya osifavemoa ata haefusa
hayafiti augafa leno amuko higeno hati-lavino Polo ayapi menilage-lage humaine.
4
Menilage-
lage hulinegeya anile maiya vayamoya ageteya mage hae Mani kanoa vaya hamaeno hevai-
neamatea kanogino hage tipina ofalianagino fatago Anumayamoa anonaa alisiafe
haeyanagino ago faligahie. huya hae.
5
Hayanagi Poloa ani osifavea alino aye-tafaino atafi
ataleteno agaila augafa alino haviya ohigeno afaa maine.
6
Afaa maigeya anile maiya
vayamoya augafa halegino asaga hulavino falisiafene huya ayaayate agava maiyanagi nagola
havi yamoa agaitela falote ohigeya eteya alu amakesa haviya mage hae Agaya nago
Anumaya maine. huya havimainae.
7
Vayima huna mopamona aupaale hanea kumatela ti amunopi kotega kava kanomo
mopae. Ani kava kanomo agia Pupiliusie. Ani kanomoa lavaleno nomaalega mo lateneno
tagufa (3) kanafi kave yagita huno nelamino yagai-latene.
8
Yagai-lateneno Pupiliusina nefaa
amuko kaliene aiamoa tolo ya agea kaliene alino mainegeno Poloa mo-geteno Anumaya
Kotitega havigeno augafale aya malegeno ani kaliamoa falu hu-tene.
9
Falu hutegeya nagoa
ani kumate kali vayamoya ageno Poloa kaliamia alino kanale humatene.
10
Alino kanale
humategeya tagaila kanale kava hulatageta maineta haenagaa ugahema hunageya tagaila
nesuna yama aupa huna yana tamiteya tipi kalefi aliya latenae.
Poloa Lomu kumate uvayi humaine.
11
Tagaya tagufa (3) ika ani kotega maiteta nago tipi kalea, ala yasima alia kanafinagiya
Malata kumate maiya tipi kalea, Alekasatalia kumateti emaiya tipi kalefi asaga humaita
umainone. Ani tipi kalemo agoyalela tole kuyave netalamogani anamena talo humalenae.
12
Ani tipi kalefima onana Sailakiusi kumate evayi huta tagufa (3) kana mainone.
13
Sailakiusi
kumala ataleta kagita kagita Legiumi evayi huta faenonageno yasimoa alino aepa hegeta
nagoke taula mo faeteta Puteoli evayi huteta hati-lavita lipi kalea agola neataleta mopafi
emainone.
14
Puteoli nagoa mainaya tafu-taganagamina amakonageya mage hae Tagaiene
nagoke sota maigahae. huya hageta anile maigeta Lomu kumatela umainone.
15
Katega
neonageya Lomu kumate mainaya tafu-taganaya Katega neae. huya haya kea haviteya eya
nagola Apiusi maketie nehaya kumate me fotu hageya nagoa vayamoya Talia (3) Natu
Vayamoya Nefayaya Noyaga Hane. huya haya kumate fotu hunageno Poloa ani vayala
amaketeno Anumayamotega muse nehigeno aguamoa tokiyaage humaine.
16
Lomu kumatema unana ala kava kanomoa Polofe Kanalelagika kagaikaa nopi
mainesanageno nago ati kanomoa kava yagaigategahie. huno humaine.
Poloa Lomu kumate Yisasi kanale mono kea huhaleno hamapai-maine.
17
Poloa tagufa (3) kana maiteno ani kumate mainaya Yuta soka vayayagahe ke higeya
melitalu hageno mage huno hamapaiye Nafunaganagatama nagaya tagaiti nofi
vayamogamiene taginagomoya humainaya kavaene alina haviyana ohunoanagi Yelusalemu
nofila hunateteya Lomu vaya amayapi natenae.
18-19
Lomu vayamoya kenima haviyana
nagaipina nagoa nahaesagena falisua kenia omalegeya natalegahe hayanagi Yuta vayamoya
ani kehena Aao huya haya yafe nagoma visua kania omalegena Sisa kaiyekenia havisie.
huna humainoanagi nagaini nofi vayala kaiyeke humatesua yana omalene.
20
Mani kema
tamahapaisuafene huna ke hugetama agena tamahanepauve Isaleli vayamoya amametiti huya
agava mainaya kanomofe havina nagupi malenoa yateti nofila hunatenae. huno humaine.
21
Higeya ani soka vayamoya Polofe mage hae Nagoa Yutia vayamoya kagaifena avona
kaeya tamigeta ohavinone. Nagoa vayatimoya tagaite eya ke hageta nagola havi kavama
humainana kea me lahaopainae.
22
Tahaopainagi mukia kotegati vayamoya Yisasina amakua
aminaya veamogamifena Havi kava maiya nehae. huya hageta ago havimainonagi menia
kagaikaa kaguafiti hisana ke havigahune. huya humainae.
23
Na kanale havigahune. huya hapali-maleteya ani kanalela mukia vayayaga Poloma
mainea nopi me-litalu hageno Poloa natema aepa heno Anumaya Kotia kava yagai-matesia
kea hamanepaino Anumaya Kotima Yisasina hutegeno emainea kanomo kea Mosese kae-
malenea kefitiene Anumaya Koti amaune vayamoya kae-malenaya kefitiene amakaila amakua
alino hetisigeya Yisasife haviya amakupi maleya amametiti hisayafene huno huge huge
nehigeno yagemoa lavi fale-maine.
24
Polo kea nagoa vayamoya haga neya amakupi
malenagi nagoa vayamoya amakupina ali omalenae.
25
Alu amaku amakesa haviya mohu
mehu huteya ugahe nehageno Poloa mage huno hamapai-maine Alu Aotage Avamumoa
tamage huno Aisaiyana hapaigeno Aisaiyaa, aune kanogino, taginagomogamina mage huno
tamage hamapai-maineane.
26
Kagaya mage huka veamogamina mo hamapaiyo Tamakaila tamakesamoa havime
havime haigahayanagi ani kemona aepaa havilama hutama ohavigahae.
Tamaulagamoa kasagoya yupa ageme ageme haigahayanagi nago yana agelama
hutama oagegahae.
27
Mani kemona aepaama havisaya amaku amakesa omale
veane mainae. Mani kema ohavisayafene huno amakesamoa ago tile-maine.
Amaulagamoa ania huno Oagesae. huno ago asu humaine. Mani kea
amakesamoa havisigeno amaulagamoa agesigeno amakua aiyahae huya nagaitega
esagena ali hilato humateyafene. huno higeya. kae-malenayane.
28-29
Anumaya Kotia mani kea tamakinagomogamiene tamakayaenefe lamaha-pai-
maineanagi tamakaya lamakaveno hutenagi haviho Anumaya Kotia anima lamaku tamamema
aligatisia kea Yuta veane omainaya veafe ago humateneanagiya ani veamoya havigahae.
huno humaine.
30
Poloa nago nona miya huteno ani nopi tole kafu maineno agaitegama aya veala
kanaleya humatene.
31
Huneamateno Anumaya Koti kava yagaimatesia kea huhaleno
hamanepaino Anumayati Yisasi Kalaisi kanale mono kea huge amavelige huno kea hulokiya
vaino higeya nagoa veamoya Na kea ohuo. huya kahegi oatenae.
Aposolo Aposolo
<<
28 28
>>
Kea
Kolosi
00
11
22
33
44
Kolosi Kolosi
<<
00
>>
^
Kolosi
Kolosi kumate anagamoya tamage huya Yisasite amametitia humainae.
Poloa Kolosi veala alino tokiya vaimatesia yafe Anumaya Kotitega havinege.
Poloa Kalaisi auavaene aliyamaaenefe humaine.
Poloa Koloso veane amaya humaine.
Tokiyaage tametiti nehuta havigea nehaya kea atalesune.
Yisasiene ailokaeta maineta haegafa lahaimula alisune.
Yisasiene ago fali-mainonafe nagoa kahegi kea taya ohugahie.
Tagaya Kalaisiene ago eteta heti-mainone.
Nayona yana ago ataleta menia haegafa veane mainone.
Veamogamife aluya huno lahaisia auava yana alisune.
Poloa Yisasi kema nehaviya alavene nafaneyagaamienefe humaine.
Poloa aliya veanene kavaamimofeene humaine.
Nunamu hutama havigetama fatago kate tokiyaage hutama vaiye ho.
Poloa Tikikusigani Onesimusigania hunategeana Kolosi umainae.
Poloa Kolosi mainaya veafe huno falu fala humatene.
Kolosi Kolosi
<<
00
>>
Kolosi Kolosi
<<
11
>>
Kolosi
Poloa Lomu kumate kina nopi maineno Kolosi kumate maineya Yisasife haviya
amakupi malenaya veamogamitega mani avona kae-malegeana Tikikasigani Onisimasigani
aliana momaminae. Yisasia faliteno hetino ikapinaga haitegeno Poloa 30a kafu agava
maineno Kolosi kea kae-malene.
1
1-2
Nagaya Polonae Anumaya Kotia agaia haiya avamete huno Aposolo kanoa
hunatenegena mainoafe nagaiene Timoti nenafuene Kolosi kumate mainetama Yisasife
havitama tamakupi malenaya neafugatama mani avona kaetaa nelamamue. Anumaya Kotia
Nelafa kayone hisia yamaaene tamaipa falu hisia yamaaene tamamisie.
Kolosi kumate anagamoya tamage huya Yisasite amametitia humainae.
3
Taagaya mukia kanafina Yisasi Kalaisina Nefaa, Anumaya Kotifena havinegeta
tamakaifena tusia muse hutaa havinegoe.
4-5
Taagaya tamavagea ago havilinoe. Anumaya
Kotia tamagelafa humainea kemoa, Yisasife kanale mono kea, tamahapaiya kea ago evayi
higetama Yisasia hulatenea yafe havitama tamakupi maletama tamametiti hutama mukia
Yisasife haviya amakua amitafa humainaya veamogamife tamahau tamayamopafi
nelamahaiye. Anumaya Kotia tamamisia yana ikapinaga talo tala humaleneafe tamametiti
nehaya yapiti aniama nehaya yamoa falote hia yafena taagaya Anumayamotega tamakaifena
muse nehutaa ke hutaa havinegoe. mage hutaa
6
Anima Yisasia hulatenea kanale mono kea
mukia kotega kagino ala huno veapina alino kanale auava yana ali falote humaineafe
tamakaite eaamo Anumaya Koti kayone hisia yafema havilama haya kanafi aepa heno
tamakaipina ania huno kanale auava yana ali falote humaine.
7
Epafalasia mani mono kea
huhaleno higetama havilinae. Ani kanoa taagaila taaya huno Yisasi Kalaisi aliyana alige alige
nehia kanogino taagaiene nagopi aliyana nealuna kanogino agaifena aluya huno nenahaiye.
8
Alu Aotage Avamumoa veafema tamahau tamayamopafi nelahamaiya yana
tamaminegetama ania kavama nehaya yafena Epafalasia ago taahapai-maine.
Poloa Kolosi veala alino tokiya vaimatesia yafe Anumaya Kotitega havinege.
9
Ani yafe hagote kanafina taagaya ani kea havitetaa ani yupa aepa hetaa tamaya hutaa
Anumaya Kotitega havigetaa tamakaifena taagela kaniotamatenoe. Mage hutaa havigoe Alu
Aotake Avamumoa kanale amaku amakesa amamino Anumaya Kotima nehaiya auava yana
hamapaisigeno amakupina hiya hinageya havisae.
10
Hiya hisigetama tamakaya kama
vaiyesayana Anumayamo veane fatago hutama maisageno Anumayamoa mukia maisaya
auava yatamihena Nagai nafanemoya amatea kava nehae. huno haisie. Mukiama nehaya
kavala kanale yakeya falote hisigetama Anumaya Koti aepaa aluya hutama agetetama
agaifema havilinaya yatamimoa ala hisie.
11
Anumayamona tokiyaage hale yamaaleti aliya
tokiya vaimatesageya hetofa veane maineya mukia kana yama falote hisigenoa amakuamoa
atali talua ohinageya tokiyaage veane ako huya amaipa muse yapi maisae.
12
Tokiyaage hale
yapi mainaya veanene hetita maisuna tokiya taminageta tatesia kava huta anifi maisuna yafe
Nelafatega tusia muse hisune. hutaa Anumayamotega havinegoe.
13
Hagoteno Satani kava
hulategeta hani yapi mainonageno Anumaya Kotia ani yapiti tavaleno agaia hau ayamopafi
nehaiya nafanemo kava yagai-mainelega tavaleno latene.
14
Kefo yatimo aigagilategeta
mainonageno Anumaya Koti nafanemoa anifiti kalu hetalesiafe miya hulategeta mainonageno
kefo yatia aigetateno atalelatene.
Poloa Kalaisi auavaene aliyamaaenefe humaine.
15
Veamoya Anumaya Kotina oagegahe hayanagi agaia nafanea Yisasia Nefaene nago
avamete huana mainaanagino Yisasia Anumaya Kotina hagote nafaneagino maineno mukia
Anumaya Kotima talo humalenea yatela alaami maine.
16
Anumaya Kotia hapaigeno Yisasia
agaia mukia yana talo humalene. Ikapinaga yaene mopafi yaene neagona yaene noagona
yaene ensole vayaene Satani Avamuene ala kava vayaenena agaia agima alisaga hisaya yafe
Yisasia talo humalene.
17
Yisasia hagoteno mainegeno mukia yamoa agaia humainea keleti
noamile noamile maime ute ete huya mailama humainae.
18
Yisasia agaife haviya amakupi
malenaya veamogami amakenopa maineno kava yagaimatene. Yisasia agaife haviya amakupi
malenaya veamogami aepaa maineno mukia yamona kava yagaimateno ala kanoami maisiafe
uhagotemateno fali-mainefitila eteno heti-maine.
19
Anumaya Kotia haigeno agaiaene mukia
tokiyaaene kanale auava yamaaene nafaneamopi maleno hiya humalene.
20
Naa humaineafe
Yisasia yafaga yosalema faligeno lavi-mainea kolateti Anumaya Kotia mukia yamaa ma
mopafi yaene ikapinaga yaene aigetateno falu hulateno Nagoke taipale maisune. huno
humaine.
21
Nayona tamaku tamakesamoa kame hutesaya kava higetama kefo yana maitama
nehutama Anumaya Kotienena kame hutenae.
22
Hutayanagi Yisasia Nefatega
tamavalesigetama kefo yatamia omalesigetama alu aotage veaa maisaya yafeene nagoke
veamoya Kefo ya nehae. huya ohisaya yafeene Yisasia augafa agata aigeno yafaga yosale
fali-maine. Fali-mainea yateti ago aigetamateno falu hunelamateno nagoke taipale alino
lamatene.
23
Lamatenegi tamakaya Yisasima hulamatenea mono kema havitama tamakupi
malenaya yana atafa hutama tokiya vaiho. Havigu nago yamo tamavayu hisigetama Yisasima
hulamatenea kanale mono kema havilinetama tamametiti nehaya yana ataleyafenagi mai
lokiya vaitama maiho. Ani kanale mono kea tamakaya havitageya mukia mopale veamoya
havilinagena nagaya Polona anima Yisasi hulatenea kanale mono kemo aliya kano mainena
mani kea hamanepauve.
Poloa Koloso veane amaya humaine.
24
Tamakai tamaya hisuafe naugafa nagata aiya nopima mainoa yafena aluya huna
musena nehue. Kalaisi augafamoma tusia agata aimainea avamete huna nagaya naugafa
nagatama aiya yateti Yisasife haviya amakupi malenaya veala agaia augafa maigena Yisasina
agatama aimainea yana ali hano nehue.
25
Anumaya Kotia Yisasina amakua aminaya veanea
amaya huo. huno hunateneanagina mukia Anumaya Koti kea huhalena tamahapaisugetama
havilama hisayafene huno hunatene.
26
Hunatenegeno Anumaya Koti kea nayona falakino
hanegeya mukia veala hamaopainagi menia ago fufute evayi higeya mukia Yisasina amakua
aminaya veamoya nehaviye.
27
Nehavianagino Anumaya Kotia agaia haiya kava huno Yuta
vea omainaya veamogami amunopi anima falaki-mainea kea, tusia kanale kea, taveligeta
anima falaki-mainea kea mage huya hageta havimainone Yisasi Kalaisia tagupi maineanagita
tagaya haenagaa agaia tokiyaage hale yamaaene kumatela umaigahune. huya hageta haviteta
tametitia nehune.
28
Tagaya nagoke nagokemogami Kalaisifena huhaleta hamanepaita
tamavaleta Anumaya Koti aulema tamatesunana Kalaisiene aigamaeya tokiyaage mono
veane maisae huta kanale tagu tagesaleti huge tamaveligea nehuta mukia veafena Kayetama
maiho. huta nehune.
29
Nehugeno Kalaisia mukia tokiyaama nagupi naminea tokiyaleti
nagaya tusia kasageke yapiti himamu huna aliyana nealue.
Kolosi Kolosi
<<
11
>>
Kolosi Kolosi
<<
22
>>
2
Tokiyaage tametiti nehuta havigea nehaya kea atalesune.
1
Tamakaiene Leotisia mainaya veanene mukia nagai naufima onagenaya veanene
tamaya hisua yafe nagaya kasageke huna aliyana nealuanagitama havisae huna avona
negaove.
2-3
Tamakuamona ali lokiya vailamatesigetama nelamafuene nago tamaku tamakesa
havitama tamahau tamayamopafi tama-haisigetama Anumaya Kotina falaki-mainea keamo
aepa Yisasi Kalaisia agaia mukia kanale agu agesa nehavia yaene Anumaya Koti agesafi
hanea yaene havilama hisageno tamakupina hiya hisia yafe tusiya huno nenahaiye.
4
Havigu nagoa veamoya tamaipa ayesaya ke huya havige ayelamavataga hisaya yafe
mani kea nehue.
5
Tamakaienena tokaena omainoanagi nagu nagesamoa tamakaiene
maineanagitama tamakaya Kalaisia hulatenea mono kema havitama tamakupi maletama
tamametiti hutetama tokiya vaitama nagopima hetitama fatago hutama maiya yafe havitena
tusia muse nehue.
Yisasiene ailokaeta maineta haegafa lahaimula alisune.
6
Tamakaya Yisasi Kalaisia tagaite kava yagai-latesie. hutama ago avale-mainayafe
kava hutama agaiene ailokaetama vaiyeho.
7
Yisasima hulatenea mono kema huhaleya
hagetama havitama tamakupi malenaya kea atafa hutama yosa hafuyamoma mopafi taviteno
itaamoma atafa huno hageno ala hume hume analema haiya avamete hutama Yisasi
Kalaisiene ailokaetama fatago hutama ala hutama mukia kanafina Anumaya Kotifena muse
hiho.
8
Havigu nagoa veamoya afa kema, yasimo alino esia kema, nehuya havige
ayelamavataga nehuya tamavayu huya havi kapi tamatesagi tamakaya kaye ho. Naa augafa
veamoya taginagomogami kavaene ma mopafi havigu kene aliya nehagi Yisasi Kalaisifena
nohae.
9
Nohagi mukia Anumaya Kotina tusia lokiya yamaaene kanale auava yamaaene
Yisasi Kalaisi agupina tusiya huno hiya humaine.
10
Hiya humaineafe Kalaisiene aigamaetama
ani lokiya yamaaene kanale auava yamaaene ali-mainageno hiya higetama mainae.
Mainageno Kalaisia agaia mukia kava vayaene ensole vayaene Satani Avamuyagaene
kavaami maine.
11
Maineafe Kalaisiene hagotetama aigamaetama mainaya kanafina Yuta
vayamoya amaugafa laga nehaya avamete huno kefo yama nehaya atafa lamaipa laga huno
alitalene. Ani yana veamoya amayatetila taga ohunagi Kalaisia agaia taga hu-talegeno kefo
yamoa menia yagai otatene.
12
Yagai otamateneafe tima falelamatea kanala Kalaisienena
aigamaetama maigeno agaiene komufina hevailamatene. Anumaya Kotia komufitima
Kalaisina ali hetitenea yafena havitama tamakupi malageno Kalaisiene fali-mainafitila ago ali
hetilamatene.
13
Hagotetama age lamahaye hutama kefo yama haya yamo tamahaegeno
tamaku tamamemoa fali-maine. Falianagi Anumaya Kotia tamakaila Yisasi Kalaisiene fali-
mainafitila ali hetilamateno haegafa tamahaimula tamamiteno mukia kefo yama haya yana
aigetamateno atale-lamatene.
14
Mukia nayo kahegi kema akave omalonafe kaiyekea hulatesia
kemona Anumaya Kotia aye hanane-talene. Ani avomoa kaiyeke hulatesia yate tatafa hu-
linegeno Yisasina yafaga yosale maleya nili hetafa hu-malenaya yateti ani kemo akavela
nomalonafe anonaa ali hano hu-talene.
15
Ali hano hu-taleneafe Anumaya Kotia Yisasima
yafaga yosale fali-mainea yateti mukia Satani Avamuyagaene kavaamiene tokiyaamia
amakaseno alihaviya hu-taleteno mukia veamogami amaulagafi Satani yayaga Tokiyaamia
omalene. huno amaveli-maine.
Yisasiene ago fali-mainonafe nagoa kahegi kea taya ohugahie.
16
Havigu nagoa veamoya nesaya kavefeene tifeene opa kanaene sapati kanaene maifalu
hisaya kanaenefena Naa higetama ma kavala nehae. huya kaiyekea hu otamatesae.
17
Ani
kavayaga augafaa omalenea yayaga amemaamo hia avamete huya haenagama falote hisia
kanamofe tave-neligi Yisasi Kalaisia tama yatafana agaiage maine.
18
Nagoa veamoya
himonama agaya yafena atafa amaipafiti tusiya huya amaugafa aliya haiteya mage nehae
Taugafa alita nohauna veane mainone. huya amega amaugafafiti huteya Ensole
vayamogami amakia alisaga hiho. Alisaga ohisayana Anumaya Koti nafanea omainae. huya
nehaya yafe havigu amakai kema havisageya fako huya kanale anonatamia tamaha-falesagi
kaye ho.
19
Ani vayamoya Kalaisienena aigamaeya omainae. Tamage Kalaisia tagai kava
yagailatesia tagenopa maigeta augafaa mainone. Ani tagenopamoa mukia augafafina taleya
taganunaene nuna amigeno ayegamaesia yaene amigeno Anumaya Koti tokiyaleti ani
augafamoa ko nehie.
20
Tamakaya Kalaisiene ago falitetama kefo yatamia ataletama mukia ma mopafi
tamakinagomogami kefo yana ago atalenae. Naa higetama Yisasi kea nohaviya veamoya
vaineayaya kava hutama vaineayae? Naa higetama mani vayamo kahegi kea akave nemalae?
21
Mage huya nehae Ma yatela atafa ohiho. Ma yana oneho. Ma yatela ameamela ohiho.
huya nehae.
22
Ani kema nehaya yayagamoa nesunageno fanane hugahie. Amakaiami amaku
amakesafiti mani kahegi kea tamahanepaiye.
23
Nehageya tamage ani kahegi kea kanale havi
haviya nehaya vayamogami kea kana nehagi amegale kea mage hae Tagaitige Anumaya
Koti agia alisaga nehuna yaene laugafa alita ohaisuna yaene laugafa aiko neluna kavaene
tahanemae. huya hagi ani nehaya kavala taugafa age tahaye hisia yana atalesuna yafe taya
ohugahie.
Kolosi Kolosi
<<
22
>>
Kolosi Kolosi
<<
33
>>
3
Tagaya Kalaisiene ago eteta heti-mainone.
1
Anumaya Kotia Kalaisiene tamakaila ago alino hetilamateno haegafa tamahaimula ago
tamamine. Tamamineafe tamakaya anafinagati alisaya yafe tamakesa havi havi hutama
maiho. Anafinaga Yisasia Anumaya Kotina tamaga ayatega hanea siale maine.
2
Maineafe
mukia kanafina tamakaya anafinaga yafekeya tamakesa havi havi hutama mainetama ma
mopafi yafena tamakesa ohaviho.
3
Tamakaya kefo yama nehaya atafa tamaipa ago
falitegeno kanaleya hutama maisaya yatamia ago falakino Kalaisiene aigamae-maineanagino
Anumaya Kotipi hane.
4
Hanegeno Kalaisia tamahaimumo aepaa fufutema evayi hisigetama
tamakaiene tokiya hale yamaafi umaigahae.
Nayona yana ago ataleta menia haegafa veane mainone.
5
Tokiyaage hale yamaafi umaisaya yafe ma mopafi kefo yama nehaya yayaga
hamaetama hano hiho. Maa auavafe nehue munanene anene kumai he yane. Tamaugafamoa
oniyaage nehia kefo yane. Augafa haga neyane. Age lamahaye nehaya yane. Alu kanomo
yate age lamahaye nehaya yamoa ago fali-mainaya veamogamife Anumayati maine. huya
amakisana vaiya amaku amisaya avamete huno Anumaya Kotina amaku oaminaya avamete
kava nehie.
6
Mukia ani kavama nehaya veamogamina Anumaya Kotia aipamoa haviya
nehianagino haivaimateno anonaamia amakata aisia yana amamigahie.
7-8
Hagotetama
tamakaienena ani veanene vaiyatete nehutama ani kavala hu-mainagi menia mukia ani kavala
ataleho. Kema vaiyane. Tamaipafiti anumayayamo hai yane. Vaya havita haviya humatesaya
yane. Veamogamife kamuge hatagetama vaimate yane. Age lamahaye nehaya yamo
avagema nehaya kea ataleho.
9
Tamakaya atafa kenama asagitama hagayu hutalaya avamete
hutama atafa lamaipaene humainaya yaenena ago atalenagi nelamafu-gamifena havigema
ayemavataga nehaya kea ataleho.
10
Tamakaya yaufa kenama alitama nefaiya avamete
hutama haegafa tamaku tamakesale ago mainageno Anumaya Kotia mukia kanafina agaia
auava yana tamave-ligetama havitetama ani haegafa lamaku tamakesamoa nagoene haegafa
veane kana hutama Anumaya Koti mainea avamete hutama mainetama Anumaya Kotifena
havilama hugahae.
11
Ani haegafa vayala mainetama mukia veala nagoke avamete mainone
Yuta veanene Yuta vea omainaya veanene, amaugafa laga hu-malenaya vayaene taga
ohunaya vayaene haesa veanene anupa veanene nofipi aliya nealiya veanene afaa maineya
miya nealiya veanene nago avamete mainageno Kalaisia agaia hagote kanoamia kasagoya
veamogami amakupina maine.
Veamogamife aluya huno lahaisia auava yana alisune.
12
Tamakaila Anumaya Kotia hapali-lamatenea veala agaila alu aotage veanea
mainageno tamakaifena hau ayamopafi nehaiya veane mainaya yafe kenama alitama nefaiya
avamete hutama maa kanale kavala failiho. Mukia veafe tamahau humatetama kayone
humateho. Tamaugafa alitama ohaiho. Alu kanomo kema havisayana ako hutama kea
oamakiho. Tamamena mailava hutama maiho.
13
Tamakai amunopima mainesia kanomoa
nefufena havigema hutesigenofena amena malelava huno maineno aigeateno kefo yamaa
ataletesie. Anumayatimoa kefo yatamia ago aigetamateno atalelamateneafe tamakaya ania
hutama ani kavakeya hiho.
14
Tamahau tamayamopafima nelamahaiya yamoa mukia mani
kanale kavamona agaseno ala humaine. Kenatimona atafa hisia tamunofima kitama
atalakoma huna avamete huno tahau tayamopafima nelahaiya yana ania huno mukia mani
kanale kavala hayagino hetofa huligahie.
15
Kalaisia tamaipa falu hisia yana tamamineanagino
kava hulamatesigetama kea haviho. Nagoke tamaipale maisaya yafe Anumaya Kotia
tamakaifena ke higetama ageno Nagai naugafa nagoke mainae. huno humaine. Mukia
yafena mukia kanafina Anumaya Kotitega muse huteho.
16
Kalaisi humainea kea tusia kanale
kegi tamakuafina tokiyaage huno haneno. Mani kea nelamafuya kefo yama hisagetama
kanale havi haviyatamileti hamapaitama ali fatago humateho. Tamakualeti yagamea hutama
Anumaya Kotitega musena hutetama yagamefiti Anumaya Koti agia alisaga hiho.
17
Mukiama hisaya kavaene kenema mukia ani yateti Anumayatimona Yisasi agia alisaga
nehutama agaiama hulatenea yafena Anumaya Kotitega musena hiho.
Poloa Yisasi kema nehaviya alavene nafaneyagaamienefe humaine.
18
Tamakaya anemogatama anautamimogami kea akave maleho. Naama hisaya yamoa
Anumayamo aufina fatago kava nehie.
19
Vemogatama anetamimo-gamifena tamahau
tamayamopafi tamahaisigetama amaipa haviya hisia kea hu oamateho.
20
Nafanemogatama itatami-afotamimogami kea mukia havitama akave maleho. Naama
hisaya yafena Anumayamoa aluya huno nehaiye.
21
Nefagatama nafanetamimoya haviya
amakaye hisifa kea hu oamateho. Humatesayana amaipa haviya haviya hugahae.
Poloa aliya veanene kavaamimofeene humaine.
22
Nofipi mainetama miya oali aliya veamogatama mopale mainaya kava
vayatamimogami kea mukia havitama akave maleho. Havigu Nagaifena Kanale kano
maine. huno hisie. hutama kava kanomo aulekeya aliyana nealitama havigu alulegama
visaya kanafina oalisagi aao Anumayamofena koli nehutama tamakuamoa fatago hinagetama
mukia kanafina aliyatekeya maiho.
23
Mukia yama hisaya yana alitama tokiyaage hutama
aliho. Ma mopafi afa vayamogami aliyana noalunagi Anumayatimo aliya nealune. hutama
aliho.
24
Tamakaya ago havimainae Anumaya Kalaisia tamakaila kava kanotami
maineanagino haenagaa aliyatamileti anonaa tamamigahie.
25
Tamamigahigi veamoya kefo
yama nehisaya yatetila anonaamia aligahae. Anumayamoa mukia veamoya humainesaya
yateti nago avamete huno anonaamia amamigahie.
Kolosi Kolosi
<<
33
>>
Kolosi Kolosi
<<
44
>>
4
1
Tamakaya aliyate kava vayamogatama aliya vayatamimo-gamina fatago kavakeya
humateho. Tamakaya ago havimainae kava kanotamia ikapinaga nagoke maine.
Nunamu hutama havigetama fatago kate tokiyaage hutama vaiye ho.
2
Tamakaya nunamuna atafa hutama tokiyaage hu-linetama tamau kalo-kalola ohutama
efi efi hutama tamakesa havitama musena hiho.
3
Kalaisifena nayoma hu falakitenaya mono
kea nagaya huhalena hua yateti nagaila navaleya kina hunatagena mainoanagino Anumaya
Kotia kama yakinatesigena ani kema nagoene huhalena hisua yafena nunamuna havigeho.
4
Anumayamona haisia avamete kanaleya huna aepaaene huhalena hisugeya havisaya yafe
Anumayamotega ke hutama havigeho.
5
Tamakaya kanale havi haviyaamima hanea vea kana hutama Yisasi kema nohavisaya
veapima mainutama fatago hutama mainetama afaa omaitama Yisasi kea hamapaiho.
6
Hamapaisaya kemoa mukia kanafina hagageya hamaisifa kegeya nehutama mukia veapima
kenonaamima hugahena kanale kegeya hutama hamapaisae.
Poloa Tikikusigani Onesimusigania hunategeana Kolosi umainae.
7
Tikikusia nagaya mukia navagea tamahapaigahie. Ani kanoa nagaila nenahaiya
nenafue, Anumayamo aliyatela efi efi huno kanale aliya kanogita tokaetaa aliyana nealuane.
8
Tamakaya tagayama nemauna tavagea tamaha-painagetama havitama muse hisageno
tamaipamoa kanale hisiafene huna hutogeno tamakaitega umaine.
9
Onesimusina agaiene
Tikikusiganina hunatesugeana ugae. Onesimusia efi efi huno kanale aliya alino maigeno
nenahaiya nenafua, tamakai kumateti kanogino malema folote humainea yamo kea
tamahapaigae.
Poloa Kolosi mainaya veafe huno falu fala humatene.
10-11
Alisatakusia nagaiene nofipi mainea kanoene Makia Panapasina akuamoene
Yisasia nago agia Yasatusiene huya falu fala hulamatae. Ani vayamoyage Yuta vayapitila
nagaienena Anumaya Kotima kava yagaisia yafena vaiyatete huya hamanepaiya nagaila aluya
huya naya hageno naipamoa kanale humaineafe Makifena nagaya agoma humainoa kele
nehavianagitama tamakaitema uvayi hisigetama avaletama ali kayone huteho.
12
Epafalasia tamakai kumate kanogino tamakaila huno falu fala hu nelamate. Ani kanoa
Yisasi Kalaisi aliya kanogino mukia kanafina tamaya hisia yafena Anumaya Kotitega mage
huno havinege Anumaya Kotina hau-mainea kavafena havilama huteya hetiya tokiyaage
veane fatago huya maisae. huno havinegeane.
13
Havinegeno tamakayaene Leotisia veanene
Hielapolisi veanene tamaya hisia yafena tusiya huno aliyana aligena agelama hutena
tamakaitela huhalena nehue.
14
Lukua tahau tayamopafi nelahaiya tota kanotiene Temasiene
huana falu fala hulamatae.
15
Leotisia kumate mainaya tafu-tagana-gamiene Nifaene agai nopi melitalu huya
Yisasife haviya amakupi malenaya veanene hu falu fala humatogi hamapaiho.
16
Tamakaya
mani avoma hapalitama havitetama Leotisia maineya Yisasife haviya amakupi malenaya
veate atalegeno vinageya amakaiene hapaliya havisageya amakaima amaminoa avona
tamakaila tamamisagetama hapalitama haviho.
17
Tamakaya Akipusina mage hutama hapaiho
Anumayamoma kaminea aliyana kava yagaika tokiyaage huka mukia alio. hutama hapaiho.
18
Mani kea nago kanoa hapaugeno kae-maleneanagi nagaya Polona nagainia nayapiti
Kanaleya hutama mainao? huna hu falu fala hulamate kenia negaove. Nagaya nofipi
mainogi tamakesa havitama namiho. Anumaya Kotia kayone hisia yamaamoa tamakaiene
hanesie.
Kolosi Kolosi
<<
44
>>
^^
<<
>>
Anumayamo'a Haegafa Alino Hagelafilatenea Kea
The New Testament in the Kanite Language of Papua New
Guinea
Nupela Testamen long tokples Kanite long Niugini
copyright 2002 Wycliffe Bible Translators, Inc.
Language: Kanite
Dialect (if applicable):
Language in English: Kanite
Print publisher: The Bible League
Electronic publisher: PNG Bible Translation Association
Translation by:
Wycliffe Bible Translators
This translation is made available to you under the terms of the Creative Commons
Attribution-Noncommercial-No Derivative Works license. In addition, you have
permission to port the text to different file formats, as long as you don't change any of
the text or punctuation of the Bible.
Pictures included with Scriptures and other documents on this site are licensed just for
use with those Scriptures and documents. For other uses, please contact the respective
copyright owners.
You may share, copy, distribute, transmit, and extract portions or quotations from this
work, provided that:
You include the above copyright information and that you make it clear that the
work came from http://pngscriptures.org/.
You do not sell this work for a profit.
You do not make any derivative works that change any of the actual words or
punctuation of the Scriptures.
Permissions beyond the scope of this license may be available if you contact us with
your request. If you want to revise a translation, use a translation in an adaptation, or use
a translation commercially, we will relay your request to the appropriate copyright
owner.
If you have further questions about this web site or the Terms of Use, please contact us.
Tok Orait
Dispela Buk Baibel i kamwantaimtok orait na lo bilong Creative Commons Attribution-
Noncommercial-No Derivative Works license. Em i tok olsem yu ken givim kopi long
narepela manmeri. Yu ken wokim kopi na givim long husat i laikim. Tasol, yu mas tok
klia dispela samting i kamlong http://tokplesbaibel.org. Yu no ken kisimmani na salim
dispela. Yu mas givim nating. Na tu, yu no ken senisim Tok.
Ol piksa i kam wantim ol Baibel na narapela buk i stap long dispela sait i gat tok orait
long usim wantaim dispela samting tasol. Sapos yu laik narapela tok orait, yu mas askim
husat i papa bilong copyright long dispela ol piksa.
Sapos yu laik stretim samting i no orait long dispela tok orait, stretim tok, salim Buk
Baibel, o tainim Tok bilong God long nupela tok ples, yu ken askimmipela.
Olgeta tok orait na lo long tok ples English i stap long
http://creativecommons.org/licenses/by-nc-nd/3.0/legalcode.
Sapos yu gat askim long dispela, plis askimmipela.
2012-12-17
^^
<<
>>
^^
<<
>>
Go!
The New Testament in the Kanite Language of Papua New
Guinea
copyright 2002 Wycliffe Bible Translators, Inc.
Language: Kanite
Dialect (if applicable):
Language in English: Kanite
Print publisher: The Bible League
Electronic publisher: PNG Bible Translation Association
Translation by:
Wycliffe Bible Translators
This translation is made available to you under the terms of the Creative Commons
Attribution-Noncommercial-No Derivative Works license. In addition, you have
permission to port the text to different file formats, as long as you don't change any of
the text or punctuation of the Bible.
Pictures included with Scriptures and other documents on this site are licensed just for
use with those Scriptures and documents. For other uses, please contact the respective
copyright owners.
You may share, copy, distribute, transmit, and extract portions or quotations from this
work, provided that:
You include the above copyright information and that you make it clear that the
work came from http://pngscriptures.org/.
You do not sell this work for a profit.
You do not make any derivative works that change any of the actual words or
punctuation of the Scriptures.
Permissions beyond the scope of this license may be available if you contact us with
your request. If you want to revise a translation, use a translation in an adaptation, or use
a translation commercially, we will relay your request to the appropriate copyright
owner.
If you have further questions about this web site or the Terms of Use, please contact us.
Tok Orait
Noncommercial-No Derivative Works license. Em i tok olsem yu ken givim kopi long
Ol piksa i kam wantim ol Baibel na narapela buk i stap long dispela sait i gat tok orait
long usim wantaim dispela samting tasol. Sapos yu laik narapela tok orait, yu mas askim
husat i papa bilong copyright long dispela ol piksa.
Sapos yu laik stretim samting i no orait long dispela tok orait, stretim tok, salim Buk
Baibel, o tainim Tok bilong God long nupela tok ples, yu ken askimmipela.
Sapos yu gat askim long dispela, plis askimmipela.
2012-12-17

HTML generated 3 Jul 2014 fromsource files dated 3 Jul 2014
^^
<<
>>
Kea
Efesusi
00
11
22
33
44
55
66
Efesusi Efesusi
<<
00
>>
^
Efesusi
Kalaisi ali-mainea aliyateti Anumaya Kotia mukia kanale yama ikapinaga hanea yana
nelamie.
Poloa Efesusi veane kanale amaku amakesa amisie. huno nunamuna humaine.
Tagaya fali-mainaya veane Anumaya Kotia Kalaisiene alihetilateteno haegafa
tahaimula lamine.
Kalaisia tole nofi vayala alitalu hulategeta nagoke nofi vaya mainone.
Tagaya Anumayamona taguama aminona anagamogata Anumaya Kotina nomaa
mainone.
Poloa Yuta veane omainaya vayapi Yisasi kanale mono kea huhaleno hamapai-
maine.
Poloa Efesusi veane tokiyaage huya maisayafe nunamuna humaine.
Tagaya Yisasife havita lagupi malenona veala Yisasina agai augafa mainone.
Tagaya hale yapi vaiyesune.
Poloa alavemogami ke humaine.
Itaaami-afoamimoagi nafaneyagaamienefe Poloa humaine.
Poloa aliya veanene kava vayaamimogamifeene humaine.
Anumayamona amakua aminaya veala tu hisaya halegu vailineya ati vaya kana huya
mainae.
Poloa Anumayamotega ali kanale humato huno ke huno havige-maine.
Efesusi Efesusi
<<
00
>>
Efesusi Efesusi
<<
11
>>
Efesusi
Poloa Lomu kumate kina nopi maineno Efesusi kumate maineya Yisasife haviya
amakupi maleya amametiti nehaya veamogami mani avona kaeno amamine. Yisasia faliteno
hetino ikapinaga haitegeno Poloa tetia (30) kafu agava maineno Efesusi kea kae-malene.
1
1
Nagaya Polonia Anumaya Kotia agaia agu agesafiti haiya kava huno Yisasi Kalaisi
Aposolo kano maiyo. huno hunategena mainoane. Anumaya Koti alu aotage veamogatama
Efesusi mainaya veala Yisasi Kalaisife havitama tamakupi malenetama efi efi hutama
Anumayamo aliya alike alike nehaya veamogatamahe mani avona kaena nelamamue.
2
Nelafaa, Anumaya Kotiene Anumayatimoa, Yisasi Kalaisiene kayone hisaya yaene tamaipa
falu lamahaisia yaene tamamisae.
Kalaisi ali-mainea aliyateti Anumaya Kotia mukia kanale yama ikapinaga hanea
yana nelamie.
3
Tagaya Kalaisiene aigamaeta mainonageno Anumaya Kotia ikapinagati mukia tagu
nafane aya hisia yana ago tamineanagita tusiya huta Anumayati, Yisasi Kalaisina Nefaa,
Anumaya Koti agia alisaga hisune.
4
Anumaya Kotia ehema ma mopama talo ohuneno
tagayama Kalaisiene aigamaeta agai aulagafina agaia alu aotage anaga maineta mukia
veamogami amaufina nagola kefo kavala ohu veane mai-fatago huta maisunafe tagaifena
haigeno hapalilatene.
5
Tagaifena hau ayamopafi haigeno tagaila hapali-lateneafe Yisasi
Kalaisia kefo yatimo anonaa alino fali-mainea yateti agaia nafane alino hapae-latene.
6
Hapae-
lateteno agaia hau ayamopafi haumainea Kanoene aigamae-mainonageno fali-mainea yateti
tusiya huno kayonea hu-lateneanagita muse huta tokiya hale yamaa hanea kanomo agia
alisaga hisune.
7-8
Anumaya Koti ali kayone hu-latenea yaene kanale tagesa havi yaene tusiya huno hiya
hutenegeno ali helafino nelamino kefo yatimoma alino hayagi-latenea yapitila tagaila lavayu
hisia miyama atalesiafe kefo kavama nehuna anonatia aligahe Yisasia faliteno agaia kolana
atalegeno lavi-maine. Tavi-mainea yateti tagayama humainona kefo kavala ago aigetateno
atalelatene.
9
Atalelateno muse huno agaiama haisia kava havisunafe anima hagoteno falaki-
malenea kea ago taveli-mainea kemofena Anumaya Kotia nayona mage huno humaine
Kalaisina hutesugeno elavino veamogami amaku amamena aligatigahie. huno humaineane.
10
Anumaya Kotia agaia malenea kanamoa mukia mopale yaene ikapinaga yaene alitalu hu-
maletesigeno Kalaisia ani yatela kava kanoami maigahie.
11
Anumaya Kotia Nago kava hugahue. huno agesama havimainea yateti mukia yamoa
falote humaine. Agaia agu agesama havimalea yamo akave maleno tagayama Kalaisiene
aigamaeta maineta Anumaya Kotina agai veane maisunafene huno tagaila ago hapali-latene.
12
Tagaila Yuta veamogatina hagoteno ehe kanafi Kalaisia hulatenea kanale mono kea alita
tagupi maleta lametiti humainona veamogatina tokiya hale yamaa hanea kanomo agia alisaga
hisunafene huno tagaila hapali-malene.
13
Tamakaienena kelamage kea, Yisasia tamaku tamame aligatisia kea ago havitama
tamakupi maletama tamametiti hageno Nagaini veane mainae. huno hu-lamateneafe
Anumaya Kotia agaia Alu Aotage Avamula Tamamigahue. huno humainea kanomona ago
tamamigeno tamakupina maine.
14
Maineno Anumaya Kotia Haenaga nago ya
hulamategahue. huno humalenea kema havisunafene huno Alu Aotage Avamula ago
tamineanagita tagaya tagu tamema aligatisiafe agava mainone. Ani yafe tusiya huta tokiya
hale yamaa hanea Anumaya Koti agia alisaga huta anale malesune.
Poloa Efesusi veane kanale amaku amakesa amisie. huno nunamuna humaine.
15-16
Tamakaifema nagaya havuana Anumayatimoa, Yisasife havitama tamakupi
maletama tamametitia hutetama mukia Yisasi veamogamina tamakua amaminaya kea ago
havitena mukia kanafina nagela kani-otamatena tamakaifena Anumayamotega tusia muse
huna havinegoe.
17
Nunamuna mage huna havinegoe Tokiya hale yamo aepamoga
Anumayati, Yisasi Kalaisina Nefaga, Anumaya Kotigae, kanale amaku amakesa amamiteka
kagaika aepakaa Alu Aotage Avamumoa amavelisigeya agelama huteya havisae huna kahavi-
negoe.
18
Amakua alika halesanageya kagaikalega visaya kema humainana veamoya
haenagama falote hisia yafena amametiti huya agava maisaya yamona aepaa havilama hisae
huna kahavi-negoe. Kagaya Yisasife haviya amakupi malenaya veafe Nagaini veane mainagi
musema nehaya yana alu aotage yanagina tamatenoe. huka humainana kehena havilama huya
havisae huna kahavi-negoe.
19-20
Amakaya kagai tokiyamoa Yisasife tagupi maleta tametiti
humainona veamogati lagupi haneno laya nehia yafe havisae. Ani lokiya yana tusia
yakefagita tagaya hapalita ohugahune. Ani tokiyakaleti Kalaisia falitegeka Anumaya Kotiga
fali-mainefiti ali hetiteteka avalesaga huka kaya tamaga kaiyaga ala kano mainelega atanageno
ikapinaga kagaiene siale maine. Ani lokiyakahe havilama huya havisae. huna kahavi-negoe.
21
Kalaisia ikapinaga maineno mukia ala kava vayama ikapinaga mainaya vayaene mopale
mainaya ala kava vayaene Kefo Avamuyagaene amaki hanea vayaene meni kanafima
mainaya veanene haenagama falote hisaya veanene Kalaisia mukiamogamina amakaseno
anale ala kano maine.
22
Mainegeno Anumaya Kotia mukia yana alino Kalaisia yagaisiafene
huno aiyafi maleneno agaifema haviya amakupi malenaya veate Kava yagaiyo. huno hutene.
23
Yisasife haviya amakua aminaya veamoya Kalaisina augafaa mainageno Kalaisia tokaeno
maineanagino agaia tokiyaamoa hiya humateteno mukia yapinaga havatematene.
Efesusi Efesusi
<<
11
>>
Efesusi Efesusi
<<
22
>>
2
Tagaya fali-mainaya veane Anumaya Kotia Kalaisiene alihetilateteno haegafa
tahaimula lamine.
1
Nayona kefo kava huge huge hutama mainaya yamoa tamahaegetama fali-mainageno
Kalaisia ago fali-mainafiti ali hetilamatene.
2
Nayo kanafina tamakaya ma mopafi kefo auava
kava hutama Satani akave maletama vai neayageno ani Satania menia Anumaya Koti kema
neatagayaya veamogami amakupi maineno aliyamaa nealie.
3
Nayo kanafina tagaya ani
veanene tokaeta maineta atafa lagu tagesamo taugafa age lahaye hisuna kavafekeya akave
maleta mainonageya mukia veama kefo kava humainayafe anonaamia amakata aisia yana
alisaya kava huta mani anonaa aligahe hunanagi Anumaya Kotia laya humaine.
4-5
Tamage tagaitima kefo kavama huna yamo tahaegeta ago fali-mai veanelafa
mainonageno Anumaya Kotia tusiya huno kalagi ailateteno tagaifena hau ayamopafi haigeno
Kalaisia fali-mainefiti alino hetitenea kava huno tagaila agaiene alihetilateno haegafa tahaimula
lamine. E, Anumaya Kotia kayone hulatenea yateti ago lagu tamena alino katimaine.
6
Alino
katilateteno tavalesaga huno ikapinaga Yisasi Kalaisiene tokaetama siale maiho. huno alino
ailokaelatene.
7
Alino ailokaelateteno haenagama mukia vea amaufi agaia tusiya huno kayone
hulateneanagino Yisasi Kalaisia kefo yatimo anonaa alino fali-mainea yana ali fufute huno
amave-lisiafene huno ani kavala humaine.
8
Anumaya Kotia kayone hulamatenea yateti
tamakaya Yisasife havitama tamakupi maletama tamametiti hageno Anumaya Kotia tamaku
tamamena aligati-maine. Tamakaitami kanale kava haya yateti aliokatinegi Anumaya Kotia
agaia afaa lamamine.
9
Tamakaya kanale aliyama ali-mainaya anonaa tamaku tamamena
aligati-mainea yana omaletafa huno omalegi havigu nago kanomoa Nagainige alimainoa
aliyatetile. huno huyafenagi Anumaya Kotia agaia tamaku tamamena aligati-mainea yana afaa
lamamine.
10
Kanale kava haenagaa hisunafene huno Anumaya Kotia tagaila Yisasi
Kalaisiene alino ailokaelateneno haegafa veane alino hapae-latene.
Kalaisia tole nofi vayala alitalu hulategeta nagoke nofi vaya mainone.
11
Yuta veamoya amayateti amaugafa laga humalenaya yafena lamakaya Yuta vea
omainaya veafe mage humainae Amaugafa laga ohunaya vayala, afa vaya, mainae. huya
humainayane.
12
Ani kanafina tamakaya Kalaisi avatela omainagi aluale mainetama Yuta
veanea omainageno Anumaya Kotia Isaleli vayala alino hagelafi-mateno Nago ya hu-
lamategahue. huno hulokiya vaimalenea yana tamakaifena ani kea ohune. Tamakaya ma
mopale mainetama Anumaya Kotifena ohavitama Haenagama kanale yana falote hugahie.
hutama lamametiti hisaya yana omaletafa huno omalene. Nayoma mainaya yafe tamakesa
alikalo hulinetama havi havi hiho.
13
Nayona tamakaya aluafinaga mainayanagino menia
Kalaisia kolamaaleti tamavayu higetama Yisasi Kalaisiene ailokaetama Anumaya Koti avate
mainae.
14-15
Kalaisia taipa falu huta maisuna yamona aepaa maine. Nayona Yuta
veamoyaene Yuta vea omainaya veanene kame huya mainaya yamoa amunoamifina kegiya
lafigefa humaleteya mainageno Kalaisia Mosesi kahegi kea agaia augafale aliteno fali-mainea
yamo mani kahegi kea alino hano hutaleteno anima amunoamifima hanea kegiya lafia ago
aye lagape aitalene. Aitaleteno tole nofi veanea ago alitalu humateteno Kalaisiene alino
ailokaemategeya haegafa veane mainayafe nagoke amaku amakesale mainae.
16
Nayona
tagaya Anumaya Kotiene kame huta mainonageno Yisasia yafaga yosale fali-mainea yateti
kamema huta mainona yatia heno faliteteno Nagoke nofi veane maiho. huno hulatene.
17
Hu-
lateneanagino Yisasia eaamo anima taipa falu lahaisia kea alino aluafima mainaya veaenefe
agaia avatema mainaya Yuta veanenefe tahapai-maine.
18
Kalaisia hulatenea yateti tagaya tole
nofi veanea mainonageno Alu Aotage Avamumoa Nelafatega visuna katia ago vali-latene.
Tagaya Anumayamona taguama aminona anagamogata Anumaya Kotina nomaa
mainone.
19
Menia tamakaya nagoene mopatamia omalenea natu veane kana huta omainagi
tamakaya Anumaya Koti nofi anaga mainetama Yisasina amakua aminaya veanene
ailokaetama agaia nafaneyaga-lafamaa mainae.
20
Tamakaya Anumaya Koti kimalenea no
kana hutama mainae. Hagoteno Anumaya Kotia Yisasi Kalaisina tokiyaage anumaya yosa
aye-maleteno anile Aposolo vayamogatiene agaia amaune vayaene ani nomo no yosa kana
huno latene.
21-22
Lateteno tamakaila ani nomo ayamufa kana alino hu-lamateteno Kalaisiene
alino aigamae-lamategetama mukiamogatama tokiyaage hutama mainageno Anumaya Kotia
ani nona tusiya huno alino ala hume hume nevigetama alu aotage nomaa mainae. Anumaya
Koti Alu Aotage Avamumoa ani nopi maine. Ani nona tamakayae.
Efesusi Efesusi
<<
22
>>
Efesusi Efesusi
<<
33
>>
3
Poloa Yuta veane omainaya vayapi Yisasi kanale mono kea huhaleno hamapai-
maine.
1
Nagaya Polona Yuta vea omainaya veamogatama lamaya hisuafe Yisasi Kalaisife
lamahanepaugeya nofila hunatenagena Anumayamoa kanale hu-lateneafe nagesa havina
nunamu nehue.
2
Anumaya Kotia Yuta vea omainaya veamogamina tamakaila agaia kayone
yamaahe tamahapaisuafene huno hunatenegetama tamakaya ago havimainafi?
3-4
Hunateneno
nayoma falaki-mainea kea Anumaya Kotia hu falote huno nahapaigena havitena aupaa avo
kaena tamahapai-mainogi hapalitama havinutamahena Kalaisifema falakino hanea kea
havilinoa aepaa havigahae.
5
Havigahagi nayoma mainaya veamoya anima falaki-mainea kea
ohavinayane meni kanafina Alu Aotage Avamumoa Aposolo vayaene amaune vayaaene ago
tahapai-maine.
6
Manima falaki-mainea kemoa mage huno humaine Yisasi kanale mono kea
haviya amakupi malenayafe Yuta vea omainaya veamoya menia Yuta veanene nagoke veane
maineya Yisasi Kalaisiene ailokaeya mainageno Anumaya Kotia Hulamategahue. huno
hulokiya vai-malenea ya ali-mainae.
7
Anumaya Kotia nagaifena Yisasia hulatenea kanale mono kea hamapaiyo. huno
hunateteno kayone yamaaene tokiyaaene mani aliya alisuafene huno namine.
8
Namineanagiya mukia Yisasina amaku aminaya veamoya nagaseya maigena nagayama osi
nafane kana kano mainogeno Anumaya Kotia kayone hunateteno Kalaisina ohavunamaa
kanale yamaa kanale taya hisia yafe Yuta vea omainaya veane hamapaisua-fene huno
hunatene.
9
Anumaya Kotia mukia yana talo humaleteno Nago kavala maa hugahue. huno
humainea kea falaki-maleneane. Mani falaki-malenea kea hufalote hisugeya mukia veamoya
agayama hisia kea havisae huno hunatene.
10
Hunategeya Yisasi veamoya anima falaki-
mainea kea ago havimainayafe mukia ikapinaga kava veanene ensole vayaene Kefo
Avamuyagaene ageteya Anumaya Kotia tusiya huno alu kava alu kava hisia kanale agu agesa
hane. huya havisae huno Anumaya Kotia anima falaki-mainea kea amaveli-maine.
11-12
Ani
kavala Anumaya Kotia ehema ma mopama talo ohunea kanafina Ma kava huna Yisasi
Kalaisina hutesugeno amaku amamena aligatigahie. huno hu-maineanagino Anumayati
Yisasife havita tagupi maleta tametiti humainona yateti kolia ohuta Yisasiene aigamaeta
maineta ke huta havinegone.
13
Ani yafe musetami nehugi tamakai tamaya hua yateti nagata
aiya yana falote hunateneafe tamaipamoa haviyana ohinagetama Yisasi kea oataletama
tamayama nehua yafena muse hiho.
Poloa Efesusi veane tokiyaage huya maisayafe nunamuna humaine.
14
Anumayamoa kanale hu-lateneafe nagesa nehavina nagaya Nenafatega naleya aye
kofa huna havinegoe.
15
Ani Nenafa mukia agaia afamoyaga ikapinaga mainaya afamoene
mopale mainaya afamoene tamagelafa amakia malene.
16
Mage huna Anumayamotega
nunamuna nehue Tokiyaage hale yayagakaa kasagoya hanea yapiti Alu Aotage
Avamukamona tamamisanageno amakupi maisia yafe amaku amakesa alilokiya vaimatesane.
17
Yisasife ago tamakupi malenaya yafe Kalaisia no aepagino tamakuafi maineanagitama
yosamona hafuyaamoma mopafima taviteno atafa huno lokiya hulia kava hutama Anumaya
Kotina hau ayamopafi nehaiya yapi hafuya kana tavitama atafa hutama maisae.
18
Mainetama
mukia Yisasina alu aotage veanene Kalaisina hau ayamopafima nehaiya yana tusia ala yakefa
hanea yafe tamaku tamakesa tokiyaage vaitama haviho. Ani yamoa ayaaya huno anale
haiteno eteno afepi tavi-mainea yana tusia yakefa haneafe havisae huna Anumayamotega
havinegoe.
19
Tamakaya Kalaisima hau ayamopafima nehaiya yafena havilama hisae huna
havine-goanagi mani yana tusia ala yakefa haneafe ma mopale maineta mukia tama yafena
havilama ohugahunagi havisae huna Anumayamotega havinegoe. Havisayana Anumaya
Kotina aepaamoene tokiyaamoene tamakai tamakupi male havate-lamatesie huna
Anumayamotega havinegoe.
20
Anumaya Kotina tokiyaamoa tagai tagupi aliyana nealia yateti tagesa havita
havigesuna yaene alu ya alu yaene tusia ala yakefa hulategahie.
21
Tagayama Yisasi
anagamogata Yisasi Kalaisiene aigamaeta Anumaya Kotiga kagia alisaga hume kanaaene
kanaaene hanege hanege huno hanesie huta kahavi-negone. Tamage.
Efesusi Efesusi
<<
33
>>
Efesusi Efesusi
<<
44
>>
4
Tagaya Yisasife havita lagupi malenona veala Yisasina agai augafa mainone.
1
Nagaya Anumayamo aliya nealuafe nagaila nofila hunatenaya kanomona musetami
nehugi Anumaya Kotia tamakaife ke higetama agaitega umainayafe tamakaya tamatea kava
hutama kema hia kate neutama agai kea akave maleho.
2
Tamaugafa alitama ohaiho. Nago
kanomo kema havinutamahena ako hutama kea oamakiho. Tamamena malelava hutama
maiho. Nago kanomoa haviya hu-lamatesigetamahena tamakua neamitama tamamena male
falu hutama maiho.
3
Alu Aotake Avamumoa nagoke tamakuale falu hutama maisaya tokiya
ago tamamineanagitama mani kavama atafa hu-linesaya yana atafa hu lokiya vaiho.
4
Tamakaya tokaetama nagoke tamaugafa kalitama mainae. Ani lamaugafafina Alu Aotage
Avamula nagoke maine. Anumaya Kotia haenagama efalote hisia yafena tamametiti hutama
agava maisayafene huno ke higetama agaitega umainae.
5
Anumayatia nagoke maine.
Nagoke kanomoma hulatenea yafena havita lamakupi malonageya tina nagoke titeti fale-
latenae.
6
Anumaya Kotia nagoke maineanagino mukia veamogatina nelafa maineno mukia
veate kava yagai-lateno amunotifina aliyamaa nealino taguafina maine.
7
Kalaisia kayone hulateno agaiama haiya kava huno tahaote tahaote alu aliya alu aliya
alisuna tokiya tamine.
8
Tamineafe Anumaya Koti avopina Yisasife mage huno humaineane
Agayama analega hai-mainea yupa Satanima nofi humatenea veala kasagoya amavaleno
haiteno muse yaamia ago amamine. huno kae-maleneane.
9
Analega hai-maine huno hia kemo aepaa naane? Hagoteno ma mopamo agusafinaga fali-
mainaya veamoya umainalega lavi-maine.
10
Anima lavi-mainea kanomoa kava yagaisia
tokiyaamoa mukia kotega male havatesia yafe analega eteno haino umaineno mukia ikana
agaseno anafinaga haimaine.
11
Anafinaga haino maineno aliya alisaya tokiya amamine.
Nagoa veamoya Aposolo vaya maiho. huno huneamateno nagoa veafe Anumaya Kotina
avayafiti tamahapaisia kea huhaletama hiho. huno hu neamateno nagoa veanemogatama
Nagai kea alitama vaiyeho. huno hu neamateno nagoa veanehena Nagaifema haviya amakupi
malenaya vayate kava yagaitama huge amavelige hiho. huno hu matetele humaine.
12
Kalaisia
mani aliya alisaya tokiyaa agaila alu aotage veanea amamineanagiya amafuamakana-gamina
amaya hisageya mukia Kalaisi anagaa tokiyaage huya aliya alakefa hulatesae huno lamine.
13
Lamineanagita ko hume hume haita mola huteta tagaya mukiamogata Anumaya Koti
nafanemo hulatenea kanale mono kea havita lagupi maleneta nagoke tagu tagesale ko huteta
vayatama maineta Kalaisima humainea auava kava huta velafa maigahune.
14
Maisunana
tagaya nagoene osi nafane kana huta omainona yafe taipafi ayegesaya vaya eya havige huya
ayelavataga hisaya kea ohavigetao. Ani havigeage vayamoya yasimo alino neea augafa kea
aliya neagi havigu ani yasimo kemoa yasimoma hia kava huno tavaleno atifi mafi ohisigeta
ko huta Kalaisi kana veane maisune.
15-16
Ani havigeage kemotela tamakesa kumoa ohutama
tafu-tagana-gamina tagua neamamita tamage keage nehuta ko huta Kalaisiene aigamaeta agai
kana veane maisunageno agaya tagaila tagenopa maineno kava hu-latesigeta tagaya
mukiamogata agai augafa mainone. Tanuteti tokiya aliteta taganunamoa latafa hulinea kava
huno mukia taiya taya taulagamo hia augafa kava huta veamogamina amaya huge huge
nehuta nagopi aigamaeta maisunageno taugafamoa tusiya huno tokiyaage hisigeta tahau
tayamopafima nelahaiya yateti tokiyaage huta maigahune.
17
Nagaya Anumayatimoene aigamaena mainena nago kea tokiyaage huna
tamahapaigahe nehue. Tamakaya nagoene Yisasi kema ohavinaya veamoya afa yafe
amakesa havi havi huya nemaiya kavala ohiho.
18
Amakaya amakaiami amaku amakesamoa
hanimaage humainegeya kanale haviya alisaya amakuamoa atalako humainegeya kanale
amaku amakesa omalegeya Anumaya Kotia amaminea hamaimula oalinae.
19
Oalineya
nagoene amakayea nohigi amakuamoa oniyaage humainegeya amaugafa haga neya kumai he
yana huge huge nehuya noatalae.
20
Mani augafa kavana Kalaisife hulamave-limainea kanafina ohavinae.
21
Kalaisife
havitama mainaya yateti tamakaya Yisasi kelamage kemoa hane huya huge tamavelige
hagetama havitetama agaiene ailokaetama mainetama ago havimainae.
22-23
Havimainagi ani
kelamage kemoa mage humaine hagotetama tamakaya atafa lamaku lamakesafi mainetama
vaiyatete nehageno ani atafa tamaku tamakesamoa havige huno tamaugafa age lamahaye
huliteteno nehuno alino haviya hulamatesia kava humaineafe menia atafa lamaku tamakesa
atalesageno Alu Aotage Avamumoma tamamisia haegafa lamaku tamakesa tamamisigetama
aliho.
24
Anumaya Kotia haegafa lamaku tamakesa agaia agu agesamoma hia auava kava
huno fatago huno talo humalenegi havi kavala ohuno alu aotage tamaku tamakesa talo huno
tamaminegi alitama maleho.
25
Malelinetama havigema hisaya yana neataletama tagaya nagoke taugafa mainonafe
mukia tamafu-tamakana-gamiene tamage keage hiho.
26
Tamakuamoa tamahai vaisigetama
havigu kefo kava hisagi. Tamahai vaisia yamoa ayaayate ani tamahai ya ovaitama havigu
yage lavi falesigi aupaa alifalu hiho.
27
Havigu ayaayate tamahai vaisaya yamoa Satani fita
yakiteyafenagi aupaa ataleho.
28
Musufa yama nehisia kanomoa nagoene musufa yana ohuno
agaia ayapiti aliyana alinegeno monea falote hisigeno nagoa yamaa omalesia kanomona aya
hino.
29
Nagola kanale ohu kea tamavayafitila hati otavino. Kanale amaya hisia keage hutama
hisageya havisaya veamogamina ali lokiya vaimatetama amaya hugahae.
30
Anumaya Kotia
Haenaga tamaku tamamena aligatigahue. huno higetama Ania hugahie. hutama havisayafene
huno Alu Aotage Avamula tamakupina tamamigeno mainegi ani Avamumona aipa agata
aisia kavala huoateho.
31
Huoatesayafe tamakaya tamaipa haviya hisia yaene ala kefiti ke
nevaiya yaene tamahai vai yaene kamuge vaimate yaene mukia veane havitama haviya
humatesaya yaene tamakaipitila ataleho.
32
Ataletetama tamafu-tamakana-gamina kayone
humatetama tamakua amamiho. Anumaya Kotia Yisasia hulatenea yateti kefo yatamihe
aigetamateno atalelatenea kava hutama nagoa veamoya kefo kava hulamatesayana
aigeamatetama atalemateho.
Efesusi Efesusi
<<
44
>>
Efesusi Efesusi
<<
55
>>
5
Tagaya hale yapi vaiyesune.
1
Anumaya Kotia agua lamamigetama agaia nafaneyaga mainagi agayama nehia kava
hutama akave maleho.
2
Kalaisima tagaife hau ayamopafi haigeno agaia haimula tagaife
ataleno fali-mainea yana Anumaya Kotitega manaage hia kava huno kae-salamana huteneafe
tamakaya ania hutama nelamafu-lamifena tamahau tamayamopafi tamahainagetama tamakua
neamamitama vaiyeho.
3
Vai neayetama munane ane amaugafale maiya vai neayaya kavaene moli huliteya
nehaya kavaene mukia ani oniyaage kefo yaene alu kanomofe age lamahaye hisaya yaene
ohiho. Tamakaya Anumaya Koti nafaneyaga mainagi havigu Na kava nehae. huya
hulamateyafenagi ani kavala mukia yupa ohiho.
4
Moli huliteya hisaya yafena tamakesa
ohavitama havi kigi humatesaya kea ohutama aifonafo augafa kea ohutama ani kavama
hisaya kavamoa Anumaya Koti nafanemogami kavala omalene. Anumaya Kotia lamaminea
yafe Anumayamotega nunamu kefiti muse higetao. hutama hiho.
5
Tamakaya ago
havimainae amo augafale mai vayaene aguamoa oniyaage humai veanene alu kanomo yafe
age haye hisaya veanene afa yafe Anumayati maine. huya agisana vaiya amakua neamiya
Anumaya Kotina amakua oamisaya kava nehuya ani veamoya Anumaya Kotiene Kalaisiene
kavama yagai-mainaa kumatela ovisaya kava nehayafe ougahae.
6
Havigu nago kanomoa tamavayu huno havigea nehuno Ani kefo kavala afaa maitama
hiho. huno hisigetamahena agai kea ohaviho. Naa augafa kavama nehaya yamoa Anumaya
Kotina agai kema neatagayaya vayamogamina aipa haviya hu neamateanagino hai vaimateno
amakata aisia yana amamigahie.
7
Naa humaineafe tamakaya ani kavama nehisaya veanenena
aigamaetama omaiho.
8
Hagotetama haniki mainea yapi mainayanagino menia Anumayamoa
hale yapi tamavaleno tamategetama hale yapi mainagi hale yate vaiyeho.
9
Hale yate
vaiyesageno hale yamoa kanale yaene fatago kava hisaya kavaene tamage hisaya kene alino
falote hugahie.
10
Tamakaya Anumayamona haisia kavafema havinutamahena kasageke
nehutama tamaula ofaeho.
11
Tamaula ofaetama kanale yana hanimaage yapitila falote
ohugahie. Hanimaage yapiti vayi humainea kavala ohutama tamakaya veamoya ani kavama
hisagetama Kefo kava nehae. hutama hamapaiho.
12
Yisasi kema nohaviya veamoya
falakiyama nehaya kavafena kema hisunana tagaye hugahianagita ohugahune.
13
Hale yamoa
mukia kefo auava yama falaki-mainea yamona aepaa alino fufute maleno lavenelie.
14
Ani
kemofena mage huya humainayane Faetama mainaya veamogatama hetiho. Komufitila
hetisageno Kalaisia hale yamaa lamamino. huno humaine.
15-16
Ani yafe tamakaya kama vaiyesalega kayetama vaiyeho. Menima mainona kanafina
veamoya tusia kefo kava maiya haya kafi mainonagi veamoya havilama huya maineya
vaineayaya augafa kava hutama vaiyeho. Kanale amaku amakesale mainaya veamoya nehaya
kava vaiyeho. Maisuna kana kanoa aupaa hanegi havigu kavala ohutama kanale kavaage
hiho.
17
Havigu havagu kavala ohutama Anumaya Kotina haisia kavafekeya havilama hutama
akave maleho.
18
Havili netama anegi-nagia ohiho. Naa augafa kavamoa lamakaila alino haviya
hulamategahigi tamakaya Alu Aotage Avamuamona avalegeno tamakupina hiya hino.
19
Tamafu-tamakanayaene kaiyekema hugahena Anumaya Koti ke kae-malenaya kemona
hutama mainetama yagamefiti Anumaya Kotitega muse huteho. Tamakupiti Anumaya Koti
kea yagamefiti hutama agia alisaga hiho.
20
Mukia kanafina tamakaya Anumayatimo, Yisasi
Kalaisiene ali lokaetama agai agi neayetama Anumaya Koti, Nelafatega mukia yafena muse
huteho.
Poloa alavemogami ke humaine.
21
Tamakaya Kalaisife alati maine hutama tamakesa nehavitama agima alisaga nehaya
tamafu-tamakana-gamife amaiyaafi maiho.
22
Anemogatama Anumayamo aiyaafinaga
mainetama kema akave nemalaya kava hutama anautamimo-gami kea akave maletama
amaiyaafinaga maiho.
23
Kalaisia agaia anagamogami amaku amamena aligatiteno amakaitela
amakenopa mainegeya amakaya agaila augafaa mainagi vemoya ania huya anemogatamina
lamakenopa mainane.
24
Kalaisina anagamoya agai aiyafinaga maineya agai kema akave
malaya kava hutama aneyaga-mogatama anautami-mogami amaiyafinaga mainetama mukia
amakai kea akave maleho.
25
Kalaisia anagaamogamife hau ayamopafi tusiya huno hau humateno hamamaesia
yafe fali-maine. Ani kava hutama vemogatama anetamimo-gamina amaya hutama tamahau
tamayamopafi anetamihena tamahaino.
26
Kalaisia agaife amakupi malenaya veala titetiene
agaia keletiene sese hu-lamateteno alu aotage veane maisayafene huno fali-maine.
27
Kalaisia
agaife amakupi malenaya veamogamina agai aufi hetiya agaia haisia kava huya amakupi
oniya omaleno nagoke kefo yaamia omaleno alu aotage veane maineya agai aufima
hetisayafene huno fali-maine.
28
Kalaisia veafema hau ayamopafi hau-mainea kava hutama
vemogatama tamakaitami tamaugafahe tamahaiya avamete anetamimo-gamifena tamahau
humateho. Tamahauma hu-matesayana tamakaitami lamaugafahena nelamahaiye.
29-
30
Tagaya ago havimainone nago kanomoa agaia augafamona kame yana hunoategi afaa
kavela neamino kanaleya huno kava yagai neate. Kalaisia ania huno agaife amakupi
malenaya veala agaia augafahe haiya kava huno aiya ayana aulaga kana hutama mainayafe
kava hu nelamate.
31
Anumaya Koti autamafina mage huno kae-maleneane
Ani yafe nago kanomoa itaamoene nefaene neanataleno aamoene ailokaegae. Ailokaesaana
ani tolemogania nagoke anaugafa hapaegae. huno kae-maleneane.
32
Nagaya havuana Kalaisia agaife amakupi malenaya veaenene ailokaeno mainea yafe
humaine huna nehue. Ani kea aupaa havisuna kea omalene.
33
Ani kehe humainoanagi
nagoke nagoke veamogatama tamakaitami tamaugafahema tamahaiya avamete ania hutama
anetamihena tamahau humateho. Anemogatama ania hutama anautami-mogami amakia
alisaga nehutama amakave maleho.
Efesusi Efesusi
<<
55
>>
Efesusi Efesusi
<<
66
>>
6
Itaaami-afoamimoagi nafaneyagaamienefe Poloa humaine.
1
Nafaneyakamogatama Anumayatimoene aigamaetama itaamimi-afoamimogamina
keamia havitama akave maleho. Ani kavala fatago kavale.
2-3
Anumaya Koti avopi kahegi
kea mage huno kae-maleneane
Itaami-afoamimogami amakia alisaga hiho. Ani kavama hisayana kanaleya hutama ayaaya
kanagefa ofalitama mani mopale kosuna alekano legahae. huno kae-maleneane.
Mani kea hagoteno Kahegi ke akave malesaya yateti ma kavala hulamategahue. huno
hulokiya vai-malenea kea haneane.
4
Tamakaya neamafagatama nafanetamimoya amaipa ali haviya huya hamai vaisaya kea
huoamatetama Anumayamo aufima haisia kava hutama agai kea humavelitama yagai mateho.
Poloa aliya veanene kava vayaamimogamifeene humaine.
5
Tamaugafa miya hu-malenage-tama nofipi mainetama miya oali aliya veamogatama
mopale mainaya kava vayatamimogami amaiyaafinaga mainetama koliami hutama keamia
havitama akave maleho. Anumayamo aliya nealiya avamete hutama tole lamaku tamakesa
ohavitama tamakuamoa fatago hinagetama aliyatela maiho.
6
Havigu Kava kanomoa
nagaifena kanale kano maine huno hisie. hutama mainesale amaufikeya aliyamaage
aliyafenagi alulega umainesia kanafiene aliho. Mukia kanafina kanale aliya alitama Kalaisina
aliya veaa mainone. hutama amega tamaugafaleti ohutama tamakuafiti Anumaya Kotina
haisia kavala hiho.
7
Vayamogamitekeya aliyana nealune hutama ohiho Anumayamoteene
aliyana nealune hutama tamaipamoa kanaleya nehinagetama aliho.
8
Tamakaya ago
havimainae nagoa veamoya amakai aliya nealiya veapi alu kanomo aliya nealiya veapi kanale
aliya alisayana aliyateti Anumayamoa eteno kanale anonaa lamamigahie.
9
Tamakaya aliyate kava vayaamimogatama ania hutama Anumayamofe tamakesa
nehavitama kanale auava kava humateho. Mukia kanafina kea oamamakitama tamakai kava
kanomoene amakai kava kanomoene nagoke kanogino ikapinaga maineafe tamakaya ago
havimainae. Agaya mukia veala nagoke avamete huno kava yagai nelamate.
Anumayamona amakua aminaya veala tu hisaya halegu vailineya ati vaya kana
huya mainae.
10
Nagaya mani kea hu hano hugahe mage huna nehue. Tamakaya Anumayatimoene
aigamaetama agaia tokiyaage ayamufa alitama tokiya vaitama maiho.
11
Lamakaya Satania
havige havage me hunoma aye-lamavataga lamavatagoma hisia savale kemoa tamatafa ohisie
mukia Anumaya Kotia tamaminea yana tuma hisaya halegula aye hailiho.
12
Tagaya
veanenena tua nohunagi analema mainaya Satani Avamuyagaene ma mopale haniki maiyapi
kava yagai-mainaya Satani Avamuyagaene mopaleene siapiene tokiyaage huno hanea Satani
Avamuyagaene tua nehune.
13
Ani yafe tamakaya mukia Anumaya Kotima tamaminea
haleguyaga ali-linesageno ala tuma falote hisia kanafina auvai-lamatesigetama hetitama
tokiyaage hutama tuma hu-mainayafe mogasetama hetitama maigahae.
14
Tamakaya maa hutama hetiho. Amamu nofimaa aye-talako huya kiliya kava hutama
Anumaya Koti kelamage kea lokiyaage hutama hulitama maiho. Hamaifiyafalema tokiyaage
kapa siota vai-liya kava hutama fatago hisia kavala hulokiyaage hisayana tamakuamona
auvaitegahie.
15
Tamakaya Anumaya Kotia Falu hutama kigi yokalo hutama maigetao. huno
humainea kemoa tamaiya noma vailigeno atafa hulinea kava hutama mani kea ali-linetama
huhaletama hisale talo tala hutama maiho.
16
Mukia mani yana alitetama Yisasife tamakupi
malenaya yamoa halegu kana hinageno Satanima ata nelea kevema hesigeno esia katela
tamakupi malenaya tamametitimoa halegu kana hu-maineafe maleno tilegahianagino anima
ata nelesia kevema meye su hugahie.
17
Anumaya Kotia tamaku tamamema ago aligati-
mainea yana kapale talo humale tumano ku kana hinagetama alitama tamakenopale vai-
linetama Alu Aotage Avamumona ayaaya naepe kana huno avenene humainegi animona
Anumaya Kotina kea hanegi alitama tokiyaage hiho.
18
Ali lokiya hulinetama Alu Aotage
Avamumoene ailokaesageno lamaya hisigetama mukia kanafina nunamuna hutama
Anumayamotega havigesaya yafe kava yagaitama mainetama havige havige nehutama
Yisasife haviya amakupi malenaya veafe Hamamao. hutama havigesaya kehe tamakesa havi
havi hutama maiho.
19
Naa nehutama nakaienema naya hisiafe Anumayamotega havigeho.
Nagaya tokiyaage huna mainena atali huna kolia ohuna Anumaya Kotia agoma falakino
malenea kea Yisasi hulatenea kanale mono kema huhalena hisuafe kea namisigena hisua yafe
nunamupiti ke hutama havigeho.
20
Nagaya Kalaisi avayafiti kema huhalena hisuafene huno
hunategena emainena ani kema hua yateti kina hunatenagi menienena kolia ohuna tokiyaage
huna mainena mani kea huhalena hisuafe nagaila Anumayamoa nahamaese hutama
nunamupiti havigeho.
Poloa Anumayamotega ali kanale humato huno ke huno havige-maine.
21-22
Tamakayaenena nagayama naa huna nemauva kea havinutamahena Anumayamo
aliyana kanaleya huno nealia kanoa nahau nayamopafi nenagea nenafu agia Tikikusina
hutesugeno tamakaitega neuno nagaifena mukia kea alino tamahapaisigetama havitama
tamaipa kanale hugahae. Ani yafe agaila hutesugeno ugahie.
23
Anumaya Kotia, Nelafaene Anumayatimoa, Yisasi Kalaisiene tamakaila tafu-tagana-
gatamina tamaipa ali falu hulamatesia yaene Yisasife tamakupi malesaya tokiyaene tamahau
tamayamopafi nelahamaiya yaene tamamisae huna nehue.
24
Anumayati Yisasi Kalaisite
amakua agola amitafa humainaya veamogatamahe Anumaya Kotia tamakaila kayone
hulamatesie huna nehue.
Efesusi Efesusi
<<
66
>>
Kea
Anumayamoa Haegafa Alino Hagelafilatenea Kea Anumayamoa Haegafa Alino Hagelafilatenea Kea
<<
11
>>
Anumayamoa Haegafa Alino Hagelafilatenea Kea
The New Testament in the Kanite language of Papua New Guinea
The New Testament in the Kanite language of Papua New Guinea
[kmu]
Translation by Wycliffe Bible Translators
2002, Bible League International
Printed, 1980, 2002 by Bible League International
Web version
2014, Wycliffe Bible Translators, Inc.
www.Wycliffe.org
http://pngscriptures.org
www.ScriptureEarth.org
This translation is made available to you under the terms of the Creative Commons license
(Attribution-Noncommercial-No Derivative Works).
http://creativecommons.org/licenses/by-nc-nd/3.0
Your are free to share to copy, distribute and transmit the text under the
following conditions:
Attribution. You must attribute the work to Wycliffe Bible Translators (but not in
any way that suggests that they endorse you or your use of the work).
Noncommercial. You may not use this work for commercial purposes.
No Derivative Works. You may not alter, transform, or build upon this work.
In addition, you have permission to port the text to different file formats, as long as
you dont change any of the text or punctuation of the Bible.
Notice For any reuse or distribution, you must make clear to others the license terms of
this work.
Tok Orait
Noncommercial-No Derivative Works license. Em i tok olsemyu ken givim kopi long
Ol piksa i kam wantim ol Baibel na narapela buk i stap long dispela sait i gat tok orait long
usim wantaim dispela samting tasol. Sapos yu laik narapela tok orait, yu mas askim husat i
papa bilong copyright long dispela ol piksa.
Sapos yu laik stretim samting i no orait long dispela tok orait, stretim tok, salim Buk Baibel,
o tainim Tok bilong God long nupela tok ples, yu ken askim mipela.
Sapos yu gat askim long dispela, plis askim mipela.
Mani Avopima hania auava kiemo akia haneno tavimainie
Kanite Kie[tab]Aupa akia[tab]Pes
<<
11
>>
Kea
Kalesia
00
11
22
33
44
55
66
Kalesia Kalesia
<<
00
>>
^
Kalesia
Yisasina kanale mono kea nagoke kanoa hane.
Poloma Aposolo aliyama aepa hemainea kaiyekeae.
Nagoa Aposolo anagaene Poloene aliya nagoke amaipa humainae.
Pitaa havi kavama humainea yamaa Poloa hu falote hutene.
Yisasife haviya amakupi maleya amametiti hisaya veanea Anumaya Kotia Fatago
veane mainae. huno humategahie.
Kahegi kema akave malesaya auava yafeene Yisasite ametiti hisaya auava yafeene
humaine.
Anumaya Koti kahegi kemoa hulokiya vaimalenea keamona ali oatagaegahie.
Kahegi kemoa kava yagailatesia Nelafa maineanagino lavaleno Kalaisi avate ugahie.
Tametiti hisuna yamoa alino Anumaya Koti nafaneyaga hapae-latene.
Kalaisi alimainea aliyateti Anumaya Koti nafaneyaga alino hapae-latene.
Poloa Kalesia mainaya veamogamife aipa kana humaine.
Hagagani Selagani avame ke.
Yisasi Kalaisia nofipiti alino kalu he-lateneanagita nagoene nofipina omaisune.
Alu Aotage Avamumo tagupi mainea auava yaene atafa tagu tagesamo auava yaenefe
humaine.
Hanaa augafa kavema kali-malesunana ani augafa kaveage aligahune.
Poloa Yisasi Kalaisi yafaga yosale fali-mainea yafe tusiya huno musena humaine.
Kalesia Kalesia
<<
00
>>
Kalesia Kalesia
<<
11
>>
Kalesia
Poloa mani avona kaeno Kalesia maineya Yisasife haviya amakupi malenaya
veamogamitega kae-malene. Yisasia faliteno hetino ikapinaga haitegeno Poloa tueti talia (23)
kafu agava maineno Kalesia kea kae-malene.
1
1
Nagaya Polonae Aposolo kanomona mani avona kae-malenoe. Yisasi aliya alisua
yafe vayamoya hu onatenagi Yisasima fali-mainefiti ali hetitenea Anumaya Kotia, Nelafaene
Yisasi Kalaisiene hunataagena Yisasi mono kea huhalena nehue.
2
Nagaienema tokaeya
mainaya nafunaganayaene Kalesia kotega Anumaya Koti anagafe Felugae. huya hu falu fala
hulamatagena mani avona negaove.
3
Anumaya Kotia, Nelafaene Yisasi Kalaisia, Anumayatimoene kayone yamaa
tamamisaageno tamaipamoa falu hisie huna nehue.
4
Meni kanafina mukia veanemogata kefo kavama maita nehuna yamo nofila
hulatenegeno ani kefo yapiti tagu tamena aligatisuafene huno Yisasia Anumaya Koti
Nelafana haiya kava huno tagaya kefo yapi mainonageno Yisasia alino kalu helategahe agesa
havino agaia augafa hakino falimaine.
5
Naama humaineafene huta Anumaya Koti agia
alisaga hisunageno agaia tokiyaa hale yamaamoa hanege hanege huno haneme haisie.
Tamage.
Yisasina kanale mono kea nagoke kanoa hane.
6
Kalaisia kayone yamaaleti agaitegama visaya yafene huno Anumaya Kotia ke
higetama agaitega vayanagi aupaa agaila neataletama alu mono kema haviya yafena nagaila
tusiya huno namayoa neaiye.
7
Tamage, mani kea alu Yisasife kanale mono kea omalegi
nagoa vayamoya Yisasima hulatenea kanale mono kea aliya aiyahae huya huhaviya nehuya
alu mono kema tamahanepaigeno tole tamaku tamakesama lamamiya ali haviya hunelamatae.
8
Huhaviya hunelamatagi Yisasia hulatenea kanale mono kema tamahanepauva kemoa
tamageage nehigi haviho. Tagayafi ensole vayamoyafi tamahapaisaya kemoagi nago
avamete ohisigeno alu mono kema tamahapaisayana Anumaya Kotia ani vayamogamina hai
vaimateno haniki-mainea yapi amatesie huna nehue.
9
Nayoma tamahapai-mainoa kea etena
nagoene menia tamahanepauve. Nagoa vayamoya Yisasima hulatenea kanale mono keama
tamahapai-mainoa kanale mono kea ago alitama tamakupi malenaya kema tamahaopaiya alu
mono kema tamahapaisaya vayala Anumaya Kotia hai vaimateno haniki-mainea yapi
amatesie huna nehue.
10
Naane hutama tamakesa nehaviye mani kema nehua kea vayamoya haviya muse
hunatesae huna mani kea nehufi? Ifi Anumaya Kotia havino Kanale ke nehane. huno muse
hunatesiafene huna hugetama nehavifi? Nayoma humainoa kavala veamoya ageteya muse
hisaya yafe nenahaigi menia Muse hugahae. huna nohue. Veamoya Kanale kava nehie. huya
hunatesaya yafema nahaileasina nagaya Kalaisi aliya kanoa omauleasine.
Poloma Aposolo aliyama aepa hemainea kaiyekeae.
11
Nafunagana-gatama tamahanepaugi haviho. Nayona Yisasima hulatenea kanale mono
kema tamahapai-mainoana vayamogami amaku amakesafitila ali falote humainaya kea
ohunoe.
12
Nagaya nagoa vayapitila mani mono kea oalinoe. Nagoa vayamoya hu naveligena
mani mono kea oalinogi Yisasi Kalaisia agaia mani mono kea hu naveligena havitena
tamahanepauve.
13
Nayona nagaya Yuta veamogami mono ke havitena akave malena Anumaya Koti
anagala nahauna hu oamatena hamae hano hugahe aluya huna ali haviya hu neamatoa
navagea ago havimainae.
14
Nagai aunale vayala ago amakasena Yuta veamogami monola ali
hipoya huna tusia aliya nealina taginagomoyama humainaya auava kavala havilama hulinena
akave malenoane.
15
Akave malenoanagi itanimoa onatenegeno Anumaya Kotia aliyamaa alisuafene huno
agaia kayone yamaaleti nagaila ago hapali-nateneane.
16
Nagaila ago hapali-nateno Isaleli
veane omainaya veamogamina Yisasi mono kema hamapaisanafene huno nafanea nagaini
naulagale avaleno efalote higena aepaama agetena havitena hua yafe ma mopale
veamogamina Naane ke havilinoe? huna mo hamavi-okenoe.
17
Hamavi-okenogi
Yelusalemua hagoteya nagaseya Aposolo vaya mainaya vayatela mani kehena me hamavi-
okenogi Alepia kotega umaigena etena Tamasigusia emainoe.
18
Emauvana tagufa (3) kafu
mai hano hutena Yelusalemu haina Pitaene kea kea hugahe fifitinia (15) yupa agaienena
mainoe.
19
Mainena Yisasina aganaamo agia Yemesie agaiage mainegena age-mainogi nagoa
Aposolo vayala oamakenoe.
20
Nagaya mani kema negaova kea Anumaya Koti aulagafi
tamage huna havigea nohue.
21
Yelusalemua neatalena alu kumate kumate faete faete hume vuaamona Silia
kotegaene Silisia kotegaene haimainoe.
22
Ania huna neogeya Yutia kaiyaga Yisasi anaga
mainaya anagamoya nagai naugosa onagenae.
23
Naugosa oageya nagaifena mage huya
havimainae Nayona Yisasife havita tagupi maleta tametiti nehuna veamogatina kayo keve
nelamia kanomoagi menia kanaleya huno Yisasima hulatenea kanale mono kea huhaleno
nehie. huya hageya havimainae.
24
Ani kea haviteya Anumayamona naguama aminoa yafena
Anumaya Koti agi alisaga humainae.
Kalesia Kalesia
<<
11
>>
Kalesia Kalesia
<<
22
>>
2
Nagoa Aposolo anagaene Poloene aliya nagoke amaipa humainae.
1
Fotinia (14) kafu maitena Yelusalemua Panapasiene etetaama elavuana nago kanomo
agia Taitasie taavagi higetaa elavi-mainoe.
2
Anumayamoa nahapaigena elavina monote kava
vayamoya kema hisua kehena havigu havige nehie huya hisagena kema hisua kemoa afa ya
kana hu yafene huna Yisasima hulatenea kanale mono kea Isaleli vea omainaya veamogami
hamanepauva yafena monote kava vayala amakaiamige mainalega mo hamapai-mainoe.
3
Nagayama avalena emainoa kanoa Taitasie kanomofe Yuta anagamo-gatama avame yatia
huta tagoya anoya laga nehuna kava huta Taitasi augafa laga hiho. huya hayanagi Taitasia
agaya Isaleli veane omainea kanoe Kaliki kanoma maineafene huya ani kea hayanagi mono
kava vayamoya Ataleo huya hageta afaa mainone.
4
Nagoa vayamoya havige huya Tagaya
Yisasi kea alita lagupi malenona vaya mainone. huya kesi ke huteya tagai amunopi hai faleya
maineya Mosese kahegi kemo akave maleho. huya nehagi ani kahegi kemoa nofi hu nelataya
kava huno haneanagi Yisasi Kalaisienema tokaeta mainona yafe ani nofima hulatenaya nofila
ago alino kalu helategeta kanaleya huta mainonagi ani vayayagamoya Etetama ani nofipi
maiho. huya hugahe emainae.
5
Hayanagi Yisasima hulatenea kanale mono kema havilama
hutama akave malege malege hisayafene huta amakai kea tamage huta ohavitafa nehuta
Taitasi augafa taga ohunone.
6
Ohunonagi ani kema hamapai-mainoa vayafena Kava vaya mainae. huya hayanagi
anima haya kavala afa ya hane huna nagesa nehavue. Anumaya Kotia amega taugafahena
agesa nohavigi taguahekeya agesa havi nelamie. Ani kava vayamoya kea nahapaiyanagi
haegafa kea nahaopainae.
7
Naha-opainagi amakesa mage huya haviye Isaleli veane
omainaya veapi Yisasima hulatenea kanale mono kea hamapaisie huno Anumayamoa
Polona hutegeno umainegi Yuta veama Yisasia hulatenea kanale mono kea hamapaisiafene
huno Anumayamoa Pitana hutegeno umaine. huya agemainae.
8
Anumaya Kotia tokiyaaleti
Pitama Yuta vayapima Yisasi kema hamapaisiafene huno hamae-mainea kava huno
Anumaya Kotia tokiyaaleti nagaila Isaleli vea omainaya veapi Yisasima hulatenea kanale
mono kema hamapaisuafene huno nahanemaeye.
9
Monote ala kava vaya mainae. huya
humatenaya vayala Yisasina aganaamoa Yemesiene Pitaene Yoniene mani kea haviteya
Tamage nehane. Anumayamoa mani aliyana kamiteno kayone yamaaleti kaya nehie. huya
hageta tagua ali nagopi maleneta Tanakaya Isaleli vea omainaya veapi aliyana molio. Tagaya
Yuta vayapi aliyana aligahune. huya huteya amayana Panapasiene taaminae.
10
Naa huteya
nago kea mage huya hae Yuta veamogami amunoamifima afenoamima omalenesia veala
kanale kava hutana amaya hio. huya hayanagi nagaya mani yafena nagesa ago nehavina
aluya huno nenahaigena tokiyaage aliya alimainoane.
Pitaa havi kavama humainea yamaa Poloa hu falote hutene.
11
Pitaa Atioku emaineno havi kavama humainea yafena vaya amaufi kea amaki-mainoe.
12
Yemesi anagala falote ohunageno hagoteno Pitaa Yisasina amakua aminaya veala, Isaleli
vea omainaya veanene, kanaleya huno kavela neneno mainegeya Yemesi mainelegati nagoa
vayala evayi hageno Pitaa ma agesa havie Aao humainaya yana neatalena Isaleli vea
omainaya veanene, amakoya anoya taga ohunaya vayaene, kavela nenoa yafena ke
namakisafi. huno Isaleli vea omainaya veala neamataleno aluale umaineno kavela nemaine.
13
Nenegeya mukia Yisasina amakuama aminaya Yuta veamoya ania huya amakuafina havi
omaleya amegati nehaviya yafe amataleya amahaote mo nemainae. Naa nehageno Panapasia
amegatima haya kavala ageteno agaienena ani kavakeya humaine.
14
Higena Yisasima
hulatenea kanale mono kea, kelamage fatago huno hanea katela ovagena agetena ani yateti
mukia veamogami amaufi Pitana hapauve Pitagae kagaya Yuta nofi kano mainananagi Isaleli
vea omainaya veanemoya nehaya kava huka Isaleli vea omainaya veaenena kavela neneka
Yuta vayamoya nehaya kavala nohane. Naa higeka menia kagaya Isaleli vea omainaya
veafena Yuta vayamoya nehaya kavala hiho. huka kahegi nemalane?
Yisasife haviya amakupi maleya amametiti hisaya veanea Anumaya Kotia Fatago
veane mainae. huno humategahie.
15
Itatimoya Yuta anegiya latageta tagaya Yuta anaga mainone. Mainonagi Isaleli vea
omainaya veala kefo kava nehaya veane omainone.
16
Omainonagi nagoa veamoya Mosese
kahegi kemona akave malesaya yateti Anumaya Kotia neageno Fatago veane mainae. huno
hu oamatenegi Yisasi Kalaisife haviya amakupi maleya amametiti nehisamogamife Anumaya
Kotia Fatago veane mainae. huno hunelate. Tagayaenena Yuta anagamogata Yisasife havita
lagupi maleta tametiti humainonafe Anumaya Kotia Fatago veane mainae. huno hulatene.
Tagaya ago nehavune mani kavatetikeya Anumaya Kotia Fatago veane mainae. huno
hulategahigi Mosese kahegi kemona akave malesaya yafe Anumaya Kotia nagoa veafe
Fatago veane mainae. huno hu oamategahie.
17
Anumaya Kotia takaifena Fatago veane
mainae. huno hulatesiafene huta Yisasi Kalaisiene ailokaeta maineta agaite tametitima
hisunana nagoa veamoya tagaifena Kefo kava nehaya veane mainae. huya hisagenofena
Yisasi Kalaisia alino Kefo kava hiho. huno hisifi? Aao ania augafa kavala ohutafa huno
ohugahie.
18
Ohugahigi Mosese kahegi kema nayoma akave malenoa kavala ago neatalena
menia Yisasife havina nagupi malenoe. huna nehuanagi nagaya etena maiyahae huna nayoma
mainoa kate uleasina kefo kava huleasine.
19
Mosese kahegi kema ali hipoya hume hume
nehauva yafena Fatago kanoe. huno hu onateleasine huna nehavugi fali-mainea kanomo
augafa kava huna mani kehena nametitia nohue. Ani kahegi kemoa nahaegena falitogeno
Anumaya Kotina haisia kava hisuafene huna kahema ki-malenea kehena nametitia nohue.
Yisasia nagai kefo yamo anonaa aligahe higeya yafaga yosale heya asaigeno nagaifene huno
fali-maineanagina nagaienena yafaga yosale nagaya asaina agaiene ago fali-mainoe.
20
Fali-
mainoanagi nagoene nagainigela vaiyatete nohugi Yisasia nagupi mainegena ma mopale
mainena Anumaya Kotina nafaneamoa nagaifena hau ayamopafi haigeno fali-maineafene
huna havina nagupi malena nametiti nehuna haegafa huna vaiyatete nehue.
21
Mosese kahegi
kemo akave malenona yafene huno Anumaya Kotia Fatago veala mainae. huno hulateleasina
Yisasima fali-mainea yamoa afa ya kana hileasinagi Anumaya Kotia kayone hulatenea yateti
Yisasia fali-maineanagina afa ya kana nehie huna nakavenona huoategahue.
Kalesia Kalesia
<<
22
>>
Kalesia Kalesia
<<
33
>>
3
Kahegi kema akave malesaya auava yafeene Yisasite ametiti hisaya auava yafeene
humaine.
1
Tamakaya aifonafo Kalesia veala tagaya Yisasina tamavelunagetama tamaulagafiti
age-mainaya kava huno yafaga yosalela fali-mainea yafena tamakaila ago tamahapai-mainogi
taya tamakaila aye lamavataga nehagetama Yisasi kea neatalae?
2
Nago yafe tamahavi-
gegahugi nahapaiho Mosese kahegi kemo akave malaya yateti Alu Aotage Avamula
tamakuafina emainefi ifi Yisasife havitama tamakupi maletama tamametiti haya yateti
tamakuafina emaineo?
3
Ehema Yisasi kema havitama tamakupi malenaya kanafina Alu
Aotage Avamumoa tamaya hianagi menia naa higetama anegi-nagia nehutama Tagaitigela
Yuta veamoya nehaya kavaage nehuta fatago veane maigahune. hutama nehae?
4
Nayoma
kana yama ali-mainayana afaa evayi humaine hutama nehafi? Aao afaa ali-mainae huna
nagaya nagesa nohavue.
5
Mosese kahegi kemo akave malenaya yafe Anumaya Kotia agaia
Alu Aotage Avamula lamamiteno tokiyaaleti avameyama humainea kavala alino falote
humainefi? Ifi Yisasife havitama tamakupi maletama tamametiti haya yafe mani kavala hu-
maineo? E, tamametiti hu-mainaya yafe humaine.
6
Anumaya Koti autamafina Apalahamufe mage huno humaine
Apalahamua Anumaya Kotife havino aguafi maleno ametiti higeno Anumaya Kotia Kagaya
fatago kano mainane. huno huteneane. huno humaineane.
7
Ani yafe ageho Apalahamuma humainea kava huya Anumaya Kotife haviya amakupi
maleya amametiti nehaya veala Apalahamu nafaneyaga mainae.
8
Anumaya Kotia nayona
mage huno agesa havimaine Haenagaa Isaleli vea omainesaya veanemoya nagaifena haviya
amakupi maleya amametiti hisayafe Fatago veane. huna humategahue. huno agesa haviteno
kanale mono kea Apalahamuna hapai-maineanagino Anumaya Koti autamafina mage huya
kae-maleneayane
Kagaitetifene huna mukia ma mopale veanea Anumaya Kotina muse yana amamitena ali
kanale humategahue. huno higeya kae-malenayane.
9
Ani yafe Apalahamua Anumaya Kotife havino aguafi maleno ametiti higeno Anumaya
Kotia ali kanale hutene. Nagoa veamoya Apalahamuma humainea kava huya Anumaya
Kotife haviya amakupi malenaya veala Anumaya Kotia ali kanale hu neamate.
10
Anumaya
Koti avopina mage huya kae-malenayane
Nagoa veamoya mukia kahegi kema akave omaleya nagoke ke kanoama aliya atagaesayana
Anumaya Kotia hai vaimateno haniki-mainesia yapi amategahie. huya kae-
malenayane.
Ani yafe nagoa veamoya mukiama Mosese kahegi kema akave omalesayana Anumaya Kotia
havi kapi amavaleno amategahie.
11
Fatago veane mainae huno humatenea veamoya Anumaya Kotife haviya amakupi maleya
amametiti humainaya yateti mai kanale huya maigahae. huya kae-malenayane.
Ani kemoa maa huno fufute taveli-maine. Mosese kahegi kema akave malesagenofena
Anumaya Kotia ageteno Fatago veane mainae. huno hu oamategahie.
12
Kahegi kemo akave
malesuna yana Anumaya Kotife havita tametiti hisuna yana omalene. Aao, Anumaya Koti
kefina mage huya kae-malenayane
Mosese kahegi kema mukia haviya akave malesaya veamoya ani keleti mai kanale huya
maigahae. huya kae-malenayane.
13
Anumaya Koti avopina mage huya kae-malenae
Yafaga yosale asai-mainaya vayamoya Anumaya Kotia kayo keve amamisigeya faliteya
haniki-mainea yapi ugahae. huya avona kae-malenae.
Mosese kahegi kema mukia akave nomalonafe nofipi maineta haniki-mainea yapi ugahunagi
tagaiti ani kefo kava nehuna anonaa Yisasia alino yafaga yosale faliteno mani nofi ali kalu
hetalesia yafe miya hutalene. Yafaga yosale asai-malenaya yafe Yisasife mage huya nehae
Anumaya Kotia kayo keve amigeno faliteno haniki-mainea yapi ugahie. huya hu-mainae.
14
Humainagi Yisasia fali-mainea yateti Anumaya Kotia nayoma Apalahamuna muse yana
aminea kavala Isaleli vea omainaya veane menia ani muse yana amamigeta tagaya Yisasife
havita tagupi maleta tametiti nehuna yafe Anumaya Kotia Tamamigahue. huno humainea Alu
Aotage Avamua taguafi tategeno maine.
Anumaya Koti kahegi kemoa hulokiya vaimalenea keamona ali oatagaegahie.
15
Nafunagana-gatama Anumaya Kotima hulokiya vai-malenesia kemona nagoamogata
nehuna augafa kava humainegi aepaa havisae. Nago kanomoa agesama havinofena Falisua
yupa ma yana nafanenimoga aligane. huno aulaga age-maineno hulokiya vaino avopi kae-
maleteno fali-mainesia kemona nagoa veamoya ali oatagaegahayanagiya nago kea moliya
ohugahae. Anumaya Kotima hulokiya vai-malenea kemoa ani augafa kava humaine.
16
Anumaya Kotia Maa huna kamigahue. huno hulokiya vaino Apalahamuene
aginagomoenefe humaine. Anima Anumaya Koti avopima kae-malenea kemoa
Kaginagomogamifena nehunagi mukia veafeene nehue. huno ohunegi Nagoke
kaginagomona amigahue. huno humaine. Anima humainea kanoa Kalaisife humaine.
17
Ani
kemona aepaamoa maa humaine. Hagoteno Anumaya Kotia Apalahamufena Ma yana
kamigahue. huno hulokiya vaiteno fo hataleti tetia (430) kafu eutegeno Mosese kahegi
kemoa evayi higeya havimainayanagi mani kemoa hagoteno alino hagelafi-matenea kemona
tamage huno ayehananeno oagasene.
18
Anumaya Kotia Apalahamufe Ma yana hugategahue.
huno hulokiya vai-malenea kavala humaineanagi tagaya Mosese kahegi kema alita hipoya
hisunana Anumaya Kotia Fatago veane mainae. huno hulategahie hutama hinutamahena
havige nehae. Takaiti nehuna kavateti mani kea hulatene. huta nehunanagi Anumaya Kotia
Nagainiage afaa hulamategahue. huno humaine.
19
Anima Kamigahue. huno hulokiya vai-malenea kema humaineana naa higeno nago
kene, kahegi kea, huno falote huno tahapai-maine? Aepaa mage huno humaine tagayama
kefo kavama nehuna yana taveligahe kahegi kea tamine. Apalahamuna aginagomofe huno
hulokiya vaimalenea kema amisia kanoa Kalaisima evayi hisiana ani kahegi kemoa hano
hugahie. Ani kahegi kea ensole vayamogamina hamapaigeya amakaya amunopi kanoa
Mosesena hapaigeno veamogamina hamapai-maine.
20
Hamapaiyanagi amunoamifi mainea
kanomoa aote aote mainaya vayamogami amunoamifi maineanagi nayona Anumaya Kotia
hulokiya vaimalenea kema Apalahamuna hapaigahena nagoke kano hutegeno me haopainegi
tusia ala kema hanea yafe Anumaya Kotia agaia nagoke kano maineanagino avate uno
hapaimaine.
Kahegi kemoa kava yagailatesia Nelafa maineanagino lavaleno Kalaisi avate
ugahie.
21
Anumaya Kotia Apalahamuna hulokiya vai kema hapaitegenoa haenaga Mosese
kahegi kemoa efalote huteno hagote kea agaseno ali haviya humainefi? Aao, ani kavala
ohune. Kahegi kema ali hipoya hisunafena Anumaya Kotia maige maige hisuna tahaimula
tamileasinagi Fatago veane mainae. huno hulatesia kavala kahegi keletila falote hileasine ani
keamoa maige maige hisuna tahaimula tamisia tokiyaa omalene.
22
Omaleneanagino
Anumaya Koti avopina mage huno haneane mukia ma mopafi veamoya kefo kava maiya
hageno amatafa huno nofila humatenegeno Yisasi Kalaisife haviya amakupi maleya
amametiti hisayana Aligahae. huno hulokiya vaimalenea kema alisagenoa nofima humainaya
nofila alikalu hetalegahie.
23
Yisasife havita tagupi maleta tametiti hisuna kema falote ohunea kanafina kahegi
kemoa tusiya huno nofila hulateno kava yagai-lateneane. Anumaya Kotia Yisasife havita
tagupi maleta tametiti hisuna kea fufute taveligeta ageteta nofi hulatenaya yana ago atalone.
24
Yisasi Kalaisia falote ohunea kanafina kahegi kemoa Kalaisife havita tagupi maleta tametiti
hisunafe kava hulategeta tametiti nehuna yateti Anumaya Kotia Fatago veane mainae. huno
hunelate.
25
Yisasife havita tagupi maleta tametiti nehuna kemoa ago efalote humaineafe
menia kahegi kemoa kava yagai-nolate.
Tametiti hisuna yamoa alino Anumaya Koti nafaneyaga hapae-latene.
26
Tamakaya Yisasi Kalaisife havitama tamakupi maletama tamametiti haya yateti
mukiamo-gatama Anumaya Koti nafaneyaga mainae.
27
Yisasi Kalaisiene alino ailokae-
lamatesiafene huya tina fale-lamatenaya veamogatama taugafale kenama nefauna kava
hutama Kalaisi auava yana alitama ano vailiho.
28
Kalaisiene tokaetama mainaya veala nagoke
avamete hutama mainae. Yuta veanene Yuta vea omainaya veanene, nofipi maineya miya
oali aliya veanene afa veanene, anene vene nagoke avamete hutama mainae. Menia Yisasi
Kalaisiene ailokaetama mainayafe nagokepi ali konaga ayetama nagoke avamete mainae.
29
Mainayanagitama Kalaisi veane maisayana Apalahamuna agehoamogatama mainageno
Anumaya Kotia Apalahamufema Hugategahue. huno hulokiya vaitenea yana aligahae.
Kalesia Kalesia
<<
33
>>
Kalesia Kalesia
<<
44
>>
4
Kalaisi alimainea aliyateti Anumaya Koti nafaneyaga alino hapae-latene.
1
Kenia mage huna nehue nefaa nemofofena Afeno yania kamigahue. huno hapali-
teneanagino mukia nefa yana agaia yamaage hanegi osi nafanema mainea kanafina ani afeno
yamaa oalinegi nefa aliya vaya kana huno maineane.
2
Osi nafanema mainea yafe kava
vayamogami amayapi maineno afaa maime maime haino nefama humalenea kanale afeno
yamaa aliteno agaia kava yagaigahie.
3
Tagayaenena ania huta hagoteta osi nafanema
mainona kanafina ma mopafi kava nehaya Kefo Avamumogami auava yapi mainonageya
nofi hulatenae.
4
Nofi hu-latenayanagi Anumaya Kotia humalenea kanamoa ago efalote
higeno Anumaya Kotia nafanea hutegeno ma mopafi egeno nago amoa ategeno kahegi kea
ali hipoya huno maineane.
5
Maineanagita tagayama, kahegi kemo nofipi mainona veanea
nofipitila kalu helatesia miyama atalesiafene huno Kalaisia fali-maine. Anumaya Koti
nafaneyaga maisunafene huno Yisasina hutegeno ma mopafina elavi-maine.
6
Tamakaya Anumaya Kotina nafaneyagaa mainayafene huno nafaneamona Alu Aotage
Avamula hutegeno tagaila taguafina emaineno Anumaya Kotifena Nelahaiya Nelafaga
mainane. huta hisuna tagesa nelamie.
7
Humaineafe kagaya nofipina nagoene omaigane. Aao.
Menia Anumaya Kotia kavaleno agaia nafane kategeka mainane. Anumaya Koti nafane
mainanafe Kamigahue. huno hulokiya vaimalenea yana aligane.
Poloa Kalesia mainaya veamogamife aipa kana humaine.
8
Hagotetama Anumaya Kotina oagenayanagitama afa yafe Anumayatimoe. hutama
agisana vaimainaya yamoa nofi hu-lamategetama mainayane.
9
Mainayanagitama menia
Anumaya Kotina ago age-mainae huna hisufi ifi Anumaya Kotia ago tamakelama humaine
huna nehue. Vaeha namayo neaigi naa higetama maiyahae hutama etetama nayoma
tamakinagomogami agisanama vai yamona tokiyaa omalenegi afa yamogamifena Amakia
alisaga hisune. hutama nehae? Nagoene ani yamo nofipi maisaya tamakesa nehavifi?
10
Nehavitama Tagaya tagaiti kanale kava hisuna yafe Anumaya Kotia Fatago veane mainae.
huno hulategahie hutama Yuta veamoya maifalu nehaya kanaene haegafa ikateene kafuhe
kafahe imuma negiya mono nehaya kavala akavela nemalae.
11
Ani kavama haya yafena
nagesa kumo nehigena tamakaipi aliyama ali-mainoa aliyamoa afa ya kana nehie. huna
nehue.
12
Nafunagana-gatama afaa musetami nehugi nagayama kahegi kemofena nametiti ohua
kava hutama maiho. Nagaya Yuta kano mainoanagina tamakai kana kano mainoafe kahegi
kehena nametitia ohunoane nayona havi kavala hu onatenae.
13
Tamakaya ago havimainae
nago kalima alimainoa kanafina hagotena tamakaienena mo mainena Yisasima hulatenea
kanale mono kea tamahapaugetama havi-mainayane.
14
Haviyanagi nagaya kalima alugenoa
naugafamoa haviya huno tokiyania omalegetama nahamaetama Kasalo nelahaegi. Otahaiya
kano maine. hutama tamakavenona hu onatenagi Anumaya Koti ensole kanoene Yisasi
Kalaisiene anavalaya kava hutama navaletama nagaila ali falu fala hunatenae.
15
Falu fala
hunatetama tamaipamoa tusia musema humainaya yamoa hanatega umaine? Hagote kanafina
tamaulaga alilagatitama nagaima naya hutama namigahe humainagi menia naa higetama
tamaipa haviyana hunenatae?
16
Menia kelamage kema tamahapauva yateti kame kanotami
kana nehugetama keanenamakiyo? Inio?
17
Haviho mani vayamoya ayelamavataga hugahe ma kea nehae Mosese kahegi kea
alitama hipoya hiho. huya nehuya tamaya hisayafe mani kea nohagi ani kemo akave
malesayafe nagaila nenataletama amakai amakia alisaga hisayafe tusiya huno nehamaiye.
18
Kanale kavama humatesayafene huya tusiya huno hamaisiana kanale kava nehagi
tamakaienema mainoa kanafikeya ani kavala ohugahagi nagayama tamatalena alulegama
umaisua kanafienena ani kavala hiho.
19
Nakaini nafanemogatama nagoene anemoya inamu
yama alimategeno amakata neaiya augafa kava huno tamakaya Yisasi Kalaisi aepaa kana
hutama maisaya yafe nagaila tusiya huno nenahaigeno naipamoa kanaage nehie.
20
Vaeha
menia tamakaiene maisua nagesa nehavugeno tamakaifena nagesa kumo nehigi. Tamakaiene
nagokepima umainoteasina nagaya aiyahae huna kea otamamakina kanale keage
tamahapauleasine.
Hagagani Selagani avame ke.
21
Tamakaya Mosese kahegi kema alitama hipoya nehisaya veamogatama menia
nahapaiho. Mani kahegi kea havilama hutama havilinafi?
22
Ani kemoa maa humaine.
Apalahamua tole ne nafanema anateneana nago nafanea nofipi maineno miya oali aliya nealia
amo ateno amigeno afaa mainea agihena aamoa nago nafanea atene.
23
Nofipi mainea amo
agia Hagae nafanema ateana ve alavemogami auava kavateti atenegi afaama mainea agihena
aamo agia Selae namo a maineanagino ago alekano le-maineanagi Anumaya Kotia
Kamigahue. huno hulokiya vaimalenea keleti ani nafanea atene.
24
Atenaa kemoa
Anumayamoa alino tole hagelafi-latenea yafe mani tole atalamoganite avame kea humaine.
Hagaa nofipi maineno miya oali aliya a maineanagino Sainai agoyafiti eno Mosese kahegi
kea taveli-maine. Nafaneamoya nofipi mainaya vaya kana huya mainae.
25
Hagaa Alepia
kotega hanea agoya, Sainai agoyahe humaleno Yelusalemu kumate avame ke huno humaine.
Ani Yelusalemu nafaneyagaenena nofi vaya kana huya mainae. Yuta veamoya menia ania
huya Mosese kahegi kea akave nemalayafe nofipi mainae.
26
Mainagi ikapinaga hanea
Yelusalemu nafaneyagaenena nofipina omainagi ani kumala itatimoe.
27
Ani yafe Anumaya
Koti avopina mage huno kae-maleneane
Inamu yana ali okateno kagata oai amoga nafane oateka, namo anema mainana yafena tusiya
huka musena nehuka yagamea huo. Anaukamoa katalesigeka afaa mainesana
amoga anauamoene maineno nafane neatesia anemogamina amakaseka kasagoya
nafaneyakaa ateteka maigane. Ani yafe kaipamoa kanaleya nehisigeka muse
nehuka maiyo. huno humaineane.
28
Ani yafe, nafunagana-gatama, Anumayamo hulokiya vaimalenea keleti Aisakina
atenea augafa kava huno tagaila lategeta agaia nafaneyaga mainone.
29
Apalahamu aliya amoa
ma mopafi veamoya neamataya augafa kava huno Isimelina ategeno Alu Aotage Avamumo
humainea keleti agihena amoa Aisakina atene. Atetegeno nepuamoa Isimelia aganaamona
Aisakina alino haviya hutene. Nagi menia ani augafa kavala maiya nehae.
30
Anumaya Koti
avopina mani nafanehena mage huno humaineane
Afaa mainea agihena amo nafanemofena nefaa Kanale hulamategahue. huno humainea yana
aligahianagi nofipi maineno miya oali aliya amo nafanemoa tokaeana mani yana
oaligahie. Ani yafe aliya amoene nafaneaene hunategeana vio. huno humaineane.
31
Na ke humaineafe nafunagana-gatama nofipi mainea aliya amo nafaneyaga tagaya
omainonagi afaa mainea agihena amo nafaneyaga mainone. Ani yafe kahegi kemona ali
hipoya huta nofipi vaya kana huta omaisune.
Kalesia Kalesia
<<
44
>>
Kalesia Kalesia
<<
55
>>
5
Yisasi Kalaisia nofipiti alino kalu he-lateneanagita nagoene nofipina omaisune.
1
Yisasi Kalaisia kanaleya huta maisuna yafe nofipitila ago alino kalu helatenegi fatago
hutama hetitama maiho. Nagoa veanemoya Kahegi kema akave maleho. huya nagoene nofi
hu-lamatesagi Aao. hutama tokiya vaitama maiho.
2
Nagaya Polona mani kea nehugi haviho. Yuta veamoya nehaya avame yama hugahe
Taugafa laga hulato. hinutamahena Yisasi Kalaisima fali-mainea yamoa afa ya kana huno
tamaya ohugahie.
3
Nagoene tamahanepauve nagoa vayamogatama Taugafa laga hulateho.
hutama hinutamahena mukia Mosese kahegi kene akave malesaya aliyatamia hanegahie.
4
Mosese kahegi kea ali hipoya nehunageno Anumaya Kotia Fatago veane mainae. huno
hulategahie. hutama ani kelema tamametiti nehaya veamogatama Yisasi Kalaisina
tamakaveno hutetama alu kate neutama Anumaya Koti alino kayone hu-lamatesia yamaa ago
tamakaveno hu neatayanagino ani yamoa tamaya ohugahie.
5
Tamaya ohugahigi tagaya ani
kavala nohunagi Yisasife havita tagupi maleta tametiti hu-mainona yateti Alu Aotake
Avamumoa tagaila taya hu-maineanagita Anumaya Kotia Fatago veane mainae. huno hu-
latesiafe agava maineta tametitia nehune.
6
Yisasi Kalaisina tagua amiteta agaiene ailokaeta
maineta Yuta vayamogami kava huta taugafa laga hisunapi taga ohisunapi ani augafa
kavatalana afa ya haneanagino taya hutafa huno ohugahigi Yisasife havita lagupi maleta
nelafugamife tahau tayamopafi nelahainageta amaya hisunana ani kavala tamage huno hagote
yatafa hane.
7
Hagotetama kanaleya hutama Yisasi akave umainagi menia taya katamia tile-
lamatagetama Yisasi kelamage kea ohavitama neataletama ani vayamogami kea ali hipoya
nehae?
8
Ani kema akave malayana Anumayamoa agaia ke huno tamavale-mainea kanomoa
ani kea ohunegi alu vayamoya tamakaila alihaviya nelamahayae.
9
Tamakesa haviho tanefa
falauvateti kai hame maya talo nehuya osia halegisia yana aliya ali havigu hagenoa haenagaa
mukia tanefamoa halegino alakefa humaine. Anima halegi-mainea augafa kava huya osi ke
kanoa, havige hisaya kemoa mukiamogatamina ali haviya hu-lamateyafenagi kayetama
maiho.
10
Nagaya Yisasi Kalaisiene ailokaena mainoanagina tamakaifena mage huna nagesa
nehavue Nagai kea nehaviyanagitama alu kea ohavigahae. huna nagesa havine-lamamue.
Tamakaima alino haviya tamahaisia kanoa hana augafa kano mainefi? Anumayamoa agaiage
age-maineanagino ani vayamogamina haenagaa kayo kevea amamigahie.
11
Nafunaganagatama nagayama Tamaugafa laga hisageno Anumaya Kotia Fatago vaya
mainae. huno hu-lamategahie. huna huleasina veamoya nagaila ali haviya hu onataleasinagi
vayamoya nagaila ali haviya haya yana tagaila taveligeta age-mainone. Nagaya Yisasia
yafaga yosale fali-mainea yateti Anumaya Kotia tagaifena Fatago veane mainae. huno
hulatene. huna nehua yateti taveli-maine.
12
Tamakesa kumo hia kema tamahapaiya vayafena
mage huna nehue Kanalelagi mukia amakayamoenema fayi-talesayana kanalele. huna nehue.
13
Nafunagana-gatama Mosese kahegi kefiti nofila humainageno Anumayamoa alino
kalu he-lamateteno ago ke higetama agaialega emainagi tamakaya atafa lamaku tamakesamo
nehaisia kavala hutama omaiho. Omaigahagi nelamafu-gamifena tamahau tamayamopafi
nelama-haisigetama amaya hisaya kavakeya hiho.
14
Mukia Anumaya Koti kahegi kemo
aepamoa maa humaine. Kagaika kaugafahema kahaiya avamete alu veamogami
amaugafahena tama-hainagetama mai-hilato hutama maiho. huno humaine.
15
Hu-maineanagi
havigu lamakaya afai afumoma hia kava hutama ke vaitama tuma hisayana apasetama
mainesageno tamaugosamoene fanane hisigi kayetama maiho.
Alu Aotage Avamumo tagupi mainea auava yaene atafa tagu tagesamo auava
yaenefe humaine.
16
Nagaya mage huna tamahanepauve Alu Aotage Avamumofe Kava yagai-lato. hutama
akave malesayana atafa lamaku tamakesale age lamahaye nehisia kavala ohutama kefo
kavala ohugahae.
17
Alu Aotage Avamumoa Kanale kate eho. huno tamavaleno nevigeno
atafa lamaku tamakesamoa age haye hisia yamoa tamakaifena Havi kapi eho. huno
tamavaleno ugahe nehie. Naa kavamogania kame nehaagi tamahaisia kavala kanale kavaage
hisaya yafena maitama ya nehae.
18
Ya nehayanagi Alu Aotage Avamumofema Kava yagai-
lato. hutama akave malesayana Mosese kahegi kemo aiyafina omaigahae.
19
Mopale vayamogata atafa lamaku tamakesamo auava yamoa maa humainegi haviho.
Moli huliteya nehuya kumai he yane. Amaugafafi oniyaage kefo kavale. Amaugafa haga
neya kumai he kava akave male yane.
20
Ago fali-mainaya veafe Anumayati mainae. huya
amakisana nevaiya kavale. Hanageke ya huya veane hamae-fali yane. Kame hu kavale.
Amakaiami kemo tu huya hamai vai yane. Alu kanomo yate ageya hamaye hu yane. Ke
vaiya amaipafinaga ata nelea yane. Amakaiami amakiake alisaga hisaya yafe amakesa havi
havi yane. Vaya apase yane.
21
Alu kanomo hia kavafe ageya hamaye nehaya yane. Havili
neya aneginagi huya hagi fali ke hatage yane. Tagaiti atafa lagu tagesamoa mani kavayaga
alino nagoa yayagaene alifalote nehie. Nayona ago tamahapai-mainoanagi menia nagoene
tamahanepauve ani kavama maiya nehaya veanea Anumaya Kotima kava yagai-mainea
yapina tamage huya omaigahae.
22
Nagi Alu Aotage Avamumoa nago kanomo agupima mainesiana maa yayagamo
falote hugahie. Veafe hau ayamopafi haisigeno amaya hisia yane. Muse hisaya yane.
Kanaleya huno amaipamoa falu hamaisia yane. Tamamena male-lava hutama maisaya yane.
Ali kayone hisaya yane. Veane amaya hisaya yane. Ke ali hipoya huya fatago huya maisaya
yane.
23
Ako hutama tamakaitami lamaugafa alitama ohaitama mai kayone hisaya yane.
Tamaku tamakesale yagai lokiya vaitama lamahaisia yana neataletama Anumaya Kotina
haisia kavakeya hisaya yane. Alu Aotage Avamumoa veamogami amakupima mainesigeno
mani kavama hisiana kahegi kemoa Kefo ya nehane. huno ohugahie.
24
Yisasi Kalaisiene
ailokaeta mainona veanea Yisasia yafaga yosale fali-mainea kava huta atafa laku takesaene
age lahaye hisuna yaene ago fali lavata humainone.
25
Fali lavata hu-mainonageno Alu
Aotage Avamumoa tagupi emaineno haegafa huta maineta Alu Aotage Avamumo ke akave
nemaleta fatago kate vaiyesune.
26
Tagaiti tagia alita ohaisune. Tafu-taganaya humainesaya
kavafena ageta lahaye nehuta taipa haviya huta tua ohisune.
Kalesia Kalesia
<<
55
>>
Kalesia Kalesia
<<
66
>>
6
Hanaa augafa kavema kali-malesunana ani augafa kaveage aligahune.
1
Nafunagana-gatama nago kanomoma kefo kava huno asaga hu-lavisigetama
agegetama tamakaya Alu Aotage Avamumo kea akave nemalaya veane kea oamakitama ako
hutama ali hetigeno kanaleya huno maino. Ali hetitegahagi tamakaienena Satania tamavayu
huno havi kapi tamateyafe aluya hutama tamaugafa kayetama maiho.
2
Kana yama alisia
kanomona aya hutama aliho. Ani kavama hisayana Yisasi Kalaisina haegafa kahegi kea ali
hipoya hugahae.
3
Afaa havigu nemaisia kanomoa Nagaya ala kano mainoe. huno hisia
kanomoa agaia agua ayevataga nehuno augafa alino haisiafe agaiahe havige nehie.
4
Alu
veala neamaketama Amakaila ago amakase-mainone. hutama ohutama mukiamogatama
aliyatamia fako hutama Kanale yapi havi yapi? hutama agetetama kanale yama
hanesigetamahena ani yafekeya muse hiho.
5
Muse hugahagi tagaya mukiamogata tahaote
tahaote kana yama hane-latesigeta tagaiti alita vaiyesune.
6
Yisasi mono kema tamahapaisia kanomona kanale yama tamamefe malenesaya yapiti
aye fako hutama amiho.
7
Avina yama kalunagenoa ani augafa avinaage falote humaine. Tagaya mukia yupa
nehuna kavamoa ania augafa kavea falote hu lamisigeta agegahune. Tamakaitami tamaugafa
havige hutama Anumaya Kotina ayevataga hugahune. hutama ohiho. Anumaya Kotina
ayevataga hisuna kanoa omaine.
8
Mukia kanafina atafa agu agesahekeya nehuno age haye
hisia kavafekeya hoyaafima nehakalesia kanomoa agaia ali nena hisia kavemo avaleno
haniki-mainesia yapi tegelege nehia atafi atenageno agola maigahianagi Alu Aotage
Avamumo kema haviya akave malesaya veamoya ani avinama hakale-malesageno nenama
hisia kavemoa alino falote hisigeya maige maige hisaya hamaimula aliteya agola maigahae.
9
Naama hisiafe nagoa kefo kavala ohuta kanale kavakeya kasalola otahaesigeta oataleta
nago kanama vayi hisigeta kanaleya huta ali nena hisunageno ala hinageta anonaa aligahune.
10
Aligahunagi menia kanale auava kavala hisuna katia hanegeta Yisasife haviya amakupi
maleya amametiti nehaya anagala hagoteta kanaleya huta amaya huteta mukia veanene amaya
hisune.
Poloa Yisasi Kalaisi yafaga yosale fali-mainea yafe tusiya huno musena humaine.
11
Nagi ageho. Menia atupale kea nakainia nayapiti ala avopitila mani avopi kaena
nelamamue.
12
Nagoa veamoya amakaiami amaugafa aliya nehaiya Yisasia yafaga yosale
tagai kefo yamo anonatia aliteno fali-maine huta hisunana Yuta veamogami amaipamoa
haviya hisigeya hu-haviya hu-lategahae. huya haviya yafe mage huya mono kea
tamahanepaiye Tamakoya anoya laga hiho. huya nehae.
13
Mosese kahegi kea ali hipoya
huya amaugafama laga nehaya vayala amakaienena mani kea mukiamoya ali hipoya ohunagi.
Amakaiami amaugafa aliya haigahe tamakaifena Tagai kema ali hipoya hisayafene huya
amakoya anoya laga humainae. huya hisayafene mani kea humainae.
14
Nagaya nago yafena
naugafa alina nohauvanagi Anumayatimoa Yisasi Kalaisi nagaifene huno yafaga yosale fali-
maineafene huna nagaya agai agigeya alisaga nehue. Yafaga yosale fali-maineafe nagaya
agaiene ania huna yafaga yosale fali-mainoanagina ma mopale veamoya haya yafena nagesa
havina nagoene akave ohugahue.
15
Yuta vayamoya amaugafa laga nehaya yana afa yane.
Amaugafa laga ohunaya yana afa yakeya hanegi Anumaya Kotia haegafa lagu tagesa laminea
yana tusia tokiyaage kanale ya hane.
16
Ani kema ali hipoya hisaya veala Isaleli veanelafa
mainageno Anumaya Kotia amaipa falu hisia yaene kayone humatesia yaene amamisie huna
nehue.
17
Nagaya Yisasi aliya nealugeya nagoa veamoya nagaima nahae-mainaya nafugula
hanegi menia nago kanomoa kana yana onamisie huna nehue.
18
Nafunagana-gatama Anumayati Yisasi Kalaisia kayone yamaa tamaminageno tamaku
nafanene maisie huna Anumayamotega nunamuna huna havinegoe. Tamage.
Kalesia Kalesia
<<
66
>>
Kea
Nagoa Kemona Aepaae Nagoa Kemona Aepaae
<<
11
>>
Nagoa Kemona Aepaae
Matiu 1:16
Nayona Anumaya Koti amaune veamoya mage huya hu-mainayane Anumaya
Kotia nago kanoa ago hapaliteneanagino hutesigeno esia amo tamaugafa aligatigahie huya
hu-mainayane. Ani kanomo agia Kaliki kefina Kalaisie huya hu-mainagi Yuta veamogami
kefina Mesaiyae huya agia aye-mainae. Ani yafe Misini veamoya Mesiae huya nehae. Ani
mukia agimoa Yisasife humainae. Kalaisie agia mani agihe tahanepaiye.
Matiu 2:2
Nagoke nofi veamogamina tagufa (3) amaki hane, Yuta veane huya Isaleli veane
huya Hipalu veaene huya amakienema hapalinutamahena nagoke nofi veafe hu-maine
hutama hiho.
Matiu 2:6
Isaleli veala Mt. 2:2 eteka atupale hanea avopi ago.
Matiu 3:7
Satiusi vayala mono note kava vayalagiya maineya mukia Mosese kahegi kea
akave omalenae. Mage huya humainae Veama fali-mainafitila heotigahae huya humainae.
Na avopi eteka Mt. 22:23 hapalika havio. Tagu nafanea omaine ensole vayafeenena omainae
huya humainae. Na avopi eteka Ap. 23:8 hapalika havio. Anumaya Kotia taugafama
aligatisia kanoa hutegeno omegahie huya humainae.
Matiu 4:10
Ehe kanafina Satania Anumaya Koti ensole kano maineanagino ani kanafina agia
Lusifae huya hu-mainayane. Ani Lusifaa Anumaya Kotina veganokano hutegeno Anumaya
Kotia hutegeno elavimaine. Ani kemoa Ais. 14:12-20 hanegi Tok Pisin Baibel ago. Menia
Satania mukia kanafina Anumayamoene kame nehuno Anumayamote viaamo nagoa veafena
Kefo yana maiya nehae. huno humate mo humate nehie. Meni kanafima nealia aliyafena na
avopi eteka Jo. 12:31, 2Ko. 4:4, Ef. 2:2 hapalika havio. Yisasia fali-maineanagino Satanina
agasemaine. Na avopi eteka Hi. 2:14, 15 hapalika havio.
Matiu 4:24
Kefo Avamule hunoma hiana amaugafa omale anagafe hu-maine. Nagi nagoa
veamogami amakupi hai fale maineya havi amaku amakesa amamigeya havi no mainageno
tusiya huno alino haviya hu neamate.
Matiu 5:20
Falasia veamoya Mosese kahegi kea havilama huteya ali hipoya nehuyagi
amakinagomo-gami kene ali hipoya hu-mainae. Mukia ani kema ali hipoyama haya yafena
tusiya huya amaugafa aliya hai-mainaya veane mainae. Tagaya tusiya huta kanale veane
mainonagi nagoa veala kefo veane mainae Anumaya Kotia taugafama aligatisia kanoa hu-
tesigeno egahie. huya hu-mainayanagi Yisasima evayi hu-mainea kanafina Ani kea hu-
mainaya kanoa omainane. huteya mukia kanafina amakaveno hutenae.
Matiu 8:4
Mono note kava vayamoya maa augafa kava huya aliya ali-mainae. Nayona
Anumaya Kotia mage huno hu-maine Kefo yama hisayana anona yamaa alitama faligahae.
Veamoya kefo yama nehaya yamoa Anumayamonia kame veani mainae. huno hu-
maineane. Hu-maineanagi Anumayamoa veanene kigi yokalo huno maisia yafena muse
nehuno mage hu-maineane Kefo yama hinutama sipi sipio pulamakao memeo namao
hetetama namisageno naipamoa kanale hugahie. huno hu-maineane.
Mono note kava vayamoya ani afuyaga heya veane amaya hisunafene huya
nunamuna Anumayamotega huya havige-mainae. Ani afuyaga heteya yafa folamole maleya
atafi kae salamana hageno manaamoa Anumayamotega haigeno havitegeno aipamoa kanale
hu-maineane. Ani mono note kava vayamoya Anumaya Kotiene veanene amunoamifi heti-
maineya nunamuna huya Anumayamotega havige-mainae. Ani aliyafena na avopi eteka
vakayeka Hi. 5:1 hapalika havio.
Afa veamoya mani aliyana oalinagi Isaleli vayapiti Livai nofi vayakeyamoya mani
aliyana nealiya mono note kava aliyana nealiya nehayane.
Matiu 8:28
Ani kumafena tagufa (3) agia aye-mainae Katalagaene nehuya Kelasaene nehuya
Kegesae nehuya nehayane.
Matiu 15:2
Amayana sese nohae. huya hageno Matiua kae-maleneanagi amayana oniyaage
hu-mainea yafe ohune. Falasia veamoya amakaiami amakesafiti mani kahegi kea maleneya
akave malenae. Nagoa Yuta vea omainaya veanenema katega fotuma nehuyao maketi
kumapima fotu nehuyao mage hu-mainae Kefo ya nehaya veane nayana aminogenoagino
nayamoa oniyaage hu-maine. huya hu-mainae. Taulagama neagona oniya yafena ohunagi
amakesa mage havimainae Tayama sese ohisunana ani kefo yamoa lagupi tavino
hanegahie. huya nehaya yafenagiya ani veamoya kavema negahena Anumayamo aufina
kefo yama ohisayafene huya amayana sese huteya kavela nemainae. Anumaya Koti kahegi
kemoa Naa kavala hiho. huno ohuneanagi ani kavama hayana Falasia vayamogami kahegi
ke akave malenayane.
Matiu 23:18
Folamoema huno hu-maineana alua augafa folamohe hu-mainae. Ani folamolela
kefo yaamihe amakesa haviteya afua heya Anumayamona kae salamana hu neateya muse
yama amigahe negayaya folamoe. Ani folamoa sipi sipima memema pulamakama inaa
afuyaga heya negayaya folamoe. Nagoa alu aotage folamoene haneanagi ani folamolela
Anumayamofe amakesa haviya manaage ata kae nemalayane. Lu. 1:11 na avopi eteka
hapalika havio.
Matiu 26:2
Anumaya Kotia amakinagomo-gami amaugafama aligati-maine huya ala imuma ki-
malenama huya hayana amakesa mage huya haviteya kimainae. Nayona Isaleli veala Isipi
kotega mainageya nofila hu-matageya tusia aliya nealigeno Anumaya Kotia Tamaugafa ali-
gatigahuanagina Isipi veamogamina yage nafaneamia hamaesugeya falisagetama faletama
ugahae. Ugahagi tamakaila yage nafanetamima ohamaesugetamahena sipi sipi hetama
kolamaa alitama faesaya nomo fiate fale-malesagena neagena tamakasena yage nafanetamia
ohamaegahue. Huno hu-maineane. Na avopi eteka Hi. 11:28 hapalika havio. Amakaseno
amaugafa aligati-mainea kemofena Namamo Kefina ani kanahena Pasovae huya agia neayae.
Mani kanahena foa (4) molia ikamona 14 kanalefe tusia opatele huya kafuahe
kafuahena mukia Yuta veanea ala imugefa kiya nenayane.
Matiu 26:15
Tagaya Yutasima ali-mainea monea havilama huta ohavinone. Nayona Yuta
veanea tole yafamo miyaamia hane. Nagola nagoke yafamoa tagai monefina 2 Kinae huta
nehuna mone hane. Nagi nago monea nagoke yafamoa 4 Kinae huya hu-maine. Hu-
mainayanagi Yutasia sikisiti (K60) kina ali-maineo? Vani hataleti tueti (K120) kina ali-
maineo? Tagaya oagenone. Naa hianagi ali-mainea monemoa Vani hataleti tueti (K120)
kinamona oagasene.
Matiu 26:57
Atupale hanea avopi Matiu 8:4 ago.
Matiu 27:51
Ala kenagefa ma yafe hu-maine. Ala mono nopi mani ala kenaleti asa hu-
malageno tole nona kana huno hane. Kumategati hai faleya nemaiya nomo agia Alu aotage
none. huya hu-mainae. Ani nopina mukia kanafina mono note kava vayamoya haiya
aliyaamia nealiyane. Ala kenaleti asa hu-malageno aiso hu-mainea kaiyagamo agia Tusiya
huno alua huno alu aotage none. huya hu-mainae. Ani nopina mono notela hagote kava
kanomoa agaiage kafuahe kafuahena nagoke yupa kanoa hai nefaleane. Ani kemoa Hi. 9:1-7
na avopi eteka hapalio. Yisasima nefaligenoa ani ala kenamoa hatata hulole hu-maineafe
tagayama havunana menia mukia kanafina tagaitigela afaa Anumayamotega ke huta
nunamupitila havigegahune huta havilinone.
Maki 1:13
Atupale hanea avopi Matiu 4:10 vakayeka ago.
Maki 2:18
Maki 2:26
Maki 3:14-15
Aposolo vayala mani vayafe hu-mainae. Yisasima mopafima mainenoa tuelufua
(12) vaya hapaliteno Nagai kema nehaviya yafema hu-lamatoa vaya maiho. huno hu-
matene. Veamogamina agai kema hamapaisaya yafe hu-matene. Ani vayamogami amakia na
avopi eteka Lu. 6:13-16 vakayeka hapalio. Haenagaa Yisasia faliteno etenoma hetitenoa
Polofena Aposolo kano maiyo. huno hutene.
Maki 5:1
Maki 7:2-5
Maki 7:26
Maki 12:18
Maki 12:29
Isaleli veafe atupale hanea avopi Matiu 2:2 vakayeka ago.
Maki 14:1
Maki 14:24
Atupale hanea avopi Aposolo 3:25 vakayeka ago.
Maki 15:1
Lomu vayamoya ayaamoya Yuta veanene tuma huya amakase-mainaya yafe Yuta
veamogami kava vayamoya Yisasina kaiyekema hu-mateya Faligane. huya hisaya
tokiyaamia omalageno Lomu ala kava kanomoa E. huno hisigeyage ani kavala hugahae.
Naa hu-maineanagiya Yisasina avaleya Pailatia Lomu kava kanole umainae. Mani kemoa na
avopi eteka vakayeka Yoni 18:31,32fi hanegi hapalika havio. Mukia kotega veapina yafaga
yosale nilima heya hefali-mate yana omalenegi Lomu veategage ani auava yana haneane.
Luku 1:11
Luku 2:21
Amakoya anoyamaa laga hu-mainayana Yuta vayamoya Anumayamo nofi vaya
mainone. nehuya osi nafaneamimogami amakoyamo anoya laga huteya Anumaya Kotia
tagaiene alino hagelafi-latenea kemoa hu-lokiya vai-latenegeta alu veane mainone. huya
Yuta vea omainaya veamogamima amavelisia yafe taga hu-mainae. Yuta vea omainaya
vayala amaugafa taga ohunaya yafe Tagaya Yuta vea omainone. nehuya Yuta veamogami
mono nopina neuya monola ohavinae. Na avopi eteka Aposolo 7:6-8 vakayeka hapalio.
Luku 2:41
Atupale hanea avona Matiu 26:2 vakayeka ago.
Luku 5:1
Ani ala ti kotumona tagufa (3) agia aye-mainae nago agia Kenesale nago agia
Taipiliasie nago agia Kalili ti kotune huya agia aye-mainae. Na avopi eteka Yoni 6:1
vakayeka hapalio.
Luku 8:26
Luku 9:53
Mukia kanafina Samelia veanene Yuta veanene tu nehaya veane mainayanae.
Samelia veala Anumayamona muse yama neamiya Anumayamo agima alisaga hugahe
melitalu nehaya agoyamo agia Kelesimi. Naa nehayanagi Yuta veamoya Yelusalemu neuya
Anumayamo agia alisaga nehayane. Yisasia Yuta nofi veamogami ke akave malegahe via
yafenagiya Samelia veamoya Yisasina aya ohugahune huya hu-mainae. Na avopi eteka
vakayeka Yoni 4:20 vakayeka hapalika havio.
Luku 11:14
Atupale hanea avona Matiu 4:24 vakayeka hapalika havio.
Luku 11:38
Luku 11:39
Luku 20:27
Luku 22:1
Luku 22:3
Luku 23:45
Atupale hanea avona Matiu 27:51 ago hapalika havio.
Yoni 4:20
Atupale hanea avona Luku 9:53 ago hapalika havio.
Yoni 5:2
Hipalu veamofe atupale hanea avona Matiu 2:2 vakayeka hapalika havio.
Yoni 6:1
Atupale hanea avona Luku 5:1 vakayeka hapalika havio.
Yoni 6:4
Yoni 7:22
Atupale hanea avona Luku 2:21 vakayeka hapalika havio.
Yoni 11:27
Yoni 12:31
Yoni 12:32
Navalesaga hugahae. huno hu-mainea kemo aepaahena Yisasia mage huno hu-
maine Haenagaa veamoya nagaila alisaga huya yafaga yosale nili nehaeya nasaisagena
falisugeno haenagaa Anumaya Kotia navalesaga huno ikapinaga natenagena maigahue.
huno hu-maine. Na avona eteka vakayeka mani kea Filipai 2:9-11 hapalika havio Yisasia
nani tole yafeene hu-maine.
Yoni 13:1
Yoni 18:3
Yoni 18:15
Atupale hanea avona Saimoni Pitaene umainea kanoa Yonia agaiahe hu-maine.
Augafa alino haisia yafena ohaigeno agaia agia aye falote ohune.
Yoni 18:31,32
Atupale hanea avona Maki 15:1 vakayeka hapalika havio.
Aposolo 1:1,2
Atupale hanea avona Maki 3:14 vakayeka hapalika havio.
Aposolo 3:25
Hagelafi latenea kema hiana tole kanolatamogania tokaeana Tamage hutaa naa
kavala hugahue. huteana anaya oami aami nehaa agima hanea kehe hu-maine. Anumaya
Kotia veafe hau hu-mateno hamamaesia yafe nayona Apalahamufena Kagai kaginagomoya
nagai anaga maigahae. Naama hisagetahena kanaleya huta ai-lokaeta maigahune. huno
huteno alino hagelafi-mate kema hama-paigeya Ol Tesatameni nayo avopina kae-
malenayane. Nagi Yisasima falino miya hu-latenea kanafina haegafama alino hagelafi-latenea
kemoa falote hu-maine. Na avopi eteka vakayeka Mk. 14:24; Hi. 8:8-13; Hi. 12:24 hapalika
havio.
Aposolo 5:3
Atupale hanea avona vakayeka Matiu 4:10 ago.
Aposolo 5:34
Poloa aguama Anumayamona oaminea kanafina Kamelielia agaila huge velige hau-
maine. Na avopi eteka vakayeka Ap. 22:3 hapalika havio.
Aposolo 7:58
Soloe kanomona nago agia Poloe. Yuta veamogami kefina Soloe huya ayageno
Kaliki kefina Poloe huya aye-mainayane. Mani avopina Yuta veanene mainea kanafina agia
Soloe huno kae-maleneanagi Kaliki veanenema maiya kanafina agia Poloe huya aye mainae.
Aposolo 16:6
Atupale hanea avopi 2 Timoti 1:15 ago.
Aposolo 16:37
Ani kanafina ala kava vayala Lomu vaya mainayane. Alu kote alu kotela kamema
nehaya vayamogamina amakaseya ala vaya maineya kava neyagaiyane. Ani yafe mukia
veamogami amakia Lomu kotega hanesie huya amakesa havimainae. Kava kanomona
amamefe malenesaya miya amisageno Lomu veane-lafana mainae huno hu-mategahie.
Polona nefaa Yuta kano maineanagino mone hageno amaminegeya Lomu kotega kagia
hanea kano mainane. huya hu-tenae. Hu-tegeno Poloa nefaa Lomu kano maineafe Poloa
ania huno Lomu kano-lafana hapae-maine. Kava vayamoya Lomu veafena hu haviya hu
oamatenae. Ani yafe Poloa Taagaya Lomu kanola mainoe. huno hu-maine.
Aposolo 22:25,26
Atupale hanea avona vakayeka Aposolo 16:37 ago.
Aposolo 23:6
Lomu 1:16
Yuta veafema humainea atupale hanea avona vakayeka Matiu 2:2 ago.
Lomu 2:25
Atupale hanea avona vakayeka Luku 2:21 ago.
Lomu 8:29
Anumaya Kotina hagote nafaneaema. huya hayana veamoyama nafanema
neataya augafa kavala falote hunegi Yisasia Anumaya Kotiene ikapinaga maige maige huno
mainea kanohe nehae. Anumaya Kotia hu-tegeno ma mopafi elavino eaamo me faliteno heti-
maine. Yisasia yage kanoa hagote kanogeno neputimo kana huno maine.
Lomu 9:33
Yelusalemua Saiyoni agoyale hane. Yuta veamogami ala kumaami haneanagiya
nagoa kanafina Yuta veafena Saiyoni veane mainae huya hu-mainae.
1 Kolini 7:21,22
Miya oali aliya veala nofipi mainaya vea kana hu-mainae. Kuafenoamima hanea
veamoya amakaiami miyateti veala agola miya hu-malageno ani aliya kanomoa miyana
oalino mukia kanafina agaiama haiya kavala ohune. Mopaalega ouno afaluamona mo
noageane. Miya oali aliya veamoya nafaneamima amatayana ani nafaneyagaenena miya oali
aliya veane mainayane.
1 Kolini 11:4
Kolini veamoya mage huya hu-mainayane Ma mopafi kanomo kava hu-latene.
huya hu-mainaya yafe amanutela aiso hu-mainae. Ani yafena Poloa Anumayamo kema hu-
haletama hisaya kanafina ma mopafi vayamoya yagai otatenagi Anumayamoa agaiage yagai-
latene hutama hisayafene hutama tamanutela aiso ohiho huno hu-maine.
1 Kolini 11:5,6
Kolini anemoya amanutela aiso hu-lineya Anautimo aiyafinaga mainone. huya
hu-mainayane. Kolinia kumai ane munanemoya mukia kanafina amayolagefa mukia laga hu-
talenayanagino Poloa ani yafe mani kea hu-maine.
2 Kolini 4:4
2 Kolini 11:22
Hipalu veafena atupale hanea avona vakayeka Matiu 2:2 ago.
Kalesia 5:2
Atupale hanea avona vakayeka Luku 2:21 ago.
Efesusi 2:2
Efesusi 6:5
Atupale hanea avona vakayeka 1 Kolini 7:21,22 ago.
Kolosi 1:15
Atupale hanea avona vakayeka Lomu 8:29 ago.
Kolosi 3:22
2 Timoti 1:15
Tagaya meni Esia kotegaema. huta nehavunana ala mopahe hu-mainonagi
Poloa Esia veapi kea kea hu-maineana Esia nago atupaa hanea kofe hu-maine. Nayona ani
kotegahena Osi Esiagae. huya agia aye-mainae. Menia mage huta ani komo agia neayone
Tekie huta nehune. Poloma mainea kanafina Lomu Kamani veamoya mukia ani kotegaene
kava hu-mainayane. Poloa kema hu-maineana anima osi Esiama mainaya veafe hu-maine.
Mama hanea kea Aposolo avopi hanegi vakayeka ago.
Hipalu 1:6
Hipalu 3:1
Hipalu 8:8-13
Atupale hanea avona vakayeka Aposolo 3:25 ago.
Hipalu 11:28
1 Pita 2:6
1 Pita 2:18
1 Pita 5:13
Papilonia kumafena Pitaa huno hiana Lomu veafe avame ke huno Papilonia
kumale huno hu-maine. Pitama mainea kanafina Lomu veamoya nayoma Papilonia
veamoyama hu-mainaya augafa kava huya kefo yana maiya hageno hu-maine.
Leveleseni 2:10
Tenia (10) kanaema huno hu-maineana avame ke hu-maine. Aupa kanafi
Anumayamoma amakua aminaya veala kame lagiya kae-mategahae huno nehunofe tenia (10)
kanae huno hu-maine.
Leveleseni 8:3
Leveleseni 11:1-2
Anumaya Kotina mono nomaaema hiana Yisasina amakua amitafa hu-mainaya
veafe avame kea hu-maleno hu-maine. Yisasi kema nohaviya veamoya malaga maineya
Yisasina amakuama amitafa hu-mainaya veanea kame hu-mategahe nehae.
Leveleseni 13:11
Nagola alu afai afuema hiana havige huno aunema laga nehia kanohe hu-maine.
Na avona vakayeka eteka Leveleseni 16:13 hapalika havio.
Leveleseni 14:1
Leveleseni 16:13
Anima havigeyama nehia aune kanohena alu afai afuma huya haya kanohe hu-
maine. Na avona vakayeka eteka Lev. 13:11 hapalika havio.
Leveleseni 16:19
Nagoa Anumayamona amakuama aminaya veamoya maa amakesa havimainae.
Papilonia kumamoa Lomu komo ame kana hu-maine. huya hu-mainae. Pitaa mani kea
avame ke huno Lomu veafe Papilonia veane huno hu-maine. Na avona vakayeka eteka 1
Pita 5:13 hapalika havio. Nagoa veala Papilonia mukia alu kote alu kotega Kalaisiene agai
kema nehaviya veanene kamea hu neamataya veane mainae huya hu-mainae. Haenagaa
Anumaya Kotia aniama nehaya veala alino haviya hu-mategahie. Na avona vakayeka eteka
Lev. 17 ene 18 ene hapalika havio. Etenoma esiana agaila amakuama aminesaya veaneage
me mavaleno visiaamo kanaleya huya ofalisaya kumatela haiya Kalaisiene nagopi mo
lokaeya agola maige maige huya maigahae.
Leveleseni 17:2
Veamoya kumaima nehae huyama hayana Anumayamona akave omaleya ma
mopafi yafekeya haviya akave nemalaya yafe hu-maine. Anumaya Koti kema atalenaya
yamoa maa hu-maine aneamima amataleya ute ete hayaamoya kumai anema amavayu
nehaya avamete kava hu-maine huno hu-maine.
Leveleseni 19:7
Sipi sipi nafanema hiana Kalaisife hu-maine. Aaligahie hunoma hu-maineana ani
anea mukia Yisasina amakuama amitafa hu-mainaya veafe hu-maine. Haenagaa Kalaisima
esia kanafina amakaya ve alave huya maigahae huno hu-maine.
<<
11
>>
Kea
Hipalu
00
11
22
33
44
55
66
77
88
99
10 10
11 11
12 12
13 13
Hipalu Hipalu
<<
00
>>
^
Hipalu
Anumaya Koti nafanemoa ke lahapai-maine.
Yisasia ensole vayala amakaseno ala kano maine.
Anumaya Kotima tagu tamema aligatisia yana tusia yane.
Yisasia taku tamema aligatisia kanoa uhagote mainea kano maine.
Yisasia vayatafa maineafe taya hugahie.
Yisasina ala agimoa Mosese ala agia agase-maine.
Anumaya Koti kema neatagayaya veamoya maifalu hisaya yaamia omalegahie.
Anumaya Koti veamoya maifalu hisaya yana aligahae.
Yisasia ikapinaga hanea mono notela veamogatina hagote kava kanoti maine.
Yisasia mono notela hagote kava kanogino tagu tamema aligatisia himamua tamage
huno hane.
Nute nafanemo avametela huta omaisune.
Tagaya tokiyaage huta maineta Anumaya Kotia alino kanale hulatesiafe agava
maisune.
Anumaya Kotima hulokiya vai-malenea kele tametitia hisune.
Melikisetekia ala agi hanea kanoe.
Haegafa mono note kava kanomoa nayo mono note kava vayamogamina amakase-
maine.
Yisasia hagote mono kava kanoa ikapinaga maine.
Haegafama alino hagelafi-latenea kemoa hagoteno alino hagelafi-matenea kemona
akase-maine.
Mono notela hagote kava vayamoya sipi sipimo kolateti kae-salamana hu neatayane.
Yisasia falia kolamo kefo yatia agola aye hami-talene.
Kalaisi kolamoa haegafa alino hagelafi-latenea yamona ali lokiya vai-malene.
Yisasia kefo yatima aye hami-talesiafene huno augafa hakino fali-maine.
Nayona afuma heya Anumayamoma muse yama neamiya yamoa kefo yatia ali
oatalegahie.
Yisasia fali-mainea yateti kefo yatia agola aye hami-talene.
Tagaya tametiti huteta Anumaya Koti avatela umaigetao.
Anumaya Koti nafanea takavenona hu oatesune.
Tametitile hetita lokiyaage hisune.
Tametiti yamona aepaae.
Epoloaagi Inokuagi Noaagi huya Anumayamote amametitia humainae.
Apalahamugani Salagania Anumayamote anametiti humainae.
Aisakiene Yekopuene Yosefeene Anumayamote ametitia humainae.
Mosesea Anumayamote ametitia humaine.
Kasagoya Isaleli veamoya tokiyaage amametitia humainae.
Yisasite age-maleta tametitia hisune.
Anumaya Kotia tagayama fatago huta maisuna yafe kana yana nelamie.
Tayamufa alita tokiyaage huta hetita maisune.
Tagaya ikapinaga hanea Yelusalemua ago evayi hu-mainone.
Anumaya Kotife tamayo ainageta kayeta maisune.
Nagoke nagokemogata nelafu-gamifena tahaisie.
Yisasi akave hisuna yafena tagayea ohisune.
Anumaya Kotia taya hinageta kanaleya huta maigahune
Kemoa mo hano hisia ke.
Hipalu Hipalu
<<
00
>>
Hipalu Hipalu
<<
11
>>
Hipalu
Mukia vayamoya ma avoma kae-malenea kanomo agia ohavinae. Yisasife haviya
amakupi malenaya veala Yuta veamogamife huno kae-malene. Yisasia faliteno hetino
ikapinaga haitegeno nago kanomoa teti foa (34) kafu agava maineno Hipalu kea kae-malene.
1
Anumaya Koti nafanemoa ke lahapai-maine.
1
Nayona mukia kanaene mukia yatetiene Anumaya Kotia agaia aune vayamogami
amavayafitila taginagomo-gamina hamapai-maineane.
2
Hamapai-maineanagino ani kanamoa
hano higeno menia ma mopa hano hisia kanamoa aupa nehigeno Anumaya Kotia agaia
nafanemo avayafiti hu falote huno tahapai-maine. Anumaya Kotia ma mopaene mukia ikate
yaene mopafi yaenena nafaneamo ayapiti talo hu-maleteno mukia yana nafaneamo ayapi
malene.
3
Nafaneamoa Anumaya Kotina tokiyaage hale yamaa agaia maineanagino Anumaya
Kotiene nago avamete huana mainaageno tokiyaama hanea keleti ke huno mukia yana Male
maiho. huno hu-mainele mainae. Kefo ya nehuna yatimo anonaa Yisasia aliteno ani kefo
yama ali talesiafe faliteno hetino anafinaga mainea Anumaya Kotina aya tamaga kaiyaga, ala
vaya mainalega, hanea siale maine.
Yisasia ensole vayala amakaseno ala kano maine.
4
Yisasia ensole vayala amakaseno ala kano maineanagino Nefama aminea agimoa tusia
kanale agi haneno ensole vayamogami amakimona amakase-maine.
5
Nayona Anumaya
Kotia agaifena mage higeya kae-malenayane
Kagaya nagai nafane mainananagina nagaya menia Negafana mainoe. huno hu-maineane.
huya kae-malenayane. Eteno nagoene mage huno hu-maineane
Nagaya Nefana maisugeno agaya nagai nafane maigahie. huno hu-maineane.
Anumaya Kotia nago kanafina hana ensole kanomote mani kea hu-maineane? Aao
nafaneamoteke hu-maineane.
6
Agaia yage nafanea avaleno ma mopafi elavino egeno
Anumaya Kotia mani kea huno hu-maineane
Mukia nagai ensole vayamogatama agai agigeya ayetama agia alisaga hiho. huno higeya
Anumaya Koti avopina kae-malenayane.
7
Kae-malenagi Anumaya Kotia ensole vayafena mage hu-maineane
Ensole vayala yasimoene ata anefemoene hia avamete huya aliyaamia nealiye. huno hu-
maineane.
8
Hu-maineanagi nafaneamofena mage hu-maine
Anumaya Kotiga kagaya mukia kanafina agola kava yagaika maige maige huka maigane.
Kagaikaa kavama yagaisanana fatago auavateti yagaigane.
9
Kagaya fatago
auavafekeya negahaigeno kefo auavafena nokahaiyafe nagaya kagaikaa Anumaya
Kotinia Negafugamina ago amakaseka ala kano mainane. huna masaveteti
falegatogeka muse hugane.
10-12
Nagoene mage huno hu-maineane
Anumayamogae ehe kanafina ma mopaene ikaene kayapiti talo hu-malenananagino ikaene
mopaene fanane hugahianagi kagaya agola maige maige huka maigane. Ikaene
mopaenena kenamoma falu-palegeya aye kafagegiya neataleya alu kenama aliya
fai nealiya avamete huka ania huganagi kagaya alua augafa kanoa omaiganagi ania
huka agola maige maige huka maigane. huno Anumaya Koti avopina kae-
maleneane.
13
Nayona Anumaya Kotia nafaneamofena mage hu-maineane
Kagaya tamaga nayatega, ala vaya mainalega, hanea siale mainesanagena kame vayakaa
kaiyafi alitalu humategahue. huno higeya kae-malenayane.
Anumaya Kotia nago ensole kanomona mani kea haopaitafa huno haopaine. Nafaneamoteke
mani kea hu-maineane.
14
Ensole vayala avamu mainayanagino Anumaya Kotia agaia amaku
amamema ali gatisia veamogamina amaya hisiafene huno humategeya aliyana mo nealiye.
Hipalu Hipalu
<<
11
>>
Hipalu Hipalu
<<
22
>>
2
Anumaya Kotima tagu tamema aligatisia yana tusia yane.
1
Agoma havilinona kea oagaseta taguafi maleta tokiyaage huta atafa hulineta akave
malesune.
2
Nayoma ensole vayamo-gami amavayafiti huhaleya hu-mainaya kea lokiyaage ke
hu-mainayafe mukia taginagomoya ani kemona ali tagaeya amakaveno hutageno ani kema
atagae-mainaya avamete anonaamia amakata aiya yana ali-mainae.
3
Naa hu-mainayafe meni
kanafina Anumaya Kotia Tamaku tamamena aligatigahue. huno higeta havimainona
veamogata Tamage nehie. huta hisune. Ani tagu tamema aligatisia kea Anumayamoa
hamapaigeya haviteya tahapai-mainae. Ani yamoa tusia tokiyaage ya haneanagita
takavenoma hisunana hanaa huta kefo yama hu-mainaya anonaa, tagata aisia yamona
agaseta falesune? Falesuna katia omalene.
4
Omalegi Anumaya Kotia mani kea Tamage
nehie. huya hisaya yafe alu kava alu kavala huno tokiyaage avame yana huteno agaia haiya
veaamo-gamina Alu Aotage Avamumo tokiya amamite amamite humaine.
Yisasia taku tamema aligatisia kanoa uhagote mainea kano maine.
5
Tagayama nehuna kea haenagama falote hisia mopahe nehune. Anumaya Kotia ensole
vayala ani kanahe Kava yagaisaya yatele. huno hu oamatene.
6
Hu oamatenegi Anumaya
Koti avopina nago kanomoa Anumaya Kotifena mage huno kae-maleneane
Vayala naane yaga mainonageka lagaifena kagesa nehavine? Afa ya kana vaya mainonagi
naa higeka tagaifena kagesa nehavine? Vayamoya tatenaya nafanehenagi naane
yaga mainae huka kava yagai nelatane?
7
Kagaya mage huka hutenane Aupa kanafi
ensole vayamoya osia kagaseya maisageka kagaya osi kano kana huka maiyo.
Maigananagi haenagaa tokiyaage hale yamoene ala kagiene kamisugeka ala kano
maigane.
8
Ala kano maineka mukia yana kava yagaika maigane. huno higeno kae-
maleneane.
Tamage Anumaya Kotia Mukia yatela yagaigane. huno huteteno nagoke ya kanoa Kava
yagaiyo. huno ohunegi mukia yatela Kava yagaiyo. huno hu-maineanagi tagaya meni
kanafina mukia yatela kava yagaigeta noagone.
9
Noagonagi Yisasina agelama hu-mainone.
Ensole vayamogami amaiyafinaga Yisasia osia kana kanoa maigeno Anumaya Kotia kayone
yamaaleti mukia veamogatihe huno fali-maine. Fali-mainea yateti Anumaya Kotia agia alisaga
huno tokiyaage hale yamaa ago amine.
10
Anumaya Kotia mukia yamona aepaa maineanagino mukia yana agaia yakeya
hanesiafe talo humalene. Talo hu-malegeno Yisasia tagu tamema aligatisia kanomoa fatago
huno ala kano maisia yafe Anumaya Kotia Yisasina tusia agata aiya yana amigeno aliteno ani
agatama aiya yateti kasagoya nafaneyagaa amavaleno agaialega amateneanagiya tokiyaage
hale yapi maigahae.
11
Naa hu-mainegi nagoa veafena Fatago veane mainae. huno humatenea
kanoene agoma humatenea veanene nagoke neamafaa maineafe Yisasia agayea ohuno
amakaifena Nagaini nagananimogatama mainae. huno humaine.
12
mage huno hu-maineane
Nagaya kagai kagia huhalena hamapaigahue. Veamoya melitalu hisaya amunopina yagamefiti
kagia alisaga hugahue. huno hu-maineane.
13
Nagaya Anumaya Kotife nametitia hugahue. huno hu-maineane.
Anumaya Kotima naminea nafaneyagaene mainogi nageho. huno kae-maleneane.
Yisasia vayatafa maineafe taya hugahie.
14
Anima nafaneyagama hiana ma mopale veafe hu-maineanagino Yisasia Faligahue.
huno hu-maineafe agaiaenena vayatafa hapaeteno fali-maine. Fali-mainea yateti veama
hamaeno fali neamatea tokiyaama hanea kanoa, Satani tokiyaa ago agase-maine.
15
Agaseno
fali-mainea yateti mukia ma mopafi mainaya kanafina veamoya falisaya yafena kolima
nehaya yaamimoa amakaila alino nofi humategeya mainageno Yisasia ani nofipiti alino kalu
hematesia yafe fali-maine.
16
Tamage Yisasia ensole vaya amaya hugahe ani aliyana oalinegi
Apalahamu anaga amaya hisiafe ani aliyana ali-maine.
17
Ani yafe aganaamoyaene nago
avamete huno maineno mono notela hagote kava kano maineno Anumaya Kotiene veanene
amunoamifi maineno amaipa ali falu hisia kano maineanagino Anumaya Koti aliyana nealino
ani aliyateti veafena kalagi aimateteno fatago aliyana nealie. Anumaya Kotia tagaya kefo
yama huna yafena havino aipa haviya hulateneanagi Yisasia kefo yatihe havino falitegeno
Anumaya Kotia aigetateno kefo yatia atalelatene.
18
Yisasifena Kefo yama huo. huno
ayevatagama higeno haumana hale-mainea yaene augafa agatama ai-mainea yaenema ali-
maineafe veamoya kefo yama hisaya yamo aye-mavataga hisigenoa Yisasia amaya hugahie.
Hipalu Hipalu
<<
22
>>
Hipalu Hipalu
<<
33
>>
3
Yisasina ala agimoa Mosese ala agia agase-maine.
1
Kefo yama nohaya nenafugatama Anumaya Kotia ikapinagati agaialega visaya yafe
tamakaila ago ke hu-mainegi tamakaya Yisasima hulatenea yafena tamakesa havi havi
hutama maiho. Yisasina Anumaya Kotia hutenea kanogino mono notela hagote kava kanoe.
Anumaya Kotiene veanene amunoamifi maineanagita havita lagupi maleta tametitima nehuna
kanomofe huhaleta hisune.
2
Anumaya Kotia Yisasina ani aliyate ateneanagino Anumaya
Kotima humainea kea akave maleme maleme haimaine. Mosesea nayona ania huno
Anumaya Koti anagapi maineno Anumaya Koti humainea kea akave maleme maleme hai-
maineane.
3
Veamoya nomo agia alisaga nehayanagi ani noma kimalenea kanomo agia
tusiyate alisaga huya anale malenae. Naama haya yamoa Anumaya Koti anagamoya Mosese
agia alisaga hu-mainayafe Yisasia ala neamafa maineanagino Anumaya Kotia Katea kano
mainane. huno hutegeya tusiya huya agia alisaga humainae.
4
Nagoke nagokemoya nona
negiyanagi Anumaya Kotia mukia yana agaiage talohu-malenea kano maine.
5
Mosesea
Anumaya Koti aliya kano maineanagino Anumaya Koti veapi maineno Anumaya Kotima hu-
mainea kea havino akave maleme maleme hai-maineafe aliyamaa nealino haenagama falote
hisia kea huhaleno hamapai-maine.
6
Mosesea hamapaiyanagi Kalaisia Anumaya Kotina
nafaneagino Anumayamo kea akave maleme maleme haino Anumaya Koti veatela kava
yagaime yagaime hai-maineanagita tagaya mukia kanafina kolia ohisunagi agayama eteno
evayima hisia yafena tametitima nehuta tokiya vaisunana tagaya Anumaya Koti veala fatago
huta maigahune.
Anumaya Koti kema neatagayaya veamoya maifalu hisaya yaamia omalegahie.
7-8
Alu Aotage Avamumoa mage huno hu-maineane
Nayona Mosesema akave hu-mainaya veamoya kame kotega maineya amakaveno
hunateteya nagai kea ohaviya avame hunateya aukaya hunatenaya kavala meni
kanafina agai kema havinutama tamakavenona huonateho.
9
Kame kotega
tamakinagomoya fotia (40) kafufima hu-mainoa avame yana agayanagi nagaila
tusiya huya avamekeya hunatenayane.
10
Hunatenayafe nagaya ani veafena aluya
huna naipa kafa hematetena mage humainoe Mukia kanafina amakuamoa nagai
auavala oageya kenia alitagae-mainae.
11
Atagayagena nagaya naipa kafa
hematetena tokiyaage kea mage humainoane Amakaya maifaluma hisaya yaniafina
tamagelafa huya agola uomaigahae. huna nehue. huno hu-maineane.
12
Na yafe nenafugatama havigu nagoke nagokemogatama havitama tamakupi malenaya
kea neataletama kefo ya hutama haegafa huno mainea Anumaya Kotina tamakaveno
huteyafenagi kava yagaiho.
13
Kava neyagaitama Anumaya Kotia Meni kanae. huno
malegeno ani kanamoa hanegi havigu nagokemogatama kefo yamofena Hagaage yane. huka
hisanageno ayegavataga hinageka Anumaya Kotina kakaveno huteyafenagi mukia kanafina
nelamafugamina amaku amakesa ali hetiya maisaya kegeya hamapaiho.
14
Tagaya Yisasife
havita lagupi malenonanagi menia ania huta lagupi malenona yana atafa huta lokiyaage
hulineta ani yaenema mo falinuta Kalaisiene ailokaeta maigahune.
15
Tagaya ago havimainone mani kehena mage huno hu-maineane
Meni kanafima nagai kema havisayana nayona tamakina-gomoya amakavenoma hunatenaya
avamete hutama lamakavenona hu onateho.
16
Nayona taya Anumaya Koti kea haviteya amakavenona hutenae? Mukia Isaleli veala
Mosesea amavaleno vigeya Isipi kumala ataleya umaineya ani kavala hu-mainayane.
17
Fotia
(40) kafufina Anumaya Kotia tagamife aipa kafa hemateneane? Anumaya Kotia mukia Isaleli
veamoya kame kotega kefo yama huteya faligeno amaugafamoa ani kame kotegama hanea
veaneahe aipa kafa humateneane.
18
Anumaya Kotia tagamife agaia lokiyaage kea huno
Nagaila maifalu hisaya yaniafina agola uomaigahae. huno hu-maineane? Ani kema atagae-
mainaya veafe hu-maineane.
19
Tagaya ago havimainone agaife haviya amakupi maleya
amametitima ohunaya veala Anumaya Kotina maifalu hisaya yamaafina agola uomaigahae
huno hu-maineane.
Hipalu Hipalu
<<
33
>>
Hipalu Hipalu
<<
44
>>
4
Anumaya Koti veamoya maifalu hisaya yana aligahae.
1
Anumaya Kotia Maifalu hisaya yaniafina uomaigahae. huno hu lokiya vai-malenea
kemoa menia afaa hanegi havigu Anumaya Kotia tamakesigetama nagoa veala ani yapi
maisaya yafena kosa he otamatesigetama omaisaya yafena koli hiho.
2
Tagaya nayoma
Isaleli veamoya kema havimainaya avamete huta Yisasi kanale mono kea nehavunanagi
amakaya kanale mono kea haviyanagi haviya amakupina omalageno ani kemoa amaya
ohuneane.
3
Amaya ohunegi tagaya Anumaya Kotifena havita lagupi maleta lametiti hu-
mainona veamogata maifalu hisuna yapina haigahune. Nayona Anumaya Kotina amakaveno
hutenaya veafena mage huno hu-maineane
Nahai-vaigena hulokiya vaina tamage nehue nagaya maifalu hisaya yama malenoa yapina
agola omaitafa huya omaigahae. huno hu-maineane.
Hu-maineanagi Anumaya Kotia nayona ma mopama talo hu-maletegeno aliyamaamoa hano
hu-maineane.
4
Nago kaiyaga Anumaya Kotia agaia avopina seveni (7) molia kanahe mage
higeya kae-malenayane.
Anumaya Kotia mukia aliyamaa aligeno hano hutegeno seveni (7) molia kanale maifalu hu-
maineane. huno hu-maineane.
5
Ani avomoa nagoene mage hu-maineane
Amakaya maifalu hisaya yaniafina agola uomaitafa hugahae. huno hu-maineane.
6
Hu-maineanagi mukia nayo veamoya Anumaya Koti kanale mono kea haviteyagi akave
omalenayafe maifalu hisaya yapina uomainagi menia nagoa veamoya umaigahae.
7
Umaisaya
yafe Anumaya Kotia eteno nago kanaa maleneno ani kanahena Menima mainona kanae.
huno malene. Kasagoya kafumoa euno amakasetegeno Anumaya Kotia Teviti avayafiti
nayoma humainea avamete kea mage huno humaineane
Meni kanafima agai kema havinutama tamakavenona hu oateho. huno hu-maineane.
8
Nayona Mosese anonaa Yosuaa hetinoma mainea kanafima maifalu hisaya yama
amamineleasina Anumaya Kotia haenagaa Teviti avayafitila alu kanahena ohuneleasine.
9
Naa
hu-maineafe Anumaya Koti kema nehaviya veala Sapati kanamo hia avamete huno hanea
yapi maifalu hisaya yana hane.
10
Haneanagiya veamoya Anumaya Kotima amaminea yana
maifalu hisaya yapima visayaamoa Anumaya Kotia nayona aliyama ali hano hu-maleteno
maifalu humainea avamete huya amakaiami aliyana ataleya maifalu huya maigahae.
11
Anima
maifalu hisuna yapima umaisuna yafena taula ofaeta tokiyaage huta visune. Havigu nayo
veamoya hu-mainaya avamete kava huta Anumaya Koti kea akave omalesunana anima
maifalu hisuna yapina uomaigahune.
12
Anumayamoa haimuene ke haneanagino tokiyaage huno aliyana nealie. Ani kemoa
naepe kayomona avema aluga alugama nehanea naepemona agaseno aluya huno avenenela
humaine. Anumaya Koti kema veamogata havunageno lagupima laviana amegati mopale
yafema muse nehuna tagu tameene Anumaya Kotifema havita tametiti hu-mainona tagupiene
tavino alipanese. Taiya auaene tayamufafi nehanea taunufiene tavino alipanese. Ani kema
tagu tagesamoa nehavia yaene hayema nehia yaene kanale kava nehaagi kefo ya nehaagi
huno ali fako nehie.
13
Mukia Anumaya Koti talo hu-malenea yamoa agai aufina fala
okigahianagino mukia tagupima hanea yamoa Anumaya Koti aufina fufu yate hale-
maineanagino tahavi-gesigeta tagaya mukia yama nehuna yamo aepaa hapaigahune.
Yisasia ikapinaga hanea mono notela veamogatina hagote kava kanoti maine.
14
Yisasia ala mono notela hagote kava kanogino, Anumaya Kotiene veamogatiene
amunotifi maineno falu hu nelatea kanoa, Anumaya Koti nafanegino ikapinaga hai-
maineanagita agaifena tametitima huta hu falote nehuna yana atafa huta tokiya vailisune.
15
Kefo yama ohisuna tokiyatia omalenegi tagai mono notela hagote kava kanotimoa hauna
hulatesia kano maineanagino tagaitema mukia Kefo yana hiho. huno aye lavataga nehia
yamoa hagoteno agaila ago ayevataga hu-maineanagi kefo yana ohutafa huno ohuneane.
16
Naa hu-maineafe tagaya kayone hisuna yamaa hanea Anumayamotegama havigegahena
kolia ohisunagi avate visunageno kefo yama nehuna yafena kalagi ailateno kana yama
tagaipima hanesiana kayone hisuna yamaa nelamino taya hugahie.
Hipalu Hipalu
<<
44
>>
Hipalu Hipalu
<<
55
>>
5
Yisasia mono notela hagote kava kanogino tagu tamema aligatisia himamua
tamage huno hane.
1
Mono notela hagote kava vayala maa huya ali hetimatae. Ani kanoa afa kano
vayaamoyaene mainegeya veama hamamaesiafene huya ali hetitageno Anumaya Kotiene
veanene amunoamifi maineno Anumaya Kotina muse yamaa neamino veamoya kefo yama
hagenoa sipi sipi heno Anumaya Kotitega kae-salamana hu neateane.
2
Ani kanomoa kefo
yama hisia tokiyaa omale kano maineno kema ohaviya veanene Anumaya Koti katema
neatalaya veanenefena kea oamama-kino ako huno kea hamanepaiyane.
3
Agaia kefo
yamaahe huno Anumaya Kotima ali-talesiafe sipi sipia heno kae-salamana huteteno anile
mukia veamoya nehaya kefo yama alitalesiafene huno Anumaya Kotitega sipi sipia heno
kae-salamana hu neateane.
4
Mono note hagote kava kanomona agi hanea aliyanagiya
veamoya amakaiamige Ani aliyana aligahune. huya ohunagi nayona Anumaya Kotia
hagoteno Elonina mono note kava aliya alisia yafe alino hetitenea avamete huno meni
kanafima mainaya vayapitila alino heti neamate.
5
Alino hetineamatea kava huno Kalaisienena agaia Nagia anale hanea kano
mainoanagina mono notela hagote kava kano maigahue. huno ohunegi Anumaya Kotia agaia
Mono notela kava kano maiyo. huno ani aliyate aliheti neateno Anumaya Kotia mage huno
hapaiye
Kagaya nagai nafane mainanagena menia nagaya Negafana mainoe. huno humaineane.
6
Nagoene Anumaya Koti avopina mage huno hu-maineane
Kagaya mono note kava kanoa, Melikisetekia nayona mono note kava kanomo hu-mainea
avamete huka agola ani aliyate maige maige hugane. huno hu-maineane.
7
Yisasia ma mopafi maineno Anumaya Kotitega ke huno havige-maine. Augafama
aligatisia tokiyaama hanea Anumaya Kotitega ala kefiti ke huno falisia yafena havinegeno
tusiya avia neategeno aunumoa hu-maineanagi agaia haiya avamete kavala ohunegi Anumaya
Kotina haisia kemona havina akave maletena aiyafinaga maigahue. huno hu-maineafe
Anumaya Kotia havigea kea havimaine.
8
Havitegeno Yisasia Anumaya Koti nafane
maineanagi augafa agatama aiya yateti Anumaya Koti kema akave malesia yana age-maine.
9
Ageteno akave malelea yamo ala kanoa hapae-maineanagiya agai kema akave maleya ali
hipoya hisaya veamogamina agola maige maige hisaya yamoene amaugafa aligatisia
yamoene aepaa maine.
10
Anumaya Kotia mage huno hutene Kagaya Melikisetekima
humainea avamete huka mono notela hagote kava kano maigane. huno hutene.
Nute nafanemo avametela huta omaisune.
11
Kasagoya kea haneanagi hanaa huta tamahapaisune? Tamakaila tamaku
tamakesamoa havilama nohigetama none nane nehageta tagaya ya humaita humaita tamave-
nelune.
12
Tamakaya huge amavelige hisaya veanema maisaya kanatamia ago falote hu-
maineanagi tamaku tamakesamoa havilama ohia yafe nago kanomoa eteno nagoene
Anumaya Kotifena avoya kea hagotetama tamakupi malenaya kea eteno huge tamave-lige
hugahie. Tamakaya tokiya kavela onenagi numaage nenae.
13
Mukia veamoya numaage
nesayana osi nafane kana huya maineya fatago kavama hisuna yafema tamahapauna kea
nohaviye.
14
Nohavigi tokiyaage kavela ala veamogami kavele. Ani veamoya amakaiami kefo
auava yafeene fatago auava yafeenena fako huya ageteya kanale auava yana akave nemalae.
Hipalu Hipalu
<<
55
>>
Hipalu Hipalu
<<
66
>>
6
Tagaya tokiyaage huta maineta Anumaya Kotia alino kanale hulatesiafe agava
maisune.
1-2
Kalaisifema hagoteya huge huge hu-mainaya kehena neataleta ko hu-mainaya veane
maisune. Havigu noma atafa nehia posiage ayete yete hu-maleta maisunana nona falote
ohugahie. Ma augafa kea atalesune. Fali lavata hisuna kefo yana haneanagita neataleta tagua
aiyahae huta Anumaya Kotife havita lagupi malenona kene amaugafale amaya maleya tima
fale neamataya kene fali-mainaya veamoya hetisageno Anumaya Kotia kaiyekea humateteno
nofi humatesigeya anifi agola amakata aisia no maime haigahae huno humainea kene ani
keyagafina omaitafa huta omaisune. Ko huta ala veanema maisune.
3
Anumaya Kotia tayama
hisigetahena ani kavala higetao. Ko huta ala veala maisune.
4-5
Nagoa veamoya Anumaya
Koti hale yapina ago emaineya ikapinagati emainea muse yana ago aliteya tusia muse
nehageno Alu Aotage Avamumoa amakupina ago emainegeya ani veamoya Anumaya Koti
kema haviyana kanaleya huno hamamaegeya haenagama falote hisia kanamo tokiya yamaa
ago neagae.
6
Ani yama age-mainaya veamoya Anumaya Kotina amakaveno huteteya mukia
keama atalesayana eteya amakua aiyahae hisaya kaamia omaleneanagiya amakaiami
Anumaya Koti nafenemofena Falisie. huya yafaga yosalela nagoene maiya haeya neasaiya
agaye hisifa yana nagoene maiya nehae.
7-8
Mukia veala mopa kana huya mainageno ani mopamona Anumaya Kotia muse yana
kola amigeno mukia kanafina aino ani mopafina lavigeno ani mopafima hu-malenea
hoyafima hanea kavela mukia veane hamamaesia yafe hageanagi ani mopafima avetanafaage
inoma hagesigenofena aupaa Havi mopae. huno ata kaeno asagaligahie.
9
Nahau nayamopafi nenahaiya nenafugatama menia manima hua kemoa tusia kana ya
nelamamuanagi nagaya tamakaifena ago havimainoe Anumaya Kotina lamakavenoma hu
neataya kavala ohugahagi Anumaya Kotia tamaya huno tamaku tamamema aligati-mainea
avamete kava hugahae huna nehue.
10
Tamakaya Yisasina tamakuama amitafa hutetama
agaia anagamogamima amaya humainaya yana menia nagoene ani kavala nehae. Anumaya
Kotia fatago kano maineanagino ani aliyatamia neageno agela nokaneanagino anonaa
tamamigahie.
11
Naama haya yafena nenahaigi mukia kanafina tamakaya aniageya hutama
tamahaote tamahaote aliyana nealitama tamakupima malenaya yana atafa hu lokiya vai-
linetama Anumaya Kotima tamavalesia yafena tamametitia huge huge nehisageno me
lamavalesie.
12
Tamakaya alige atalegela ohiho. Anumaya Kotima tamavalesia yafena
tamametitia hiho. Yisasife haviya amakupi malenaya veamoya nehaya avamete hutama akave
maleho. Ani veamoya Yisasife haviya amakupi maleya amametiti huteya Naa yama
hulamategahue. huno humainea yafena mailava huya maineya aliyana nealiyafe ani kavakeya
hutama hiho.
Anumaya Kotima hulokiya vai-malenea kele tametitia hisune.
13-14
Nayona Anumaya Kotia Apalahamufena Naa yama hugategahue. huno hulokiya
vaitenea kanafina nago kanomoa Anumaya Kotina oagaseneanagino Anumaya Kotia agaia
agile Nevayanae. huno tokiyaage kea mage huno hu-maineane Tamagelafa huna nehuanagina
mukia kanale yana kagaila kamisugeya kagai kaginagomoya tusia vaya kahaeya aitagu-
fegahae. huno hu-maineane.
15
Hu-maineanagino Apalahamua mailava huno agava maineno
Anumaya Kotima Kamigahue. huno manuma aminea manua alimaine.
16
Nagoa veamoya
Anumaya Koti aufinagita tamagelafa nehune. huya nehaya kemona amakaseno hai-mainea
kanomo agilefe ani kea nehae. Veamoya kema nevaisageno nago kanomoa Anumaya Koti
aufinagina tamagelafa nehue. huno hisigeyahena nagoa veamoya kea ohuya maigahae.
17
Anumaya Kotia Apalahamufeene Isaleli veanenefena hu lokiyama vai-malea kehena Etena
alu kea ohugahue. huno hu-maineanagiya ani kema havisaya yafe Anumaya Koti aufina
tamagelafa nehue. huno humaineane.
18
Ani lole kea, hu lokiyama vai-malenea kene
Anumaya Koti aufina tamagelafa nehue. huno humainea kene oatalegahie. Ani kea
hanenageno eteno alu kea ohugahie. Anumaya Kotia havigea ohugahiafe ani kemoa
haneanagita Anumaya Koti avatema faleta umainona veamogatina tametitia atafa hulineta
tamena male falu huta maineta haenaga taugafama aligatisia yafe agava maineta mailava huta
tametitia nehune.
19
Anumaya Kotia Naa hulamategahue. huno humainea tametiti yamoa tagu
tamena aligatisia yanagino nofi kana huno ikapinaga haitegeno nago kena asai-maleteya
asama hu-malenafinaga alu aotage nopinagagino haino atafa huligeno tokiyaage humaine.
20
Hu-maineanagino Yisasia tagai taya hugahe hagoteno ani ikapinaga hanea nopinaga
haifale-maineanagita tagaya haenaga haigahune. Yisasia Melikiseteki humainea avamete huno
mono notela hagote kava kano maineanagino agola maige maige huno ani aliyatela aligahie.
Hipalu Hipalu
<<
66
>>
Hipalu Hipalu
<<
77
>>
7
Melikisetekia ala agi hanea kanoe.
1
Apalahamua kasagoya sauve vayayagaene tua huno hamaeno falimateteno kumaalega
eteno ugahe vilegati Melikisetekiene katega mo fotu humaine. Ani Melikisetekia Salemu
kumate sauve kano maineanagino, mukia yana amakaseno hai-mainea Anumaya Koti mono
note kava kanogino Apalahamuene katega mo fotu huteno kanale manua amine.
2
Amitegeno Apalahamua tuma hifiti alia afenona alitalu huteno tenia (10) hetama vai-malefiti
nago hetama Melikisetekina amine. Melikisetekie agimoa tagai kefina Fatago kavakeya nehia
sauve kanoe. huno humaine. Salemu kumale haya agimoa tagai kefina Aipamoa falu
humainea sauve kanoe. huya hu-mainayane.
3
Melikisetekina itaafoamogani anakiene
aginagomogami amakiene atenea kanaene fali-mainea kanaheenena Anumaya Koti avopina
okaenagi Anumaya Koti nafanemo avamete huno mono note kava kanogino agola maige
maige huno nemaiyane.
4
Tamakaya tamakesa haviho ani Melikisetekia ala kano maineanagino Apalahamua
hagote laginagomoa tuma hu-mainefiti ali-mainea afenona tenia (10) hetama vai-malefiti nago
hetama Melikisetekina amineane.
5
Livai anagapiti mono note kava vayala ali hetimatageya
mainaya vayamogamina Isaleli vayamoya kahegi kea akave maleya malenaya yapitila tenia
(10) hetamafiti nagoke hetama neamafugamina amaminayanagi ani vayamoya Apalahamu
nafaneyaga mainayanagiya amakaiami neamafuya mainayane.
6
Mainayanagino Melikisetekia
Livai anagapitila falote ohunegi Apalahamua tenia (10) hetamafitila nagoke hetama amigeno
Anumaya Kotia Kanale yama hugategahue. huno hu-teneanagino Apalahamuna Melikisetekia
kanale manua amineane.
7
Amineanagita tagaya ago havimainone manuma aminea kanomoa
anale haino maigeno manuma ali-mainea kanomoa agai aiyafinaga osi vaya kana huno
maine. Naa hu-maineafe Melikisetekia Apalahamuna agaseno ala kano maine.
8
Tenia (10)
hetama malenafitila nagoke hetama mono note kava vayamoya ali-mainaya vayala fali
vayakeya mainagi Melikisetekia tenia (10) hetamafitima nagoke hetama kanoa ali-mainea
konomofena Anumaya Koti avopina Agaya ofalino afaa maine. huno hu-maineane.
9-
10
Melikisetekia Apalahamuene kategama mo fotu huteno tenia (10) hetamafitima nagoke
hetama aminea kanafina Livaia falote ohunegi Apalahamuna augafafinaga mainea
kanafinagita tagaya mage huta hugahune Livaia, nagoke hetama ali-mainea kanogino
Apalahamuma nagoke hetama Melikisetekima amineana Livaia Apalahamu augafafinaga
mainegeno amineane.
Haegafa mono note kava kanomoa nayo mono note kava vayamogamina amakase-
maine.
11
Anumaya Koti kahegi keleti Livai nofi vayala mono note kava vayale huya ali
hetimatageya ani vayamoya mono note aliyana nealiya sipi sipia hageno kolamaamoa taki-
lavia yateti Anumaya Kotia mukia veafena Fatago veane mainae. huno hu-maineleasina alu
kava kanoa falote ohileasinagi Yisasia ago falote huno Melikiseteki avamete hu-mainegi
Eloni nofi vaya avametela ohune.
12
Nagi hagote mono note kava vayamogamima
amatalesayana kahegi keamienena neataleya alua kahegi kemo akave malegahae.
13
Mani
kema humainea kanoa, Anumayatimoa alu nofi kano mainegi nagoa vayamoya agaia nofi
vayapitila mono notela kava vayala omainayane.
14
Omainayanagita tagaya ago havimainone
Anumayatimoa Yuta nofi vayapiti falote hu-maineanagino Mosesea ani nofi vayafena Mono
notela kava vaya maiho. huno hu oamateneane.
15
Haegafa mono note kava kanoa, Yisasia, alu kanogino Melikisetekiene nago avamete
huno falotema hiana Livai nofi vayala mono note kava aliyamona ago amakase-mainea
yafena ago havilinone.
16
Kahegi kemo akave maleya Livai nofi vayapitila mono note kava
aliyana ali-mainayanagi Yisasia hano ohisia haimumo tokiyaleti hetino mono note kava
aliyana ali-maine.
17
Anumaya Koti avopina Yisasifena mage hu-maineane
Kagaya mono note kava kanoa agola ani aliyatela maige maige huka Melikiseteki avamete
huka maigane. huno hu-maineane.
18-19
Nayoma hanea kahegi kemoa tayama hisia tokiyaa omalegeno ago ali-talene. Veamoya
ani kahegi kema mukia akave malesaya tokiyaamia omalegeya Anumaya Koti aufina fatago
veanea omainayanagino Anumaya Kotia menia tusia kanale tametiti hisuna katia ago
valilateneanagita ani kateti Anumaya Koti avatela neone.
20
Anumaya Kotia Yisasifena Mono note kava kano maiyo. huno afaa alino heti
oatenegi Nagaya nevayanae tamagelafa huna ali heti negatoe. huno humaine. Hu-maineanagi
nayona veamoya Mono note kava vaya maiho. huya ali hetimatenaya kanafina Anumaya
Koti aufina tamagelafa huta ali heti nelamatone. huya ohunayane.
21
Ohunagi Anumaya Kotia
agaia Nevayanae. huteno Yisasina mono note kava kanoa ali hetiteteno mage huno hapai-
maineane
Anumayamoa mage huno humaine Nevayanae tamagelafa huna kahanepauve kagaya mono
note kava kanoa agola maige maige huka maigane. huno hu-maineanagino agu
agesa aiyahae huno alu kea ohugahie. huno hu-maineane.
22
Hu-maineafe tagayama havisunana Yisasia kefo yatihe huno faliteno heti-mainea yateti
Anumaya Kotia alino haegafa hagelafi-latenea kemoa nayoma alino hagelafi matenea
kemona agase-maine.
23
Mono note kava vayala nayona kasagoya mainayanagiya ago falitageya alu
vayamoya ani aliyaamia ali-mainayafe kasagoya ani aliya vayala mainayane.
24
Mainayanagi
Yisasia agola ofaligahianagino haimuene kanogino mono note kava kanoa agola maige
maige huno maigahie.
25
Maineno Anumaya Koti avatema neaya veanema hamamaesia
yafena mukia kanafina Anumaya Kotitega ke huno havinegeafe mukiamoya agai agilema
Anumaya Koti avatema neaya veamogamina amaku amamena ali negatie.
26
Yisasia mono notela hagote kava kanogino alu aotage kano maineanagino nagoke
kanoa kefo yamaa omale kanoe. Aguafina oniya yamaa omaleneanagino kefo yama nehaya
veala amakasegeno ame anale avaleno ategeno maineafe kanaleya huno taya nehie.
27
Nayona mono notela hagote kava vayamoya mukia kanafina sipi sipi heya kae-salamana
huya Anumaya Kotina neamiyane. Neamiya hagoteya amakaiami kefo yaamima ali-
talesiafene huya Anumaya Kotina amiteya anile mukia veamogami kefo yaamima ali-
taleseafene huya haenaga aminayane. Aminayanagi Yisasia agaia kefo yamaa omaleanagi
nagoke yupa kanoa veamogami kefo yafene huno yafaga yosale fali-mainea yupa agaia
augafa hakino Anumaya Kotina amiteno kae-salamana huteneane.
28
Nayona kahegi kemoa
mukia kanafina kefo yama ohisaya tokiyaamima omalenea veamogamifena Mono notela
hagote kava vaya maiho. huno alino hetimateneanagi haenagaa Anumaya Kotia tamagelafa
huno Nevayanae. huno hu lokiya vaiteno agaia nafanehena Mono notela kava kano maiyo.
huno ali hetiteneanagino ani kanomo agupina fatago yamoa hiya huno kosa hetegeno
maineanagino aniageya huno agola maige maige hugahie.
Hipalu Hipalu
<<
77
>>
Hipalu Hipalu
<<
88
>>
8
Yisasia hagote mono kava kanoa ikapinaga maine.
1
Manima hua kemo aepamoa maa humaine tagaila mono notela hagote kava kanotia,
Anumaya Kotiene veamogatiene amunotifi maineno yuna helatesia kano maineanagino
ikapinagama haiyana Anumaya Kotina tamaga kaiyagaa hanea siale kava vaya mainalaga
maine.
2
Maineanagino Anumaya Kotina alu aotage nomaafi maineno aliyana nealie. Ani
nona Anumaya Koti alu aotage notafamaa haneanagino veamoya okinagi Anumaya Kotia
agaia kimalene.
3
Mono notela hagote kava vayala ali hetimatageya Anumaya Kotina muse yamaaene
sipi sipiene heya kae-salamana hutenae. Hutayanagi Yisasienena nago muse yana amigahe
higeya yafaga yosale nili heya asaigeno ani muse yana agaia augafa hakino amine.
4
Mono
note kava vayala Livai nofi vayalagiya kahegi kea akave maleya Anumaya Kotina muse
yaamia aminayanagino Yisasia ma mopafi maineleasina mono note kava kanoa
omaileasinagi ikapinaga maineno ani aliyana maino nealie.
5
Mono note kava vayamoya
mopafi maineya aliya aliyamoa Anumaya Kotina ikapinaga hanea mono nomona amemaa
kana huya taveli-mainae. Ani yafe Mosesea kenaleti mono noma kigahema higenoa
Anumaya Kotia mage huno hapai-maineane
Kagaya agoyafima kaveli-mainoa yana agelama huteka mukia yana aniageya huka talo huo.
huno hu-maineane.
6
Higeno Kalaisia aliyamoa mopafi maineya mono aliya vayamogami aliyana amakase-maine.
Yisasia Anumaya Kotiene mopafi veanene amunotifi maineanagino Anumaya Kotiene alino
hagelafi-latene. Ani haegafa kemoa nayoma alino hagelafi-matenea kemona agase-maine.
Menia Anumaya Kotia Tusia kanale yama hulamategahue. huno huteno haegafama hulokiya
vai-maleneanagino nayona Ma yama hulamategahue. huno humainea kemona ago agase-
maine.
Haegafama alino hagelafi-latenea kemoa hagoteno alino hagelafi-matenea kemona
akase-maine.
7
Hagotenoma alino hagelafi-matenea kemona veamoya akave malesaya tokiyaamima
haneleasina Anumaya Kotia haegafama alino hagelafi-latesia kea ohileasine.
8
Ohileasinagi
Anumaya Kotia veamoya kanale kavama ohaya kavaamia ali falote humateno mage huno
hu-maineane
Haenagaa nago kanafina Isaleli nofi veanene Yuta vea omainaya veanene haegafa alina
hagelafi-matesua kea hugahue.
9
Isipi kotegati Isaleli veamogami amakinagomo-
gamina amavalena uaamona nagola hagelafi-mate kea hamapauvanagi ani kea
akave omalaya yafe Tamahaote yatamie. huna nakaveno humatenoane.
Humatetena menia haegafa kema hisua kemoa nayo kemoma humainea avametela
ohugahie.
10
Ani kanamoa hano hutesigena Isaleli veamogamina haegafa alina
hagelafi-matesua kea amamigahue. Ani kemoa maa humaine kahegi kenia
amakesafinaga maletena amakupinaga kae-maletena Anumaya Kotiami maisugeya
nagai nafaneyaga maigahae.
11
Ani kanafina mukia veamoya osi veanene ala kava
vayaene nagaifena havilama hugahayanagiya nagoke nagoke veamoya
neamafuyaenefe amakanaamimoyaenefena Anumayamofena havilama hutama
haviho. huya hamaopaigahae.
12
Na yafe nagaya kefo yaamia aigeamatena
atalematetena nagoene ohavigahuanagina nagekani-talegahue. huno Anumayamoa
hu-maineane.
13
Menima alino hagelafi-matenea kemofena Haegafa ke. huno humaineafe hagotenoma alino
hagelafi-matenea kemoa ago atafa-lemaineanagino hano hutafa hugahie.
Hipalu Hipalu
<<
88
>>
Hipalu Hipalu
<<
99
>>
9
Mono notela hagote kava vayamoya sipi sipimo kolateti kae-salamana hu
neatayane.
1
Anima hagoteno alino hagelafi-matenea kefina Anumaya Koti agima alisaga huya
ayegeyege hisaya yafeene ma mopafi hanea alu aotage mono nofena kahegi kea maleneane
2
Ani yugu nomoa maa huno hane. Kumategati hai nefalaya nopina aivasa hisia alamuene
Anumayamoma amisaya maya alu aotage kaihame kana maya nemalaya folamoene
hanegeno ani nofena Alu aotage none. huya hu-mainayane.
3
Ani yugu nopina kenaleti anale
maleya asa hu-maleneya nago kaiyaga hunalagi-maleneya ame kaiyagahena Tusiya huno alu
aotage none. huya humainae.
4
Ani nopina kanileta yafana miyamaamoa hai-mainea yafateti
talo hu-malenaya folamoa haneanagiya ani folamole kimamufa kana huno manaage yana
negayaya folamoe. Anile Anumaya Kotia alino hagelafi-matenea kema hanea pokisia
haneane. Ani pokisia kanileta yafateti talo hugagi-male pokisie. Ani pokisimo agupinaga
Eloni ayopalema agusasi aye-mainea ayopaene Anumaya Kotia nayoma alino hagelafi-
matenea kema kae-malenaya yafatalaene kanileta yafateti talo humale keayola haneane. Ani
keayopina ikapinagati elavi-mainea kavemo agia manae huno haneane.
5
Ani pokisimo
avayalela kafuahe kafuahena nagoke yupa veamoya Anumaya Kotia kefo yatima aye hami-
latesiafene. huya hageno mono notela hagote kava kanomoa sipi sipimo kolana alino ailake-
take hunemaleane. Ai-laketake hu nemalea avayalela tole kanileta yafateti talo hu-malenaya
yana ensole vaya kana kanolatanagino Anumaya Koti tokiyaage hale yamaa tavelisia
kanolatanagiana auvaiana mainaanagina menia ani yamona aepaa hufalote huna ohugahue.
6
Ani yayaga talo tala hu-maleteya mono note kava vayamoya mukia kanafina
kumategati hai nefaleya nemaiya nopi haiya aliyaamia alimainae.
7
Alimainayanagi mono
notela hagote kava kanomoa agaiage noagupinaga analema kenaleti asa hu-maleneya
hunalagi-malageno ame kaiyaga kafuahe kafuahena nagoke yupa kanoa unefaleane. Havigua
afaa novianagi sipi sipimo kolaene alino nehaiyane. Ani kolana agaiama kefo yama humainea
yama aye hamisiafene huno pokisilela ailake-take hu-maleteno haenaga mukia veamogami
kefo yaamima Anumaya Kotia aye hami-talesiafene huno ani kolana alino taki-maine.
8
Naama hu-mainea yafena Alu Aotage Avamumoa maa huno tave-nelie kenaleti anale asa
hu-maleneya ame kaiyaga nopinaga afa vayamoya nohaiyanagino ani kanafina vayamoya
Anumaya Koti avatela hai-falesaya kaamia yaufa ovalineane.
9
Naama humainea yamoa
avame yanagino meni kanafima maineta havisuna kea taveli-maine. Veamoya muse yama
neamiya kefo yaamima aye hami-talesiafene huya sipi sipia heya Anumaya Kotina
aminayanagi mukia ani veamogami amakula alino fatago hu oamatenea yafena taveli-maine.
10
Taveli-maineanagi Anumaya Kotia haegafa kea yaufama ali falote ohunea kanafina
hagotenoa ani kanafima hanea kahegi kemoa amega amaugafamofekeya huya kavema
nenaya yaene tima nenaya yaene amaugafalema tima nefalaya yafeene humaine.
Yisasia falia kolamo kefo yatia agola aye hami-talene.
11
Kalaisia ago evayi huno mono notela hagote kava kano maisiafe ikapinaga hanea
nona, tusiya huno alu aotage nona, nayo nomona agase-mainea nopinaga, haifale-maineno
taminea kanale yatela yagai-maine. Ani nona ma mopafi nona omaleneanagiya mopafi
vayamoya ani nona okinae.
12
Ani alu aotage nopina Yisasima haiyana mememo kolaene
pulamaka nafanemo kolaene alino ohainegi agaia kolamaa nagoke yupa ailaki-maleteno hai-
maine. Kefo yatimo aigagi-lateneanagi ani yapiti agola tavalesiafene huno miya hulateteno
agaia kolana ailaki-maleno hai-maine.
13
Nayona Isaleli veala fali-mainaya veamogami
amaugafaleene kele amamu amale-mainea veamogami amaugafaleene amatafa haya yamo
Anumaya Koti aufina amaugafamona alino oniyaage humainae. Higeya mono note kava
vayamoya mememo kolaene ve pulamakamo kolaene a pulamakaene heya kae-salamana
huya atafi kaeteya tanefaene aliya anima oniyaage humainea amaugafale aihatali hatali
humatageno Anumaya Koti aufina amega amaugafamoa kanale hu-maineane.
14
Ani yamoa
amega amaugafamona alino kanale humateanagi Kalaisi kolamoa hulatenea yanagino tusiya
huno agase-maine. Kalaisia kefo yamaa omaleneanagino agola maige maige nehia Alu
Aotage Avamumoa aya higeno agaia augafa hakino Anumaya Kotina amine. Amineafe agaia
kolamoa amega taugafaageya aye ohaminegi taguafima hanea kefo yamoa tahaeno falilatesia
kefo yana, aye hami-talegeta tagaya menia maige maige huno mainea Anumaya Koti aliya
veane mainone.
Kalaisi kolamoa haegafa alino hagelafi-latenea yamona ali lokiya vai-malene.
15
Mukia Anumaya Kotia kema higeya agaialegama umainaya veafena Anumaya Kotia
Maa tamahaimu tamamigahue. huno hu-maineanagino maige maige hisaya hamaimu
alisayafene huno Kalaisia Anumaya Kotiene veanene amunotifi maineno haegafama alino
hagelafila-tenea kemona ali lokiya vai-malene. Nayoma alino hagelafi-matenea kema akave
malenaya veamoya kefo yama hu-mainaya yaamimoa aigagimategeya mainaya nofipiti
amavayu hisiafe miyana ataleno Kalaisia fali-maine.
16
Nago kanomoa faligahema nehunoa manua amino Falisugetamahena ma yania
aligahae. huno hu lokiya vai-maleneanagi ani kanoma ofalisigeyahena oaligahae.
17
Oaligahagi veama falisageyahena hu lokiya vai-malenaya keamimoa tamage huno falote
nehie. Anima hu lokiya vai-malenaya kema humalenesaya veama ofaliya afaama maisayana
hu lokiya vai-malenaya keamimoa afa ya kana hugahie.
18
Ani yamo aepamoa maa humaine
sipi sipia hegeno faligeno ani sipi sipimo kolamoa taki-lavigeno hagotenoma alino hagelafi-
matenea kemoa falote huno tamage hu-maineane.
19
Nayona Mosesea mukia kahegi kea
mukia veala hamapaiteno pulamaka nafanemo kolaene mememo kolaene titafaene ali havigu
huteno nagola manaage inomo agia hisopua aliteno hisopulela sipi sipimo ayolagefa hiku
kana huno maleno kiteno kahegi kemo avoene veanene hisopuleti kolapina ayeteno aihatali
hatali humate humate hu-maineane.
20
Naa nehuno mage huno hu-maineane Ani kolamoa
Anumaya Kotima alino hagelafi-lamatenea kemona alino tamagegeyama hisiafene huna
takinelamatogi ani kemona akave maleho. huno hu-maineane.
21
Ania huno Mosesea kolana
alino yuguletima kimale mono noteene ani nopima aliyama nealiya yayagaleene aihatali hatali
hu-maleneane.
22
E, kahegi kemoa mage huno hu-maineane Kasagoya yamoa oniyaagema
humainea yana kolateti alino aye haminageno oniya ohugahie. Kolamoa takema hu
otavineleasina Anumaya Kotia kefo yatia aigetateno atale oatateleasine.
Yisasia kefo yatima aye hami-talesiafene huno augafa hakino fali-maine.
23
Ma mopafi yama ikapinaga hanea yamo avame ya kana hu-maineanagino ani
yayagama aye hami-talesiafe sipi sipia hageno kolamaaleti aye hami-taleneanagi sipi sipi
kolamoa ikapinaga hanea yana aye hami oatalegahigi nayo yamona agase-mainea yana
Yisasi kolatetike ikapinaga hanea yana aye hami-talene.
24
Ikapinaga tama notafama tavelisia
avame ya kana mono nona, ma mopafi veamoya amayateti kimalenaya mono nopina
Kalaisia hai ofalenegi ikapinaga tama notafapi fatago huno hai fale-maine. Hai faleno
maineno menia Anumaya Koti aufina tagaima taya hisia yafe maine.
25
Kafuahe kafuahena
mono notela hagote kava kanomoa Anumaya Kotifema muse hutegahena kolana alino alu
aotage nopina hai-maine. Ani kolana agaia kola nomagi Yisasia kafuahe kafuahema agaia
fali-mainea kolana alino ikapinaga ohainegi nagoke yupa kanoa faliteno agaia kolana amine.
26
Kalaisia kafuahe kafuahema amileasina mukia kanafina ehema Anumaya Kotia ma
mopama talo humalenea kanaleti aepa heno augafa agata aino falige falige hileasinagi. Aao
menia ma mopama hano hisia kanamoa aupa nehigeno Kalaisia nagoke kana kanoale ma
mopafina falote huno tagaila kefo yatima ali-talesia yafe agaia fali-maine.
27
Ania huno
Anumaya Kotia Mukia veanea nagoke yupa kanoa falitesagena kaiyekea humategahue. huno
humaine.
28
Ania huno Kalaisia nagoke yupa kanoa kasagoya veamogami kefo yaamima aye
hami-talesia yafe faliteno agaia kolana Anumaya Kotina amine. Amineanagino haenagaama
eteno enunofena kefo yatima ali-talesia yafena omegahigi agai agavama nemaisaya
veamogami amaugafa aligatisia yafe egahie.
Hipalu Hipalu
<<
99
>>
Hipalu Hipalu
<<
10 10
>>
10
Nayona afuma heya Anumayamoma muse yama neamiya yamoa kefo yatia ali
oatalegahie.
1
Mosese kahegi kemoa kanale yana haenagama falote hisia yamo avame ya kana huno
laveli-maineanagi ani kahegi kemoa ani kanale yana omalene. Omaleneanagino kahegi kemoa
Anumaya Kotifena kafuahe kafuahe nagoke augafa kava hutama sipi sipia hetama amiho.
huno hu-maineanagi ani yamoa Anumaya Kotitegama neaya veamogamina alino kanale hu
oamateneane.
2
Sipi sipima heya kolamaa takiyaamoma veamogamina alino kanale
humateneleasina eteya nagoenena nago sipi sipia heya kolana ai otakileasine. Anumaya Koti
agima alisaga nehaya veamogamina hagote kanafina sipi sipi heya ailakiya kolamo kefo
yaamima ayehami-taleneleasina Ayenio nagupina kefo yania hanea yafe kana ya nenamie.
huya ohaleasine.
3
Ohaleasinagi kafuahe kafuahena afuma heya kolamaa ailaki-mainaya
kanafina Nagoene kefo yatia hane. huya hu-mainayane.
4
Aepaamoa maa humaine ve
pulamakamo kolamoene mememo kolamoenena tamagelafa huno kefo yana aye hami
oataleneane.
5
Ani yafena Kalaisia ma mopafima emainea kanafina Anumaya Kotifena mage huno
hu-maineane
Muse yaene afuma heya kolamaa takiya negamiya yafeenema okahainagenahena nago ya
kamisua yafene huka nagai naugafa talo hu-malenane.
6
Afuyaga mukia atafi
kaesagali-taleya negamiya muse yaene kefo yama aye hamisiafene huya afuma
heya kolamaa takiya negamiya yaenefena kagaila okahaune.
7
Nagaya Yisasina
anile mage huna nehue Veha Anumaya Kotiga nagaya ago emainoe. Nayona
nagaife huya avopina kae-malenaya kemoa falote hisiafene huna nagaya kagaima
kahaisia yana hugahe ago emainoe. huno hu-maineane.
8
Kahegi kemoa Maa hiho. huno humainea kehe Yisasia hagoteno mage humaine Anumaya
Kotiga muse yaenema afuma heya kolamaa takiya negamiya kavafeene afuyagama mukia
atafi kaesagaliya negamiya kavaenefena okahaigeka musena nohane. huno humaineane.
9
Hutenoagi nagoene mage humaine Anumaya Kotiga nagaya kagaima kahaisia kavala
hugahe emainoe. huno hu-maineane. Ani kema humainea kemoa hagote auava yana ali
neataleno haegafama falote hia yamona alino tokiyaage huno ali heti-malene.
10
Naa hu-
maineafe Anumaya Kotina nehaiya yanagino, maa humaine Yisasi Kalaisia nagoke yupa
kanoa agaia augafama hakino amiteno fali-mainea yateti tagaya ma mopafi veamogatina kefo
yatia aye hami-talegeta tagaya agaila alu aotage veanea menia mainone.
Yisasia fali-mainea yateti kefo yatia agola aye hami-talene.
11
Mukia mono note kava vayamoya kanaaene kanaaene hetiya aliyaamia nealiya afua
heya kolana takime lakime hai-mainayanagi ani yamoa kefo yaamia ali oataleneane.
12
Ali
oatalenegi Kalaisia nagoke yupa kanoa augafa hakino Anumaya Kotina amiteno fali-mainea
kolamoa agola mukia kanafima nehaya kefo yana aye hamitalegeno Anumaya Kotina tamaga
kaiyagaa ala vaya mainalega hanea siale haino maine.
13
Maineno Anumaya Kotia kame
vayaama aiyafinaga amatesigeya Kame hugatonageka tagase-mainana kanomogae. huya
hisayafe agava maine.
14
Nagoke yupa kanoa faliteno Anumaya Kotina kolamaa aminea
yateti mukia alu aotage auava yama hisaya tokiyama amaminea veafena Fatago kavakeya
hutama agola maige maige hisaya veane mainae. huno humatene.
15
Alu Aotage Avamumoa ani kelamage kea hagoteno mage huno tahapai-maine
16
Anumayamoa mage huno hu-maineane Haenagaa amakaila haegafa alina hagelafimatesua
kea amamitena nagainia kahegi kea amakupinaga maletena amaku amakesafinaga
kae-malegahue. huno hu-maineane.
17
Kefo yaamiheene kema neatagayaya yaamienefena havina nagekani-talegahue. huno hu-
maineane.
18
Anumaya Kotia kefo yatihema huno aigetateno atalelatenea yafena nagoene kefo yama aye
hamitalesie huya afua heya kolamaa takisaya aliyana omalene.
Tagaya tametiti huteta Anumaya Koti avatela umaigetao.
19-20
Nayona vayamoya mono nopina kenaleti asa hunalagi-maleteya Ame kaiyaga alu
aotage nopinagagitama ohaigahae. huya hu-mainayanagi Yisasia ani kena aye hatata huno
hai fale-maine. Anima aye hatata humainea kenamoa maa humaine. Agaia augafagino ania
huno aye hatata hu-maleteno katia vali-malene. Menia ani haegafa katia tahaimuma tamisia
kapinagita Anumaya Kotitegama ke huta havigesunafe hai falegahune. Naa hu-maineafe
nafunagana-gatama Yisasi kolamoa ayenalagi-malenaya kena ago ayehatata hu-
maleneanagita Anumaya Kotima mainea alu aotage nopina kolia ohuta afaa hai falegahune.
21
Yisasia mono notela ala kava kanoti maineno Anumaya Koti veamogatia kava yagai
nelate.
22
Na yafe tole lagesa ohavita Anumaya Kotife havita lagupi maleta tametiti hu-
mainonafe taugafamona nunu alagaage humainea titeti sese hu-lateneanagita Anumaya Koti
avatela umaigetao. Yisasi kolateti tagupina aihatali hatali hu-malegeno oniyaagela
ohuneanagita tagupina Kefo yama huna yamoa hane. huta havita kana hisuna yana ago ali-
talene.
23
Anumaya Kotia Maa yama hu-lamategahue. huno hu lokiya vai-malenea kemoa ani
yana tamage huno hugahie. Tamage huno hu-maineafe tametitia nehune. huta hu falote
nehuna kehena tole lagesa ohavisunagi tokiya vaita atafa hu-lisune.
24
Tagesa havi havi huta
tafu-tagana-gamifena hamau amayamopafi hamaisia yafeene kayone kavama hisaya yafeene
ali hetimatesunageya tagaila ania huya ali hetilatesae.
25
Yisasi kema havigahema tafu-
taganayaene melitaluma nehuna yana oatalesune. Nagoa veamoya ago atalenayanagi tagaya
oatalesune. Yisasia eteno kaiyekema me hulatesia kanamoa ago aupa hu-mainegi melitalu
hutama Tamaku tamamena ali lokiya vaitama maiho. huta hamapaisune.
Anumaya Koti nafanea takavenona hu oatesune.
26-27
Anumaya Kotina kelamageama havilama hutetagi eteta neataleta Nahaiya kava
hugahuema. nehuta kefo yama hume hume nevisunagenofena nago kanoa eteya haesageno
falinageno kolamaamoa taki lavisia yamoa ani kefo yatia nagoene aye hamisia aliyana
omalegi. Anumaya Kotia kame vayaamogamina tusia atafi amatesigeno teno fanane hisigeya
hikanufa vaigahayafe Anumaya Kotia kaiyekema hulatesia yafena tusiya huta kolia hisune.
28
Nagoa veamoya Mosese kahegi kema ali tagayageyahena tole vayapi tagufa (3)
vayamoyafi ageteyama hu falote hutayana ani veafena hamauna hu oamateya hamayageya
fali-mainayane.
29
Fali-mainagi tamakaya na tamakesa nehaviye? Anumaya Koti
nafanemofema amakaveno huteteya ali haviyama hutenaya veamoya alisaya anonaamia tusia
kana yana haneanagiya aligahae. Kalaisima fali-mainea kolamoa alino hagelafi-latenea
kemona aepaa hanea yafena nagoa veamoya alu aotage veale huya hu neamatayanagi ani
veamoya ani kolafena Afa yane. huya huteteya kayonema hisuna yama nelamia Alu Aotage
Avamumona hu-haviya hu neatayanagiya anonaamia aligahae. Mosese kahegi kema ali
neatagayaya veamogamina amakaseya tusia havi kayo aligahae.
30
Anumaya Kotina tagaya
age-mainonagino mage huno hu-maineane Kefo yama nehaya veamogamina anonaamia
kayoma amamisua yana nagainia yane. Nagoene mage hu-maineane Anumayamona nagaini
veamogamina nagainia kaiyekea humatetena alina fako hugahue. huno hu-maineane.
31
Haimua hanea Anumaya Kotia kaiyekea hulateno kayo kevema tamisia yafena tusia koli
hisuna yana hane.
Tametitile hetita lokiyaage hisune.
32
Nayona Yisasi kanale mono kema havitageno aye halelamategetama mainageno kana
yama falote higetama tusia kana yana aliyanagi mai lokiya vaitama mainae. Ani kavama hu-
mainaya yafena tamakesa ali hao hutama maiho.
33
Nagoa kanafina mukia veamogami
amaufina tamakia hu-haviya nehuya tamakaila ali haviya hulamatenae. Naa nehuya nagoa
kanafina ania huya havi kavama humataya nelamafu-gamima amaya hisaya yafena nagopi
ailokaetama mainetama ani kana yana ali-mainae.
34
Ali-mainagi Yisasi kema havilinaya
anagala amavaleya nofipi amatagetama amakaifena tamahau humatetama amaya nehageno
kame vayamoya ayaamoya nagoa afeno yatamima musufayama hagetama mage nehae Afa
yanagi tagaiti yana tusia yanagino ikapinaga hanege hanege hisia yatia hane. hutama muse
yapi nemaiyane.
35
Nemaiyafe menia tamakupima malenaya yana oataletama tamakuamoa
kolia ohisigetama tokiyaage hutama maiho. Naama hutama maisayana Anumaya Kotia muse
huteno tusia muse hisaya yana tamamigahie.
36
Tamamigahianagi ako hutama mai lokiya
vaitama mainetama Anumaya Kotina haisia kavakeyama hisayana Anumaya Kotia Ma yama
hulamategahue. huno hu lokiya vai-malenea yana hulamategahie.
37
Ani yafena Anumaya
Koti avopina mage huno kae-maleneane
Anima esia kanomoa aupa kanafi ago egahie. Agava omaigahianagino aupa kanafi ago
egahie.
38
Anumaya Kotia mage huno hu-maineane Fatago veane mainae. huna
humatenoa veamoya nagaifema haviya amakupi maleya amametiti hu-mainaya
yateti mai kanale huya maigahae. Maigahayanagi etenoma koli huno nagai kema
atalesimofena musena hu oategahue. huno higeya avopina kae-malenayane.
39
Tagaya koli huta agai kea ataleta agola taugafa tagata aisia ata tegelege hisia kumate visuna
veanea omainonagi Yisasife havita lagupi nemalonanagino tagu tamena aligatisigeta agola
maisuna veane mainone.
Hipalu Hipalu
<<
10 10
>>
Hipalu Hipalu
<<
11 11
>>
11
Tametiti yamona aepaae.
1
Anumayamofema havita lagupi maleta lametiti hu-mainona yamoa maa humaine
Tagaitima tametiti nehuna yana aligahune. Noagona yana haneanagita tamage agegahune.
huno humaine.
2
Nayona veamoya haviya amakupi maleya amametiti hu-mainayateti
Anumaya Kotia Kanale veane mainae. huno humateneane.
3
Havita lagupi maleta lametiti hu-mainona yamoa maa humaine Anumaya Kotia ke
nehigeno ikaene mopaene falote humaine. huta ago havilinone. Oagetafa hu-mainona yateti
menima neagona yana talo humalene huta tagupina malenone.
Epoloaagi Inokuagi Noaagi huya Anumayamote amametitia humainae.
4
Epoloa Anumaya Kotife havino agupi maleno ametiti humainea yateti kanaleya huno
Anumaya Kotina sipi sipia heno kae-salamana huno amigeno Anumaya Kotifema havino
agupi malenea yafena Anumayamoa Kanale ya hane. Fatago kano mainane huna hu negatoe.
huno hu-maineane. Epoloa nayona maineno fali-maineanagi Anumaya Kotife havino agupi
malenea yamoa meni kanafina ani kehena tahanepaiye.
5
Inokua Anumaya Kotife havino agupi malenea yateti Anumaya Kotia Havigu
faliyafene. huno avalegeno ikapinaga hai-maineane. Haitegeya mukia veamoya Inokufena
atiyegetayana Anumaya Kotia ago avalegeno vigeya augafa oagenae. Inokua afaama mainea
kanafina Anumaya Koti aufina haiya kavakeya hu-maineane. huya humainae.
6
Anumaya
Koti avatema nevaya veamoya hagoteya ma kea haviya amakupi maleya amametitia hisae
Tamage huno Anumaya Kotia maineanagino havigesuna yana tamigahie. huya hisae.
Hugahayanagi agaifema haviya amametitima ohisaya veamogamifena musena nohie.
7
Anumaya Kotia Noana haenagama falote hisia yana, Noaa oagenea yafema
hapaigenoa Tamage nehane. huno amayo aiteno havino agupi maleno ametiti huteno agaia
afamo kanoa hamaoke hesiafene huno Anumaya Koti kea akave maleno tipi kalea talo
humaine. Naa hu-maineafe Anumaya Kotifema havino ametitima hia yana Anumaya Kotia
ageteno Fatago kano mainane. huno huteneane. Huteneanagino mukia ma mopafi mainaya
veamoya Anumayamofema haviya amakupi omalaya auavaamia Noaa ali fufute maletegeno
Anumayamoa ani veamogamifena Kefo ya humainae. huno anonaamia amamigeya fali-
maine.
Apalahamugani Salagania Anumayamote anametiti humainae.
8
Anumaya Kotia Apalahamufena mage huno humaine Kumakaa neataleka kamisua
mopalega vuo. huno higeno Apalahamua ani mopalegama visia kamona oageneanagi
Anumayamo kea havino agupi maleno ametiti huteno akave maleno hetino umaine.
9
Anumaya Kotima Kamigahue. huno humainea kehena havino ametiti huteno ani mopale
umaineno natu veamoya nehaya kava huno kanale nona kino omainegi yugu no kino maine.
Anumaya Kotia Na mopa tamamigahue. huno hulokiya vai-malenea mopale nafaneamoa
Aisakiene agehoamoa Yekopuene ania huya yugu no kimaleya mainayane.
10
Anumaya
Kotia agesa haviteno tokiyaage noyaga hanege hanege hisia posileti ikapinaga kimalene. Ki-
maleneanagino Apalahamua ani kumafena tusiya huno agesa havi havi huteno Ani noyagafi
umaigahuanagina afaa menia yugu nopi maigahue. huno hu-maineane.
11
Higeno aamoa Salae namo a maineanagino Anumaya Kotia Nafanekaa ategane. huno
hu lokiya vaino huteanagi Apalahamua kosuna leno maineanagi ani kehena Tamage hanafe
hana yana afaa hugane. huno havino agupi maleno ametiti hu-maineafe nafanea atene.
12
Ategeno Apalahamua kosuna leteno ago faligahe hianagi agaipiti aginagomoya
ohavunamaa veane ateya aitagu-fageno ikatema hanea kanefiyagamo hia avamete huteya ti
kahaepamoma hia avamete huya ohavunamaa veane aitagufe-mainae.
13
Ani veamoya Anumaya Kotima hu lokiya vaino Tamamigahue. huno humainea yana
oaliya afaa haviya amametitia nehuya fali-mainae. Ani yana oalinagi alualega hanegeya afaa
maineya amakesa haviya musena humainae. Musena nehuya Natu veane kana huta afaa yoka
ma mopalela mainone. huya nehuya mainae.
14
Ani kema humainaya veamoya mage huya
humainae Haenagaa haegafa kumatile haita maisuna yafe tamametitia nehuta agava mainone.
huya humainae.
15
Hayanagi Apalahamuma ataleno emainea mopa aepaahema mani kema
hileasina eteya maiyahae huya valeasine.
16
Valeasinagi ani mopahena ohunagi ikapinaga
visaya kanale kumafe tusiya huno hamaigeya humaine. Hamaigeya Anumaya Kotifena
Anumayatimo maine. huya hageno Anumaya Kotia ani kehena havigeno aipamoa kanale
higeno ikapinaga kanale kumaamia talo humatene.
17-18
Anumaya Kotia hulokiya vaino Apalahamufe mage huno humaine Aisakipiti kagai
veala kasagoya veane falote hugahae. huno humaine. Nagi Anumaya Kotia Apalahamufena
Hisua kea havisio? huno avame huteno mage hie Kagaikaa nafanea heka kae-salamana
hunato. huno hapaiyanagi Anumaya Kotia Naa yama kamigahue. huno hu lokiya vai-
malenea kea Apalahamua havino ametiti hu-maineafe Aisakina aiya nagoke nafaneamona
heno kae-salamana hutegahe humaine.
19
Huteno Apalahamua mage huno agesa havie
Anumaya Kotia tusia tokiyaaene kano maineanagino fali-mainesifitila ali hetitesia tokiyaa
hane. huno huteno haegahe nehigeno Anumaya Kotia ke higeno atalene. Ataleneafe tagaya
avame kema havisunana Aisakia ago fali-mainefiti ali hetitene huta hugahune.
Aisakiene Yekopuene Yosefeene Anumayamote ametitia humainae.
20
Aisakia Anumaya Kotife havino ametitima hia yafe Yekopugani Isoganitema
haenagaa falote hisia yafe huno manua anamine.
21
Yekopua kosuna leno faligahe hia kanafinagi Anumayamo kea havino ametiti hia yafe
ayopaale aivasaga huno ape hu-maineno Anumaya Kotifena muse huteno aginagomogania,
Yosefe nafanelatana, manua anamine.
22
Yosefea falisia kanamoa aupa higeno Anumayamo kea havino ametitima humainea
yafe vayaamo-gamina mage huno hamapaiye Anumaya Kotia Isipiti Isaleli veama amavaleno
visigeyahena nayamufama vati huya aliyama visayana Anumaya Kotima tamamisia mopale
mo hevainateho. huno hamapai-maineane.
Mosesea Anumayamote ametitia humaine.
23
Mosesena ita-afoamogania kanale nafane ateteana muse haanagi Isipi sauve
kanomoa Ne nafaneyaga hamaeho. huno hia kehena kolia ohuana Anumayamo kema
haviana anakupi maleana anametiti hu-mainaa yafe tagufa (3) ikana ani nafanea fala-kiteana
mainae.
24
Maiageno Mosesea maineno ko hutegeya mage hae Isipi Sauve kanomo munamo
nafane maine. Felona agehoamoe. huya hisaya yafena ohaigeno Anumaya Kotifena havino
agupi maleno ametitia humainea yafe mage huno humaine Nagaya agai nafanea omainoe.
huno humaine.
25
Huteno agesa havigeno Isipi vayaene mainena kefo yamoa aupaa fanane
hisia muse yana ohisue. huno hie. Huteno Nagaini anagala, Anumaya Koti anagaene
umainesugeya Isipi vayamoya ali haviya humatesaya avamete huya nagaila ali haviyama
hunatesayana kanalene huna hugahue. huno humaine.
26
Huteno Isipi vayamogamina mukia
kanale-nale yaamia kasago haneanagi Mosesea ani yafena agesa ohavinegi Afa ya kana
yane. huno neataleno Anumaya Koti anagaene mainena Kalaisima ali haviya hutesaya
avamete kava huya nagaila ali haviya hu-natesagena kanalene huna hugahue. huno nehuno
Anumaya Kotia haenagama kanale yama amisia yafe agesa havino maine.
27
Mosesea Isipitima ugahema hiana Anumaya Kotife havino ametiti humainea yafe
kava kanomoa hai vaiteanagi kolia ohunegi tagaya taulagamoa oagenea Anumaya Kotina
agemegeme haisia avamete huno kolia ohuno maineno tokiya vaino maine.
28
Anumaya
Kotia Isaleli veafena mage huno hamapaiye Ensole kanomoa Isipi veamogami yage ne
nafaneyagaamia hamaegahie. Tamakaila otamahaesia yafe sipi sipia hetama kolamaa fiate
fale-malenegeno tamakai ne nafaneyaga amakaseno ohamaesie. huno higeno Mosesea ani
kea havino ametiti huteno ani kemo akave maleno Isaleli veala hamapaigeya ania humainae.
Kasagoya Isaleli veamoya tokiyaage amametitia humainae.
29
Isaleli veamoya Isipi mopaleti ataleya Haesa titema ayana haviya amametiti hu-
mainaya yafe Anumaya Kotia higeno ani limoa aluga luga heti-mainegeya hau hu-mainea
mopa kana higeya ani lina afaa takaeya vayanagi Isipi vayamoya amanatiya Ani lina
takaesune. huya hayanagi aluga lugama heti-mainea timoa eteno meli-nakaigeya fali hano
humainae.
30
Isaleli veamoya Anumayamofe haviya amametiti haya yafe Yeliko kumate uvayima
hayana sevenia (7) yupa kagi kagi nehageno yafatetima hu-malenaya kegiyamoa agaia tagape
ailavi-maine.
31
Nagi Yeliko kumate veamoya Anumaya Koti kea haviya amakaveno
hutenaya yafe Isaleli vayamoya amakasageya fali hano hayanagi nagola kumai yate vai neaya
amo agia Lehapue ani yupa ofaline. Ani amoa Anumaya Koti kea havino agupi maleno
ametiti hia yafe Isaleli vayamoya yaufa neeya tole kanolatana hunatageana amamata hugahe
vaageno ani amoa anaya huno nomaafi anavaleno anategeana fayaa yafe Anumaya Kotia
haoke hegeno ofaline.
32
Nagoa vayafena ayaayate kea ohugahue. Anumaya Kotife haviya amametiti
humainaya kava vayamogami amakia Kiteonie Palakie Samusonie Yefatae Tevitie Samuelie
naa vayala Anumaya Koti amaune vayafeenenagina ayaayate maina ani kema hisua kanania
omalene.
33
Ani kasagoya vayamoya Anumaya Kotifena haviya amakupi maleya ametiti
humainaya yafe kame vayaamia hamae hano humainae. Fatago kavakeya huya veatela kava
yagai-mainae. Anumaya Kotia Tamamigahue. huno hu lokiya vai-malenea yana amamine.
Nagi nagola kaveage afumo agia Laiyonie afugino Anumaya Kotife haviya amametiti haya
vayala hamaeno nakai-talegahe hianagi avaya Anumayamoa alino tukiteneane.
34
Nagoamogamina tusia atafi amasaga huya takigahe hayanagi Anumaya Kotia ani ata alisu
humaine. Kame vayaamimoya ayaaya naepeleti hamaegahe hayanagi Anumaya Kotia
hamaoke hemaine. Amakaila amayamufa omalegeno Anumayamoa ali hetimateteno
tokiyaage amayamufa amamigeya ati vayala amanati-mainae.
35
Nagoa anemoya
Anumayamofe haviya amametiti humainaya yafe vayaamima faliyana Anumaya Kotia fali-
mainafitila ali hetimategeya eteya amavale-mainae. Kame vayamoya nagoamo-gamina
nehamaeya mage huya hae Anumaya Kotina tamakavenoma hutesayana otamahaeta afaa
tama-talesunagetama notamilega ugahae. huya hayanagi mage hae Tamahaoteyatamigi
tahaesageta faliteta haenaga hetita kanaleya huta maigahune. huya hageya hamayageya fali-
mainae.
36
Nagoamoya Anumayamofe haviya ametiti humainaya yateti kame vayamoya kigi hu
neamateya hegi kayoteti hamaeya aeni nofiteti kimateteya kinafina amatenayane.
37
Nagoamogamina yafa kayoteti hamayageya fali-mainae. Nagoamogamina tuteti hefatagi-
lole hageya fali-mainae. Nagoamogamina ayaaya naepeleti amaugafafina aye kalo hageya
fali-mainae. Nagoamogamina kenaamia omalegeya memene sipi sipiene augafaleti kenaamia
hatiya fai-linae. Nagoamogamina kaveamiene faesaya noamiene afenoamiene omalegeya
kame vayamoya ali haviyana humatenae.
38
Nagoamoya koli faleya agoyafinagaene yafa
kapinagaene mopafi kafi-malenaya komufinagaene vaya omai kame kotegaene falageyama
vayana tusia kanale veanegiya naa humainayafe nagoa ma mopafi veanea ania huya fatago
veanea omainayanagiya ani kanale veanenema maisayana oamategahie.
39
Mukia ani veamoya kanale ya huya Anumayamofena haviya amakupina maleya
amametitima humainaya kea nehavunanagi Anumaya Kotia Kanale yama hulamategahue.
huno hu lokiya vai-malenea yana aupaa oamamigeya fali-mainae.
40
Nayona Anumaya Kotia
kanale yama hulatesia yana ago talo tala hulateneanagi hagoteyama mainaya veamoya ago
aliteya tagasesaya yafena Anumaya Kotia ohaigeno oamamine. Nagopi mai lokaetesunageno
Fatago veane mainae. huno hulategahie.
Hipalu Hipalu
<<
11 11
>>
Hipalu Hipalu
<<
12 12
>>
12
Yisasite age-maleta tametitia hisune.
1
Mukia veamoya Anumayamofe haviya amakupi maleya amametiti hu-mainaya yana
tagaila ago taveliteya faliyanagi siamoma hia kava huya tagaila mai kove humaineya nelagae.
Naa nehayafe Anumaya Kotia taiya-yeta visuna katia tamineanagita ma mopafi yafema
tagesa havi havi nehuna yamoene kefo yamoma nofi hulatenea yamoene aya aya kenamoma
hia kava nehianagita taga huta alita aupa huteta Anumaya Kotima tavelia katela tokiyaage
huta taiya-yeta visune.
2
Taiya-yeta neuta mukia yatela moge mege ohisunagi Yisasitekeya
agelita visune. Yisasife havita tametiti hu-mainona yamona aepaaene augafaaene kanogino
mage huno humaine Naipamoa muse yama alisiafe yafaga yosalela nahaeya asaigena fali-
mainofe nagayema hia yana kana yanagi afa ya hane. huteno fali-maine. Faliteno hetino
Anumaya Kotina aya tamaga kaiyaga, kava vayamoya nemaiya siale haino mainegi ani
kanomona ageme geme haiho.
Anumaya Kotia tagayama fatago huta maisuna yafe kana yana nelamie.
3
Tamakaila kasalola otamahaeno. Yisasifena tamakesa havi havi hutama maiho. Kefo
yama nehaya vayamoya Yisasina kame lagiya kaetayanagi agaya tokiyaage huno mainea
yafena tamakesa nehavitama tamahaumanamoa faki faki ohino.
4
Kefo yama hiho. huya aye
lamavataga hageno tamakuamoa kana higetama Aao, kefo yana ohugahune. hutama hageya
tamahayageno kolatamimoa higetama ofalinae.
5
Anumaya Kotia tamavaleteno
nafaneyagaahema humainea kemoa tamake-kanio? Mage huno hu-maineane
Nafanenimoga Anumayamoa kaumonoma malesigekahena Afa yane. huka ohuo. Ke
negama-kino kayoma kamisiana kagaila kavaleno ali fatago hugatesia yafe nehigi
kaipamoa haviyana ohino.
6
Anumayamoa ayamopafima nehaiya veala amaumono
maleno ali fatago hu neamateno. Nagai nafane maigahae. huno neamavalea veala
kayona neamamie. huno humainea kea ohavinao?
7
Kana yama falote hisigetama Tamaumono malenoa kea havisae. huno Anumaya Kotia
agaia nafanemogatama mainae huno ali fatago hu nelamategi tokiyaage hutama maiho.
Mukia nafaneyaga neamafaya kayona amaumonola nemalaya yane.
8
Naa yanagino
Anumaya Kotia tamakaila ani kavama hu otamateleasina agaia lamatenea nafane kana
ohaleasinagi munamo nafanea, nefaa omai nafane kana hutama maileasine.
9
Ma mopafi
nelamafaya tamaumono maleya kayo kevema lamamigeta amakima alisaga huta amakai
kema ali hipoya nehuta nemaunanagi Anumaya Kotia tagu nafanemo nefa maineanagita agai
kea tayamufaage huta ali hipoyama hinutahena kanaleya huta maigahune.
10
Ma mopafi
nelafaya aupa kana kanoa amakaiami hamaiya avamete huya kayo kevea nelamiyanagi
Anumaya Kotia kanale kava huno kava yagai-lateno agaia mainea avamete veala alu aotage
veane maisuna yafe kayo kevea nelamie.
11
Nelamia yamofe Kana ya nelamigi muse yatia
omalegeno otahaiye. huta nehunanagi haenagaa ali fatagoma hulatenea kanafina augafaaene
yamoa falu hisia yana falote hinageta keama ali hipoya nehisumogata fatago huta ani falu
yapi maigahune.
Tayamufa alita tokiyaage huta hetita maisune.
12
Tamayamoma kalake kisigetamahena alipi hu-linetama aliyana aliho. Tamaleya yama
nelama-kesigetamahena ayepi hu-mainetama tokiyaage hutama vaiyeho.
13
Tole lamakesa
ohavitama tamaiya aye fatago hutama vaiyesayana nago kanomoa tole agesama havisia
kanomona kanale hutesigenofena nagoke agesale maigahie.
14
Mukia veanenena falu hutama maisaya yafe tamakesa nehavitama tamaya mukiki
hutama alu aotage veane maiho. Fatago huya omaisaya veamoya Anumaya Kotina oagetafa
huya oagegahae.
15
Anumaya Kotia kayone hisaya yamaa ago tamaminegi tamakaipiti nagoa
veamoya ani yafema amakaveno humisaya yafena kayetama maiho. Nagoamoya kana ya
amamigeno amaipamoa haviya higeno amaipafinaga atuage yosamoa hafuya ayeteno
nenaamoa atuage hia kava huno mukia veapina kana yamoa falote huteno tamakua alino
haviya huno oniyaage hugahigi kayeho.
16
Kayetama mainetama Isoa nayoma humainea
kavala ohiho. Isoa nagoke yupa nesia kavefe haviteno mukia kanafima kanale yama alino
maisia yama nefaa amisia yafena agesa ohavino Aoteyamaae. huno humainea kavala ohiho.
Havigu nagoamogatama Anumaya Kotifena Haoteyamaae. hutama nehisagetama
nagoamogatama alu kanomo anea amavayu ohiho.
17
Isoa haenaga agesamoa akalo higeno
nefaa manuma amisia yafena tusiya huno avia ateanagi nefaa aganaamo ani manua ago
amineanagino agua aiyahae huno Isona manuma amisia kamaa omalegeno manua oamine.
Tagaya ikapinaga hanea Yelusalemua ago evayi hu-mainone.
18
Nayona Isaleli veamoya kahegi kema aligahena Sinai agoyamo aiyafi haiya maineya
neageya ani agoyamona tusia ata neleno tusia kumayu hani kigeno yasimoa tusiya humaine.
Tamakaya Anumaya Kotitega visayana tamayana avate hisaya yate ougahagi Isaleli
veamogamima humatenea kavala hu otamategahie.
19
Nehigeno ufe kemoene nagoa kema
huhaleno higeya haviya kehena koli huya Mosesefena Nagoene havisuna yafena notahaiye.
huya humainae.
20
Ani kemoa mage huno hu-maineane
Veaneo afuo ani agoyafima haino aiyakama ayesigetamahena ayana avate hugahe yafa
kayoteti hamaegeya faliho. huno hu-maineane.
Na ke higeya haviteya tusia amamayo aimainae.
21
Mosesea ani amamayoma aiya yana
ageteno mage hie Nagaienena ani yama neagogenoa namayo neaigeno tagi tagiyana nenage.
huno hu-maineane.
22
Hu-maineanagi tamakaya haegafa huno mainea Anumaya Koti kumatela ago emainae.
Ikapinaga hanea Saiyoni agoyale kimalenea Yelusalemua ago emainae. Ani kumatela
ohavunamaa ensole vayamoya musena huya Anumayamo agia alisaga nehuya melitalu
nehale ago emainae.
23
Anumaya Kotia yage nafaneamoya amakua aiyahae hageno Anumaya
Kotia amakia ikapinaga ago kae-malenea anaga mainale emainae. Mukia veamogamina
kaiyekema hu neamatea Anumaya Koti maineleene Anumaya Kotife haviya amakupi
malageno Fatago veane mainae. huno humatenea veala hai ala veaneage maineya falitageno
amaku nafanemoya ikapinaga haiya mainaleene ago emainae.
24
Yisasia haegafama alino
hagelafi-latenea kema alino falote hu-malenea kanoene kefo yatima aye hami-talenea
kolamaamoene mainele ago emainae. Nayona Kenia aganaamona haegeno Epoloa fali-
mainea kolamoa Kenia kefo yama humainea anonaa aligahie. huno hu-maineanagi Yisasi
kolamoa ani kolana agase-mainea kolanagino mage hie Kefo yatamia ago aye hami-talenoe.
huno humaine.
Anumaya Kotife tamayo ainageta kayeta maisune.
25
Menima kema nehia kanomo kea, Yisasi kema, akavela omalesagi kayeho. Nayona
Anumaya Kotia mopale kanoa Mosese avayafiti, kema higeya akavema omalaya veala kayo
kevea amamineanagino menia ikapinagati ea kema nehia kanomo kea ohavinesamogatama
tahaokela ohegahianagino tusia kayo tamigahie.
26
Nayona Sinai agoyafiti ke nehigeno tusia
imila ali-maineanagi menia mage huno hu lokiya vai-malene Nagoene mopaagela alina kosia
ohugahugi ikaene alina kosia hugahue. huno hu-maineane.
27
Nagoene. huno hia kemo
aepaamoa maa humaine agaia talo hu-malenea yana alino kosi hinageno fanane hugahianagi
fananema ohisia yamaa tokiyaage huno agola hanegahie.
28-29
Naama hisiafenagino lagaifena Kava yagai-lamategahue. huno humainea kea havita
lagupi malenona yana kosi kosi huno fananema ohisia yafena tusia muse hisune. Anumaya
Kotia kefo yafena aipamoa ata neleanagino ani atamoma mukia yama leno fanane nehia
avamete kano maineanagita tamayoa neaita Anumaya Koti aipamoa kanale hisifa kavakeya
huta agia alisaga higetao.
Hipalu Hipalu
<<
12 12
>>
Hipalu Hipalu
<<
13 13
>>
13
Nagoke nagokemogata nelafu-gamifena tahaisie.
1
Yisasi kema haviya amakupi malenaya nelama-fugamina tamaipa amamiho.
2
Natu
veala noamakesaya veanema, kumatamile esagetamahena kanaleya hutama kava humateho.
Nagoamoya naa vayafena Afa vayale. huya hayanagi ikapinagati aya ensole vaya amavaleya
kava humatenayane.
3
Kina nopima mainaya veala tamakaiene ani veanene nemaiya avamete
hutama amaya hiho. Ali haviya humataya veafena ania huya tagaila ali haviya hulatageno
amaugafa amakata aiya avamete huno tagata neaye hutama amaya hiho.
4
Alavemo-gatama maisaya yana kanale yanagi anene munanenena vemogatama
amavayu ohigeya ane munanemo-gatama vemogamina amavayu ohiho. Ani kavama
hisagenoa Anumaya Koti kaiyekea hulamateno kayo keve tamamigahie.
5
Monema alisaya yafena hagaa oalitama afaa maiho. Malenesaya yafena tamaipamoa
kanale hinagetama Nagoene ani yana alisune. hutama ohiho. Anumaya Kotia mage huno hu-
maineane
Nagaya nagela kanina otama-talegahuanagina tamage huna tamaya hugahue. huno hu-
maineane.
6
Hu-maineanagita tole lagesa ohavisunagi tokiyaage huta maineta mage hisune
Kolia ohugahugi Anumayamoa kanaleya huno naya nehigeya veamoya ali haviya hu
onategahae. huta hugahune.
Yisasi akave hisuna yafena tagayea ohisune.
7
Anumaya Koti kea tamahapai-mainaya mono kava vayafena tamakesa haviho.
Anumaya Kotife haviya amakupi maleya kanaleya huya vaiyeyama nemaiya kavamo falote
hia augafaaene yafena tamakesa havi havi nehutama Anumaya Kotife haviya amakupi
maleya amametiti nehaya avamete hutama maiho.
8
Yisasi Kalaisia nayoene meniene nagoke
avamete hume hume haino agola aniageya hugahie.
9
Naa nehiafe alu mono kema
tamahapaisageya havi kate tamavaleya tamategahe hugahagi kayema ohaviho. Ma kavela
neho ma kavela oneho. huya haya kema akave nemalaya kemoa tamaya ohugahae. Kavemo
nesunafe kahegi kemoa tagu tamena alino kanale hu otategahigi Anumaya Kotia kayone
yamaaleti kanaleya huno alino tokiya vai-lategahie.
10
Nayona mono note kava vayamoya
sipi sipi heya kae-salamana hu-mainaya yamoa alu kate umainayafe Yisasi kolamoa amaya
ohigeyahe onegahagi Yisasima yafaga yosalema fali-mainea yana tama yanagita tagaya
nenone.
11
Mono note hagote kava kanomoa kefo yaamihe sipi sipia hageno kolamaa alu
aotage nopinaga alino haiyaamo ailake hu-maleteno tamaa alino hati-lavino kegiyamoa
malaga viaamo atafi mo kaeno fanane hu neataleane.
12
Naama humainaya avamete huno
Yisasia fali-mainea kolateti kefo yati aye hamiteno alu aotage veane maisayafene higeya
kegiyamona malaga avaleya agaye hisifa kavala mo hutageno agata neaigeno fali-maine.
13
Naa hu-maineafe tagayaenena ania huta kegiyamona malaga Yisasite vigetao. Agaima ali
haviya hutenaya yana tagaienena tagaye hisifa kavala hulateya ali haviya hulatesae.
14
Tagaya
agola maisuna kumala ma mopafina omalegi ikapinaga agola maige maige hisuna kumate
haenaga haisuna yafe nelahaigeta agava mainone.
15
Yisasia tagaife huno fali-mainea yatetila
Anumaya Kotina muse yama amigahena sipi sipia heta oamigahunagi mukia kanafina
tavayafiti Agaife havina nagupi malenoe. huta hu falote nehuta Anumaya Koti agia alisaga
huge huge higetao.
16
Nehutama veala ali kayone humatetama malenesaya yapitila veama
amamisayana Anumaya Kotina muse ya amisageno aipamoa kanale hugahie.
Anumaya Kotia taya hinageta kanaleya huta maigahune
17
Kava vayamogami kea havitama ali hipoya nehutama amakai amaiyaafi maiho.
Anumaya Kotia tamaku tamamete kava hisaya yafe ali hetimateno aliyana amamineanagi
haenagaa tamakaifena hamavi-gegahie. Hamavi-gesigeya tamakaila muse hisaya kema
hisagetama tamakaienena muse hugahayanagi amaipamoa kanalema ohisiana tamaya
ohugahie.
18
Tagu tagesa havunana kefo yatia omaleanagita Anumaya Koti agima alisaga hisuna
yafene huta mukia kanafina kanale kavakeya huta hisuna yafene hutama Anumayamotega
tagaifena nunamupiti havigeho.
19
Tamakayaene umaisuafene huna nehugi Anumayamoma
naya hisiafe nunamupiti havigeho.
20
Anumaya Kotia taipa falu hisia yamona aepaa maineno alino hagelafi-latea kemoa
tokiyaage huno hanege hanege hisia yafenagino Yisasima fali-mainea kolamoa ailaki-
lavigeno Anumaya Kotia Yisasina fali-mainefiti alino hetitene. Ali hetitegeno sipi sipile kava
kanoa tusia ala kava kanoti maine.
21
Maineanagina tamakaifena mage huna Anumayamotega
havinegoe. Yisasi Kalaisima hulatenea yafena Anumaya Kotia tamakupina aliyamaa aliteno
agaia haisia kavama hisaya tokiya tamamisie huna havinegoe. Yisasi Kalaisi tokiya hale
yamo agia hanege hanege hanesia yafe alisaga higetao huna nehue. Tamage.
Kemoa mo hano hisia ke.
22
Nenafu-gatama tokiyaage hutama maisaya yafe ayaaya kea okaenogi musetami
nehugi tamakaya havitama akave maleho.
23
Nelafua Timotina nofipiti kalu heya atalageno
umainegena tamahanepauve. Aupaama nagaitega esiana tokaetaa mo lamakegahue.
24
Kava vayatamiene Anumaya Koti anagaaene hu falu fala kenia humateho. Itali
kotegati ataleya aya veamoya tamakaila ania huya hu falu fala hu nelamatae.
25
Anumaya Kotina kayone yamaamoa mukiamo-gatamiene hanesie. Tamage.
Hipalu Hipalu
<<
13 13
>>
Kea
Go!
Download and unzip
kmu_html.zip to read
this offline.
Linguistic publications
Ethnologue

HTML generated 3 Jul 2014 fromsource files dated 3 Jul 2014
Anumayamoa Haegafa Alino Anumayamoa Haegafa Alino
Hagelafilatenea Kea Hagelafilatenea Kea
Preface Preface
Matiu Matiu
Maki Maki
Luku Luku
Yoni Yoni
Aposolo Aposolo
Lomu Lomu
1 Kolini 1 Kolini
2 Kolini 2 Kolini
Kalesia Kalesia
Efesusi Efesusi
Filipai Filipai
Kolosi Kolosi
1 Timoti 1 Timoti
2 Timoti 2 Timoti
Taitasi Taitasi
Filemoni Filemoni
Hipalu Hipalu
Yemesi Yemesi
1 Pita 1 Pita
2 Pita 2 Pita
1 Yoni 1 Yoni
2 Yoni 2 Yoni
3 Yoni 3 Yoni
Yuti Yuti
Leveleseni Leveleseni
2002 Wycliffe Bible 2002 Wycliffe Bible
Translators, Inc. Translators, Inc.
Kea
Preface
00
Preface Preface
<<
00
>>
^
Preface
Aepa kea mani avomo agupinaga hanea ke.
Preface
Preface Preface
<<
00
>>
Preface Preface
<<
11
>>
Aepa kea mani avomo agupinaga hanea ke.
Mani avopima hanea kemoa vayamoya amakesafiti haviya okaenagi Pitaa ani kemo
aepaa mage huno tahanepaiye. Nago kanomoa agaia agesafitila aunea laga huno Anumaya
Koti avopina okaenegi Anumaya Kotina Alu Aotage Avamumoa agupina efalegeno
Anumaya Kotima hapaiya kea hamapai-maine. (2 Pi 1:21 ago). Ani yafe afa ke kana kea
ohunegi havilama hutama haviho.
Hagoteno Isaleli mopamo amena hanegi ageho. Poloa aliyama alino vaiye-mainea
mopamo amena hanegi hapalitama komo agia haviho.
Agenopa kema kae-malenenayana na kemo nehie hutama havisaya yafe kae-malenae.
Mukia kanafina agenopaleti hapalitama elaviho. Ehema avoma kae-malenaya vayamoya
agenopa kea okaenayanagita meni vayamoya kae-malenae.
Kanite avona haneme lavino mo talenea atupalela nagoa kemo aepaa havisana yafe
aupa agia kae-malene. Eugaseno amunopima hania avona nayoma kae-malenaya kefiti hanea
ke hane. Ani kemo agia Ol Testameni avomo agia hanegi ageho.
Ame haisamo atupalega nagoa kemona aepaa kaemalenae. Aepaama hanea avopina
kanefi kana * amena hane. Ani amema agenuka aepaa haneanagitama agegahae. Mani avoma
nehapalisageno kanama tamahaisigetama ani atupalega atiyetama ageho.
Preface
This book contains a revision of the translation of the New Testament into the Kanite
Language which was completed in 1980. The Kanite language is spoken by approximately
6,000 people who live in the Okapa Sub-district of the Eastern Highlands of Papua New
Guinea.
The preceding Kanite preface explains the origin of the New Testament as well as the
glossary and maps.
We are grateful for the prayers and gifts of many friends that have made the revision
of this New Testament in the Kanite Language a reality. We are also thankful to The Bible
League who have underwritten the cost of this publication.
Preface Preface
<<
11
>>
Kea
Yemesi
00
11
22
33
44
55
Yemesi Yemesi
<<
00
>>
^
Yemesi
Aye lamavataga hisia yamoa tamakaila alino lokiya vai-lamategahie.
Nago kanomoa agaia kanale agu agesa havisia yama omalesigenoa Anumaymotega
havigesigeno amino.
Yemesia afenoamima omalenea veanene afenoamima hanea veanenefe kea
humaine.
Anumaya Kotia kanale kava hulateno lavaleno kefo yapina notate.
Tagaya kea nehavita akave malesune.
Mukia veamogamina nagoke avamete amaya hisune.
Tamametiti yamoma kanale auava yama ali falote ohisiana afa ya kana humaine.
Kema hisuna yatela kava yagaisune.
Kanale amakesa havisaya yana Anumaya Kotitegati emaine.
Mopafi auava yafema hamaisia veamoya Anumaya Kotina kame hu neatae.
Tamafu-tamakana-gamifena Naa veane mainae. hutama hu oamateho.
Tamakaya vegano-kanola ohiho.
Tusia moneamima hanea veafe humaine.
Kana yama falote hisigeta tokiyaage huta maineta Anumayamo esiafe agava
maisune.
Tamakaya Anumayamo aufina tamage nehune. hutama ohiho.
Fatagoma huno nemaisia kanomo nunamumoa tokiyaa hane.
Veama kama yagalesageta Etetama eho. huta amavalesune.
Yemesi Yemesi
<<
00
>>
Yemesi Yemesi
<<
11
>>
Yemesi
Yemesia Yisasina aganaamo mani avona kae-malene. Yemesia Yelusalemu maineya
Yisasina amakua aminaya veate kava kano maineanagino nepuamoa Yisasia faliteno hetino
ikapinaga haitegeno Yemesia sevetinia (17) kafu agava maineno Yemesi kea kae-malene.
1
1
Nagaya Yemesinae Anumaya Kotiene Anumayati Yisasi Kalaisiene aliya kanoanimona
mani autama kaena kuma aepatamima ataletamama alu mopalega umainaya Isaleli
veamogatamihe mani avona kaena nelamamina kanale mainafio huna hu falu fala hu
nelamatoe.
Aye lamavataga hisia yamoa tamakaila alino lokiya vai-lamategahie.
2
Nafunagana-gatamae nagoa kana yama tamakaitema falote hisigetamahena ma
lamakesa haviho Inamona musekase hisuna yane. hutama hiho.
3
Kana yama falote
hulamateana Anumaya Kotia Tamametitima nehaya yana agola nehafi havige nehafi? huno
tamakegahe ani kana yana tamakaitela falote hu nelamateafe tokiya vaisaya yamoa anifiti
falote hugahie.
4
Mukia kanafina tokiya vaisaya yamoa tokiyaagema hisiana Anumaya Koti
aufina Kosa helamatene. huno hinagetama ala veanegeya maigahae.
Nago kanomoa agaia kanale agu agesa havisia yama omalesigenoa
Anumaymotega havigesigeno amino.
5
Nago kanomoa amunotamifitima kanale agu agesa havisia yafema ati yenunofena
Anumaya Kotitega havigesigeno amino. Anumaya Kotia ayaaya ayaene kano maineanagino
mukia veamogaminakea oamama-kigahianagino afaa mukia yana amamigahie.
6
Amamigahigi
Anumaya Kotia agu agesamoma havisia kavala tamage huno hugahie. huno havino agupi
maleneno havigesie. Maa agesa ohavisie Kema hisua yana namigahifi onamigahie? huno
tolefina agesa ohavino. Tole agesama havisia kanomoa yasimoma hage lima alino vai-
lagaitalea augafa kava humaine.
7-8
Tole agu agesama hanesia kanomoa nagoke katela novigi
alu kapi alu kapi agoya mo vaige me vaige huno vai neayeno Afaa namigahie. huno agesa
nehavianagi Anumaya Kotia naa veamogamina nagola osi ya kanoa oamamigahie.
Yemesia afenoamima omalenea veanene afenoamima hanea veanenefe kea
humaine.
9
Mone afenoamima omale veamoya Anumaya Kotifena haviya amakupi
malenayafenagiya mage huya hisae Anumaya Kotia tavalesaga huno Nagai nafaneyagae.
huno humaine. huya tusi muse hisae.
10
Muse hugahagi kasagoya moneamima hanesia
veamoya yosa ausemoma heno hali hulavia ya kana huya aletesayafe Anumaya Kotia alime
tavino amatesigeya afa vea kana huya maisayafe musena hisae.
11
Yagemoa evayi huno
tokiyaage yagema leana ani tala yana leno mukia fayotegeno auseamoa asaga hu lavino
haviya nehia avamete huya mukia moneamima nemalesaya veala ani mone alisaya yaamimo
amunopi maineya faligahae.
Anumaya Kotia kanale kava hulateno lavaleno kefo yapina notate.
12
Nagoa veamogamitema kana yama falote hisigeya tokiyama vaisayana anonaamia
Anumaya Kotia hano ohuno agola maige maige hisaya hamaimula amamigahie. Ani muse
yana Anumaya Kotia agaifema hamau ayamopafi nehamaiya veamogamina Amamigahue.
huno hu lokiya vai-maleneafe musena hisae.
13
Havi kavala hiho. hunoma nagoa
veamogamina amavayu hisigeyahena ani veamoya Anumaya Kotia aye lavataka higeta mani
kavala nehune. huya ohiho. Kefo yamoa Anumaya Kotina avayu nohie. Anumaya Kotia
nagoa veala avayu huno Kefo kavala hiho. huno nohie.
14
Nohianagi tagaiti nagoke
nagokemogata age lahaye hu yana taipafiti falote huteno aye lavataga huno tavayu nehie.
15
Age lahaye hu yamoa amu maleteno aihefa nehea avamete humaine. Amu maleteno kefo
yamoa falote huteno ala higeno kefo yama huge huge nehaya veamogamitela fali yana falote
hu neamate.
16
Nahau nayamopafi nahau-mainea nafunagana-gatama havigu Anumaya Kotia aye
lavataga higeta kefo yana nehune. hutama hisagi.
17
Mukia kanale yana hale yamona Nefaa
ikapinagati nelamie. Yagemo amemoa molino ayaaya huteno melino aupa huteno nehia
kavala Nelafa ohune. Alu kava alu kavaenena nohie. Nagoke avamete kavakeya nehia kano
maine.
18
Anumaya Kotia mukia yama talo hu-malenea yapi uhagoteta maisunafe
Anumayamoa agaia haiya kava huno kelamage kealeti tagaila agaia nafaneyaga ago alino
latene.
Tagaya kea nehavita akave malesune.
19
Nahau nayamopafi nahau-mainea nafunagana-gatama kema hisaya kea aupaa haviho.
Ke ohutama mainetama aupaa tamahaiya ovaino.
20
Veamogatama tamahaima vaisaya
yatetila Anumaya Kotina aufina fatago ohugahie.
21
Ani yafe mukia kefo yana tamakaveno
hutetama tamaugafa alitama ohaitama Anumaya Kotia kema tamakupima fai-malenea kea
havilama hutama haviho. Ani kemoa tamaku tamamena aligatisia ke hane.
22
Kanale kema
havitetama akave omalesayana afa ya kana nehagi afaama havitetama atalesayana
tamakaitami tamaku nafanemona aye vataga nehae.
23-24
Nagoa veamoya Anumaya Koti kea haviteya akave omaleya atalesageya nagoa
veamoyama galasifima amaugosa ageteyagi ago neataleya age hatayo hatayama nehaya
avamete kava nehae.
25
Nehayanagi nagoa veamoya Anumaya Kotina kanale kealegama
ageke huya nemaiya veamoya ani kea havigeya oataleya akave nemalaya veala naama haya
yafe Anumaya Kotia musema hisaya amaku amakesa amamigahie. Ani kemoa fatago huno
kefo yamoma haya kimainea yana ali kalu hetalenea ke hane.
26
Haneanagi Tagaya kanaleya huta tametitia nehune. huya hisayana veamoya
amavefunamona kava oyagaiya amakaiami amakuamona havige ayevataga nehayanagino
amametiti nehaya yamoa afa ya kana humaine.
27
Nehigi Anumaya Kotia Nelafa aufina
nagola tusia kanale tametiti hisuna yana mage huno hane. Megusa anagala havi no nemaiyafe
amaya nehuta kama vaiyesuna yatela kava yagaisune. Havigu ma mopafi kefo yama
hisunana Anumayamo aufina taguamoa oniyaage hugahie.
Yemesi Yemesi
<<
11
>>
Yemesi Yemesi
<<
22
>>
2
Mukia veamogamina nagoke avamete amaya hisune.
1
Nafunagana-gatama tokiya hale-mainea yaaene kanoa, Anumayati Yisasi Kalaisife
havitama tamakupi maletama tamametiti nehayafe amakima hanesia veamogamina kanaleya
hu neamatetama afa veamogamina hu-haviyama humatayana havi kava nehae.
2-3
Yisasi
kema havigahe melitalu nehisagenoma nagola monea kasago hu-mainesia kanomoa kanale
kena fai-lino tamakaipi evayi hinageno nagola monea omaleno kenaamoa hatata hatatu hu-
mainesia kanoma anile evayima hisigetamahena tamakaya moneama hanea kanomofena
hutama kanale hutetama mage nehae Kagaya ma kanale siale emaiyo. hutama nehayanagi
moneama omalenea kanomofena mage nehae Amuale hetika maiyo. nehutama Naiyafi
mopale emaiyo. hutama hu neatae.
4
Ani kavama haya kavala tamakaitami havi tamaku
tamakesa nehavitama tamafu-tamakana-gamina fako hu neamatae.
5
Nahau nayamopafi nenahaiya nafunagana-gatama haviho. Ma mopale veamogami
amaufina afenoamima omale veamogamina Anumaya Kotia ago hapali-mateno agai kema
haviya amakupi maleya amametiti hisaya yana kasagoya neamamino Nagaifema hamau
ayamopafi nehamaiya veamoya visaya kumala, nagaya kava yagaisua kumate umaigahae.
huno hu lokiya vaino hu-matene.
6
Hu-matenegi tamakaya afenoamima omale veamogamina
amakaye hisafa kavala ago hu-matenagi afenoamima hanea veamoyage tamakaila aliya afepi
nelamateya kaiyekema hulamatesaya yatela tamavaleya nelamatae.
7
Yisasia, tamakaila
agaialega lamatenea kanomona kanale agia anima moneamima hanea veamoya hu-haviya hu
neatae.
8
Anumaya Koti autamafina nagola kahegi kea mage huno haneane
Kagaikaa kaugafahema kahaisia avamete negafu augafahena kahaino. huno hu-maineane.
Tamakaya ani kahegi kema akave malayana kanale kava nehae.
9
Nehagi tamakaya nagoa
veamogamina kanale kava hu neamatetama nagoa veamogamina tamakavenoma hu-
matayana kefo kava nehageno kahegi kemoa mage nehie Kea ali tagaetama kefo kava nehae.
huno nehie.
10
Nagoa veamoya mukia kahegi kema akave nemaleya nagoke ke kanoama aliya
atagayayana mukia kahegi kea ago ali atagae-mainae.
11
Anumaya Kotia mage huno hu-
maineane
Anea amavayu hutama kumaiya oheho. huno nehuno nagi Nago kanoa hetama ofaliho. huno
hu-maineane.
Nagi anea amavayu hutama kumaiya ohenesayanagi nago kanoma hetama falitesayana
Anumaya Koti kahegi kea ago alitama atagae-mainae.
12
Kefo yamoma nofi kilatenea yana
ago alino kalu helatenea kemoa kaiyekea hulateno fako hugahie. Ani yafe mukia kanafina
kema hisaya yaene maisaya auava yaene ani kemoene nagopi maiho.
13
Nagoa veamoya
veafema kalagima ai oamatesayana Anumaya Kotia ani veamogamina kaiyekema humatesia
yupa kalagila ai oamategahie. Kalagima ai neamatesaya veamoya ani kanafina keamimoa
kanaleya hinageya kanaleya huya maigahae.
Tamametiti yamoma kanale auava yama ali falote ohisiana afa ya kana humaine.
14
Nafunagana-gatama nagoa veamoya Tagaya Yisasife havita tagupi maleta ago
tametiti hu-mainone. nehuya nagola kanale auava yama ohunesayana anima amametiti
nehaya yaamimoa amaku amamena ali okatigahianagino afa ya kana hugahie.
15-16
Tamafu-
tamakana-gamina kenaamima hoyaamima omalesigeya esagetama tamakai amunopitila
nagoa veamogatama mage hutamama hamapaisayana Afaa viho. Yasi siota tamakaitami
nealitama kavela tamakaitami negeno tamamu hino. hutama hisayana kaveene kenaamiene
amaya ohunetama kegeyama hisayana ani kemoa amamu ohugahigi ani kegeyana hu
oamatetama amaya hiho.
17
Yisasife havita tagupi maleta tametiti hu-mainone. hutama hu-
mainayanagi afaa mainetama kanale kavama ohisayana tamakaila tamametiti yatamimoa afa
ya kana hugahie.
18
Nagoa veamoya mage hugahae Kagaya Yisasife havika kagupi malenanagi nagaya
kanale aliyania nealue. huno hisigena mage huna hugahue Kanale auava yama ohisanana
hanaa huna Yisasife havika kagupi malenana yana agegahue? Nagaya kanale auava yama
nehua yateti Yisasife havina nagupi malenoa yana kaveligahue.
19
Kagaya kanaleya huka
Nagoke Anumaya Koti maine. huka kametiti nehananagi Kefo Avamumoya ania huya
Anumaya Kotia maine. huya amakupi maleya atalia nehae.
20
Kagaya kagesa omale veamoga
menia kavelisue. Nagoa veamoya Yisasife havita tagupi maleta tametiti hu-mainone. huya
hisagenoma kanale auava yaamima falote ohisiana anima amakupi malenaya yamoa afa ya
kana hugahie huna nagoene kaveligahue.
21
Nayona Apalahamu, taginagomoa, Anumaya
Koti kea akave maleno muse yama amigahena nafanea, Aisakina, avaleno yafa folamole
ateneno hegahe nehigeno Anumaya Kotia aniama hia yana ageteno Fatago kano mainane.
huno huteneane.
22
Ani yafena ago havilinae Anumaya Koti kema havino agupi maleno
ametiti humainea yamaamoene kanale aliyama ali-mainea yamaamoene ailokaeana ali-mainae.
Ani kanale aliyamaamoa agupi maleno ametiti hu-mainea yamaamona alivaya aye-maine.
23
Apalahamua Anumaya Koti humainea kehe Tamage nehane. huno agupi maleno ametiti hu-
maineafe Anumaya Kotia agaifena mage huno hutene Fatago kano mainane. huno
huteneane. huno kae-maleneane.
Apalahamua ani aliyama ali-mainea kanafi mani kea kae-malenea kemoa agola falote huno
tamage humaine. Anumaya Kotia Apalahamufena Kagaya nagaila name kafa mainane. huno
hu-maineane.
24
Tamakaya haviho Anumaya Kotia agaifema haviya amakupi maleya ametiti
hu-mainaya yafekeya ageteno Fatago veane mainae. huno hu omategahigi kanale aliyaenema
ali lokaeya alisayana Anumaya Kotia Fatago veane mainae. huno hu-mategahie.
25
Yosuaa Ko mogeho. huno Yuta vayala humategeya vageno Lehapua nomaafi
amavaleno amateteno amaugafa aligatino alu kate hu-mategeya umainae. Naama humainea
yafena Anumaya Kotia Lehapufena Fatago a mainane. huno huteneane.
26
Nagoa veamoya
amaku nafaneamia atalageya Ago fali-mainae. huta nehunanagi nagoa veamoya Yisasife
havita tagupi maleta tametiti hu-mainone. huya nehayanagi kanale aliyaamima falote ohisiana
amakupi malenaya yamoa ago faliteno afa ya kana humaine.
Yemesi Yemesi
<<
22
>>
Yemesi Yemesi
<<
33
>>
3
Kema hisuna yatela kava yagaisune.
1
Nafunagana-gatama havigu tamakai amunopiti kasagoya vayamogatama Hu-maveli
ha-maveli hisuna vaya maisune. hutama huyafenagi ago havimainone Anumaya Kotia
haenagaa tisa vayamogatina tusiya huno kaiyekea hulateno fako hu-lategahie.
2
Tagaya
mukiamogata kefo kavala nehunanagino nago kanomoma havigema nohisia kanomoa ala
kano maineno kanaleya huno agaia augafalela yagaigahie.
3
Inagi hosi afumo avayafina aeni
nofiteti kitama hu-mataya yamoa Tagai tagu tagesa akave maleno vaiyesie. huta maleteta
mukia augafa moli augosa meli augosa hunageno augosa huno alu kate katela nevie.
4
Nevianagi tamakaya tipi kalenefe tamakesa haviho. Tipi kalea tusia yakefa haneanagino
tusia yasimoa fu huno ayetu-feno neunoma moli hao meli hao hunoma nevia kayomaa osi
ya kanoa hanegeno tipi kalema nealia kanomoa ani kayote alino mo aiyahae me aiyahae
higeno ani ala tipi kalemoa ani katega nevie.
5
Naa hu-maineanagi tavefunamoa osi ya
kanoamoagi Alu kava alu kavala hugahue. huno ala kegefa nehie. Ageho osi ata kanoamoagi
tusiya huno tala yaeneteno mukia yosayagaene neasagalie.
6
Tavayamoenena ata kana
humaine. Taiya tayaene mukia laugafaene haneanagi tavefunamoa amakaseno tusia havi ya
haneanagino mukia laugafamona avaleno kefo kapi neate. Haniki yapi tegelege nehia atamoa
mani ata kae-maleneanagino nafane mainona kanaleti ani tavefunamoa ata kana huno tagaila
ali haviya hu nelate.
7
Yaga, kafa, nama, osifavea, mukia tipima mainaya yaga kafa, nagoa veamoya atafa
huya amatenageya yuna nehae.
8
Yuna nehayanagi nago kanomoa amuha ohuneanagino
agaia avefunalela kava yagaino alino yuna ohegahie. Mukia kanafina atalenegeno
tavefunamoa ase ohu kea nehatageafe tavefunafina kasagoya analisa kana ya hane.
9
Tavefunamokeya Anumaya Koti agia alisaga nehunoagi Anumaya Kotia agaia augafa kali-
mainea veanema talo hulatenea veafenagi ani lavefunamoa hu-haviya hu neate.
10
Nagoke tavayafiti Anumaya Koti agia alisaga nehuta nagoa anagatimofena hu-haviya
hu neamateta nehune. Nafunagana-gatama havigu ani kava huyafenagi ania ohiho.
11
Kapaima hagea timoa mopafitila falote nehianagi hagaage tiene atuage tienena nagoke
yapitila falote nohiafe tamakaila ania huno nagoke tamavayafitila havi kene kanale kene
falote ohisie.
12
Nafunagana-gatama, hagaage yosalagama neayea yosamoa atuage yosalaga
oayegahie. Fulutu nofipitila atuage nofi alaga falote ohugahie. Ania huno hage lipitila kanale
hagaage tina falote hileasino? Ania ohugahie. Tavefunamoa kanale kene havi kene ohisie.
Kanale amakesa havisaya yana Anumaya Kotitegati emaine.
13
Tamakai amunopima mainaya veapitila kanale agu agesaene veama mainesayana
amaugafa aliya ohaiya kanale auava kavakeya huya vai neayeya kanale amaku amakesa
tamave-liho.
14
Tamave-lisagetama nagoamogamife tamaipa haviya hisageno tamakaitami
hisaya kemo tamahai vaisayana kanale kemona ali tagaetama havigegeya nehutama Kanale
tagu tagesaene veane mainone. hutama ohiho.
15
Naa lamaku tamakesama haviyana
ikapinagatila elavino omenegi ma mopafi ke hane. Alu Aotage Avamumoa ani kea nohigi ani
yamona nefaa Satani maine.
16
Vayafena tamaipa haviya hu neamatetama tamakaitami keleti tu hutama tamahai
vaitama ke ovai avai nehutama havi kavakeya hume hume nehaiye.
17
Nehaiyanagi nagoa
veamoya Anumaya Kotitegati kanale amaku amakesa aliteya maa hugahae, Hagote yana
amakuafina oniya omale amaku amakesa haviya maigahae. Anile yana nagoamoyaenena
nagoke amaku amakesale maigahae. Amaipamoa kanale hinageya nago kanomoma hisia
kegeya haviya maineya kalagi aiya kanaleya huya ali kayone humateya mukia veanenena
nagoke amaku amakesale maineya amegatila havige havagea aye mavataga ohu veane
mainae.
18
Tagayama nagoke tagu tagesalema maisunana yuna heta maisuna yana lagupina
augafaaene alaga fai-malesunageno hanenageno Anumaya Kotia muse hisia auava yana kave
kana huno falote hugahie.
Yemesi Yemesi
<<
33
>>
Yemesi Yemesi
<<
44
>>
4
Mopafi auava yafema hamaisia veamoya Anumaya Kotina kame hu neatae.
1
Tuma nehaya yamoene kema nevaiya yatamimoenena hanateti falote nehie? Age
lamahaye nehaya yamoene kanale tamaku tamakesamoenena tua nehayafe kema vai
yatamimoa falote nehie.
2
Tamakaya nago yafena aluya hutama age lamahayea nehayanagi
ani yama oaliya yafe ani yamona nefana hetama he vaitesaya tamakesale nemaiye. Nagoa
veamogami yatela age lamahaye hutetamagi oaliya yateti kea vaitetama tu hu yamoa falote
hu nelamate. Anumaya Kotitega ani yafema ke hutama havi okaya yateti noaliye.
3
Alisaya
yafema Anumaya Kotitega ke hutama havigayana tamakuamoa havi lamaku tamakesa
havitama tamakaitami age lamahaye hisaya yamaage alisaya yafema havigayana anima
havigaya yana noaliye.
4
Tamakaya Anumaya Kotina ago ataletama ma mopale yafe age
lamahayea nehae. Nagoa veamoya ma mopafi yafema age hamayema hisayana Anumaya
Kotina kame lagiya kae neatae. Ani yafena ohavinao?
5
Anumaya Koti avopina mage huno kaemaleneane Anumaya Kotia Alu Aotage
Avamua tagupina ago ategeno maineno ani Avamumoa Havi kavala ohiho. huno tokiyaage
huno kava neyagaiye. huno kae-maleneane. Tamakaya ani kehena Afa ke nehie. hutama
nehao?
6
Anumaya Kotia tagaila kayone hisuna yana kasagoya nelamiafe avopina mage huno
kae-maleneane
Anumaya Kotia amaugafa aliya nehaiya veanea kame lagino kae neamateanagi amakaiami
amakuama aliya nohaiya veala kayone yamaa neamamie. huno kae-maleneane.
7
Ani yafe tamakua alitama ohaitama Anumaya Kotina aiyaafi mainetama Satanifena Kagai
kea ohavigahunagi alulega vuo. hutama hisagenoa tamataleno ugahie.
8
Anumaya Koti
avatema mime mime visagenoa tamakaienena mime mime eno me lokaeno maigahie. Kefo
yama nehaya veamogatama kefo yatamia neataletama tamayana sese hu-taleho. Vagala
veamogatama tole lamakesa nehaviya yana neataletama nagoke kanale tamaku tamakesale
maiho.
9
Kefo yatamihe tamahaumana halesigetama aviteho. Kigima nehisaya yana
neataletama kefo yatamihena ape hutama mainetama havi ya alige fataga huge hutama
tamaipa haviya hutama maisae.
10
Anumaya Koti aufina Havi veane mainone. hutama
maisayana tamavalesaga huno Ala veane maiho. huno hu-lamategahie.
Tamafu-tamakana-gamifena Naa veane mainae. hutama hu oamateho.
11
Nafunagana-gatama nelamafu-gamifena hutama haviya hu oamateho. Nagoa
veamoya nefugamifema Kagaya naa kava nehane. huya fako hutesayana kahegi kemona hu-
haviya huteya ali fako hu neatae. Hu neatagi tamakaya Anumaya Koti kemona fako
hutesayana ani kea akave omaletama kahegi kemona kaiyeke haviya fako humate veane
mainae.
12
Mainagi nagoke kanomo kahegi kea ali falote hu-maleteno agaiage kaiyekema
fako hu-matesia kanoa maine. Ani kanoa agaiage veamogami amaku amamena ali negatino
nagoa veanea agola ali haviya humategahie. Kagaya hanaa augafa kano maineka
negafugamifena Naa nehane maa nehane. huka fako hu neatane?
Tamakaya vegano-kanola ohiho.
13
Nagoa veamogatama Menifi egafi nago ala kumatega ala mone aliyana nago kafufina
moliteta ala monea aligahune. hutama nehayanagi nago kea tamahapaigahugi haviho.
14
Tamakaya egama vayi hisia yafena nohaviye. Tamahaimuma hanea yamoa hanaa kava
humaine? Tamahaimumoa siamoma kiteno aupaa alino tagama hulino motalea kava
hinagetama aupaa faligahae.
15
Mage hutama hiho Anumayamoa haisigetahena tagaya
tahaimula hanesigeta ma aliyana nealita nagoa aliyaene aligahune. hutama hiho.
16
Hugahayanagi Tagaya na kava hugahune ma kava hugahune. hutamama hayana
tamakaitami tamaugafa alitama haisaya ke nehae. Ani kavala tusia havi kavale.
17
Kanale
auava yama hisaya yafema havilinesaya veamoya ani kanale yama ohisayana kefo ya nehae.
Yemesi Yemesi
<<
44
>>
Yemesi Yemesi
<<
55
>>
5
Tusia moneamima hanea veafe humaine.
1
Tusia monetamima hanea veamogatama haviho. Tamakaitela hanageke yama vayi
hugahema hisia yafena tamakaya kalagi aitama aviteho.
2
Mukia afenotamimoa ago
kasaligeno havigafamoya mukia kenatamia ago neya hano humainae.
3
Halayama nehaya
monetamia kalogalo hageno ago falute-maine. Anima faluteno kalogaloma hage-mainea
yamoa kefo yama nehaya yana ali falote hulamateteno atama nelea kava huno tamaugafa
tesagaligahie. Anumaya Kotia kaiyeke hu-lamatesia kanamoa ago aupaa falote hugahe nehigi
tamakaya monea halaya maitama nehigenoo.
4
Haviho hoyatamifina aliya veamogami
miyaamia nagoa miyaamia havige hu-matetama noamamiya miyaamimoa hu falote hu-
lamateno ke nehie. Anima aliya vayatamimoya kema nehaya kemoa Anumaya Kotia, mukia
yamona tusiya huno kava humainea kanomo, agesafina hai falegeno ago haviline.
5
Tamakaya ma mopafima mainaya kanafina kanaleya hutama tamahaiya yamaagela alitetama
musena maitama nehagi Anumaya Kotia kaiyeke hu-lamatesia kanafina tamakaila tamaku
tamamena tamahae falisiafenagitama kavela nenetama tusinasi vayala ko nehae.
6
Fatago
veamoya tamakaila anonatamia hu otamataya veala, ago kaiyekea humatetama hamaeyageya
fali-mainae.
Kana yama falote hisigeta tokiyaage huta maineta Anumayamo esiafe agava
maisune.
7
Ani yafe nafunagana-gatama Anumayatimoma esiafe tamamena malelava hutama
agava maiho. Hoyamona nefaa kanale kavemo nenaa vayima hisiafe amena malelava huno
maineno hagoteno aisia kofeene haenaga kofeene agava mainegeno kanale kavea falote
higeno ali-maine.
8
Anumayatimo esia kanamoa ago aupa hu-mainegi tamakaienena ania
hutama tamamena malelava hutama Yisasife havitama lamakupi malenaya yana atafa hutama
lokiya vai-litama maiho.
9
Nafunagana-gatama nagoa anagafena kalugalu kea vai oamateho. Ani kavama
hisagenoa Anumaya Kotia kaiyeke hu-lamateno tamakaila ali haviya hu-lamateyafenagi ani
kavala ohiho. Ageho anima kaiyeke hu-lamatesia kanomoa ago fiate hetino maine.
10
Nafunagana-gatama nayona Anumaya Koti amaune vayamogamina Anumayamo agile kea
huhaleya hamanepaigeya ani kema nehaviya veamoya amakaila ali haviya hu-matayanagi
amamena malelava huya mainayane. Tamakaya ania hutama ani ka kanoale akave hutama
vaiyeho.
11
Nagoa veamogamilema kana yama falote higeya amamena malelava huya
maineya tokiya vai-mainaya veamoya Kanale kava hu-mainayanagino muse yaamia hane.
huta nehune. Tamakaya Yopu kea ago havimainae. Kana yama agaite falote higenoa amena
malelava huno tokiya vaino mainegeno haenagaa Anumayamoa kanale yana huteneane.
Tamage Anumayatimoa mukia kanafina hau hulateno kalagi ainelate.
Tamakaya Anumayamo aufina tamage nehune. hutama ohiho.
12
Nafunagana-gatama hagote yana maa ohiho. Anumaya Koti aufina ikamo agiene
mopamo agiene ayena nagoyafi naya atalena tamage nehue. hutama ohiho. E. hinutamahena
ani keage hiho. Aao. hinutamahena ani keage hiho. Havigu Anumaya Koti aufina havigehe
Tamage nehune. hutama hisagenoa Anumaya Kotia kaiyeke hu-lamategahie.
Fatagoma huno nemaisia kanomo nunamumoa tokiyaa hane.
13
Nagoamo-gatamilema kana yama falote hisigetama Anumaya Kotitega ke hutama
havigeho. Nagoamo-gamina amakuamoa musema hisigeya Anumaya Koti agia yagamefiti
alisaga huya maisae.
14
Nagoamo-gatama kali alitama mainesagenoa mono kava vayafe ke
hisageya ani kali veatela nunamu me huya Anumayamo agile masavena amaugafale fale-
matesae.
15
Havigenuyahena tole amaku amakesa ohaviya Anumaya Kotifema havigesuna
yana ago tamigahie. huya amakupi maleneya havigesayana ani kali veamogamina kaliamia
alino hano huteno Anumayamoa ali hetimateteno kefo yama hu-mainesaya yama hanesiana
Anumaya Kotia aigeamateno atalemategahie.
16
Ani yafe tamakaya nagoke nagokemo-
gatama kefo yama humainesaya yafena nagoamo-gami amaule hu falote hisageya Anumaya
Kotitega ke huya havigesageno falu lamahaisia yana lamamigahie. Fatagoma huya nemaisaya
veamoya huya havigesaya nunamumoa tokiyaa haneanagino mukia veala amaya hugahie.
17
Ilaiyae kanomoa, tagai augafa kano maineanagino tusiya huno nunamuna mage huno
havige-maine Kola ikapinagatila elavino omesie. huno havigegeno tagufa (3) kafugi sikisia
(6) ikanagi huno kola oaine.
18
Oaigeno nagoa maigeno eteno nunamu higeno Anumayamoa
kola amamigeno nagoa kavela mopafitila falote higeya ali-mainae.
Veama kama yagalesageta Etetama eho. huta amavalesune.
19-20
Nafunaganagatama haviho nagoamo-gatama kelamage kema neataletama
visageyama nagoa veamoya eteya tamavalesagetama kanale katema esayana anima
tamavaleya tamatesaya veamoya kanale kava nehae. Nagoa veamoya kefo yapima
mainesageya nagoa veamoya amavaleya Anumaya Koti katema amatesayana falisaya amaku
amamena ago aligati-mainayanagino Anumaya Kotia kasagoya kefo yamaamia alitalegahie.
Nagaini nagia Yemesinae.
Yemesi Yemesi
<<
55
>>
Kea
Yoni
00
11
22
33
44
55
66
77
88
99
10 10
11 11
12 12
13 13
14 14
15 15
16 16
17 17
18 18
19 19
20 20
21 21
Yoni Yoni
<<
00
>>
^
Yoni
Yisasia nago agia Kemoe haimuenena maine.
Mono ti fal-mate Yonia mono ke nehie.
Yisasia Anumaya Kotina Sipi sipi nafanea maine.
Talia (3) vayamoya Yisasiene meli lokaeya umainae.
Yisasia Filipifeene Nataniolofeene ke hu-maine.
Kena kumate nago kanomoa a alimaine.
Yisasia ala mono nopi mone aliya nealiya vaya amanati-talene.
Yisasia mukia vayamogami amakuafina ago agemaine.
Yisasia Nikotimasiene kea kea hu-mainae.
Mono tima fale-ma-te Yonia Yisasifena hu-falote huno hu-maine.
Ikapinagati emainea kanohe hama-nepaiye.
Yisasia Samelia aene kea kea nehie.
Yisasia kava kanomona nafaneamona kalia alino kanale hu-tene.
Yisasia nago kali kanoa Petesaita li kotute mainegeno alino kanale hu-tene.
Ikapinagati emainea kano vayamo atenea kanomoa aliyama alisia agia hane.
Nagoa yaaene nagoa kanoene Yisasi aepaa hu-falote hu-mainae.
Yisasia faefu tausenia (5,000) venenemogami kavela amamine.
Yisasia ti avoyale nevie.
Veamoya Yisasife ati maiya aye-mainae.
Yisasia Ikapinaga mayae.
Yisasia agola maige maige hisaya yafe hu-maine.
Fugagieta nopi maineya imu negiya kanale Yisasia mogegahe umaine.
Yisasia imulega umaine.
Veamoya Yisasia hanaa augafa kano maine? huya havigahe hu-mainae.
Ati vayala hu-ma-tageya Yisasina atafa hugahe neae.
Yisasia ofalita maige maige hisuna tife hu-maine.
Veamoya agaifena tolefi ali fako hu-mainae.
Mono note kava vayamoya Yisasifena haviya amametiti nohae.
Kefo kava hu-mainea ala avaleya Yisasite emainae.
Yisasia ma mopafi kani maine.
Yisasia veamogamifena Visua kumatega ougahae. huno nehie.
Ke-lamagemoa alino tamakaila nofi hu-lama-tenaya yana hano hisigetama afa vea
maigahae.
Yisasia Apalahamua falote ohunea kanafina nagainia nagaya mainoane. huno
nehie.
Aulaga asu hu-mainea kanomo kea.
Yisasife amametiti nohaya veala amaulaga asu hu-maine kana veane mainae.
Yisasia kanale sipi sipi afumo kava kano maine.
Yuta vayamoya Yisasina kame hu-tenae.
Lasalusia ago fali-maine.
Yisasia Nagaya fali-mainesafiti ali he-ti-matesua kanogi hamaimu aliya maige
maige hisaya ya amamisua kanoene mainoe. huno hu-maine.
Yisasia Lasalusife hau hu-teteno avite-maine.
Lasalusina fali-mainefiti Yisasia alino he-ti-tene.
Kava vayamoya Yisasina haesaya ke huya haya ki-mainae.
Yisasina aiyale manaage masave fale-tene.
Mono note kava vayamoya Lasalusina haesaya ke huya haya ki-mainae.
Yisasia Yelusalemua ala sauve kana huno hai fale-maine.
Nagoa Kaliki veamoya Yisasi agegahe nehae.
Yisasia yafaga yosale falisia yafe hama-pai-maine.
Kasagoya Yuta veamoya Yisasifena haviya amakupina maleya amametiti nohae.
Yisasia kema nehia kemoa veala fako hu-ma-tegahie.
Yisasia amaiya sese hu-ma-tene.
Yutasia Yisasina avaleno kame vaya amayapi ategahie.
Yisasia yaufa kahegi ke hama-pai-maine.
Yisasia Pitafena Nagia alika fala-kigane. huno nehie.
Yisasia ika kumate visaya kana agaiage maine.
Yisasia Alu Aotage Avamula hu-tesugeno egahie. huno hu-maine.
Yisasia Nagaya vaini nofi mainoe. huno hie.
Ma mopale veamoya kame hu-lama-tegahae huno hu-maine.
Yisasia Alu Aotage Avamumo aliyamaahe hu-maine.
Muse yamoa taipa kana yamo kumala aligahie.
Yisasia ma mopafi tokiya yana ago agase-maine.
Yisasia agaia anagaa hama-maesia yafe nunamu hu-maine.
Yutasia Yisasina avaleno kame vaya amayapi atene.
Yisasina Anasite avaleya umainae.
Pitaa Yisasifena Oagenoa kanoe. huno hu-maine.
Ala mono note kava kanomoa Yisasina kaiyeke hu-tene.
Pitaa nagoene Yisasifena avane hu-maine.
Yisasina Pailatite avaleya umainae.
Pailatia Yisasifena Yafaga yosale nili hetama asaigeno falino. huno nehie.
Yisasina yafaga yosale nili heya asai-mainae.
Yisasia ago fali-maine.
Ati kanomoa keveleti Yisasina haohipafi aye-maine.
Yisasina haegafa komufi he-vai-tenae.
Yisasia fali-mainefiti eteno he-ti-maine.
Magatala Maliaa Yisasina age-maine.
Yisasia alevenia (11) anagaamogamite evayi hu-maine.
Tomasia Yisasina age-maine.
Sevenia (7) anagaamoya Yisasina age-mainae.
Yisasia Pitafe Sipi sipinilela yagaiyo. huno hapai-maine.
Yisasia hau ayamopafima nehaiya kanomofe hu-mainea ke.
Yoni Yoni
<<
00
>>
Yoni Yoni
<<
11
>>
Yisasife Kanale Ke
Yoni
Kaemalenea Ke.
1
Yisasia nago agia Kemoe haimuenena maine.
1
Ehema Anumaya Kotima ma mopama taloma ohunea kanafina Yisasina nago agia
Kemoe huno maineane. Anumaya Kotiene tokaeana mainaane. Ani Kemoa, Yisasie,
Anumaya Kotiene nagoya hu-mainaane.
2
Mainaageno ehe kanafina ani kanoa Anumaya
Kotiene tokaeana mainaane.
3
Anumaya Kotia hapaigeno Yisasia mukia yana talo hu-
maleneane. Yisasia nago yana talo ohunea yana omalene.
4
Ani Yisasia mukia veala
hamaimu neamamia kano maineanagino ani haimuamoa veala aye hale-ma-te yamaa hane.
5
Ani hale yamoa haniki mainea yapina aye hale-mainegeno hani-ki-mainea yamoa alino asu
ohune.
6
Anumaya Kotia nago kanoa hu-tegeno emaine. Ani kanomo agia Yonie.
7
Ani kanoa
hale yamo ke hama-paigahe emainegeya agai keleti mukia veamoya hale yafe Tamage
hane. huya agaife amakupi maleya ametiti hisaya yafe emaine.
8
Yonia hale yamona aepaa
omainegi afaa hale yamona aepaa hanea kanomofe hama-paigahe emaine.
9
Ani tamage hale
yamaa ma mopale eno mukia veane aye hale-ma-tegahe emaine.
10
Ani Yisasia ma mopama talo hu-malenea kano emaineanagi ma mopafi veamoya
ageteya aepaa havilama huya ohavinae.
11
Agaia talo hu-malenea mopale emaineamagi agaia
veamoya avaleya falu fala huya oavalenae.
12
Avaleya oatageya nagoke nagokemoya falu
fala huya Yisasina avale-mainaya veamoya Yisasife amakupi maleya amametiti nehaya
veamogamina Yisasia tokiyaaleti Anumaya Koti nafaneyagae. huno hu-neama-te.
13
Ani
veamoya vayamo kolateti oama-temagi Anumaya Kotiteti ama-tene. Vemo augafa ageno
haye hu yateti oamatenegi Anumaya Kotiteti amatene. Veamoya nafane atesaya amakesa
haviya yateti oamatemagi Anumaya Kotiteti amatene.
14
Yisasina nago agia Kemona atetegeno ve maineno tagaiene mainegeta agaila alu
aotage tokiya hale yamaa neagone. Ani kanoa Anumaya Kotina aiya nagoke nafanea
maineamagino nefaa agaia alu aotage tokiya hale yamaa amigeno ali falu huno kayoneage
yaene tamageage hu yaene agai aguafina hiya hu-maine.
15
Yonia keha keha nehuno agaife mage hie Ma kanomofe nayona mage huna tamaha-
pai-mainoe haenagaa nago kanoa nagaila onatenele mainea yafe nagaila ago nagase-mainea
kanoa egahiema huna tamaha-pai-mainoane.
16
Ali falu huno kayone yamaa hiya hu-mainefiti tagaila mukiamogatina taya huno
kanale manu tamiteno nagoa kanale manuene nelamie.
17
Tamage Anumaya Kotia kahegi
kema malenea kea Mosesena ayapi maleteno hapaigeno hama-pai-mainiamagi ali falu huno
kayone yaene tamage hu yaene Yisasi Kalaisiteti nealune.
18
Nagoke kanomoa Anumaya
Kotina oagene. Tamage mukia veala oagenae. Aiya nagoke nafaneamoa Anumaya Kotiene
nagoya huana mainaamagino ani kanomoa Nefa avate maineleti Nefana agaiage tave-nelino
aepaa hu-gafino taha-pai-maine.
Mono ti fal-mate Yonia mono ke nehie.
19
Isaleli vayamoya Yelusalemu mainaleti Livae nofi vayaene mono note kava vayaene
hu-ma-tageya Yonife Kagaya tagae? hutama havigeho huya hama-pai-mainae. Hama-
paigeya mo havigageno Yonia ma ke huno hama-nepaiye.
20
Yonia ani ke fala-kino ohunegi
ani kea hu falote huno mage huno hie Nagaya Kalaisi, Anumaya Kotima taugafa ali-
gatigahe hu-tenea kanoa nagaya omainoe. huno hie.
21
Higeya Ani kanoa omaimagi kagaya
tagae? Ilaiyaga mainapi? huya havigageno Aao nagaya ani kanoa omainoe. Yonia make
huno higeya Nagi Anumaya Koti aune kano mainapi? huya hageno Aao. huno hie.
22
Higeya Taha-paiyo kagaya tagae? Hu-la-tenaya vayamogamina kenonaamima hama-
paisuna kea kagesafiti kagaika aliyafe naane ke nehane? huya havi-negae.
23
Nehageno
Yonia kenonaamilela mage huno hama-nepaiye Nagaya ma kano mainoe. Nage aina kame
kotegati keha keha hisua kano mainoe. Aisaiyaa Anumaya Koti aune kanomoa nayo hu-
malenea kea mage huna nehue
Anumaya visia kana alitama hilato hutama ali fatago hiho.
huno hu-maineane. huno hie.
24
Anima havigesia kema aliya vaya vayala Falasia vayamoya
hu-ma-tenae.
25
Ani vayamoya Yonife mage huya havi-negae Kalaisigaene Ilaiyagaene
Anumaya Koti aune kanoenema omaineka naa higeka tina fale neamatane? huya havi-ge-
mainae.
26
Havigageno Yonia kenonaamilela mage hie Ma nagaya titeti fale nelama-toamagi
tamakaipina nagola oagenaya kanoa he-ti-maine.
27
Heti-maineamagino ani kanomoa
haenagaa egahie. Nagaya afa kano mainoamagina agai aiyalela ayesuana onategahie. huno
hu-maine.
28
Yonia Petani kumate Yotani timona atu kaiyaga maineno veane ti fale neama-
teno mani kea hu-mainea kehe mehavi-ge-mainae.
Yisasia Anumaya Kotina Sipi sipi nafanea maine.
29
Faeteya kotigeya Yisasia Yonitega eneegeno Yonia ageteno mage huno nehie
Ageho mani kanoa Anumaya Kotina Sipi sipi nafaneae. Haenagaa haesageno falisia yateti
ma mopale veamogamina kefo yaamia ali-talesia yafe emaine.
30
Ani kanomofe nayona mage
huna tamaha-pai-mainoe Haenagaa esia kanomoa nagaila onatenele mainea yafe nagaila ago
nagase-mainea kano egahie. huna tamaha-pai-mainoane.
31
Nagaya agaila aepaa
oagenoanagi Isaleli veamogamina Yisasina amave-ligahe tina mo fale-ma-tesoe huna
emainoane. huno hie.
32
Yonia mage huno hama-pai-maine Anumaya Kotina Alu Aotage Avamuamoa nama
kana huno ikapinagati elavino eayamo augafalela emainegena age-mainoe.
33
Nagaya agaila
oagenoanagi Anumaya Kotia ti fale-ma-to yate hu-natenea kanogino mage hie Kagaya
agegane nagaini Alu Aotage Avamumoa elavino nago vemo augafalema emaisigekama
agesana vemoa veamogamina Alu Aotage Avamualeti fale-ma-tegahie huka havigane. huno
higena havi-mainoane.
34
Nagaya ani kema hia yana ago age-mainoleti tamaha-nepauve ma
kanoa Anumaya Kotina neamo maine huna nehue. huno hie.
Talia (3) vayamoya Yisasiene meli lokaeya umainae.
35
Faeteya kotigeya Yoniene agaiaene tokaeana nemaia kanolataene eteya he-tiya
mainae.
36-37
Yisasia nevigeno Yonia ageke huno ageteno mage hie Anumaya Koti Sipi sipi
nafanea atu maine. huno higeana Yoniene tokaeana nemaia kanolatana ani kea haviteana
Yisasina akave nevae.
38
Akave nevaageno Yisasia mai-yahae huno anaketeno ke huno hana-
vige Naafe neae? huno higeana anakaya mage hae Lapaiga hanate nemaine? huana
nehae. Lapai tagai kefina hu-mave-lina kanoe huno hie.
39
Yisasia mage huno hie Etana
megeo. huno hana-paigeana agaiene nevaageno une kigeana nomaa mogeteana ani kanalela
agaiene mainae.
40
Yoni kema haviteana Yisasi akavema umainaa kanolatapitila nago kanomo agia
Etalue ani kanoa Saimoni Pitana aganaamoe.
41
Etalua hagoteno nepuamona Saimonife mo
atiyeno mogefalote huteno mage huno hapaiye Anumaya Kotima taugafa ali-gatigahema
hu-tegeno emainea kanoa Kalaisina nagaya ago agoe. huno hie.
42
Huteno Saimonina
avaleno Yisasite nevaageno Yisasia ageke huno ageteno mage hie Kagaya Saimoniga
Yonina nemofogae kagai kagia mage huna nemaloe Sifasigae Pitagae. huno nehie. Ani
agilatamogania nagoya hu-mainae. Tagai kefina yafamogae huno malene.
Yisasia Filipifeene Nataniolofeene ke hu-maine.
43
Faeteya kotigeno Yisasia Kalili visia agesa havino vilegati Filipina mogeteno mage
huno hapaiye Kagaya nakave eno. huno hapaiye.
44
Filipia Petesaita kumate kanoe. Ani
kumala Etalugani Pitagani kumale.
45
Filipia Nataniolona moge-falote huteno mage huno
hapaiye Nago kanomofe Anumaya Koti amaune vayaene Moseseene mono autamafi kae-
malenaya kanoa tagaya ago age-falote hunana agaya Nasaleti Yisasie Yosefena nafaneamo
maine. huno hie.
46
Higeno Natanioloa mage huno hie Nasaleti kanale yana falote hisifi?
Falote ohugahie. huno higeno Filipia mage huno hie Eka mego. huno hapaiye.
47
Hapaigeana neaageno Yisasia Nataniolona ageteno mage hie Ageho Isaleliti tama
kanolafane. Mani kanoa nagola havigea omalenea kano maine. huno hie.
48
Higeno
Natanioloa mage huno havinege Nagai aepaa na yu havimainanane? huno havigegeno
Yisasia mage hie Filipia kagaila moge ohunegeka kagaya fiki yosamo aepale mainanagena
nagaya ago kage-mainoe. huno hie.
49
Higeno Natanioloa mage hie Hulaveli kanomoga Anumaya Koti nafane mainane.
Kagaya Isaleli kotega ala sauve kano mainane. huno hie.
50
Higeno Yisasia Nataniolofe
mage hie Fiki yosamo aepale mainanagena nagaya kage-mainoafe tamage nehane huka
kagupi maleka kametiti nehano? Haenagaa tusia ala kavayaga efalote hinageka agegane.
huno hapai-maine.
51
Yisasia amakaife mage hie Tamagelafa huna tamaha-nepauve
tamakaya ikamoma ai-halenagetama neagetama ikapinagati emainoa kano vayamo natenea
kanomonilela Anumaya Kotina ensole anagaamoya naugafalela haiteya laviteya
nehisagetama agegahae. huno hama-nepaiye.
Yoni Yoni
<<
11
>>
Yoni Yoni
<<
22
>>
2
Kena kumate nago kanomoa a alimaine.
1
Tole kana maiteya Kalili hanea kumala Kenae nehaya kumate nago kanomoa a aligahe
higeno Yisasina itaamoa anima ama aligahema hia nopi umaine.
2
Umainegeya Yisasiga
kagaienema tokaeya nemaiya anagakaene eho. huya ke hageya umainae.
3
Umaineya
nenageno nofi alagamo tina hano higeno Yisasina itaamoa Yisasina mage huno hapaiye
Nofi alagamo tina hano hie. huno hanepaiye.
4
Higeno Yisasia mage hie Aoko Naa maa
huo. huka nahaopaiyo kagai yana omalene. nagaya tokiyania amavelisua kanaa falote
ohune. huno nehie.
5
Nehigeno Yisasina itaamoa kavema talo talama huya amamiya
veanehe mage huno hama-paiye Nago kema hinagetama agai ke akave maleho. huno
hama-nepaiye.
6
Yuta vayamogami mono kemoa mage humaine Mukia kanalela mukia yana sese
hutama ti faleho. huno humaineane. Ani yafe sikisia (6) yafa ti keayola vani hataletia (100)
lita hanea keayola anilela hane.
7
Hanegeno Yisasia kavema talo talama huya neamamiya
veanehe mage huno hama-paiye Mani li keayoyakafina hefitama havateho. huno hama-
paigeya hefi havate-mainae.
8
Havatageno Kavetema kava yagai-mainea kanole osia
hefitama alitama momiho. huno higeya hefiliya umainae.
9
Hefiliya momigeno ani kavetema kava yagai-mainea kanomoa ani lina hagotenoa titafa
haniamagi haenagaa eteno nofi alagamo ti hapaegeno neno akekeana higeno ani lina ea
kamaa oageneamagi hefiyama aliyama aya veanemoyage havimainae. Kavetema kava
kanomoa ama alia kanohe ke huno mage huno hapaiye.
10
Mukia vayayaga hagote kanalela
hagaage tina amamigeya mageno amamu higeya haviyama hia tina neamamiya yamagi
kagaya hagote kanalela afa li tamiteka haenaga hagaage tina nelamine. huno nehie.
11
Manima taloma hia tokiya avame yana Yisasia hagote kanale Kalili hanea kumala
Kenae huya nehaya kumate ani kavala talo nehuno tusia ala tokiya hale yamaaene
amaveligeya agaienema tokaeya nemaiya anagaamoya ageteya aliya amakupi maleya
amametiti hu-mainae.
12
Naa hu-maletegeya Yisasiene itaamoene aganaamoyaene agaienema
tokaeya nemaiya anagaamoyaene Kapaneamu laviya osi kanaa anile mainae.
Yisasia ala mono nopi mone aliya nealiya vaya amanati-talene.
13
Nago ala imua Anumaya Kotima Yuta veayamogami amakinagomogami amaugafama
aligatimainea kanahe amakesa havi havi nehaya imu negiya kana evayi hugahe higeno Yisasia
Yelusalemu haimaine.
14
Yisasia ala mono nopi haino mogeana vayayagamoya pulumaka
afuma sipi sipi afuma namama malenageya veamoya miya hisaya yafe malenageno Yisasia
mokemaine. magi nagoa vayamoya alu kotega nehanea monea nealiya ani kumatema
nehanea monea anonaa amamisaya yafe folomole maleya mopale mainageno momakemaine.
15
Momaketeno nofiteti alifagagi maleneno mukia vayama sipi sipima pulumaka afuyakaene
mono nopiti ali helafi neataleno monema ayeyahaema nehaya vayamogami folomoamiene
moneamiene ali helafi-talene.
16
Namayagama miya nehaya vayafe mage huno hamapaiye
Alitama eviho. Mafina nenafa nona tamakaya alitama maketi kumala talo ohiho. huno
nehie.
17
Nehigeya agaiaenema tokaeya nemaiya anagaamoya avopima hanea kehe amakesa
nehaviye. Ani kea mage huno haneane Anumaya Koti nofena mukia kanale magesa havi
havi huna nokaa kanaleya huno hanesia yafe aluya huna muse nehue. huno kaemalenegeya
havimainayane.
18
Havimainayamagiya Yuta vayamoya eteya havinegae Aniama hana kavala ta
tokiyaleti nehane? Tokiyakaa hane huta havisuna yafe nagola oagenona tokiya avame yana
hugeta agamano. huya nehae.
19
Nehageno Yisasia kenonaamia mage huno hama-paiye
Ma ala mono nona alitama lagape aitaletesagena talia (3) kanale etena ani nona alina
hetigahue. huno nehie.
20
Higeya Yuta vayamoya mage huya hapaiye Kekamoa kanale
ohia ke nehane talia (3) kanale ani nona alina hetigahue huka nehanamagi vayayagamoya foti
sikisia (46) kafufi mani nona kimalenaya none. huya nehae.
21
Huya hageno Yisasia ani avame kea hiamagi ani mono nofema hiana agaia augafahe
nehie.
22
Yisasima falitenoma he-ti-mainea kanafina agaienema tokaeya nemaiya anagaamoya
ani kema humainea kehena amakesa havimainae. Avopima hanea kene Yisasima humainea
kene Tamage humaineane. huya amakupi maleya amametiti humainae.
Yisasia mukia vayamogami amakuafina ago agemaine.
23
Imuma negiya kanale Yisasia Yelusalemu maineno oagenaya tokiya avame yana
higeya ageteya mukia veanemoya Tamage nehie. huya amakupi maleya amametiti
humainae.
24
Hayamagi Yisasia mukia veanemogami amakua ago amakea yafe agua
noamamie.
25
Naafene amakupima hanea yana ago age-mainea yafe Yisasia mukia
veamogamife Tamakupima hanea yana naha-paiyo. huno ohune.
Yoni Yoni
<<
22
>>
Yoni Yoni
<<
33
>>
3
Yisasia Nikotimasiene kea kea hu-mainae.
1
Nago Falasia kanoa Yuta vayate ala kava kanoamimo agia Nikotimasie.
2
Nago kegela
ani kanomoa Yisasite eno mage huno hie Humave-nelina kanomoga tagaya ago
havimainone kagaya humaveli hama-veli nehana kanomoga Anumaya Kotia hu-gategeka
emainane. Kagaya oagenaya tokiya avame yana nehane. Anumaya Kotia kagaiene
omaineleasina ania kavala ohateasine. Ani yafe tagaya ago havimainone Anumaya Kotia hu-
gategeka emainane. huno hie.
3
Higeno Yisasia mage huno hie Tamage-lafa huna kaha-nepauve anafinaga
kanomoma nago kanoma haegafa huno oatesiana Anumaya Kotima kava yagai-mainea
kumala oagegahie. huno hie.
4
Higeno Nikotimasia mage huno hie Alopa kanomona hanaa
huno ateleasine? Itaamo aipafinaga eteno hai falesigeno nagoene eteno atesie huka nehapio?
huno havinege.
5
Havigegeno Yisasia mage huno hie Tamage-lafa huna kaha-nepauve titetiene
Anumaya Koti Alu Aotage Avamumotetiene oatesiana Anumaya Kotima kava yagai-mainea
kumatela ougahie.
6
Amaugafama hanea veamoya augafa hanesia nafane amategahayanagi
Anumaya Kotina Alu Aotake Avamumoteti atesia kanomona Alu Aotage Avamumoa
haimula amigahie.
7
Nagaya mani kema hua kea Nagoene eteka nato huka huo. huna hua
kehena havika kamayoa aika atali ohuo.
8
Yasimoa agaia hau yate alino visia yana
kaulagamoa oagene. Afaa uhuhu uhuhu hia kea haviteka hanategatima aepa heno falote hia
kaene vaiyea kaene oagenane. Yasimoma hia avamete huno Anumaya Kotina Alu Aotake
Avamumoa nago kanomona neateana noagone. huno hie.
9
Higeno Nikotimasia mage huno
havige Ani yana hanaa huno falote hugahie? huno havinege.
10
Havigegeno Yisasia mage huno hie Kagaya Isaleli veane hu-maveli hamaveli nehana
kano mainanagi naa higeka ohavinane?
11
Tamage-lafa huna kaha-nepauve age-mainona yafe
kaha-nepauve havilinona yafe kaha-nepauvanagi mani kea tamakaveno hu-neatae.
12
Nagayama ma mopale yafe ago kaha-nepauvanagi Tamage nehane. huka havika kagupi
maleka kametiti nohanagi ikapinaga yafema kaha-paisugeka hanaa huka havika kagupina
maleka kametitia hugane?
13
Nago kanomoa ikapinaga ohainegi nagaya ikapinagati emainoa
kanoa vayamo natenea kanomona nagainiage ikapinagatila ma mopafina elavi-mainoe.
14
Mosesea kame kotega maineno osifavea talo huteno yosale malegamaeno alisaga hu-
mainea kavala menia ania huya ikapinagati emainoa kanoa vayamo natenea kanomonina
navaleya alisaga hugahae.
15
Alisaga hisageno mukia veamoya Tamage nehie. huya
amakupi maleya amametiti hisaya veamoya agola maige maige hisaya hamaimula aligahae.
16
Anumaya Kotia aiya nagoke nafanea maineanagi ma mopafi veanehe tusiya huno hau
ayamopafi haigeno ani aiya nagoke nafanea hu-tegeno elavino emaine. Emainegeta tagaya
nagoke nagokemogata agaife tagupi maleta tametiti hisunana haniki-mai yapi tegelege nehia
atafina ougahunanagita agola maige maige hisuna tahaimula aliteta maigahune.
17
Anumaya
Kotia nafaneamona mopale veane kaiyeke hu-mateno nofi hu-matesia yatela hu-tegeno
omenegi mopafi veane amaku amamemaa ali-gatisiafene huno hu-tegeno emaine.
18
Emaineanagi nagoa veamoya Yesasifena amakupi maleya amametiti haya veala
Anumaya Kotia kaiyeke huno nofila hu oama-tegahianagi nagoa veamoya Anumaya Kotina
aiya nagoke nafanehe haviya amakupi omaleya amametiti nohaya yafe Anumaya Kotia ago
kaiyeke hu-ma-teteno ago nofi hu-ma-tene.
19
Kaiyekema hu-mate yamo aepaamoa maa hu-
maine, aye hale-ma-te kanoa ma mopafina ago emainegeya veamoya kefo yana nehuya hani
yapi maisaya yafe muse huya hale yafena nohamaiya yafe Anumaya Kotia ago kaiyeke hu-
ma-tene.
20
Mukia kefo kava huge huge nehaya veamoya hale yafena nohamaigeya Hale
yapima visunageya kefo yatia age-falote hugahae. huya hale yapina nomae.
21
Tama kava
nehaya veamoya hale yapima neeya mage nehae Anumaya Kotia taya higeta kanale yana
hu-mainonafe mukia veamoya agesae. huya nehae.
Mono tima fale-ma-te Yonia Yisasifena hu-falote huno hu-maine.
22
Naa hu-maleteno Yisasiene agaiaenema tokaeya nemaiya anagaene Yutia umaineya
nagoa kana umaiteya veanea mono tina fale-ma-tenae.
23
Fale-ma-tegeno Yonia Ainonie
nehaya kumate maineno ania huno veanea fale-ma-tene. Ainoni kumala Salimie nehaya
kumamo aupate hane. Kasagoya tiyaga anilega haneanagiya veamoya ete ete hageno tina
fale-ma-tene.
24
Yonina avaleya nofipina oatenageno ani lina fale-ma-tene.
25
Yonienema tokaeya nemaiya anagaene nago Yuta kanoene mono tima fale yamo
auava yafe mohu mehu huya ke vai-mainae.
26
Ke vai-maleya Yonitega mage huya mo hane-
paiye Hulave nelina kanomoga Yotani limona ame haupalega kagaienema mainegeka
agaifema taha-pai-mainana kanomoa menia agaia tina fale nea-ma-tegeya mukia veamoya
agaitega utele nehae. huya hae.
27
Hageno Yonia mage huno hie Anumaya Kotia nagoa veamogamina nago yana
oamamineleasina oalileasine.
28
Tamakaya agoma hu-mainoa kea havilinae. Mage huna hu-
mainoe Nagaya Anumaya Kotima taugafa ali-gatigahe hu-tenea kanoa omainogi nagaya
uhagotena nevisugeno agaya haenaga egahie. huna hu-mainoe.
29
Nago vemoa ama aliana
agaia a maineanagi ayama hu-mainea kanomoa agava huno ama ali-mainea kea haviteno
tusia muse nehie. Aniama hia avamete huna Yisasitega veama nevaya yafena nagaya tusia
muse nehue.
30
Yisasi agimoa nagaila nagaseno ala huno haigahianagi nagai nagimoa afete
tavigahie. huno hie.
Ikapinagati emainea kanohe hama-nepaiye.
31
Yonia mage huno hie Anafinagati elavi-mainea kanomoa mukia yana amakase-
maineanagi ma mopaletima efalote hu-mainea kanomoa ma mopale kano maineno mopale
yafeke kea nehie. Ikapinagati elavi-mainea kanomoa mukia yana amakase-maine.
32
Ikapinagati elavi-mainea kanomoa age-mainea yafeene havimainea yafeene hama-
nepaiyanagi nagoa veamoya ani kea haviya amakupina nomalae.
33
Nomalagi nagoke nagoke
veamoya hu-mainea kea haviya amakupima malaya yafe Anumaya Kotia tamageage kano
maine. huya hu-lokiya nevaiye.
34
Anumaya Kotia hu-tenea kanomona Anumaya Kotia Alu
Aotage Avamula nago haupa nago haupa huno oaminegi mukia hiya huno aminegeno
Anumaya Koti kea nehie.
35
Higeno nefaa nafaneamofena tusia muse nehuno mukia kava
yagaisia yana ayapi malene.
36
Nagoa veanemoya nafaneamofema Tamage nehie. huya amakupi maleya
amametitima hayana agola maige maige hisaya hamaimula ago ali-mainayanagi nagoa
veamoya nafaneamoma hia kema akavema omalesayana ani hamaimula oaligahae. Anumaya
Kotia ani veamogamina aipa haviya hu-mateno kaiyekea ago hu-neamate.
Yoni Yoni
<<
33
>>
Yoni Yoni
<<
44
>>
4
Yisasia Samelia aene kea kea nehie.
1-2
Yisasia Yonina agaseno mukia veamogamina tina fale-ma-teno hai-maine. huya
haya ke Falasia vayamoya havimainae. Yisasia agaia tina fale oama-tenegi agaiaenema
tokaeya nemaiya anagaamoya fale-ma-tenae.
3-4
Falasia vayamoya ago ani kea haviya yafe
Yisasia haviteno Yutia neataleno Kalili eteno ugahe amuno kola mogaseno via kotega
Samelia mo vaiyatete hu-maine.
5
Nago Samelia kumamo agia Sika. Ani kumala Yekopua Yuta vayamogami
amakinagomoa nafaneamona Yosefe aminea hoya hanelega hane. Yisasia ani kumate evayi
hu-maine.
6
Yekopua ti he-nefia kagemuyola hanegeno yagemoa amuno-kano higeno Yisasia
kama vaiye-mainea yafe kasalo haegeno ani kagemuyo ti avayale eno mopale maine.
7
Mopale emainegeno nago Samelia amoa ti he-figahe neegeno Yisasia mage hie Tina
namigena nano. huno hie.
8
(Yisasienema tokaeya nemaiya anagamoya anile omainagi kave
miya hugahe ala kumatega umainae.)
9
Yuta vayaene Samelia vayaene amakoya huya
amahaote amahaote huya nemaiya yafe ani Samelia amoa mage huno hie Kagaya Yuta
kano mainanagi nagaya Samelia a mainogi naa higeka nagaifena tina namigena nano huka
nehane? huno havinege
10
Higeno Yisasia mage huno hie Kagaya Anumaya Kotima amuse
yama kamisia yafema havimainateasina tifena nagaila nahavi-gateasine. Tima namio hia
kanoma nagemainateasina tifena nahaviganagena maige maige hisana tina kamuleasine.
huno hie.
11
Higeno ani amoa mage huno hie Ala kanomoga ani li komua afe yapi hanegi
tima he-fisana keayola omalegi hanateti ani maige maige hisua tina he-fika namigane?
12
Yekopua, taginagomo ani kagemuyola tamineane. Yekopua nafaneyagaaene agaia
afuyagaene ani komufitila ne-mainae. Agaila agase-mainoe. huka nehapio? huno hie.
13-14
Higeno Yisasia mage huno hie Mukia veala ma lipiti nesayana eteya lifena
amakegahianagi nagoke nagoke veamogamima amamisua timoa amakusafinaga kapae
nehagea ti kana huno lavige lavige hisigeya maige maige hisaya hamaimula amamigahie.
huno hie.
15
Higeno ani amoa mage huno hie Ala kanomogae ani lina namigena nano.
Namisanagena nagoene onahaugahianagina malela tima he-figahena etena omano. huno hie.
16
Higeno Yisasia mage huno hie Negavena mo ke hu-lika male eno. huno hie.
17
Higeno ani amoa mage hie Nenavea omaiye. huno higeno Yisasia Nenavema
omaiyema hanana tamage nehane.
18
Kagaya faefua (5) negaveya mainayane meni kanafina
nago vene mainananagi miya hu-ga-tenaya negavea omaine. Mani kea tamage huka naha-
nepaine. huno hie.
19
Higeno ani amoa mage huno hie Ala kanomogae nagaya ago
havimainoe kagaya Anumaya Kotina aune kanoa mainane.
20
Taginagomoya ma agoyale
Anumaya Koti agia alisaga nehayanagi tamakaya Yuta vayamogatama Yelusalemu
Anumaya Koti agia alisaga nehaya kumala hane. hutama nehae. huno hie.
21
Higeno
Yisasia mage huno hie Ma amoga nagayama tamage huna kaha-paisua ke havika kagupi ai-
maleteka kametiti huo. Nago kana falote hinageno ma agoyaleene Yelusalemuene Anumaya
Koti agia alisaga ohugahagi alu kumateti kumateti agia alisaga hugahae.
22
Tamakaya Samelia
veamogatama agima alisaga nehaya kanomona age-lama hutama oagenae. Tagaya Yuta
veamogata agima alisaga nehuna kanomofe havilama hu-mainona yafe agia alisaga nehune.
Tamaugafa ali-gatisia kanoa Yuta vayapiti falote nehie.
23
Nago kana falote hugahie. Ani
kana ago falote hu-maine. Nenafa agima alisaga hisaya veamoya tamage huya amaku
amamemaafiti Nenafa agi alisaga hisaya kanamoa ago falote hu-maine. Nenafana amaku
amamemaafiti agima alisaga hisaya veanehe ati neaye.
24
Anumaya Kotia augafa omalenea
avamula mainea yafe agai agima alisaga hugahena veamoya amaku amamemaaleti tamage
huya agia alisaga hiho. huno hie.
25
Higeno ani amoa kenonaa mage huno hie Kalaisia, Anumaya Kotima taugafa ali-
gatigahie huno hu-tesia kanoma esia kea nagaya ago havimainoe. Esiana mukia yafena taha-
paigahie. huno hie.
26
Higeno Yisasia kenonaa mage hie Nagaya nevayana kakaienema
mainena kema nehua kanoa mani kano mainoe. huno hie.
27
Mani kea nehigeya agaiaenema tokaeya nemaiya anagala eteya neeya Yisasima
amoenema kea kea haayafe ageteya tusi amakesa havi havi hayanagi nagoamoya Naafe
nehane? huya amofena haviokenae. Naa higeka ma aene kea kea nehane? huya Yisasina
haviokenae.
28-29
Ani amoa ti kena neataleno ala kumatega uno anifima mainaya veanehe mage huno
hama-paiye Mukia nayoma hu-mainoa yama naha-paiya kanoa etama megeho. Ani kanoa
Anumaya Kotima taugafa ali-gatigahema hu-tenea kanofi? huno hie.
30
Higeya kumala
neataleya Yisasitega emainae.
31
Yaufa neageya Yisasienema tokaeya nemaiya anagaamoya Yisasifena mage hae
Hulave-nelina kanomoga nesana yana hanegi no. huya nehae.
32
Nehageno Yisasia mage
huno hie Nagaya oagenaya kavenia hane. huno hie.
33
Higeya ani anagaamoya amakaiami
huge havige huya mage hu-mainae Nago kanomo nesia kavela ago alino me mainefi? huya
hae.
34
Hageno Yisasia mage huno hie Nesua kavela ma hane hu-na-tenea kanomoma haisia
kavama huna naminea aliyana alivaya ayesua yana kavenia hane.
35
Veamoya nehaya ke mage hutama nehae Foa (4) ika maitesunageno afuma nelea
kana falote hugahie. hutama nehafi? Nagaya tamaha-nepauve tamakaya hoyafina age-lama
hutama ageho. Ani hoyafina ago afu-le-maine. Anima hia kava huya veamoya nagai kema
haviyama amakupi maleya anametiti hisaya yafe ago afu-le-mainae.
36
Afuma leana Anumaya
Koti kema havisaya yafe ayama hisia kanomoa anonaa aligahianagi aya hu-mainaya vayala
amakupi maleya amametiti hisayana agola maige maige hisaya hamaimula aligahae.
Aligahayanagi ani hoyafima avina yama negalia kanomoene afumalegeno ayama huno nealia
kanomoene nagoya huana musena hugae.
37
Manima agoma hu-mainaya kea Nago
kanomoa kali-malegeno nago kanomoa nenaa nealie. huya haya kea tamage nehae.
38
Nehagi nagoa veamoya kasageke huya anima nagai kema ohavinaya veamogamina
Anumaya Koti ke ago hama-pai-mainagi tamakaya ayama hugahena ani vayate ago hu-lama-
togetama hama-pai-mainayanagiya amakupi malesagetama afaa nenaage aligahae. huno hie.
39
Ani amoma hu-mainea kehe mukia Samelia veamoya Yisasife haviya amakupi maleya
amametiti nehae. Ani amoa mage huno hu-maine Mukia hu-mainoa yana ago naha-pai-
maine. huno hu-mainea kehe haviya amakupi maleya amametiti hu-mainae.
40
Yisasite evayi
huya mage huya hae Tagaiene maisane. huya havigageno Yisasia amakaiene tole kana
maine.
41
Mainegeya kasagoya veamoya agai kema haviya yafe amakupi maleya amametiti
nehae.
42
Amametiti nehuya ani amofe mage huya hapaiye Menima kagai kema havuna yafe
Yisasina tagua amita tametiti nohunagi tagayama agai kema tagaiti haviteta tagupi maleta
tametitia nehune. Menia nehavune mani kanoa ma mopale veamogati taugafa ali-gatigahe
emaine. huya nehae.
Yisasia kava kanomona nafaneamona kalia alino kanale hu-tene.
43
Anile tole kana maiteno Yisasia ataleno Kalili umaine.
44
Yisasia agaia nayona mage
huno hu-maineane Nago mono ke hama-nepaiya kanomoa agaia vayaamogamipi maineana
vayaamoya Ala kanomo kegi havigetao. huya nohae. huno hu-maineane.
45
Hu-
maineanagi Kalili evayi higeya ani kumate veamoya hu falu fala huteya muse-kase hu-
mainae. Naafene ani veamoya Yelusalemu ala imu ki-mainaya kanale Yisasima mukia yama
hu-mainea yama moge-mainaya yafe hu falu fala huteya musena hu-tenae.
46
Musena hutetageno Yisasia eteno Kalili hanea kumala Kena kumate uvayi hu-maine.
Ani kumatela Yisasia tifena higeno nofi alagamo ti hapae-mainea kumale. Yisasia anile
umainegeno nago kamani kava kanoa, Kapaneamu kumate kanogino, neamoa kali ali-maine.
47
Kali nealigeno nefaa Yisasima Yutiati ago Kalili emaine. huya haya kea haviteno aupaa
nafanea neataleno Yisasite eno mage huno hie Nafanenia falisia kava nehigi melika kanale
huto. huno hie.
48
Higeno Yisasia mage huno hie Tamakaya tokiya avame yama oagenutamahena
nagaifena tamakua havi onamitama tamametitia ohugahae. huno hie.
49
Higeno ani kamani
kava kanomoa mage huno hie Ala kanomogae nafanenia ago faligahe nehigi afaa kaiyayeka
nagaiene eno. huno hie.
50
Higeno Yisasia mage hie Kagaya afaa vuo. Nafanekamoa
ofaligahigi afaa maigahie. huno higeno Yisasima hia kea havino akuafi maleteno ametiti
nehuno umaine.
51
Emainea kate eteno maitagifeno nevigeno aliya nafaneamoya me fotu huteya mage
huya hae Kagaila nafanekamoa ago kanale hu-tegeno maine. huya me-hae.
52
Me hageno
Na kanale aepa heno kanale hu-tene? huno hamavi-gegeya Ega yagemoa ali tagifeno
nagokete evigeno ani amuko-nakoma haiya kalimoa kanale hu-tene. huya hae.
53
Hageno
nefaa agesa haviteno mage hie Tamage yagemoa ani kanaale enevigeno Yisasia Nafaneka
ago kanale maine. huno naha-pai-maine. huno nehuno agaiaene mukia anagaaene Yisasife
haviya amakupi maleya amametiti hu-mainae.
54
Yisasia Yutiati eteno Kalili emaineno aniama hia kavala napa tu (2) kanale tokiya
avame yana hu-maine.
Yoni Yoni
<<
44
>>
Yoni Yoni
<<
55
>>
5
Yisasia nago kali kanoa Petesaita li kotute mainegeno alino kanale hu-tene.
1
Haenagaa Yuta veamoya ala imu Yelusalemu negiya kana falote higeno Yisasia
anilega hai-maine.
2
Yelusalemu kegiyafi nago fiana sipi sipi afuyagamo fiana hane. Ani
fiama hanelela ti kotuna male-maine. Ani li kotumo agia Yuta vayamogami kefina Petesaitae.
Ani kotutela faefua (5) fugagieta nona hane.
3-4
Mukia kali veala aulaga asu hu-mai anagaene
aiya avayu hu-mainea anagaene aiyaaya api hu-mai anagaene ani fugagieta noyagafi alitalu
huya fae-mainae.
5
Nago anile nemaiya kanomona kaliamoa teti eitia (38) kafu hu-maine.
6
Yisasia anima
faeno mainea kanoa mogeteno Mani kanoa ayaaya kana kalia alino maine. huno huteno
mage hie Kalikamoma hanoma hisia yafena muse nehapio? huno havige-maine.
7
Havigegeno kali kanomoa Yisasife mage hie Humave-nelina kanomoga tima aikalafuma
nehia kanalema naya huno navaleno tipi natesia vayala omaiya yafe nagainige oanagi nagaila
ago nagaseya tipi aupaa nevae. huno hie.
8
Higeno Yisasia mage hie Hetika fae omanakaa
nealika ka vuo. huno hu-maine.
9
Higeno aupaa kaliamoa kanale hu-tegeno hetino fae
omanaa nealino ka umaine. Kanalema hu-tenea kana Sapati kanalele.
10
Ani yafe Yuta vayamoya kaliama hano hutea kanomofe mage hae Meni kana Sapati
kanalele. Naa higeka faesana omanaka alika nevane? Tagaima kahegi kemoa Sapati kanalela
ani kavala ohuo huno hu-maineane. huya hae.
11
Hageno kenonaamia mage hie Kalinia
alino kanalema hu-na-tea kanomoa mage huno naha-pai-maine Fae omanakaa nealika vuo.
huno hu-na-tene. huno hie
12
Higeya mage huya havigae Mani kanoa hana kanomo kaha-
paigeka faesana omanaka alika nevane? huya hae.
13
Hayanagi mukia veama anile alitaluma
hagenofena Yisasia aluale ago umainegeno anima kaliama hanoma hutea kanomoa mage hie
Oagoa kanomo ani kea hu-natene. huno ha-mapaiye.
14
Haenagaa Yisasia kanale hu-tenea kanomona mono nopi mainegeno mogeteno mage
hie Kagaya ago menia kalikaa hano hu-ga-tegeka kanale huka mainanagi kefo kavala
nagoene ohuo. Kefo kavama hisanana nagoa kana ya aligane. huno hie.
15
Higeno mani
kanomoa viayamo Yuta vayafena mage huno hama-paiye Yisasia alino kanale hu-natenea
kanoe. huno nehie.
16
Hianagi Yisasima Sapati kanalema kaliama alino kanalema hu-tenea
yafena Yuta vayamoya aepa heya amaipa kafa heteya Yisasina aliya haviya hu-neatae.
17
Yisasia mage huno hama-nepaiye Nenafaa mukia kanalela aliyana nealigena
nagaienena ania huna aliyana nealue. huno hie.
18
Mani kehena Yisasia Anumaya Kotia
nagai Nenafae. huno nehuno Nagaya Anumaya Kotiene nago kana kana hutaa mainoe.
hunoma nehia kene Sapati kanale kahegi kema atagae-mainea yafeene Yuta vayamoya
nagoene ke vaiteya Haegahune. huya hu-mainae.
Ikapinagati emainea kano vayamo atenea kanomoa aliyama alisia agia hane.
19
Yisasia mage huno hie Tamage-lafa huna tamaha-nepauve Nafaneamoa agaiage
nagoke kavala nohianagi Nenafama nehia kavala age-maineafe ani kavala nehie. Nenafama
nehia kavala Nafaneamoa ani kavala nehie.
20
Nenafaa Nafaneamofena aguafina nehaigeno
agaima mukia nehia kavala ave-nelie. Ave-ligeno ala kavama ago hu-mainea kavala agaseno
haenagaa tusia ala kavakefa ave-linegetama agetama atali atalu hugahae.
21
Nenafaa fali-
mainea vayala ali he-ti-mateno hamaimua neamamianagino Nafaneamoa ania huno haiya
veamogamina hamaimula neamamie.
22
Nenafaa nago kanomona fako hu noateanagi mukia veala fako hu-ma-tesia tokiya
yana Nafaneamona ago amine.
23
Aminea yafe Nenafafema mukia veamoya agima alisaga
hayana ania huya Nafaneamo agia alisaga hisae. Nagoa veamoya Nafaneamo agima alisaga
ohisayana ania huya hu-tenea Nenafa agiene alisaga nohae.
24
Magi nagaya tamage-lafa huna tamaha-pauve nagoa veamoya kenia haviya hu-
natenea kanomofe Tamage nehie. huya amakupi maleya amametiti hisayana ani
veamogamina agola maige maige hisaya hamaimula ago ali-mainae. Ani veala hagoteya fali-
mai vaya kana huya mainafiti hetiya hamaimuamia ali-mainae. Haenagaa Anumaya Kotia
kaiyekea hu oama-tegahie.
25
Tamage-lafa huna tamaha-nepauve nago kanamoma agoma
falote hisiana amaku amamemaamoa fali-mainaya veamoya Anumaya Koti nafanemo ke
haviteya akave malesayana he-tiya agola maigahae. Ani kana ago falote hu-maine.
26
Nenafana agaiafi haimumo aepa haneanagi ania huno Nafaneamofena Hamaimumona
aepaa maiyo. huno hu-tene.
27
Nafaneamofena ikapinagati emainea kanoa vayamo atenea
kanoginofe kaiyekema hu-ma-teno fako hu-ma-tesia tokiyaa amine.
28
Mani kehena atali
ohiho. Nago kana falote hisiana mukia agoma faligeyama komufi he-vai-matenaya veamoya
Yisasini nagea havigahae.
29
Haviteya ani komufinagati he-tiya hati-lavisageya kanale kava
hu-mainesaya veanea hetiya agola maigahayanagi kefo kava hu-mainesaya veanea he-
tisageno Anumaya Kotia kaiyekea hu-ma-teteno kina hu-ma-tenageya haviya hugahae.
Nagoa yaaene nagoa kanoene Yisasi aepaa hu-falote hu-mainae.
30
Nagainige nago kavala nohuanagi Anumaya Kotia nahapai-mainea keleti kea fako hu-
neama-toe. Ani yafe fatago hulama huna kea fako hu-neama-toe. Nagainia nagesafiti ani
kavala nohuanagi hu-na-tenea kanomoa agaia huo hea kavaage nehua yafe fatago hu-lama
huna kea fako hu-neama-toe. huno hie.
31-32
Nagainigema hu-halena aepaanima tamaha-paisugenoa kenimoa haviya
hugahianagi nago kanomoma nagaifema hu-haleno tamaha-nepaiyana nagaya ago
havimainoe agayama nagaifema hia kea tamage nehie.
33
Tamakaya vayala hu-matageya
Yonitega vageno Yonia nagaifena ke tamage tamaha-pai-maine.
34
Nagayama vayamoya
nagaifema hu-mainaya kea Afa ke nehae. huna huanagi tamakaya ani kea havisageno
tamaugafa ali-gatisia yafe tamaha-nepauve.
35
Yonia kani kana huno maineno
hanagaligenoma leana osi kanafi tamakaya agai kanimoma lea yafena musena hu-mainae.
36
Muse hu-mainayanagi nago tusia kanale yaaene nagai aepaene tamave-li-maine. Ani yana
ali-mainoa aliyaniae. Nenafa naminea aliyama alina avaya-yesua yana Yonia nagaife hu-
mainea kemo agase-mainegetama agetetama nagaifena havimainae. Ani aliyania Nenafa hu-
na-tenea yafe tamave-li-maine.
37
Hu-na-tenea Nenafaa nagaifena ago tamaha-pai-maineanagi
tamakaya agaila agea ohavitama agai aufina oagetama hu-mainae.
38
Hu-tenea kanomofena
Tamage nehane. hutama tamakupina maletama tamametiti nohaya yafe Anumaya Koti kea
tamakupina alitama nomalae.
39-40
Anumaya Koti kea nayo kae-malenaya avopi hapalitama ati-yetama ago age-
mainae. Ani avopitila agola maige maige hisuna tahaimula aligahune. hutama tamakesa
havimainae. Ani avona nagaife huya tamaha-pai-mainayanagi nagaitega esaya tamakesa
nohaviye. Agola maige maige hisaya tamahaimula tamamisua yafena nagaitega nomae.
41-42
Veala muse hu-na-teyafene huna nohuanagi tamakaifena nagaya ago havimainoe.
Tamakaya tamakuafina Anumaya Kotifena notama-haikena neagoe.
43
Nagaya Nenafa agile
emainoanagi navaletama falu fala hutama nonatayanagi alu kanomoa agaia agile esigetama
afaa avaletama ali falu fala hutegahae.
44
Tamakaya Alu vayatimo alu vayatimoya muse hu-lateya ala tagi lamisae. hutama
nehayanagi Anumaya Kotia agaiage mainegi alu Anumaya Kotia omaineanagitama Anumaya
Kotia muse hu-lama-tesia yafena notamahaiye. Naa nehayanagi hanaa hutama nagaifena
tamakupina maletama tamametitia hugahae?
45
Tamakaya nagaife ma ke hutama ohaviho
Nefate kaiyekea hu-la-tegahie. hutama tamakesa ohaviho. Aao, nagaya kaiyekea hu otama-
tegahuanagino tamakayama taya hugahiema hutama nehaya kanomo, Mosesema tamaha-
paiya kemoa kaiyekea hu-lama-tegahie.
46
Mosese kema havitama tamakupi maletama tamametitima haleasina nagai kene ania
hutama tamametitia haleasine. Mosesea nagaife huno kae-maleneafe ania haleasine.
47
Tamakaya Mosesema kae-malenea kema havitama tamakupi maletama tamametitia
ohunayanagitama hanaa hutama nagai ke havitama tamakupi maletama tamametiti hugahae?
huno hamavi-nege.
Yoni Yoni
<<
55
>>
Yoni Yoni
<<
66
>>
6
Yisasia faefu tausenia (5,000) venenemogami kavela amamine.
1
Haenagaa Yisasia tipi kalefi uno Kalili li kotuna takaeno umaine. Ani li kotumona
nago agia Taipiliasie.
2
Mukia veamoya kaliamima alino kanale hu-ma-teno tokiya avame
yama higeyama agaya yafe akave umainae.
3
Vageno Yisasiene agaiaenema tokaeya nemaiya
anagaaene agoyale haiya mopale mainae.
4
Yuta vayamoya Anumaya Kotima
amakinagomogami amaugafama ali-gati-mainea yafe amakesa havisaya imu kisaya kanaa
ago aupa hu-maine.
5
Yisasia ageno ataleno ageana mukia veamoya agaitega neageno amaketeno Filipife
mage hie Hanateti ani veamoyama nesaya kavela miya hugahune? huno hie.
6
Yisasia
Filipina ayevataga huno mani kea nehuno agayama hugahema hia yana ago havimaineno hu-
maine.
7
Filipia mage hie Nago kanomoa tu hataletia (200) kanale aliyana aliteno miya alino
ani monea ataleno kavema miya hisiana ma mukia veakefafina osi osi huya kavela alite alite
hugahae. huno hie.
8-9
Higeno nago kanoa agaiaenema tokaeya nemaiya
anagaamogamipitila, Saimoni Pitana aganaamoa Etalua, mage huno hie Nago nafanemoa
faefua (5) mayagi tole noyamegi huno ali-lino maine. Veakefamo alino ala higeno mani
kavela osi kanoa haneanagi hanaa huno taya hisie? huno hie.
10
Higeno Yisasia agaiaenema
tokaeya nemaiya anagaamofe mage hie Mukia veakefa Mopale maiho. hutama hama-
paiho. huno hama-paiye. Ani kumala mukia apeage hanea kumalagiya mukia veakefa
mopale mainae. Ani veala faefu tausenia (5,000) venene mainae.
11
Yisasia ani maya alino Anumaya Kotitega muse huno havigeteno mukia mopale
mainaya veamogamina fako huno amamite amamite hu-maine. Noyamene ani kava higeno
mukia veamoya ani kavela nageno amamu hu-maine.
12
Nemamu hu-male-tageno Yisasia
agaiaenema tokaeya nemaiya anagaamofena mage hie Mukia atupa-tapa kavela alitalu hu-
tama maleho. Nagoa osi osi atupa vitali vitali ohiho.
13
Amakaya mukia veala faefua (5)
maya kanoafiti neteya atalaya atupayaga alitalu huya tuelufua (12) kula ai-havate-mainae.
14
Anifima mainaya veakefamoya Yisasima hu-mainea tokiya avame yana ageteya mage
hae Tamage huno Anumaya Kotina aune kanoa hu-tesigeno ma mopafima egahiema huno
hu-mainea kanoa mama ago emaine. huya hae.
15
Hageno Yisasia vayamoyama hisaya
kavala aguafinaga mage huno havimaine Mani vayamoya nagaila sauveami maisua yafe
navalegahe nehae. huno nehuno neamataleno agaiage agoyafi hai-maine.
Yisasia ti avoyale nevie.
16-17
Yagemoa lavi-falegeno une avamemaa agaiaenema tokaeya nemaiya anagaamoya
ala ti agegayalega uteya tipi kalefi asaga hu-maiya Kapaneamu vayana Yisasia amakaienena
oune. Ovigeya yaufa uge uge huya nevageno hani ki-ma-tene.
18
Ala yasigefamoa eno tina
melino mo ai-yahae me ai-yahae huno tusiya hu-maine.
19
Tusiya higeya tipi kalefima
mainaya vayamoya yosaleti vailagai-liya vayana nagoa ayaayaa sikisia (6) kilomita ti
kotumona amunopi neuya agayana Yisasia ti avoyale aiya ayeme ayeme tipi kalema hanelega
neegeya ageteya tusiya huya kolia hu-mainae.
20
Koli nehageno Yisasia mage huno hama-paiye Kolia ohiho mamona nagayae.
huno hama-nepaiye.
21
Hama-paigeya vayamoya Yisasina tipi kalefi haisaga hu-maisia yafe
muse nehuya tipiti avalesaga nehae. Ani tipi kalemoa visaya kumatela aupaa uvayi hu-maine.
Veamoya Yisasife ati maiya aye-mainae.
22
Faeteya kotigeya tikotumona atu kaiyaga mainaya veamoya ageteya mage hae
Nagoke tipi kaleage hanegeta age-mainone. Yisasienema tokaeya nemaiya anagaage ani lipi
kalefi vayanagi Yisasia ounegi ani vayala amakaiamige umainae. huya hae.
23
Ani kumala
Yisasia Anumayamotega nunamu huno muse huteno kavela amamigeya ne-mainaya kumate
nagoa lipi kaleyaga Taipiliasi kumateti anile neae.
24
Neeya mukia veamoya megayana
Yisasienema tokaeya nemaiya anagaene omainageya megeteya tipi kalefi asaga hu-maiya
Kapaneamu Yisasife mo atiye-mainae.
Yisasia Ikapinaga mayae.
25
Atiyeme valegati atu kaiyaga umaineya Yisasina mogeteya mage hae Hulave-nelina
kanomoga na yu ma kumala meli-mainane? huya havinegae.
26
Havigageno Yisasia mage
hie Nagaya tamagelafa huna tamaha-nepauve tamakaya kavema tamamugetama nageno
tamamuma hu-mainea yafe natia neayayanagi nagaila tokiya avame yama hugetama age-
mainaya yafena natia noayae.
27
Tamakaya kasalisia kavefena maitama ati oayeho. Maige
maigema hisaya kavefeke maitama atiyeho. Nagaya Nenafaa, Anumaya Koti hu-na-tenea
kanomona ikapinagati emainoa kanoa vayamo natenea kanomona mani kavela
tamamigahue. huno hie.
28
Higeya mage huya havinegae Tagaya hanaa huta Anumaya Koti aliyana alisune?
huya havinegae.
29
Hageno Yisasia mage hie Mani aliyana Anumaya Kotia muse nehia
aliyane. Agayama hu-tegeno emainea nafanemofe tamakupi maletama tamametiti hisaya yafe
muse nehie. huno hie.
30
Higeya mukia veamoya mage hae Hana augafa tokiya avame
yana tave-lisanageta ageteta tagupina maleta tametiti hisune?
31
Nayona taginagomoya vaya
omai kotega maineya nago kavela agia manae nehaya kave ne-mainayane huno kae-
maleneane
Ikapinagati maya amamigeya ne-mainae.
huno kaemaleneane. huya nehae.
32
Hageno Yisasia mage hie Nagaya tamage-lafa huna tamaha-nepauve ikapinagati
elavi-mainea maya Mosesea agaia oamaminegi Nenafaa ikapinagati tama maya menia
nelamamie.
33
Anumaya Kotima tamamia mayamoa maa hu-maine nago kanoa ikapinagati ea
maya mainea yafe ma mopale mainaya veala hamaimula amamine. huno hie.
34
Higeya mage huya hae Ala kanomogae mukia kanalela ani maya tamige lamige
huo. huya hae.
35
Hageno Yisasia mage huno hama-nepaiye Nagaya hamaimu amamisua
maya mainoe. Nagaitegama esia veamoya nagoene amakala otegahae. Nagayama hu-lama-
tesua yafe amakuafi maleya amametiti hisaya veamoya tifena oamakegahae.
36
Nagaya ago tamaha-paugetama nagaila ago nagemainayanagi nagaya hu-lama-tesua
yafena tamakupina maletama tamametitia nohae.
37
Mukia Nenafama naminea veamoya
nagaitega egahae. Nago kanomoma nagaitegama esigenahena Eteka vuo. huna hu
oategahue.
38
Hu-na-tenea kanomoma haisia kavama hisua yafe ikapinagatila hu-nategena
emainoe. Nagainia nagesafiti kavala hugahe omenoe.
39
Hu-na-tenea kanomoma haisia
kavama hisuana maa hu-maine naminea veanefitila nagoke kanoa fanane ohisagena ma
mopama hanoma hisia kanafina mukia fali-mainesafiti ali he-ti-matesugeya agola maige
maige hugahae.
40
Nenafaa maa yafe musena nehie mukia veamoya nafaneamona neageya
agayama hu-matesia yafe havilama huya amakupi maleya amametiti hisayana agola maige
maige yana aligahae. Alitesagena ma mopama hano hisia kanafina nagaya fali-mainesafitila
ali he-ti-ma-tesugeya agola maige maige huya maigahae. huno hu-maine.
41
Yisasima Nagaya ikapinagati elavi-mainoa maya mainoe. huno hu-mainea kehe
Yuta veamoya Yisasifena ke vaiya kasagoya ke hu-tenae.
42
Mage huya nehae Ma kanoa
Yisasia, Yosefe nafanefi? Nefaene itaamoene ago age-mainone. Naa higeno menia
Ikapinagati elavi-mainoa kano mainoe. huno nehie. huya hae.
43
Hageno Yisasia kenonaamia mage huno hie Tamakaya tamakaitamifima kasagoya
kema hatagaya kea ataleho.
44
Nago kanomoa nagaitega agaia nomegi hu-na-tenea Nenafa
avayu hinageno nagaitega enagena nagaya ma mopama hano hisia kanafina fali-mainesifiti ali
he-ti-tesugeno haimula aligahie.
45
Anumaya Koti aune vayamoya mage huya kae-malenayane
Mukia veamogamina Anumaya Kotia hu-maveli hamaveli hugahie huya kae-malenayane.
Mukia veamoya Nenafama hu-mavelia kea haviteya akave malenaya veamoya nagaitega
neae.
46
Nago kanomoa Nenafana oageneanagi Anumaya Kotitegati emainea kanomoa
agaiage Nefana age-maine.
47
Tamage-lafa huna tamaha-nepauve nagaifema haviya amakupi maleya amametiti hu-
mainaya veamoya agola maige maige hisaya hamaimula ago ali-mainae.
48
Nagaya nagainia
hamaimu amamisua maya mainoe.
49
Ani tamakinagomoya vaya omai kotega maineya nago
kavemo agia manae huya nahaya kave ne-mainayanagi ago fali-mainae.
50
Fali-mainayanagi
maa augafa ikapinagati elavia maya nesaya veamoya ofaligahae.
51
Nagaya Ikapinagati elavi-
mainea maya mainoe. Ani mayamona haimua hane. Nagoa veamoya mani mayama nesayana
agola maige maige hugahae. Ani maya nagainia naugafae. Ma mopalema mainaya veala
agola maige maige hisaya yafe naugafa ataletena faligahue. huno hie.
52
Higeya Yuta vayamoya mani kehena ke vaiya mage huya hae Mani kanomoa hanaa
huno augafaa taminegeta nesuna yafe nehie? huya hu-mainae.
53
Nageno Yisasia mage hie
Nagaya tamage-lafa huna tamaha-nepauve tamakayama ikapinagati emainoa kano vayamo
na-tenea nafanemoni naugafaene kolaniaenema onesayana maige maige hisaya tamahaimula
tamakupina omalegahie.
54
Nagoa veamoya naugafaene kolaniaenema nesayana agola maige
maige hisaya hamaimula ago ali-mainayanagina ma mopama hano hisia kanafina fali-
mainesafitila ali he-ti-ma-tegahue.
55
Nagai naugafa, kave tama hane. Kolaniaenena tama li
hane.
56
Nagoa veamoya naugafaene kolaniaenema nesayana nagai nagupi mainagena nagaya
ania huna amakai amakupina mainoe.
57
Nenafaa haimuaene kanomoa hu-nateneanagino
nahaimula namigena mainoe. Nagoa veamoya nagai naugafama nesayana nagai tokiyafiti
hamaimula aliteya maigahae.
58
Ikapinagati elavi-mainea maya maa augafa maya hane. Yuta
vayamogami amakinagomoya ne-mainaya maya kana ohune. Ani maya neteya ago fali-
mainayanagi nagoa veamoya ikapinagati elavi-mainea mayama nesayana agola maige maige
hugahae. huno hie.
59
Yisasia mani kea Kapaneamu mono nopi huno hama-pai-mainea ke.
Yisasia agola maige maige hisaya yafe hu-maine.
60
Mukia akavema nevaya veamoya ani kea haviteya mage huya hae Manima hu-mave-
lia kemoa tusia kana nelahaiye. Hana kanomo mani kea haviteno akave malesia amukoa
hane? huya hae.
61
Hageno Yisasia ani kehena akavema nevaya veamoya kasagoya kema
haya kea ago aguafinaga haviteno mage huno hie Mani kemoa otamahaifi? Natalesaya
tamakesa nehavifio? huno hamavi-nege.
62
Nagayama, ikapinagati emainoa kanoa vayamo
natenea kanomona, etenama hagotena nemauva kumatema visugetama nagesayana hanaa
hugahae?
63
Anumaya Koti Avamumoa maige maige hisaya tamahaimula nelamianagi
tamakai tamaugafamoa nagola kanale yana notamamie. Nagaya Anumaya Koti Avamumoa
naminea ke tamaha-pai-mainoe. Ani kemoa maige maige hisaya tamahaimula nelamamie.
64
Mani kea tamaha-pai-mainoanagi Nagoamogatama ani kehena tamakupina alitama
nomalae. huno nehuno nayoma aepa he-mainea kanafina Yisasia amakupi maleya amametiti
ohisaya veaene agaiama agesi huno kame ya hu-tesia kanoene ago haviline.
65
Yisasia
nagoene mage hie Ani yafe mage huna tamaha-pai-mainoane nagoke veala amakaiamia
nagaitega omegahagi Nenafa esaya amaku amakesa amamisigeya nagaitega egahae. huno
hie.
66
Mani kema higeya kasagoya akavema umainaya veala eteya mai-yahae huya ataleya
umaineya nagoene agaienena me vai-oayenae.
67
Yisasia tuelufua (12) anagaamogamife mage
huno hamavi-nege Tamakaya ania hutama nagaila natalegahao? huno hamavi-nege.
68
Hamavi-gegeno Saimoni Pitaa kenonaa mage hie Anumayamoga hana kanomote visune?
Kagai kemoa maige maige hisuna tahaimula nelamie.
69
Tagaya ago havilinone kagaya alu
aotage kavaage kanoa Anumaya Kotia hu-gategeka emainananagita kagaifena tagaya tagupi
maleta tametitia ago hu-mainone. huno hie.
70
Higeno Yisasia mage hie Tamakaya tuelufua (12) anaganimogatamina nagaya ago
hapali-lama-tenoamagi tamakaipina nago kanomoga Kefo Avamuene mainane. huno hie.
71
Mani kema hiana Yutasife hu-maine. Yutasia Saimoni Isakaliotina nafaneamoe. Tuelufua
(12) anagapiti Yisasina agesi huno kame ya hu-tesia kanohe hu-maine.
Yoni Yoni
<<
66
>>
Yoni Yoni
<<
77
>>
7
Fugagieta nopi maineya imu negiya kanale Yisasia mogegahe umaine.
1
Ani kanafina Yutia kotega vayamoya haesaya amakesa haviya yafe Yisasia Yutia vai-
oayeno Kalili kotega ute ete huno maine.
2
Ala kana, fugagieta nopi maineya imu negiya kana
aupa nehie.
3
Aupa higeya Yisasina aganaamoya mage huya hapaiye Ma kumala neataleka
Yutia kotega ugeya kakavema nehaya veala kagayama tokiyakaletima alina aliyana ageho.
4
Nago kanomoa Mukia veamoya nagesae. huno kesi aliyana noalia yane. Kagaya ani
tokiya aliyana mukia ma mopale veamogami amaufi aligeya ani aliyakaa ageho. huya hae.
5
Hayanagi ani aganaamoya agaifena haviya amakupi maleya amametitia ohunaya yafe ani
kea hu-mainae.
6
Yisasia mage hie Aliyania amave-lisua kanania falote ohunegi tamakaya
mukia kanalela tamakaima tamahaisia kavala hisaya kanatamilelagi afaa haiho.
7
Nagai ke
nohaviya veamoya tamakaifena musetami nehagi nagaya Ase ohu kava nehae. huna hama-
pauva yateti nagaila amaipa kafa he-nenatae.
8
Tamakaya Yelusalemu imulega viho. Nagaya
aliya kanania falote ohuneanagina ani yafe menia imulega ougahue. huno hie.
9
Ani kea
hama-paiteno ouno afaa Kalili kotega maine.
Yisasia imulega umaine.
10
Aganaamoya imulega ago utageno Yisasia haenaga anilega hai-maine. Vaya amaulela
ounegi kesi fala-kino umaine.
11-12
Falakino umainegeya Yuta vayamoya agayama imulema
esiafene huya moge mege hugetayana higeya mage huya hae Ani kanoa hanate maine?
huya hamavi-gageya anifima alitalu hu-mainaya veamoya Yisasifena sumi sumi huya
nagoamoya Kanale kanoe. huya nehageya nagoamoya Vaya aye-mavataga hugeno omai
kanoe. nehageya huya hae.
13
Hayanagi Yuta vayamogamife koli haya yafe ani kea ala kea
ohunagi osi kefiti sumi sumi huya hu-mainae.
14
Ani imu kanamo amunopinaga Yisasia ala mono nopi haino hu-mave-li-maine.
15
Hu-
mave-neligeya Yuta veamoya tusia amamayo neaiya mage huya hae Mani kanoa hana avo
nopi uno age-mainea kanomo avopitila taha-nepaiye? Avo nopina ounea kanomoa hanateti
ani kea haviline? huya hae.
16
Hageno Yisasia kenonaamia mage huno hama-paiye Hu-
mave-nelua yana nagesafiti tamaha-nopaugi nevayama hu-na-tegena emainoa kanomo naha-
pai-mainea ke tamaha-nepauve.
17
Nagoa veamoya Anumaya Kotina haisia kava hugahune.
huyama hisaya veamoya ma ma hu-lamave-nelua kea nagesafiti tamaha-nepaufi Anumaya
Kotia naha-pai-mainea ke tamaha-nepaufi havigahae.
18
Havigahayanagi nago kanomoa agaia
agesafiti kema hisia kanomoa Nagai nagi alisaga hisae. huno nehianagi nago kanomoma
Nevayama hu-na-tenea kanomo agi alisaga hisae. huno hisia kanoa kanale agu agesaene
kano mainea yafe havigea ohugahie.
19
Mosesea kahegi kea ago tamaha-pai-mainea ke
tamakaitamifina nago kanomoga ani kemona akavela nomalane. Naa higetama menia nagaila
nahaegahena nehae? huno hie.
20
Higeya melitalu hu-mainaya veamoya mage huya hae
Kefo avamumo kagaila kagusafina maineno kavale-liteno nehie. Taya kahaegahena
nehageka nehane? huya hae.
21
Hageno Yisasia mage huno hama-paiye Nagaya nago
tokiya aliyama Sapati kanalema alua aliyafe tamamayoa neaiye.
22
Mosesea nayona
Nafanetamimona agoya amega augafaa taga hu-taleho. huno hama-pai-maine. Ani kavala
agaia alino aepa ohenegi Mosesena aginagomoya ani yana aliya aepa he-mainae. Nemoma
agoya anoyaa tagama hayana Sapati kanale taga hu-mainae.
23
Tamakaya Mosesema kahegi
kema oatagaesaya yafe Sapati kanalela nemo agoya anoyaa taga nehayanagi naa higetama
nagayama Sapati kanalema nago kanoma mukia augafama alina hilatoma hua yafena
tamahaiya vai-nena-tae?
24
Havigu ke nehae. Afaa amega yate agetetama Kefo kava
nehane. hutama nehagi tama kava hisigetama agetetama kaiyekea hu-teho. huno nehie.
Veamoya Yisasia hanaa augafa kano maine? huya havigahe hu-mainae.
25
Nagoa Yelusalemu mainaya veamoya Yisasima hia ya ageteya mage hae Ma kanoa
ala vayamoyama haegahunema haya kanofi?
26
Ageho vaya amaulagafina kea nehianagi nago
yana hu noatae. Kava vayamoya ma kanomofe Anumaya Kotia veamogati taugafa ali-
gatigahie huno hu-tegeno emainea kanoa mainea yafe havimainafi?
27
Anumaya Kotia
taugafama ali-gatigahema hu-tegeno emainea kanomofena Hana kumateti emaine? huya
hugahayanagi ma kanoma ea kumala ago age-mainone. huya hae.
28
Hageno Yisasia ala mono nopi haino maineno hu-mave-nelino ala kefiti mage huno
hie Tamakaya nagaifena ago havilama hutama nage-mainafi? Nagayama emainoa
kumaenefe havimainafi? Nagaya nagaini nagesafiti omenogi nagaima hu-natenea kanomoa
tokiyaage kano maineanagitama tamakaya agaila oagenae.
29
Oagenayanagi nagaya agaiene
mainoleti hu-nategena emainoafenagina ago age-mainoe. huno hie.
30
Higeya agaila atafa
hugahe hayanagi falisia kanaa yaufa falote ohunea yafe augafalela nago kanomoa atafa
ohune.
31
Ohunayanagi mukia anifima mainaya veamoya agaifena haviya amakupi maleya
mage hae Anumaya Kotima taugafa ali-gatigahema hu-tenea kanoma esiana ma mainea
kanomoma tokiya avame yama hu-mainea kavala agasesifi? Aao oagasegahie. Ma kanoa
Anumaya Kotima taugafa ali-gatigahema hu-tegeno emainea kano maine. huya hae.
Ati vayala hu-ma-tageya Yisasina atafa hugahe neae.
32
Nehageya Falasia vayamoya agaifema sumi sumima haya kea haviteya mono note
kava vayaene Falasia vayaene ati vayamogamina hu-ma-tageya Yisasina me haesaya
malesaya kava huya avalegahe neae.
33
Neageno Yisasia mage huno hie Osi kana kanoa
tamakaienena maitena hu-nategena emainoa kanolega ugahue.
34
Tamakaya nagaifena
natiyegahayanagi nagaila onagegahae. Visua kumatela tamakaya ougahae. huno hie.
35
Higeya Yuta vayamoya amakaiamifi huge havige huya mage hae Agayama Nagaila
onagegahaema. hia kumala hanamaalegafiga hanegeno nehie? Agaya Kaliki kotega Yuta
vayamogatina tataleya umainaya kotega umaineno Kaliki vea hu-mave-li hamaveli hugahe
nehifi?
36
Agayama hia kea Tamakaya nagaila natiyegetesayana onagegahae. Visua kumatela
ougahae. hunoma hia kemo aepaa naane huno nehie? huya hae.
Yisasia ofalita maige maige hisuna tife hu-maine.
37
Imu kime haiya mogi hanoma haya kana tusia ala kanae. Ani kanale Yisasia he-tino
ala kefiti mage hu-maine Nagoa veama tifema amakesia veala nagaite eya tina me neho.
38
Nagoa veamoya nagaife haviya amakupi maleya amametitia hisayana Anumaya Koti
autamafina ani veamofe mage hu-maineane
Ofali tina kasagoya timo aguafina hava-te-maineno vali-lavino tavigahie. huno hu-
maineane. huno nehie.
39
Yisasia anima hia kea Alu Aotage Avamuamofe hu-maine. Ani Alu Aotage Avamula
Yisasifema haviya amakupi malesaya vaya amamite amamite hugahe nehie. Ani kema hia
kanafina Yisasia yaufa ikapinaga ohainea yafe Alu Aotage Avamuamoa yaufa omenegeno
hu-maine.
Veamoya agaifena tolefi ali fako hu-mainae.
40
Nagoa alitalu hu-mainaya veamoya ani kea haviteya mage hae Tamage-lafa huno
mani kanoa Anumaya Koti aune kano emaine. huya hae.
41
Hageya nagoa veamoya
Anumaya Kotia taugafa ali-gatigahe hu-tenea kano maine. nehageya nagoa veamoya
Anumaya Kotia taugafa ali-gatigahe hu-tenea kanomoa Kalilitila falote ohugahie.
42
Anumaya Kotia taugafa ali-gatigahema hu-tenea kanoa Tevitina aginagomo egahie.
Tevitima Petelehemu nemaiya kumate ategahie. huno kae-maleneane. huya
nehae.
43
Ani veamoya agaifena tolefi ali fako huya alu ke alu ke nehae.
44
Hageya nagoamoya
Agaila atafa hiho. huya hayanagi nago kanomoa augafalela atafa ohune.
Mono note kava vayamoya Yisasifena haviya amametiti nohae.
45
Ati vayala eteya mono note kava vayateene Falasia vayateene vageya mage huya
hamavigae Naa higetama avaletama nomae? huya hae.
46
Hageya ati vayamoya mage huya
hae Yisasima hia kea nayona nago kanomoa ania augafa kea ohigeta ohavinona yafe
avaleta nomone. huya hae.
47
Hageya Falasia vayamoya mage hae Tamakaienena ago aye-
lamavataga hu-mainefi?
48
Ifi nagoa kava vayapi Falasia vayapi Yisasifena haviya amakupi
maleya amameti hu-mainae. huya haya kea havimainafi?
49
Aao kava vayala ania ohunagi
kahegi kema ohaviyama alitaluma hu nemaiya veamogamina Anumaya Kotia hai vai-ma-teno
haniki-mainesia yapina hu-mategahie. huya hae.
50-51
Hageno Nikotimasia nayoma
Yisasitema emainea kanomoa amakaipi maineanagino mage hie Tagai mono kemoa mage
huno hie Hagotetama nofima hu-tesaya kanomona Naa maa humainoe. huno hisia kea
havitetama kefo kavama hu-mainesia kanomona nofila huteho. huno hu-maineane. huno
nehie.
52
Nehigeya Kagaya kagaienena Kaliliti kano mainapi? Anumaya Koti ke kae-
malenaya kefina hapalika havilama huteka kagaienena havio Kaliliti nagola aune kano
omegahie. huno hu-maineane huya nehae.
53
Nehageya mukia veamoya atagu-feya ataleya
kumaamilega ute ete hu-mainae.
Yoni Yoni
<<
77
>>
Yoni Yoni
<<
88
>>
8
Kefo kava hu-mainea ala avaleya Yisasite emainae.
1
Mukia veamoya kumaamilega ute ete hageno Yisasia Olivi yosa hanea agoyafi hai-
maine.
2
Kegeafiti Yisasia he-tino ala mono nopi umainegeya veamoya melitalu hageno
Yisasia mopale maineno mono kea hama-nepaiye.
3
Hama-nepaigeya kahegi kema havilinaya anagaene Falasia vayaene nago ala alu vene
moli nehigeya ageteya avaleya alitalu hu-mainaya veamogami amaufi me he-ti-tenae.
4
Me he-
ti-teteya Yisasife mage huya nehae Hu-maveli kanomoga ma amoa alu vene moli nehigeta
ageteta avaleta neone.
5
Mosesema kahegi kema taminea kemoa maa hu-maine Ani kavama
hisia amona yafateti haetama he-vai-teho. huno hu-mainegi Kagaya naane huka nehane?
huya nehae.
6
Agaifema mani kema hayana aye-vataga huya nagoa havige hisigeta atafa huta
kaiyeke hu-tegahune. huya hayanagi Yisasia ape huno mopafi maineno aginagoleti avo
negae.
7
Avo negaegeya anilema he-tiya maineya mani kema havige havigema haya vayafe
Yisasia he-tino mage hie Tamakaipitima nago osi kefo yakaa omalenesia kanomoga
hagoteka yafana hagayu huka mani amo augafalela aiko-lio. huno hie.
8
Mage huteno eteno ape huno mopafi avo negae.
9
Mani kema higeya mukia atagu-
feya ute ete hageya hagoteya vayatamamoya ataleya vageya haenaga mukiamoya ataleya ute
ete hageno Yisasia ape huno mainegeno ani amoa aule he-tino maine.
10
Mainegeno Yisasia
he-tino ani amofena mage huno hie Ma amogae mani vayala hanatega vae? Nago kanomoa
kagaila kaiyekema hu-gatesia kanoa omainefio? huno hie.
11
Higeno mani amoa mage hie
Aao, ala kanomogae, nago kanoa omaine. huno higeno Yisasia mage hie Nagaya
nagaienena kaiyekea hu okategahugi afaa ugananagi eteka nagoene kefo yana ohuo. huno
nehie.
Yisasia ma mopafi kani maine.
12
Haenagaa Yisasia mono nopi alitalu hu-mainaya vayayagahe mage hu-maine
Nagaya ma mopafi veala aye hale-ma-tesua kano mainoe. Nagai nakavema malesaya
veamogatama maige maige tamahaimula hanea hale yana alitetama haniki yapina ute ete
ohugahae. huno hie.
13
Higeya Falasia vayamoya Yisasifena mage huya hae Kagaya
kagaikaa kehe hu-falote nehananagi kekahena havita tametiti ohugahune. huya hae.
14
Hageno Yisasia mage huno hie Tamage nagaya nagainiahe kea nehuanagi hua kehena
havitama tamameti hiho. Naafene nagaya aepama henama emainoa kumaene visua kaene
age-mainoanagitama tamakaya nagayama emainoa kumaene visua kaene oagenae.
15
Tamakaya ma mopafi veamogamina no maiyateti fako nehayanagi nagaya nago
kanomo no maiyana fako nohue.
16
Fako nohuanagi nagaya nago kanomoma fako hu nea-
tesugenofena kema hua kelela havitama tamameti hiho. Nagaya nagainige fako nohuanagi
hu-natenea Nenafaa nagaiene tole huno aliyana nealino fako nehie.
17
Tamakai mono kemoa
mage huno nehie Tole kanolatamoganima keanimoma nagoke katema visiana keanimoa
tamage hugae. hutama nehayane.
18
Nagaya nagainiahena kea hu-falote huna nehugeno
nagaima hu-nategena emainoa Nenafaa nagaifena ania huno hu-falote nehie. huno nehie.
19
Higeya haviteya Falasia vayamoya mage huya havigae Negafaema hana kanoa hanate
maine? huya havigageno Yisasia mage hie Tamakaya nagaima onagenayana Nenafana ania
hutama oagenae. Nagaima nage-mainaleasipa Nenafana ania hutama age-mainaleasine.
20
Yisasia mani kea ala mono nopina muse yama nemalaya kaiyaga maineno mani kea
hu-mave-lianagi agayama falisia kanaamoa aupa ohunea yafe nago kanomoa agaila atafa
ohune.
Yisasia veamogamifena Visua kumatega ougahae. huno nehie.
21
Yisasia eteno nagoene mage hu-maine Nagaya ago visugetama nagaifena
natiyegahayanagi tamakaitami kefo yatamia oataletama hanesigetama faligahae. Nagayama
visua katela tamakaya ougahae. huno hie.
22
Higeya Yuta vayamoya amakaiamifina mage
huya hae Nagayama visua katela tamakaya ougahae hunoma hia kemona aepaa agaia
augafa hae-faligahe nehifi? huya hae.
23
Hageno Yisasia mage huno hie Tamakaya
afetegati emainayanagi nagaya anafinagati emainoe. Tamakaya ma mopafiti emainayanagi
nagaya ma mopafiti omenoe.
24
Naafene nagaya tamakaila ago tamaha-pai-mainoe
Tamakaitami kefo yatamia oatalesageno hanesigetama faligahae. huna hu-mainoane.
Tamakaifema nagaya Maa kano mainoe. huna hu-mainoa kehe havitama tamakupi
maletama tamametitima ohisayana kefo yatamia oataletama hanesigetama faligahae. huno
hie.
25
Higeya Kagaya tagae? huya havigageno Yisasia mage hie Nagaya lanae huna
tamakaila hagotena tamaha-pai-mainoane.
26
Tamakaifema kasagoya kema, hu-lamatena fako
hisua kea hane. Nagaima hu-na-tegenama emainoa kanomoa tamage keage kano mainegena
agaitegati nagaya havimainoa ke ma mopafi veamogatamina tamaha-nepauve. huno nehie.
27
Ani kea Nefafema nehigeyagi amakaya haviya aepaliya ohavinae.
28
Ohavinaya yafe
Yisasia mage hie Tamakayama ikapinagati emainoa kanoa vayamo natenea kanomonina
yafaga yosale alisagama hisaya kanafina tamakaya nagayama Ani kano mainoe. huna hu-
mainoa yafe havilama hutama havigahae. Nagaya nagaini nagesafitila nago yana nohue. Aao
nagaila Nenafama hu-mainea keage nehugetama nehavie.
29
Nagaima hu-natenegena emainoa
Nenafaa nagaiene maineno mukia kanalela agayama musema hia kavama huafenagino nagaila
nonatale. huno hie.
30
Higeya kasagoya veamoya Yisasima hia ke haviteya amakupi maleya
amametiti nehae.
Ke-lamagemoa alino tamakaila nofi hu-lama-tenaya yana hano hisigetama afa vea
maigahae.
31
Yisasia amakupima maleya amametitima haya Yuta vayafena mage hie Tamakaya
nagai kema mukia kanafima akavema malesayana nagai ke havisaya anagania maigahae.
32
Nagayama tamagema hua kema havilama hutama havisagenoa ani ke-lamagemoa tamakaila
kanama lamahaiya yamoa nofi hu-lama-tenaya yana hano hisigetama afa vea maigahae.
huno hie.
33
Higeya kenonaa mage hae Tagaya Apalahamu nofi vaya mainona yafe nagoa
vayamoya nofila hu-la-tageta miya oali aliyana oalinone. Naa higeka tagaifena nofila hu-
lama-tagetama miya oali aliyapi mainaya vea ali hano hisugetama afa vaya kana hutama
maigahae huka nehane? huya hae.
34
Hageno Yisasia kenonaamia mage hie Tamage-lafa
huna tamaha-nepauve mukia veama kefo kavama taloma hisayana kefo yaamimoa nofi hu-
ma-tegeya miya oali aliya veane kana huya mainae.
35
Nagi miya oali aliya veala nagoa
afamopina agola omaigahayanagi atenea nafaneamoa agola ani afamopi maigahie.
36
Anumaya Koti Nafanemoa kefo yatamimoma tamatafa hu-mainea nofila alino lagama hu-
taleana tamage huno ago alino laga hu-talegetama kanale hutama mainae.
37
Nagaya ago
havimainoe tamakaya Apalahamu nofi vaya mainayanagi nagai kemoa tamakupina omalenea
yafe nagaila nahaegahena nehae.
38
Nagayama nehuana Nenafama nave-li-mainea yayagahe
nehuanagi tamakaya tamakaitami nelamafa tamaha-pai-mainea kava nehae. huno nehie.
39
Yisasia higeya Yuta vayamoya haviteya mage hae Nelafaa Apalahamu maine. huya
hageno Yisasia mage hie Tamagema tamakaya Apalahamu nafaneyagama mainaleasina
agayama nehia kavala talo haleasine.
40
Talo haleasinagi menia nagaya tamage kema
Nenafategati havimainoa ke tamaha-pauva kanomonia naa higetama nagaila nahaegahena
nehae. Apalahamua naa kavala ohunea yane.
41
Tamakaya nelamafa nehia kava nehae. huno
higeya Itatimoa moli hu-liteno huno otateneane. Tagaila Anumaya Kotia agaiage nagoke
nelafa maine. huya hae.
42
Hageno Yisasia mage hie Tamagema Anumaya Kotia nelamafama maineleasina
nagaya Anumaya Kotitegati emainoa yafe nagaifena tamahaileasine. Nagainia nagesafitila
omenogi Anumaya Kotia agaia hu-na-tegena emainoe.
43
Naa higetama kema hua kea
havilama hutama nohaviye? Mani kemona aepaamoa maa hu-maine tamakaya havisaya
tokiyatamia omaleanegitama nagai kea ohavigahae.
44
Tamakaila Satania lama-tenea nelamafa agu agesa tokiyaage hutama nelamafa akave
nemalae. Aepama he-mainelegati vaya hamaeno fali-ma-tegeno omai kanoe. Ani kanomo
agupina tamage kemoa omalenegeno havigema hiana mukia kanale nehia kava nehie. Ani
kanoa havigeage kanoe. Mukia havigema hu yana Satania agaiafiti havigeage kemona aepaa
maine.
45
Nagaya lamakaifena tamageage ke nehua yafe havilama hutama tamakupi maletama
tamametitia nohae.
46
Hana veamoga nageteka nagaifena Kefo yakaa hane. huka fako hu-nena-teka hu-
falote hunategane? Aao, ania ohugahae. Nagaya lamageage kea huna tamaha-nepauvanagi
naa higetama nagaifena tamakupina havi nomalae?
47
Nagoa veala Anumaya Koti nafaneyaga
maineya Anumaya Koti kea nehaviyanagi tamakaya Anumaya Koti nafaneyaga omainaya
yafe nagai kea nohaviye.
Yisasia Apalahamua falote ohunea kanafina nagainia nagaya mainoane. huno
nehie.
48
Yuta vayamoya kenonaa Yisasifena mage huya hae Tagaya kagaifena tamage
nehune Samelia kano mainane. Kefo Avamumoa kagupina tamage maine. huta nehune.
huya hae.
49
Hageno Yisasia mage hie Nagaipina Kefo Avamula omaine. Aao nagaya
Nenafa agi alisaga nehugetama lamakaya nagai nagia alitama afepinaga nemalae.
50
Nagaya
nagia alisaga nohuanagi nagoke kanomoa nagai nagia alisaga hisia kano maine. Ani kanoa,
Anumaya Kotie, kaiyekea hu-ma-tesia kano maine.
51
Tamage-lafa huna lamaha-pauve nagai kema akavema malesamoya ofaligahae. huno
hie.
52
Higeya Yuta vayamoya mage hae Ani kema hana yafena tagayama havunana
kagaikaa kagupi Kefo Avamula maine. Apalahamuene nayona mainaya Anumaya Koti
amaune vayamoya fali-mainagi kagaya Nagai ke akave malesamoya ofaligahae. huka
nehano?
53
Apalahamua taginagomona Agase-mainoa kano mainoe. huka nehano?
Apalahamua faligeya Anumaya Koti aune vayala ago fali-mainae. Kagaya hanaa augafa kano
mainoe huka nehane? huya hae.
54
Hageno Yisasia mage hie Nagaya nagima alisaga hisuana afa ya kana hugahianagi
Nenafa tamakaya Anumaya Kotitimo maine. hutama nehaya kanomoa nagai nagia alisaga
nehie.
55
Alisaga nehianagi tamakaya agaila oagetafa hu-mainae. Nagaya agaila ago age-
mainogi Agaima oagenoe. huleasina tamakai kana huna havigeage kano mauleasinagi
nagaya ago agaila age-mainoanagina agai kea akave nemaloe.
56
Apalahamua
tamakinagomoe nagayama ma mopalema falote hisua kanahe agesia yafena musena hu-
maineanagi agetenoa tusia muse hu-maine. huno hie.
57
Higeya Yuta vayamoya kenonaa
mage hae Kagaya fifitia (50) kafua ohunanagi kagaya vayatama omainane. Apalahamuna
age-mainano? huya hae.
58
Hageno Yisasia mage hie Tamage-lafa huna tamaha-nepauve
Apalahamuna oatenele nagaya hagotena monafinaga mainoane. huno nehie.
59
Ani kema hia
yafe yafa kayoteti aliya aiko-ligahe nehageno Yisasia fala-kino amataleno ala mono no
kategati hati-lavino umaine.
Yoni Yoni
<<
88
>>
Yoni Yoni
<<
99
>>
9
Aulaga asu hu-mainea kanomo kea.
1
Yisasia katega neuno nago kanoa atenea kanalegati aulaga asu humai kano moge-
maine.
2
Mo neagegeya agaiaenema tokaeya nemaiya anagamoya mage huya havige-mainae
Hula-ve-nelina kanomoga ta hia kefo yamo alino aulaga asu hu-maine akaiafi itaafoamoa
kefo ya haa yamo aulagamoa asu hu-mainefi? huya havigae.
3
Havigageno Yisasia mage hie Mani kanomo itaafoamoa akaiaene kefo yama hia
yamo alino aulaga asu ohunegi Anumaya Kotia tokiya yamaa alino kanale hu-tesigeya mukia
veamoya agesaya yafe aulagamoa asu hu-maine.
4
Menima yagema hanesiamaaene hu-
natenea kanomo aliyana alige alige huta maisune. Hanima kisiana nago kanomoa aliyana
oaligahie.
5
Menima ma mopalema mainoa-maahena nagaya ma mopafina kani aye-halesua
kano mainoe. huno hu-maine.
6
Mani kea huno nehuno avetuna mopafi heteno mopaene ayegakalifeno aulagama asu
hu-mainea kanomo aulagale malegamaetene.
7
Malegamaeteteno mage huno hapaiye
Kagaya Siloamu ti kotute mo sese huo. Ani li kotumo agia tagai kefina Hu-tene. huya
nehae. Ani li kotute kaugosa mo sese huteka eteka eno. huno higeno mo sesema hiana
aulagamoa kanale higeno neageno nomaalega emaine.
8
Nomaalega egeya agaia kumate vayaene nayoma mani kanomoa monehema aukaya
nehigeya neagaya veamoyaene mage huya hu-mainae Ma kanoa nayoma felu maineno
monehema aukaya nehia kanofi alu kanoe? huya nehae.
9
Nehageya nagoa veamoya Ani
kanoe. nehageya nagoa veamoya Alu kanogi vuohe ani augafa kanomo nehigi. huya
hageno agaia nehuno Nagaya mani kano mainoe. huno hu-maine.
10
Nehigeya mukia
veamoya havige-mainae Hanaa hanageno kaulagamoa kanale hu-maine? huya havigae.
11
Havigageno mage hie Nago kanoa, Yisasie kanomoa, hapa talo huteno alino naulagale
maleteno Siloamu ti kotutega kaugosa mo sese huo. huno higena naugosa mo sese hutena
agoana aupaa naulaga age-mainoe. huno nehie.
12
Higeya veamoya Ani kanoa hanate
maine? huya hageno Nagaya oagenoe. huno hu-maine.
13
Aulagama asu hu-mainea kanomona Falasia vayatega avaleya umainae.
14
Yisasia
hapama ali gakalifeteno ani kanomo aulagama alino kanalema hu-teneana Sapati kanae.
15
Falasia vayamoya nagoene mage huya havigae Hanaa hanageno kaulagamoa kanale hu-
maine? huya hageno Hapa ali gamaeno naulagale malegena mo sese hugeno naulagamoa
kanale higena age-mainoe. huno nehie.
16
Higeya nagoa Falasia vayamoya mage hae Ani
kavama hia kanoa Sapati kanamona akave omalea yafe Anumaya Kotia ani kanoa hu-tegeno
omene. huya nehageya nagoa vayamoya mage hae Kefo yamaa hanesia kanomoa ani
tokiya avame yana talo ohileasine. huya nehageya huteya tolefi ali fako hu-mainae.
17
Naa huteya aulagama asu hu-mainea kanoa eteya havige-mainae Ani kanoma
kaulagama alino lamama hu-gatea kanohena naane hu-mainane? huya hageno mage hie
Anumaya Koti aune kanoe. nehie.
18
Higeya Yuta vayamoya Mani kanoa aulagamoa asu
hu-maineanagi menia aulaga ago agegali hu-maine. huyama haya kehena Havige nehae.
huya haviya amakupina maleya amametitia ohuya aulagama asu hu-mainea kanomona
itaafoamoganifeene ke hageya emainae.
19
Aageya itaafoamoganife mage huya hana-vigae Mani kanoa atenaa kanafi
aulagamoa asu hu-mainea nafanetani maineano? Naa higeno menia aulaga neage? huya
hana-vigae.
20-21
Hanavi-gageana itaafoamogania mage hae Taagai nafane maineanagitaa
taagaya ago age-mainoe. Aulagama asu hu-mainea nafanema atenoamaa ago age-mainoanagi
aulagama age-maineamaa oagenoe. Tapiga aulaga alino kali hu-teneafe tamakaya agai
havigeho. Alopa ve maineanagino agaia tamaha-paigahie. huana nehae.
22-23
Itaafoamogania
Yuta vayafe koli huana mani kea hu-mainae. Yuta vayamoya kea hu-lokiya vaiya mage hu-
mainae Nagoa veamoya Yisasina Anumaya Kotia taugafa ali-gatigahema hu-tenea kanoa
ma maine. huya hisaya veamogamina agola mono nopitila amati-talegahune. huya hu-
mainaya kehe koli nehuana Agaya alopa ve mainegi agai havigeho. huana hu-mainae.
24
Nagoene eteya aulagama asu hu-mainea kanohe ke hageno egeya mage hu-mainae
Kagaya Anumaya Koti aufi tamage-lafa huka kea huo. Tagaya agonana ani kanoa kefo
kavaage nehia kanoe. huya hae.
25
Hageno kenonaamia mage huno hie Nagaya oagenogi
agaya kefo kava nehia nepi nohia nepi oagenogi nagokeya kanoama agoana hagotenoa
naulagamoa asu humaineanagi menia naulaga agegali nehue. huno hie.
26
Higeya mage huya
havigae Naa hu-ga-tene? Hanaa huno kaulaga alino kali hu-ga-tene? huya havige-mainae.
27
Havigageno Nagaya agoma tamaha-nepauvana tamakaya kenia nohaviye. Naa higetama
etetama nahavi-negae? Tamakaienena agaiaene tokaeya nemaiya anagamogamipi maigahe
nehao? huno havige-maine.
28
Higeya amakaya huya akaya ateya mage hae Kagaikage Yisasienema tokaeka
nemaina kanoa mainanagi tagaya Mosese kema nehavuna vayala anale haita mainone.
29
Tagaya ago havimainone Anumaya Kotia Mosesena kea hapai-maineanagi ma kanomoa
hanategati emainenoe tagaya agaila noagonane. huya hae.
30
Hageno aulagama asu hu-mainea kanomoa mage hie Avo namayo neaiye.
Tamakaya alu kegefa nehae. Tamakaya hanategatipiga emainea ke ohavinayanagi naulagama
alino kali hu-na-tenea kano afa kanoa omaine. Anumaya Kotitegati emaine.
31
Tagaya ago
havimainone Anumaya Kotia kefo kava nehaya veamogami kea nohavie. Nagoa veamoya
Anumaya Koti agi alisaga nehuya agaima haiya kavama hisaya veamogami kea Anumaya
Kotia havigahie.
32
Ehema fusa kanafima ma mopama taloma hu-malenelegatima emaineana
nago atenea kanalegati aulaga asu hu-mainea kanoa alino kali hu-tene huya haya kea
ohavinonane.
33
Anumaya Kotima mani kanoma hu-tegenoma omeneleasina nago yana
agaya ohisine. huno hie.
34
Higeya kenonaa mage hu-mainae Kagaya kefo yapiti falote
huka emainananagika tagaila menia hu-lave-ligahe nehano? huya nehuya mono nopitila
avaleya kumatega hagayu hu-talenae.
Yisasife amametiti nohaya veala amaulaga asu hu-maine kana veane mainae.
35
Yisasia mono nopitima anati-talaya kea haviteno ani kanoa atiyeno mogeteno mage
hie Kagaya ikapinagati emainea kanoa vayamo atenea kanomofena havika kagupi maleka
kametitia nehano? huno havige.
36
Havigegeno ani kanomoa mage hie Ani kanoa tae? huka
nehapi? Nagaila naha-paigena havina nagupi malena nametiti hano. huno hie.
37
Higeno
Yisasia kenonaa mage hie Kagaya agaila ago neagane. Ani kanoa menima kagaienema
maineno kea kea nehaane. huno hie.
38
Higeno ani kanomoa mage huno hie Ayenio
Alamogae menia kagaifena havina nagupi malena nametiti nehue. huno muse nehuno aiyafi
aleya aye-maineno Yisasi aiyale ali-soso nehuno agi alisaga nehie.
39
Yisasia mage hie
Nagaya ma mopale veamogami fako hu-ma-tesua yafe emainoe. Ali fako hisugeya
amaulaga asu humai veamoya amaulaga agesageno amaulagama hanea veamoya
amaulagama asu hugahie. huno hie.
40
Higeya nagoa avate maiya Falasia vayamoya anima
hia kea nehaviya agaifena mage huya havigae Tagaifena tamaulaga asu hu-maine huka
nehano? huya havigae.
41
Havigageno Yisasia mage huno hie Tamaulagamoa asuma hu-
mainesina kefo yatamia omalesinagi tamakaya Taulagamoa kali kali hu-maine. hutama
haya yafe kefo yatamimoa hane. huno hu-maine.
Yoni Yoni
<<
99
>>
Yoni Yoni
<<
10 10
>>
10
Yisasia kanale sipi sipi afumo kava kano maine.
1
Yisasia mage huno hie Nagaya tamage-lafa huna tamaha-nepauve nagoa vayamoya
sipi sipi kegiyamo fiatetima hai ofaleya afalegatima asaga hu-maiya hai falesaya vayala
musufa vaya mainae.
2
Nago kanomoma fiatetima hai nefalea kanoa sipi sipilema kava
neyagaiya kano maine.
3
Fiatema yagai-mainea kanomoa ani kanoa ageteno yaki-tegeno
fiateti hai falegeya sipi sipiyagamoya alenaga agea havimainaya yafe agaia sipi sipimogamina
amakia hanete hanete hu-maineanagino amakia ayete ayete huno amavaleno kumatega nevie.
4
Amavalenoma kumatega neunofena uhagoteno nevigeya ani kanomona alenaga agema
havimainaleti lagiya ani sipi sipimoya akave nevae.
5
Nagi oagenaya vayamogami amakavela
ougahae. Nagi ani kanomona alenaga agema ohavinaya yafe faleya alulega ugahae. huno
hie.
6
Yisasia mani avame kea hama-paiyanagi amakaya havilama huya ohavinae.
7
Ohaviyanagi Yisasia nagoene eteno mage hu-maine Tamage-lafa huna tamaha-
nepauve nagaya sipi sipimoyama hai falesaya fiana nagainige mainoe.
8
Mainoanagi
hagoteyama emainaya vayala vayama nehamaeya musufa yama nehaya vayalagiya sipi
sipiyagamoya kema haya kea ohavinae.
9
Ma nagaya fia mainoe. Mainoanagitama nagoa
veamogatama etama nagaipi ehai falesagena tamaku tamamena ali-gatisugetama hai faletama
mainetama elavitetama haitetama nehutama nesaya yana aligahae.
10
Musufa kanomoa
musufa yana nehuno veala nehamaeno ali haviya hu-ma-tegahe neeanagi nagaya kanalenale
tamahaimu tamamigahe emainoe. Agola hano ohu tamahaimula tamamigahe emainoe.
11
Nagaya kanalenale sipi sipi kava kano mainena sipi sipiniamogamina amaku
amamemaa ali-gatisua yafe faligahue.
12
Nago kanomoa yagaiteno mone nealia kanoa sipi
sipimona nefaa omaine. Omaigeno afela kalamoma egenoa ani kanomoa ataleno falegeno
ani afela kalamoa sipi sipimogamina akafu amanino mo hamae me hamae higeya faleya
atagufeya alulega ute ete nehae.
13
Ani sipi sipilema yagaino maineno monema nealia
kanomoa sipi sipiyagahena agesa ohavino amataleno faleno umaine.
14-15
Nagaya kanale sipi
sipi kava kano mainoe. Nenafaa agua namigena nagaya nagua amugetaa nehue. Naa hu-
mainoa kava huna sipi sipiyaganimoya amakua namigena nagaya nagua neamamue. Nagaya
sipi sipiniamogami amaku amamemaa ali-gatisua yafe faligahue.
16
Nagoa sipi sipiyagania
amahaote mainae. Mani sipi sipi kegiyanifina omainayanagi ani afuyaga amavalenama esuana
alenaga nage nehaviya nagokeage afuyakama maisayana nagokemona ani sipi sipiyagalela
kava kano maigahue.
17
Nagaya Afaa faligahue. huna hua kehena Nenafaa tusiya huno hau ayamopafi
nehaiye. Naafene? Nahaimula atalesugeno eteno namisigena he-tisuayafe nahaimula afaa
atalegahue.
18
Nagoa vayamoya nahaimula naha-ofalegahae. Nagaya nagainiage nahaimula
atalegahue. Nahaimuma atalesua tokiyaniaene ataletena etena alisua tokiyaniaene hane.
Aniama hisua kavamo kea Nenafaa ago naha-pai-maine. huno hie.
19
Mani kema hia kea Yuta vayamoya haviteya tolefi ali fako hu-mainae.
20
Kasagoyamoya mage hae Kefo Avamumo agupi hai-mainegeno aifonafo nehigi naa
higetama kea maitama havimainae? huya hae.
21
Hageya nagoamoya mage hae Kefo
Avamumoa agupima maineleasina mania augafa kea ohileasine. Kefo Avamumoa aulagama
asu hu-mainea kanomo aulaga aligali hu-oateleasine. huya hae.
Yuta vayamoya Yisasina kame hu-tenae.
22-23
Nayona mono no kimaleteya fita yaki-mainaya kanahe muse nehaya imu
Yelusalemu ki-mainae. Ani imua yasi nealia kanale negiyanagino ani kanalela Yisasia
Anumaya Koti nopi umaineno Solomoni yasi nealea nona aye-nagali-malenea kaiyaga nevie.
24
Mukia Yuta veamoya meliya amuno huteya maineya mage hae Tagu tagesamoa tole-lole
nehuno taipamoa kanaage nehigi. Menia hu-falote huka taha-paiyo kagaya Anumaya Koti
hu-ga-tegeka emainana kano mainano? huya hae.
25-26
Havigageno Yisasia mage huno hie
Nagaya agoma tamaha-pai-mainogi nagaifena havitama tamakupi maletama tamametiti
nohae. Nenafa naminea tokiya yateti aliyana alugetama agayana ani yana nagaya Anumaya
Koti hu-na-tegena emainoa kano mainoa yafe tama-ve-lianagi nagai sipi sipima omaiya yafe
havitama tamakupina nomalae.
27
Nomalayanagi nagai sipi sipiyagamoya nagaila alenaga mage haviteya nakave
malagena nagaya amakaila ago amake-mainoe.
28
Amaketena maige maige hisaya hamaimula
ago amaminoanagiya ofaligahae. Nagaila ago nayapi mainayanagino nago kanomoa
memavayu ohugahie.
29
Nenafaa ani sipi sipiyaga naminea kanogino mukia yana amakase-
mainea kano mainea yafe alu kanomoa Nenafa ayapitila haofalegahie.
30
Nenafaene
nagainiene nagoke mainoe. huno hie.
31
Higeya Yuta vayamoya nagoene yafa kayo aliya haesaya kava nehae.
32
Nehageno
Yisasia mage huno hama-paiye Nagaya mukia Nenafa naminea tokiya avame yana tamakai
tamaulagafina ago hu-mainogi nagoke avameyana hana avameya hua yamo
notamahaigetama nagaila yafatetila nahaegahena nehae? huno hama-vige.
33
Hama-vi-
gegeya Tokiya avame yama hu-mainana yafene huta yafatetila okahaegahunagi kagaya ma
mopafi afa kano mainekagi Anumaya Kotiene nagoke mainoe. hukama hanana Anumaya
Kotina kalana ategana kema hana yateti kagaila yafa kayotetila kahaegahena nehune. huya
hae.
34
Hageno Yisasia mage hie tamakaitami mono kema kae-malenaya kemoa mage hu-
maineane
Anumaya Kotia mage hie Tamakaitami Anumaya Kotigatama mainae. huno hie. huya
kae-malenayane.
35-36
Ani Anumaya Koti kea kae-malenaya ke hanege hanege huno tamageage hugahie.
Anumaya Koti kema agoma hama-paiya vayafena Anumaya Kotigatama mainae. huno hu-
maineana nagaya Nenafafena Nenahaiya kano mainane huno hu-na-tegena ma mopafina
emainoema. huna nehuana naa higetama Nagaya Anumaya Kotina neamonae. hunama
hua kehena Anumaya Kotina hu-haviya hu-neatane. hutama hu-nena-tae?
37-38
Nagaya
Nenafa aliyama oaluleasina nagaifena havitama tamakupi maletama tamametiti ohaleasinagi
kanale kava haleasine. Nagaya kema hu-mainoa kehema havitama tamakupima
omalenutamahena aliyama ali-mainoa aliyafena havitama tamakupi maletama tamametiti hiho.
Naa hisayana Nenafaa nagaiene maigena nagaya ania huna agaiene mainoema huna hua kea
havilama hutama havigahae. huno nehie.
39
Higeya nagoene atafa huya nofi hu-tegahe hayanagi amakaseno ago umaine.
40
Uteno
Yisasia eteno Yotani lina mo lakaeno Yonima lima fale-ma-tenea kumate mo maine.
41
Mo
mainegeya mukia veamoya melitalu huya maineya mage hae Yonia keama alino lokiya
vaisia yana nagola malegeta oagenonagi ma kanomofena mukia kema hu-mainea kemoa
tamage-lafa hu-maine. huya hae.
42
Mukia ani kumate veamoya Yisasifena haviya amakupi
maleya amametiti hu-mainae.
Yoni Yoni
<<
10 10
>>
Yoni Yoni
<<
11 11
>>
11
Lasalusia ago fali-maine.
1
Nago kanomo agia Lasalusie kali ali-maine. Ani kanoa Petani kumate kanoe. Mataene
aganaamoa Maliagani kumale.
2
Ani Maliaa nago yupa manaage masavena Yisasina aiyale
takino fale-teneno ayolagefaleti ali hau hu-teneane. Ani munamona asaamoa Lasalusi kali ali-
maine.
3
Kali alino mainegeana ani tole nanukana-latamogania Yisasitega nago kano hu-
taageno mage mo hie Alatimogae kagaikama kahau kayamopafima negahaiya kanoa kali
nealie. huno hapaiye.
4
Hapaigeno Yisasia ani kema nehavinoa mage hie Lasalusia kali
alino fae-maineanagi falisia yafe oalinegi mani kalimoa Anumaya Koti agi alisaga hisayafene
huno ali-maine. Ani kalia Anumaya Koti nafanemo agi alisaga hisaya yafe falote hu-maine.
huno hie.
5
Yisasia Mataene aganaamoene Lasalusiene ani anagafena tusiya huno hau ayamopafi
nehaiya anagale.
6-7
Yisasia Lasalusima kalima alia kea havianagi ouno tole yupa afaa
nemaiya kumate maiteno agaiaenema tokaeya nemaiya anagaahe mage huno hama-paiye
Yutia kotega eteta visune. huno hu-maine.
8
Higeya agaiaenema tokaeya nemaiya
anagamoya mage hae Hu-lave-nelina kanomoga menia Yuta vayamoya yafateti aliya
kahaegahema haya kotega kagaya ani kotega nagoene ugahe nehano? huya havinegae.
9-
10
Havigageno Yisasia mopafi mainea kanaamoa hano ohunea yafe kenonaamia avame kea
mage huno hie Tuelufua (12) auva nagoke yagefina omalenefi? Veamoyama yagefima vai-
yesayana ma mopafi yagemoa ai vasa humainea yafe asaga hu otavigahayanagi veamoya
kegema vaiyatete hisayana aye-vasa hu yamaa amakupina omaleanagino vailino
hamaegahie.
11
Yisasia mani kea huteno nago kea mage huno hu-maine Tagaila kanapatia
Lasalusia faeno maineanagina nagaya visuaamona mogafa huna avale he-ti-tegahue. huno
hama-paiye.
12
Higeya agaiaenema tokaeya nemaiya anagamoya mage hae Alatimogae
agayama kalima alino fae-mainesiana afaa kanale hu-tegahie. huya hu-mainae.
13
Hageno
Yisasia mani avame kema hiana Lasalusia ago fali-maine huno nehianagi agaiaenema
tokaeya nemaiya anagamoya ohavinaya yafe Afaa faeno mainegeno nehie. huya hu-
mainae.
14
Hageno Yisasia ani avame kea neataleno hu-falote huno hama-paiye Lasalusia
ago fali-maine.
15
Tamakaya nagaifena havilama hutama Tamage nehie. hutama tamakupi
maletama tamametiti hisaya yafe omainogeno fali-maineanagina nagaya muse nehugi menia
aligeta mogamano. huno hie.
16
Higeno Tomasina, nago agia Titimasie, tagai kefina kuyave
nafane, Yisasienema tokaeya nemaiya anagafe mage hie Mukiamogata vigetao. Nagopi
nevisunageya tahaesageta faligahune. huno hie.
Yisasia Nagaya fali-mainesafiti ali he-ti-matesua kanogi hamaimu aliya maige
maige hisaya ya amamisua kanoene mainoe. huno hu-maine.
17
Lasalusina foa (4) yupa komufi he-vai-tenageno Yisasia uvayi higeya he-vai-tenaya
kanahe hapaimainae.
18-19
Petaniti Yelusalemua tagufa (3) kilomita aupate hanea yafe mukia
Yuta veamoya Yelusalemutila etele huya Matagani Maliaganina anasaanimoma fali-mainea
yafe hamau hu-nateya emainae.
20
Emainageno Mataa Yisasife Nee. huya haya kea haviteno katega viayamo mo fotu
hu-mainegi Maliaa nomaafi maine.
21
Mainegeno Mataa Yisasife mage hie Alanimoga
kagayama malema mainateasina nasanimoa ofalileasine.
22
Ago havimainoe menia kagayama
Anumaya Kotitega nago yafema havigesanana afaa kamigahie. huno hie.
23
Higeno Yisasia
mage huno hapaiye Kasakamoa fali-maineanagi eteno haimula alino he-tigahie. huno hie.
24
Higeno ani munamoa mage hie E, nagaya ago havimainoe ma mopama hanoma hisia
kanafina mukia fali-mainaya veama he-tisaya kanafina eteno he-tino haimula aligahie. huno
hie.
25
Higeno Yisasia kenonaa mage hie Nagaya fali-mainaya veala amavale he-tina
hamaimula amamisua kano mainoe. Nagaya maige maige hisaya hamaimu amami yamona
aepaa mainoe. Nagoa veamoya nagaife haviya amakupi maleya amametiti hisayana faliteya
hetiya agola maige maige hisaya hamaimula aligahae.
26
Nagoa veamoya afaa maineya
nagaifena haviya amakupi maleya amametiti hu-mainaya veala maige maige hugahayanagiya
ofaligahae. Kagaya mani kea ago havilama huka kagupi maleka kametiti nehapi nohane?
huno havige.
27
Havigegeno ani munamoa mage hie E, Alanimoga nagaya nehavina ago
nagupi malena nametiti hu-mainoe. Tamage nehae kagaya Kalaisigae Anumaya Kotia hu-ga-
tegeka taugafa ali-gatigahe ma mopafi elavisana kano emainane. Anumaya Koti nafane
mainane. huno hie.
Yisasia Lasalusife hau hu-teteno avite-maine.
28
Mataa mani kea huteno eteno viayamo aganaamona Maliana sumi sumi huno mage
huno hapaiye Hu-mave-nelia kanoa ago emaineno kagaife ke nehie. huno hapaiye.
29
Hapaigeno Maliaa ani kea haviteno aupaa he-tino Yisasi mogegahe umaine.
30
Nevigeno
Yisasia kumatela omenegi Mataene fotuma huana kea keama haalega maine.
31
Mainegeya
Yuta veamoya Maliaene nopi maineya hanauma hu-nateyama emainaya veamoya Maliaa
aupaa he-tino kumatega via yafe agayana higeya Vae Maliaa asaamo komulega avitegahe
nevie. huya akave umainae.
32
Akave vageno Maliaa Yisasi mainelega mogeteno aiyafi mope hu-maineno mage hie
Alanimogae kagayama malema mainateasina nasanimoa ofalileasine. huno hapaiye.
33
Hapaiteno avi neategeno agaienema emainaya Yuta veamoya ania huya neatageno Yisasia
Maliana neagegeno aipamoa tusiya huno haviya hu-maine.
34
Aipamoa haviya hu-mainefiti hama-vigeno mage hie Hanate he-vai-tenae? huno
higeya Alatimoga eka mego. huya hae.
35
Nehageno Yisasia avi-te-maine.
36
Neategeya
Yuta veamoya mage hae Ageho Lasalusifena tusiya huno hau ayamopafi nehaiye. huya
hae.
37
Hageya nagoa veamoya mage hae Ma kanoa amaulagama asu hu-mainea veama
aligali hu-neamatea kanogi naa higeno Lasalusina kalia alino kanale hu-tegeno ofalino afaa
maiyanagi fali-maine. huya hae.
Lasalusina fali-mainefiti Yisasia alino he-ti-tene.
38
Yisasina aipamoa nagoene haviya higeno he-vai-tenaya komulega umaine. Ani
komua yafa kapi he-vai-teteya komumo avayalela ala yafateti aliya ai-lile-malenae.
39
Ai-lile-
malenageno Yisasia mogeteno mage hie Mani komumo avayaleti yafana ali-taleho. huno
higeno fali-mainea kanomo asaamoa, Mataa, mage huno hie Alaniamogae mani kanoa ago
he-vai-tageno foa (4) yupa komufinaga haneanagino tusia himana hugahie. huno hie.
40
Higeno Yisasia mage hie Nagaya ago kaha-pai-mainofi? Kagayama nagaifema tamage
nehane huka kagupi maleka kametitima hisanana Anumaya Koti agi alisaga hisaya tokiya
yana agegane huna kaha-pai-mainofi? huno havinege.
41
Ani yafana ali-taletageno Yisasia anafinaga agesaga huno age-maineno mage hie
Nenafaga nunamunia ago havimainana yafe musekaa nehue.
42
Havimainanagina nagaya
mukia kanalema kahavi-goa kea nehavinagi afaa menia manilema mainaya veamoya
kagayama hu-na-tanagena emainoa yafema Tamage nehane. huya amakupi maleya ametiti
hisaya yafe kahavi-negoe. huno hie.
43
Mani kea huteno ala kegefafiti mage hie Lasalusiga
he-tika elavio. huno hie.
44
Higeno Lasalusia, fali-mainea kanoa, eteno he-tino elavigeya
aiyafima ayapima augosafima kenaletima aye-gasagi-malea kanoa elavigeno Yisasia mage
huno hama-paiye Kalu hetama atalegeno vino. huno hama-paiye.
Kava vayamoya Yisasina haesaya ke huya haya ki-mainae.
45
Mukia Maliaenema emainaya Yuta veamoya Yisasima hia kavala ageteya amakupi
maleya amametiti hu-mainae.
46
Amakua amiyanagi nagoa vayamoya ataleya Falasia vaya
mainalega uya Yisasima hia kavafena mo hama-pai-mainae.
47
Hama-paigeya Falasia
vayaene ala mono note kava vayaene Kanisole vayafe ke hageya ageya mage huya hae Ma
kanoa kasagoya tokiya avame yayaga nehigi naa hisune?
48
Afaama atalesunagenoa mukia
kanalela aniageyama hisigeya mukia veamoya Tamage nehie. nehuya haviya amakupi
maleya amametiti hisageya kava vayatia, Lomu vayamoya eya mukia veanene ala mono
notiene ali haviya hugahae. huya hae.
49
Hageno Kaiyafasia ani kafufina ala mono note hagote kava kano maineanagino ani
vayapiti he-tino mage hie Tamakaya tamaku tamakesa nomale.
50
Tamakaya ohavinafi na
ya kanale tamaya hisia yana hane? Mukia veati ali haviya hisafi nagoke kanomoa mukia
veaamogami anonaa falisie? huno hama-vige.
51
Ani kafufina Kaiyafasia ala mono note
hagote kava kanogino mani kea Anumaya Kotia hapaigeno aune laga huno hu-maine. Agaia
agesafiti ohune. Ani aunema laga hia aepaamoa mage hu-maine Yisasia Yuta veamogamife
huno faligahie.
52
Amakaiamigetefena huno ofaligahigi alu kumate kumate mainaya Anumaya
Koti nafaneyaga amavaleno nagoke anaga hu-ma-tesigeya maisaya yafe Yisasia faligahie.
53
Ani kanaleti aepa heya Yuta vayamogami kava vayamoya Yisasina haesaya kea huya
haviteya huge havige hu-mainae.
54
Ani yafe Yisasia nagoene Yuta veamogami amaulagafina
vai oayenegi nago kumala Efalaimie huya nehaya kumala vaya omai kola aupa hu-mainegeya
agaiaenema tokaeya nemaiya anagaene anilega uya mo mainae.
55
Yuta veamoya kafuahe kafuahena Anumaya Kotima amakinagomogami amaugafama
ali-gati-mainea yafe haviya alitalu huya imu negiyane. Ani imuma kisaya kanamoa aupa
higeya mukia veamoya mukia kumateti haiya kahegi kemo hama-paiya kava huya
amaugafaene amakuaene sese hugahe Yelusalemu umainae. Ago mo sese huteya ani
imuamia nenae.
56
Ala mono nopi molitalu huya maineya Yisasife moge mege huya ati-
yegetayana higeya amakaiamifi mo hama-vige me hamavige huya mage hae Naane
tamakesa nehaviye? Kavema nesutela egahifi omegahie? huya hae.
57
Hageya ala mono note
kava vayaene Falasia vayaene Yisasina atafa hugahe mage hu-mainae Maa hiho. Yisasima
faesia kumama agenutamahena aupaa ani kea alitama me laha-paiho. huya hu-mainae.
Yoni Yoni
<<
11 11
>>
Yoni Yoni
<<
12 12
>>
12
Yisasina aiyale manaage masave fale-tene.
1
Yisasia Petani kumate, Lasalusia faligeya he-vai-tenageno Yisasia molino he-ti-tenea
kanomo kumate, uvayi hu-maine. Uvayi hiana ani kanafina Anumaya Kotima
amakinagomogami amaugafama ali-gati-mainea yafe amakesa haviya imuma kisaya kana
sikisia (6) yupa maiteya kigahe nehae.
2
Hageno Yisasina musekase kave talo tala hu-teteno
Mataa alino amamite amamite nehigeno Lasalusia Yisasiene siale mainae.
3
Mainageno
Maliaa nago kilo manaage masave hanea keayola, tusia mone hanea masavemo agia natie
nehaya masavena alino Yisasina aiyale taki hano hu-teteno ayolagefaleti ali hau hu-nea-
tegeno ani masavemo manamoa ani nopi haino hiya higeya manaa havimainae.
4-5
Nago kanoa, Yisasienema tokaeya nemaiya anagapiti kanomo, agia Yutasi
Isakaliotie. Ani kanomoa haenagaa Yisasina agesi huno kame ya hu-tesia kanomoa mage hie
Naa higeno mani manaage masavena afaa neatale? Atalegeno nago kanomoma miya
hileasipa tali hataleti (K300) kina aliteta mani masaveteti monea afenoamima omalenea veane
amamuteasine. huno hie.
6
Mani kea moneamima omalenea veafena hauma hu-nea-matea
yafena nohigi mukia kanalela monema hanea kutela agaia yagai-maineno musufa yama nehia
yafe mani kea hu-maine.
7
Yisasia mage hie Ma munala afaa atalegeno ma masavena afaa
ali-lineno nagayama falisugeya he-vai-natesaya kanalela mani masaveteti fale-na-tegahie.
8
Moneamima omalenea veamoya mukia yupa tamakaiene maigahayanagi nagaya
tamaikaienena mukia yupa omaigahue. huno hie.
Mono note kava vayamoya Lasalusina haesaya ke huya haya ki-mainae.
9
Mukia Yuta veamoya Yisasia Petani kumatema emaine. huya haya kea haviteya ani
kumate umainae. Yisasina agaiage agegahe ounagi Lasalusia fali-mainegeno ali he-ti-tenea
kanoene anakegahe umainae.
10-11
Lasalusia fali-mainefiti he-ti-mainea yafe mukia Yuta
veamoya nayoma nehaya monola neataleya Yisasina amakua amitafa huya amametitima
haya yafe ala mono note kava vayamoya Lasalusiene haesaya kea hu-mainae.
Yisasia Yelusalemua ala sauve kana huno hai fale-maine.
12
Faeteya kotigeya mukia veamoya Anumaya Kotima amakinagomogami amaugafama
ali-gati-mainea yafe imuma ki-malenale emaineya Yisasima Yelusalemu kumate egahie.
huya haya kea havi-mainae.
13
Haviteya Yisasiene katega mo fotu hugahe tofe yosamona
haisaa kofa-nafa huya aliya umaineya ala kefiti mage huya hae Tusia yate taugafa ali-
gatisana kanoa kanaleya huka neane. Anumayamo aliya alisana yafe hu-ga-tegeka emainana
kanomoga Anumaya Kotia kanale manu kamiteno kaya hu-maine. Isaleli kotega yagai-ma-
tenana sauve kanomoga Anumaya Kotia kaya hu-maine. huya hae.
14
Yisasia nago hosi
kana afumo agia tokie nehaya afua age falote huteno agupifi haino maine. Aniama hia kavala
nayona Anumaya Koti kefina mage huya kae-malenayane.
15
Yelusalemu veamogatama kolia ohutama ageho. Menia tamakaila sauve kanotamia yaufa
tokimo agupifi haino maiteno egahie. huno kae-maleneane.
16
Yisasima aniama hu-mainea yupa agaienema tokaeya nemaiya anagamoya anima kae-
malenea kea ohavianagi haenagaage Yisasima faliteno he-tino tokiya hale yamaama hanea
kumate haitegeya amakesamoa ai-kalo higeya anima kae-malenea kene veamoya ani yupama
hu-tenaya kavafeene havi-mainae.
17
Yisasia Lasalusifema Komufitila he-tio. huno higeno fali-mainefitima he-ti-mainea
yupa anilema mainaya veamoya ani kanafina Yisasia naa maa kavala hu-maine. huya kea
aliya ute ete huya hama-pai-mainae.
18
Hama-paigeya haviteya anima tokiya avame yama hu-
mainea kema haviya yafe mukia veamoya katega Yisasiene mo fotu hu-mainae.
19
Hageya
Falasia vayamoya amakaiami amunoamifina ani kehena mohu mehu huya mage hu-mainae
Ageho mukia mopafi veamoya Yisasina akave nevayanagita atafa ohugahune. huya hu-
mainae.
Nagoa Kaliki veamoya Yisasi agegahe nehae.
20
Nagoa Kaliki veamoya, Anumaya Koti agi alisaga hugahe, ani imu kavema nalega
Yelusalemu hai-mainae.
21
Ani Kaliki veamoya Filipite umainae. Filipia Kalili hanea kumala
Petesaita kumateti kano mainelega uya mage hae Musekaa nehunagi tagaya Yisasina
agegahe neone. huya hu-mainae.
22
Hageno Filipia viayamo Etaluna hapaiteana ani
lolemogani Yisasina mo hapai-mainae.
23
Hapaiageno Yisasia mage huno hana-paiye Menia
Ikapinagati emainoa kanoa vayamo natenea kanomonia tusiya huya nagai nagia ali-saga
hisaya kanamoa ago evayi hu-maine.
24
Tamage huna tanaha-nepauve nagoke viti
avinamoma asaga hu-lavino mopafima ofalinunofena nagoke viti avinaage hanegahigi nagi
falinunofena ai-falo huno hageteno kasagoya viti alagayaga aye helafigahie.
25
Naa
hugahianagi nagoa veamoyama mukia ma mopafi yafema amaugafama aliya haiteya
hamaimuamima atafa hisaya veamoya faligahae. Faligahayanagi nagoa veamoyama ma
mopale mainaya amaugafama aliya haisaya yafema Afa yanema. huya hisaya veamogami
hamaimumoa hano ohugahianagiya maige maige huya maigahae.
26
Nagoa veamoyama
nagaifema huya aliya alisayana nakave ege ege hisae. Nakavema esaya veamoya maisua yate
nagaiene mainesageno Nenafaa nagai aliyama nealiya veamogamina ala amaki amamigahie.
Yisasia yafaga yosale falisia yafe hama-pai-maine.
27
Yisasia mage huno nehie Nagai naguamoa tusiya huno kanaage nehigena kasagoya
nagesa nehavugi naane huna hisue? Nenafaga menia nagai naugafalema falotema hugahema
nehia yana ali-talo. hisufi? Aao nagaya ani nagata aisia yapi maigahe emainoe.
28
Nenafaga
kagaika kagi alisaga huo. huno nehigeno anile ikapinagati age aino mage huno hie Nagia
ago alis-aga hu-mainoane etena nagoene nagia ali-saga hugahue. huno hie.
29
Higeya melitalu hu-mainaya veamoya agema aiya kea haviteya nagoamoya mage
huya hae Ikapinagati akali kalu nehie. huya hageya nagoa veamoya mage huya hae Nago
ensole kanomoa ke me hanepaiye. huya hae.
30
Hageno Yisasia mage huno hie Ani agema
aiya agea nagai naya hisia yafe nohigi mani kea tamakai tamaya hisia yafe nehie.
31
Menia ma
kanafina Anumaya Kotia ma mopale veamogamina kaiyeke hu-ma-tegahie. Meni kanafima
ma mopalema kava yagai-mainea kanoa, Satanina ago anati-talegahie.
32
Anati-talegahigi ma
mopaleti navalesaga huya nahaesageya mukia veamoya amakua namisaya yafe amavayu
huna nagainilega amategahue. huno hie.
33
Ani avame kema huno hia kemoa mage hu-maine
Ma yateti, yafaga yosale nahaesagena faligahue. huno hama-pai-maine.
34
Hama-paigeya veamoya kenonaa mage huya hapai-mainae Tagai monomoa mage
huno taha-pai-maine Anumaya Kotima taugafa ali-gatigahema hu-tesia kanoa mukia
kanafina maige maige hugahie. huno taha-pai-maineanagi naa higeka Ikapinagati emainoa
kanoa vayamo natenea kanomonia yafaga yosale navalesaga hugahae. huka nehane? Anima
ikapinagati emainea kanoa vayamo atenea nafanea ta maine? huya havigae.
35
Havigageno
Yisasia kenonaamia mage huno hie Hale yamaaene kanomoa tamakaipina osi kana kanoa
maine. Hani kisia yana vayi huno aiso hu-lama-tesia yafe hale yama hanea kanale vaiyatete
hiho. Hani-ki-mainea yapima mainaya veamoya visaya kana oagenae.
36
Hale yamaama
hanea kanafina hale yamaaene kanohe Tamage nehane. hutama havitama tamakupi
maletama tamametiti hiho. Aniama hisayana hale yamo nafaneyaga maigahae. huno hama-
pai-maine.
Kasagoya Yuta veamoya Yisasifena haviya amakupina maleya amametiti nohae.
Yisasia mani kea huteno neamataleno mo fala-ki-maine.
37
Mukia tokiya avameyamo
amaulagafi alianagi agaifena haviya amakupina maleya amametitia nohae.
38
Ani yafe
Anumaya Kotina aune kanoa, Aisaiyaa, hu-mainea kea falote huno tamage nehie. Mage
huno hu-maineane
Anumayamoga manima hu-mainona kea taya haviya amakuafina maleya amametitia nehae?
Anumayamoa tokiya avame yamaa amave-ligeya hana veamoya havilama nehae?
huno kae-maleneane.
39
Higeno amuha ohunayanagiya Yisasifena haviya amakupina maleya amametitia ohunaya
yafe Aisaiyaa nagoene mage huno humaineane
40
Amaulaga oagesaya yafe Anumaya Kotia amaulaga ago alino asu hu-ma-tene. Amaku
amakesa havilama ohisaya yafe Yafa kana amanuene veane maiho. hu-ma-tene.
Havigu amakua ai-yahae huya nagaitega eyafenagina ali hilato hu oama-tegahue.
huno hu-maineane.
41
Aisaiyaa Yisasina tokiya hale yamaa ageteno Yisasife mani kea hu-maineane.
42
Hu-
maineanagi Yuta kava vayayagafitila kasagoya vayamoya Yisasife haviya amakupi maleya
amametitia hayanagi Falasia vayamoya mage hae Mani kavama hisayana mono nopina
omegahae huta nagalu hu-lama-tegahune. huya hu-mainaya yafe Yisasina tagua neamune.
huya hu-falote ohunae.
43
Ani veamoya Anumaya Kotia Kanale kava nehae. huno
amakima alisaga hisia yafena nohamaigi veamoya Kanale kava nehae. huya amaki alisaga
hisaya yafeke nehamaiye.
Yisasia kema nehia kemoa veala fako hu-ma-tegahie.
44
Yisasia tokiyaage ke hu-haleno mage hu-maine Nagoa veamogatama nagaifema
tamage nehie hutama tamakupi maletama tamametitima hisayana nagainigefena tamakupina
maletama tamametitia hu-nona-tagi hu-na-tenea kanomofeene hu-nea-tae.
45
Nagoa
veamoyama nagaima nenagayana Nenafaa hu-na-tenea kanoene age-mainae.
46
Nagayama
ma mopalema emainoana hale ya kana huna emainoe. Nagoke nagoke veamoya nagaifema
haviya amakupima maleya amametitima hisayana haniki-mainea yapina omaigahae.
47
Nagoa
veamogatama nagai kema havitetama nakavema omalesayana nagaya tamakaila kaiyekea hu
otama-tegahue. Ma mopale veamogamina kaiyekea hu-ma-tegahue huna omenogi ma
mopale veamogamina amaugafa ali-gatigahue huna emainoe.
48
Nagoa veamoya nagaifema
amakavenoma huya nagai kema amakupima aliya omalesayana hu-mainoa kenimoa fako hu-
ma-tegahie. Ma mopama hano hisia kanama evayima hisiana hu-mainoa kenimoa fako hu-
ma-tegahie.
49
Mani kea nagesafitila ali falote huna tamaha-nopaugi hu-na-tenea Nenafa
Nage mage huka huo. huno naha-paiya keage tamaha-nepauve.
50
Nagaya ago havilinoe
agai kema havitama tamakupima maletama tamametitima hisayana ofalitama agola maige
maige hisaya tamahaimula aligahae. Nani yafe Nenafaa naha-pai-mainea kea tamaha-
nepauve. huno nehie.
Yoni Yoni
<<
12 12
>>
Yoni Yoni
<<
13 13
>>
13
Yisasia amaiya sese hu-ma-tene.
1
Anumaya Kotima amakinagomogami amaugafama ali-gati-mainea yafe ala imu kigahe
nehae. Ani imu kisaya kanaamimoa aupa hugahe nehigeno Yisasia ma agesa havimaine Ma
mopa atalena Nenafatega visua kanamoa ago evayi nehie. huno nehuno mukia kanalema
ma mopale maineyama agai kema nehaviya veamogamifena tusiya huno hau ayamopafi
nehaino agola haume haume haino mo fali-maine.
2
Yisasienema tokaeya nemaiya tuelufua (12) anagaaene unena kavela nenageno Satania
Yutasifena Havisigi huka agesi huka hama-pai-sanageya Yisasina haesae. huno agu agesa
amine. Ani Yutasia nago agia Isakaliotia Saimonina nemofoe.
3
Satania aniama hisia agu
agesa amigeno Yisasia ma agesa havimaine Nenafaa mukia tokiya ago nayapi
maleneanagina Anumaya Kotia hu-na-tegena emainoafe etena Anumaya Kotitega haigahue.
huno hu-maine.
4
Nehuno kavema neneletila neataleno he-tino ayaaya kenaa hateno
nemaleno taulia alino amupi ai-gagino fai-line.
5
Fai-lineno tina alino yopafi taki-maleneno
aepa heno agaia tuelufua (12) anagaamogami amaiya agupia sese hu neama-teno ai-gagi-
linea taulileti alino hau hu-neamate.
6
Ali hau hu-ma-teme Saimoni Pitate vigeno Saimoni
Pitaa Yisasife mage hie Alaniamoga naigai naiya sese hu-na-tegahe nehano? Sese hu ona-
tegane. huno hu-maine.
7
Higeno Yisasia mage hie Kagaya nagayama nehua kavala menia
ohavinanagi haenagaa havilama huka havigane. huno hapaiye.
8
Ha-paigeno Pitaa
Yisasifena mage hie Kagaya naiya sese ohutafa huka sese ohugane. huno higeno Yisasia
kenonaa mage hie Kaiyama sesema ohisuana nagaienena omaitafa huka omaigane. huno
hapaiye.
9
Hapaigeno Saimoni Pitaa mage hie Alaniamoga naama hinageka naiyaagela sese
hu ona-teka nayaene nanuene sese hu-nato. huno hapaiye.
10
Ha-paigeno Yisasia kenonaa
mage huno hapaiye Nagoa veamoya mukia amaugafama sese hu-malenaya veala
amaugafalela oniyaamia omaleno haigafaage hamau-maineanagiya amaiyaage sese hugahae.
Tamakaila kefo yama haya oniyatamia omaleno haigafananamaage hu-mainagi nagoke
kanomona oniyaage hau-maine. huno hama-paiye.
11
Hama-paiteno Yisasia agaima agesima
huno haegahema hia kanoa ago age-mainea yafe Tamakaya mukiamogatamina oniyatamia
omalene huna nohue. huno nehie.
12
Amaiya sese hu-ma-teteno kenaa alino vai-lino mopale maineno mage huno hama-
vige Nagayama hu-lama-toa kavala ago havilama nehafio?
13
Tamakaya nagaifema Hulave-
nelina kanomogae. nehutama Alatimogae. hutamama nehayana tamage hutama nehae.
Nagaya ani kanoema hutama haya kano mainoe.
14
Nagaya Alatamimona hu-lama-ve-neloa
kanotamimona tamaiya sese hu-nelama-toe. Tamakaya ania hutama nelamafugami amaiya
sese hu-ma-teho.
15
Nagaya hisaya kavala ago tamave-neluafe tamakaya nagayama hu-lama-
toa kavala ania hu-ma-teho.
16
Nagaya tamagelafa huna tamaha-nepauve aliya kanoamoa
kava kanoamona agaseno omainegi kayo kayo kanoamoa hu-tenea kanomona agaseno
omaine.
17
Tamakaya mani kema havilamama hutetama mani kavama hisayana kanaleya
hutama maigahae.
18
Nagaya Kanaleya hutama maigahaema. hunama hua kea mukiamogatamifena
nohugi nagayama nahaigena huyo-gi-malenoa-maamogamife nehavina mani kea nehue.
Anumaya Koti kema nayoma kae-malenaya kemoa mage hu-maineane
Nagaienema maineno kavema nenea kanomoa aiya alisaga huno nagaila aye-nalata-
pegahie. huno kae-maleneane.
Kae-maleneanagi meni kanafina mani kemoa efalote huno tamage hugahe nehie.
19
Haenagaa
mani kemoma efalote hisigetama nagaifena mage hugahae Agaya Anumaya Koti nafane
maine. hutama havitetama tamakupima maletama tamametitima hisaya yafe menia ani kana
yaufa falote ohunea kanafi tamaha-nepauve.
20
Tamage-lafa huna tamaha-nepauve nagoa
veamoya nagayama hu-ma-tesua veama amavaleya falu falama hu-ma-tesayana nagaila ania
huya navaleya falu fala hu-nena-tae. Nagaima navaleyama falu fala hu-natesayana hu-na-
tenea kanomona ania huya avaleya falu fala hu-neatae.
Yutasia Yisasina avaleno kame vaya amayapi ategahie.
21
Yisasia mani kea hama-paitegeno aipamoa kanaage higeno agu agesama havia
agesamoa hivi huno talavate oategeno mani kea hu-falote nehie Lamage huna tamaha-
nepauve tamakaipitila nago kanomoga vayamo havisigi huka nagesi huka kame ya hu-na-
tegane. huno hie.
22
Higeya agaia tuelufua (12) anagaamoya oaufi aaufi hugetayana higeya
Tafepiga nehie? huya mani kanomofena ohavinae.
23
Ohavigena nagaya Yonina
agaiaenema tokaeya nemaiya anagapi nemauvanagino hau ayamopafi nagaifena hau-mainea
kanogina avate tokaetaa mainoe.
24
Mainogeno Saimoni Pitaa anuteti avamename huno
Havigo. huno naha-paino Tafe nehane huka havigo. huno nehie.
25
Higena nagaya
Yisasina avaale mime una mainena mage huna havigoe Alaniamogae tafe nehane? huna
havigoe.
26
Havigogeno Yisasia mage huno hie Nagayama kavema alinama supufi
ayetenama alina amisua kanoa nagesima hisia kano maine. huno nehuno ani kavela alino
supufi ayeteno Yutasia, Saimoni Isakaliotina nemofo amine.
27
Ani kavela amigeno alitegeno
Satania aguafinaga mo hai-faleno mainegeno Yisasia mage huno hapaiye Kagaya aupaa
hisuema hisana kavala ago huo. huno hie.
28
Higeya anilema mopale mainaya vayamoya
Yisasia Yutasife hianagi ani kemona aepaa nohaviye.
29
Ohavinagi Yutasia mone pokisiamile
yagaino nemaiya kanogiya nagoa vayamoya mage huya amakesa nehaviye Yisasia agaifena
Ala imule mo nesuna yana molika eno. huno nehifi ifi Moneamima omalenea vaya nagoa
mone molika amamio. huno nehifi? huya amakesa havimainae.
30
Havigeno Yutasia ani
kavela aliteno aupaa kumatega hati-laviana tusia hani ki-mainea yapi umaine.
Yisasia yaufa kahegi ke hama-pai-maine.
31
Yutasia ago utegeno Yisasia mage huno hie Menia ikapinagati emainoa kanoa
vayamo natenea kanomoni nagia ali-saga hugahae. Nagaima nahaesagena falisugenoa
Anumaya Kotia ala agi aligahie.
32
Nagaya falisua yafe Anumaya Koti agima ali-saga
hisayana Anumaya Kotia navalesigena agaiene maigahue. Aupaa navaleno tokiya hale yapi
ala nagi namigahie.
33
Nafaneyagania tamakaienena nagaya osi kana kanoa maitena
visugetama nagaifena natiyegahayanagi amuha ohunayanagitama visua kumatela ougahae.
Mani kea Yuta veamogami hama-pai-mainoanagina menia tamakaila tamaha-nepauve.
34
Menia nagola ohavinaya kahegi kea tamaha-paigahugi haviho. Nelama-fugamifena
tamahau tamayamopafi tamahaino. Amakaya ania huya tamakaifena hamaisie. Nagayama
tamakaifema nahau nayamopafima nahaiya kava hutama nelama-fugamifena tamahau
tamayamopafi tamahaino. Amakaya ania huya tamakaifena hamaisie.
35
Nagi tamakaya
mukia nelama-fugamifena tamahau tamayamopafima lamahaisiana muki veamoya tamakaila
lamaketeya tamakaifena mage huya hugahae Yisasienema tokaeya nemaiya anaga mainae.
huya hugahae. huno hie.
Yisasia Pitafena Nagia alika fala-kigane. huno nehie.
36
Saimoni Pitaa mage huno havige Alaniamogae hanatega ugane? huno havigegeno
Yisasia mage huno hie Visua kumatela menia nakavela ouganagi haenagaage nakavela
ugane. huno hie.
37
Higeno Pitaa mage huno hie Alaniamogae nagaya na ya hinagena
menia kakavela ougahe hugeka nehane? Nagaya kagaifene huna nahaimula atalegahue. huno
hie.
38
Higeno Yisasia mage huno havige Kagaya nagaifene huka kahaimula atalegano?
Tamagelafa huna kaha-nepauve hagoteno kokolemoa agea oainesigeka kagaya tagufa (3)
kanale avane huka nagia alika fala-kigane. huno hie.
Yoni Yoni
<<
13 13
>>
Yoni Yoni
<<
14 14
>>
14
Yisasia ika kumate visaya kana agaiage maine.
1
Yisasia mage huno hu-maine Mukia veamogatama tamaipamoa kanaage huno
tamakesa kumoa ohino. Anumaya Kotife havitama tamakupi maletama tamametiti haya kava
nehutama nagaifena havitama tamakupi maletama tametiti hiho.
2
Nenafa nopina veala
maisaya nona kasagoya hane. Ani yama omalesina nagaya mani kea ohuleasine. Nagaya
kumatamia molina talo tala hu-lama-tegahe ugahue.
3
Nagaya kumatamia mo lalo tala hu-
maletena etena me lamavalesugetama visua kumatela visageta nagaiene mo lokaeta
maigahune.
4
Tamakaya nagayama visua kumamo kana ago age-mainae. huno hie.
5
Higeno
Tomasia mage huno hie Alatimogae tagaya visana kumala oagenone. Hanaa huta ani kana
agesune? huno hie.
6
Higeno Yisasia mage huno hapaiye Nagaya ikapinaga visaya kamona
Nefanae. Nagaya ke-lamage kemona aepaa mainoe. Nagaya agola maige maige yamo
hamaimula aepaa mainoafe nagoa veamoya Nenafatega visayana alu katetila ougahagi
nagaiteke esae.
7
Tamakaya nagaima havimainaleasipa Nenafafena ania hutama havileasine.
Tamakaya menia aepa hetama Nenafana ago havitetama age-mainae. huno hie.
8
Higeno Filipia mage huno hapaiye Alanimogae negafana taveligeta agesunageno tagu
tamemoa tamu hisie. huno hie.
9
Higeno Yisasia mage huno hapaiye Filipigae ayaaya
kanale tamakaienena maime emainoana kagaya nagaila onagenano? Nagoa veamoya nagaima
nage-mainayana ania huya Nenafana age-mainae. Naa higeka Negafana lave-lio huka
nehane?
10
Nagaya Nenafa aguafina maugeno Nenafaa ania huno nagai naguafina mainea
yafena havika kagupina nomalano? Tamaha-pai-mainoa kea nagesafiti kea tamaha-opainoe.
Aao. Nenafaa nagai nagupi maineno agaia aliyamaa nealie.
11
Nagaya Nenafa aguafi
maugeno ania huno Nenafaa nagaila naguafina maigetaa hu-mainoema hunama hua kea
havitama tamakupina maletama tamametiti hiho. Mani kema ohavinutama tamakaya mukia
aliyama ali-mainoa aliyama age-mainesayana nagaifena havitama tamakuafi ali maletama
tamametiti hiho.
12
Tamage-lafa huna tamaha-nepauve nagoa veamoya nagaifema haviya
amakupi nemalaya veamoya mukiama ali-mainoa aliyana ania huya aligahae. Nagaya
Nenafatega visua yafe anima alisaya aliyamoa ali-mainoa aliyana agaseya aligahae.
13
Nafaneamonife huya Nenafaa agima ali-saga hisaya yafe tamakaya nagai kema havitetama
nagai nagi ayetama mukia yafena naha-vi-gesagena ania hu-lama-tegahue.
14
Mukia yafema
nagai nagima ayetama naha-vi-gesayana afaa ani yana hu-lama-tegahue. huno hu-maine.
Yisasia Alu Aotage Avamula hu-tesugeno egahie. huno hu-maine.
15
Mani kea huteno mage hie Tamakaya nagaifema tamahau tamayamopafima tama-
haisigetamahena tamaha-pai-mainoa kemona akave malegahae.
16
Akave malesagena
Nenafatega havigesugeno tamaya hisia Avamula hu-tesigeno tamakaite eno agola tamakaiene
emaige maige huno maigahie.
17
Ani Alu Aotage Avamula tamageage kemona aepaa
maineno hulama-ve-ligahie. Mukia ma mopale yafema amaugafama aliya nehaiya veamoya
Alu Aotage Avamula ageya havilama ohunaya yafe oavalegahagi tamakaya ago age-lama
hutama age-mainaya yafe tamakaienena emaineno tamakupi haino maigahie.
18
Na yafe tama-talesugetama megusa nafane kana hutama omaigahayanagina
tamakaitela etena egahue.
19
Okasi kanaa ma mopale yafema amaugafama aliya nehaiya
veamoya nagoene onagegahayanagitama tamakaya nagegahae. Agola maige maige yamona
aepaa mainoafe tamakaya ania hutama maige maige hisaya tamahaimula alitama maigahae.
20
Mainesageno Alu Aotage Avamumoma esia kanafina nagaya Nenafaene mainoanagitama
tamakaya ania hutama nagaienena maisagena nagaya ania huna tamakaienema mainoa yafena
havilama hutama havigahae.
21
Nagoa veamoya nagai kema haviya akave malenuya nagaifena hamau
amayamopafifna hamau-maine. Nagaifema hamau amayamopafima hamau-mainesia
veamoya Nenafaa ania huno amakaifena hau ayamopafina nehaiye. Nehaigena nagaienena
ania huna nahau nayamopafina nenahaigena nagua amamisugeya nagaila nage-lama huya
nagegahae. huno hie.
22
Higeno nago kanoa, Yutasi Isakalioti omagi, hamoamoa mage
huno Yisasina havige Alanimogae naa higeka kagaya tagaila taulagafina kagaika aepakaa
tave-nelinagi mukia ma mopale yafema amaugafama aliya nehaiya veamogami amaulagafina
hu-falote huka ohunanane? huno havinege.
23
Havigegeno Yisasia mage huno hie Nagoa
veamoyama nagaifema hamau amayamopafima hamaisigeyahena nagai kemona akave
malesagenofena Nenafaa amakaifena ania huno hau ayamopafina haugahie. Nenafaene
nagainienena amakaiene emaigahue.
24
Nagoa veamoya nagaifema hamau amayamopafima
ohamaisiana nagai kemona akavela nomalae. Manima tamaha-nepauva kea nagainige kea
omalegi hu-na-tenea Nenafa ke hane.
25
Tamakaienema mainena mani kea ago tamaha-pai-mainoe.
26
Tamaha-pai-
mainoanagino Nenafaa nagai nagilema hu-tesia kanomoa, tamayama hisia Alu Aotage
Avamulagino emaineno mukia yana hulamave-liteno mukia tamaha-pai-mainoa kea alino
tamakesa hao hinagetama havigahae.
27
Tama-talena ugahe tamaipa falu hutama maisaya tamaku tamakesa nelamamue.
Nagayama naipa falu huna nemauva nagu nagesa nelamamue. Anima tamaipa falu hutama
maisaya yama tamamua yana ma mopale veamoya amaipa falu nehaya ya kana ohunegi
kanaage tamaku tamakesa havitama kolia ohiho.
28
Tamatalena utena etena tamakaitega
egahuema. huna tamaha-pauva kea ago havilinae. Nagaifema tamahau tamayamopafima
nelamahaisigetamahena Nenafa mainelega visua yafena muse haleasine. Nenafaa nagaseno
ala kano mainea yafe Nenafa mainelega visua yafena muse haleasine.
29
Tamatalena visua
kanafina nagaife havitama tamakupi maletama tamametitima hisaya yafe yaufa ani kana
falote ohunea kanafi menia mani kea tamaha-nepauve.
30
Satania, ma mopalema kava hu-
mainea kanoa ago neeanagina nagaya nagoene kea ohugahue. Satanina tokiyaamoa nagaila
onagaseneanagi Nenafa nahapai-mainea kava huna faligahue.
31
Nagayama Nenafafema
nahau nayamopafi nenagea kavala ma mopale veamoya havisaya yafe Nenafa naha-pai-
mainea kava nehue. Hai nehugi vigetao. huno nehie.
Yoni Yoni
<<
14 14
>>
Yoni Yoni
<<
15 15
>>
15
Yisasia Nagaya vaini nofi mainoe. huno hie.
1
Yisasia mage huno hie Nagaya tamage huna vaini alagamo nofi maugeno Nenafaa
ani vaini alagamo nofi hoyalela yagai-maine.
2
Agaya mukia nagai vaini nofi akopamoa
alagama oayea akopayaga atagi neataleno alagama ayea akopayaga Nagoene alaga ayesie.
huno aia alino hagalo nehie.
3
Tamaha-pai-mainoa kemoa tamakaila ago alino hagalo higeno
oniyatamia omalenegi kanale tamahau-maine.
4
Tamakaya nagaienema ai-gamaesayana
nagaya tamakaienena ai-gamaena maigahue. Nago vaini alagamo nofimo akopamoma
nofitema ai-okamaesiana alaga oayegahie. Naa hu-maineafe tamakaya nagaila navaalema ai-
okamaesayana tamakaya alaga oayegahae.
5
Nagaya vaini alagamo nofi maugetama tamakaya ani vaini alaga nofimo akopaa
mainae. Tamakaya nagaienema ai okamaesayana nagoa kanale kavala ohugahae. Kanale
kavama hinutamahena nagaiene ai-kamaetama maiho. Nagoa veamoyama nagaienema ai-
gamaeya maisagena nagayama amakaienema ai-kamaena maisuana kasagoya nofi alagamo
kavea ayegahae.
6
Nagoa veamoya nagaienema ai-okamaesayana oayea vaini nofimo
akopama atagiya hagayu hu-talagenoma hagage nehia kava nehae. Ani akopayaga alitalu
huya atafi kae-talenae.
7
Tamakaya nagaienema aigamaetama maisayana nagai kemoa
tamakupina hanesigetama nagoa yafema naha-vi-gesayana naha-vi-gesaya yana hu-lama-
tegahue.
8
Tamakayama kasagoya nofi alagamo kavema aye-gasagoma hisaya yateti Nenafaa
ala agia aligahie. Alinagetama-nagitama tamakaya nagaienema tokaeya nemaiya anaga
maigahae.
9
Nenafaa nagaifena hau ayamopafi hau-mainea kava huna tamakaifena ania huna
nahau nayamopafi nenahaiye. Nahau nayamopafima nenahaiya yamo aguafinaga faletama
maiho.
10
Nagaya Nenafama hu-mainea kahegi kema havinama akave maloa yafe Nenafaa
nagaifena hau ayamopafina nehaiye. Tamakaya ania hutama hu-mainoa kahegi kea havitama
akave malesayana tamakaifema nahau nayamopafi nenahaiya yamo aguafinaga faletama
maigahae.
11
Nagai naguafima muse yama hanea yana tamakai tamakupi male hava-telama-tesua
yafe mani kea tamaha-pai-mainoane.
12
Nahau-mainea kavala mage huna nehue Nagaya
tamakaifema nahau nayamopafima nahaiya kava hutama nelama-fugamifena tamahau
tamayamopafi tamahainageno ania huya amakaya tamakaifena hamau amayamopafina
hamaino. huna tamaumonola nemaloe.
13
Nago kanomoma nefufema Kagai kaugafama ali-
gatisua yafene huna nagaya faligahue. hunoma hisiana mukia veamogami hamau
amayamopafima nehamaiya kavala amakasegahie.
14
Nagayama nehua kema akave
malenutamahena nagaini nenafugatama maigahae.
15
Nagaya tamakaifena Aliya
vayanimogatama mainae. huna nagoene ohugahue. Nago aliya kanomoa kava kanoamoma
aliyama alia aepaa oagenegi nagaya mukia yama Nenafama naha-pai-mainea kea ago tamaha-
pai-mainoa yafe Aliya vayanimogatama mainae. huna ohugahugi agoma tamaha-nepauva
yafe Tamakaya nagai kanapa mainae. huna nehue.
16
Tamakaya nagaila nagetama hu-
yookinagi nagaya hagotena tamakaila tamakena hu-yogitena tamakaitami utama Anumaya
Koti haisia kava hisaya yafe hu-yogilama-tenoe. Aniama hisaya yapiti alagaa falote huteya
agola mainesagetama nagai nagilema Nenafatega havigesayana mukia havigesaya yana
tamamigahie.
17
Kahegi kea mage huna tamaumonola nemaloe nelama-fugamifena tamahau
tamayamopafi tamahainageya ania huya tamakaifena hamau amayamopafi hamaino.
Ma mopale veamoya kame hu-lama-tegahae huno hu-maine.
18
Ma mopale yafema amaugafama aliya nehaiya veamoya tamakaila kamema hu-lama-
tesagetamahena tamakesa hao hinagetama haviho. Hagoteya nagaila ania huya kamea hu-na-
tenayane.
19
Tamakaya ma mopale veamoya nehaya kavama hutama mainaleasipa mani
mopale veanemoya hamau amayamopafi tamakaifena hamaileasinagi nagaya ma mopafi
vayapiti tamakena hu-yogi-malenoafe tamakaya mani mopale vea kana veane omainae. Na
yafe ma mopale yafema amaugafama aliya nehaiya veanemoya amakesa nehaviya kamea hu-
nelama-tae.
20
Nagaya mage huna ago tamaha-pai-mainoe Aliya kanoamoa kava kanoamona
oagasene. huna hu-mainoane. Ani kehe tamakesa havitama maiho. Nagoa veamoya
nagaima, tamakai kava kanotamimonima, aliya haviyama hu-na-taya kava huya ania huya
tamakaila aliya haviya hu-lama-tegahayanagi nagoa veamoya nagai kema haviya akave
nemalesaya veamoya tamakai kea ania huya haviya akave malegahae.
21
Hu-na-tenea
kanomona havilama huya ohavinaya yafe ani kavala hu-lama-tegahae. Tamakaya nagai
veanema mainaya yafenagiya ani kavala hu-lama-tegahae.
22
Nagaya enama kema hama-
opauleasina Kefo katia hane. huya ohaleasine. Afaa ago me hama-pauvanagi kefo yama
hu-mainaya yafena kalagi aiteya agasesaya katamia omalene.
23
Nagaima kamema hu-na-
tesaya veanemoya Nenafaene kamea hu-neatae.
24
Nagaya amakaipima mainenama nagoa
veamoyama tokiya kavama ohuleasina Kefo yatia hane. huya ohaleasinagi ago alugeya
ageteya nagaiene Nenafaenena kamea hu-nelaa-tae.
25
Amakai kahegi kema kae-malenaya
kemoa nagaifena mage hu-mainayane Havi kavala ohunegeya kamea afaa hu-nea-tae. huya
kae-malenayane. Mani kemoa ago falote huno tamage hisia yafe nagaila kamea hu-nena-tae.
26
Nenafategati tamaya hisia vekaa hu-tesugenoma esiana tamageage ke huno tamaha-paisia
vekaa, Alu Aotage Avamula Nenafategatima esiana nagaifena tamaha-paigahie.
27
Tamaha-
paigahianagitama nagaya aliyama aepa hena ali-mainoa kanaleti tamakayama nagaienema
mainaya yafe nagaifena veamogamina hama-paigahae.
Yoni Yoni
<<
15 15
>>
Yoni Yoni
<<
16 16
>>
16
1
Yisasia mage huno hie Nagaifema tamakupima ago malenaletima neataletama alu
kate ovisaya yafe mani kea tamaha-pai-mainoe.
2
Amakaya tamakaila mono nopitila
tamavaleya tamanati-talegahae. Ani kanama esia kanafina nagoa veamoya tamakaila
nelamahaeya ma amakesa havigahae Mani kavama nehunana Anumaya Kotina akave
nemalone. huya hugahae.
3
Nenafaene nagaienema amakua otaaminaya yafe ani kavala hu-
lama-tegahae.
4
Ani kanama falote hisia kanafina tamaha-pai-mainoa kemoa tamakesa ai-hagalo
hinagetama havilama hisaya yafe menia mani kea tamaha-nepauve. Ehe kanafina
tamakaienema mainoa yafe nayona ani kea tamaha-opainoane.
Yisasia Alu Aotage Avamumo aliyamaahe hu-maine.
5
Nagaima hu-na-tegena emainoa kanolega menia etena ugahuanagitama nago
vekamoga nagaifena Hanatega nevane? huka nahavi-nokane.
6
Nahavi-nokayanagi
nagayama tamaha-pai-mainoa kehe tamakesa havitama tamahau nehae.
7
Tamahau nehayanagi tamage-lafa huna tamaha-nepauve nagayama ovisuana tamaya
hisia kanoa omegahigi nagayake utena tamaya hisia kanoa hu-tesugeno tamakaitegama
esiana kanale kanaa falote hu-lama-tegahie.
8
Efalotema hisiana tamaya hisia kanomoa mukia
ma mopale veamogami kefo yama nehaya aepaamiene kanale kavama nehaya aepaamiene
Anumaya Kotia kaiyekema hu-ma-tesia yamo aepaaene hu-falote hisigeya haviteya
agegahae.
9
Kefo yamo aepamofena tamaya hisia kanomoa mage huno hugahie Yisasifena
havitama tamakupi maletama tamametiti nohaya yafe kefo yatamia hane. huno hugahie.
10
Nagaya Nenafa mainelega etena ugahuanagitama nagoene nagaila onagesayafe tamaya
hisia vekamoa kanale kavama hisaya yamo aepaa hu-falote hinagetama havitetama agegahae.
11
Anumaya Kotia ma mopale kava kanoa, Satanina, ago kaiyekea hu-tenea yafe tamaya
hisia vekaa Anumaya Kotima kaiyekema hu-ma-tesia yamo aepamoa hu-falote hinagetama
havitetama agegahae.
12
Nagaya kasagoya kea tamaha-paigahe nehuanagi kanaage hu-mainea yafe tamakaya
havilama hutama ohavigahae.
13
Ohavigahayanagi Anumaya Kotina tamageage nehia
Avamuamoma esiana agaialegati mukia Anumaya Koti tamageage kea tamaha-paigahie.
Agesafiti kea tamaha-opaigahianagino nehavia keageene haenagama esia kanafima falote
hisia yamo kene tamaha-paigahie.
14
Tamaha-painageno ani kanomoa nagayama hu-mainoa
kea tamakaila tamaha-paisia yafe nagai nagia tusiya huno ali-saga hugahie.
15
Hugahianagi
mukia Nenafama malenea yana nagainia yamaage fatago huno hanea yafe mage hu-mainoe
Alu Aotage Avamumoa amisua kea alino tamakaila me lamaha-paigahie. huna hu-mainoe.
Muse yamoa taipa kana yamo kumala aligahie.
16
Osi kana kanoa nagoene onagegahagi osi kana kanoa maitetama etetama
nagegahae. huno hie.
17
Higeya nagoa agaiaenema tokaeya nemaiya anagaamoya
amakaiamifina mage hae Osi kana kanoa onagegahae huno nehuno etetama osi kana kanoa
nagegahae huno nehunoma nehia kemona aepaamoa hanaa hu-maine? Nenafatega visua
yafe nehue. huno nehia kemona aepaa nohavune.
18
Osi kanaaema hia kemona aepaa naane
huno nehie? Tagaya agayama hia kea nohavune. huya nehae.
19
Nehuya havigegahema haya
kea Yisasia ago aguafinaga haviteno mage huno hie Hua kemoa Osi kana kanoa nagaila
onagegahagi etetama osi kanaa maitetama nagegahaema. hua kehena tamakaya lamakaya
tamakaitamifina mani kemona aepaahe huge havige nehao?
20
Tamage-lafa huna lamaha-
pauve tamakaya tamatalenama visua yafena avia ategahayanagi ma mopale veamoya muse
hugahae. Tamakaila hagoteno tamahau hu-tesigetama haenagaa ai-yahae hutama muse
hugahae.
21
Amoma nafanema ategahema nehuno agatama aisia kana falote hisia yafe hauna
hianagi nafanema ago atetenoa Nafanea ago atoe. huno muse nehuno agatama ai-mainea
yafena age-kani-maine.
22
Ani kanamoa tamakaipina hane. Menia tamakaya tamahau
nehayanagi etena tamakesugenoa tamakupina muse yamoa hiya hinageno nago kanomoa ani
muse yana tamaha-ofalegahie.
23
Ani kanama evayima hisiana tamakaya nagaila nago yafena
nahavi-okegahae. Tamage-lafa huna tamaha-pauve nagaifema hutama nagai nagima ayetama
nago yafema Nenafama havigesayana mukia havigesaya yana afaa tamamigahie.
24
Nayoene
meniene nagaifena nehutama nagia ayetama nagoke yafena Nenafana haviokenayane. Nagi
menia muse yatamimoma tamakupina hiya huno hanesia yafena nahavigegena tamamino.
Yisasia ma mopafi tokiya yana ago agase-maine.
25
Mani kea tamakaila avame kefi hu-malena tamaha-nepauvanagi haenagaa mani
avame kea nagoene ohugahuanagina hu-falote huna Nenafafena tamaha-paigahue.
26-27
Hu-
falote hisugetama ani kanafina nagai nagile havigegahagi nagaya Tamakaifena Nenafana
havigegahue. huna ohunogi tamakaya nagaifena tamahau tamayamopafi nelamahaiya yafe
Nenafaa tamakaifena hau ayamopafi nehainageno havigesaya yana agaia tamamigahie.
Nagayama Anumaya Kotitegati emainoa kema tamakupi malenaya yafe Nenafaa tamakaifena
hau ayamopafi nehaiye.
28
Nagaya Nenafaene mainoleti ma mopafina emainoe. Menia
nagaya mani mopa atalena Nenafatega ugahue. huno hie.
29
Higeya agaiaenema tokaeya nemaiya anagamoya mage hae E, avame kefiti menia
nohanagi hu-falote huka nehane.
30
Menia tagaya havunana kagaya mukia yana
havimalenane. Mukia veamoya amakupima haviya yana ago havimainana yafe nago
kanomoa nago yafena kahavi-okesie. Mukia yana havimainana yafe tagaya kagaifena
Anumaya Kotitegati emainane huta tagupi malenone. huya hae.
31
Yisasia kenonaamilela
mage huno hie Meni tamakaya havitama tamakupina nemaletama tamametiti nehafio?
32
Haviho nago kanamoa aupaa egahema hia kanamoa ago efalote hu-maine. Ani kanafina
nagoke nagokemogatama nataletama kumatamile ute ete hugahae. Nataletama visagena
nagainige maigahuanagi Nenafaa nagaienena maine.
33
Tamakua namitetama tamaipa falu
hutama hilato hutama maisaya yafe mani kea tamaha-pai-mainoe. Ma mopale mainesageno
nago kanaage yamoa falote hugahianagi kolia ohiho. Nagaya ma mopafi auava yana ago
agasena kava yagai-mainoe. huno hu-maine.
Yoni Yoni
<<
16 16
>>
Yoni Yoni
<<
17 17
>>
17
Yisasia agaia anagaa hama-maesia yafe nunamu hu-maine.
1
Yisasia mani kea huteno ikapinaga age-saga hu-maineno Anumayamotega mage huno
hie Nenafagae falisua kanania ago efalote hie. Nekamona kagi ali-saga hisua yafe falitena
he-tina kagaitega haisua yafe lokiya hale yania nekamonina namio.
2
Nekamonia mukiama
naminana veamogamina agola maige maige hisaya hamaimuamima amamisua yafe mukia
veamote kava yagaisua tokiyania ago naminane.
3
Anumaya Kotiga kagaikage ala tokiya
kanoa tamagemona tamaa nagokeage Anumaya mainanagi veamoya kagaifema havilama
huya maisayana hu-tenana kanoa Yisasia veamogami amaku amamemaa ali-gatisia kanoa
ikapinagati emainea kano maine. huya havilama hisayana maige maige hisaya hamaimula
aligahae.
4-5
Naminana tokiya hale yatetia ma mopalela kagia alisaga hu-mainoe. Naminana
aliyana ago alina avaya aye-mainoa yafe Nenafagae meni kanafina kagai kavate mainesugeka
tokiya hale yania namio. Ma mopama talo ohunana kanafina kagaiene mainoanagina tokiya
hale yania haneanagi menia eteka ani yana namio.
6
Ma mopafi veapitima naminana
veamogamina ago aepakaa hu-falote huna hama-pai-mainoe. Ani veala kagaikaa veanegika
nagaila ago naminane. Naminanageya ani veamoya kagai kea atafa hu-linae.
7
Atafa hu-lineya
mukia naminana yana kagaikaalegati emaine huya menia ago havilinae.
8
Naminana kea ago
amamugeya ago atafa huya havilama hulineya nagayama kagaitegatima emainoa yafena
tamage nehie huya havilama hu-lineya kagayama hu-na-tanagena emainoa yafena amakupi
maleya amametiti nehae.
9
Amakaifena Nenafagale ke huna kahavi-negoe. Ma mopale yafema amaugafa aliya
nehaiya veafe Nenafagale menia kahavi-nokogi kagaikaama naminana veanea kagai veane
mainaya yafe naminana veafe kahavi-negoe.
10
Nagai veala kagai veale. Kagai veala nagai vea
mainageya ani veanimoyama nagai tokiyaleti haya kavala nehageya mopale veamoya ageteya
nagai nagia alisaga nehae.
11
Ali-saga nehagena menia ma mopaletila atalena kagaitega
ugahuanagi nagaifema amakupi nemalaya veala ma mopafi maigahagi alu aotage Nenafaga
kagaika kagileti naminana nagilema hanea tokiyaleti auvai-ma-tesanana taagaya nagoke
kanolatama mainoa ya huya amakaya nagoke kate maleya nagoke veane maisae.
12
Nagaya
amakaiene mainena kagayama naminana nagilema hanea tokiyaleti auvai-ma-togeno
nagomoa hani-ki-mainea yapima tegelege nehia atafina ougahagi Anumaya Koti kema kae-
malenaya kemoma efalote huno tamagema hisia yafe anima hani-ki-mainea yapima tegelege
nehia atafima visia kanoa Yutasia agaiage ugahie.
13
Menia etena kagaitega egahugi nagayama nehua muse yaniamoa amakai amakupina
hava-tesia yafe ma mopale mainena mani kea hama-nepauve.
14
Hama-nepaina kagai kea ago
amaminogi nagaya ma mopafi kanoa omainoe. Alu nagu nameene kano mainogeya amakaya
nagayama hua kava huya ma mopale veane kana vea omainae. Alu amaku amameene veane
mainaya yafe ma mopale veamoya amakaife amaipa kafa he-ma-teya kamea hu-neama-tae.
15
Kamea hu-neama-tayanagi nagaya veanimogamifena Ma mopaleti amavalesaga huo.
huna kahavi-nokogi Satanima aye-mavataga hu yafe auvai-mateka amaugafa ali-
gatisanageya kayeya maisae. huna kaha-vi-negoe.
16
Nagaya ma mopale kanoa omainoe.
Alu nagu nameene kano mainogeya amakaya nagai kana huya ma mopale veanea omainae.
Alu amaku amameene veane mainae.
17
Mainayafe kagaika ke-lamage kekaleti alu aotage
veane maisaya amaku amakesa amamio. Kagayama hu-mainana kemoa tamageage nehie.
18
Kagaya ma mopafima nagaima hu-natanagena emainoa kava huna naminana veanea
nagaya mopale veamogami amunopi ago hu-ma-tenoe.
19
Nagi tamage huya amaku
amamemaamona kagaila kamisaya yafe nagaya nagu namemaamona kagaila negamue.
20
Nagaienema mainaya veaneagefena kahavi-nokogi amakayama hisaya keleti
nagaifema haviya amakupi maleya amametitima hisaya veafeene kahavi-negoe.
21
Nenafagae
mage huna kahavi-negoe kagaya nagaienema mainagena nagaya kagaienema maugetaama
hua kava huya nagaifema amakupi malenaya veala nagoke vea kanoa taagaiene maisageya
mukia mopale veamoya kagayama hu-na-tanagenama emainoa yafema haviya amakupi
maleya amametiti hisae.
22
Taagayama nagoke taaipalema maua kava huya nagoke amaipale
maisaya yafe naminana tokiya hale yania ago amaminoe.
23
Amakaya nagoke vea kanoa mai-
lama huya maisaya yafe nagaya amakaienena maugeka kagaya nagaienena mainane. Kagaya
hu-na-tanagena emainoa yafema mukia mopale veamoya havisaya yafeene nagaifena kahau
kayamopafi negahaigeka ania huka ma mopale veafeene kahau kayamopafi kahau-mainea
yama havisaya yafe kagai kema havimalenaya veamoya nagoke vea kanoa maisae.
24
Nenafagae ma mopama taloma ohunana kanafina nagaifena kahau kayamopafi
kahaigekama naminana tokiya hale yania nagaima naminana veamoya agesaya yafe nagaya
maisua kumate maisae huna nehue.
25
Kanaleya huka fatago hu-mainana Nenafagae ma
mopale yafema amaugafa aliya nehaiya veamoya kagaila okagenagi nagaya ago kagaila kage-
mainoafe ma ma mainaya veamoya nagaima hu-na-tanagena emainoa yafena ago haviya
ageya hu-mainae.
26
Nagaifema kahau kayamopafi kahau-mainea yana amakai amakupi
malesana yafe aepakaa hu-falote huna hama-pai-mainoanagi nagoene hama-paigahue.
Nagaya amakupi maisua yafe aepakaa ago hama-pai-mainoe. huno hu-maine.
Yoni Yoni
<<
17 17
>>
Yoni Yoni
<<
18 18
>>
18
1
Yisasia ani kea Anumayamotega havigeteno tuelufua (12) anagaaene hati-laviya
Kitaloni lina mo lakaeya umainae. Atu kaiyaga nago olivi yosa kali-malenaya hoya hanegeya
Yisasia agaiaenema tokaeya nemaiya anagaamoyaene ani hoyafinaga umainae.
2
Umainayanagi mukia yupa Yisasia tuelufua (12) anagaamoyaenena ani hoyafinaga molitalu
huya nemaiya yafe Yutasia, agesima huno Yisasina kamema hu-tesia kanomoa, ani hoya
ago age-maineane.
3
Age-maineanagino Yutasia viayamo ala mono note kava vayateene
Falasia vayateene vigeya mono note ati vayaene Lomu ati vayaene amigeno amavaleno ani
hoyafinaga kaniene lamu kaniene tu hisaya yaene aliya emainae.
4
Ayanagi Yisasia mukia augafalema falote hugahema hia yana ago haviteno amakaite
viayamo mo hama-vige Tamakaya tafe atineayae? huno hie.
5
Higeya kenonaa mage huya
hae Nasaleti Yisasife ati-yeta neone. huya hageno Yisasia mage hie Nagaya ma mainoe.
huno higeno agesima huno Yisasina kamema hu-tea kanoa, Yutasia, ani vayaene tokaeno
maine.
6
Mainegeno Yisasia Nagaya ma mainoe. hunoma hia yafe amakavelegati eteya
valega mo fae-laka-ti-mainae.
7
Fae-laka-ti-tageno Yisasia nagoene eteno hama-vige Tafe ati neayae. huno higeya
amakaya nehuya Nasaleti Yisasife ati neayone. huya hae.
8
Hageno Yisasia kenonaamia
mage hie Nagaya ago tamaha-nepauve nagaya ma mainoe huna nehue. Tamakaya
nagaifema nati neayenutamahena ma ma nagaienema mainaya vayala amatalegeya afaa viho.
huno hie.
9
Yisasia agoma hu-mainea kea mage huno hu-maineane Naminana veala nagoke
kanoa ata-oayegahie. huno hu-maineane. Anima hu-mainea kemoa falote huno tamagema
hisia yafe Yisasia Amatalegeya viho. huno hu-maine.
10
Higeno Saimoni Pitaa ayaaya naepea ali-lianagino alisagino ala mono note hagote
kava kanomo aliya kanoa, Malakusina, ai-koligeno tamaga kaiyaga agesa aifa-kali-talegeno
asaga hu-lavi-maine.
11
Ai-fakaligeno Yisasia Pitafena hapaino Ayaaya naepekaa tafugepi
vaiyo. Naugafaene nagu name nagata aisia yania satuage hia tima hanea masu keayola
Nenafaa naminegi nagaife onesie huka nehano? huno hie.
Yisasina Anasite avaleya umainae.
12
Lomu ati vayaene ala kava kanoamiene mono note ati vayaene Yisasina atafa huya
nofi ki-mainae.
13
Nofi k-iteteya hagoteya Anasite avaleya umainae. Anasia Kaiyafasina
aamona nefa maineanagino Kaiyafasia ani kafufina ala mono note hagote kava kano
maineane.
14
Kaiyafasia Yuta vayafe mage huno hama-pai-maineane Kanalele nagoke
kanomo mukia veamogamitefe huno falisie. huno hu-maineane.
Pitaa Yisasifena Oagenoa kanoe. huno hu-maine.
15
Saimoni Pitaene nagola Yisasienema tokaeno nemaiya kanoene Yisasina akave
anatiana umainae. Nevaageno mono note kava kanomoa ani Yisasienema tokaeno nemaiya
kanomona ago age-mainea yafe agaya Yisasiene ala mono note kava kanomo no kegiya
kovefinaga hai-fale-maine.
16
Haigeno Pitaa fiate he-tino mainegeno anima Yisasienema
tokaeno nemaiya kanomoa fiatema yagai-mainea munamofena mo hanepaino Pitana avaleno
emaine.
17
Neegeno fiatema yagai-mainea munamoa Pitafena mage huno havige Kagaya
mani kanomona tuelufua (12) vayapiti kano mainano? huno havigegeno Aao nagaya ani
vayapiti kanoa omainoe. huno hapaiye.
18
Tusia yasimo higeya aliya vayaene ati vayaene
ata kae-taleya he-tiya tota huya mainageno Pitaa amakaiene atale he-tino augafa tota huno
maine.
Ala mono note kava kanomoa Yisasina kaiyeke hu-tene.
19
Ala mono notema hagote kava kanomoa Yisasifena Kagaienema tokaeya nemaiya
anagakaheene kagayama hu-ma-veli mainana keheene naha-paiyo. huno havinege.
20
Havigegeno Yisasia mage hie Nagaya mukia veamogamina fufute hama-nepauvane.
Mukia yupa Yuta veanea melitaluma haya mono nopiene ala mono nopiene hama-
nepauvane. Fala-kina hama-opainoe.
21
Naa higeka nagaila nahavi-negane? Nagai kema
nehaviya vayafena hama-nepauva kehena hama-vigo. Nagayama hama-pai-mainoa kea ago
havilinae. huno hie.
22
Higeno nago ati kanomoa he-tino maineleti Yisasima mani kema
nehiana augosafi ai-ko-nelino mage hie Naa higeka kagaya ala mono note hagote kava
kanomo aulagafina mani kea nehane? huno hie.
23
Higeno Yisasia kenonaa mage hie Kefo
kema hu-mainesugekahena nagaya kefo kema hua kea hu-falote huka naha-paiyo. Nagayama
kanale kema hu-mainesugekahena naa higeka nai-ko-neline? huno hie.
24
Higeya nofima
kitaya nofila kalu he-oa-teneya Anasia ala mono note hagote kava kanoa, Kaiyafasitega hu-
tegeya avaleya umainae.
Pitaa nagoene Yisasifena avane hu-maine.
25
Nevageno Saimoni Pitaa atale maineno ata lota huno mainegeya agaife mage huya
hae Kagaienena mani kanomona tuelufua (12) vayaamopiti kano mainano? huya hageno
Pitaa avane huno mage hie Aao nagaya ani kanoa omainoe. huno hie.
26
Higeno ala mono
notema hagote kava kanomo aliya kanoamona, Pitama agesama ai-fakali-talegeno asaga hu-
lavi-mainea kanomo anagapiti kanomoa mage huno hie Kagaya Yisasiene hoyafina
mainaagena kage-mainoe. huno hie.
27
Higeno Pitaa nagoene avane huno Aao nagaila
onagenane. huno higeno aupaa kokolemoa age ai-maine.
Yisasina Pailatite avaleya umainae.
28
Yisasina Kaiyafasi nopinagati Lomu kamanile ala kava kanomoa kaiyekema hu-
neamatea note kegeafiti avaleya umainae. Yuta vayamogamina mono keamimoa mage huno
hu-maine Afa vayaene tokaetama maisayana amakai kava hutama kefo vaya mainaya yafe
ala imu kavela onegahae. huno hu-mainea yafe Yuta vayamoya ala imu kavema mo nesaya
yafenagiya ani nopina ohainae.
29
Kumatega mainageno Pailatia, Lomu kamanile ala kava
kanomoa, amakaite eno mage huno hama-vige Tamakaya naane keleti mani kanoa kaiyekea
hu-tegahae? huno hie.
30
Higeya kenonaa mage huya hapaiye Mani kanomoma kefo
kavama ohuneleasipa avaleta kagaitela omoteasine. huya hae.
31
Hageno Pailatia eteno
mage huno hama-paiye Tamakaya avaletama tamakaitami mono keleti kaiyekea hu-teho
tamakaitami yane. huno hie. Higeya Yuta vayamoya mage huya hu-mainae Kagaya
kamanimoga huka taumono malenana kemoa nago kanoa haegeno ofalino. huka hu-
mainane huya hae.
32
Nayona Yisasia mage huno hu-maine Nagayama falisua yana yafaga
yosale nahaeya nasaesagena faligahue. huno hu-maineane. Lomu kamani vayamoyage
vayala yafaga yosalela hamaeya asaigeya fali-mainae. Yisasia agoma hu-mainea kemoa
falote huno tamage hisia yafe Yuta vayamoya mani kea hu-mainae.
33
Hageno Pailatia ataleno kaiyekema hu-neama-tea nopinaga haino maineno Yisasife
ke higeno vigeno mage huno havige Kagaya Yuta veanogami sauve kano mainano? huno
havige.
34
Havigegeno Yisasia kenonaa mage hie Kagaya kagu kagesafiti mani kea nehapi ifi
nagoa vayamoya nagaifena kaha-paigekahe nehano? huno eteno havige.
35
Havigegeno
Pailatia kenonaa mage huno havige Nagaya Yuta kano mainogeka nehano? Kagai nofi
vayaene ala mono note kava vayaene kavaleya nagaite neaya yafena kagaya na havi kava hu-
mainane huna kahavi-negoe. huno hie.
36
Higeno Yisasia kenonaa mage hie Nagaya kava yagaisua kumala ma mopafina
omalene. Inagi ma mopafima kava yagaisua kumaniama haneleasipa aliya vayanimoya
kamea hageya nagaila navaleya Yuta vayamogami amayapina onataleasine. Inagi nagaya
kava yagaisua kumania ma mopafina omalene. huno hie.
37
Higeno Pailatia mage huno hie
Ala sauve kano mainoe huka nehano? huno higeno Yisasia kenonaa mage hie Kagaya
nagaife ala sauve kano mainane hukama hana kea tamage nehane. Nagaya itanimoma
natenelegatima emaineana ke-lamaage hu-falote hisua yafe ma mopafina emainogi ke-
lamama haviya amakupi malenaya veamoya nagayama hua kea nehaviye. huno hie.
38
Higeno Pailatia Yisasife mage hie Ani ke-lamage kea naane ke? huno nehuno Pailatia
hati-lavino kumatega viayamo Yuta vayate mage huno mo hama-paiye Kefo kavama hia
yana ati ayegetoana omalene.
39
Tamakaya mukia yupa ala imuma kigahena naha-vigagena
nago kanoa kina nopitila afaa avalena nelamamuanagi na yafe nelamahaiye Yuta
veamogatamina sauve kanotamia afaa atalesugeno visio? huno hama-vige.
40
Hama-
vigegeya ala kefiti mage huya hae Agaila neataleka Palapasina tamisane. huya hu-mainae.
Palapasia vaya nehamaeno musufa yamaage hume hume nehaiya kano mainea kanohe hu-
mainae.
Yoni Yoni
<<
18 18
>>
Yoni Yoni
<<
19 19
>>
19
Pailatia Yisasifena Yafaga yosale nili hetama asaigeno falino. huno nehie.
1
Pailatia Yisasina avaleno Nofi kayoteti haifu amiho. huno hama-paigeya haifu
aminae.
2-3
Amiteya ati vayamoya avetanafa nofiteti tumano kula talo huteya anute vai-teteya
ala kava kanomo fai-nealia augafa haesa kena vai-teneya Yisasima he-tino mainele eya
Yisasifena Felugae. Yuta vayamogami ala sauve kanomogae. huya nehuya augosafi
amayateti ainagolapeya nehaeya hu-mainae.
4
Hageno Pailatia kumatega hati-lavino eayamo alitaluma hu-mainaya Yuta vayafe mage
huno hie Atiyena agoana nagoke kefo ya kanoa omalegena tamakaya mani kea havisae
huna avalena tamakaite hati-lavina neoe. huno hie.
5
Higeno Yisasia kumategama hati-lavino
eana avetanafa nofitetima talo hu-malaya tumano kula anute vai-teteya haesa kena fai-
tetageno hati-lavino elavigeno Pailatia mage huno hie Ageho mani kanoa ma maine. huno
hama-pai-maine.
6
Hama-paigeya mono note kava vayamoyaene ati vayaene Yisasina
ageteya ala kegefafiti mage huya hae Yafaga yosale nili hetama asaigeno falino. Yafaga
yosale nili hetama asaigeno falino. huya hae. Hageno Pailatia kenonaamia mage huno
hama-paiye Tamakaitami avaletama yafaga yosalela nilia hetama asaiho. Nagaya nago kefo
yamaahena ati-yoana omaleanagina ohaegahue. huno hie.
7
Higeya Yuta vayamoya kenonaa
mage huya hapaiye Yisasia agaiahena mage huno hu-maine Nagaya Anumaya Koti nafane
mainoe. hunoma hiana tagaipina kahegi kemoa mage hu-maine Mania augafa kema hisia
kanomoa falisie. huno hu-maineafe menia Yisasia mani kema hu-mainea yafe falisie. huya
hae.
8
Hageno Pailatia ani kea haviteno tusiya huno amayoa neaiye.
9
Amayo aigeno Pailatia
eteno kaiyekema nehavia nopinaga hai-faleno maineno Yisasifena mage huno havige
Kagaya hanategati emainane? huno havigeanagi Yisasia kenonaa ohune.
10
Ohigeno
Pailatia mage huno hapaiye Kagaya naa higeka nagelela noaline? Nagaya tokiyaniene
kanogina Kina nopitila atalegahae. hunama hisuana afaa katalegahae. Yafaga yosale nili
hetama asaigeno falino. hunama hisuana ania hu-ga-tegahae. Kagaya mani kea nohavino?
huno havige.
11
Havigegeno Yisasia kenonaa mage huno hapaiye Anafinaga mainea
Anumaya Kotia kagaima tokiyama okamineleasipa nagaila natafa ohateasinagi amakayama
navaleya kagai kayapima natenaya vayamogamina kefo yaamimoa kagai kefo yakamona
agaseno kasagoya kefo yaami hane. huno hie.
12
Higeno Pailatia anima hia kea haviteno
Hanaa huna atalesugeno visie? huno kafe ati-neayegeya Yuta vayamoya ala kegefafiti
mage huya hu-mainae Nagoke kanomoa Yisasima hia kava huno agaiahe Nagaya ala
sauve kanoma mainoe. hunoma hisia kanomoa Sisana kamea maine. Kagaya mani kanoma
atalesanageno visiana kagaya tagaila ala sauve kanotia, Sisana, kanapaa omainane. huya
hae.
13
Hageno Pailatia ani kema haya kea haviteno Yisasina avaleno hati-lavino kumatega
elavino eayamo ala kaiyekema havi kanomo siale emaine. Ani siama malenaya aupaligahena
Yuta vayamogami kefina Kapatae huya nehae. Ani aupaligahena tagai kefina amalagu aiya
yafa malenaya aupaligae huta hugahune.
14
Ani kanafina Anumaya Kotia amakinagomogami amaugafama ali-gati-mainea yafe
Yuta veamoya amakesa hao hinageya havisaya yafe imu ki kanaamimoa aupa higeya talo
tala hisaya yafe yagemoa euno amanutule evigeno Pailatia Yuta veamogamina mage huno
hama-paiye Ala sauve kanotamimona ageho. huno hie.
15
Higeya amakaya ala kegefafiti
mage huya hae Aoteyamaae. Aoteyamaae. Yafaga yosale nili hetama asaigeno falino.
huya hageno Pailatia mage huno hama-paiye Nagaya tamakai sauve kanotamia yafaga
yosale nili hena asaisue hugetama nehao? huno higeya mono note kava vayamoya mage
hae Tagaila nago ala sauve kanotia omaine. Sisaa agaiage nagoke maine. huya hae.
16
Hageno Pailatia Yisasina yafaga yosale nili hetama asaiho. huno avaleno amayapi
amamine.
17
Yisasina avaleya vageno haeya asaisaya yafaga yosa agaia ko-fino anu ayamufae
huya nehaya agoyalega umaine. Ani agoyamo agia Yuta vayamogami kefina Kologotae huya
nehae.
18
Ani agoyafi avaleya vayaamoya yafaga yosale nilia heya asai-malenae. Tole
kanolataene hanaote yafaga yosale aluga aluga atupale hanaeya asai-maleneya Yisasina
amunoanifi nilia heya asai-malenae.
19
Asai-maletageno Pailatia nago avona kaeno Yisasina nilima he-malaya yafaga yosale
asai-malene. Ani avomoa mage hie Nasaleti Yisasie, Yuta vayamogami sauve kanoa ma
maine. huno kae-malene.
20
Kae-malenegeya Yisasima yafaga yosale asai-malenaya kaiyaga
ala kumamo aupaale haeya asai-malayanagiya mukia Yuta veamoya ani avona hapaliya
havimainae. Pailatia tagufa (3) kefiti kae-malene. Yuta vayamogami kefitiene Lomu
vayamogami kefitiene Kaliki vayamogami kefitiene kae-malenegeya hapaliya havimainae.
21
Haviya yafe Yuta vayamogami mono note kava vayamoya Pailatifena mage hae Kagaya
Yuta vayamogamina ala sauve kanoami ma maine. huka okaeka ma ke huka kao Nagaya
Yuta vayamogami ala sauve kanoami mainoe hunoma hia kanoa ma maine. huka kao.
huya hae.
22
Hageno Pailatia mage hie Kae-malenoa kea hai kae-malenoe. huno hie.
23
Ati vayamoya Yisasina yafaga yosale nili heya asai-maleteya kenaa foa (4) hetama
vaiya ali-mainae. Ayaaya siotaaene aligahe agayana mukia analegati afetegama lavi-maineana
aye ohati siota hane.
24
Ohati siota hanea yafe ani ati vayamoya kea mohu mehu huya mage
hae Hatata ohuta afaa musufa yama nehaya yokaloa kasi nelesunageno tagasesimoa alisie.
huya amakaiami hu-mainae. Aniama haya kavala Anumaya Koti kefima nayoma kae-
malenaya kemoa ago efalote huno tamage nehie. Anima nayoma kae-malenaya kemoa mage
humaineane
Kenania fako huya nealiya nago kenania kasi yokalo-leya amakasesimoa aligahie. huya
kae-malenayane.
Kae-malenayanagiya ati vayamoya mani kavala hu-mainae.
25
Hageya Yisasima asai-malenaya yafaga yosamo avatela Yisasina itaamoene
nunaamoene he-ti-mainae. Anakaiene Kalopasina aamoa Maliaene hamoamoa Magatala
kumate Maliaene he-ti-mainae.
26
He-ti-mainageno Yisasia itaamona ageteno agaienema
tokaeya nemaiya anagapiti hau ayamopafima hau-mainea kanomona, Yoninae, itaamo avate
he-titaa mainoageno taageteno itaamofena Amogae namona kagaikaa nafanekaae. huno
hie.
27
Huteno nagaifena Namona itakamoe. huno higena nagaya ani yupa Maliana
yagaigahe nonialega avalena umainoe.
28
Ani kea huteno Yisasia Mukia aliyania ago alina hano hue. huno agesafinaga
havimaine. Nayoma Anumaya Koti kema kae-malenaya kemoa efalote huno tamagema hisia
yafe mage hie Life nenage. huno hu-maine.
29
Higeya nofi alagafiti falote hia tina nagola
havate-mai keayola aliya havagoyafa kana yana ani lipi ayeteya kayote vaiya ali-saga huya
Yisasina avayale malenae.
30
Malageno Yisasia mayu mayu huno neteno mage hie
Nenafagae naha-pai-mainana aliyana ago alina hano hue. huno nehuno ageya ainamagino
agu nafaneamo atalegeno vigeno fali-maine.
Ati kanomoa keveleti Yisasina haohipafi aye-maine.
31
Sapati yupahe talo tala hisaya yupagino ega ala Sapati kana falote hisia yafe Yuta
vayamoya anima yafaga yosalema hamae-malaya vayamogami amaugafamoma Sapatilema
yafaga yosale hanesia yafena ohamaigeya Pailatife mage huya mo havigae Ati vayamoya
amaiya ali kofa hisageya aupaa falisageya hipoya huya aliya visae. huya mo havigae.
32
Hageno Pailatia ati vaya hama-paigeya mogayana Yisasienema yafaga yosale asai-malaya
kanolatamogani anaiya meli kofa hu-mainae.
33
Ali kofa huteya Yisasina megayana ago fali-
mainegeya megeteya aiya ali kofa ohunae.
34
Ali kofa ohageno nago ati kanomoa kevealeti
Yisasina haohipafi meyegeno aupaa ani keve kapitila kolamoene timoene taki-lavi-maine.
35
Taki-lavigenoma age-mainea kanomoa tamaha-nepaiye. Tamaha-nepaiya kea
tamageage ke hanea yafe agaia havilama hu-lineno tamaha-nepaiyafe tamakayaenena
Yisasifena havitama tamakupi maletama tamametiti hisaya yafe tamageage ke tamaha-
nepaiye.
36-37
Nayona Anumaya Koti kema kae-malenaya kemoa mage hu-maineane
Amakaya nago ayamufaa ali kofa ohugahae. huya kae-malenayane.
Nagi nagola Anumaya Koti kema kae-malenaya kemoa mage huno hu-maineane
Haohipafina keveletima aye-mainea kanomona agegahae. huya kae-malenayane.
Kae-malenaya kemoa falote huno tamagema hia yafe mani kavala hu-mainae.
Yisasina haegafa komufi he-vai-tenae.
38
Yosefea Alimatiyae huya nehaya kumate nemaiya kanogino Yisasi ke havino akave
nemalea kanogi Yuta vayafe koli huno Yisasifema ametiti nehia yana fala-ki-lineno mage
huno Pailatina mo havige Yisasina augafaa aligahe nehue. huno mo havige. Havigegeno
Pailatia E. huno higeno Yosefea viayamo Yisasina augafaa mo hipoya huno alino emaine.
39
Nikotimasia hagoteno Yisasite hanipinaga emainea kanomoa Yosefena mo ha-maegahe
kule fuki kana manaage tina tole yosafiti he-fino ali havigu higeno manaage tina falote higeno
sigelile mo malegeno tetia (30) kilo falote higeno alino emaine. Ani tole yosalatamogani
anakia meaene aloene alino emaine
40
Ani tole kanolatamogania vaayamogani Yisasina augafaa mo hipoya huana mopale
maleneana manaage tina fale-teteana kefe kana kenaleti augafalela ai-galaki galaki huana haya
kiteana aye-gasagi-malenae. Mukia yupa Yuta vayamoya vayaamima faligeya ania huya
neamataya kava hu-tenae.
41
Ani kaiyaga Yisasina yafaga yosale nilima heya asai-malenaya
kaiyaga nago hoya hane. Ani hoyafina nagola vayama he-vai-ma-tesaya yafa kana, yaufa
kafi-malenayane. Anifina nago vayala he-vai-oama-tenaya yafa kapi aliya mo he-vai-tenae.
42
Ani yupa Sapatihe haviya talo tala hisaya kanafinagiana ani matimatila aupatema hanea
yafe ani tole kanolatamogania Yisasina augafaa aliana anifi mo malenae.
Yoni Yoni
<<
19 19
>>
Yoni Yoni
<<
20 20
>>
20
Yisasia fali-mainefiti eteno he-ti-maine.
1
Sota yupa kola otinegeno Magatala kumate Maliaa natemaa Yisasina he-vai-tenaya
komulega umaine. Uno mogeana komumo avayalema aiso hu-malenaya yafana ago alike-li-
talenageno avayalela omalegeno moge-maine.
2
Mogeteno eteno aiya-yeno Yisasima nehaiya
kanoene Saimoni Pitaene mainaale eno mage huno hana-paiye Alatimona komufitila ago
aliya hanatepi atenae. huno hana-paiye.
3
Hana-paigeana haviteana Pitaene Yisasima nehaiya kanoene Yisasi komulega
umainae.
4
Anaiya-yeana ani komulega vaaleti Yisasima nehaiya kanomoa Pitana agaseno
aupaa komule hagoteno umaine.
5
Uteno mope hu-maineno ageana Yisasina aye-gasagi-
tenaya kenaage hanegeno ageanagi anifinaga hai-ofalene.
6-7
Hai-ofaleno mainegeno Saimoni
Pitaa akave eayamo ani komufinaga aupaa hai-fale-maine. Haino mogeana nagoa aye-
gasagi-tenaya kena neageno anutema ki-tenaya kenaene Yisasina augafalema aye-gasagi-
tenaya kenaene nagopi tokaeno omalenegi aote kaiyaga aye-gafage-kino malenegeno haino
moge-maine.
8
Neagegeno Yisasima nehaiya kanomoa komulema hagoteno umainea kanoa
anifinaga hai-faleno mo neageno komufitima he-ti-mainea yafe Tamage nehie. huno
havino agupi maleno ametiti nehie.
9
Ani kanafina mukia anagaamoya Anumaya Koti kema
kae-malenaya kea havilama ohunae. Ani kemoa mage huno hu-maine Yisasia fali-mainesifiti
he-tigahie. huya kae-malenaya kemona havilama ohunae.
10
Anakaya Yisasienema tokaeana
nemaia kanolatana anifinagati hati-laviana noanilega eteana umainae.
Magatala Maliaa Yisasina age-maine.
11
Maliaa ani yafakamo avayale he-tino maineno avi neateno ape huno ani komufinaga
aulu heno neage.
12
Ageana tole ensole kanolatana efeage kenaani failiana Yisasi augafama
malenaya yate mopale mainae. Nago kanoa anuma malenalega maigeno nago kanoa aiyama
malenalega maigeno hu-mainaageno anake-maine.
13
Neanakegeana Maliafe mage hae
Amogae naa higeka avia neatane? huana havigaageno Maliaa mage huno hie Alaniamona
aliyama mo malaya kumala oagenoa yafe avi neatoe. huno hie.
14
Nehuno mai-yahae huno
ageana Yisasia he-ti-mainegeno ageanagi augosafina agelama ohune.
15
Agelama ohigeno
Yisasia mage hie Amogae naa higeka avia neatane? Tafe ati neayane? huno havigegeno
Maliaa agesafinaga mage huno hie Ma kanoa hoyalema yagai-mainea kano maine. huno
agesafinaga nehavino mage huno hie Musekaa nehugi kagayama alika umainenukahena
malenesana kumafena naha-paigena molino. huno hie.
16
Higeno Yisasia mage huno hie
Maliao. huno higeno ani amoa maiyahae huno Yuta vayamogami kefiti mage huno hie
Laponae. huno hie. Ani kemoa takai kefina Hu-lave-nelina kanomogae. huno hie.
17
Higeno Yisasia mage hie Nenafa mainelega ohainogi natafa ohuka nagananimogamina
mage huka mo hama-paiyo Nagaiene tamakaiene Nelafatega haigahe nehue. Nagai
Anumaya Kotitegaene tamakai Anumaya Kotitegaene haigahe nehue. huka mo hama-
paiyo. huno hie.
18
Higeno Magatala Maliaa viayamo Yisasienema tokaeya nemaiya
anagaamogamina mage huno hama-paiye Nagaya Alaniamona ago agoe. huno nehuno
Nage mage huka hama-paiyo. hunoma hapaiya kea hama-pai-maine.
Yisasia alevenia (11) anagaamogamite evayi hu-maine.
19
Yisasia fali-mainefitima he-ti-mainea Sotamona hanipinaga Yisasina alevenia (11)
anagaamoya Yuta vayafena koliami huya fita kiya tokiyaage hu-maleteya nopinaga alitalu
huya mainae. Mainageno Yisasia evayi huno amunoamifi me he-ti-maineno mage hie
Tamaipamoa falu nehinagetama maiho. huno hama-paiye.
20
Hama-paiteno akaima
ayapima nilima he-malenaya afuguene haopafina kevema aye-mainaya afuguene amave-
neliye. Amave-ligeya alevenia (11) anagaamoya Alaamimona ageteya amakuamoa tusia
muse hia kava hae.
21
Hageno Yisasia nagoene mage hie Tamaipamoa falu nehinagetama
maiho. Nenafaa hu-na-tenea augafa kava huna nagaya tamakaila hu-nela-matoe. huno hie.
22
Mani kema nehunoa haimula fu huno neamamino mage huno hie Tamakaila Alu Aotage
Avamula nelamamugi avaleho.
23
Nagoa veamogamina ai-geama-tetama kefo yaamima atale-
ma-tesayana Anumaya Kotia ania huno ani kefo yaamia ai-geama-teno atale-ma-tegahie.
Kefo yaamima ai-geama-tetama atale oamatesaya veamogamina Anumaya Kotia kefo
yaamia ai-geama-teno atale oama-tegahie. huno hama-paiye.
Tomasia Yisasina age-maine.
24
Yisasima amakaite evayima hu-mainea yupa alevenia (11) anagaafitila nago kanoa
amakaienena omaine. Ani kanoa, Tomasie, nago agia Titimasie, tagai kefina kuyave nafane,
ani kanoa omaine.
25
Omainegeya amakaya Tagaya Alatimona age-mainone. huya hane-
paigenoa Tomasia mage hie Yisasina nilima he-malenaya afuguma oagena, naginagoma
nilimo kapima omalena haopafima keve honomuma aye-malenaya afugupima nayama
ovainunahena mani kea alina nagupina malena nametitia ohugahue. huno hie.
26
Sevenia (7) kana maiteya Yisasina alevenia (11) anagaamoya eteya ani nopi
mainageno Tomasia amakaiene maine. Fita kiya tokiyaage hu-malayanagi Yisasia evayi huno
amunoamifi me he-ti-maineno mage hie Tamaipamoa falu nehinagetama maiho. huno hie.
27
Tomasifena mage hie Kaginagoa male me maleka nayapi nafugula ago. Kayana
nahaopalema hanea nafugupina vaika ago. Ageteka tole kagesama havina kagesa neataleka
nagaifena havika kagupi maleka kametiti huo. huno hie.
28
Higeno Tomasia mage hie
Kagaya Alaniamogae Anumaya Kotinimoga mainane. huno hie.
29
Higeno Yisasia mage
hie Kagaya agoma nagana yafe kagupina maleka kametitia nehananagi onagenesaya
veanemoyama haviya amakupi maleya amametitima hisaya veamoya tusia muse hugahae.
huno hie.
30
Yisasia alevenia (11) anagaamogami amaulagafina alua alua tokiya avameyayaga
hu-maineanagi ani yana mukia mani autamafina okaenoe.
31
Okaenoanagi manima kae-maloa
kea tamakaife huno Yisasia, Anumaya Kotina nafaneamoa, tagu tamema ali-gatisia kano
maine hutamama havitama tamakupi maletama tamametitima hisaya yafe kae-malenoane. Ani
yafe havitama tamakupi maletama tamametiti hisayana Yisasi agileti agola maige maige
hisaya tamahaimula aligahae huna kae-malenoe.
Yoni Yoni
<<
20 20
>>
Yoni Yoni
<<
21 21
>>
21
Sevenia (7) anagaamoya Yisasina age-mainae.
1
Haenagaa Yisasia eteno agaienema tokaeya nemaiya anagaamogami amaule ma kava
huno Taipiliasi tikotumo agegayalega evayi hu-maine.
2
Saimoni Pitaene, Tomasina nago
agia Titimasie, tagai kefina kuyave nafane, Natanioloa, Kalili hanea kumala Kena kumate
kanoene, tole Sepeti nafanelataa Yoniene, aganaamoene, tole Yisasina alevenia (11)
anagaaene mainae.
3
Mainageno Saimoni Pitaa mage huno hama-pai-maine Nagaya noyame
kuya hugahe neue. huno higeya mage hae Kagaiene ugahune. huya hapaiteya tipi kalefi
hai-saga humaiya ani kegela vayanagi nagoke noyamea oalinae.
4
Oaligeno yagea hai vayi hugahe nehigeno Yisasia ti agegayalega he-ti-maiyanagi
agaienema tokaeya nemaiya anagaamoya Yisasie huya agelama ohunae.
5
Agelama ohageno
Yisasia mage huno hama-vige Vae nafanenimogatama nagoa noyamea nealifi noaliye?
huno hamavi-gegeya Aao noalune. huya hapai-mainae.
6
Hapaigeno Yisasia mage huno
hama-paiye Tamakaya kukonagona tipi kalemona tamaga kaiyagamo haikanagati hagayu
hutama malesayana noyamea aligahae. huno hama-paigeya kukonagona ania huya hagayu
hayana tusia noyame aligeno kanaage higeya alisaga hisaya yafena tusia ya hu-mainae.
7
Yisasienema tokaeya nemaiya anagapiti nehaiya kanoamoa Pitana mage huno hapaiye
Agaya Alatimoe. huno hapaiye. Hapaigeno Saimoni Pitaa anima hia kea nehavino aupaa
augafale anoya asagi-taleno aliyana nealileti eteno aupaa alino vai-lino tipina asaga hu-lavino
Yisasitega nevie.
8
Vigeya ani tipi kalea alualelomagi vani hataleti (100) mita aupaale maineya
nagoa Yisasienema tokaeya nemaiya anagaamoya kukonagona avayu huya ti agegayalega
emainae.
9
Ti agegayalega me maleteya agayana ata nelegeno nago noyamene hame mayaene
ani atafina hanegeya age-mainae.
10
Neagageno Yisasia mage huno hama-paiye Menima
aliya noyamefitila nagoa alitama eho. huno hama-pai-maine.
11
Hama-paigeno Saimoni Pitaa
tipi kalefi hai-saga hu-maino kukonagona avayu huno ti agegayalegama eana kasagoya
noyame, vani hataleti fifiti talia (153) noyameyaga ani kukonagopina hiya hu-maiyanagi ani
kukonagomoa ailagatoa ohune.
12
Yisasia mage huno hama-paiye Tamakaya etama kavela
me neho. huno hama-paigeya agaienema tokaeya nemaiya anaga amamayoma aiya yafe
Kagaya lagae. huya haviokenagi Alatimo maine. huyama amakesafinaga haviya yafe
haviokenae.
13
Yisasia atale eayamo hame mayaene noyamene melino amamine.
14
Yisasina komufima he-vai-tageno etenoma he-ti-maineana tole yupa age-mainaleti
eteno mani kavama hiana napa tali (3) kanale evayi higeya agaienema tokaeya nemaiya
anagaamogata taulagafiti age-mainone.
Yisasia Pitafe Sipi sipinilela yagaiyo. huno hapai-maine.
15
Kavela netageno Yisasia Saimoni Pitana mage huno havige Saimonigae Yoni
nafanemoga kagaya ma vayala amakaseka nagoene kagua nenamino? huno havige.
Havigegeno Pitaa mage huno hie E, Alaniamogae kagaya ago nehavine kagaifena
nenahaiye. huno higeno Yisasia mage huno hapaiye Kagaya nagai sipi sipi nafaneyaga
kavela amamio. huno hapai-maine.
16
Hanepaino nagoene mage huno hie Saimonigae Yoni nafanemoga kagua havika ago
nenamino? huno havigegeno Pitaa mage huno hapaiye Kagaya ago nehavine nagaya
kagaifena nenahaiye. huno higeno Yisasia mage huno hapaiye Kagaya sipi sipiyaganilela
kava yagaiyo. huno hapaiye.
17
Hapaiteno nagoene napa tali (3) kanale mage huno havige
Saimonigae Yoni nafanemoga nagaifena negahaiyo? huno higeno napa tali (3) kanalema
Kagaya nagaifena negahaiyo? hunoma havigea yafe Pita aipamoa kanaage higeno mage
huno hie Alaniamogae mukia yana ago havi-mainane. Nagaya kagaifema nenahaiya yafena
ago nehavine. huno hapaigeno Yisasia mage huno hie Kagaya sipi sipiyagania kavela
amamio. huno hapai-maine.
18
Hapaiteno mage hie Tamage-lafa huna kaha-pauve kagaya
neyama maineka kamu nofila ki-takalo hu-maleteka Visue. hukama hana kumatela
nevananagi haenagaa kosunama lesanana kayana alisaga hu-linesanageya nagoa vayamoya
kenaka fai-ga-teteya Ougahuema. hukama nehisana kumatela afaa kavaleya ugahae. huno
hie.
19
Anima hia kemona aepaamoa mage huno hu-maine Haenagaa kefo vayamoya katafa
huya kahaesagekama falisana yateti Anumaya Kotina ala agi amigane. huno aepaa huteno
Yisasia Pitafena Nakave eno. huno hu-maine.
Yisasia hau ayamopafima nehaiya kanomofe hu-mainea ke.
20
Yisasiene tokaeya nemaiya anagapiti hau ayamopafima hau-mainea kanoa kavema
ne-mainaya yupa Yisasina avaale maineno mage huno havige-maineane Alaniamogae
kagaila kagesima huno kamema hu-ga-tesia kanoa hana kanomoe? huno havigea kanomoa
Yisasiene Pitagani anakave nevigeno Pitaa maiyahae huno age-maine.
21
Ageteno Pitaa
Yisasina mage huno havige Alaniamogae ani kanoa haenagaa hana augafa kava hugahie?
huno havige.
22
Havigegeno Yisasia mage huno hapaiye Nakaima nahaisigenama ma
mopafima etena esua yupa afaa mainesigenama esuana kagai yano? Kagaya nakave eno.
huno hapaiye.
23
Hapaiya kemoa anagaamogamipina mani kema hia kemoa ute ete higeya
mage hae Yonia ofaligahie. huya hayanagi Yisasia Ofaligahie. huno hu-oa-tenegi
Nagaima nahaisigena ma mopafima etena esua yupa afaa mainesigenama esuana kagai
yano? huno hu-maine.
24
Ani kema hayana Yoninihe hu-maine. Nagaya mukia Yisasima hu-
mainea kavafena tamaha-nepaina avona kae-malenoe. Nagayama nehua kea tamage-lafa
huna havilinoa ke tamaha-nepauve.
25
Yisasia mukia alu ya alu yana hu-maineanagi nagoa vayamoya mani kema mukia
nagoke nagoke avopima kayaleasina mani avoyagamoa kasago higeya malesaya kumamoa
mukia ma kotega nagesa havuana hiya hileasine huna nehue.
Yoni Yoni
<<
21 21
>>
Kea
Yuti
00
11
Yuti Yuti
<<
00
>>
^
Yuti
Yisasi kemona kame vayaa ago monopina efale-mainae.
Tamakaya atalegeno tametiti yamoa tamaipamona ali lokiya vaino.
Tagaya Anumaya Koti agia alisaga hisune.
Yuti Yuti
<<
00
>>
Yuti Yuti
<<
11
>>
Yuti
Yutia Yisasina aganaamo maineanagino mani avona kae-malene. Nepuamoa Yisasia
faliteno hetino ikapinaga haitegeno Yutia foti sevenia (47) kafu agava maineno Yuti kea kae-
malene.
1
1
Nagaya Yutinae Yisasi Kalaisi aliya kanomona Yemesina aganaamona mani avona
kaena nelamamue.
Tamakaya Anumaya Koti kema havitama agaitegama nevaya veamogatama Anumaya
Koti, Nelafaa agua tamakaila nelamamigeno Yisasi Kalaisia kava hu nelamatea
veamogatamale mani avona kaena nelamamue.
2
Anumayamoa kalagi ainelamatea yaene tamaipa falu hutama maisaya yaene
nagoamogamifema tamaipa amamisaya yaene tamakaipi ala hisia yafe aluya huno nenahaiye.
Yisasi kemona kame vayaa ago monopina efale-mainae.
3
Nenahaiya nafunagana-gatama Anumaya Kotia tamakaiene tagaiene tagu tamema ali
negatia yafena mani avona kaena tamamisue huanagi nago yamoa falote higeno Anumaya
Kotia alu nagesa namigena mage nehue. Yisasima hu-latenea yafena mukia kea ago
tahapaigeta havimainona kanale mono kehena nagoa veamoya Ohaviho. huya nehagena ani
kema hisaya vayaene Ke nevaitama maiho. huna mani avona negaove.
4
Nagoa Yisasi kema
nohaviya vayamoya kesi ako huya tagaipima emaiya vayamoya mage huya hae Anumaya
Kotia kayone hu-lateno kefo yatia aye hamigahigi afaa molia hu-liteta higetao. huya
nehayanagi Anumayatimoa agaiage kava kanotia mainegeya Yisasi Kalaisina amakavenona
hu neatae. Hu neatayanagino Anumaya Kotia kaiyekema humateteno kefo yamo
anonaamima amamisia yafena nayona agaia avopina ago kae-maleneanagita havimainone.
5
Nayona ago tamahapaigetama ago havilinaya keagi menia huna lamakesa hao hisue
huna nehue. Anumaya Kotia Isipi vea mopaleti mukia Isaleli veala hamamaeno amaugafa
aligati-maineanagi haenaga Anumayamoa humatenea yafema haviya amakupi omalaya veala
Anumaya Kotia hamaegeya fali-mainae.
6
Nagi Anumaya Kotia ensole vayafena Kava hiho.
huno aliyana amamianagi ani aliyatela mailama huya omaigeno amatenea yapitila ataleya
vageno Anumayamoa amavaleno seni nofiteti agola kimatafa hu-mategeya afepinaga haniki-
mainea kumate maineya Anumaya Kotia tusiya huno kaiyekema humatesia yafena agava
mainae.
7
Nagi Sotomu kumaene Komola kumaene aupatema hanea kumateene mainaya
veamoya ani kava huya kumai kavala nehuya vemoya ve amafaluyaenena moli hu-liteya hu-
liteya huya maiya hageno Anumaya Kotia kefo yamo anonaamia neamamino asua ohuno
tegelege nehia atafi amatalegeno ani atamoa amaugafa tege sagalige nehigeya anifi agola
mainayanagita ani yafena tagesa havi havi huta havisune.
8
Nehavita Yisasi kehena havigema
nehaya vayala tagaiene maineya ani kavakeya nehageno himonama agaya yamoa amavaleno
anegi-nagi yapi amategeya kumai yate nehuya kava vayamogami kea ohaviya ensole
vayamo-gamifena hu-haviya hu neamatae.
9
Hu neamatayanagi Mosesema faligenoa hagote ensole kanomo agia Maikoloa
Satanienena Mosesema falia augafaaletila Ta alisie. Ta alisie. huana kea vaianagi Maikoloa
Satanina hu-haviya hute kea ohunegi Anumayamoa agaia kea kama-kisie. huno hu-maineane.
10
Naa hu-maineanagi Yisasi kehena havigegeyama nehaya vayamoya ani kavala nohagi
amakesamoa havilama ohunea yamofena hu-haviya hu neamatae. Afu kalamoya amaku
amakesa nohaviya avamete kava nehageno ani kavama haya yamo amaugafamona ali haviya
hu-matene.
11
Avonio amaugafama alino haviya humatesia yafena kayeya maisae. Kenia havi
kavama huno aganaamona Epolona haegeno fali-mainea kava huya tamakaienema nemaiya
vayamoya ani kava maiya nehuya hilato ohunea katela nevae. Nevagi nago kanomo agia
Palamue mone alisia yafe havigea maino nehianagiya ani vayamoya ani augafa kava huya
mone alisaya yafe havigegeyana maiya nehae. Nehageno nago kanomo agia Kolae
Anumayamona veganokano hutegeno Anumayamoa fali hano hutenea yafena
nohaviyanagiya ani vayamoya ani kavakeya maiya nehuya Anumaya Koti kemona
amakavenona hu neatayafe Anumayamoa Faliho. huno hinageya fali hano hugahae.
12
Tamakaya Yisasina tamakuama aminaya veamogatama agaife nehavitama kave negahema
melitalu nehayana ani kefo vayamoya emaineya osagopu vayalagiya amakaiamihekeya
amakesa havi havi huya neneya tamakaye hisifa kava huya ani kavema naya kavela ali haviya
nehae. Naa vayamoya siamoma aye hani huteno kola oaino laga hulino ute ete higeno afa
koma titalea kava higeya ani vayala afa ya kana vaya mainae. Yosamoa alagama ayesia
kanamoa falote hianagi alagama noayea yosamoma hia avamete huya mainageno amakaipina
nagola kanale yana falote ohune. Avinamoa omalegeya hafuyaene tagasi huya vakai-talageno
fayote-mainea yosa kana huya maineya kanale kema tamaya hisaya kea omalegeya havi
kavala maiya nehae.
13
Nehageno kefo yama nehaya yamoa timoma tusiya huno hogiteno ti
valufama alino ti agegayalega mo talia kava huno kefo yaamimoa ania augafa kava hu-
mainegeta neamakone. Kanefimoma ikatela alu katete katetema ute ete nehia avamete huya
havige huya mainagi kanaleya huno fatago humainea kana tamave-notiye. Tamave-notigeno
Anumaya Kotia kumayu haniki-mainea kumala afepinaga hanea kumate maisaya yafe
kumaamia ago talo tala humateneanagiya agola anifinaga maigahae.
14
Maigahagi ani vayafena Atamupiti avinama huya maime emainaya vayapitila Inokue
Atamupitila seveni (7) molia aginagomoagino falote huno mainea kanomoa anima kefo
yama nehaya vayafena Anumaya Koti aune kea hamapaino mage huno hu-maineane
Mama hisua kea haviho. Anumayamoa kasagoya tausenia ensole vayaaene elavino egahie.
15
Esiana mukia veanea kaiyekea humateteno agai kema neatagaeya kefo yama
maiya nehaya veanene Anumaya Kotina kamugema hatageya vaiteya hu-haviya hu
neataya veamogamina Anumaya Kotia tusia kefo yamo anonaamia amamigahie.
huno hu-maineane.
16
Anima Anumayamo kehena havigegeyama nehaya vayamoya mukia yafe Otahaiya yane.
huya kalu kalu kea nevaigeno amaipamoa haviya nehigeya amakaiami amaugafa age hamaye
nehaya yaamihena maiya huge huge nehuya ala kenake nehuya amakaiami amakia alisaga
nehuya tamakaiteti nagoa yama alisaya yafena tamakaifena Tahaiya veane mainae. huya
tamaipafi ayegegahe nehae.
Tamakaya atalegeno tametiti yamoa tamaipamona ali lokiya vaino.
17
Tamakaya nahau nayamopafi nenahaiya veamogatama Aposolo vayamoya
haenagama falote hisia yafema tamahapai-mainaya kehena tamakesamoa hao hinagetama
haviho.
18
Mage huya tamahapai-mainayane Anumayamo esia kanamoa ago aupa nehisigeya
nagoa veamoya Yisasima hulatenea yafe huya kigi huteteya amakaiamia amaugafamo age
haye nehia kavakeya huya maigahae. huya hu-mainayane.
19
Hu-mainayanagi anima Yisasi
kehena havigegeyama nehaya vayamoya Yisasina amakuama aminaya veamogamina ali-
pasema-talageya mopafi yafekeya amakesa nehavigeno Alu Aotage Avamumoa
amakaienena nomaiye.
20
Naa huya mainagi tamakaya nahau nayamopafi nenahaiya
nafunagana-gatama naa kavala ohutama Yisasima hulatenea yafe tusiya huno alu aotage ke
hanegi tamakupima malenaya kea atafa hutama tokiyaage higeno Alu Aotage Avamumoa
tokiya tamamisigetama Anumayamotega kea hutama havigeho.
21
Anumaya Kotia
tamakaifema huno aguama lamaminea yapi mainetama Anumayati Yisasi Kalaisia
tamakaifema kalagima ainelamatea yafena kanaleya hutama agola maige maige hisaya
tahaimu tamamisia yafena tamametitia hutama agava maiho.
22
Mainetama Yisasifema tole amakesa nehaviya veala tamahau humatetama alitama
kanale humateho.
23
Ani veamoya nomoa atama nelea yapi mainaya veane kana huya havi
kate uyafenagi ani veala amavayu hutama amaugafa aligatiho. Aligatitama nagoa vayamoya
kefo yama nehaya kavafena Otahaiya kavale. hutama koli hutama kayetama mainetama
tamahauna humateho.
24
Havigu kefo yapi asaga hu-lavi yafenagi Anumaya Kotia agaia tamau vaino
tamavalesaga huno tamanu kisia kano maineanagitama asaga hu otavitama kefo yatamia
omale veane mainesageno tusia muse huno tamavalesaga huno agaia tokiyaage hale yapina
Anumaya Koti mainesilega tamategahie.
25
Anumaya Kotia agaiage tusia tokiyaa hanea
Anumayati maineanagino Yisasi Kalaisi Anumayatimoa hulatenea yafe Anumaya Kotia tagu
tamena ago aligati-maine. Naama hulatenea yafena tusiya huta tokiyaage hale yamaaene agia
alisaga hisune. Agaya hagote ala kava kano maineanagino mukia yana kava yagaisia tokiyaa
hanegeno yagaino maine. Agaya ehema ma mopama talo ohunea kanafina aepa heno ania
hume hume eaamo menienena ani yakeya huno maine. Haenagaama maisuna kanaene
menima mainona kanaene kava yagaimainea yana oataleno ani ya atafa hu-ligahianagiya
mukia veamoya havilama huteya agia alisaga hisae. Mani kea tamage.
Nagaini nagia Yutinae.
Yuti Yuti
<<
11
>>
Kea
Luku
00
11
22
33
44
55
66
77
88
99
10 10
11 11
12 12
13 13
14 14
15 15
16 16
17 17
18 18
19 19
20 20
21 21
22 22
23 23
24 24
Luku Luku
<<
00
>>
^
Luku
Lukua Tiofilasina kaeno aminea avona.
Yonina ategahie huno humaine.
Yisasina ategahie huno humaine.
Maliaa Ilisapeti mogemaine
Maliaa kasagoya kea humaine.
Maliaa yagamefiti Anumayamo aki alisaka humaine.
Sekalaiya yagame.
Maliaa Yisasina atene.
Ensole vayamoya sipi sipi kava vayamogami mo hamapaimainae
Sipi sipile kava vayamoya Yisasina agegahe umainae.
Yisasina agi malenae.
Simeoniene Anaene Yisasina mono nopi agemainae.
Nasaleti eteya umainae.
Yisasia mono nopi haimaine.
Ti falemate Yonia mono ke huhaleno humaine.
Yonia Yisasina ti faletene.
Yisasina totoamogami amakie.
Satania Yisasina ayevataga humaine.
Yisasia Kaliliti aliyamaa aepa hemaine.
Nasaleti vayamoya Yisasina amakaveno hutenae.
Yisasia Kefo Avamula nago kanomo agusafiti anatitalene.
Yisasia Pitana aamona itaamo alekanoa alino kanale hutene.
Yisasia mukia kali nealiya veala alino kanale humatene.
Yisasia nagoa kumate vaiyemaine.
Yisasi ke higeno Pitaa kasagoya noyame alimaine.
Yisasia fugita kano alino kanale hutene.
Yisasia aiya aya avayu hulavimainea kanoa alino kanale hutene.
Yisasia Livaife ke humaine.
Yisasia kavema monesiya auava yafe humaine.
Yisasia Sapati kanalema aliya nealiya yafema kahegi malenaya yafe humaine.
Sapati kanale Yisasia aya avayu humainea kanomona alino kanale hutene.
Yisasia agaiene tokaeya maisaya anagala tuelufua (12) hapalimatene.
Yisasia kasagoya veane alino kanale humatene.
Yisasia Afenoyaami omale veanehe muse hugahae. huno humaine.
Kame veanetamihe tamahaino.
Nago kanomo no mai yamaa fako hu oateho.
Havi yosamoa havi yosa alaga neaye.
Noma kiyamo aepamoa tole ya hane.
Yisasia ati vayate kava humainea kanomo aliya kanoa alino kanale hutene.
Yisasia nagola Neni kumate neyana falimainefiti ali hetitene.
Yonia tole kanolatana Yisasitega hunatene.
Yonife Ala kano maine. huno humaine.
Nago amoa Yisasina aiyale masavena faletene.
Nagoa anemoya Yisasina akave umainae.
Nago kanomoa avina hoyafi faimainea avame kea Yisasia humaine.
Veamoya lamua hanagaliya susufaneleti aiso hu omalegahae.
Yisasina taya itaamoya aganaamoya mainae.
Yisasia ke nehigeno tusia yasimoa laga humaine.
Yisasia nagola aifo kanomo aguafiti Kefo Avamula anatitalene.
Yisasia nago munala falimainefiti alino henelino kenaale avate hia aala alino kanale
hutene.
Yisasia tuelufua (12) Aposolo anagaamogami aliya amamine.
Helotia Yisasifena Hanaa augafa kano maine. huno havi halegahe hie.
Yisasia faefu tausenia (5,000) vayamogami kavela amamine.
Pitaa Yisasife Kalaisiga mainane. huno hufalote humaine.
Yisasia agaia faliteno hetisia ke humaine.
Yisasina augafamoa alino aluya humaine.
Nago nafanemo agupi Kefo Avamu mainea nafane Yisasia alino kanale hutene.
Ta uhakotemainea kanoa maine?
Kamema hu otamatesaya veanea nelamafuya mainae.
Samelia veamoya Yisasia kumaamile esia yafena nohamaiye.
Yisasia akave visaya auava yamo ke humaine.
Yisasia sevetitua (72) vaya aliyamaale humatene.
Kefo yatamihe tamakua aiyahae ohaya veanehe nahau hunelamatoe.
Sevetitua (72) vayala eteya emainae.
Samelia kanomoa Yuta kano hamaemainea avame ke Yisasia humaine.
Yisasia Matagani Maliagani nopi maine.
Yisasia nunamu hisaya yamo aepaa humavelimaine.
Yisasife Pielesepulimoa Kefo Avamumo kava kanoene aliya nealine. huya hae.
Kefo Avamumoa nago kanomo agupi eteno emaine.
Hanaa veamoya tusia musena hugahae?
Nagoa veamoya Tokiyaage avameya agesune. huya humainae.
Taguafima aye-vasa hisia kanife humaine.
Nagoa Falasia vayaene kahegi kema havilinaya vayaene kefo kavala nehae.
Falasia vayamoya havigema nehaya kehena kaye ho.
Yisasia veamoya Anumaya Kotifeke kolia hiho. huno humaine.
Tagaya Yisasi anaga mainone. huta hu falote hisuna yafena tagayea ohisune.
Afenoyamaa kasago hu-mainea kanomoa aifonafo kava nehie huno avame kea hu-
maine.
Ma mopafi yafena tamakesa havi havi ohiho. huno humaine.
Yisasia ikapinaga muse ya alitalu hisaya yafe humaine.
Kanale aliya vayamoya talo tala huya nemaiye.
Kanale agu agesa hanesia aliya kanomofe humaine.
Yisasia veane ali fako hugahe emaine.
Meni kanafima falote nehia yamona aepaa noagae huno humaine.
Kaiyekema hugatesia kanoene kea kea hutana ali kanale hio.
Tamakua aiyahae hiho. huno humaine.
Nago yosamo avame kea humaleno alagaa oayea yafe humaine.
Yisasia nagola kali nealia alagino alino kanale hutene.
Anumaya Kotia kava yagaisia kavamoa maa humaine. huno humaine.
Anumaya Koti kava yagaisia kumate hai falesaya fiana osi fia kanoa hane.
Yisasia Yelusalemu mainaya veamogamifena avite-maine.
Yisasia nagola augafa halegi kali nealia kanoa alino kanale hutene.
Yisasia Tamaugafa alitama nehaiya vayala tamaugafa atalegeno lavino. huno
humaine.
Veamoya anonaa hu otatesaya veamogamina kanale ya humatesune.
Ala imule huvame hu-malenea ke.
Yisasia Tamakesa havilama hutetama nakavela eho. huno humaine.
Yisasia haviya humainea solele avame ke humaleno humaine.
Fanane humainea afule huvame humaleno humainea ke.
Fanane humainea monele huvame humaleno humainea ke.
Tole nafanea mainea kanomofe huvame humaleno humainea ke.
Aliya kava kanomoa ali-mainea monele anonaa eteno aminea avame kea.
Yisasia kahegi keheene Anumaya Koti kava yagaisia yafeene huhaleno humaine.
Yisasia ane amatalesaya auava yafe humaine.
Tusia monea hanea kanoene Lasalusigani kaiyeke humaine.
Kefo auava yamoa amametitia ali haviya nehie.
Yisasia amametiti hisaya auava yamo ke humaine.
Yisasia aliya kanomo auavafe humaine?
Yisasia tenia (10) fugita kali nealiya vaya alino kanale humatene.
Ikapinagati emainea kanoa vayamo atenea nafanemoa efufute atalegahie.
Nago amoa tokiyaage ke huno Yasi kanohe Kaiyekenia havinato. huno humainea
avame ke.
Tole kanolatamogania Anumayamotega nunamu humainaa avame ke.
Yisasia mage humaine Nafaneyaga amatalegeya nagaitega eho. huno humaine
Afenoyamaa kasago humainea kava kanomoa Yisasite eno kea kea humaine.
Yisasia tagufa kanale Falitena etena hetigahue. huno humaine.
Yisasia aulaga asu humainea kanoa alino kanale hutene.
Yisasia Sakiusi nopinaga umaine.
Tenia (10) aliya vayamoya mone ali-mainaya avame ke.
Yisasia ala sauve kano hia kava huno Yelusalemu emaine.
Yisasia Yelusalemu veafe avite-maine.
Mono nopi maineya hu hatiya mone nealiya vayala Yisasia amanati-talene.
Yisasifena Himamukaa ta kamine? huya havigemainae.
Havi vayamoya vaini hoyalema yagai-mainaya avame ke.
Sisana takisi monea amigahafi oamigahae?
Satiusi vayamoya faliteya hetisaya auavafe Yisasina ke huya havige-mainae.
Anumaya Kotima hapalitenea kanoa tae. huno Yisasia veala hamavige.
Kahegi kema havilinaya anagamoya kefo kavala nehaya anagakeya mainae.
Monea omale amoa Anumaya Kotitega muse yamaa atalene.
Yisasia Ala mono nona tagape ailavigahie. huno humaine.
Yisasia Tusia kana yamo falote hugahie. huno humaine.
Yelusalemu kumamoa haviya hulavigahie. huno Yisasia humaine.
Haenagaa Ikapinagati emainea kanoa vayamo atenea nafanea egahie.
Tamakaya fiki yosale agevame hiho.
Yutasia hulamage huno Yisasina avalena kava vayala tamamigahue. huno humaine.
Agaiafiti tole kanolatana kave mo talo tala humainae.
Yisasia vainiene mayaene anagaa amamine.
Tagaipitila ta ala kanotia maine? huya ke vaimainae.
Yisasia Pitafe Akaveno hunategahie. huno humaine.
Yisasia anagaahe Monetamiene kutamiene naepetamiene aliho. huno humaine.
Yisasia Olivi agoyafi umaineno nunamu humaine.
Pitaa Yisasifena Noagoa kanoe. huno avane humaine.
Yisasina kigi huneateya aikoli-mainae.
Yisasina kanisole vayamogami amaulagale kaiyeke hutenae.
Pailati aulagale Yisasina kaiyeke hutenae.
Yisasina Heloti aulagale kaiyekea hutenae.
Pailatia Yisasina Yafaga yosale hetama asaigeno falino. huno humaine.
Yisasina yafaga yosale nili heya asaimainae.
Kefo yama humainea kanomoa Yisasina aipa amine.
Yisasia falimaine.
Yisasina yafa kapi hevaitenae.
Yisasia falimainefiti eteno hetimaine.
Tole kanolatamogania Emeasi katega Yisasina agemainae.
Alevenia (11) anagaamoya Yisasina agemainae.
Mukia tamaulaga agaya yafena veala hamapaiho. huno humaine.
Anumaya Kotia Yisasina eteno avalegeno ikapinaga haimaine.
Luku Luku
<<
00
>>
Luku Luku
<<
11
>>
Yisasife Kanale Ke
Luku
Kaemalenea Ke.
1
Lukua Tiofilasina kaeno aminea avona.
1
Tiofilasiga ala kava kanomoga mukia vayamoya Yisasima tagai amunopi humainea
yana ago kaemalenae.
2
Yisasi kema hamanepaiya vayamoya ehe kanale aepa heya ani yana
ageteya tamahapaimainae.
3-4
Mukiama kahapaiya kemona aepaa kelamake ke havisa-nafe
nagaya kanaleya huna havilama huna havilinoafe fatago huna kaena kamigahue huna nehue.
Yonina ategahie huno humaine.
5
Nagi Yutia kotega ala kava kanomo agia Helotie kava yagaino mainea kanafina nago
kanomo agia Sekalaiyae mono note kava kano maineanagino Apaisa nofi kano mai-geno
aamoa Eloni nofi vayapiti falote humaineane. Ani amo agia Ilisapetie.
6
Ani alavelatana
Anumaya Koti aulagafina fatago huana mai-neana mukia Anumayamo kahegi kea haviana
akave maleana havi kavala ohunaane.
7
Ilisapetia namo a maineafe nafaneania omai alavelata
kosuna alekano lemainae.
8-9
Apaisa nofi vayamoya aliya alisaya kana Sekalaiyaa Anumaya Koti aulagafi aliyamaa
nealigeya mono nopi kava vayamoya Sekalaiyafe Kagayae. huya hageno Sekalaiyaa
Anumaya Koti mono nopi maineno manaage yana kaesalamana Anumaya Kotina
huneateane.
10
Halinamo manaa Anumaya Kotina neamigeya mukia veane-yaga kumatega maineya
Anumaya Kotitega havigemainae.
11
Havigageno Sekalaiyaa mono nopi mainegeno
Anumayamo ensole kanomoa agaite efalote huno manaage ata kaemalea folamole tamaga
kaiyagaa me hetimainegeno agemaine.
12
Sekalaiyaa ani kanoa ageteno atali talu huno koli
humaine.
13
Koli hianagi ani kanomoa mage huno hie Sekalaiyaga kolia ohuka afaa maiyo.
Nunamuma humainana yafena Anumaya Kotia ago havianagino akamoa Ilisapetia ne nafane
atesigeka agia Yonie huka malo.
14
Kagaya tusia muse nehisanageya mukia veamoya ani
nafanema falote hisia yafena tusia muse hugahae.
15
Ani nafanemoa Anumaya Koti
aulagafina ala agiene kano maineno havilina onegahia-nagino atenea kanaleti aepa heno
Anumaya Koti Alu Aotage Avamumoa aguafina hiya hugahie.
16
Hiya hisigeno mukia Isaleli
kumate veanemoya agai kea haviteya amakua aiyahae huya amakaiami Anumaya Kotitega
ugahae.
17
Anumayamo aulega hagoteno Ilaiyama humainea kavaene aminea tokiyaaene vigeya
amafaheya agai kea haviteya amakua aiyahae huya nafaneamihena amakesa havigahae.
Veganokano nehaya veanemoya agai kea haviteya amakua aiyahae huya fatago veanemoya
humainaya kanale kea havigahae. Aniama hisayafe veaneyaga Anumayamoma esiafe amakua
talo tala huya maigahae. huno hie.
18
Higeno Sekalaiyaa mage huno hie Tamage nehapi havige nehane? Nagaya
kosunagina animoa alekano lemaineanagitaa hanaa hutaa ani kea havisue? huno humaine.
19
Higeno ensole kanomoa mage huno hie Nagaya Kepalielinae Anumaya Koti aule hetina
mainogeno Anumaya Kotia ani kanale kema kahapaisuafene huno hunategena emainoe.
20
Havio nagai kemoma haenagaa efalotema huno tamage hisigeka kenia ohavinanafe menia
tugogekamoa tileno atalako hinageka kaiyekea ohugananagika kema hua kemoa efalote huno
tamage hisia kanale tugogekamoa akalo hinageka kagea aikalo hugane. huno humaine.
21
Higeya kumate mainaya veamoya Sekalaiyafe agava huge hugeteya ayaaya kanagefa
Anumaya Koti noma hunalagimale nopima maiya yafe Naa higeno aupaa nome. huya
amakesa haviya mainae.
22
Mainageno ani nopinagati hatilaviana kaiyekea nohie. Kaiyekema
ohia yafe veamoya amakesa mage huya havimainae Nopinaga maiya yamo alu ya agemai
kano maine. huya havigeno ani kanomoa ayateti avamename huno kea hamapaiya-nagi
avayamoa tuki maine.
23
Tuki mainegeno aliyamaama hano hia kanale nomaalega umaine.
24-25
Umainegeno haenagaa aamoa, Ilisapetia aipaene maineno faefua (5) ikana falakino
maineno mage hie Anumayamoa kanale ya hunatene. Nageteno veamogami amaulagafina
nagayema humainoa yana ago alitalene. huno humaine.
Yisasina ategahie huno humaine.
26
Ilisapetia aipaene mainea ikana sikisia (6) ika agasetegeno Anumaya Kotia nago
ensole kanoa, Kepalielina, nago Kalili kotega hanea kumala, Nasaleti hutene.
27
Anumaya
Kotia nagola vene ofaenea munate Kepalielina hutegeno umaine. Ani munamo agia Maliae.
Yosefena agaite hagemalenaya munale. Yosefena aginagomo agia Tevitie.
28
Kepalielia Maliate eno mage huno hie Mainano? Anumaya Kotia kagaila muse nehia
munamoga Anumayamoa kagaiene maine. huno hie.
29
Higeno anima hia kehena Maliaa tusi
amayo neaino ma agesa havimaine Ani kea naane ke me nahapaiye? huno humaine.
30
Higeno ensole kanomoa agaife mage huno hie Maliaga kolia ohuo. Anumaya Kotia
kagaifena aipa kanale hunegate
31
Havio kagaya kaipa ya huteka ne nafane ateteka agia
Yisasie huka malo.
32-33
Ani nafanemoa agi hanesia kano mainesigeya veamoya Anale mainea Anumaya
Koti nafane maine. huya hugahae. Aginagomoa, Teviti kava yagaimainea tokiyaa Anumaya
Kotia amisigeno Yekopu nofi veate agola kava yagaino maineno kava yagaisia tokiyaa
hanege hanege huno hanesigeno hano ohugahie. huno humaine.
34
Higeno Maliaa ensole kanomofe mage huno hie Hanaa huna ania hisue? Nagaya
velela omainoa muna mainoe. huno hie.
35
Higeno ensole kanomoa agaife mage huno hie
Anumaya Kotina Alu Aotage Avamuamoa kagaite emaisigeno anale mainea Anumaya
Kotina tokiyaamoa aiso hugatesigeka maineka nafanea ategane. Atesanana alu aotage kanale
nafane mainesigeya veamoya ani nafanehena Anumaya Kotina neamo maine. huya
hugahae.
36
Havio neitakamoa, Ilisapetia, alekano lemaineanagi aipaene maineanagino ne
nafane ategahie. Namo a maine. huya humainaya alekanomoa aipaene mainea ikamaa
sikisia (6) ika agasemaine.
37
Anumaya Kotia tagaya ohuteasina yanagi afaa hugahie. huno
humaine.
38
Higeno Maliaa mage huno hie Nagaya ago Anumayamo aliya muna mainoe. Hana
kemoa kanalelagino nagaitela falote hunategahie. huno hie. Higeno ensole kanomoa anileti
neataleno umaine.
Maliaa Ilisapeti mogemaine
39
Maliaa ani kanafina hetino aiyayeno agoyafi haino Yutia kotega hanea kumate
umaine.
40
Uvayi huno Sekalaiya nopi hai faleno Ilisapetina falu fala hutene.
41-42
Falu fala huneategeno Ilisapetia Maliama hia kea nehavigeno aipafima mainea
nafanemoa kanage kanage higeno Anumaya Koti Alu Aotage Avamumoa Ilisapetina
aguafina hiya higeno Ilisapetia ala kefiti mage huno hie Kagaya mukia aneyaga amakaseka
mainanageno Anumaya Kotia kanale muse ya kamianagika atesana nafanea kanale muse ya
alimainea nafane kaipafina maine.
43
Nagaya hanaa a mainogeka Anumayaniamona itaamoga
nagaitega neane.
44
Havio hu falu fala hunatana kea nagesafi nehavugeno naipafinaga mainea
nafanemoa tusi muse nehuno kanage kanage nehie.
45
Kagaya Maliaga Anumayamo ensole
kanomoa kahapaiya kea ago tamage huno falote hugahie huka ago havika kagupi maleka
kametiti humainanafe Anumaya Kotia muse hisana yana ago kamine. huno hie.
Maliaa kasagoya kea humaine.
46-47
Maliaa mage huno hie Nagu nafanemoa Anumayamo agi alisaga nehigeno nagu
namena alinegatia Anumaya Kotiniamofena tusi muse nehue.
48
Muse nehuanagina nagaya
afa munalagina aliya munaa mainoanagi agaia nagaila kalagi ainateanagina ani nafanea
atesugeya mukia veala meni veanene haenagama falote hisaya veanene nagaifena Ma amona
Anumaya Kotia tusia muse hisia ya aminea ale. huya hugahae.
49
Tusi tokiyaa hanea kanomoa nagaila kanale ya hunatene. Ani kanomo agia Kanale
alu aotage kano. maine huya nehae.
50
Agaife Ala kanoni maine. huya humai-naya
veamofena menima mainaya veanene haenaga veamogamifeene tusia kalagi aimaine.
51
Ayateti tokiya aliyana alimaineanagino Tagaya ala veane mainone. huya amakuafinaga
nehaviya amaugafa aliya haimainaya amakesa haviya veamogamina amanatitalene.
52
Tokiyaage kava vayala alino mopafi amataleneanagi amakima omale veamogamina
amakia alisaga humaine.
53
Amakuafinaga amaka-nelea veamogamina kanale yana kasagoya
alino amamigeno amamu higeya havatemainae. Mukia yaamima hanea veala oamamino
humategeya ataleya umainae.
54-55
Taginagomoa Apalahamuene agaia nofi veanene
haenagama falote hisaya veanenefe mage huno hie Kalagi ailamategahue. huno nayona
humainea kele menia agesa haviteno Isaleli kumate aliya vayaamogamina amaya humaine.
huno Maliaa humaine.
56
Maliaa Ilisapetiene tagufa (3) ika maiteno kumaalega eteno umaine.
Maliaa yagamefiti Anumayamo aki alisaka humaine.
57
Ilisapetina inamu ya alitegeno ne nafane atene.
58
Atetegeya agaia kumate veanene
agaia nofi veanene Anumaya Kotia kalagi aitenea yafena haviteya tusia muse humainae.
59-60
Nago sota maiteya ani ne nafanemona agoya anoya taga hisia ya agegahune huya
emaineya nefate hamoya hugahe agia Sekalaiyae huya malegahe nehageno itaamoa Aao
agia Yonie huta malegahune. huno hie.
61
Higeya veamoya mage huya hae Naa higeka ani
agia nemalane? Tanakai nofi veamoga-mina ania amakia omalene. huya hae.
62
Nefa tugokemoa tilemainegeno agema oaiya yafe avamename huya Na agi
malegane? huya havigae.
63
Havigageno avamename huno Avo kaesua ya namiho. huno
higeya amigeno Agia Yonie. huno kaegeya ageteya vayamoya Nohaya kava hie. huya
amamayoa aiye.
64
Ani agia kaemaletegeno aupaa Sekalaiya tugokemoa akalo higeno
avefunamoa ayaaya higeno kaiyekea huno Anumaya Koti agia alisaga hie.
65
Ani kumate
veamoya tusia amamayo aigeya ani yafena ke hu atile male hageno ani kemoa mukia Yutia
agoya hanea kumatega ute ete higeya havimainae.
66
Haviteya veamoya haviya amakupi
maleteya mage huya hae Anumayamoa aya hugahe agaiene maineafe haenagaa mani
nafanemoa hanaa hisia nafane maigahie? huya humainae.
Sekalaiya yagame.
67-68
Nefaa, Sekalaiyana aguafi Anumaya Kotina Alu Aotage Avamuaamoa me hiya
huno havatemainegeno Anumaya Koti aune kano kana huno mage hie Isaleli veamogati
Anumaya Kotia agaia veanele me laya huno taugafa aligatimainea yafe agia alisaga hisune.
69
Tevitia Anumaya Kotina aliya kanoamo nofi anagapiti nago tokiyaage kanoa taugafa
aligatisia kano ali hetitene.
70
Ani kea Anumaya Kotia nayona alu aotage aune vayaamogami
amavayafiti hu falote humaineane.
71
Mage huya humainae Kame vayatimoya ago tatafa
hulinaya vayamogamiene tagaife amaipa kafa henelataya vayamogami amayapitila tavaleno
taugafa aligatigahie.
72
Anumaya Kotia taginagomofe Aigetamatena tamaya hugahue. huno
humainea yana hugahie. Alu aotage huno alino hagelafilateneafe agesa havi havi huno
agekani otategahie.
73
Alino hagelafilatenea kemona hulokiya vaino taginagomona Apalahamufe
humaineane. Nayoma humainea kea menia ani kava hisiafe hie.
74-75
Anima hulokiya
vaimalenea kemoa mage huno humaine Nagaya kame vayatamimogami amayapitila
tamavalesaga huna tamaugafa aligatisugetama tamakaya kolia ohutama mukia kanafina
tamahaimula hanesigetama kefo yatamia omale veanea fatago kavaage hutama nagai naulela
aliyania aligahae. huno humaineane.
76-78
Humaineanagi kagaya Yoniga nafanenimogae
haenagaa kagaifena Anafinaga mainea Anumaya Kotina aune kanoa mainane. huya
hugahae. Kagaya uhagoteka Anumayamo visia kana talo tala hugane. Anumaya Kotia
tagaifena tusiya huno kalagi ailateneafe agaia veanea kefo yaamia agetamateno ataleamateno
amaku amamena aligatisiafe humavelisanageya havigahae. Monafinagati halemainea kanoa
falote huno tagaitema esiana ani kava hugahie.
79
Hani yapi maineta faligahe humainona
veamogata ayevasa hulateno ako huta maisuna kate tategahe egahie. huno humaine.
80
Ani
nafanemoa ala huno agu agesamoa tokiyaage higeno kame kotega umaiteno Isaleli
veamogami amaulagale efalote higeya agemainae.
Luku Luku
<<
11
>>
Luku Luku
<<
22
>>
2
1
Ani kanafina nago kava kanomo agia Sisa Ogasatasie mage huno humaine Mukia
Lomu kamanimoya kava yagaimainesaya kumate veala amaki me ayegeya kaeho. huno
humaine.
2
Higeno ani kanafina hagote kanale aepa heya amakia kaemainayane. Ani kanafina
nago osi kava mainea kanomo agia Kuiliniusie ani kanoa Silia kotega kava yagaino nemaiya
kanoe.
3-4
Mukia vayala amaki aligahe hageya mopa aepaamilega umainae. Yosefena
aginagomoa Tevitima maineafe Yosefea Kalili kotega hanea kumala Nasaleti kumaa ataleno
Petelehemu, Tevitina atenea kumate umaine.
5
Maliana hagemalenaya munala aipaene
mainegeana Taagi alisae. huno avaleno umaine.
6
Ani kumate umainaageno inamu yana
alitene.
7
Maliaa yage nafanea ne nafane ateteno mukia faesia nona hiya higeno pulamakamo
nopi ateteno kupi asaga huno aiteno pulamakamoya kave nenaya yopafi faetene.
Ensole vayamoya sipi sipi kava vayamogami mo hamapaimainae
8
Ani kegela sipi sipi kava vayala talapinaga maineya sipi sipiyagale kava yagaiya
mainae.
9
Mainageno anile Anumaya Koti ensole kanomoa egeno Anumayamo tokiya hale
yamaamoa aivasa hulino egeya ageteya koli humainae.
10
Hageno ensole kanomoa mage huno hie Kolia ohutama mainetama haviho nagaya
kanale kaiyekea tamahapaigahe alina neoe. Tusia muse hisaya kea tamahapaisugeya mukia
veamoya havigahae.
11
Meni kegela Teviti kumatela tamaugafa aligatisia kanoa ago neate.
Ani kanomo agia Anumaya Kalaisie, Anumaya Kotima taugafa aligatigahema hutenea kanoe.
12
Ani nafanea kupi aiteteno pulamakamo kave nenea yopafi faeteneanagitama
mogetetama Ma yafema hia yana ago falote humaine. hutama hugahae. huno hie.
13
Higeya mukia ensole vayayaga ani kanomote aupaa melitalu huya Anumaya Koti agia
alisaga nehuya mage huya humainae.
14
Anumayatimogae anafinaga mainane huta kagi
alisaga nehunageka mopale mainaya veamogamina kaipa falu humatesana veamoya amaipa
falu huya kanaleya huya maigahae. huya humainae.
Sipi sipile kava vayamoya Yisasina agegahe umainae.
15
Ensole vayamoya neamataleya ikapinaga haigeya sipi sipi kava vayamoya ke mohu
mehu huya mage hae Petelehemu vigetao Anumayamoa tahapaiya yana mogegahune.
huya humainae.
16
Amaiyayeya agegahe vaayana Maliagani Yosefegania nafaneania afumo kave nenea
yopafi faeteteana mainaageya mogemainae.
17
Mogeteya ensole vayamoya ani nafanehema
hamapaiya kea mukia veanea hamapaiye.
18
Hamapaigeya mukia havimainaya veamoya sipi sipi kava vayamoyama hamapaiya
kehena tusia amamayo aimainae.
19
Amamayo aiyanagi Maliaa mukia yama humainea kavala
aguafi maleneno agesa havino maine.
20
Mainegeya sipi sipi kava vayamoya eteya
kumaamilega neuya agoma hamapaigeya haviteya agemainaya yafena Anumaya Kotitega
muse huya agia alisaga hume hume vae.
Yisasina agi malenae.
21
Yisasina atetegeya nago sota maiteya agoya anoya tagama haya kanale agia Yisasie
huya malenae. Ani agia oatenegeno itaamoa aipa yana ohunegeno ensole kanomoa ani agia
malenea agie.
Simeoniene Anaene Yisasina mono nopi agemainae.
22
Itaamoene nafanene faeana hali hutaageno Mosesema humainea kemo akave maleana
Yisasina avaleana Anumaya Kotina amigahe Yelusalemua haimainae.
23
Anumaya Koti ke
kaemalenaya kefina mage huno humaine Mukia yage ne nafaneyaga Anumaya Kotina alu
aotage nafanea maisie. huya kaemalenayane.
24
Kaemalenayana Anumaya Kotitega muse ya
amigahe haimainae. Anumaya Koti ke kaemalenaya kefina mage huno humaine Tole nama
haefatalapi tole ala namalata amigahae. huya kaemalenayane.
25-26
Ani kanafina nagola Yelusalemu mainea kanomo agia Simionie. Fatago kano
maineno Anumaya Koti kea akave nemalea kanoa Isaleli veamogami amaugafa aligatisia
kanomo esiafe agava mainegeno Alu Aotage Avamumoa agaiene maineno mage huno
hapaiye Aupaa ofaligananagika Anumaya Kotima amaugafa aligatigahema hutesia kanoa
ageteka faligane. huno hapaimaineane.
27-28
Hapaimaineanagino ala mono nopi avaleno
egeno anile mainegeana Yisasina itaafoamogania mono kemo avaya ali hipoya huana
avaleana aageno ani kanomoa Yisasina avaleno anukilineno Anumaya Koti agia alisaga
humaine.
29-30
Avalelineno Simeonia mage huno hie Anumayamoga hagoteka nahapaimainana
nafanea menia ani nafanemoa tagaila taugafama aligatisia kanoa neagoafe naipamoa kanale
hinagena aliya kanokamonia Falio. hisanagena falisue.
31-32
Mukia veamogami
amaulagafina anima taugafa aligatisia kanoa tavelinanagino ani kanomoa kagaikaa Isaleli
veamogamina amakia alisaga huteno Yuta veala omainaya veamogamina aye vasa humateno
kagai kea hamapaigahie. huno hie.
33
Yisasina itaafoamogania Simeonia ani nafanehema hia kehena tusi anakesa havi havi
humainae.
34-35
Haageno Simeonia kanale manu anamino ani nafanemo itaamoa, Maliafena
mage huno hie Havio Anumaya Kotia mani nafanea huteneafe mukia Isaleli kumate veanea
nagoamogamina ali lakatineamataleno nagoamogamina ali hetimategahe hutegeno emaine.
Anumaya Kotia nagola alegana ya kana huno hanesiafe hutegeno emaineanagi mukia
veamoya agaifena Kahaoteyakae. huya hugahae. Hugahayanagi mukia veamoya amaku
amakesa haviya kemoa falote humategahie. Maliaga haenagaa kagaila kahaumanamoa tusiya
huno halegahie. huno hapaiye.
36-37
Ani mono nopina nagola Anumaya Koti aune aala maine. Ani amo agia Anae nefa
agia Fanuelie. Anakai nofi veanea Asa nofi veane mainae. Ani aala alekano maine. Yauva a
mainea kanafina neveene sevenia (7) kafu mainegeno nevea falitegeno megusa heno maino
haimainea kafua eiti foa (84) kafu maine. Ani amoa mono nona oataleno anifi mukia
kanafina kegeene felugaene Anumaya Koti agia alisaga nehuno kavela mosino Anumaya
Kotitega havinegeane.
38
Ani amoa anile evayi huno Yisasina megeteno Anumaya Kotifena
tusi muse huteteno mukia Yelusalemu veanea amaugafa aligatisia kanohe agava mainaya
veala Yisasifena hamapaiye.
Nasaleti eteya umainae.
39
Yisasina itaafoamogania mono kema hamanepaiya kavala hano huteteana Kalili uana
kumaanilega Nasaleti umainae.
40
Yisasia ala huno tokiyaage nafane maineno kanale agu
agesaene nafane mainegeno Anumaya Kotia agaiene maineno kayone hu yana amine.
Yisasia mono nopi haimaine.
41
Isaleli kotega veanea mukia kafuahena Anumaya Kotima amaugafa aligatimainea yafe
amakesa hao hisia imu negigeana Yisasina itaafoamogania mukia kafulema ani imulega
Yelusalemuga umainae.
42
Vaageno Yisasia tuelufua (12) kafua hanegeana mukia kafule
nehaa kava huana Yelusalemu ani imulega haimainae.
43
Anima imuma kiya kanamoa hano higeya itaafoamogania noamilega aepa heya ugahe
hageno ani nafanea Yisasia ouno afaa Yelusalemu mainegeana maiya yafena ohavinae.
44
Nagoa vayatiene katega nevifi? huana nago yupa kate uteana kegela agai nofi
vayaamogami amunoamifiene nefugami amunoamifiene atiyaana oagenae.
45
Oagetafa huteana atiyegahe Yelusalemu alehate eteana umainae.
46
Tagufa (3) feluga
atiyegetaana oageana ala mono nopi haiana mogaana anile ala humaveli vayaene mopale
maineno amakai ke haviteno anonaamia hamavige.
47
Hamavigegeya mukia ani kema haviya
vayamoya kenonaahena tokiyaage agesama hanea yafena tusiya huya amamayoa aimainae.
48
Amamayoa neaigeno itaafoamogania mogeteana anamayo neaiana itaamoa mage hie
Nenimoga naa higeka ma kavala hu nelaatane? Negafaene taaipa havitaa kanaage hutaa
kagaifena katineayoe. huno hie.
49
Higeno Yisasia anakaifena Naa higetana nagaifena
natineayae? Nagaya Nenafa nopina aliya alisua yafe nenahaiye huna hua kea nohaviafio?
huno hie.
50
Higeana agayama hia kea havilama ohunae.
51
Havilama ohaageno Yisasia anakaiene tavino Nasaleti umaineno anakai ke haviteno
akave malegeno itaamoa mukia humainea kavala alino aguafi malene.
52
Malegeno Yisasia ala
hutegeno kanale aku agesamoa ala higeno Anumaya Kotiene veamoyaene tusia muse
hutenae.
Luku Luku
<<
22
>>
Luku Luku
<<
33
>>
3
Ti falemate Yonia mono ke huhaleno humaine.
1
Taipiliasi Sisaa mukia Lomu veanela ala kava maine. Fifitinia (15) kafu ala kava kano
maigeno ani kanafina Potiusi Pailatia Yutia kotega Gavana kava kano maigeno Helotia Kalili
Kavana kava kano maigeno aganaamoa Filipia Ituliaene Talakonaitisiene Gavana kava kano
maigeno Laiseniasia Apilini Gavana kava kano maigeno huya mainae.
2
Mainageana ani
kanafina Anasiagi Kaiyafasiagi ala mono note kava kanolata mainaanagino ani kanafina
Sekalaiya nafanea, Yonia kame kotega umainegeno Anumaya Kotia nago ke hapaiye.
3
Yonia ani kanafina Yotani ti agegaya kumayagale uno Anumaya Koti kea hamapaino
mage huno hie Kefo yatamihe tamakua aiyahae hutama Nagoene ohugahune. hutama
vigena tina falelamatesugeno Anumaya Kotia kefo yatamia aigetamateno atalelamateno.
huno humaine.
4
Nayona Anumaya Koti aune kanomoa, Aisaiyaa, mage huno kaemaleneane
Kame kotegati nago kanomoa keha keha huno mage hugahie Anumayamo esia kamaa ali
hilato hutama ali fatago hiho.
5
Otufina male havatetama osi agoyaene ala
agoyaene kafilava higeno tavino afete hanesie. Ugayagi egayagi humainea kamona
ali fatago nehutama yafama hanea kaene ali fatago hulama hiho.
6
Mukia veala
Anumaya Koti amaku amamena aligatisia yana agegahae. huno kaemaleneane.
7
Mukia veala Yonitega Ti falelatesie. huya neageno Yonia amakaife mage huno
hamapaiye Tamakaya osifaveyagamo nafaneyaga mainetama, havigeage vayamogatama,
Anumaya Kotima kaiyeke hulamatesigeno tamaugafa tamagata aisia kanaa aupaa efalote
hisia yafena Faletama viho. kea ta tamahapaimaine?
8
Hagotetama kefo yatamihena
tamakua aiyahae humainayafe tamakaitami kanale kava humainesaya yafema navelisayana
tina falelamategahue. Tamakaya Apalahamu nafaneyaga mainone. hutama ohiho. Nagaya
tamahanepauve Anumaya Kotia ma yafatetila Apalahamu nafaneyaga kanale talo hileasine.
9
Tamakaya yosa kana humainayanagi menia Anumaya Kotia tuna alino yosamo aipalela
maleneno kanale alagama oayenea yosa atagino atafi hagayu huno kaegahie. huno hie.
10
Higeya mukia veamoya mage huya havigae Tagaya na kava hisune? huya hae.
11
Yonia mage huno hie Nago kanomoga tole siotama hanesigekahena siotaa omalesia
kanoa nagola afaa amio. Kaveama hanesia kanomoa ania huno kavea omalesia kanomona
afaa amino. huno humaine.
12
Nagoa vayala amaugafaleti takisi mone nealiya vayamoya Ti falelatesie. huya
emaineya agaife mage huya hae Hulaveli kanomoga tagaya naa hisune? huya hae.
13
Hageno amakaifena mage hie Ala kava kanomoma Naa mone aliho. hisia kate aliho.
Afa moneamienena oaliho. huno hie.
14
Nagoa ati vayamoya mage huya havigae Tagaya naa hisune? huya hageno
amakaifena mage hie Tamakaya veala hamaetama moneamia oaliho. Havigea hutama alu
moneamia ali oamateho. Alisaya moneage muse hutama aliho. huno nehie.
15
Mukia veamoya Anumaya Kotia amaugafama aligatigahe hutesia kanohe Aupaa
egahie. huya agava maineya Yonifena tusia amaku amakesa haviya Yonia ani Kalaisie
haya kano mainefi? huya humainae.
16
Hageno Yonia kenonaamia mage huno hie Nagaya
titeti fale nelamatoanagino haenagama nago kano esiana Alu Aotage Avamutetiene ataletiene
falelamategahie. Ani kanomoa tusia tokiyaa hanea kanogino nagaila ago nagasemaineanagina
nagaya afa kano mainoanagina agai aiyale ayesuana onategahie.
17
Agaya sipeti ayopaa
alilineno vitimo anoyaa fu huno haletaleno alagaa alino nopi halaya humalegahigi anoyaa ata
tegelege nehia atafi kaetalegahie. Ani avinamoma hia kava huno veala fako faka hugahie.
huno nehie.
18
Mani kene alu ke alu kene Anumaya Kotina kanale kea hamapaiye.
19-20
Helotia Gavana kanomoa mukia kefo ya humainea yafeene aganaamo aala
Helotiasina kumai heno vigeno alitenea yafeene Yonia aufi ke ayesali huno humainea keleti
Helotia mukia kefo ya humainea yana agaseno Yonina nofi hutene.
21-22
Nofila hu oatenegeno Yonia mukia veala tina fale neamategeno Yisasia anile egeno
agaila fale neategeno Anumaya Kotitega ke huno havigegeno ikamoa aihagalo higeno Alu
Aotage Avamumoa nama kana huno agaitega enelavigeno ikapinagati age aino mage huno
hie Kagaya nagaini nafanemoga kagaifena aluya huno nahau nayamopafi nenagea nenimoga
kagaifena aluya huna musekaa nehue. huno humaine.
Yisasina totoamogami amakie.
23
Yisasia tetia (30) kafua hanegeno aliyamaa aepa hemaine. Mukia veamoya agaifena
Yosefe nafane maine. huya hae.
Yosefena nefa agia Helie.
24
Helina nefa agia Matatae.
Matatana nefa agia Livaie.
Livaina nefa agia Melekie.
Melekina nefa agia Yanaie.
Yanaina nefa agia Yosefea.
25
Yosefena nefa agia Matatiasia.
Matatiasina nefa agia Amosia.
Amosina nefa agia Nahumia.
Nahumina nefa agia Esalia.
Esalina nefa agia Nagaia.
26
Nagaina nefa agia Matie.
Matina nefa agia Matatiasie.
Matatiasina nefa agia Semenie.
Semenina nefa agia Yosekie.
Yosekina nefa agia Yotae.
27
Yotana nefa agia Yoananae.
Yoananana nefa agia Lesae.
Lesana nefa agia Selupapelie.
Selupapelina nefa agia Sealitieloe.
Sealitielona nefa agia Nelie.
28
Nelina nefa agia Melekie.
Melekina nefa agia Atia.
Atina nefa agia Kosamae.
Kosamana nefa agia Elamatamae.
Elamatamana nefa agia Eae.
29
Eana nefa agia Yosuae.
Yosuana nefa agia Eliesae.
Eliesana nefa agia Yolimae.
Yolimana nefa agia Matatae.
Matatana nefa agia Livaie.
30
Livaina nefa agia Simionie.
Simionina nefa agia Yutae.
Yutana nefa agia Yosefee.
Yosefena nefa agia Yonamae.
Yonamana nefa agia Eliakimae.
31
Eliakimana nefa agia Meleae.
Meleana nefa agia Menae.
Menana nefa agia Matatae.
Matatana nefa agia Natanae.
Natanana nefa agia Tevitie.
32
Tevitina nefa agia Yesie.
Yesina nefa agia Opetie.
Opetina nefa agia Poasie.
Poasina nefa agia Salamonie.
Salamonina nefa agia Nasonia.
33
Nasonina nefa agia Aminatapie.
Aminatapina nefa agia Atamie
Atamina nefa agia Anie.
Anina nefa agia Hesalonie.
Hesalonina nefa agia Pelesie.
Pelesina nefa agia Yutae.
34
Yutana nefa agia Yekopue.
Yekopuna nefa agia Aisakie.
Aisakina nefa agia Apalahamue.
Apalahamuna nefa agia Telae.
Telana nefa agia Nahoe.
35
Nahona nefa agia Selukie.
Selukina nefa agia Leue.
Leuna nefa agia Pelekee.
Pelekena nefa agia Epee.
Epena nefa agia Selae.
36
Selana nefa agia Kainanie.
Kainanina nefa agia Apakasatie.
Apakasatina nefa agia Siemie.
Siemina nefa agia Noae.
Noana nefa agia Lamekae.
37
Lamekana nefa agia Metuselae.
Metuselana nefa agia Enokie.
Enokina nefa agia Yaletie.
Yaletina nefa agia Mahalalelie.
Mahalalelina nefa agia Kenanie.
38
Kenanina nefa agia Enosie.
Enosina nefa agia Setie.
Setina nefa agia Atamue.
Atamuna nefa agia Anumaya Kotie.
Luku Luku
<<
33
>>
Luku Luku
<<
44
>>
4
1-2
Anumaya Kotina Alu Aotage Avamuamoa Yisasina aguafi hiya higeno Yisasia
Yotani tina atalenoma neviana Alu Aotage Avumumoa veane omai kame kotega avaleno
motegeno fotia (40) yupa mainegeno Satania Yisasina Havi kava ho. huno ayevataga
humaine. Ayevataga huge huge nehigeno Yisasia kavela ani fotia (40) kanafina oneno afaa
mainegeno tusia agatemaine.
3
Satania Yisasife mage hie Kagaya Anumaya Koti nafanema mainenukahena ma
yafana hapaigeno maya hapaeno. huno hie.
4
Higeno Yisasia kenonaa mage huno hapaiye
Anumaya Koti avopiti kemoa mage humaineane
Vayamoya mayaage nesayana kanaleya huya omaigahae. huno humaineane. huno hie.
5
Satania Yisasina anale avaleno viayamo aupaa mukia ma mopafi hanea ala
kumayagaene afenoyamaaene avelimaine.
6
Aveliteno Satania agaifena mage hie Mani
kanale kumayaga kavama yagaisana tokiya kamigahue. Ani kava yagaisia tokiyaa nagaini ya
haneanagina nagaya nahaisia kanomona afaa amigahue.
7
Kagayama nagaifema Tusia ala
kano mainane. huka naiyafi ape huka ala nagi namitesanagena ani kavama yagaisana tokiya
kamigahue. huno hie.
8
Yisasia kenonaa mage huno hie Anumaya Koti avopi kaemalenaya
kemoa mage huno humaineane
Anumaya Kotikamona agaiagefe Tusia ala kano maine. huka kagesa havi havi huka agia
alisaga huka agai aliyamaage alio. huno humaineane. huno hapaimaine.
9
Satania Yisasina Yelusalemu avaleno ala mono nomo agotofule ateneno mage huno
hapaiye Kagaya Anumaya Koti nafanema mainenukahena ma nomo agotofuleti mopafi
asaga hulavio.
10-11
Anumaya Koti avopiti kemoa mage humaineane
Anumaya Kotia ensole vayaahe Kava hiho. huno humatesigeya amayateti kavalesaga
hulisageka tavisanageno yafatela kaiyamona aye kofa ohugahie huno
humaineane. huno hie.
12
Higeno Yisasia kenonaa mage huno hie Anumaya Koti avopiti kemoa mage
humaineane
Anumaya Kotikamo tokiya ayevataga ohuo. Afa yafe Tokiya kava huo. huka ohuo.
huno humaineane. huno hie.
13
Higeno Satania mukia alu ya alu ya huno ayevataga hugeteana higeno Yisasina ataleno
nagoa kanale ayevataga hisia kanalefe agava maine.
Yisasia Kaliliti aliyamaa aepa hemaine.
14
Yisasia Alu Aotage Avamumo tokiyaaene Kalili kotega egeno agai avagemoa ani
kotega ute ete higeya havimainae.
15
Mono noyagaamifi huge amavelige higeya mukia
veamoya agai agi alisaga humainae.
Nasaleti vayamoya Yisasina amakaveno hutenae.
16
Yisasia Nasaleti maino ala humainea kumate uno Sapati yupa mukia kanale nehia
kava huno mono nopi hai faleno Anumaya Koti ke hapaligahe hetimaine.
17
Hetimainegeno
Anumaya Kotina aune kanoamo Aisaiya kaemalenea autama aliya amigeno vakayeno
hapalino autamafiti kea mage huno hamapaimaine.
18
Anumayamoa Alu Aotage Avamuamona nagaite hutegeno nagaiene emainegena mukia
yamaa omale veamogamina agaia kanale ke hamapaisuafeene kina humainaya
veane kalu hematesuafeene amaulaga asu humainaya veane aligali humatesuafeene
amakaiami amaugafahe tusia kalagi aiya mai haviya humainaya veane amaugafa
aligatisuafeene Anumaya Kotia tokiyaa namiteno hunategena emainoe.
19
Nagaya
menia ma kanafina Anumayamoa tamakaife kalagi ailamatesia kanaa ago efalote
humaine huna tamahapaisuafe nagaila hunategena emainoe. huno hamapaiye.
20
Huteno avona alino ailileteno kava kanoa amiteno mopale mainegeya mukia mono
nopi mainaya veamoya Yisasi aulagafi aulu heya mainae.
21
Mainageno aepa heno mage
huno hie Menia ma ma kaemalenea kea tamakai tamakesale ago egetama havigeno ago
efalote huno tamage hie. huno hie.
22
Higeya mukia veamoya Tamage hane. huya avayafitima hia ke haviteya muse haya
kehe amakesa havi havi huya mage hae Mamona Yosefe nafanefi? huya hae.
23
Hageno
Yisasia amakaife mage huno hie Tamage, tamakaya ma ma haya kea nagaife mage hugahae
Tota kanomoga kagaika kaugafa hagoteka ali hilato hugeta agamano. Kapaneamu kumate
Naa maa kava hie. hageta havimainona yana male kagaika kumate hugeta agamano.
hutama hugahae.
24
Tamagelafa huna tamahanepauve nagola Anumaya Koti ke hamanepaiya kanomoa
agaia vayaamogami amunopi mainegeya veaamoya Ala kanomo kegi havigetao. huya
ohugahae.
25-26
Nagaya tamage huna tamahanepauve nayona Ilaiyama mainea kanafina tagufa
(3) kafugi sikisia (6) ikanagi huno kola oaigeya ani Isaleli kotega mainaya veamoya tusia
amakateno kaveamia omalene. Ani kanafina mukia megusa aneyaga Isaleli kotega
mainayanagi Anumaya Kotia agaia aune kanomona, Ilaiyana, ani megusa anele hu oatenegi
nago Salefati kumate mainea megusa amote hutegeno umaine. Ani kumala Saitoni kotega
hane.
27
Nayona Ilaisama mainea kanafina mukia fugitaya amakemainea veala Isaleli kotega
mainayanagi ani veanefitila nagoa veala kanale hu oamatenegi alulega mainea kanoa,
Nemanie, Silia mainea kanomona agaiage fugitayama agemainea yana kanale huteneane.
huno hie.
28
Higeya ani kea haviteya mukia mono nopi mainaya vayamoya tusiya huya ke vaiya
hamai vaitenae.
29
Hamai vaiteteya hetiya Yisasina atafa huya kumapiti avayu huya avaleya
ani kumama kimalenaya agoyale haiteya ani agoyafiti aye lakatiya hagayu hutalegahe
humainae.
30
Hayanagi Yisasia mukia veane mainaya amunopiti afaa amataleno ago alu
kotega umaine.
Yisasia Kefo Avamula nago kanomo agusafiti anatitalene.
31
Yisasia nagola Kalili hanea kumate Kapaneamu taviteno Sapati yupa Anumaya Koti
ke hamapaimaine.
32
Hamapaigeya agai kemoa tokiya yamaa hanea kanomo ke kana hia yafe
tusia amamayo aimainae.
33
Anile nago kanoa Kefo Avamumoa aguafi mainea kanoa mono nopi maineno
Avovo. huno alakenake humaine.
34
Mage huno hie Avo Yisasiga Nasaleti nafanemoga
na ya hulategane? Tagaila tahaeka falilategahe emainano? Nagaya kagaila ago kagemainoe
kagaya kanale alu aotage kanoa Anumaya Kotia hugatenea kano mainane. huno hie.
35
Higeno Yisasia Kefo Avamufe tokiyaage ke huno mage hie Ke ohuka afaa maiyo.
Mani kanoa ataleka agusafinagatila hatilavio. huno higeno ani Kefo Avamumoa mukia
veane mainaya amunopi ani kanomona mopafi ayelakatino agoya fai neateno agusafitila
hatilavino vianagi ani kanomona ali haviya hu oatene.
36
Hatilavigeya mukia veamoya tusi
amamayo aigeya huge havige huya mage hae Naane ke hie? Tusi tokiyaaleti tokiyaage ke
higeya Kefo Avamuyagamoya agai ke hipoya huya hatilavie. huya hae.
37
Hageno Yisasima
hia kavamo avagemoa mukia ani kumayagalega ute ete higeya mukia veamoya havimainae.
Yisasia Pitana aamona itaamo alekanoa alino kanale hutene.
38-39
Yisasia hetino mono nona ataleno Saimonina nomaafinaga umainegeno Saimonina
aamona itaamo alekanoa tusia amukonako kali alino mainegeya Yisasife Melika kanale
huto. huya havigageno avate uno ani kaliahe ke amakigeno ani kaliamoa ataleno vigeno
aupaa ani alekanomoa hetino kavela amine.
Yisasia mukia kali nealiya veala alino kanale humatene.
40
Ani unena yagemoa tavi falegahe higeya mukia ani kumate veamoya vayaamima alu
kali alu kali alimainaya veala amavaleya Yisasite ageno mukia nagoke nagokemogamina
amaugafale aya maleno kaliamia alino kanale humatene.
41
Alino kanale humatetegeya nagoa veala amakusafiti Kefo Avamumoya amataleya
neuya ala kefiti mage huya hae Kagaya Anumaya Kotina neamoga mainane. huya hageno
Yisasia ke neamamakigeya agaife Anumaya Kotia Amaugafa aligatigahie huno hutenea
kanoa ma maine. huya havilinayafe Yisasia Nagoene osi kea ohiho. huno hamapaimaine.
Yisasia nagoa kumate vaiyemaine.
42
Natena tani ko tigeno Yisasia amataleno veane omai kotega umainegeya mukia
veamoya agaifena atiyeya ayeya agaite uvayi huya mage huya hae Tataleka ouka tagaiene
maisane. huya hae.
43
Hayanagi Yisasia mage huno hamapaiye Nagaila Anumaya Kotia
kava yagaisia kanale kea alu kumate kumate ute ete huna hamapaigahue. Anumaya Kotia ani
aliyatefe hunategena emainoe. huno hie.
44
Yisasia mukia Yutia kumayagalega ute ete huno
mono nopi Anumaya Koti kea hamapaimaine.
Luku Luku
<<
44
>>
Luku Luku
<<
55
>>
5
Yisasi ke higeno Pitaa kasagoya noyame alimaine.
1
Nago yupa Yisasia Kenesaleti tikotumo agegayalega hetimainegeya mukia veamoya
Anumaya Koti ke havigahe meligovegave hutenae.
2
Hutageno Yisasia ageana tole tipi kale ti
agegayalega avayu huya maleteya noyame kuyama nehaya vayala ani tipi kalea ataleya
kukonago sese humainae.
3
Sese nehageno Yisasia Saimoni tipi kalefi haisaga humaino maineno mage hie
Saimoniga ti agegaya neataleka osia tipi vuo. huno hapaiteno ani tipi kalefi haino mopale
maineno mukia alitalu humainaya veamogamina kea hamapaiye.
4
Hamapaiteno Saimonife mage hie Tipi kalekaa ti amunopi ayetufeka kotumona
augelifi kukonagokaa ataleka noyame kuya huo. huno hie.
5
Higeno Pitaa Yisasife mage
huno hapaiye Ala kanomogae tagaya kegela noyame kuya huge hugetonana noyamea
oalunageno ko timaine. Oalinonagi kagayama hana kemo akave malena kukonagona
malegahue. huno hie.
6-7
Ani kukonagona tipi maleana kasagoya noyame hai falegeno kukonagomoa kanaage
huno atalaga hisia kava higeya nago tipi kalefi mainaya vaya amakaiene tokaeya aliya nealiya
vayafe amayateti avamename huya Etama taya hiho. huya hageya emainae. Eteya ani tole
lipi kalelatapina noyamea aliya male havatageno kanaage huno hapanesia kava humaine.
8
Saimoni Pitaa ani yana ageteno Yisasina aiyafi aleya ayemaineno mage hie
Anumayamogae nagaya kefo kava nehua kano mainogi nagaila nataleka vuo. huno hie.
9
Saimoniene agaiaene mainaya vayamogamina noyamemoma havateno hiya hia yafena tusia
amamayo aimainae.
10
Saimoniene aliya nealia kanolatana, Sepeti nafanelatane, Yemesiene Yoniene ania
huana tusia anamayo aiageno Yisasia Saimonife mage hie Menia kolia ohuo. Noyame
kuyama hana avamete Anumaya Kotia agola maisaya hamaimula amamigahe veane kuya
hugane. huno hie.
11
Higeya tipi kalea aliya kahaepatega nemaleya mukia yayaga neataleya
Yisasina akave umainae.
12
Nagi nago yupa Yisasia nago ala kumate mainegeno nago fugitayamo augafa alino
hayagino atalako humainea kanoa maineno Yisasina ageteno agaitega eno mopafi agoya
ayemaineno mage huno havige Anumayamoga kahaisigekahena nagaila ago alika hilato
hunatateasine. huno humaine.
13
Higeno Yisasia ayana hayo huno augafale avate hulineno
mage huno hie Nagaya nahaigena kaugafamoa menia kanale hino huna nehue. huno
higeno anile aupaa kalia hano hutene.
14
Yisasia mage huno hapaiye Ali hilato hugatoa yafena nago kanoa haopaika mono
nopi kava kanomote uka mukia veala kalikaama kanale hugatoa kema havinuyahena mono
nopi kava kanomoa kaugafa kamota huno kagetesigeka kaugafama ali hilato hugatoa yafena
Mosesema Ma yama Anumaya Kotina amio. huno humainea yana Anumaya Kotitega
atalo. huno tokiyaage ke hapaiye.
15
Hapaiyanagi kalima alino kanale hutea kemoa ute ete higeya kasagoya veamoya
haviteya Agai ke havita kalitia alino kanale hulatesie. huya emainae.
16
Emainayanagi
Yisasia ani veala neamataleno veane omai kotega umaineno Anumayamotega ke huno
havige havige huno maine.
Yisasia aiya aya avayu hulavimainea kanoa alino kanale hutene.
17
Nagi nago yupa Yisasia humaveli hamaveli nehigeya mukia Falasia vayaene kahegi
kemo aepaama havilinaya anagaene Yelusalemutiene mukia Kalili kumayagaletiene Yutia
kumayagaletiene eya avate mopale maineya havimainageno kali veane kanale humatesia
tokiyaa Anumayamoa amigeno Yisasipi hane.
18-19
Anile nagoa vayamoya nago kanomona aiya aya falimainea kanoa hagifanale faeno
mainegeya avaleya Yisasi avate motegahune. huya hayanagi kasagoya veamoya hiya
humainaya yafe kana omalegeya amega nogatofule haiteya hanae yosa alisaga humaleneya
ani hagifanale faeno mainea kali kanoa mukia veamogami amunopi atalageno Yisasi avate
tavimaine.
20
Tavigeno Yisasia Ma vayamoya ago nagaife haviya amakupi maleya amametiti
nehae. agesa haviteno kali kanohe mage huno hie Nenafuga kahanepauve nagaya ago
aigekatena kefo yakaa atale negatoe. huno hapaiye.
21
Higeya kahegi kemo havilinaya
anagaene Falasia vayaene haviteya amakaiami amakuafiti mage huya hae Mani kanoa
Anumaya Kotife huhaviya hutea kanoa tae? Nagoa vayamoya aigetateya kefo yatia atale
otategahayanagi Anumaya Kotia agaiage aigetateno kefo yatia atalelatesia kano maine. huya
hae.
22
Hageno Yisasia amakupi haya kea ago nehavino mage huno hie Naa higetama mani
kea tamaku tamakesafinaga nehae?
23
Nagayama hutena hisua kea hana kemo kanaage
humaine? Aigekatena kefo yakaa atalenegatoe. huna hisua kemopi? Kali kanomofe Hetika
ka vuo. huna hisua kemoe?
24
Nagayama ikapinagati emainoa kanoa vayamo natenea kanomona ma mopale
mainena aigetamatena kefo yatamia atalelamatesua tokiyania hane hutama havisaya yafe
nago kava huna tamaveligahue. huno kalima nealia kanomofe mage huno hie Hetika
hagifanaka nealika nokalega vuo. huno humaine.
25
Higeno ani kalima nealia kanomoa
aupaa mukia veamogami amaulagafi hetino faeno nemaiya hagifanaa nealino Anumaya Koti
agia alisaga hume hume nomaalega umaine.
26
Na kava higeya mukia alitalu humainaya
veamoya ageteya tusi amamayo aigeya Anumaya Koti agia alisaga nehuya mage huya hae
Meni kanalela alua ya neagone. huya humainae.
27
Anile neamataleno vilegati nago kanoa agia Livaie musufa huno vaya amaugafaleti
takisi mone aliliteno nehia kanoa opisi nomaale mopale mainegeno Yisasia ani kanoa
mogeteno mage huno hie Kagaya nakave eno. huno hie.
28
Higeno Livaia hetino mukia
yamaa neataleno Yisasina akave umaine.
29
Livaia nomaafina tusia kave Yisasina kaetegeya mukia musufa huya amaugafaleti
takisi mone nealiya vayaene nagoa vayaene ani nopi Yisasiene tokaeya maineya kavela
nemainae.
30
Nemainageya Falasia anagaene kahegi kemo havilinaya anagaene Yisasienema
tokaeya nemaiya anagahe kalugalu ke nehatageya mage huya nehae Naa higetama tamakaya
amaugafaleti takisi monema nealiya vayaene kefo yama nehaya vayaenena kavela maitama
nenae? huya hamavigae.
31
Hageno Yisasia kenonaamia mage huno hamapaiye Kalima noaliya veanea tota
kanomotega ougahagi kali veamoyage tota kanomotega ugahae.
32
Fatago veane mainone.
huya nehaya veanehena ke hugahe omenogi nagaya kefo yama nehaya veanehe Tamakua
aiyahae hiho. huna hamapaigahe emainoe. huno hamapaiye.
Yisasia kavema monesiya auava yafe humaine.
33
Vayamoya mage huya nehae Yonienema tokaeya nemaiya vayaene Falasia vayaene
mukia kanalela kavela mosiya Anumayamotega havige havige huya nemaiyanagi kagaienema
tokaeya nemaiya anagamoya mukia kaveene tiene nege nege nehae. huya hae.
34-35
Hageno Yisasia mage huno hie Nago kanoa aama faiya esakenoa avaya hesia imu
kisia yupa vayaamoyaene tokaeya mainesigeya ani vayayaga kavela mosisafio? Aao
moosigahayanagiya haenagaa alu kana falote hisigenoa kame vayamoya ama alisia kanoa
atafa huya amakaipiti avaletalesageya ani kanale mainesaya vayaamoya hamau huteteya
mosigahae. huno humaine.
36
Yisasia nago avame kea mage huno hamapaimaine Nago kanomoa haegafa kena
alino laga huteno atafa kenalela maleno ohatigahie. Maleno hatisiana haegafa kena laga huno
ali haviya hugahie. Haegafa kenamoa atafa kenalela nagoke avamete ohune.
37
Nago kanomoa haegafa nofi alagamo timaa atafa mememo augafa ti keayopina
takino ovaigahie. Takino vaisiana timaamoa kanuka hesigeno ti kena falo huno
takilavinageno ti kena ali haviya hugahie.
38
Naa hugahiafe haegafa nofi alagamo timaa hefino
haegafa meme augafamo ti keayopi takino vaimaleno.
39
Kanuka hemainea nofi alagamo
timaa nemainaya veanemoya haegafa nofi alagamo timaahena ohamaigeya mage huya hae
Kanuka hemainea nofi alagamo timaahena nelahaiye. huya humainae. huno hie.
Luku Luku
<<
55
>>
Luku Luku
<<
66
>>
6
Yisasia Sapati kanalema aliya nealiya yafema kahegi malenaya yafe humaine.
1
Nago Sapati kanale Yisasiene agaiaene tokaeya nemaiya anagaaene nago atili hoya
amunopi neuya anagaamoya nago atilia kaleya atafaiya nae.
2
Nenageya nagoa Falasia vayala
anile mainaleti ageteya mage huya hae Sapati kanama katilemalenaya yana naa higetama ani
kavala nehae? huya hae.
3
Hageno Yisasia mage huno hie Tamakaya Tevitiene avagi huya
umainaya vayaene amakatemainaya yafena hapalitama ohavinafio?
4
Amakategeno Tevitia
Anumaya Koti nopi hai faleno ageana Afa vayamoya onesageya mono nopi kava
vayamoya amakaiamige negahae. huya katilemalenaya maya Anumaya Koti aulagale
malenaya kaihame alino neneno avagi huya emainaya vayala amamine. Tamakaya ani kea
hapalitama ohavinafio? huno hie.
5
Yisasia mage huno hie Nagaya ikapinagati emainoa
kanoa vayamo natenea kanomona Sapati kana kava yagaimainoe. huno hie.
Sapati kanale Yisasia aya avayu humainea kanomona alino kanale hutene.
6
Nago Sapati yupa Yisasia mono nopi haino mono ke hamanepaigeno nago kanoa
tamaga aya avayu hulavimainea kanoa anile maine.
7
Mainegeya nagoa kahegi kema
havilinaya anagaene Falasia vayaene Yisasia havi kavama hisiafene huya ati neayeya
Yisasia Sapati kanale ani kali kanoa alino kanale hutesifi huotesifi? huya Yisasina amata
huya mainae.
8
Mainageno Yisasia ani vayamoyama haviya amaku amakesa ago haviteno
ayama avayu hulavimainea kanomofe mage huno hapaiye Hetika vayamogami amunoamifi
me hetio. huno higeno hetino anile me hetimaine.
9
Me hetimainegeno Yisasia amata huya
maiya vayafe mage huno hie Tamahavinegoe Sapati yupahe mono kemoa naane ke nehie?
Sapati yupa veane ali hilato humatesifi alino haviya humategahie ifi Sapati yupa veanea
amavaleno avina me mategahafi ifi veala tavata hamaegahie? huno hamavige.
10
Hamavigeteno mukia vayamogami amaulagafi ageno ute ete nehuno kali kanomofe
mage huno hapaiye Kayana aipi huo. higeno aipi hiana ayamoa ago kanale hute.
11
Hutegeya amata huya maiya vayamoya tusiya huya amaipa kafa heteteya Yisasina na
kava hutesune. huya humainae.
Yisasia agaiene tokaeya maisaya anagala tuelufua (12) hapalimatene.
12
Nago yupa Yisasia Nefatega nunamu huno havigegahe agoyafi haino ani kegela
Anumaya Kotitega ke huno havige havige nehigeno kola ali halemaine.
13
Kola alino
halegeno agaienema tokaeya nemaiya anagaamofe ke higeya ageno ani anagapiti tuelufua
(12) anaga hapalimateteno Nagai kema nehavigena hunelamatoa anagala Aposolo anaga
maiho. huna hapalinelamatoe.
14-15
Anima agaiene tokaeya nemaiya anagaamogami amakia
Saimonie kanomo agia Yisasia Pitae huno malene. Pitana aganaamoa Etalue, Yemesie Yonie
Filipie Patolomayue Matiue, Tomasie, Yemesia Alafiusi nafane Saimonina hamoamoe nago
agia Selotie.
16
Yutasia Yemesi nafane, Yutasi Isakaliotia haenaga ani kanomoa Yisasina
agesi huno kame hutesia kanoe.
Yisasia kasagoya veane alino kanale humatene.
17-18
Yisasia agaienema tokaeya nemaiya anagaaene tavino otufi hetimainegeya nagoa
kasagoya agai kema nehaviya veanea Yutiatiene Yelusalemutiene hage limo agegayalega tole
kumatalana Taiyaene Saitonitiene kasagoya vea elitalu huya agai kea nehaviya Kalitia alino
kanale hulatesie. huya emainageno Yisasia Kefo Avamuyaga veamogami amakupiti amanati
neataleno alino kanale humatene.
19
Tokiyaamoa efalote higeno mukia veanea alino kanale
humategeya mukia veamoya ageteya augafale avate hugahe hae.
Yisasia Afenoyaami omale veanehe muse hugahae. huno humaine.
20
Yisasia agesaga huno agaiene tokaeya nemaiya anagaamogamina neamakeno mage
huno hie Mukia yatamima omalenaya veanemogatama Anumaya Kotia tamakaila kava
yagai nelamatea yafe musena hiho.
21
Tamakaila menia tamakama nelea veamogatama
haenagaa nesageno tamamu hisiafe musena hiho. Menia tamakaya avi neataya
veanemogatama haenagaa kigi hisayafe musena hiho.
22
Ikapinagati emainoa kanoa vayamo
natenea nafanemonima nakave nemalayafe veanemoya amaipa kafa helamateya Aluale
maiho. hulamateya kamuge vailamateya Otahaiya kagi hane. huya hisagetamahena
tamakaya ani kanafina afaa muse hutama maiho.
23
Aniama hulamatenaya veanemogamina
amakinagomoya nayona Anumaya Koti amaune vayamogamina ania huya humatenayane.
Aniama hisaya kanafina haenagaa ikapinaga umainetama anonaa kasagoya ya alisayafe
tamaipa kanale hutama muse hiho.
24
Avonio mukia yatamima hanea veanemogatama tamakaya kaye ho. Tamaipa kanale
hisia yana hai ali mainae.
25
Avonio tamakaya menia mukia yama nelamamuma nehaya
veamogatama tamakaya kaye ho. Haenagaa tusia lamakategahie. Avonio menia kigima
hutama nemaiya veanemogatama kaye ho. Haenagaa tamahau nelagitama avia ategahae.
26
Avonio veamoya Ala vaya mainae. huya tamaki alisaga nehisaya anagala kaye ho.
Aniama humainaya veanemogamina amakinagomoya nayona ania huya havigeage amaune
vayamogami amaki alisaga humainayane.
Kame veanetamihe tamahaino.
27
Nagai kema havisaya veamogatama Kame veanetamimofena tamahau
tamayamopafi tamahaino. Amaipa kafama henelamataya veanemogamina kanale kava
humateho.
28
Anumaya Kotia ali haviya hugatesie. huya nehaya veamogamife Kanale ya
amamio. huka Anumayamotega ke huka havigo. Hu haviya hunegatesaya
veanemogamifena Amaya huo. huka Anumayamotega havigo.
29
Nago kanomoma
kagalamesalema kaikolisigekahena Nago kaiyaga nagalamesaleene naikolio. hisanageno
kaikolisie. Nago kanomoma ala yasi siotakama musufama alisigekahena nago siotakaa afaa
kaufila ohuo.
30
Nago kanomoma Nago yakahema namio. hisigekahena afaa hagayu huka
amio. Kagai yama alimainesia kanomofena Eteka namio. huka tokiya kea hu oato.
31
Veaneyagahe Ma kava hulatesae. hutama hisaya kavala ani kavakeya alu veanea
humateho.
32
Veamoya hamau amayamopafi tamakaifena nehamainagetamahena tamakaya ania
hutama amakaifena tamahaisia yana afa yanagi anonaa oaligahae. Kefo yama nehaya
veanemoya ania huya amahau amayamopafima amahaiya veafena nehamaiye.
33
Kanale
kavama hulamataya veanemogamina ania hutama kanale ya humatesayana ani yana afa
yanagitama anonaa oaligahae. Kefo yama nehaya veanemoya ania kavala nehae.
34
Eteno
namigahie. hutama hutetama amisaya veala yoka amisayana afa yanagitama anonaa
oaligahae. Kefo yama nehaya veamoya nagoke augafa ya alisayafe kefo yama nehaya
veaneamimona yoka neamamiye.
35
Anumaya Kotia kefo veanemoyaene agaifena musema
nohaya veanemogamifeene kayone huneamatea yafe tamakaya ani kava hutama kame
veanetamihena tamahau tamayamopafi nelamahaisigetama kanale kavakeya humateho.
Anonaa nago yana oaligahune. hutama hamaisia yana amamiho. Naama hisayana haenagaa
Anumaya Kotia kasagoya anonaa tamamisigetama ala Anumaya Koti kana hutama
nafaneyagaa maigahae.
36
Nelamafama hauma huneamatea kavala ania hutama tamahauna
humateho.
Nago kanomo no mai yamaa fako hu oateho.
37
Nelamafufena Naa maa hana kano mainane. hu oateho. Aniama ohisagenoa
Anumaya Kotia tamakaifena Havi kava haya veane mainae. huno hu otamategahie.
Nelamafugamina kaiyekema hu oamatesayana Anumaya Kotia tamakaila kaiyekea hu
otamategahie. Haviya hulamatenesia kanomona aigeatetama kefo yamaa ataleteho. Ania
hisagenoa Anumaya Kotia kefo yatamia aigetamateno atalelamategahie.
38
Nelamafugamima
amamisaya kavala Anumaya Kotia ania huno lamamigahie. Tamakaila kutamifina aye talako
huno havatesia kava huno ku ailamategahie. Ma mopalema nelamafugamima humatesaya
kavala Anumaya Kotia tamakaila ani kava hulamategahie. huno humaine.
39
Nago avame kea mage huno hie Nagoma aulaga asu humainesia kanomoa nago
aulaga asu humainesia nefaluna avaleno kanale vaiyesaafi? Aao avalenoma vaiyesiana
tolemogania komufi asaga hulavigae.
40
Nago sugulufi mainesia nafanemoa huveli
kanoamona oagaseneanagino mukia huvenelia yamaa havilama hulineno huvelimainea kano
kana huno maigahie
41
Tagaya tagaiti taguafima hanea yana ageteta alu veanehena Havi veane mainae.
huta hisuna yafe Yisasia mage huno hie Naa higeka negafu aulagafina osia havi yana
hanegeka neagananagi kagaikaa kaulagafina nagola muki yosalapagefa hanegeka Omale.
huka nehane?
42
Naa higeka negafufena Kaulagafitila havi yana alitalegahue. huka hananagi
kagaika kaulagafina nagola muki yosalapagefa hanegeka Omalene. huka nehane?
Kaguafinaga hanea yana agelama ohuneka kavayaleti havige huka vagala kano maineka
kagaikaa kaulagafitila muki yosalapagefa alitaleteka negafu aulagafina kanale neageka osia
havi yana alitalegane. huno hie.
Havi yosamoa havi yosa alaga neaye.
43
Kanale yosamoa havi yosalaga noayegi havi yosamoa kanale yosalaga noaye.
44
Noayegi veamoya yosalaga ageteya kanale yosalaga hanesigeyahena Kanale yosa hane.
huya hugahae. Avetanafa yosaletila kaimona hataga ohugahae. Avetanafa nofitetila fulutu
alaga avayu huya notagiye.
45
Fatago huya mainaya veamoya kanale amaku amakesa
havilineya kanale kavala nehayanagi kefo ya nehaya veamoya havi amaku amakesa
havilineya havi kavakeya nehae. Veamoya amaku amakesafinaga havateteno aivalilavimainea
kea amavayafiti hu falote nehae.
Noma kiyamo aepamoa tole ya hane.
46
Nagaifena afa kava nehune hutama Anumayatimogae, Anumayatimogae. hutama
nehayanagi tamahapauva kea ali hipoya nohae.
47
Nagoa veamoya nagaite neeya nagai ke
havige havige huya ali hipoya nehaya veamogamina maa augafa veane mainae huna
tamaveligahue.
48
Nago kanomoa noma kigahena ayaaya komu kafiteno yafana anifinaga
maleteno u posia ani komufinaga yafa agotofule maleteno aye talako huno nona kimalegeno
timoa tusia li hogino ani note eanagi tokiyaage no kimaleneafe anima hogino ea timoa alino
lagape aioatalene.
49
Ali lagape aioatalenegi nagoa veamoya nagai ke haviteya ali hipoya nohaya veamoya
maa veane mainae. Nago kanomoa noma kiana amega komu kafiteno fulu fulu posi ayeno
nona kimalenegeno timoa hogino ani note eana aupaa ani nomaa ali lagape aino mopafi
atalegeno tusiya huno haviya hulavimaine.
Luku Luku
<<
66
>>
Luku Luku
<<
77
>>
7
Yisasia ati vayate kava humainea kanomo aliya kanoa alino kanale hutene.
1
Yisasia mukia humainea kea veala hamapaigeya havitageno Kapaneamu umaine.
2
Nago Lomu ati vayate kava humainea kanomoa agaia aliya kanoa tusiya huno nehaiya
kanoagino tusia kali alino ago faligahe hie.
3
Faligahe nehigeno ati vayate kava humainea
kanomoa Yisasi avagea haviteno nagoa Yuta vayate ala vayamoya humateno mage humaine
Nagayama hua kea Yisasina havigeho Musekaa nehugi kanale eka aliya kanonia ali kanale
huto huno hie. hutama havigeho. huno hie.
4-5
Nage higeya neuya Yisasite uvayi huya tutu
huya mage hae Ani kava kanomoa tagaiti Yuta vayamogatife aluya huno nehaigeno mono
notia kilatene. Ani yafe kanale kano mainegi afaa hamaisanana katesia kava hugane. huya
hae.
6-7
Yisasia amakaiene tokaeno viaamo nomaale uvayi hugahe nehageno Lomu ati vayate
kava humainea kanomoa vayaamogamife Mage hutama hiho. huno humategeya Yisasite
eya mage huya mehae Mage hie Anumayamoga kasalo kahaesigekahena atalo. Nagaya
kanale ohunoa kanomoni noniafi esanana okategahie huna ani yafe kagaitega ounogi afaa
menia aliya kanonimona kaliahena kea hutesanageno kanale hutesie huna nehue.
8
Nagaya
kava kano mainoe. Nakaima kava yagainatenea kanoa anale nagaseno maineanagi nagaya
ania huna nagoa ati vayatela kava huna mainoe. Nago kanomofe Vuoma. hugenoa umaine.
Enoma. hugenoa emaine. Aliya kanonihe Naa huo. hugenoa ania humaine. huno hie.
huya hapaimainae.
9
Hapaigeno Yisasia ani kea haviteno agesagumoa tusiya huteno
kasagoya akavema umainaya veamogamifena mage huno hie Tamahanepauve ma kanomoa
tusiya huno nagaifena havino agupi maleno ametiti humaine. Ma kanomoma hia ya huya
nagaifema haviya amakupi maleya ametiti humainaya veala mukia Yuta veane mainaya
kumatela oagenoe. huno hie.
10
Higeya humatenea vayamoya notega eteya uya mogayana
ani aliya kanoa ago kanale huno mainegeya mo gemainae.
Yisasia nagola Neni kumate neyana falimainefiti ali hetitene.
11
Yisasia osi kanaa maiteno agaiene tokaeya nemaiya anagaaene mukia veanene Neni
kumate umainae.
12
Ani kumala kegiya humalenaya fiate nevageya nagola falimainea kanoa
aliya hevaitegahe emainae. Anima falimainea neyamona itaamoa aiya nagoke nafaneagino
itaamoa megusa alagiya ani yafe mukia ani kumate veamoya ani amo akave umainae.
13
Nevageno Anumayamoa ani amona ageteno tusia hau huteteno mage huno hapaiye
Kagaya kahauma huka avima atana yana hano huka afaa maiyo. huno hapaiye.
14
Hapaiteno alilinaya hagifanale motafa hulineno hagifanama aliya aya vayala anile
hetimainageno Yisasia mage hie Ma neyamoga hetio huna nagaya kahanepauve. huno hie.
15
Higeno anima falimainea neyamoa hetino kaiyekea aepa henoma nehiana Yisasia avaleno
itaamona amine.
16
Amigeya mukia veanemoya tusia amamayo aiteya Anumaya Koti agia
alisaga nehuya mage hae Anumaya Koti ala aune kanoa tagai amunopina ago emaine.
Anumaya Kotia mukia veaa amaugafa aligatigahe emaine. huya humainae.
17
Yisasia aniama
hia avagemoa mukia Yutia kotegaene alu kotegaene ute ete humaine.
Yonia tole kanolatana Yisasitega hunatene.
18
Yoni kema nehaviya vayamoya Yisasi avagea Yonina hapaimainae.
19
Hapaigeno
Yonia agaiene tokaeya nemaiya anagapiti tole kanolafe ke higeana agaite aageno
Anumayamotega hunateno Mage hutana havigeo. huno hanapaiye Kagaya egahiema
humainaya kano emainapi alu kanohe agava maisune? hutana havigeo. huno hie.
20
Higeana
ani tole kanolatana Yisasitega eana mage huana hae Yonia tima fale neamatea kanomo
hulaategetaa kagaitega neoe. Mage hutana havigeo huno taahapaiye Kagaya egahie huya
humainaya kano mainapi alu kanohe agava maisune. huno hie. huana hae.
21
Ani kanafina
Yisasia mukia alu kali alu kali alimainaya veanene Kefo Avamula amakusafinaga mainea
veanene ali hilato humatene. Amaulaga asu humai veanea amaulaga agesaya ya humatene.
22
Anakaifena kenonaania mage huno hie Tanakaya utana agaa yaene havia yaene Yonina
hapaio. Amaulaga asu humainea veamoya amaulaga neagae. Amaiya haviya humainea
veamogami amaiyamoa kanale humate. Fugitaya amakemainea veala kanale humate.
Amakesa tilemainea veala eteya nehaviye. Falimainaya veala hetiya mainae. Afenoami
omalenea veala Anumaya Kotina kanale kea nehaviye hutana hapaio.
23
Nagai kehema tole
amakesa ohavisaya veamoya kanaleya huya maigahae. huno humaine.
Yonife Ala kano maine. huno humaine.
24
Yonima hunategeana emainaa kanolatana utaageno Yisasia anile mainaya
veamogamina Yonife mage huno hamavige Tamakaya kame kotega utama na ya agegahe
nevae? Nago vemoa hopa kana huno yasimoa ali fagagi mainea kanomona agegahe nevafio?
25
Ifi na ya agegahe nevae? Kanale kena failinesia kanoa kame kotega agegahe nevafio? Aao
kanale kena failinesaya vayala kanale kave nege nege nehaya vayala kame kotega omainagi
ala kanomona kanale nomaafi maigahae.
26
Na ya agegahe nevae? Anumaya Koti aune kano
agegahe nevafio? Tamage tamahapauve mukia Anumaya Koti aune vayamogamina
amakasemainea kanoa Yoni maine.
27
Yonife nayona Anumaya Koti autamafina mage huya
kaemalenayane
Haviho nagaya Anumaya Kotina aliya kanonimona hagotena hutogeno uhagotegateno
visana kana valino ali hilato hugategahie. huno kaemaleneane.
28
Tamahapauve
Yonia mukia ma mopale atenaya vayamogamina ago amakasemaineanagino
nagoa afa veamoya Anumaya Kotife Kava yagailato. huya humainaya veala
Yonina ago agasemainae.
29-30
Kasagoya veala musufaya nehuya vaya
amaugafaleti takisi nealiya vayaene Yoni humainea kaiyekea haviteya E,
Anumaya Kotia Naa maa huo. huno humainea kea fatago ke huno hie.
hutageno Yonia tina falemateanagi Falasia vayaene kahegi kema havilinaya
anagaene Anumaya Kotima Naa maa hiho. humainea kehe tagaifena ohune.
Yonima falematea tina ofalegahune. huya amakaveno hutenae.
31
Meni kanafima mainaya veamogatamahena hana augafa veane mainae huna
tamahapaisue?
32
Ma ma hisua augafa nafaneyagamoya mainaya kava hutama mainae. Ani
nafaneyagamoya veane alitalu huya mainalega maineya alu nafaneyagahena ke huya mage
huya hae Yaveya aikolunana tamakaya amoa noayae. Tagaya tahau hisuna yagame
nehunana tamakaya avia noatae. huya hae.
33
Yonia ti fale neamatea kanomoa kaveene
haviliene mosino emainegetama tamakaya Satani Avamula aguafina maine. hutama nehae.
34
Hayanagi ikapinagati emainoa kanoa vayamo natenea nafanemona tina kavela nenogetama
nagaifena Kaveene tiene neno hano hugeno omai kano maineno musufaya nehaya vayaene
amaugafaleti takisi nealiya vayaene kefo yama nehaya vayaene vayaamoya mainae. hutama
nehae.
35
Hayanagi Anumaya Kotina kanale agu agesama hanea kavala akavema nevaya
veamoya Fatago kava nehie. huya nehae. huno hie.
Nago amoa Yisasina aiyale masavena faletene.
36
Nagola Falasia kanoa Saimonie Yisasife Nagaiene kavela meno. huno higeno
Yisasia kave mo negahe Falasia kanomo nopi haino mopale maine.
37
Haino mainegeno
nagola kumai aala ani kumate nemaiyanagino Yisasima Falasia kanomo nopiti kave negahe
umaine. huya haya kea haviteno manaage masavena havatemai yafa keayo alilino emaine.
Ani keayoma talo hia yafamo agia alapasatae.
38
Yisasi akavelega aiyafi umaineno Yisasife
Ala kano mainane. nehuno aiyafi ape huno avi neategeno aunumoa takilavino Yisasi aiyale
tavigeno agaia ayolagefaleti aye hamino alisoso hu neateno aiyale atako nehuno manaage
masaveteti faletene.
39
Fale neategeno kema humainea Falasia kanomoa ani amoma hia kavala ageteno
agesafinaga mage huno havie Ma kanomoa Anumaya Koti aune kanoma maineleasina
aiyalema alisoso hutea amofena ago havileasine. Ani amoa tusia kefo yamaage nehia a
maine. huno nehavie.
40
Agesafinaga ani kea nehavigeno Yisasia agaife mage huno hie
Saimonigae nago kea kahapaisue. huno higeno Hulavenelina kanomogae nahapaigena
havino. huno hie.
41
Higeno Yisasia mage huno hie Nagola monea hanea kanomote tole
kanolatamogania uana nagomoa Vani hataleti kina (K100) namigena alino. higeno
nagomoa teni kina (K10) namigena alino. Alitetaa anonaa haenaga megamiano huana
haageno anamigeana aliana umainae.
42
Uteana haenagaa anonaama amisaa monea kosa
ohegeana oamiageno Kanalelagi onamitana ataleo. huno humaine. Ani kema humainea
yafena ani tole kanolatalapitila hana kanomo monema aminea kanohena tusia musena huno
hau ayamopafina haugahie? huno havige.
43
Saimonia mage hie Nagesa havuana ala monema alimainea kanohe atalo hunoma
hutea kanomoa tusia muse huno hau ayamopafi haugahie. huno higeno Yisasia mage huno
hie Tamage hane. huno humaine.
44
Ani kea huteno maiyahae huno ani amona agemaineno
Saimonina mage huno hapaiye Kagaya mani amona ago. Nagaya kagai nopi ogeka naiya
sese huonatanageno ma amoa agaia aunuleti naiya sese hunateteno agaia ayolagefaleti ali hau
hunenate.
45
Kagai nopi ogeka nagaila naugafalela alisoso hu onatenanagi ma amoa naiyalela
eno aluya huno alisoso hunenate.
46
Kagaya afa masavetetila nanupina fale onatenanagi mani
amoa manaage masaveteti naiyalela falenatene.
47
Ani yafe kahanepauve mani amoa kefo
yamaamoa kasago humainegeno Anumaya Kotia ago aigeateno ataletea yafe tusiya huno
hau ayamopafi haumaineanagino osi kefo yamaama hanea kanomona Anumaya Kotia ani
kefo yamaa aigeateno ataletesiana osia hau ayamopafina haugahie.
48
Yisasia mage huno ani afena hie Nagaya kefo yakaa ago aigekatena atalegatoe.
huno hapaiye.
49-50
Agaiaene tokaeya mopale mainaya veamoya sumi sumi kefiti mage huya
hae Mani kanoa hanaa kano maineno Kefo yakaa aigekatena atalegatoe. huno nehie.
huya hae. Nagaifena havika kagupi maleka kametiti hanafe kagu kamena ago aligatigatogi
kamena male falu huka vuo. huno hapaiye.
Luku Luku
<<
77
>>
Luku Luku
<<
88
>>
8
Nagoa anemoya Yisasina akave umainae.
1-2
Yisasia osi kanaa maiteno ala kumayagaleene osi kumayagaleene vaiyatete huno
Anumaya Koti kava yagaimatesia kanale mono kea hamapaimaine. Agaia tuelufua (12)
anagaaene nagoa aneyagaene Yisasia amakupitima Kefo Avamuma anatitaleno kaliamima
alino kanale humatenea aneyagaene agaiaene vaiyatete humainae. Nago amo agia Magatala
Maliae. Yisasia hagoteno sevenia (7) Kefo Avamuyaga aguafiti anatitalenea ale.
3
Nago amo
agia Yoanae Heloti nopi kava kanomo alagi. Ani kava kanomo agia Susae. Nago amo agia
Susanae nagoa aneyagaene Yisasiene vaiyatete nehuya ani aneyagamoya amakaiami
moneamifiti Yisasiene anagaamogamiene amaya humainae.
Nago kanomoa avina hoyafi faimainea avame kea Yisasia humaine.
4
Mukia alu kumateti kumateti veala Yisasite melitalu hageno Yisasia nago avame kea
hamapaimaine.
5
Mage huno hie Nago kanomoa avina faigahe alino vie. Avina alino
aihelafino nefaigeno nagoa avinamoa kapi tavino hanegeno veamoya ani avinale amaiya
ayeya ute ete hageno namayagamoya nageno hano hie.
6
Nagoa avinamoa yafa mopafi
taviteno hageana tina omalea mopafinagino eteno fayoteno asagalimaine.
7
Nagoa
avinayagamoa avetanafa ino hanea amunopi tavino hageteno avetanafa hanea inomoa
ayetegeno haviya humaine.
8
Nagoa avinamoa kanale mopafi tavino hageteno alagaama
ayeana nagoke yosalela kasagoya alaga vani hataletia (100) ayeno vasaimai vasaimai
humaine. huno hie. Ani kea huteno ala ke huno mage hie Mani kea tamakesama
hanesigetamahena havilama hutama haviho. huno hie.
9
Agaienema tokaeya nemaiya anagamoya ani avame kemo aepaahe havigae.
10
Havigageno Yisasia mage hie Tamakaya Anumaya Kotia kava yagailamateneafe kemoa
falaki mainea kea Anumaya Kotia tamaya higetama ago havilinagi mukia veamoya avame
kema hamapaisugeya amakesa havigahagi haviteya havilama huya ohavigahae. Veamoya
neagayanagi agelama huya oagegahae.
11
Mani avame kemona aepaa hu falote huna tamahapaisue. Mani avinamoa Anumaya
Koti ke kana humaine.
12
Katema tavimainea avinamoa maa humaine nagoa veamoya
Anumaya Koti kea havitageno Satania mage hie Amakupi aliya omalesageno Anumaya
Kotia amaku amamena ali okatisie. huno amakupitila ani kea alitalene.
13
Yafa mopafima tavimainea avinamoa maa humaine nagoa veamoya Anumaya Koti
kea haviya muse huya atafa hayanagi hafuya mopafi otavia yamoa alige atalege veane
maineya osi kanaa osia haviya amakupi maletageno havi kanama amakaitema falote nehiana
aupaa Anumaya Koti kea neatalae.
14
Avetanafa ino hanea amunopi tavimainea avinamoa maa humaine nagoa veamoya
Anumaya Koti kea haviteya ma mopafi mukia yayagaamihe amakesa haviya moneamiene
yokaloamienefe kalagi aiteya ani yayagaamimo Anumaya Koti kea alino aiso humalegeya
atalageno alagaamoa aye helafino lama nohie.
15
Kanale mopafima tavimainea avinamoa maa humaine nagoa veamoya tokiyaage
amaku amakesa hanegeya Anumaya Koti kea haviteya aliya amakupi maleya atafa hu talako
huya mainaya veamoya ani alagaa mukia aye henelafie.
Veamoya lamua hanagaliya susufaneleti aiso hu omalegahae.
16
Anumaya Koti ke nehaviyafe Yisasia mage huno hamapaiye Nagoa veamoya lamua
hanagaliya susufaneleti aiso hu nemalafi ifi sipa kapinaga hanagaliya aiso hu nemalae? Aao
lamua hanagaliteya esaya veamoya ani lamule agesayafe sipale nemalae.
17
Ani yafe
haenagaa mukia falakimainesia yamoa efalote hugahie. Mukia kesi kava nehaya yamoa
efalote hinageya veamoya agegahae.
18
Ani yafe Anumaya Koti ke havisaya yafena tamakesa
havitama havilama hutama haviho. Havilama huno havilinesia kanomona Anumaya Kotia
nagoene havilisia yana amigahianagi nagoamoya Ago havilinoe. huno hisia kanomona
havilinesiamaa hanafaletalegahie. huno humaine.
Yisasina taya itaamoya aganaamoya mainae.
19
Yisasina itaamoene aganaamoyaene agegahe ayanagi kasagoya veamoya hiya huya
maigeno Yisasima mainea avatela omenae.
20
Omenagi nago kanomoa Yisasife mage hie
Itakamoene kaganakamoyaene kagai kagegahe emaineya kumatega hetiya mainae. huno
hie.
21
Higeno kenonaa mage huno hie Mukiama Anumaya Koti kema haviya akave
nemalaya veala itanimoya nagananimoya mainae. huno hapaiye.
Yisasia ke nehigeno tusia yasimoa laga humaine.
22
Nago yupa Yisasienema tokaeya nemaiya anagaene tipi kalefi haisaga humaiya neuya
Yisasia mage huno hamapaiye Tikotumona atu faliga vigetao. huno higeya umainae.
23
Yaufa nevageno Yisasia aukalokalo higeno faemainegeno tusia yasimoa tina mevaleno tipi
kalefi atalegeno ani lipi kalefina havatesia kava higeya mukiamoya haviya hisaya kava
humainae.
24
Huteya Yisasia faemainegeya mogafa huya mage hae Kava kanomogae, kava
kanomogae tagaya ti nakaita falisuna kava nehunageka notagane. huya hageno hetino ani
limofeene yasimofeene tokiyaage ke huno Taga huo. huno higeno yasimoene timoene
taga huana alava humainae.
25
Alava hutegeno Yisasia agaiaene tokaeya nemaiya anagafe
mage huno hamavige Nagaifena havitama tamakupi maletama tamametitima haya yana
hanate atalae? huno higeya koli huya tusia amamayo neaiya huge havige huya mage hae
Mani kanoa tae? Timoene yasimoene kea haviteya akave malae. huya hae.
Yisasia nagola aifo kanomo aguafiti Kefo Avamula anatitalene.
26
Kaliliti ala tikotuna takaeya ame kaiyaga agegayamona Kelasasa veane mainalega
uvayi hae.
27
Yisasia tipi kalea ataleno ti agegayalega neuno ageana nagola ala kumate kanoa
Kefo Avamuyagamoya aguafi mainaya kanoa Yisasite emaine. Ani kanoa ayaaya kanafi
kenaa fai oalino nopina nomaiyane. Matimatipikeya nemaiya kanoe.
28
Ani kanomoa
Yisasina ageteno mopafi agoya ayemaineno ala kefiti mage hie Yisasiga tagasenoma anale
mainea Anumaya Kotina nafaneamoga naa hunategahe neane? Musekaa nehugi nagata aisia
kavala hu onato. huno nehie.
29
Higeno Yisasia Kefo Avamufe mage huno hie Agusafitila
hatilavio. huno higeno Kefo Avamumoya mukia kanafina ani kanomona atafa nehigeya
kava neyagaiya vayamoya aiya ayapi seni nofiteti kisalu kitayanagi ani nofila aikanokanu
huneataleana Kefo Avamumoya afai kotega anatigeno faleno neviane.
30
Yisasia ani kanohe
mage hie Kagai kagia tagae? huno higeno mage hie Nagai nagia kasagoyamonae. huno
hie. Naafene kasagoya Kefo Avamumoya aguafima hai falemainayafe Nagia
kasagoyamonae. huno hie.
31
Ani Kefo Avamumoya Yisasifena mage hae Hanikimainea kumapina tagaila
hulategeta ovamano. huya hae.
32
Nehageya kasagoya afuyagamoya agoyafi maineya kave
nenageno ani Kefo Avamumoya Yisasifena mage huya hae Amuga afuyagamo amakuafina
hulategeta vamano. huya havigageno Yisasia Ania hiho. huno hie.
33
Higeya ani Kefo
Avamumoya ani kanomo aguafitila hatilaviya afuyagamogami amakupi hai nefalayana ani
afuyagamoya amaiyayeya nagola aulufi kapi taviteya tipi asaga hulaviya ti nakaiya fali hano
humainae.
34
Fali hano hageya ani afuyagale kava vayamoya ani afuyaga tima nakaiya fali hanoma
haya yana ageteya faleya ala kumate mainaya veamogamifeene hoyafinaga mainaya
veamogamifeene Naa maa higeta neone. huya hamapaimainae.
35
Hageya ani veamoya
humainea yama agegahe Yisasite eya Kefo Avamumoma agusafiti ataleno umainea
kanomona agesa akalo higeno kenaa failino Yisasi aiyafi mopale mainegeya megeteya koli
humainae.
36
Yisasima humainea yama agemainaya veamoya Naa maa huno Kefo
Avamumogamina agusafi mainea kanomona alino kanale hutene. huya hamapaiye.
37
Hamapaigeya mukia Katalaga kumate veamoya Yisasifena tusia koli huteya Tagaila
tataleka vuo. huya hageno Yisasia amataleno emainelega ugahe tipi kalefi haisaga humaine.
38-39
Haisaga hunemaigeno Kefo Avamumoma agusafiti hatilavino umainea kanomoa
Yisasifena Kagaiene ugahe nehue. huno higeno Yisasia Aao kagaya eteka nokalega uka
mukia Anumaya Kotima hugatenea yafena veaneyaga mo hamapaiyo. huno higeno ani
kanomoa viayamo mukia ala kumaale veamogamina Yisasima hutea yafena hamapaimaine.
Yisasia nago munala falimainefiti alino henelino kenaale avate hia aala alino
kanale hutene.
40
Yisasia eteno egeya mukia veamoya agava maineya tusia muse huya falu fala
hutenae.
41
Falu fala huneatageno nago kanoa Yailasie nehaya kanoa emaine. Ani kanoa
soka kano maineanagino Yisasi aiyafi mepe humaineno tutu nehuno Yisasina mage huno
havige Nonialega egetaa vaano. huno hie.
42
Ani kanomoa aiya nagoke munaa maine. Ani
munala kafua tuelufua (12) kafua hanea munala faligahe ayaya neaigeno Nonialega eno.
huno tutu higeno Yisasia anilega vigeya veamoya yageyage huya aulega akavelega huya
akave umainae.
43
Vageno ani veanefiti nago amoa tuelufua (12) kafu aigu nopinaga mukia kanale
nemaiya aala nagoa vayamoya aliya kanale hu oataleasine.
44
Ani amoa Yisasina akavelagati
eno kenaamo atupale avate aligeno aupaa kolamaamoa tanemaine.
45
Tanegeno Yisasia
mage huno humaine Ta kenanilela mevate humaine? huno higeya mukiamoya Tagaya naa
ohunone. huya hageno Pitaa mage hie Kava kanomoga mukia veamoya yageyage huya
kaulegati kakavelagati nehagi naa higeka mani kea hamavinegane? huno hie.
46
Yisasia mage
huno hie Tamage huna nehue nago kanomoa kenanile avate higena nagaya nagesa
nehavugeno navate aligeno nagoa tokiyanimoa ago nataleno umaine. huno hapaiye.
47
Hapaigeno ani amoa Falakigahe huanagi ago nagane. huno atili huteno Yisasi aiyafi
mepe humaineno mukia veamogami amaulagafi Naa maa huna kali alimainoafe avate
alugeno kalinia aupaa kanale hunate. huno hapaimaine.
48
Hapaigeno Yisasia mage huno
hapaiye Ma amoga nagaife kagupi maleka kametiti hanafe kanale negahaiye kagaya
kaipamoa yasi nehinageka vuo. huno hapaiye.
49
Ani kea nehigeno nago kanomoa soka kanomo notegati anile evayi huno Yailasife
mage huno hie Munakamoa ago falimainegi ataleka kava kanomona kasalo haegi nagoene
havioko. huno hie.
50
Yisasia ani kea haviteno Yailasife mage huno hie Kolia ohuka afaa
nagaife kagupi maleka kametiti hisanageno munakaa falimainefitila hetigahie. huno hie.
51
Soka kanomo note uvayi huno Yisasia mukia veanehe Omeho. huno Pitaene
Yoniene Yemesiene ani munamo itaafoamoene amavaleno ani nopi haimainae.
52
Mukia
veamoya ani munama falimainea yafena tusia avi neatageno Yisasia mage huno hie Avia
oateho mani munala falilavata ohunegi afaa faeno maine. huno hamapaimaine.
53
Ani
munala faligeyama agemainaya yafena ani veamoya Yisasina kigia hutenae.
54
Kigi hutayanagi Yisasia ani munamo ayate atafa nehuno mage hie Ma munamoga
hetio. huno hie.
55
Nehigeno agu nafanea eteno egeno aupaa hetie. Hetigeno Yisasia mage
hie Nagoa nesia kavela amiho. huno hamapaimaine.
56
Itaafoamogania ani yana ageteana
tusia anamayo aimaianagi Yisasia mage hie Nago kanomona ma ma hua yafena
hamaopaio. huno kaheginatene.
Luku Luku
<<
88
>>
Luku Luku
<<
99
>>
9
Yisasia tuelufua (12) Aposolo anagaamogami aliya amamine.
1
Yisasia tuelufua (12) anagaamofe ke higeya ageno mukia Kefo Avamuyagama
veamogami amakusafiti amanatitalesaya tokiyaene kalima aliya kanale humatesaya tokiyaene
amamine.
2
Amamiteno Anumaya Kotima kava yagaisia yafe hamapaigahe kalima
hamaemainea yana aliya kanale humatesayafe humatene.
3
Huneamateno mage huno
hamapaiye Kama visayafena ayopatamiene kutamiene mayatamiene monetamiene alitama
oviho. Tole kena oaliho. Alu nopi alu nopi faelitetama ohiho.
4
Nago nopima hai
falenutamahena ani nopi faetama maitama amataletama alu kumatela viho. Faelitetama ohiho.
5
Nagoa kumate veamoya falu falama huotamatesagetamahena ani kumala neataletama Havi
kava hae. hutama tamaiyafima hanesia kugukege yana aifopo huneataletama viho. huno
hamapaimaine.
6
Hamapaitegeya alu kumate kumate neuya mukia kumatela Anumaya Kotina
kanale kea hamanepaiya kaliamia aliya kanale huneamateya humainae.
Helotia Yisasifena Hanaa augafa kano maine. huno havi halegahe hie.
7-8
Ani kanafina Helotia sauve kanogino Yisasia mukiama humainea kavamo avagema
haviana nagoa veamoya ani yana ageteya Yonia falimainefiti ago hetimaine. huya hageya
nagoa veamoya Ilaiyaa eteno falote humaine. huya hageya nagoa veamoya Nayoma
Anumaya Kotina aune kanoa falimainefiti hetimaine. huya haya yafe Helotia ani kea
haviteno agu agesamoa anilega vigeno Hana veamogami kemo tamagea nehafi? huno
humaine.
9
Huteno Helotia mage hie Nagaya aliya vayania humatogeya Yonina ageya ago
fakalitalageno falimaine. Naa maa kava nehie huya avagema humainaya kanoa tae? huno
nehuno Yisasima agesia kafena ati ayemaine.
10
Aposolo anagala eteya Naa maa kava huteta neone. huya Yisasina me hapaigeno
Yisasia haviteno ani anagaa amavaleno Petesaita kumatega ugahe katega umainae.
11
Nevageya mukia veamoya haviteya akave agaitega ageno Yisasia falu fala humateteno
Anumaya Kotima kava yagaisia yafe hamapaiteno kalima nealiya veala alino kanale
humatene.
12
Une kigeya tuelufua (12) anagaamoya Yisasite mage me hae Tagaya vaya omai
kaiyaga mainonafe mukia veamogamina humatesanageya hanesia kumateene noma
hanesilegaene ute ete huya faesaya nofeene nesaya yafeene atiyesae. huya humainae.
13
Hageno Yisasia mage huno hamapaiye Tamakaitami kavela amamiho. huno
hamapaigeya mage hae Utama mukia mainaya veamogami kavela miya hiho huka nehano?
Tagaipina osi kave kanoa hane faefua (5) mayaene tole noyame kanoagi huno hane. huya
hae.
14
Anifima mainaya vayala faefu tausenia (5,000) vayayaga mainayanagi Yisasia
agaienema tokaeya nemaiya anagaamogamife mage huno hamapaiye Hamapaigeya fifitia
(50) veane Alitalu hutama maite maite hutama mopale maiho. hutama hamapaiho. huno
humaine.
15
Hamapaigeya ania hute hute huya mopale mainae.
16
Yisasia faefua (5) maya
nealino tole noyamene nealino huteno ikapinaga agesaga huno Anumaya Kotitega huno
muse huteno ani mayaene noyamene koliteno agaienema tokaeya nemaiya anagaa
amamigeya mukia veala amamite amamite humainae.
17
Amamite amamite hageya mukia
nageno amamu higeya atalaya atupatapaa aliya tuelufua (12) kula aihavatemainae.
Pitaa Yisasife Kalaisiga mainane. huno hufalote humaine.
18
Nago yupa Yisasia agaiage Anumaya Kotitega havinegegeya agaienema tokaeya
nemaiya anagaamoya avate mainageno mage huno hamavige Veamoya nagaifena tae huya
nehae? huno hamavige.
19
Hamavigegeya kenonaa mage huya hae Nagoa veamoya
kagaifena Ti faleneamatea Yoni maine. huya hageya nagoa veamoya kagaifena Ilaiya
maine. huya hageya nagoa veamoya Anumaya Koti aune kanoa nayo ago falimainea kano
falimainefiti eteno hetimaine. huya nehae. huya hapaimainae.
20
Hapaigeno Yisasia
amakaifena mage huno hamavige Tamakaya nagaifena tae hutama nehae? huno
hamavigegeno Pitaa mage huno hie Kagaya Kalaisigae Anumaya Kotia taugafa aligatigahe
hugatenea kano mainane. huno hie.
21
Higeno Yisasia tokiyaage ke huno Mani kea nagoa
veala hamaopaiho. huno humaine.
Yisasia agaia faliteno hetisia ke humaine.
22
Yisasia mage huno hamapaiye Soka vayaene mono note kava vayaene kahegi kema
havilinaya anagaene nagaila ikapinagati emainoa kanoa vayamo natenea kanomonihena
Kahaoteyakae. huya hunatesageno tusia nagata aisigeya nahaesagena faligahue. Falisugeya
komufi hevainatesagena tole yupa maina tagufa kanale falimainesufiti hetigahue. huno
humaine.
23
Alitalu humaiya veanene agaiaene tokaeya nemaiya anagaenefe mage huno hie
Nagoa veamoya nagai nakavema visaya amakesa havinuyahena amaugafama aliya hai yana
amakaveno huteteya nakaima nagata aisigena falisua kava hisaya amakesa haviteya yafaga
yosa kanaaene kanaaene kofiya nakave aliya visae.
24
Nagola veamoya maiyaamima atafa
huya ali talakoma hulisayana maiyaamimoa falino afaya hapaegahigi nagoa veamoyama
nagaifema hamainageya maiyaamima atalesaya veamoya maiyaamia aligatisugeya agola aliya
maigahie.
25
Nagola veamoya mukia ma mopale mone fenoyaga aliteya maineya falisagenoa agola
maige maige hisaya haimula ago atalenayanagiya alimainaya mone fenoamimoa hanaa huno
amaya hugahie? Aao amaya ohugahie.
26
Nagoa veamoya keniaene nagaienefema amakaye
huya Aoteyamaae. huya hunatesayana nagaya ikapinagati emainoa kanoa vayamo natenea
kanomona esua kanafina tokiya hale yaniaene Nenafana tokiya hale yamaaene alu aotage
ensole anagaamoyaenema etena esuana ania huna ani veanehena nagaye huna
Tamahaoteyatamie. humategahue.
27
Tamagelafa huna tamahanepauve nagoa veala malema
hetimainaya veamoya aupaa ofaligahayanagiya hagoteya Anumaya Kotima kava yagaisia
kanaamoma efalote hisia yana agegahae. huno humaine.
Yisasina augafamoa alino aluya humaine.
28
Yisasia mani kea huteno sevenia (7) kana maiteno Pitana Yonina Yemesigamina
amavaleno Anumayamotega ke huno havigegahe agoyafi haimainae.
29
Haimainageno
Yisasia Anumayamotega ke huno havinegegeno augosamoa alino alu augosa kaligeno
kenaamoa efeage huno alave alave humaine.
30-31
Tole kanolatana nayo falimainaa kanolatana
Moseseene Ilaiyaene tokiya hale yaene maineana Anumaya Kotia Yisasifema Naa maa
huka Yelusalemu faligane. huno hutenea kehe Yisasiene kea kea humainae.
32
Ani kaiyekea nehageya Pitaene anagaamoyaene amaukalokalo higeya faemainafiti
aupaa hetiya agayana Yisasia tokiya hale yamaaene avate tokaeana hetimaia kanolataene
amakemainae.
33
Neamakageana ani lole kanolatana Yisasina ataleana ugahe nehaageno Pitaa
Yisasife mage hie Anumayamoga tagaya male maunana kanale ya hie. Katega nona talia (3)
kilamatesune. Kagaila nagolagi Mosesena nagolagi Ilaiyana nagolagi huno hanesie. huno
hianagi agesa havilama ohuno ani kea hapaiye.
34
Hanepaigeno nago siamoa evayi huno
alino aiso humategeana Mosesegani Ilaiyagania ani siapi falaageya Pitaene anagaamoyaene
tusia koli humainae.
35
Koli nehageno siapinagati ala kefiti age aino mage huno hie Mani
kanoa nagaini nafane ago hapalina hutenoa nafanegi agai kea haviho. huno hamapaimaine.
36
Hamapaigeya ani kea haviteya agayana Yisasia agaiage mainegeya ageteya ke ohuya
mainayanagiya ani kanafina nagoa veala hamaopainae.
Nago nafanemo agupi Kefo Avamu mainea nafane Yisasia alino kanale hutene.
37
Faeteya kotigeya Yisasiene Pitaene Yoniene Yemesiene ani agoya neataleya
elavigeya kasagoya veamoya Yisasi agegahe emainae.
38
Aya veanefiti nago kanomoa hetino
ala kefiti mage huno hie Humavenelina kanomoga tusiya huna kahavinegoe. Aiya nagoke
ne nafaneniagi mego.
39
Kanaaene kanaaene Kefo Avamumoa agusafinaga haimainegeno
nafanenimoa ala kegefafiti ke nehigeno Kefo Avamumoa aige hafalege huneategeno
avayafitila efeage agalemoa selu selu nehigeno augafa alino haviya nehuno aupaa ataleno
ovisia kava nehie.
40
Naa higena kagaiene tokaeya nemaiya anagakamogamife ani Kefo
Avamula nafanenimo agusafinagati anatitalesae huna hamavige hamavige hugetoana amuha
ohunaya yafe anati oatalenae. huno hie.
41
Higeno Yisasia mage huno hamapaiye Vae tamakaya meni kanafima mainaya
veamogatama nagaife havitama tamakupi maletama tametiti ohutama fatago hutama
nomaiye. Ania haya yafe kasalo nenahaegi namagi yupa tamakaienena mainesugetama
nagaife tamakupi malegahae? nehuno ani nafanemo nefafe Nafanekaa avaleka eno. huno
hie.
42
Higeno ani nafanea yaufa avaleno neegeno Kefo Avamumoa alino mopafi
ailakatitalegeno faemaineno kasegase nehigeno Yisasia ageteno Kefo Avamumofe kemakino
Ataleka hatilavio. huno hutegeno hatilavigeno ani nafanea alino kanale huteteno nefana
amine.
43-44
Amigeya mukia anile mainaya veamoya ageteya Anumaya Kotina tokiya
yamaahe tusia atalitalu huya amamayo aiyanagi Yisasia agaienema tokaeya nemaiya
anagaamogamife mage huno hie Menima hisua kea tamakesa havilama hutama haviho. Osi
kanaa maitesugeno nago kanomoa nagesi hinageya ikapinagati emainoa kanoa vayamo
natenea kanomonia kame vayamogami amayapi navaleya nategahae. huno hie.
45
Higeya ani
kemona aepaamoa ago falakimaineafe havilama ohunagi koli huya ani kemo aepaahena
haviokenae.
Ta uhakotemainea kanoa maine?
46
Yisasiene tokaeya nemaiya anagamoya Tagaipima uhakotemainea kanotia ta maine?
huya huteya ani yateti ke vaimainae.
47
Yisasia amakaipima hanea amaku amakesa ago
haviteno nagola osi nafanea avaleno avate hetitene.
48
Ateteno mage huno hamapaiye
Nagoa veamoya nagaifema huya ma osi nafane avaleya falu fala hutesayana nagaiene
navaleya falu fala hunatae. Nagaima navaleya falu fala hunatesayana hunatenea kanoene
avalemainae. Tamakaipina Osia afa kano kana huna mainoe. huno hisia kanomoa
tamakaila tamakaseno kava kano maine. huno hamapaiye
Kamema hu otamatesaya veanea nelamafuya mainae.
49
Yonia mage huno hie Kava kanomoga tagaya agonana nago kanomoa kagai kagi
neayeno Kefo Avamula veamogami amakusafinagati amanatigeta ageteta kagaienema kakave
nohia yafe Ania ohuo. huta nagalu huneatone. huno hie.
50
Higeno Yisasia agaife mage
huno hie Ani kanoa alitama nagalu hu oateho. Vaya nagomo kamema hu otamatesiana
nelamafuya mainae. huno hapaiye.
Samelia veamoya Yisasia kumaamile esia yafena nohamaiye.
51
Yisasia ikapinaga haisia kanamoa aupa higeno Yelusalemu visia agesa havino tokiya
vaiteno katega umaine.
52
Nagoa anagaa talo tala hisaya yafe hagoteno humategeya nago
Samelia kumate uya vayafe mage huya hae Yisasia egahigi mukia yana talo tala hiho. huya
mo hamapaimainae.
53
Samelia kumate veamoya Yisasia Yelusalemu ugahe hia yafe amakesa
haviteya mage huya hae Tagaya avaleta ali falu fala hu oategahune. huya hae.
54
Agaienema tokaeana nemaia kanolatana Yemesigani Yonigani ani kavama haya kavala
ageteana mage hae Vae Anumayamoga kahaisiana taagaya ikapinagati atahe ke hisuageno
ata maleno ani veala asagalisie? huana hae.
55
Haageno Yisasia maiyahae huno
keanamakiteno Aao ania ohio. huno humaine.
56
Huteno anileti neataleya alu kumatega
umainae.
Yisasia akave visaya auava yamo ke humaine.
57
Katega neuya nago kanomoa Yisasifena mage huno humaine Mukia kumate
visanana nagaya kakave ugahue. huno hie.
58
Higeno Yisasia kenonaa mage huno hapaiye
Kepu yagamoya faesaya komuamia mopafinaga hanegi namamogamina noamia haneanagi
ikapinagati emainoa kanoa vayamo natenea kanomona faesua nonia omale. huno hie.
59
Nago kanohe mage huno hapaiye Nakave eno. huno higeno mage huno humaine
Alanimogae nenafana falisigena alina hevaitetena kakavela ugahue. huno hie.
60
Higeno
Yisasia mage huno kenonaa hapaiye Atalo nagai kea ohavinesaya veala amaku
amamemaamo falimainaya veamoya falia kanomona aliya hevaitegahae amakaiami yanagi
kagaya neataleka veamogamite Anumaya Koti kava yagaimatesia kaiyekea mukia
veamogamina hamapaiyo. huno hie.
61
Nago kanomoa hetino mage huno hapaiye Alanimogae kagai kakave malegahe
huanagi natalegena nenafa nopi mainaya veala nayana amamite amamite hutena kakavela
vano. huno hie.
62
Higeno Yisasia kenonaa mage huno hapaiye Nagoa veamoya avina
yama kaligahena amakavelega maiyahae huya moge mege hinuyahena Anumaya Kotia ania
hisaya veafena Nagai aliya alitama veamogamite kava yakaisua kea hamapaiho. huno
ohugahie.
Luku Luku
<<
99
>>
Luku Luku
<<
10 10
>>
10
Yisasia sevetitua (72) vaya aliyamaale humatene.
1-2
Anile Anumayamoa sevetitua (72) vaya hapaliteno Nagainima visua kumate ali
lokaete lokaete hutama uhagotetama neviho. huno humategahe amakaife mage huno
hamapaiye Nagai kema havisaya veala kasagoya kavema hoyafi afulemailemai hia kava
humainegi hoyafima aliya alisaya veala osia veane kanoa mainayafe ani hoyamona nefafe
havigegeno nagoa aliya vayala kavema alisayafe humatesie.
3
Tamakaya neutama haviho tamakaya sipi sipi nafane kana hutama mainagi nagaila ago
amakaveno hunenataya veala afai kala kana kaveage veane mainaya amunopi
hulamatesugetama ugahae.
4
Ugahagi monetamiene kutamiene tamaiya noene alitama oviho.
Katega nevisaya veanenena ayaayate maitama kaiyekea ohiho.
5
Nago nopima hai falenutama
hagotetama mage hutama hiho ma nopima mainaya veamogatamina Anumaya Kotia
tamaipa falu hisaya tamaku tamakesa tamamisie. hutama hiho.
6
Aipa falu hisia agesaene
kano ani nopima mainesiana Anumaya Kotia aipa falu hisia agesa amigahigi ania kana
kanoma omainesiana aipa falu hisia yana oaligahie.
7
Ani nopi mainetama nesaya yama
tamamisagetama afaa neho. Nagai aliya alisaya anonaa nesaya yana afaa alisayana kanale
hugahie. Alu nopi alu nopi faelitetama ohiho.
8
Nago kumatema visageno falu fala hulamateteya tamamisaya kavela afaa neho.
9
Ani
kumatema mainesaya kali veala ali kanale humatetama mukia veafe mage hutama hamapaiho
Anumaya Kotia kava yagailamatesia kana ago efalote huno aupa humaine. hutama
hamapaiho.
10-11
Nago kumatema visageya falu fala hu otamatesagetama ani kumala ataletama
veamoyama mainesaya katega utama mage hiho Havi kava hae. Tamakai kumapiti
kugukege yana taiyalegati aifopo hutalegahunagi tamakaya havilama hutama haviho
Anumaya Kotia kava yagaisia kanamoa ago efalote huno aupa humaine. hutama
hamapaiho.
12
Nagaya tamahanepauve Anumaya Kotia kaiyekema hulamatesia kanafina
Sotomu mainaya veamogami amaugafa amagata aigahigi tamakaima falu fala hu otamatesaya
kumate veamoya tusiya huno amakaseno amaugafa amagata aigahie.
Kefo yatamihe tamakua aiyahae ohaya veanehe nahau hunelamatoe.
13
Avonio Kolasini mainaya veamogatamaene Petesaita mainaya veamogatamaene
tusiya huna tamakaifena nahau nehue. Tamakai kumapi nagaya tokiya avameyana ago
huanagi tamaipa aiyahae ohageno ani tokiya avameyana Taiyaene Saitoniene huleasine ani
kumate veamoya kefo yaamihena ago amaipa aiyahae huya kefo yama humainaya yafena
kayavo kena failiya tanefafi mopale maileasine.
14
Anumaya Kotia kaiyekema humatesia
kanafina Taiya mainaya veanene Saitoni mainaya veanene amaugafa amagata yana
aligahayanagi tamakaya tusiya hutama nagoene tamaugafa tamagata yana aligahae.
15
Tamakaya Kapaneamu mainaya veamogatama Taugafa alita anale haigahune. hutama
nehao? Aao afete tavitama tamakaye nehinagetama maigahae. huno hie.
16
Nagoene
humatenea vayamogamife mage huno hamapaiye Tamakai kema havisaya veamoya ania
huya nagai kea havigahae. Tamakaifema Tamahaoteyatamie. hisaya veamoya ania huya
nagaifena Kahaoteyakae. huya hunategahae. Nagaife Kahaoteyakae. hisaya veamoya
ania huya hunatenea kanomofena Kahaoteyakae. huya hutegahae huno hamapaigeya
umainae.
Sevetitua (72) vayala eteya emainae.
17
Uteyama ayana ani sevetitua (72) vayala muse huya eya mage hae Anumayamoga
tagaya kagai kagileti Kefo Avamua humatonageya tagai ke akave malae. huya me hae.
18
Hageno Yisasia amakaifena mage huno hie Nagaya agoana Satania ikateti aulumaya alia
kava huno aupaa asaga hunelavigena agoe.
19
Haviho nagaya tokiya ago tamaminoe. Nagoa
yamoa tamakaila alino haviya otamahaugahie. Satani tokiyamona agasesaya tokiya ago
tamaminoe. Vaya anigeno nefalia osifavene yapaveene tamaiyaleti ayelatapesayana nagaini
tokiya ago tamaminoafe otamahaegahie. Nagoa yamoa tamakaila ali haviya otamahaugahie.
20
Tokiyania ago tamaminogi Kefo Avamula amakasesaya tokiya tamaminoa yafena musena
ohutama Anumaya Kotia tamakima ikapinaga kaemalenea yafena tusia muse hiho. huno
hamapaiye.
21
Ani kanafina Alu Aotage Avamumoa tusiya huno muse hisia agu agesa amigeno
Yisasia muse nehuno mage huno hie Nenafagae mukia ma mopafi yaene ikapinaga yaene
kava yagaimainana Anumayamoga kanale kava nehane. Ma ma hamapauva kea nagoa
Mukia yafena havilinoa kano mainoe. huya haya veamogamifena ohavisae huka
falakimalenane. Ala avo nopi umainona vea mainone. huya hisaya veamogamifena
ohavisae huka falakimalenanagi Inamu nafane kana huta mainone. huya humainaya veala
ago huhaleka amavelimainanafe aluya huna musekaa nehue. E, Nenafagae kagai kagu
kagesamoa ania humainegeka ani kavala humainane. huno hie.
22
Veamogamifena mage
huno humaine Nenafaa mukia lokiya ago namine. Mukia veamoya nagaila neamonina
aepania ohavinagi Nenafaa agaiage nagai aepaa haviline. Havilinegi mukia veamoya Nenafa
aepaa ohavinae. Nagainige neamona havilinena nahaisia veamogamina humavelisugeya
Nenafa aepaa havigahae. huno hie.
23
Yisasiene tokaeya nemaiya anagamoya amahaote
mainageno Yisasia mage huno hamapaiye Anumaya Kotia tamaulagama neagaya yana ago
tusia kanale ya ago tamamia yafena tusia muse hutama maiho.
24
Tamahapauve nayona
mukia mainaya amaune vayaene sauve vayayagaene tamakayama neagaya yana Agesune.
huya hayanagi oagenae. Havilinaya kea Havisune. huya hayanagi ohavinae. huno
hamapaimaine.
Samelia kanomoa Yuta kano hamaemainea avame ke Yisasia humaine.
25
Nagoa kahegi kema havilinea kanomoa hetino Yisasina ayevataga huno mage huno
havige Humavenelina kanomogae nagaya hanaa hutena agola maige maige hisua nahaimula
alisue? huno havige.
26
Havigegeno Yisasia mage hie Anumaya Koti autamafina naane
huya kaemalenae? Kagaya hapaliteka ani kemo aepaa naane huka nehavine? huno havige.
27
Havigegeno mage hie Ani kemoa mage humaine Ala Anumaya Kotikamofena tusiya
huno kahaino. Kaguafinagatiene kahaino. Kagu kameene amio. Aliya nealina himamukaene
amio. Kagesama nehavina yana amio. Kagaika kaugafahema kahaisia avamete mukia
veamogami amaugafahena kahaino. huno humaineane. huno hie.
28
Higeno Yisasia mage
hie Kagai kemoa tamage huka nehane mukia kanafina ani kava huge huge hisanana maige
maige hisana kahaimula aligane. huno hapaiye.
29
Higeno ani kanomoa agesafinaga mage huno havie Yisasia nagaife kanale kagesa
hanea kano mainane. huno hisiafene huno havige Mukia veala tagamife nehane? huno
havige.
30
Havigegeno Yisasia mage hie Nago Yuta kanoa Yelusalemu kumala ataleno
Yeliko kumatega ugahe katega nevigeya nagoa musufa vayamoya katega ageteya atafa huya
mukia afenomaa hanafaleteya aikolimainae. Aikoliteya ataleya vageno falisia kava huno
maine.
31
Mainegeno ani yupa mono note kava kanoa ani kate taviana ani kanoa mo neageno
agaseno ka agegayalega umaine.
32
Umainegeno nago Yuta kanoa Livai nofi kanoa ania
huno mo neageno agaseno nago kaiyaga ka agegayalega umaine.
33
Naa haageno nagola
Samelia kanoa kame kanoamoa anile neeleti megeteno tusia hau hutene.
34
Hau huteteno
avate umaineno masave tiene nofi alagamo tiene haemalaya amupina takino haya kiteteno
avaleno agaia toki afumo agupifi ateteno avaleno viayamo natu vaya nefayaya nopi
moteneno kanale huno kava hutene.
35
Kava huteno mainegeno ko tigeno ani nomona nefana tole kina neamino mage huno
hapaiye Kagaya kanaleya huka mani kanoa kava huto. Nagoa monekamoma ani kanolema
hano hisigena nagaya etena anonakaa kamigahue. huno hapaiye.
36
Yisasia anima hia kea
hu hano hugahe mage hie Naa humainagi na kagesa nehavine? Talia (3) vayala agaseya
vageno hana kanomo musufa vayamoya hae-malenaya kanomona alino kanapa vayamoya
nehaya kavala hu-tene? huno havige.
37
Higeno ani kahegi kema havilinea kanomoa mage
hie Tusia hau hutenea kanomoa kanapa vaya kana kavala hutene. huno higeno Yisasia
agaifena mage hie Kagaya visanaamoga mukia kanafina aniageya huo. huno hapai-maine.
Yisasia Matagani Maliagani nopi maine.
38
Yisasiene agaiaenema tokaeya nemaiya anagala katega nevageno Yisasia nago
kumate vigeno nago amo agia Matae Yisasina avaleno nomaafinaga umaine.
39
Umainegeno
Matana negana agia Maliae Yisasina aiyafi mopale emaineno Yisasima hia kaiyekea nehavie.
40
Havino mainegeno nunaamoa, Mataa, mukia kavela talo tala hiana agesamoa tole-lole
higeno Yisasite eno mage huno hie Anumayamogae nagananimoa natalegena nakainige
kavela tusiya huna nealugi ani yafena kagesa nohavino? Hapaigeno me naya hino. huno hie.
41
Higeno Yisasia mage huno hie Mataga mukia yafena kagesamoa tole-lole huka aliyana
nealinana havi kava nehane.
42
Nagoke yamaage alisana kagesa havige havige huka maiyo.
Maliaa ani yafena agesa havi havi huno atafa nehigi ani yana nago kanomoa hana-
ofalegahie. huno hapaiye.
Luku Luku
<<
10 10
>>
Luku Luku
<<
11 11
>>
11
Yisasia nunamu hisaya yamo aepaa humavelimaine.
1
Nago yupa Yisasia nago kotega maineno Anumaya-motega ke huno havige-maine.
Havigeteno agaiaene tokaeno nemaiya anagapiti nago kanomoa mage huno havige
Anumayamogae Yoniene tokaeya nemaiya anagamogamina humavelimainea kavala huka
Naa maa hutama nunamuna hiho. huka hulavelio. huno hie.
2
Higeno Yisasia mage huno hie Nunamuma hinutamahena mage hutama hiho
Nelafaga kagai kagimoa alu aotage huno hanesie. Kava yagaisana kanamoa efalote hisie.
3
Mukia kanafima nesuna kavela tamio.
4
Tagaya havi kavama hulatenaya veala aigeamateteta
kefo yaamia atalematona kava huka kefo yatia aigetateka atalelato. Satanima ayelavataga
hisia katela tavaleka otato. hutama hiho. huno hamapaiye.
5
Hamapaiteno mage huno hie Hana kanomoga kege amunona negafute uka mage
huka hugane Nenafugae talia (3) maya yoka namisano?
6-7
Nago nenafua kategati eana nesia
yana omalegi kanale namisano? hukama hisanageno negafua nomaafinagati make huno
kahapaisio Kasalo nenahaegi natalo. Fita ago ki-maletena nafaneyaganiene ago fae-
mainonanagita nagaya hetina nahavigana yana okamigahue. huno hisio?
8
Aao
tamahanepauve Negafuma mainoe. huno hisia yafena oamigahigi tutuma hia yafe hetino
havigea yana amigahie.
9
Ani yafe tamahanepauve Anumaya Kotitega nago yafema ke hutama havigesagenoa
ago tamamigahie. Nago yafema atiyesagenoa afaa tamaveligahie. Fitalema akalu-kaluma
hisagenoa Anumaya Kotia yakilamategahie.
10
Mukia havigesaya veamoya aligahae.
Atiyesaya veamoya ali falote hugahae. Fitalema akalu-kalu hisaya veamogamina fita
yakimategahie.
11
Hana kanomoga nafanekamoa noyamehema kahavigesigeka nefaga
osifavea alika amigano? Aao ani yana alika oamigane.
12
Kokole amufema kahavigesigeka
yapavena alika amigano? Aao ani yana alika oamigane.
13
Oamiganagi tamakaya havi veane
mainayanagitama nafanetamimona kanale ya amamiyanagi ikapinaga mainea nelamafaa
tusiya huno tamakase-maineanagitama havigesageno Alu Aotage Avamua tamamigahie.
Yisasife Pielesepulimoa Kefo Avamumo kava kanoene aliya nealine. huya hae.
14
Nago kanomona Kefo Avamumoa aguafi mainegeno avefuna alino aiyahae higeno
agea noaiyane. Yisasia ani Kefo Avamula anati-talegeno vigeno ani kanomoa age aino kea
kea higeya alitalu hu-mainaya veamoya ageteya tusia amamayo aimainae.
15
Amamayo
neaigeya nagoa veamoya mage hae Pielesepulia Kefo Avamuyagale kava hu-mainea
kanomoa tokiyaa amigeno Kefo Avamumona anati-neatalie. huya hae.
16
Hageya nagoa
vayamoya aye-vataga hugahe mage hae Monafinagati avame yana hugeta tokiyakaa
agamano. huya hae.
17
Hageno Yisasia amakupinagama ma haviya amaku amakesa ago haviteno mage hie
Nagoke kotega veamoya aye fako huya tuma hisayana ani kotega veanene haviya hu-
lavigahae. Nago afamo aye fako huya Alu vaya mainone. huya tuma hisayana ani afamola
haviya hu lavigahae.
18
Satania anagaaenema aye fako huya Alu vaya mainone. amakaiami
tuma hisayana Satani kava yagaisia tokiya hanaa huno hanegahie? Aao tokiyaa omalegahie
ani yafe tamakaya nagaifena Pielesepulimoa tokiya kamigeka ani yateti Kefo Avamula
neanatine. hutama nehayanagi havige nehae.
19
Nagaifena Kagaya Pelesepulimo tokiyaleti
anati neatalane. hutama hayanagi tamakaitami anagatamia Kefo Avamula amanati-talageno
Pielesepulimo amakaila amaya nehio? Ani anagatamia amakaiami manima haya kea ali fako
huya tamaveneliye.
20
Tamage nagaya Anumaya Koti tokiyaleti ani Kefo Avamula anati
neataloe. Ani yafe Anumaya Kotia kava yagaisia yana tamakaitela ago emaine.
21
Nagola tokiyaage kanomoma nomaafima ati kevea alino yagai-maleno maisiana
mukia yamaamoa kanale huno hanegahie.
22
Nagola tokiyaage kanomoma eno ani tokiyaage
kanoenema tuma hisaana tokiyaage kanomoa agasesiana hagote kanomoma ametitima huno
mainea ati kevea melino ani kanomo afeno yamaa musufa alino vayaamogami amamite
amamite hugahie.
23
Nagoa veamoya nagai kanapa veane omaisayana kame vayania mainae.
Nagoa veamoya sipi sipiniama naya huya ali-taluma ohisayana amanati neatalae. huno hie.
Kefo Avamumoa nago kanomo agupi eteno emaine.
24
Nago Kefo Avamumoa vaya aguafi haino maineleti ataleno viayamo hau hu-mainea
kopinaga mo vaiyatete huno mai-faluma hisia kumafe ati neaye. Ati ayegeteana mai-falu hisia
kumala omalegeno Hagotena maigena emainoa aguafi etena mo maigahue. huno hie.
25
Uno mogeana ani agupi ago sese huno kanaleya hu-malenegeno mogemaine.
26
Mogeteno
eteno viayamo sevenia (7) kefo kavaamimoma agase-mainea Kefo Avamuyaga momavaleno
egeya ani agupi hai-faleya mainageno hagotenoa ani kanomoa nagoke Kefo Avamumoa
aguafima mainegeno haviya huno maineanagino menia mukia Kefo Avamumoya aguafina
haiya maigeno tusia kefo ya hutafa huno maine.
Hanaa veamoya tusia musena hugahae?
27
Mani kema higeya anifima alitalu hu-mainaya veanefiti nago amoa ala kefiti mage
huno hie Katetenoma numa kaminea amona Anumaya Kotia tusia muse huno haiya yana
amine. huno hie.
28
Higeno Yisasia mage huno hie Ani amoa musena hugahianagi
Anumaya Koti kema haviya akave malesaya veamoya tusia muse hugahae. huno hie.
Nagoa veamoya Tokiyaage avameya agesune. huya humainae.
29
Mukia veala agaite melitalu hageno mage huno hamapaiye Menia ma kanafima
mainaya veamoya tusiya huya kefo veane mainae. Tokiyaage avame yana tavelio. huya
hayanagi Anumaya Kotia ani yana oamamigahigi nagoke avame yana nayoma mainea aune
kanoa Yonama hutenea tokiya avame yana tamaveligahie.
30
Yonana noyamemoa asaga
huno nakaigeno talia (3) yupa aipafinaga maineafe Ninive mainaya veamoya avame yana
amaveli-maineane. Nagaya ikapinagati emainoa kano vayamo natenea kanomona menia ma
kanafima mainaya veamogamina nagaya ania kavala hisua kavania avame yana
tamaveligahue.
31
Nagola alu haupalegati emainea sauve amoa mopamona atupaleti eno Solomonia
kanale agu agesaene kanomo kea havigahe emaineanagi haviho Solomonina agase-mainea
kanoa ma mainegetama tamakaya agai kea nohaviye. Nohaviyafe Anumaya Kotia kaiyekema
hulamatesia yupa ani amoa hetino menia ma kanafima mainaya veafe kefo kava hutama agai
kema ohavinaya yafena hu falote hulamategahie.
32
Ninive kumate mainaya veamogamina
Yonaa Anumaya Koti kea hamapaigeya kefo yaamihena amaipa aiyahae hu-mainagi haviho
menia Yonana agase-mainea kanoa ma mainegetama tamakaya kefo yatamihena tamaipa
aiyahae nohae. Tamaipa aiyahae nohayafe Anumaya Kotia kaiyekema hulamatesia kanamoa
Ninive kumate nayoma mainaya veamoya hetiya menia ma kanafima mainaya veamoya havi
kava hu-mainayafe hu falote hulamategahae.
Taguafima aye-vasa hisia kanife humaine.
33
Veamoya lamua hanagaliteya nopinaga hanesia komufinaga omalegahae.
Susufaneletila aiso ohugahagi ani nopima hai falesaya veamoya agesayafe sipale nemalae.
34
Tamaulagamoa tamakupinaga aivasa hisia lamu hane. Tamaulagamoa kanale yama
agesiana tamakupinaga aivasa hu-mainegi tamaulagamoa kefo yama agesiana tamakupinaga
haniki-maine.
35
Tamakesa havilama hiho Nagupinaga aivasa hu-maine. hutamama
hisayana asu huno haniki-mainesia yafe hisagi kava yagaitama maiho.
36
Mukia tamaugafa
aivasa hisigeno nagoke kaiyaga hanima okisiana lamumoma aivasa hia avamete mukia
lamakupinaga tusiya huno aivasa hugahie. huno hie.
Nagoa Falasia vayaene kahegi kema havilinaya vayaene kefo kavala nehae.
37
Nagola Falasia kanomoa Yisasifena mage huno hie Menia kagaya nagaiene kavela
me negane. huno higeno Yisasia kave mo negahe Falasia kanomo nopi haino mopale
maine.
38
Mainegeno ani Falasia kanomoa mogeana Yisasia kavema negahena ayana sese
ohuno mopale maiya yafena agesa havi havi huno maine.
39
Mainegeno Yisasia mage huno
hapaiye Tamakaya Falasia vayamogatama amega kava hutama masutamiene yopatamiene
amega kaiyagaa sese nehagi tamakupina musufa yaene kefo yatamiene hiya
hulamatenegetama sesela nohae.
40
Tamakaya aifonafo vaya mainageno Anumaya Kotia
amega kaiyagaage talo nehuno agusafinaga talo ohuneo?
41
Masutamiene yopatamienema
hanesia kavela kasagoya yaamima omalenesia veamogamima amamisayana tamakuamoa
oniyaage ohugahie.
42
Avonio Falasia vayamogatama kayeho. Tamakaya supu tala yaene atuene hefi kana
yaene osi osi yana alitama tenia (10) malenafiti nagoke Anumaya Kotina neamitama
nehayanagi fatago hutama maisaya yaene Anumaya Kotifema lamahaisia yaene ago atalenae.
Hagotetama fatago hutama mainetama Anumaya Kotifena tamahau tamayamopafi tamahau-
maineanagitama haenagaa supu tala yaene atuene hefi kana yaene tenia (10) malenafiti
nagoke Anumaya Kotina amisayana kanale hugahie.
43
Avonio Falasia vayamogatama kayeho. Mono nopima neutama Kava vayayaga
nemaiya sialefekeya maigahune. hutama veane atagu nefaya kumapina Nagaifena ala kano
mainane huya hisae. hutama nehae.
44
Avonio tamakaya kayeho. Tamakaya vaya
hevaimatenaya komu kana hutama mainae. Tamakuamoa oniyaage higetama falaki-
mainageya veamoya oniyaage yama hanea komufi vaya hevaitenaya komule oageya ute ete
nehae. huno hie.
45
Higeno nagola kahegi kema havilinea kanomoa kenonaa mage huno hapaiye
Hulavenelina kanomogae ani kema hanana tagaienefe tagaye hia ke nehane. huno hie.
46
Higeno mage huno hie kahegi kema havilinaya vayamogatama tamakaifeene nehugi avonio
kayeho. Tamakaya kahegi ke malenaya ke hutama tusia kanaage ya mukia veamogami
amayonale malenetama amaya hugahena nagoke tamakinagoa maletama amaya ohageya
tusia kana yakefa nealiye.
47
Avonio kayeho. Tamakinago-moya Anumaya Koti amaune vayaa hamayageya fali-
mainayanagitama tamakaya anima fali-mainaya amaune vayamogami komulega vilasi hoya
maitama nehae.
48
Vilasi hoya maitama nehayafe Tamakinagomoya amaune vayala
hamayageya fali-mainaya yafena kanale kava humainae. hutama nehae.
49
Anumaya Kotia
kanale agu agesaene kanomoa mage huno humaine Nagaya nagaini amaune vayaene
Aposolo vayaene amakaipina visageya nagoa veamoya ali haviya humateya nagoa veamoya
hamaesageya faligahae.
50
Hamayageya fali-mainaya yafe ma mopama talo hu-mainoa
kanafina aepa heya mukia kafua amaune vaya hamayageya fali-mainagi tamakaya meni
kanafima mainaya veamogatama amakaima humatenaya havi kavamo anonaamia aligahae.
51
Hagoteno Epolona haegeno fali-maineane. Nagoa hamaeme hamaeme ageno hano
hutegeya haenagalafa Sekalaiyana ala mono no kegiyamo amunopi yafa folamole heti-
mainegeya hayageno fali-maineane. Nagaya tamage huna tamahanepauve hamayageya fali-
mainagi tamakaya menima mainaya veamogatama hu-mainaya havi kavamo anonaamia
aligahae.
52
Avonio kahegi kema havilinaya anagamogatama kaye ho. Mukia Yisasi kea
havimainayanagi veamoya ohavisae hutama fita ki-maletetama yakisaya ki nofila ago alitama
atalenae. Tamakaya Ani nopi ohaigahune. hutama haleti nagoa veamoya Hai
falegahune. huya haya veamogamife Hai ofalegahae. hutama katile neamatae huno
hamapaiye.
53-54
Yisasia ani nopiti hati-lavigeya mukia kahegi kema havilinaya anagaene Falasia
vayaene akave neuya tusiya huya amaipa kafa heteteya amata huya alu yafe alu yafe agaila
havige havige nehuya mage hae Agaiama hisia keleti atafa huta kaiyekea hutegahune. huya
humainae.
Luku Luku
<<
11 11
>>
Luku Luku
<<
12 12
>>
12
Falasia vayamoya havigema nehaya kehena kaye ho.
1
Ani kava higeya ohavunamaa veamoya alitalu humainaya yapina nagoa veamogami
amaiya aye latapemo huya mainageno Yisasia agaienema tokaeya nemaiya anagaamogamife
nagoa veanenefe mage huno hie Falasia vayamoya amakupima hanea yana agelama ohuya
amavayaleti havigema nehaya yafena kayeho. Ani yana kai hamemoma halegia kava huno
halegino alakefa hugahie. Tamakaya ani yafena kayeho.
2
Aiso humainea yamona Anumaya
Kotia mukia alino fufute atalegahie. Falaki-mainesia yamona Anumaya Kotia mukia
veamogami amaulagafi ali falote hugahie.
3
Hanipinaga hu-mainesaya kea veamoya yagefi
havigahae. Notamifinaga sumi sumi hutama hu-mainesaya kea kuma amunopiti ala kefiti
keha keha huya hugahae.
Yisasia veamoya Anumaya Kotifeke kolia hiho. huno humaine.
4
Nenafugatama tamahanepauve amega tamaugafaage hefalisaya veafena kolia ohiho.
Ani veamoya tamaku tamameene tamahae falisaya himamuamia omalene.
5
Hana kanomofe
kolia hisune? hutama hayanagina tamahapaigahue. Hefalitenoma hanimo aguafi ata tegelege
nehia yapi tamaku tamamema hagayu hulama-talesia tokiyaama hanea kanoa, Anumaya
Kotifeke tusiya hutama kolia hiho huna tamahanepaugi Anumaya Kotifeke kolia hiho.
6-
7
Faefua (5) osi osi namayaga tole haesa moneleti miya nehayanagi Anumaya Kotia ani
nama nagokefena agelaokanino amakaifena agesa havi havi huno mainegi tamakaitamifiti
nagokemoga mukia namayaga agasetama mainayanageya veanea ala yaga mainae. Anumaya
Kotia mukia hanea tamayolagefa ago hapalino haviline. Kolima hisaya yana neataletama afaa
maiho. huno hie.
Tagaya Yisasi anaga mainone. huta hu falote hisuna yafena tagayea ohisune.
8
Tamahanepauve nago kanomoma veamogami amaulagafi nagaifema Yisasina nagua
amitafa humainoe. huno hu falote hisigena nagaya ikapinagati emainoa kanoa vayamo
natenea kanomona Anumaya Koti ensole anagamogami amaulagafina agaifena Nagai
nafane maine. huna hu falote hugahue.
9
Hu falote hugahugi nago kanomoma veamogami
amaulagafi nagaifema Nagua amitafa nohue. hunoma hufalote hisigena nagaya Anumaya
Koti ensole anagamogami amaulagafina ani kanohena Oagenoa kano maine. huna
hugahue.
10
Nagoa veamoya ikapinagati emainoa kanoa vayamo natenea kanomonihema hu-
haviya hunatesayana Anumaya Kotia aigeamateno ani kefo yaamia atalemategahigi veamoya
Alu Aotage Avamumofema hu-haviya hutesayana Anumaya Kotia aipa haviya huno
aigeamateno ani kefo yaamia ataleoamategahie.
11
Nagai kema huhaletama hisaya yafena
kaiyeke hulamategahae. Tamavaleya mono nopi ala kaiyeke hulamate vayate visagetama
kolia hutama Kenonaamia naane ke hisune? hutama tamakesa kumoa ohiho.
12
Ani yupa
kanoa Alu Aotage Avamumoa Mage hiho. huno tamahapainagetama hugahae.
Afenoyamaa kasago hu-mainea kanomoa aifonafo kava nehie huno avame kea hu-
maine.
13
Anima alitalu hu-mainaya veapiti nago kanomoa Yisasina mage huno havige
Humavenelina kanomogae nepunimona hapaigeno nelaafama ataleno fali-mainea afenopiti
fako huno nagoa namisie. huno havinege.
14
Havigegeno kenonaa Yisasia mage huno
hapaiye Nagaya kaiyekea huna fako hisua kanoa omainoe. huno hapaiye.
15
Hapaiteno
Yisasia amakaifena mage huno hie Tamakaya maihao hutama maiho. Alu kanomo yafena
agetama tamahayea ohiho. Nago kanomoa kasagoya afenomaa haneanagi ani afenomaamoa
kanaleya huno maisia haimula oamigahie.
16
Nago avame kea mage huno hamapaiye Tusia afenomaa hanea kanomona
hoyaafina tusiya huno alaga aye-maine.
17
Aye-mainegeno agesafinaga mage huno havimaine
Na ya hisue? Kavenia alina halaya hisua nona omaleanagina hanaa hisue?
18
Maa hisue. Yu
noyagania tagape aitaletena ala noyaga kasagoya kigahue. Kitena mukia kaveniaene
afenoyaniaene anifi halaya hu-malegahue.
19
Hu-maletena nagainihena mage huna hugahue
Nagu nagesamoga mukia kafua nesua kaveene afenoyaniaene ago halaya hu-malenogi
menia nagaya maifalu huna mainena kaveniene tiniaene nege nege nehuna muse huna
maigahue. huno humaine.
20
Hianagi Anumaya Kotia agaifena mage huno humaine Ani kava hana kavala aifonafo
kano kana kano mainananagika meni kegela kahaimula kahafalesugeka faligane.
Falitesanageya talo tala humalenana afenoyagakaa taya aligahae? huno humaine.
21
Huteno
Yisasia mage huno hie nagoa veamoya amakaiami amaugafa aliya haisaya yafe mone
afenoamia halaya nehayanagi Anumaya Kotia musema hisia kavala aliya halaya nohayafe ani
kanomoma humainea kava kana veane mainae. huno humaine.
Ma mopafi yafena tamakesa havi havi ohiho. huno humaine.
22
Tuelufua (12) anagaamogamife mage huno hamapaiye Ani yafena nagaya
tamahanepauve kanale hutama maisaya yaene kave nesaya yaene ti nesaya yaene tamakesa
havi havi ohiho. Tamaugafale kena failisaya yafeene tamakesa havi havi ohiho.
23
Kave
neyana aifa letale yanagi kahaimuna kanaleya huka maisana yana kanale ya hane. Kena
failisana yana amegale yanagi veanea tokiya ya mainae.
24
Hakiki namayaga ageho. Amakaya
avina yana ofaiya kavela hoyafinagatila noaliye. Kave malesaya noamiene yu noamiene
omaleneanagi Anumaya Kotia kavela afaa neamamie. Tamakaya namayaga amakase-
mainaya veane mainayafe tamakaiene kava yagailamategahie.
25
Tamakaitamifitila nago
kanomoa Ofalina nagoene maime maime haigahue. huno tokiyaage agesa havisiana anima
havia katela hanaa huno falote hugahie? Aao falote ohugahie
26
Ohugahigi ani osi ya kanoa
ohaleasine naa higetama nagoa maisaya yafena tamakesa havime havime nehaiye?
27
Ageho talapinaga hanea vilasiyamoya haiya ausea nehae. Aliyana aliya kenaamia talo
huya fainoaligi kanale kenaami hanegena nagaya tamahanepauve nayoma mainea ala sauve
kanotamia Solomonia kanale kenaa failianagi ma vilasiyamoya kanaleya huya agase-mainae.
28
Tala yana meni kanafina hoyafina haneanagi ega hataga huya atafi atalegahagi Anumaya
Kotia ani tala yana kava yagaigeno kanaleya humainegi tamakaya mukia veamogatama
nagaifena tamakupi maletama tamametitia osi kanoa nehagi Anumaya Kotia ania huno
tamakaila kenatamia alino hilato hulamategahie.
29
Ani yafe Kaveene tiene na ya negahune? hutama tusia tamakesa havi havi ohiho.
30
Naa yafena ma mopale mainaya veamoya Anumaya Koti kema nohaviya veala amakesa
havi havi huya nemaigi Nelamafaa nesaya yaene kena failisaya yaenefena ago havimaine.
31
Havimaineafe tamakaya ani kavala ohutama Anumaya Kotima kava yagaisia kumate
visayafe tamakesa havi havi hutama maisayana Anumaya Kotia ani yaene mukia
kavetamiene kenatamiene tamamiteno ani kumatela tamavaleno tamategahie. huno hie.
Yisasia ikapinaga muse ya alitalu hisaya yafe humaine.
32
Nenafugatama tamakaya osi kanoa sipi sipia mainagi kolia ohiho. Nelamafaa kava
humainea kumatela utama visageno kava yagailama-tesigetama maisayafe agesa havino
mainegi kolia ohiho.
33
Ani agesa havimaineanagitama afenoyatamia alitama afenoyaami
omalesia veamogami amamiho. Na kava hisayana ikapinaga muse yatamia talo hugahae. Ani
ikapinaga muse yana hano ohugahie. Musufaya nehaya vayamoya musufayama hugahena
ani kumatela ougahae. Hakanomoa ali haviya ohugahie.
34
Muse yatamima malenesaya
kumatefe tamakesa havi havi hutama ani kumate visaya tamaku tamakesa havitama
maigahae.
Kanale aliya vayamoya talo tala huya nemaiye.
35
Yisasia mage huno hie Ala kanoma esiafe kenatamia alitama aupa hutama
failinetama tamamu nofila hulinetama kanitamia aye haletama maiho.
36
Nagoa aliya
vayamoya ala kanoamimofe agava maisaya kava hutama maiho. Ani ala kanomoa ama alisia
imulegati eteno no fitaalema me kalu-kalu hisigeya aupaa hetiya yakitesayafe agava mainae.
Tamakaya ania hutama nagava maiho.
37
Ala kanoma emainea kanafina hetiya maineya agavama mainaya aliya vayaamoya
tusia muse huya maigahae. Tamage tamahanepauve ani ala kanomoa kenaa ali aupa huno
failineno aliya vayaahe Mopale maiho. huno humateteno kavela amamite amamite hugahie.
38
Kege amunopi esio? Kokolemoa agea oainesigeno esio? Esigenofena hetiya agava
maisaya aliya veamoya tusia muse hugahae.
39
Tamage huna tamahanepauve nomona nefama musufaya hisia kanomoa nomaafi ehai
falesia kanahema havimaineleasina nomaa ataleno ovigeno nomaafina ehaino musufayana
ohileasine.
40
Tamakaienena talo tala hiho. Menia omegahie. hutama hisaya kana kanoale
ikapinagati emainoa kanoa vayamo natenea kanomona egahue. huno humaine.
Kanale agu agesa hanesia aliya kanomofe humaine.
41
Pitaa mage huno humaine Anumayamogae tagaifekeya ani avame kaiyekea
tahanepaino ifi mukia veane havisae? huno havigemaine.
42
Anumayamoa mage huno
humaine Aliya kanomoa kanale agu agesa hanea kanoa aliyamaa agegeno alige alige nehia
kanoa tamakaipina hanate maine? Aniama humainea kanomofe kava kanomoa mage hugahie
Mukia aliya veate yagai-maineka kavela fako faka huka mukia kanafina amamite amamite
huo. huno hugahie.
43
Hugahigi haenagaa ani ala kanomoa eteno esigenoa hapai-mainea
augafa kavama hinagenofena ani aliya kanomoa muse hugahie.
44
Tamage huna
tamahanepauve aniama humainesia aliya kanomofena ala kanomoa mage hugahie Mukia
yania kava yagaiyo. huno hugahie.
45-46
Hugahianagi ani aliya kanomoa agaia agesafinaga mage huno havisiana Kava
kanonia menia hivi huno omegahie. nehuno agaia aliyate kava yagai-mainesia vegi munanegi
nehamaeno ala kanomo kavela tina neno havilina neno aneginagi nehuno Omegahie. huno
hisia yupaene kanaaene kava kanoa egahie. Enunoa ani havi kavama humainea kanomona
kayo kevia ami-maleteno alino haviya huteteno mage hugahie nagaima veganokano
hunenataya veanene umaiyo huno hutegahie.
47
Nago aliya kanomoa agaia ala kava kanomona haiya kavafena ago havitenoagi kava
kanomona haiya kavala ohuno talo talama ohunesiana ala kava kanomoa agaila alakefa huno
haegahie.
48
Haegahigi nago aliya kanomoa ala kanomona haiya kavafema ohavino havi
kavama maino nehisigenoa ala kava kanomoa ako huno haegahie. Mukia yama ali-mainaya
veafena Anonaa etetama mukia yania namiho. huno hugahie. Mukia yamaa amamigeya ali-
mainesaya veafena Anonaa ava monene etetama menamiho. huno hugahie.
Yisasia veane ali fako hugahe emaine.
49
Yisasia mage huno hie Nagaya ma mopafi ata kaesugeno tesia yafe emainoe. Ani
atamoa aupaa tesie huna nagu nagesa nehavue.
50
Nahaesagenofena nagaila tusia nagata
aigahie. Aupaa huya onahaesaya yafe nagu nagesa havua nagesamoa hivi huno talavanote.
51
Tamakaya na tamakesa nehaviye? Ma mopale taipa falu huta maisuna yana tamigahe
Yisasia emaine. hutama nehafi? Aao nagaya tamakaila ali fako hisua yafe emainoe.
52
Meni
kanafina aepa heya faefua (5) afamola nagoke nopi nemaisaletila tolemogania (2)
taliamogamina (3) kame humategae. Taliamoya (3) tolemoganina (2) kame hunategahae.
53
Mago afamotalamogania nefaa agaia nafanemona kame hutesigeno nafaneamoa agaia
nefana kamea hutegahie. Nago tayametalamogania itaamoa munaamona kame hutenageno
munaamoa itaamona kamea hutegahie. Vemona itaamoa anofeloamona kame hutenageno
anofeloamoa ania huno nevena itaamona kamea hutegahie. huno humaine.
Meni kanafima falote nehia yamona aepaa noagae huno humaine.
54
Alitalu humainaya veamogamifena mage hie Tamakaya yagemoma tavi nefalelegati
siamoma evayi higetamahena aupaa mage nehae Ko aigahe nehie. hutama nehageno ani
yana tamage huno falote nehie.
55
Oko ikama agetetama Amukoage hugahe nehie. hutama
nehageno ani yana tamage huno falote nehie.
56
Tamakuafina havitama omaletama amegati
kea nehaya vagala veala tamakaya mopale yaene ikate yaene agelama hutama neagayanagi
naa higetama meni kanafima falote hia kavala agelama hutama noagae? huno humaine.
Kaiyekema hugatesia kanoene kea kea hutana ali kanale hio.
57
Naa higetama fatago kavafena tamakaitamia tamakesa havilama hutama nohaviye?
58
Nago kanomoma Haviya hunatanagena kaiyeke hugategahe nehue. hunoma kavaleno
vinagetana kaiyekema havi kanomotema ugahema neutana Nenafuga kaipa falu hisia yana
kamigahue. huka hapaiyo. Ania ohisanana kavaleno kaiyekema hugatesia kanomote
vinageno ani kea haviteno ati vayamogami ayapi katesigeno kavaleno nofila hugategahie.
59
Nofi hugatesigekahena kaiyekema hugatenea kanomoma Mone namio. huno hu-
mainesia yamaa oaminukahena nofi nopitila ataleka omegane. huno humaine.
Luku Luku
<<
12 12
>>
Luku Luku
<<
13 13
>>
13
Tamakua aiyahae hiho. huno humaine.
1
Ani yupa nagoa vayala Kalili vayafe Yisasina kea hapaigahe eya mage hae Ani Kalili
vayamoya Anumaya Koti muse yama amigahena sipi sipi nehageno Pailatia, kava kanomoa,
ati vaya humategeya me hamayageya faligeno kolaamiene sipi sipi afuma haya kolaamoene
nagopi tavi-maine. huya hae.
2
Hageno Yisasia mage huno hie Kalili vayama fali-mainaya
vayamogami kefo yaamia nagoa Kalili vayamogami kefo yaamimona ago amakaseno hai-
mainea yafe fali-mainae hutama tamakesa nehavio?
3
Tamahapauve ani vayayaga kefo
yaamia ala huno otamakaseneanagi tamakaya kefo yatamihena tamakua aiyahae ohisayana
ania hutama faligahae.
4
Nago yupa Siloamu kumate ayaaya nona tagape ailavino eitinia (18) vaya hamaegeya
fali-mainaya kea havilinao? Na tamakesa nehaviye ani vayamogami kefo yaamimoa nagoa
Yelusalemu mainaya veamogami kefo yaami ago amakaseno hai-maineafe fali-mainae
hutama tamakesa nehavio?
5
Tamahanepauve anima fali-mainaya vayala kefo yaamimoa ala
huno otamakasenegi tamakaya kefo yatamihena tamakua aiyahae ohisayana ania hutama
faligahae.
Nago yosamo avame kea humaleno alagaa oayea yafe humaine.
6
Yisasia nago avame kea huno mage hie Nago kanomoa hoyaafina figi yosa hane.
Nago yupa alagaa tagigahe vianagi alagaa omale.
7
Omalegeno hoyafi aliya nealia kanomofe
mage huno hie Havio nagaya talia (3) kafu alaga aligahe ete ete huanagi alaga omalene.
Oayeneafe ani yosa atagi-talo. Naa higeno mopamona limaa afaa nenegena alu yosa faisue
huna nehue. huno hie.
8
Higeno hoyafi aliya kanomoa mage hie Musekaa nehugi ma
kafuene atalegena hafuyafina aipopoma huna afumo aifa katena malena agano.
9
Malesugeno
nago kafulema alagaa ayesio? Oayesigeka afaa atagi-talegane. huno humaine.
Yisasia nagola kali nealia alagino alino kanale hutene.
10
Nago Sapati yupa Yisasia nago mono nopi maineno humavenelie.
11
Humaveneligeno nagola kali nealia alagino ani nopina maine. Ani amona aguafina Kefo
Avamula hai fale-maineno tusia kali neamigeno eitinia (18) kafu ani kalia ali-maineanagino
akaveya ayamufamoa fagagigeno hetino fatago huno nomaiyane.
12
Yisasia ageteno ke huno
mage huno hie Ma amogae kalikaa ago ali neataloe. huno hie.
13
Nehuno ani amo augafale
aya malegeno anile aupaa akaveya aifatago higeno hetino maineno Anumaya Koti agia
alisaga humaine.
14
Nehigeno ani mono nopi soka kanomoa Yisasima Sapati kanalema hutea yafena aipa
kafa heteteno mukia veafe mage huno hamapaiye Aliya kana sikisia (6) kana hanegi
kalitima alino kanale hisie hinutamahena ani aliya kanale eho. Sapati kana kalitami alilino
kanale hulamatesia yafena omeho. huno humaine.
15
Higeno Anumayamoa kenonaa mage
huno hie Tamakaya tamakuafina havi omaletama amegati ke nehaya vagala vayamogatama
tamakaya mukiamogatama Sapati yupa toki afuene pulamakatamiene noamifina mo kalu
hetama ti amigahena amavaletama nevayane.
16
Naa nehayanagi ma amona Apalahamu
aginagomona Satania eitinia (18) kafu nofi hutegeno kalia ali-maineafe Sapati yupa ani yana
ali kalu hetaloa yafe Havi kava hane. hutama nehao? huno humaine.
17
Higeya kame
vayaamoya tusia amakaye higeya mukia veamoya kanale kava hia yafe tusia muse humainae.
Anumaya Kotia kava yagaisia kavamoa maa humaine. huno humaine.
18
Yisasia mage huno hie Anumaya Kotima kava yagaisia kavamoa ma kava humaine?
Hanaa huna maa augafa yana hane huna tamahapaisue?
19
Ma osi osi alagamoma hia
avamete nehie. Ani alagamo agia masatatie. Osi osi alagama nago kanomoa alino hoyafima
fai-malegeno hageteno haino haino ala yosagefa hanegeya namayagamoya akopale noamia
ki-mainae. huno hie.
20
Nagoene mage huno hie Anumaya Kotima kava yagaisia kavafena hanaa huna maa
yana hane huna tamahapaisue?
21
Kaihamema hale negia avamete humaine. Nago amoa ani
kaihamema halegisia yana alino talia (3) ala yopafi tanefa falauvaene ali havigu higeno
haenagaa mukia tanefa falauvamoa halegi-maine. huno hie.
Anumaya Koti kava yagaisia kumate hai falesaya fiana osi fia kanoa hane.
22
Yisasia Yelusalemu ugahe osiosi kumayagaleene ala kumayagaleene uno humavelie.
23-24
Humaveneligeno nago kanomoa mage huno havige Anumayamogae Anumaya Kotia
namagi veane amaku amamena aligatigahie? Osia veanefi kasagoya veane? huno higeno
Yisasia alitalu humainaya veamogamina mage huno hamapaiye Anumaya Koti kumatema
visaya fiana osi fia kanoa hane. Ani fiapima vinutamahena tamayamufa alitama tokiyaage
hutetama hai falegahae. Hai falegahagi kasagoya veamoya Hai falesune. huya
hugahayanagi amukoamia omaleneanagiya hai ofalegahae.
25
Haenagaa ani notema kava
yagai-mainea kanomoa hetino fita alino kilamatesigetama fiate heti-mainetama fitale aiko
nelitama mage hutama hugahae Anumayamogae fita yakilato. hutama hisagenoa mage
hugahie Nagaya otamakenoane. Tamakaya hanategati aya veane neae? huno
hulamategahie.
26
Hulamatesigetama mage hutama hugahae Kagaiene kavela nenonane.
Tagai kumate kaiyekea tahapai-mainana kano mainane. hutama hugahae.
27
Hugahayanagi
mage huno hulamategahie Ago tamahanepauve tamakaila otamakenoane. Hanategati aya
veane neae? Kefo kavakeya ali falote hutama nehaya vealagi nagaitegatila mai-haletama
viho. huno hulamategahie.
28
Tamakaya mogesayana Apalahamuene Aisakiene Yekopuene
Anumaya Koti amaune vayaene Anumaya Koti kumatela mainesagetama mogegahayanagi
tamakaya anilela ougahayanagitama malaga mainetama tusiya hutama avia neatetama
tamakaitami tamaugafahena tusia kalagi aigahae.
29
Nagi mukia veamoya yagemoma tavi
nefalelegatiene evayi nehilegatiene aluga aluga haupalegatiene Anumaya Koti kumate melitalu
huya siale maineya kavela negahae.
30
Haviho meni kanafina nagoa veamoya haenagalafa
mainaya veamoya uhagoteya maigahae. Hagoteya mainaya veamoya haenagalafa maigahae.
huno hamapaiye.
Yisasia Yelusalemu mainaya veamogamifena avite-maine.
31
Higeya ani kanafina nagoa Falasia vayamoya mage me hae Ma kumala ataleka alu
kumate vuo. Helotia ala kava kanomoa ago kahaegahe nehie. huya humainae.
32
Hageno
Yisasia mage hie Tamakaya utama ani afai kalamona, kesi kate vaiyatete nehia kalamona,
nagayama hisua kea mage hutama hapaiho Havio nagaya osi kanaa Kefo Avamula
veamogami amakuafiti ali-taletena kali veanene alina kanale humatetena talia (3) kanale
aliyania ali avaya ayegahue. huna tamahapai-mainoa kea mo hapaiho. huno hamapaiye
33
Hamapaiteno Anumaya Koti aune kanomona alu kumatela ohaegahayanagiya
Yelusalemuge haegahae. Ani yafe nagaya meniene egaene olagaene kate vaiyegahue.
34
Vaeha Yelusalemu mainaya veamogatama tamakaya Anumaya Koti amaune
vayayaga nehamaetama yafa kayo alitama Anumaya Koti humategeya tamakaitega emainaya
vayala yafa kayoteti tavata hamae-mainayanagi nagaya mukia yupa a kokolemoa nafaneama
agekonafinagama alitalu nehia avamete huna tamakaila nagaya nagainiale alitalu hulamategahe
nehugetama tamakaya Ani kavala ohuo. hutama nehae.
35
Haviho ma mainaya kumatefena
Anumaya Kotia ago ataleno Aoteyamaae. huno humaineanagitama menia nagoene
onagegahagi Anumayamo aliya aligahe higeno hutenea kanoa Anumaya Koti kanale manu
amisie. huya hisaya kanafi nagoene nagegahae. huno humaine.
Luku Luku
<<
13 13
>>
Luku Luku
<<
14 14
>>
14
Yisasia nagola augafa halegi kali nealia kanoa alino kanale hutene.
1
Nago Sapati yupa Yisasia Falasia vayate kava humainea kanomo nopi kave mo
nenegeya nagoa Falasia vayamoya Yisasina ageya mainae.
2
Mainageno nagola augafa
halegimai kanoa, faligahe nehia kanoa, anile maine.
3
Mainegeno Yisasia ani kanoa ageteno
ani nopi mainaya Falasia vayaene kahegi kema havilinaya vayaene mage huno hamavige
Sapati kanafina kaliamia alino kanale hutesia yana kanale yapi havi yane? Tamakai mono
kemoa naane nehie? huno hamavige.
4
Hamavigegeya ani vayamoya nagola osi ke kanoa
ohuya afaa mainageno Yisasia ani kali kanoa atafa hulineno kalia alino kanale huteteno
atalegeno umaine.
5
Vigeno Yisasia mage huno hamavige Hana kanomoga Sapati kanafima nafanekafi
pulumakafi komufima tavi-mainesigetama Sapati yupae. hutama anifinaga atalesafi ifi
aupaa amavayu hugahae? huno hamavige.
6
Hamavigegeya mukia vayamoya kenonaa kea
ohuya mainae.
Yisasia Tamaugafa alitama nehaiya vayala tamaugafa atalegeno lavino. huno
humaine.
7
Kavema me neho. huno ke higeya emainaya vayamoya Ala kanomo nemaiya siale
emaisune. huyama nehaya kavala Yisasia ageteno ani kavama nehaya yafena mage huno
hamapaiye.
8-9
Nago kanomoa kagaifema Ala imulema eno. huno kema hinageka
vinukahena ala kanomo nemaiya sialela uomaiyo. Havigu anile mainesanageno nago kanoa
kagaseno mainesia ala kanomofe ke hinagenoma emainesigeno kava kanomoa kagaifena
mage me hugahie He-tio. Ala kanomo sialelagi kagaya omaiyo. huno hugatesigeka kagaye
nehinageka akavelaga mo maigane.
10
Nago kanomoma kagaifema Ala kave meno. huno kema hinageka vinukahena osi
kanomo mainesile mo maiyo. Mopale mainesanageno kagaifema ke humainesia kanomoa
megagesiana hinagenoa mage huno hugahie Nenafugae malela omaika neataleka ala
kanomo siale haisaga humaika maiyo. huno hugategahie. Ani kema hisigeya mukia anile
mainesaya veamoya kagai kagi alisaga hugahae.
11
Nagoa veamoya Ala vaya mainonanagita
tagia alisaga hugahune. huya hisagenoa Anumaya Kotia Afa vaya mainae. huno
humategahigi nagoa veamoya Tagia omale veane mainone. huya hisagenoa Anumaya
Kotia ani veamogami amakia alisaga hugahie. huno hie.
Veamoya anonaa hu otatesaya veamogamina kanale ya humatesune.
12
Kavela me neho. huno ke humainea kanomofe Yisasia mage huno hie Ala imuma
kigahena mukia kameta negafuene kafukaganaene kagaika nofi vayaene moneamima hanesia
veaneheke Kave me nesae. huka kea hu oamato. Haenagaa kagaife Kave meno. huya
hisagekama mo nesanana anonakaa hai ali-mainane.
13-14
Hai ali-mainanagi ala imuma
kigahena maa veafe kea huo moneamima omale veanegi amaugafa haviya humai veanegi
amaiya haviya humai veanegi amaulaga asu humai veanegi huka ke hisanageno Anumaya
Kotia muse yana kamigahie. Ani veamoya anonaa kavekale kamisaya amakula omalenea
yafe kagaya muse hisanageno fatago humainaya veanema fali-mainesafiti hetisaya kanafina
Anumaya Kotia agaia anonakaa kamisigeka muse hugane.
Ala imule huvame hu-malenea ke.
15
Nago kanomoa Yisasiene maineno kave neneno Yisasi kea haviteno mage hie
Nagoa veamoya Anumaya Koti kava yagaisia kumate haiya maineya kavela neneya tusia
muse hugahae. huno hie.
16
Higeno Yisasia mage huno hapaiye Nago kanomoa ala imu
kigahe mukia veaneyaga Meneho. huno ke humaine.
17
Ke humateteno imua ago
kimaleteno aliya kanoamona hutegeno viayamo kema humatenea veanehe Tamakaya eho.
Mukia nesaya yana ago talo tala humalene. huno hamapai-maine.
18
Hamapaigeya ani mukia
veala nagoke nagokemoya mage hae Tagaya ougahune. huya hae. Hageno nagoke
kanomoa mage hie Nagola hoya yaufa miya humalenoanagina mogegahe nehue. Museka
nehugi nagaya ougahue. huno hie.
19
Higeno nago kanomoa mage hie Nagaya tenia (10)
aliya alisia pulumaka miya humalenena nehuanagina kanale aliya nealifi agegahe neue.
Museka nehugi nagaya ougahue. huno hie.
20
Higeno nago kanomoa mage huno hie Menia
nagaya yaufa ania alitenoanagina museka nehugi nagaya ougahue. huno hie.
21
Nage hageno eteno ani aliya kanomoa kava kanomona mo hapaigeno ani kava
kanomona aipamoa haviya higeno aliya kanoamofe mage huno hapaiye Kagaya aupaa
eteka uka kumate mainaya veanegi moneamia omale veanegi aiya haviya humai veanegi
aulaga asu humai veanegi aumiya haviya humai veanegi amavaleka eno. huno hie.
22
Higeno
ani aliya kanomoa ani kava huteno eteno mage huno kava kanomona me hapaiye Kagai
kavaya ali hipoya huanagi nagoa siale maisaya yana afaa hanegeno nokaafina hiyala ohune.
huno hie.
23
Higeno ala kanomoa aliya kanoahena mage huno hapaiye Kagaya kumala
neataleka ala katega neuka tala agegayalega nemaiya veanea ke huka amavayu huka
amavaleka noniafina memategeya hiya hiho.
24
Nagaya kahanepauve hagotena kema
nehugeyama omenaya veanea mukiamoya menia kavela meliya onegahae. huno hie. huno
hamapaiye.
Yisasia Tamakesa havilama hutetama nakavela eho. huno humaine.
25
Kasagoya veamoya Yisasiene nevageno maiyahae huno hamapaiye Nagoa veamoya
nagai nakavema egahena nefaene itaamoene aamoene nafaneamoene nepuamoene
asaamoene aganaamofeenena Afa vaya mainagi Yisasia tamakase-mainea yafe nagua
aminoa kano mainoe. huno ohisia kanomoa nagai kea havino akave omale kano maine.
26
Kanaleya huna maisua nahaimula afa ya hanegi Yisasia agasemai kanogina nagua
aminoe. huno ohisia kanomoa nagai kea havino akave omale kano maine.
27
Nagaila
nagatama aisigena falisua yafema nago kanomoa Ani kava hugahue. huno agaia yafaga
yosa kofino nakave visia agesa ohavisia kanomoa nagai kea havino akave omale kano
maine.
28
Tamakaipiti nago kanomoga Ala nokefa kigahue. kagesa havinukahena hagoteka
Ani nonia kina avaya ayesua monenia hanefi? huka kagesa havi havi hugane. Mukia kisua
monea hane. huteka ani nona aepa heka kigane.
29-30
Hagotekama naa ohinuka aepa heka
amalagu aiteka posia ayesanageno monekaa hano hisigeka ani no kika avaya ayesana
amukoka omalesigeya mukia agesaya veamoya kigika hugateya Ma kanomoa nona aepa
heno kianagi ani nona hivi huno ki hano hisia amukoa omalene. huya hugahae.
31
Nagi nagola sauve kanomoa Nago sauve kanoenema aepa hena tu hugahue. huno
agesama havinunofena hagoteno mage huno agesa havisie Nagaya teni tausenia (10,000) ati
vayania mainagi nago sauve kanomoa tueti tausenia (20,000) ati vayaa mainayanagina tuma
hisua himamunia haneo? huno agesa havigahie.
32
Agesa haviteno Aao tuma hisua
himamunia omalene. hunoma hinunofena agaiene tuma hisaya vayamoya ayaayate
mainesageno nagoa vayala humateno mage huno hugahie Mage hutama mo havigeho
Hanaa hutaa taaipa ali falu hutaa maisue. hutama mo havigeho. huno hamapaisigeya mo
havigegahae.
33
Mo havigegahagi tamakaipitila nagoa veamoya mukia yaamima amakaveno
hu oatesayana nagai kea ohavi veane maigahae.
Yisasia haviya humainea solele avame ke humaleno humaine.
34
Tamakaya havilinae solea kanale ya haneanagi hagama nehia yamaa hanoma
hisigetama hanaa hutama hagama nehia yamaa ali falote hugahae?
35
Hagama nehia yamaa
omalesiana afa ya hanegi afumo aifaene aliya ituyaene hoyafi malesayana afovaage
ohugahigi veamoya afaa hagayu hutalegahae. Tamakesama hanesiana havilama hutama
haviho.
Luku Luku
<<
14 14
>>
Luku Luku
<<
15 15
>>
15
Fanane humainea afule huvame humaleno humainea ke.
1
Vaya amaugafaleti takisi mone huhatiya aliliteya huya musufayama nehaya vayaene
kefo yama hume hume nehaiya veanene Yisasi ke havigahe avate emainae.
2
Emainageya
Falasia vayamoyaene kahegi kema havilinaya anagamoyaene ageteya mage huya ke
vaimainae Ma kanomoa kefo ya nehaya vayaene tokaeno maineno kavela nene. huya hae.
3-4
Nehageno Yisasia avame kea mage huno hamapaiye Hana kanomoga tamakaipitila vani
hataletia (100) afua mainefiti nagola fanane higeno ani afumona nefaa mukia afua talapinaga
amataleno viayamo nagokema fanane humainea afuahe atiyeno yeno ageno ali falote hisifi?
E, fananema hisigeno ania huno ati ayegahae.
5
Atiyeno agefalote huteno tusia muse huno
ageyafi aigagino avaleno umaine.
6
Kumate uvayi huteno vayaahe ke higeya melitalu hageno
mage hie Fananema humainea afua ago agefalote huafe tamakaiene nagaiene muse hisune.
huno humaine.
7
Yisasia hufalote huno mage hie Ani kava huno mukia vani hataletia (100) veamoya
kefo yafe amakua aiyahae huya fatago kava nehaya veafena Anumaya Kotia muse
hugahianagi nagoke kanomoa kefo yama hume hume nehaisiletima Kefo yania atalena
nagaye higena aigagina Anumaya Kotitega etena nagua amigahue. hunoma hisigenofena
Anumaya Kotia tusia muse hutegahie.
Fanane humainea monele huvame humaleno humainea ke.
8
Nago amoa teni (10) kina malenefiti nagola fanane higeno lamua hanagaliteno
nomaafina halafi huno atiyeno yeno ali falote humaine.
9
Ali falote huteno vayaahe ke higeya
melitalu hageno mage hie Tamakaiene nagaiene muse hisune. Monenima fanane humainea
monea ago atiyena yena ali falote hue. huno humaine.
10
Yisasia hufalote huno mage hie
Nagaya tamahanepauve ani kava huya Anumaya Kotina ensole vayaamoya nagoke
kanomoma kefo yama hume hume nehaisiletima Kefo yaniahena nagaye higena aigagina
Anumaya Kotitega etena nagua neamue. hunoma hisigenofena ensole anagamoya tusia
muse hutegahae.
Tole nafanea mainea kanomofe huvame humaleno humainea ke.
11
Yisasia amakaifena mage huno hie nago kanomoa nafanelatamaa tole mainae.
12
Mainaanagino haenaga nafanemoa nefafe mage huno hapaiye Nenafagae falisanana nagai
ya hapaegahie huka hunatenana yana ago namio. huno higeno nefaa mukia yamaa alino
fako huno tole nafanelatamaamokani anamine.
13
Anamitegeno haenaga nafaneamoa osi kana kanoa maiteno mukia mone afenoyamaa
alino ayaaya kotega umaineno hu osuyate mone afenomaa motale metale huno age haye hu
yateene mone afenomaa mukia atale hano humaine.
14
Mukia yamaa hano higeno ani
kumatega ala kafu haya kanamoa falote higeno nagoa nesia yana omalegeno tusia
agatemaine.
15
Agategeno nagola ani kumate kanomotega viayamo Aliyakaa alisue. huno
havigegeno E. huteno talapinaga hutegeno viayamo afuale kava yagaino maineno
kaveamia amamine.
16
Neamamino mage hie Vae nesua kavela omaleanagina afumo
kavepiti haletinaa nesue. huno humaine. Hianagi nago kanomoa nesia yana oamine.
17
Oamigeno agesamoa hao higeno agesafinaga mage huno hie Mukia nenafa aliya
veamoya amamu hia no maineya kasagoya kavela nenagena nagaya nagala legena maa huna
falisua kavala nehue.
18
Nehuafe hetina nenafatega una mage huna hapaigahue Nenafagae
nagaya kefo ya hugatenoe. Kagaiene Anumaya Kotiene kefo ya hulanatoe.
19
Nagaila
natenana nafanekamonae huna hisuana onategahianagina musekaa nehugi aliya kanokaa
maisua yafe navalo. huna hugahue. huno agesa havimaine.
20
Haviteno nefatega neeno aluale neegeno nefaa ageteno kalagi aino aiyayeno
monukino atako humaine.
21
Atako nehigeno nafaneamoa agaifena mage huno hie
Nenafagae nagaya kefo ya hugatoe. Kagaiene Anumaya Kotiene kefo ya hulanatoe.
Nagaya natenana nafanekamonae huna hisuana onategahie. huno hie.
22
Higeno nefaa aliya
veaamofena mage huno hie Aupaa utama kanaleyama humainea kukena alitama me vaiteho.
Ayapi vaisia kihana vaitetama aiya noene vaiteho.
23
Ala pulumaka afovaagema humainesia
afua hetama kisageta neneta musekase hutesune.
24
Ma ma mainea nafanenimoa fali-mainefiti
hetia yafeene fananema hu-mainefiti efalote hia yafeene musena hutesune. huno higeya
aepa heya tusi muse hutenae.
25-26
Huneatageno yage nafaneamoa hoyafinagati eno note evayi nehuno haviana
yagame haya yaene amo ayaya kene me haviteno aliya kanomofena ke higeno egeno mage
huno havige Na kava nehae? huno havigemaine.
27
Havigegeno mage hie Kaganakamoa
ago emaine. Augafamoa kanaleya higeno ea yafe negafaa afovaage afua hegeya neneya
hafali ateya mainae. huno hie.
28-29
Higeno nepuamoa aipa haviya higeno Nagaya nopinaga
ohaigahue. huno higeno nefaa nopinagati eno mage hie Musekaa nehugi ehaiyo. huno
tutu higeno nefafe mage huno hapaiye Havio nagaya kasagoya kafua kagai aliya alige-lige
huna kekaa nago kanafina Aao. huna ohunuanagika vayaniamogamiene muse hisuna yana
nagoke meme ataaua heka onamitafa hu-mainanane.
30
Onaminana yana ma nafanekamoa
mone fenoyagakaa alino kumai anele momi memi higeno monekaa hano higeno emainegeka
afovaage afua heka musekase huneatane. huno hapaiye.
31-32
Higeno nefaa mage huno hie Nafanenimogae mukia kanafina nagaiene
nemainanagino mukia yania kagai ya hanegi kaganakamoa falino fanane humainefiti evayi
hianagita muse huta taipamoa kanale hinageta maisunana ani yamoa kanale hulatesie. huno
hapaimaine.
Luku Luku
<<
15 15
>>
Luku Luku
<<
16 16
>>
16
Aliya kava kanomoa ali-mainea monele anonaa eteno aminea avame kea.
1
Yisasia agaiaene tokaeya nemaiya anagafe mage huno hamapaiye nagola tusia monea
hanea kanomoa ani afenomaale kava nehea aliya kanoamoa mainegeya nagoa vayala
ayaamoya ani aliya kanomofe akavelaga ke huya mage hae Kagai aliyate kava kanomoa
mukia yakaa alino motale metale humaine huya hae.
2
Hageno moneama hanea kanomoa
kava nehea aliya kanoamofena ke higeno egeno mage hie Naane huya kagaifena
nahanepaiye? Kagaila kava hisana tokiya ago kaminoafe kagaya hanaa huka kava
humainane? Huyogiteka menahapaiyo. Nagoene kagaya mani aliyana oaligane. huno
humaine.
3
Higeno ani aliya kanomona agu agesamoa mage hie Aliyania nahafalegahe higi hanaa
hisue? Hoya aliya alisua tokiyania omaleneanagina aukaya hisugenoa nagaye hugahianagina
hanaa hisue?
4
Hisua yafena menia nagesa havue. Ani kava humatesugeno aliyaniama
nahafalesigeya anonaa ani vayamoya Notifi emaiyo. huya hugahae. huno havimaine.
5
Nagoa ala kanoamoteti nofi humainaya veafe amahaote amahaote ke higeya ageno hagote
kanomofena mage huno havige Nagai kava kanomoa namagi ya nofila hugatene? huno
havige.
6
Havigegeno mage hie Nagaya vani hataletia (100) kalasini talamu nofila huanagi
anonaa oaminoe. huno higeno aliya kanoamoa mage hie Anima kae-malenea autama ma
hanegi ani vani hataletie (100) huno hanea avona ayehananeka fifitiae (50) huka kao. huno
hapaiye.
7
Nago kanomofena mage hie Nofima humainana yana namagi ali-mainane? huno
higeno Vani hataletia (100) alaisi kula nofi huanagi anonaa oaminoe. huno higeno aliya
kanoamoa mage hie Anima kae-malenea autama ma hanegi ani vani hataletia (100)
ayehananeka eitiae (80) huka kao. huno humaine. Ani kavama hia yamoa ma agesa havie
Haenagaa aliyaniama nahafalesigeya ani vayamoya mage hugahae Notifi emaiyo. huya
hisayafenagina naa kava hugahue. huno hie.
8
Ani musufaage aliya kanomoa agesa havi havi huno ani kava humainea yafe ala
moneama hanea kanomoa mage hie Kanale kagu kagesa hane. huno humainegeno Yisasia
mage huno hie Ma mopale yafema muse nehaya veamoya mone alisaya yafe amakesa havi
havi huteya aliyama aliyana hale yapi mainaya veala ago amakaseya amakesaene veane
mainae.
9
Nagaya tamakaitamige tamahanepauve tamakaya ma mopale monea alitama
veamogami amamisageya nelamafuya maisagetama falisaya yupa ani monea hano hisigeno
Anumaya Kotia maige maige hisaya nopina tamavaleno ali falu fala hulamategahie.
10
Nagoa veamoya osi osi yate kanaleya huya yagaisayana ala yakefalela ania huya
kanaleya huya yagaigahayanagi nagoa veamoya osi osi yatema kanaleya huya oyagaisayana
ala yakefalela ania huya kanaleya huya oyagaigahae.
11
Tamakaya ma mopale monema
kanaleya hutama kava oyagaisayana ikapinaga tama afenoyatema yagaisae huno
otamamigahie.
12
Tamakaya alu veamogami yatema kanaleya hutama kavama oyagaisayana
tamakaitami afenona otamamigahie.
13
Nagoke aliya kanomoa Tole kava kanolatamogani aliya kanoania maisue. huno
ohisie. Ania hisiana nagoke kava kanomofe Haivaino naipa nagata aiya kano mainane.
huno hugahianagi nago kava kanomofena Nahaiya kano mainane. huno hugahie. Nago
kava kanomona aipa amiteno nago kava kanomofe Falote onahaiya kava hana kano
mainane. huno hugahie. Tamakaya ania hutama Anumaya Kotienefe ma mopale mone
fenoenefe Ali lokaetana kava yagailateo. hutama hisayana haviya hugahie. huno humaine.
Yisasia kahegi keheene Anumaya Koti kava yagaisia yafeene huhaleno humaine.
14
Falasia vayamoya ani kea haviteya mone fenofema nehamaiya yafena tusiya huya
kigia nehuya kamuge hatageya vaitenae.
15
Kigi hutayanagi Yisasia amakaifena mage hie
Tamakaya veamogami amaulagafina Fatago anaga mainone. hutama nehayanagi
Anumaya Kotia tamakupina ago agelama huno agemaine. Age-maineanagiya tamakaifema
veamoya tamakeya Tusia kanalenale kava nehae. huya nehaya kavafena Anumaya Koti
aulagafina himanaage hia kava nehae.
16
Mukia kanafina vayamoya Moseseene Anumaya
Koti amaune vayaene humainaya kea haviyanagi Yonima falote humainea kanaleti aepa hena
Anumaya Koti kava yagailamatesia kanale mono kea tamahapaugetama mukia veamogatama
Anumaya Kotia kava yagailatesie. hutama hugahe tamayamufa aitama tusi ya maitama
nehae.
17
Ikaene mopaene hano hugahianagi Anumaya Koti kema kae-malenaya kemoa
nagoke kanoa afa ya kanala ohugahie.
Yisasia ane amatalesaya auava yafe humaine.
18
Nago kanomoma aama neataleno alu ama alisiana kumai kava humaine. Nagi nago
ama anauamoa atalesigenoma mainesia ama alu kanomoma alisayana ania huno kumai kava
humaine.
Tusia monea hanea kanoene Lasalusigani kaiyeke humaine.
19
Nago kanoa tusia monea hanea kanomoa mukia kanafina kanalenale siotaaene kava
vayamoya nehaya kava huno haesa kenaaene failino maineno kanalenale kavekeya neneane.
20
Neneanagino no fiamaalela nago kanoa afenomaa omale kanomona amumoa augafa alino
hayagi-mainea kanoa mopale nemaiyane. Ani kanomo agia Lasalusie.
21
Ani kanomoa agesa
mage huno havimaine Afenomaa hanea kanomo nea kavemo atupa-napaa yogina nesue.
huno huteno emainegeya kalayagamoya amutetila me haene haene humainae.
22
Naa hageno maineno haenagaa afenomaa omale kanoa faligeya ensole anagamoya
mevaleya Apalahamu mainele motageno maine. Mainegeno moneama hanea kanoa ania
huno faligeya aliya mo hevaitenae.
23
Mo hevaitageno haniki-mainea kumapi umaineno
augafa agata tusiya huno aigeno maineno agesaga huno anafinaga ageana amuga aluafi
Apalahamuene Lasalusiene mainaageno anakemaine.
24
Anaketeno mage huno ke hie Vae
Apalahamuga naginagomogae kagaya tusiya huka kahauna hunato. Kahau hunateka
Lasalusina hutegeno eno aya aginagoleti tipina ayeteno navefunale malesigeno tani tani
nahaisie. Nagaya tusia atafi mainogeno tusia nagata neaiye. huno hie.
25
Hianagi Apalahamua mage huno hie Nafanenimoga kagaya nayona mopalema
kanaleya huka mainana kanafina mukia kanalenale yakaa ago ali-mainananagi Lasalusia
mukia havi yamaage ali-maine. Ani yafe kagesamoa aikalo hinageka havio. Menia Lasalusia
ma kumate egenoa aipamoa kanale huno yasi yasi higeno mainegeka kagaya kaugafa
kagataenena mainane.
26
Nago yana tagaya mauna kaiyagaene tamakaya mainaya kaiyagaene
amunotifina Anumaya Kotia tusia ayo omale komugefa kafi-maleneanagiya ma kumate
mainaya veamoya tamakaitega visaya amakesa haviya usaga humaiya ougahae. Ania huya
kagaiene mainaya veanea esaga humaiya ma kaiyaga omegahae. huno hie.
27
Higeno ani kanomoa mage hie Naginagomogae nagaya tusiya huna tutu hugatena
kalagi neauve. Lasalusina hutesanageno nenafa notega visie.
28
Visigeya faefua (5)
nagananimoya mainagena nagaya tusia nagata aiya kumate emainoafe kagaya Lasalusina
hutegeno visiaamo ala kefiti mage huno hisie Tamaipama aiyahae ohinutamahena nagayama
mainoa kumatela egahae. huno hamapaisie. huno hie.
29
Higeno Apalahamua mage hie
Amakaya Mosesea humainea kene Anumaya Koti amaune vayamogami kene hanegi ani
kemona hapaliya havisae. huno hie.
30
Higeno moneama hanea kanomoa mage hie Aao,
naginagomogae, Apalahamuga, nani kea ohavinayanagino nagola fali-mainea kanoma
komufiti hetino amakaitega mo hamapaisigeya kefo yaamia ataleteya amakaye huya aigagiya
Anumaya Kotina amakua amigahae. huno hie.
31
Higeno Apalahamua agaifena mage hie
Mosesema humainea kene Anumaya Koti amaune vayamoya humainaya kene amakupima
omalenesayana nagola fali-mainea kanomoa komufitila hetino mo hamapaisiana ani kea
haviya amakupina omalegahae. huno humaine.
Luku Luku
<<
16 16
>>
Luku Luku
<<
17 17
>>
17
Kefo auava yamoa amametitia ali haviya nehie.
1
Yisasia agaiaene tokaeya nemaiya anagafe mage huno humaine kefo yama huo huno
ayemavataga hisaya yana falote hugahianagi kefo yama hisaya kate tamavaleno visia
kanomofena Kefo kava nehananagika kana yana aligane.
2
Ani kanomoa nagoa osi
anaganihe Kefo yama huo. huno hisiana tusia kefo kava nehianagina tusia kana ya
amigahue. Ala yafakefaleti ani kanomo ageyafi maleya nofi kiteya hage lipi hagayu
hutalesayana ani kana yana afa avamete kana ya haneanagi nagaya tusia kana ya amigahue.
3
Amigahuanagi tamakaya kaye ho. Negafua kefo yama hinageka Naa kavala ohuo. huka
kemakio. Amakigeno agayama agua aiyahaema hinageka aigeateka kefo yamaa ataleto.
4
Negafua nagoke yupa sevenia (7) kanalema kefo yama hugateteno ani kefo yafe Nagua
aiyahae nehue. huno hisigekahena kagaya ania huka sevenia (7) kanale aigeateka kefo
yamaa ataleto huno humaine.
Yisasia amametiti hisaya auava yamo ke humaine.
5
Yisasiene tokaeya nemaiya anagamoya Anumayamofe mage hae Kagaife havita
tagupi maleta tametiti nehuna yana kagaya nagoene alika ayaaya hulato. huya hae.
6
Hageno
Yisasia mage hie Tamakaya nagaifena havitama tamakupi maletama tamametiti nehaya
kavala osi masatati yosamo alaga kanoa hanea avamete hutama osia havitama tamakupi
malesayana ma yosahe mage hutama hapaigahae Ma yosamoga kagaya aepa muki tagasi
huka ala tipi hageka haiyo. hutama hapaisageno tamakai kea akave malegahie. huno
hamapaiye.
Yisasia aliya kanomo auavafe humaine?
7
Tamakaipiti nago kanoa aliya nealia kanoamoa hoya aliyapi, afu kava aliyapi, ani
aliyana alino hano huno esigenoa ala kanomoa ani aliya kanohe mage huno hapaisio
Kagaya aupaa me maifalu huka maineka kavela no. huno hapaisio?
8
Aao ani kea
ohugahianagino mage huno hugahie Kagaya kavenia talo tala hunateka kenakaa faiteka
kavenia alika me namigena hagotena netesugeka kagaya haenaga negane. huno hugahie.
9
Anima hapaiya kema akave malenea yafena ala kanomoa Kanale kava hanafe musekaa
nehue. huno hisifi? Aao ania ohugahie.
10
Tamakaya ania hutama mukia tamahapai-mainoa
aliyana alitama avaya ayetetama mage hutama hiho Tagaya kanale aliya anaga omainone.
Tagaiti aliyanagita ago alune. hutama hiho huno humaine.
Yisasia tenia (10) fugita kali nealiya vaya alino kanale humatene.
11
Yisasia Yelusalemu ukahe viana Sameliaene Kaliliene amunopi katega umaine.
12-
13
Nago kumate uvayi higeya tenia (10) fugita kali nealiya vayala aluale heti-maineya ala kefiti
mage hae Yisasiga ala kano mainanagi tagaila kahau hulato. huya hae.
14
Hageno Yisasia amaketeno mage hie Tamakaya mono nopi kava vayate utama
tamaugafa momaveliho. huno higeya ani vayatega nevageno katega amaugafamoa eteno
kanale humatene.
15
Kanale humategeya vafiti nagoke kanomoa augafa ageana kanale higeno eteno katega
viaamo ala kefiti muse huno Anumaya Koti agi alisaga humaine.
16
Huteno Yisasite aiyafi
mepe huno maineno aiyale alisoso nehuno Kagaifena tusia musekaa nehue. huno hie.
Aiyale alisosoma hia kanoa Sameliati kanoe.
17
Yisasia ani kanoa ageteno mage hie Nagesa havuana tenia (10) vaya ago alina
kanale humatenofi? huna huanagi nainia (9) vayala hanate mainagekae?
18
Naa higeya ani
vayayaga Anumaya Koti agia melisaga ohae? Mani nagoke kanoa alu kotegati emainea
kanomoa agaiage Anumaya Koti agia melisaga nehie. huno hie.
19
Yisasia ani kanomofena
mage huno hapaiye Kagaya hetika vuo. Nagaifema havika kagupi maleka kametiti hana
yamo kagaila alino kanale hugate. huno hie.
Ikapinagati emainea kanoa vayamo atenea nafanemoa efufute atalegahie.
20
Nagoa Falasia vayamoya mage huya havigae Na kanafi Anumaya Kotia aepa heno
kava yagaigahie? huya hageno Yisasia mage huno humaine Anumaya Kotima kava
yagaisia kanama falote hisiana tamaulagamoa oagesia kava huno egahie.
21
Veamoya
Malega hane. Amualega hane. huya ohugahagi haviho Anumaya Kotia tamakaipi ago kava
yagaino maine. huno hie.
22
Yisasia agaiaene tokaeya nemaiya anagafe mage huno hamapaiye Haenagaa nago
kanama falote hisigetama mage hutama hugahae Ikapinagati emainea kanoa vayamo atenea
nafanemona nagoke yupa kanoa agesune. hutama hugahayanagi afaa oagegahae.
23
Oagegahagi nagoa veamoya Amugalega mainegi ageho. nehuya Malega mainegi
ageho. nehuyama hisagetamahena amakavela oviho.
24
Ikapinagati emainoa kanoa vayamo
natenea nafanemona etena esua yamoa maa hugahie ikamoa nago kaiyaga aupaa
aulumayamoma nehia avamete huno mukia kotega aivasa nehinagena nagaya etena egahue.
25
Egahuanagi hagoteya meni kanafima mainaya veamoya nagaifena Kahaoteyakae. huya
hunatesageno tusiya huno nagata aigahie.
26
Nagaya ikapinagati emainoa kanoa vayamo
natenea nafanemona etena esua kanafima mainaya veamoya nayoma Noama mainea
kanafima mainaya veamoya humainaya kavala hugahae.
27
Noama mainea kanafina kavela
neneya tina neneya anema aliyamoene vele uyamoene mukia kanafina ani yafekeya amakesa
havi havi huya mainageno Noaa ala tipi kalefi haisaga humaigeno tusia lina hogino mukia ani
veanea alino haviya higeya ago fali hano humainayane.
28
Lotima mainea kanafina ani kava huya kaveene tiene neneya nagoa yaamia miya
nehuya hoya aliyaamia nealiya noamia negiya mukia kanafina ani yafekeya amakesa havi
havi humainayane.
29
Ani amakesale mainageno Lotia Sotomua neataleno umainea kanalela
Anumaya Kotia ikapinagati tusia himanaage ata nelea yafayaga komopa hia kava huno asaga
hulavino mukia veanea hamaegeya fali-mainayane.
30
Nagayama ikapinagati emainoa kanoa
vayamo natenea kanomona etena esua kanafima mainesaya veamoya nayona Loti mainea
kanafima mainaya veamoya humainaya kavala ania hugahae.
31
Yisasima esia kanafina nagoa veamoya kumatega mainesaletila afenoyaamia alisaya
yafena eteya nopinaga ohaisae. Nagi ania huya hoyafinaga mainesaya veamoya eteya
noamilegama hanesea afenoya alisaya yafena ovisae.
32
Tamakaya Loti amoma hutenea
kavafena tamakesa aikalo hinagetama havilama hutama haviho.
33
Nagoa veamoya
hamaimuma hanesigeya Mai yatia atafa hutalako huligahune. huya amakesama havisayana
ani kanale mai yaamimoa fanane hugahianagi nagoa veamoya Kanalelagita maisuna yatiene
tahaimuene Yisasife tagesa nehavita afaa atalegahune. huya hisagenoa kanaleya huno mai
yaamia aligatimatesigeya maige maige yana aliteya agola maigahae.
34
Tamahanepauve
nagayama etena esua yupa ani kegela tole vekalatana nagoke sipale faeana
mainesaagenofena Anumaya Kotia nagoke avalegahianagino nagola alitaye-talegahie.
35-
36
Tole atalana tokaeana aliya nealisaageno Anumaya Kotia nagoke avalegahianagino
nagomona alitaye-talegahie. huno hie.
37
Higeya mage huya havigae Anumayamogae mani
kavala hana kumate falote hugahie? huya havigageno Yisasia mage huno hamapaiye
Afumoma fali-mainesia kefafina hakikimoya yage yage huya alitalu hunemaiyanagi
ikapinagati kanomona ania huna mukia veamogami amunopi egahue. huno hamapaiye.
Luku Luku
<<
17 17
>>
Luku Luku
<<
18 18
>>
18
Nago amoa tokiyaage ke huno Yasi kanohe Kaiyekenia havinato. huno
humainea avame ke.
1-2
Yisasia mage hie Mukia kanafina nunamuna hiho. Kasalo tahae. hutama oataleho.
Ani kema havisaya yafe nagola huvame ke tamahapaigahue. huno mage huno hie Nago
ala kumatela Yasi kanoa maine. Ani kanomoa veanehe agesa havioamamino Anumaya
Kotifena kolia nohiane.
3
Nagola megusa alagino ani kumatela maineno mukia kanafina ani
Yasi kanomote ete ete huno mage huno nehiane Nago kanomoa ali-haviya hunategi kagaya
kaiyekenia havika fatago ho. huno havige.
4-5
Havige havige maino higeno ani Yasi
kanomoa hagote kanafina Kaya ohugahue. huno hu-maineanagi eteno haenagaa agu
agesamoa mage hie Tamage huna nagaya Anumaya Kotifeene veafeene kolia nohuanagi ma
megusa amoa nagaite ete ete hia yamoa onahaiyanagina afaa kaiyekea havina fatago
hugahue. Ania ohisuana mukia yupa ete ete hisigeno tusia kasalo nahaegahie. huno
humaine.
6
Yisasia mage huno hie Fatago kava ohunea Yasi kanomoma humainea kehena
havilama hutama haviho.
7-8
Anumaya Kotima hisia yafena na tamakesa nehaviye? Agaia
havinoma hapalimatenea veamoya nateene kegeene mage huya havinegae Ali-haviya
hulataya veamogamina ageteka fatago huka kaiyekea humato. huya havige havige hisageno
ani kea havisio? E, afaa havigahie. Ayaaya kanagefa maiteno amaya hisio? Aao
tamahanepauve ali-haviya hu-neamataya veamogamina aupaa anonaamia humategahie.
Nagaya ikapinagati emainoa kanoa vayamo natenea kanomona etena esuana nagaifema
haviya amakupi maleya ametiti nehaya veanea ma mopafina mainesao omainegahao? huno
humaine.
Tole kanolatamogania Anumayamotega nunamu humainaa avame ke.
9-10
Nagoa veamoya amakaiami amaku amakesafiti Kanale kava nehunageya nagoa
veanea kefo kava nehaya anaga mainae. huya nehaya veamogamifena Yisasia avame ke
huno mage huno hie Tole kanolatamogania nunamu hugahe mono nopi haiana umainae.
Nago kanoa Falasia kanoe. Nago kanoa musufaya huno vaya amaugafaleti takisi mone
aliliteno nehia kanoe.
11
Falasia kanomoa amunote mo hetino maineno Anumayamotega
agaiahe mage huno hie Nagaya nagoa veamoya nehaya kavala nohue. Musufayama haya
kavala nohue. Fatago ohunaya veamogami augafa kavala nohue. Anele kumai nehaya kavala
nohue. Mama mainenoma vaya amaugafaleti takisi mone aliliteno nehia kano kana ohunoe.
Ani yafe musekaa nehue.
12
Mukia sotamo aliyapina nagaya tole yupa kavela mosina
mainena mukia nealua yapitila teniama (10) malenofitila nagoke alitayena negamuane. huno
hie.
13
Hianagi vaya amaugafaleti takisi monema aliliteno nehia kanomoa aluale maineno
Anumaya Kotitega ke huno havigegahe hetimaineno Nagaya kefo kano mainoe. huno
ikapinaga agesaga ohuno ape huno havi kafa yonegino Anumaya Kotitega mage huno
havige Anumayamogae nagaya kefo kava hume hume nehauva kano mainoe. Nagaifena
kalagi ainateka kahau hunato. huno havige.
14
Yisasia mage huno hie Nagaya
tamahanepauve anima musufayama huno takisi monema aliliteno nehia kanomofena
Anumaya Kotia Fatago kano mainane. huno hutegeno nomaalega eteno umaineanagi
hagote kanomofena ani kea hu oatene. Nagoa veamoya amakaiami amaugafa aliya haisayana
Anumaya Kotia Osi veane kanoa mainae. huno humategahianagi nagoa veamoya Osi
veane kanoa mainone. huya hisayana Anumaya Kotia amakia alisaga hugahie. huno
humaine.
Yisasia mage humaine Nafaneyaga amatalegeya nagaitega eho. huno humaine
15
Nagoa veamoya osi osi nafaneyaga Yisasite Aya malesie. huya amavaleya neageya
agaiaene tokaeya nemaiya anagamoya ageteya Naa kavala ohiho. huya kemamaki-mainae.
16
Kemamakiyanagi Yisasia ani nafaneyagahe mage hie Amatalegeya nagaitega eho. higeya
ageno mage hie Nafaneyaga nagaite esaya yafena kahegi oamateho. Naa huya
nafanemogami avamete maisaya veamoya mage hugahae Tagaya tokiyatia omalenegi
Anumaya Kotiga kava yagailato. huya hugahae.
17
Tamagelafa huna tamahanepauve nagoa
veamoya nafane mainaya avamete maisaya veamoya mage hugahae Tagaila tokiyatia
omaleanagika Anumaya Kotiga kava yagailato. huya ohisayana Anumaya Kotima kava
yagaisia kumatela ougahae. huno hie.
Afenoyamaa kasago humainea kava kanomoa Yisasite eno kea kea humaine.
18
Nago kava kanomoa mage huno havige Kagaya kanaleya huka humavenelina
kanomoga nagaya hanaa hutena agola maige maige hisua nahaimula alisue? huno havige.
19
Havigegeno Yisasia kenonaa mage huno hie Naa higeka nagaifena kanale kanoa mainane
huka nehane? Anumaya Kotia agaiage kanale kanoa maine.
20
Kagaya Anumaya Koti kahegi
kea ago havilinanagi ani kemoa mage huno humaine Kumai he yana ohuo. Vayala
hamaegeya ofaliho. Musufayana ohuo. Ma kanomoa havi kava nehie. huka havigea
huoato. Itakafokamo kea oatagaeka anakia alisaga huo. huno humaineane. huno hie.
21
Higeno ani kanomoa mage hie Nagaya nafanema mainoa kanaleti aepa hena mukia
ani kema hana kea akave nemaloane. huno hie.
22
Higeno Yisasia ani kea haviteno mage
huno hie Nago kavaene huo. Mukiama malenana mone fenoyayagaka alika fako faka huka
moneamima omalenesia veane amamisanageno Anumaya Kotia ikapinaga hanea afenoyana
kagaila kamigahie. Afenoyayagaka fako huka amamite amamite huteka nakave eno. huno
humaine.
23
Higeno ani kanomoa ani kea haviteno mone fenomaamoma kasagoma humainea yafe
oatalesia agesa haviteno aipamoa tusi kanaage humaine.
24
Kanaage higeno Yisasia ageteno
mage huno hie Mukia mone fenoyaamima hanesia veamoya tusia kasageke huya
Anumaya Kotife kava yagailato. huya hugahae.
25
Nagola pulumaka kana afumo agia
kemolomoa nekayamo kapima hai falesiana afaa yoyo huno hai falegahianagi mukia mone
fenoyamaa hanesia kanomoa Anumaya Kotife Kava yagainato. huno kasageke-voke
hugahie. huno humaine.
26
Higeya ani kea haviteya veamoya mage huya hae Naama hu-mainesiana Anumaya
Kotia hana veamogami amaku amamemaa aligatigahie? huya hae.
27
Hageno Yisasia mage
hie Veamogamina himamuamia omaleneanagiya ohugahayanagi Anumaya Kotia mukia
kava hisia himamua haneanagino afaa aligatigahie. huno hie.
28
Nage higeno Pitaa mage
huno hie Havio tagaya mukia yatia ataleteta kagai kakavela neone. huno hie.
29-30
Higeno
Yisasia mage huno hamapaiye Tamage huna tamahanepauve mukia veamoya Anumaya
Kotia kava yagaisia kea veanema mo hamapaigahena noamiene aamiene amasaamiene
nepuamiene itaafoamimoene nafaneamiene amataleya visagenoa Anumaya Kotia mopalema
mainaya kanalema atalenaya yaene nagoene nagoene anonaa ohavunamaa ya amamiteno
haenagama falote hisia kanafina maige maige hisaya hamaimuene amamigahie. huno
humaine.
Yisasia tagufa kanale Falitena etena hetigahue. huno humaine.
31
Yisasia agaiaenema tokaeya nemaiya anagala hamaote amavaleno momateneno mage
huno hie Haviho tagaya Yelusalemu haisunageya mukia Anumaya Koti amaune vayamoya
ikapinagati emainoa kanoa vayamo natenea kanomonihema kae-malenaya kemoa efalote
huno tamage hugahie.
32
Nagaila natafa huya Yuta vea omainaya vayate navaleya
momamisageya nagaye hisifa kea hunateya hu-haviya hunateteya amavetuna henategahae.
33
Hegi kayoteti nahaeteya tavata nahaesageya hevainatesagena tole yupa komufina maitena
tagufa kanale fali-mainesufitila etena hetigahue. huno hie.
34
Hianagi Yisasiene tokaeya
nemaiya anagamoya kea haviyanagi ani kemo aepamoa falaki-mainea yafe havilama ohunae.
Yisasia aulaga asu humainea kanoa alino kanale hutene.
35
Yisasia Yeliko kumate uvayi hugahe mo aupa higeno nagola aulaga asu humainea
kanomoa kate mopale maineno monehe aukaya hie.
36
Aukaya maino nehigeya mukia
veamoya agaseya eutele haya yafe Naa higeya mukia veamoya nagaseya enevae? huno
hie.
37
Higeya Nasaleti Yisasia neegeya kagaseya enevae. huya hae.
38
Hageno ala
kegefafiti mage huno hie Yisasiga Tevitina aginagomogae nagaila kahauna hunato. huno
hie.
39
Higeya aulegama mainaya veamoya kemakiya Ke ohuka maiyo. huya hayanagi
nagoene ala kefiti keha keha hie Yisasiga, Tevitina aginagomogae kahauna hunato. huno
keha keha humaine.
40-41
Higeno Yisasia haviteno anile heti-maineno Avaletama nagaite
eho. huno higeya avaleya ageno Yisasia Naa hugatesue hugeka nehane? huno
havigegeno Musekaa nehue nagaya etena naulaga agesua yafe nehue. huno hie.
42
Higeno
Yisasia agaifena mage hie Kaulaga agegali huo. Nagaifema havika kagupi maleka kametiti
hanafe kaulagamoa ago kanale hugate. huno hie.
43
Higeno aupaa ani kanomoa agegali
nehuno Yisasi akave neeno Anumaya Koti agi alisaga nehigeya mukia anile alitalu humainaya
veamoya ageteya Anumaya Koti agia alisaga humainae.
Luku Luku
<<
18 18
>>
Luku Luku
<<
19 19
>>
19
Yisasia Sakiusi nopinaga umaine.
1
Yisasia Yeliko kumate uvayi huteno agaseno alulega ugahe vie.
2
Nevigeno ani
kumatela nago kanomo agia Sakiusia musufaya huno vaya amaugafaleti takisi mone aliyate
kava kanogino moneamoa kasago humainea kanoe.
3
Ani kanomoa Yisasia hanaa augafa
kano neefigagina agesue. huno hianagi aupa kanogiya yage yage humainaya veamoya
agasageno Hanaa huna Yisasina agesue? huno humaine.
4
Yisasima visia katega aiyayeno uhagoteno nagola fiki yosafi moliteno haimaine.
5
Haino mainegeno Yisasia ani yosamo aepale neeno agesaga huno ageteno Sakiusifena
mage huno hie Kagaya aupaa elavio menia kagai nopi momaigahue. huno hie.
6
Higeno
Sakiusia aiyayeno laviteno tusia muse huno Yisasina avaleno nomaalega atene.
7
Avaleno
vigeya veamoya aniama hia yana ageteya Yisasifena kalugalu ke vaiya mage huya hae Kefo
kavakeya maino nehia kanomo nopinaga maigahe viana havi kava hie. huya hae.
8
Hayanagi Sakiusia hetino Anumayamofe mage huno hie Havio Anumayaniamoga
menia nagaya afenoyania amunopiti ali fako huna moneamima omale vaya amamigahue.
Havigema huna moneamima musufa ali-mainoa monea etena foa (4) malete malete huna
amamigahue. huno humaine.
9
Higeno Yisasia mage huno hapaiye Kagaya Apalahamuna
aginagomoga mainanagi menia anagakaene kagaiene Anumaya Kotia tamaku tamamena ago
alinegatie.
10
Ikapinagati emainoa kanoa vayamo natenea kanomona fanane humainaya veafe
amatiyena amaku amame aligatigahe emainoe. huno hie.
Tenia (10) aliya vayamoya mone ali-mainaya avame ke.
11
Yisasia Yelusalemu uvayi hugahe higeya veamoya amaku amakesa mage huya haviye
Anumaya Kotia kava yagaisia kanamoa aupaa falote hugahie. huya amakesa haviya yafe
Yisasia mage huno nago avame kea hamapaiye.
12
Nago kava kanomoa kava yagaisia
tokiyaa aligahe Ayaaya kotega mo mainena alitena etena egahue. huno humaine.
13
Ayaaya
kotega ugahe nehuno tenia (10) aliya vayaamogamife ke higeya ageno monea ali-fako huno
tueti (20) kina tueti (20) kina amamite amamite hie. Amamiteno mage huno hamapaiye Mani
moneleti aliyana aligeno ali kosa nehenagena nagaya etena ano. huno hamapai-maine.
14
Hamapaiteno ataleno umainegeya nagoa vayaamoya ani kava kanomofe amaipa haviya
huteteya nagoa aliya vayala humatageya mo humakesa huya Mage hutama hiho. Tagaya
mani kanoma kavatima maisia yafena notahaiye hutama hiho. huya hae.
15
Hageno ani kava kanomoa kava yagaisia tokiyaa ago moliteno ani kotegati eteno
monema fako huno amaminea aliya vayamogamife Namagi mone halaya humalenafi? huno
havisia yafe amakaife ke hie.
16
Ke higeno hagote kanomoa evayi huno mage hie Ala
kanomogae kagaya tueti (20) kinama naminapitila etena nagoene aliya alina kosa hua
monene tu hataleti (200) kina alugeno hane. huno hie.
17
Higeno ala kanomoa mage huno
hie Kagaya kanale kano mainane. Kanaleya huka osi mone kanoa kaminofitila efi efi huka
aliyana alinageno ala hiafe kagaila tenia (10) ala kumate kava yagaisane huna hapalinegatoe.
huno hapaiye.
18
Higeno anile kanoa eno mage huno hapaiye Ala kanomogae kagaya tueti (20) kina
naminapitila etena nagoene aliya alina kosa hoa monene vani hataleti (100) kina alugeno
hane. huno hie.
19
Higeno ani kanomofena ala kanomoa mage huno hapaiye Nagaya faefua
(5) kumate kava yagaisane huna hapalinegatoe. huno hapaiye.
20
Higeno nago aliya kanomoa anile eno mage hie Ala kanomogae tueti (20) kinama
naminana monea afaa omanafi haya kina katenoanagina menia ma ma alina me negamue.
21
Kagaya keage kanoma mainananagina kolikaa hue. Alu veamogami yana alika kaugafa
hegeka omai kano mainananagika nago kanomoa hoyaafima kali-malenea yaene alika negeka
omai kanogina kolikaa hue. huno hie.
22
Higeno kava kanomoa ani aliya kanohena mage hie
Kagaya havi aliya kano mainane. Kagaikaa kemo eteno maiyahae huno kaiyekea
hugategahie. Kagaya ago havimainane nagaya keage kano mainoe. Alu veamogami yama
alina naugafa hegena omai kano mainoanagina nago kanomoma hoyaafima kali-malenea
yaene alina negena omai kano mainoanagika kagaya nagaifena ago havimainano?
23
Naa
higeka monema nemalaya nopina monenia omaleka afaa malenane. Monema nemalaya
nopima malenateasina menia nagaya nagoa ava monene aluleasine. huno hie.
24
Anile hetiya mainaya vayafe mage huno hie Tueti (20) kinania hafaletama tu hataleti
(200) kinama malenea kanomona amiho. huno hie.
25
Higeya amakaya kava kanomofena
mage huya hapaiye Ala kanomogae ani kanomoa tu hataleti (200) kina ago alino malene.
huya hae.
26
Hageno mage hie Tamage huna tamahanepauve nago yama hanesia
veamogamina nagoene amamigahigi nago yama omalesaya veamogamina alilinesamaa
hanafalegahie.
27
Kame veaniamoya nagaifena Kavatima maisia yafena notahaiye. huya
humainaya veala amavaletama naulagale hamaegeya faliho. huno hie.
28
Yisasia anima hia
kaiyekea huno hano humaleteno Yelusalemu ugahe uhagoteno katega umaine.
Yisasia ala sauve kano hia kava huno Yelusalemu emaine.
29-30
Petafasiene Petaniene ani kumatalana Olivi yosa hanea agoyamona agegayalega
hanegeya aupaa uvayi hugahe hageno Yisasiene tokaeya nemaiya anagapiti tole kanolatana
hunateteno mage huno hanapaiye Atu kumate utana atupa notela hosi kana afumo agia
tokigi ani tokimo nafanea ayetenayanagitana agegae. Ani tokimo nafanea vayala
oamavalenea tokigi kalu hetana avaletana male eo.
31
Nagoa vayamoya Naa higetana kalu
hetana nevae? huya tanahavigesagetana mage hutana hio Kava kanotimoa nago aliya
aligahe higetaa neoe. hutana hamapaio. huno hie.
32
Hunatea kanolatamogania mogeteana Yisasima hanapaiya yana ago moge falote
humainae.
33-34
Ani tokimo nafanea kalu nehaageya ani afumo nefaya megeteya mage huya
hae Naa higetana tokimo nafanea kalu nehae? huya hageana mage huana hae Kava
kanotimoa aliya aligahe higetaa kalu nehoe. huana hamapaie.
35
Huteana Yisasite avaleana evayi huana kenaania anaugafaleti hateana ani afumo
agupile yakai-malaageno Yisasia anile haino maine.
36
Haino maiteno katega nevigeya
veamoya Ala kanoa neie. huya amaugafaleti kenaamia hateya visia katela yakaitenae.
37
Yisasia viayamo Olivi yosa hanea agoyamona agegayalegati enelavigeya mukiama melitalu
humainaya veanene agaienema tokaeya nemaiya anagaaene tokiya avameyama higeya age-
mainaya yafe aepa heya ala kefiti Yisasife muse nehuya Anumaya Koti agia alisaga hume
hume neuya mage hae
38
Ala kava kanomogae kanaleya huka neane. Anumayamo aliya
aligahe hanageno hugategeka emainana kanomoga Anumaya Kotia kanale manu kamiteno
kaya humaine. Ikapinaga amaipa falu hisaya yana hanesie. Anafi mainea Anumaya Kotina
agai agia alisaga hisune. huya hae.
39
Hageya anima melitalu humainaya veapiti nagoa Falasia vayala anifi maineya Yisasife
mage huya hae Humavenelina kanomogae kagaienema tokaeya nemaiya
anagakamogamifena Kea ohutama maiho. huka hamapaiyo. huya hae.
40
Hageno Yisasia
mage hie Nagaya tamahanepauve ani veamoya kema ohuya maisayana yafayagamoya
amakaiami ani kea hugahae. huno humaine.
Yisasia Yelusalemu veafe avite-maine.
41
Yelusalemu kumala aupate hanegeno Yisasia ageteno ani kumate veafe avite-maine.
42
Avia ateteno mage hie Ma kea meni havisae huna nehugi nagaya tamaipamoa falu hisia
yana tamamisua kano mainoe. Menima mainogetama ani yana falaki mainegetama noagae.
43
Nagola alu kana falote hisigeya kame vayatamimoya esayaamoya kegiya lafi humalenaya
kegiyafi me kagi kagi nehuya ali haviya hulamategahae.
44
Anumaya Kotia tamaya hugahe
neegetama agai kema ohaviya yafe kame vayatamimoya tamakaiene nafanetamiene mukia
lafifima mainaya veanene falifalutisageya yafatetima kimalenaya nona mukia ani yafamoa
mopafi helafilavigahie. huno hamapaiye.
Mono nopi maineya hu hatiya mone nealiya vayala Yisasia amanati-talene.
45-46
Yisasia ani kaiyekea huteno ala mono nopi hai faleno ageana ani nopi mainaya
veamoya monehe ke huya nealiya veamogamina aepa heno amanatigahe nehuno mage hie
Nagai nona mukia veamoya Anumaya Koti agi ayeya ke huya havigesaya no hane. huno
kae-maleneanagi
tamakaya musufa yama hisaya kava hugahena ma nopi emainae. huno hie.
47
Mukia kanafina ani ala mono nopi hai faleno huge amavelige nehigeya ani mono note
kava vayaene kahegi kema havilinaya anagaene mukia veate kava vayaene Yisasima haesaya
kafena atiyemainae.
48
Ati maiya ayayanagi mukia veamoya agai kehema muse huya agima
alisaga haya yafe ala vayamoya haesaya kana ageya ali falote ohunae.
Luku Luku
<<
19 19
>>
Luku Luku
<<
20 20
>>
20
Yisasifena Himamukaa ta kamine? huya havigemainae.
1
Nago yupa Yisasia ala mono nopi maineno alitalu humainaya vayala humavelino
Anumaya Koti kanale mono kea hamapaigeya ani kumate vayatamaene mono note kava
vayaene kahegi kema havilinaya anagaene agaitega emainae.
2
Mage huya hae Hana augafa
ala kanomo hugategeka mani kavala me nehane? Tokiya yaka ta kamine? huya havigae.
3-4
Havigageno Yisasia mage huno hie Nagaya hagotena nago yafena tamahavigegahue
nagaila nahapaiho. Yonima tima falematenea yana Anumaya Kotia hutegeno ani kavala me
nehifi afa vayamoya hutageno lina fale neamate? Hufalote hutama nahapaiho. huno
hamavige.
5-7
Higeya Naa maa hugahune. huya mohu mehu huteya mage hae Anumaya Koti
hutegeno emaine. hisunagenoa Yisasia Naa higetama agai kea tamakupina nomalae?
huno hugahianagita tagaya Afa vayamoya hutageno emaine. huta hisunana mukia
veamoya Yonia Anumaya Koti aune kano maine. huya ago humainayafe Yafa kayoteti
tahaesageta faliyafene. huya mohu mehu huteya Yisasifena kenonaa mage huya hae
Tapiga hutene? Tagaya ohavinone. huya humainae.
8
Hageno Yisasia mage huno
hamapaiye Nagaya ania huna hana kanomoa hunategena emainoe huna tamahaopaigahue.
huno hie.
Havi vayamoya vaini hoyalema yagai-mainaya avame ke.
9
Yisasia aepa heno veafe nago avame kea mage huno hamapaiye nago kanomoa vaini
nofi alaga hoya kali-maleteno noagea vayafe mage hie Etama hoyanilela yagaitama
maineho. Ani nofimo alagafitila aye fako hutama aliho. humateteno ayaaya kanagefa
umaigahe alu kotega umaine.
10
Afu nelea kanafina ani hoyamona nefaa nago aliya kanoa
hutegeno kava vayatega nagoa vaini nofi alaga aligahe umaine. Vigeya hoyale kava
vayamoya atafa huya aikoliteya Okamigahunagi ataleka vuo. huya hageno ataleno umaine.
11
Utegeno nagola kayo kayo kanoa hutegeno viana ania huya aikoliteya agaye hisifa
kava huteteya Okamigahunagi ataleka vuo. huya hageno ataleno umaine.
12
Utegeno eteno
nagola kayo kayo kanoa hutegeno viana ania huya aikoligeno kolamoa higeya hoyafinagati
avaleya malaga hagayu hutalenae.
13
Hagayu hutalageno hoyamona nefaa agesafinaga mage huno havie Hanaa hisue?
Nafanenimona nahau nayamopafi nenahaiya nafanenia hutesugeno visigeya agai kea
havisao? huno havimaine.
14
Agesa haviteno hutegeno nevigeya ageteya mage huya hae
Mamona mani hoyamona nefa nafane. Nefama falisigenofena mani nafanemoa hoyaa
aligahianagita agaila ago haegetao. Haesunageno falisigeta mani hoya tagai ya hapaegahie.
huya hae.
15
Huteya hoyafinagati avaleya hagayu hutaleteya hayageno fali-maine. Yisasia
mage hie Naa hayanagi hoyamona nefaa naa humategahie?
16
Eteno hoyaafima kava yagai-
mainaya vayala tavata me hamaesigeya faligahae. Fali hano hisageno alu vayafe Hoyanilela
kava me yagaiho. huno hugahie. huno hie. Higeya anifima alitalu humainaya veamoya
mage hae Avonio ani kavala ohisie. huya humainae.
17
Hageno Yisasia nago kea mage huno hie Kae-malenaya kemoa mage huno
humaineane
Vayamoya yafa noma kigahena nago yafafena Haviya humaine. huya atalayanagi
haenagaa ani yafamoa Tusia kanale yafane. huya nomo ayetagenale malenae.
huya kae-malenayane. huno hie.
Huteno amakeno ute ete hiana higeno mage huno hie Agoma kae-malenaya kemona aepaa
havilinao?
18
Mukia veamoya ani yafatema asaga hulavisayana amaugafamoa atalaga huno
haviya hugahianagi ani yafamoa vaya amaugafalema asaga hulavisiana ailatapeno aitalaga
talago hutalegahie. huno hie.
19
Higeya kahegi kema havilinaya anagaene mono note kava
vayaene Tagaife ani avame kea nehie. huya ago haviteya Menia avaleta kina nopi
ategahune. huya hayanagi vaya amauhe koli huya atalenae.
Sisana takisi monea amigahafi oamigahae?
20
Ataleya ala tokiyaama hanea kanomote kaiyeke hutesiafe Yisasifena kesi amata huya
maineya agesaya vayala humatageya moyevataga hisayafe ani vayala Kanale fatago vaya
mainone. huya fau nehuya Yisasima hisia keleti atafa hugahe humainae.
21
Anima kesi katema vaiyaya vayamoya mage huya hae Humaveli kanomogae tagaya
havunana nehana kea fatago katekeya hana kanoe. Nagi kava vayaene afa vayaene nagoke
katekeya hamapaika veama amaipa aye kea nohanagi tamage hutafa huka Anumaya Kotia
Ma kate vuo. huno hia kegeya taveneline.
22
Nagi takisi he yatela kava kanoa Sisana kanale
amisupi oamisune? huya havigae.
23-24
Havigageno Yisasia agaima ayevataga haya kea ago
haviteno mage huno hamapaiye Nagola alaga monea alitama naveliho. higeya aveligeno
Mani alaga monelela ta augosaene ta agiene hane? huno higeya Sisa augosaene agiene
hane. huya hae.
25
Hageno Yisasia mage huno hie Sisana agaia yanagi agaila amiho. Nagi
Anumaya Kotina agaia yana agaila amiho. huno hie.
26
Higeya anima kesi katema vaiyaya
vayamoya Vaya amaulagafi hisia keleti atafa hugahe hunanagi tokiya ke hianagita atafa
ohugahune. huya nehuya hia kehe amakesa havi havi huya ke ohuya mainae.
Satiusi vayamoya faliteya hetisaya auavafe Yisasina ke huya havige-mainae.
27-28
Nagoa Satiusi vayamoya Yisasitega emainae. Ani vayala mage nehaya vayale
Falimainaya vayala eteya heotigahae. huya nehaya vayalagiya Yisasite mage huya me
havigae Humavenelina kanomoga Mosesea tagaifena mage huno kae-maleneane Nago
kanoma nepuamoa nafanea oate kanomoma aama ataleno falisigenoa aganaamoa ani aala
aliteno maineno fali-mainesia kanomofe anonaa nafane atesie. huno kae-maleneane.
29
Sevenia (7) konaga mainayanagino nepuamimoa aala aliteneanagino nafanea oate
kano maineno falimaine.
30
Falitegeno anile aganaamoa aliteana nafanea oate kano falimaine.
31
Falitegeno anile aganaamoa eteno ania hute hute hayana mukia sevenia (7) konagamoya
ani aala alitayana nafaneamia oateya afaa falimainae.
32
Haenagalafa ani aala falimaine.
33
Sevenia (7) konagamoya ani aala alitenayanagi fali-mainesafitima hetisaya kanafina hana
kanomo ani aala aligahie? huya havigae.
34-35
Havigageno Yisasia mage huno hamapaiye Ma mopafi mainaya veamoya vea
aligeya ane aligeya nehayanagi haenagaama falote hisia kanafina veamoya amatea kavama
agoma huteya maineya fali-mainesafitima hetisaya kanafina vemoya anea oaligahae.
Amoyaenena vea oaligahae.
36
Ikapinaga ensole vaya kana huya maisayafenagiya nagoene
ofaligahae. Agoma fali-mainafitila heti-mainayafe Anumaya Koti nafaneyaga maigahae.
37-38
Fali-mainaya veamoya hetisaya kea Mosesea ago haviline. Nago osi yosale ala ata
anefela leanagi ani osi yosa otene huno kae-malenea kefiti mage huno kae-maleneane
Anumaya Kotia Apalahamuagi Aisakiagi Yekopugami Anumaya Kotiami mainoe. huno
humaineane.
Ani anagala fali-mainayanagi Anumaya Kotiami mainoe. huno humaineafe amaku
amamemoa ofaliya afaa mainae huno ani kea humaine. Anumaya Koti aulagafina ani anagala
hamaimula afaa hane. huno humaine.
39
Higeya nagoa kahegi kema havilinaya anagamoya
agaifena mage hae Humavenelina kanomoga kanale ke nehane. huya hae.
40
Hageya
Satiusi vayamoya koli huya nagoene haviokenae.
Anumaya Kotima hapalitenea kanoa tae. huno Yisasia veala hamavige.
41
Yisasia mage huno hamavige Veamoya Kalaisifena, Anumaya Kotima hutenea
kanomofena, Tevitina aginagomoa ma mopale kano maine? huya haya kemona aepaa
naane hae?
42-43
Anumaya Kotifena yagame kae-malenaya avona Tevitia mage huno
humaineane
Anumaya Kotia Anumayanimofena mage huno humaine Tamaga nayatega ala vaya
mainalega siale mopale emainesanagena kame vayakaa kaiyafi amatesugeya
kagaife Ago tagasane. huya hugahae. huno kae-maleneane.
44
Tevitia Kalaisife Anumayania mainane. huno humainegi naa higeno Tevitia haenagama
atesia aginagomofena Anumayania mainane. huno humaineane? huno hamavige.
Kahegi kema havilinaya anagamoya kefo kavala nehaya anagakeya mainae.
45-46
Mukia veanea maineya havigeno Yisasia agaiene tokaeya nemaiya anagafe mage
huno hie Kahegi kema havilinaya anagafena kayeho. Ani anagamoya ayaaya kena failiya
yafena Nelagafi notagafi? huya nehaya anagale. Vaya atagu nefaya kumapi mo vaiyatete
nehuya Naa vaya mainae huya ali falu fala hulatesae. huya nehuya mono nopiene imuleene
Ala vayaage alitalu huya nemaiya yatekeya maigahune. huya nehae.
47
Ani anagamoya keto
aneyagahena Mono nopima atalesaya monea tamiho. huya nehuya noamifima hanea
yayaga musufaya huya moneamia ali hano nehaya anagalagiya vayala ayemavataga huya
Kanale anaga mainae. huya hisae huya ayaaya nunamuna humainae. Aniama nehaya
anagamoya havi miyana tusiya huno amaugafa amagata aisia yaene aligahae. huno hie.
Luku Luku
<<
20 20
>>
Luku Luku
<<
21 21
>>
21
1
Yisasia agesaga huno ageana veamoya moneamimoma haimainea veamoya Monetia
Anumaya Kotina amigahune. huya pokisifi atalenae.
2
Atalageno ageana nagola monea
omale keto amoa tole osi haesa monea anifi me vaimaine.
3
Me vaigeno Yisasia ageteno
mage huno hie Tamagelafa huna tamahanepauve ma ma monea omale keto amoa mukia
hagoteyama metalaya veamogamina amakaseno ala mone metale.
4
Metaleanagi moneami-
moma haimainea veamoya aliyamaa omalenea monegiya, afaa malenaya mone metalageno
ani amoa mukia kavema alino nesia monea mukia metale. huno humaine.
5
Nagoa vayamoya ala mono nofena mage huya hae Anumaya Koti agi alisaga hugahe
vayamoya kanale yafana aliya ma nona ali hilato huya kimalenae. huya hae.
6
Hageno
Yisasia mage huno hie Ma ma neagaya nona nago kanama falote hinagenoa ani yafayaga
mukia alino lagape aitalesigeno aposi-lavino tole yafamoa nago yafamo agupile aikalo huno
omaigahie. huno humaine.
Yisasia Tusia kana yamo falote hugahie. huno humaine.
7
Hulave nelina kanomogae na kanafi ani kavala hugahie? Hanaa tokiya avameya ani
kanama falotema hisia kanafina taveligahie? huya havigae.
8
Hageno Yisasia mage huno hie
Nagoa veamoya havigema tamahapaisagetama havisao? Ohavisaya yafe kaye ho.
Kasagoya vayala nagai nagi ayeya Tamaugafa aligatisuna yafe Anumaya Kotia hulategeta
neone. huya hisaya vayala evayi huya Yisasima eteno esia kanamoa ago falote nehie.
huya hisagetama amakavela oviho.
9
Nagoa kotega kame nehae. Nagoa kotegaenema tu
hugahe nehae. huyama tamahapaisagetama kolia ohiho. Ani yayaga hagoteya hugahayanagi
ma mopama hano hisia yayaga aupaa vayi ohugahie.
10
Nago nofi vayamoya nagoa nofi vayaene kamea hugahae. Ala kotega vayaene nago
ala kotega vayaene kamea hugahae.
11
Tusia imila aligahie. Alu kotega alu kotega tusia kafu
nehuya amakatesia kanaene tusia kali alisaya kanaene falote hugahie. Ikapinagatila tusia
lamamayo aisia tokiya avame yayaga falote hugahie.
12
Ma ma tamahapauva kemoa falote ohunesigeya tamakaya nagai nakavema nehayafe
vayamoya tamatafa huya ali haviya hulamateteya mono nopi kava vayateene Kamani kava
vayateene kaiyekea hulamatesayafe tamavaleya kina nopi tamategahae.
13
Tamatesagetama
ani kanafina nagai kea hamapaigahae.
14
Hamapaigahagi kaiyekema hulamatesaya yupa
Naane hugahune? hutama tamakesa ohaviho.
15
Nagi nagaya nagainia ani kanafina kanale
ke hisaya kea tamahapaisugetama hisageya kame vayatamimoya Havige hae. huya ketamia
hefala okigahae.
16
Hefala okigahagi ani kanafina itatamimogamiene nelamafaene
neputamimoyaene tamasatamimoyaene tamakaitami afamoene nelamafuyaene tamakaifena
Ma mainae. huya kaiyekema hulamatesaya yafena kame vayatamimogami amayapi
tamavaleya tamatesageya nagoamogatamina tamahaesagetama faligahae.
17
Tamakaya nagai
nakavema nehayafe mukia veamoya amaipa kafa helamategahae.
18-19
Ania hulama-
tegahayanagi kanaleya hutama maigahae. Tamayolegefafina nagola haviya ohugahigi
tokiyaage hutama hetitama maisayafe agola maige maige hisaya tamahaimula aligahae.
Yelusalemu kumamoa haviya hulavigahie. huno Yisasia humaine.
20
Kasagoya kame ati vayamoya Yelusalemu kumama kove kove hisagetama
agesayana ani kumala Ali hagagi-talegahae. hutama tamakesa havigahae.
21
Havisayana
Yutia mainesaya veamogatama tamaiya-yetama agoyalega viho. Yelusalemu mainesaya
veamogatama tamaiya-yetama ani kumala ataletama viho. Hoyafinaga mainesaya veamoya
eteya kumaamilega omesae.
22
Ani kanafina mukia Anumaya Koti kema kae-malenaya
kemoa falote huno tamage hisiafe Anumaya Kotia ani veala kefo yama humainaya anonaa ali
haviya humategahie.
23
Ani kanafina amaipaene anene nute ani-linesia nafanemogami itaamimoyaenefe tusia
nahau nehie. Ani kanafina Isaleli kumala tusiya huno haviya hugahie. Isaleli veamoya kefo
yama humainaya anonatamia Anumaya Kotia havi kavala hulamatesigetama tusia tamaugafa
lamakata yana aligahae.
24
Kame vayamoya nagoa veala ayaaya naepeleti hataga
hamaesageya faligahae. Nagoa veala nofi humateteya amavaleya alu kotega Yuta veane
omainaya veamogami kotega momategahae. Yuta vea omainaya veamoya eya Yelusalemu
kumala mukia amaiyaleti ayelata-pesageno aposi-lavigahie. Aposi-lavisigeya ani Yuta vea
omainaya veala anile emaige maige huya maisageno Yuta vea omainaya veamoya kava
yagaisaya kanaamia hano hugahie.
25
Yisasia nagoene mage huno hie Yagene kanefiene ikamoene kugava kava huno alu
kava humaveligahie. Nagi hage limoa ayepafa hulino ute ete hisia yafena mukia kotega ma
mopafi veala tusia amamayo aigahie.
26
Ikatema hanea yamoya kanage kanage huya alu kate
kate visaya yafena mukia ma mopafima mainaya veamoya Na ya falote hugahe nehie?
huya nehisageno amaipamoa kanaage nehinageno amaulagamoa kagi kagi hinageya asaga
hulavigahae.
27
Mukia ani yamaa falotema hutesigena ikapinagati emainoa kanoa vayamo
natenea kanomona siate elavisugeya nagegahae. Tusia himamu yaniaene tusia hale yaniaene
esugetama nagegahae.
28
Ani kugava yayaga aepama heno esigetamahena Taugafa aligatisia
kanamoa ago aupaa falote hugahe nehie. hutama hetitama tamanuna alisaka hutama ageho.
huno humaine.
29
Yisasia nago avame kea mage huno hamapaiye Fiki yosaleene afa yosaleene ageho.
30
Ani yosamoa haegafa haisama falote higetamahena Anuna nevalea kana falote hugahie.
hutama nehae.
31
Ania hugahianagi anima tamahapauva kugava yama agenutamahena
Anumaya Kotia kava yagaisia kanamoa ago falote hugahie. hutama havigahae.
32
Nagaya tamage huna tamahanepauve meni kanafima mainaya veanea ofalinesageno
ani yayaga falote hugahie.
33
Ikaene ma mopaene ago fanane hugahianagi nagai kemoa
fanane ohugahie.
34-35
Tamakaitamile yagaiho. Havigu havili nelitetama nehutama havigu kave nesaya
yafeene tamaugafale yaenefe tamakesa havi havi hisageno ani yamoma aiso hulamatesiana
ala kanomo kalifumoma aupaa hatea kava huno esigetamahena talo tala ohunesageno esigi
kava yagaitama maiho. Yisasia mukia ma mopafi veamogami amaulagale evayi hinageya
atali-talu hugahae.
36
Ani yafena tamakaitami nagoke nagokemogatama kava yagaiho. Mukia
kanale tokiyama alisayafena nunamuna higeno ani tokiya tamamisigeno ani havi yama falote
hisia kanafina Anumaya Kotia tamaugafa aligatisigetama ikapinagati emainoa kanoa vayamo
natenea kanomoni naule hetigahae. huno hamapai-maine.
37
Yisasia mukia kanafina ala mono nopi haino maineno humavenelino mukia kegela
Olivi yosa hanea agoyafi haino nemaiyane.
38
Haino mainegeno koma neleana mukia veala
Agai kema havigahune. huya mono nopina etele nehayane.
Luku Luku
<<
21 21
>>
Luku Luku
<<
22 22
>>
22
Yutasia hulamage huno Yisasina avalena kava vayala tamamigahue. huno
humaine.
1
Ala imu negiya kanamoa meupa higeya ani imule hale oki kaihamena nenayane. Ani
imua kafuahe kafuahe Anumaya Kotima Yuta veamogami amakinago-mogamima amaugafa
aligatimainea kanahe amakesa havi havi hisaya imu alitalu huya negiyane.
2
Ani kanafina
mono note hagote kava vayaene kahegi kema havilinaya anagaene Yisasina haesaya kafe
atiyayanagi vaya amaulagahe koli humainae.
3-5
Koli nehageno aupaa Satania Yutasi aipafi hai fale-maine. Yutasi Isakaliotia Yisasina
tuelufua (12) anagaene nemaiya kanogino neamataleno viaamo mono note kava vayaene
mono note ati kava vayaene kea kea huno mage hie Nagaya hanaa kateti agesila huna
tamahapaisugetama Yisasina atafa hugahae? huno higeya muse huteya Aniama hisanageta
mone hageta kamigahune. huya hapaimainae.
6
Hapaigeno Yutasia E, kanalele huno
huteno vaya kulata oaiya yate kesi kateti Yisasina movalesigeya atafa hisaya kafe ati
ayemaine.
Agaiafiti tole kanolatana kave mo talo tala humainae.
7
Hale oki kaihamema nenaya kanamoa hagote yupa falote hie. Ani yupa amaugafama
aligatimainea yafe amakesa ali hao hisayafe nagola sipi sipi nafanea hemainae.
8
Yisasia
Pitaene Yoniene hunateno mage hie Utana Anumaya Kotima taginagomogami amaugafa
aligatimainea yafe tagesa ali hao hisuna kavela utana talo tala hiageta monamano. huno hie.
9
Higeana Hana nopi mo lalo tala hisue huageka nehane? huana havigae.
10-11
Haageno Yisasia mage huno hanapaiye Havio ala kumate utana nago kanomoa ti
kema hefilino visia kanoene mo fotu hutetana akave utana haisia nopi haitana ani nomona
nefafe mage hutana havigeo Hulavenelia kanomoa kagaife mage huno kahavige Hana nopi
nagaiene tokaeya nemaiya anagamoyaene Anumaya Kotima taginagomogami amaugafama
aligatimainea yafe tagesa ali hao hisuna kavela nesune? huno hie. hutana havigeo.
12
Havigesaageno folamo huno anayapi kimalenea nona ago alino hilato humalenea nona, ala
nokefa, tanavelisigetana ani nopi kavetia talo tala hio. huno hanapaiye.
13
Hanapaigeana
vaana hia kemoa mukia falote higeana Anumaya Kotia amaugafa aligatimainea kanahe
amakesa havi havi hisaya kavela mo lalo tala humainae.
Yisasia vainiene mayaene anagaa amamine.
14
Kave ne kanamoa aupa higeya Yisasiene agaiaene tokaeya nemaiya anagamoyaene
kave negahe folamole mainae.
15
Mainageno Yisasia mage huno hamapaiye Anumaya
Kotima taginagomogami amaugafama aligatimainea yafe tagesa ali hao hisuna kavela
tamakaiene tokaeta nesuna yafe tusiya huno nenahaiye. Netena tusia nagata aisigena
faligahue.
16
Tamahapauve ma kavela nagoene ma mopafi mainena onegahue. Anumaya
Kotia agola tamaku tamamena aligatisigena ikapinaga etena negahue. huno hamapaiye.
17
Nagola nofi alagamo timo agia vainie. Yisasia ani lima hanea keayola alino
Anumayamotega muse huno havigeteno mage huno hamapaiye Ma keayola alitama nete
nete hiho.
18
Tamahanepauve menia ma vaini nofi alagamo tina nagoene onegahue. Anumaya
Kotima kava yagaisia kanamoma falote hinagena etena negahue. huno hamapaiye.
19
Naa huteno kaihamena alino nunamu huno muse huno havigeteno kolite kolite huno
neamamino mage huno hie Mamona nagaini naugafae. Tamakaife huna naugafa
atalesugetama mukia kanafina ania hutama nete nete nehutama nagaifena tamakesa havi havi
hutama maiho. huno hamapaiye.
20
Higeya ani kavela netageno vaini nofi alagamo tima
hanea keayola alino ania huno Anumayamotega muse huno havigeteno alino amamite
amamite nehuno mage huno hamapaiye Ma lina nagai kolaniae. Nahaesagena falisuana
kolaniamoa tamakaifene huno take take hulavisiafe haegafa kea, Anumaya Kotiene hage-
lafitama maisaya kea alino fatago hugahie.
21
Haviho vayamoya havisagi huno nagaila nagesi huno kame hunatesia kanomoa
nagaiene tokaeno mainegetaa nagokepiti kavela alitaa nenoe.
22
Ikapinagati emainoa kanoa
vayamo natenea kanomona Anumaya Kotima hunatenea kate ugahuanagi vayamoya havisagi
huno nagesi hunatesia kanomofena Avonio nahau hanagi kagaya maigayo huna nehue.
huno humaine.
23
Higeya amakaiami huge havige nehuya mage hae Ani kavala tagaipitila ta
hugahie? huya mo havige me havige hae.
Tagaipitila ta ala kanotia maine? huya ke vaimainae.
24
Yisasienema tokaeya nemaiya anagamoya mage huya hae Ta tagaipina tagaseno ala
kanoa maine? huya ani yateti ke vaimainae.
25
Ke nevaigeno Yisasia mage huno hie Ma
mopale ala kava vayamoya kemamakiya aliya ke huneamateya Tagaifela kayone huka
kanale kava kanoe huya hunatesae. huya nehae.
26
Nehayanagi tamakaya ania kavala ohiho.
Tamakaipima agima hanesia kanomoa osi nafanemoma maiya avamete maisia kanomoa
kava kanotami maineno kayo kayo kano maisie.
27
Ta ala kava kanoa maine? Mopale
maineno kavela nenea kanofi? Kavela hatino neamamia kanofi? Afaa mopale maineno
kavema nenea kanoa ala kano mainegi nagaya tamakaiene mainena kayo kayo hunelamatoe.
28
Nagaitema havi kanama falote higetamahena tamakaya onataletama nagaiene
mainayane.
29
Ani yafena Nenafaa nagaife Kava yagaigane. huno hunatenea kava huna
tamakaila Kava yagaigahae. huna nelamamue.
30
Naa hisugetama kavama yagaisua
kumanilela umainetama nagaiene kavela nenetama kava vayamogami siale mainetama tenia
(10) Isaleli nofi veamogamite kava yagaigahae. huno humaine.
Yisasia Pitafe Akaveno hunategahie. huno humaine.
31-32
Saimonifena mage huno hie Saimonigae, Saimonigae havio Satania tamakayama
nagaila natalesaya yafe tamakaila tamatafa huno ayelamavataga hisia yafe Ani vayala
namio. huno Anumaya Kotifena havigeanagi nagaya kagaifena Saimoniga nagaifema Tusia
tokiyaa hane. huka kagupi maleka kametiti humainana kea oatalesanafe Anumaya Kotitega
ago havigogi kagua aiyahae huka vayakamoya nagaifema amakupi maleya amametiti
hisayafe amaya huo. huno hie.
33
Higeno Saimonia kenonaa mage huno hie Alaniamogae
nagaya kagaiene kina hulaateteya taahaesagetaa faligahue huna nagu nagesa talo tala nehue.
huno hie.
34
Higeno Yisasia kenonaa mage huno hie Pitaga kahanepauve meni kegela
kokolemoa agea oainesigeka tagufa (3) kanale Nagaya oagenoa kanoe. huka avane
hunategane. huno humaine.
Yisasia anagaahe Monetamiene kutamiene naepetamiene aliho. huno humaine.
35
Huteno nagoene mage huno hamapaiye Monetamiene kutamiene tamaiya noene
oalitama viho huna hulamatogetama vayana nagoa yafena aupa humainao? huno higeya
Aao mukia yana kanaleya huta alimainone. huya hae.
36
Hageno nagoene mage huno hie
Hagotena mani kea tamahapai-mainoanagi menia monetamima hanesimogatama alitama
viho. Kutamima hanesi-mogatama alitama viho. Ayaaya naepetamima omalesi-mogatama
kenatamia alu kanomona amisageno anonaa ayaaya naepea tamamisie.
37
Naafene nagaya tamahanepauve nayona Anumaya Koti kefima kae-malenaya kemoa
Vayayagamoya agaifena mage hae Havi kavakeya nehia kano maine. huya hae. huya
kae-malenayanagi
nagaima hunatesaya kavama hisagenoa ani kemoa falote hisigeya Tamage humaineane.
huya hugahae. huno nehie.
38
Higeya mage hae Alatimogae ago tole ayaaya naepea ma
hane. huya hageno kenonaamia mage hie Haile. huno humaine.
Yisasia Olivi agoyafi umaineno nunamu humaine.
39
Yisasia kumala ataleno mukia kanafi nehia kava huno Olivi yosa hanea agoyafi
haigeya agaienema tokaeya nemaiya anagaamoya akave haimainae.
40
Ago anilega uvayi
huteya mage huno hamapaiye Anumaya Kotitega nunamu hutama havigeho Satanima
ayelavataga hisia yapina tavaleka ovuo. hutama havigeho. huno hie.
41-42
Ani kea huteno
neamataleno viaamo vayamoya yafama hagayu hutalageno nevia avamete viaamo aleya
moye maineno Anumayamotega mage huno havige Nenafagae falisua kava nehugi
kahaisigekahena ani havi kanamoa satuage hia ti kana ti hanea keayola nahafalo. Afaa nagai
nagu nagesa akave ohuka kahaisia kavala huo. huno havige-maine.
43
Nehigeno ikapinagati nago ensole kanomoa tokiya memine.
44
Memigeno Yisasia
augafafinaga malageno ageana tusia kanaage haiya yafe Anumayamotega nagoene tusiya
huno havinegegeno amunamoa kolamoma hia kava huno mopafina take take hulavimaine.
45
Take take nehigeno Anumayamotega havigeteno hetino mogeana agaiaenema tokaeya
nemaiya anagamoya hamauma haya yafe ago fae-mainageno momake-maine.
46
Momaketeno mage huno hie Ae faetamage mainao? Hetitama Satania ayelama-vataga
hisigetama asaga hu otavisaya yafena Anumayamotega nunamuna hutama havigeho. huno
hie.
47
Ani kea nehigeya kasagoya vaya evayi hageno Yutasia tuelufua (12) anagapi tokaeno
nemaiya kanomoa amavaleno Yisasina me tako hugahe emaine.
48
Neegeno Yisasia mage
huno hie Yutasigae natako hisana yateti nagaila ikapinagati emainoa kanoa vayamo natenea
kanomonia nagesi huka kame vaya amayapi nategahe nehano? huno hie.
49
Nehigeya agaiaenema tokaeya nemaiya anagamoya haya kavala ageteya mage hae
Alamogae ayaaya naepeleti hamaesuno? huya hae.
50
Nehageno amakaipiti nago kanoa ala
mono nopima hagote kava kanomona aliya kanoamona ayaaya naepeleti tamaga kaiyaga
agesa aifakali-talegeno asaga hulavimaine.
51
Aifakaligeno Yisasia mage hie Tu hisaya
kavala ohiho. huno nehuno ayana ani agesamo aepale maleno agesa alino kanale hutene.
52
Alino kanale huteteno mono note kava vayafeene ala mono note ati kava vayafeene
Yuta vayatamaene agaima atafa hugahe aya vayamogamifeene Yisasia mage huno
hamapaiye Tamakaya nagaifena Vaya nehamaeno musufaya nehia kano maine. hutama
ayaaya naepene muki kayoene alitama neao?
53
Nagaya mukia kanafina efi efi huna
tamakaiene ala mono nopina nemauvanagi natafa ohunayane. Anumaya Kotia meni kana
tamayapi malegetama Satania hani yamo nefaa aliya alisia kanamoa ago falote humaine.
huno hie.
Pitaa Yisasifena Noagoa kanoe. huno avane humaine.
54
Atafa huya mono note hagote kava kanomo kumate avaleya vageno Pitaa akave
anatino vianagi avatela ounegi ago aluale umaine.
55
Umainegeya ani no kegiya kovefi ata
kae-maleteya mopale mainageno Pitaa amakaiene mopale umaine.
56
Ata anefete mopale
mainegeno nagola aliya munamoa Pitana ageke huno ageteno mage hie Ma kanoa
Yisasiene vaiyatete nehia kanoe. huno hie.
57
Higeno Pitaa avane huno mage hie Aao ma
munamoga nagaya oagenoa kanohe nehane. huno humaine.
58
Osia maigeya nago kanomoa Pitana ageteno mage huno hie Kagaya Yisasiene
tokaetana nemaia kano mainane. huno higeno Pitaa mage hie Aao ma nemoga nagaya
oagenoa kanohe nehane. huno humaine.
59
Osia maigeya nago kanomoa tokiyaage kefiti
mage huno hie Tamage huna tamahanepauve ma kanoa Kalili kanoe. Yisasiene vaiyatete
nehia kano maine. huno hie.
60
Higeno Pitaa mage huno hie Ma nemoga nagaya ohavinoa
kehe nehane. huno nehigeno anile aupaa kokolemoa agea aimaine.
61-62
Age aigeno Anumayamoa maiyahae huno Pitana ageke huno agegeno Pitana
agesamoa aikalo higeno Yisasima hapaigeno havimainea kea mage huno humaineane Meni
kegela kokolemoa agea oainesigeka kagaya tagufa (3) kanale avane huka nagaila ali
falakigane. huno humainea kehe Pitana agesamoa aikalo higeno haviteno hatilavino
viayamo tusia avi motemaine.
Yisasina kigi huneateya aikoli-mainae.
63-64
Yisasima atafa humainaya vayamoya kigi huneateya akaya ateya kayo aikoneliya
aulagafina kenaleti nofi kisalu kiteneya mage huya hae Kaune laga nehana kanogi tahapaiyo
taya negahayae? huya havigae.
65
Nagoene alu ke alu ke huya kigi huneateya akaya atenae.
Yisasina kanisole vayamogami amaulagale kaiyeke hutenae.
66
Kotigeya Yuta vayamogami vayatamaene mono note kava vayaene kahegi kema
havilinaya anagaene kanisolefi melitalu huteya Yisasina avaleya anile umaineya Yisasifena
mage huya havigae.
67
Tahapaiyo kagaya Anumaya Kotia taugafa aligatigahie huno
hugatenea kano mainano? huya hageno Yisasia kenonaamia mage hie Nagayama
tamahapaisugetamahena Tamage nehane. hutama ani kea havitama tamakupina
omalegahae.
68
Nagaya nago kema tamahavigesugetamahena kenonaania nahaopaigahae.
69
Meni aepa heno ikapinagati emainoa kanoa vayamo natenea kanomona tusia himamua
hanea Anumaya Kotina aya tamaga kaiyaga hanea siale umainena agola maige maige huna
maigahue. huno humaine.
70
Higeya mukia anile melitalu huya mainaya vayamoya mage
huya hae Kagaya ani kea nehananagi Anumaya Kotina nafaneamoga mainano? huya
havigageno Tamakaya nagaifena tamage nehae. Ani kano mainane. hutama nehae. huno
humaine.
71
Higeya mage hae Agaia avayafiti ago haesuna kea hufalote higeta havune.
Havigu nagoa vayamoya nagoa kea agaifena tahapaiyafenagita alu vayamogamifena ke
ohisune. huya humainae
Luku Luku
<<
22 22
>>
Luku Luku
<<
23 23
>>
23
Pailati aulagale Yisasina kaiyeke hutenae.
1
Mukia kanisolefi metalu huya mainaya vayamoya hetiya Yisasina avaleya ala kava
kanoa, Pailatite umainae.
2
Avaleya umaineya aepa heya Ma kava huno kefo kavala
humaine. Tagaya agonana mani kanomoa tagai nofi vayafena mage hie Kamani
vayamogami kea neataletama havi kava hiho. huno nehuno tagaifena Takisi neamamiya
yana Sisana oamiho. huno nehuno Nagaya nagainia Kalaisina, Sauve kano mainoe. huno
humaine. huya hae.
3
Hageno Pailatia Yisasifena mage huno havige Kagaya Yuta nofi vayamogami
Sauveami mainano? huno havigegeno Yisasia mage hie Kagaikaa mani kea hai nehane.
huno hie.
4
Higeno Pailatia mono note kava vayafeene mukia alitalu huya mainaya vayafeene
mage huno hamapaiye Kefo kavama hu-mainesiafene huna atiyoana nago yamaa omale.
huno hamapaiye.
5
Higeya tokiyaage kefiti mage huya hae Mukia Yutia kotega ute ete
nehuno veafena mage humaine Kamani vayamogami kea neataletama ma kava hiho. huno
humaveligeya veamoya Ani kava humategahune. huya hae. Kaliliti ani kavala aepa heno
hulino hulino menia male nee. huya hae.
Yisasina Heloti aulagale kaiyekea hutenae.
6
Pailatia ani kea haviteno mage huno hamavige Ani kanoa Kalili kano maineo? huno
hamavige.
7
Hamavigegeya E, ani kumateti kanoe. huya hageno Heloti kava yagaimainea
kotegati kanoe. huya hageno haviteno hutegeno Helotite umaine. Ani kanafina Helotia
Yelusalemu nemaiyane.
8
Helotia Yisasina ageteno tusia muse hie. Avagema haviana Tokiyaage avameya yana
nagoa hinagena agesue. huno nehuno ayaaya kanale Yisasina agesia agesa havianagi
noageane.
9
Yisasina ageteno mukia kehena havige havige hugeteana Yisasia nagola osi ke
kanoa ohune.
10
Ke ohuno maigeya mono note kava vayaene kahegi kema havilinaya anagaene anile
hetiya maineya tusia ke nehuya Na kava ma kava huno kefo kavala humaine. huya hae.
11
Hageno Helotiene ati vayaamoyaene Yisasina huhaviya huteteya kigi huteya kamuge
hatageya vaineateya nagola kanale kena aliya me faitetageno Helotia Yisasifena Pailatite
etetama avaletama viho. huno humatene.
12
Helotiene Pailatiene kame kanolata mainaaleti
ani yupa anakaya ali konaga ayemainae.
Pailatia Yisasina Yafaga yosale hetama asaigeno falino. huno humaine.
13-14
Pailatia mono note kava vayafeene Yuta vayamogami kava vayafeene
vayayagamogamifeene ke higeya melitalu hageno mage huno hamapaiye Tamakaya ma
kanomofena Kefo kava huno veafena Kamani vayamogami kea neataletama havi kava
hiho. huno hamapai-maine. hutama nehutama nagaifena kaiyeke hutesane hutama
avaletama ayanagi nagaya tamakai tamaulagafima havigoana Kefo kavama humaine.
hutama haya kavala tamage huno kefo kavala ohune huna nehue.
15-17
Aguafina agoanagino
Helotia ania huno ageana tagaitefe Eteka vuo. huno hutegeno eanagi ageho mani kanoa
falisia augafa kefo kavala ohuneafe afaa kayo amina aumono maletena atalesugeno visie.
huno hie.
18
Hianagi mukia alitalu humainaya veamoya ailulupeya mage hae Yisasina haegeno
falino. Tagaya Palapasife nofipiti hano hisie huta nehune. huya hae.
19
Ani Palapasia ala
kumate vayayagamofe mage hie Kava vayaene tu higetao. huno huteno nago kanoa
haegeno falimainea yateti avaleya kina hutenaya kanogiya agaife ani kea hae.
20
Hageno Pailatia Yisasina atalesugeno afaa visie. huno agesa havia yafe nagoene ke
huno hamavige.
21
Hamavigegeya ala kefiti mage hae Yafaga yosale nili hetama asaigeno
falino. Yafaga yosale nili hetama asaigeno falino. huya humainae.
22
Hageno Pailatia
nagoene eteno mage hie Naa higetama ani kea nehae? Hanaa kefo ya humaine? Nagaya
atiyoana falisia kefo augafa kavala ohuneafe afaa kayo amina aumono maletena atalesugeno
visie. huno hie.
23
Ani kea hianagi amakaya tusi tokiyaage kefiti mage huya hae Yafaga yosale nili
hetama asaigeno falino. huya tokiyaage kegeya hageno Pailatima hia kemona amakai
kemoa hefalaki-maine.
24
Keamona hefalakigeno Pailatia haya ke haviteno Yisasifena
Yafaga yosale nili hetama asaigeno falino. huno ati vayala hamapaimaine.
25
Palapasia
vayafe Kava vayaene tu higetao. huteno nago kanoa haegeno falimainea yateti avaleya
kina hutenaya kanoa tutu haya yafe Pailatia Hano hanagi vuo. huno huteanagi mukia
vayamoya Yisasifena Yafaga yosale nili hetama asaigeno falino. huya haya kemo akave
malene.
26
Yisasina avaleya katega neuya Sailini Saimoniene mo fotu humainae. Saimonia
hoyafinagati kate enevigeya ati vayamoya motafa huya yafaga yosa aliya ayonale kofiteteya
Yisasi akave kofika vuo. huya hutenae.
27
Mukia veamoya akave nevageno anemoya avi
neateya hamau hume hume akave umainae.
28
Nevageno Yisasia maiyahae huno amaketeno
mage hie Yelusalemu mainaya anemogatama nagaifene hutama avia oateho. Avima
ategahena tamakaitamihe neatetama nafaneyagatamimofeene avia atemateho.
29
Haviho
haenagaa nago kana falote hisigeya mage huya hugahae Namo anemogatama nafane
oatetama numa noamisaya yafena tusia muse hutama maiho. huya hugahae.
30
Ani kanafina
aepa heya ala agoyamofena mage huya hugahae Kolilavika aiso hulato. huya hugahae. Osi
agoyahena Mehi alika aiso hulato. huya hugahae.
31
Nagaya haegafa ata kana huna mainoa
kanoe. Kefo yana tamage huna ohunoa kano mainogeya mani kavala hunenatayanagi
tamakaya avaifa ata kana hutama kefo kava nehaya veane mainayafe na kava
hulamategahae? huno humaine.
32
Yisasina haegahe avaleya neuya tolea kefo yama humainaa kanolataene hanaegahe
anavaleya umainae.
33
Anu ayamufae huya nehaya kumate avaleya uteya yafaga yosale nili
haeya asaimainae. Tole kefo yama humainaa kanolatane nago kanoa Yisasina tamaga
kaiyagaa haeya asaimaleya nago kanoa haoga kaiyagaa haeya asaimaleya humainae.
34
Yisasia Anumayamotega ke huno mage huno hie Nenafagae mani vayamoya kefo
yama haya kavala Naa kava nehune. huya havilama ohaya yafe aigeamateka kefo yaamia
atalemato. huno humaine. Higeya ati vayamoya kenaa aligahe musufayama nehaya yokalo
lageno amakaseno haiya kanomo alimaine.
35
Aligeya veala alitalu huya hetiya aulu heya mainageya kava vayamoya kamuge
hatageya vaineateya mage hae Nagoa veala amaugafa aligatimainea kanogi Anumaya
Kotima hau ayamopafi nehaiya kanoa taugafa aligatigahie huno hutenea kanoma mainesiana
agaia augafa aligatino. huya hae.
36-38
Anutema kaeya malaya avomoa mage huno hie Mani kanoa Yuta veate ala Sauve
kanoe. huya kaeya malenae. Malenageya ati vayamoya ania huya kamuge hatageya
vaineateya atuage nofi alagafiti tina neamiya mage hae Kagaya Yuta vayate sauve
kanoamima mainesanana kagaikaa kaugafa aligatio. huya hae.
Kefo yama humainea kanomoa Yisasina aipa amine.
39
Nagola kefo yama humainea kanoa yafaga yosale nili heya asaimalaya kanomoa
Yisasifena hu-haviya huteno mage huno hie Anumaya Kotima taugafa aligatigane huno
hugatenesia kanoma mainenuka kagaikaene taagaiene yosaleti ali hakao hugeta tavimano.
huno hie.
40
Higeno nagola kefo yama higeya yafaga yosale nili heya asaimalaya kanomoa
ani kea haviteno kemakino mage huno hie Vae kagaya Anumaya Kotifena kolia nohuka ani
kea nehano? Kefo yama humainoa anonaa nagopi taagaila nilia laahaeya asailaa-
tenayanagitaa faligahue.
41
Taagaya kefo yatiamo anonaa fatago kava hayanagi ma kanoa
nagola osi kefo yamaa omalene. huno hie.
42
Nehuno ani kanomoa Yisasifena mage huno
hie Yisasiga kava yagaigahema esana kanafina nagaifena kagesa havi namio. huno hie.
43
Higeno Yisasia kenonaa mage huno hie Tamagelafa huna kahanepauve meni kanoa
nagaiene kanale maige maige hisaya kumatela tokaetaa umaigahue. huno hapaiye.
Yisasia falimaine.
44
Anile yagemoa euno amunokano higeno halemainea yamoa hano higeno mukia
kotega tusia hanikino viayamo une kanalega eteno ali halemaine.
45
Ani hanimo aguafinaga
ala mono nopima asaimalenaya kenagefamoa amunopiti aipa hulole humaine.
46
Aipa hulole higeno Yisasia ala kefiti mage huno hie Nenafagae nagu nafanea kagai
kayapi nemaloe huno nehuno haimula atalegeno vigeno falimaine.
47
Faligeno ati vayate
kava kanomoa anile maineleti mukia yama hia kavala ageteno Anumaya Koti agi alisaga
nehuno mage huno hie Tamage mani kanoa kefo yana nohia kanoe. huno humaine.
48
Na kava hutesafi agetetae. huya melitalu humainaya veamoya mukia humainea
kavala ageteya tusia hamau huneateya havi kafa yogime yogime noamilega ataleya umainae.
49
Vayanagi mukia veamoyaene Kaliliti akave emainaya aneyagaene aluale hetiya maineya
hutaya kavala agemainae.
50-51
Nagola fatago kanoa Yosefee, Yuta vayamogami Kanisolefi maineanagi Yisasina
haegahune. huya haya kehena E, kanalele. huno ohunea kanoa Yuta veamogami kotega
Alimatiyae huya nehaya kumate nemaiya kanogino Anumaya Kotima kava yagaisia kanahe
muse huno agava nemaiya kanoe.
52
Ani kanomoa Pailatite viayamo mage huno havige Yisasina augafaa aligahe nehue.
huno havige.
53
Havigegeno Pailatia E higeno yafaga yosaleti haino ali hakao hulino
elavino memaleneno kenaleti augafalela aigalaki kalaki huno haya kiteno alino viayamo he
falageya kafimalenaya yafa kane, anifina vayala hevai oamatenaya yafakapima alino mo
hevaitene.
54
Ani yupa Sapatihe haviya talo tala hisaya kanagino Sapatia ago evayi hugahe
higeno Yosefea ani kavala humaine.
55
Higeya Kaliliti Yisasiene tokaeya emainaya aneyaga Yosefe akave uya yafakapima
hevaitea yana mogemainae.
56
Mogeteya ayaamoya augafalema faletesaya yana manaage
tiene masaveene talo tala nehageno Sapati kanamoa evayi higeya kahegi kemo akave maleya
maifalu huya mainae.
Luku Luku
<<
23 23
>>
Luku Luku
<<
24 24
>>
24
Yisasia falimainefiti eteno hetimaine.
1
Sota yupa kola otinegeya ani aneyaga ago talo tala humalenaleti manaage masavena
aliya Yisasina hevaitenaya komulega umainae.
2-3
Uya mogayana komumo avayalema aiso
humalaya yafana ago alikeli-talenageno avayalela omalegeya ani yafakapi hai faleya
mogayana Yisasi augafa omalegeya mogemainae.
4
Omalea yafe Hanate hane? huya tusia amakesa nehavigeno anile tole kanolatana
efeage huno alave alave hia kena failiana evayi hae.
5
Evayi haageya aneyagamoya ageteya
tusi koli huya ape hageana ani tole kanolatamogania mage huana hae Naa higetama afaa
mainea kanohena falimainaya vayamogami matimatipina ati neayae? Mafina omaigi fali-
mainefitila ago hetino umaine.
6
Kalili mainenoma tamahapai-mainea kea tamakesa
hinagetama haviho.
7
Mage huno humaineane Ikapinagati emainoa kanoa vayamo natenea
kanomonia kefo kava nehaya vayamoya natafa huteya yafaga yosale nili nahaeya
nasaisagena faligahue. Falisugeya komufi hevainatesagena tole kana maitena fali-mainesufiti
etena hetigahue. huno humaineane. Ani kehena tamakesa havitama havilama hutama
haviho. huana hae.
8-9
Haageya Yisasima humainea kehe amakesa haviteya matimatila ataleya vayaamoya
agaya yaene haviya kene Yisasina alevenia (11) anagaamoyaene nagoa veaene hamapai-
mainae.
10
Magatala kumate Maliaene Yohanaene Yemesina itaamoa Maliaene nagoa
aneyagaene Yisasienema tokaeya nemaiya anagala hamapai-mainae.
11
Hamapaiyanagi
amakesa haviteya Afa ke nehae. huya nehuya amakupi maleya amametitia ohunae.
12
Amametitia ohayanagi Pitaa hetino aiyayeno hevaitenaya yafakapi mope humaineno
ageana Yisasina aye-gasagitenaya kenaage mogeteno agesa havi havi huno nomaalega eteno
umaine.
Tole kanolatamogania Emeasi katega Yisasina agemainae.
13
Ani kanafina Yisasienema tokaeana nemaia kanolatana Emeasi kumate ugahe katega
vaana anima vaa kamoa Yelusamuti Emeasi umainea kamoa osia ayaayaa alevenia (11)
kilomita hane.
14
Ani tole kanolatana katega neuana ani kanafima humainaya kavafe kea kea
hume hume umainae.
15
Neuana ani yafe kea kea hume hume neuana agaila havigegeno agaila havigegeno
hume nevaageno Yisasia evayi huno anakave eno anakaiene tokaeya umainae.
16
Neuya
anakaya agaanagi anaulaga alino aiso higeana Yisasina agelama huana oagenae.
17
Agelama
ohaageno Yisasia mage huno hanavige Naafe kea kea hume hume nevae? huno
hanavigegeana anile hetiana maineana anaugosa ayegatule-taleana mainae.
18
Nago kanomo agia Kaliopasia mage huno hie Kagaya Yelusalemu kumate natu
kano mainano? Mukia natu umainaya veamoya ani kanafima falote humainea kavala ago
agemainayanagi kagaikage oagenano? huno hie.
19
Higeno Yisasia mage huno hanavige Na
kavafe nehae? huno hanavi-gegeana mage huana hae Nasaleti Yisasi kehena ohavino? Ani
kanoa aune kano maineanagino Anumaya Koti aulagafiene veamogami amaulagafiene tusiya
huno tokiyaage yana talo nehuno tusia hetofa ke tahanepaiya kanoe.
20
Tahanepaiya kanogi
tagai mono note kava vayaene kava vayatiene atafa huya kaiyeke huteteya Faligane. huya
yafaga yosale nili haeya asaigeno falimaine.
21-23
Fali-maineanagi tagaya agaifena Anumaya
Kotia taugafa aligatigahe hutegeno emainea kanoe huta tametiti nehune. Nago yana olaga
kanoa hae-mainayanagi menia tagaiene nemaiya anemoya natekefa hatilaviya Yisasina
hevaitenaya komulega mogayana Yisasina augafa omalegeya mogeteya eteya eya mage huya
me lahapaiye Tagaya ensole kanolata agonageana mage huana tahapaie Yisasia ago
hetimaine. huana haa kea tahapaigeta neone. huya me hageta tagaya tusiya huta atalitalu
humainone.
24
Atalitalu hunanagi nagoa tagaiene nemaiya vayamoya ani komulega uya
mogayana aneyagamoyama haya kemoa mukia tamage hae. Ani kavala humaineanagi
Yisasina oagenae. huana hapaie.
25
Hapaigeno Yisasia mage huno hie Tanakaya tanakesa nohavie. Mukia kema
Anumaya Koti amaune vayamoyama kae-malenaya kea havilama hutana tanakupina
omalenae.
26
Anima amaune vayamoya mage huya kae-malenayane Anumaya Kotia taugafa
aligatigahema hutesia kanomoa tusia augafa agata aisia yana aliteno tokiya hale yamaaene
kumaalega eteno ugahie. huya kae-malenaya kea ohavinao? huno hanavige.
27
Nehuno
Mosesema kae-malenea kemona aepa heno mukia Anumaya Koti amaune vayamoya
agaifema kae-malenaya kemo aepaa hugafino hanapaiye.
28-29
Hanapaigeana ugahema vaa kumatela ago uvayi haageno Yisasia nagoene hume
hume ugahe hianagi anakaya atafa huana mage hae Taagaiene faegane. Yagemoa ago
tavifalesigeno aupaa hani kigahie. huana haageno anakaiene faigahe noanifinaga
haifalemaine.
30-31
Haifaleno mopale maineno anakaiene kave negahe kaihame kana maya alino
nunamu huno muse huteno aposino neanamigeno anile anaulagamoa aigali higeana Yisasina
agelama nehuana Agayamagae. huana nehaamaa anile fanane higeana nagoene Yisasina
noagae.
32
Ani yafena anakaiani mohu mehu huana mage hae Vaeha taagaya katega
neoageno agaya kanale kea taahapaino Anumaya Koti ke kae-malenaya autamafi hanea
kemona aepaa hugafino taahapaigeno taaipamoa hetigeno taaguamoa tusia muse hie. huana
hae.
33
Huteana aupaa hetiana eteana Yelusalemu vaana Yisasina alevenia (11)
anagaamoyaene nagoa veayagaene alitalu huya mainageana momake-mainae.
34
Momakaageya mage huya hanapaiye Tamage Anumayatimoa fali-mainefitila ago
hetigeno Saimonia agemaine. huya hanapaiye.
35
Hageana anakaya kategama humainea
kavamo avagea hamapaiana mage hae Kaihame maya alino aponesigeno anile taaulagamoa
aigali higetaa Yisasina agelama hutaa agoe. huana hamapaie.
Alevenia (11) anagaamoya Yisasina agemainae.
36
Ani kea maiana nehaageno amunoamifi mo hetimaineno mage huno nehie
Tamaipamoa yasi nehinagetama maiho. huno hamapaiye.
37
Hamapaigeya amakaya tusia
koli nehuya atalitalu haya yafe Yisasifena Hakalo emaine. huya tusia koli hae.
38
Koli
hageno Yisasia mage hie Naa higeno tamaipamoa kanaage nehie? Naa higeno
tamakesamoa tole-lole nehae?
39
Tamakaya nayaene naiyaleene ageho. Nagayamagae
nagainia emainoe. Naugafalela navate hutama ageho. Hakalomona augafa ameene
ayamufaene omalenegi nagaila naugafa nameene nayamufaene hanegi neagao. huno
hamapaiye.
40
Ani kea nehuno aiya ayana amavelie.
41
Amaveligeya ageteya tusia muse nehuya Tamage nehifi havige nehie? huya tole
amakesa haviya amakesa havi havi nehageno mage hie Nesua kavela haneo? huno
hamavige.
42-43
Hamavi-gegeya atafi kaemale noyame aliya amigeno alino amaulagafi mata
mata huno nemaine.
Mukia tamaulaga agaya yafena veala hamapaiho. huno humaine.
44
Yisasia mage hie Tamakaienema tokaena mainoa kanafina mage huna tamahapai-
mainoe Mukia nagaifema Mosesema kae-malenea kene Anumaya Koti amaune vayamoya
kaemalenaya kene Yagame Avopi kaemalenaya kene mukia anima kae-malenaya kemoa
falote huno tamage hugahie. huna tamahapai-mainoane. huno hie.
45
Huteno anima kae-malenaya kemoa amakesa halenegeya havilinae.
46
Havilinageno
Mage huya kae-malenayane Anumaya Kotia tamaugafa aligatigahema hutesia kanomoa
tusiya huno agata aisigeno falisigeya hevaitetesageno tole kana augafamoa komufinaga
haneteno fali-mainesifitila eteno hetigahie.
47
Hetisigetama tamakaya Yelusalemu aepa
hetama mukia mopale kumayagalega ute ete hutama mage hutama hamapaiho Yisasia
tamaku tamamena ago aligatiafe tamakesa havitama kefo yatamihena tamakua aiyahae
hisagenoa Anumaya Kotia aigetamateteno kefo yatamia atalelamategahie. hutama
hamapaisayafe kae-malenayane.
48
Mukia tamaulagafiti agemainaya kavafena hamapaiho.
49
Haviho nagaya Nenafama
Tamamigahue. huno humainea kanomona Alu Aotage Avamula tamakaite hutesugeno
egahie. Egahianagi tamakaya mani ala kumate mainegeno eno anafinagati tokiya
tamamisigetama alitetama nagaifena mo hamapaiho. huno humaine.
Anumaya Kotia Yisasina eteno avalegeno ikapinaga haimaine.
50-51
Ani kea huteno amavaleno Petani kumate umaineno ayana alisaga huno mage huno
hie Anumaya Kotia tokiyaaleti tamaya hisie. huno nehigeno Anumaya Kotia avalegeno
ikapinaga haimaine.
52-53
Haigeya Yisasi agia alisaga nehuya tusia muse hume hume
Yelusalemu eteya umaineya muki kanafina efi efi huya ala mono nopi maineya Anumaya
Koti agia alisaga humainae.
Luku Luku
<<
24 24
>>
Kea
Matiu
00
11
22
33
44
55
66
77
88
99
10 10
11 11
12 12
13 13
14 14
15 15
16 16
17 17
18 18
19 19
20 20
21 21
22 22
23 23
24 24
25 25
26 26
27 27
28 28
Matiu Matiu
<<
00
>>
^
Matiu
Yisasina aginago-mogami amakia.
Kanale haviyaami hanea vayamoya Yisasina agegahe emainae.
Yosefea Maliaene nafanene anavaleno Isipi kotega umaine.
Helotia higeya kasagoya nafaneyaga hamayageya fali-mainae.
Yosefeene Maliaene nafaneaene eteya Nasaleti emainae.
Ti fale-mate Yonia mono ke hu-haleno hu-maine.
Yonia Yisasina ti fale-tene.
Satania Yisasife Havi kava huo. huno aye-vataga hu-maine.
Yisasia Kalili viayamo aliyamaa aepa heno ali-maine.
Yisasia foa (4) vayafe ke higeya akave umainae.
Yisasia mono kea hu-haleno nehuno veala kaliamia alino kanale hu-matene.
Yisasia agoyafi maineno mono kea hu-haleno hu-maine.
Tamakaya sole kana hutetama kani kana hu-mainae.
Anumaya Koti kahegi kemo kea.
Yisasia nagoke amaipa hisaya kemofe hu-maine.
Yisasia kumai he yafe hu-maine.
Yisasia anema amatalesaya yafe hu-maine.
Anumayamo aufi Tamage nehue. hutama ohiho.
Havi kava hu-lama-tesaya veamogamina anonaamia hu-oamateho.
Yisasia Kame vayatamihena tamahaino. huno hu-maine.
Yisasia nagoamogami amaya hisuna auava yafe hu-maine.
Yisasia nunamu hisaya auava yafe hu-maine.
Yisasia kavema monesiya yafe hu-maine.
Kanale ya alitalu hisaya yafe hu-maine.
Taulaga Taugafamona kania hane.
Tole kanolatatega nagoke kanomoa aliyana oaligahie.
Kalagi aitama tamakesa havi havi ohiho huno hu-maine.
Naa maa kava nehae. hutama nelama-fugamina fako hu-oamateho.
Nunamu hisageno Anumayamoa kanale ya tamamigahie.
Tamakaya osi fia kanoafi hai faleho.
Havige amaune laga nehaya vayafena kaye ho.
Noma kisaya auavala tole yatala hane.
Yisasia fugita kali nealia kanoa alino kanale hu-tene.
Yisasia ati vayate kava kanomo aliya kanoa alino kanale hu-tene.
Yisasia Pitana aamona itaamo alekanoa alino kanale hu-tene.
Yisasia kasagoya veamogami kalia alino kanale hu-matene.
Yisasia akave visaya auava yamo ke hu-maine.
Yisasia ke nehigeno tusia yasimoa laga hu-maine.
Yisasia tole aifo kanolatamogani anakuafi mainea Kefo Avamula ana-ti-talene.
Yisasia nagola aiya aya fali-mainea kanomona alino kanale hu-tene.
Yisasia Matiufe ke hu-maine.
Yisasia kavema monesiya auava yafe hu-maine.
Yisasia nagola fali-mainea munala ali he-ti-neategeno nago amoa kenaale avate
higeno kaliamoa kanale hu-tene.
Yisasia tole anaulaga asu hu-mainaa kanolataene avaya tuki-mainea kanoene ali
kanale hu-matene.
Yisasia muki veafe hau hu-matene.
Yisasina tuelufua (12) Aposolo anagaamogami amakia.
Yisasia tuelufua (12) anagaa aliya amamine.
Alua lua kana yana falote hugahie.
Veamoya Anumaya Kotifekeya kolia hisae.
Tagaya Yisasi anaga mainone. huta hu-falote hisuna yafena tagayea ohisune.
Veamoya Yisasifena tusiya huno hamaisie.
Yisasi anagama amaya hisaya veamoya kanale miya aligahae.
Yonia agaia anagala hu-ma-tegeya Yisasitega umainae.
Yisasia amakua ai-yahae nohaya veafena tusiya huno hauna hu-neamate.
Yisasia Nagaitega etama mai-falu hiho. huno hu-maine.
Yisasia Sapati kanalema aliya nealiya yafema kahegi malenaya yafe hu-maine.
Sapati yupa Yisasia aya avayu hu-mainea kanomona alino kanale hu-tene.
Yisasia tamage huno Anumaya Koti aliya nafane maine.
Yisasifena Pielesepulia Kefo Avamumo kava kanoene aliyana nealine. huya hu-
mainae.
Havi yosamoa havi yosalaga neaye.
Nagoa veamoya Tokiyaage avame yana hugeta agamano. huya hu-mainae.
Kefo Avamua eteno emaine.
Yisasina itaamoene aganaamoyaenena taya mainae?
Nago kanomoa viti avina hoyafi fai-malenea avame kea Yisasia hu-maine.
Yisasia na agesa hanegeno avame keagela hu-maine.
Viti avinamo avame kemona Yisasia aepaa hu-haleno hu-maine.
Hoyafima havi inomoma hage mainea inomo avame ke hu-maine.
Masatatia osi avina kanoale avame ke hu-maleno hu-maine.
Kai hamema hale negia yamote avame kea hu-maleno hu-maine.
Yisasia avame kegeya hu-maine.
Yisasia havi inomo avame kemona hu-haleno hu-maine.
Mone keayola mopafi he-vai-malenaya keayomote avame kea hu-maine.
Nago kanomoa miyamoa hai-mainea kitana kana yamote avame kea hu-maine.
Noyame kukonagomote hu-maleno avame ke hu-maine.
Nasaleti veamoya Yisasina amakaveno hu-tenae.
Helotia Yisasifena Li fale-neamatea Yonie. huno agesa havimaine.
Yisasia faefu tausenia (5,000) vayamogamina kavela amamine.
Yisasia timo agupile umainae.
Yisasia kasagoya Kenesale kumate kali vayala alino kanale hu-ma-tene.
Anumaya Kotia kahegi kemoa tototimogami kahegi kemona agase-maine.
Yisasia veamogami amakuama ali haviya nehia yafe hu-maine.
Kenani amoa Yisasina agua amitafa hu-maine.
Yisasia kasagoya kali veane alino kanale hu-ma-tene.
Yisasia fo tausenia vaya (4,000) kave amamine.
Yisasifena Tokiyaage avame yana hugeta agamano. huya hu-mainae.
Falasia vayaene Satiusi vayaenefe Yisasia kai-hame hale-negia yamote avame ke hu-
maine.
Pitaa hufalote huno Yisasia Anumaya Kotia taugafa ali-gatigahe hu-tenea kano
maine. huno hu-maine.
Yisasia Falitena etena hetigahue. huno hu-maine.
Yisasina augafamoa alino ai-yahae huno aluya hu-maine.
Nago nafanemo agupina Kefo Avamu mainea nafanea Yisasia alino kanale hu-tene.
Yisasia nagoene tole kanale Fali-mainesufitila he-tigahue. huno hu-maine.
Yisasia mono note mone amamine.
Anumayamo yagai-mainea kumatela ala agi hanea kanoa ta maine?
Kefo yamoa amametiti yana ali-haviya nehie.
Fanane hu-mainea afule hu-vame ke hu-maleno hu-mainea ke.
Tafu-taganayama kefo yama hisigeta ali-fatago hu-ma-tesuna yafe hu-maine?
Aliya kanomoa aliya nealia kanomona anonaa atale-oa-tenea avame ke hu-maine.
Yisasia ve alave apase yafe hu-maine.
Yisasia mage hu-maine Nafaneyaga amatalegeya nagaitega eho. huno hu-maine.
Afenoyamaa kasago hu-mainea kanomoa Yisasite eno kea kea hu-maine.
Nofi alagamo hoyafi aliya nealiya vayate avame kea hu-maine.
Yisasia tagufa (3) kanale Falitena etena hetigahue. huno hu-maine.
Yemesigani Yonigania Kava kanolata maisue. huana hae.
Yisasia tole anaulaga asu humai kanolata alino kanale hu-na-tene.
Yisasia ala sauve kanomoma nehia avamete huno Yelusalemua hai-fale-maine.
Mono nopi maineya hu-hatiya mone nealiya vayala Yisasia amanati-talene.
Yisasia fiki yosamofe higeno fayo-te-maine.
Yisasifena Tokiya ta kamine? huya havige-mainae.
Nago kanomoa tole nafanea mainea kanomote avame ke hu-maine.
Nofi alagamo hoyafi havi vayamoya kava yagai-mainaya yafe avame ke hu-maine.
Aalisia yupa kave talo hisia yate avame kea hu-maine.
Sisana takisi monea amisao ifi oamigahae?
Satiusi vayamoya fali-mainesafiti hetisaya yafe Yisasina havige-mainae.
Anumaya Kotina hagoteno tokiyaage kahegi keae.
Yisasia Anumaya Kotima hu-tenea kanohe Falasia vayafe hama-vi-ge.
Kahegi kema havilinaya anagamoya kefo yaene nehaya vayale.
Yisasia kahegi kema havilinaya anagaene Falisia vayaenefena Kefo kavaenena
nehaya vayale. huno hie.
Yisasia Yelusalemu mainaya vayafe Nahau nehae. huno hu-maine.
Yisasia Ala mono nomoa tagape ai-lavigahie. huno hu-maine.
Yisasia Kasagoya kana yamo falote hugahie. huno hu-maine.
Tusia havi yatafa falote hugahie.
Ikapinagati emainea kanoa vayamo atenea nafanea egahie.
Ani yama falote hisia kanahena nago kanomoa ohavine.
Kanale aliya kanomoteene havi aliya kanomoteene avame kea hu-maine.
Tenia (10) munaneyagale avame kea hu-maine.
Aliya vayamoya mone ali-mainaya avame ke hu-maine.
Ikapinagati emainea kanoa vayamo atenea nafanemoa mukia veamogamina fako
hugahie.
Kava vayamoya Yisasina haesaya ke hu-haya ki-mainae.
Nago amoa Yisasina anupi masave takino fale-tene.
Yutasia hu lamage huno kava vayafe Yisasina avalena tamamigahue. huno hama-
pai-maine.
Yisasia agaiaenema tokaeya nemaiya anagaaene kavela ne-mainae.
Yisasia kai-hameene nofi alagamo tiene anagaa amamine.
Yisasia Pitafe Kakaveno hu-na-tegane. huno hie.
Yisasia Ketesemani hoyafi nunamu mo hu-maine.
Yisasina kaiyeke hu-tenae.
Pitaa Yisasifena avane huno Nagaya noagoa kano maine. huno nehie.
Yisasina avaleya Pailatite umainae.
Yutasia ago fali-maine.
Pailatia Yisasifena Kagaya Yuta veate sauve kano mainano? huno havige.
Pailatia Yisasifena Yafaga yosale haetama asaigeno falino, huno hie.
Ati vayamoya Yisasina akaya atenae.
Yisasi augafa yafa kapi he-vai-tenae.
Ati vayamoya Yisasi komule kava yagaiya mainae.
Yisasia faliteno komufitila he-ti-maine.
Ati vayamogami ke.
Yisasia agaiaenema tokaeya nemaiya anagafena Mono kenia alu kumate kumate
alitama viho. huno hie.
Matiu Matiu
<<
00
>>
Matiu Matiu
<<
11
>>
Yisasife huno Kanale Kea
Matiu
Kae-malenea Ke.
1
Yisasina aginago-mogami amakia.
1
Mamona Yisasi Kalaisina aginagomogami amaki hane. Yisasia Teviti nofipiti kano
maineanagino Tevitia Apalahamu nofipiti kanoe. Apalahamua Yisasina aginagomo maine.
2
Apalahamua Aisakina nefae.
Aisakia Yekopuna nefae.
Yekopua Yutagami konagamogami neamafae.
3
Yutaa Pelesigani Silagani neanafa maineanagino itaanimo agia Tamae.
Pelesia Hesalonina nefae.
Hesalonia Lamana nefae.
4
Lamaa Aminatapina nefae.
Aminatamia Nasonina nefae.
Nasonia Salamonina nefae.
5
Salamonia Poasina nefa maineanagino itaamo agia Lahapue.
Poasia Opetina nefa maineanagino itaamo agia Lutie.
Opetia Yesina nefae.
6
Yesia Tevitina nefa maineanagino Tevitia Isaleli veamogami ala sauve kanoami maineane.
Tevitia Solomonina nefa maineanagino itaamoa hagoteno Yulia a maineane.
7
Solomonia Lehopoamina nefae.
Lehopoamia Apiana nefae.
Apiaa Asana nefae.
8
Asaa Yehosafatina nefae.
Yehosafatia Yeholamina nefae.
Yeholamia Usiana nefae.
9
Usiaa Yotamina nefae.
Yotamia Ahasina nefae.
Ahasia Hesekiana nefae.
10
Hesekiaa Manasena nefae.
Manasea Emonina nefae.
Emonia Yosaiyana nefae.
11
Yosaiyaa Yehoiyakiniene ani koganamogami neamafae. Ani kanafina Papiloni kotega
vayamoya tu huteya Isaleli veala amavaleya Papiloni kotega nofi mo hu-ma-
tageya miya oali aliya ali-mainae.
12
Ani veamoya Papiloni kotega nofi huma-tageya miya oali aliyana aliya mainayanagino
Yehoiyakinina Sealitielona nefae.
Sealitieloa Selapapelina nefae.
13
Selapapelia Apiutana nefae.
Apiutaa Eliakimana nefae.
Eliakimaa Asolana nefae.
14
Asolaa Satokina nefae.
Satokia Akimina nefae.
Akimia Eliutina nefae.
15
Eliutia Eleasana nefae.
Eleasaa Matanana nefae.
Matanaa Yekopuna nefae.
16
Yekopua Yosefena nefa maineanagino Yosefea Maliana anauamoagino ani amoa Yisasina
ategeya agaifena Kalaisie huya Anumaya Kotia taugafa aligatigahe hu-tenea kanoe
huya hu-mainae.
17
Apalahamua hagoteno maineno falitegeya haenagaa fotinia (14) aginagomoya maime
maime haiya mo falitageno anile Tevitia evayi huno maineno falitegeya haenagaa fotinia (14)
aginagomoya maime maime haigeya Papiloni vayamoya eya Isaleli veamogamina nofi hu-
ma-tageya miya oali aliyana aliya mainageno haenagaa fotinia (14) aginagomoya maime
maime haigeno Kalaisia falote hu-maine.
18
Yisasi Kalaisima atenea kea mage huno hu-maine itaamo agia Maliae Yosefete ago
hage-malenaya munalagino nagola vene ofaenea munamoa aipaene maine. Anumaya Kotina
Alu Aotage Avamualeti aipaene hu-maine.
19
Yosefetema, hage-malenaya kanoa, fatago
kano maineanagino havigu Maliaa agaye huyafenagina kesi atalesue agesa havimaine.
20-
21
Ani kehena agesa havige havigeteno faeno maineno himona ageana Anumayamo ensole
kanoa evayi huno mage huno hie Yosefegae, Tevitina neamogae, kolia ohuka Maliaa
akamoagi afaa avalo. Anumaya Kotina Alu Aotage Avamualeti aipaene maineanagino
nenafane ategahie. Ani nafanemoa agaia veamogamina kefo yaamimo nofi hu-matenea veala
ali kalu heno amaugafa ali-gatisiafe agia Yisasie huka malegane. huno hu-maine.
22-23
Nayona Anumayamo aune kanomo avayafiti mage huno hama-pai-maineane
Haviho nagola vene ofaenesia munamoa aipaene huteno nenafane ategahie. Ani nafanemo
agia mage huya ayegahae Imanuelie huya ayegahae. huno hu-maineane.
Tagai kefina ani agimoa Anumaya Kotia tagaiene maine. huno hu-maine. Yisasina atenea
yupa ani kemoa ago falote huno tamage hu-maineane.
24
Yosefea ani himona ageteno aupiti hetino Anumayamo ensole kanomoma hapaiya
kea havino akave maleteno Maliaga animogae. huno ali-tene.
25
Yosefea ani afena
Animogae huteno alave yana ohuno afaa maineana ani nafanea ategeno Yosefea agia
Yisasie huno malene.
Matiu Matiu
<<
11
>>
Matiu Matiu
<<
22
>>
2
Kanale haviyaami hanea vayamoya Yisasina agegahe emainae.
1
Helotia Yutia kotega ala sauve kano mainea kanafina Yisasina Petelehemu osi Yutia
kumate atene. Atetegeya haenagaa yage vayi nehilegati kanale haviyaami hanea vayamoya
Yelusalemu evayi hu-mainae.
2
Evayi huteya mage huya hae Menima atea nafanea, Yuta
vayamogami sauve kanoa, hanate atene? Nagola haegafa kanefila yagema evayi nehilegati
evayi higeta ageteta Ago atene. huta agai agi alisaga hugahe neone. huya hae.
3
Hageno
sauve kanoa Helotiene mukia Yelusalemu mainaya veanene ani kea haviteya atali talu hu-
mainae.
4
Atali talu hageno Helotia mukia mono note kava vayafeene kahegi kema havilinaya
anagafeene ke higeya agaite ageno mage huno hama-vige Anumaya Kotima taugafa ali-
gatigahema hu-tesia kanoa hana kumate ategahie? huno hama-vi-ge-maine.
5
Hama-vi-
gegeya mage huya hae Ani nafanea Petelehemu ategahie. Nayona Anumaya Koti aune
kanomoa mage huno kae-maleneane
6
Kagaya Petelehemu kumamoga Yutia kotega mainananagi Yutia kumayaga ago
amakaseka hai-mainananagino kagaipiti ala kava kanoa falote huteno nagai veala
Isaleli veate kava yakaigahie. huno kae-maleneane. huya hae.
7
Hageno Helotia yage vayi nehilegati emainaya kanale haviyaami hanea vayayagahena kesi
huno ke higeya ageno Ani haegafa kanefila na yu falote hu-maine? huno hama-vige.
8
Hama-vigeteno Petelehemu hu-ma-tegahe mage huno hie Utama ani nafanehena ati-
yetama age-falotema hinutamahena etetama me naha-paigena nagaienena ania huna agia
molisaga hano. huno hu-maine.
9
Higeya sauve kanomo kea haviteya mogayana yagema
vayi nehilegati age-mainaya kanefimoa uhagote-ma-teno viayamo ani nafanema mainea
nomo amupale umaineno amave-li-maine.
10
Amave-ligeya ageteya amaipamoa kanale higeya
tusia muse hu-mainae.
11
Muse hu-teteya ani nopi hai-faleya agayana ani nafanegi itaamoa
Maliaagi huana mainaageya mogeteya mopafi mope huya agia alisaga nehuya kuamifiti muse
yana amigahe monegi manaage tanefagi kule fuki kana huno manaage mea tinagi huya
aminae.
12
Amiteya himona agayana Anumaya Kotia himonafi mage huno hama-paiye Heloti
mainesilega etetama oviho huno higeya alu kate uteya kumaamilega umainae.
Yosefea Maliaene nafanene anavaleno Isipi kotega umaine.
13
Kanale haviyaami hanea vayala utageno Yosefea Anumayamo ensole kanoa himonafi
agegeno mage huno hie Hetika nafanene itaamoene Isipi kotega tamaiya-yetama viho.
Anilega umainegena nagayama etena hisugetama etetama egahae. Helotia kagai nafanehe ati-
yeno haesia ke nehie. huno hie.
14
Higeno Yosefea ani himona ageteno aupaa hetino
nafanene itaamoene ani kegela anavaleno Isipi kotega ugahe umainae.
15
Ani kotega ayaaya
kanagefa umainageno Helotia falitegeya neataleya emainae. Ani yafena nayona
Anumayamoa aune kanomo avayafiti mage huno hu-maineane
Isipi kotegati nagaini nafanea ke hisugeno egahie huno hu-maineane.
Nayoma hu-mainea kemoa ani yupa ago efalote huno tamage hu-maine.
Helotia higeya kasagoya nafaneyaga hamayageya fali-mainae.
16
Helotia agesa havitenoe Ani kanale haviyaami hanea vayamoya aye-navataga hae.
huno tusia ke vai-maine. Kanale haviyaami hanea vayamogami kea haviteno Yisasia ani
augafa kafua hane. huno nagoa vayala hu-ma-tegeya Petelehemu kumateene atupa
kumayagaleene mukiama yaufa tole (2) kafua ohunaya nenafaneyaga Hamaegeya faliho.
huno hu-ma-tene.
17-18
Yelemaiyaa nayona Anumaya Koti aune kanomoa mage huno hu-maineane
Lama kumategati mukia veamoya ala kefiti ke huya hamau huya avi-taya kea vayamoya
havimainae. Leselina aginagomogami nafaneyagahe tusia avi-tegeya
nafaneyagaama faliya yafe veamoya aipa ali falu hutayanagi tusi avi-te-maine.
huno hu-maineane.
Ani yupa nayoma hu-mainea kemoa ago efalote huno tamage hie.
Yosefeene Maliaene nafaneaene eteya Nasaleti emainae.
19
Helotia falitegeno Yosefea Isipi kotega maineno himonafi Anumayamo ensole
kanomona agegeno mage huno hapaiye.
20
Hetika nafanene itaamoene neanavaleka Isaleli
kotega viho. Kagai nafanema haesaya amakesa haviya vayala ago faliye. huno hie.
21
Higeno Yosefea hetino nafanene itaamoene neanavaleno Isaleli kotega umainae.
22
Umainagi Helotia ago falitegeno agaia nafanemoa Akelausia Yutia kotega kava hu-
maine. huya haya kea Yosefea haviteno koli huno Anilega ougahue. huteno himonafina
Anilega oviho. huno hia kea haviteno Kalili umaine.
23
Kalili viana osi kumala Nasaleti uno
maine. Nayona Anumaya Koti amaune vayamoya Yisasifena mage huya hu-mainayane
Agaya Nasaleti kano maine. huya hugahae huya hu-mainayane
Ani yupa nayoma hu-mainaya kemoa ago efalote huno tamage hu-maine.
Matiu Matiu
<<
22
>>
Matiu Matiu
<<
33
>>
3
Ti fale-mate Yonia mono ke hu-haleno hu-maine.
1
Ti fale-mate Yonia evayi huno Yutia kame kotega maineno Anumaya Koti kea hu-
haleno hama-pai-maine.
2
Yonia mage huno hie Anumaya Kotima ikapinaga kava yagaisia
yamoa aupaa evayi hugahie. Evayi hugahigi tamakaya tamakua aiyahae hutama kefo yatamia
Nagoene ohugahune. hutama ataleho huno hu-maine.
3
Ani kema hisia kanomofena
nayona Anumaya Koti aune kanomoa, Aisayaa mage huno hu-maineane
Kame kotegati nago kanomoa keha keha huno mage hugahie Anumayamo esia kamaa ali
hilato hutama ali fatago hiho. huno hugahie. huno hu-maineane.
4
Yonia kemolo afumo ayolagefaleti fakani-male kena fai-line. Fai-lineno pulamakao
augafaleti amunofila aye-talako huno ki-lineno kavea kenuene tumemo timaaene neneane.
5
Ani kanafina Yelusalemu veanene Yutia kotega veanene nagoa Yotani ti agegayalega hanea
kumate veanene Yoni mainelega umainae.
6
Yotani titega emaineya kefo yaamihena hu-falote
hageno Yonia ani Yotani tipi tina fale-ma-tene.
7
Tina fale-neama-tegeya Falasia vayaene Satiusi vayaene Ti fale-la-tesie. huya
neageno Yonia amaketeno mage huno hie Tamakaya osifaveyagamo nafaneyaga mainagi
tamakaya havigeage vayamogatama Anumaya Kotia kaiyekema hu-lama-tesigetama
tamaugafa tamakata aisia kanamoa aupaa efalote hisia yafena Faletama viho. kea ta
tamaha-pai-maine?
8-9
Hagotetama kefo yatamihema tamakua ai-yahae hu-mainesaya yana
nave-lisagena tina fale-lama-tegahue. Tamakaya Apalahamu nafaneyaga mainone. hutama
ohiho. Nagaya tamaha-nepauve Anumaya Kotia ma yafatetila Apalahamu nafaneyaga afaa
talo hileasine.
10
Tamakaya yosa kana hutama mainayanagi menia Anumaya Kotia tuna alino
yosamo aipale maleneno kanale alagama oayenesia yosa atagino atafi hagayu huno
kaegahie. huno hie.
11
Tamakua ai-yahae hutama kefo yatamia atalegena nagaya titeti fale-
nelama-toanagino nakavela nago kanoma esiana Alu Aotage Avamutetiene ataletiene fale-
lama-tegahie. Ani kanomoa tusia tokiyaa hanea kanogino nagaila ago nagase-maineanagina
nagaya afa kano mainoanagina agai aiyale ayesuana onategahie.
12
Agaya sipeti ayopaa ali-
lineno vitimo anoyaa fuhu hale-taleno alagaa alino nopi halaya hu-malegahigi anoyaa ata
tegelege nehia atafi kae-talegahie. Ani avinamoma hu-mainea kava huno veala fako faka
hugahie huno hu-maine.
Yonia Yisasina ti fale-tene.
13
Ani kanafina Yisasia Yoni ayapiti tina fale-natesie. huno Kalili kotegatila ataleno
Yotani titega umaine.
14
Yonia Yisasifena Tina fale-oka-tegahue. Nagaila kagaya tina fale-
na-tanageno kanale hileasine naa higeka nagaifena Tina fale-nato. huka nehane? huno hie.
15
Higeno Yisasia Yonifena mage huno hie Menia ania hisanana kanalele. Tima fale-na-
tesanana mukia Anumaya Kotina fatago kavaa alitaa lama hugahue. huno higeno Yonia
Yisasi ke akave maleno tina fale-tene.
16
Tina fale-neategeno Yisasia aupaa tipiti aivati huno ageana ikamoa ai-hagalo higeno
Alu Aotage Avamumoa nama kana huno agaitega elavi-maine.
17
Ageho enelavigeno
ikapinagati age aino mage huno hie Ma kanoa nagaini nafanehena agaifena aluya huno
nahau nayamopafina nenagea nenimofena agaifena aluya huna musemaa nehue. huno hu-
maine.
Matiu Matiu
<<
33
>>
Matiu Matiu
<<
44
>>
4
Satania Yisasife Havi kava huo. huno aye-vataga hu-maine.
1
Anumaya Kotina Alu Aotake Avamuamoa Yisasina veane omai kame kotega avaleno
vigeno Satania Yisasife Havi kava huo. huno aye-vataga hu-maine.
2
Umaiyana fotia (40)
yupagefa felugaene kegeene kavela oneno maigeno tusia agate-maine.
3
Agategeno Satania
agaite uvayi huno mage hie Kagaya Anumaya Koti nafanema mainenukahena ma yafayaga
hapaigeno maya hapaeno. huno hie.
4
Higeno Yisasia mage huno hie Anumaya Koti avopi
kemoa mage huno hu-maineane
Veamoya mayaagema nesayana kanaleya huya omaigahagi mukia Anumaya Kotima hu-
mainea kene haviya nenesageno amaku nafanemoa kanaleya huno maigahie. huno
hu-maineane. huno hapaiye.
5
Satania Yisasina Yelusalemu tusia ala kumate avaleno ala mono nomo agotofule
motene.
6
Moteteno mage huno hapaiye Kagaya Anumaya Koti nafanema mainenukahena
ma nomo agotofuleti mopafi asaga hulavigena agano. Anumaya Koti avopiti kemoa mage
hu-maineane
Anumaya Kotia ensole vayaahe Kava hiho. huno hu-ma-tesigeya amayateti kavalesaga
hu-lisageka tavisanageno yafatela kaiyamona aye kofa ohugahie huno hu-
maineane. huno hie.
7
Higeno Yisasia kenonaa mage huno hie Nagoene Anumaya Koti avopina mage huno kae-
maleneane
Anumaya Kotikamona afa yafena Tokiya kava huo. huka aye-vataga ohuo. huno hu-
maineane. huno hie.
8
Higeno Satania Yisasina avaleno nago ala agoyafi haiteno mukia ma mopafima hanea
ala kumayagaene afenoyamaaene ave-li-maine.
9
Aveliteno Yisasife mage huno hie Kagaya
nagaifema Tusia ala kano mainananagina kagai kagi alisaga nehue. huka kagesama havi
namika mopafi kaleyama ayesanagenahena mukia ani kumayagaene afenoyaene kava
yagaisanafe kamino. huno hie.
10
Higeno Yisasia mage huno hie Sataniga mai haleka
amulega vuo. Anumaya Koti avopi kae-malenaya kemoa mage huno hu-maineane
Anumaya Kotikamona akaiagefe Tusia ala kano maine. huka kagesa havi havi huka agai
agia alisaga huka agai aliyamaage alio huno hu-maineane. huno hapai-maine.
11
Higeno Satania anile ataleno vigeno ensole anagamoya Yisasina meya huya kava hu-
tenae.
Yisasia Kalili viayamo aliyamaa aepa heno ali-maine.
12
Yisasia Yonina nofi hu-tenae. huya haya kea ago haviteno Kalili kotega umaine.
13
Viana Nasaletia ataleno Kapaneamu umaine. Ani kumala Kalili ti kotumona agegayale
haneanagino Sepuluni nofi veamogamiene Napatali veamogamiene koamia haneane.
14
Nayona Anumaya Kotia aune kanoamona, Aisaya avayafiti mage huno hu-maineane
15
Sepuluni nofi veamogamiene Napatali veamogamiene mainesaya kaiyaga ala tikotu
visaya katega haneanagiya Yotani lina takaeya vaaya kotega, Kalilie, Yuta veane
omainaya veamoya nemaiya kumale.
16
Ani kotega mukia veamoya hani yapi
mainayanagino menima aye-hale-matesia yana age-mainae. Mukia veamoya afaa
maineya faligahe hayanagi Anumaya Koti kemoa ago aye-vasa hu-matene. huno
hu-maineane.
Yisasia foa (4) vayafe ke higeya akave umainae.
17
Ani yupa Yisasia aepa heno Anumaya Koti kanale mono kea hu-haleno hama-pai-
maine. Mage huno hie Ikapinagati Anumaya Koti kava yagaisia yana aupaa evayi hugahigi
tamakaya tamakua aiyahae hutama kefo yatamia ataleho. huno hu-maine.
18
Kalili ti kotumo agegayalega neuno Saimonina, nago agia Pitae, aganaamo agia
Etaluene anakeana noyame kuya nehaa kanolatana maineana ala kukonogo hagayu huana ti
kotupi nemalaageno anake-maine.
19
Anaketeno Yisasia mage huno hana-paiye Nakave eo.
Nakave eagena noyame kuyama haa avamete huna veane amavalesaa auava yana
tanavelino. huno hie.
20
Higeana aupaa kukonogoania neataleana Yisasi akave umainae.
21
Vaageno Yisasia anakeana Sepetina netalamaamoagani Yemesigani Yonigania tipi
kalefi neanafaene maiana kukonogo nefakaniageno Yisasia momaketeno anakaife ke hie.
22
Ke higeana aupaa Sepetia neanafaene tipi kalene neataleana akave umainae.
Yisasia mono kea hu-haleno nehuno veala kaliamia alino kanale hu-matene.
23
Yisasia mukia Kalili kotega ute ete huno mono nopi Anumaya Koti kava yagai-latesia
kanale mono kea mo hama-nepaino mukia kaliamima hanea veanene mukia veamogami
amaugafama ali haviya nehia yana alino kanale hu-ma-tene.
24
Alino kanalema hu-ma-tea
avagemoa mukia Silia kotega ute ete higeya haviteya mukia veamoya kalima aliya veanene
alu kali alu kalima aligeno amaugafa amakata neaiya veanene Satani Avamuma amakuafi
mainea veanene mananiya neamakia kali veanene amaiya amaya avayu hu-lavi-mainea
veanene amavaleya Yisasite ageno alino kanale hu-ma-tene.
25
Alino kanale hu-ma-tegeya
kasagoya veanea Kalilitiene naya-tolea kumayagaletiene Yelusalemutiene Yutiatiene alulega
mainaya veanea Yotani tina takaeya Yisasina akave umainae.
Matiu Matiu
<<
44
>>
Matiu Matiu
<<
55
>>
5
Yisasia agoyafi maineno mono kea hu-haleno hu-maine.
1
Yisasia mukia alitalu hu-mainaya veanea amaketeno agoyafi haino mopale mainegeya
agaienema tokaeya nemaiya anagamoya Yisasitega emainae.
2
Ageno Yisasia avayafiti mage
huno hie.
3
Mukia yaamima omalenea veamoya Tagupi nagoa kanale yana omaleanagita tagaitia
kanale kavala ohugahunagi Anumaya Kotia taya hisie. huya hisaya veamogamina Anumaya
Kotia amakaila kava yagai-ma-tegahigi ani yafena muse hutama maiho.
4
Hamaumana halesigeya hamau huya nemaisaya veamoya Anumaya Kotia amaya huno
amaipa falu hisia yana amamisia yafena muse huya maisae.
5
Amaugafama aliya nohaiya veamogamina Anumaya Kotia haenagaa mukia mopa
amamisia yafena muse huya maisae.
6
Anumaya Kotia fatago hu-mainea kavafena Nelahaigeno ani yafena laga nele. huya
hisaya veamoya Anumaya Kotia amamu hisigeya maisaya fatago kavama amamisia yafe
muse huya maisae.
7
Mukia veamoya nagoa neamafugamife kalagi ai-mateya hamau hu-neamatesaya
veamogamina Anumaya Kotia ania huno kalagi aino hauna hu-matesia yafena huya maisae.
8
Mukia veamoya Anumaya Koti kema akave malesaya yafena tole amakesama
ohavinaya veamoya Anumaya Kotima agesaya yafena muse huya maisae.
9
Neamafugamifena Nagoke tamaku tamakesale maiho. huya nehisaya veamogamina
Anumaya Kotia Nagai nafaneyaga mainae. huno hu-matesia yafena muse huya maisae.
10
Nagoa veamoya fatagoma huya mainesageya nagoa veamoya amaipa kafa he-mateya
ali-haviyama hu-ma-tesageya maisayana Anumaya Kotia amakaima kava yagai-ma-tenea
yafena muse huya maisae.
11
Tamakaya nakavema nemalageya tamaketeya kamuge hu-lama-teya ali-haviya hu-
nela-mateya Ma kavala havi kava nehae. huya havigema hu-lama-tesagetama afaa muse
nehutama maiho.
12
Aniama hu-lama-taya kavala nayona Anumaya Koti amaune
vayamogamina ania hu-ma-tenayane. Ani kavama hu-lama-tesaya kanafina ikapinaga anonaa
kasagoya yayaga alisaya yafena tamaipamoa kanale nehinagetama muse hiho.
Tamakaya sole kana hutetama kani kana hu-mainae.
13
Tamakaya ma mopale veamogamina hagama nehamaiya sole kana hutama mainae.
Solemoa hagama nehia yamaama hano hisigetama hanaa hutama hagama nehia yamaa ali
falote hugahae? Hagama nehia yamaamoa ago yagu yaguma hisiana afa ya kana hinageya ani
Solea veamoya faitega ai-tagu-fe-talesageya amaiyaleti ute ete huya aye-lata-pegahae.
14
Tamakaya mukia ma mopama hanea kotega kani kana veane mainae. Ala kumama
agoyafima hanesiana fala okigahianagiya mukia veamoya agegahae.
15
Nagoa veamoya
lamua hanagaliya susufanefinaga aiso hu-nomalagi nopinaga aye-halesigeya veamoya
agesayafe ani lamua sipale nemalae.
16
Naa hu-mainegi tamakaya ani kava hutama lamumoa
aye-hale-ma-tea kava hutama Yisasi kea hama-paitama kanale kavala veamogami amaule
hisageya ageteya ikapinaga mainea Nelamafa agia alisaga hugahae.
Anumaya Koti kahegi kemo kea.
17
Tamakaya ma lamakesa ohaviho Nayona Mosese kahegi kene amaune vayamoya
hu-mainaya kene Yisasia ali-talegahe emaine. hutama ohiho. Nagaya ani yayaga alina
oatalegahugi ani kea ali falote hisugetama Tamage nehie. hutama hisayafe emainoe.
18
Nagaya tamagelafa huna tamaha-nepauve ma mopaene ikaene fanane hugaanagi kahegi
kefi mukia osi osi oagemo avoyaga afaa hanegahie. Nagoke ya kanoagela fanane ohugahigi
mukiama hu-mainaya kemoa falote huno tamage-lafa hugahie.
19
Tamage-lafa hu-mainayafe
nagoa veamoya ani kahegi kea osi kanoa Akavela omalegahunema. huya alu veamogamife
Ania hiho. huya hisaya veamoya Anumaya Kotia kava yagai-mainea kumatela osi nafane
kana veane maigahagi nagoa veamoya mukia kahegi kema ali hipoya huya Ma kava hiho.
huya hama-paisayana Anumaya Kotia kava yagai-mainea kumatela ala huno agase-mainea
amakiene veane maigahae.
20
Nagaya tamagelafa huna tamaha-nepauve Falasia vayaene
kahegi kema havilinaya anagaene hu-mainaya fatago kavala tamakaya agasetama tusia kanale
hu-mainea fatago kavama ohisayana amuha ohunayanagino tokiyatamia omaleneanagitama
Anumaya Kotia kava yagai-mainea kumatela haitama omaigahae.
Yisasia nagoke amaipa hisaya kemofe hu-maine.
21
Tamakaya ago havilinae nayoma mainaya veamogamina mage huya hama-pai-
mainayane Veala hamaetama fali-oamateho. Veama haemaetama fali-matesayana kaiyeke
hu-lama-tegahae. huya hu-mainayane.
22
Nagi nagaya menia tamaha-nepauve nagoa
veamoya neamafufema amaipa kafa hetesayana Anumaya Kotia kaiyeke hu-ma-tegahie.
Nagoa veamoya neamafufema Havi kavakeya nehana kano mainane. huya hisayana ala
kaiyekele he-tigahae. Nagoa veamoya neamafufema Kagaya aifonafo kano mainane. huya
hisayana hani yapima tegelege nehia atafi ugahae.
23-24
Naa nehaya yafe tamakaya Anumaya
Kotina nago yama amigahena mono nopi haitama mainetama Veha nenafuna haviya hu-
tenoanagino aipamoa haviya nehie. huka kagesa haviteka Anumaya Kotina amisana yana
anile neataleka negafutega tanaipa mo-li-falu hutetana eteka esanaamoga amisana yana
Anumaya Kotina memio.
25
Nago kanomoa Havi kava huna-tananagina kaiyekea hu-gategahe nehue. huno
kavalenoma vinagetana neutana Nenafuga kaipa falu hisia yana kamigahue. huka hapaiyo.
Ania ohisanana kavaleno kaiyekema hu-gatesia kanomote vinageno haviteno ati kanomo
ayapi katesigeno kavaleno nofila mo hu-gategahie.
26
Nofila mo hu-gategahigi tamage
tamaha-nepauve kaiyekema hu-gatenea kanomoma Mone namio. huno hu-mainesia
monema oaminesanana nofipitila ataleka omegane huno hu-maine.
Yisasia kumai he yafe hu-maine.
27
Tamakaya nayo kea ago havimainae mage huno hu-maineane Kumai he kavala
ohiho. huno hu-maineane.
28
Nage hu-maineanagi nagaya menia tamaha-nepauve nagoa
veamoya nago amona aulagafiti age haye huno Ani amofena naa hu-ga-tegahue. huno
aguafinaga havino hayema hiana ani atela ago kumai kava hu-maine.
29
Tamaga kaiyaga
tamaulagamoma agea yafema kefo kavama hisaya tamaku tamakesa tamamisigetama ani
tamaulaga ali fayitama atalesagenoa nago tamaugafa atupaa omalenea yafe kanaleya hutama
maigahae. Aniama ohinutamahena muki tamaugafa hanimo aguafi tegelege nehia atafi hagayu
hu-lama-talegahie.
30
Tamaga tamayamoma tamavayu huno kefo kava hisaya tamaku
tamakesama tamamisigetama ani tamayana he-fakalitama ataleho. Naafene? Nago tamaugafa
atupaa omalenea yafe kanaleya hutama maigahae. Aniama ohinutamahena muki tamaugafa
hanimo aguafi tegelege nehia atafi hagayu hu-lama-talegahie.
Yisasia anema amatalesaya yafe hu-maine.
31
Nayona mani kea hagetama havimainae. Nagoa vayamoyama aamima hu-tesayana
ani vayamoya aamimofena Ago hu-negatoe. huno avona kaeno amino. huno hu-
maineane.
32
Hu-maineanagi nagaya menia tamaha-nepauve aamoma kumai ohenesigeno
anauamoma atalesigeno ani amona alino kumai nehia a kana hu-tene. Nago kanomoa anima
atalenea ama aliteana ani kanomoene kumai he yana nehie.
Anumayamo aufi Tamage nehue. hutama ohiho.
33
Nago kea nayoma hama-pai-mainaya kea ago havimainagi naa hu-maine Kagaya
Anumayamo aufina tamage nehuanagina naa hugahue. huka hisanana fatago huka ani
kavala huo. huno hu-maineane.
34
Hu-maineanagi nagaya tamaha-nepauve tamakaya
Anumaya Koti aufina tamage nehue. hutama ohiho. Tamakaya Ikamo agile tamage
nehue. hutama ohiho. Ikapinaga Anumaya Kotia kava yagai-mainea kuma hanegetama
agaife nehae.
35
Tamakaya Mopamo agile tamage nehue. hutama ohiho. Ani mopalega
Anumaya Kotia aiya hayo hu-maleno mainea mopa hane. Tamakaya Yelusalemu kumamo
agle tamage nehue. hutama ohiho. Ani Yelusalemu kumala ala sauvetimoa Anumaya Koti
kava yagai-mainea kuma hane.
36
Tamakaya Nanuteti huna lamage nehue. hutama ohiho.
Tamakaya tamayolagefahena Anupa nayolegefaene tuhi nayolegefaene falote hino.
hutama hisaya tokiyatamia omalegi ani kea ohiho.
37
E, hinutamahena ani keage hiho.
Aao. hinutamahena ani keage hiho. Nago kenema hisayana Kefo Avamumoa ani kea ali
falote nehie.
Havi kava hu-lama-tesaya veamogamina anonaamia hu-oamateho.
38
Nayona mani kea hagetama ago havimainagi Nago kanomoa kaulagama ai-
lagatisigekahena ani kanomo aulaga anonaa ai-lagatio. Kavema ai-halalima hisigekahena
anonaa agaila ania huka avela ai-halali huo. huno hu-maineane.
39
Hu-maineanagi nagaya
tamaha-nepauve nago kanomoa havi kavama hu-ga-tesigekahena kayona oamio. Nago
kanomoa kagalamesalema kaiko-lisigekahena nago kaiyagakaa mai-yahae hugeno kaiko-lino.
40
Nago kanomoma Haviya hu-natea kanoe. huno kaiyekema hu-gateno Anonaa kagaia
siota namio. huno hisigekahena ala yasi siotakaene amio.
41
Nago kava kanomoa tokiyaage
ke huno Afenoyania nago kilomita alika vuo. huno hisigekahena ani kilomita mogaseka
nagoene tole kilomita alika vuo.
42
Nago kanomoma Nago yaka namio. hunoma
hisigekahena afaa hagayu huka amio. Nago kanomoma Namisanagena yoka alitena etena
kamigahugi namio. huno hisigekahena afaa amio.
Yisasia Kame vayatamihena tamahaino. huno hu-maine.
43
Nayoma hama-pai-mainaya kemoa ago havimainagi Kumatamile mainesaya nelama-
fugamifena tamahau tamayamopafi tamahainagetama kame vayatamihena tamaipa kafa he-
mateho. huya hu-mainayane.
44
Hu-mainayanagi nagaya menia tamaha-nepauve Kame
veatamimofena tamahau tamayamopafi tamahaino. Haviya hu-nelamataya veamogamina
Amaya huo. hutama Anumayamotega havigo.
45
Ani kavama hisayana ikapinaga mainea
Nelamafana nafanea maigahae. Anumaya Kotia kanale veaneleene havi veaneleene
yagemona hu-tegeno nago avamete huno aye-hale-matene. Anumaya Kotia fatago nehaya
veaneleene havi kava nehaya veaneleene kola hu-tegeno nago avamete huno kola neaiye.
46
Veamoya tamakaifema hamau amayamopafi neha-mainagetamahena tamakaya ania
hutama amakaifema tamahaisiana ani kavamoa afa yanagino anonatamia oaligahae. Kefo
kava nehuya amaugafaleti takisi mone nealiya vayamoya ania kavala nehae.
47
Nelamafuenekeyama kea kea nehisaya yana afa yanagi. Yisasi ke ohavinaya veamoya ania
kavala nehae. Kame vayatamimoene kea kea hiho.
48
Ikapinaga Nelamafaa ala huno kanale
kavakeya hu-maineanagitama tamakaya ania augafa veane mainetama ala hutama kanale
kavakeya nehutama maiho.
Matiu Matiu
<<
55
>>
Matiu Matiu
<<
66
>>
6
Yisasia nagoamogami amaya hisuna auava yafe hu-maine.
1
Yisasia mage huno hu-maine Havigu tamakaya veamogami amaufima kanale kava
nehisageya Nageteya kanale kano maine. huya hisae. hutama nehae. Ani kavala hisayana
anonatamia hai ali-mainagi ikapinaga mainea Nelamafaa kanale kava haya yafe anonatamia
otamamigahie.
2
Ani yafe tamakaya kafuma hisaya veala amaya hutamama amamigahena ala kefiti keha
keha hutama oamamitama kesi ako hutama amamiho. Nagoa vagala vayamoya mono
nopiene kategaene Veamoya tageteya Kanale kava nehae. huya takia alisaga hisae. huya
keha keha huteya vaya amaya nehayanagi nagaya tamagelafa huna tamaha-nepauve kanale
anonaamia hai ali-mainayanagino Anumaya Kotia nago yana oamamigahie.
3
Kagaya kafuma
hisaya veama amaya hugahena tamaga kayamoa hauga kayamo hisia yana oagesigeka kesi
momaya huo.
4
Kesi ako huka veamoya onagesagi huka amaya hisanana ani yakaa Anumaya
Koti, Negafaa, kesi kavama nehaya yana neagea kanomoa age-maineanagino kanaleya huno
anonakaa kamigahie.
Yisasia nunamu hisaya auava yafe hu-maine.
5
Nunamuma hutama havigegahena vagala vayamoya nehaya kava hutama Anumaya
Kotina havi-okeho. Ani vayamoya mono nopiene ka agegayaleene Muki veamoya
tagesae. huya hetiya Anumayamotega havinegae. Nagaya tamagelafa huna tamaha-nepauve
vayamoya anonaamia hai ali-mainae.
6
Ali-mainagi kagaya oagesaya kava huno mainea
Nelafana Anumayamotegama havigegahena nokafinaga fita ki-maleteka maineka falakika
havigesanageno Negafaa kesi kavama haya yama neagea kanomoa ani yana ageteno
anonakaa kamigahie.
7
Nunamuma hugahena Anumayamo kema nohaviya veamoya havinegaya kavala
hutama kasagoya afa keyaga hutama havi-okeho. Ani veamoya ayaaya nunamu ke nehuya
mage huya amakesa nehaviye Ayaaya ke huta havigesunageno havigahie. huya nehae.
8
Nehagi amakaya nehaya kavala amakave omaleho. Nelamafama havi-oketama maiya
kanafina nago yatamima omalene hutama haya yatamia ago havimaineafe nagoene tutu hu-
oateho.
9
Anumayamotega havigenutamahena mage hutama havigeho Ikapinaga mainana
Nelafaga kagai kagimoa alu aotage huno hanesie.
10
Kava yagaisana kanamoa efalote hisie.
Kahaisia kavala ikapinaga nehagi mopaleenena kahaisia kavala hisae.
11
Meni kanafina
nesuna kavela tamio.
12
Tagaya havi kavama hu-la-tenaya veala aige amateta kefo yaamia
atale-ma-tona kava huka kefo yatia aige-tateka atale-lato.
13
Kana yapiene Satanima aye-
lavataga hisia yapiene tavaleka otato. Satania Kefo kava hiho. hunoma hu-la-tesigeka
tahamaika tavalesaga huo. huno hu-maine.
14
Huteno mage huno hie tamakaya havi yama
hu-lamatenaya veala aigeama-tetetama kefo yaamima atale-ma-tesayana ikapinaga mainea
Nelamafaa ania huno kefo yatamia aige-tamateno atale-lama-tegahie.
15
Atale-lama-tegahigi
tamakaima ali-havi yama hu-lama-tenaya veafena aigeama-tetama kefo yaamima atale-oama-
tesayana ikapinaga mainea Nelamafaa ania huno kefo yatamia aige-tama-teno atale-
otamategahie.
Yisasia kavema monesiya yafe hu-maine.
16
Tamakaya Anumaya Kotitegama havigegahena kavela mositama mainutama
tamaugosa kalagunagu ohiho. Vagala veamoya ani kava huya amaugosafina hapaene
tanefaene faleteya mage nehae Veamoya tageteya kavema mosi-mainona kavala
tagegahae. huya nehayanagi tamagelafa huna tamaha-nepauve naa kava nehaya veamoya
anonaamia hai ali-mainae. Tamakaya ania kavala ohiho.
17-18
Tamakaya Anumayamotegama
havigegahena kavema mositama nemainutama titeti tamaugosa alitama masavema falesayana
mukia veamoya kavema mosisaya yafena ohavigahagi mai falakino mainea Nelamafaa
falakino hanea yana agaiage neageafe anonatamia tamamigahie.
Kanale ya alitalu hisaya yafe hu-maine.
19
Monetamiene afenoyatamienena ma mopale halaya ohiho. Halaya hu-malenesageno
toto ayeno hakanomoya ali haviya higeya veamoya notamifi haiya ani yatamia musufa
aligahae.
20
Naa hugahagi ma mopafi yafena tamakesa havi havi ohutama haenagama
ikapinaga kanale yama alisaya yafe meni kanafina Anumayamofe tamakesa havi havi hutama
maiho. Ikapinaga mukia yama malesayana totona ayeno okasaligahie. Hakanomoa ali haviya
ohugahie. Nagoa musufa veamoya ani kumatela musufa yana ohugahae.
21
Muse yatamima
malenesaya kumatefe tamakesa havi havi hutama ani kumate umaigahae.
Taulaga Taugafamona kania hane.
22-23
Tamaulagamoa tamakupinaga aye halesia lamu hane. Tamaulagamoa kanale yama
huno agesiana tamakupinaga ai-hale-mainegi tamaulagamoma kefo yama agesiana
tamakupinaga hani-ki-maine. Ai-hale mainesia yamoa tamakupima asu hisigenoa hani kiteno
ala hanikefa kino aye-talako hu-maine.
Tole kanolatatega nagoke kanomoa aliyana oaligahie.
24
Nagoke kanomoa Tole kava kanolatamo aliya kanoania maisue. huno ohisie.
Naama hisiana nago kava kanomofena Nahaiya kano mainane. huno hu-tegahianagi nago
kava kanomofena Hai vaiteno naipa nagata aiya kano mainane. huno hugahie. Nago kava
kanomona agua amiteno nago kanomofena Falote onahaiya kava nehane. huno hugahie.
Tamakaya ania hutama Anumaya Kotifeene moneheenena ali lokaeana Kava yagai-
natesae. hutama ohiho.
Kalagi aitama tamakesa havi havi ohiho huno hu-maine.
25
Ani yafe nagaya tamaha-nepauve kanaleya hutama maisaya yaene kave nesaya yaene
ti nesaya yaene tamakesa havime havime oviho. Tamaugafale kena failisaya yafeenena
tamakesa havi havi ohiho. Kave neyana aifa letale yanagi tamahaimula kanaleya hutama
maisaya ya hane. Kena fai-lisana yana amegale yanagi veanea tokiyaage ya mainae.
26
Haleyama vaiyatete nehaya namayaga ageho. Amakaya avina yana nofaiye. Kavela
hoyafinagati aliya nopina mo nomalagi ikapinaga mainea nelamafaa kavela neamamigi
tamakaya Anumaya Koti aulagafina namayaga amakasetama mainaya veane mainayafe
tamakaienena kava yakai-lama-tegahie.
27
Tamakaipitila nago kanomoa Ofalina nagoene
maime maime haigahue. huno tokiyaage agesama havisiana anima havisia katela hanaa
huno falote hugahie? Aao falote ohugahie.
28
Naa higetama kenatamihena tamakesa havi havi nehae? Ageho talapinaga
vilasiyamoya haiya ausea nehae. Aliyana aliya kenaamia talo huya fai-noaligi kanale
kenaamia hanegeya mainae.
29
Nagaya tamaha-nepauve nayoma mainea ala sauve kanotamia
Solomonia kanale kenaa fai-lianagi ma vilasiyamoa kanaleya huno agase-maine.
30
Tala yana
meni kanafina hoyafina haneanagi ega hataga huya atafi kae-talegahagi Anumaya Kotia ani
tala yana kava yagaigeno kanaleya huno hanegi tamakaya mukia veamogatama nagaifena
tamakupi maletama tamametitia osi kanoa nehayanagi Anumaya Kotia ania huno tamakaila
kenatamia alino hilato hu-lamategahie.
31
Ani yafe Kaveene tiene na ya negahune? hutama tusia tamakesa havi havi ohiho.
Na kena fai-ligahune? hutama tamakesa ohaviho.
32
Ani augafa yafena Anumaya Koti
kema nohaviya veamoya amakesa havi havi huya nemaigi ikapinaga Nelamafaa nesaya yaene
kena fai-lisaya yaenefena ago havimaine.
33
Havimaineafe tamakaya hagotetama Anumaya
Kotima kava yagaisia kumate visaya yafeene agaiama nehaiya fatago kavama hisaya yafeene
tamakesa havi havi hisayana Anumaya Kotia ani yaene mukia kavetamiene kenatamienena
tamamiteno ani kumatela tamavaleno tamategahie.
34
Naa hu-maineafe Ega hanaa
hugahune? hutama tamakesa ohaviho. Egama efalote hisiana tamakesa havi havi hisaya
yaenena efalote hugahie. Nagoke yupa falote hisia kana yana ani yupa kanoage tamakesa
haviho.
Matiu Matiu
<<
66
>>
Matiu Matiu
<<
77
>>
7
Naa maa kava nehae. hutama nelama-fugamina fako hu-oamateho.
1
Nelamafufena Naa maa hana kano mainane. hu-oateho. Aniama ohisagenoa
Anumaya Kotia tamakaifena Havi kava haya veane mainae. huno hu-otama-tegahie.
2
Tamakaya ani veafema Naa maa hana kano mainane. hutama hisayana ani augafa keleti
Anumaya Kotia tamakaila ania hu-lama-tegahie. Ma mopalema nelama-fugamima hu-ma-
tesaya kavala Anumaya Kotia tamakaila ani kava hu-lama-tegahie.
3
Tagaya tagaiti taguafima
hanea yana oageneta alu veanehena Havi veane mainae. huta hisuna yafena Yisasia mage
huno hu-maine Negafu aulagafina osia havi yana hanegeka neagananagi naa higeka
kagaikaa kaulagafina nagola muki yosa-lapagefa haneanagi Omalene. huka nehane?
4
Naa
higeka nega-fufena Kaulagafitila havi yana ali-talegahue. huka nehananagi kagaikaa
kaulagafina nagola muki yosa-lapagefa hane.
5
Kaguafinaga hanea yana agelama ohuneka
kavayaleti havige huka vagala kano maineka kagaikaa kaulagafitila muki yosa-lapagefa ali-
taleteka kanaleya huka ageteka negafu aulagafina osia havi yana ali-talegane huno hie.
6
Tamakaya Anumaya Kotina alu aotage yana alitama kalamogamina oamamiho.
Amamisayana mahaiye huya tamakaila akafu tamanigahae. Afumogamina kanale sesua
hagayu hutama oamamiho. Amamisayana amaiyaleti ayeya hapa kaligahae.
Nunamu hisageno Anumayamoa kanale ya tamamigahie.
7
Anumayamotega nago yafema havigesagenoa afaa tamamigahie. Nago yafema
atiyesagenoa ali falote hugahie. Fitalema akalu kaluma hisagenoa Anumaya Kotia yaki-lama-
tegahie.
8
Mukia havigesaya veamoya aligahae. Ati ayesaya veamoya ali falote hugahae.
Fitalema akalu kaluma hisagenoa Anumaya Kotia yaki-lama-tegahie.
9
Hana kanomoga
nafanekamoma mayahema kahavi-gesigeka nefaga yafana alika amigane? Aao ani yana
oamigane.
10
Noyamehema kahavi-gesigeka nefaga osifavea alika amigano? Aao ani yana
alika oamigane.
11
Oamiganagi tamakaya havi veane mainayanagitama nafanetamimona
kanale yana neamamiyanagi ikapinaga mainea nelamafaa tusiya huno tamakase-
maineanagitama havigesagenoa kanale yana tamamigahie.
12
Veafe Maa kava hu-latesae. hutama hisaya kavala ani kavakeya alu veanea hu-
mateho. Ani yafena Moseseene Anumaya Koti amaune vayamoyaene hu-mainaya kahegi
kemona aepaa hane.
Tamakaya osi fia kanoafi hai faleho.
13
Anumaya Koti kumatema visayana osi fia kanoafi ugahae. Hani-ki-mainea kumapi
tegelege nehia atafi visaya kaana ala hiyenagefa haneno ala kakefa hanegeya kasagoya
veamoya yoyo huya ani katela nevagi tamakaya osi fia kanoafi hai-faleho.
14
Agola maige
maige hisuna kumatema visaya kaana osi fia kanoa haneanagiya kasageke huya ani katela
kasagoya veala novae.
Havige amaune laga nehaya vayafena kaye ho.
15
Nagoa vayamoya Anumaya Koti ke hu-haleta nehuna vaya mainone huya
havigegeyama hisaya vayafena kayeho. Yuna afu kana vaya mainagetama neagayanagi
amakusafinaga kaveage afu kana vaya mainae.
16
Tamakaya amakaipima falote nehia kavala
agetetama aepaa hana augafa vaya mainae hutama havigahae. Ave nofite timaa hanea alaga
tagisifi? Aao otagigahie. Avetanafa hanea uveuve inomote hagaage yosalaga motaga
molagisio? Otagigahie.
17
Otagigahigi kanale yosamoa kanale yosalaga neayegi havi
yosamoa havi yosalaga neaye.
18
Kanale yosamoa havi yosalaga noayeanagino havi
yosamoa kanale yosalaga oayegahie.
19
Mukia yosamoya kanale yosalaga oayesayana
atagiya atafi kae-talegahae.
20
Naa hinagetama havigegeyama huya falote nehisaya vayapiti
falote hisia kavala agetetama aepaa Hana augafa vaya mainae. hutama havigahae.
21
Mukia veamoya nagaifena Anumayatimogae Anumayatimogae. huya hisaya veala
Anumaya Kotima kava yagai-mainea kumatela ohaigahagi ikapinaga mainea Nenafana hau-
mainesia kavama nehisaya veamoya ani kumatela umaigahae.
22
Anumaya Kotia kaiyekema
hu-matesea yupa kasagoya veamoya nagaifena mage huya hugahae Anumayatimogae
Anumayatimogae tagaya kagai kagile Anumaya Koti kea hu-haleta nehunane. Kagai kagile
Kefo Avamula neanatita tokiya avame yana amave-nelunane. huya hugahae.
23
Hugahayanagi nagaya ani yupa mage huna hugahue Tamakaila otamaketafa hu-mainoane.
Kefo yakeya hugetama omai veanegi nagaitegatila mai-haletama viho huna hugahue. huno
hu-maine.
Noma kisaya auavala tole yatala hane.
24
Nagoa veamoya anima hu-mainoa kea haviya ali hipoya huge huge huya nago kanale
agu agesaene kanomo avamete nehae. Ani kanomoa noma kiana yafa agotofule ki-malene.
25
Ki-malenegenoa koma aino tima hogino tokiyaage yasimoa tusiya huno nona ali-lagape
aigahe hianagi yafa agotofule ki-malenea yafe alino lagapea ai-oatalene.
26
Alino lagapea ai-
oatalenegi nagoa veamoya nagai kema haviteya ali hipoya ohayana agesama omalea kanomo
avamete nehae. Ani kanomoa ti kahaepapi nomaa ki-malene.
27
Ki-malenegeno koma aino
tima hogino tokiyaage yasimoa alino ani nona ali lagape aino mopafi atalegeno tusiya huno
haviya hu-lavi-maine huno hu-maine.
28-29
Yisasia mani kea hu-hano hutegeya kahegi kema havilinaya anagamoya nehaya
augafa ke kana huno ohunegi tokiya yamaa hanea kanomo ke kana hia yafe mukia veamoya
tusia amamayo ai-mainae.
Matiu Matiu
<<
77
>>
Matiu Matiu
<<
88
>>
8
Yisasia fugita kali nealia kanoa alino kanale hu-tene.
1
Nagi Yisasia agoyalegati tavigeya kasagoya veala akave umainae.
2
Akave nevageno
nagola fugitayamo augafa alino hayagino atalako hu-mainea kanoa Yisasite eno ape huno
mage huno havige Anumayamoga kahaisigekahena nagaila alika hilato hu-natateasine.
huno hu-maine.
3
Higeno Yisasia ayana hayo huno augafale avate hu-lineno mage huno hie
Nagaya nahaigena kaugafamoa menia kanale hino huna nehue. huno higeno anile aupaa
kalia hano hu-tene.
4
Yisasia mage huno hapaiye Ali hilato hu-ga-toa yafena nago kanoa
haopaika mono nopi kava kanomote uka kalikaama ali kanale hu-ga-toa kema mukia
veamoya havinuyahena kagaya mono nopi kava kanomoa kaugafa kamota huno kage-
tesigeka kaugafama ali hilato hu-ga-toa yafena Mosesema Ma yama Anumaya Kotina
amio. huno hu-mainea yana Anumaya Kotitega atalo. huno tokiyaage ke hapaiye.
Yisasia ati vayate kava kanomo aliya kanoa alino kanale hu-tene.
5-6
Yisasia Kapaneamu uvayi higeno nagola Lomu ati vayate kava kanomoa mage mo
havige Anumayamoga naya hisano? Aliya kanonimoa muki augafa avayu hu-lavigeno tusi
agata aigeno nopi nemaiye. huno hie.
7
Higeno Yisasia mage huno hie Nagaya kalia mo
alina kanale hu-tegahue. huno hie.
8
Higeno Lomu ati vayate kava kanomoa mage hie Anumayamoga nagaya kanale
ohunoa kanomoni nopi esanana okategahigi afaa malegati aliya kanonimo kaliahena kea hu-
tesanageno kalia falu hu-tegahie.
9
Nagaya kava kano mainoe. Nagaima kava yagai-natenea
kanoa anale nagaseno maigena nagaya ania huna nagoa ati vayatela kava huna mainoe. Nago
kanomofema Vuoma. hugenoa umaine. Enoma. hugenoa emaine. Aliya kanonihe Naa
huo. hugenoa ania hu-maine. huno hie.
10
Yisasia ani kea haviteno agesa kumoa tusiya huteno akavema nevaya veamogamifena
mage huno hie Tamage tamaha-nepauve ma kanomoa tusiya huno nagaifena havino agupi
maleno ametitia hu-maine. Ma kanomoma hia ya huya nagaifema haviya amakupi maleya
ametiti hu-mainaya veala mukia Yuta veane mainaya kumatela oagenoe. huno hie.
11
Tamaha-nepauve mukia veamoya yagemoma tavi nefalelegatiene evayi nehilegatiene
Anumaya Kotima kava yagai-mainea kumatela taginagomoya Apalahamuene Aisakiene
Yekopuene siale mo maineya kavela negahae.
12
Negahagi nagoa Yuta veamogamina
nayoma Anumaya Kotia Kava yagaisua kumate maigahae. huno hu-maineanagi agaifema
haviya amakupi omalaya yafe Anumaya Kotia amavaleno hani yapi amatalesigeya anifi avi
neateya amave kemoa hugahae huno hie.
13
Yisasia Lomu ati vayate kava kanomofe mage
huno hie Nokalega eteka vuo. Aliya kanokama ali falu hu-tesua kea havika kagupi maleka
kametiti hana kea hu-ga-tegahue. huno higeno ani kema hia kana kanoale ani aliya kanoa
kanale hu-tene.
Yisasia Pitana aamona itaamo alekanoa alino kanale hu-tene.
14
Yisasia Pita nopinaga umaineno ageana Pitana aamona itaamo alekanoa tusia
amukonako kali alino mainegeno moge-maine.
15
Mogeteno ayate avate nehigeno amuko-
nako kaliamoa agola kanale hu-tetegeno ani amoa hetino kavela kaeno amamine.
Yisasia kasagoya veamogami kalia alino kanale hu-matene.
16
Ani unena mukia ani kumate veamoya vayaamima Kefo Avamumo amakusafima
mainea veala amavaleya Yisasite ageno Yisasia Kefo Avamumogamifena hu-mategeya
amataleya vageno mukia kali veala alino kanale hu-matene.
17
Naa hu-maineafe nayona
Anumaya Koti aune kanomoa, Aisaiyaa hu-mainea kemoa agola falote huno tamage hie.
Mage huno hu-maineane
Agaya agaia kalima nealuna yana ali-talene. Taugafamoa fulu fuluma nehuno akavima nohia
yaene ago ali-talene. huno hu-maineane.
Yisasia akave visaya auava yamo ke hu-maine.
18
Kasagoya veamoya Yisasite meye-kove hageno Yisasia agaiaene tokaeya nemaiya
anagafe mage huno hie Tikotumona atu faliga vigetao. huno higeya umainae.
19
Umainageno nagola kahegi kema havilinea kanomoa Yisasite eno mage huno hie Hu-
mave-lina kanomoga mukia kumate visanana nagaya kakave ugahue. huno hie.
20
Higeno
Yisasia kenonaa mage huno hapaiye Kepu yagamoya faesaya komuamia mopafinaga
hanegi namamogamina noamia haneanagi ikapinagati emainoa kanoa vayamo natenea
kanomona faesua nonia omalene. huno hie.
21
Nagola agai kema nehavia kanomoa mage
huno hie Anumayanimogae nenafana falisigena alina he-vai-tetena kakavela ugahue. huno
hie.
22
Higeno Yisasia mage huno kenonaa hapaiye Atalo nagai kea ohavinesaya veala
amaku amamemoa fali-mainaya veamoya falia kanomona aliya he-vai-tegahae amakaiami
yanagi kagaya nakave eno. huno hu-maine.
Yisasia ke nehigeno tusia yasimoa laga hu-maine.
23
Yisasia tipi kalefi haisaga hu-maigeya agaiene tokaeya nemaiya anagamoya agaiene
umainae.
24
Nevageno aupaa anileti ala yasimoa nealigeno timoa ai-galato huno ani tipi kalefi
haiyanagi Yisasia aufaeno maine.
25
Faeno mainegeya agaiene tokaeya nemaiya anagamoya
agafa huya mage huya hae Kava kanomogae kava kanomogae tagaya ti nakaita falisuna
kava nehunagi Anumayamoga hetika taugafa ali-gatio. huya hae.
26
Hageno mage huno
hama-vi-ge Naa higetama kolia nehae? Nagaifena havitama tamakupi maletama
tamametitima nehaya yamoa aupa nehio? huno huteno hetino ani limofeene yasimofeene
tokiyaage ke huno Taga huo. huno higeana alava hu-mainae.
27
Alava haageya mukiamoya
amamayoma aiya yafena mage hae Mani kanoa hana augafa kano mainegeno timoene
yasimoene kea haviteya akave nemalae? huya hu-mainae.
Yisasia tole aifo kanolatamogani anakuafi mainea Kefo Avamula ana-ti-talene.
28
Ala tikotuna takaeya ame kaiyaga agegayamona Kelasasa veane mainalega uvayi hae.
Uvayi hageana tole kanolana Kefo Avamuyaga anakuafi mainea kanolana matimatipinagati
Yisasite emainae. Ani kanolatana tusi aifonafo nehaa yafe veamoya koli huya ani katela
novayane.
29
Ovageana ani kanolatana ala kefiti mage huana hae Anumaya Kotina
neamogae naa hu-laategahe neane? Taagata aisia kanamoa falote ohunegi taagata aisia kava
hu-laategahe neano?
30
Haageya kasagoya afuyagamoya aluale maineya kavela nenae.
31
Nenageya Kefo Avamumoya Yisasife mage huya hu-mainae Anakusafinagatima hu-
latesanana ani afuyagamo amakuafi hu-lategeta vamano. huya havigae.
32
Havigageno
Yisasia Anifi viho. huno higeya ani Kefo Avamumoya ani kanolatamogani anakuafitila
hati-laviya afuyagamogami amakupi hai-falageya ani afuyagamoya amaiya-yeya nagola aulufi
kapi taviteya tipi asaga hu-laviya ti nakaiya fali hano hu-mainae.
33
Fali hano hageya ani afuyagale kava vayamoya ageteya faleya ala kumate mainaya
veamogamife Kefo Avamumoya anakuafi mainea kanolatamoganina na kava na kava hu-
nateno higeta neone. huya hama-pai-mainae.
34
Hageya ani ala kumatema mainaya veamoya
ani ya agegahe eya Yisasina megeteya Tagai kumala neataleka alu kumate vuo. huya hu-
mainae.
Matiu Matiu
<<
88
>>
Matiu Matiu
<<
99
>>
9
Yisasia nagola aiya aya fali-mainea kanomona alino kanale hu-tene.
1
Yisasia tipi kalefi haisaga hu-maino tikotumona takaeno agaia kumatega eteno
umaine.
2
Umainegeya nagoa vayamoya nago kanomona aiya aya fali-mainea kanoa
hagifanale faeno mainegeya avaleya Yisasite emainae. Ageno Yisasia ageteno mage huno
agesafinaga havimaine Ma vayamoya nagaife haviya amakupi maleya amametiti nehae.
huno agesa haviteno ani kali kanohe mage huno hapaiye Nafanenimoga kaha-nepauve
menia kolia ohuo nagaya ago aige-ka-tena kefo yakaa atale-nega-toe. huno hapaiye.
3
Higeya kahegi kema havi-linaya anagamoya amakaiami amakuafiti mage huya hae Ma
kanomoa Anumaya Kotife hu-haviya hu-neate. huya hae.
4
Hageno Yisasia amakupinaga
haviya kea haviteno mage huno hie Naa higetama tamakaya tamakesafinaga havi kea
nehae?
5
Nagayama hutena hisua kea hana kemo kanaagela hu-maine? Aige-ka-tena kefo
yakaa atale-neka-toe. huna hisua kemoo? Ifi kali kanomofe He-ti-ka ka vuo. huna hisua
kemoe?
6
Nagaya ikapinagati emainoa kanoa vayamo natenea kanomona ma mopale
mainena aige-tama-tena kefo yatamia atale-lama-tesua tokiyania hane hutama havisaya yafe
nago kavala huna tamave-ligahue. huno kalima nealia kanomofena mage huno hie Hetika
hagifanaka nealika nokalega vuo. huno hu-maine.
7
Higeno hetino nomaalega umaine.
8
Naa
higeya mukia alitalu hu-mainaya veamoya ageteya tusi amamayo aiteya Anumaya Kotima
tokiya yaama vayamogamima amamia yafena Anumaya Koti agia alisaga hu-mainae.
Yisasia Matiufe ke hu-maine.
9
Anile neamataleno vilegati nago kanomo agia Matiue musufaya huno vaya
amaugafaleti takisi mone ali-liteno nehia kanoa opisi nomaale mopale mainegeno Yisasia ani
kanoa mogeteno mage huno hie Kagaya nakave eno. huno higeno Matiua hetino Yisasina
akave umaine.
10
Vigeno Yisasia Matiu nopi umaineno kave negahe musufayama huya amaugafaleti
takisi mone nealiya vayaene nagoa kefo yama nehaya vayaene ani nopi Yisasiene agaienema
tokaeya nemaiya anagaaene tokaeya maineya ne-mainae.
11
Nenageya Falasia vayamoya
Yisasienema tokaeya nemaiya anagafe mage huya hae Naa higeno tamakaima hu-lamave-
nelia kanomoa amaugafaleti takisi monema nealiya vayaene kefo yama nehaya vayaenena
kavela nene? huya hama-vigae.
12
Hageno Yisasia ani kea ago haviteno mage huno hama-
paiye Kalima noaliya veamoya tota kanomotega ougahagi kali veamoyage tota kanomotega
ugahae.
13
Nagaya ania huna Fatago veane mainone. huya nehisaya veanehe ke hugahe
nagaya omenogi kefo yama nehaya veanehe ke hugahe emainoe. Anumaya Kotia agaia hu-
mainea kea mage huno hu-maineane
Afu heya kolamaa takiya naminaya yafena onahaunegi kalagi ai-ma-taya yafekeya nenahaiye
huno hu-maineane.
Hu-maineanagitama tamakaya ani kemo aepaa mo havilama hutetama ani kavala hiho. huno
hu-maine.
Yisasia kavema monesiya auava yafe hu-maine.
14
Yoni anagamoya Yisasite mage huya me havigae Tagaya Yoni anagamogataene
Falasia vayaene nagoa kavela mo-nesunanagi naa higeya kagaienema tokaeya nemaiya
anagamoya mukia kavela nenae? huya havigae.
15
Hageno Yisasia mage huno hie Nago
kanoa aama faiya esagenoa avaya hesia imu kisia yupa vayaamoyaene mainesigeya ani
vayamoya hamauna hu-tesao? Aao hamauna hu-oategahayanagiya haenagaa nago kanama
falote hisigeya kame vayamoya ama alisia kanoa atafa huya amakaipiti avale-talesageya ani
kanale vayaamoya hamau hu-teteya mosigahae.
16
Nago kanomoa haegafa kena alino atafa kenalela maleno ohatigahie. Maleno
hatisiana haegafa kena atalaga huno ali haviya hugahie.
17
Nagi nago kanomoa haegafa nofi
alagamo timaa atafa mememo augafa ti keayopina takino ovaigahie. Takino vaisiana
timaamoa kanuka hesigeno ti kena falo huno taki-lavinageno ti kena ali haviya hugahie.
Haegafa nofi alagamo timaa hefino haegafa meme augafamo ti keayopi takino vaino. Ania
hisayana tiene keayoene kanaleya huno hanegahie. huno hu-maine.
Yisasia nagola fali-mainea munala ali he-ti-neategeno nago amoa kenaale avate
higeno kaliamoa kanale hu-tene.
18
Yisasia ani kea nehigeno nagola soka kanomoa Yisasi aiyafi aleya meyeno Yisasina
mage huno hapaiye Munaniamoa ago fali-mainegi kagaya kayana augafale me
malesanageno fali-mainefitila eteno he-tisie. huno hie.
19
Higeno Yisasia hetino anilega
vigeya agaienema tokaeya nemaiya anagala akave umainae.
20
Nevageno nago amoa tuelufua (12) kafu aigu nopinaga mukia kanale nemaiya amoa
Yisasina akavelegati eno kenaamo atupale mevate hie.
21
Avate nealino agupi mage huno hie
Kenaaleke avate alisugeno kalinimoa hano hu-nategahie. huno avate nealie.
22
Avate
higeno Yisasia mai-yahae huno ani amona ageteno mage huno hapaiye Ma amoga kolia
ohuo nagaifema havika kagupi maleka kametitima hana yamo kagaila alino kanale hu-
negate. huno higeno aupaa kaliamoa kanale hu-tene.
23-24
Kanale hu-tegeno Yisasia soka kanomo note uvayi huno hamau nehuya kapufama
haya veanene avima ataya veanene ali-talu huya maineya tusi ke-yesoma haya kea haviteno
mage huno hie Viho mani munala fali lavata ohunegi afaa faeno maine. huno hama-paiye.
Higeya ani munama faligeya age-mainaya yafenagiya kigi hu-tenae.
25
Hu-teteya kumatega
umainageno Yisasia nopinaga haino ani munamo ayate atafa nehigeno aupaa hetie.
26
He-ti-
teanagi Yisasima hia yamo avagemoa ute ete higeya mukia ani kotega veamoya havi-mainae.
Yisasia tole anaulaga asu hu-mainaa kanolataene avaya tuki-mainea kanoene ali
kanale hu-matene.
27
Yisasia ani kumala ataleno nevigeana tole kanolana anaulaga asu hu-mainea kanolana
akave neuana ala kefiti mage hae Kagaya Tevitina aginagomogae taagaila kahau hu-laato.
huana hae.
28
Nehaageno Yisasia nopinaga hai-falegeana anaulaga asu hu-mainea kanolana
agaite aageno Yisasia ani kanolafena mage huno hana-vige Nagaya tanaulaga alina hale-
lanatesua tokiyania hanea yafena tanakupina malenaao? huno higeana E, Anumayamogae
kagaya ania hu-laatateasine. huana hae.
29
Nage haageno Yisasia anaulagale aya maleno
mage hie Tanakaya nagaife havitana tanakupi malaa yafe hu-lana-tegahue. huno hie.
30
Higeana ani kanolamogani anaulagamoa ai-gali hu-maine. Higeno Yisasia anakaifena
tokiyaage ke huno kahegi ki-nateno mage huno hie Mani yama hu-lana-toa yafena nagoa
veala hamaopaio. huno hie.
31
Hianagi ani kanolamogania uana mukia ani kotega
veamogamina Yisasima hu-na-tea avagea hu-liteana hu-mainae.
32
Ani tole kanolana utaageno nago kanomona Kefo Avamumoa aguafi maineno
avefuna alino ai-yahae higeno agea noaiya kanoa Yisasite avaleya ae.
33
Ageno Yisasia
agema noaiya kanomo aguafiti Kefo Avamula anati-talegeno agea aino kea kea higeya alitalu
hu-mainaya veamoya ageteya tusia amamayo neaiya mage hae Mani augafa kavala nayona
Isaleli kotega oagenaya kavale. huya hu-mainae.
34
Hayanagi Falasia vayamoya mage huya
hae Pielesepulia Kefo Avamuyagale kava hu-mainea kanomoa tokiya amigeno Kefo
Avamumona anati-neatale. huya hu-mainae.
Yisasia muki veafe hau hu-matene.
35
Yisasia ala kumateene nagoa ala kumayagaleene osi kumayagaleene neuno mono
nopi huge amave-lige huno Anumaya Koti kava yagai-ma-tesia kanale mono kea hama-
nepaino mukia kalia alino kanale hu-ma-tene.
36
Hu-neama-teno kasagoya melitalu hu-
mainaya veala amaketeno hau hu-ma-tene. Ani veamoya kana yapi mainageno amakesa
kumoa tusiya higeya sipi sipi kana huya mainayanagi kava yagaisaya vayala omainaya yafe
Yisasia kalagi ai-matene.
37-38
Kalagi ai-mateteno Yisasia agaienema tokaeya nemaiya
anagafe mage huno hama-paiye Nagai kema havisaya veala kasagoya kavemoma hoyafima
afule-mai-lemai hia kava hu-maineanagi hoyafima aliya alisaya veala osi kanoa mainayafe ani
hoyamona Nefafena havigegeno nagoa aliya veala hu-matesie. huno hu-maine.
Matiu Matiu
<<
99
>>
Matiu Matiu
<<
10 10
>>
10
Yisasina tuelufua (12) Aposolo anagaamogami amakia.
1
Yisasia agaia tuelufua (12) anagaamogamife ke higeya ageno tokiyaa amamine. Mukia
Kefo Avamuma veamogami amakusafiti anati-talesaya tokiyaene mukia kalima aliya kanale
hu-matesaya tokiyaene amamine.
2-4
Agaia tuelufua (12) anagaamogami amakia hagote
kanomo agia Saimonie nago agia Pitae aganaamoa Etalue Yemesigani Yonigania Sepeti
nafanelataene Filipiene Patolomayuene Tomasiene amaugafaleti takesi mone nealia kanoa
Matiuene Yemesia, Alafiusi nafane. Tatiusiene Saimoni Selotiene Yutasi Isakaliotia haenaga
Yisasina agesi huno kame ya hu-tesia kanoe.
Yisasia tuelufua (12) anagaa aliya amamine.
5
Yisasia ani tuelufua (12) anagaa hu-neamateno mage huno hama-paiye tamakaya Yuta
vea omainaya veamogamitela oviho. Samelia veamogami kumayagaleene oviho.
6
Ougahagi
tamakaya vayagi mainaya sipi sipi afuyaga kana hu-mainaya Yuta veate viho.
7
Neutama
mani ke hu-haletama hama-paiho Anumaya Kotia kava yagai-lama-tesia kanamoa ago
aupaa falote hugahie. hutama hiho.
8
Nehutama kali veanea ali kanale hu-matetama fali-
mainesaya veala ali henelitama fugitaya amake-mainesia veala ali kanale hu-neama-tetama
Kefo Avamula veamogami amakusafinagatila amanati-taleho. Nagaya kanale yana afaa
nelamamuanagi anonaa oalinoane. Ania hutama anonaa monea oalitama afaa amaya hiho.
9
Tamakaya tamia alaga monene haesa monene kutamifina ai-oaliho afaa viho.
10
Tamakaya
kama visalega kutamia oalitama oviho. Tole kena oaliho. Tamaiya noene ayopatamiene
alitama oviho. Nagai aliyama alisaya yateti veamoya anonaa kavema tamamisayana tama-
tegahie.
11
Tamakaya nago ala kumatelo osi kumatelo uvayi hisagenoma nago kanomoma
kanale yama hu-lama-teno fatago kavama hisia kanoene maiho. Fae-litetama ohutama
ataletama visaya yupa ani nopinagati viho.
12
Tamakaya nago nopima hai-falenutamahena
hagotetama mage hutama hiho Ma nopi mainaya veamogatama Anumaya Kotia yuna
hesaya tamaku tamakesa tamamisie. hutama hu falu fala hu-mateho.
13
Hu-matesageya ani
nopi mainesaya veamoya fatago kavama nehisaya veama mainesagenoa Anumaya Kotia
yuna hesaya amakesa amamigahianagi ania augafa veanema omainesayana anima yuna
hesaya yana oaligahae.
14
Nagoa veamoya tamavaleya noamifima otama-teya ketamima
ohavisagetamahena ani kumala neataletama Havi kava hae. hutama tamaiyafima hanesia
kugukege yana ai-fopo hu-neataletama alu kumate viho.
15
Tamage-lafa huna tamaha-
nepauve Anumaya Kotia kaiyekema hu-matesia kanafina Sotomu mainaya veamoyaene
Komola mainaya veamoyaene amaugafa amagata aigahianagi tamakaima falu fala hu-otama-
tesaya kumate veamoya anima kaiyeke hu-ma-tesia yupa tusiya huno amagata aigahie.
Alua lua kana yana falote hugahie.
16
Haviho nagaya tamakaila hu-lama-togetama sipi sipi kana hutama afai kala kana
kaveage veane mainesaya amunopi hu-lama-tesugetama visageya hu-haviya hu-lama-
tesagetama osifavemo kalope lavino nevia avamete hutama tamakesaene vayalagi nama kana
hutama kefo yana ohutama yuna hetama maiho.
17
Tamaugafa ali haviya hu-lama-tesaya
vayafena kayeho. Vayamoya tamavaleya kanisole vayate kaiyeke mo hu-lama-teya mono
nopina kayona tamamigahae.
18
Tamakaya nagai kema akave malenaya yafe tamakaila
Kamani kava vayateene ala Sauve vayateene kaiyekea hu-lama-tesaya yafe tamavaleya
amaufi tama-tesagetama nagai kanale mono kea hama-paisageya nagoa Yuta veane
omainaya veanene havigahae.
19
Tama-valeyama kaiyekema hu-lama-tesaya yate tama-
tesagetama kolia ohutama Kenonaamia naane hisune? hutama tamakesa kumoa ohiho. Ani
yupa kanoa Anumaya Kotia Mage hiho. huno tamaha-painagetama hugahae.
20
Tamakaitamigeya ani kea ohugahagi Nelamafa Avamumoa ani kea tamakaila tamavayafiti
hugahie.
21
Ani kanafina veamoya amakaiami nepuamimona kame vayaamimote amavaleya
visageya Hamaegeya faliho. huya hugahae. Nefaa nafaneyagaa ani kava hu-ma-tegahae.
Nafaneyagamoya itaafoamimogamina ali-yahae huya kamea hu-ma-teteya Hamaetama
faliho. huya hugahae.
22
Nagima neayaya yafe mukia veamoya amaipa kafa he-lama-
tegahagi nagoa veamoya nagai kema meni kanaleti aepa heya atafa huya tokiya hume hume
nevisagena nagaya etenama esua kanafina nagai kema atafa hu-linaya veamogamina
Anumaya Kotia amaku amamena ali-gatigahie.
23
Veamoya havi kavama hu-lama-tesagetama
ani kumala neataletama nago kumate viho. Tamage-lafa huna tamaha-nepauve mukia Isaleli
kumatela ounesageno ikapinagati emainoa kanoa vayamo natenea nafanemona egahue.
24
Nago sugulufi mainesia nafanemoa hu-ve-nelia kanoamona oagasenea yanagino ania
huno nago aliya kanomoa kava kanoamona oagasene.
25
Sugulufi mainesia nafanemoa hu-
ve-nelia kano kana huno maisiana kanaleya hugahie. Ania huno aliya kanomoa kava
kanoamoene nago avamete huno maisiana kanale hugahie. Nagaifena mage huya hu-mainae
Pielesepulia Kefo Avamuyagale kava kanoami maine. huya hu-haviya hu-nenateya aliya
veanimogamina tusiya huya kamuge hatageya vai-lama-tegahae.
Veamoya Anumaya Kotifekeya kolia hisae.
26
Ali haviya hu-lama-tegahayanagi amakaifena kolia ohiho. Aiso hu-mainea yamona
Anumaya Kotia mukia alino fufute atalegahie. Falaki-mainesia yamona Anumaya Kotia
mukia veamogami amaulagafi ali-falote hugahie.
27
Hanipinaga tamaha-pai-mainoa kea yagefi
hama-paiho. Sumi sumi huya tamaha-pai-mainaya kea kuma amunopiti ala kefiti keha keha
hutama hiho.
28
Amega tamaugafaage he-falisaya veafena kolia ohiho. Ani vayamoya tamaku
tamameenema tamahae falisaya tokiyaamia omalene. He-faliteno hanimo aguafi ata tege-lege
nehia yapi tamaku tamameene tamaugafaene he-falisia tokiya hanea kanoa, Anumaya
Kotifeke, tusiya hutama kolia hiho.
29
Tolea osi namalatana nagoke haesa moneleti miya
nehayanagi nagoke ani nama kanoa afaa ofalinegi ikapinaga Nelamafaa Falisie. huno
ohinagenoa ofaligahie.
30-31
Tamakaya mukia namayaga agasetama veanea ala yaga mainae.
Anumaya Kotia mukia hanea tamayolagefa ago hapalino havilinea yafe kolima hisaya yana
neataletama afaa maiho.
Tagaya Yisasi anaga mainone. huta hu-falote hisuna yafena tagayea ohisune.
32
Yisasia mage huno hie Nagoa kanomoa veamogami amaulagafi nagaifema Yisasina
nagua amitafa hu-mainoe. huno hu-falote hisigenahena nagaya ikapinaga mainea Nenafa
aulagafina agaifena Nagai nafane maine. huna hu-falote hugahue.
33
Hu-falote hugahuanagi
nagoa veamoya veamogami amaulagafima nagaifena Nagua amitafa ohunoe. hunoma hu-
falote hisigena nagaya ikapinaga mainea Nenafa aulagafina ani kanohena Oagenoa kano
maine. huna hugahue.
Veamoya Yisasifena tusiya huno hamaisie.
34
Tamakaya na tamakesa nehaviye? Ma mopale taipa falu huta maisuna yana
tamigahe Yisasia emaine. hutama nehao? Aao nagayama emainoafenagitama tamakaya
tuma hisaya yatetila falu hutama omaigahae.
35
Omaigahagi nagaya emainoafe nago
afamopina nafaneamoa nefana kame hu-tesigeno munaamoa itaamona kamea hu-tesigeno
anofeloamoa anauamona itaamoene apasesaa yamoa falote hugahie.
36
Nagoa veamoya
nagai kea akave nemalayafe amakai afamola kame vayaa maigahae.
37
Nagoa veamoya itaafoamimofema Afa veane mainagi Yisasia tamakase-mainea
kanogina nagula aminoe. huya ohisaya veamoya nagai nafane maisaya avametela ohune.
Nagoa veamoya nafaneamimofeene munaamimofeene Afa vea mainagi Yisasia tamakase-
mainea kanogina nagua aminoe. huya ohisaya veamoya nagai nafane maisaya avametela
ohunae.
38
Nagaila nagatama aisigena falisua yafema nagoa veamoya Ania hugahune. huya
amakaiami yafaga yosa kofiya nakave visaya amakesa ohavisaya veamoya nagai nafane
maisaya avametela ohunae.
39
Nagoa veamoya maiyaamima atafa huya ali-talakoma hu-
lisayana maiyaamimoa falino afaya hapaegahigi nagoa veamoyama nagaifema hamainageya
maiyaamima atalesaya veamoya maiyaamia ali-gatisugeya agola maige maige hugahae.
Yisasi anagama amaya hisaya veamoya kanale miya aligahae.
40
Nagoa veamoya tamakaima tamavaleya falu falama hu-lama-tesayana nagaila ania
huya navaleya falu fala hu-nenatae. Nagaima navaleyama falu fala hu-natesayana hu-na-tenea
kanomona ania huya falu fala hu-neatae.
41
Nagoa veamoya nago kanomona ageteya
Anumaya Koti ke hu-haleno nehia kanoma mainesigeya falu falama hu-tesayana ani
veamogamina Anumaya Kotia hu-haleno nehisia vayamogami amamisia avamete
amamigahie. Nagoa veamoya nago kanomona ageteya fatago auava yama nehisia kanoma
mainesigenoma falu fala hu-tesiana ani veamogamina Anumaya Kotia fatago kanomo alisia
avamete amamigahie.
42
Nagoa veamoya nagola afa kanoa Yisasi kema nehavisia kanoma
mainesigeya yasi lima amisayana tamage huna tamaha-nepauve ani veamoya anonaamia
fanane ohugahianagiya afaa miyaamia aligahae.
Matiu Matiu
<<
10 10
>>
Matiu Matiu
<<
11 11
>>
11
Yonia agaia anagala hu-ma-tegeya Yisasitega umainae.
1
Yisasia tuelufua (12) agaiaenema tokaeya nemaiya anagamogamina huge ama-ve-lige
huteno alu kumate kumate Anumaya Koti kea mo hama-paino hu-mave-li-maine.
2-3
Yonia ti fale neamatea kanoa nofipi maineno Kalaisima hia kavafena haviteno nagoa
agaia anagala Yisasife havigegahe hu-ma-tegeya mage huya me hae Kagaya egahiema hu-
mainaya kano emainapi alu kanohe agava maisune? huya hae.
4
hie Tamakaya utama haviya yaene agaya yaene Yonina mo hapaiho.
5
Ma ya agone hutama
hiho amaulaga asu hu-mainea veamoya amaulaga neagae. Amaiya haviya hu-mainea
veamogami amaiyamoa kanale hu-mate. Fugitaya amake-mainea veala kanale hu-mate.
Amakesa tile-mainea veala eteya nehaviye. Fali-mainaya veala hetiya mainae. Afenoami
omalenea veala Anumaya Kotina kanale kea nehaviye.
6
Nagai kehema tole amakesa
ohavisaya veamoya kanaleya huya maigahae. huno hu-maine.
7
Yonima hu-ma-tegeya aya veamoya nevageno Yisasia anile mainaya veamogamina
Yonife mage huno hamavige Tamakaya kame kotega na ya mogegahe nevae? Nago kanoa
yasimoa hopa kana huno ali fagagi mainea kanomona agegahe nevao?
8
Ifi na ya agegahe
umainae? Kanale kena fai-linesia kano agegahe nevao? Aao kanale kena fai-linesaya vayala
kame kotega omaigahagi sauve kanomo nopi maigahae.
9
Na ya agegahe nevae? Anumaya
Koti aune kano agegahe nevao? Ifi tamage tamaha-nepauve mukia amaune vayamogamina
amakase-mainea kanoa Yoni maine.
10
Yonife huya nayona Anumaya Koti autamafina mage
huya kae-malenayane
Haviho nagaya Anumaya Kotina aliya kanonimona hu-tesugeno uhagotegatenoma visana
kana valino ali-hilato huga-tegahie. huno kae-maleneane.
11
Tamage huna tamaha-nepauve Yonia ti fale-neamatea kanomoa mukia ma mopale
vayamogamina ago amakase-maineanagino nagoa afa veamoya Anumaya Kotife Kava
yagailato. huya hu-mainesaya veala Yonina ago agase-mainae.
12
Yonia ti fale-neamatea
kanomoa kea hama-pai-mainea kanaleti aepa heya tokiyaami hanea veamoya Anumaya
Kotima kava yagai-lama-tesia yafe tokiyaage huya Ani yapi maigahune. huya hu-
mainayanagi nagoa vayamoya tusiya huya ani yafena kame nehae.
13
Mukia kanafina
Moseseene Anumaya Koti amaune vayaene kea hu-haleya hu-mainayanagino Yonia evayi
hu-maine.
14
Ani vayamoya nagoma esia kanomofena, Ilaiyae kanomofena ago tamaha-pai-
mainayanagi Yonia ani kano maine hutama havinutamahena havigahae.
15
Tamakesama
hanesia veamogatama haviho.
16
Meni kanafima mainaya veamogatamahena hanaa veane mainae huna tamaha-paisue?
Ma ma hisua augafa nafaneyagamoya mainaya avamete hutama mainae. Ani
nafaneyagamoya veane alitalu huya mainalega maineya alu nafaneyagahena ke huya mage
huya hae.
17
Yaveya aikolunana tamakaya amoa noayae. Tagaya tahau hisuna yagame
nehunana tamakaya avia noatae. huya hu-mainae.
18
Yonia ti fale-ma-te kanomoa kaveene
haviliene mosino emainegeya amakaya Satani Avamula aguafina maine. huya hu-mainae.
19
Hayanagi ikapinagati emainoa kanoa vayamo natenea nafanemona tina kavela me
nenogetama nagaifena Kaveene tiene neno hano hugeno omai kano maineno musufaya
huya amaugafaleti takisi nealiya vayaene kefo yama nehaya vayaene vayaamoya mainae.
huya hu-mainae. Hayanagi Anumaya Kotina kanale agu agesama hanea yapiti kanale yana
falote hu-maineafe vayamoya Fatago kava nehie. huya hu-mainae. huno hie.
Yisasia amakua ai-yahae nohaya veafena tusiya huno hauna hu-neamate.
20
Yisasia mani kea huteno aepa heno agayama tokiya avame yama higeya age-mainaya
kumayagaletiene ani kumate veamoya kefo yaamia neataleya amakua ai-yahae huya akave
nohaya yafe Yisasia tokiyaage ke huno mage hu-maine.
21
Avoneo Kolasini mainaya
veamogatamaene Petesaita mainaya veamogatamaene tusiya huna tamakaifena nahau nehue.
Tamakai kumapina nagaya tokiyaage avameyana ago huanagi tamaipa ai-yahae ohayanagina
ani tokiyaage avame yama Taiyaene Saitoniene huleasina ani kumate veamoya kefo
yaamihena ago amaipa ai-yahae huya kefo yama hu-mainaya yafena kayavo kena fai-liya
tanefafi maileasine.
22
Nagaya tamaha-nepauve Anumaya Kotia kaiyekema hu-ma-tesia
kanafina Taiya mainaya veanene Saitoni mainaya veanene amaugafa amagata yana
aligahayanagi tamakaya tusiya hutama nagoene tamaugafa tamagata yana aligahae.
23
Tamakaya Kapaneamu mainaya veamogatama Taugafa alita anale haigahune. hutama
nehao? Aao afete tavitama tamakaye nehinagetama maigahae. Tamakai kumapi hu-mainoa
tokiyaage avame yana Sotomu kumatema huleasina ani kumate veamoya amakua ai-yahae
hu-mainaleasina atafina fanane ohaleasine.
24
Tamaha-nepauve Anumaya Kotima kaiyeke hu-
ma-tesia yupa Sotomu mainaya veala amaugafa amakata aigahianagi tamakaya amakasetama
tusiya huno tamaugafa tamakata aigahie. huno hu-maine.
Yisasia Nagaitega etama mai-falu hiho. huno hu-maine.
25
Ani yupa Yisasia nunamuna mage huno hie Nenafagae mukia ma mopafi yaene
ikapinaga yaene kava yagai-mainana Anumayamoga kanale kava nehane. Nagoa veamoya
Havi haviyati hanea vea mainone. huya nehaya veamogamifena ohavisae huka fala-ki-
malenane. Ala avo nopi umainona vea mainone. huya hisaya veamogamifena ohavisae
huka fala-ki-malenanagi Inamu nafane kana huta mainone. huya nehaya veala ago amaveli-
mainana yafena aluya huna musekaa nehue.
26
E, Nenafagae kagai kagu kagesamo hia kava
huka ani kavala hu-mainane. huno nunamuna hu-maine.
27
Veamogamifena mage huno hu-maine Nenafaa mukia lokiya ago namine. Mukia
veamoya nagaila neamonina aepania ohavinagi Nenafaa agaiage nagai aepaa haviline.
Havilinegi mukia veamoya Nenafa aepaa ohavinae. Ania huna nagainige neamona Nenafa
aepaa havilinena nahaisia veamogamina hu-mave-lisugeya Nenafana aepaa havigahae.
28
Tamakaya tusi aliya nealitama kana yama ali-mainaya veamogatama nagaitega egena
mai-falu hisaya yana tamamino.
29
Nagai aliya aligeta tokaeta vaiyamano. Nagaya kayone
kano mainena naugafa alina ohai kano mainoafe aepania havisagena tamakuamoma mai-falu
hisia yana tamamigahue.
30
Tamakaya nagaiene ai-lokaetama vaiyesayana kana
ohugahianagitama yoyo hutama vaiyegahae.
Matiu Matiu
<<
11 11
>>
Matiu Matiu
<<
12 12
>>
12
Yisasia Sapati kanalema aliya nealiya yafema kahegi malenaya yafe hu-maine.
1
Nago Sapati yupa Yisasiene agaiaene tokaeya nemaiya anagaaene nago atili hoya
amunopi nevageno anagaamogamina amakategeya ani atilia kaleteya takiya ne-mainae.
2
Nenageya nagoa Falasia vayamoya amaketeya Yisasifena mage huya hae Ago
kagaienema tokaeya nemaiya anagamoya Sapati yupama katile-malenaya yana ali haviya
nehae. huya hae.
3
Hageno Yisasia mage huno hie Tamakaya Tevitina agava huya
umainaya vayaene amaka-te-mainea yamo kea hapalitama ohavinao?
4
Amakategeno Tevitia
Anumaya Koti nopi hai-faleno Afa vayamoya onesageya mono nopi kava vayamoya
amakaiamige negahae. huya katile-malenaya maya Tevitia agaiaene tokaeya emainaya
vayaenena ne-mainae.
5
Tamakaya kahegi kema kae-malenaya avopima hanea kea hapalitama
ohavinao? Mage huno hu-maine mono note kava vayamoya mukia Sapati yupa aliyaamia
nealiya Sapatimo kahegi kemona atagayayanagi Anumaya Kotia Kefo ya haya vaya
mainae. huno ohune.
6
Tamaha-pauve Anumaya Koti ala mono nomona agase-mainea
kanoa nagainia ma mainoe.
7
Nayona Anumaya Koti autamafina mage huya kae-malenayane.
Nagaya Anumaya Kotina sipi sipia hetama kolama takiya nenamiya kavafena nonahaigena
kalagi ai-ma-tesaya yafeke nenahaiye. huya kae-malenayane.
Kae-malenagi tamakaya ani kema havilamama hu-mainaleasina kefo yama ohunaya vayafena
Kefo ya nehae. hutama ohaleasine.
8
Ikapinagati emainoa kanoa vayamo natenea
nafanemona Sapati yupa kava yagai-mainoe. huno hu-maine.
Sapati yupa Yisasia aya avayu hu-mainea kanomona alino kanale hu-tene.
9
Ani kumala neataleno mono nopi haino maine.
10
Maineno ageana nago kanoa aya
avayu hu-lavi-mainea kanoa anile maine. Mainegeya nagoa vayamoya Yisasia havi kavama
hisiafene huya ati neayeya Yisasife mage huya hae Sapati yupa kali kanoa alino kanale hu-
tesia yana kanale yano? huya Yisasina havinegeya amata hu-mainae.
11
Yisasia mage huno
hie Nagola hana kanomoga afukama Sapati yupama komufi tavi-mainesigeka ago hevayu
huka faitega ategano? E ania hugane.
12
Veamoya afua agaseya ala yaga mainaya yafenagiya
kahegi kemoa Sapati yupa kanale ya hu-ma-teho. huno hu-maine.
13
Huteno ani ayama
avayu hulavi-mainea kanomofe mage huno hapaiye Kayana aipi huo. huno higeno aipi
hiana nago kaiyaga ayamoma hia kava huno kanale hu-maine.
14
Kanale hianagi Falasia
vayamoya mono nopitila ataleteya hati-laviya melitalu huya huge havige huteya Yisasina
hanaa huta haesunageno falisie? huya vege hu-mainae.
Yisasia tamage huno Anumaya Koti aliya nafane maine.
15
Yisasina haegahema huge havige haya kea ago haviteno ani kumala neataleno vigeya
kasagoya veamoya akave vageno mukia kali veamogamina kaliamia alino kanale hu-ma-tene.
16
Hu-ma-teteno mage huno hie Nagai aepaa veala hamaopaiho. huno hie.
17
Mani kema
hia kemofena nayona Aisaiyaa Anumaya Kotina aune kanomo hu-mainea kemoa falote huno
tamage hie. Mage huno hu-maineane.
18
Anumaya Kotia mage huno hie ageho mani kanoa nagai aliya kano maisia yafe ago hapali-
tenoe. Ani kanohena aluya huna musena nehuna nahau-mainea kanoe. Nagaya
Avamunia amisugeno nagayama fatago huna yagai-matesua kehena mukia Yuta
vea omainaya veala hama-paigahie.
19
Agaya kea ovaino ala kenake ohugahigi
katega veamoya nagola agea ohavigahae.
20
Nagoma fagagi mainesia hopama
alino kofa ohuno ania huno fulu fuluma hu-mainaya veamomogamina kayona
oamamigahie. Asu hugahema hisia kanila asu ohuno ania huno fulu fuluma hu-
mainaya veamomogamina kayona oamamigahianagino agaia fatago kavala huge
huge hisiana ani fatago kavaamoa havi kavamona agaseno haigahie.
21
Haisiana
muki mopale Yuta vea omainaya veamoya agai agihe haviya amakupi maleya
amametiti hugahae.
Yisasifena Pielesepulia Kefo Avamumo kava kanoene aliyana nealine. huya hu-
mainae.
22
Nago kanomona Kefo Avamumoa aguafi maineno aulaga alino asu huno avefuna
alino ai-yahae higeno agea noaiyanagiya Yisasite avaleya ageno Yisasia ani Kefo Avamula
anati-talegeno vigeno ani kanomoa aulaga age-gali huno ageteno agea aino kea kea hie.
23
Ani kava higeya alitalu hu-mainaya veamoya ageteya tusi amamayo ai-mainae. Amamayo
aigeya mage hae Mani kanomoa Tevitina aginagomo maineo? Anumaya Kotia taugafa ali-
gatigahema hutea kano maineo? huya hae.
24
Hageya Falasia vayamoya haviteya mage hae
Pielesepulia Kefo Avamuyagale kava hu-mainea kanomoa tokiyaa amigeno Kefo
Avamumona anati-neatale. huya hae.
25
Hageno Yisasia amakupi haviya amaku amakesa
ago haviteno mage hie Mukia nagoke kotega veamoya aye-fako huya tuma hisayana ani
kotega veanene haviya hu-lavigahae. Nago kumate afamopina aye-fako huya Alu vaya
mainone. huya tuma hisayana ani kumaene afamoene haviya hu-lavigahae.
26
Satania agaia
aliya Avamuyagamona anati-talesiana agaia nofi vayama aye-fako huya Alu vaya mainone.
huya hisayana Satania kava yagaisia tokiyaa hanaa huno hanegahie?
27
Nagaifena Kagaya
Pielesepulimo tokiyaleti anati-neatalane. hutama hayanagi tamakaitami anagatamimoa Kefo
Avamula anati-talageno Pielesepulimo amakaila amaya nehio? Ani anagatamia amakaiami
manima haya kea ali fako huya tamave-neliye.
28
Tamage nagaya Anumaya Koti Avamumo
tokiyaleti ani Kefo Avamuyaga anati-neataloafe Anumaya Kotia kava yagaisia kanamoa
tamakaitela ago emaine.
29
Nagola tokiyaage kanomoma nomaafima nago kanomoa musufa ya hugahe vinunoa
hagoteno ani tokiya kanomona nofiteti ki-teteno afenoyamaa musufa yana hugahie. Nagaya
ania hu-mainoafe Satanina agasena nofiteti ki-tetena agai Avamula ago anati-talenoe.
30
Nagoa veamoya nagai kanapa veane omaisayana kame vayania mainae. Sipi sipinima
naya huya ali-taluma ohisaya veamoya amanati-neatalae.
31
Naa hu-maineafe nagaya tamaha-nepauve mukia alu kefo ya alu kefo yaene hu-haviya
hu-neataya yaene Anumaya Kotia aigeama-teno ani kefo yaamia atale-ma-tegahianagi nagoa
veanemoya Alu aotage Avamumofema hu-haviya hu-tesayana Anumaya Kotia aigema-teno
ani kefo yaamia atale-oama-tegahie.
32
Nagoa veamoya ikapinagati emainoa kanoa vayamo
natenea kanomonihema hu-haviya hu-natesayana Anumaya Kotia aigeama-teno ani kefo
yaamia atale-ma-tegahianagi nagoa veamoya Alu Aotage Avamumofema hu-haviya hu-
tesayana Anumaya Kotia aigeamateno ani kefo yaamia meni kanafiene haenagama falote
hisia kanafiene agola atale-oama-tegahie.
Havi yosamoa havi yosalaga neaye.
33
Kanale yosama hanesigenoa alagaamoenena kanaleya hugahie. Havi yosama
hanesigenoa alagaamoenena haviya hugahie. Veamoya yosalaga ageteya kanale yosalaga
hanesigeyahena Kanale yosa hane. huya hugahae.
34
Tamakaya osifavemo
nafaneyagamogatama havi vayalagitama hanaa hutama kanale kea hugahae? Veamoya
amaku amakesafinaga havateteno ai-vali-lavi-mainea kea amavayafiti hu-falote nehae.
35
Fatago huya mainaya veamoya kanale amaku amakesa havilineya kanale kavala
nehayanagi kefo yama nehaya veamoya havi amaku amakesa havi-lineya havi kavakeya
nehae.
36
Nagaya tamaha-nepauve Anumaya Kotia veala kaiyekema hu-ma-teno ali fako hisia
yupa mukia veamoya amakesa ohavi ke huya hu-haviya hu-ma-tenesaya kehena Anumaya
Kotia hama-vi-gegahie.
37
Hu-mainesana keleti Anumaya Kotia kagaifena Havi kavala
ohunane. huno hu-ga-tegahianagi hu-mainesana keleti Kefo ya hu-mainane. huno hu-ga-
tegahie.
Nagoa veamoya Tokiyaage avame yana hugeta agamano. huya hu-mainae.
38
Nagoa kahegi kema havilinaya anagaene Falasia vayaene Yisasife mage huya hae
Huma-ve-nelina kanomogae tokiya avame yana tavelio. huya hae.
39
Hageno Yisasia mage
huno hama-paiye Ma kanafima mainaya veamoya tusiya huya havi veane mainae. Anumaya
Kotina amakaveno hu-tenaya veane mainae. Tokiyaage avame yana tavelio. hutama
nehayanagi alu avame yana Anumaya Kotia otamamigahigi nagoke avame yake tama-ve-
ligahie. Nayoma mainea Anumaya Koti aune kanoa Yonama hu-mainea avame yamaage
tama-ve-ligahue.
40
Yonana ala noyamemoa asaga huno nakaigeno tagufa (3) kegeene
felugaene aipafinaga mainea kava huna ikapinagati emainoa kanoa vayamo natenea
kanomona he-vai-natesagena tagufa (3) kegeene felugaene mopafinaga maigahue.
41
Ninive
kumate mainaya veamogamina Yonaa Anumaya Koti kea hama-paigeya kefo yaamihena
amaipa aiyahae hu-mainagi haviho menia Yonana agase-mainea kanoa ma mainegetama
tamakaya kefo yatamihena tamaipa ai-yahae nohae. Tamaipa ai-yahae nohayafe Anumaya
Kotia kaiyekema hu-lama-tesia kanamoa nayoma Ninive kumate mainaya veamoya hetiya
menia ma kanafima mainaya veamoya kefo yama hu-mainaya yafena hu-falote hu-lama-
tegahae.
42
Nagola alu haupalegati emainea sauve amoa mopamona atupaleti eno
Solomonina kanale agu agesaene kanomo kea me havigahe emaine. Emaineanagi haviho
Solomonina agase-mainea kanoa ma mainegetama tamakaya agai kea nohaviye. Nohaviyafe
Anumaya Kotia kaiyekema hu-lama-tesia yupa ani amoa hetino menia ma kanafima
mainetama kefo yama nehutama agai kema nohaviya yafena hu-falote hu-lama-tegahie.
Kefo Avamua eteno emaine.
43
Nagola Kefo Avamumoa vaya aguafi haino maineleti ataleno viayamo hau hu-mainea
kopinaga mo vaiyatete huno mai-faluma hisia kumafena ati yegeteana mai-falu hisia kumala
oagene.
44
Oageno Hagotena maigena emainoa agu nopi etena umaigahue. huno huteno
mogeana ani agu nopina vayala omaigeno ago sese huno kanale ya hu-malenegeno moge-
maine.
45
Mogeteno eteno viayamo sevenia (7) kefo yaamimoma agase-mainaya Kefo
Avamuyaga momavaleno egeya ani agu nopi hai-faleya mainageno hagoteno ani kanomoa
nagoke Kefo Avamumo agu nopina mainegeno haviya huno maineanagino menia kasagoya
Kefo Avamumo agu nopina haiya maigeno tusia kefo yatafa huno maine. Ani kavala
menima mainetama kefo yama nehaya veamogatama hu-lama-tegahie huno hu-maine.
Yisasina itaamoene aganaamoyaenena taya mainae?
46
Yisasia mani kea veamogamina hama-nepaigeya itaamoene aganaamoyaene Kea me
hapaisune. huya kumatega emainae.
47
Emainageno nago kanomoa Yisasife mage huno me
hapaiye Itakamoene kaganakamoyaene kea kaha-paigahe kumate me hetiya mainae. huno
hie.
48
Higeno Yisasia mage huno hie Itanimoene nagananimoyaenena taya mainae? huno
havi-ge.
49
Havigeteno agaiaenema tokaeya nemaiya anagatega ayana hagayu huno mage
huno hie Ageho itanimoya nagananimoya ma mainae.
50
Ikapinagama mainea Nenafana
haiya kava huya avayama ali hipoya nehaya veamoya nagaila itanimoya nagananimoya
nasanimoya mainae. huno hu-maine.
Matiu Matiu
<<
12 12
>>
Matiu Matiu
<<
13 13
>>
13
Nago kanomoa viti avina hoyafi fai-malenea avame kea Yisasia hu-maine.
1
Ani yupa Yisasia nopinagati hati-lavino tikotumo agegayalega mopale umaine.
2
Mopale mainegeya kasagoya veamoya agaitega melitalu huya yageyage haya yafe tipi kalefi
hai-saga huno mainegeya yageyage haya veala ti agegayalega hetiya mainae.
3
Heti-
mainageno Yisasia alu ke alu kea avame kefiti mage huno hama-pai-maine
Nago kanomoa viti avina faigahe alino vie.
4
Viayamo ani avina alino ai-he-lafino
nefaigeno nagoa avinamoa kapi tavino hanegeno namayagamoya nageno hano hie.
5
Nagoa
avinamoa yafa mopafi taviteno osi mopa hanea yafe aupaa hage-maine.
6
Hagetegeno
yagemoa hetino amuko-nako higeno hafuya omalea yafe fayoteno asagali-maine.
7
Nagoa
avinayagamoa avetanafa ino hanea amunopi tavino hageanagi avetanafa hanea inoene
tokaeno hageteno avetanafa inomoa ayetegeno haviya hu-maine.
8
Nagoa avinamoa kanale
mopafi tavino hageteno alagaama ayeana nagoa yosalela tetia (30) alaga ayegeno nagoa
yosalela sikisitia (60) alaga ayegeno nagoa yosalela kasagoya alaga vani hataletia (100)
ayeno vasai-mai vasai-mai hu-maine.
9
Mani kea tamakesama hanesigetamahena havilama
hutama haviho. huno hie.
Yisasia na agesa hanegeno avame keagela hu-maine.
10
Agaiaenema tokaeya nemaiya anagamoya mage huya havigae Naa higeka avame
kefitila veamogamina hama-nepaine? huya havigae.
11
Hageno Yisasia mage hie Tamakaya
Anumaya Kotia kava yagai-lama-teneanagitama falaki mainea kemona Anumaya Kotia
tamaya higetama ago havi-linagi mukia veamoya avame kema hama-paisugeya amakesa
havigahayanagi haviteya havilama huya ohavigahae.
12
Havilama huya havilinaya
veamogamina Anumaya Kotia nagoene havisaya yana amamisigeya havilama huya
havigahagi Hai nehavune. huno hisaya veamogamina havilinayamaa hamanafalegahie.
huno hie.
13
Ani veamoya neagayanagi agelama huya oagegahae. Amakesa havigahayanagi
haviteya havilama huya ohavisayafe avame kefiti hama-nepauve.
14
Ani kavama nehaya
yafena Aisaiyaa Anumaya Koti aune kanomoa hu-mainea kemoa ago falote huno tamage
hie. Mage huno hu-maineane
Tamakaila tamakesamoa havime havime haigahianagi ani kemona aepaa havilama hutama
ohavigahae. Tamaulagamoa ageme geme haigahianagi nago yana agelama hutama
ohugahae.
15
Kemona aepaa ohavisaya yafe amaku amakesa omale veane mainae.
Amakesamoa ani ke ohavisiafene huno amakesamoa tile-maine. Amaulagamoa ani
yana oagesayafene huno ago asu hu-maine. Havigu ani kea haviya amakua ai-
yahae huya nagaitega esagena ali hilato hu-lama-teyafene. huno higeya kae-
malenayane.
16
Anumaya Kotia tamakaila tamaulaga kanaleya hutama neagaya yaene tamakesama
nehaviya yaene tamaminea yafena tusia muse hutama maiho.
17
Tamage huna tamaha-
nepauve Nayona mukia mainaya amaune vayaene fatago kavama hu-mainaya vayaene
tamakayama neagaya yana Agesune. huya hayanagi oagenae. Nehaviya kea Havisune.
huya hayanagi ohavinayane. huno hama-pai-maine.
Viti avinamo avame kemona Yisasia aepaa hu-haleno hu-maine.
18
Avina yama fai-malenea kanomo avame kemona aepaa hu-falote huna tamaha-
paisue.
19
Kapima tavi-mainea avinamoa maa hu-maine nagoa veamoya Anumaya Koti kava
yagai-latesia kea haviteya havilama ohageno Satania eno amakuafiti anima fai-malenea kea
ali-talene.
20-21
Yafa mopafima tavi-mainea avinamoa maa hu-maine nagoa veamoya
Anumaya Koti kea haviya muse huteya aupaa atafa hayanagi hafuya mopafi otavia yamoa
alige atalege veane maineya osi kana kanoa osia haviya amakupi maletageya nagoa veamoya
ani kea heya fala-negiya yafe havi kanamoma amakaite falote nehiana aupaa Anumaya Koti
kea neatalae.
22
Avetanafa ino hanea amunopima tavi-mainea avinamoa maa hu-maine nagoa
veamoya Anumaya Koti kea haviteya ma mopafi mukia yayagaamihena amakesa haviya
moneamiene yokaloamienefe kalagi aigeno ani yayagamoa Anumaya Koti kea alino aiso hu-
malegeya atalageno alagamoa aye he-lafino lama nohie.
23
Kanale mopafima tavi-mainea
avinamoa maa hu-maine nagoa veamoya Anumaya Koti kea haviteya havilama hageno anifiti
alaga mukia aye he-nelafie. Nagoa veamoya nagoke avina yosalela kasagoya vani hataletia
(100) aye-maine. Nagoa veamoya nagoke avina yosalela sikisitia (60) alaga aye-maine.
Nagoa veamoya nagoke avina yosalela tetia (30) alaga aye-maine. huno hu-maine.
Hoyafima havi inomoma hage mainea inomo avame ke hu-maine.
24
Yisasia nago avame kea mage huno hama-paiye. Anumaya Kotia kava yagai-lama-
tesia yamoa maa hu-maine nago kanomoa kanale avina yana hoyaafina fai-malene.
25
Fai-
malenegeya veamoya faeya mainageno kame kanomoa havi inomo alaga alino ani hoyafi ai-
he-lafino umaine.
26
Utegeno haenaga ani viti alagamoa neayegeno havi ino talamoa anifiti
hageno nagopi hai-mainae.
27
Haigeya aliya vayamoya hoyamona nefate mage huya mo hae
Ala kanomogae kanale avinama hoyakaafima fai-malananagi naa higeno havi ino talamoa
anifitila falote nehie? huya havigae.
28
Havigageno hoyamona nefaa mage huno hie Nagola
kame kanomo mani kavala me hu-malene. huno higeya aliya vayamoya mage huya havigae
Tagaya kanale uta havi inona vakai-talesuno? huya havigae.
29
Havigageno ani hoyamona
nefaa mage hie Aao, mo vakai-talesayana havigu kanale avinaene vakai-taleyafenagi
ataleho.
30
Atalegeana nagopi tokaeana haneo. Kavema afule yupa hoya aliya vayania mage
huna hama-paigahue Hagotetama ino talana hakaitama atafi kaesayafe haya kitetama
nemaletama anile kanale avinamo yosaa alitalu hutama kave noniafi maleho. huna hugahue.
huno hu-maine.
Masatatia osi avina kanoale avame ke hu-maleno hu-maine.
31
Yisasia nagola avame kea hama-paino mage huno hie Anumaya Koti kava yagai-
lamatesia yamoa maa hu-maine nago kanomoa masatati avina alino hoyafi fai-malene. Ani
yosamo avina kanoa oagemo avina kanoa haneanagino mukia alu alagayagamoya ani alaga
kanoa agasageno osi hu-maine.
32
Nago kanomoa ani avina kanoa alino hoyafi fai-malegeno
hageno ala huteno mukia hoyafima hanea yosayaga agaseno yosa haigeya namayagamoya
me kale-maineya ani yosamo akopale noamia kigahae. huno hu-maine.
Kai hamema hale negia yamote avame kea hu-maleno hu-maine.
33
Yisasia nago avame kea mage huno hama-paiye Anumaya Kotia kava yagai-lama-
tesia yamoa kai-hamema hale-negia avamete hu-maine. Nago amoa ani kai-hamema halegisia
yana alino talia (3) ala yopafi tanefa falauvaene ali havigu higeno haenagaa mukia tanefa
palauvamoa halegi-maine. huno hie.
Yisasia avame kegeya hu-maine.
34
Yisasia melitalu haya veamogamina mukia kema hama-paiya kea avame kegeya
hama-nepaino nagola kea hu-falote huno hamaopaine.
35
Ani kavama hia yafena nagola
Anumaya Koti aune kanomoa hu-mainea kemoa ago falote huno tamage hie. Ani kea mage
huno hu-maineane
Nagaya avame kea hu-falote nehuna nayoma ma mopama taloma hu-malenea kanaletima
fala-ki-mainea kea menia hama-paigahue. huno hu-maineane.
Yisasia havi inomo avame kemona hu-haleno hu-maine.
36
Yisasia anima melitalu hu-mainaya veala amataleno nopinaga vigeya agaiaenema
tokaeya nemaiya anagamoya mage huya me hae Havi inomoma hoyafima falote nehia
avame kemona aepaa hu-halegeta havimano. huya hae.
37
Hageno Yisasia kenonaamia
mage huno hie Kanale avinama fai-malenea kanoa ikapinagati emainoa kanoa vayamo
natenea kanoa nagaya mainoe.
38
Mukia ma mopa ani hoyae. Anumaya Kotife Kava yagai-
lato. huya nehaya veala ani kanale avina mainae. Satani kema akave nemalaya veala havi ino
mainae.
39
Kame kanoa havi inoma fai-malenea kanoa Satanie. Kavema afulesia yupa ma
mopama hano hisia kanae. Mani hoyafi aliya vayala Anumaya Kotina ensole vayaae.
40
Ani
havi inoma alitalu huya mukia atafi kae-talesaya yana ma mopama hano hisia yupa ania
hugahae.
41
Ikapinagati emainoa kanoa vayamo natena kanomonia ensole vayania hu-ma-
tesugeya mukia veamoya neamafugamina Kefo kava hiho. huya ali haviyama hu-
mainesaya veanene Anumaya Koti kema ali-tagae-mainesaya veanene Anumaya Kotia kava
yagai-mainea yapitila amavaleya hagayu hu-talegahae.
42
Ala atagefafi hagayu hu-ma-
talegahae. Ani atamoa teno neamasagalisigeya amakata yana nealiya avovo huya avi neateya
amave kemoa hugahae.
43
Havi veanea atafina kaegahayanagi fatago amaku amakesaene
veala Neamafaa kava yagai-mainea kumatela hai-faleya maineya yagemoma aye halea kava
hugahae. Agesama hanesia kanomoa havilama huno havisie.
Mone keayola mopafi he-vai-malenaya keayomote avame kea hu-maine.
44
Anumaya Kotia kava yagai-mainea yamoa maa hu-maine nagola mone keayola
hoyafi he-vai-malenaya avamete hu-maine. He-vai-malenegeno nago kanomoa mopafiti
moli-falote huteno eteno anifi he-vai-maleteno tusi muse huno aupaa Ma mopa miya
hisugeno nagai ya hapaesie. huno mukia afenoyamaa moli meli huno monea aliteno ani
mopa miya hu-maine.
Nago kanomoa miyamoa hai-mainea kitana kana yamote avame kea hu-maine.
45-46
Anumaya Kotia kava yagai-mainea yamoa maa hu-maine. Nago kanomoa kitana
kana yafena atiyege yegeteno nagola miyamoa hai-mainea kitana kana yana alino falote hu-
maine. Higeno Ala mone namio. huno higeno mukia afenomaa moli meli huno mukia
yamaa ataleteno monea alino ani kitana kana yana miya hu-malene.
Noyame kukonagomote hu-maleno avame ke hu-maine.
47
Nago kene hugahue. Anumaya Kotia kava yagai-mainea yamoa maa hu-maine nagola
noyame kukonagoma ti kotupima hagayu hu-talegenoa alu noyamea alu noyamea hagagino
fale-mainea avamete hu-maine.
48
Ani kukonagopina hiya higeya ti agegayalega he-vayu huya
maleneya kanale noyameyaga yopafi yogiya nemaleya havi noyamea aliya hagayu hu-
neatalae.
49
Ma mopama hano hisia yupa ani kava hugahae. Ensole vayamoya kefo yama hu-
mainesaya veanene fatago kavama hu-mainesaya veanene amunopiti ali fako hugahae.
50
Huteya ani kefo veala amavaleya tusia ata nelesia atafi hagayu hu-talesageno atamoa teno
neamasagalisigeya amakata aisigeya avovo huya amave kemo nehuya avitegahae.
51
Yisasia mage huno hama-vige Tamakaya mani kemona aepaa havilinafi ohavinae?
huno higeya E, havilinone. huya hae.
52
Hageno mage huno hama-paiye Tamakaya mono
kea havilinaya vayamogatama menia nagai kea nehaviya veane mainagi ania hutama nayoma
Anumaya Koti kea hu-mainaya kene menima tamaha-nepauva kea Anumaya Kotia kava
yagai-lama-tesia kenena havitetama ala afeno nomona nefaa atafa kanale yaene haegafa
kanale yaene nopiti alino neamamia avamete hutama atafa kene yaufa kene hu-haletama
hiho.
Nasaleti veamoya Yisasina amakaveno hu-tenae.
53
Yisasia ani avame kea hu-hano huteno ani kumala ataleno umaine.
54
Uteno ko
aepaalega Nasaleti uvayi huno mono nopi haino Anumaya Koti kea hama-paigeya mukia
veamoya atali talu huteya mage hae Mani kea haviyaami hanea vayamogami avamete kea
mukia hanateti alia ke nehie? Ayapitima tokiyaa avame yama hu-mainea tokiyaa hanateti ali-
maine?
55
Mani kanoa noma negia kanomo nafaneo? Malia nafaneo? Yemesiene Yosefeene
Saimoniene Yutasienena aganaamoya mainao?
56
Mukia asaamoya tagaiene nagopi mainagi
agaya mukia tokiya yana hanateti ali-maine. huya hae.
57
Huteya amaipa kafa heteya
amakaveno hu-tageno Yisasia mage huno hie Anumaya Koti kema nehisia kanomoa mukia
kumatema mono kema hama-paisiana agia alisaga hugahayanagi agaia afamoene no kumaale
veanenena agia alisaga ohugahae. huno hu-maine.
58
Higeno agaife haviya amakupi maleya
amametitima ohaya yafe ani kumatela kasagoya tokiya avame yana ohune.
Matiu Matiu
<<
13 13
>>
Matiu Matiu
<<
14 14
>>
14
Helotia Yisasifena Li fale-neamatea Yonie. huno agesa havimaine.
1
Ani kanafina Helotia sauve kanogino Yisasia mukiama hu-mainea kavamona avagea
havimaine.
2
Haviteno Helotia agaia aliya vayaahe mage huno hie Ma kanoa Yonie, tima
fale-neama-tea kanoa, fali-mainefitila ago heti-maineafe ayapitila tokiyaage avame yana
nehie. huno hie.
3-4
Helotina aganaamo agia Filipie. Filipi amo agia Helotiasie. Helotia Helotiasina kumai
a ali-tenea yafe Yonia Helotife mage huno hie Anumaya Koti kea ali-tagaeka ali-tenane.
huno hu-mainea yateti Helotia Yonina atafa huno tokiya nofiteti nofi kiteteno kina nopi hu-
tene.
5
Nofi huteteno Helotia Yonifena Haesugeno falisie. huno hianagi mukia
veamogamife koli hu-maine. Ani veamoya Yonifena Aune kano maine. huya haya yafe
ohaene.
6
Ohaenegi nago yupa, Helotina atenea kanahe, huya muse hu-taya yupa nagoa
veamoya Helotiene melitalu hu-mainageno Helotiasina munaamoa mukia veamogami
amunopi amoa aye-maine. Neayegeno anima ayea yafena Helotia tusiya huno musena hu-
maine.
7
Nehuno ani munafena mage huno hie Nagaya tamage Anumaya Koti aulagafi kaha-
nepauve kahaisia yafena hisanagena afaa kamigahue. huno hu-maine.
8
Higeno ani
munamona itaamoa nagoa agu agesa amiteno mage huno hie Yonia ti fale-neama-tea
kanomo ageya fakalika agenopaa ai-fakalika yopafi maleteka me namio. huno hie.
9
Higenoa ala sauve kanomo aipamoa tusia kanaage higeno Anumaya Koti aulagafima huno
lokiya vai-malea yafeene mainaya vayaamofeene agesa haviteno aliya vayaahe mage hie
Ani munamo kea ali hipoya hiho. huno hu-maine.
10
Huteno aliya vayaa hu-mategeya kina
nopinaga Yonina ageya mo fakali-talenae.
11
Fakaliteya hatagama haya anumaa yopafi
maleteya ani munala aliya memigeno itaamotega alino umaine.
12
Yoni anagamoya augafaa
me hipoya huya mo he-vai-teteya Yisasina mo hapai-mainae.
Yisasia faefu tausenia (5,000) vayamogamina kavela amamine.
13
Hapaigeno Yisasia ani kea haviteno tipi kalefi haisaga hu-maino kame kotega umaine.
Vigeya mukia veamoya ani kea haviteya kumaamileti mopafi akave uya anile umainae.
14
Yisasia tipi kalefiti hati-lavino ti agegayalaga maineno ageana kasagoya melitalu hu-
mainaya veamogamina amaketeno kalagi ai-mateno kali nealiya veala alino kanale hu-ma-
tene.
15
Une kigeya agaiene tokaeya nemaiya anagamoya agaite mage huya me hae Tagaya
vaya omai kaiyaga mainonanagino hani-kisia yafe mukia veamogamina hu-ma-tesanageya
kumama hanesilega ute ete huya nesaya kavela miya hisae. huya hae.
16
Hageno Yisasia
mage huno hama-paiye Naa hinageya ugahae? Tamakaitami kavela amamiho. huno hie.
17
Higeya mage hae Tagaipina osi kave kanoa hane faefua (5) mayaene tole noyame
kanoagi huno hane. huya hae.
18
Hageno Ani kavela alitama eho. huno hu-maine.
19
Huteno Yisasia mage hie Mukiamogatama alitalu hute hute hutama apete mopale maiho.
huno higeya mopale mainageno Yisasia faefua (5) mayaene tole noyamene alino ikapinaga
age-saga huno Anumaya Kotitega huno muse huteno ani maya kolino agaiaenema tokaeya
nemaiya anagaa amamigeya mukia veala amamite amamite hu-mainae.
20
Hageya mukia
nageno amamu higeya atalaya atupa-tapaa aliya tuelufua (12) kula ai-hava-te-mainae.
21
Kavema naya vayayaga faefu tausenia (5,000) vemoya ne-mainae. Ne-mainagi ane
nafaneamia ohapalinae. Ohavunamaa ane nafanene ne-mainae.
Yisasia timo agupile umainae.
22
Netageno Yisasia agaiaenema tokaeya nemaiya anagamogamina mage huno hama-
paiye Tamakaya nagaila nataletama tipi kalefi haisaga hu-maitama atu kaiyaga hagotetama
utegena nagaya veala hu-ma-tesugeya viho.
23
Hu-ma-tegeya utageno agaiage
Anumayamotega havigegahe agoyafi haino agaiage mainegeno hani-ki-maine.
24
Hani-ki-
geno tipi kalea ti amunopi utegeno yasimoa aulegati eno ani lipi kalea molino mo ai-yahae
me ai-yahae hu-maine.
25
Koti avametega Yisasia timo agupile aiya aiyeme aiyeme tipi
kalema hanelega umaine.
26
Nevigeya ani anagamoya Yisasia ti agupilema aiya ayeme ayeme
eayana ageteya tusia amamayo aiteya mage hae Hakalo neefi? huya Avovo. hae.
27
Avovo nehageno aupaa Yisasia mage huno hie Kolia ohutama maiho. Nagaya neogi
tokiyaage hutama maiho. huno hie.
28
Higeno Pitaa kenonaa mage huno hie
Anumayamogae kagayama mainenuka nagaifena Timo agupile kaiya ayeme yeme eno.
huka hugena vano. huno hie.
29
Higeno Yisasia Pitafe mage hie Kagaya elavika eno. huno
hapaigeno Pitaa tipi kalefitila hati-lavino timo agupile aiya ayeme yeme Yisasitega ugahe hie.
30
Ugahe hianagi ala yasimoma tokiyaage huno eayate ageteno koli huno tipi hapanesia ya
huteno mage hie Anumayamogae naugafa ali-gatio. huno hie.
31
Higeno aupaa Yisasia
ayana hagayu huno Pitana atafa huteno mage huno hie Kagaya nagaifena havika osi kanoa
kagupina maleka kametitia hu-mainana kanomogae naa higeka tole kagesa nehavine? huno
hu-maine.
32
Naa huteana tipi kalefi haisaga hu-maiageno yasimoa taga hu-maine.
33
Taga
higeya tipi kalefima mainaya vayamoya Yisasife muse huya agia alisaga huya mage hae
Tamage kagaya Anumaya Koti nafane mainane. huya hu-mainae.
Yisasia kasagoya Kenesale kumate kali vayala alino kanale hu-ma-tene.
34
Ani ti kotumona takaeya Kenesale kotega uvayi hu-mainae.
35
Vigeya ani kumate
veamoya Yisasina age-lama huya ageteya alu kumate kumate ke huya mage hae Kali veala
amavaletama eho. huya hageya kali veala amavaleya Yisasite emainae.
36
Kali nealiya
veamoya emaineya Yisasife mage huya havigae Kenakamo atupalekeya avate hisune.
huya nehuya avate hu-mainaya veamogamina kalimoa kanale hu-ma-tene.
Matiu Matiu
<<
14 14
>>
Matiu Matiu
<<
15 15
>>
15
Anumaya Kotia kahegi kemoa tototimogami kahegi kemona agase-maine.
1-2
Ani yupa nagoa Falasia vayaene kahegi kema havilinaya anagaene Yelusalemuti
Yisasite eya mage huya hae Naa higeya kagaienema tokaeya nemaiya anagamoya
taginagomogami kea ali-tagaeya kavema negahena amayana sese nohae? huya havigae.
3
Hageno Yisasia kenonaamia mage hie Naa higetama tamakinagomogami auavala akavema
malaya yafe Anumaya Koti kahegi kea ago neatagayae?
4
Anumaya Kotia agaia autamafina
mage huno hu-maineane.
Tamakaya itatami afotamimogami amakia alisaga nehutama keamia veganokano ohutama
amaiyaafinaga maiho. Nago kanomoga itakafokamona kamugema vaitenukahena
faligane. huno hu-maineane.
5-6
Hu-maineanagi tamakaya mage hutama nehae Nago kanomoa itaafoamogani anaya hisia
monema hanesigenoma itaafoamoganima anaya ohinunoa mage huno hisie Ani monea
Anumaya Kotina amisua yane huna hu-mainoe. huno hinunoa nefana aya huno agia alisaga
ohisie. hutama nehae. Ani ke nehutama tamakinagomogami auavala akavema malaya yafe
Anumaya Koti kea afa ya kana nehie. nehutama alitama neatagayae.
7-8
Tamakaya vagala
vaya mainae. Aisaiyaa Anumaya Koti aune kanomoa tamakaifena tamage huno Anumaya
Koti autamafina mage huno hu-maineane
Ani nofi veamoya amavayaleti nagai nagia alisaga nehagi amakuamoa aluale hanegeya ani
kavala nehae.
9
Ma mopafi veamoya malenaya kahegi kehena Mamona Anumaya
Koti ke hanegi akave maleho. huya nehayanagi nagai nagia alisaga nehayanagi afa
kava maiya nehae. huno kae-maleneane.
Yisasia veamogami amakuama ali haviya nehia yafe hu-maine.
10
Yisasia agaite esae huno kasagoya veamogamifena ke higeya ageno mage huno hie
Tamakaya mani kea havilama hutama haviho.
11
Nagola tamavayafima nesaya yamoa
tamakuamona alino oniyaagela ohugahigi tamavayafitima hati-lavisia yamo ali-falote hisigeno
tamakuamoa oniyaagela hugahie. huno hu-maine.
12
Higeya agaiaenema tokaeya nemaiya anagamoya Yisasife mage huya hae Falasia
vayamoya ani kea haviteya amaipa kafa he-gataya kea ago havimainano? huya hae.
13
Hageno Yisasia mage huno hama-paiye Ikapinaga mainea Nenafaa okalinesia yana agaia
mevakaino hafuyaene tagasi hugahie.
14
Tamakaya mani vayafena tamakesa ohaviho.
Amaulaga asu hu-mainea vaya mainae. Nagoma aulaga asu hu-mainea kanomoa nago aulaga
asu hu-mainea afaluamona avaleno vaiyesiana tolemogania komufi asaga hu-lavigae. huno
hie.
15
Higeno Pitaa Yisasife mage hie Kagaya mani avame kemo aepaa hugeta havimano.
huno hie.
16
Higeno Yisasia mage huno hie Tamakaya meni kanaene havilama ohunetama
nehao?
17
Tamakaya ohavinao? Mukia yama tamavayafi nageno tamakuafina ounogi
tamaipafike taviteno haenagaa aifayolagafi tavino afa ya kana nehie.
18
Afa ya kana nehianagi
nago yana tamavayafitima hati-lavia kemoa tamakupiti falote huno tamakuamona alino
oniyaagela nehie.
19
Tamakuafinagati efalote hia yana maa huno falote nehie kanale ohu tagu
tagesa nehavuna yaene vaya he-fali kavaene alu kanomo ane avayu hu yaene ane munanele
kumai he yaene musufaya hu yaene havige hu-ma-te yaene kamuge vai-ma-te yaene
taguafitila ali falote nehie.
20
Naama haya yafe tamakupina oniyaagela tamahau-mainegi
veamoya amayama sese ohuya kavema naya yamoa amakupina oniyaagela ohugahie. huno
hu-maine.
Kenani amoa Yisasina agua amitafa hu-maine.
21
Yisasia nemaiya kumala ataleno Taiya kotegaene Saitoni kotegaene umaine.
22
Umainegeno nagola anile mainea Kenani amoa, Yuta vea omainea amoa, agaife ke huno
mage me hie Ala kanomogae, Tevitina aginagomoga, nagaila kahau hunato. Kefo
Avamumoa nagai munala aguafi faleno maineno tusi havi kava hu-nea-te. huno hie.
23
Higeno Yisasia nagola osi ke kanoa ohunegi agaiaenema tokaeya nemaiya anagamoya
agaife mage me hae Ani amoa tagai takave neeno tusiya huno keha keha nehuno tutu nehigi
kagaya hu-tegeno vino. huya hae.
24
Yisasia mage hie Isalelima vayagi-mainea sipi sipileke
Anumaya Kotia hu-na-tegena emainoe. huno hie.
25
Higeno ani amoa Yisasi aiyafi aleya
meye-maineno mage huno hie Ala kanomogae naya huo. huno hie.
26
Higeno Yisasia
mage huno hie Havigu nafaneyagamogami kave hama-faleya kalamogami amamisagi
nagaya Isaleli veala amatalena alu vayane amaya hisuana haviya hugahie. huno hie.
27
Higeno ani amoa mage huno hie Ala kanomogae tamage nehananagi kalamogamina
neamafaya nenageya kalamoya sipaletima asaga hu-lavia atupaa yogiya nenae. Kagaya ani
kava huka nagaya Isaleli a omainogi osia nahamao. huno hie.
28
Higeno Yisasia mage hie
Amogae tusiya huka nagaifena havika kagupi maleka kametiti hanafe nahavigana yana
kamigahue. huno nehigeno ani kana kanoale munaamona kanale hu-tene.
Yisasia kasagoya kali veane alino kanale hu-ma-tene.
29
Yisasia ani kumala ataleno Kalili ti kotumo agegayalega uteno nago agoyafi haino
mopale maine.
30
Mainegeya kasagoya veala agaite melitalu nehuya aiya avayu hu-mainea
veanene aiya aya haviya hu-mainea veanene amaulaga asu hu-mainea veanene age tagane-
mai veanene nagoa kali veanene amavaleya Yisasina aiyafi mematageno alino kanale hu-ma-
tene.
31
Kanale hu-ma-tegeya mukia veala agayana higeya tusia amamayo ai-mainae. Age
tagane-mai veamoya kaiyeke hageya amaiya amayamo kayagi-mai veamogamina amaiya
amayamoa kanale higeya amaiya haviya hu-mainea veamogami amaiyamoa kanale higeya
nevageya amaulaga asu hu-mainea veamogami amaulagamoa kanale higeya amaulaga age-
mainae. Naama haya yate ageteya Isaleli veamogami Anumaya Koti agia alisaga hu-mainae.
Yisasia fo tausenia vaya (4,000) kave amamine.
32
Yisasia agaiaenema tokaeya nemaiya anagafe ke higeya ageno mage hie Mani
veamoya talia (3) yupa nagaiene mainageno nesaya kaveamia omalea yafe nahau hu-neama-
toe. Havigu amatalesugeya katega nevisageno amakatesigeya amaugetunatu huya
takatiyafena nonahaiye. huno hie.
33
Higeya agaiaenema tokaeya nemaiya anagamoya mage
huya hapaiye Mani kotega vaya omai kotegagi hanateti kosa hesia maya alita ani veanea
amamisune? huya havigae.
34
Hageno Yisasia mage huno hama-vige Tamakaya namagi
maya hane? huno higeya mage hae Tagaya sevenia (7) mayaage hanegi nagola osi
noyame kanoa hane. huya hapaiye.
35
Hageno Yisasia mukia veafena Mopale maiho.
huno hama-paigeya mopale mainae.
36
Mopale mainageno Yisasia ani sevenia (7) mayaene
noyamene alino Anumayamotega muse huno havigeteno kolite kolite huno agaiaenema
tokaeya nemaiya anagala amamigeya mukia veamogamina amaminae.
37
Amamigeya mukia
veala nageno amamu higeya atalaya maya atupayaga agaiaenema tokaeya nemaiya
anagamoya alitalu huteya sevenia (7) kupi ai-hava-te-mainae.
38
Ani kavema ne-mainaya
venenea fo tausenia (4,000) vemoya ne-mainae. Nafaneyagaamiene aneyagaamiene nayanagi
ohapalinae.
39
Netageno Yisasia hu-mategeya utageno agaia tipi kalefi haisaga hu-maino Magatana
kaiyaga umaine.
Matiu Matiu
<<
15 15
>>
Matiu Matiu
<<
16 16
>>
16
Yisasifena Tokiyaage avame yana hugeta agamano. huya hu-mainae.
1
Falasia vayaene Satiusi vayaene Yisasina meye-vataga hisayafe mage huya me hae
Kagaya ikapinagati tokiya avame yana hugeta agamano. huya hae.
2
Hageno Yisasia mage
huno hie Unena tamakaya mage nehae Ikamoa haesa hianagino ega kanale yage falote
hugahie. hutama nehae.
3
Natepiti hetitama mage nehae siamoa okomaage huno ikamoa ai-
haesa hianagino Menia yasimoene komoene falote hugahie. hutama nehae. Tamage
tamakaya ikana neagetama Naa hugahie. hutama fako nehayanagi meni kanafima falote hia
yana age-lama hutama noagae.
4
Tamakaya meni kanafima mainaya veamogatama tusiya
hutama kefo veane mainae. Anumaya Kotina tamakaveno hu-neataya veane mainae.
Tamakaya Tokiya avame yana hugeta agamano. hutama nagaifena hayanagi nagaya nago
avame yana ohugahuanagi Yonama hu-tenea tokiya avame yamaage tamave-ligahie. huno
huteno Yisasia amataleno umaine.
Falasia vayaene Satiusi vayaenefe Yisasia kai-hame hale-negia yamote avame ke
hu-maine.
5
Yisasienema tokaeya nemaiya anagamoya tikotuna lakaeya vayana amake-kaniya
nagoa maya oaliya umainae.
6
Oaliya vageno Yisasia mage huno hama-paiye Tamakaya
Falasia vayamoyaene Satiusi vayamoyaene amakupi hanea yana age-lama ohuya amavayaleti
havigema nehaya yana kai hame hale-negia avamete huno halegino alakefa hisia yafena kaye
ho. huno hie.
7
Higeya ani vayamoya amakaiami huge havige huya mage hae Tagaya maya
oalita emainona yafe nehie. huya amakaiami hae.
8
Hayanagi Yisasia ani vayamoya haya kea
ago haviteno amakaife mage hie Naa higetama Kavetia alita omenone. hutama
tamakaitamia huge havige nehae. Tamakaya nagaifena osi kanoa havitama tamakupi
maletama tamametitia hu-mainae.
9
Tamakesa omalegetama havilama nohao? Faefua (5)
mayama faefu tausenia (5,000) vemoya ne-mainaya yafena tamakesa nohavio? Netagetama
namagi kupi atalaya maya atupayaga ai-mainone hutama nohavio?
10
Tamakaya sevenia (7)
maya kanoa fo tausenia (4,000) vemoya netagetama namagi kupi aitama havate-mainone
hutama tamakesa nohavio?
11
Nagaya mayahena tamaha-opainogi. Naa higetama ohavinae?
Tamakaya Falasia vayaene Satiusi vayaene amakusafinaga hanea yana agelama ohuneya
amavayaleti havigema nehaya yana kai hamemo hale-negia avamete huno halegino alakefa
hia yafena kaye ho. huno hu-maine.
12
Mani kema higeya haviyana Yisasia afaa Kai hame
maya hale-negia yafe tamaugafa kaye ho. huno ohunegi agaya Falasia vayaene Satiusi
vayamoya nehaya kehe kaye ho. huno hu-maine.
Pitaa hufalote huno Yisasia Anumaya Kotia taugafa ali-gatigahe hu-tenea kano
maine. huno hu-maine.
13
Yisasia Sisalia Filipai kaiyaga uvayi huno agaiaenema tokaeya nemaiya anagafe mage
huno hama-vige Veamoya nagaifena, ikapinagati emainoa kanoa vayamo natenea
kanomonihena tae huya nehae? huno hama-vige.
14
Hamavi-gegeya kenonaa mage huya hae
Nagoa vayamoya kagaifena Yonie, ti fale-neamatea kano, maine huya hageya nagoa
veamoya kagaifena Ilaiya maine huya hageya nagoa veamoya Yelemaiya maine huya hageya
nagoa veamoya nayo Anumaya Koti aune kanoa fali-mainea kano maine huya nehae. huya
hapai-mainae.
15
Hapaigeno Yisasia amakaifena mage huno hama-vige Tamakaya nagaifena
tae hutama nehae? huno hamavi-ge.
16
Hamavi-gegeno Saimoni Pitaa mage huno hie
Kagaya Kalaisigae, Anumaya Kotima taugafa ali-gatigahe hu-ga-tenea kano mainane.
Haimuaene mainea Anumaya Koti neamoga mainane. huno hie.
17
Higeno Yisasia Pitafena
mage huno hapaiye Saimonigae, Yona nafanemoga, mani kea hanafe Anumaya Kotia muse
hisana yana kamine. Nagola ma mopafi kanomoa ani yana kaveotinegi ikapinaga mainea
Nenafa kave-li-maine.
18
Nagaya kaha-nepauve kagaya Pitagae ani kagimo aepaa yafamogae.
Kagaya yafa kana nehananagina nagaya mukia amakua naminaya veala mani yafamo agupile
no kana huna ki-malenesugeya vayama hamae-nefalisaya tokiyaamia anima ki-malesua nona
alino haviya ohugahie.
19
Nagaya Anumaya Kotima kava yagai-mainea kumama yakisana ki
nofila kamigahue. Kagaya ma mopafi maineka Ma yana atafa hutama tokiya vaiho. huka
hisanana Anumaya Kotia agaienena ikapinaga Ani yana atafa hu-liho. huno hugahie.
Kagaya ma mopafi nago yafema Afaa ataleho. hukama hisanana Anumaya Kotia
agaienena ikapinaga ania hugahie. huno hie.
20
Yisasia agaiaenema tokaeya nemaiya anagafe
tokiyaage ke huno mage hie Tamakaya nagoa veala nagaifena Kalaisie, Anumaya Kotima
taugafa aligatigahe hutenea kanoa ma maine. hutama hama-opaiho. huno hu-maine.
Yisasia Falitena etena hetigahue. huno hu-maine.
21
Ani yupa Yisasia agaiaenema tokaeya nemaiya anagafena haenagama falote hisia
yamofe aepa heno amave-li-maine. Mage huno hie Nagaya Yelusalemu visugeya ala
vayaene mono note kava vayaene kahegi kema havilinaya anagaene tusia nagata aisia kava
hu-nateteya nahaesagena faligahue. Falisugeya komufi he-vai-natesagena tole yupa maina
tagufa kanale fali-mainesufitila hetigahue. huno hu-maine.
22
Higeno Pitaa Yisasina faitega
avaleno moteneno aepa heno Yisasife mage hie Anumaya Kotia ani kavala ohisaya amaku
amakesa amamisie. Anumayanimogae kagaila ani kavala hu-okatesae. huno hie.
23
Higeno
Yisasia mai-yahae huno Pitafena mage huno hie Satanigae mai halenato kagaya nagai nagua
ali haviya hugahe nehanagi kagaya Anumaya Koti havimainea aguagesa kanaleya huka
nohavinagi vayamoya kaha-paiya amaku amakesa nehavine. huno hie.
24
Yisasia agaiaenema tokaeya nemaiya anagafena mage huno hama-paiye Nagoa
veamoya nagai nakavema visaya amakesa havinuyahena amaugafama aliya hai yana
amakaveno hu-teteya nagaima nagata aisigena falisua kava hisaya amakesa haviteya yafaga
yosa kofiya nakave aliya visae.
25
Nagoa veamoya maiyaamima atafa huya ali-talakoma hu-
lisayana maiyaamimoa falino afaya hapaegahigi nagoa veamoya nagaifema hamainageya
maiyaamima atalesaya veamoya maiyaamia ali-gatisugeya agola aliya maigahae.
26
Nagoa
veamoya mukia ma mopafi mone afenoyayaga aliteya maineya falisayana agola maige maige
hisaya haimula ago atalenayanagiya ali-mainaya mone afenoamimoa hanaa huno amaya
hugahie? Aao amaya ohugahie.
27
Nagaya ikapinagati emainoa kanoa vayamo natenea
kanomonia Nenafaa tokiya hale yamaaene Anumaya Kotina ensole vayaamoyaene etena
esua kanafina mukia veamoya ma mopalema hu-mainesaya yateti anonaa amamigahue.
28
Tamage-lafa huna tamaha-nepauve nagoa veala malema hetiya mainaya veala aupaa
ofaligahayanagiya hagoteya nagaya ikapinagati emainoa kanoa vayamo natenea kanomonina
Anumaya Kotia kava yagai-mainea yapi mainena esugeya nagegahae. huno hu-maine.
Matiu Matiu
<<
16 16
>>
Matiu Matiu
<<
17 17
>>
17
Yisasina augafamoa alino ai-yahae huno aluya hu-maine.
1
Yisasia sikisia (6) kana maiteno Pitana Yemesina Yonigamina amavaleno ayaaya
agoyafi hai-mainae.
2
Haiya mainageno Yisasina augosamoa alino alu augosa kaligeno
augosafitila yage kana huno ai-vasa nehigeno kenaamoa efeage huno alave alave hu-maine.
3
Ageho tole kanolana nayoma fali-mainaa kanolana Moseseene Ilaiyaene Yisasiene kea kea
nehae.
4
Nehaageno Pitaa Yisasife mage hie Anumayamogae tagaya male maunana
kanaleya hie. Kahaisigekahena katega nona talia (3) ki-lama-tesue kagaila nagolagi Mosesena
nagolagi Ilaiyana nagolagi huno hanesie. huno hie.
5
Ani kea hanepaigeno nagola hale
yamaaene siamoa evayi huno alino aiso hu-mategeno siapinagati ala kefiti age aino mage
huno hie Mani kanoa nagai nafanegi nahau nayamopafi nenagea kanogi agaifena aluya
huno nenahaigi agai kea haviho. huno hie.
6
anagamoya koli huya amamayo aigeya mopafi amakoya aiye-mainae.
7
Amakoya aiyeya
mainageno Yisasia avate eno mage hie Kolia ohiho. Hetiho. huno hu-maine.
8
Higeya age-
saga huya agayana Yisasia agaiage mainegeya age-mainae.
9
Ageteya agoyafiti enelaviya Yisasia kahegi mateno mage huno hie Anima agaya
yafena nagoa veanea hamaopainegena ikapinagati emainoa kanoa vayamo natenea
kanomona fali-mainesufiti hetisua yupa hama-paigahae. huno hie.
10
Higeya agaiaenema
lokaeya nemaiya anagamoya mage huya havigae Naa higeya kahegi kema havilinaya
anagamoya Ilaiyaa hagoteno neesigeno Anumaya Kotia taugafa ali-gatisia kanoa egahie.
huya nehayane? huya havigae.
11
Havigageno Yisasia mage huno hie Tamage Ilaiyaa
hagoteno egahianagino mukia yana alino kanaleya huno talo tala hugahie.
12
Hugahianagi
tamaha-nepauve Ilaiyaa ago emaineanagi agaila age-lama ohuya hamaiya kava huya agaila
havi kava hu-tenaya kavala ania huya ikapinagati emainoa kanoa vayamo natenea
kanomonina ali haviya hu-natesageno naugafa nagata aigahie. huno hie.
13
Mani kema hiana
Yonia tima fale-neamatea kanomofe hie. huya hu-mainae.
Nago nafanemo agupina Kefo Avamu mainea nafanea Yisasia alino kanale hu-tene.
14
Yisasiene agaiaenema tokaeya nemaiya anagamoya mukia veala melitalu huya
mainale evayi hageno nago kanomoa Yisasite mepe hu-maine.
15
Yisasifena mage huno hie
Anumayamogae kagaya nenafanenimona kahau huto. Ani nafanenia mananiya neagegeno
augafamona ali haviya nehigeno mukia yupa ata tanekino tipi asaga hu-nelavino nehie.
16
Naa
nehigena kagaiene tokaeya nemaiya anagakamogamite avalena oana aliya kanale hu-tesaya
amukoamia omalene. huno hie.
17
Higeno Yisasia mage huno hama-paiye Vae tamakaya
meni kanafima mainaya veamogatama nagaifena havitama tamakupi maletama tametitia
ohutama fatago hutama nomaiye. Ania haya yafe kasalo nenahaegi namagi yupa
tamakaienena mainesugetama nagaifena havitama tamakupina malegahae? huno nehuno ani
nafanemo nefafe Nafanekaa avaleka eno. huno hie.
18
Higeno avaleno egeno Yisasia anima
agupi mainea Kefo Avamufena ke-makino Ataleka hati-lavio. huno hutegeno hati-lavigeno
aupaa ani nafanemona kanale hu-tene.
19
Yisasiene tokaeya nemaiya anagamoya amakaiamige Yisasite mage huya me havigae
Tagaila naa higeno Kefo Avamuma anatisuna amukotia omale? huya havigae.
20-21
Hageno
Yisasia mage huno hama-paiye Nagaifema havitama tamakupi maletama tamametiti haya
yatamimoa osi hu-mainea yafe ani kava hisaya amukotamia omalene. E, nagaya tamage-lafa
huna tamaha-nepauve tamakaya osi kanoa oagemo avina kanoa Masatati avinamoma hia
kava hutama nagaifena havitama tamakupi malaleasina ma agoyamofena mage hutama
hapaisagenoa Hetika alule vuo. hisagenoa ani agoyamoa agola vileasine. Nagaifema
havitama tamakupi malesayana tamakaya nago aliyafena Amuha ohunone. hutama
ohugahagi mukia tokiya kavala iohugahae. huno hu-maine.
Yisasia nagoene tole kanale Fali-mainesufitila he-tigahue. huno hu-maine.
22
Kalili kotega alitalu huya mainageno Yisasia agaiaenema tokaeya nemaiya anagafe
mage huno hama-paiye Osi kanaa maitesugeno nago kanomoa nagesi huno ikapinagati
emainoa kanoa vayamo natenea kanomonina kame vayamogami amayapi navaleno
nategahie.
23
Natesigeya nahaesagena falisugeya he-vaina-tesagena tole yupa komufi maitena
tagufa (3) molisia kanale etena he-tigahue. huno higeya ani kehena agaiaenema tokaeya
nemaiya anagamoya havigeno kanaage hamau-maine.
Yisasia mono note mone amamine.
24
Nago yupa Yisasiene agaiene tokaeya nemaiya anagamoya Kapaneamu evayi hageya
mono noma ali fatago hisaya monea vaya amaugafaleti takesi nealiya vayamoya Pitate mage
huya me havigae Tamakaila hu-lamave-nelia kanomoa ani mono note monea neataleo.
huya hae.
25
Hageno Pitaa mage hie E, ani monea neatale. huno nehuno nopinaga hai-
falegeno Yisasia hagoteno mage huno havige Saimonigae naane kagesa nehavine. Ma
mopale sauve vayamoya vaya amaugafaleti takesi monea aliya tagami neamamiye? Mukia
amakaiami kotega vayateti nealio ifi alu vayamogamiteti nealiyo? huno havige.
26
Havigegeno Pitaa mage huno hie Alu vayatetila afaa nealiye. huno higeno Yisasia mage
hie Tamage hane. Ania huya amakaiami kotega vayamogami amaugafaletila takesi noaliye.
Ania huta lagaya Anumaya Koti anaga mainonagi tagaitetila takesia oalisae.
27
Oaligahayanagi havigu naa hisunageyahena amaipamoa haviya hugahayanagika kagaya ti
kotute visanaamoga noyame hukua atalesanageno tavisigeka hagote noyamema avayuma
hinuka avaya ali aka hu-lineka nagola monea agegane. Ani monea alika ani vayala
memamisanageya tolemogatia taaugafaleti takesi monea aligahae. huno hu-maine.
Matiu Matiu
<<
17 17
>>
Matiu Matiu
<<
18 18
>>
18
Anumayamo yagai-mainea kumatela ala agi hanea kanoa ta maine?
1
Ani yupa Yisasiene tokaeya nemaiya anagamoya Yisasite mage huya me havigae
Hana kanomo muki vayala amakaseno Anumaya Koti kava yagai-mainea kumatela
uhakote-mainea kanoa maigahie. huya havigae.
2
Havigageno Yisasia nago osi nafanea ke
higeno egeno mukia vayamogami amunopi avaleno he-ti-tene.
3
He-ti-teneno mage huno hie
Nagaya tamage-lafa huna tamaha-nepauve tamakayama tamakua ai-yahae hutama
nafanemoyama amaugafa aliya nohaiya kava hutama osi nafanemogami avamete ohisayana
Anumaya Kotima kava yagai-mainea kumatela hai ofalegahae.
4
Nago kanomoa agaia
augafama alino ohaino osi nafanemo avamete maisiana ani kanomoa nagoa veala
amakaseno Anumaya Koti kava yagai-mainea kumatela hagote kano maigahie.
5
Nagoa
veamoya nagaifema huya ma ma osi nafanema avaleya falu fala hu-tesayana nagaienena
navaleya falu fala hu-nenatae.
Kefo yamoa amametiti yana ali-haviya nehie.
6
Nagoa veamoya nagoma nagaife haviya amakupi malenaya anagapiti nago osi
kanohema Kefo yama huo. huya hisayana tusia kefo kava nehayanagina tusia kana ya
amamigahue. Ala yafakefaleti ani kanomo ageyafi maleya nofi ki-teteya hage lipi hagayu hu-
talageno ti nakaino falisiana ani kana yamoa afa ya kana ya haneanagi nagaya tusia kana ya
amamigahue.
7
Avonio ma mopale veamogatama tusi nahau hu-nelama-toe. Mopafi mainaya
kanafina Kefo yama hiho. huya aye-mavataga hisaya yana falote hugahianagi nagoa
veamoya Kefo yama hiho. huya aye-mavataga hisaya veafena Avonio kefo kava
nehananagika kana yana aligane. huna tusi nahau hu-nelama-toe.
8
Kayaene kaiyamoene Kefo yama huo. huana kavaleana havi kapima
katesaagekahena ani kaiya kayana ai-fakalika hagayu hutalo. Hagayu hu-talesanana kanalele.
Kaugafa haviya hu-mainesia kano maisanana kanalelagika hano ohu kahaimuka hanesia kano
maiyo. Havigu tole kayano tole kaiyao kefo ya hisana kagesa kaminegeka kefo yama hu-
mainesana yafe kavaleno hani yapi agola tegelege nehia atafi hagayu hu-gatalegahie.
9
Kaulagamoa agesia yamoma kefo ya hisana kagesama kaminageka ani kaulaga ali fayika
hagayu hutalo. Ali fayi-talesanana kanalele. Nagoke kaulaga hanesigeno kanale hano ohu
kahaimula kamisigeka alika maigananagi havigu tole kaulagamoa kefo ya hisana kagesa
kaminegeka kefo yama hisanafe hani yapi tegelege nehia atafi kavaleno hagayu hu-ga-
talegahie.
10-11
Tamakaya kaye ho. Havigu nagoa osi anaganihe Afa ya kana veane mainae.
hutama huyafenagi nagaya mage huna tamaha-nepauve ani osi anagala ensole vayaamimoya
ani nafaneyagale kava neyagaiya mukia yupa ikapinaga maineya Nenafa aufina neagae.
Fanane hu-mainea afule hu-vame ke hu-maleno hu-mainea ke.
12
Na tamakesa nehaviye? Nago kanomoa vani hataletia (100) afu mainefiti nagola
fanane higeno ani afumona nefaa mukia afua talapinaga amataleno talapinaga viayamo
nagokema fanane hu-mainea afuahe ati-yeno yeno ali falote hisio? E, fananema hisigenoa
ania huno ati-yegahie.
13
Nagaya tamage-lafa huna tamaha-nepauve agoma fanane hu-
mainesia afuma ali falote huno avalesiana tusia muse hugahie. Naiti nainia (99) afuyagaahena
muse hianagi nagokema fanane hu-mainesia afuma ali falote hu-tenoa tusiya huno musena
hugahie.
14
Naa hu-mainegi ikapinaga mainea Nelamafaa nagola osi anagaa fanane hisia
yafena nohaiye.
Tafu-taganayama kefo yama hisigeta ali-fatago hu-ma-tesuna yafe hu-maine?
15
Kafu-kaganama kefo yama hu-ga-tesigeka tanakaya tokaetana mainetana kefo yama
hu-mainesia yana avelio. Ave-lisanageno kagai kema haviteno kefo yama hisifitila agua ai-
yahae hisigeka avaleka kagaika kametega ategane.
16
Ateganagi kekama ohavisigekahena
nagokepi tole kanola anavaleka vinuka tolefi (2) tagufa (3) vayamoya hu-ga-tenea yana
ageteya hu-falote huya fako huya ani kanomona aumono maleho.
17
Aumono maletesageno
ani kanomoma nagoene amakai kema ohavisigeka kagaya Yisasife haviya melitaluma huya
maisaya veapi avaleka ugeya aumonola maleho. Aumonoma malesageno ani vayamogami
kema ohavisigeka kagaya mage huka huto Yisasi kea ohavi vaya kana hana kanomoga
tagaienena eomaika kahaote maiyo. huka huto.
18
Ani kema hu-tesayana tamage-lafa huna tamaha-nepauve tamakaya ma mopale
mainayana Ma ya atafa hutama tokiya vaiho. hutama hisayana Anumaya Kotia ikapinaga
ania huno Ani yana atafa hiho. hu-lokiya vaigahie. Tamakaya ma mopale mainetama nago
yafema Afaa ataleho. hutama hisayana Anumaya Kotia ikapinaga ania hugahie.
19
Etena nago kea tamaha-nepauve mopafi mainetama tole kanolaganima nago yafema
nagoke anaku anakesalema mainenuana ani yafena Anumaya Kotitega havigesaageno
ikapinaga mainea Neanafaa anamigahie.
20
E, tole (2) kanofi tagufa (3) vayapi nagai nagilema
haviya melitalu hisayana nagaya nagainia amunoamifina maigahue huno hu-maine.
Aliya kanomoa aliya nealia kanomona anonaa atale-oa-tenea avame ke hu-maine.
21
Pitaa Yisasite eno mage huno hie Anumayamogae namagi kana nafunaganana kefo
yana hu-na-tesigena ani kefo yamaahe aigeatena atale-tesue? Sevenia (7) yupa kefo yama
hu-na-tesigena aigeatena atale-tesuo? huno havige.
22
Havigegeno Yisasia mage huno
hapaiye Kagaifena sevenia (7) yupa ani kavala huo huna nohugi nagaya mage huna nehue
kasagoya yupa ohavunamaa kanale havi yama hu-ga-tesigeka ania huka ohavunamaa kana
aigeateka ataleto huna nehue.
23
Anumaya Kotife Kava yagai-nato. huya hu-mainesaya
veamoya ma kava nehae. Nago kumate sauve kanomoa agai aliya veafe mage huno hie
Yoka kaminoa monenia anonania fatago hutama namiho. huno hie.
24
Huteno fatago
hugahe nago kanoa avalegeno eno aminea yatefe anonaa ohavunamaa monegefa, nago
kanomoma fifitinia (15) kafu aliya alino ne-mainea augafa mone eteno anonaa amisia yana
hane.
25
Haneanagi monema amisia amukoa omalegeno kava kanomoa mage huno hie
Kagaikaene akamoene nafanekaene afenoyakaene alu kanomote atalegeno miya hisigena
kagaiteti anonaa monea alino. huno hie.
26
Higeno ani aliya kanomoa kava kanomo aiyafi
aleya meyeno mage huno hie Naa ohuka kahau hu-na-teka ako huka nagava mainegena
nagaya haenagaa naminana yatela anonakaa mukia kamigahue. huno hie.
27
Higeno ala kava
kanomoa aliya kanoahena tusia hau hu-teteno anonaama oamia yafena aigeateno atale-tene.
28
Atale-teanagi ani aliya kanomoa hati-lavino viayamo tokaeana aliya nealia kanomona
moge-maine. Ani kanomoa nago yupa agaifena mage huno hie Nagoke Sotama aliyana
aliya nenaya augafa mone yoka namio. huno higeno amianagi anonaa oamine. Oaminea
yafe ani kava kanomoma hau hu-tenea kanomoa ani afaluamona ageyafi atafa hu-lineno
mage huno hie Kagaila yoka kaminoa yana anonaa mukia yania aupaa namio. huno hie.
29
Higeno aliya tokaeana nealia kanomoa aleya ayeno mage hie Naa ohuka ataleka afaa
kahau hu-na-teka ako huka nagava mainegenao. Haenaga anonakaa kamigahue. huno hie.
30
Higeno ani kanomoa mage huno hie Aao naa kehena nonahaiyafe nofi nopi hu-ga-
tesugeka maineka haenaga anonaa namiteka nofi nopitila ataleka maigane. huno hie.
31
Higeya nagoa tokaeyama aliya nealiya veamoya naama hia yafena haviteya amaipamoa
haviya higeya kava kanomote mukia hu-mainea kavafena mo falote hae.
32
Mo falote hageno
ala kava kanomoa atale-tenea aliya kanoahe ke higeno egeno mage huno ha-paiye Kagaya
tusiya huka havi aliya kano mainane. Hagoteka nagaifena avi metanagena anonakaa
aigekatena atalega-tenoe.
33
Nagaya kagaifena nahau hu-ga-toanagi naa higeka ani avamete
kavala ohuka kagaya tokaeka aliya nealina kanohena kahauna hu-oatane? huno hie.
34
Huteno kava kanomoa tusia hai-vaiteno kina nopi avaleno viayamo kayo amisaya
vayamogami amayapi ategeno mage hie Tusi agata ya amitegeno haenagaa mukia yania
anonaa namitesigetama atalegeno vino. huno hu-maine.
35
Yisasia mage huno hu-maine
Tamakaya tamafu-tamakanaya kefo yama hu-lama-tesagetamahena amegatila hu kanale
ohutama tamage hutama tamaipa kanale yapiti aigeamatetama atale-oama-tesayana ikapinaga
mainea Nenafaa ania huno ani mukiamogatamina kinama hu-tenea avamete huno hu-
lamategahie. huno hu-maine.
Matiu Matiu
<<
18 18
>>
Matiu Matiu
<<
19 19
>>
19
Yisasia ve alave apase yafe hu-maine.
1
Yisasia mukia mani kema hu hanoma nehunoa Kalili kotega ataleno Yotani limoa ame
kaiyaga Yutia kotega uvayi hu-maine.
2
Mukia veamoya Yisasi akave vageno kaliamia alino
kanale hu-ma-tene.
3
Nagoa Falasia vayamoya Yisasite eya kanale ohunea kema hisiafene huya nagola aye-
vataga hisaya kea mage huya havigae Nago kanomoa aamoma nehia kavafe atalesia
agesama hisigenoa kanalelagino atalesio? Kahegi kemoa ani yafena naane nehie? huya
havigae.
4-5
Hageno Yisasia kenonaamia mage huno hie Tamakaya Anumaya Koti avona
hapalitama ohavinao? Mage huya kae-malenayane
Anumaya Kotia ehe yupa aepa heno vene aene talo hu-maleteno mage hie Vene aene talo
humalenoafe nago kanomoma itaafoamoma ataleno aamoene ai-lokaeno maisiana
ani tolemogania nagoke anaugafa kaligae. huno kae-maleneane.
6
Naa hu-maineafe nagoene tolea omainaagi menia nagoke anagufa kaliana mainesaageno
Anumaya Kotia anakaila alino hagelafi-na-teneanageno nago mopale kanomoa ani
alavelamogani mai yaania alino apase oana-tesie. huno hie.
7
Higeya Falasia vayamoya
Yisasife mage huya havigae Naa higeno Mosesea nagola kahegi kefina ma kea huno taha-
pai-maineane Vemoa aamona avo kaeno neamino hu-tesigeno hano huno ugahie. huno
hu-maineane? huya hae.
8
Hayanagi Yisasia mage huno hama-paiye Nayona ehela ani
yafena Anumaya Kotia malegeno omalenea kavala haneanagi tamakaya ke ohavitama
veganokano haya yafe Mosesea ama atalesaya kaana tama-ve-li-maineane.
9
Nagaya tamaha-
nepauve nago kanomona aamoma kumaima ohenesigenoma anauamoa neataleno nago ama
alisiana ani kanomoa kumai kano maine. huno hie.
10
Higeya agaiaenema tokaeya nemaiya anagamoya Yisasina mage huya hapaiye
Alavemoya tokaeya maisaya auava yamofe tusia tokiya kema hanesigetahena afaa neyave
maineta anea oalisune. huya hae.
11
Hageno Yisasia mage huno hama-paiye Haya kea
tamage nehagi mukia neyavemoya anema oalisaya amukoamia omaleneanagino Anumaya
Kotia tokiya amaminea vayamoyage anea oaligahae.
12
Nagoa neyavemoya anema oalisaya
tokiyaamia hane. Ani vayapitila nagoa neyavemoya itaamimo ama-tenea yupa
amakayamoma fayi-talenesaya vayama mainesayana anea oaligahae. Nagoa neyavema alu
vayamoyama amakayamoma fayi-talenesaya vayamoya anea oaligahae. Nagoa vayamoya
Anumaya Kotia kava yagai-la-tesie. huya amakesa havi-mainesaya vayamoya Yisasi kema
hama-paisaya yafenagiya Anea oaligahune. huya hugahae. Ani kema havilinesia kanomoa
ani kava hisie.
Yisasia mage hu-maine Nafaneyaga amatalegeya nagaitega eho. huno hu-maine.
13
Veamoya osi osi nafaneyaga Yisasife Aya maleno amakaife Anumayamotega
havigesie. huya amavaleya neageya agaiaene tokaeya nemaiya anagamoya ageteya Naa
kavala ohiho. huya ke-amaki-mainae.
14
Ke-amakiyanagi Yisasia mage huno hie
Amatalegeya nagaitega eho. Nafaneyaga nagaite esaya yafena kahegi oama-teho. Naa huya
nafanemogami avamete maisaya veamoya mage hugahae Tagaya tokiyatia omalenegi
Anumaya Kotiga kava yagai-lato. huya hugahae. huno hu-maine.
15
Anumaya Kotia
hamamaesia yafe ayana amaugafale maleteno neamataleno alu kotega umaine.
Afenoyamaa kasago hu-mainea kanomoa Yisasite eno kea kea hu-maine.
16
Nago kanomoa Yisasiteka eno mage huno havige Hu-mave-nelina kanomogae
nagaya hana augafa kanale kava hutena agola maige maige hisua nahaimula alisue? huno
havige.
17
Havigegeno Yisasia kenonaa mage huno hie Naa higeka kanale auavafena nahavi-
negane? Nagoke kanoa Anumaya Kotia agaiage kanale kano maine. Agola maige maige
hisana kahaimuma alinukahena Anumaya Koti kahegi kea akave malo. huno hie.
18
Higeno
Yisasifena mage huno havige Hanaa kahegi kehe nehane? huno higeno Yisasia mage huno
hie Vayala haegeno ofalino. Kumai he yana ohuo. Musufayana ohuo. Ma kanoa havi kava
nehie. huka havigea hu-oato.
19
Itakafokamo kea oatagaeka anakia alisaga huo. Kagaika
kaugafahena kahaiya avamete huka ania huka negafu augafahena kahaino. huno hie.
20
Higeno ani kanomoa mage huno hie Nagaya mukia ani kea akave nemaloe. Na yamo
nagoa kosa he-ona-tene? Na yaene hisue? huno hie.
21
Nago kavaene hisanana kosa he-ga-tesigeka fatago kano maigane. Mukia malenana mone
afenoyayagaka alika fako faka huka moneamima omalenesia veane amamisanageno
Anumaya Kotia ikapinaga hanea afenoyana kamigahie. Afenoyayagaka amamite amamite
huteka nakave eno. huno hu-maine.
22
Higeno ani kanomoa ani kea haviteno mone
afenomaamoma kasagoma hu-mainea yafe oatalesia agesa haviteno aipamoa tusi kanaage
higeno umaine.
23
Vigeno Yisasia agaiaenema tokaeya nemaiya anagafe mage huno hie Tamage huna
tamaha-nepauve mukia mone afenoyaamima hanesia veamoya tusia kasageke huya
Anumaya Kotife Kava yagai-lato. huya hugahae.
24
Nagoene tamaha-nepauve nagola
pulumaka kana afumo agia kemolomoa nekayamo kapima hai-falesiana afaa yoyo huno hai-
falegahianagi mukia mone afenoyaamima hanesia veamoya Anumaya Kotife Kava yagai-
lato. huya kasageke-voke hugahae. huno hu-maine.
25
anagamoya amamayo neaiya mage huya hae Naama hu-mainesiana Anumaya Kotia hana
veamogami amaku amame ali-gatigahie? huya hae.
26
Hageno Yisasia neamakeno mage hie
Veamogamina amukoamia omaleneanagiya ohugahayanagi Anumaya Kotia mukia kavala
hisia amukoa haneanagino afaa huno ali-gatigahie. huno hie.
27
Nage higeno Pitaa mage huno hie Havio tagaya mukia yatia ataleteta kakave neonagi
tagaya na ya aligahune? huno hie.
28
Higeno Yisasia mage huno hama-paiye Tamage huna
tamaha-nepauve haegafa kanamoa mukia yana yaufa ya falote hisigena nagaya ikapinagati
emainoa kanoa vayamo natenea nafanemona kava yagaisuafe tusia tokiya hale yamaa hanea
siale mainesugetama tamakaya nakave nehaya vayamogatama tuelufua (12) siale mainetama
tuelufua (12) Isaleli nofi veamogamina kava yagai-ma-tegahae.
29
Mukia veamoya nagaifema
haviya veamogamina nagai kema hama-paigahena noamiene nepuamiene amasaamiene
itaafoamiene nafaneamiene hoyaamiene amataleya visagenoa Anumaya Kotia anonaamia
atalenesaya yaene vani hataletia (100) mani yayaga amamiteno maige maige hisaya
hamaimuene amamigahie.
30
Meni kanafina hagoteya mainesaya veamoya ani kanafina
haenagalafa maigahagi meni kanafima haenagalafa mainesaya veamoya ani kanafina
hagoteya maigahae. huno hu-maine.
Matiu Matiu
<<
19 19
>>
Matiu Matiu
<<
20 20
>>
20
Nofi alagamo hoyafi aliya nealiya vayate avame kea hu-maine.
1
Anumaya Kotia kava yagai-mainea yamoa maa hu-maine. Nofi alagamo hoyamona
nefaa kege aluganale ani hoyafi aliya alisaya vayafe ke hugahe umaine.
2
Uno mage hie
Nagoke yupa kanoa aliyama alisagenahena nagoke vani (1) kina tamamite tamamite
hugahue. huno higeya nagoke amaipa hageno hoyafi hu-ma-tegeya umainae.
3
Umainageno
yagemoa naeni (9) kilokile haigeno vaya atagu-nefaya kumapi viana nagoa vayala afaa hetiya
mainageno momake-maine.
4
Momaketeno mage hie Tamakaienena nofi alagamo hoyanifi
aliya molisagena miyana fatago huna tamamigahue. huno higeya umainae.
5
Umainageno
yagemoa amunokano higeno ania hu-maine. Yagemoa alitulu huno lavigeno ania huno nagoa
vayafe Aliya moliho. huno hie.
6
Higeno unena aupaa velo hugahe higeno nagoa vayala
afaa heti-mainageno momaketeno mage huno hie Naa higetama ayaaya kanagefa heti-
taletama afaa mainae? huno hamavi-ge.
7
Hamavi-gegeya mage hae Nago kanomoa aliyana
otamigeta afaa mainone. huya hageno Kanalelagi tamakaya nagai hoyafi aliyana moliho.
huno hama-paiye.
8
Hama-paigeya mo-nealigeno une velo hilega nofi alagamo hoyamona nefaa agaia aliya
kava kanohe mage huno hapaiye Aliya vayafe ke hugeya egeka miyana amamio.
Haenagama amavaloa vayamogami miyana amamiteka hagotenama amavale-mainoa vayala
haenaga amamio. huno hie.
9
Higeya une avavema amavalea vayamoya ageno nagoke vani
kina amamite amamite hu-maine.
10
Amamite amamite higeya hagotenoma amavalegeya
aliyama meli-mainaya vayamoya mage huya amakesa haviye Ala miya aligahune. huya
haviyanagi nagoke vani kinageya ali-mainae.
11-12
Aliteya hoyamona nefafena tusiya huya
kea-makiya mage hae Haenagama amavale-mainana vayala yagemoa osi kana kanoa
nagoke kana nehigeya aliyana meli-mainagi tagaya afaa hetita omainonagi tusia amukonako
hia aliya ali-mainonanagi nagoke avamete havi miya nelamine. huya hae.
13
Hageno ani
hoyamona nefaa amunoamifi mainea kanohe mage huno hie Nenafuga havio nagaya havi
kavala hu-notama-toe. Natema tamaha-vi-gogetama E, nagoke vani kina aligahune. hutama
hagetila naa higetama mani kea nehae?
14
Aliyama alitama aliya monea alitama notamilega
viho. Nagaya nahaiya avamete huna haenagama amavaloa vayaene nago avamete miyana
nelamamue. Nagaini yanagi haile.
15
Ani monea nagainia mone. Nagayama hugahue. huna
hisua yafena Ohuo. hutama nehao? Nagaya vayama kauva yafe tamaipa haviya nehao?
huno hu-maine.
16
Yisasia mage hie Nagaya ania hugahue. Haenagalafa mainesaya veala
hagoteya maigahae. Hagoteya mainesaya veala haenagalafa taviya maigahae. huno hu-
maine.
Yisasia tagufa (3) kanale Falitena etena hetigahue. huno hu-maine.
17-18
Yelusalemu haigahe katega neuno Yisasia tuelufua (12) anagaamogamina amahaote
amavaleno moma-teteno mage huno hie Haviho tagaya Yelusalemu haisunageya ikapinagati
emainoa kanoa vayamo natenea kanomonia nagaila nagesi hinageya mono note kava
vayamoyaene kahegi kema havilinaya anagaene kame vayamogami amayapi navaleya na-
teteya Haegeno falino. huya hugahae.
19
Yuta vea omainaya vayate navaleya
momamisageya nagaye hisifa kea hu-nateya hu-haviya hu-na-teteya hegi kayoteti nahaeteya
yafaga yosale nili nahaeya asaisagena faligahue. Falisugeya he-vai-natesagena tole yupa
komufi maitena tagufa (3) kanale fali-mainesufitila Anumaya Kotia ali he-ti-na-tegahie. huno
hu-maine.
Yemesigani Yonigania Kava kanolata maisue. huana hae.
20
Sepetina aamoa netalamaaene Yisasite eya ani amoa nago yafe havigegahe aiyafi
aleya meye-maine.
21
Aye-mainegeno Yisasia mage huno havige Naa hu-gatesue? huno
higeno mage huno hie Kava yagaisana kumate umainesanageana mani tole nenimogania
kavate maineana nagomoa tamaga kayatega maisigeno nagomoa hauga kayatega maisie.
huno havige.
22
Havigegeno Yisasia mage huno netalamaamogania hana-paiye Nahavi-gea
yana ohavinae. Falisua yana satuage hu-mainea timo avamete ti hanea keayopiti negahugi
tanakaya kanale negao? huno higeana E, tokiyatia haneanagitaa negahue. huana hae.
23
Haageno mage huno hie Tamage satuage hu-mainea tina negaanagi ala vaya mainelega
tamaga nayategaene hauga nayategaene siale maisaya yana nagaini yana omalenegi Nenafaa
ani yana nagoa vayafe ago talo tala huno fatago hu-ma-tene. huno hie.
24
Higeya tenia (10) anagaamoya ani kea haviteya ani kanolafe amaipa haviya haviya hu-
na-tenae.
25
Yisasia Nagaitega eho. huno higeya ageno mage huno hie Ma mopale ala
kava vayamoya Tusia ala vaya mainone. huya Yuta vea omainaya veafe ke amama-kiya
aliya ke hu-ma-teya kava vayamogami avamete nehae.
26
Naa nehayanagi tamakaya ani
kavala ohiho. Tamakaipina Nagi hanea kanoma maigahue. huno hisia kanomoa aliya
kanotami maino.
27
Uhagotena maigahue. huno hisia kanomoa mone oali aliya kanotami
maino.
28
Nagaya ikapinagati emainoa kanoa vayamo natenea kanomona vayamoya naya
huya kanaleya hu-na-tesaya yafe omenogi nagaya amaya huna aliya kanoami maisua yafe
emainoanagina mukia veamoya kefo yama hageno ai-gagi-ma-tenea yapiti kalu he-ma-tesua
miya atalesua yafe faligahe emainoe.
Yisasia tole anaulaga asu humai kanolata alino kanale hu-na-tene.
29
Yisasia agaiaenema tokaeya nemaiya anagamoya Yeliko kumala ataleya ugahe
hageya kasagoya veamoya amakave umaine.
30
Nevageana tole anaulaga asu hu-mainea
kanolamogania kate mopale mainanageya Yisasia tanakaseno nevie. haya kea haviteana
ala kegefafiti mage huana hae Anumayamogae, Tevitina aginagomogae, taagaila kahauna
hu-laato. huana hae.
31
Haageya umainaya veamoya kenama-kiya Ke ohutana maio. huya
hayanagi nagoene ala kefiti keha keha hae Anumayamogae, Tevitina aginagomogae,
kahauna hulaato. huana keha keha hae.
32
Haageno Yisasia haviteno aupaa anile heti-
maineno Naa hu-lana-tesue hugetana nehae? huno hie.
33
Higeana Museka nehuagi
taagaya etetaa taaulaga agesue hutaa nehue. huana hae.
34
Haageno Yisasia kalagi ai-na-teno
anaulagale aya malegeana aupaa anaulaga neageana Yisasi akave vae.
Matiu Matiu
<<
20 20
>>
Matiu Matiu
<<
21 21
>>
21
Yisasia ala sauve kanomoma nehia avamete huno Yelusalemua hai-fale-maine.
1-2
Yelusalemu aupaa uvayi hugahe Petafasi umainae. Petafasi kumala Olivi yosa hanea
agoyamona agegayalega hanegeno Yisasia agaiaenema tokaeya nemaiya anagapiti tole
kanolana hu-na-teno mage huno hana-paiye Atu kumate utana aupaa hosi kana afumo agia
tokigi ani tokimona itaamoene nafaneaene aye-tenayanagitana agegae. Agetetana kalu hetana
avaletana male eo.
3
Nagoa vayamoyama tanahavi-gesagetana mage hutana hio Kava
kanotimoa nago aliya aligahe higetaa neoe. hutana hama-paisaageya aupaa lanamigahae.
huno hie.
4
Hiana ani yupama haya kavala Anumaya Koti aune kanomoa nayoma hu-mainea
kemoa agola falote huno tamage hie. Mage huno kae-maleneane
5
Yelusalemu veamogamina mage huka hama-paiyo Agegeho menia tamakaite kava yagai-
lama-tesia kanoa augafa alino ohaino hosi kana afumo agia tokimo nafanemo
agupifi maiteno enee. huno kae-maleneane.
6
Tole Yisasiene tokaeana nemaia kanolana uana Yisasima hana-paiya kea mo hae.
7
Ani hosi kana afumo nafanene itaamoene Yisasitega anavaleana kenaania anaugafaleti
hateana ani afumo agupile yakai-malaageno Yisasia anile haino maine.
8
Haino maiteno
neegeya mukia veamoya Ala kano nee. huya nagoamoya amaugafaleti kenaamia hateya
visia katela yakaiteya yosa akopa kofa huya katela yakai-tenae.
9
Hagoteya vaya
veamoyaene akave aya veamoyaene mage huya hae Taugafa ali-gatisana kanoa Teviti
aginagomogae kanale ya huka neane. Anumayamo aliya aligahe hanageno hu-ga-tenea kanoa
Anumaya Kotia kanale manu kamino kaya hu-maine. Anafinaga mainea Anumaya Kotia
taugafa ali-gatisiafe musena hisune. huya hae.
10
Yisasia Yelusalemu hai-falegeya anile mainaya veamoya atali talu nehuya mage hae
Mani kanoa ta nee? huya havigae.
11
Nehageya alitalu hu-mainaya veamoya mage huya hae
Mani kanoa Nasaleti Yisasie Kalili kotegati emainea aune kano nee. huya hae.
Mono nopi maineya hu-hatiya mone nealiya vayala Yisasia amanati-talene.
12
Yisasia ala mono nopi hai-faleno ageana ani nopi mainaya veamoya monehe ke huya
nealiya veanene afaa miyama nehaya veanene Mai haleho. huno nehuno vayamoya alu
kote nehanea monea nealiya ani kotegama nehanea monea neamamiya veamogami folamoa
ali-talegeno aige helafige hie. Higeno kugofa kana nama miya nehaya veala ani mono nopi
mopale mainaya sipa ania huno ali-talegeno ai-helafi-lavigeno amanati-tale-tene.
13
Mage
huno hie Anumaya Koti autamafina mage huno kae-maleneane
Nagai nona mukia veamoya Anumaya Koti agi ayeya nunamu hisaya no hane. huno kae-
maleneanagi
tamakaya musufa yama nehaya kava hugahe ma nopina emainae. huno hie.
14
Yisasia ala mono nopi mainegeya nagoa amaulaga asu hu-mainea veanene amaiya
avayu hu-mainea veanene agaite ageno ani kaliamia alino kanale hu-ma-tene.
15
Alino kanale
hu-ma-teanagi ala mono note kava vayaene kahegi kema havilinaya anagaene mono nopi
mainaya nafaneyagamoya Yisasifena Teviti nafanemogae, taugafa ali-gatigahe hu-ga-tenea
kanomogae. huya kema haya kenefena Yisasima kanale auava yama hia yafeene haviya
amaipa haviya hu-tenae.
16
Amaipa haviya huteya Yisasifena mage hae Kagaya mani kema
haya kea havilinano? huya havigageno Yisasia mage huno hie E, tamakaya Anumaya Koti
avona hapalitama ohavinao? mage hu-maineane
Anumaya Kotiga osi nafaneyagaene nute nafanemogami amavayafitila kagai kagia kanaleya
huya alisaga hisayafe hu-ma-tenane. huno kae-maleneane. huno hu-maine.
17
Mani kea huteno ala kumatetila ataleno ani kegela Petani kumate mo faene.
Yisasia fiki yosamofe higeno fayo-te-maine.
18
Faeteno kotigeno Petania neataleno Yelusalemu ugahe nevigeno Yisasina aga-te-
maine.
19
Aga-tegeno ka haigilega nagola fiki yosa hanegeno ageteno ani yosa aepale
mogeana alagaa omalegeno haisaage hanegeno mogeteno Yisasia ani yosahe mage huno hie
Namo yosa hetika maiyo. Agola kagai kaugafafitila nagola alaga falote ohisie. huno
higeno aupaa fayo-te-maine.
20
Yisasiaenema tokaeya nemaiya anagamoya ageteya tusia
amamayo aigeya mage huya hae Naa higeno ani fiki yosamoa aupaa fayo-nelie? huya
havigae.
21
Hageno Yisasia mage huno hama-paiye Lamage huna tamaha-nepauve
Anumaya Kotifena tole lamakesa ohavitama Mukia yama hisanana kanalelageka hateasine.
hutama tamakupi maletama tametiti hisayana fiki yosama hu-toa kavaene nagoa kavaenena
hugahae. Ma agoyamofena Kofa hu-lavika ala ti kotumo amunopi mo hetika maiyo.
hutama hapaisagenoa ketamia akave maleno ugahie.
22
Mukia yafema Anumaya Kotitega
havigesunana kanaleya huno tamigahie. hutama tamakupi maletama tamametiti hisayana
afaa amamigahie. huno hie.
Yisasifena Tokiya ta kamine? huya havige-mainae.
23
Yisasia ala mono nopi umaineno alitalu huya maiya vayala hu-mave-neligeya mono
note kava vayamoyaene ala vayaene agaitega mage huya me hae Hana augafa ala kanomo
hu-gategeka mani kavala menehane? Tokiya yakaa ta kamine? huya havigae.
24
Havigageno
Yisasia mage huno hie Nagaya ania huna nago yafema tamaha-vigesugetamama naha-
paisagenahena ala kanomo hu-na-tegena emainoa kanomo agia tamaha-paigahue.
25
Yonima
tima fale-ma-tenea yana Anumaya Koti hu-tegeno ani kavala me-nehifi afa vayamoya hu-
tageno tina me fale-mateneo? Hu-falote hutama naha-paiho. huno hu-maine. Higeya Naa
maa hugahune. huya mohu mehu huteya mage hae. Anumaya Koti hu-tegeno emaine.
huta hisunagenoa Yisasia Naa higetama agai kea tamakupina nomalae? huno hugahie.
26
Hugahiafe tagaya Afa vayamoya hutageno emaine. huta hisunageyahena mukia
veamoya Yonia Anumaya Koti aune kano maine. huya ago havimainaya yafe ali haviya
hu-la-tegahae huya mohu mehu nehae.
27
Huteya Yisasifena kenonaa mage huya hae
Tapiga hu-tene? Tagaya ohavinone. huya hageno Yisasia mage huno hama-paiye
Nagaya ania huna hana kanomo hu-na-tegena emainoe huna tamaha-opaigahue. huno hu-
maine.
Nago kanomoa tole nafanea mainea kanomote avame ke hu-maine.
28
Na tamakesa nehaviye? Nago kanomoa tole nenafanea mainaanagino neanafaa
hagote nafaneahe mage huno mo hie Nafanenimogae meni yupa nofi alagamo hoyafi
aliyana molio. huno hapaiye.
29
Higeno nafaneamoa mage huno hie Ougahue. huno
huteno haenagaa agu ai-yahae huno aliyana moli-maine.
30
Neanafaa haenaga nafaneahena
ani ke huno hapaigeno mage huno hie Nagaya moligahue. huno huteno oune.
31
Hana
nafanemo nefa kea ali hipoya hu-maine? huno hama-vi-gegeya Hagote nafanemoe. huya
hageno Yisasia mage huno hie Tamage-lafa huna tamaha-nepauve musufayama nehuya
vaya amaugafaleti takesi mone ali-liteya nehaya vayaene moli hu-liteya nehaya aneyagaene
hagoteya tamakaseya Anumaya Kotifena Kava yagai-lato. huya nehae.
32
Yonia hu-haleno
huno fatago hutama maisaya kaana tamave-lianagi tamakaya agai kea havitama tamakupi
maletama tamametitia ohunagi musufayama nehuya vaya amaugafaleti takisi mone ali-liteya
nehaya vayaene moli hu-liteya nehaya anene Yoni kea haviya amakupina malenae. Amakupi
malagetama tamakaya agetetama haenagaa kefo yatamihena tamaipa aiyahae hutama
tamakua oamitama agai kea tamakupina omalenae.
Nofi alagamo hoyafi havi vayamoya kava yagai-mainaya yafe avame ke hu-maine.
33
Yisasia Nagola avame kea haviho. huno mage huno hama-paiye Nago kanomoa
vaini nofi alagamo hoya kali-maleteno kegiya hu-gove hu-maleteno ani alagayagama vaiteno
aye-latigeno timaamoma lavisia komua kafiteno yagainoma nemaiya nona anafi ki-maleteno
noagea vayafe Etama hoyanifina yagaitama maineho. Ani nofimo alagafitila ali fako hutama
nagoa aliho. huno hu-ma-teteno alu kotega umaine.
34
Umainegeno afuma nelea kanafina
ani hoyamona nefaa nagoa aliya vayala hu-ma-tegeya kava vayatega nagoa vaini nofi alaga
aligahe umainae.
35
Vageya hoyale kava vayamoya ani vayala amatafa huya nago kanoa kayo
amiteya nago kanomona tavata haeteya nago kanomona yafa kayoteti hae-mainae.
36
Hamayageya utageno hoyamona nefaa eteno nagoa kasagoya aliya vayaa hu-ma-tegeya
vayana hoyalema kava yagai-mainaya vayamoya ani kavakeya hu-ma-tenae.
37
Hu-ma-tageno
hoyamona nefaa eteno agaia nafanea hu-tegahe mage huno hie Nafanenimo kea
havigahae. huno hu-teno hu-tegeno ani hoyalega umaine.
38
Vigeya ani hoyafima kava
vayamoya ageteya mage huya hae Mamona mani hoyamona nefa nafane. Nefama
falisigenofena mani nafanemoa hoyaa aligahianagita agaila ago haegetao. Haesunageno
falisigeno mani hoya tagai ya hapaegahie. huya hae.
39
Huteya avaleya hoyafinagatila ai-
halatu huya malaga hagayu hu-taleteya haeyageno fali-maine huno hie.
40-41
Huteno mage hie Naa hayanagi hoyamona nefaa naa hu-ma-tegahie? huno hama-
vigegeya mage huya hae Eteno hoyaafima kava yagai-mainaya vayala tavata me-
hamaesigeya faligahae. Fali hano hisageno alu vayafe Hoyanifina kava me yagaiho. huno
hugahie. huya hu-mainae.
42
Hageno Yisasia mage huno hama-paiye ani yafena Anumaya
Koti avopina ago hapali-mainao? Mage huno hu-maineane
Vayamoya yafa noma kigahena nago yafafena Haviya hu-maine. huya atalenayanagi
haenagaa ani yafamofena Tusia kanale yafane. huya nomo aye-tagenale
malenae. Anumayamoa ani avamete hu-mainegeta ageteta tusia kanaleyanagino
tamayo aiya kava nehie huta nehune. huno kae-maleneane.
43-44
Kae-malenegi mukia veamoya ani yafatema asaga hu-lavisayana amaugafamoa
atalaga huno haviya hu-lavigahianagi ani yafamoa vaya amaugafalema asaga hu-lavisiana ai-
latapeno ai-talaga talago hu-talegahie. Naa huyafe tamaha-nepauve Anumaya Koti kava
yagai-mainea yana tamayapitila tamaha-faleno alu veamogami amayapi malegahie. Kanale
alagama ayesaya veamogami amayapi malegahie huno hie.
45
Higeya mono note kava vayaene Falasia vayaene haviteya Tagaife mani avame kea
nehie. huya havimainae.
46
Haviteya Menia avaleta kina nopi ategahune. huya hayanagi
veamoya Yisasife Aune kano maine. huya haya yafe vaya amauhe koli huya atalenae.
Matiu Matiu
<<
21 21
>>
Matiu Matiu
<<
22 22
>>
22
A alisia yupa kave talo hisia yate avame kea hu-maine.
1-2
Yisasia nagoene mukia vayafe avame kea mage huno hie Anumaya Koti kava yagai-
mainea kumate maa hu-maine nagola sauve kanomoa agaia nafanemoa a aligahe higeno
nefaa ala kave talo tala hugahe hie.
3
Agaia aliya vayala hu-ma-tegahe mage huno hie Kema
hu-ma-tenoa vayatega utama hama-paisageya ani imuma ki-maloa kavela me nesae. huno
hu-ma-tegeya uya mo hama-paiyana ani vayamoya imulena omesaya ke hae.
4
Hageno eteno
nagoene alu aliya vayaa hu-ma-teno mage huno Tamakaya utama kema hu-ma-toa veafe
mage hutama hama-paiho Tamakaya haviho nagaya ve pulamakaene tali ovai afuniene ago
hena mukia yana ago talo tala hu-malenogi tamakaya a alisia imule eho. huno hie.
5-6
Higeya
ani aliya vayala uya mani kea mo hama-paiyanagi ani veamoya ohavisaya ke huya ataleya
vageya nagoa veala hoyaamilega vageya nagoa veala mone aliyaamile vageya nagoa
vayamoya ani aliya vayala amatafa huya hamayageya fali-mainae.
7
Naa hageno sauve
kanomo aipamoa haviya higeno agaia ati vayaa hu-ma-tegeya uya mo hamaeya hano hu-
taleteya no kumaamia kaeya hano hu-talenae.
8
Hu-talageno ala sauve kanomoa aliya
vayaahena mage huno hama-paiye A alisia imua ago kina talo tala hu-malogi Eho.
hunama hu-ma-toa veala amakaiamia kanale huya omesaya avamete hu-mainae.
9
Naa hu-
mainagi tamakaya kamo avayalema momakesaya veafena A alisia imule eho. hutama
hiho. huno hie.
10
Higeya aliya vayamoya anima katega momakaya veala haviya hu-mainaya
veanene kanale veanene amavaleya melitalu hageno mukia sauve kanomo nafanemoma ama
alisia imulela ani nopina me hiya hae.
11
Hageno sauve kanomoa amakegahe ani nopi haino mogeana nago kanomoa ama
alisia kanalema fai-nealiya augafa kena fai-oalinegeno moge-maine.
12
Mogeteno ani kenama
fai-oalinea kanohena mage hie Nenafugae naa higeka a alisia kanalema nefaiya kena ofaika
ma nopina emainane? huno havigegeno ani kanomoa kea ohuno maine.
13
Afaa maigeno
sauve kanomoa agaia aliya vayafe mage huno hama-paiye Aiya ayate nofi kitetama asaga
hutama haniyapinaga malaga hagayu hu-talegeno avi-neateno avekemo nehinageno agaia
augafahe kalagi aino. huno hie.
14
Anumaya Kotia kasagoya veafe kea hianagi mukia veala omageya nagoke nagoke
huyo-gi-malenea veaneage ehai-nefalae.
15
Falasia vayamoya neuya Hanaa huta Yisasima hisia keletila atafa hisune? huya hu-
mainae.
16
Huteya keamima nehaviya vayaene Heloti vayaene Yisasite hu-ma-tageya ani
vayamoya mage huya mo hae Humave-nelina kanomogae tagaya havunana kagaya
tamageage kano mainane. Kava vayaene afa vayaenefena kagesa ohavika nagoke kate
tamagegeya nehuka Anumaya Koti kea hama-nepainane.
17
Nagi takisi he yatela kava kanoa
Sisana kanale amigahuno ifi oamisune? Na kagesa nehavipi? Taha-paiyo. huya hae.
18
Hageno Yisasia havi kavama hisaya amaku amakesa ago amaketeno Vagala vaya mainagi
amegati afa ke nehae. Naa higetama nagaila aye-navataga hutama natafa hisaya yafena
nahavi-negae?
19
Nagola takisima nehaya alaga monea alitama naveliho. huno higeya aliya
ave-li-mainae.
20
Aveligeno mage huno hie Mani alaga monelela ta augosaene ta agiene
hane? huno hie.
21
Higeya Sisa augosaene agiene hane. huya hae. Hageno Yisasia mage
hie Sisana agaia yanagi agaila amiho. Nagi Anumaya Kotina agaia yana agaila amiho. huno
hie.
22
Higeya anima kesi katema vaiyaya vayamoya anima hia kehena amamayo aigeya
ataleya umainae.
Satiusi vayamoya fali-mainesafiti hetisaya yafe Yisasina havige-mainae.
23
Ani kanafina nagoa Satiusi vayamoya Yisasitega emainae. Ani Satiusi vayamoya
mage nehaya vayale Fali-mainaya vayala eteya he-otigahae. huya nehaya vayale.
24
Vayalegiya Yisasina mage huya me havigae Humave-nelina kanomogae Mosesea mage
huno hu-maineane Nago kanomoa nafanema oate kanomoa aama ataleno falisigenoa
aganaamoa ani aala ali-tesigeno fali-mainea kanomofe huno anonaa nafanea atesie. huno
kae-maleneane.
25
Sevenia (7) koganamoya tagaipina mainayanagino nepuamimoa aala ali-
teneanagino nafanea oate kano maineno faligeno anile aganaamoa aamona ali-tene.
26
Ali-
teanagi nafanea oate kano maineno faligeno anile aganaamoa eteno ali-tene. Ania hute hute
hayanagi mukia sevenia (7) konagamoya ani aala ali-tayanagi nafaneamia oateya afaa fali-
mainae.
27
Faltageno haenagalafa ani aala fali-maine.
28
Sevenia (7) konagamoya ani aala ali-
tenayanagiya fali-mainesafitima hetisaya kanafina hana kanomo ani aala alikahie? huya
havigae.
29
Havigageno Yisasia mage huno hama-paiye Anumaya Koti kema kae-malenaya kene
tokiya yamaaenefena havilama hutama ohaviya yafe tamakaya havi lamakesageya nehaviye.
30
Veamoya fali-mainesafitima hetisaya kanafina nago vemoa anea oaligahianagi amoa
venena oaligahie. Ensole vaya kana huya maigahae.
31
Fali-mainaya veama he-ti-saya kea
Anumaya Kotia tamakaifema hu-mainea kea avopina mage huno hu-mainea kea hapalitama
ohavinao?
32
Mage huno hu-maine
Nagaya Anumaya Kotina Apalahamunagi Aisakinagi Yekopugami Anumaya Kotiami
mainoe. huno hu-maineane.
Ani anagala fali-mainayanagi Anumaya Kotiamimona mainoe. huno hu-maineafe amaku
amamemoa ofalinegi afaa mainae huno mani kea hu-maine.
33
Higeya melitalu hu-mainaya
veamoya haviteya anima hia kehena amamayo ai-mainae.
34
Yisasima hia kehena Satiusi vayamoya kea ohuya maiya yafe Falasia vayamoya
haviteya Yisasite melitalu huya mainae.
35
Maiya vayamogami amunopina nagola kahegi
kema havilinea kanomoa Yisasina aye-vataga hugahe mage huno havige.
36
Hu-lave-nelina
kanomogae hana kahegi kemo mukia kahegi kemona amakaseno uhagoteno tokiyaage kea
hane? huno havige.
37
Havigegeno Yisasia mage hie Anumaya Kotia alakamofena tusiya
huno kahaino. Kaguafinagatiene kagu kametetiene kahaino. Aliyama nealina himamukaene
kagesama nehavina yaenena ami hano huka amio.
38
Mani kemoa uhagoteno amakase-
mainea ke hane.
39
Anilema molia kemoa ani kemoma hia avamete hu-mainea kemoa mage
huno hu-maine Kagaikaa kaugafahema kahaisia avamete mukia veamogami amaugafahena
kahaino. huno hu-maine.
40
Mukia Anumaya Koti amaune vayamogami kene Mosese
kemoenena ani tole kefi aepaa hane. huno hie.
Yisasia Anumaya Kotima hu-tenea kanohe Falasia vayafe hama-vi-ge.
41-42
Falasia vayala melitalu hageno Yisasia mage huno hama-vige Kalaisifena naane
tamakesa nehaviye? Ta nafane maine? huno higeya Teviti nafane maine. huya hae.
43
Hageno Naa higeno Tevitia Avamumo hapaiya ke huno Kalaisifena Anumayanimogae.
hunoma hu-maineana ani kemo aepaahena naane hutama nehae? Tevitia mage huno hu-
maineane
44
Anumaya Kotia Anumayanimofena mage huno hie Tamaga nayatega, ala vaya mainalega
hanea siale emainesanagena kame vayakaa kaiyafinaga ama-tesugeya kagaifena
Ago tagasane. huya hugahae. huno kae-maleneane.
45
Tevitia Kalaisifena Anumayania mainane. huno hu-maineanagi naa higeno Tevitia
haenagama atesia aginagomofena Anumayania mainane. huno hu-maineane? huno hama-
vi-ge.
46
Hama-vi-geanagi nago kanomoa kenonaa nago kea ohunegi ani kanaleti aepa heya
kolia huya nago yafena haviokenae.
Matiu Matiu
<<
22 22
>>
Matiu Matiu
<<
23 23
>>
23
1-2
Yisasia melitaluma hu-maiya vayafeene agaiaenema tokaiya nemaiya anagafeenena
mage huno hie kahegi kema havilinaya anagaene Falasia vayaene Mosese kea huge hama-
velige nehae.
3
Nehayanagi tamaha-paiya kea akave malegahayanagi kefo yama nehaya
kavaamia tamakaveno hu-teho. Amakaya ala kenakea nehayanagi amakaiamima haya
kemona akave nomalae.
4
Kahegi kea akave maleho. huya mukia veamogamina kanaage
yakefa amayonalela nemaleya nehagi amaya hugahena nagoke amakinagoa maleya amaya
ohageya tusia kana yakefa nealiye.
5
Mukiama nehaya kavaamia Veamoya tagesae. huya
Anumayamo kae-malenea kea hanea keayola veamoya agesayafe ala keayola talo huya
yagamusago kana huya hamanile ko nefiya kena atupaamile ayaaya konagali nofila aye-
maleneya hu-nealiyane.
6
Nehuya mono nopiene imuleene Ala vayaage nemaiya siale
maigahune. huya nehae.
7
Vaya atagu-nefaya kumapi mo-vaiyatete nehuya Naa vaya
mainae huya ali falu fala hu-la-tesae. huya nehayane.
8
Nehayanagi nagaya tamakaifena Ala
tisa kanomogae. huya ohiho. Tamakaila nagoke huge lama-ve-lige hisia kanotami nagaya
mainogi tamakaya nagoke avamete mainetama nagoke konaga kana maiho.
9
Ma mopafi
mainetama nago kanomofena Nelafae. hutama ohiho. Tamakai Nelamafaa nagoke
ikapinaga maine.
10
Tamakaifena nagoa veamoya Kava kanotimogae. huya ohiho. Kalaisia
agaiage kava kanotamia maine.
11
Tusia ala kanoa tamakaipima mainesiana aliya kanotami
kana huno maino.
12
Nagoa veamoya amakaiami amaugafama aliya haisagenoa Anumaya
Kotia Osi kano maiyo. huno hu-tegahianagi nagoa veamoya Osi kano mainoe. huno
hisigenofena Anumaya Kotia agia alisaga huno anale malegahie huno hie.
Yisasia kahegi kema havilinaya anagaene Falisia vayaenefena Kefo kavaenena
nehaya vayale. huno hie.
13-14
Avonio kahegi kema havilinaya anagamogatamaene Falisia vayamogatamaenena
vagala vayalagi kaye ho. Anumaya Kotia kava yagai-mainea yapi veamoya ugahe nehayanagi
Oviho. hutama katile-neamatae. Tamakaya Ani nopi ohaigahune. hutama haleti nagoa
veamoya Hai falegahune. huya haya veamogamifena Hai-ofalegahae. hutama katile-
neamatae.
15
Avonio kahegi kema havilinaya anagamogatamaene Falasia vayamogatamaenena
vagala vayalagi kaye ho. Tamakaya hagelimo agegayalegaene mopafiene vai-neayetama
Nagoke kanomo Yuta vayamogati mono kea havisie. hutama huge ave-lige nehayanagi
kefo yafe hu-ve-nelitama havi kapi avaletama atageno tamakayama haya kavala tamakaila
tamakaseno tusia kefo yana nehianagino hani yapi tegelege nehia atafi tamakaiene ugahie.
16
Avonio tamakaila tamaulaga asu hu-mainegetama veafena Kaana tamave-ligahune.
hutama nehaya vayamogatama kaye ho. Mage hutama nehae Nagoa veamoya Ala mono
nomo agile hu-lokiya vaina tamagelafa nehue. hunoma hisiana Afa ke kana hu-maine.
hutama hu-mainagi nagoa veamoya Ani mono nopima kanileta yafatetima talo hu-malenaya
yamo agile hu-lokiya vaina tamagelafa nehue. hunoma hisiana ani kema hisia kanomoa hia
kea hu-lama huno hino. hutama nehae.
17
Tamakaila tamaulagamoa asu hu-mainegetama
aifonafo vaya mainae. Na yamo ala yana hane? Ani kanileta yafateti talo hu-malenaya yano?
Ifi ani mono nomoa ala yakefa haneo? Aao anima kanileta yafateti talo hu-malenaya yana
mono nopinaga malenaya yafekeya alu aotage yana hane. Naa hu-maineafe mono nomoa
agaseno ala yakefa hane.
18
Tamakaya mage hutama nehae Nagoa veamoya Mono nopi
sipi sipi heya nemalaya folamo hanea yate agi ayena hu-lokiya vaina tamagelafa nehue.
huno hisiana afa ya kana ke nehigi hesaya yafe folamole nemalaya sipi sipihena nagoa
veamoya Agi ayena tamagelafa hu-lokiya vaina nehue. huno hisia kemona ani veamoya
hu-mainesaya kemona akave maleya hiho. hutama nehae.
19
Nehayanagi tamaulaga asu hu-
mainea vea mainae. Na yamo ala yana hane? Anumaya Kotina sipi sipi amisaya yano ifi
muse yama nemalaya folamoa ala yane? E, folamoa ala ya hane. Nagoa sipi sipia ani
folamole nemalayafe alu aotage sipi sipi haneanagino folamoa tusia ala yane.
20
Nagoa
veamoya Folamomo agi neayone. huya hisaya veamoya mukia yama ani folamolema
nemalaya yafeene nehae.
21
Nagoa veamoya Ala mono nomo agi ayena hu-lokiya vaina
tamagelafa nehue. huyama hisayana ani mono nomofeene ani nopima mainea Anumaya
Kotifeene nehae.
22
Nagoa veamoya Ikamo agile hu-lokiya vaina tamagelafa nehue.
huyama hisayana Anumaya Kotina siaaene ani yatema mainea kanomofeene nehae.
23
Avonio kahegi kema havilinaya anagamogatamaene Falasia vayamogatamaene vagala
vayalagi kaye ho. Tamakaya supu tala yaene atuene hefi kana yaene osi osi yana alitama
tenia (10) haya malenafiti nagoke haya Anumaya Kotina neamiyanagi kahegi kefina ala
yamona aepaa neatalae. Fatago hutama kaiyeke hu-matesaya yaene kayone hutama maisaya
yaene Anumaya Kotife havitama lamakupi maletama tamametiti hisaya yaene ago neatalae.
Hagotetama ani aepaa hanea kea hutetama anile supu tala yaene atuene hefi kana yaene
alitama tenia (10) haya malenafiti nagoke haya Anumaya Kotima amisayana kanaleya
hugahie.
24
Tamaulaga asu hu-mai veala Nakave eho. hutama nehaya veamogatama
tamakaya mage nehae Osi osi havigafa nesuna tipina maineanagita onegahune. hutama
neatalayanagi ala hosia nesaya tipina mainegetama netama nenakaiye.
25
vayalagi kaye ho. Amega lamaugafale kava hutama masutamiene yopatamiene amega
kaiyagaa sese nehayanagi tamakupinaga musufa yama nehaya yaene tamaugafa age lama-
haye nehaya yatamiene hiya hu-lama-teneanagi sesela nohae.
26
Tamaulagamoa asu hu-
mainea Falasia vayamogatama hagotetama ti kemo ayopinagaene yopamo ayopinagaene
sesema hisayana amega kaiyagaenena oniyaagela ohugahie.
27
vayalagi kaye ho. Tamakaya maa nehae vaya komulema mopama ayeya ali-masave huya ali
konagali hu-malayanagi ani komufinaga vayala kasaligeno ayamufama ali yogita huno havi
yama hu-lavia avamete kava nehae.
28
Nehayanagi tamakayaenena ani kavakeya hutama
mainae. Veamoya amega tamaugafale nelamakeya Fatago veane mainae. huya nehayanagi
tamakupinaga havigema nehaya yatamiene kefo yama nehaya yatamiene kasago hu-maine.
29
vayalagi kaye ho. Anumaya Koti amaune vayaene fatago kavama hu-mainaya veanenema
faligeya he-vai-ma-tenaya komulega tamakaya kanagune hu-maletama mainae.
30
Mainetama
mage hutama nehae Tagaya tototimoya mainaya kanafima mainoteasina Anumaya Koti
amaune vayala hamaonageya ofalileasine. hutama nehae.
31
Ani kema nehaya kemoa
Amaune vayala hamayageya fali-mainaya vayamogami nafaneamimogata mainone. hutama
nehae.
32
Nehayanagi tamakinagomoya kefo yama hu-mainaya kavala tamakaya nagoene
hisageno hiya hisie.
33
Tamakaya osifavemogatamae. Osifaveyagamo nafanemogatama
Anumaya Kotia Hanimo aguafi agola tamakata aisia kumate umaiho. huno kaiyekema hu-
lama-tesiana hanaa hutama faletama ugahae?
34
Ani yafe nagaya amaune vayaene havi
haviyaami hanea vayaene hu-lama-ve-neliya vayaene tamakaitema hu-ma-tesugeya
esagetamahena nagoamogamina yafaga yosale nili hetama asaisageya faligahae.
Nagoamogamina mono nopinaga hegi kayoteti hamaetama ali-haviya hu-matesageya alu
kumate kumate faleya ugahae.
35
Hamaesageya falisaya yafe ma mopafina mukia fatago
veamogamina ago hamayageya fali-mainaya kolamoa Evoloa kefo yana ohunea kanoagi
hagoteya hayageno falitegeya nagoa hamaeme hamaeme ageno hano higeya haenagalafa
Pelakia nafanea Sekalaiyana ala mono nomo kegiyamo amunopi yafa folamole heti-
mainegeya hayageno fali-mainegi tamakaya menima mainaya veamogatama agoma hu-
mainaya kefo yamo anonaamia aligahae.
36
Tamage huna tamaha-nepauve ago hamayageya
fali-mainagi tamakaya menima mainaya veamogatama agoma hu-mainaya kefo yamo
anonaamia tamakaya aligahae.
Yisasia Yelusalemu mainaya vayafe Nahau nehae. huno hu-maine.
37
Vaeha Yelusalemu mainaya veamogatama tamakaya Anumaya Koti amaune vayala
nehamaetama Anumaya Koti hu-ma-tegeya tamakaitega aya vayala yafa kayoteti tavata
hamae-mainagi nagaya mukia yupa a kokolemoma nafaneama agekonafinaga alitaluma nehia
avamete huna tamakaila nagaya nagainialega alitalu hu-lama-tegahe nehugetama tamakaya
Ania kavala ohuo. hutama nehae.
38-39
Nehagi haviho na ma mainaya kumafena Anumaya
Kotia ago neataleno Aoteyamaae. huno hu-maineanagitama menia nagoene onagegahagi
Anumayamo aliya aligahe higeno hu-tenea kanoa Anumaya Kotia kanale manua amisie.
huya hisaya kanafina nagoene nagaila nagegahae huno hu-maine.
Matiu Matiu
<<
23 23
>>
Matiu Matiu
<<
24 24
>>
24
Yisasia Ala mono nomoa tagape ai-lavigahie. huno hu-maine.
1
Yisasia ala mono nona neataleno vigeya agaiaenema tokaeya nemaiya anagamoya
ayaamoya ala mono noyaga ave-liye.
2
Ave-ligeno Yisasia mage huno hie Tamakaya mukia
ma noyaga neagao? Tamage huna tamaha-nepauve ani nomo yafayaga mukia alino lagape
ai-talesigeno aposi-lavigeno nago yafamoa nago yafamo agupifina ai-kalo huno omaigahie.
huno hie.
Yisasia Kasagoya kana yamo falote hugahie. huno hu-maine.
3
Yisasia Olivi yosa hanea agoyamo agegayalega haino mopale mainegeya agaiaenema
tokaeya nemaiya anagala amakaiamige mage huya me hae Na kanafi ani yamoa falote
hugahie? Hana augafa tokiya avame yamo esana kanaene ma mopama hano hisia kanaene
falotema hisia yana taveligahie? huya havigae
4
Hageno Yisasia mage huno hie Nagoa veamoya havigema tamaha-paisagetama
ohavisaya yafe kaye ho.
5
Kasagoya vayamoya nagai nagi ayeya nagoke nagokemoya
Tamaugafa ali-gatisua yafe Anumaya Kotia hu-na-tegena neue. huya hisageya kasagoya
veamoya amakai kea haviteya amakave malegahae.
6
Malegahagi Nagoa kotega kame
nehae. Nagoa kotega tu hugahe nehae. huya tamaha-paisagetamahena kolia ohiho. Ani
yayagamoa hagoteno falote hugahianagi ma mopama hano hisia kanamoa aupaa huno falote
ohugahie.
7
Nagoa vayamoya alu vayaenena kamea hugahae. Ala kotega vayaene nago ala
kotega vayaene kamea hugahae. Kasagoya alu kote kotega tusia kafu nehuya amakatesia
kanaene falote hisigeno tusia imila aligahie.
8
Ani yayagamoa afaa anemoya nafanema
ategahe hageno aepa heno agatama neaiya avamete kava hugahianagi haenagaa tusia
tamakata aisia yana falote hugahie.
9
Tamakaya nakavema neaya yafe tamatafa huya ali haviya hu-lama-teteya tama-
haesagetama faligahae. Nagima neayaya yateti kasagoya vayamoya amaipa kafa he-lama-
tegahae.
10
Amaipa kafa he-lama-tesaya yateti kasagoya veamoya nagaifena haviya amakupi
maleya amametitima nehaya yana ataleya nagoa veala amakesi huya amaipa kafa he-lama-
tegahae.
11
Kasagoya havige amaune vayamoya havige hisageya kasagoya veamoya amakai
kea haviteya amakave malegahae.
12
Kefo yama nehaya yamoma ala hisigeno nagoa
veamoya nagoamimogamifema hamau amayamopafi nehamaiya yamoa osi hugahie.
13
Osi
hugahigi nagoa veamoya nagai kema atafa huya tokiyaage hume humema visagenahena
nagaya etenama esua kanafina nagai kema atafa hu-linesaya veamogamina Anumaya Kotia
amaku amamena ali-gatigahie.
14
Anumaya Kotima kava yagai-mainea yafe kanale mono kea
mukia ma mopafi veamogamina hama-paisageya havitesageno ma mopamoa hano hugahie.
15
Yisasia mage huno hie nayoma mainea aune kanoa Tanioloa tusi havi yana, ma
mopa alino hagagitalesia yamoa tamayo aisia kava falote hisia yafe taha-pai-maine. Anima
hu-mainea kema hapalitama havisamogatama havilama hiho. Ani yamoa alu aotage yapi he-
ti-mainesigetama agegahae.
16
Agenutamahena Yutia mainesaya veamogatama
tamaiyayetama agoyalega faletama viho.
17
Nagoa veamoya nogatofule haiya mainesaletila
afenoyaamima alisaya yafena eteya nopinaga ohaiho.
18
Nagoa veamoya hoyafinaga
mainesaletila eteya kenaamima alisaya yafena notega oviho.
19
Avonio ani kanafina
amaipaene anene nute ani-linesaya nafanemogami itaamimoyaenefena tusia nahau nehie.
20
Nehigi nunamuna mage hutama havigeho Tani koma tisia ikateene Sapati yupaenena ani
yamoa falote ohinageta faleta ovisune. hutama havigeho.
21
Ani kanafina tusia kana yamo falote hugahie. Ehema Anumaya Kotia ma mopama
taloma hu-malenea kanaletiene meni kanafiene ani avamete ala kana yamoa falote ohuneane.
Falote ohuneanagi tusia kana yamo ala hutesigeno haenagaa ania huno falote ohugahie.
22
Anumaya Kotia ani havi kanama alino aupa hu-malene. Aniama ohileasina mukia veamoya
falileasinagi. Anumaya Kotia haigenoma hapali-ma-tenea veafe agesa havino amaugafama
ali-gatisia yafe ani kanaa alino aupa hugahie.
23
Ani kanafina nagoa veamoya mage huya hugahae Anumaya Kotima taugafa
aligatigahie huno hutenea kanoa ma mainegi ageho. Atu mainegi ageho. huyama
hisagetamahena Tamage nehae. hutama tamametitia ohiho.
24
Ani kanafina nagoa
havigeage amaune vayaene Nagaya Anumaya Kotia tamaugafa aligatigahie huno hu-na-
tenea kano mainoe. huya havigema hisaya vayaenena evayi huya veamogamina aye-
mavataga hugahe tokiyaage avame yana hugahayanagi Anumaya Kotia haye higeno hapali-
ma-tenea veamoya ani kea ohavigahae.
25
Tamage ani yana falote ohunaya kanafi mani kea
ago tamaha-paugi haviho.
26
Nagoa veamoya Ani kanoa kame kotega maine. huya hisagetamahena oviho.
Nopinaga maine. huyama hisagetamahena ani kea havitama tamametitia ohiho.
27
Ikapinagati emainoa kanoa vayamo natenea nafanemona etena esua yamoa maa hugahie
yagema vayi nehilegati aulumaya kotino aupaa mukia kotega ai-vasa nehia avamete huna
nagaya etena egahue.
28
Afuma fali-mainea kefafima hakikimoya yage yage huya alitaluma nehaya avamete
huna ikapinagati emainoa kanomona mukia veamogami amunopi egahue.
Ikapinagati emainea kanoa vayamo atenea nafanea egahie.
29
Ani havi kanamoma hano hisigenoa yagemoa hani-kinageno ikamoa ai-vasa
ohugahie. Kanefimoa ikatetila atafai-lavigahie. Ikatema hanea yamoa alu kate kate huno
vaiyegahie.
30
Ani yayagamoa hano hutesigena ikapinagati emainoa kanoa vayamo natenea
nafanemona esua alekana yana ikate falote hisigeya mukia ma mopafima mainaya veamoya
hamau huya avi-tegahae. Ikapinagati emainoa kanoa vayamo natenea nafanemona
ikapinagati siate elavisugeya nagegahae. Tusia tokiya yaniaene tusia hale yaniaene esugetama
nagegahae.
31
Nagetesagena ensole vayania hu-ma-tesugeya ala ufe kemo nehinageya
yagemoma tavi nefalelegatiene evayi nehilegatiene aluga aluga haupalegatiene mukia ma
mopafi nagainia nahaye higena hapali-ma-tenoa veanea amavalesageya aluga aluga ma
mopamona atupaleti melitalu hugahae.
32
Yisasia nagoene mage huno hie fiki yosamoa nago avame yana tamave-ligahigi
ageho. Ani yosamoa hagoteno akopapiti agusasima ayeno amumalesigetamahena Anuna
nevalea kanamoa ago falote hugahie. hutama nehae.
33
Naa hugahianagi manima tamaha-
nepauva kuguva yama agenutamahena Yisasia esia kanamoa ago aupa higeno fiate hetino
maineanagino ago egahie. hutama tamakesa havigahae.
34
Nagaya tamage huna tamaha-
nepauve meni kanafima mainaya veanea ofalinesageno ani yamoa falote hugahie.
35
Ikaene
ma mopaene fanane hugahianagi nagai kemoa fanane ohugahie.
36
Manima tamaha-nepauva kanama falote hisia kanahena nago kanomoa ohavine.
Ikapinaga mainaya ensole vayamoyaenena ohavinae. Anumaya Kotina nafaneamonaenena
ani kanama falote hisia kanahena ohavinoe. Ohavinogi Nenafaa agaiage haviline.
37
Nagaya
ikapinagati emainoa kanoa vayamo natenea nafanemona etena esua kanafima mainesaya
veamoya nayoma Noama mainea kanafima mainaya veamoya hu-mainaya avamete kava
hugahae.
38-39
Timoa yaufa hookinea kanafima mainaya veamoya kavela neneya tina neneya
nehuya anema aliyamoene vele uyamoene mukia kanafina ani yafekeya amakesa havi havi
huya mainageno Noaa ala tipi kalefi haisaga hu-maigeno tusia lina hogino mukia ani veanea
alino haviya higeya agola fali hano hu-mainayane. Nagaya ikapinagati emainoa kanoa
vayamo natenea kanomona etena esua kanafima mainesaya veamoya nayona Noama mainea
kanafima mainaya veamoya hu-mainaya avamete kavala hugahae.
40
Tamage tamaha-
nepauve nagayama etena esua kanalema tole vekalatana nagola hoyafima aliya
nealisaagenofena Anumaya Kotia nagoke neavaleno nagola alita-ye-talegahie.
41
Tole atalama
tokaeana aliya nealisaagenofena Anumaya Kotia nagoke neavaleno nagola alita-ye-talegahie.
42
Anumayatamimoa evayima hisia kanahena ohavinagi tamakesa havige havige hutama kava
yagaitama maiho.
43
Tamage huna tamaha-nepauve nomona nefaa musufa kanomoa
nomaafima ehai-falesiana kegela na kanalelo huno agoma havimainesiana yagaino
mainageno musufa kanomoa nomaafina ehaino ofalegahie.
44
Tamakaienena talo tala hutama
maiho. Menia omegahie. hutama hisaya kana kanoale ikapinagati emainoa kanoa vayamo
natenea nafanemona egahue.
Kanale aliya kanomoteene havi aliya kanomoteene avame kea hu-maine.
45
Anumayamoa mage huno hie aliya kanoa kanale agu agesa hanea kanoa aliyamaale
agegeno alige aligema nehia kanoa tamakaipina hanate maine? Naama nehisia kanomofena
kava kanomoa mage huno hugahie Mukia aliya veatela yagai-maineka kavela fako huka
mukia kanafina amamite amamite huo. huno hugahie.
46
Hugahianagi haenagama ani ala
kanomoa eteno esiana hapai-mainea augafa kavama nehinunofena ani aliya kanomoa muse
hugahie.
47
Tamage huna tamaha-nepauve naama nehisia aliya kanomofena kava kanomoa
mage hugahie Mukia yania kava yagaiyo. huno hugahie.
48-49
Hugahianagi ani aliya
kanomoa kefo yama nehisia kanoma mainenunofena agaia agesa mage hunoma havisiana
Kava kanonia menia hivi huno omegahie. huno nehuno agaia yagai-mainesia venenegi
munanegi nehamaeno ala kanomo kaveene havilienena neneno aneginagi hugahie.
50
Ani
kavala maino nehisiana Omegahie. huno hisia yupamo kana kanoale ani kava kanoa
egahie.
51
Enunofena ani havi kavama maino nehisia kanomona kayo kevea amiteno alino
haviya hu-teteno mage hugahie Vagala vayaene amakupi haviya omaleya amegati nehaviya
vayaene maiyo. huno hu-tesigeno visiaamo anilega avia mo neateno ave kemoa tusiya
hugahie.
Matiu Matiu
<<
24 24
>>
Matiu Matiu
<<
25 25
>>
25
Tenia (10) munaneyagale avame kea hu-maine.
1
Anumaya Kotima kava yagai-mainea yamo aepa hesia kanamoa maa hugahie Yisasia
avame kea mage huno hie nago kanomoa anea meni kanoa ali-mainea kanoa egahe higeya
tenia (10) vele omainaya munanemoya lamuamia nealiya katega neuya avalegahe umainae.
2
Vayana faefua (5) munanemoya aifonafo hageya faefua (5) munanemoya kanale havi
haviyamia hane.
3
Ani aifonafo munanemoya kanaleya huya lamua aliya vayanagi ata kaesaya
tina oaliya umainae.
4
Vageya kanale havi haviyaamima hanea munanemoya kanaleya huya
lamuma hanagalisaya tina keayopi taki-liya lamuamiene aliya umainae.
5
Umainageno ani ama
alisia kanoa aupaa omegeya ani munanemoya agava-mainageno amau lokotoko higeya faeya
mainae.
6
Faeya mainageno kege amunona nagola ala kemoa mage huno hie Ama alisia kanoa
ago neegi tamakaya kategati movaletama eho. huno hie.
7
Higeya mani tenia (10) velema
omainaya munanemoya hetiya lamuamia hanagaliya talo tala hae.
8
Hageya aifonafo
munanemoya kanale havi haviyamima hanea munanehena mage huya hae Tagai lamumoa
ago asu hisia kava nehigi atama nelea tina keayopitamifiti takitama tamiho. huya hae.
9
Hageya kanale havi haviyamima hanea munanemoya kenonaamia mage huya hae Tagaiene
tamakaienema aye halesuna timoa kosa ohenegi tamakaya afeno nopiti mo miya hiho. huya
hama-paiye.
10
Hageya ani timaa miya hugahe vageno ama alisia kanoa anile egeya talo
talama hu-malaya munanemoya agaiene ala kave negahe nopinaga hai-falageno fita agola ki-
malene.
11
Ki-malenegeya haenaga aifonafo munanemoya mage huya me hae Ala kanomogae
ala kanomogae fita yaki-la-to. huya me hae.
12
Me hageno ama alisia kanomoa mage huno
kenonaamia hie Aao tamage huna tamaha-nepauve no-tama-koa anaga emainae. huno hie.
13
Yisasia mage huno hie Nagayama esua yupamona kanaaenena ohavinaya yafe menia
kava yagaiho. huno hie.
Aliya vayamoya mone ali-mainaya avame ke hu-maine.
14
Yisasia Anumaya Kotia kava yagai-mainea yamoa maa hu-maine Nago kava
kanomoa ayaaya kotega ugahe nehuno aliya vayaamofena ke higeya ageno monea ali fako
huno amamite amamite hie.
15
Aliya aepaamia ageteno nago kanomona faefu tauseni kina
(K5,000) amino nago kanomona tole tauseni kina (K2,000) amino nago kanomona vani
tauseni kina (K1,000) amino huno amamite amamite huteno alu kotega umaine.
16
Umainegeno faefu tauseni kinama (K5,000) amigeno ali-mainea kanomoa ani moneleti
aliya aligeno ava monea nago faefu tauseni kina (K5,000) aliteno teni tauseni kina (K10,000)
higeno ali-maine.
17
Ali-geno tole tauseni kinama (K2,000) ali-mainea kanomoa ani moneleti
aliya aligeno ava monea nago tole tauseni kina (K2,000) aliteno foa tauseni kina (K4,000)
higeno ali-maine.
18
Ali-geno vani tauseni kinama (K1,000) ali-mainea kanomoa ani monea
alino mopafi kafino kava kanomo monea he-vai-malene.
19
Ani aliya vayamogami kava kanomoa ayaaya kanagefa umaiteno eteno eno mage hie
Monema fako huna tamaminoa monea namagi mone malenae? huno hama-vige.
20
Hama-
vigegeno faefu tauseni kinama (K5,000) aminea kanomoa teni tauseni kina (K10,000) alino
neeno mage huno hie Kava kanomogae musekaa nehugi faefu tauseni kinama (K5,000)
naminapitila etena ava monene alugeno teni tauseni kina (K10,000) hane. huno hie.
21
Higeno kava kanomoa mage huno hie Kagaya kanale kano maineka kanaleya huka osi
mone kanoa kaminofitila efi efi huka aliyana alinageno ala hu-maineafe ala yakefa kagaila
kava yagaisanafe kamigahue. Nopinaga ehaigetaa tokaetaa muse hutaa maiano. huno hie
22
Higeno tole tauseni kinama (K2,000) aminea kanomoa mage huno me hie Kava
kanomogae musekaa nehugi kagaya tole tauseni kina (K2,000) naminapitila ava monene tole
tauseni kina (K2,000) higena alina neoe. huno hie.
23
Higeno kava kanomoa ani
kanomofena mage huno hie Kagaya kanale kano maineka kanaleya huka osi mone kanoa
kaminofitila efi efi huka aliyana alinageno ala hu-maineafe ala yakefa kagaila kava yagaisana
yafe kamigahue. Nopinaga ehaigetaa tokaetaa muse hutaa maiano. huno hie.
24
Higeno vani
tauseni kinama (K1,000) aminea kanomoa eno mage hie Kava kanomogae musekaa nehugi
kagaya keage kanoa alu kanomo yana alika kaugafa hegeka omai kano mainane. Nago
kanomoa hoyaafima kali-malenea yaene alika negeka omai kano mainane.
25
Mainanafe
kolikaa huna vani tauseni kinama (K1,000) naminanamaga mopafi kafina he-vaina ka-
tenoanagina menia kagaikaa yanagina negamue. huno hie.
26
Higeno kava kanomoa ani aliya
kanohena mage hie Kagaya havi kanoe. Feluage aliya kano mainane. Kagaya ago nehavine
nago kanomoma hoyaafima kali-malenea yaene alina negena omai kano mainoa yafena
kagaya ago havimainano?
27
Naa higeka monema nemalaya nopina monenima malenateasina
menia nagaya nagoa ava monene aluleasine.
28
Vani tauseni (K1,000) kinania hafaletama teni
tauseni kinama (K10,000) malenea kanomona amiho.
29
Nagaya tamaha-nepauve nagoa
yaamima hanesia veamogamina nagoene amamisigeno kasago hu-ma-tegahianagi nagoa
yaamima omalenesia veamogamina ali-linesaya yamaa hamana-falegahie.
30
Ani havi kavama
nehisia aliya kanomona hani yapinaga avaletama hagayu hu-talesageno tusiya huno avia
neateteno avekemoa hugahie. huno hie.
Ikapinagati emainea kanoa vayamo atenea nafanemoa mukia veamogamina fako
hugahie.
31
Yisasia nagoene mage huno hie Ikapinagati emainoa kanoa vayamo natenea
nafanemona kava yagaigahema esuana tokiyaage hale yaniaene ensole vayaene tokiyaage
hale yanialeti kava yagaisua siale maigahue.
32
Mainesugeya mukia kotega veamoya nagaite
melitalu hisagena sipi sipile neyagaiya kanomoma memene sipi sipiene ali fakoma nehia
avamete huna mukia veala ali fako hugahue.
33
Ali fako hutena sipi sipiyaga tamaga nayatega
neamatena memeyaga hauga nayatega amategahue.
34
Amatetena ala sauve kanomona tamaga nayategama amatesua veafena mage huna
hugahue Nenafaa kanale manua tamaminea vealagi eho. Ma mopama taloma hu-mainea
kanaleti aepa heno tamakaife huno talo tala hu-maleteno kava yagai-mainea kumatelagi
emaiho. huna hugahue.
35
Nagaila nagama tegetama kavela naminae. Tifema nagegetama
afaa naminae. Natu kanoma ogetama navaletama falu fala hu-natetama notamifina na-tenae.
36
Kenanima omalegetama kena fai-natenae. Kalima alugetama navaletama yagai-natenae.
Kinafima mainogetama nagegahena emainayane. Naa kavama hu-mainayafe talo hu-lama-
tenea kumatela emaiho. huna hugahue.
37
Hugeya tamaga nayategama fatago kavama nehaya veamoya mage huya hugahae
Anumayamogae na yu kagala tegeta kageteta kavela kaminone? Na yu tifena kagegeta tina
kaminone?
38
Na yu natu kanoa evayi hanageta alita kanale huta ka-tenone? Na yu kenakaa
omalegeta kena kaminone?
39
Na yu kalia alinageta kage-mainone? Na yu kinafina
mainanageta mo kage-mainone? huya hugahae.
40
Huya hisagena ala kava kanomona
kenonaamia mage hugahue Tamagelafa huna tamaha-nepauve tamakaya amakima omale
nagananimogamima ani kavama hu-ma-tayana nagai ani kavala hu-natenae. huna hugahue.
41
Hugahuanagi haoga nayatega veafena mage huna hugahue Tamakaya hu-haviya hu-
matenoa kefo kavakeya nehaya veamogatama mai-haletama viho. Sataniene aliya
vayaaenena agola tegelege nehia atafi maisaya kumala ago talo hu-malenogi ani kumate
agola umaiho.
42
Nagaila nagama liana kavela onaminae. Tifema nagegetama tina onaminae.
43
Natu kanoma ogetama navaletama falu fala hu-ona-tenae. Kenanima omalegetama kena
fai-ona-tenae. Kalima alugetamao kinafima maugetamao me onagegenayane. huna hugahue.
44
Hisugeya kenonania mage huya hugahae Anumayamogae na yu kagala tegeta kage-
mainone? Na yu tifena kagegeta kage-mainone? Na yu natu kanoa anageta kage-mainone?
Na yu kenakaa omalegeta kage-mainone? Na yu kalia alinageta kage-mainone? Na yu
kinafina mainanageta kage-mainone? Tagayama kage-mainoteasina ago kaya hu-
mainoteasine. huya hugahae.
45
Hisagena nagaya etena amakaifena mage hugahue
Tamagelafa huna tamaha-nepauve tamakaya amakima omalenea nagananimogamina ani
kavama hu-oama-tayana namona nagaiene hu-ona-tenayane. huna hugahue.
46
Huteno kefo
yama nehaya anonaamia hu-ma-tenageya agola amakata aisia hani yapi maisaya kumate
ugahagi fatago kavama hu-mainesaya veamoya ofaliya agola maige maige hisaya kumate
ugahae huno hie.
Matiu Matiu
<<
25 25
>>
Matiu Matiu
<<
26 26
>>
26
Kava vayamoya Yisasina haesaya ke hu-haya ki-mainae.
1-2
Yisasia mukia mani kea hu hano huteno agaiaenema lokaeya nemaiya anagafena
mage huno hie Tamakaya ago havimainae tole kana mainesunageya kafuahe kafuahe
Anumaya Kotia taginagomogami amaugafama ali-gati-mainea kanahe alitalu huya imua
kigahae. Ani imuma kisaya kanafina ikapinagati emainoa kanoa vayamo natenea
nafanemonia natafa huya yafaga yosale nili heya nasasaigena faligahue. huno hie.
3
Mono note kava vayaene Yuta vayatamaene ala mono note uhagote-mainea kava
kanoa, Kaiyafasie ani kanomo nopi, melitalu huya mainae.
4
Maineya mage hae Hanaa huta
agesi huta Yisasina atafa huta haesunageno falisie?
5
Ala imuma kisaya kanafina atafa
ohugahune. Atafa hisunageya veamoya havigu tusia ke huya tu huyafenagita atalegahune.
huya hae.
Nago amoa Yisasina anupi masave takino fale-tene.
6
Yisasia Petani viana nayona fugitaya age-mainea kanomo agia Saimonie kanomo nopi
umaine.
7
Umainegeno nago amoa yafa keayola alilino anilema eana ani keayoma taloma hu-
malenaya yafamo agia alapasata. Ani li keayopina nagola tusia miyamaa hanea masavena
manaage tina haneanagino Yisasia kave maino nenegeno ani amoa Yisasi anupi ani
masavena takino fale-tene.
8
Takino fale-nea-tegeya Yisasienema tokaeya nemaiya
anagamoya ageteya ke vaiya mage hae Naa higeno mani manaage masavena afaa neatale?
9
Ani masavena nago kanomoma miya hileasina tusia mone aliteta ani masaveteti monea
afenoamima omalenea veane amamuteasine. huya hae.
10
Hageno Yisasia ani kea haviteno
mage huno hie Kea oama-kitama afaa ataleho. Havige nehagi nagaila tusia kanale kava hu-
nena-te.
11
Moneamima omale veamoya mukia kanafina tamakaienekeya maigahayanagi
nagaya tamaikaienena mukia kanafina omaigahue.
12
Mani amoa masavena naugafalema
takino fale-nena-teana afaa ofalina mainogeno masavema faleya he-vai-na-tesaya avamete
huno fale-nena-te.
13
Tamage huna tamaha-nepauve mukia ma mopafi veapima nagaifena
kanale mono kema hama-paisafina mani amoma hia kavafeenema hama-paisageya mukia
veamoya agaifena amakesa havigahae. huno hie.
Yutasia hu lamage huno kava vayafe Yisasina avalena tamamigahue. huno
hama-pai-maine.
14
Higeno Yutasi Isakaliotia Yisasina tuelufua (12) anagaene tokaeno nemaiya kanogino
neamataleno viaamo mono note kava vayate umaine.
15
Uvayi huno mage huno hie Agesi
huna tamave-lisugetama Yisasima atafa hisayana na kano namigahae? huno higeya muse
huteya aupaa tetia (30) siliva alaga mone aminae.
16
Amigeno Yutasia vaya kulata oaiya yate
kesi kateti Yisasina movalesigeya atafa hisaya kafe ati-ye-maine.
Yisasia agaiaenema tokaeya nemaiya anagaaene kavela ne-mainae.
17
Hale oki kai-hamema nenaya kanamona hagote kanale Yisasienema tokaeya nemaiya
anagamoya Yisasife mage huya me havigae Anumaya Kotia Yuta vaya amaugafama ali-ga-
ti-mainea kanahe kagesa havisana kavela hana nopi mo-lalo tala hisune hunageka nehane?
huya hae.
18
Hageno Yisasia mage huno hama-paiye Ala kumate uvayi hutama nago
kanomote mage hutama mo hiho Hu-lave-nelia kanomoa mage hie Falisua kanamoa ago
aupa higena kagai nopi nagaienema tokaeya nemaiya anagaaene Anumaya Kotia Yuta vaya
amaugafama ali-ga-ti-mainea kanahe tagesa havisuna kavela nesune huna nehue huno hie.
hutama hiho. huno hie.
19
Higeya agaiaenema tokaeya nemaiya anagamoya Yisasima hama-
paiya avamete huya ani kavela mo-lalo tala hu-mainae.
20
Talo tala hu-malageya yagemoma tavi faleamaa Yisasia tuelufua (12) anagaaene kave
negahe folamole mainae.
21
Maineya kavela nenageno Yisasia mage huno hie Tamage huna
tamaha-nepauve nagaienema mainafitila nago kanomoga nagesi huka nahaesana yatela vai-
neayane. huno hie.
22
Higeya anagaamoya amaipa haviya huteya agaifena mage huya
havigae Anumayamogae nagaife nehano? huya nagoke nagokemoya havigae.
23
Havigageno Yisasia mage huno hie Nagaienema nagoke yopafiti ayateti vayagofinoma
nenea kanomo nagesila huno nahaesia yatela vai-neaye.
24
Nagaya ikapinagati emainoa kanoa
vayamo natenea kanomona nagaife huya Anumaya Koti avopina kae-malenaya kate
ugahuanagi vayamoya havisagi huno nagesi hisia kanomofena avonio nahau hanagi kagaya
kayeka maiyo huna nehue. Ani kanomoga itakamoma okateneleasina kanale hileasine. huno
hie.
25
Higeno Yutasia agesima hisia kanomoa mage huno hie Hu-lave-nelina kanomogae
nagaife nehano? huno higeno Yisasia mage huno hapaiye Kagaya kagaika ago hu-falote
nehane. huno hu-maine.
Yisasia kai-hameene nofi alagamo tiene anagaa amamine.
26
Kavela nenageno Yisasia kai-hame kana maya alino nunamu huno muse huteno
kolite kolite huno agaiaenema tokaeya nemaiya anagala neamamino mage huno hie
Mamona nagaini naugafagi alitama neho. huno hie.
27
Nagola vaini nofi alagamo ti hanea
keayola aliteno nunamu huno muse huteno amamite amamite nehuno mage huno hie
Mukiamogatama neho.
28
Ma lina nagaia kolaniae. Nahaesagena falisugeno kolaniamoa
tamakaifene huno take take hu-lavisiafe haegafa kea, Anumaya Kotiene hagelafitama
maisaya kea ali fatago hugahianagino Anumaya Kotia ani kolatetifene huno kasagoya
veamogami kefo yaamia aige-ama-teno atale-ma-tegahie.
29
Nagaya tamaha-nepauve menia
nagaya vaini nofi alagamo tina nagoene onegahuanagina Nenafaa kava yagai-mainea kumate
umainena haegafa nofi alagamo tina etena tamakaiene tokaena mainena negahue. huno hie.
30
Higeya nagola yagamea huteya Olivi yosa hanea agoyafi hai-mainae.
Yisasia Pitafe Kakaveno hu-na-tegane. huno hie.
31
Yisasia mage huno hama-paiye Tamakaya mukiamogatama meni kegela nagaima
hu-na-tesaya kavafena nagaifema havitama tamakupi maletama tamametiti nehaya yana
ataletama asaga hu-lavisagi nayona ani yafena mage huno kae-maleneane
Nagaya sipi sipi kava kanoa haesugeya sipi sipiyaga atagufeya faleya ute ete hugahae.
huno kae-maleneane.
32
Kae-maleneanagi fali-mainesufiti Anumaya Kotia alino he-ti-na-tesigena Kalili uhagote-
lama-tena ugahue. huno hie.
33
Higeno Pitaa kenonaa mage huno hie Hu-ga-tesaya yafema
mukia anagamoya kagaifema haviya amakupi maleya amametiti nehaya yama ataleyama
falesagenahena nagaya mukia kanafina katalena ofalegahue. huno hie.
34
Higeno Yisasia
kenonaa mage huno hie Pitaga tamage kaha-nepauve meni kegela kokolemoa agea
oainesigeka tagufa (3) kanale Nagaya oagenoa kanoe huka avane hugane. huno hie.
35
Higeno Pitaa mage huno hie Kagaiene nahaesagena faligahuanagina kagai kagia avanena
huna ali fala okigahue. huno higeya mukia agaiaenema tokaeya nemaiya anagamoya nagoke
kegeya hu-mainae.
Yisasia Ketesemani hoyafi nunamu mo hu-maine.
36
Yisasia amakaiene viaamo Ketesemani uvayi huteya Yisasia agaiaenema tokaeya
nemaiya anagafena mage huno hie Tamakaya male maineho. Nagaya amule visuaamona
nunamuna huna havigegahue. huno hie.
37
Pitaene Sepeti nafanetalaene amavaleno viana
aipamoa kanaage higeno haumanamoa halegeno kasageke nehie.
38
Huteno mage huno
hama-paiye Nahau nayamopamoa tusia kanaage nehigena ago falisua kava nehugi male
mainetama kava yagaitama maineho. huno hie.
39
Osia viaamo Anumayamotega ke huno
havigegahe mopafi agoya moyeno maineno nunamuna mage huno havige Nagaya ago
falisua kava nehugeno ani havi kanamoa satuage hu-mainea tima hanea keayola
kahaisigekahena ani keayola naha-fale-talo. Nagai nagu nagesa akave omaleka afaa kahaisia
yana huo. huno havige.
40
Havigeteno momakeana agaiaenema tokaeya nemaiya anagamoya faeya mainageno
Pitafena mage huno mo hie Vae kagaya aupa yage kanoa kava oyagaika mainano?
41
Satania aye-lama-vataga hisigeno tamakuamoa Ohugahue. huno tokiyaage hugahianagi
amega tamaugafamoa tokiyaa afaa omaleneanagino Hugahue. huno hisia yana hugahigi
Satani kema ohavisaya yafena kava yagaitama mainetama Anumayamotega ke hutama
havigeho. huno hama-paiye.
42
Huteno amataleno viaamo tole (2) kanale nagoene nunamuna mage huno havige
Nenafagae nagaya falisua kava hugeno ani havi kanamoa satuage hu-mainea tima hanea
keayola kahaisigekahena ani keayola naha-fale-talo huna nehuanagi afaa kahaisia yana huo.
huno havige.
43
Havigeteno eteno momakeana amau tokotoko higeya faeya mainae.
44
Faeya mainageno tagufa (3) kanale nunamuna nagoene ani avamete huno havige-
maine.
45
Havigeteno Yisasia agaiaenema tokaeya nemaiya anagate eteno mage huno mo
hama-vige Mai-falu hutamage faetama mainao? Haviho kanania ago falote nehie. Nagaya
ikapinagati emainoa kanoa vayamo natenea nafanemonia nagesi huno navaleno kefo yama
nehaya vayamogami amayapi natesigeya nahaegahe nehae.
46
Mukiamogatama hetitama
vigetao. Ageho nagesi huno nahaesia kanoa ago neegi vigeta mogamano. huno hu-maine.
47
Ani kea nehigeno Yutasia tuelufua (12) anagaaene tokaeno nemaiya kanomoa evayi
higeya agaiene mukia vayala, mono note kava vayaene nagoa Yuta vayatamaenema hu-
matea vayaenena, ayaaya naepege naepege huya muki kayoene aliya emainae.
48
Agesi huno
Yisasima haesaya avame yama huno amavalea kanomoa ani vayafena mage huno hama-
paiye Atakoma hisua kanoa haesaya kano mainegi atafa hutama tokiyaage hutama
avaletama viho. huno hama-paiye.
49
Hama-paiteno Yutasia aupaa Yisasite viaamo mage
hie Hulave-nelina kanomogae. nehuno atako hu-maine.
50
Atako higeno Yisasia mage
huno hie Nenafugae hugahema esana yana aupaa huo. huno higeya ani vayamoya
Yisasina atafa huya aye-talako hu-mainae.
51
Atafa nehageno nagola agaiaenema he-ti-maiya
kanomoa ayaaya naepea he-vayu huno ala mono notema uhagote mainea kava kanomona
aliya kanoamona agesa ai-fakali-talegeno asaga hu-lavi-maine.
52
Ai-fakali-talegeno Yisasia
ani kanomofena mage huno hie Ayaaya naepekaa tafugepi eteka vaiyo. Ayaaya naepeleti tu
hisaya vayamoya ayaaya naepeleti hamaesageya faligahae.
53
Kagaya ohavinano? Nagaya
Nenafategama ke huna havigesuana seveti tausenia (70,000) ensole vayaa nahauke heya
tuma hisaya yafena hu-ma-tesigeya egahae.
54
Egahayanagi naama hisagenoa hanaa huno
nagaifena Naa kavala hu-tesageno faligahiema. huya Anumaya Koti avopima kae-malenaya
kemoa falote huno tamagea hugahie? huno havige.
55
Anilema melitalu hu-maiya vayafena Yisasia mage huno hie Tamakaya nagaifena
Vaya hamaeno musufaya nehia kano maine. hutama ayaaya naepene muki kayoene alitama
natafa hugahena neao? Nagaya mukia kanafina efi efi huna tamakaiene ala mono nopina
mainena mono kea tamaha-pauvanagi naa higetama natafa ohunayane?
56
Ohunayanagi
nayoma mainaya amaune vayamoya kae-malenaya kemoa falote huno tamage hisia yafe
mukia mani kavala hutama natafa nehae. huno hie.
Higeya mukia agaiaenema tokaeya nemaiya anagala neataleya fale hano hu-mainae.
Yisasina kaiyeke hu-tenae.
57
Yisasima atafa haya vayamoya avaleya ala mono note uhagote-mainea kava kanomo
note, Kaiyafasi note, avaleya vageya kahegi kema havilinaya anagaene Yuta vayatamaene
alitalu huya mainae.
58
Pitaa akave anatino vianagi avatela ounegi ago aluale umaineno ala
mono note hagote kava kanomo nomo haupale uvayi huno hai-faleno maineno ati vayaene
mopale maineno Yisasina hu-tesaya yana agesue. huno umaine.
59
Mono note kava
vayaene mukia kanisole vayaene Yisasima haesaya kaiyeke hu-tegahe nagoa vaya Kefo
kava higeta age-mainone. huya havige hu-tesaya vayafe ati-ye-mainae.
60-61
Atiyayana
omaigeya kasagoya vayamoya havige huya Yisasifena huteya haenaga tole kanolatana he-
tiana Yisasifena mage huana hae Ma kanomoa mage huno hu-maine Nagaya Anumaya
Kotina ala mono nomaa alina lagape ai-talena tagufa (3) kanale ani nona etena ki-talegahue.
huno hu-maine. huana hae.
62
Haageno ala mono note hagote kava kanomoa heti-maineno Yisasina mage huno
havige Kagaifena na augafa kea nehae? Kaiyekema hu-ga-taa kemo anonaania hu-falote
huka nohane? huno havige.
63
Higeno Yisasia avaya tukino ke ohuno maineno nago ke
kanoa ohune. Ohigeno ala mono note hagote kava kanomoa eteno mage huno havige
Haimuaene Anumaya Koti aufima kaha-vi-goa kea tamage huka taha-paiyo. Kagaya
Anumaya Kotia taugafa ali-gatigahema hu-ga-tenea kanoa, Kalaisiga, mainano? Kagaya
Anumaya Kotina nafaneamoga mainano? huno havige.
64
Havigegeno Yisasia hu-falote
huno mage huno hie E, kagaya ani kema hanana hai nehane. Tamage ani kano mainoe.
Tamaha-nepauve tamakaya haenaga ikapinagati emainoa kanoa vayamo natenea kanomona
tusia himamua hanea Anumaya Kotina aya tamaga kaiyaga hanea siale mainena ikate hanea
siate esugetama nagegahae. huno hie.
65
Higeno ala mono note hagote kava kanomoa ani
kea haviteno aipamoa tokiyaage higeno kenaa alino hatata nehuno mage huno hie Anumaya
Kotife hu-haviya hu-neatea kea hai havunanagiya nagoa vayamoya kaiyekea hu-oatesae.
Tamakaya Anumaya Kotife hu-haviya hu-neatea kea ago haviye.
66
Hai havunagi na
tamakesa nehaviye? huno higeya mage hae Anonaa alisia yafe haesageno falisie. huya
hae.
67-68
Huteya nagoa vayamoya Yisasi augosafi amavetuna he-neateya amayateti aiko-
ligeya nagoamoya amayana ali atale-lineya aiko neliya mage huya havigae Kalaisigae kaune
laga huka taha-paiyo taya negahayae? huya havigae.
Pitaa Yisasifena avane huno Nagaya noagoa kano maine. huno nehie.
69
Pitaa nomo haupalega mopale mainegeno nago aliya munamoa eaamo Pitafe mage
huno hie Kagaya Kalili Yisasiene tokaeka nemaina kano mainane. huno hie.
70
Higeno
Pitaa avane huno mukia vaya amaufi Aao, ani kanoa oagenoa kanohe maika nehane. huno
hu-maine.
71
Huteno fiatega umainegeno nago aliya munamoa megeteno anile he-ti-mainaya
vayafe mage huno hie Mani kanoa Nasaleti Yisasiene vai-neayea kanoe. huno hie.
72
Higeno Pitaa nagoene eteno Aao Anumayamo aufi tamage nehue oagenoa kanomofe
nehane. huno hie.
73
Osia mainegeya anile he-ti-maiya vayamoya Pitafena mage huya me
hae Tamage kagaya Kalili kano mainananagika kavefuna ali-yahae higeka kema nehana
yana tave-linageta havune agai anagapi kano mainane. huya hae.
74
Hageno Pitaa mage
huno hie Nagaya tamakema ohisugenoa Anumaya Kotia nahaesie. Anumaya Koti aulagafi
tamage huna tamaha-nepauve tamakayama nehaya kanoa nagaya oagenoa kanoe. huno
nehigeno kokolemoa age ai-maine.
75
Agea aigeno Pitana agesamoa aikalo higeno Yisasima
hapaigeno havi-mainea kea mage huno hu-maineane Kokolemoa agea oainesigeka kagaya
tagufa (3) kanale avane huka nagaifena ali fala-kigane. huno hu-mainea kemoa Pitana
agesamoa aikalo higeno haviteno hati-lavino viaamo tusia avi mo-te-maine.
Matiu Matiu
<<
26 26
>>
Matiu Matiu
<<
27 27
>>
27
1
Koma alino ha-neleana mukia mono note kava vayaene Yuta vayamogami
vayatamaene Yisasina haesageno falisia kea huge havige hu-mainae.
2
Huteya Yisasina nofi
kiteteya ala kamani kava kanoa, Pailatite, avaleya ayapi motenae.
Yutasia ago fali-maine.
3
Yutasia Yisasina agesi huno kame yama hu-tea kanomoa ageana Yisasina kaiyekema
hu-teteya Faligahie. huya haya yana ageteno aipamoa kanaage higeno eteno aminaya
monea tetia (30) siliva alaga monea alino ala mono note kava vayaene Yuta vayatamaene
momamine.
4
Mo neamamino mage huno hie Nagaya tusia kefo yama huna kefo yama
ohunea kanomona agesila huna kame yana hu-toanagino afa yafe faligahie. huno higeya ani
vayamoya mage hae Kahaote yakae. Tagai yana omalenegi kagaikaa yane. huya hu-tenae.
5
Hu-tageno Yutasia ani yafa monea ala mono nopi hagayu hu-neataleno viaamo agaia
ayapiti nofila alino anomu mo-ye-maine.
6
Mo-yegeya mono note kava vayamoya ani monea aliteya mage huya hae Mani
monea Vaya haesageno falisie. huya ali hage-mainaya monegita alita ala mono note
monenena omalesune. huya hae.
7
Huteya aliya haya kiteya Mani monea hapaleti susufane
talo nehia kanomo mopa miya hugahune. Ani mopa natu vaya he-vai-ma-tesuna mopa
hanegahie. huya hu-mainae.
8
Naa huteya ani mopamo agia kolamo tavi-mainea mopae
huya agia malenayanagino meni kanafina ani agimoa hanegeya neayae.
9
Naama hayana nayona aune kanoa Yelemaiyama hu-mainea kemoa ani kanafina falote
huno tamage hie. Mage huno hu-maineane
Ani tetia (30) silva alaga monea Isaleli vayamoya Haesageno falisigeta ani monea
kamigahune. huya hu-mainae.
10
Anumayamo naha-pai-mainea kava huya ani
monea aliya hapaleti susufanema talo nehia kanomo mopa miya hu-mainae. huno
hu-maineane.
Ani mopama miya hu-mainaya yupa ani kemoa falote huno tamagea hu-maine.
Pailatia Yisasifena Kagaya Yuta veate sauve kano mainano? huno havige.
11
Yisasia ala kava kanoa, Pailatite, he-ti-mainegeno Pailatia Yisasifena mage huno havi-
ge Kagaya Yuta veamogami Sauveami mainano? huno havigegeno Yisasia mage hie
Kagaikaa mani kea hai nehane. huno hie.
12
Higeya mono note kava vayaene Yuta
vayatamaene Maa avamete kefo ya hu-maineane. huya hu-tayanagi Yisasia kenonaamia
ohune.
13
Ohigeno Pailatia nagoene mage huno hie Mukia kefo yama nehana yana ali-
falotema nehayana nohavino? huno hie.
14
Higeno Yisasia kenonaa nagola osi kea ohigeno
Pailatia amayo ai-maine.
Pailatia Yisasifena Yafaga yosale haetama asaigeno falino, huno hie.
15
Kafuahe kafuahe Anumaya Kotia amaugafama ali-gati-mainea kanahe amakesa
haviya imua negiyanagino Pailatia mukia ani imu negia kanafina nagoa nofi hu-matageya
nemaiya vayapiti vayayagamoya haesagama huya Agaya esie. huya haya kanohe nofipitila
Hai hano hanagi vuo. huno hu-neatea kanae.
16
Ani kanafina nago kanomo agia Palapasie
vayala tavata nehamaya kanoa kina nofipi maineane.
17
Maineanagiya vayayagamoya melitalu
hageno Pailatia mage huno hama-vige Palapasife Hai hano hanagi vuo. huna hisuo ifi
nagaya Yisasife, veamoya Anumaya Kotia taugafa ali-gatigahema hu-tenea kano maine.
huya nehaya kanomofe, Hai hano hanagi vuo. huna hisue? Tafe musena nehae? huno
hama-vige.
18
Higeya Yisasima atafa huyama avaleya emainaya vayamoya ma amakesa
haviye Mukia vayala Yisasina agai ke nehaviya tagai kea nohaviye. huya nehayanagiya
Yisasifena amaipamoa haviya higeya Pailatite avaleya metalaya yafe Pailatia agesa haviteno
hama-vige.
19
Huteno kaiyeke hu-ma-tesia siale mainegeno aamoa nago kanomofe Mage
huka hapaiyo. huno hu-tegeno eaamo mage huno hie Akamoa mage huno hie Namona
fatago kanogi afaa atalo. Nagaya meni kegela tusiya huno koli nagesa hia himona agaitela
age-mainoe. huno higena me kaha-nepauve. huno hie.
20
Mono note kava vayaene Yuta vayatamaene mukia veafe mage huya mo hama-paiye
Mage hutama hiho Yisasina haegeno falino. Tagaya Palapasife nofipitila hano hisie huta
nehune. hutama hiho. huya hae.
21
Hageno Pailatia vayayagahe nagoene mage huno hie
Tole kanolata mainaagi hana kanohe Hai hano hanagi vuo. huna hisue? huno higeya
Palapasina afaa atalegeno eno. huya hae.
22
Hageno Pailatia mage huno hama-vige Ma
kanomofena amakaya Anumaya Kotia taugafa ali-gatigahema hu-tenea kanoe. huya nehaya
kanoa naa hu-tesue? huno hama-vige. Higeya mukia veamoya Yafaga yosale nili hetama
asaigeno falino. huya hu-mainae.
23
Hageno Pailatia mage huno hama-vige Naa higetama
ani kea nehae? Hanaa kefo yama hu-maine? huno hianagi eteya aliya alapi ataleya ala kefiti
mage huya hae Yafaga yosale nili hetama asaigeno falino. huya hu-mainae.
24
Hageno
Pailatia Nagai kea ohaviyanagiya tu hugahe nehae. huno agesa haviteno mage huno hie
Ani fatago kanomo kolamoa nagaipina kumila omalegahigi tamakaitamifi kumitamia
hanegahie. huno nehuno tina alino ani vayamogami amaule ayana sese hie.
25
Sese higeya
mukia veamoya mage huya hae Haesanageno falisia kumimoa tagayaene nafanetimoyaene
afaa aligahune. huya hae.
26
Hageno Pailatia Palapasina nofipitila avaleno neataleno
Yisasina agata aisifa kayoteti haifu amiteno Yisasina ati vaya amayapi ateteno Yafaga
yosale nili hetama asaigeno falino. huno hie.
Ati vayamoya Yisasina akaya atenae.
27
Ala kava kanomo ati vayamoya Yisasina avaleya ala kava kanomo no haupalega
umaineya mukia amakaienema nemaiya ati vayafe ke hageya emainae.
28
Ayaamoya Yisasina
kenaa asagi-taleteya akaya ateya Ala kano mainane. huya hisaya yafe ayaaya haesa kena
fai-tenae.
29
Fai-teteya avetanafaage nofiteti tumano kula talo huteya anutela vai-teteya
kupaga kayona tamaga ayapi amiteya amaleya neayeya hu-haviya hu-teteya kigi hu-teya
kamuge hatageya vai-nea-teya mage huya hae Felugae. Yuta veamogami ala sauve
kanomogae. huya kigi hu-tenae.
30
Augafale amavetuna he-teteya anutela kupaga kayoteti
aiko-li-mainae.
31
Hu-haviya hu-teteya kigi hu-nea-teya haesa kena hate nea-taleteya agaia
kena fai-teteya yafaga yosale nili hegahe avaleya umainae.
32
Yisasina avaleya kategama vayana Sailini Saimoniene mo-fotu huteya ati vayamoya
motafa huya tokiyaage ke huya Yafaga yosa Yisasi akave kofika vuo. huya hu-tageno
alino vie.
33
Vigeya Yisasina Kologota kumale, ani agimoa tagai kefina anu ayamufae huya
nehaya kumate avaleya umainae.
34
Ani ati vayamoya Haesunageno falisiana agata ai
yafenagita agatama oaisia tina nesie. huya nehuya ani atuage timo agia gala. Ani atuage
tiene nofi alagamo tiene nagopi ali havigu huteya aliyama amiyana Yisasia ani lina neno
agegeana higeno masu hugeno atalene.
35
Onegeya yafaga yosale nilia heya asai-maleteya kenaa fako huya aligahe musufa
yama nehaya yokalo lageno amakasesaya vayamoya ali-mainae.
36
Aliteya mopale maineya
kava yagaiya mainae.
37
Anutela kaiyekema hu-taya kema kaeya malaya avomoa mage huno
hie Mani kanoa Yuta veate ala Sauve kanoe. huya kaeya malenae.
38
Kae-maleteya
Yisasiene tole kanolatana vaya nehamaeana musufa ya nehaa kanolatana nago kanoa tamaga
kaiyagaa haeya asai-maleya nago kanoa haoga kaiyagaa haeya asai-maleya hu-mainae.
39
Hu-malenageya katema ute ete huya agasaya veamoya amakeya kayo neaiya Kefo
kano maine. huya kigi yokalofiti hu-haviya hu-tenae.
40
Mage huya hae Oho kagaya Ala
mono nona alina lagape ai-taletena tagufa (3) kanale etena ki-talegahue. huka nehana kano
mainane? Kagaya Anumaya Koti nafane mainenukahena menia yafaga yosa ataleka elavika
kagaikaa kaugafa aligatio. huya hae.
41
Hageya mono note kava vayaene kahegi kema
havilinaya anagaene Yuta vayatamaene ania huya kamuge hatageya vai-neateya hu-haviya
hu-tenae.
42
Mage huya hae Nagoa veala amaugafa ali-negatia kanogi agaia augafa naa
higeno ali-nokatie? Isaleli veamogami Sauve kanoamima mainenunofena yafaga yosaletila
ataleno elavinageta agamano. Agesunana Kagaya lamage nehane. huta tametitia hugahune.
43
Agaya Anumaya Kotife ametiti nehuno mage huno hu-maineane Nagaya Anumaya Koti
nafanemonae. huno nehianagino Anumaya Kotia agaifema hainagenoa menia augafa ali-
gatisie. huya hu-haviya hu-tenae.
44
Agaienema musufa kanolatama yafaga yosalema asai-
malaya kanolatamoganienena ania huana Yisasina hu-haviya hu-tenae.
45
Anile yagemoa euno amunokano higeno hale-mainea yamoa hano higeno mukia
kotega tusia hani-kino viaamo une kanalega eteno ali hale-maine.
46
Une kanalega Yisasia ala
kefiti ke huno agaia kefiti mage huno hie Eli Eli lema sapakatani. huno hie. Tagaiti kefina
mage huno hie Anumaya Kotinimogae Anumaya Kotinimogae naa higeka nagaila
nenatalane? huno hie.
47
Higeya nagoa anile heti-mainaya veamoya haviteya
mage huya hae Ilaiyafe ke nehie. huya hae.
48
Hageno nago kanomoa aiya-yeno viaamo
hava koyafa kana yana alino atuage nofi alagamo tipi ayeteno alino viaamo kupaga kayote
maleno ani hava koyafa kana yana kiteno Yisasia mayu mayu huno nesie. huno amine.
49
Amigeya nagoamoya mage huya hae Atalo, agava mainesunageno Ilaiyaa esiaamo yafaga
yosaletila mevaleno elavisiaamo augafama ali-gatisia yafe esio. Agetetae. huya hae.
50
Hageno Yisasia nagoene ala kefiti nehuno agu nafanea atalegeno vigeno fali-maine.
51
Faligenofena ala mono nopi asai-malenaya kenagefa ayaaya ala kenagefamoa
Yisasima falia kana kanoale ani kenamoa analeti aepa heno tavigeno amunopiti hatata hu-lole
huno mo-talegeno imila aligeno yafayagamoa aposi-lavi-maine.
52
Higeya veama he-vai-ma-
tenaya komumoa ai-hagalo higeya kasagoya veala, Anumaya Kotina amakuama amitafa
huteya fali-mainaya veala, he-ti-mainae.
53
He-tigeya ani veala komufitila hetigeno Yisasia
fali-mainefiti he-ti-mainea yupa Yelusalemu vageya mukia veamoya amake-mainae.
54
Ati vayaene kava kanoene Yisasitema yagaiya maiya ati vayamoya imima alia yaene
alu ya alu yama falote hia yana ageteya tusia amamayo aigeya mage huya hae Tamage
huno mani kanoa Anumaya Koti nafane-lafa maine. huya hu-mainae.
55
Nagoa aneyaga
Yisasina aya hugahe Kaliliti akave emainaya aneyaga aluale hetiya maineya age-mainae.
56
Nagoamogami amakia osi Yemesiene Yosefegani itaanimoa Maliae Magatala kumate
Maliaene tole Sepeti nafanelatamaamogani itaanimoene anifina mainae.
Yisasi augafa yafa kapi he-vai-tenae.
57-58
Yagemoa tavi falegahe higeno Yosefea Alimatia kumate kanoa, ala monea hanea
kanoa Yisasi ke havino akave nemalea kanogino Pailatite mage huno me havige Yisasina
augafaa aligahe nehue. huno havigegeno Pailatia E higeno ati vayaahe Yisasi augafa
aliya Yosefena amiho. huno hu-maine.
59
Hapaigeno Yosefea augafa alino me-maleneno
kenaleti aigalaki kalaki huno haya kino anovai-tene.
60
Anovai-teteno alino alino viaamo
agaima he-vai-tesaya yafe higeya he falegeya kafi-malenaya yafakapi Yisasina mo he-vai-
tene. He-vai-teteno ani yafa kamo avayalema ai-lilesia yafana, ala yafakefa ayetu-feno anile
mo ai-lile-maleteno umaine.
61
Vigeana Magatala Maliaene hamoamoene anile mopale
maineana he-vai-tea yafa kana age-mainae.
Ati vayamoya Yisasi komule kava yagaiya mainae.
62-63
Sapati kanahe haviya kavela talo tala hu-maleya faeteya kotigeya ala mono note
kava vayaene Falasia vayaene ala kanoa Pailatite mage huya me hae Ala kanomogae tagaya
ago havune
anima havigeage kanomoa afaama mainea kanafina mage huno taha-pai-maine Nagaya
tagufa (3) kanale maitena komufitila he-tigahue. huno hu-maine.
64
Nage hu-maineafe
kagaya tokiyaage ke hugeya ani yafa kamona ai-lileya tokiya vai-malesageno tagufa (3)
kanafina tokiyaage huya yagaisae. Havigu agaiaenema tokaeya nemaiya anagamoya ani
komufiti Yisasi augafa musufaya huya aliya uteya veafe Fali-mainefitila agaia he-tino
umaine. huya hama-paisageno ani kema hisaya kemoa hagoteno hu-mainea kemona
agasegahie. huya hae.
65
Hageno Pailatia mage huno hie Kava yagaisaya ati vayala
tamamisugetama ani komule amavaletama moma-tesageya yagai-lama hugahae. huno hie.
66
Higeya vayayamoya ani yafa katema malenaya yafana fukiteti aye-gamaeya ai-lileteya
nagoa ati vayafe Yagaiho. huya hu-ma-tenae.
Matiu Matiu
<<
27 27
>>
Matiu Matiu
<<
28 28
>>
28
Yisasia faliteno komufitila he-ti-maine.
1
Sapati kanamoa hano hu-tegeno Sota yupa kola otinegeya Magatala Maliaene
hamoamoene he-vai-taya komulega agegahe umainae.
2
Nevaageno tusia imi aligeno
Anumayamo ensole kanoa ikapinagati elavino ani yafakefa ayetu-fe-neataleno agupile
mopale maine.
3
Mainegeno augosamoa aulumayama alia kava huno aye-vasa higeno
kenaamoa efeage huno alave alave hu-maine.
4
Higeya he-vai-taya yafakatema yagaiya maiya
ati vayamoya ani ensole kanoa ageteya atili huya amakoya faiteya fali-mainaya vaya kana hu-
mainae.
5
Hageno ensole kanomoa ani atalafena mage huno hie Tanakaila tanamayoa oaino.
Nagaya ago havimainoe tanakaya Yisasina, yafaga yosale nilima heya asai-malenaya kanohe
ati-neayae.
6
Mafina omainegi fali-mainefitila ago heti-maine. Tamaha-pai-mainea kemoa
falote higeno ago he-ti-mainegi etana malenaya kumala ma hanegi megeo.
7
Megetetana
tanaiyayetana agaiaenema tokaeya nemaiya anagala mage hutana mo hama-paio Yisasia
ofalino afaama maineno tamaha-pai-mainea kea haviho. Uhagotela-mateno Kalili ago
umainegi anilega neutama Yisasina mogeho. hutana hio. Hai tanaha-pauve. huno hie.
8
Higeana tolemogania anamayoa neaiana musena nehuana anaiyayeana agaiaenema tokaeya
nemaiya anaga mo hama-paigahe umainae.
9
Nevaageno anile aupaa Yisasiene fotu mo haageno Yisasia mage huno hanapaiye
Neao? huno higeana eana aiyale metafa huana ali soso hae.
10
Haageno Yisasia mage huno
hie Tanamayoa oaitana mage hutana nafunaganagamina mo hama-paio Kalili neutama
anilega mo nagegahae. hutana hama-paio. huno hie.
Ati vayamogami ke.
11
Tole atalana yaufa nevaageya nagoa komulema yagai-maiya ati vayala ala kumate uya
ala mono note kava vayafena mukia yama falotema hia yafena mo hama-paiye.
12
Mo
hageya ala mono note kava vayaene Yuta vayatamaene melitalu huya huge havige huteya hu-
haya kiteya ani ati vayamogamina ala mone hageya neamamiya Mani kea hutama falote
ohisaya yafe ma monea negeno hano hino. huya hae.
13
Huteya mage huya hae Tamakaya
veafena mage hutama hiho Yisasiene tokaeya nemaiya anagamoya kege ayaamoya faeta
mainonageya augafa musufaya huya aliya vae. hutama hiho.
14
Ala kamani kanomoa mani
kema haya kea haviteno kema tamama-kisiana tagaya ali fala-ki-lama-teta Amakaipina kea
omale. huta alu kema hapaisunanagenoa kea-otamama-kigahie. huya hae.
15
Hageya ati
vayamoya ani monea aliteya ma ma hama-paiya kemo akave malageno mukia Yuta vea
mainalega mani kemoa ute ete huno menia ania huno hane.
Yisasia agaiaenema tokaeya nemaiya anagafena Mono kenia alu kumate kumate
alitama viho. huno hie.
16
Yisasina alevenia (11) anagamoya Kalili agoyalega umainae.
17
Valegati Yisasina
mogeteya agia alisaga hayanagi nagoamoya tole amakesa havimainae.
18-19
Yisasia ani vaya
mainale emaineno mage huno hie Anumaya Kotia ikategaene mopafiene tusia kava
yagaisua tokiya yana ago namiafe tamakaya mukia ma mopaene mopaene neutama nagai
kea hama-paigeya amakua namisagetamahena Nenafa agileene nafaneamoni nagileene Alu
Aotage Avamumo agileene tina fale-ma-teho.
20
Tina fale-ma-tetama nagayama tamaha-pai-
mainoa kea Akave maleho. hutama huge hama-velige hiho. Tamage nagaya tamakaiene
mukia kanafina maime maime nevisugeno ma mopama hano hisia kanamoa falote
hugahianagina otama-talegahue. huno Yisasia hu-maine.
Matiu Matiu
<<
28 28
>>
Kea
Maki
00
11
22
33
44
55
66
77
88
99
10 10
11 11
12 12
13 13
14 14
15 15
16 16
Maki Maki
<<
00
>>
^
Maki
Ti faleneamatea Yonia mono ke huhaleno humaine.
Yisasia aepa heno aliyamaa alimaine.
Yisasia foa (4) vaya ke higeya agai akave umainae.
Nago kanomo aguafiti Yisasia Kefo Avamula anatitalene.
Yisasia Pitana aamona itaamo alekanoa kalia alino kanale hutene.
Yisasia mukia kali veala alino kanale humatene.
Yisasia Kalili kotega aliya alino vaiyemaine.
Yisasia aiya aya falimainea kano alino kanale hutene.
Yisasia kavema monesiya yafe humaine.
Yisasia Sapati yupa aliyama noaliya yafe humaine.
Sapati yupa Yisasia aya falimainea kanoa alino kanale hutene.
Yisasite kasagoya veala ti agegayale melitalu humainae.
Yisasia agaia tuelufua (12) anagaa hapalimatene.
Yisasia Pielesepulimo tokiyaleti aliyana nealie. huya humainae.
Taya Yisasina itaamoyaene aganaamoyaenena mainae.
Nago kanomoa hoyafima avina nefaiya yate Yisasia avame kea humaine.
Yisasia naane agesa hanegeno avame kegeyana humaine.
Avinamote avame kea huhaleno hie.
Veamoya lamua hanagaliya sipale kapinaga nomalae huno humaine.
Avina yamoma nehagea yate avame kea humaine.
Masatati avina yosamote avame kea humaine.
Yisasia avame kegeya humaine.
Yisasia ala yasimofe higeno taga humaine.
Yisasia aifo kanomo agusafiti Kefo Avamula anatitalene.
Soka kanomo munala faligahe humaine.
Yisasina kenaale avate hia amona kaliamoa hano humaine.
Nasaleti kumate veamoya Yisasina amakaveno hutenae.
Yisasia tuelufua (12) anagaamogamina aliyate humatene.
Helotia agesa haviana Yisasifena Ti falemate Yonie. huno humaine.
Yisasia ti agupile umaine.
Yisasia kasagoya Kenesale veala kaliamia alino kanale humatene.
Anumaya Koti kahegi kemoa tototimogami kemona agasemaine.
Veamogami amakuafima oniyaage nehamaiya yane.
Fonisia kotega amoa Yisasina agua amitafa humaine.
Yisasia nago aifo kanomo agesaene avayaene alino kanale hutene.
Yisasia fo tausenia (4,000) vaya kavela amamine.
Tokiyaage avame yana hugeta agamano. huya hae.
Falasia vayaene Helotiene nehaya kea kaihamema halenegia yate huvame ke
humaine.
Yisasia nagola aulaga asu humai kanoa Petesaita kumate alino kanale hutene.
Pitaa hufalote huno Yisasia Anumaya Kotia taugafa aligatigahema hutenea kanoe.
huno humaine.
Yisasia Falitena hetigahue. huno humaine.
Yisasina augafamoa alino alu kava humaine.
Yisasia nagola mananiya neagea nafanea alino kanale hutene.
Tole kanale Yisasia Falitena hetigahue. huno humaine.
Ta ala kanoa maine?
Veamoya kamema huotatesayana tagai kanapa maigahae.
Kefo auava yamoa Yisasife amakupi maleya ametiti nehaya yamona ali haviya
nehie.
Yisasia ve alavema apase yafe humaine.
Yisasia Nafaneyaga amatalegeya nagaitega eho. huno humaine.
Kasagoya afenomaa hanea kava kanomoa Yisasiene kea kea humaine.
Yisasia tagufa kanale Falimainesufitila hetigahue. huno humaine.
Yemesigani Yonigania Ala kava kanolata maisue. huana humainae.
Yisasia nagola aulaga asu humainea kanoa alino kanale hutene.
Yisasia Yelusalemu kumapina sauve kana huno uvayi humaine.
Yisasia fiki yosahe Alagaa oayo. huno hutene.
Yisasia ala mono nopi mone aliya nealiya veane amanatitalene.
Tamage huno ametiti huteno nunamu hisia veamoa havigesia yana aligahie
Yisasifena Himamu yakaa ta kamine? huya havigae.
Havi vayamoya vaini hoyalema yagaimainaya vayate avame kea humaine.
Satiusi vayamoya falimainesafiti hetisaya yafe Yisasina havigemainae.
Yisasia Anumaya Kotima hutenea kanohe veamogami hamavige.
Yisasia Tusia kana yamo falote hugahie. huno hie.
Kava vayamoya Yisasina haesaya ke hu haya kimainae.
Nago amoa Yisasina anupi masave takino faletene.
Yutasia hulamake huno kava vayafe Yisasina avalena tamamigahue. huno
hamapaimaine.
Yisasia agaiaenema tokaeya nemaiya anagaaene kavela nemainae.
Yisasia kaihame kana mayaene nofi alagamo tiene amamine.
Yisasia Pitafe Kakaveno hunategane. huno hie.
Yisasia Ketesemani hoyafi nunamu mo humaine.
Nago neya kanomoa koli huno falemaine.
Yisasina kanisole vaya amaulagale kaiyekea hutenae.
Pitaa Yisasifena avane huno Nagaya noagoa kano maine. huno hie.
Pailatia Yisasife Yafaga yosale nili hetama asaigeno falino. huno hie.
Ati vayamoya Yisasina huya akaya atenae.
Yisasia ago falie.
Yisasia ago falimainefitila hetimaine.
Magatala kumate Maliaa Yisasina agemaine.
Agaia anagapiti tole kanolatamogania katega Yisasina agemainae.
Yisasia alevenia (11) anagaamoya aliya alisaya ke hamapaimaine.
Anumaya Kotia Yisasina avalegeno ikapinaga haimaine.
Maki Maki
<<
00
>>
Maki Maki
<<
11
>>
Yisasife Kanale Ke
Maki
Kaemalenea Ke
1
Ti faleneamatea Yonia mono ke huhaleno humaine.
1
Yisasi Kalaisia Anumaya Kotina neamofena kanale kea mage huno aepa hie.
2
Anumaya Koti aune kanoa Aisaiyaa mage huno kaemaleneane
Anumaya Kotia mage huno hie Haviho ke hamapaisia kanonia Yisasi aulega hagotena
hutesugeno kana valino hilato hugahie.
3
Kame kotegati nago kanomoa keha keha
huno mage hugahie Anumayamo esia kana ali hilato hutama fatago hiho. huno
humaineane.
4
Yonia ti faleneamatea kanoa evayi huno kame kotega maineno mage huno hie
Tamakaya tamakua aiyahae hutama kefo yatamia Nagoene ohugahune. hutama
ataletesagena tina falelamatesugeno Anumaya Kotia kefo yatamia aigetamateno
atalelamategahie. huno humaine.
5
Ani yupa Yelusalemu veaene Yutia kotega veaene Yoni
mainelega umaineya kefo yaamihena hufalote hageno Yonia Yotani lipi tina falematene.
6
Yonia kemolu afumo ayolagefaleti kenaa fakanino failineno amunofila pulamakamo
augafaleti ayetalako huno kilineno kavea kenuene tumemo timaaene neneane.
7
Mage huno
hamapaiye Nakavela nago kanoa ago egahie. Ani kanoa tusia tokiya yamaa hanea kanogino
nagaila ago nagaseno maigena nagaya afa kano mainoanagina agai aiyale ayesuana
onategahie.
8
Nagaya titeti falenelamatoanagino ani kanomoa Anumaya Kotina Alu Aotage
Avamualeti falelamategahie. huno hie.
9
Ani kanafina Yisasia Kalili kotega hanea kumala Nasaleti kumateti egeno Yonia
Yisasina Yotani lipi tina faletene.
10
Tina faleneategeno Yisasia tipinagati aivati huno aupaa
ageana ikamoa aihagalo higeno Anumaya Koti Alu Aotage Avamumoa nama kana huno
agaitega elavimaine.
11
Elavigeno ikapinagati nagola agea aino mage huno hie Kagaya
nagaini nafanemoga kagaifena aluya huno nahau nayamopafi nenagea nenimoga kagaifena
aluya huna musekaa nehue. huno hie.
12
Anumaya Kotina Alu Aotage Avamuamoa Yisasina veane omai kame kotega anatino
umaine.
13
Umainegeno Satania Yisasife Havi kava huo. huno ayevataga higeno fotia (40)
yupa Yisasia ani kotega afela afuyagaene mainegeya ensole anagamoya meya huya kava
hutenae.
Yisasia aepa heno aliyamaa alimaine.
14
Yonina nofi hutenageno Yisasia Kalili kotega Anumaya Koti kanale kea mo
hamapaiye.
15
Yisasia mage huno hie Anumayamo malenea kanamoa ago evayi humainegi
Anumaya Koti yagailamatesia kanamoa aupaa evayi hisia yafe tamakaya tamakua aiyahae
hutama kefo yatamia ataletetama nagaifena kanale kea humainea kemoa Tamage humaine.
hutama tamakupi maletama tamametitia hiho. huno humaine.
Yisasia foa (4) vaya ke higeya agai akave umainae.
16
Yisasia Kalili ti kotumo agegayalega neuno Saimonina aganaamoene Etaluene
anakeana noyame kuya nehaa kanolana maineana ala kukonogo ti kotupi hagayu huana
nemalae.
17
Yisasia mage huno hanapaiye Nakave eo. Nakave esaagena noyame kuyama
haa kava huna vaya kuya hulanategahue. huno hie.
18
Higeana aupaa kukonogoania
neataleana Yisasi akave umainae.
19
Vaageno Yisasia nagoene neuno Sepetina netalamaamogania Yemesiene Yoniene tipi
kalefi maineana kukonogo nefakaniageno Yisasia monake.
20
Anaketeno Yisasia ke higeana
Sepetia neanafaene aliya vayaaene tipi kalefiti neamataleana Yisasina akave vae.
Nago kanomo aguafiti Yisasia Kefo Avamula anatitalene.
21
Kapaneamu kumate taviteya Yisasia Sapati yupa mono nopi haino Anumaya Koti ke
humavelie.
22
Humaveligenoa agai kemoa tokiya yamaa hanea kanomo ke kana hia yafena
tusia amamayo aigeya mage hae Nagoa kahegi kema havilinaya anagamoya nehaya
avamete ke nehie. huya hae.
23
Anile nago kanoa Kefo Avamumoa aguafi falemainea kanoa mono nopi emaine.
24
Emaineno ala kenake huno mage hie Avo Yisasigae Nasaleti kumate nafanemoga naa
hulategane? Tagaila tahaeka falilategahe emainano? Nagaya kagaifena ago havimainoe
kagaya alu aotage kanoa Anumaya Koti hugatenea kano mainane. huno hie.
25
Higeno
Yisasia Kefo Avamufena tokiyaage ke huno mage hie Kea ohuka maiyo. Mani kanoa
ataleka agusafinagati vuo. huno hutene.
26
Higeno ani Kefo Avamumoa moyege meyege
huteteno kasageke hia kava huteteno alakenake huno agusafiti ataleno hatilavimaine.
27
Vigeya mukia vayala amamayo aigeya huge havige huya mage hae Na kava nehie? Na
augafa haekafa ke nehie? Tusia tokiyaleti anumayaage ke higeya Kefo Avamumoya agai kea
ali hipoya huya hatilaviya vae. huya hae.
28
Hageno Yisasima humainea avagemoa mukia
Kalili kotega ute ete higeya mukia veamoya havimainae.
Yisasia Pitana aamona itaamo alekanoa kalia alino kanale hutene.
29
Yisasia Yemesiene Yoniene mono nona ataleya anileti Saimonigani Etalugani
nopinaga umainae.
30
Umainageno Saimonina aamona itaamo alekanoa amukonako kali
nealigeno Yisasia uvayi higeya aupaa ani alekanohe Yisasina hapaimainae.
31
Hapaigeno
Yisasia agaite eno ayate alino hetitegeno amukonako kaliamoa agola kanale hutegeno kavela
kaeno amamine.
Yisasia mukia kali veala alino kanale humatene.
32
Unena yagea tavifalegahe higeya veamoya kasagoya kali veanea Kefo Avamumoya
amakuafima ali haviya nehia veanea Yisasite amavaleya emainae.
33
Mukia ani kumate veala
fiate elitalu humainae.
34
Yisasia havigu havagu kali nealiya veanene ali hilato humateno
mukia Kefo Avamumola amakuafiti amanatitalegeya Kefo Avamumoya Yisasina agoma
agemainaya yafe Yisasia mage huno hamapaiye Mani yafena kea ohiho. huno hamapaiye.
Yisasia Kalili kotega aliya alino vaiyemaine.
35
Natena tani kotigeno Yisasia hetino ani nona ataleno vaya omai kotega umaineno
nunamuna humaine.
36-37
Umainegeya Saimoniene nagoa anagaamoyaene agaife aiyaka
maeya agaitega uya mage huya mo hae Mukia veamoya kagaifena katineayae. huya
hapaiye.
38
Hapaigeno Yisasia mage huno hamapaiye. Alu kumate kumate vigetao nagaya
mono kea mo hamapaigahue. Mono kema hamapaisua yafe nagaya emainoe. huno
hamapaiye.
39
Mukia Kalili kotega viayamo mono nopi Anumaya Koti kea hamapaino Kefo
Avamula veamogami amakuafiti amanatitalene.
40
Nagola fugitayamo augafa alino hayagino atalako humainea kanomoa Yisasite mepe
huno mage huno hapaiye Kahaisigekasina nagaila ago ali hilato hunatateasine. huno
humaine.
41-42
Higeno Yisasia kalagi aiteteno ayana hayo huno augafale avate nehuno mage
huno hie Nahaigena kaugafamoa menia kanale hino huna nehue. huno higeno anile aupaa
kaliamoa hano hutene.
43-44
Hano hutetegeno Yisasia mage huno hapaiye Aupaa
visanaamoga ali hilato hugatoa yafena nago kanoa haopaika mono nopi kava kanomote uka
mukia veala kalikaama alina kanale hugatoa kema havinuyahena mono nopi kava kanomoa
kaugafa kamota huno kagetesigeka kaugafama ali kanale hugatoa yafena Mosesea Ma
yama Anumaya Kotina amio. huno humainea yana Anumaya Kotina momio. huno
tokiyaage ke hapaiye.
45
Hapaiyanagi ani kanomoa viaamo kanalema hutea avagea alu
kumate kumate hamapaigeya kasagoya veane haviteya Kalitia alino kanale hulatesie. huya
Yisasite emainae. Aya yafe Yisasia fufuyate visia kana omalegeno amataleno vaya omai
kotega umainegeya alu kumateti kumateti veala Yisasite emainae.
Maki Maki
<<
11
>>
Maki Maki
<<
22
>>
2
Yisasia aiya aya falimainea kano alino kanale hutene.
1
Yisasia aupa kana kanoa maiteno Kapaneamu kumate eteno nomaafi Emaine. haya
kea veamoya havimainae.
2
Haviteya veamoya melitalu hageno nomaafiene nosimekaenena
hiya higeya nagoa veala fiategaenena maisaya yana omalegeno Yisasia Anumaya Koti kanale
mono kea hamapaiye.
3
Hamanepaigeya foa (4) vayamoya nago kanoa aiya aya falimainea
kanoa hagifanale avaleya faeteteya Yisasite avaleya ae.
4
Ayana kasagoya vea hiya haya yafe
kana omalegeya nogatofulega haiteya Yisasi maineamaaleti hanae yosa alisaga humaleneya
ani hagifanale kali kanoa atalageno Yisasina avate elavimaine.
5
Elavigeno Yisasia Ma
vayamoya nagaife haviya amakupi maleya amametiti hae. agesa haviteno kali kanohe mage
hie Nafanenimoga nagaya kahanepauve ago aigekatena kefo yakaa atalegatoe. huno
hapaiye.
6-7
Higeya kahegi kema havilinaya anagamoya anile mopale emaineya amakaiami
amakuafiti mage hae Naa higeno mani kea nehie? Ma kanomoa Anumaya Kotifena
huhaviya huneate. Nagoa vayamoya aigetateya kefo yatia ataleotategahayanagi Anumaya
Kotia agaiage aigetateno kefo yatia atalelatesia kanoa maine. huya hae.
8
Hageno Yisasia
aupaa amakuafinaga haviya kea agupi ago haviteno mage huno hie Naa higetama mani kea
tamaku tamakesafinaga nehaviye?
9
Nagayama huna hisua kea hana kemo kanaagela
humaine? Aigekatena kefo yakaa atalenegatoe. huna hisua kemoo? Ifi kali kanomofe
Hetika hagifanakaa alisaga hulika vuo. huna hisua kemoo?
10-11
Nagaya ikapinagati
emainoa kanoa vayamo natenea kanomona ma mopale mainena kefo yafe aigetamatena kefo
yatamia atalelamatesua tokiyania hanea yafema havisaya yafe nago kavala huna
tamaveligahue. nehuno kalima alia kanohena mage huno hie Hetika hagifanakaa nealika
nokalega vuo. huno hapaiye.
12
Higeno ani kali kanomoa aupaa mukia vea amaulagafi
hetino hagifanaa nealino hatilavimaine. Hetino via yafe mukia melitalu huya mainaya
veamoya tusia amamayo aigeya Anumaya Koti agia alisaga nehuya mage huya hae Menia
ma yupa noagona tokiyaage yana neagone. huya hae.
13
Yisasia amataleno Kalili tikotumo agegayalega nevigeya mukia veamoya agaitega
molitalu hageno Yisasia humavelie.
14
Vilegati nago kanoa mogeana ani kanomo agia Livaie
Alafiusi nafanea mogeanagi Livaia musufa ya huno vaya amaugafaleti takisi mone aliliteno
nehia kanogino opisi nomaale mopale mainegeno Yisasia ani kanoa mogeteno mage huno
hapaiye Kagaya nakave eno. huno higeno Livaia hetino Yisasina akave umaine.
15
Haenaga Yisasia Livaina nomaafi kave mo nenegeya mukia musufaya huya
amaugafaleti takisi mone nealiya vayaene nagoa kefo yama nehaya vayaene Yisasiene
tokaeya nemaiya anagamoyaene ani nopina tokaeya maineya kavela nenae. Ani yupa
kasagoya vayamoya Yisasi kea haviteya akave umainae.
16
Yisasia ani kefo yama nehaya
vayaene vaya amaugafaleti takisi miya nealiya vayaene kave nenegeya nagoa kahegi kema
havilinaya Falasia vayamoya mogeteya Yisasiene tokaeya nemaiya anagafe mage huya hae
Naa higeno Yisasia amaugafaleti takisi monema nealiya vayaene kefo yama nehaya
vayaenena kavela nene? huya hamavigae.
17
Hamavigageno Yisasia ani kea ago haviteno
kenonaamia mage huno hamapaiye Afaa kalima noaliya veamoya tota kanalega ougahagi
kali veake tota kanalega ugahae. Fatago vea mainone. huya nehaya veafe ke hugahe
nagaya omenogi kefo yama nehaya veafe ke hugahe emainoe. huno hie.
Yisasia kavema monesiya yafe humaine.
18
Nago yupa Yoniene tokaeya nemaiya anagamoyaene Falasia vayamoyaene kave
monesiya yafe nagoa vayala Yisasite eya mage huya havigae Naa higeya Yoniene tokaeya
nemaiya anagaene Falasia vayaene kavela mosiya nemaiyanagi kagaiene tokaeya nemaiya
anagamoya kavela nege nege huya nemaiye? huya hae.
19
Hageno Yisasia mage huno hie
Nago kanomo ama faiya esageno avaya heno nesia imu kisia yupa vayaamoyaene
tokaeyama maisayana ani vayamoya kavela mosisao? Aao ani kanoa maineanagiya
moosigahae.
20
Moosigahagi haenaga alu kana falote hisigeya kame vayamoya ama alisia
kanoa atafa huya amakaipiti avalesageya ani kanafina mainesaya vayaamoya hamau huteteya
mosigahae.
21
Nago kanomoa haegafa kena alino atafa kenalela maleno ohatigahie. Maleno
hatisiana haegafa kenamoa taga huno ali haviya hugahie.
22
Nago kanomoa haegafa nofi
alagamo timaa takino atafa mememo augafa ti keayopina otakigahie. Takisiana ani limoa
kanuka hesigeno ti kena falo huno takilavinageno ani liene keayoene ali haviya hugahie.
Haegafa nofi alagamo timaa hefino haegafa meme augafamo ti keayopi takino vaino. huno
humaine.
Yisasia Sapati yupa aliyama noaliya yafe humaine.
23
Nago Sapati yupa Yisasiene agaiaenema tokaeya nemaiya anagaene atili hoyafi neuya
atilia kalemainae.
24
Negalageya nagoa Falasia vayamoya ageteya Yisasife mage huya hae
Ago Sapati yupahena nagalu humalenaya kea neatagayae. huya hae.
25
Hageno Yisasia mage huno hie Tamakaya Tevitia agaima avagi huya vaya vayaene
amakategeya humainaya yafena nayoma kaemalenaya kea hapalitama ohavinayanagitama
nehao?
26
Amakategeno Anumaya Koti nopi haino afa vayamoya onegahae mono note kava
vayala amakaiamige negahae. huya nagalu humalenaya kavela Anumaya Koti aulagale
malenaya kaihame maya Tevitia neneno tokaeya umainaya vayaaene amamigeya nemainae.
huno humaine. Ani kanafina Apiataa ala mono note uhagote mainea kava kano mainea
kanafine.
27
Yisasia Falasia vayafe mage huno hamapaiye Vayamoya maifalu hisaya kana
Anumaya Kotia Sapati kana talo humalenegi veamoya ani kanamona atafa hisaya yafe veala
talo ohune.
28
Ikapinagati emainoa kanoa vayamo natenea nafanemona Sapati kanamona
kava yagaimainoe. huno hie.
Maki Maki
<<
22
>>
Maki Maki
<<
33
>>
3
Sapati yupa Yisasia aya falimainea kanoa alino kanale hutene.
1
Yisasia nago yupa mono nopi haino mainegeno nago kanoa ayamo falimainea kanoa
anile maine.
2
Mainegeya nagoa vayamoya Yisasima havi kavama hisiafene huya amata huya
mainageno Yisasia Sapati yupa ani kali kanoa alino kanale hutesio. huya Yisasina amata
huya mainae.
3
Amata huya mainageno Yisasia ayama falimainea kanomofe mage huno
hapaiye Hetika vaya amunopi me hetio. huno hapaiye.
4
Hapaiteno Yisasia amata huya
maiya vayafena mage huno hie Tamahavigoe Sapati yupama hisaya yafena mono kemoa
naane humaine? Sapati yupa vayala aliya kanale humategahao ifi ali haviya humategahae?
Sapati yupa veala amavaleya avina me matesao ifi veala tavata hamaegahae? huno
hamavigegeya kea ohuya mainae.
5
Kea ohuya maigeno Yisasia mukia vaya amaulagafi
moge mege hiana mukiamogami amakumoa atalako hia yafe aipamoa kana higeno kali
kanomofe mage huno hapaiye Kayana aipi huo. huno higeno aipi hiana ayamoa kanale
hutene.
6
Kanalema hutea yafena Falasia vayamoya mono nona neataleya Heloti vayaene
alitalu huya huge havige huteya Yisasina hanaa huta haesunageno falisie. huya vege
humainae.
Yisasite kasagoya veala ti agegayale melitalu humainae.
7-8
Yisasiene agaiaenema tokaeya nemaiya anagaaene Kalili ti kotumo agegaya nevageya
kasagoya veane Kaliliti akave vae. Yutiatiene Yelusalemutiene Itumeatiene Yotani tifaligati
veanene Taiyatiene Saitonitiene mukia veala Yisasima hia avagea haviteya agaitega vae.
9
Nevageno agaiaenema tokaeya nemaiya anagafe mage huno hamapaiye Mukia alitalu haya
veamoya nagaila ayenatunefayafe tipi kalea talo tala hunateho. huno hie.
10
Kasagoya veala
kaliamia alino kanale humatea yafe mukia kali veamoya Yisasi augafale avate hugahe
ayetufeliya vae.
11
Nevageya Kefo Avamumoya vea amakusafi maineya ageteya Yisasina
aulegati mopafi amakoya meyeya ala kenake huya mage hae Kagaya Anumaya Kotina
nafaneamoga mainane. huya hae.
12
Hageno Yisasia tokiyaage ke huno mage hie Ani kea
nagoa veala hamaopaiho. huno hamapaiye.
Yisasia agaia tuelufua (12) anagaa hapalimatene.
13
Yisasia agoyafi haiteno haiya vayafe ke higeya emainae.
14-15
Ageno ani vayapiti
tuelufua (12) vaya hapalimateteno agaiaenema tokaeya maisaya yafeene agai kema huhaleya
hisaya yafeene hapalimatene. Hapaliteno tokiyaa neamamino Kefo Avamula veamogami
amakusafiti amanatitalesaya yafeene hapalimatene. Mage huno hamapaiye Nagai kema
havigena hulamatoa vayala (Aposolo vaya) maiho. huno hapalimatene.
16
Ani tuelufua (12)
anagamogami amakia Saimonie kanomo agia Yisasia Pitae huno malene.
17
Yemesiene
aganaamoa Yoniene Sepetina neamogania Yisasia anakia Poanesie huno malene. Ani
anakimoa tagai kefina monagemoma hia avamete huana tokiyaage ke nehaa kanolatane huno
anakia malene.
18
Etalue Filipie Patolomiue Matiue Tomasiene Yemesia Alafiusi nafanene
Tatiusiene Saimonina hamoamoa nago agia Selotie.
19
Yutasi Isakaliotia Yisasina haenagaa
agesi huno kame vaya amayapi avaleno atesia kanoe.
Yisasia Pielesepulimo tokiyaleti aliyana nealie. huya humainae.
20
Yisasia nomaalega umainegeya mukia veala Yisasite elitalu hageno Yisasiaene
tokaeya nemaiya anagaene kave negahe haya yapi veala mehiya hageya onenae.
21
Agaia
konaga afamoamoya haviteya Yisasife Aifonafo nehie. huya Yisasina avalegahe emainae.
22
Yelusalemu kumateti kahegi kema havilinaya anagamoya Yisasife mage huya mehae
Kefo Avamuma kava humainea kanoa Pielesepulimoa agupi maineno tokiya amigeno Kefo
Avamula anatineatale. huya humainae.
23
Hageno Yisasia haviteno Nagaite eho. huno ke
higeya ageno avame kefiti mage huno hamapaiye Satania hanaa huno Satanina
anatitalegahie?
24
Nagoke kotega veamoya ali fako huya Alu vea mainone. huya tuma
hisayana ani kotega veanenena hano hugahae.
25
Nagoke afamomoya ali fako huya Alu
anaga mainone. huya tuma hisayana ani afamola hano hugahae.
26
Hano hugahagi Satani
anagamoya ali fako huya Alu vaya mainone. huya hisayana Satani kava yagaisia tokiyaa
omalegahianagino haviya huno hano hugahie.
27
Nagola tokiya kanomoa nomaafima yagaino mainesigenoa nago kanomoa musufa
yama hugahe vinunoa hagoteno ani tokiya kanomona nofiteti kitalako huteteno afenoyamaa
musufa yana hugahie.
28-29
Naa humaineafe nagaya tamage huna tamahanepauve veamoya mukia alu kefo
yama alu kefo yaene huhaviya humate yaene hisayana Anumaya Kotia aigetamateno kefo
yana atalelamategahianagi nagoa veamo Alu Aotage Avamufema huhaviya hutesayana
Anumaya Kotia aigeoamategahianagi ani kefo yamaa hanege hanege huno hanegahie. huno
humaine.
30
Higeya Kefo Avamumoa Yisasina agupi maine. huya haya kehe Yisasia ani
kea huno hamapaiye.
Taya Yisasina itaamoyaene aganaamoyaenena mainae.
31
Yisasina itaamoene aganaamoyaene eya kumatega me hetiya maineya nago kanoa
hutageno Yisasife ke hie.
32
Ke higeya mukia veala elitalu huya Yisasina aiyafi mopale
maineya agaife mage huya hae Itakamoene kaganakamoyaene kumatega emaineya kagaife
ke nehae. huya hapaiye.
33
Hapaigeno Yisasia mage huno hie Itanimoene nagananimoya
taya mainae? huno hamavige.
34
Hamavigeno agaienema mopale mainaya veala momake
memake huno amaketeno mage huno hie Itanimoyaene nagananimoyaenena ma ma
nagaiene mopale mainae.
35
Anumaya Koti kema haviteya haiya kavama nehaya veala
itanimoya nagananimoya nasanimoya mainae. huno hie.
Maki Maki
<<
33
>>
Maki Maki
<<
44
>>
4
Nago kanomoa hoyafima avina nefaiya yate Yisasia avame kea humaine.
1
Yisasia tikotumo agegayalega umaineno nagoene humaveligeya kasagoya veanea
agaite elitalu huya yageyage haya yafe tipi kalefi haisaga humaino mopale maiteno ti
amunopi umainegeya yageyage haya veamoya ti agegayalega hetiya mainae.
2-3
Hetiya
mainageno Yisasia alu ke alu kea avame kefiti mage huno hamapaiye Haviho nago
kanomoa avina hanaigahe vie.
4
Avina yamaa alino aihelafino nehanaigeno nagoa avinamoa
kapi tavino hanegeya namayagamoya me neya hano hae.
5
Nagoa avinamoya yafa mopafi
taviteya osia mopa hanea yafe aupaa hagemainae.
6
Hagayanagi yagemoa teno amukonako
higeno hafuya omalea yafe fayoteya asagaliye.
7
Nagoa avinamoa avetanafa inomo amunopi
tavino hageteno avetanafa inoene tokaeana haiteteana avetanafa inomoa ayetegeno haviya
higeno alagaa falote ohune.
8
Falote ohunegi nagoa avinamoa kanale mopafi tavino hageteno
ala huno alaga ayeana nagoa avinamoa tetia (30) alaga ayegeno nagoa avinamoa sikisitia
(60) alaga ayegeno nagoa yosalela kasagoya vani hataletia (100) alaga ayeno vasaimai
vasaimai humaine.
9
Tamakesama hanesigetama havilama hutama haviho. huno hie.
Yisasia naane agesa hanegeno avame kegeyana humaine.
10
Mukia veala utageya agaia tuelufua (12) anagaamoyaene nagoa veaene ani avame
kemona aepaahe havigae.
11
Havigageno Yisasia mage huno hamapaiye Tamakaila
Anumaya Kotia kava yagailamatenea yafe falakimainea kea Anumaya Kotia tamaya
hinagetama havigahagi nagai kema nohaviya veala avame kekeya hamanepauve.
12
Ani
veamoya ageme geme nehaiyanagi agelama huya oagegahae. Havime havime nehaiyanagi
havilama huya ohavigahae. Havilama ohisaya yafe avame kea hamanepauve. Havigu
havilama huya amakua aiyahae hisageno Anumaya Kotia aigeamateno kefo yaami
atalemateyafe nehue. huno hie
Avinamote avame kea huhaleno hie.
13
Yisasia mage huno hie Mani avame kea havilama ohunao? Mukia avame kea hanaa
hutama havigahae? huno hie.
14
Avina yama hanaigahe via kanomoa Yisasife kanale mono
kea nefaiye.
15
Nagoa veamoya kapi tavimainea avinamo avamete mainageno kanale kea
faimalegeya maineya Anumaya Koti kea haviyanagi amakupi omalesaya yafe Satania
amakupitila ani kea melitalene.
16
Ania huno yafa mopafima tavimainea avinamoa maa
humaine nagoa veamoya Anumaya Koti kea haviya aupaa atafa huteya muse hae.
17
Muse
hayanagi hafuyamoa mopafi otavinea yamoa alige atalege veane maineya osi kana kanoa
osia haviya amakupi maletageno havi kanama falote nehiano Anumayamo kema haviya yafe
veamoya ali haviya humatesaya kanamoma amakaite falote nehiano aupaa Anumaya Koti
kea neatalae.
18-19
Nagoa avina avetanafa hanea inomo agusafi tavimainea avinamoa maa
humaine nagoa veamoya Anumaya Koti kea haviteya ma mopafi mukia yayagaamihena
amakesa haviya moneamima yokaloamihena kalagi aigeya ani yayagamoa Anumaya Koti kea
aliya ayetalako huteya atalageno alaga aye helafino tama nohie.
20
Tama nohianagi kanale
mopafima tavimainea avinamoa maa humaine nagoa veamoya Anumaya Koti kea haviya
amakupi malageno ani alaga mukia aye henelafie. Nagoa veamoya nagoke avina yosalela
tetia (30) alaga ayemainae. Nagoa veamoya nagoke avina yosalela sikisitia (60) alaga
ayemainae. Nagoa avina yosalela vani hataletia (100) alaga ayemainae. huno humaine.
Veamoya lamua hanagaliya sipale kapinaga nomalae huno humaine.
21
Hamapaiya yafe Yisasia mage huno hamavige Nagoa veamoya lamua hanagaliya
susufaneletila aiso hunemalao ifi sipa kapinaga hanagaliya aiso hunemalae? Aao aihalesia
yafe sipale hanagaliya nemalae.
22
Haenagaa mukia falakimainesia yamoa efalote hugahie.
Mukia kesi kava nehisaya yamoa efalote hinageya veamoya agegahae.
23
Tamakesama
hanesimogatama havilama hutama haviho. huno hie.
24
Huteno mage huno hie Anumaya Koti kema havisaya yafena tamakesa havilama
hutama haviho. Havisaya kea akave malesageno nagoa kene tamahapaisigetama havigahae.
25
Havilama huno havilinesia kanomona Anumaya Kotia nagoene havisia yana amigahianagi
Ago havilinoe. huno nehisia kanomona havilinesiamaa hafalegahie. huno hie.
Avina yamoma nehagea yate avame kea humaine.
26-27
Yisasia mage huno hie Anumaya Koti kava yagaimainea yamoa maa humaine.
Nago kanomoa avina yana hoyafi hanaemaleteno kegela mo faeteno feluga hetiteno huge
hugeteana ani avinamoa hanaa huno falote huno ala nehia yamona aepaa ani kanomoa
oagene.
28
Oagenegi afaa mopamoa agaiageya nuna amigeno aifalo huno hageteno haisa
falote huteno haenaga alaga ayeno afu nele.
29
Akavi huteno afuma nelea kanamoa ago evayi
hia yafe aupaa viayamo naepeleti hataga humaine.
Masatati avina yosamote avame kea humaine.
30
Yisasia mage huno hie Anumaya Kotia kava yagaimainea yamoa hanaa maine?
Naane huna maa huno hane huna avame kefitila tamahapaisue?
31
Ma ma osi alagamo hia
avamete humaine. Ani alagamo agia masatatie. Ani osi osi alagamoa nagoa yosalagama
negaliya yosalagamoa agaseno osi kanoa hane.
32
Osi osi humaineanagi kalimaletegeno
hageno haiteno ala yosagefa haino mukia hoyafima hanea yosayaga amakaseno ayaaya
humainegeya namayagamoya akopatela noamia me negiye. huno hie.
Yisasia avame kegeya humaine.
33
Yisasia ania huno kasagoya avame kea alumo alumo huno amakupima havisaya
avamete kea hamapaiye.
34
Yisasia vayayagaene maineno mukia kema hamapaiya kea avame
kegeya hamahapaiyanagi agaiaenema tokaeya nemaiya anagala amahaote mainageno
hufalote huno hamapaimaine.
Yisasia ala yasimofe higeno taga humaine.
35
Ani yupa yagemoa tavifalegahe higeno Yisasia agaiaenema tokaeya nemaiya anagafe
mage huno hie Tikotumona atu faliga vigetao. huno hamapaiye.
36
Higeya mukia elitalu
humainaya veala neamataleya tipi kalefi haisaga humaiya Yisasina avaleya vageno nagoa tipi
kaleyagamoya agai tipi kalene tokaeya vae.
37
Nevageno tusia yasimoa alino timona aikalato
kalato huno tipi kalefi atalegeno tipi kalefi havategahe hie.
38
Havategahe higeno Yisasia tipi
kalemona akavelega tala yosale afita aino faemainegeya agafa huya mage hae Hulavenelina
kanomogae tikotupi asaga hulavita ti nakaita falisunageka kahauna huotategano? huya hae.
39
Hageno Yisasia hetino ani limofeene yasimofeenena tokiyaage ke huno Taga huo.
higeno yasimoene timoenena taga huana alava humainae.
40
Alava higeno Yisasia
agaiaenema tokaeya nemaiya anagafe mage huno hie Naa higetama kolia nehae? Nagaife
havitama tamakupi maletama tamametiti nehaya yamoa kaleyo humaineo? huno hamavige.
41
Hamavigegeya amamayo aiteya huge havige huya mage hae Ma kanoa tae? Yasimoene
timoene agai kea haviteya akave nemalae. huya hae.
Maki Maki
<<
44
>>
Maki Maki
<<
55
>>
5
Yisasia aifo kanomo agusafiti Kefo Avamula anatitalene.
1
Kalili ala tikotuna takaeya ame agegayamona Kelasa vea mainalega uvayi hae.
2
Yisasia ani tipi kalea neataleno ti agegayalega nevigeno nago kanomona Kefo Avamumo
agupi mainea kanomoa matimatipinagati Yisasite emaine.
3
Ani kanoa yafakapinaga nomaa
hanegeno anifinaga mainegeya tokiyaage seni nofiteti kitesaya vayala omainae.
4
Vayamoya
seni nofiteti aiya ayaene kisalu kimalenageno ani nofila aigalu heneataleno aiyafi nofila
yafateti ailatapegeno nofila aikano higeno Ako huka maiyo huya hapaisaya tokiyaamima
hanea vayala omainae.
5
Omaigeno ani kanomoa nateene kegeene efi efi huno
matimatipinagaene agoyaleene maineno tusi aviteno avovo nehuno yafateti agaia augafa aige
talaga talagoma humainea yamoa amumoa tusiya humaine.
6
Ani kanomoa Yisasina ayaayate neegeno ageteno aiyayeno eno aiyafi aleya meyeno
mopafi maineno alisoso huneate.
7-8
Yisasia mage huno hie Kefo Avamumogae
agusafinagatila hatilavio. huno hutea yafe ani kanomoa ala kegefafiti mage huno hie
Yisasigae, ago tagaseno anale mainea Anumaya Kotina neamogae, naa hunategahe nehane?
Musekaa nehugi nagata aisia kavala huonato. huno hie.
9
Higeno Yisasia ani kanohena mage huno hie Kagai kagia tagae? huno havigegeno
Nagia Kasagoya-monae. Mukia Kefo Avamumoya nagupi haifaleya mainaya yafe nagia
Kasagoyamonae. huno hie.
10
Huteno Yisasifena mage huno hie Musekaa nehue ma
kumatetila Kefo Avamula humatesanageya alulega ovisae. huno hie.
11
Nehigeya kasagoya afuyagamoya agoyafi maineya kave nenae.
12
Nenageya Kefo
Avamumoya Yisasife mage huya havigae Ani afuyagamo amakuafi hulategeta vamano.
huya havigae.
13
Havigageno Yisasia Ania hiho. huno higeya Kefo Avamumoya ani
kanomo agupitila hatilaviya afuyagamogami amakupi haifalageno ani afuyagamoya
amaiyayeya nagola aulufi kapi taviteya tipi asaga hulaviya ti nakaiya fali hano humainae.
Afua tu tausenia (2,000) afuyaga fali hano humainae.
14
Fali hano hageya ani afuyagale kava neyagaiya vayala faleya ala kumatega mainaya
veaneheene hoyafinaga mainaya veaneheene Naa maa higeta neone. huya hamapaigeya ani
veala Hia yana agesune. nehuya emainae.
15
Yisasite eya kasagoya Kefo Avamumoma
agupifiti hatilavino via kanomona agesa akalo higeno kenaa failino anile mopale mainegeya
megeteya koli hae.
16
Yisasima humainea kavama agemainaya veamoya naa maa huno Kefo
Avamula agupima mainea kanoa alino kanale hutea yafeene afuyagama humatea yafeene
hamapaiye.
17
Hamapaigeya ani veamoya Yisasifena Tagaila tataleka ago vuo. huya hae.
18-19
Hageno Yisasia ugahe tipi kalefi haisaga hunemaigeno Kefo Avamuma agupiti
ataleno umainea kanomoa Yisasifena Kagaiene visue. huno havigegeno Yisasia Aao
kagaya nokalega visanaamoga mukia Anumayamoma aigekateno hugatea yafena
vayakamogamina mo hamapaiyo. huno hie.
20
Higeno ani kanomoa viayamo tenia (10) ala
kumayaga hanea kotega uno Yisasima hutea yafena hamapaigeya mukia veamoya
amamayoa aimainae.
Soka kanomo munala faligahe humaine.
21
Yisasia tipi kalefi asaga humaino tina lakaeno eteno ti agegayalega egeya muki
veamoya agaite melitalu humainae.
22
Emainageno nagola soka kanoa, Yailasie nehaya
kanoa, emaineno Yisasina mogeteno aiyafi mope humaine.
23
Mope humaineno tokiyaage
huno Yisasina mage huno havige Vae nagai munala faligahe ayaya neaigi kaya mo
maletesanageno kanale hutesie. huno hie.
24
Higeno Yisasia agaiene vigeya veala yageyage
huya akave umainae.
Yisasina kenaale avate hia amona kaliamoa hano humaine.
25
Vageno tuelufua (12) kafua mukia kanale aigu nopinaga nemaiya aala anile maine.
26
Nagoa tota vayate ute ete hugeteana agataiya kavala hageno moneama amaminea yamoa
hano higeno ani kalia nago kanomoa ali kanale huoatenegi kaliamoa ala humaine.
27
Ani
amoa Yisasi avagea haviteno ani yageyagema haya veapi Yisasina akavelegati kenaale
mevate hie.
28
Avate nehuno agesa mage huno havie Kenaale avate nehisugeno kalinimoa
hano hunategahie. huno agesafinaga havimaine.
29
Haviteno ania higeno aupaa kolamoa
tanegeno augafafinaga malegeno ageana kaliamoa ago kanale hutene.
30
Kanale huteanagi
Yisasia Nagoa tokiyania ago nataleno vie. huno agesafinaga haviteno anifima alitalu
humainaya veamogami amunopi maiyahae huno mage hie Ta kenanilela mevate hie? huno
humaine.
31
Higeya agaiaenema tokaeya nemaiya anagaamoya mage hae Mukia veala
yageyage hageka neaganagi naa higeka na kea hamavinegane? huya hae.
32
Hageno Yisasia
moge mege huno avate hia kanohe ati ayemaine.
33
Ati neayegeno ani amoa kalia ago kanale
hutegeno agea yafe koli huno atili huteno aiyafi mope huno Yisasima hutea yafena tamage
huno hapaiye.
34
Hapaigeno Yisasia mage huno hie Amogae nagaifema havika kagupi
maleka kametiti hanageno ago kalikaamoa kanale hugategi kaipamoa yasi nehinageka afaa
vuo. Kalikaa agola hano hie. huno hapaiye.
35
Hanepaigeya nagoa vayala soka kanoa, Yailasi notegati mage huya me hapaiye
Munakamoa ago falimainegi ataleka kava kanomona kasalo haegi nagoene havioko. huya
hae.
36
Hageno Yisasia hapaiya kehena ohavisia agesa haviteno soka kanohena mage huno
hie Kolia ohuka nagaife havika kagupi maleka kametiti huo. huno humaine.
37
Mukia
veafena omeho huneamateno Pitaene Yemesiene nepuamoa Yoniene amavaleno umainae.
38-
39
Soka kanomo note uvayi huya agayana mukia veala tusia avineatageno Yisasia nopi
haifaleno amakaifena mage huno hie Naa higetama tusia avianeatae? Ma munala ofalinegi
afaa faeno maine. huno hie.
40
Mani kea higeya veamoya faligeyama agaya yafe kigia
hutageno Kumatega hatilavitama viho. huno higeya kumatega hatilavigeno Yisasia
itaafoamoganiene agaiaenema vaya anagaene amavaleno falimainea munama malalega
amavaleno haimaine.
41
Haino umaineno ayate atafa hulineno agaia kefiti mage huno hie
Talita kumi. huno hie. Tagaiti kefina Ma munamoga kahanepaugi hetio. huno humaine.
42
Higeno aupaa ani munamoa hetino ute ete hie. Ago ala munalagino tuelufua (12) kafua
hanea munalagino hetino ute ete higeya anile mainaya veamoya amamayo aiye.
43
Amamayo
aigeno Yisasia tokiyaage ke huno Anima agaya yafena veala hamaopaiho huno kahegi
neamateno Kavela amiho. huno humaine.
Maki Maki
<<
55
>>
Maki Maki
<<
66
>>
6
Nasaleti kumate veamoya Yisasina amakaveno hutenae.
1
Yisasia ani kumala ataleno viaamo ko aepaalega vigeya agaiaenema tokaeya nemaiya
anagamoya akave umainae.
2
Sapati yupa mono noamifi haino Anumaya Koti kea mukia
vayala hamapaigeya haviteya amamayo aigeya mage huya hae Mukia havi haviyana hanateti
alia kea nehie? Ayapitila tokiyaage avame yama humainea tokiyaa hanateti alimaine?
3
Mani
kanoa no negia aliyate kano maineanagi Malia nafane mainegi Yemesiene Yoseseene
Yutasiene Saimonienena aganaamoya mainagi asaamoya tagaiene nagopi mainae. huya
huteya amaipa kafa heteya amakaveno hutenae.
4
Amakaveno hutayanagi Yisasia mage huno
hie Anumaya Koti kema nehia kanomoa mukia kumate mono huhaleno hamapaisiana agia
alisaga nehagi kumaale maisiana agaia afamoene no kumaale vayaenena agia alisaga
ohugahae. huno humaine.
5
Mani kumatela ala tokiya avame yana ohunegi afaa nagoke
nagoke kali vayake aya malegeno kanale humatene.
6
Kanale humatenegi afaa mukia veala
agaife haviya amakupi maleya amametiti ohaya yafe Yisasia amayo aigeno alu kumate
kumatela vaiyeno monola hamapaino humaveli maine.
Yisasia tuelufua (12) anagaamogamina aliyate humatene.
7
Yisasia tuelufua (12) anagaamogamife ke higeya ageno mukia Kefo Avamuma
veamogami amakupiti amanatitalesaya tokiya amamiteno mage hie Tole ali lokaete lokaete
hutama viho. huno humatene.
8
Huneamateno mage huno hie Kama visayana ayopatamige
alilitama viho. Kutamiene mayaene monetamiene alitama oviho.
9
Tamaiya nona
vaigahayanaki tole siota vaioaliho.
10
Nagoene mage huno hie Nago nopima
haifalenutamahena ani nopi faetama maitama hutetama amataletama alu kumatela viho.
Faelitetama ohiho.
11
Nagoa kumatema visageya veamoya ali falu falama huotamateya
Tamakai kema ohavigahune. huya hisagetama ani kumala neataletama Havi kava hae.
hutama hisaya yafe tamaiyafima hanesia kugukege mopa aihehe huneataletama viho. huno
hamapaiye.
12
Hamapaigeya ani vayala neuya mukia veanehe mage huya hae Kefo
yatamihena havitama tamakaye nehinagetama tamakua aiyahae hiho. huya hamapaiye.
13
Hamapaiya mukia Kefo Avamula veamogami amakupitila amanati neataleya kasagoya kali
veala amaugafale masavena falematageno kanale humatene.
Helotia agesa haviana Yisasifena Ti falemate Yonie. huno humaine.
14
Ani kanafina Yisasi avagemoa ala higeno nagola sauve kanomo agia Helotie anima
haya kea havimaine. Nagoa veamoya Yisasifena mage huya hae Ma kanoa tima falematea
Yonie falimainefiti hetimaine. Hetimaineafe tokiyaa hanegeno ma tokiya aliyana nealie. huya
hae.
15
Hageya nagoa veamoya Yisasifena mage huya hae Ma kanoa Ilaiya maine. huya
hageya nagoa veamoya Aune kanoa nayo amaune vaya kana nehie. huya hae.
16
Hageno
Helotia haviteno mage huno hie Yonina haeho huna hugeya ageya hataga hutalenaya kanoa
faliteno komufiti hetimaine. huno hie.
17-18
Helotina aganaamo agia Filipie. Filipi amo agia Helotiasie. Helotia Helotiasina
kumai a alitenea yafe Yonia Helotife mage huno hie Anumaya Koti kea atagaeka
kaganakamo aala kumai a alitenane. huno hia yafe Helotia vayala humategeya Yonina
motafa huya avaleya kina nopi hutenayane.
19-20
Hutenageno Helotiasia Yonifena tusi hai
vaiteteno haesageno falisia agesa havino maiyanagi Helotia agesa mage huno havimaine
Yonia kefo yana ohuno fatago kanoa alu aotage kano maine. huno havilinea yafe
Yonifena koli huno Ohaegahae. huno aunevaino agai kea haviteno agesa kumo nehuno
tole agesa havino afaa muse huno kea nehaviane.
21
Nago yupa Helotina atenea kanamoa falote higeno Helotia ala imu kimaleteno mukia
kamani kava vayaene ati kava vayaene Kalili kotegama afenomaa kasago humainea
vayayagaene ke higeya imulega emainae.
22
Emainageno Helotiasina munaamoa eno
amoneayegeno Helotiene vayaamoyaene neageya tusia musemaa hageno Helotia ani
munamofena mage huno hie Kahaisia yafena afaa hisanagena kamigahue.
23
Anumaya Koti
aulagafi kahanepauve nagoa yafema nahavigesanana afaa kamigahue. Mone fenoenefema
nehuka mopaenefema hisanana afaa nagai yayaga haneanagina amunopiti ali fako huna
kamigahue. huno humaine.
24
Higeno ani munamoa viaamo itaamofena mage huno havige Na kanohe ke huna
havigesue? huno higeno itaamoa mage huno hie Yonia ti falemate kanomo ageya
fakaliteka anumaa aifakalika me namio huka hapaiyo. huno hie.
25
Higeno aiyayeno ala
sauve kanomotega viaamo mage huno hapaiye Aupaa ti falemate Yonina ageya fakaliteka
anumaa yopafi maleka me namio. huno hie.
26
Higeno ala sauve kanomoa haviteno
aipamoa tusia kanaage higeno Anumaya Koti aulagafima huno lokiya vaimalea yafeene
maiya vayafeene agesa haviteno mage huno hie Ani munamo kea he falaokigahue. huno
hie.
27
Higeno aupa kanoa nago ati kanoa huteno mage huno hapaiye Yonina ageya mo
fakalika anumaa alika eno. huno higeno kina nopi viaamo Yoni ageya mo fakalitalene.
28
Fakaliteno anumaa yopafi maleno alino eaamo ani munamona memigeno itaamona alino
amine.
29
Amigeya Yonienema tokaeya nemaiya anagamoya ani kea haviteya uya augafaa
moliya yafakapi mo hevaitenae.
30
Aposolo vayala Yisasitega eteya mukia humainaya kavaene humaveliya kene eya me
hapaimainae.
31
Me hanepaigeya mukia veamoya agaitega neuya neeya maiya hageno
Yisasienema tokaeya nemaiya anagamoya kaveamima nesaya kanaamia omalea yafe Yisasia
mage huno hie Egeta tagaitige kame kotega umaifalu hamano. huno hie.
32
Higeya
amakaiamige tipi kalefi haisaga humaiya kame kotega ugahe umainae.
33
Vageya mukia veamoya amaketeya amaugosafina ago agemainaya vayalegiya
kumaamileti mopafi amaiya yeya uhagoteya ani kame kotega uvayi humainae.
34
Uvayi
hageno Yisasia tipi kalefiti asaga hulavino ageana mukia veanea elitalu humaiya veala
amaketeno agesa mage huno havie Ma veanea sipi sipi kana huya mainayanagi kava
yagaisaya vayala omainae. huno agesama havia yafe kalagi aimateno alu ke alu kea
hamapaiye.
35-36
Hamanepaigeno yagemoa tavi falegahe higeya agaiaenema tokaeya nemaiya
anagamoya agaite eya mage huya hae Ma kumala vaya omai kuma hanegeno yagemoa tavi
falegahe nehiafe ma veala humatesanageya uya nagoa veamogami hoyafitiene notegatiene
nesaya kaveamia mo miya hisae. huya hae.
37
Hageno Yisasia mage huno hamapaiye
Tamakaya tamakaitami nesaya kavela amamiho. huno higeya agaifena mage huya hae
Nago kanomoa tu hataletia (200) kanafi aliya aliteno ani moneleti kosa hesia maya miya
ohileasine. Tagaya ani moneleti mo miya hulita ani maya memamisune hunageka nehano?
huya hae.
38
Hageno Yisasia mage huno hie Mogeho namagi maya hane? huno higeya uya
mogayana higeya Faefua (5) mayagi tole noyamegi huno hane. huya hae.
39
Hageno Yisasia mage hie Mukiamogatama alitalu hute hute hutama kanale apepate
mopale maiho. huno hie.
40
Higeya fifitia (50) veala nagopi alitalu huya maigeya vani
hataletia (100) veala nagopi alitalu huya mainae.
41
Yisasia faefua (5) mayaene tole noyamene
aliteno anafinaga agesaga huno neageno Anumaya Kotitega ani kavefe huno muse huteno
maya kofa huno agaiaenema tokaeya nemaiya anagala amamigeya aliya fako hutele huya
veala neamamigeno tole noyamene kolino mukia veama nesayafe amamine.
42
Amamigeya
mukiamoya neya amamu hae.
43
Amamu higeya atalaya mayaene noyamene atupatapaa
alitalu huya kupi aiteya tuelufua (12) kupi aigeno havatemaine.
44
Ani kavema nemainaya
vayala faefu tausenia (5,000) vemoya nemainae.
Yisasia ti agupile umaine.
45
Aupaa Yisasia agaiaenema tokaeya nemaiya anagafe mage huno hie Tamakaya
nagaila nenataletama hagotetama tipi kalefina haisaga humaitama atu kaiyaga Petesaita
kumatega utegena nagaya veala humatesugeya viho. huno hie.
46
Viho humategeya utageno
Yisasia Anumayamotega ke huno havigegahe agoyafi haimaine.
47
Haino mainegeno
hanikigeno tipi kalemoa tikotumona amunopi utegeno Yisasia agaiage ti agegayale maine.
48
Maineno ageana amaulegati yasimoa eaamo tipi kalemona meyetu fegeteana ovigeno
Yisasia ageteno kotigahe hia avametega ti kotumona agupile viaamo amakaitela
momakasegahe hie.
49
Amakasegahe ti agupile vianagi eneegeya ageteya amakesa mage huya
haviye Hakalo neefi? nehuya Avovo. hae
50
Avovo huya tusia koli huteya atali talu
hayanagi aupaa amakaifena mage huno hie Kolia ohutama maiho. Nagaya neogi tokiya
vaitama maiho. huno hie.
51
Huteno tipi kalefi haino amakaiene nemaiyana yasimoa taga
higeya ani vayamoya tusia amamayoge humainae.
52
Yisasia tokiyaaleti kavema amaminea
yafena amakuamoa hayagino atalako higeya aepaa havilama ohunae.
Yisasia kasagoya Kenesale veala kaliamia alino kanale humatene.
53
Ti kotuna takaeya Kenesale kotega uvayi huteya hatilaviyama vayana tipi kalea
nofiteti ayetenae.
54
Tipi kalefiti hatilavino nevigeya aupaa veamoya Yisasina augosafina
agemainae.
55
Ageteya note note amaiyayeya ute ete huya kali veala hagifanale amavaleya
Yisasia ma kumate maine. huya haya kea haviteya agaite amavaleya etele humainae.
56
Yisasia vilega osi kumatelo ala kumatelo talapinagao kali veala amavaleya kuma amunopi
momateneya Yisasifena mage huya havigae Kanale kenakamo atupalela avate hisuno?
huya hateya avate humainaya veala kalimoa kanale humatene.
Maki Maki
<<
66
>>
Maki Maki
<<
77
>>
7
Anumaya Koti kahegi kemoa tototimogami kemona agasemaine.
1
Nagoa Falasia vayaene kahegi kema havilinaya anagaene Yelusalemuti Yisasite
emainae.
2
Emaineya agayana nagoa Yisasiene tokaeya nemaiya anagamoya amayana sese
ohuya kavela nenageya amakemainae.
3
Falasia vayaagela omainagi mukia Yuta veamoyaene
amakinagomoya humainaya kava akave maleya amayama sesema ohayana kavela onenagi
sese huteyage nenae.
4
Situatega ugeyama enuya tima ofalesayana onegahagi tina faleteyage
amaugafamoa hilato hutegeya kavela nenae. Ani yamaagelomagi nayona vayamoya kahegi
kea tokiyaage huya humainaya kehe haviya masuene yopaene susufanene mukia sese nehae.
5
Falasia vayaene kahegi kema havilinaya anagaene Yisasife mage huya me hae Naa higeya
kagaienema tokaeya nemaiya anagamoya taginagomogami kavala neataleya ani kea atagaeya
kavema negahena amayana sese nohae? huya havigae.
6
Hageno Yisasia kenonaamia mage
hie Tamakaya vagala vaya mainae. Aisaiyaa Anumaya Koti aune kanomoa tamakaifena
tamage huno Anumaya Koti autamafina mage huno humaineane
Ani nofi veamoya amavayaleti huya nagai nagia alisaga nehayanagi amakuamoa alulega
hanegeya ania kavala nehae.
7
Amakaya ma mopafi veamogami amavayafiti
humainaya kahegi kehe mage humainayane Mani kea Anumaya Koti ke hanegi
akave maleho. huya humainayanagi nagai nagia alisaga hisaya kavala ohuya afa
kava maiya nehae. huno kaemaleneane.
8
Anumaya Koti kahegi kea ataletama veamoya malenaya kea akave nemalae.
9
Huteno nagoene mage huno hie Tamakaitami tamakinagomogami kavama akave
nemalaya yafe Anumaya Koti kahegi kea ago atalenae.
10
Mosesea mage huno humaineane
Tamakaya itatami afotamimogami amakia alisaga nehutama keamia veganokanola ohutama
amaiyaafinaga maiho. Nagoa veamoya itaafoamimogamima kamugema
vaimatesayana faligahae. huno humaineane.
11-12
Humaineanagi tamakaya mage hutama hae Nago kanomoa itaafoamogani anaya hisia
monema hanesigenoa itaafoamoganina anayama ohinunoa mage huno hisie Ani monea
Anumaya Kotina amisua yane huna humainoe. huno hinunofena itaafoamoganina nagoene
anayama ohisiana kanalele. hutama nehae.
13
Ani kema haya yafe tamakinagomogami kavala
akave malenayafe Anumaya Koti kehena Afa yane. hutama mukia ani kavala nehae. huno
humaine.
Veamogami amakuafima oniyaage nehamaiya yane.
14
Yisasia kasagoya veala agaite esaya yafe nagoene ke higeya ageno mage huno hie
Tamakaya mani kea havilama hutama haviho.
15-16
Nagoa nesaya yamoma tamavayafi visia
yamoa tamakuafina oniya otamahaugahigi tamakuafitima hatilavisia yamo ali falote hisigeno
tamakuamoa oniyaagela hugahie. huno hie.
17
Huteno neamataleno nopinaga haino mainegeya agaiaenema tokaeya nemaiya
anagamoya Yisasife mage huya hae Kagaya mani avame kemona aepaa hugeta havimano.
huya havigae.
18
Havigageno Yisasia mage huno hie Tamakaienena havilama ohutama
nehao? Tamakaya ohavinao mukia yana tamavayafima nesaya yamoa oniya otamahaugahie.
19
Tamavayafi nayaamoa tamakuafina ouno afaa tamaipafike taviteno haenagaa
aifayolagafina taviteno afa ya kana nehie. huno hie. Mani kema hiana mukia kavela afaa
nesaya kavekeya hane huno hie.
20
Huteno mage huno hie Nagoa yama tamavayafitima
hatilavisia kemoa tamakuamona alino oniyaage nelamahaiye.
21-22
Veamogati taguafitima
efalote hia yamoa maa huno ali falote nehie kanale ohunea tagu tagesa nehavuna yaene ane
munanene kumai he yaene musufaya hu yaene vaya hamaefali yaene alu kanomo ane
amavayu hu yaene alu kanomo yafe age haye hu yaene kefo yaene havige huno savale
savala hu yaene age lamahaye nehaya yaene veamogami taipa havita haviya huneamatona
yaene veafe havige humate yaene taugafa alita hai yaene kema ohavi yaene taguafitila ali
falote nehie.
23
Mukia ani kefo yama nehaya yana tamakuafiti efalote hia yamo tamakuafina
oniyaagela humaine. huno hie.
Fonisia kotega amoa Yisasina agua amitafa humaine.
24
Yisasia ani kumala neataleno Taiya kumamo kaiyaga umaineno agaiama anilema
emainea yafena veamoya ohavisae huno nago nopi haino maiyanagi afaa agaia falaokigahie.
Veamoya ago haviye.
25
Aupaa nago amoa Yisasi avagea haviteno eno aiyafi aleya
meyemaine. Ani amo munamona agupi Kefo Avamula mainea alagino.
26
Isaleli vea omainea
alagino Kaliki ke nehuno Fonisia nofi ale. Silia kotega alagino munaamona agupi mainea
Kefo Avamu anatitalesie huno aukaya huno havige.
27
Yisasia mage huno hie Nafanemoya
hagoteya kavela negahae. Havigu nafanemogami kavela hamanafaleta kalayagamogami
amamisunana haviya hugahie. huno hie.
28
Higeno ani amoa mage huno hie Anumayamogae tamage hananagi nafanemoya
nenageno osi atupaa sipaleti asaga hulavia yana kalamoya yogiya nenae. Kagaya ani kava
huka nagaya Isaleli a omainoanagi osia nahamao. huno hie.
29
Higeno Yisasia ani afena mage huno hapaiye Kekaa ago hanagena havuafe nokalega
vuo. Kefo Avamumoa munakamona ago ataleno vie. huno humaine.
30
Higeno nomaalega
viaamo mogeana Kefo Avamumoa ago ataleno vigeno munaamoa kanale huno sipale
faemainegeno itaamoa mogemaine.
Yisasia nago aifo kanomo agesaene avayaene alino kanale hutene.
31
Yisasia Taiya kumala ataleno aiyahae huno Saitoni kumala agaseno viaamo tenia (10)
kuma hanelega mogaseno Kalili ti agegayalega uvayi humaine.
32
Uvayi higeya veamoya
nagola yuna aifo kanoa Yisasitega avaleya vayana ani aifo kanomoa hagifali ke
nehatagegeya Yisasife mage huya hae Augafale kayateti avate hisane. huya havigae.
33
Yisasia ani kanoa neavaleno veala amataleno faitega anakaianige umaineana aya avoyaleti
aifo kanomona agesafi vaiteno avetuna heno ayateti avefunale avatemalene.
34
Malegeno
anafinaga agesaga huno Vaeha ausonio. huteno agaifena agaia kefiti mage huno hie
Efata. huno hie. Tagai kefina Kagesa akalo hino. huno hapaiye.
35
Higeno agesamoa
akalo higeno avefunamoa kanale higeno aikalo huno kea kea hie.
36
Yisasia mage huno hie
Nagoa veala mani yafena hamaopaiho. huno kahegi mateanagi ani kea huya atile male
huya mukia veamogami amakesale mohu mehu humainae.
37
Hageya haviya veamoya tusia
amamayo aigeya mage hae Mukia yana aligeno kanale kanale nehie. Yuna aifo vayala aya
malegeya kea nehaviye. Aifo vayala keamia ali falote huneamamie. huya nehae.
Maki Maki
<<
77
>>
Maki Maki
<<
88
>>
8
Yisasia fo tausenia (4,000) vaya kavela amamine.
1-2
Nago yupa kasagoya veamoya alitalu huya maiyana nesaya yana omalegeno Yisasia
agaiaenema tokaeya nemaiya anagafe ke higeya ageno mage hie Mani veala tagufa (3) yupa
nagaiene mainageno nesaya kaveamia omalea yafe nahau huneamatoe.
3
Nagoa veala ayaaya
kotegati emainagi havigu amatalesugeya katega nevisageno amakatesigeya amaugetunatu
huya takatiyafena nonahaiye. huno hamapaiye.
4
Yisasienema tokaeya nemaiya anagamoya
mage huya hapaiye Mauna kola vaya omai kolagi hanateti maya alita ani veanea
amamisune? huya havigae.
5
Hageno Yisasia mage huno hamavige Tamakaya namagia
maya hane? huno higeya mage hae Tagaipina sevenia (7) mayaage hane. huya hapaiye.
6
Hageno Yisasia muki veafena Mopale maiho. huno higeya mopale mainageno
Yisasia ani sevenia (7) maya alino Anumayamotega muse huno havigeteno aposite aposite
huteno agaiaenema tokaeya nemaiya anagala amamigeya mukia veapina vaya kaimainae.
7
Nagoke okasi noyame kanoa hanegeno Yisasia Anumayamotega ani noyamehe muse
huteno Amamite amamite hiho. huno higeya vaya kaimainae.
8
Kaigeya mukia veanea
nageno amamu higeya atalaya maya atupayaga Yisasienema tokaeya nemaiya anagamoya
alitalu huteya sevenia (7) kupi aihavatemainae.
9
Ani kavema naya venenea fo tausenia
(4,000) vayamoya nemainae. Netageno Yisasia humategeya umainae.
10
Utageno Yisasia
agaiaenema tokaeya nemaiya anagaene tipi kalefi haisaga humaiya Talamanuta kumatega
umainae.
Tokiyaage avame yana hugeta agamano. huya hae.
11
Falasia vayamoya Yisasite eya agaiene ke vaiya ayevataga hisaya yafe mage huya
hae Kagaya ikapinagati tokiyaage avame yana hugeta agamano. huya hae.
12
Hageno
Yisasia aipa havino kanaage huteno mage huno hie Naa higetama meni kanafima mainaya
veamogatama tokiyaage avame yafena nahavinegae? Tamage tamahapaisua kea haviho meni
kanafima mainaya veamogatamina tokiyaage avame yana tamaveotigahue. huno hie.
13
Huteno neamataleno tipi kalefi haisaga humaino atu faliga ugahe umaine.
Falasia vayaene Helotiene nehaya kea kaihamema halenegia yate huvame ke
humaine.
14
Yisasienema tokaeya nemaiya anagamoya tima lakaeya vayana amakekaniya nagoke
maya kanoa aliya umainae.
15
Aliya vayanagino Yisasia mage huno hamapaiye Tamakaya
Falasia vayaene Helotiene amakupima hanea yana agelama ohuneya amavayaleti havigema
nehaya yamoa kaihamemo halenegia avamete huno halegino alakefa hisia yafena kaye ho.
huno hie.
16
Higeya ani vayamoya amakaiamia huge havige nehuya mage hae Tagaya maya
oalita emainona yafe nehie. huya amakaiamia hae.
17
Hageno Yisasia ani vayamoya haya
kea ago haviteno mage hie Naa higetama Kavetia alita omenone. hutama tamakaitamia
huge havige nehae. Tamakesa havilama hutama ohavinao? Tamakuamoa tilemainegetama
nohavio?
18-19
Tamaulaga haneanagi agelama nohao? Tamakesa haneanagi havilama nohao?
Faefua (5) maya alina apositena faefu tausenia (5,000) veyagama amaminoa yafena
tamakekanitama mainao? Namagi kupi atupatapa aimalageno havatemaine? huno
hamavigegeya Tuelufua (12) kule. huya hapaiye.
20
Hageno mage huno hie Sevenia (7)
maya alina apositena fo tausenia (4,000) vaya amamugeya neteya namagi kupi atupatapa
aigeno havatemaine? huno hamavigegeya Sevenia (7) kule huya hapaiye.
21
Hageno
mage huno hie Naa higetama nohaviye? huno hamavige.
Yisasia nagola aulaga asu humai kanoa Petesaita kumate alino kanale hutene.
22
Petesaita kumate uvayi hageya veamoya nagola aulaga asu humainea kanoa avaleya
Yisasite neeya mage huya hae Musekaa nehunagi augafale avate huo. huya hae.
23
Hageno
Yisasia aulagama asu humai kanoa ayate alino kumala ataleno avaleno malaga viaamo
aulagafi avetuna heteno aya nemaleno mage huno havige Nago yana neagano? huno
havige.
24
Higeno agesaga huno ageana higeno mage huno hie Veala neagogeya yosa kana
huya vaiyatete nehae. huno hie.
25
Higeno Yisasia nagoene ania huno ayana aulagale
malegeno aulagamoa kanale higeno agemaine. Aulaga age haleno muki yana kanaleya huno
agemaine.
26
Agegeno Yisasia mage huno hie Ma kumatela ouka eteka nokalega vuo.
huno hie.
Pitaa hufalote huno Yisasia Anumaya Kotia taugafa aligatigahema hutenea
kanoe. huno humaine.
27
Yisasia agaiaenema tokaeya nemaiya anagaene Sisalia Filipai kotega hanea kumate
ugahe katega neuno mage huno hamavige Veamoya nagaifena tae huya nehae? huno
hamavige.
28
Hamavigegeya kenonaa mage huya hae Nagoa veamoya kagaifena Tima fale
neamatea Yonie. huya hageya nagoa veamoya Ilaiya maine. huya hageya nagoa veamoya
Anumaya Kotina aune kanoa maine. huya nehae. huya hapaiye.
29
Hapaigeno Yisasia
mage huno hamavige Tamakaya nagaifena tae hutama nehae? huno hamavigegeno Pitaa
kenonaa mage huno hie Kagaya Kalaisigae Anumaya Kotia taugafa aligatigane huno
hugatenea kano mainane. huno hie.
30
Higeno Yisasia amaumono maleno mage huno hie
Mani kea nagoa veala hamaopaiho. huno humaine.
Yisasia Falitena hetigahue. huno humaine.
31
Ani yupa Yisasia agaiaenema tokaeya nemaiya anagafena haenagama falote hisia yafe
aepa heno hamapaino mage huno hie Nagaya ikapinagati emainoa kanoa vayamo natenea
kanomona tusiya huna nagata yana alisugeno Yuta vayatamaene mono note kava vayaene
kahegi kema havilinaya anagaene amakaveno hunateya nahaesagena falisugeya komufi
hevainatesageno naugafamoa tole yupa maitenagena tagufa kanale falimainesufitila etena
hetigahue. huno hamapaiye.
32
Hufalote huno hamapaigeno Pitaa Yisasina faitega avaleno
mage huno mo hapaiye Kagaya ani kea ohuo. huno hie.
33
Higeno Yisasia maiyahae huno
nagoa agaiaenema tokaeya nemaiya anagala amaketeno Pitafe keamakino mage huno hie
Sataniga mai halenato kagaya Anumaya Koti havimainea aguagesa kanaleya huka
nohavinagi vayamoya kahapaiya amaku amakesa nehavine. huno hie.
34
Huteno kasagoya alitalu haya veanene agaiaenema tokaeya nemaiya anagafeene ke
higeya ageno mage huno hamapaiye Nagoa veamoya nakave visaya amakesa havinuyahena
amaugafama aliya hai yana amakaveno huteteya nagaima nagata aisigenama falisua avamete
amakesa haviteya yafaga yosa kofiya nakave visae.
35
Nagoa veamoya hamaimuma
hanesigeya mai yaamima atafa hutalako hisagenoa ani yamoa fanane hugahianagi nagoa
veamoya nagaife huya nagai kanale mono kema hamapaisaya yafema mai yaamiene
hamaimuamiene atalesagenoa ani mai yaami aligatisigeya agola maigahae.
36
Nago kanomoa
mukia ma mopafi afeno yama alisia yafe faliteno agola maige maige hisia haimua atalesiana
alimainea mone afeno yamoa hanaa huno hamaegahie? Aao haomaegahie
37
Falitesigenofena
agola maige maige hisia haimula eteno alisia yafe mukia ma mopafi mone fenoyana afaa
atalegahianagi aya ohugahie.
38
Nagoa veamoya meni kanafina kefo yama nehaya veanene,
Anumaya Koti kema ataleteya alu kate nevaya veanene, maineya nagai kene nagainienefema
huya Aoteyamaae. hunatesagena nagaya ikapinagati emainoa kanoa vayamo natenea
kanomona esua yupa Nenafana tokiya hale yamaaene alu aotage ensole anagamoyaene etena
esuana ania huna ani veanehena nagaye huna Tamahaoteyatamie. huna humategahue.
huno humaine.
Maki Maki
<<
88
>>
Maki Maki
<<
99
>>
9
1
Yisasia mage huno hamapaiye Tamage huna tamahanepauve malema hetiya mainaya
veala nagoamogatama ofalinesageno hagoteno Anumaya Koti kava yagaisia yamoa himamu
yamaaene efalote hinagetama agetetama haenaga faligahae. huno hamapaiye.
Yisasina augafamoa alino alu kava humaine.
2
Yisasia sikisia (6) kana maiteno Pitana Yemesina Yonigamina amavaleno ayaaya
agoyafi haiya amakaiamige maineya agayana Yisasi augafamoa alino alu augafa kalimaine.
3
Kenaamoa mopafima mainaya veamoya sese nehageno efeage nehia avamete ohunegi
tusiya huno efeage huno alave alave humaine.
4
Tole kanolatana Moseseene Ilaiyaene evayi
huana Yisasiene kaiyeke nehaageya agemainae.
5
Pitaa Yisasife mage huno hie Hulavenelina
kanomogae tagaya male maunana kanale nehie. Tagaya katega nona tagufa (3) kilamatesune
kagaila nagolagi Mosesena nagolagi Ilaiyana nagolagi huta kilamatesune. huno hie.
6
Tusiya
huya kolima haya yafe Pitaa Naane ke hisue? huno agesa havigeno mani kea humaine.
7
Ani kea hanepaigeno agola siamoa evayi huno melino aiso humategeno ani siapinagati age
aino mage huno hie Mani nafanea nagai nafanegi naguafifena nenahaiya nafanegi agai kea
haviho. huno siapinagati humaine.
8
Higeya aupaa moge mege huya agayana nagoa vayala
omaigeno Yisasia agaiage mainegeya agemainae.
9
Ageteya agoyafitila enelaviya Yisasia kahegi maleno mage huno hamapaiye Manima
agaya yafena nagoa veanea hamaopaiho. Haenagama nagaya ikapinagati emainoa kanoa
vayamo natenea kanomona falimainesufiti hetisua yupa hamapaigahae. huno hie.
10
Higeya
ani kemo akave maleya hamaopainagi Falimainesufitila etena hetigahue. huno hia kemo
aepaahe atiyeya amakaiami huge havige hae.
11
Mage huya Yisasina havigae Naa higeya
kahegi kema havilinaya anagamoya Ilaiyaa hagoteno etesigeno Anumaya Kotia hutesigeno
taugafa aligatisia kanoa egahie huya humainae? huya havigae.
12
hie Tamage Ilaiyaa hagoteno eno mukia yana melino talo tala hugahie. Ania huya nagaifena
Anumaya Koti autamafina kaemalenayane Ikapinagati emainoa kanoa vayamo natenea
kanomonina amakaveno hunateya ali haviya hunatesageno naugafa nagata aigahie. huya
nagaifena humainayane.
13
Tamahanepauve Ilaiyaa ago egeya Anumaya Koti autamafina
kaemalenaya avamete huya amakaiamia hamaiya avamete agaila havi kavala hutenae. huno
humaine.
Yisasia nagola mananiya neagea nafanea alino kanale hutene.
14
Nagoa agaiaenema tokaeya nemaiya anagatega evayi huya agayana kasagoya veala
anile alitalu humainageya kahegi kema havilinaya anagamoya Yisasienema tokaeya nemaiya
anagaene mo huhaviya me huhaviya huya kea vaiye.
15
Nevaigeno mukia veamoya Yisasina
ageteya tusi muse nehuya amaiyayeya moli falu fala hutenae.
16
Yisasia mage huno hamavige
Naafene hutama mo huhaviya me huhaviya nehae? huno hamavige.
17
Higeno nagola anile
maiya kanomoa mage huno hie Humavenelina kanomogae Kefo Avamumoa nafanenimona
agupi haimaineno nafanenimo avayale maihiya humainegena kagaitega avalena neoe.
18
Neogi Kefo Avamumoa atafa huteno atalegeno takatino faemainegeno agalemoa selu selu
nehigeno ave kume neganeno augafamoa apipupapu nehigena kagaienema tokaeya nemaiya
anagafe Kefo Avamula anatitaleho. huna huana ya hugeteya anatioatalenae. huno hie.
19
Higeno Yisasia mage huno hie Ae meni kanafima mainaya veamogatama nagaifena
havitama tamakupina omalenetama tamametitia nohaya veamogatama namagi kanafi
tamakaienena mainesugetama havigahae? Ohaviya yafena kasalo nenahae. Namagi kanafi
tamakaienena kanaleya huna ako huna maisue? Nagaitega avaletama eho. huno hie.
20
Higeya avaleya ageno Kefo Avamumoa Yisasina ageteno ani nafanemona alino kigepagige
hia kava huteteno ali takatitalegeno ani nafanemoa mopafi asaga hulavino kasegase nehigeno
agalemoa selu selu humaine.
21
Higeno Yisasia nefafena mage huno havige Namagi kanafi ania haumaine? huno
havigegeno nefaa mage huno hie Osi nafane mainegeno ania haumaine.
22
Mukia kanafina
Kefo Avamumoa ayelakatitalegeno atafiene tipiene haefalisia kava nehigena kagaya kanale
humainenuka kahau hulateka tahamao. huno hie.
23
Higeno Yisasia mage huno hie Naa
higeka nagaifena kanale humainenuka nahamao huka nehane? Nagaifema agupi maleno
ametiti nehia kanomoa mukia yana alu ya alu yana afaa hileasinagi. huno hie.
24
Higeno
aupaa ani nafanemona nefaa mage huno hie Nagaya kagaifena nagupi malena nametiti
nehuanagi nagupi malena nametiti hua yanimoa aupa nehigi alika ayaaya hunato. huno hie.
25
Hanepaigeya veala tusiya huya amaiyayeya elitalu hageno Yisasia neamakeno Kefo
Avamufena kemakino mage huno hie Kagaya Kefo Avamumogae agesama ailileka avaya
alilu kimainana Kefo Avamumogae hai kahapauve agupitila hatilavika vuo. Nagoa kanafina
nagoene agupina haiofalo. huno hutene.
26
Higeno Kefo Avamumoa ala kenake nehuno ani
nafanemona tusiya huno alino kigepagige hia kava huteteno hatilavino ataleno vigeno ani
nafanemoa fali vaya kana huno faemainegeya kasagoya veamoya Ago falimaine. huya
hae.
27
Nehageno Yisasia ayate alino avalesaga hutegeno hetimaine.
28
Haenaga Yisasiene nopinaga haino mainegeya agaiaenema tokaeya nemaiya
anagamoya amakaiamige maineya mage huya havigae Tagaya ya hugetonana ani Kefo
Avamula naa higeta anatioatalenone? huya hae.
29
Hageno Yisasia mage huno hamapaiye
Maa augafa Kefo Avamula alu yatetila oanatigahagi Anumaya Kotitega ke huta havigesaya
yatetike anatigahae. huno hamapaiye.
Tole kanale Yisasia Falitena hetigahue. huno humaine.
30-31
Ani kumala neataleya Kalili kotegama vayana Veamoya visua kumafena
ohavisae. huno higeya ako huya falakiya nevageno agaiaenema tokaeya nemaiya anagala
Yisasia mage huno humavenelie Ikapinagati emainea kanoa vayamo atenea kanoa agaila
atafa huya avaleya vaya amayapi atesageya haesageno faligahie. Faliteno hevaitesageno tole
yupa komufi maiteno tagufa (3) kana falimainesifitila hetigahie. huno hamapaiye.
32
Anima
hamapaiya kea havilama ohaya yafe kolia huya haviokenae.
Ta ala kanoa maine?
33
Kapaneamu evayi huteya Yisasia nopi haino maineno amakaife mage huno hamavige
Katega naane kea kea hume hume emainae? huno hamavige.
34
Katega neeya ma ke hume
emainae Kagaya ala kano mainapi nagaya kagasena ala kanoa mainoe? huya huge havige
hume aya kehenagiya kea ohuya mainae.
35
Mainageno Yisasia mopale maineno Egena
tamahapaino. huno higeya tuelufua (12) anagala ageno mage huno hamapaiye Nago
kanomoa Ala kanoma maisue. hinunofena haenagalafa maineno mukia veala kayo kayoma
humatesiana ala kano maigahie. huno hamapaiye.
36-37
Huteno nagola okasi nafanea avaleno
amunoamifi hetiteneno avalesaga huno anukilineno mage huno hie Nagoa veamoya
nagaifema haviya maa augafa osi nafanema avaleya falu fala hisayana nagaiene navaleya falu
fala hunenatae. Nagaima navaleya falu fala hisayana hunatenea Nenafaene avaleya falu fala
huneatae.
Veamoya kamema huotatesayana tagai kanapa maigahae.
38
Yonia mage huno humaineane Hulavenelina kanomoga tagaya agonana nago
kanomoa kagai kagile Kefo Avamula vea amakusafinagatila anatineatalegeta neageteta
takavema nohia yafe Ania ohuo. huta Aao. hutenone. huno hapaiye.
39
Yisasia Yonife
mage huno hapaiye. Ani kanoa alitama Aao. huoateho. Nagoa veamoya nagai nagile
tokiyaage aliyama alisayana aupaa nagaifena huhaviyana huonategahae.
40
Veamoya kamema
huotatesayana tagai kanapa maigahae.
41
Tamage tamahanepauve nagoa veamoya
tamakayama Kalaisi nafanema mainaya yafe yasi tima tamamisagetama nesayana anonaa
kanale miya aligahae.
Kefo auava yamoa Yisasife amakupi maleya ametiti nehaya yamona ali haviya
nehie.
42
Nagola osi nafaneni, nagaife havino agupi maleno ametiti nehisia nafanehema nagoa
veamoya Kefo yama huo. huya havi kapima avaletesayana tusia havi kava nehayanagina
tusia kana ya amamigahue. Ala yafagefaleti ani kanomo ageyafi maleya nofi kiteteya hage
lipi hagayu hutalesayana afa ya kana kana ya haneanagi nagaya tusia kana ya amamigahue.
43-44
Kayamoa Kefo yama huo. huno kavaleno havi kapima katesigekahena ani kayana
aifakalitalo. Aifakalitalesanana kanale hugahie. Kaugafamoa haviya humainesia kanoma
maisanana hano ohisia kahaimula hanesia kano maigane. Havigu tole kaya hanenageka kefo
ya hisana kagesa kaminegeka kefo yama humainana yafe kavaleno hani yapi agola tegelege
nehia atafi hagayu hugatalegahie.
45-46
Kaiyamoa Kefo yama huo. huno kavaleno havi
kapima katesigekahena ani kaiya aifakalika atalo. Aifakalitalesanana kanale hugahie. Kaugafa
haviya humai kano maisanana hano ohu kahaimula hanesia kano maigane. Havigu tole
kaiyamoa kefo ya hisana kagesa kaminegeka kefo ya humainana yafe kavaleno hani yapi
agola tegelege nehia atafi hagayu hugatalegahie.
47
Kaulagamoma agea yafema kefo yama
hisana kagesa kaminagekahena ani kaulaga ali fayika atalo. Ali fayitalesanana kanale hugahie.
Nagoke kaulaga hanesigeno Anumaya Kotia kava yagaimainea kumatela umaigananagi
havigu tole kaulagamoa kefo ya hisana kagesa kaminegeka kefo ya humainana yafe hani
yapi tegelege nehia atafi kavaleno hagayu hugatalegahie.
48
Anima ata legelege nehia kumapi
veamoya ani atafi mainageno kani kafaamimoa ofalisigeno atamoa asua ohugahie.
49
Hagema kavete falea avamete huno veala mukiamogatamina ataleti falelamategahie.
50
Hagea kanale ya haneanagi hagaagema nehia yamaa hanoma hisiana hanaa hutama
hagaagema nehia yamaa ali falote hugahae? Hage kana yana tamakuafi hanesigetama alava
hutama nagoke tamaku tamakesale kigi yokalo hutama maiho. huno humaine.
Maki Maki
<<
99
>>
Maki Maki
<<
10 10
>>
10
Yisasia ve alavema apase yafe humaine.
1
Yisasia ani kola neataleno Yutia kotega viaamo Yotani timoa ame kaiyaga uvayi huno
mainegeya mukia veala agaite melitalu hageno nehia kava huno nagoene hamapaiye.
2
Hamanepaigeya nagoa Falasia vayamoya Yisasite eya ase ohisea kema hisiafene huya
nagola ayevataga hisaya kea mage huya havigae Nago kanomoa aama atalesia agesa
hisigenoa kahegi kemoa Afaa atalegahie. huno humaineo? huya havigae.
3
Hageno Yisasia
kenonaamia mage huno hamavige Mosese kahegi kemoa ani yafena naane humaine? huno
hamavige.
4
Higeya mage huya hae Mosesea nagola kahegi kefina mage huno tahapaimaine
Vemoa aamona avo kaeno neamino hutesigeno hano huno ugahie. huno humaineane.
huya hae.
5
Hayanagi Yisasia mage huno hamapaiye Tamakaya ke ohavitama veganokano
haya yafe Mosesea ama atalesaya kea kaemaleneane.
6-8
Kaemaleneanagi Anumaya Koti
avopina mage huno humaineane
Ehe yupa Anumaya Kotia vene aene talo humaleneane. Vene aene talo humalenea yafe
nago kanomoma itaafoamoganima anataleno aamoene ailokaeno maisiana ani
tolemogania nagoke anaugafa kaligae. huno humaineane.
Naa humaineafe nagoene tolelatana omaigaagi nagoke anaugafa kaliana maigae.
9
Anumaya
Kotia ago alino hagelafimaleneanagino nagola ma mopale kanomoa ani alavelatana mai
yaania alino apase oanatesie. huno hie.
10
Mani kea huteno nopinaga haino maineno agaiaenema tokaeya nemaiya anagamoya
ani kehena havinegae.
11
Havigageno mage huno hie Nago kanomoa aama ataleno alu ama
aliana ani kanomoa kumai kava huno hagote aamona ali haviya huneate.
12
Nagi nago
amoma anauamoma ataleno alu velema viana ani amoa kumai kava nehie. huno hie.
Yisasia Nafaneyaga amatalegeya nagaitega eho. huno humaine.
13
Veamoya nafaneamia avaleya Yisasite Aya malese. huya neageya agaiaenema
tokaeya nemaiya anagamoya Naa ohiho. huya kemamakimainae.
14
Yisasia kema
amamakiya yana ageteno haivaimateno mage huno hie Nafaneyaga amatalegeya nagaitega
eho. Ka heakioamateho. Nafane avamete maiya veamoya mage nehae Tagaitige maunana
tokiyatia omalegi Anumaya Koti kava yagailatesie. huya hae.
15
Tamagelafa huna
tamahanepauve nafane avamete maisaya veamoya Tagaitige maunana tokiyatia omaleafe
Anumaya Kotia kava yagailatesie. huya ohisayana Anumaya Kotia kava yagaimainea
kumatela ougahae. huno hie.
16
Huteno Yisasia ani nafaneyaga amavaleno amanukilineno
Anumaya Kotia kanale manua tamamisie. huno amaugafale ayana malene.
Kasagoya afenomaa hanea kava kanomoa Yisasiene kea kea humaine.
17
Yisasia katega ugahe nehigeno nago kanomoa aiyayeno eaamo aule aleya meyeno
mage huno havige Kagaya kanale ya huka humavenelina kanomogae hanaa hutena agola
maige maige hisua nahaimula alisue? huno hie.
18
Higeno Yisasia mage huno hie Naa
higeka nagaifena Kanale kano mainane. huka nehane? Anumaya Kotia agaiage kanale
kanoa maine.
19
Kagaya Anumaya Koti kahegi kea havilinane ani kemoa mage huno humaine
Vayala haegeno ofalino. Kumai he yana ohuo. Musufa yana ohuo. Ma kanomoa havi kava
nehie. huka havigehena kena ovalo. Havigea ayevataga huka alu veamo yana oalio.
Itakafokamo kea Kahaoteyakaae. ohuo. huno hie.
20
Higeno ani kanomoa mage huno hie
Hulavenelina kanomogae nagaya nafanema mainoa kanaleti aepa hena mukia ani kema hana
kea akave nemaloane. huno hie.
21
Higeno Yisasia ani kanoa ageana agaifena hau
ayamopafima haiya yafena ageteno mage huno hie Nagoa yafena kosa heokatene. Nago
kavaene huo. Mukia malenana mone afenoyakaa alika fako huka moneamima omalenesia
veanema amamisanagenoa Anumaya Kotia ikapinaga afenoyana kamigahie. Afenoyakaa
fako huka amamite amamite huteka nakave eno. huno hie.
22
Higeno ani kanomoa ani kea
havianagi mone afenomaama kasago humainea yafe oatalesia agesa haviteno augosamoa
atili kaegeno aipamoa tusi kanaage higeno ataleno umaine.
23
Vigeno Yisasia agaiaenema
tokaeya nemaiya anagala moge mege huno neamakeno mage huno hie Mukia mone
afenoyaamima hanesia veamoya kasageke humaiya humaiya Anumaya Kotife Kava
yagailato. huya hugahae. huno hie.
24
Higeya agaiaenema tokaeya nemaiya anagamoya ani
kehena amamayoa aiyanagi Yisasia nagoene mage huno hie Nafanenimogatama veamoya
kasageke humaiya humaiya Anumaya Kotifena Kava yagailato. huya hugahae.
25
Nagola
pulumaka kana afumo agia kemolumoa nekayamo kapima haifalesiana afaa yoyo huno
haifalegahianagi mukia mone afenoyamaa hanesia kanomoa Anumaya Kotifena Kava
yagainato. huno kasageke huno haifalegahie. huno humaine.
26
Haviya anagamoya tusia
amamayo aigeya mage huya hae Naama humainesiana hana veamogami amaku amame
Anumaya Kotia aligatigahie? huya hae.
27
Hageno Yisasia amakeke huno amakemaineno
mage huno hie Veamogamina tokiyaamia omaleneanagiya ohugahayanagi Anumaya Kotia
mukia kava hisia tokiyaa haneanagino afaa aligatigahie. huno hie.
28
Higeno Pitaa mage huno hie Havio tagaya mukia yatia ataleteta kagai kakavela
neone. huno hie.
29-30
Higeno Yisasia mage huno hapaiye Tamage huna tamahanepauve
mukia veamoya nagaifema huya nagai kanale mono kema veamogamima mo hamapaigahena
noamiene nepuamiene amasaamiene itaamiene neamafaene nafane-amiene mopaamiene
amataleya visagenoa Anumaya Kotia mopale mainaya kanafima atalenesaya noamiene
nepuamiene amasaamiene itaamiene nafaneamiene mopaamiene nagoene nagoene
ohavunamaa ya aliteya huhaviyama humatesaya yaene aliteyagi haenagaa maige maige hisaya
hamaimula amamigahie.
31
Meni kanafima hagoteya mainaya veala ani kanafina haenagalafa
maigahayanagi meni kanafima haenagalafa mainaya veala ani kanafina hagoteya maigahae.
huno humaine.
Yisasia tagufa kanale Falimainesufitila hetigahue. huno humaine.
32
Yelusalemu haigahena katega neuya Yisasia hagoteno vigeya agaiaenema tokaeya
nemaiya anagamoya amamayo aiya nevageya amakave vaya veamoya koli nehageno Yisasia
eteno nagoene tuelufua (12) anagaamogamina amahaote amavaleno momateneno
haenagama agaila hutesaya yafena hamanepaiye.
33
Mage huno hie Haviho tagaya
Yelusalemu haisunageya ikapinagati emainoa kanoa vayamo natenea kanomonia natafa
huteno mono note kava vayamogami amayapiene kahegi kema havilinaya anagamogami
amayapiene natesigeya nagaifena Afaa falisie. huya Yuta vea omainaya vayamogami
amayapi navaleya nategahae.
34
Natesageya nagaye hisifa ke hunateya amavetuna henenateya
hegi kayoteti haifu namiteya nahaesagena yafaga yosale faligahue. Falisugeya
hevainatetesagena tole yupa komufinaga maitena tagufa (3) kanale falimainesufitila
hetigahue. huno hie.
Yemesigani Yonigania Ala kava kanolata maisue. huana humainae.
35
Sepeti nafanelatana Yemesiene Yoniene Yisasite eana mage huana havigae
Hulavenelina kanomogae nago yafe kahavigesuageka ani yana hulaato. huana havigae.
36
Haageno Yisasia mage huno hanavige Naa hulanatesue? huno hie.
37
Higeana mage
huana hae Tokiya hale yakaafima umaisanagetaa taagaya kavate mainesuageka Nagomoga
tamaga nayatega maiyo. huteka Nagomoga hauga nayatega maiyo. huka hulaato. huana
havigemainae.
38
Havigaanagi Yisasia mage huno hanapaiye Nahavigaa yafena ohavinae. Falisua yana
satuage humainea ti kana humainea ti hanea keayopitila negahugi tanakaya naaleasino
onaaleasine? Nagaila falenatesaya yamoa, nagatama aisia yatetila tanakaila ani yateti
falelanatesagetanahena afaa aligao? huno hie.
39
Higeana E, tokiyatia haneanagitaa ania hugahue. huana haageno Yisasia mage huno
hie Tamage satuage humainea tina negaanagi falenatesaya yamoa nagatama aisia yateti
falelanategahae.
40
Falelanategahayanagi ala vayama mainalega tamaga nayategaene hauga
nayategaenena siale maisaya yana nagai yana omalegi Anumaya Kotia agaia ani yana ago
nagoa vayafe huno talo tala huno ali fatago humatene. huno hie.
41
Higeya tenia (10) anagamoya ani kea haviteya Yemesigani Yoniganina amaipa haviya
haviya hunatenae.
42
Yisasia Nagaitega eho. huno higeya ageno mage huno hie Ma
mopafi ala kava vayamoya Tusia ala vaya mainone. huya Yuta vea omainaya veafe ke
amamakiya aliya ke humateya kava vayamo nehaya avamete kava nehae.
43
Naa nehayanagi
tamakaya ania kavala ohiho. Tamakaipima Nagi hanea kanoma maigahue. huno hisia
kanomoa aliya kanotami maino.
44
Uhagotena maigahue. huno hisia kanomoa miya oali
aliya kanotami maino.
45
Nagaya ikapinagati emainoa kanoa vayamo natenea kanomona
veamoya naya huya ali kanale hunatesaya yafene huna omenogi nagaya amaya huna aliya
kanoami maisuafene huna emainena mukia veamoya kefo yama nehaya yamo aigagimatenea
yapiti alikalu hematesuafe miya atalesue huna faligahe emainoe.
Yisasia nagola aulaga asu humainea kanoa alino kanale hutene.
46
Yisasia agaiaenema tokaeya nemaiya anagaene kasagoya veanene Yeliko kumate
uvayi huteya ani kumala mogaseya ugahe nehageno nagola aulaga asu humainea kanomo
agia Patimeusia Timeusi nafanegino ka agegayale mopale maineno monehe aukaya huge
huge huno maine.
47
Nasaleti Yisasia ago nee huya haya kea haviteno ke huno mage huno
hie Yisasigae, Tevitina aginagomogae nagaila kahau hunato. huno hie.
48
Higeya kasagoya
veamoya kemakiya Ke ohuka maiyo. huya hayanagi nagoene ke huno Tevitina
aginagomogae nagaila kahau hunato. huno hie.
49
Higeno Yisasia anile mo hetimaineno
mage huno hie Hapaigeno eno. huno higeya ani kanohe ke huya mage huya hae Kagua
ali lokiya vaika aupaa hetio. Kagaife ke nehie. huya hae.
50
Hageno ayaaya yasi kenaa asagi
neataleteno aupaa hetino Yisasite vie.
51
Vigeno Yisasia mage huno hie Naa hugatesue?
huno higeno aulagama asu humai kanomoa mage huno hie Humavenelina kanomogae
naulaga agesue huna nehue. huno hie.
52
Higeno Yisasia mage huno hapaiye Afaa vuo
nagaifema havika kagupi maleka kametitima hana yateti ago alina kanale hugatoe. huno
higeno aupaa aulagamoa kanale higeno Yisasi akave umaine.
Maki Maki
<<
10 10
>>
Maki Maki
<<
11 11
>>
11
Yisasia Yelusalemu kumapina sauve kana huno uvayi humaine.
1-2
Yelusalemua aupate hanegeya tole osi kumatalana Petafasiene Petaniene hanea
kumate umainae. Ani kumatalana Olivi yosa hanea agoyamo agegayalega hane. Anile
maineya Yisasia tole agaiaenema tokaeana nemaia kanolatana hunateno mage huno
hanapaiye Atu kumate utetana atupa note hosi kana afumo agia tokimo nafanea
ayetenayanagitana agegae. Ani tokimo nafanea vayala oamavalenea tokie. Kalu hetana
avaletana male eo.
3
Neeageya nagoa vayamoya Naa higetana naa kavala nehae? huya
hisagetanahena mage hutana hio Kava kanotimoa nago aliya aligahe higetaa neoanagino
aliyamaa aliteno aupaa eteno tamamigahie. hutana hamapaio. huno hie.
4
Higeana ani
kanolatana uana ani tokimo nafanea no fiate ayetageno ka agegayale hetino mainegeana
mogefalote huteana nofila alikalu hemainae.
5
Nehaageya nagoa anile hetimainaya vayamoya
mage huya hae Naa higetana tokimo nafanea kalu nehae? huya hae.
6
Hageana Yisasima
Nage hutana hio. hunoma hia kea hamapaiageya ani vayamoya Afaa tokia avaletana vio.
huya hae.
7
Hageana ani tokimo nafanea Yisasite avaleana evayi huteana kenaania
anaugafaleti hateana ani afumo agupile yakaimalaageno Yisasia anile haino maine.
8
Maigeya
mukia veapiti nagoamoya amaugafaleti kenaamia hateya via katela yakaigeya nagoamoya
haisa hanete hanete yosayaga kofanafa huya katela yakaimalageno Yisasia ani kate afumo
agupifina maiteno umaine.
9
Hagoteya vaya veamoyaene haenagama vaya veamoyaene ala
kenake kefiti mage huya hae Alamogae taugafa aligatisana kanoa kanaleya huka neane.
Anumayamo aliya alisana yafe hugategeka emainana kanomoga Anumaya Kotia kanale
manu kamino kaya humaine.
10
Taginagomoa Tevitie nayona kava hunoma yagaimainea
avamete kavala eteno ania huno falote hugahie. Ani yafena muse higetao. Anafinaga
Anumaya Kotia taugafa aligatisia kanohe muse hisune. huya humainae.
11
Yisasia Yelusalemu uvayi huteno ala mono nopi umaineno mukia mono nopima
hanea yana ako huno ageliteno huno ageteno neataleno hani kisia avamete higeno ataleno
tuelufua (12) anagaaene Petaniga vae.
Yisasia fiki yosahe Alagaa oayo. huno hutene.
12
Faeteya kotigeya Petania ataleya nevageno Yisasina agatemaine.
13
Agategeno nagola
haisa afaa hanea fiki yosamoa aluale hanegeno ageteno alagaahe mogegahe ani yosamo
aepale uno mogeana alagaa omalegeno haisayagaage hane. Ani fiki yosamoa alagaama
neayea kanamoa yaufa falote ohune.
14
Mogeteno Yisasia ani yosahena mage huno hie
Namo yosa hetika maiyo. Agola kagai kaugafa veamoya nagoene onegahae. huno
huhaviya hutegeya agaiaenema tokaeya nemaiya anagamoya ani kea havimainae.
Yisasia ala mono nopi mone aliya nealiya veane amanatitalene.
15
Yelusalemu evayi huteya Yisasia ala mono nopi haino mone aliya nealiya veanene
afaa miyama nehaya veanene Maihaleho. huno amanatineataleteno nagoa veamoya alu
kotegama nehanea monea nealiya ani kotegama nehanea monea neamamiya veamogami
folomoa alitalegeno aige helafige higeno kugofa kana namama miya nehaya veamogami
sipaamia ania huno alitalegeno aihelafilavimaine.
16
Afenoma aliliteya nehaya veafena mage
hie Ala mono no kumapina afenona alitama ute ete ohiho. huno hie.
17
Huteno mage huno
hamapaiye Anumaya Kotima humainea kemoa autamafina mage huno kaemaleneane
Nagai nona mukia kotega veamoya Anumaya Koti agi ayeya havigesaya no hane. huno
kaemaleneanagi
tamakaya musufa yama nehaya veamogami nomo avamete kava hutama falakitama musufa
ya hugahe ma mono nopina emainae. huno nehie.
18
Higeya mono note kava vayamoyaene kahegi kema havilinaya anagamoyaene
Yisasima hia ke haviteya muki veamoya Yisasima hamapaiya kema haviteya amamayoma
aiya yafe koli huteya Hanaa huta haesune. huya humainae.
19
Hayanagi Yisasia
anagaamoyaene hani kigeya Yelusalemua ataleya umainae.
Tamage huno ametiti huteno nunamu hisia veamoa havigesia yana aligahie
20
Yisasia faeteno natena agaiaenema tokaeya nemaiya anagaaene kate vayana anima
alaga oayenea fiki yosa mogayana hafuyayagafiti amagino haisamoa amagiteno fayo
temaine.
21
Yisasia ani yosahema humainea kehena Pita agesamoa hao higeno haviteno
Yisasife mage huno hie Humavenelina kanomogae ago fiki yosama huhaviya hutana
yosamoa ago fayotemaine. huno hie.
22-23
Higeno Yisasia mage huno hamapaiye
Anumaya Kotifena mage hutama hiho Kagaya mukia yana hateasine. hutama tamakupi
maletama tamametiti hisayana tamage huna tamahanepauve Anumaya Kotifena tole
lamakesa ohavitama Havigesua yana falote hugahie. hutamama hisagenofena ani yamoa
falote hugahie. Ani kavama hisia kanomoa ma agoyahena Ma agoyamoga kofa hulavika ala
tikotumo amunopi ufaemaiyo. huno hapaisigenofena akave maleno ania hugahie.
24
Ani
yafe mage huna tamahanepauve mukia yafena Anumaya Kotitega havigesayana Anumaya
Kotia kanaleya huno lamigahie. hutama tamakesa havisagenofena afaa tamamigahie.
25-26
Tamakaya hetitama Anumaya Kotitegama ke hutama havigegahena hagotetama
kefo yama hulamatenesaya veafena aigeamatetama kefo yaamia atalematesagenofena
ikapinaga mainea Nelamafaa kefo yatamia aigetamateno atalelamategahie.
Yisasifena Himamu yakaa ta kamine? huya havigae.
27
Yelusalemu alehate evayi hayana Yisasia ala mono no kumapi ute ete nehigeya mono
note kava vayamoyaene Yuta vayatamaene kahegi kema havilinaya anagaene agaitega evayi
hae.
28
Evayi huteya mage huya hae Hana augafa ala kanomo hugategeka mani kavala me
nehane? Himamu yakaa ta kamine? huya havigae.
29
Hageno Yisasia kenonaamia mage huno hie Nagaya hagotena nago yafena
tamahavigesugetama nahapaisagena nagaya ani yama talo nehua himamunima hanea navagea
tamahapaigahue.
30
Yonia tima fale neamatea yana Anumaya Koti hutegeno ani kavala me
nehifi afa vayamoya hutageno lina faleneamate? Tamakaya hufalote hutama nahapaiho.
huno hamavige.
31
Higeya Naa maa hugahune. huya mohu mehu huteya mage hae
Anumaya Koti hutegeno emaine. huta hisunagenoa Yisasia Naa higetama agai kea
havitama tamakupina nomalae? huno hugahie.
32
Hugahianagita mukia veamoya Yonifena
Anumaya Koti aune kano maine. huya tokiyaage kema nehaya yafe tagaya Afa
vayamoya hutageno emaine. huta hisunagenofena kelamakigahie huta koli nehune. huya
hae.
33
Kolia nehuya Yisasifena mage huya hae Tagaya ohavinonanagita hufalote huta
kahaopaigahune. huya hageno Yisasia mage huno hie Nahaopaisayana nagayaenena ania
huna hufalote huna ani yama taloma nehua himamunima hanea navagea tamahaopaigahue.
huno humaine.
Maki Maki
<<
11 11
>>
Maki Maki
<<
12 12
>>
12
Havi vayamoya vaini hoyalema yagaimainaya vayate avame kea humaine.
1
Yisasia aepa heno avame kea mage huno hamapaiye nago kanomoa vaini nofi alaga
hoya humaleteno kegiya hugove humaleneno ani alagayagamo timaa ayelatisigeno timaamoa
tavino umaisia komua kafiteno yagaiyama maisaya nona anafi kimaleteno alu vayafe ke huno
Etama hoyanile me yagaitama maineho. Ani nofimo alagafitila aye fako hutama nagoa
aliho. huno humateteno alu kotega umaine.
2
Umaineno fuma nelea kanafina ani hoyamona
nefaa nagola aliya kanoa hutegeno ani vaini hoyalema neyagaiya vayatega alaga aligahe
umaine.
3
Vigeya hoyalema neyagaiya vayamoya ani aliya kanoamona atafa huya kayo
amiteya mage hae Okamigahunagi kagaya eteka vuo. huya hageno eteno umaine.
4
Eteno
vigeno hoyamona nefaa alu aliya kanoa hutegeno viana ania huya atafa huya anu aliteya tusia
agaye hisifa kava hutenae.
5
Hutageno vigeno eteno alu aliya kanoa hutegeno ani hoyafi
viana atafa huya hayageno falimaine. Falitegeno hoyamona nefaa kasagoya aliya vayayaga
humategeya vageya nagoa aliya vayala amatafa huya nehamaeya nagoa kuyafa neamataleya
nagoa tefa hamae falimainae.
6
Mukia vageno hau ayamopafima nehaiya nafanea agaiage
maigeno nefaa mage huno hie Nafanenimo kea havigahae. huteno hutegeno haenagalafa
ani hoyalega umaine.
7
Vigeya ani hoyafima yagaimainaya vayamoya mage huya hae
Mamona mani hoyamona nefa nafane. Nefama falisigenofena mani nafanemoa hoyaa
aligahianagita ago haegetao. Haesunageno falisigeta mani hoya tagai ya hapaegahie. huya
hae.
8
Huteya atafa huya hayageno faligeya augafaa aliya hoyafinagati ai halatu huya malaga
hagayu hutalenae. huno hie.
9
Huteno Yisasia mage huno hamavige Naa hayanagino hoyamona nefaa hanaa
humategahie? Eno hoyaafima yagaimainaya vayala tavata me hamaesigeya faligahae. Fali
hano hisageno alu vayafe Tamakaya hoyalela kava me yagaiho. huno humategahie. huno
hie.
10
Nagoene Yisasia mage huno hie Manima Anumaya Koti avopima hanea kea ago
hapalitama havimainao? Mage huno humaineane
Vayamoya yafa noma kiyana nago yafafena Haviya humaine. huya atalayanagi ani
yafamoa haenagaa Tusia kanale yafanagino amakaseno haimainea yafane. huya
nomo ayetagenale malenae.
11
Anumayamoa ania humaineanagita neageta tusia
kanale ya hane huta nehune. huya kaemalenayane. huno hie.
12
Yisasia mani kea higeya mono note kava vayamoya Mani avame kema hiana tagaife
nehie. huya amakesa haviteya mage hae Avaleta kina nopi ategahune. huya hayanagi
alitalu humainaya veafe koli huteya Yisasina ataleya umainae.
13
Nagoa Falasia vayaene nagoa Heloti vayaene humatageya Yisasima havigaya keleti
ayevataga huya atafa huya haegahe Yisasi mainelega umainae.
14
Umaineya mage huya
havigae Humavenelina kanomogae tagaya ago havunana kagaya tamageage kano mainane.
Amakima hanea vayaene amakima omale vayaenefena nagoke katekeya havi neamamika
kelamage nehuka Anumaya Koti kea tahanepainane. Takisi monema ataleyatela Sisaa kava
kanomotega kanale atalesuno ifi oatalesune? huya havigae.
15
Hageno Yisasia amakupinagama haviya kea ago haviteno Vagala vaya mainetama
amegati ke nehae. Naa higetama nagaila ayenavataga hutama natafa hisaya yafena
nahavinegae? Nagola alaga monea alitama me namigena agano. huno hie.
16
Higeya nagola
alaga monea aliya memigeno ageteno mage huno hamavige Mani alaga monelela ta
augosaene ta agiene hane? huno hamavigegeya Sisa augosaene agiene hane. huya hae.
17
Hageno Yisasia mage hie Sisana agaia yana agaila amiho. Nagi Anumaya Kotina agaia
yana agaila amiho. huno higeya ani kehena amamayo aimaine.
Satiusi vayamoya falimainesafiti hetisaya yafe Yisasina havigemainae.
18
Nagoa Satiusi vayamoya Yisasitega emainae. Ani vayamoya mage nehaya vayale
Falimainaya vayala eteya heotigahae. huya nehaya vayale.
19
Vayalegiya Yisasina me
havigeya mage huya hae Humavenelina kanomogae Mosesea tagaifena mage huno
kaemaleneane Nago kanomona nepuamoa nafanea oate kanoa aama ataleno falinagenoa
aganaamoa ani aala aliteneno agoma falimainea kanomofe anonaa nafane atesie. huno
kaemaleneane.
20
Nago kanafina sevenia (7) konaga mainayanagino nepuamimoa aala
aliteneanagino nafanea oate kano maineno falimaine.
21
Falitegeno anile aganaamoa ani aala
aliteana nafanea ania huno oatenea kano falitegeno anile aganaamoa ania humaine.
22
Mukia
sevenia (7) konagamoya aliteme aliteme ayana nafanea oateya fali hano hageno haenagalafa
ani aala falimaine.
23
Sevenia (7) konagamoya ani aala alitenayanagi falimainesafitima
hetisaya kanafina hana kanomo ani aala aligahie? huya havigae.
24
Havigageno Yisasia mage huno hamapaiye Anumaya Koti kefima kaemalenea kene
tokiya yamaaenefena havilama hutama ohaviya yafe tamakaya havi tamakesageya nehaviye.
25
Veama falimainesafiti hetisaya kanafina ensole vaya kana huya vemoya aala oaligahae.
Amoyaenena vea oaligahae.
26
Falimainaya veama eteya hetisaya yafe nahavinegao? Mosese kaemalenea avopima
ohapalinao? Nagola osi yosalema ala ata anefela leanagi ani osi yosa otene. huno
kaemalenea kea ohavinao?
Anumaya Kotia ani kanafina Mosesefena mage huno humaineane Nagaya Apalahamunagi
Aisakinagi Yekopugami Anumaya mainoe. huno humaineane.
27
Ani anagala falimainayanagi Nagaya Anumaya Kotiamimona mainoe. huno humainea
yafena amaku amamemoa ofalinegi afaa mainaya yafe ani kea humaine. Tamakaya veamoya
heotigahae hutama nehaya kea havige nehae. huno hamapaimaine.
28
Nago kanoa kahegi kema havilinea kanomoa anile eno huge havige haya kea haviana
Yisasia kanale kema huhaleno hamapaiya kea me haviteno Yisasifena mage huno havige
Anumaya Koti kahegi kefitila hana kemo mukia kemona agaseno uhagoteno tokiyaage kea
hane? huno havige.
29-30
Havige-geno Yisasia mage huno hie Uhagoteno tokiyaagema
humainea kemoa mage huno humaine
Isaleli vayala haviho Anumayamoa tagaiti Anumaya Kotia agaiage mainegi nagoa Anumaya
omaine. Kagaya Anumaya Kotikamofena kahau kayamopafina tokiyaage huno
kahaino. Mukia kagesama havisana yaene kagu kamema havisana yaene aliya
nealina kayamufaene tokiyaage huka Anumaya Kotina amio.
31
Anile nago kea mage huno humaineane
Mukia vayafena tusiya huno kahau kayamopafi kahaino. Kagaika kaugafahema kahaisia
avamete ania huno alu veamogami amaugafahena kahaino.
Menima tole kema kahapauva kemoa mukia Anumaya Koti kahegi kemona ago
amakasemainea ke hane. huno hie.
32
Higeno ani kahegi kema havilinea kanomoa Yisasifena mage huno hie
Humavenelina kanomogae tamage nehane. Nagoke Anumaya Koti mainegi nagoa
Anumaya Koti omaiye.
33
Omaigi tagaya mukia tahau tayamopafi tokiyaage huno tahaisigeta
mukia tagesama havisuna yaene tagu tamema havisuna yaene aliya nealuna tayamufaene
tokiyaage huta mukia Anumaya Kotina amisune. Amiteta mukia veafena tahau tayamopafi
tahainageno tagaiti laugafahema tahaisia avamete ania huta alu veamogami amaugafahena
tahaisie. Naama hisuna yamoa mukia alu kavala amakasemaine. Nayona veamoya Anumaya
Kotina muse yana neamune. huya nagola sipi sipi heya neamiya nago sipi sipia atafi kae
salamana aineataleya nehaya yamona menima kahapauva kemoa ani kavala ago
agasemaine. huno hie.
34
Yisasia anima huhalenoma hia kea haviteno Haviyamaaene kano maineafenagino
nahapaiye. huno agesafinaga haviteno kenonaa mage huno hie Ani kema hana kemoga
aupaa Anumaya Kotife Kava yagainato. huka hugane. huno hie. Higeya vayayagamoya
haviteya koli huya Yisasina nagoene haviokenae.
Yisasia Anumaya Kotima hutenea kanohe veamogami hamavige.
35
Yisasia ala mono nopi mo humavenelino mage huno hamavige Kahegi kema
havilinaya anagamoya naa higeya Kalaisifena, Anumaya Kotia hutenea kanomofena
Tevitina aginagomoa mopale kano maine? huya nehae. huno hamavige.
36
Hamavinegeno
mage hie Tevitia Anumaya Kotina Alu Aotage Avamumo hapaiya kea mage huno
humaineane
Anumaya Kotia Anumaya-niamofena mage huno humaine Tamaga nayatega, ala vaya
mainalega hanea siale emainesanagena kame vayakaa kaiyafinaga amatesugeya
kagaife Ago tagasane. huya hugahae. huno kaemaleneane.
37
Tevitia Kalaisife Anumayania mainane. huno humainegi naa higeno Tevitia haenagama
atesia aginagomofena Anumayaniamoga mainane. huno humaineane? huno hamavige.
Higeya mukia alitalu humainaya veamoya Yisasi kea haviteya tusia muse hae.
38
Yisasia hamapaiya kefiti mage huno hamapaiye Kahegi kema havilinaya anagafena
kayeho. Ani vayamoya ayaaya kena failiya yafena Nelagafi notagafi? huyama haya yafena
tusiya huno nehamaiye. Vaya atagu nefaya kumapi mo vaiyatete nehuya Naa vaya mainae.
huya Ali falu fala hulatesae. huya nehae.
39
Mono nopiene imuleene Ala vayaagema
nemaiya sialekeya maigahune. huya nehae.
40
Ani vayamoya keto aneyagahena Mono
nopima atalesaya monea tamiho. huya nehuya noamifima hanea yayaga musufaya huya
moneamia ali hano nehaya vayalagiya. Vayayaga ayemavataga huya Kanale vaya mainae.
huya hisae huya ayaaya nunamu nehayane. Aniama nehaya vayamoya havi miyana tusiya
huno amaugafa amagata aisia yaene aligahae. huno hie.
41
Yisasia mono nopi mone neatalaya kaiyaga maineno monema atalaya veala
amakeana moneamima hanea veamoya Monetia Anumaya Kotina amigahune. huya ala
mone pokisifina atalenae.
42
Atalageno nagola monea omale keto amoa tole osi haesa monea
metalene. Ani haesa yafatalamogania tokayaagenoa vani toya kana humaine.
43
Yisasia ani
yana ageteno agaiaenema tokaeya nemaiya anagafe ke higeya ageno mage huno hamapaiye
Nagaya tamagelafa huna tamahanepauve ma ma monea omale keto amoa hagoteyama
metalaya veamogamina amakaseno ala mone metale.
44
Metaleneanagi moneamima hanea
veamoya aliyamaa omalenea monegiya havigu malenaya monegiya afaa metalayanagi ani
amoa mukia yamaa ali hano huno metale. Mukia kaveama alino nesia monea mukia alino
metale. huno hie.
Maki Maki
<<
12 12
>>
Maki Maki
<<
13 13
>>
13
1
Yisasia ala mono nona neataleno vigeno nagola agaiaenema tokaeno nemaiya
kanomoa mage hie Hulavenelina kanomogae male ago. Ala yafana kanale yafayagaleti
kimalenaya kanale noyaga hanegeka neagane. huno hie.
2
Kagaya mani kanalenale ala noyaga neagano? Ani mukia yafayaga alino lagape aitalesigeno
aposilavisianagi nago yafamoa nago yafamo agupifina aikalo huno omaigahie. huno hie.
Yisasia Tusia kana yamo falote hugahie. huno hie.
3
Yisasia Olivi yosa hanea agoyamo agegayalega haino mopale maineno ageana ala
mono nona atu kaiyaga hanegeno neagegeya Pitaene Yemesiene Yoniene Etaluene Yisasima
mainelega emainae.
4
Eya Yisasife mage huya havigae Ani yafa nomoa tagapema aisia kana
na kanafine? Hana augafa tokiya avame yamo ani kanama falotema hisia kanafina
taveligahie? huya havigae.
5
Hageno Yisasia mage huno hie Nagoa vayamoya havigema lamahapaisagetamahena
ohavisaya yafe kaye ho.
6
Mukia vayamoya nagai nagia neayeya Anumaya Kotia tamaugafa
aligatisuna yafe hulategeta neone. huyama hisayana kasagoya veane havige ayemavataga
hugahae.
7
Nagoa kotega kamema nehae. huya hisagetamaene Kotamile-gaenema kamema
nehae huyama tamahapaisagetamahena kolia ohiho. Ani yayagamoa hagoteno falote
hugahianagi ma mopama hano hisia kanamoa yaufa falote ohune.
8
Nagoa vayamoya alu
vayaenena kamea hugahae. Ala kotega vayaene nago ala kotega vayaenena kamea hugahae.
Kasagoya alu kote kotela tusia imila aligahie. Alu kote kotela tusia kafu nehuya amakatesia
kanamoa falote hugahie. Ani yayagamoa afaa anemoya nafanema ategahema hageno aepa
heno amagata neaiya avamete kava hugahianagi haenagaa tusia tamagata yamo falote
hugahie.
9
Tamakaitamia kava yagailama hiho. Nagoa veamoya tamakaila tamavaleya kanisole
vayate kaiyekea hulamategahae. Mono nopi tamavaleya kayona mo lamamigahae. Nagai
nakavema haya yafe tamavaleya ala kava vayateene amakasemainea sauve vayateene
tamavaleya hetilamatesageya kaiyekea hulamatesagetama nagai kanale mono kea
hamapaigahae.
10
Hamapaigahayanagi hagoteya Yisasi kanale mono kea aliya ute ete huya
mukia kote veamogamina hamapaitesageno ma mopamoa hano hugahie.
11
Tamavaleyama
kaiyeke hulamatesaya kanafina kema hisaya yafena Naane huta hugahune hutama tamakesa
kumoa ohutama afaa viho. Ani kanafina kanale kema hisaya kea Anumaya Kotia
tamahapainagetama hugahae. Ani kea tamakai kea omalegi Anumaya Koti Alu Aotage
Avamumoa huno lamakesa hinagetama hugahae.
12
Ani kanafina veamoya amakaiami
nepuamimona kame vayaamimote amavaleya visayaamoya Hamaegeya faliho. huya
hugahae. Nefaa nafaneyagaa ania humategahae. Nafaneamimoya itaafoamimoene-na aliyahae
huya kamea humateteya Hamaetama faliho. huya hugahae.
13
Nagima neayaya yafe mukia
veamoya haviya amaipa kafa helamategahae. Nagoa veamoya nagai kemona meni kanaleti
aepa heya atafa huya tokiyaage hume hume nevisagena Yisasina etenama esua kanafina
nagai kema atafa hulinesaya veamogamina Anumaya Kotia amaku amamena aligatigahie.
14
Yisasia nagoene mage huno hie tusia havi yana ma mopa alino hagagitalesia yana alu
aotage yapi hetimainesigetama agegahae. Anima tamamayoma aisia yama agenuta-mahena
Yutia mainaya veamogatama tamaiyayetama agoyalega viho. Ani Yisasima humainea kema
hapalitama havisamogatama havilama hutama haviho.
15
Nagi nago kanomoa nogatofulema
haino maineno ani kema havinunofena tavino nomaafinagati haifaleno nagoa yana oalino.
Afaa aiyayeno vino.
16
Nagoa veamoya hoyafinagama mainesaletila kenaamima aligahena
notega eteya oviho.
17
Avonio ani kanafina tusia havi yamo falote hugahie. Amaipaene anene
nute anilinesia nafanemogami itaamimoyaenefena tusia nahau nehie.
18
Anumaya Kotitega
nunamuna mage hutama havigeho Ani havi yamoa tani koma ikate tisia kanafina falote
ohisie. hutama havigeho.
19
Ani kanafina tusia kana ya falote hugahie. Ehema Anumaya
Kotia ma mopama talo humalenea kanafiene meni kanafienena ania ala kana yana falote
ohuneanagi tusia ala kana yamoa nagoene haenagaa ania huno falote ohugahie.
20
Anumaya
Kotia ani havi kanama alino aupa ohileasina mukia veamoya falileasinagi Anumaya Kotia
haigenoma hapalimatenea veafe agesa havino amaugafa aligatisia yafe ani kanaa alino aupa
hugahie.
21
Ani kanafina nagoa veamoya mage hugahae Anumaya Kotima taugafa
aligatigahie huno hutenea kanoa ma mainegi ageho. Atu mainegi ageho. huya
hisagetamahena Tamage nehae. hutama havitama tamametitia ohiho.
22
Ani kanafina nagoa
havigeage amaune vayaene Nagaya Anumaya Kotima tamaugafa aligatigahie huno
hunatenea kano mainoe. huno havige hisia kanoene evayi huya veamogamina ayemavataga
hugahe tokiyaage avame yana hugahayanagi Anumaya Kotia haye huno hapalimatenea
veamoya ohavigahae.
23
Ohavigahagi falote ohunaya kanafina ago tamahapaimainogi
kayetama maiho.
24
Ani havi kanamoa hano hutesigeno yagemoa hanimaage hinageno ikamoa aivasa
ohugahie.
25
Kanefimoya ikatetila atafailavigahie. Ikatema hanea yayagamoya kanage kanage
huno alu kate kate vaiyegahie.
26
Mukia ani yamoa falote hutesigena ikapinagati emainoa
kanoa vayamo natenea kanomona ikapinagatila siate elavisugeya nagegahae. Tusia
tokiyaniene tusia hale yaniaene esugetama nagegahae.
27
Nenagesagena ensole vayania
humatesugeya yagemoma tavi nefalelegatiene evayi nehilegatiene aluga aluga haupalegatiene
mukia mopaene mopaene nagainia nahaigena hapalimatenoa veanea aluga aluga mukia ma
mopamona atupaletiene ikamo atupaletiene amavalesageya melitalu hugahae.
28
Yisasia mage huno hie Fiki yosamoa nago avame ya tamaveligahigi ageho. Ani
yosamoa hagoteno akopapitima agusasiyeno amuma malesigetamahena Anuna valesia
kanamoa falote hugahe nehie. hutama nehae.
29
Naa hugahayanagi manima tamahanepauva
kuguva yama agenutamahena Yisasia esia kanamoa ago aupa higeno fiate hetino
maineanagino ago egahie. hutama tamakesa havigahae.
30
Nagaya tamage huna
tamahanepauve meni kanafima mainaya veala ofalinesageno ani yamoa falote hugahie.
31
Ikaene mopaene fanane hugahianagi nagai kemoa fanane ohugahie.
32
Manima tamahapauva kanama falote hisia kanahena nago kanomoa ohavine.
Ikapinaga mainaya ensole vayamoya ohavinae. Anumaya Kotina nafaneamona ani kanama
falote hisia kanahena ohavinoanagi nenafaa agaiage haviline.
33
Tamakaya ani kanama falote hisia kanahena ohavinaya yafe tamaula ofaetama
tamakaitamile yagaiho.
34
Nago kava kanomoma hia kava huno Yisasia egahie. Ani kava
kanomoa aliya vayaamofena Ma aliyana alu aliya alu aliyana tamahaote tamahaote
yagaitama maiho. huneamateno Fiatema mainamoga kagaikaa yagaiyo. huneateno ataleno
alu kotega umaine.
35
Naa humaineafe tamakaya ania hutama yagaiho. Nomona nefama esia
kanahena ohavinae. Une esio? Kege amunopi esio? Kokolemoa age neaisigeno esio? Ifi nate
esio? Esia kanahena ohavinaya yafe kava yagaitama maiho.
36
Faetama mainesageno havigu
aupaa esigetama tamakaye hu yafenagi kayetama maiho.
37
Mani kea tamakaifema hua kea
mukia veamogamife nehugi kava yagaitama tokiyaage hutama maiho. huno hamapaiye.
Maki Maki
<<
13 13
>>
Maki Maki
<<
14 14
>>
14
Kava vayamoya Yisasina haesaya ke hu haya kimainae.
1
Ani kanafina tole yupa maiteya kafuahe kafuahe Anumaya Kotima amakinagomo
amaugafama aligatimainea yafe alitalu huya hale oki kaihamena nenaya imu kigahe nehageya
mono note kava vayamoyaene kahegi kema havilinaya anagaene Yisasina haesaya kea kesi
ako huya atafa hisaya yafe ke huge havige humainae.
2
Mage huya hae Mukia veala
imulema alitalu huya maisafima Yisasina atafama hisunageya mukia veamoya ageteya ke
huya atile male huya tu hugahae. huya hae.
Nago amoa Yisasina anupi masave takino faletene.
3
Yisasia Petani umaineno nayona fugitaya agemainea kanomo agia Saimonie kanomo
nopi umaine. Mopale umaineno kave nenegeno nago amoa anile eno manaage masavena
havatemai yafa keayola alilino emaine. Ani keayopina nagola tusia monele hanea masavena
manaage tina hane. Ani limo agia natie. Ani keayoma taloma hia yafamo agia alapasata
yafane. Ani amoa masave keayola alino aitagino Yisasi anupi takino faletene.
4
Faletegeya
nagoa anile mainaya vayamoya ageteya ke vaiya mohu mehu nehuya mage huya hae Naa
higeno mani amoa manaage masavena afaa neatale?
5
Nago kanomoma miya hileasina tali
hataleti kina (K300) aluteasine. Aliteta ani masavete monea alita afenoamima omalenea
veanea amamuteasine. huya ani amofena Kefo kava talo hane. huya kemakimainae.
6
Ke
neamakigeno Yisasia mage huno hie Agaila afaa ataleho. Naa higetama kea neamakiye? Ani
amona aipamoa haviya hisia kava nehagi nagaila tusia kanale kava hunenate.
7
Afenoamima
omalenea veamoya mukia kanafina tamakaiene maigahayanagitama amaya hisaya
tamakesama havisayana amaya hugahayanagi nagaya tamakaienena mukia kanafina
omaigahue.
8
Ani amoa amukoa hanegeno ani kavala hagoteno afaa ofalina mainogeno
masavema faleya hevainatesaya masavena agola fale nenate.
9
Tamage huna tamahanepauve
mukia ma mopafi veapima Yisasifena kanale mono kema hamapaisayana ani amoma hia
kavafeenena hamapaisageya mukia veamoya agaife amakesa havi havi huya maigahae.
huno hie.
Yutasia hulamake huno kava vayafe Yisasina avalena tamamigahue. huno
hamapaimaine.
10
Ani kanafina Yutasi Isakaliotia tuelufua (12) anagaaene nemaiya kanomoa viaamo
Yisasina agesi huno momavalesigeya metafa hisaya yafe mono note kava vayatega umaine.
11
Viaamo mo hamapaigeya ani kea haviteya tusia muse huteya Mone kamigahune. huya
hapaitageno Yutasia vaya kuluta oai yate kesi kateti momavaleno esigeya Yisasina haesaya
kafe atiyemaine.
Yisasia agaiaenema tokaeya nemaiya anagaaene kavela nemainae.
12
Hale oki kaihame kana maya nenaya kanamoa ehe kanale Anumaya Kotia Yuta vaya
amaugafama aligatimainea kanahe amakesa nehaviya imuma kigahena sipi sipi heya kiya
nenaya kanamoa falote higeya Yisasiene tokaeya nemaiya anagamoya Yisasina mage huya
havigae Hanatega kahaisia kumatela Anumaya Kotia amaugafama aligatimainea kanahe
kagesa havisana kavela mo lalo tala hisune? huya hae.
13
Hageno Yisasia tole kanolatana
hunateno mage huno hanapaiye Ala kumate neviageno ti keayoma alino esia kanoene fotu
hutetana akave vio.
14
Akave neviageno haino mo falesia nopi haitana ani nomona nefafe
mage hutana havigeo Hulavenelia kanomoa mage hie Hanate ayenalagimalenana nona
hane? Yoka namisanagena nagaiene tokaeya nemaiya anaganiene Anumaya Kotia
amaugafama aligatimainea kanahe tagesa havisuna kavela nesune? huno hie. hutana
havigeo.
15
Hisaagenoa folamo huno anale kimalenea nona ago alino hilato humaleneanagino
ala nona tanavelisigetana kavetia talo tala hio. huno hanapaiye.
16
Higeana ala kumate vaana
Yisasima hia kemoa mukia falote higeana ageteana Anumaya Kotia amaugafa aligatimainea
kanahe amakesa havi havi hisaya kavela talo tala humainae.
17
Talo humalenaageya yagemoma tavi faleamaa Yisasia tuelufua (12) anagaamoyaene
emainae.
18
Mopale emaineya kavela nenageno Yisasia mage huno hie Tamage huna
tamahanepauve nagaienema kavema nenaya anagamogatama tamakaipiti kesi nahaesaya
yatela nago kanomoa vaineaye. huno hie.
19
Higeya ani anagamoya amaipa haviya huteya
agaifena amahaote amahaote mage huya hae Nagaife nehano? higeya Nagaife nehano?
higeya huya havigae.
20
Havigageno Yisasia mage huno hie Tamakaya tuelufua (12)
anaganimogatama tamakaipiti nagokemoga kesi nahaesaya katela vaineayane. Ani kanomoa
nagaiene nagoke yopafiti kaihame kana maya ali vayagofino nene.
21
Nagaya ikapinagati
emainoa kanoa vayamo natenea nafanemonihena Anumaya Koti autamafima kaemalenaya
avamete kava hugahuanagi vayamoya havisagi huno nagesi hunatesia kanomofena Avonio
nahau hanagi kagaya maigayeka mainekao. huna nehue. Ani kanomoga itakamoa
okateneleasina tusia kanale kava hileasine. huno hie.
Yisasia kaihame kana mayaene nofi alagamo tiene amamine.
22
Ani kavela nenageno Yisasia kaihame kana maya alino nunamu huteno muse huno
havigeno kolite kolite huno neamamino mage huno hie Aliho. Mamona nagaini naugafae.
huno hie.
23
Nagola vaini nofi alagamo ti hanea keayola aliteno nunamu huno muse huno
havigeno alino amamite amamite higeya nemainae.
24
Nenageno Yisasia mage huno hie
Mamona nagaini kolane. Vayamoya nahaesagena falisugeno kolaniamoa takilavino mukia
veafene huno takilavisia yafe Anumaya Kotia hulokiya vaino alino halegafilamatenea kemo
aepamoa alino fatago hugahie.
25
Tamage huna tamahanepauve menia nagaya vaini nofi
alagamo timaa nagoene onegahuanagina Anumaya Kotima kava yagaimainea kumate
umainena haegafa nofi alagamo tina etena negahue. huno hie.
26
Higeya yagamea nagola
huteya Olivi yosa hanea agoyafi haimainae.
Yisasia Pitafe Kakaveno hunategane. huno hie.
27
Yisasia mage huno hamapaiye Tamakaya mukiamogatama nagaife havitama
tamakupi maletama tamametiti nehaya yana ataletama asaga hulavisagi nayona ani yafe
kaemaleneane
Nagaya sipi sipi kava kanoa haesugeya sipi sipiyaga atagufeya falegahae. huno
kaemaleneane.
28
Kaemaleneanagi falimainesufiti Anumaya Kotia alino hetinatesigena Kalili uhagotelamatena
visugetama nakave egahae. huno hie.
29
Higeno Pitaa kenonaa mage huno hie Mukia
anagala kagaifema haviya amakupi maleya amametiti nehaya yama ataleya falesagenahena
nagaya ania ohugahue. huno hie.
30
Higeno Yisasia mage huno hie Tamage huna
kahanepauve meni kegela kokolemoa tole kanale agea oainesigeka kagaya tagufa (3) kanale
mage hugane Nagaya oagenoa kanoe. huka avane hunategane. huno hie.
31
Higeno Pitaa
tokiyaage ke huno hie Kagaiene nahaesagena faligahuanagina kagai kagihena avanena huna
fala okigahue. huno higeya mukia anagamoya nagoke kegeya humainae.
Yisasia Ketesemani hoyafi nunamu mo humaine.
32
Huteya Ketesemani uvayi hageno Yisasia agaiaenema tokaeya nemaiya anagafena
mage huno hie Tamakaya male maineho. Nagaya Anumaya Kotitega nunamu huna
havigegahue. huno hie.
33
Pitaene Yemesiene Yoniene amavaleno viana aepa heno aipamoa
kanaage higeno haumana halegeno kasageke hie.
34
Huteno mage huno hamapaiye Nahau
nayamopamoa tusia kanaage nehigena ago falisua kava nehugi male mainetama kava
yagaitama maineho. huno hie.
35
Osia viaamo nunamu huno havigegahe mopafi agoya
moyeno maineno nunamuna mage huno havige Kahaisigekahena falisua kanania alitalesane
huna kahavinegoe.
36
Nenafagae kagaya mukia yana kanale hateasine. Nagaya falisua kava
nehugi ani havi kanamoa satuage hia ti kana tima hanea keayola nahafaletalo. Afaa nagai
nagu nagesa akave ohuka kahaisia yana afaa huo. huno havige.
37
Havigeteno viaamo momakeana agaiaenema tokaeya nemaiya anagala faeya
mainageno Pitafena mage huno hie Saimonigae faekage mainano? Vae kagaya aupa kana
kanoa kava oyagaikage mainano?
38
Satania ayelamavataga hisigeno tamakuamoa
Ohugahue. huno tokiyaage humaineanagi afaa amega tamaugafamoa tokiyaa
omaleneanagino Hugahue. huno hisia yana hugahigi Satani kema ohavisaya yafena kava
yagaitama mainetama Anumayamotega ke hutama havigeho. huno hamapaiye.
39
Huteno amataleno viaamo Anumayamotega havigea kea ania huno nagoene mo
havige.
40
Havigeteno eteno momakeana amau tokotoko higeya faeya mainageno
momakeanagi Vae tagaya naane hisune? hugeya amakesagumo humainae.
41
Hageno Yisasia eteno eaamo tagufa (3) kanale amakaifena mage huno hamavige
Maifalu hutamage faetama mainao? Hailagino kanania ago falote nehie. Nagaya ikapinagati
emainoa kanoa vayamo natenea nafanemonia nagesi huno navaleno kefo yama nehaya
vayamogami amayapi natesigeya nahaegahe nehae.
42
Mukiamogatama hetitama vigetao.
Ageho nagesi huno nahaesia kanoa ago neegi vigeta mogamano. huno humaine.
43
Yisasia mani kea nehigeno aupaa Yutasia tuelufua (12) anagaaenema tokaeno
nemaiya kanomoa evayi higeya agaiene mukia vayayagaene mono note kava vayaene kahegi
kema havilinaya anagaene nagoa Yuta vayatamaenema humataya vayamoya ayaaya naepege
naipege huya muki kayoene aliya emainae.
44
Agesi huno Yisasina haesaya yama amavalisea
kanomoa vayayagahena mage huno hamapaiye Atakoma hisua kanoa haesaya kano
mainegi atafa hutama tokiyaage hutama avaletama viho. huno hamapaiye.
45
Yutasia evayi huno Yisasite eaamo mage hie Hulavenelina kanomogae. nehuno
atako me hie.
46
Atako higeya ageteya vayayagamoya Yisasina atafa huya ayetalako
humainae.
47
Atafa nehageno nagola agaiaenema hetimaiya kanomoa ayaaya naepea hevayu
huno ala mono note hagote kava kanomo aliya kanoamo agesa aifakalitalegeno asaka
hulavimaine.
48
Aifakalitegeno Yisasia mage huno hie Tamakaya nagaifena Vaya
nehamaeno musufaya nehia kano maine. hutama nagaima natafa hugahena ayaaya naepene
muki kayoene alitama neao?
49
Mukia kanafina efiefi huna tamakaiene mainena ala mono
nopina mono kea huhalena nehuanagi nagaila natafa ohunayanagi afaa kanalele. Nayoma
kaemalenaya kemoa falote huno tamage hisia yafe menia natafa nehae. huno hie.
50
Higeya
mukia agaiaenema tokaeya nemaiya anagala neataleya fale hano humainae.
Nago neya kanomoa koli huno falemaine.
51-52
Nago neyamoa aye ohati kena kenalafamaage failino Yisasi akave umainegeya
agaila atafa hugahe hageno kenaa hateno neataleno augafa alapaage aiyayeno faleno umaine.
Yisasina kanisole vaya amaulagale kaiyekea hutenae.
53
Yisasina avaleya ala mono notela hagote kava kanomote ageya mono note kava
vayayagaene Yuta vayatamayagaene kahegi kema havilinaya anagaene alitalu huya mainae.
54
Pitaa akave anatino vianagi avatela ounegi aluale umaineno ala mono notela hagote kava
kanomo nomo haupale uvayi huno ati vayaene mopale umaineno atale tota huno maine.
55
Mono note kava vayamoyaene mukia kanisole vayaene Yisasima haesaya kaiyekema
hutegahena nagoa vayamoya Kefo kavala higeta agemainone. huya hutesaya vayafe
atiyayana omainae.
56
Omaigeya kasagoya vayamoya havige huya Yisasifena hayanagi
amakai kemoa nago katela ohunagi alu ke alu ke maiya humainae.
57-58
Nagoa vayamoya
hetiya havige huya Yisasifena mage huya hae Tagaya agaiama humainea kea havilinone
mage huno humaine Nagaya vayamoyama kimalenaya ala mono nona alina lagape aitalena
tagufa (3) kanafi ani nona etena vayamoya nokiya avamete no ali hetigahue. huno higeta
havilinone. huya nehae.
59
Hayanagi ani kemoa nago avamete kea ohunagi alu ke alu ke
maiya humainae.
60
Hageno ala mono notela hagote kava kanomoa amunoamifi hetimaineno Yisasina
mage huno havige Na augafa ke kagaifena nehae? Kagaifena kaiyekema hunegatayana
kenonaamia hufalote huka nohane? huno havige.
61
Havigeanagi Yisasia kea ohuno avaya
lukino maineno nagola osi ke kanoa ohutafa huno mainegeno ala mono notela hagote kava
kanomoa eteno nagoene havige Kagaya Anumaya Kotia taugafa aligatigahema hugatenea
kano mainano? Kagaya agima alisaga nehaya Anumaya Kotina nafaneamoga mainano?
huno havige.
62
Havigegeno Yisasia hufalote huno hie E, nagaya ani kano mainoanagitama
tamakaya haenagaa Ikapinagati emainoa kanoa vayamo natenea nafanemonia tusia tokiya
yamaa hanea Anumaya Kotina tamaga ayatega hanea siale mainena ikate hanea siate
esugetama nagegahae. huno hie.
63
Higeno ala mono notela hagote kava kanomoa ani kea
havigeno aipamoa tokiyaage higeno kenaa alino hatata nehuno mage huno hie Tagaya hai
havunanagiya nagoa vayamoya kaiyekea huoatesae.
64
Anumaya Kotifema huhaviya hutea
kea ago nehavigi. Na tamakesa nehaviye? huno higeya mage huya hae Tamage nehane
anona yamaa alisia yafe haesageno falisie. huya hae.
65
Huteya nagoa vayamoya Yisasina amavetuna heneateya aulagafi aiso huteneya
aikoneliya mage huya havigae Kaune kema nehana kanomoga tahapaiyo taya negahayae?
huya havinegeya ati vayamoya amayateti aikolimainae.
Pitaa Yisasifena avane huno Nagaya noagoa kano maine. huno hie.
66-67
Pitaa nomo haupalega afetega mainegeno ala mono notela hagote kava kanomona
aliya munamoa anile emaineno ageana Pitaa ata lota nehigeno ani munamoa megeteno Pitana
agesagali maineno mage huno hie Kagayaenena Nasaleti Yisasiene vaiyatete nehana
kanoe. huno hie.
68
Higeno Pitaa avane huno Aao nagaya ani kanoa oagenoa kanohe
maika nehane. huno nehuno fiate nevigeno anile kokolemoa agea aimaine.
69
Fiate
mainegeno ani munamoa mogeteno anile hetimaiya vayafena mage huno hie Mani kanoa
Yisasi anagapiti kanoe. huno hie.
70
Higeno Pitaa nagoene eteno Aao nagaya ani kanoa omainoe. huno hie. Osi kana
kanoa maigeya anile hetimaiya vayamoya mage huya hae Tamage kagaya Kalili kano
mainana yafe agaiene vaiyatete nehana kano mainane. huya hae.
71
Hageno Pitaa mage huno
hie Nagaya tamagema ohisugenoa Anumaya Kotia nahaesie. Anumaya Koti aulagafina
tamage huna tamahanepauve tamakayama haya kanoa nagaya oagenoa kanoe. huno hie.
72
Nehigeno aupaa hagoteno agema aiya kokolemoa anile viaamo agea aigeno Pitana
agesamoa aikalo higeno Yisasima hapaigeno havimainea kea mage huno humaineane
Kokolemoa tole kanale agea oainesigeka kagaya tagufa (3) kanale avane huka nagaifena
Noagoa kano maine. huka hugane huno humainea kemoa Pita agesamoa aikalo higeno
haviteno tusia avitemaine.
Maki Maki
<<
14 14
>>
Maki Maki
<<
15 15
>>
15
1
Kola alino halegeya mukia mono note kava vayaene Yuta vayatamaene kahegi kema
havilinaya anagaene kanisole vayaene Yisasina haesageno falisia kea huge havige huteya
Yisasina nofi kiteteya ala kamani kava kanole, Pailatite avaleya ayapi motenae.
2
Motageno
Pailatia Yisasifena mage huno hie Kagaya Yuta veamogami Sauve kano mainano? huno
havigegeno Yisasia mage hie Kagaikaa ani kea hai nehane. huno hie.
3
Higeya mono note
kava vayamoya kasagoya kea Maa kefo kava humainane. huya hutenae.
4
Huneatageno
Pailatia nagoene mage huno hie Havio mukia kefo yama nehana yana ali falote nehagi
kagaya kenonaamia naa higeka nohane? huno hie.
5
Hianagi Yisasia kenonaa nagola osi ke
kanoa ohigeno Pailatina amayo aimaine.
Pailatia Yisasife Yafaga yosale nili hetama asaigeno falino. huno hie.
6
Kafuahe kafuahe Anumaya Kotia amaugafama aligatimainea kanahe amakesa haviya
imua negiyanagino Pailatia mukia ani imu kisaya kanafina nagoke nofi hutegeno nemaiya
kanoa vayayagamoya haesaga huya Agaya esie. huya haya kanohe nofipitila Hai hano
hanagi vuo. huno huneatea kanae.
7
Ani kanafina nago kanomo agia Palapasie kamani
vayaene tuma nehaya vayaene maineno tuma haya kanafina vayala tavata nehamaeyaya
vayaene mainegeya kina nopi avaleya hutenayane.
8
Hutenayanagiya vayayagamoya Pailatife
mage huya me hae Mukia imuma kina kanafima nehana kavala hulato. huya hae.
9
Hageno
Pailatia mage huno hamavige Nagaya Yisasifena Yuta veate Sauve kanomofe Hai hano
hanagi vuo. huna hisugetama musena hugahao? huno hamavige.
10
Higeya mono note
kava vayamoya ma amakesa haviye Mukia veala Yisasi kegeya nehaviya tagai kea
nohaviye. huteya ani yafe Yisasifena amaipamoa haviya huteteya Pailatite avaleya ageno
Pailatia ani yafe agesa nehavino humaine.
11
Havianagi mono note kava vayamoya mukia
vayamogami amaipa moyeya mage huya hamapaiye Mage hutama hiho Palapasina
atalesanageno afaa esie. hutama hiho. huya hae.
12
Hageno Pailatia vayayagahena mage
huno hamavige Ania hisuana ma kanomofe tamakaya Yuta vayate Sauve kano maine
hutama nehaya kanomofena naa hutesue? huno hamavige.
13
Hamavigegeya mukia
vayamoya ala kefiti mage huya hae Yafaga yosale nili hetama asaigeno falino. huya hae.
14
Hageno Pailatia mage huno hamavige Naa higetama na kea nehae? Hanaa augafa kefo
kava humaine? huno hianagi amakaya eteya aliya alapi ataleya ala kefiti mage huya hae
Yafaga yosale nili hetama asaigeno falino. huya hae.
15
Hageno Pailatia mukia vayamoya
muse hisaya kava hugahue huno Palapasina nofipiti avaleno neataleno Yisasina agata aisifa
kayoteti haifu amiteno Yisasina ati vaya amayapi ateteno Yafaga yosale nili hetama
asaigeno falino. huno hie.
Ati vayamoya Yisasina huya akaya atenae.
16
Ati vayamoya Yisasina avaleya ala kava kanomo no haupalega umaineya mukia
amakaiene nemaiya ati vayafe ke hageya emainae.
17
Emaineya Yisasina akaya ategahe Ala
kano mainane. huya hisaya yafe ayaaya haesa kena aliya faiteteya avetanafaage nofi aliya
mo aigalaki me aigalaki huya tumano kula talo huya Yisasina anute vaitenae.
18
Vaiteteya
aepa heya huhaviya hutegahena mage huya hae Felugae. Yuta vayamogami sauve
kanomogae. huya akaya atae.
19
Neateya anute kayoteti nagoene nagoene huya aikoneliya
augafale amavetuna heneateya amaleya ayeya mopale maineya Ala kano mainane huya
ayevataga vatago humainae.
20
Kigi huneateya haesa kena hateneataleteya agaia kena
faiteteya yafaga yosale nili hegahe avaleya umainae.
21
Kategama vayana Saimoniene fotu humainae. Ani kanoa Sailini kumate kanoe.
Alekasataene Lufasiganiene neanafae. Ani Saimonia hoyafinagati kate enevigeya ati
vayamoya tokiyaage ke huya Kaiyayeka yafaga yosa melika vuo. huya hageno molino
umaine.
22
Alino vigeya Yisasina avaleya vayaamoya Kologota kumate uvayi hae. Ani kumamo
agimoa tagaiti kefina anu ayamufa kumale huya nehae.
23
Ani ati vayamoya Haesunageno
falisiana agata ai yafenagita agatama oaisia tina amisunageno nesie. huyama hayana anima
agata oaisia timo agia mea. Meaene nofi alagamo tiene nagopi ali havigu huteya aliya
amiyana Yisasia ani tifena Aao. huno onene.
24
Onegeya yafaga yosale nili heya
asaimaleteya kenaa fako huya aligahe musufa yama nehaya yokalo lageya amakasaya
vayamoya alimainae.
25
Natena naeni (9) kiloki yagemoa anale hai vayi higeya Yisasina yafaga yosalela nilia
maleya heteya asaimainae.
26
Asaiteya Ma kava higeta haune. huya kaemalenae Mani
kanoa Yuta veate ala Sauve kanoe. huya kaeya malenae.
27-28
Kaemaleteya Yisasiene tole
kanolatana vaya nehamaeana musufa yama nehaa kanolatana nago kanoa Yisasina tamaga
kaiyagaa haeya asaimaleya nago kanoa haoga kaiyagaa haeya asaimaleya humainae.
29
Humalenageya katema ute ete huya agasaya vayamoya amakeya kayo aiya Kefo
kano maine. huya kigi yokalofiti huhaviya huneateya mage huya hae Oho kagaya Ala
mono nona alina lagape aitaletena tagufa (3) kanafi etena kitalegahue. huka nehana kano
mainane?
30
Menia kagaya yafaga yosa neataleka kagaikaa elavika kaugafa aligatio. huya
hae.
31
Hageya mono note kava vayaene kahegi kema havilinaya anagaene amakaiami
vayamoyaene ania huya kamuge hatageya vaineateya mohu mehu huya huhaviya huneateya
mage huya hae Nagoa vea amaugafa aligatimainegi naa higeno agaia augafa ali nokatie.
32
Kalaisiga Isaleli vayate Sauve kanoamimoga yafaga yosa neataleka elavigeta agamano.
Agesunana kagaifena havita tagupi maleta tametitia hugahune. huya huhaviya huneatageno
agaienema yafaga yosalema asaimalaya musufa kanolatamoganienena ania huana Yisasina
huhaviya hutenae.
Yisasia ago falie.
33
Yagemoa euno amunokano higeno halemainea yamoa hano higeno mukia kotega
tusia hanikino viaamo une kanalega eteno ali halemaine.
34
Une kanalega Yisasia ala kefiti ke
huno agaia kefiti mage huno hie Eli Eli lema sapakatani. huno hie. Tagaiti kefina mage
huno hie Anumaya Kotinimogae, Anumaya Kotinimogae naa higeka nagaila nenatalane?
huno hie.
35
Higeya nagoa anile hetimaiya veamoya haviteya mage huya hae Ilaiyafe ke
nehigi haviho. huya hae.
36
Hageno nago kanomoa viaamo hava koyafa kana yana alino
atuage nofi alagamo tipi ayeteno alino viaamo kupaga kayote maleno ani hava koyafa kana
yana kiteno Yisasia mayu mayu huno nesie. huno neamino mage huno hie Agava
maineta agesune Ilaiyaa yafaga yosaletila mevaleno elavisifi agegahune. huno hie.
37
Higeno
Yisasia ala kegefa huteno falimaine.
38
Faligenoa ala mono nopima ala kena ayaaya kenagefama asaimalenaya kenamoa
Yisasima falia kana kanoale analeti aepa heno amunopiti hatata hulole hulavino mo talene.
39
Ati vayate kava kanomoa Yisasina aulega hetimaineno Yisasia kema huteno falia yana
ageteno mage huno hie Tamage huno mani kanoa Anumaya Koti nafanelafa maine. huno
hie.
40
Nagoa aneyaga aluale maineya agemainae. Nagoamogami amakia, osi Yemesiene
Yosefegani itaanimoa Maliae Salomiagi Magatala kumate Maliaagi huya mainae.
41
Yisasia
Kalilima mainea kanafina ani aneyagamoya akave vaiyatete nehuya kavela kaeya neamiyane.
Mukia aneyaga Yisasiene Yelusalemu tokaeya umainaya aneyaga aluale hetiya maineya
Yisasina agemainae.
42-43
Sapati yupahe haviya talo tala hisaya kanagino yagemoa lavi falegahe higeno
Yosefea Alimatia kumate kanoa Yuta kanisolefi nemaiya kanoa evayi hie. Ani kanoa
Anumaya Kotima kava yagaisia kanahe muse huno agava nehia kanogino kolia ohuno
Pailatite viaamo mage huno havige Yisasina augafaa aligahe nehue. huno mo havige.
44
Havigegeno Pailatia Aupaa ago falimainegeka nehano? Avonio namayo aiye. huno
agesa nehavino nagoa ati vayate kava yagaimainea kanohe ke higeno egeno Yisasia ago
falimaineo? huno havige.
45
Havigegeno ati vayate kava kanomoa E, ago falimaine. huno
higeno Pailatia Yosefena mage huno hapaiye Kanalelagi augafa afaa moligane. huno hie.
46
Higeno Yosefea viaamo kayo muki ayaaya kena molino viaamo augafa yafaga yosaleti
alino maleneno kenaleti augafalela aigalaki kalaki huno haya kiteno alino viaamo hefalegeya
kafimalenaya yafakapi Yisasina hevaiteteno avayalema aililesia yafana ayetufeno anile mo
aililemalene.
47
Magatala Maliaene Yosefena itaamoa Maliaene maineana hevaitea yafa kaana
agemainae.
Maki Maki
<<
15 15
>>
Maki Maki
<<
16 16
>>
16
Yisasia ago falimainefitila hetimaine.
1
Sapati yupamoa hano higeya Yemesina itaamoa Maliae hamoamoa Magatala kumate
alagi Salomiene Yisasina augafale manaage masaveteti faletegahe ani masavena aliya
emainae.
2
Sota yupa yagemoa yaufa nehaigeya ani aneyaga komulega vae.
3
Kategama
vayana amakaiamige kea hume hume umainae Komumo avayalema aililemalea yafana ta
taya huno avayaletila alino avayu huno faitega atalelategahie? huya hae.
4
Nehuya agesaga
huya agayana ani ala yafakefa ago alikelitalageno faitega hanegeya agemainae.
5
Ageteya ani
yafakapinaga hai faleya mogayana nago neyana aya tamaga kaiyaga mopale mainegeya
agayana ani kanomoa ayaaya efe kena failinegeya ageteya tusia amamayo aimainae.
6
Amamayo neaigeno ani kanomoa mage huno hie Tamakaila tamamayoa oaino.
Tamakaya Nasaleti Yisasife ati neayae. Yafaga yosale nilima heya asaimalaya kanohe ati
neayayanagi agaya falimainefiti ago hetimaine. Mafina omainegi ani kanoma malaya kumala
ma hanegi ageho.
7
Tamakaya utama Yisasienema tokaeya nemaiya anagaene Pitaene mage
hutama hamapaiho Yisasia ofalino afaa mainenoma tamahapaimainea kemoa ago
uhagotelamateno Kalili umainegi anilega neutama Yisasina mogeho. huno hamanepaiye.
8
Higeya amakaya atili huteya amamayo aigeya yafakapitila hatilaviya amaiyayeya
vayanagi kolima haya yafe nagoa vayala ani kea hamaopainae.
Magatala kumate Maliaa Yisasina agemaine.
9
Sota yupa nate alakefafi Yisasia falimainefitila hetino viaamo hagoteno Magatala
kumate Malia mainelega uvayi higeno agemaine. Nayona ani amo agupina sevenia (7) Satani
Avamula mainegeno Yisasia anatitaleneane.
10-11
Ani Maliaa ageteno viaamo Yisasienema
tokaeya nemaiya anagala mogeana tusia hamau huya avineatageno ani amoa mage huno mo
hamapaiye Yisasia falimainefitila ago hetigena nagaya agaila ago agetena neoe. huno
hamapaigeya haviteya Havige nehane. huya amametitia ohunae.
Agaia anagapiti tole kanolatamogania katega Yisasina agemainae.
12
Haenagaa ani vayapitila tolemogania kumala ataleana katega nevaageno Yisasia evayi
higeana agemainae.
13
Ageteana ani kanolatana eteana vayaanimoya mainalega vaaamogani
Yisasia naa kano agoe. huana mo nehaana ani vayamoya Havige nehae. huya haviya
amametitia ohunae.
Yisasia alevenia (11) anagaamoya aliya alisaya ke hamapaimaine.
14
Haenagaa alevenia (11) anagala kave maiya nenageno Yisasia evayi huno maineno
amakaya vayamoyama haya kemoa Yisasia falimainefitila ago hetigeta agemainone. huya
haya kema havisaya yafena amakuamoa tilegeya haviya amametitima ohaya yafe Yisasia ke
memamakie.
15
Kemamakiteno mage huno hamapaiye Mukia kotega utama nagai kanale
mono kea alitama veamogamina mo hamapaiho.
16
Hamapaisageya nagoa veamoya ani
kehena Tamage nehae. huya haviya amakupi maleya amametiti hisagetama tina
falematesageno Anumaya Kotia amaku amamena aligatigahianagi nagoa veamoya ani kehena
Havige nehae. huya haviya amakupi omalesaya veafena Anumaya Kotia Hani yapi
tegelege nehia atafi viho. huno humategahie.
17
Nagai kema haviya amakupi maleya ametiti
hisaya veamoya ani tokiyaage avame yana hugahae nagai nagile Kefo Avamula vea
amakupitila amanati neataleya amaku amakesafiti ohavinesaya kefitila alu amake alu amakea
aigahae.
18
Veama akafu neamanisia osifavema atafa hisayana amaugafa amagata oaisigeya
ofaligahae. Vayama nefalia posini lima nesayana amaugafa amagata oaisigeya ofaligahae.
Kalima nealiya vayamogami amaugafalema amayama malesagenoa kaliamimoa kanale
humategahie. huno hie.
Anumaya Kotia Yisasina avalegeno ikapinaga haimaine.
19
Yisasia, Anumayatimoe mani kea hamapaitegeno ikapinaga avalesaga higeno haino
Anumaya Kotina tamaga ayatega umaine.
20
Umainegeya Yisasiene tokaeya nemaiya anagala
mukia kotega ute ete huya Yisasi mono kea hamanepaigeno Anumayamoa amakaiene
vaiyeno amaya huno tokiya yamaaleti Ani kea tamage nehae. huya veamoya havisaya yafe
kasagoya tokiya avame yana humainae. Mani kema hua kea tamage.
Maki Maki
<<
16 16
>>
Kea
Filemoni
00
11
Filemoni Filemoni
<<
00
>>
^
Filemoni
Filemonina kanale auavaamoa Polo aipamona alino muse hutene.
Filemonia Onesimusina avalenageno fatago huno nefu maisie.
Poloene aliya nealiya nefuya Filemonina hu falu fala hutenaya ke.
Filemoni Filemoni
<<
00
>>
Filemoni Filemoni
<<
11
>>
Filemoni
Poloa Lomu kumate kina nopi maineno mani avona nefua Filemonife huno kae-
malene. Filemonia tusia monea hanea kanoa Kolosi nemaiyanagino nagola aliya kanoa
Onesimusia monea musufaya huteno faleno umainegeno Poloa Yisasi kea hapaigeno agua
aiyahae huno Yisasina agua amitafa humaine. Higeno ani kava kanoa Filemonite eteno vino
huno Poloa mani avona Filemonitega kae-malegeno Onesimusia alino viaamo momine.
Yisasia faliteno hetino ikapinaga haitegeno Poloa tueti naenia (29) kafu agava maineno
Filemoni kea kae-malene.
1
1
Nagaya Polonae Yisasi Kalaisi kema nehua yateti navaleya kina hunataya kanogina
nagaiene Timoti nenafuene taagaya mani avona kaetaa Filemoniga nelamue taagaiene Yisasi
aliyama nealina kanogino taahau taayamopafi laahaigetaa nehue.
2
Taagaya Apiyaga
taasatiamogaleene Akipusigaene Yisasi keleti taagaiene ati vaya kana huta tuma nehuna
kanomoga Yisasi kema havigahe kagai nopima melitalu nehaya veamogamifeene mani avona
kaetaa nelamamue.
3
Anumaya Koti, Nelafaene Yisasi Kalaisi Anumayatimoene kayone hisaa yaene
tamaipa alino falu hulamatesae.
Filemonina kanale auavaamoa Polo aipamona alino muse hutene.
4-5
Kagaifena Anumayatimoa Yisasina agua amitafa humainea kano maineno mukia
Yisasina amakua amiya veafena hau ayamopafi nehaiye. huya nahapaigena havua yafena
nagaya kagaifena nagesa havi havi huna Anumayamotega kagai kagia ayena havinegoe.
6
Kagaya Filemoniga Yisasife havika kagupi malenana nenafuga mainanagena nagaya
Anumaya Kotitega mage huna havinegoe Kalaisia mukia yana kanale yama taminea yafena
havilama huta havisune. huna havinegoe.
7
E, nenafugae mukiamoya Yisasina amakuama
aminaya veafena kahau kayamopafima negahaiya yamoa ani veamogamina amaipamoa falu
hisea yama amamina yafena nagaya tusia muse ani yafena nehuna naipamoa falu huno
kanale nehie.
Filemonia Onesimusina avalenageno fatago huno nefu maisie.
8-9
Nagaya ma nagesa nehavue nago kavala fatago yama hisana yana hanegi havio.
Yisasi Kalaisiene ailokaena mainena tokiyaage kefiti Ani kavala huo. huna huleasinagi nahau
nayamopafima nahaiya yafene huna yuna kelegati kahavi-negoe. E, nagaya Polona kosuna
mainogeyagi Yisasi Kalaisi kema hua yateti navaleya kina hunatagena mainena mage huna
kahavi-negoe.
10
Kagaya Filemoniga nagai nafanea Onesimusina Kahau huto. huna kahavi-
negoe. Nagaya nofipi mainena Yisasife havino agupi malesia yafe hapaugeno havino agupi
malenea yafe nagai nafane maine.
11
Nayona kanaleya huno aliyakaa oalinegi menia kagaiene
nagaienena taayama hisia aliyana kanaleya huno menia aligahie.
12
Nagaya menia kagaitega etena hutogeno nevianagino name-kafamoa agaiene nevie.
13
Yisasi Kalaisifena kanale mono kema humainoa yateti nofipi mainoanagina Onesimusina
atafa hisugeno nagaiene maineno kagai anonaa nahamaesie huna nehue.
14
Nehuanagi
kagayama ani augafa kavafema E. huka ohisanagena agaifena Ouka male maiyo. huna
ohuleasinagi kagayama nagaiene maisia yafe nenahaiye hukama hisanana kanalele.
15
Nagesa havuana eteno kagaiene agola maisia yafe osi kana kanoa Onesimusia
kataleno umaine.
16
Umaineanagino nahau nayamopafi nenahaiya kanogino menia nofipi
maineno miya oali aliya kanokaamoke omainegi Nahaiya nenafu maine huka nagua amisua
aliya kano maine. huka kagesa havi neamika Yisasina agua aminea kano maine. huka
nagoene kagua amigane.
17
Kagayama nagaifena Yisasi Kalaisi aliyate tokaetaa nealua nenafue. huka kagesama
havinukahena nagaima navalesana avamete huka Onesimusina avalo.
18
Nagola havi yama
hugateteno anonaama eteno kamisia yama omalesigekahena agai agia neataleka nagai nagile
kaemalo.
19
Nagaya Polona nagainia nayapiti mani avona kae-maletena nagainia agai kemo
anonaa negamue. Tamage Yisasi kema kahapai-mainoa keleti kagu kamena aligatea yafema
havika namisana anonaama haneanagika ani yana Namio. huna kahavi-okegahue.
20
E,
nenafugae Anumayamoene ailokaetaa mainoa yafe ani kavama hisanagena muse hisugeno
naipamoa kanale hugahie. Afaa ani kavala hunato.
21
Kahapauva kema akave malesanana nagoene kahapauva kemona agaseno kanale
yana hutegane huna nagesa havina mani avona kaena negamue.
22
Nago kene hanegi nagaya
faesua nonia talo tala hunato. Anumaya Kotitega nagaifema havigana kema haviteno
hunatesigena tamakaitega ugahue huna nametiti huna mainoe.
Poloene aliya nealiya nefuya Filemonina hu falu fala hutenaya ke.
23
Epafalasia Yisasi Kalaisi kea humainoa yafe nagaiene kina nopi mainea kanomoa
Mainano? huno hu falu fala hugate.
24
Makiene Alisatakusiene Temasiene Lukuene nagaiene
aliya nealiya vayamoya ania huya hu falu fala hugatae.
25
Anumayatimoa Yisasi Kalaisi kayone hulamatesia yamaamoa tamakaiene hanege
hanege huno hanesie.
Filemoni Filemoni
<<
11
>>
Kea
Filipai
00
11
22
33
44
Filipai Filipai
<<
00
>>
^
Filipai
Poloa Anumaymofe huno muse hutene.
Poloa kina nopima mainea yamoa Yisasi kanale mono kea alino ala humaine.
Poloa haegafama huno mainenoa Filipai veane hamamaesia yafe agesa havimaine.
Anumayamoa Filipai veanea alino kanale humateteno amatalegeya kana yana ali-
mainae.
Tagaya nagoke taipale maineta nagoamogamina amaya hisune.
Kalaisia agaia augafa alino afete taviafe Anumaya Kotia avalesaga huno anale atene.
Tagaya mukia veamogami amunopina kani kana huta maisune.
Poloa Timotife Hutesugeno Filipai ugahie. huno humaine.
Poloa Epafalotitusina hutesugeno Filipai ugahie. huno humaine.
Kalaisifema haviya amakupi malaya veala Anumayamo aufina fatago veane mainae.
Poloa Anumayamo malenea alegana yate ugahe aiyage aiyage huno nevie.
Mukiamogata nagoke taipale maineta kanale tagu tagesa alisune.
Poloa Filipai veamoya muse ya aminaya yafe huno muse humaine.
Poloa Maiho. huno hu falu fala humatenea ke.
Filipai Filipai
<<
00
>>
Filipai Filipai
<<
11
>>
Filipai
Poloa Lomu kumate kina nopi maineno Filipai kumate maineya Yisasife haviya
amakupi malenaya veamogamife huno mani avona kaeno amamine. Yisasia faliteno hetino
ikapinaga haitegeno Poloa tetia (30) kafu agava maineno Filipai kea kae-malene.
1
1
Polonaene Timotiene taagaya Yisasi Kalaisina aliya kanolatamaa-mogataa Filipai
mainetama Yisasi Kalaisi hulatenea yafe havitama tamakupi malenaya veanene tamakai soka
vayaene amakaima amaya nehaya vayaene mani avona kaetaa nelamamue.
2
Anumaya Kotia, Nelafaene Anumayatimoa, Yisasi Kalaisiene kayone huge huge
nehaa yaaniene tamaipa falu hisia yaaniene tamamisae.
Poloa Anumaymofe huno muse hutene.
3
Mukia kanafina tamakaife nagesa havi havi huna Anumayani-motega muse huna
havinegoe.
4-5
Yisasia hulatenea kanale mono kema hagotetama havilinaya kanaleti tamakaya
nagaiene ailokaetama ani kea hamapai-mainaya yafena tamakaifena muse huna
6
Nagaya ago havimainoe Anumaya Kotia tamakupima kanale
aliyama aepa hemainea aliyana alime alime haino Yisasi Kalaisi eteno esia yupa hano
hugahie.
7
Tamakaya nagupima mainaya yafena tamakaifena nagesa havua nagesamoa fatago
huno ani kate nevie. Nagaya kinafi mainoa kanafiene Yisasia hulatenea kanale mono kema
huhalena hamapai-mainoa kanafienena tamakaya nagaiene Anumaya Kotia kayone hu-
nelatea yapi mainone.
8
Anumaya Koti aulagafina lamage nehue Yisasi Kalaisima hau
ayamopafi nehaiya yana nagupi hanegena tamakesua yafena aluya huna ha ha nehue.
9-10
Mukia kanafina Anumayamo-tegama havigoana maa nehue tamahau tamayamopafi
nelamahaiya yamoa ala huteno kanale tamaku tamakesa hanesigetama mukia yana agetama
Kanale yano havi yano? hutama ali fako hutama havisae. Havisageno Yisasi Kalaisima esia
yupa tamakuamoa efeage nehisigetama mukia veamogami amaufina kefo yatamia omale
veane maisae huna havinegoe.
11
Yisasi Kalaisia ali falote hinageno fatago auava yama
hisaya yamoa tamakupina hiya hisigetama Anumaya Kotina agia alisaga hisae huna
Poloa kina nopima mainea yamoa Yisasi kanale mono kea alino ala humaine.
12
Nafunagana-gatama havisae huna nehue nagaitema falote humainea kana yateti
Yisasima hu-latenea kanale mono kemona alino maleli otenegi alu kumate kumatela nagoene
umaine.
13
Umainegi ala kava kanomo ati vayamoyaene mukia veamoyaene haviya nagaifena
mage nehae Yisasi akavema nehia yateti kina nopina maine. huya havilinae.
14
Kina nopi
mainoa yateti Yisasina amakua aminaya nafunaganaya tokiya vaiya koli hisaya amakesa
neataleya Anumaya Koti kea nagoene ali lokiya vaiya hamapai-mainae.
15
Nagoamoya nagima haneafe amaipamoa haviya higeya nagima ali haviya hisaya
yafena Kalaisi kea hamapaigeya nagoamoya kanale amaku amakesale maineya naya hisaya
yafena Kalaisi kea hamapai-mainae.
16
Nagayama Yisasia hu-latenea kanale mono kema huna
lokiya vai-malenoa yateti navaleya kina nopina natagena mainoafe nagoamoya haviteya
amakua namiya Yisasima hulatenea kanale mono kea hamanepaiye.
17
Hamanepaiyanagi
nagoa vayamoya fatago amaku amakesa omalegeya amakaiami amaki alisaga hisaya yafe
kina nopima mainoa kana yafena Nagoene kana yana amisune. huya Kalaisia hu-latenea
mono kea hamanepaiye.
18
Naa nehayanagi aoteyamaae. Mukia hamapaiya kea amegati kema
nehaya kene tamagema nehaya kenena Kalaisia hulatenea kanale mono kea hamanepaiye.
Ani yafena aluya huna musena nehue. Tamage nagaya nagoene musena hugahue.
Poloa haegafama huno mainenoa Filipai veane hamamaesia yafe agesa havimaine.
19
Ago havimainoe tamakaya naya hugahema Anumayamotega havinegaya yamoene
Yisasi Kalaisi Avamumoa nayama nehia yamoene ali haviyama hunatenaya yapiti naugafa
aligatigahie huna musena nehue.
20
Ani yafena tusiya huna nametitia nehuna nagayea nohigi
Kalaisina mukiama haisia kavala hugahue huna nagesa nehavina mukia kanafima humainoa
kava huna menienena kolia nohue. Haegafama huna maisuo falisuo humainoa yateti mukia
veamoya Kalaisi agia alisaga hisae huna nagesa nehavue.
21
Haegafama hunama mainoana
Kalaisia nagaila aepania maineanagina falisuana tusia kanale yania aligahue.
22
Haegafama
huna ma mopafima maisuana nagaini aliyamoa alagaa ayegahianagi hana kate visue huna
havilama nohue.
23-24
Ani yafena kasageke-voke huna tole nagesa nehavue Kalaisiene
umaisuana tusia kanaleya hugahie huna nagesa nehavuanagi tamaya hisuafene huna ma
mopafi maisue huna nehue.
25
Ani yafe nagoke kate nagesa nemaloe. Yisasima hulatenea
yafe havitama tamakupi maletama tamametiti humainaya yamo tokiya vaisigetama muse
hisae huna tamakaienena maigahue huna nehue.
26
Ani yafe tamakaitega etena visugetama
nagaifena muse hisaya yamoa ala hisigetama Yisasi Kalaisi agia alisaga hugahae huna nehue.
Anumayamoa Filipai veanea alino kanale humateteno amatalegeya kana yana ali-
mainae.
27
Falisuo maisuo Kalaisia hulatenea kanale mono kema tamahapai-mainoa kava hutama
fatago kate vaiyeho. Mo lamakesuo afaa alule mainesuo tamakaifena mani kegeya havisue
Nagoke amaku amakesale hetiya maineya Yisasia hulatenea yana haviya amakupi maleneya
tokiyaage huya alu veamogamina huhaleya hamanepaiye. huya hisagenahena tusia muse
hugahue.
28
Yisasi kema ohiho. huya nehaya veamogamifena kolima ohisayana tole yana
amaveligahae. Amakaya agola hani yapi tegelege nehia atafi visaya veane mainaya yafeene
Anumaya Kotia agaia tamaku tamamema aligatisia yafeene amaveligahae.
29
Ani yafe
Kalaisima hulatenea yamo kea havitama lamakupi maletama tamametiti hisaya lamaku
tamakesageya Anumaya Kotia otamaminegi Kalaisi agile tamaugafa lamakata aisia yaene
tamamine.
30
Tamamineanagitama hagotena Yisasi kema hamanepaina Satanienena tua
hugetama nage-mainayanagino menia nagoene ani kavala nehie huno higetama ago havilinae.
Tamakaya nagaiene ani aliyatela Satanienena nagopi tua nehune.
Filipai Filipai
<<
11
>>
Filipai Filipai
<<
22
>>
2
Tagaya nagoke taipale maineta nagoamogamina amaya hisune.
1
Tamakaya Kalaisiene ailokaetama mainageno tamakuamoa muse huno tokiyaagela
nehio? Ifi agaia hau ayamopafima nehaiya yamaa ago aligeno tamaipamoa falu nehio? Ifi Alu
Aotage Avamumoene ailokaetama vaiyetama mainao? Ifi nagoamogamina tamahauna
humatetama kalagila aineamatao?
2
Naama hayana nagaila muse yanimoa alama hisiafena
nagoke tamaku tamakesale maiho. Nagoamogamifena tamahau tamayamopafi tamahaisigeya
amakaya ania huya tamakaifena hamaisie.
3
Tamakaitami lamakia alitama haisaya yafena
tamakesa ohaviho. Aao, mukia veafena Ago tagasetama mainae. hutama afete maiho.
4
Tamakaitami yamaagefena tamakesa ohavitama alu veamogami yateenena amaya hisaya
yafena tamakesa haviho.
Kalaisia agaia augafa alino afete taviafe Anumaya Kotia avalesaga huno anale
atene.
5
Yisasi Kalaisi agu agesamoma humainea avamete hutama maiho.
6-7
Yisasi Kalaisia
Anumaya Kotiene nagoke avamete huana mainaanagi anima Anumaya Kotienema nago
avamete huno mainea auava yamaa agaia atafa hulino maisia agesa ohavinegi ani auava
yamaa ataletegeno vaya kana huno falote huteno aliya kanomo auava kava huno maine.
8
Maigeya veamoyama agayana velafa maineno augafa alino ohaino ako huno Anumaya Koti
kea akave maleteno maime haino fali-maine. Afaa ofalinegi agaye hisifa kava huya yafaga
yosale nili heya asaigeno fali-maine.
9
Naama higenofena Anumaya Kotia anale avalesaga
huno ateteno nago agia malene. Ani agimoa mukia veamogami amakia amakase-mainea agia
malene.
10
Maleneafe ikapinaga mainaya vayaene ma mopafi mainaya veanene fali-mainaya
veanene Yisasi agile amaleya ayeya agia alisaga huya Kava hulato. huya hugahae.
11
Huteya
mukia veamoya mage huya hufalote hugahae Yisasi Kalaisia Anumayatimo maine. huya
nehuya Nelafana, Anumaya Koti agia alisaga hugahae.
Tagaya mukia veamogami amunopina kani kana huta maisune.
12
Nahau-mainea nenafugatama Yisasima hulatenea yafena nehavitama mukia kanafina,
nagaya tamakaienema mainoa kanafiene, menima tamatalena emainoa kanafienena tusiya
hutama navayama ali hipoya humainaya kavakeya hiho. Tamaku tamamema aligati-mainea
yana ali-talako hulisaya yafena kolia nehutama atali talu hutama tokiyaage hiho.
13
Anumaya
Kotina agaima haisia kavama hisaya tamaku tamakesa tamamiteno ani yama alisaya
tokiyatamienena agola tamamine.
14
Mukia aliyama alinutamahena kalugalu kema vaiya yaene ala kenakema nehaya
yaenena neataletama aliyakeya aliho.
15
Naama hisayana mukia vea amaufina kefo yatamia
omalesia veane mainesageno tamakuamoa efeage hisigetama kanale auava yama ohuya
vegano-kano nehaya veapi mainetama Anumaya Koti nafaneyaga mainetama kani kana
hutama maiho.
16
Maige maige hisaya hamaimu alisaya kea hamanepaigena nagaya Kalaisia
kaiyekema humatesia yupa tamakaifena muse hulamatena Kasageke aliyama ali-mainoa
aliyamoa afa ya kanala ohunegi anonaa ago falote humaine. huna hugahue.
17
Tamametitima nehutama aliyama nealiya yamoa maa humaine nayoma afu heya
Anumaya Kotina muse yama neamiya avamete humaine. Humaineafe nagaima nahaesageno
kolaniamoma taki-lavisigena Anumaya Kotina muse yama amisuana tamakaiene nagaiene
muse hugahune.
18
Naa humaineafe tamakaya nagaiene musena hiho.
Poloa Timotife Hutesugeno Filipai ugahie. huno humaine.
19
Anumayatimona Yisasima haisigenahena aupa kanafi Timotina hutesugeno
tamakaitega ugahie. Uteno etenoma esiana tamakaifena me nahapaisigeno naguamoa tusi
muse hugahie.
20
Timotia agaiage nagai nagu nagesamo nehia avamete kano mainea kano
maineanagino hau hulamateno tamaya hisia yafe agesa nehavie.
21
Mukia veamoya
amakaiami yatefekeya amakesa nehavigi Yisasi Kalaisi aliyatefena amakesa nohaviye.
22
Timotifena tamakaya ago havimainae. Kanale kano maineanagino Yisasima hulatenea
yafema kanale mono kema hamapauva kemona maa nehie nafanemona nefaa aliyama aya
huno alia kava huno naya nehiane.
23
Ani yafe nagaima mukia kavama hunatesaya kea
havitena Timotina aupaa hutesugeno tamakaitega ugahie.
24
Visigena nagaya visua yupa
Anumayamoa kania vali-nategahie huna nametitia nehuna nagaienena aupaa tamakaitega
ugahue huna nehue.
Poloa Epafalotitusina hutesugeno Filipai ugahie. huno humaine.
25
Epafalotitusina hutesugeno tamakaitega eteno visie huna nehue. Ani kanoa
nenafuagitama hutageno egetaa lokaetaa nagopi afalu-falu kana hutaa mainetaa Satanienena
tua nehutaa Yisasi kea hamapai-mainoe. Tagai tagile taya huo. hutama hutageno me naya
humaine.
26
Aguamoa tusiya huno tamakesia yafena avianeate. Tamakaya agayama kalima
alia kea ago havimainayanagino aguamoa kanaagela nehie.
27
Tamage ala kali alino aupaa
faligahe hianagi Anumaya Kotia kalagi aiteno alino falu hutene. Agaiagefena kalagila ai
oatenegi nagaya nago kana yaene alisua yafena agesa nehavino kalagila ainateteno alino falu
hutene.
28
Alino falu hu-teneanagitama tamakaya musema hisaya yafe hutesugeno eteno
tamakaitega visia yafena aluya huno nenahaiye. Muse hisagena nagaya havina kanama hua
yamoa hano hugahie.
29
Tamakaitegama vigetamahena Anumayamoene ailokaetama
mainageno etenoma emainea yafena tusia muse hutama agia alisaga hiho.
30
Tamakaya naya
hugahe hayanagi kosa he-otamategeno agaya eno maiyamaa atafa hu-talako ohuno tamakai
tamakile Kalaisi aliyatela nagaila me naya huteno aupaa falisia kavala humaine. Naa yama
nehia kanomo agia alisaga hiho.
Filipai Filipai
<<
22
>>
Filipai Filipai
<<
33
>>
3
Kalaisifema haviya amakupi malaya veala Anumayamo aufina fatago veane
mainae.
1
Nafunagana-gatama nago kene tamahapaisue Anumayamona nafaneyagaa mainagi
tusia muse hiho. Etena mani kema kaesua yafena kasalola nonahae. Ani kemoa tamaya
hugahie.
2
Kefo aliyama nealiya vayamoya afai kala kana huya Tamaugafa hataga hiho. huya
nehaya vayafena kayetama maiho.
3
Tagaya Anumaya Koti Avamuteti Anumaya Koti agia
alisaga nehunafe Anumaya Kotina tama nafanea mainone. Yisasi Kalaisia hulatenea yafena
aluya huta musena nehuta Taugafama laga hu-malenona yamoa taya ohugahie. huta tametitia
nehune.
4
Nagoa veamoya Tagaiti laugafale hu-malenona yamoa taya hugahie. huya
nehayanagi nagaya ago amakasena mainoe. Mainoafe nahaigena Nagaini naugafale hu-
malenoa yamoa naya hugahie. huna hisua kania haneanagi ani kea ohugahue.
5
Natetenoa
nagoke sota maiteya nagoya anoya laga hu-mainayanagina Isaleli kotega kano-lafana
Penisamini nofipiti kano mainoe. Tole Hipalu alavelatamogani nataagena Hipalu kano
mainoe. Falasia vayamogami kahegi kea akave nemaloane.
6
Anumaya Koti aliya nealue
huna lokiyaage huna Yisasi veamogamina hamaena ali haviya humatenoanagi kahegi kema
akave malenoafenagina fatago kano mainoanagino mukia veamogami amaufina kefo yania
omalene.
7
Naa auava kavala humainoanagi Kalaisi nafanema maisuafene huna mukia nagima
alisaga nehaya yamoa afa ya kana humaine huna neataloe.
8
Tamage Yisasi Kalaisienema
ailokaena maisua yamoa mukia nagima alisaga hisua yamona agase-maine. Yisasi Kalaisina
agelama hisua yafe mukia nagima alisaga nehaya yana afa ya kana hu-maineanagina afaa
neataloe. Ani yayagamoa aifa kana hu-maineanagina Kalaisienema ailokaena maisuafene
huna neataloe.
9
Ataletena Yisasiene ailokaena maisue huna Nagainima kahegi kema ali
oatagaovafe fatago kano mainoe. huna nohugi Kalaisima hulatenea yafe havina nagupi
malena nametiti hua yateti Anumaya Kotia Fatago kano mainane. huno hunenate. Yisasi
Kalaisima hulatenea yafe haviya amakupi maleya amametiti humainaya yateti Anumaya
Kotina fatago auavaamoa falote nehie.
10
Nagaila nago yafeke nenahaiye. Kalaisina agelama
huna agetena fali-mainefitima heti-mainea tokiyaahena havina atafa hulisua yafe nenahaiye.
Agaiene ailokaena augafa agatama aimainea yana alitena agaiene nagoke avamete huna
falisua yafe nenahaiye.
11
Naa huna mainena falisugeno ali hetinategahie huna nametitia
nehue.
Poloa Anumayamo malenea alegana yate ugahe aiyage aiyage huno nevie.
12
Yisasi Kalaisi auava yana ago alina avaya-yetena tusiya huna kanale kavakeya nehua
kano mainoe huna nohugi Yisasi Kalaisia navalegena agai nafane mainoafe nayamufa aina
ani aliyana nealue.
13
Nafunagana-gatama ani auava yana ago ali-mainoe huna nohugi nagoke
nagu nagesale mainoe. Nayoma humainoa yafena nagesa nohavugi haenagama Alime alime
uka anile mo talo. huno humainele visuafene huna nayamufa aina naiyayena neue.
14
Anumaya Kotia Yisasi Kalaisi keleti Anale haiyo. huno humaineafe tusiya huna naiyayena
Ani legana yate uka mo talo. huno humainele uvayi hutena muse yania alisue huna nehue.
15
Tametitima humainona yana tokiya vaita ani tametitilema alopa veama maisunana
nagayama nehua kea alita tagu tagesale malesune. Nagoa veamogatama alu lamakesale
mainesayana Anumaya Kotia ani lamaku tamakesa ali fatago huno tamave-ligahie.
16
Tamave-ligahigi kanale auava yama agoma atafa hutalako hulita mainona yamona akave
maleta vaiyesune.
17
Nafunagana-gatama haviho mukia nagayama nehua auavanima ageteya akave
nemalesaya veamogamina agelama hutama amakave maleho.
18
Mukia kanafina ago
tamahapai-mainoa keagi menia nahaigena nagoene naunumoa nehigena tamahanepauve
nagoa veamoya Kalaisia yafaga yosale fali-mainea kemona kame huteya mainae.
19
Ani
veamoya amakaiami amaugafamo age haye hia yafena tusia muse nehuya Ani yamoa
Anumaya Kotina agaseno kanale ya hane. huya amakaye hisifa kavafena musemaa hu
neateya ma mopafi yafekeya amakesa havi havi huya nemaiye. Naama nehaya veamoya hani
yapi tegelege nehia atafi ugahae.
20
Ugahayanagi tagaya ikapinaga anaga mainonanagino tagu
tamema aligatisia kanomofena, Anumayati Yisasi Kalaisia, ikapinagatila ataleno elavisia yafe
tametitia huta agava mainone.
21
Agava mainonanagino eteno esiana agaia tokiyaleti mukia
yamoa agai akave malesaya yafe alino aiyafinaga nemaleno tagaima kana yama nelamia fulu
fulu laugafa alino agaia augafamo tokiya hale yamaaene augafa kana huno talo hulatesigeta
ani laugafale maigahune.
Filipai Filipai
<<
33
>>
Filipai Filipai
<<
44
>>
4
Mukiamogata nagoke taipale maineta kanale tagu tagesa alisune.
1
Nenahaiya nafunagana-gatama ania hutama Anumayatimote hetitama ailokaetama mai
fatago hiho. Nagua lamamina tamakai tamaufima tamakesua yafena aluya huno nenahaiye.
Aluya huna musetamia nehuna veamogamina tamakaifena hamanepaina tamakia alisaga
nehue.
2
Yuotiagatana Sitikegatana Anumayatimote ailokaetana mainetana nagoke tanaku
tanakesale maio huna nehue.
3
Nehuafe kagaya Anumaya Koti aliyama ailokaetaa nealua
kanomoga ani atalana anaya huo. Ani atalamogania nagaiene Kalemeniene nagoa
nagaienema aliya nealiya veanene ailokaeta Yisasima hulatenea kanale mono kema
hamanepauna aliyana ali-mainae. Ani veamogami amakima agola maige maige hisaya
hamaimuene veamogami amaki kae-malenea avopi amakia hanegi ani atalana anaya huo.
4
Mukia kanafina Anumayatimote ailokaetama mainetama muse hiho. Nagoene mani
kea nehue musena hiho.
5
Anumayatimoa ago aupaa egahe nehiafe kayone humate veane mainegeya tamakeho.
6
Nago yafena tamakesa havi havi hutama kalagila oaiho. Muki yafena Anumaya Kotitega
muse nehutama havigeho.
7
Havigesayana Yisasi Kalaisiene ailokaetama mainesageno
tamaipa falu hisia yama tamamisiana mukia alu yamo amaipa falu yana agase-mainea falu
yamaamoa tamaku tamakesalela yagailamategahie.
8
Nafunagana-gatama kenima hano hisia kea mage hugahe hue. Ma yafena tamakesa
havi havi hutama haviho, tamageage kene, kanale agu agesafiti humainea yaene, fatago
humainea kavaene, oniya ohunea kavafeene, tusia muse hisaya yafeene, nagoa kavama
hisayana tamaki alisaga hisaya kavafeene, mukia fatago kavafeenena tamakesa havi havi
hiho.
9
Nagaya mukia kavala huge tamave-ligema hugetama ali-mainaya auavafeene mukia
tamahapaugetama havimainaya auavafeene, higetama age-mainaya auavafeenena mukia
kanafina ani kavakeya hiho. Naama hisagenoa Anumaya Kotia taipa falu hisia yama taminea
kanomoa tamakaiene ailokaeno maigahie.
Poloa Filipai veamoya muse ya aminaya yafe huno muse humaine.
10
Tamakaya etetama nagaifena tamakesa havi havi hutama ali heti-mainaya yafena
Anumayamotega huna tusia muse nehue. Hagotetama nagaifena tamakesa havi havi hu-
mainayanagi nayama hisaya katamia omalene.
11-12
Mani kema nehuana Mukia yania
omalene. huna nohugi maa yafena havimainoe alu ya alu yamoa nagaitema falote higena
mukia yafena naipa havina kanale huneamatoafe afenonia hanesiano omalesiano kanalele.
Kavela nenamu hisuo nagatesiano kanalelagi. Mukia yama hanesiano omalesiano kanalele.
Mukia kanafina naipa havina kanale huneamatoe.
13
Kalaisia nagaila nagu nagesa alino tokiya
vainategena agaia tokiyaleti mukia kavala afaa huleasine.
14
Huleasinagi kana yamoa nagaitema falote higetama tamakaya kanaleya hutama ali
kayone hunatetama naya humainae.
15
Tamakaya Filipai kumate veala ago havimainae ehema
Yisasia hulatenea kanale mono kema tamahapai-mainoa kanafina Masetoniatima umainoa
kanafina nagoa Yisasi anagamoya nahamaeya nagoa yana namigena oalinogi tamakaitamige
naminae.
16
Tesalonaika mainogetama hagotetama naya hutetama haenagaenena ania hutama
naya humainae.
17
Naya humainagi menia nagoa yana namisae huna nohugi naminaya yatetila
Anumaya Kotia anonaa tamamisiafene huna nehue.
18
Kosa henatea yaene nagoa yaene ago
namigena alugeno namu humaine. Tamakaya muse yama namiya yana Epafalotitusia ago
alino me namigena ali-mainoe. Anima naminaya muse yana afu heya Anumaya Kotina muse
yama neamiya avamete kava humainie. Nagaima namiya yana Anumaya Kotiene amigeno
ageteno aipamoa tusia kanaleya humaine.
19
Anumayanimoa agaia tokiyaage hale yamaafina
mukia kanale yakeya malenefiti tamakaya Yisasi Kalaisiene ailokaetama mainayanagino
nagoa yamoma kosa he otamatesiana afaa tamamigahie.
20
Anumaya Kotina Nelafa agia
tamagelafa huta alisaga nehisunageno mukia kanafina anale hanege hanege huno hanesie.
Tamage.
Poloa Maiho. huno hu falu fala humatenea ke.
21
Mukia veamoya, Yisasi Kalaisina amakuama neamiya veamogamifena huna falu fala
hu neamatoe. Nagaiene mainaya tafu-taganaya ania huya hu falu fala hu nelamatae.
22
Sisa
nopi aliya nealiya veanene nagoa Yisasina amakua aminaya veamoyaene tamakaila hu falu
fala hu nelamatae.
23
Yisasi Kalaisia Anumayatimona kayone yamaamoa tamaku nafanene maisie.
Filipai Filipai
<<
44
>>
Kea
Leveleseni
00
11
22
33
44
55
66
77
88
99
10 10
11 11
12 12
13 13
14 14
15 15
16 16
17 17
18 18
19 19
20 20
21 21
22 22
<<
00
>>
^
Leveleseni
Mani kemona aepaamoa maa humaine.
Yonia sevenia (7) kumate hanea mono note avona kaeno amamine.
Yonia Yisasina age-maine.
Efesusi mono note mainaya veatega ma kemoa umaine.
Simena mono note mainaya veatega ma kemoa vie.
Pegamumu mono note mainaya veatega ma kemoa umaine.
Taiyataila maineya mono note nevaya veatega ma kemoa umaine.
Satisi maineya mono note nevaya veatega ma kemoa umaine.
Filatelafia maineya mono note nevaya veatega ma kemoa umaine.
Leotisia maineya mono note nevaya veatega ma kemoa umaine.
Ikapinaga maineya Anumaya Koti agia alisaga nehae.
Yonia nagola avoma kae-male omana haya ki-malenegeno age-maine.
Yonia Sipi sipi nafanea age-maine.
Sipi sipi nafanemo agia alisaga humainae.
Sipi sipi nafanemoa menimo fukiteti aye kamae-malenea fukina ali hakao humaine.
Vani hataleti foti fo tausenia (144,000) Isaleli veamogamina Anumayamo avona
hamanile aigamaema-tene.
Kasagoya veamoya Anumaya Koti agia alisaga humainae.
Ani anagamogamina amakatama neaiya yamoa menia agola hano hie.
Sipi sipi nafanemoa sevenia (7) molia menimo fukiteti aye kamae-malenea fukina
ali hakao humaine.
Foa (4) ensole vayamoya ufena humainae.
Faefu (5) molia ensole kanomoa agaia ufena humaine.
Sikisi (6) molia ensole kanomoa ufena humaine.
Ensole kanomoa avoma kaemale omana Yonina amigeno nemaine.
Tole kanolatamo-gania Anumayamo kea huhaleana hu-mainae.
Seveni (7) molia ensole kanomoa ufena humaine.
Yonia nago aene ala osifavene age-maine.
Tole kefo afai afulatana vayi humainae.
Kasagoya Sipi sipi nafanemo veamoya haegafa yagame humainae.
Tagufa (3) ensole vayamoya kanale kea huhaleya humainae.
Anumaya Kotia ma mopafima afule-mainea kavema hataka hisia kanamoa ago falote
humaine.
Sevenia (7) ensole vayamoya sevenia (7) havi yatafa atafa hulinae.
Anumayamona haima nevaiya yana sevenia (7) yopafiti aliya aihelafi-talene.
Tusiya huno kumaiya nehia amoa kefo yamaamo anonaa ali-maine.
Papiloni kumamoa ago haviya humaine.
Ikapinaga mainaya veamoya Papilonima haviya hia yafene muse humainae.
Sipi sipi nafanemoa ane aligeya kave talo tala hu-malenae.
Yonia ageana nago kanomoa efe hosimo agupifi mainegeno agemaine.
Satanina vani tausenia (1,000) kafu nofi huteno maine.
Satanina agola ali haviya hutene.
Anumaya Kotia tusia kaiyeke humategahie.
Haegafa ikaene mopaene falote hugahie.
Yonia haegafa Yelusalemua ikapinagati age-maine.
Yonia hamaimu amamisia tiene yosaene agemaine.
Yisasia aupaa huno egahie.
Mani avopima hanea kema havisaya veamogatamina Yonia tokiyaage ke
tamahanepaiye.
<<
00
>>
<<
11
>>
Leveleseni
Mani kemona agimo aepaa Kanite kefina mage huno hane Fala kimainea yana alino
fufute maleno ali falote humalene. huno humaine. Mani avona haenagama falote hisia yana
Yisasi Kalaisia himona kana yapi ali falote huno Yonina ave-ligeno Yonia kae-malenegeta
nehavune. Yonia ani kanafina kosuna leteno nagola ti amunopi hanea kumate kina nopi
maineno mani yayaga himona kana yapi ageteno kae-malene. Yisasia faliteno hetino
ikapinaga haitegeno Yonia sikisiti faefua (65) kafu agava maineno Leveleseni kea kae-
malene.
1
Mani kemona aepaamoa maa humaine.
1
Nagaya Yoninae Yisasi Kalaisia naveligena agetena mani kea kaena tamahapaigahe
nehue. Nayona mani kemoa fala-kino haneanagino Anumaya Kotia ani kanamoa aupaa
falote hisia yana Yisasi Kalaisina agaia aliya veane amave-lisiafene huno Yonina ave-ligeno
kae-malene. Yisasia ensole kanoa hutegeno nagaya agai aliyama nealua kanoa, Yoninile,
eaamo mani yayaga me naveli-maine.
2
Me naveligena age-mainoa yafeene Anumaya Koti
kene Yisasi Kalaisi humainea kene alina tamage huna tamahanepauve.
3
Ma avopima kae-
maloa kea ago aupaa falote hisia yafe aune laga huno humainea kema hapaliya havisaya
veanene haviteya akavema malesaya veanene tusia muse hugahae.
Yonia sevenia (7) kumate hanea mono note avona kaeno amamine.
4
Nagaya Yoninae Esia kotega sevenia (7) mono noma hanea veamogatamale mani
avona kaena nelamamue.
Anumaya Kotia nayona maineanagino menienena maineanagino haenagaa maisia
kanogino agaia kava yagai-mainea siamo aulega sevenia (7) Avamumoya hetiya
mainayanagiya kayone hisaya yaamiene tamaipa falu hisia yaamiene tamamisae.
5
Tamamisageno Yisasi Kalaisia fatago huno Anumaya Koti kema hamapai-mainea kanomoa
fali-mainaya veapitila uhagote-lateno heti-maineanagino mukia veanema fali-mainesafiti
hetisaya katia valilatene. Mukia mopafima mainaya sauve vayamogamina sauveamimoa
agaiage maineanagino kayone hisia yamaaene tamaipamo falu hisia yamaaene tamamisie.
Tagaifena hau ayamopafi haigeno agaia kolamaa ailaki-talenea yateti mukia kefo yatimoa
aigagilateneanagino agola ali kalu hetalene.
6
He-taleneanagino Anumaya Kotia kava
yagailatesia yapi tavaleno tategeta mainonanagita tagayama Nelafa Anumaya Koti aliyama
nealita agima alisaga huta musema hutesunafene huno hulatene. Hulateneanagita mukia
kanafina agai agia alisaga hisunageno tokiyaage hale yamaamoa agola hanege hanege huno
hanesie. Tamage.
7
Ageho Yisasia siate maiteno egahigi mukia amakavenoma huteteya augafafima
kevema aye-mainaya veanene mukia ma mopafima mainaya veamoyaene ageteya tusiya
huya hamau huteya avi tegahae. E, ani yana tamage huno falote hugahie. Tamage.
8
Ala Anumaya Kotia mage huno humaine Nagaya nagainia mukia tokiyamona aepaa
mainoanagina mukia yatela kava yagai-mainoafe alivayayesua kanoa tamage huna mainoe.
Nayo kanafina mainoanagina menia mainoanagina haenagaa maigahue. Tusia tokiyania
hanea kava kano mainoe. huno hu-maineane.
Yonia Yisasina age-maine.
9
Nagaya Yoninae neputamimona tamakaienena Yisasiene ailokaeta mainona yafe tusia
kana yaene tagata aiya yaene falote hianagi Anumaya Kotia kava yagailategeta mailava huta
tokiyaage huta mainone. Nagaya Anumaya Koti kene Yisasia tagaima hulatenea mono kene
huhalena hua yateti navaleya Patimosia ti amunopi hanea kumate kina hunatagena mainoe.
10
Mainogi nago Sotayupa Alu Aotage Avamumoa tokiyaage huno natafa higena
nehavugeno nakavelagati nagola ala kegefamoa ufema nehaya avamete huno agea aigena
havimainoe.
11
Ani kemoa mage huno humaine Mukia yama agesana yana avopi kaeteka
atalegeno sevenia (7) kumate hanea mono note veatega vino. Efesusiene Simenaene
Pegamumuene Taiyatailaene Satisiene Filatelefiene Leotisiaene vino. huno humaine.
12
Higena kema nahapaiya kanoma agesuafene huna maiyahae huna agoana sevenia (7)
lamua kanileta yafateti talo humale lamua hanegena age-mainoe.
13
Agoa lamuyagamo
amunopina nago kanoa, ikapinagati emainea kanoa vayamo atenea nafanemo augafa kana
kanoa hetino mainegeno ayaaya kenamoa aiyalega vai-talegeno tavigeno kanileta yafateti talo
humale amunofila aigagino haifiyafale hu-malenegena agoe.
14
Agogeno ayolagefamoa
efeage huno sipi sipimo ayolagefaleti talo humale nofi kana huteno efeage sia kana nehigeno
aulagamoa ata nefemoma hia avamete humaine.
15
Higeno aiyamoa nagola atafima kae-
malageno teno tokiyaage huno hale yamaaene kanileta yafa kana nehigeno agema aiya
agemoa paugegefa nehigeno ala timo agemoma neaiya avamete kava huno aimaine.
16
Ayapina sevenia (7) kanefi atafa hu-linegeno avayafitila tole kaiyaga avenene naepe
kayona anikofi-linegeno augosamoa yagemoma hia kava huno aigalu galu huno aivasa
humaine.
17
Aigalu galu higena neagena fali-mainea vaya kana huna aiyafi nagoya aye-
mainogeno tamaga ayana naugafale maleno mage huno hie Kolia ohuo nagaya mukia
tokiyamona aepaa mainoanagina nagaya uhagotena maitena haenagalafana maitena huna
mainoa kano mainoe.
18
Nagaya nahaimuene kano mainoe. Nayona ago fali-mainoanagi ago
hetina haegafa huna agola mukia kanafina maige maige huna mainoanagina veama nefalia
yaene fali-mainaya veamoya mainaya kumate ki nofitela ali-linena ani yapitima amavalena
amatalesua himamunia hane.
19
Haneafe kagaya menima falote higeka agana yaene
haenagama falote hisia yaenena avopi kae-malo.
20
Sevenia (7) kanefiene sevenia (7) kanileta
yafateti talo humalenaya lamuenena tamaga nayapima hanegeka agana yamoa falaki-mainea
yamo aepaa kahapaigahue. Sevenia (7) kanefimoa maa humaine sevenia (7) kumatema
Yisasife haviya melitalu nehaya veate kava vayafe humaine. Sevenia (7) lamumoa ani
sevenia (7) mono noyagafi Yisasife haviya melitalu nehaya veafe humaine.
<<
11
>>
<<
22
>>
2
Efesusi mono note mainaya veatega ma kemoa umaine.
1
Efesusi mono note mainaya veate kava kanohena mage huka kao nagaya tamaga
nayapina sevenia (7) kanefi atafa hulinena sevenia (7) kanileta yafateti talo humalenaya
lamumo amunopi ute ete nehua kanomona mani kea tamahanepauve.
2
Nagaya tamakai
auava yatamia ago age-mainoe. Tusia kasageke-voke hutama aliyama nealiya yafeene
mailava hutama tokiyaagema hutama nemaiya yaenena ago age-mainoe. Kefo yama nehaya
veafena Havigegeyama nehaya yamo otahaiya vayala mainayanagita tamakai kea
ohavigahune. hutama nehae. Nehageya ani vayamoya havige huya Tagayaenena Aposolo
vaya mainone. huya nehayanagi tamakaya keamia ago havitama fako hutama haviyana
Havigegeya maiya nehaya vaya mainae. hutama nehae.
3
Tamakaya nagai nagima
alilinageya ali haviyama hulamatayanagi kasalola otamahaenegi lokiya vaitama mainaya
yafena ago tamake-mainoe.
4
Naa nehayanagi nagoa kavala havi kava nehae. Hagotetama
nagai kea havitama lamakupi maletama tamakua kanaleya hutama namitetamagi menia ani
yana ago neataletama ali hataga huligeno osi nehie.
5
Nayoma tamahau tamayamopafi
tamahau-mainea yafena tamakesa havi havi hiho. Menia ago neataletama asaga hulavi-
mainagi tamakua aiyahae hutama nagoene ehema humainaya kavala etetama hiho.
Tamakuama aiyahae ohisagena nagaya esuaamona lamutamia melina atalegahue.
6
Atalegahugi tamakaya nagola kanale auava yana ago hagena age-mainoe. Tamakaya
Nikolasi mono kema nehaviya amaugafa age hamayema nehaya yafena tusia lamaipa kafa he
neamatae. Nagayaenena aniama nehaya kavaamihena naipa kafa he neamatoe.
7
Nagi tamakesama hanesimogatama Avamumoma Yisasi kema haviya melitaluma
nehaya veamogamifema hia kea haviho. Nagoa veamoya Sataniene tuma huya agasesayana
Anumayamo kumate ikapinaga hanea yosa, agola maige maige hisaya hamaimu amamisia
yosamo alaga Neho. huna amamisugeya negahae. huno humaine.
Simena mono note mainaya veatega ma kemoa vie.
8
Simena mono note mainaya veate kava kanohena mage huka kao nagaya uhagotena
maitena haenagalafana mainoe. Fali-mainofitila ago etena hetina mainoe.
9
Tamakaya kana
yapi mainetama mukia yatamia omale veane mainayanagi Anumaya Kotia kanale yana ago
tamamigena nagaya ago age-mainoe. Nagoa veamoya Tagaya Yuta veane mainone. huya
nehayanagi Yuta veanea omainagi Satani anaga maineya huhaviya hu-lamataya yana nagaya
ago age-mainoe.
10
Tamakata aisia yana aligahayanagi kolia ohiho. Haviho Satania aye
lamavataga hisigeya nagoa veamogatamina nofila hulamategahae. Tenia (10) kanafi ani kana
yaene tamakata aisia yaenena aligahayanagi havitama lamakupi malenaya yana atafa hu-
linetama falisagena ani yateti kanale miyana anonatamia maige maige hisaya tamahaimula
tamamigahue.
11
Nagi tamakesama hanesimogatama Avamumoma mono note mainaya
veamogamifema hia kea haviho. Satanienema tuma hutama agasesaya veamogatama tole
yupama etetama falisaya yamoa, hani yapima tegelege nehia atafina visaya yamoa, ali haviya
hu otamategahie huna nehue.
Pegamumu mono note mainaya veatega ma kemoa umaine.
12
Ma kemoa Pegamumu mono note mainaya veate kava kanohena mage huka kao tole
kaiyaga avenene nehia naepe kayona alilinoa kanomona mage huna nehue.
13
Tamakaya
Satanima mainea siamo hanea kumate mainagena ago tamake-mainoe. Ani kumate
mainayanagi nagai nagia atafa hulitama tokiyaage hulinageno nago kanoa, Atipasia,
tamakaiene maineanagino kolia ohunegi mukia kanafina efi efi huno Yisasi kea huhaleno
nehigeya atafa huya ani kumate hayageno fali-maineanagi ani kanafienena tamakaya nagia
atafa hulinetama nagaifena havitama tamakupi malenaya yana oatalenae.
14
Oatalenagi nagoa
kefo yana nehageno naipamoa haviyana nehie. Tamakai amunopina nagoa veamoya
Palamuma humainea kea atafa huya akave nemalae. Nayona Palamua Isaleli veamoya asaga
hu lavisae huno Palakina mage huno hapai-maine Mage huka hamapaiyo Amayateti talo
humalenaya afa yafe Anumayati maine. hutama amiya kavela nenetama kumai kavala
hiho. huka amaipa ayesana kea hamapaiyo. huno humaineane.
15
Naa hianagi tamakaipitila
nagoamoya Nikolasima hia mono kemona akave nemalae. Ani kemoa Palamuma hia
avamete humainea ke.
16
Ani kefo yafena tamakua aiyahae hutama nagoene ohisaya
tamakesa haviho. Aiyahae ohisagena nagaya osi kana kanoa maitena tamakaitela esuaamona
navayafima hanea avenene naepe kayoteti amakaienena tua hugahue.
17
Nagi tamakesama hanesimogatama Avamumoa mono notema nevaya
veamogamifema hia kea haviho. Satanienema tuma huya agase-mainesaya veamogamina
falakino hanea kavela, manae huya nehaya kavela neamamina nagola efeage yafatela
hamaote hamaote haegafa amakima kae-malenoa yafana amamisugeya nagoa veamoya ani
amakiyaga oagegahagi agaia yafama alisimoa agaiage agegahie.
Taiyataila maineya mono note nevaya veatega ma kemoa umaine.
18
Taiyataila maineya mono notema nevaya veate kava kanohena mage huka kao
nagaya Anumaya Koti nafanemonia naulagamoa ata nefemo hia kava humainegeno
naiyamoa haesa yafamo vagayo vagayo hia kava humainegena tokiyaage huna heti-mainoa
kanomona mani kea nehugi kao.
19
Nagaya tamakai auava yatamia ago age-mainoe.
Nagaifena tamahau tamayamopafi nelamahaigetama havitama tamametiti hutetama nagai
aliyama aliyana mailava hutama tokiyaage humainagena tamake-mainoe. Menima nehaya
yamoa hagotetama humainaya yamona ago agasetama kanale kava nehae.
20
Nehayanagi
nagoa kefo yama nehagenoa naipamoa haviya nehie. Nago amo agia Yesepelie mage huno
humaine Nagaya Anumayamo aune a mainoe. huno havigea nagai aliya veamogamina
ayemavataga huno mage nehie Kumai yana nehutama amayateti talo humalenaya afa
anumayamoma amiya kavela neho. huno humaine.
21
Higena nagaya ani amofena Kumai
yakahena kagua aiyahae huka nagoene ohisana kagesa havio. huna agava mauvanagi agua
aiyahae nohie.
22
Aiyahae nohiafe nagaya tusia agata aisia kalia neamina ani aenema kumaima
nehaya veanene kefo yaamihema amakaye huya amakuama aiyahae ohisagenahena tusia
kana yana amamigahue.
23
Neamamina ani amo kema akave nemalaya veamogamina
hamaesugeya faligahae. Falisageya mukia Anumaya Koti anagamoya ageteya nagaya
veamogami amaku amakesa tamagelegatima huna fako nehua kano mainoa yafena
havigahae. Mukia veamogatama nehaya kavala agetena agoma humainaya yateti anonatamia
tamamite lamamite hugahue.
24
Hugahugi nagoa Taiyataila mainaya veamogatama ani amo kea akave omaletama
Satani kema falakino hanea kema ohavinaya veamogatama nagoa kahegi kea
tamahaopaigahue.
25
Tamahaopaigahugi mukiama atafa hulinaya kea atafa hutama tokiyaage
hu-linetama maime maime nevigena nagaya etena ano.
26
Sataniene tuma huya agaseya nagai
kema akave maleme maleme haisaya veamogamina nagaya tokiyania amamisugeya mukia
veatela kava yagaigahae.
27
Nenafaa tokiya namigena kavama neyagauva tokiyania ania huna
tamamisugetama tokiyaage hutama kava yagaigahae. Veamoya mopa susufanelema aiko
neligeno aposino yagi-yagipe nelavia avamete kava huya yagaigahae.
28
Kava yagai-
mainesagena natema evayi nehia kanefimoa tusiya huno aivasa huno hale yamaene kanefila
tamamigahue.
29
Nagi tamakesama hanesimoga-tama Avamumoa mono note nevaya veamogamifema
hia kea haviho.
<<
22
>>
<<
33
>>
3
Satisi maineya mono note nevaya veatega ma kemoa umaine.
1
Satisi maineya mono note nevaya veate kava kanohena mage huka kao nagaya
sevenia (7) Anumayamo Avamuene sevenia (7) kanefiyagaene nayapina atafa hulinoa
kanomona mani kea tamahanepauve Nagaya tamakai auava yatamia ago tamake-
mainoanagiya veamoya tamakaifena Agola maige maige hisaya hamaimu hanea veale. huya
nehayanagi tamakaya nagai kema atalaya yafena ago fali-mainae.
2
Faligahe hayanagi
tamauma fae-maiya yana neataletama hetitama kanale auava yatamia ali lokiya vaiho. Nagaya
agoana auava yatamimoa Anumayaniamo aufina fatago ohunae.
3
Ohuneanagitama agoma
havi-mainaya mono kehena tamakesamoa hao hinagetama akave maletama kefo yatamihena
tamakua aiyahae hiho. Fae-mainesaletima he otisayana nagaya Omegahie. hutama hisaya
kanafi musufa vaya kana huna esuaamona kefo yamo anonatamia me lamamigahue.
4
Me
lamamigahuanagi nagoa Satisi mainaya veamoya kanaleya hageno amakuamoa oniyaagela
ohunea veane mainayanagiya efeage kenaamia faimatesugeya amatesia kava huya nagaiene
ailokaeya vaiyegahae.
5
Vai neayesagena Sataniene tuma huya agase-mainaya veala efeage
kena faimategahue. Maige maige hisaya hamaimu hanesia veamogami amakima kae-malenoa
avopi ani veamogami amakia haneanagina aye ohananegahuanagina amakai amakia Nenafa
auleene ensole vea amauleene huhalena hugahue.
6
Nagi tamakesama hanesimoga-tama Avamumoa mono note nevaya veamogamifema
hia kea haviho.
Filatelafia maineya mono note nevaya veatega ma kemoa umaine.
7
Filatelafia maineya mono note nevaya veate kava kanohena mage huka kao nagaya
Anumaya Kotina alu aotage kanogina tamagelafa nehue. Tevitima kava yagai-mainea ki
nofila nagaya ago alina fita yaki-malenoanagino nago kanomoa eteno alino fita okigahie.
Nagaya fita ago alinama ki-malesugenoa nago kanomoa alino oyakigahie.
8
Nagaya mage
nehue tamakai auava yatamia ago age-mainoe. Ageho tamakai tamaufina fita ago yaki-
malogeno visaya fiamoa hane. Agoma yaki-malenoa fita nago kanomoa eteno alino
okigahie. Tamakaya osi kanoa tokiyatamia hanegetama nagai kea akave nemaletama nagai
nagia ali fala okigena age-mainoe.
9
Haviho nagoa veamoya mage nehae Isaleli veane
mainone. huya havigea nehayanagi Satani veane mainayanagina nagaya amakaila alina
tamaiyafinaga amatesugeya Ago tagase. huya ape humaineya nagaya tamakaifema
nayamopafima nenahaiya yana amavelisugeya agegahae.
10
Kana yapina tokiyaage hutama
mailava hutama maiho. hunama hu-mainoa kea ago akave malenagi mukia ma mopafi
veamogamina avamema humatesua yapina tusia kana yamo falote hugahianagina tamau
vaisugetama tamakaya ani yapina omaigahae.
11
Nagaya naiyayena aupaa egahugi. Atafa
hulinaya kea atafa hutalako hulisayana nagoa veamoya tamamisua kanale yana
tamahaofalegahae.
12
Atafa hulineya Satanienema tuma huya agase-mainaya veamoya no
yosamo avamete kana hagena Anumayamo mono nopi ayena ali hetimatesugeya
maigahayanagiya eteya outafa huya ougahayanagina amaugafale Anumayaniamo agiene
Anumayaniamona ikapinagati esia kumamo agia, haegafa Yelusalemu kumamo agiene
nagaila haegafa nagiene amaugafale kaemategahue.
13
Nagi tamakesama hanesimogatama Avamumoa mono note nevaya veamogamifema
hia kea haviho.
Leotisia maineya mono note nevaya veatega ma kemoa umaine.
14
Leotisia maineya mono note nevaya veate kava kanohena mage huka kao nagaya
kelamage kemona aepaa mainena efi efi huna mukia kanafina kea huhalena nehue. Nagaya
mukia Anumaya Kotia ehema taloma humalenea yamona aepaa mainoanagina mani kea
mage huna tamahanepauve.
15-16
Nagaya tamakai auava yatamia ago age-mainoe. Nagai
kemona tamakavenona ohunayanagi tamakupina yasiage humainegeno amukoa nohie. Nagai
kemoa tamakupina amukoagema hu-maineleasina musena huleasinagi nagai kea osia
tamakupina malenageno muvalisua naipa nehigena nagaitegatila tamavalena hagayu hu-
lamatalesua nagesa nehie.
17
Tamakaya mage hutama nehae Kasagoya afenoyatia hai ali-
mainone. Nago ya kanoahena aupa nohune. hutama nehayanagi tamakaya havige nehagi
haviyatafa hutama mainayanagiya veamoya tamakeya kalagi ai-lama-tesaya avamete hutama
mukia yafena aupa hutama mainageno tamaulagamoa asu hu-mainegetama tamaugafa
alapaage veane kana hutama mainaya yafena tamakaitamia noagae.
18
Naa humaineafe mani
kea tamahanepauve mone afenoene veanema maisayafena nagaitegati kanileta yafana, atafi
kae-malenaya yafana me miya hiho. Tamaugafa alapaage mainageno tamakaye hisia yama
aiso hisayafe efeage kena me miya hutama failiho. Tamaulagafima falesaya masavena
tamamisugetama falesageno tamaulagamoa kanale hinagetama agegahae. Ani yayaga
nagaiteti me miya hiho.
19
Nagaya nayamopafima nahaiya veamoya nagai kema haviya akave
malesaya yafena kayo kevea neamamuafe aluya hutama lamakesa nehavitama kefo
yatamihena tamakua aiyahae hutama Nagoene ohugahune. hutama hiho.
20
Ageho nagaya
fiate heti-mainena tamakaifena kea nehuanagitama ani kema nagoke nagokemogatama
havitetama fitama yaki-natesayana haifalena tamakaiene tokaeta maineta kavela negahune.
21
Nagoa veamoya Sataniene tuma huya agasesaya veafena mage huna humategahue
Nagaya Satanienena tua huna agasetena Nenafama kava yagai-mainea sialela agaiene me
lokaena mainoa avamete hutama nagaiene kava yagaigahae. huna humategahue.
22
Nagi tamakesama hanesimoga-tama Avamumoa mono note nevaya veafema hia kea
haviho.
<<
33
>>
<<
44
>>
4
Ikapinaga maineya Anumaya Koti agia alisaga nehae.
1
Yonia mage huno hie ani kemoa hanoma higena agoana ikapina nago fita yaki-
malenea fiana age-mainoe. Neagogeno hagotenama ufema nehia augafa agema aigena havua
augafa kea nagoene havuana mage huno hie Male ehaigena mukia yama anilema falote hisia
yana kavelino. huno hie.
2
Higeno aupaa Anumaya Koti Avamumoa tusiya huno natafa
higena agoana ikapinaga nago sia agogeno ani siale nago kanoa maine.
3
Ani sialema
mainegena agoa kanomo augafamoa tusiya huno aihaesa huno alave alave huteno aihalegena
age-mainoe. Agogeno nagoma alave alave hiana yosa haisa fulagenamoa sauve kanomo
siale aigagi-maineno aihanelegena age-mainoe.
4
Neagogeno tueti foa (24) sia ani sauve
kanomo siale maigagi-mainageya tueti foa (24) kava vayamoya ani siayagale mainae.
Maineya efeage kenaamia fai-lineya amanutela sauve veamoya kanileta yafateti talo humale
tumano kuma vai nealiya avamete huya vai-linae.
5
Anumaya Koti sialeti aulumaya alino
monagemo huno alu ge lu gema aiya yamoa anifiti falote humaine. Anumaya Koti siamo
aulega sevenia (7) lamua aivasa humaine. Ani lamua Anumayamona sevenia (7)
Avamuamoya mainae.
6
Mainageno Anumaya Koti siamo aulega nago tikotuna hanegeno
telelalayamaa tamage huno omalegeno galasimoma alave alave hia avamete humaine. Foa (4)
hamaimuene anagamoya hetiya ani siale maigagiya mainageno amaulaga kasagoya haneteno
amaulegaene amakavelagaene alino anovai-maine.
7
Hagote haimuene kanomoa kaveage
afua, laiyoni afu kana higeno anile haimuene kanomoa pulamaka kana higeno anile haimuene
kanomona vaya augosa kali-maigeno anile haimuene kanomona anale haleno vai neayea haki
kana nama kana humaine.
8
Ani foa (4) hamaimuene anagamoya sikisia (6) amagekona
hanegeno kasagoya amaulagamo amaugafamona agupilegaene amagekonamona
afepinagaene alino vai-maine. Vai-mainageno felugaene kegeene mage huya huge huge
nehae
Anumaya Kotia mukia tokiyamona aepaa maineno kefo yana nohigi tusiya huno alu aotage
kano maine. Nayoene meniene maineanagino haenagaa maisia kano maine. huya
humainae.
9-10
Hamaimuene anagamoya sauve kanomo siale maiya kanoa, agola maige maige nehia
kanomofena, mage huya hae Tokiyaage hale yamaa hanea kagia alisaga nehuta tusia muse
nehune. huya nehageya ani tueti foa (24) kava vayamoya sauve kanomo siale maiya kanoa
agola maige maige nehia kanomo aule mope huya agia alisaga hugahe ali-mainaya kanileta
yafateti talo humale tumano kuamia aliya ani siamo aiyafi mo malae.
11
Mo nemaleya mage
huya hae
Vaeha tagai Anumaya Kotigae kagaya mukia yana Naa huna talo hugahue. huka
humainanafe mukia yana talo hu-malanageno haneafe tagaya tokiyaage hale
yamaaene kagia alisaga nehuta tokiyaage kano mainane huta kagia alisaga
nehune. huya hae.
Hagena nagaya Yonina himona kana yapi age-mainoe.
<<
44
>>
<<
55
>>
5
Yonia nagola avoma kae-male omana haya ki-malenegeno age-maine.
1
Nagaya Yoninae agoana ani sauve kanomo sialema maiya kanomona tamaga ayapina
nagola avoma kae-male omana aye-gafage ki-malegeno hane. Ani omanamona amegaene
agusafinagaene avona kae-maleteno veamoya oagesayafene huno atupale sevenia (7)
menimo fuki kana yateti aye kamae-malene.
2
Aye kamae-malenegena agoana nagola tokiyaa
hanea ensole kanomoa ala kegefafiti keha keha huno mage hie Hana kanoa atesia kanomo
anima menimo fukiteti aye kamae-malegeno hanea omana ali vaka yegahie? huno hie.
3
Higena agoana atiyeyama agayana ikapinagaene mopafiene mopamona afepinagaene
nagola ani avoma ali vaka yesigeno atesia kanoa omaine.
4
Nagola ani avoma kae-male
omanama ali vaka yesigeno atesia kanoa omaigena agetena tusiya huna avia ate-mainoe.
5
Neatogeno tueti foa (24) kava vayapiti nago kanomoa nagaifena mage huno hie Avia
oateka havio nago kanoa Teviti aginagomoa, kaveage laiyoni afu kana humainea kanoa,
Yuta nofipiti kanogino, Sataniene tua huno ago agase-maineafe ani avoma kae-male omana
sevenia (7) menimo fukiteti aye kamae-malenea yana ali hakao huteno ali vaka-yegahie.
huno humaine.
Yonia Sipi sipi nafanea age-maine.
6
Ani sauve kanomo siamo amunopina nagola Sipi sipi nafanea heti-mainegeya foa (4)
hamaimuene anagayaene tueti foa (24) kava vayamoyaene agaila mai kagi-mainagena age-
mainoe. Agoana ani Sipi sipi nafanea maiyanagi hayagenoma fali-mainea afu kana huno
sevenia (7) aveene sevenia (7) aulagaene hane. Ani aulagayaga sevenia (7) Anumaya Kotia
hutegeno mukia ma mopafi vaiyatete nehia Alu Aotage Avamulagiya mainae.
7
Ani Sipi
sipimo nafanemoa viaamo sauve kanomo siale mainea kanomona tamaga ayapiti ani avoma
kae-male omana ali-maine.
8
Aligeya foa (4) hamaimuene anagayaene tueti foa (24) kava
vayamoyaene ani Sipi sipimo nafanea avate mope huya mukiamoya gita kana yana yagame
nehaya yaene kanileta yafateti talo hu-malenaya yopaene atafa hulinae. Ani yopafina
manaage halinamo humainea tanefamoa havate-maine. Ani manaage halinamoa maa humaine
veamoya nunamuma nehuya Anumayamo agima alisaga nehageno Anumayamo avate
vigeno havigeno aipamoa kanale higeno hagaage manama nehavia kava humaine.
9
Ani
anagamoya Sipi sipi nafanemofena mage huya yagamea humainae
Kagaila kahayageka fali-mainana kolateti ma mopafi veamogamina, alu kote kotega
veanene, alu make alu make neaiya veanene, alu amaugafa alu amaugafa
kalimainea veanene, kefo yaamimo alino hayagimatenegeka kagayama fali-
mainana kolateti anifiti aligalu heka amavayu huteka Anumaya Koti veane maisaya
yafe mukia ago miya humatenane. Miya humatenanafe kagaila kanale ya huno
katea kava hana kano mainananagika anima aye-gafage ki-maleteya menimo
fukiteti aye kamae-malenea avo omana alika ali hakao hisana tokiyakaa hane.
10
Anumaya Kotia kava yagai-lamatesia yapi ago amatanageya Anumaya Koti agia
alisaga nehuya agai aliyana nealiya ma mopafi veamogamina kava humategahae.
huya yagamea hagena havimainoe.
Sipi sipi nafanemo agia alisaga humainae.
11
Havitena agoana kasagoya ensole vayala teni milionia (10,000,000) ensole vayamoya
hetiya Anumaya Kotima nemaiya sialeene foa (4) hamaimuene anagaene tueti foa (24) kava
vayamoyaene maigagiya maineya ala kegefafiti mage huya hagena havimainoe.
12
Ani Sipi sipi nafanea hayageno faliteno heti-mainea kanogino tusia kanale kano
maineanagino atesia napamaa aliteno tusia tokiyaa hanenageno mukia kanale
yaene kanale havi haviyaene hanea kanogino kava hisia tokiyaaenena haneanagita
tokiyaage hale yamaene agia alisaga hisunageno anale hanesigeno mukia muse
hisia yana alisie. huya hae.
13
Hagena havugeno mukiama Anumaya Kotia talo humalenea yamoa ikapinaga mainaya
yaene mopafima mainaya yaene mopamo agusafinagama mainaya yaene tipima mainaya
yaenena mukiamoya mage huya hae
Sauve kanomo siale mainana Anumaya Kotigaene Sipi sipi nafanene agola mukia kanafina
muse hisaa yamoa hanege hanege huno hanesie. Tokiyaage hale yamaaene tanakia
haneanagita alisaga hisunageno anale hanesigetana kava hisaa tokiyatanimoa
hanege hanege huno hanesie. huya hae.
14
Hageya foa (4) hamaimuene anagamoya Tamage huya hae. hageya tueti foa (24) kava
vayamoya ape huya Anumayamo agia alisaga humainae.
<<
55
>>
<<
66
>>
6
Sipi sipi nafanemoa menimo fukiteti aye kamae-malenea fukina ali hakao humaine.
1
Nagaya Yonina agoana Sipi sipi nafanemoa eaamo nagola menimo fukiteti aye
kamae-malenea fukina ago melino hakao higena havuana foa (4) hamaimuene anagapiti
nagomoa agea aigena havuana agema aiya agemoa monagemoma hia avamete huno mage
hie Male eno. huno hie.
2
Higena agoana nagola efeage hosi afua agogeno nago kanomoa
ani afumo agupifi maineno ati kevea huno atafa hu-lineno tumano kula, vayamoya kame
vayaamima tuma huya amakase-mainaya vayamoya vai nealiya tumano kula amigeno
nagoene kame vayaamienena tua huno amakasegahe umaine.
3
Vigeno ani Sipi sipi nafanemoa anile menimo fukiteti aye kamae-malenea fukina
melino hakao higena havuana foa (4) hamaimuene anagapiti anile tu (2) molia kanomoa
mage huno hie Male eno. huno hie.
4
Higena agoana nagola kolamaage hosi afua agogeno
nago kanomoa ani afumo agupifi mainegeno ala avenene naepe kayoene mukia ma mopafi
veanene tuma hisia tokiyaaene amigeno aliteno ma mopafi veamoya tuma huya
hamaesageya falisaya amakesa ago amamineanagino amaipa falu huya maisaya yamoa
mukia ma mopafina ago hano humaine.
5
Ani Sipi sipi nafanemoa tagufa (3) molia menimo fukiteti aye kamae-malenea fukina
melino hakao higena havuana foa (4) hamaimuene anagapiti tagufa (3)molia kanomoa mage
huno hie Male eno. huno higena agoana nagola anupa hosi afua agogeno nago kanomoa
ani afumo agupifi maiya kanomoa sigelima nehaya yana ayapi alilino emaine.
6
Alilino
mainegena neagena havuana foa (4) hamaimuene anagapiti nago agema aigena havua
agemoa mage huno hie Nago kanomoa nagoke yupa nate aepa heno aliyana alime alime
visiaamo unema hano hisigeya amisaya miyateti tole osi keayopi laisimo alaga fako huka
amamio. Ani avamete miyana kamisageka sikisia (6) maya ania huka amamio. Ania huka
amamigananagi olivi yosama hanea yosamo alagafiti masavema nealiya yosayagaene nofi
alagamo timaa aliya tatiteya nenaya nofiene alika haviyana ohuo. huno hie.
7
Higena agoana Sipi sipi nafanemoa foa (4) molia menimo fukiteti aye kamae-malenea
fukina melino hakao higena havuana foa (4) hamaimuene anagapiti foa (4) molia kanomoa
mage huno hie Male eno. huno hie.
8
Higena agoana nagola kanileta hosi afua agogeno ani
afumo agupifi maiya kanomo agia Vaya fali yamoe. huya neayaya kanomo akavema via
kanomo agia Fali-mainaya veane nevaya kumale. huya agia neayaya kanomoa akave
vigeana vaana ani tole kanolatamogania tusia tokiya anamigeana mukia ma mopafi mainaya
veala ali fako huana foafi (4) amatageya maiya anagapiti nagoa veamogamina he-falimatesia
tokiyaania ali-mainae. Aliageya nagoamoya tu huteya fali-mainagi nagoamoya kafu huya
amakategeya fali-mainagi nagoamoya alu kali lu kali aliya fali-mainagi afai kalamoya
nagoamogamina hamaesageya falisaya tokiyaania ali-mainae.
9
Naa higeno Sipi sipi nafanemoa faefua (5) molia menimo fukiteti aye kamae-malenea
fukina melino hakao higena agoana Anumayamofe amakesa haviya sipi sipia heya folamole
kae salamana huya nemalaya folamo kana folamoa ikapinaga hanegena agogeno ani
folamomo aiyafina Anumaya Koti kema haviya atafa hu-lineya huhaleya humainaya yatetima
hamayageya fali-mainaya veamogami amamena amake-mainoe.
10
Agogeya ani amamemoya
ala kegefafiti mage huya hae Tokiyaka hanea Anumayatimogae alu aotage kanomoga
tamagegeya nehane. Ma mopafi veamoya tahayageta faliteta malela emainonanagika aniama
humainaya yatetila kagaya na yu kaiyekea hu-mateteka kefo yaamimo anonaamia
amamigane? huya hae.
11
Nehageno efeage ayaaya kenaamia alino amamiteno mage huno
hamapaiye Maifalu hutama mainegeya tamafu-tamakanaya tamakaiene Yisasi aliyama
nealiya agai kema huhaleya nehaya yateti tamakaima hulamatenaya kava huya hamaesageya
faliteya esagena kame vayatamia kaiyekea humategahue. huno hie.
12
Huteno Sipi sipi nafanemoa sikisia (6) molia menimo fukiteti aye kamae-malenea
fukina melino hakao higena agoana tusia imi aligeno yagemoa asu huno hanimaage higeno
ikamoa haesa ko tino kola kana humaine.
13
Higeno yasimoa yosamona mo lifagagi me
lifagagi higeno afuma otenea yosa alagamoa halali hulavia kava huno kanefiyagamoa ikapitila
atafai-lavi-maine.
14
Ikamoa iva yuguma alitama aye kafage kitama hayama negiya kava huno
ikamoa fanane higeno mukia agoyaene ti amunopima hanea mopaene noamia ataleya
nagoene omalenae.
15
Naa higeno mukia ma mopafi mainaya sauve vayayagaene kava
vayayagaene ati vayate kava vayayagaene miyaamimo hai-mainea veanene tokiyaamima
hanea vayaene nofipi maineya miya oali aliya nealiya veanene amakaiami aliyaamile nemaiya
veanene tusia amamayo aigeya Hanate maisune. huya huteya yafakapiene agoyafi hanea
ala yafakefamo akavelega faleya mo falakiya mainae.
16
Fala kiya maineya keha keha huya
mukia agoyaheene yafafeene mage huya hae Tagaya sauvemo siale mainea kanoa
Anumaya Koti aule omaisuna tagesa nehune. Sipi sipi nafanemoa tusia hai vai nelategeta
koli nehunagi agoyamogatama kofa hu-lavitama tagaila etama aiso hulateho.
17
Ala
kanolatamogania hanai vai-lateana kaiyeke hulatesaa kanamoa ago falote hianagiya hanaa
augafa veamoya anaulela hetigahae? huya hagena haenagama falote hisia yana himona kana
yapi agetena havilinoe.
<<
66
>>
<<
77
>>
7
Vani hataleti foti fo tausenia (144,000) Isaleli veamogamina Anumayamo avona
hamanile aigamaema-tene.
1
Ani kema havitena agoana foa (4) ensole vayamoya foa (4) ma mopamo atupalega
heti-maineya yasimona atafa huya ali-talako huligeno yasimoa taga higeno mopafima hanea
yamoene hagelimoene yosayagamoenena kanage kanagala ohunae.
2
Ohagena agogeno nago
ensole kanomoa yagemoma evayi nehilegati eaamo haimuma hanea Anumaya Kotia agaia
veamogami humatenea avona aigamaematesia yana ayapi atafa hulineno ani foa (4) ensole
vayala mopaene hageliene ali haviyama hisaya tokiyaamima amaminea ensole vayafe mage
huno ala kegefafiti hamapaiye.
3
Tamakaya mopaene hageliene yosayagaenema ali
haviyama hisaya ensole vayamogatama neataletama tagava mainegeta tagaya hagoteta
Anumaya Kotitimo aliya veamogami hamanilela Anumayamoma humatenea avona aigamae-
matetesunagetama ani yayaga ali haviyana hugahae huno hie.
4
Higena havugeno huyogino
hamanile avoma kae-malenea veanea vani hataleti foti fo tausenia (144,000) Isaleli veanea alu
nofipiti alu nofipiti huyogi-malenea venea agoe.
5
Yuta nofipiti tuelufu tausenia (12,000)
veanene Lupeni nofipiti tuelufu tausenia (12,000) veanene Kati nofipiti tuelufu tausenia
(12,000) veanene huyogi-malene.
6
Asa nofipiti tuelufu tausenia (12,000) veanene Napatalai
nofipiti tuelufu tausenia (12,000) veanene Manase nofipiti tuelufu tausenia (12,000) veanene
huyogi-malene.
7
Simioni nofipiti tuelufu tausenia (12,000) veanene Livai nofipiti tuelufu
tausenia (12,000) veanene Isaka nofipiti tuelufu tausenia (12,000) veanene huyogi-malene.
8
Sepuluni nofipiti tuelufu tausenia (12,000) veanene Yosefe nofipiti tuelufu tausenia
(12,000) veanene Penisamini nofipiti tuelufu tausenia (12,000) veanene huyogi-malene.
Kasagoya veamoya Anumaya Koti agia alisaga humainae.
9
Kasagoya veanea ohavunamaa veanea alu kotega alu kotega veanene, alu make alu
make neaiya veanene, alu amaugafa lu amaugafa kali-mainea veanene, mukia Anumaya Koti
sauve kanomo siamo aulegaene Sipi sipi nafanemo aulegaene heti-maineya efe kena ayaaya
kenaamia failineya fanofamo haisa amayapi atafa huli huli hulinae.
10
Hu-lineya ala kegefafiti
mage huya hae Sauve kanomo siale mainea Anumaya Kotitimoene Sipi sipi nafanemoene
tagu tamema ago aligati-mainea yamona aepaa mainae. huya hae.
11
Nehageya mukia ensole
veamoya hetiya Anumaya Kotima mainea sialeene tueti foa (24) kava vayamoyaene foa (4)
hamaimuene anagamoyaene maigagiya maineya mukiamoya ani siale ape huya Anumaya
Koti agia alisaga nehuya mage huya hae.
12
Tamage Anumaya Kotia mukia muse hisia yana alisie. Tokiyaage hale yamaaene agia
haneanagino kanale havi haviyamaa hanea kano maineafe agia alisaga nehuta tusia
muse hutesune. Agaia kava yagaisia tokiyaamoa agola hanege hanege huno
hanesie. Tamage. huya humainae.
Ani anagamogamina amakatama neaiya yamoa menia agola hano hie.
13
Ani kea hu neatageno nagola ala kava kanomoa nagaifena mage huno nahavige
Nama ayaaya efe kenama fai-linaya veala tayae? Hanategati emainae? huno nahavige-
maine.
14
Nahavigegena nagaya, Yonina, mage huna hue Musekaa nehugi kagaya kagaikaa
havilinane. huna hugeno nagaifena mage huno hie Mani veamoya tusia kana yama hanea
kanafi maineya tokiyaage huya kefo yaamihema haviya fali-mainea Sipi sipi nafanemo
kolateti kenaamia agola sese hageno efeage hu-maineanagiya emainae.
15
Ani yafe amakaya
Anumaya Kotima mainea siamo aulega heti-maineya felugaene kegeene agai agia alisaga
nehuya agai aliya nealiyanagino Anumaya Kotia au vaimateno kava yagaimategahie.
16
Yagai-
mateneanagino nagoene amakala otegahie. Tifena oamakegahie. Yagemoa amuko-nako
huno amaleno oamasagaligahie.
17
Sipi sipi nafanemoa Anumaya Koti mainea siamona
aulega hanea amunopi hetino maineno sipi sipi kava kanoami maineanagino kapaima
nehagea tima hanea komulega amavaleno mo matenageya maige maige hisaya tina
nenesageno Anumaya Kotia amaunua alino hami-matesigeya nagoene avia oategahae. huno
higena nagaya Yonina havimainoe.
<<
77
>>
<<
88
>>
8
Sipi sipi nafanemoa sevenia (7) molia menimo fukiteti aye kamae-malenea fukina
ali hakao humaine.
1
Ani Sipi sipi nafanemoa haenagalafana menimo fukiteti aye kamae-malenea yana
melino hakao higena agogeno mukia ikapinagama hanea yamoa kanage kanagela ohuya
mukia yamoa kea ohigeno vaniagi hafu aovamoa eumaine.
2
Eutegena anile agoana sevenia
(7) ensole veamoya Anumaya Koti aule hetiya mainageno sevenia (7) ufena amamigena age-
mainoe.
3
Agogeno nago ensole kanomoa nagola kanileta yafateti talo hu-malenea yopa ayapi
ali-linegeno afuma heya folamole kae salamana huya nemalaya folamo kana folamole heti-
mainegeno kasagoya manaage nehia tanefamo halinamoene Yisasina amakua aminaya
veamoya nunamuma huya havigaya nunamuene ani yopafina ali malesigeno ailokaenoma
haisiana Anumayamoa kanale manaa havisiafene huno sauve kanomo siamo aulega kanileta
yafateti talo hu-malenea folamo hanea folamole mo malene.
4
Momalegeno ani manaage
halinamoene Anumaymona amakuama aminaya veamogami nunamuyagaene ani ensole
kanomo ayapitila ataleya Anumayamo aule haimainae.
5
Haigeno ani ensole kanomoa
kanileta yafateti talo humale yopa alino folamole atama nelea ata ani yopafi maleno
havateteno alino ani ata ikapinagati ma mopafi hagayu hu-talegeno elavigeno ikapinagatila
akali kalu huno aulumayala nealigeno nagola ala agegefa neaigeno imila ali-maine.
Foa (4) ensole vayamoya ufena humainae.
6
Sevenia (7) ufema atafa hu-linaya ensole vayamoya ani ufema hisaya yafe talo tala
humainae.
7
Hagote ensole kanomoa agaia ufena higeno komopamoene atamoene
kolamoene atagufe-lavino mopafi tavigeno mukia ma mopa tagufale (3) ali fako hu-
malageno anifiti nagokema ali fako hu-malaya haupa kaiyaga mukia mopafi hanea yaene
mukia yosayagaene mukia apeene atamoa teno asagali-talene.
8
Asagali-talegeno tu (2) molia ensole kanomoa agaia ufena higeno ala agoya kana yana
ata nelegeno hagelipi tavi-maine. Ani hagelimona tagufale (3) ali fako hu-malageno anifiti
nago haupa kaiyaga hanea timoa kolamaage huno vali vali humaine.
9
Kolamoa vali vali
higeno ani haupa kaiyagama mainaya noyameyagaene tipi yagaene fali hano hageno ani
haupa kaiyagama hanea tipi kaleyaga ali haviya hu-talageno anifima mainaya veala fali hano
humainae.
10-11
Faligeno tali (3) molia ensole kanomoa agaia ufena nehigeno kanefila ala
kanefekefamo agia Atuage nehuno satuage kanefile. huya nehayanaginoa kanimoma nelea
avamete huno ikapinagatila elaviaamo mukia ma mopamona tagufafi (3) melino fako hu-
malageno anifiti nago haupa kaiyagama hanea tiyagaene tima kapaima nehagea ti komufi
hanea timoene atuage higeya mukia ani lima ne-mainaya veanea fali-mainae.
12
Faligeno fo (4) molia ensole kanomoa agaia ufena nehigeno yagemoa tagufafi (3) ali
fako hu-malageno anifiti nago haupa kaiyaga asu humaine. Ania huya ikana tagufafi (3) ali
fako humalageno anifiti nago haupa kaiyaga ania huno asu humaine. Kanefiyaga tagufafi (3)
ali fako hu-malageno anifiti nago haupa kaiyaga ania huno asu humaine. Asu hu-maigeno
felugama aye vasa nehia yaamimoa tagufafi (3) ali fako hu-malageno anifiti nago kanafina
asu higeno kegela tagufafi (3) ali fako hu-malageno anifiti nago kanafina ikaene kanefiene
asu higeno tusia haniki-maine.
13
Nagaya Yonina agogeno nagola ala hakiki kana nama ikamo amunote haleno vigena
age-mainoe. Neagogeno ala kegefafiti mage huno hie Avonio avonio tagufa (3) ensole
anagamoya ufena nehisageno tusia kana yamoa ma mopafi mainaya veamogatamile falote
hugahe higena tusia nahau hu nelamatoe. huno higena havue.
<<
88
>>
<<
99
>>
9
Faefu (5) molia ensole kanomoa agaia ufena humaine.
1
Faefu (5) molia ensole kanomoa agaia ufena higena agogeno nago kanefimoa
ikapinagati atafai-lavino mopafi elavigeno ma mopafina nago komua afe yapi tavi-mainea
komumona ayola omale komugefagino ani komumo ki nofila ani kanefimona amine.
2
Amigeno aliteno ani ki nofiteti ani komua yakigeno ani komufitila tusia halinamo huno
ehaiyana tusia atagefafiti hia halinamo avamete huno ehaiyaamo yagene ikaene ayesu higeno
tusia hani kimaine.
3
Kigeno kasagoya kenu kafamoya ani halinafitila mopafina aitagu-
fetageno veama akafu amanisaya tokiyaamia amamigeya akafuma amani yana kulumale
nehaya osifavemoma neamania avamete huno amanigeya tusia amakata aimaine.
4
Ani
kenufena mage huno hie Apeene talayaene yosayagaenena oneho. Nagoa veanege,
Anumaya Kotia hapalimateteno agia hamanilela aigamae oamatenea veamogamina akafu
amanitama ali haviya humateho.
5
Faefua (5) ikana amakata aisia yana amamite amamite
hugahayanagi hamaegeya ofaliho. huno higeya akafu amanigeya amakata yama aliyana
kulumale nehaya osifavemoma veama akafu neamania avamete huno amanigeya tusia
amakata aimaine.
6
Ani yama alisaya kanafina veamoya falisaya yafena tusiya huno
hamaugahianagi ofaligahae. Amakatama aiya yafena tusiya huya falisaya kafena ati
yegahayanagi oagegahae.
7
Ani kenumoya tuma hugahema nehaya hosi afumo avamete huya amanutela kanileta
yafateti talo humale tumano kula vai-linageno amaugosamoa veamogami amaugosa kali-
maine.
8
Kali-maigeya ani kenumoya ayaaya amayolagefa, haesa anemogami amayolagefa
kana hu-mainegeno amavemoa kaveage laiyoni afumo ave kana humaine.
9
Humainegeya
hamaifiyafafina kapaleti talo humale halegu kana yana anovai-maleneya amagekona agema
aiyana tuma hugahe vaya hosimoya avayu nehaya kalemo nehia kea ala kegefa huno neaiya
agemoma hia kava huno agea aimaine
10
Ani kenumo amaigoyafina avetanafaage nekaya,
kulumale nehaya osifavemo akafu neamania ave kana hia nekaya, hanegeya ani nekayaleti
faefua (5) ikamo aguafina veala akafu amaniya ali haviya humategahae.
11
Ani kenumo sauve
kanoamia maineanagino ani kava kanoamimoa Satanie, ayoa omale komugefale kava yagai-
maineanagino agia Yuta veamogami kea, Hipalu kefina Apatonie huya nehagi Kaliki kefina
Apolionie huya nehagi tagaiti kefina mage humaine Vea alino haviya hinageya fali hano hu-
matesia kanoe. humaine.
12
Kenumoya ali haviya humatesaya kanamoa hano hianagi avonio tolea tusia kana
yatala falote hisaa yafena nahau hulamatoe.
Sikisi (6) molia ensole kanomoa ufena humaine.
13
Sikisi (6) molia ensole kanomoa agaia ufena higena havugeno Anumaya Koti aulema
kanileta yafateti talo humale folamomo foa (4) atupale hanea avela foa (4) avepitila agea
aigena havimainoe.
14
Havugeno ufema atafa hulinea ensole kano sikisi (6) molia ensole
kanomofena mage huno hie Foa (4) ensole vayala, Yufaletisi titegama nofima humatenaya
ensole vayala kalu heka amatalegeya viho. huno hie.
15
Higeno Anumaya Kotia na kafufina
na ikatela na kanafina na aovaa ani foa (4) ensole vayamoya mukia ma mopafi veamogamina
tagufafi (3) ali fako humalageno anifiti nago haupa kaiyagama mainesaya veala
hamaesagetama faligahae. huno huteno amatafa hu-lineane. Ani kanamoa efalote higeno ani
ensole vayala kalu heno amatalegeya ani kavala nehae.
16
Ani kavama nehisageya amaya
huya hamaesaya ati vayaamia tu hataleti milionia (200,000,000) hosimo agupifi mainaya ati
vayala mainae huya hagena nagaya Yonina havimainoe.
17-18
Havitena himona kana yapi
amakoana ani hosimogami amakupifima mainaya vayamoya hamaifiyafafina halegula
haesaene okoene kaniletaene halegula aye hai-linageno hosimogami amanutela kaveage afua
laiyoni afumogami amanu kana hutegeno amavayafitila atamoene halinamoene himanaage
atama nelea yafayagaene falote huno mukia ma mopafi veamogamina tagufafi (3) ali fako
hu-malageno anifiti nago haupa kaiyaga veamogamina ani ataene halinamoene himanaage
atama nelea yafayagaletiene hamayageya fali-mainae.
19
Hosimogamina hamaesaya
tokiyaamia amavayafiene amaigoyafiene hanegeno amaigoyamoa osifave kana huno akafu
amanisia amanuna hanegeya veala akafu amanigeya hamae-mainae.
20
Anima tusiya huno ali haviya hia yamoma ohamaenea veamoya agayanagi kefo yama
humainaya yafena amakua aiyahae nohae. Kanileta yafatetiene siliva yafatetiene haesa
yafatetiene afa yafatetiene yosaletiene talo hu-malenaya yafena Anumayati mainae huya
hayanagi ani yayaga amaulaga oageya kea ohaviya kama vai oayeyama nehaya afa
anumayamo-gamiene Kefo Avamumogami amakiene alisaga huya Anumayati mainae.
huya nehaya kavala oatalenae.
21
Oataleneya veama hamae nefaliya yaene analisama nehaya
yaene kumaima nehaya yaene musufa yama hu-liteya nehaya yaenefena amakua aiyahae
nohae.
<<
99
>>
<<
10 10
>>
10
Ensole kanomoa avoma kaemale omana Yonina amigeno nemaine.
1
Anile nagaya Yonina agoana nagola tokiyaage ensole kanoa ikapinagati elavino egena
age-mainoe. Ani ensole kanomo augafamona siamoa alino anovai-tegeno anutela
fulagenamoa maleno kagi-mainegeno augosamoa yagemoma hia kava huno aivasa nehigeno
tole aiyamoa ata anefemo nehia tunage yosa kana nehigeno emaine.
2
Egena agogeno nagola
osi avona ayapi hanegeno tamaga aiyamoa hagelimo agupile ayegeno haoga aiyamoa
mopafi ayegeno huteno aye hala hale humaine.
3
Humaineno agema aiyana laiyoni afumoma
vale vale nehia avamete huno keha keha nehigeno sevenia (7) akali kalu ko nelino tusiya
huno monagemoa humaine.
4
Sevenia (7) akali kaluma hia kea havitena avopi ago kaegahe
huanagi ikapinagati nago kea falote huno mage huno higena havue Sevenia (7) akali kaluma
hia kea avopina okaeka fala-kilio. huno higena havue.
5
Havugeno timo agupileene mopafienema aiya aye hala halema hu-mainegena agoa
ensole kanomoa tamaga ayana ikate alisaga hie.
6-7
Huteno mage hie Haimuene kanogino
Anumaya Kotia mukia kanafina maige maige huno ikaene ikapinaga hanea yaene mopaene
mopafima hanea yaene hageliene hagelipima hanea yayagaene talo hu-malenea kanomo agile
tamage nehue. Anumaya Kotia nagoene agava omaigahigi seveni (7) molia ensole kanomoa
agaia ufena hugahe nehinageno Anumaya Kotia nayoma falakino hanea kea, agaia aliyama
ali-mainaya amaune vayama hamapai-mainea kemoa falote huno tamage hugahie. huno hie.
8
Higena hagoteno ikapinagatima higena havua kemoa eteno nagoene mage huno hie
Hagelimo agupileene mopafiene aiyama aye hala hale huno heti-maiya ensole kanomo
ayapima hanea ali vakaye-linea avona kagaya molio. huno hie.
9
Higena ani ensole
kanomote vuaamona mage huna hue Kagaya ani osi avo omana namio. huna hugeno
mage huno nahapaiye Kagaya alika no. Nesanana kavayafina tumemo timoma hia kava
huno hagaage hugahianagi nakaisanana kaipafinaga atuage hugahie. huno hie.
10
Higena ani
osi avona ensole kanomo ayapiti alina nogeno navayafinaga tumemo timoma hia avamete
huno hagaage hianagi nenama nakauvana naipafinaga atuage humaine.
11
Higeya Yoninia mage huya nahapaiye Kagaya nagoene alu amaugafa kalimai
veanene, alu kote kote mainaya veanene, alu make lu make neaiya veanene ala sauve
veanenefena kaune kea laga huka hamapaigane. huno nahapaiye.
<<
10 10
>>
<<
11 11
>>
11
Tole kanolatamo-gania Anumayamo kea huhaleana hu-mainae.
1
Nago kanomoa malena agege gege hisua ayopa kana kayona namiteno mage hie
Kagaya hetika Anumaya Koti mono noene kae salamana nehaya folamoleene mo maleka
agege gege huka hapalika ago. Ani nopina Anumaya Koti agima alisaga nehaya veala
hapalika ago.
2
Hapaligananagi malagama hanea mopa maleka agege gege huka ohapalio.
Ani kaiyaga Anumaya Koti kema nohavisaya veamogami amamineanagiya tagufa (3)
kafuene sikisia (6) ikaene ani veamoya Anumaya Koti kumala alu aotage kuma meli haviya
hugahae.
3
Nehisagena nagaya tolea nagai kema huhaleana hisaa kanolatana tokiyania
anamisugeana kayavo kena fai-lineana tagufa (3) kafuene sikisia (6) ikaene nagai kea
huhaleana hugae. huno hie.
4
Ani lole kanolatana ma mopafi kava humainea Anumayamo aule heti-mainaana tole
olivi yosa kana huteana tole kani kana humainae.
5
Nagoa veamoya ani kanolatana ali haviya
hugahema hisagenoa ani kanolatamogani anavayafitila atamo aikalu huno kame veaania
temasagalisigeya faligahae. E, anakaima ali haviya hunatesaya veamoya faligahae.
6
Ani lole
kanolatamo-gania tokiyaanileti Kola oaiyo. huana hisaageno kema huhaleana hisaa
kanafina kola oaigahie. Tifema Kolamaage huo. huana hisaagenoa ania hugahie.
Anakesama havisaa kanafina Tusia kana yaene kaliene falote huo. huana hisaagenoa ma
mopafi veala nagoene nagoene huana hamaegae.
7
Hamaegaanagi Anumaya Kotima anaminea kea hu hano hutesaageno kefo afai
afumoa ayola omaleno afepinaga tavi-mainea komufinagati ehaino me hanaesigeana faligae.
8
Falisaageno anaugafamoa ala kumamo katema, Anumayaanimona Yisasina yafaga
yosalema haeya asai-malenaya kumamo, yegegate malegahae. Avame kefima hu-maleya
nehaya ala kumamo agia Sotomuene Isipienene huya nehae.
9
Falisaa anaugafa yegegate
tagufa (3) kanaene ani kanamo yagemoa amunote enevigeya nagoa veanea alu kote kote
veanene, alu make lu make neaiya veanene, alu maugafa lu maugafa kalimai veaneyagaene,
ani kanolatamo-gani anaugafa ageme-geme vayanagi nagoa veamoya aliya hevainategahe
hayanagi ani veamoya Aao. huya hageya aliya hevai oanatenae.
10
Hevai oanatenagi ani
kanolatamogania mukia kotega veama tusiya huana ali haviyama hu neamataa kanolatama
falia yafenagiya tusiya huya musena nehuya muse yana amafaluamimo-gamina momami
memami hugahae.
11
Hugahagi tagufa (3) kanaene ani kanamo yagemoa amunote evia
kanamoa hano hutegeno Anumaya Kotia ani kanolatamo-gani anaugafafi hanaimula
huvainategeana ani kanolatana eteana hetiageya mukia veamoya ani yana agageno
amamayoa aigeya kolia humainae.
12
Koli nehuya haviyana ikapinagati ala kegefafiti ani
kanolatafena mage huno hie Tanakaya ehaitana eo. huno higeya kame veaanimoya age-
mainageana siapi hai-faleana ikapinaga hai-mainae.
13
Hai-mainaa anayufina tusia imila aliteno
ani ala kumakefa teniafi (10) ali fako hu-malageno anifiti ani imimoa nago kaiyaga ali haviya
higeno seveni tausenia veane (7,000) hamaegeya fali hano humaine. Naa hu-mainayafe
ofaliyama afaa mainaya veamoya tusia koli huteya ikapinagama mainea Anumaya Koti agia
alisaga humainae.
14
Tole kana yana ago hano hianagi avonio nagoke kana yana aupa kanafi falote hugahe
higena nahau hu nelamatoe.
Seveni (7) molia ensole kanomoa ufena humaine.
15
Anile seveni (7) molia ensole kanomoa agaia ufena higena havugeno ikapinagati
nagoa veamoya ala kegefafiti mage huya humainae Anumaya Kotiene taugafama
aligatisiafene huno hutenea kanoene ma mopafi kava veamogamina ago amakasaageya
anaiyafinaga mainayanagino Anumaya Kotia agola maige maige huno kava yagaigahie.
huya humainae.
16
Anile Anumaya Koti aule hanea sialema mainaya vayala tueti foa (24)
kava vayamoya mopafi asaga hu-laviya amakoya ye-maineya Anumaya Koti agia alisaga
huya mage hae
17
Vae Anumaya Kotigae tusia tokiyakaa haneanagika nayona mainananagika menia
mainananagika tusia tokiyakaleti aepa heka mukia yatela kava neyagaina yafe
tagaya kagaifena tusia musekaa nehune.
18
Kagai kema nohavia veamoya
kagaifena amaipa kafa henegatayafe kagaya kaipa kafa hemateka mukia fali-
mainaya veanema kaiyeke humateka kefo yaamimo anonaamia amamisana
kanamoa ago falote humaine. Ani kanafina kagai kema haviya amakupi malenaya
veanene kagai amaune veanene mukia kagai kagima alisaga huya kaiyafinagama
nemaiya veanene ala amakima hanea veanene osi amakima hanea veanene kanale
anona yaamia amamigane. Amamiteka nagoa veamoya ma mopafi veamogamima
ali haviya huneamataya veamogamina kefo yaamimo anonaamia kagaya ali haviya
humategane. huya humainae.
19
Hageno Anumaya Koti nona ikapinaga hanea mono nona yaki-talageno Anumaya
Kotima alino hagelafimatenea kema hanea pokisia ani mono nopina fufu yate hanegeya
neagageno anile ala agegefa neaigeno monagemoa tusiya nehigeno imila nealigeno
komopamoa talagufe-lavino aimaine.
<<
11 11
>>
<<
12 12
>>
12
Yonia nago aene ala osifavene age-maine.
1
Nagola tusia tokiyaage avame yana ikapinaga falote hie. Nago amoa mainegeno
kenaamoa yege aumona ayeno auvai-maigeno ikamoa aiyafinaga hanegeno anutela tuelufua
(12) kanefimoya tumano ku kana huno vai-line.
2
Ani amoa aipaene maineno inamu ya
alitegeno agata aigeno avovo humaine.
3
Nehigeno nagola tokiyaage avame yana ikapinaga falote hie. Nagola tusia haesa
osifave mainegeno sevenia (7) anuna hanegeno tenia (10) aveyaga anuyagafina hanegeno
sevenia (7) ala sauve kanomo tumano kuyaga ani avetela vai-line.
4
Ani osifavemoa ikatema
hanea kanefiyaga tagufafi (3) ali fako hu-malageno anifiti nago haupa kaiyaga kanefiyaga
aigoyaleti aye tafai-talegeno mopafi elavi-mainegeno ani osifavemoa amo aule hetino
nafaneama neatesiana ani havi osifavemoa haeno nesiafene huno agava maine.
5
Mainegeno
ani amoa ne nafanema neateana ani nafanemoa haenaga ala kano maiteno aeni ayopaa ali-
lineno mukia ma mopafi veate tokiyaage huno kava yagaisia nafanema neateana ani nafanea
aupaa hafaleya avalesaga huya anafinaga Anumaya Koti siale atenae.
6
Atageno ani amoa
nafanema atetenoa faleno vigeno Anumaya Kotia maisia kumala talo tala hutegeno kame
kotega viaamo tagufa (3) kafuene sikisia (6) ikaene Anumaya Kotia yagaitene.
7
Naa higeno ikatela tusia tua falote humaine. Ensolemo-gami kava kanoamimo agia
Maikoloe ensole vayayagaene tokaeya havi osifavene agaia Kefo Avamuyagaene tusia tua
humainae.
8
Tuma hayanagi havi osifavemo tokiyaa omalegeya asaga hu-mainageya avaleya
ikapinagati avaleya hagayu hu-talegeno nagoene anile omaigahie.
9
Ani nayoma nemaiya ala
osifavemo agia Satanie nehaya kanomoa ma mopafi veafena havigegeya huno ayemavataga
hugeno omai kanoene agaia avamuyagaene ikapinagatila amavaleya hagayu humatalageya
ma mopafina elavi-mainae.
10
Elavi-mainagena havugeno ikapinaga ala kegefafiti mage huno hie Anima avaleya
hagayu hu-talaya kanomoa tafu-tagana-gamina mukia kanafina humatege humatege huno
mage hie Ani kefo yana nehae. huno Anumaya Koti aufima hufalote nehia kanomona
ikapinagatila ago avaleya hagayu hu-talenaya yafe Anumayatimoa tagu tamema aligatisia
yamoa ago falote humaine. Anumaya Kotia agaia tokiyaa mukia veanea ago amave-liteno
agaya ala sauve kava kano maine. Maineanagino agaia tamaugafa aligatisiafene huno hutenea
kanomo kava yagaisia tokiyaa hane.
11
Haneanagino Satania tafu-tagana-gamifena Naa kefo
yana nehae. huno ali falotela hianagi tafu-taganaya Yisasia, Sipi sipi nafanemo kolamoma
tavi-mainea kene Anumaya Koti kemoene huhaleya humainaya yateti Satanina agase-
mainayanagi amakaiami amaugafahena amakesa ohaviya falisaya yafe kolia nohae.
12
Naa
humainaya yafe ikamogaene ikapinaga mainaya veanene musena hiho. Musena
hugahayanagi Satanina ikapinagatila avaleya hagayu hu-talageno ma mopafina elavi-
mainegeno Aupa kana kanoa maigahue. huno agesa havimainea yafenagino aipamoa ata
neleanagina avonio ma mopafiene hagelipiene mainaya yayagahena nahau hugi kayeho.
13
Ala osifavea ago avaleno hagayu hu-talegeno ma mopafi elavinoma emainea yana
ageteno ani ne nafanema atenea amona ali haviya hutesia yafe mo nati-maine.
14
Mo
natianagi Anumaya Kotia ani amona aluga aluga haopalega ala hakikimo agekona talo huno
ategeno ani amoa haleno kame kotega, Anumaya Kotia talo tala humalenea kumate
umainegeno Anumaya Kotia tagufa (3) kafuene sikisia (6) ikaene yagai-mainegeno ani havi
osifavemoa ali haviya hutesia tokiyaa omalene.
15
Omaleneno ani osifavemoa avayafitila
muvali-talegeno tavia timoa tusia ti hogino aiyayeno laviaamo ani amona asaga huno
nakaino ali haviya hisie huno ani kavala humaine.
16
Naa hianagi ani amona aya hisia yafe
mopamoa eko alino avaya aka hu-mainegeno ani osifavemo avayafitima lavia timoa ani eko
kapi tavi fale hano humaine.
17
Tavi hano hianagi ani osifavemoa amofena aipa kafa heteteno
ani amo aginagomoyaene tua hugahe umaine. Ani veamoya Anumaya Koti kahegi kema
haviya akavema nemaleya Yisasi humainea kema atafa hu-linaya veanene tua hugahe umaine.
18
Ani osifavemoa hagelimo agegayalega hetino maine.
<<
12 12
>>
<<
13 13
>>
13
Tole kefo afai afulatana vayi humainae.
1
Osifavemoa hagelimo agegayalega hetino mainegena nagaya Yonina agogeno nagola
kefo afai afua hage lipiti vayi higena age-mainoe. Ani kefo afai afumo anumoa sevenia (7)
anuyaga hanegeno tenia (10) aveyagamo anupitila hai-mainegeno ani aveyagamotela ala
sauve kanomo tumano kuyaga tenia (10) tumano ku vailine. Ani sevenia (7) anutela kefo afai
afumo agia hanegeno ani agiyagamoa Anumaya Kotifena kamuge hatageya vaiteya hu-
haviya hutaya agiyaga kae-malageno hane.
2
Ani kefo afai afumona agoana maa humaine.
Nagola afai pusimo agia lepatie nehaya afu kana huno aiyamoa nago ala afai kalamo agia
peamo aiya kana humaine. Avayamoa laiyoni afumo avaya kana hu-mainegena age-mainoe.
Agogeno ani ala osifavemoa agaia tokiyaaene ala kava hisia siaaene ani kefo afai afumona
amine.
3
Amigeno ani kefo afai afumona nago anuna ago hae-malenaya falitesea afugula
haneanagi amuna ageno ago eteno kanale hutene. Kanale hutegeya ageteya mukia ma mopafi
veamoya ageteya amamayo aigeya ani kefo afai afumona akave umainae.
4
Ala osifavemoa
agaia tokiya kefo afai afumona aminea yafe mukia veamoya ani kefo afai afumofena Alati
maine. huya agia alisaga humainae. Kefo afai afumo agiene alisaga nehuya mage huya hae
Hana kanomoa kefo afai afumo tokiyaamoma hia kavala huno hugahie? Ta agaienema
tuma hisia tokiyaa hane? huya hae.
5
Hageno Anumaya Kotia mage huno hie Atalegeno tagufa (3) kafuene sikisia (6)
ikaene kava yagaino. huno higeno ani kefo afai afumoa agaia agia alisaga huno Anumaya
Kotifena tusiya huno kamugea hatageno vaitene.
6
Ani kefo afai afumoa avaya aka-naka
huno Anumaya Kotina kamugea hu neateno Anumaya Koti agiene nemaiya kumaaene
ikapinagama mainaya veaaenena hu-haviya humatene.
7
Hu neamategeno Anumaya Kotia
atalegeno Yisasina amakua aminaya veanene tua huno amakaseteno mukia alu kote alu kote
veanene, alu make lu make neaiya veanene, alu maugafa lu maugafa kalimai veanene, kava
humatesia tokiya amigeno kava yagaino maine.
8
Kava yagai-maineanagiya mukia ma mopafi
veamoyama agia alisaga hugahayanagi maige maige hisaya hamaimuma hanea veamogami
amakima hanea avopi amaki kae-malenea veamoya agia alisaga ohugahae. Ani avona
Anumaya Kotia ma mopama taloma ohunea kanafina mage huno hu-maineane Nagai Sipi
sipi nafanea, Yisasia, faligahie. huno hutenea kanomo avone.
9
Nagi tamakesama hanesimo-gatama mani kea havilama hutama hiho.
10
Anumaya
Kotia E. huno hisigeya nagoa veamoya kina nopina ugahae Anumaya Kotia Naepe
kayoteti haetama falimato. huno hisigeya nagoa veamoya naepeleti falilamategahae. Ani
auava yamoma falote hisigetama Anumaya Koti kea haviya amakupima malenaya
veamogatama tokiya vaitama mani kea ali lokiya vaitama atafa hu-litama maiho.
11
Nagaya Yonina agogeno nago kefo afai afumoa mopamo agusafiti evayi humaine.
Ani kefo afai afumo anupina tole avela, sipi sipi nafanemo ave kana ave haneanagi agema
aiyana tusia puku pukumo age kana huno agea aimaine.
12
Neaigeno hagote kefo afai
afumoa tokiyaa amigeno ani himamuleti mukia ma mopafi veamogamitela kava humaineno
anima nago kefo afai afumoa mukia ma mopafi mainaya veamogamifena mage huno hie
Hagote kefo afai afumona anupina haeya falitesaya kava hageno amuna ale-maineanagino
eteno kanale hutenea afumo agia alisaga hiho. huno humaine.
13
Nehuno anima nago kefo
afai afumoa mukia alua augafa tokiyaage avame yana nehuno atamofena Ikapinagati
elavio. hunoma hiana veamoya neagageno atamoa ikapinagati mopafina elavi-maine.
14
Elavigeno hagote kefo afai afumoa Naa huo. huno tokiya amigeno nago afai afumoa
tokiya avame yama nehia yateti veala aye mavataga hiaamo ani veafena mage huno humaine
Tamakaya hagote kefo afai afua, naepeleti honomu ayageno faliteno eteno mainea afumo
agia alisaga hisaya yafe yosaleti avamename hutama amena talo hiho. huno humaine.
15
Higeya taloma hayana Anumaya Kotia atalegeya nago kefo afai afumo amena yosaleti talo
humalaya kefo afai afumo amela haimula amigeno aepa heno nagoa veamoya agai agima
alisaga nohageno haegeya fali-maine.
16
Ani kefo afai afumoa mage huno hie Mukia
veamogamina, amakima omale veanene, amakima hanea veanene, miyaami hanea veanene,
miyaamima omale veanene, nofipi maineya miya oali aliya nealiya veanene, amakaiami miya
alisaya aliyama nealiya veanene tamaga amayatelo hamanilelo ohananesia avona
kaemateho. huno higeya kasagoya veamo-gamina ani avomoa hamanileti kae-male kae-
male humaine.
17
Higeya ani avona hagote kefo afai afumo agio ifi ani agimo napamao
amaugafalema ani alegana yama omalenesaya veamoya nago yana alu veaneletila miya
ohigeya amakaiami yana alu veamoya miya ohugahae.
18
Nagoa veama kanale havi haviyaami hanea veamoya ani hagote kefo afai afumo
napamaa hapaliya havilama hisae. Ani napana nago kanomo agimo napamaa hane. Ani
agimo napana sikisi hataleti sikisiti sikisia (666) napamaa hane.
<<
13 13
>>
<<
14 14
>>
14
Kasagoya Sipi sipi nafanemo veamoya haegafa yagame humainae.
1
Nagaya Yonina agogeno Anumaya Koti Sipi sipi nafanea Saiyoni agoyale hetino
mainegeya kasagoya veamoya vani hataleti foti fo tausenia (144,000) veamoya agaienena ani
agoyale hetiya mainae. Ani veamogami hamanilela Sipi sipi nafanemo agiene agaia Nefa
agiene kae-malenae.
2
Nagaya ikapinagati kanale age aiya agea havugeno ti anamoma asaga
hu-lavino nelavino agema neaiya kava huno neaino monagemoma hia kava higena
havimainogeno kasagoya veamoya gitama neaigeno agema neaiya kava higena havimainoe.
3
Havugeya ani veamoya Anumaya Kotima mainea siamo auleene foa (4) hamaimuene
anagamo-gami amauleene kava vayamo-gami amauleene hetiya maineya haya yagamea
nagoa veamoya ohavinaya yagamea, haegafa yagame humainae. Ani yagame haya veanea
ma mopafi mainageno Anumaya Kotia amaku amamema aligati-mainea veala vani hataleti
foti fo tausenia (144,000) veamoya amakaiamige ani yagame havimainae.
4
Ani veamoya
anea amavayu huya ofaeyageno amakuamoa oniyaagela ohigeno Sipi sipi nafanemoa vai
neyageya ani veaamoya akavela vai neayaye. Anumaya Koti Sipi sipi nafanemoa faliteno
kefo yaamimo aigagimatenea yapiti miya humateteno ma mopafi veamogami amunopiti
hagoteno amaugafa aligati-mainegeno Anumaya Kotiteene Sipi sipi nafanemoteene
amavaleno amate-maineane.
5
Amategeya ani veamoya havige ohu vealagiya nagoa kefoamia
omaleneane.
Tagufa (3) ensole vayamoya kanale kea huhaleya humainae.
6
Nagaya agoana nago ensole kanomoa ikamo amunote haleno vai neayeno agola
hanege hanege huno nehanea kanale mono kea alino mukia ma mopafi mainaya
veamogamina alu kote alu kote veanene, alu make lu make neaiya veanene, alu maugafa lu
maugafa kalimainea veanene hamapaisia yafe vai neaye.
7
Vai-yeno ala kegefafiti mage huno
hie Anumaya Kotia veamogami alino kaiyekema humatesia kanamoa ago falote hu-mainegi
tamakaya koli nehutama Anumaya Koti agia alisaga hiho. Anumaya Kotia ikaene mopaene
hageliene mopafitima kapai nehagea tiene agaia talo hu-malegetama agai agia alisaga hiho.
huno humaine.
8
Hume hume nevigeno akavelega nago ensole kanomoa neeno mage huno humaine
Ala kumala Papiloni kumala tusiya huya ago aliya tagape aitalae. Papiloni veamoya mukia
kotega veafena mage huya humainae Tagayama huna kava hutama kumai yana hagaage
huno havili kana humainegi afaa neho. huya hageya ani kumai yana maiya humainae.
9-10
Ani lole ensole kanolamogani anakavela nago ensole kanomoa neeno ala kegefafiti
mage huno hie Nagoa veamoya kefo afai afuene amayateti avave-name huya talo hu-
malenaya ameenema agima alisagama nehuya Ani kanomo agia nayatelo nahanilelo agia
aigamaelato. huyama hu-mainaya veamogamina Anumaya Kotia haima nevaiya yana
aligahae. Anumaya Koti aipamoa haviya hinageno hai vaimateno ata nelenageno atuage huno
havili kana higeno takino amamisigeya ani veamoya ani havilina negahae. Nesayana alu
aotage ensole veamogami amauleene Sipi sipi nafanemo auleene himanaage ata nelea
yafayaga hanea atafi mainesageno amaleno asagalisigeya tusiya huya amakata aigahie.
11
Mukia kanafina ani amakatama aige aige hisia atamo halinamoa taga ohugahianagino agola
haige haige huno haigahie. Haigeya ani veamoya kefo afai afuleene amayateti avame-name
huya talo hu-malenaya amemaaene agia alisaga nehuyama ani kanomo agima amaugafale
hanesia veamoya mukia kanafina agola kegeene felugaene amaugafa amakata aige aige
hinageya hano ohugahie. huno humaine.
12
Havisayana tamakaya Yisasina tamakuama aminaya veamogatama Yisasife havitama
tamakupi malenaya kea atafa hu-linetama Anumaya Koti kahegi kema akave maletama
mailokiya vaitama maiho.
13
Nagaya Yonina ikapinagati nago kea havugeno mage huno hie Kagaya kea maa
huka kao mukia Anumayamoene ailokaeya nemaiya veamoya menima aepa heya falisaya
veamoya tusia muse hugahae. huno humaine. Higeno Alu Aotage Avamumoa mage hie E,
aliya ali-mainaya yana neataleya maifalu hisageya kanale kavama hu-mainaya yamoa
amakaiene ugahae. huno humaine.
Anumaya Kotia ma mopafima afule-mainea kavema hataka hisia kanamoa ago
falote humaine.
14
Nagaya agogeno nago efeage siatela nago vemoa ikapinagati emainea kanoa vayamo
atenea kano avamete hia kanoa siate maineno anute kava vayamogami tumano kula, kanileta
yafateti talo humale tumano kula vaiteno ayapina avenene huno fagagi-mainea naepe kayona
ali-line.
15
Ali-linegeno nago ensole kanomoa Anumaya Koti nopiti hati-lavino neeno ani
siatema maiya kanohena ala kegefafiti mage huno hapaiye Mukia ma mopafi kavemoa
afule-mainegeno ani kave alisuna kana haneanagika kagayama ali-linana naepe fagagi
humainea naepe kayotetila nesatema humainea kavela alio. huno hie.
16
Higeno siatema
maiya kanomoa fagagi-mainea naepe kayotetila mukia ma mopafima afule-mainea kavela
hataga humaine.
17
Nehigeno nago ensole kanomoa ikapinaga hanea mono nopiti hati-lavino elaviaamo
agaienena ania huno tusia kayona fagagino avenene huno naepe kayona ali-lino emaine.
18
Neegeno nago ensole kanoa atalema kava nehia kanogino afuma heya negaeyaya
folamole maineleti neataleno emaine. Eaamo fagagino avenenea naepe kayoma ali-lia
kanomofena ala kegefafiti mage huno hie Mukia mopafi nofi alagayagamoa ago afule-
maineafe kagaya ani naepe kayokaa alika ani nofi alagayaga mo hataga huka halaya huo.
huno humaine.
19
Higeno ani ensole kanomoa naepe kayomaa ali-lino ape huno mukia
mopafima hanea nofi alagayaga hataga huno helafi-lino viaamo veamoya amaiyaletima aye
lata-pageno timaamoma nelavia yafa yopa, Anumaya Kotia kefo yafena tusiya huno aipa
kafa huteno kefo yama nehaya veamogamina anonaamima amamisia ala yafa yopafi mo
malene.
20
Mo malegeno ala kumamona malaga ani nofi alagama aye lata-pegenoa anima aye
latapea kolamoa tusiya huno lavino lavino laviaamo timoa hogino veamogami amayonalema
nehaiya avamete huno hogino ayaaya kotega tali hataleti (300) kilomita tavigena age-mainoe.
<<
14 14
>>
<<
15 15
>>
15
Sevenia (7) ensole vayamoya sevenia (7) havi yatafa atafa hulinae.
1
Nagaya Yonina nagola tusia tokiyaage alegana avame yana ikapinaga falote higena
agoana maa humaine. Sevenia (7) ensole vayamoya anile maineya sevenia (7) havi yatafana
veamogami haenagalafa falote hisia ali haviya humatesia yana atafa hulinae. Anima ali haviya
humatesia yana hano hisigeno Anumaya Kotina aipamoma ata nelea yana agola hano
hugahie.
2
Nagaya agoana nagola hageli kotuna galasi kana huno alave alave nehigeno
amunoafina ata nelegena age-mainoe. Ani kotute mukia veamoya Kefo afai afuene
amayateti talo hu-malenaya amefeenena agia alisaga ohugahunagi. Agiene napamaaene
taugafalega okaegahae. huyama ani afumona agase-mainaya veamoya ani hagelimo
agegayale heti-maineya Anumaya Kotima amaminea yaveya atafa hu-lineya yagamea
humainae.
3
Ani veamoya Mosesea Anumaya Koti aliya kanomo yagamene Sipi sipi
nafanemo yagamene huya maa humainae
Ala Anumaya Kotigae tusia tokiyakaa haneanagika mukia humainana yamoa kanaleya huka
talo hanageta tagaya neagonageno tamayoa neaiye. Mukia mopafi veamogamina
ala sauve kanoami maineka kava neyagaika kagaikaa auava yakamoa tamagelafa
huno fatago humaine.
4
Ala kanomogae kagaikaage nagokemoga kefo yana ohuka
alu aotage kanoma mainana yafena hana kanomo kagaifena kolikaa ohugahie?
Hana kanomo kagai kagia alisaga ohugahie? Mukia mopafi veamoya kagaya
fatago huka mainana auava yakaa ago age-mainaya yafe kagaitega eaamoya kagia
alisaga hugahae. huya yagamefitila humainae.
5
Yagamea nehagena ikapinaga etena agoana mono nopina, kelamagema ali falote nehia
nona, alu aotage seli nona yaki-mainegena age-mainoe.
6
Neagogeya sevenia (7) ensole
veamoya sevenia (7) yayaga veama ali haviya humatesaya yama atafa hu-linaya ensole
vayamoya mono nopitila hati-laviya kumatega emainae. Ani veamoya oniya ohu kenamoa
alave alave huno efeage humainea kena fai-lineya kanileta yafateti talo humale nofila
amaifiyafale ayegalaki-lineya emainae.
7
Ageno foa (4) hamaimuene anagamogami
amunopitila nago kanomoa eaamo sevenia (7) yopa kanileta yafateti talo humale yopayaga
ali-lino amamine. Ani yopayagafina Anumaya Kotia maige maige huno mainea kanomona
haima vaigeno aipamoa atama nelea yana ani yopafina havate-maine. Havate-mainegeno
alino sevenia (7) ensole veala ani yopayaga me mamine.
8
Me mamigeya Anumaya Kotina
tokiya hale yamaaene himamuaene halina kana huno ani mono nopina havate-maine. Havate-
maineanagiya nagoa veamoya ani nopinaga haiya ofalenae. Ofalenayanagiya sevenia (7)
ensole veamoya anima sevenia (7) ali haviya humatesaya aliyaamia ali hano hutesageya
veamoya eteya ani nopinaga hai-falegahae.
<<
15 15
>>
<<
16 16
>>
16
Anumayamona haima nevaiya yana sevenia (7) yopafiti aliya aihelafi-talene.
1
Naa higena havuana ikapinaga hanea mono nopiti nagola tusia agegefa aigena
havugeno sevenia (7) ensole vayafe mage huno hie Tamakaya Anumaya Kotina haima
vaigeno aipamoa atama nelea yana sevenia (7) yopafi hanegi alitama mopafi mo aitagu-
feho. huno hie.
2
Higeno hagote molia ensole kanomoa viaamo ani yopaafima hanea yana alino mopafi
mo aitagu-fegeya kefo afai afumo avoma amaugafalema kae-malenea veamoya ani kefo afai
afumo amefena Anumayati mainane. huya agima alisaga nehaya veamogamina tusia kele
amamu amale-maine.
3
Amamuna amalegeya mainageno anile molia ensole kanomoa yopaafima hanea yana
alino hagelipi mo laki-talegeno ani hagelimoa falimainaya veamogami kolamoma hia kava
huteno mukia tipima mainaya kafayaga faliya faluti-mainae.
4
Falutigeno anile tagufa (3) molia ensole kanomoa yopaafima hanea yana ala tima
nelavia tipiene kapaima nehagea tipiene taki-talegeno ani liyagamoa kolamaage ti hapae-
maine.
5
Naa higena havugeno titema kava yagai-mainea ensole kanomoa mage huno hie
Anumaya Kotiga nayona mainananagika menia ania huka maineka kefo yana nohana Alu
aotage kanogika kaiyekema humateka kefo yamo anonaama hu-matana yana fatago huka
nehane.
6
Ani veamoya kagaikaa alu aotage veanene amaune veanekaene hamayageya fali-
mainae. Faligeno ani veamogami kolamoma takilavi-mainea yafe kagaya ani kefo yaamimo
anonaamia neamaminanagiya ani kola tima nesayana kagaya kanale kava hu nematane.
huno humaine.
7
Higena havugeno afuma heya kae salamanama hu neataya folamoleti nago
kemoa falote huno mage hie E, tamage mukia tokiyakaa hanea Anumaya Kotiga kaiyekea
fatago hulama huka hu neamatana kano mainane. huno humaine.
8
Higena agogeno anile fo (4) molia ensole kanomoa yopaafitila yagefi ailaki-talegeno
Anumaya Kotia atalegeno yagemoa tusia amukoage huteno mukia veala teno amasagali-
maine.
9
Amasagaligeyagi veama kefo yamo anonaamima amamisia tokiyaama hanea
Anumaya Koti agia aye haviya nehayanagiya amakua aiyahae huya Anumayamo agia alisaga
ohunae.
10
Ohageno faefu (5) molia ensole kanomoa yopaafima hanea yana kefo afai afumo
siale taki-talegeno mukia ani kefo afai afumoma kava humatenea kaiyaga tusia hani kigeya
agai veamoya amaugafa amakatama aiya yafe amakaiami amavefunafi hataga hatago huya
akafula ani-mainae.
11
Neanigeno amaugafaleenena amamuna amaleno amakatama aiya
yafena ikapinaga mainea Anumaya Kotifena kamuge hatageya vaitayanagi kefo yama
humainaya yafena amakua aiyahae ohunae.
12
Aiyahae ohageno sikisi (6) molia ensole kanomoa yopaafima hanea yana tusia lina
Yufaletisi lima nelavia tipi taki-talegeno ani limoa taneno hau huteno ala kakefa falote
humaine. Higeno yagema vayi nehilegati ala Sauve vayama esaya kamoa falote humaine.
13
Falote higena nagaya neagogeno tagufa (3) Kefo Avamula utu kana avamula nagola
osifavemo avayafiti vayi higeno nagola kefo afai afumo avayafiti vayi higeno nagola
havigegeyama nehia aune kanomo avayafiti vayi humaine.
14
Vayi huteya ani talia (3) Kefo
Avamumoya haiya maineya tokiyaage avame yana nehuya mukia ma mopafi Sauve
vayatema vayana ani vayala amavaleya alitalu humategahe umainae. Tusia tokiyaama hanea
Anumaya Kotia ala tuma hisia kanafina Anumaya Kotiene tuma hisaya yafe melitalu
humatenae.
15
Yisasia mage huno humaine Haviho Omegahie. hutama nehaya kanafina musufa
kanomoa neea avamete kava huna egahue. Egahuanagi ani kanafina kenaamia omalenageya
alapaagela maisaya veala amakayea ohisaya yafe menia nagaifema amakesa nehaviya amaula
ofaeya kenaamia fai-lisayana musena hugahae huna nehue. huno humaine.
16
Utu kana Kefo Avamumoya mukia kotegati ala Sauve veamogamina amavaleya
ayaamoya Yuta veamogami kefina Amagetoni huya nehaya kumate melitalu humatene.
17
Aupaa seveni (7) molia ensole kanomoa yopaafima hanea yana ikate hanea yasifi taki
nea-talegeno ikapinagama hanea mono nopitila ala kegefa falote huno mage hie Mukia yana
hai hano hie. huno humaine.
18
Ani kea nehigeno aulumaya kotino ute ete higeno
monagemoa tusiya huno agea neaigeno tusia imila ali-maine. Veamoya ma mopafima
mainaya kanafina ania augafa imila aligeya oagenayanagino mukia imila agaseno tusia
imikefa ali-maine.
19
Aligeno ala kumala Papilonia ali haviya huno tagufafi (3) ali fako higeno
mukia ma mopafi ala kumayagaene alino haviya humatene. Anumaya Kotia Papilonia ala
kumapi maineya kefo yama nehaya veafena agela okaninegi agesa havino haima nevaiya
yamoa aipafina ata nelegeno kefo yaamimo anonaamia amamigeya alimainae.
20
Ala imikefa
aligeno mukia hagelimo amunopima hanea mopaene agoyagaene fanane humainae.
21
Tusia
komopa, yafa ku kana huteno, ala alaisi ku kana huno kanaage huno ikapinagati asaga hulavi
hulavi hiaamo veamogami amaugafale taviaamo ali haviya humategeya Anumaya Kotifena
Otahaiya kano mainane. huya kamugea hatageya vaitenae.
<<
16 16
>>
<<
17 17
>>
17
Tusiya huno kumaiya nehia amoa kefo yamaamo anonaa ali-maine.
1
Sevenia (7) yopa atafa hulinaya ensole vayapiti nagoke ensole kanomoa eaamo
nagaifena mage huno hie Kagaya male egena kavelino. Ma kumai amoa, timona avoyalega
ala kumate mainea amoa, kefo yamaamo anonaa alisia yafena nagaya kaveligahue.
2
Mukia
ma mopafima mainaya Sauve vayamoya ani kumate mainaya veanenena tusiya huya
kumaiya heya vai neayageya ma mopafima mainaya veamoyaenena ani kumate veanenena
kefo yama nehaya kava huya havilima neya anegi-nagima nehaya kava humainae. huno
higena havi-mainoe.
3
Nehavugeno Alu Aotage Avamumoa nagaila Yoninia tokiyaa namitegeno ani ensole
kanomoa navaleno vea omai kame kotega mo natene. Mo nategena nagaya nago akefa
agoana haesa kefo afai afumo agupifi mainegena age-mainoe. Ani kefo afai afumo
augafalela Anumaya Kotina kamugema hatageya amakiya agia augafale kae-malenae. Ani
kefo afai afumona sevenia (7) anuyaga hanegeno ani anuyagalela tenia (10) aveyaga hane.
4
Hanegena nagaya agoana ani akefamoa oko kenaene haesa kenaene fai-lino maine.
Miyamoa hai-mainea seveliyaene kanileta yafateti talo humale yaene fai-linegeno augafalela
aleale nehigeno maiya akefa age-mainoe. Agogeno ayapina kanileta yafateti talo humale
keayola ali-linegeno kumai yama nehia yaene havigu-nagu himanaage kefo yamaaene ani
keayopina havate-maine.
5
Ani amo hanilela agaia agia avame kea mage huya kae-malenae
Papilonia ala kumatema mukia kumai yama nehaya yaene ma mopafima kefo yama nehaya
yaenena itaamoe. huno kae-malene.
6
Kaegenama agoana ani amoa mukia Anumaya Kotina
alu aotage veanene, Yisasima hulatenea mono kema hamanepaiya veanene hamaegeya fali-
mainaya veamogami kolana ani amoa valu valu huno neteno havilima neteya anegi-nagima
nehaya kava higena agetena atali talu nehugeno namayoa aimaine.
7
Neaigeno ani ensole
kanomoa mage huno hie naa higeno kamayoa neaiye? Nagaya ani amofeene agupifima
mainea afua, sevenia (7) anuyaga hanegeno ani anuyagalela tenia (10) aveyaga hanea
afuenefena falakino hanea kea hu falote huna kahapaigahue.
8
Agana kefo afai afumoa
nayona maineanagino meni kanafina ago fali-maineanagino haenagaa ayoma omale
komufitila hetino ataleno ehaisiaamo hani yapima tegelege nehia atafina agola umaigahie.
Umaigahianagi Anumaya Kotia ma mopa taloma ohunea kanafima hanea avopina, maige
maige hisaya hamaimuma hanea veamogami amakima kae-malenea avopina, ma mopafi
mainaya veanea amakima okaenea veamoya ani kefo afai afuma agesayana atali huya tusia
amamayo aigahie. Ani afua nayona maineanagino menia ago fali-maineanagino haenagaa
eteno evayi hisia afai afue.
9
Kanale havi haviyaamima hanesia veamoya mani yafena
havilama huya havigahae. Haviho. Ani kefo afai afumona sevenia (7) anumoa sevenia (7)
agoyale humaleno higeno ani kumai amoa ani agoyale maine.
10
Naa higeno ani anuyagamoa
sevenia (7) ala sauve kava vaya mainae. Maineya ani sauve vayapitila faefua (5) ago faligeno
nagoke menia mainegeno nagokela yaufa falote ohune. Haenaga evayima hisiana osi kana
kanoa maigahie.
11
Maigahianagi kefo afai afumoa nayona maineanagino menia ago fali-
mainea afugino eiti (8) molia Sauve kano maineanagino seveni (7) molia Sauve anagapi
maineanagino hani yapi visiaamo tege-lege nehia atafi agola umaigahie.
12
Agana tenia (10) avemoa tenia (10) Sauve vaya maineya menia yaufa kava aliyana
oalinayanagiya kefo afai afuene tokiyaami aliteya ani kava aliyana aupa kana kanoafi kava
yagaiteya atalegahae.
13
Ani tenia (10) Sauve vayamoya nagoke amaku amakesale maineya
tokiyaamia kefo afai afumona amigahae.
14
Amiteya ani Sauve vayamoyaene kefo afai
afuene ali nagopi ataleya Sipi sipi nafanenema tuma hisayana Sipi sipi nafanemoa, ala kava
veamogamina kavaami maineanagino ala Sauve veamogamina ala Sauve kanoami mainea
yafe ani luma hisayana amakaila amakasegahie. Nagaitega eho. hunoma huyogi-malenea
veamoya mukia kanafina efi efi huya agai kema akave nemalaya veanene Sipi sipi nafanene
ailokaeya maineya ani luma hisayana amakasegahae. huno ani ensole kanomoa higena
havimainoe.
15
Havugeno mage huno nahapaiye Agana tiyaga, kumai amoa ani ti avoyalema
mopale mainea timoa, veafe humaine. Kasagoya veamoya alu kote alu kote veanene, alu
make lu make neaiya veanene, alu maugafa lu maugafa kali-mai veanene elitalu huya maine.
16
Anima tenia (10) aveyagama hanegeka agana tenia (10) Sauve vayamoyaene ani kefo afai
afuene ali nagopi ataleya ani kumai amona amaipa kafa huteteya ali haviya hutegahae.
Huteya aluya huya tua huteteya kenaa augafaletila hate-taleteya augafa alagaage mainesigeya
augafamona amea neteya atafi kae-talegahae.
17
E, Anumaya Kotia agaiama humainea kemoa
tamage huno falote hisiafene huno ani amaku amakesa tenia (10) Sauve vayamogamina
amaminegeya nagoke amakesageya haviteya Ala kava kano maisie. huya ani kefo afai
afumona tokiyaamia aminae. Amigeno kavama maisia yamaa hanesigeno Anumaya Kotia
hamapai-mainea kemoma falote huno tamagema hisia kana ani kefo afai afumoa hano
hugahie.
18
Ani akefa aganana tusia ala kava yagai-mainea kumala, mukia Sauve vayamogamina
ago amakaseno hai-mainea kumafe nehie. huno higena havimainoe.
<<
17 17
>>
<<
18 18
>>
18
Papiloni kumamoa ago haviya humaine.
1
Ikapinagati nago ensole kanoa elavigena nagaya Yonina agogeno ani ensole kanomoa
tusia tokiyaa hanegeno elavinoma eana yagemoma aivasa nehia avamete huno konagali
yamaamoa mopamona aivasa humaine.
2
Hu-malegeno ani ensole kanomoa ala kegefafiti
mage huno hie Papilonia ala kumakefamoa tusiya huno ago haviya hu-mainegeya menia
Kefo Avamuyagaene nagoa fali-mai afuyaga aye laga-feya nevaiya namayagaene ani
kumapina ali vai-mainae.
3
Ani Papiloni veamoya mukia kotega veafena Tagayama nehuna
kava hutama kumaima he auava yamoa hagaage ti kana hu-mainegi neho. huya hageya ani
kavama haya yamo ani kumala agola ali haviya humaine. Mukia ma mopafi Sauve vayaene
ania huya agaiene kumai yana hu-mainayagiya ma mopafi miyana tusia miya alisaya aliya
nealiya veamoya tusiya huya kumai yana hu-liteya haya yateti ala miyakefa ali-mainaya yafe
ani kumala agola ali haviya hu-talenae. huno humaine.
4
Nagaya havugeno nago kemoa ikapinagati mage huno humaine Mukia
veanimogatama ani kumapitila neataletama hati-lavitama malaga eviho. Havigu nagopi
tamakaya afalu falu hutama mainesageno ani veamogami kefo yaamimoene huyafenagi
ailokaetama ani veamogami kefo yamo anonaami aliyafenagi hati-lavitama eviho.
5
Ani
veamoyama humainaya kefo yaamimoa ala itugefamoma hia kava huno maleme maleme
ikapi nehaiyanagino Anumaya Kotia mukia ani kumate veamoyama hu-mainaya kefo yafena
agesa havino maine.
6
Anumaya Kotigae neaganageno agoma kefo yama humainea
yamaamona alika tolegeya ali lokaeka hu-mainea avamete masufina takika amigeno neno.
7
Ani kumai amoa agaia augafa alino nehaino ageno hayema hia kavama hu-mainea yatetila
kagaya ania huka augafa agata aisia yaene tusia aviteno augafahema kalagi aisia yaene amio.
Ani amoa agupinaga mage huno nehavie Nagaya ala Sauve anemo siale mainoanagina
megusa akefa omainoanagino nagaitela kana yamoa falote hisigena nagaya avia oategahue.
huno agesa havimaine.
8
Havianagi ani kefo yama humainea yateti aupaa nagoke yupa
anonaa agata aisia yana falote hugahie. Ani kumate mainaya veamoya kasagoya kaliene
amaka tesia yaene aliteya falisageya mukia veamoya amahau huya avi tegahae. Atamoa
Papiloni kumala tesagali-talegahie. E, tusia tokiyaa hanea Anumaya Kotia havino kaiyekea
humateteno anima amaugafa amakata aisia yana tusi yate amamigahie.
9
Mukia Sauve vayamoya ani kumai akefaenena kumaima heya mukia kefo yaenema
humainaya Sauve vayamoyama ani kumatema kae-malesageno ata halinamoma ageteya
tusiya huya hamauna huteya avia ategahae.
10
Ani veamoya agatama aiya yama alia yafena
tusia koli huteya aluale hetiya maineya mage huya hugahae Vaeha tahau hane tahau hane
Papilonia ala kumala tokiyaage kumamogagi nagoke yagefi kaugafa kagata yana anonakaa
ago ali-mainane. huya hutegahae.
11
Ma mopafima tusia miyama alisaya aliya nealiya veamoya afeno yaamima miya
hisaya veanea omaigeya ani kumafena amakesa havi havi huya avia neateya amaipamoa
kanaage hia yapi maigahae.
12-13
Ani afeno yama miya hisageya monea alisia afeno yana
kanileta yafateti talo humale yaene efe yoleti talo humale yaene miyamaamoa hai-mainea
seveliyaene sesuyagaene haesa ohaesa kenaene kayogayo humainea kenaene oko kenaene
mukia kanale manaage yosaene afumo avete talo humale yaene miyamaamoa hai-mainea
yosale talo humale yaene haesa yafateti talo humale yaene kapaleti talo humale yaene
tokiyaage yafaene manaage kimamufaene hagaage higeya nenaya yamoene manaage
halinama nehia yaene manaage masaveene vaini tiene atafi negayaya masaveene tanefa
falauvaene vitimo alagaene pulamakaene sipi sipiene hosi afuene hosimo avayuma nehia
kalene veamogami amaugafa mukia miya higeya nofipi maineya miya oali aliyama nealiya
veanene, aliya vaiyatete nehaya afenoami miya hisaya veanea omaigeya avia neateya
amaipamoa kanaage humainae.
14
Humainageya ani ala kumafena mage huya hugahae
Mukia tamahayema higetamama nealiya afenoyana ago tamahafaleya hano hutalae. Kanale
miya afenotamiene konagali yatamiene ago hano hianagitama nagoene oaligahae. huya
hugahae.
15
Huteya ani veamoya ani ala kumapitima afenoyaamileti monema hu-hatiyama nealiya
veamoya ani ala kumatema mainaya veamoya kefo yamo anonaamia amakatama aiya yana
aliya yafe tusia koli huteya aluale hetiya maineya avia neateya kalagila neaiya hamauna
hugahae.
16
Nehuya mage huya hugahae Vaeha tusia tahau nehane tahau nehane. Nayona
kanale kenakaa haesa ohaesa kenaene oko kenaene fai-lineka konagalima ali-maleneka
kanileta yafateti talo humale yaene kanale miyamaamo hai-mainea seveliyaene kaugafale vai-
lineka konagalia ali-maleka nemainane.
17
Nemainanagi nagoke yagefi mukia ani ala mone
afeno yakaa mukia ali haviya hugatae. huya hugahae.
Nehisageya Mukia tipi kalefi kava vayaene tipi kalema aliya vai neayaya vayamoyaene
ani tipi kalefima aliya nealiya yapiti miyamaa ali-mainaya veanene aluale heti-maineya
Papiloni kumala agegahae.
18
Neageya Papiloni kumala atamoma teno asagaligeno
halinamoma muti muti hia yana neageya mage huya hugahae Ani kumala mukia kumala
agase-mainea kumalageno teno ali haviya nehie. huya hugahae.
19
Nehuya tanefa kateya
amanupi aiteya avia neateya hamauna nehuya mage huya hugahae Vaeha ala kumamogae
tusia lahau nehane. Mukia tipi kaleyagamona amafaheya anile visayaamoya miyaamima ani
kumategatila ala huya nealiyanagi nagoke yagefi haviya-tafana hane. huya hugahae.
20
Hugahayanagi tamakaya ikapinaga mainaya veamo-gatamaene Yisasina tamakua
aminaya veamo-gatamaene Aposolo vayamo-gatamaene Anumaya Koti aune
veamogatamaene ani kumama ali haviya hutalea yafena muse hiho. Ani ala kumamo
tamakaila ali haviya hu nelamatea yafenagino Anumaya Kotia kefo yamaamo anonaa ago
amine hutama hiho. huno humaine.
21
Higeno nagola tokiyaage ensole kanomoa nagola tusia yafakefa alisaga huteno
hagelipi hagayu hu neataleno mage huno hie ani ala yafakefama hagayu hutaloa yamoa
Anumaya Kotia ani avamete huno ani Papilonia ala kumala, alino tusiya huno ali haviya
huteno alino hagayu hu-talenageno fanane hinageya nagoene veamoya oagegahae.
22
Yaveyamoma agema neaiya yaene alua alua yagamema nehaya yaene kapufama nehaya
yaene ufema nehaya yamoenena nagoenena agea aisigeya ohavigahae. Veamoya kagaipina
nagoene aliyana oaligahae. Talo tala huya imuma kiya kanafima kema yeso nehisaya kea
nagoene ohavigahae.
23
Nayona kagai veamoya miyana hu hatisaya aliyama nealiya veamoya
ma mopafina ala veane mainagetama tamakaya alua alua hanageke yama humatenaya yamoa
mukia veala ayemavataga hu-mainayafe Anumaya Kotia tamakai kumala ali haviya hu-
taleneanagino tamakai kumatela kanimoa nagoene aivasa ohugahie. Anema aligahe hageno
amoa vema aligahe higeya musema nehaya kemoa tamakaipina nagoene falote ohugahie.
24
Anumaya Kotia ageana ani kumate mainaya veamoya Anumaya Kotina amakua
aminaya veanene agai amaune veanenena ma mopafina kasagoya veanenena hamaeya
falimatenaya kolamoa ani kumapina hanea yafe auhanageke yamaamoene hanea yateti
Anumaya Kotia ali haviya hutegahie.
<<
18 18
>>
<<
19 19
>>
19
Ikapinaga mainaya veamoya Papilonima haviya hia yafene muse humainae.
1-2
Nagaya anile havugeno kasagoya ikapinaga mainaya veamoya ala kegefafiti mage
huya hae Tagaya Anumaya Koti agia alisaga hisune. Anumaya Kotia kaiyekema
humategahena kanaleya huno kelamage keleti fatago huno kaiyekea hu neamateno ani kumai
amona tokiyaama hanegeno mukia ma mopafi veafena Kefo yama hiho. huno ali haviya hu
neamatea yatetila Anumaya Kotia ani kefo yamo anonaa ago amine. Ani kumai amoa
Anumaya Koti aliya veala hamaeno falimateneanagino ani yateti Anumaya Kotia kefo
yamaamo anonaa ago amine. Amineanagita Anumaya Koti agia alisaga hisune. Anumaya
Kotitimoa agaiage tokiyaage hale yamo aepa maineanagino tagu tamena ago aligati-
maineanagita agia alisaga nehune.
3
Eteya ala kegefaleti nagoene mage huya hae Tagaya Anumaya Koti agia alisaga
hisune. Ani kumala atama leno asagali-talia yapiti halinamoa agola haige haige huno nehaiya
yafe Anumaya Koti agia alisaga hisune. huya humainae.
4
Nehageya tueti foa (24) kava
vayamoyaene foa (4) hamaimuene anagamoyaenena ala sauve kanomo siale mainea
Anumaya Kotite asaga hulaviya amakoya yemaineya agia alisaga nehuya mage hae
Tamagelafa huya nehayanagita Anumaya Koti agia alisaga hisune. huya humainae.
5
Nehageno ala sauve kanomo sialeti nago kemoa falote huno mage hie Tamakaya
Anumaya Koti aliya nealitama aiyafinagama mainaya veamogatamaene afa veanene
tamakima hanea veanenena Anumaya Koti agi alisaga hiho. huno humaine.
Sipi sipi nafanemoa ane aligeya kave talo tala hu-malenae.
6
Anile nago kea havuana kasagoya veamoya alitalu huya maineya ailalupeya haya
kemoa, timoma anama nelavino agema neaiya avamete nehuya, monagemoma nehia
avamete huya ala kegefafiti mage huya hae Anumaya Koti agia alisaga hisune. Anumaya
Kotiti mukia tokiyaa hanegeno kasagoya kava veamogamina amakaseno agaiage ala kava
kano maineanagita agia alisaga hisune.
7
Sipi sipi nafanemoa ama alisia kanamoa ago falote
higeno alisia amoa ago talo tala huno maineafe tagaya tusia muse nehuta taipa kanale yapiti
yagamea huta Anumaya Kotina tokiyaage hale yamaa hanea agia alisaga hisune.
8
Anumaya
Kotia oniya ohuno efeage humainea kena ani amona amigeno fai-line. huya humainae. Ani
kenahema hiana Yisasina amakuama amitafa huteya alu aotage veanema fatago huya
nemaiya veamogami auavafe humaine.
9
Anile ensole kanomoa Yisasina amakua aminaya veafena mage huno nahapaiye
Kagaya mani kea avopi kao. Sipi sipi nafanemoa ama alisia imua ago kimalegeno Eho
huno ke humalenagiya esaya veamoya tusia muse hisae. Mani kea Anumaya Koti kelamage
kea hugeka nehavine. huno humaine.
10
Higena nagaya ani ensole kanomo agia alisaga
hugahe aiyafi asaga hulavina nagoya yemaugeno Aaogi kagaya naa ohuo. Nagaya kagaiene
kafu-kaganayaenena, Yisasi kema havitama atafa hu-linetama huhaletama nehaya
veamogatamaene nagoke aliya nealuna kano mainogi nagai nagia alisaga ohuganagi
Anumaya Koti agiage alisaga huo. Yisasima humainea kemoa Anumaya Koti kema huhaleya
hisaya tokiya veamogami amamine. huno nahapai-maine.
Yonia ageana nago kanomoa efe hosimo agupifi mainegeno agemaine.
11
Ikamoa aihagalo higena agogeno nagola efeage hosimoa mainegena age-mainoe. Ani
hosimo agupifima maiya kanomo agimoa maa humaine Efi efi huno kanale aliya nealia
kanoe. Kelamage kegeya nehia kanoe. huya agia aye-mainae. Ani kanomoa fatago huno
kaiyekea humateno nagoa veamoyaenema tuma hisiana fatago yateti huno tua nehie.
12
Aulagamoa atamo kani kana huno aiha nelegeno anutela ala Sauve vayamogami tumano
kuyaga kasagoya vai-linegeno augafalela nago agia kae-malegeno ani agia agaiage havilinea
agi haneanagiya mukia veamoya ani agia ohavinae.
13
Agaiama fai-linea kolamoa ayaaya
kenaale tusiya hu-mainegeno Anumaya Koti aepama hugafino humainea yafe agima ayayana
Anumaya Kotina keae. huya agia ayemainae.
14
Ikapinaga ati vayamoya efe hosiyagamo
agupifi maiteya kanaleya huno efeage huteno oniya ohu kena, faili faili huya akavela
umainae.
15
Nevageno mukia ma mopafi veanema hamaesia avenene humainea naepea
avayafina aniline. Ani-lineanagino amakaseno hagote Sauve kano maineno tokiyaage huno
mukia veamogamina kava humategahie. Humateneno veamoya nofi alagayaga amaiyaletima
aye lata-pageno timaamoma nelavia avamete kava huno ani kanomoa tusia tokiyaama hanea
Anumaya Kotia haima vai neamatea kame vayaa kefo yamo anonaamia amamigahie.
16
Neamamino kenaaleene aiya amoteenema kae-malenea agimoa maa humaine Ala Sauve
vayamogamina ala Sauve kanoamie. Ala kava veamogamina ala kavaami mainea kanoe.
huno agia kae-malene.
17
Kae-malenegena neagogeno nago ensole kanomoa yagemo aufi hetino mukia ikamo
amunote haleya vai-yayea namayagahena mage huno hie Tamakaya Anumaya Kotia ala
kavema taloma humalea kavetela melitalu hiho.
18
Melitalu hutama fali-mainaya Sauve
veanene ati veate kava veanene mai-lokiya vaiya nemaiya veanene hosi afuyagaene ani
hosimo agupifi nemaiya vayaene, nofipi maineya miya oali aliya nealiya veanene afaa
mainaya veanene, ala amakiene veanene, osi amakima hanea veanene mukia falisagetama
amakaila amaugafamo amamela negahae. huno humaine.
19
Higena nagaya agoana ani kefo afai afuene ma mopafi Sauve vayaene ati
vayaamienena efe hosimo agupifima maiya kanoene ati vayaaene tu hugahe melitalu
humainae.
20
Naa hayanagi anima efe hosimo agupifima maiya kanomoa kefo afai afuene
havigegeyama nehia aune kanoene alino nofi hunatene. Ani kefo afai afumoa hapaigeno ani
havigegeyama nehia aune kanomoa tokiyaage avame yana humaine. Nehuno anima
tokiyaage avame-name yama humainea yateti amaugafalela kefo afai afumo agia kae-
malenageya kefo afai afumona amemaamo agima alisaga nehaya veanena havige aye
mavataga humaine. Anima aye mavatagama humainea kefo afai afuene havi aunema laga
humainea kanoene hanaegeana ofalinaagi afaa hanaimula hanegeya anavaleya tusia komugefa
himanaage yafayagama hanegeno atama tegelege nehia komufi anasaga huno vai-talenae.
21
Vai-taleteno efe hosimo agupifima maiya kanomoa mukiama melitalu humainaya ati
vayamogamina ayaaya naipea avayafina ani-lineanagino ani naipeleti hamaegeya fali-mainae.
Faligeya mukia namayagamoya ani veamogami amaugafa aye laga-feya nageno tusiya huno
amamupa-napa ayemaine.
<<
19 19
>>
<<
20 20
>>
20
Satanina vani tausenia (1,000) kafu nofi huteno maine.
1
Nagaya Yonina agogeno nago ensole kanoa ikapinagati elavi-maine. Ani kanomo
ayapina ayola omale komule ki nofiene ayaaya seni nofiene hanegeno elavi-maine.
2-
3
Elaviaamo ani osifavea metafa humaine. Ani osifavea ehe kanafima mainea osifavea kame
kanotigino agia Satanie. Ani Satanina metafa huno tokiyaage seni nofila kiteteno anima
ayoma omale komufina asaga huno vai-taleteno avaya tileno tokiyaage hutegeno Satania
vani tausenia (1,000) kafu ani komufina nofipi maineanagino ani kanafina veamogamina
havigea aye mavataga ohugahianagino vani tausenia (1,000) kafuma hano hutesigenoa ani
komufitila atalesigeno aupa kana kanoafi ute ete hugahie.
4
Anile nagaya agoana nagoa veala ala sauve vayamogami siale mainageno Anumaya
Kotia kaiyekema humateya ali fako hu-matesaya aliyamo tokiya amamine. Ani veamoya
Yisasina amakua amiteya agai kene Anumaya Koti kene hamapai-mainaya yatetima amakeya
hataga hageya falimainaya veamogami amamena age-mainoe. Ani amamema agoa veamoya
kefo afai afuene talo hu-malenaya ameene agiene alisaga ohuya kefo afai afumo agienema
hamanileene amayateenema omalene. Omalea veamoya eteya hamaimula aliteya ala kava
veane maineya Kalaisiene vani tausenia (1,000) kafua kava yagaiya maigahae.
5
Ani veanema
heti-mainaya kana hagote-lamateya fali-mainaya veala hetisaya kana hane. Haneanagi
nagoama fali-mainaya veamoya ani kanafina heotigahagi vani tausenia (1,000) kafumoa hano
hu-tesigeya hetigahae.
6
Anima hagoteya hetisaya veala Anumaya Kotina alu aotage veanea
mainayanagiya tusi muse hugahae. Anumaya Kotia tegelege nehia atafina amatesigeya
nagoene eteya tole molia kanalela ofaligahae. Ofaligahayanagiya Anumaya Kotigani
Kalaisigani anakia alisaga nehuya aliya veaani maineya vani tausenia (1,000) kafua Kalaisiene
sauve kava maigahae.
Satanina agola ali haviya hutene.
7
Haenagaa vani tausenia (1,000) kafumoa hanoma nehigenoa Satanina nofima hutenea
nopitila atalesigeno ehaigahie.
8
Hati-lavino visiaamo mukia mopaene mopaene mainaya
veamo-gami amakia Kogi nofi veanene Magogi nofi veanene Satania havige huno aye-
mavataga hisiaamo Melitalu hutama tu hiho. huno amavaleno melitalu hu-matesigeya ani
veamogami napamoa ti kahaepa kana hu-maineanagiya huyo okigahae.
9
Ani veamoya mukia
kotega vai neayeya Anumaya Kotina amakua aminaya veamogami kumala, Anumaya Kotia
muse nehia ala kumamona meli kagiya amavayagigahayanagi ikapinagati atamoa elavisiaamo
ani veamogamina tesagali hano hugahie.
10
Hano hinageno Anumaya Kotia Satanina,
havigema aye mavataga humainea kanomona, ata neleno himanaage nehia yafayagama
tegelege nehia komufina asaga huno vaigahie. Ani komufina kefo afai afuene havigema nehia
aune kanoene mainaa komufinagino ani lagufa (3) vayala anifinaga maineya kegeene
felugaene mukia kanafina agola amagata aige aige hisia yamoa hanetafa huno hanemategahie.
Anumaya Kotia tusia kaiyeke humategahie.
11
Anile nagaya Yonina himonafi kana yapi agoana ala efeage ala Sauve kanomo sia
hanegeno ani siale mainea kanoa age-mainoe. Agogeno mopamoene ikamoenena agai aulela
faleana fanane huana nagoene omaletafa humainae.
12
Nagaya fali-mainaya veama agoana
amaki hanea veanene, amakima omale veanene, ala Sauve kanomo aule heti-mainageno
ensole vayamoya avoyaga ali vakaye-mainae. Nago avona, maige maige hisaya hamaimuma
hanea veamogami amakima hanea avoene vakayeya ani avopina agoma humainaya auava
kavaamimo kema kae-malenaya keleti fali-mainaya veala Sauve kanomo siale maiya
kanomoa kaiyekeamia fako humatene.
13
Hage lipima fali-mainaya veala ani limoa
amatalegeya uvayi huya mo heti-mainageya fali yamoene fali-mainaya veamoya nevaya
kotegaene anakaipima mainaya veamogamina amatalaageya eteya hetigeno Anumaya Kotia
humainaya auava yateti kaiyekeamia fako humatene.
14-15
Kaiyekea humateteno mukia
veamogami amakimoa maige maige hisaya hamaimuma hanea veamogami amaki hanea
avopima amakima okaenesaya veala Anumaya Kotia atama tegelege nehia komufi
amavaleno hagayu huma-talegahie. Fali yaene fali veamoya unemaiya koene ata tegelege
nehia komufi anasaga huno vai-talesigeana hano hutafa hugae. Ani atama nelea komufima
visayana tole (2) yupa eteya faligahae.
<<
20 20
>>
<<
21 21
>>
21
Haegafa ikaene mopaene falote hugahie.
1
Nagaya Yonina agoana hagotenoma hanea ikaene mopaene hage limoene fanane
higeno haegafa ikaene mopaene age-mainoe.
2
Nagaya alu aotage kumala, haegafa
Yelusalemu, Anumaya Kotia ikapinagati ataleno elavigena agoe. Agogeno amoa vema
aligahe kanale kenama fai-lineno kanale konagali ali-maleno velema nevia augafa kava huno
elavigena age-mainoe.
3
Nagaya havugeno ala sauve kanomo sialeti nago ala kegefafiti mage
huno hie Menia Anumaya Kotia veanene tokaeno maigahie. Ani veamogami amunopi
mainesigeya mukia veala agaia veane maisageno Anumaya Kotiami maigahie.
4
Maineno
amaunua aye hami-talesigeya nagoene veala ofaligahae. Amaipamoa kana ohinageya avia
oategahayanagino amakata aisaya yamoenena hano hugahie. Nayoma nemaiya augafa auava
yamoa ani kanafina hano hugahie. huno hu-maine.
5
Higeno ala Sauve kanomo sialema maiya kanomoa mage huno hie Haviho nagaya
mukia yana ago alina haegafaage hu-maluanagino haegafa huno hanegahie. Mani kea tamage
nehue. Mukia veamoya haviya amakupi maleya amametiti hisaya yafe mani kelamage ke
nehugi kae-malo.
6
Mage huno nahapaiye Mukia aliyania hai alivaya aye-mainoe. Nagaya
mukia tokiyamona aepaa mainoanagina kava yagai-mainena mukia yana ali vayayesoa kano
mainogi uhagotena maitena haenagalafa mainoe. Veamoya tifema amakesigeya hamaimu
alisaya tina kapaima nehagea tinagiya miya ohugahagi afaa amamisugeya negahae.
7
Veamoya Sataniene tuma huya agasesayana nagaya mani kanale yayaga afaa amamigahue.
Amamitena nagaya Anumayaami maisugeya amakaya nagai nafaneyaga maigahae.
8
Maigahagi koli nehaya veanene, nagaifema haviya amakupima nomalaya veanene,
amakuamo oniyaage humai veanene, veama hamaeya falimate veanene, kumai heya vai
neayaya veanene, hanageke kavama nehaya veanene, ago fali-mainaya veafe Anumayati
maine. huya amakisana nevaiya veanene, havigeage veanene himanaage atama nelea
yafayagamoa atama tegelege nehia komufi hanea yate taviya maigahae. Ani veamoya
hagoteya fali-mainayanagiya ani atama nelea komufima visayana tole (2) yupa eteya
faligahae.
Yonia haegafa Yelusalemua ikapinagati age-maine.
9
Anile sevenia (7) yopafi, haenagalafama Anumayamona hai vai-mateno ali haviya
humatesia yamaa hanea yopayagama atafa hu-linaya ensole veapiti nago kanomoa nagaifena
mage huno hie Kagaya egena Sipi sipi nafanemoa menima ama alitesia anea kavelino.
huno hie.
10
Higena Alu Aotage Avamumoa tusiya huno natafa huteno navaleno nagola
anayapi hai-mainea agoyafi mo nateteno alu aotage kumala, Yelusalemua, Anumaya
Kotitegati ikapinagati ataleno elavia kumala naveli-maine.
11
Nave-ligena agoana Anumaya
Kotina tokiyaage hale yamaamoa ani kumatela aivasa humaine. Hale yamaamoa tusiya huno
alua augafa kava huno ala miyamo hai-mainea yafatetima aivasa nehia avamete kava
humaine. Ani yafamo agia yasipa taugosama neagona galasimoma nehia kava huno alave
alave higena halegena age-mainoe.
12
Neagogeno ani ala kumatela kegiya anayapi hu-
malageno hane. Ani kegiya kovefina tuelufua (12) fiana hane. Ani fiamo amete ametela
ensole veala hetiya maite maite humainae. Ani fitatela tuelufua (12) Isaleli nofi veamogami
amakia kae-malenae.
13
Ani kegiyafima hanea fiana yagema vayi nehilega tagufa (3) fiane.
Yagema tavi nefalea kaiyaga tagufa (3) fia hane. Aluga aluga haopalega nago haopalega
tagufa (3) fia hanegeno nago haopalega tagufa (3) fia hanegeno humaine.
14
Ani kegiya ala
kumatema aye-govema huya kegiyama humalayana hagoteya tuelufua (12) yafana
amalaguma aimale yatela maleteya kegiya hu-malenae. Ani yafatela Sipi sipi nafanemona
tuelufua (12) aposolo vayamogami amakia kae-malenae.
15
Nagaienema kea kea hia ensole kanomoa ani kumaene kegiyaene fiaene maleno
agege gege huno hapaligahe kanileta yafateti talo humale kayona ali-line.
16
Ali-lino eaamo
me maleno ageana ani ala kumala ayaayaamoene nago kaiyagaamoene anayafima hai-
maineaamoenena nagotineno nago avamete tueti tu hataleti (2,200) kilomita higeno
mukiamoa nago avamete humaine.
17
Higeno maleno neagea kayoteti ani kegiyamona
maleno ageana amegama hanemamoa veamoyama maleyama neagaya augafa kava huno
vani hataleti fotifo (144) mita humaine.
18
Ani kumate kegiya Anumaya Kotima hu-maleana ala monemo hai-mainea yafana
yasipae nehaya yafateti hu-malene. Hu-maleteno ani kumatela kanileta yafateti ki-malegeno
aivasa huno alave alave hia yamoa galasimoma hia kava humaine.
19
Ani ala kumatema
amalagu aimale yatema hu-maleana kegiyale malenaya yafana ala miyakefa hai-mainea
yafateti malete malete huno humalene. Hagotenoma malegamae-malenea yafamo agia
yasipa. Anima tole molia yafana oko yafamo agia sapaiya malene. Anile tagufama (3) molia
yafana nagola efeage yafamo agia agetie huno malene. Anile foa (4) molia yafana yosa haisa
yafamo agia emelalie huno malene.
20
Anile faefu (5) molia yafamoa efeene haesaene havigu
humainea yafamo agia satonikisie huno malene. Anile sikisima (6) molia yafana haesa
yafamo agia konilianie huno malene. Anile seveni (7) molia yafana kanileta yafamo agia
kalisolaitie huno malene. Anile eiti (8) molia yafana yosa haisa yafamo agia pelie huno
malene. Anile naeni (9) molia yafana nagola kanileta yafamo agia topasie huno malene. Anile
teni (10) molia yafana yosa haisa kaliteno kaniletamaa hanea yafamo agia kalisopelesie huno
malene. Anile aleveni (11) molia yafana oko yafamo agia haiyasinie huno malene. Anile
tuelufuma (12) molia yafana haesa yafamo agia ametisie huno malene.
21
Ani kumamo
kegiyalema hanea fita tuelufua (12) fitmona miyamaamoa hai-mainea seveliyateti talo humale
fita hane. Nagoke nagoke fitalela nagoke ala seveliyateti talo humalene. Ani kumatema
visaya katela kanileta yafateti talo hu-malenegeno alave alave nehigeno akalo katema he-
nemalaya galasimoma hia kava higeya age hagalo huya age-mainae.
22
Agogeno ani kumatela nagola mono nona omalegena age-mainogi tusia tokiyaa
hanea Anumaya Kotiene Sipi sipi nafanene ani kumatela mainaageya mukia veamoya anakai
anakima alisaga haya yafenagino mono no kana huana mainaagena age-mainoe.
23
Agogeno
ani ala kumatela yagemoene ikamoene aivasa hisia aliyaania omalegi Anumaya Kotina
tokiyaage hale yamaamo ani kumatela tusiya huno aivasa hu-maigeno Sipi sipi nafanemoa
ani kumate kanila maine.
24
Mainaageno ani kumateti hale yamo aivasa hu-mainegeya mukia
koteti veamoya vai neyesageya mukia ma mopafi Sauve vayamoya kanale-nale yaamia aliya
ani kumate esayaamoya emaigahae.
25
Mainesageno ani kumatela hanina okigahianagiya ani
kegiyamo fita aliya okigahae.
26
Mukia veamoya konagali yaamiene ala amakiene aliya ani
kumatekeya egahae.
27
Egahayanagi kefo yamaagema nehaya veanene, amakuamo oniyaage
hu-mainea veanene, havigeage veanenena ani kumatela ometafa huya omegahae. Omegahagi
Sipi sipi nafanemo avopima, maige maige hisaya hamaimuma hanea avopima amakima kae-
malenesia anagamoya amakaiamige ani kumatela ehaigahae.
<<
21 21
>>
<<
22 22
>>
22
Yonia hamaimu amamisia tiene yosaene agemaine.
1
Anile ani ensole kanomoa nagola ala tikefa, hamaimu neamamia tina naveli-maine. Ani
limona telelalayamaa omalegeno galasifima age-hagalo nehia kava nehigeno ani limoa
Anumaya Kotiene Sipi sipi nafanemogani mainaa sialeti ani limoa elavi-maine.
2
Elavia timoa
aiyayeno ala kumamo kamona amunopi nelavigeno ani timona aluga aluga agegayale
hamaimu neamamia yosayaga hane. Ani yosayagamoa nago kafumo aguafina tuelufua (12)
kanale ikamaahe ikamaahe ani alagamoa afula neleane. Ani yosamo haisamoa mukia kotega
veama kali alisagenofena alino falu hu-matesia yosa haisa hane.
3
Nagoa Anumaya Kotia hinageno ali haviya humatesia yana omalegahigi Anumaya
Kotiene Sipi sipi nafanene nemaia sialatana ani kumatela hanesigeya Anumaya Koti aliya
veamoya agia alisaga nehuya maigahae.
4
Maineya Anumaya Koti aufina neagesageno agaia
agia hamanilela kaemategahie.
5
Ani kumatela nagoene hanina okigahie. Anumaya Koti hale
yamoa aivasa humategahianagiya nagoene kanila hanagalisaya yaene yagemoenena aivasa
ohugahie. Amaku amamema agigati-mainea veamoya agola kava yagaiya maigahae.
Yisasia aupaa huno egahie.
6
Ani ensole kanomoa mage huno hie Manima nehavina kea kelamage kea hanegeka
kagupi malesana ke hane. Anumaya Kotia amaune veaneahena Naa hutama hamapaiho.
huno amaku amakesa neamamia kanomoa ensole kanoamona agai aliya veanele hutegeno
eaamo mukia yamoa aupaama falote hisia yana amave-lisiafene huno hutegeno umaine.
7
Haviho. Yisasia mage huno humaine Nagaya aupa kanafi egahue. huno higena nagaya
mage hue Nagoa veamoya Anumaya Kotia haenaga falote hisia yafe mani avopima hu-
mainea kemo akave nemalesaya veamoya tusia muse hugahae.
8
Nagaya Yonina ani yayaga agetena mani kea ago havimainoe. Mukia ani yana nave-
ligena agetena havimainena ensole kanomo agia alisaga hugahe aiyaafi ape humainoe.
9
Huanagi ani ensole kanomoa mage huno hie Kagaya naa ohuo. Nagaya kagaiene amaune
kafu-kaganayaene mukia mafima Anumaya Koti avopima hanea kemo akave nemalaya
veanene aliya amafaluna mainoanagika nagai nagia alisaga ohuganagi nagoke Anumaya
Kotina agaiage agigeya alisaga huo huno hie.
10
Huteno mage huno hie Manima Anumaya
Koti avopima hanea kemoa aupaa falote hisia yafe kagaya ani kea fala okio.
11
Ani kanamoa
aupaa falote hugahe nehiafe kefo yama nehisaya veala nagoene ani kefo yana maiya hisae.
Kumai yama nehisaya veala ani kava maiya hisae. Fatago kavakeyama nehisaya veala ani
kavakeya maiya hisae. Alu aotage auava yapima nemaisaya veamoya nagoene ani kava
nehuya maisae. huno humaine.
12
Nehigeno Yisasia mage huno hie Haviho nagaya aupaa
esuana mukia veamoya hu-mainesaya avamete amamisua anonaamia alina egahue.
13
Nagaya
mukia yamona aepaa maitena kava yagai-mainoanagina mukia aliyana alina avaya-yesua
kano mainoe. Uhagotena maitena haenaga-lafana mainoe.
14
Kasagoya veamoya kefo
yaamihema haviya amakuama sesema humalenesaya veamoya musena hugahae. Amakua
agoma sese hu-malenayafe hamaimu amamisia yosamo alaga aliya neneya ala kumamo
fiatela afaa hai falegahae.
15
Hai falegahayanagi kefo yamaage veanene, hanageke kava
nehaya veanene, kumai heya vaineayaya veanene, vea hamaeya falineamataya veanene, ago
fali-mainaya veafe Anumayati maine. huya amakisana nevaiya veanene havigehe muse
huya akave nemalaya veanene ani kumamona malaga maigahayanagiya Anumayamo ala
kumatela haiya omaigahae.
16
Nagaya Yisasina ensole kanonimona hutogeno tamakaitega
eaamo nagaifema havitama tamakupi malenaya veamo-gatamina mani kea hufalote huno
tamahapaisie huna hutenoe. Nagainige Teviti nofipiti aginagomona mainena Teviti nafanea
mainoe. Nagaya hale yamaaene kanefila, natema hagoteno vayi nehia kanefi mainoe. huno
humaine.
17
Higeno Alu Aotage Avamuamoene Yisasina amakua amitafa humainaya veanene
Yisasife mage hae Kagaya eno. huya hageya mani kema havisaya veala Yisasife mage
huya hisae Kagaya eno. huya hisae. Hisageya tifema amakesia veamoya etama Anumaya
Kotima afaa tamamisia timoa maige maige hisaya tamahaimu tamamisia tinagi
tamahaisigetama me neho.
Mani avopima hanea kema havisaya veamogatamina Yonia tokiyaage ke
tamahanepaiye.
18
Nagaya manima Anumaya Koti kefima aune laga humale kema mani avopima hanea
kema havisaya veamogatama mani kene alu kene moli lokaetama ayaaya kea ohiho.
Tokiyaage ke tamahanepaugi naama hisayana Anumaya Kotia mani avopima tamahanepaiya
havi yama falote hulamatesia yamoa tamakata aisia yanagino tamakaila tamamigahie.
19
Tamamigahigi nagoa veamoya manima Anumaya Koti avopima hanea aune kema ali
talesayana Anumaya Kotia mani avomoma tamahapaiya kanale yana otamamigahianagitama
ani veamogatama maige maige hisaya tamahaimu tamamisia yosamo alaga nesaya yana
tamaha-falesigetama Anumaya Koti alu aotage kumatela ougahae.
20
Yisasia mani kema tahapaiya kanomoa mage hie Tamage nagaya aupaa egahue.
huno humaine. Higena nagaya Yonina mage huna nehue E, tamage Anumayati Yisasiga
eno. huna nehue.
21
Anumayatimoa Yisasia kayonema nehia yamaamoa mukia amakuama amitafa nehaya
veamo-gatamina tamamisie. Mani kea tamage.
<<
22 22
>>
Kea
Lomu
00
11
22
33
44
55
66
77
88
99
10 10
11 11
12 12
13 13
14 14
15 15
16 16
Lomu Lomu
<<
00
>>
^
Lomu
Poloa Aposolo aliyamaamo aepaahe humaine.
Poloa Lomu kumate veane amakegahe humaine.
Yisasina kanale mono kea Anumaya Kotina tokiyaae.
Mukia veamoya Anumaya Kotina amakaveno hutenae.
Veamoya alua lua kefo kava maiya hu-mainae.
Anumaya Kotia kaiyekema humatesiana fatago huno humategahie.
Yuta vayamoya mage humainae Kahegi kemo taya hugahie. huya havigea
humainae.
Amaugafa taga nehaya yana afa ya kana humaine.
Kefo yamoa kanale kavala oagasegahie.
Nagola fatago kanoa omaitafa huno omaine.
Kalaisifema havino agupi malenesia kanomofena Anumaya Kotia Fatago kano
mainane. huno hutegahie.
Anumaya Kotia Apalahamufena Fatago kano mainane. huno hutene.
Anumaya Kotia hulokiya vaimalenea kemoa agaifema haviya amakupi malenaya
veafeke humaine.
Apalahamua kanaleya huno Anumaya Kotifena havino agupi malene.
Anumaya Kotia tagaifena Fatago veane mainae. huno hulatene.
Atamua fali yana ali falote humaineanagi Yisasia haimu alisaya yana ali falote
humaine.
Tagaya Kalaisiene ailokaeta faliteta agaiene fali-mainopiti ago heti-mainone.
Tagaya Kalaisiene ailokaeta eteta tahaimula alita mainone.
Tagaya fatago auava yamo aliya veane maisune.
Menia yaufa tagu tagesale vaiyesuna yafe humaine.
Kefo yamoa veala alino haviya nelahaiye.
Kefo yamoa tagu tagesamona alino nofi huneate.
Kalaisia kefo yatia alineataleno Alu Aotage Avamu tamine.
Alu Aotage Avamumo kema akave malesunana Anumaya Koti nafane mainone.
Haenagaa ikapinaga kanale no maisuna yana aligahune.
Nago yamoa Anumaya Kotima nehaiya yamaa tileoategahie.
Poloa Isaleli veafe havino hau humatene.
Anumaya Kotia agaia veane maisaya yafe hapalimatene.
Isaleli veamoya amametiti ohayafe fatago veala omainae.
Mukia Isaleli veamoya Anumaya Koti auava yana oagenae.
Mukia Isaleli veamoya Yisasima hulatenea yafena haviya amakupina omalenae.
Anumaya Kotia nago kaiyaga Isaleli veala ali kayone humatene.
Anumaya Kotia Yuta veala omainaya vayamogami amaku amamena aligatimaine.
Anumaya Kotia mukia veala kayone yamaa amaveligahe humaine.
Tagaya Anumaya Kotina taugafa muse ya kana huta amisune.
Anumaya Kotia muse ya taminea yamaaleti aliyana alisune.
Tafu-taganagamina tamage huta tagua amamisuna ke humaine.
Tagaya Kamani vayamogami amakave maleta maisune.
Nagoa veamogamina tagua amamitafa huta amamisune.
Tagaya fatago huta kana vaiyesune.
Tagaya nelafugami no maiyana fako huoamatesune.
Tafu-taganagamina kefo kava hisaya augafa kavala hu oamatesune.
Kalaisi agu agesamoma humainea kavafekeya akave hisune.
Kalaisia Isaleli veanene Isaleli vea omainaya veanene amaya humaine.
Poloa Yisasi kema hamapai-mainea yafena agaia tusia muse humaine.
Poloa Lomu veane tamaketena Sipeni ugahue. huno humaine.
Poloa mukia veamogamina Felugae. huno hu falu humatene.
Nagoa vayamoya Yisasi anagamogami amunopiti aliya aye fako humainae.
Nagoa veamoya avo kaeya Felugae. huya Lomu veafe hu falu fala huneamatae.
Tagaya Anumaya Koti agi alisaga hisune.
Lomu Lomu
<<
00
>>
Lomu Lomu
<<
11
>>
Lomu
Poloa Kolini kumate maineno mani avona kae-malegeno nago amo agia Fipie Lomu
kumate alino momamine. Yisasia faliteno hetino ikapinaga haitegeno Poloa tueti foa (24)
kafu agava maineno Lomu kea kae-malene.
1
Poloa Aposolo aliyamaamo aepaahe humaine.
1
Nagaya Polonae Yisasi Kalaisi aliya kanoa mainena Aposolo mainogeno Anumaya
Kotia mukia vayapiti Alu aotage kano maineka nagaila kanale mono kenia huhaleka
hamapaiyo. huno hunatene.
2
Ani kanale mono kea Anumaya Kotia nayona Kamigahue. huno hulokiya vaigeya
agai aune vayamoya huhaleya Anumaya Kotina alu aotage autamaafi kae-malenayane.
3
Ani
kanale kea agaia Nafanemofe humaine. Ani Nafanemoa velafa maisiafe Teviti nofi vayapiti
falote humaine.
4
Falote huteno fali-mainefiti Anumaya Kotia tokiyaaleti aliheti-maineafe Alu
Aotage Avamumoa Ma kanoa tokiyaa hanegeno Anumaya Kotina Nafanea maine. Yisasi
Kalaisia Anumayatimo maine.
5
Mainegeya agai agima alisaga hisayafe mukia kotega
veamoya Yisasife haviya amakupi maleya amametiti huya agai kema ali hipoya hisayafe
Anumaya Kotia Yisasi ayapitila kayone yana namiteno Aposolo kano maiyo. huno
hunatene.
6
Hunatenegi mukia kumate veanene tamakaiene Lomu mainaya veanene Yisasi
Kalaisi anaga maisayafe ago hapali-lamatene.
7
Anumaya Kotia hau ayamopafi haigeno hapali-lamategetama alu aotage veanea
Lomua mainae. Anumaya Kotia, Nelafaene Yisasi Kalaisia, Anumayatimoene kayone hisaya
yaene tamaipa falu lamahaisia yaene tamamisae.
Poloa Lomu kumate veane amakegahe humaine.
8
Hagotena ma yafe tamahapaigahue. Mukia ma mopale veamoya tamakaifena
Yisasife haviya amakupi maleya amametiti humainaya veane mainae. huya lamakaifena
hagena havimainoa yafena aluya huna lamakaifena Yisasi Kalaisi hulatenea yateti Anumaya
Kotinimotega musena nehue.
9
Anumaya Koti aliyama aluana naya mukiki huna agaia
Nafanemo hulatenea yafe kanale mono kea hamanepaugeno Anumaya Kotia nage-
maineanagina mukia kanafina nunamu huna tamakai tamakia ayena havinegoe.
10
Notamakoafe menima tamakaitega visuafene huna havinegoe Kagaika visua yafema
kahainageka kana valinato. huna havinegoe.
11
Tamakuamoa tokiyaage huno maisia tokiya,
Alu Aotage Avamumoa tamaminegi nagoa tokiyaene alisayafe tamaya hisue huna tamakaima
tamakesua yafena tusiya huno nenahaiye.
12
Mage nehue Yisasife havitama lamakupi
maletama tamametiti nehaya yatamimoa nagaila naya hisigena nagaya ania huna nagupima
malenoa yanimoa tamakaila tamaya hisie. huna nehue.
13
Nafunaganagatama ma yafe haviho nagayama Yuta veane omainaya veapina
Yisasifena kanale mono kea hamapaugeya aliya amakupi malageno alagaa ayeno falote
humainea kavala tamakaipi Ania hisue. huna mukia kanalela tamakaitega ugahe nehuanagi
nagoa yamo kania maleno tilegena ounoe.
14-15
Anumaya Kotia aliya aligena mukia
veamogamina kanale huya nemaiya veanene, afa veanene, avoma nehapaliya veanene,
avoma nohapaliya veanene Yisasifena kanale mono kea hamapaiyo. huno hunateneafene
huna tamakaitega, Lomu mainaya veate, me lamahapaisuafe naguamoa henelie.
Yisasina kanale mono kea Anumaya Kotina tokiyaae.
16
Yisasi kanale mono kehena nagayea nohue. Ani kefi Anumaya Kotina kasagoya
tokiya yamaa hanegeya mukia ani kema haviya amakupi maleya amametiti humainaya
veamogamina Anumaya Kotia amaku amamena aligatigahie. Yuta anagala hagoteno amaku
amamena aligatiteno haenaga Yuta veane omainaya veamogamina aligatigahie.
17
Ani kemoa
mage huno tavenelie Yisasife haviya amakupi maleya amametiti humainaya veamoya kefo
yana humainayanagi Anumaya Koti aulagafina fatago veane mainae. Ani yafena Anumaya
Koti autamafina mage huno humaineane
Fatago veane mainae huno humatenea veamoya Anumaya Kotife haviya amakupi maleya
amametiti humainaya yateti mai kanale huya maigahae. huya kae-malenayane
Mukia veamoya Anumaya Kotina amakaveno hutenae.
18
Mukia veamoya Anumaya Kotina amakaveno hutaya kava huya kefo yama hayafe
kelamage kemona falaki-malenageno Anumaya Kotia ikapinagati haima vaiya yamaa
lavenelie.
19
Anumaya Kotia mukia veamogami amakusafinaga agaifema havisaya yana ago
amaveli-maine.
20
Anumaya Kotia ma mopama talo humalenea kanaleti aepa heno talo
humalenea yateti agaila oagesuna alu aotage auava yamaaene agola maige maige hisuna
tokiyaaene amaveligeya agelama huya age-mainayanagi Noagona yafe nehane. huya
hisaya kanaamia omaleneafe Anumaya Kotia anonaamia amamigahie.
21
Amakaya Anumaya Kotina agemaineyagi agia alisaga nehuya Kanale yana tamine.
huya agaila musena hu oateya afa amaku amakesale maineya aneginagi haya amaku
amakesamoa hani yapi mainae.
22
Maineya Kanale tagu tagesaene veane mainone. huya
nehayanagi aneginagi huya mainae.
23
Maineya agola maige maige tokiya hale yamaa hanea
Anumaya Koti agia alisaga ohuya amakaveno huteteya aiyahae huya faligahe humainaya
vefi, namafi, kala yagafi, osifavefi, amamena amayateti talo huya maleneya ani yate
Anumayati maine. huya amakia alisaga humainae.
Veamoya alua lua kefo kava maiya hu-mainae.
24
Naa kava maiya haya yafe Anumaya Kotia amatalegeya amaku amakesafinaga age
hamaye huya havigu havagu amakesamo amavayu higeya kefo yamaage tokaeya nehuya
amakaiami amaugafa ali haviya humainae.
25
Anumaya Koti kelamage kea amakaveno
huteteya havigeage ke nehaviya Anumaya Kotima talo humalenea yate Anumayati maine.
huya muse-kase nehuya amakia alisaga humainagi ani yayagama talo humalenea Anumaya
Kotina amakaveno hutenae. Mukia yupa agola Anumaya Koti agia alisaga hisuna kano
maine. Tamage.
26
Anumayamona amakaveno hutaya yafe Anumaya Kotia amatalegeya tusi amakaye
hisifa kava huya age hamaye haya kavala humainae. Aneamimoya anauamimoyaene humo
kavala neataleya amafaluyaene havi kavayaga humainae.
27
Nehageya vemoyaenena
aamienama humo kavala neamataleya amaipafiti atamoa hetigeya nagoa ve amafaluyaene
amaugafa age hamaye huya amakaye hisifa kavala humainayafe anonaamia amakaiami
amaugafale alimainae.
28
Anumaya Kotia afa kano maineanagita agaifena ohavigahune. huya haya yateti
Anumaya Kotia amatalegeya kefo amaku amakesa haviya ase ohu kavala humainae.
29
Mukia
kefo yana alu kava alu kavala humainae. Moli huliteya nehuya kumai he yane. Alu
vayamogami yate age hamaye hu yane. Vayaamihe hu-haviya humate yane. Alu kanomo hia
kavafe age hamaye nehaya yane. Vaya hamaeya falimate yane. Vayaamimoyaene tusi ke
nevaiya yane. Havigeage savale kavale. Vayaamimofe Naa kava nehae. huya huatifi mafi
nehae.
30
Vaya amakia alihaviya nehae. Anumaya Kotina kame huneatae. Veganokano huya
halakae halakau ke nehuya amakaiami amaugafa aliya haiteya amakaiami amaki alisaga
humainae. Haegafa kefo kavala aliya falote nehuya itaafoamimo kea hefalanegiye.
31
Aneginagi nehuya Naa hugahune. huya haya kea neatalae. Nagoamogamifena amahau
amayamopafina ohamaigeya hamauna hu noamatae.
32
Anumaya Kotia Naa yama nehaya
veala anonaamia amamisugeya aliteya agola faligahae. huno humainea kea ani veamoya
havilineyagi ani kefo yana maiya nehuya naa yamaagelomagi kefo yama haya veamogami
amakia alisaga nehuya kefo yama haya yafena muse hu neamatae.
Lomu Lomu
<<
11
>>
Lomu Lomu
<<
22
>>
2
Anumaya Kotia kaiyekema humatesiana fatago huno humategahie.
1
Kefo yama nehaya yafena nagoa veafena Lamakaya naa kava nehae. hutama
nehutama amakaila fako hu neamatagi tamakaienena ania kefo kavala nehageno
tamakaienena tamakaya nehie. Tamakaya kaiyeke humataya veamogatama ania kefo yana
ago humainayafe kenonama hisaya kea omalene.
2
Tagaya ago havimainone Anumaya Kotia
kelamage keleti kefo yama humainaya veamogamina kaiyekea fako humateteno anonaamia
alitagifeno neamamie.
3
Neamamianagi hanaa tamakesa nehaviye tamakaya ania kefo yana
nehaya veamogamife Tamakaya naa kava nehae. hutama nehutama ani kefo yana
nehayanagi Anumaya Kotia kaiyeke hulamateteno anonaa alitagifeno otamigahie. hutama
nehao? Aao kefo yana ago humainaya anonaa tamamigahie.
4
Ifi Anumaya Kotia tusiya huno
kayone yamaa tamamiteno aupaa kaiyekea hu notamategi ayaayate tamakava maime neuno
kefo yama haya yafena anonaa aupaa alitagifeno notamamigetama Ani kefo yana afa ya
kana yane. hutama tamakesa nehaviyo? Havige nehagi kefo yatamihena tamakua aiyahae
hutama Nagoene ohugahune. hutama hisayafene huno Anumaya Kotia kayone
hulamateno kaiyekema huotamatea yafena nohaviyo?
5
Kaguamoa tusiya huno tokiyaage
humainegeka Kefo yaniahena nagua aiyahae ohugahue. hukama nehana yafena Anumaya
Kotia kagaila haima vai negatea yana halaya humaleneanagino kaiyekema humatesia yupa
agaia fatago huno fako hulamateteno tamaveligahie.
6
Anumaya Kotia mukia veamoyama
humainaya yateti anonaamia alitagifeno amamigahie.
7
Nagoa veamoya Anumaya Kotia
muse huno tagia alisaga hisigeta tokiyaaene hale yapi maisune. huya kanale kava huge huge
nehaya veamogamina Anumaya Kotia agola maige maige hisaya hamaimula amamigahie.
8
Amamigahianagi nagoa veamoya amakaiami amaugafahekeya amakesa nehaviya kelamage
kemona akave omaleya kefo yamo auava kava akave nemalageno Anumaya Kotia tusiya
huno haiya vaimateteno amakata aisia yana amamigahie.
9
Nagoa veamoya kefo kava maiya
huge huge nehaya yafe Anumaya Kotia tusi kana yaene amaugafa amagata aisia yamoene
amakaila alino aiso humategahie. Hagoteno Yuta veamogami amamiteno anileti Yuta veane
omainaya veanenena amamigahie.
10
Amamigahianagi fatago kavama nehaya veanea
Anumaya Kotia halemainea tokiyaaene ala amakiene amaipamoa falu hisia yaene
amamigahie. Hagoteno Yuta veamogami amamiteno anileti Yuta vea omainaya veanenena
amamigahie.
11
Anumaya Kotia mukia veafena nagoke agu agesale maineno neamamie.
12
Mukia veanea kahegi kema hamaopaigeya ohavineya kefo yama maiya
humainesayana Anumaya Kotia ani kahegi keletila kaiyekea hu oamategahigi fako hinageya
hanimo aguafi agola amakata aisia no maigahae. Mukia veanea kahegi kema havilineya kefo
yama nehaya veanea Anumaya Kotia agaia kahegi keleti kaiyekea alino aye fako
humategahie.
13
Nagoa veamoya kahegi kema haviteya agoma atalenesaya veafena Anumaya
Kotia Fatago veane mainae. huno hu noamategi kahegi kema akave nemalesaya veafe
Anumaya Kotia Fatago veane mainae. huno humategahie.
14
Yuta veane omainaya
veamoya Anumaya Koti kahegi kea amakaipina omaleneanagi amakaiami amaku
amakesafima hanea kema akave malayana akave malenaya kemoa amakaiami amaku
amakesafiti ani kahegi kea ali falote humainae.
15
Anumaya Kotia agaia kahegi kema
amakuafima kae-malenea kea amave-ligeya amaku amakesamoa nagoma hia kanafina Havi
kava nehane. huno kaiyekea hu neamateno nagoma hia kanafina Kanale kava nehane.
huno humaineanagino taguafina ago kae-malegeno haneagino tavenelie.
16
Nagaya Yisasima
hulatenea kanale mono kema nehua kefiti ma kea hane, ma mopama hano hisia yupa
Anumaya Kotia Yisasi Kalaisi avayafitila mukia veamoya falakiya humainesaya yafena
kaiyekea humateteno fako humategahie.
Yuta vayamoya mage humainae Kahegi kemo taya hugahie. huya havigea
humainae.
17
Kagaya Yuta kano mainoe. Mosese kahegi kea havina akave nemaloanagino naya
hugahie. huka kagaikaa kagi alisaga nehuka Anumaya Koti nafane mainoe. huka nehano?
18
Kahegi kea ago huge kavelige hageka havilinanafe Anumaya Kotima nehaiya kavafena
havitena fatago auava yana ago havilinoa kano mainoe. huka nehano?
19
Kagaya ma kagesa
nehavine Kahegi kemo aepaa havilinogi aulaga asu humai kanomo visia kana aveligahue.
Hani yapi mainaya veala ayevasa humategahue. huka nehano?
20
Kahegi kemo aepaa
havilinoafe nagoa kema ohavinaya veamogamiene osi osi nafaneyagaene humaveli hamaveli
hugahue. huka nehano?
21
Alu veanea humave-nelinanagi naa higeka kagaikaahena ave
notine? Musufa yana ohiho. huka huhaleka veala hamanepainanagi kagaikaa musufa yana
nehano?
22
Kumai he yana ohiho. huka veala hamanepainanagi kagaikaa ani kumaiya
nehano? Ago falimainaya veafe Anumayati maine. huya amakisana nevaiya yafena
Onahautafa huno onahaiye. huka nehananagi ani veamogami mono nopitila musufa yana
nehano?
23
Kagia alisaga nehuka Kahegi kea havimainoe. huka nehananagi ani kea ago
alitagae-mainanafe Anumaya Koti agia ali haviya nehano?
24
E, Anumaya Koti kema kae-
malenaya autamafina Yuta veamogatihena mage huya humainayane Tamakaitamia havi
kavama nehaya yatamihena Yuta vea omainaya veamoya tamaketeya Anumaya Koti agihena
kamuge hatageya vai neatae. huno humaine.
Amaugafa taga nehaya yana afa ya kana humaine.
25
Kahegi kema akave malesayana Yuta vayamoya humainaya kava huya amakoya
anoya laga hu yamoa tamaya hugahianagi kahegi kema alitama atagaesayana tamaugafa taga
nehaya yana afa ya kana yane.
26
Amakoya anoya taga ohunaya vayala Yuta vea omainaya
veamoya kahegi kemo akave malesayana Anumaya Kotia ani veafena mage huno hugahie
Nagaini nafaneyaga maineya amaugafa laga humalenaya vaya kana humainae. huno
humategahie.
27
Kahegi kea akave maletama tamaugafa laga nehagi ani kahegi kema ali
neatagaetama nagoa vayamoya, amaugafa laga ohunaya Yuta vea omainaya veamoya,
kahegi kema haviya akave maleya tamakaila tamakaseya kanale kava nehaya yamoa Havi
kava nehae. huno hulamategahie.
28-29
Tayafigae Anumaya Koti veanea, Yuta veala, tama
veane mainae? Amegati amaugafaage taga humalenayafe Anumaya Koti veala omainagi
Anumaya Kotina amakuama amitafa humainayafe Yuta veanelafa mainae. Ani veala kahegi
kema akave malenayafe amakaiami amaugafa taga ohunagi Alu Aotage Avamumoa amakupi
emaineno haegafa amaku amakesa amamigeya mainae. Veamoya naama humainesaya
veamogami amakia alisaga ohugahagi Anumaya Kotia agaiage amakia alisaga hugahie.
Lomu Lomu
<<
22
>>
Lomu Lomu
<<
33
>>
3
Kefo yamoa kanale kavala oagasegahie.
1
Yuta veamoya hanaa huya Yuta vea omainaya veala amakase-mainaya veane mainae?
Amaugafa laga hu yamoa na kanale ya amamine?
2
Tamage Yuta veamoya kanale yana
kasagoya alimainae. Hagoteno Anumaya Kotia humainea kema kae-malenaya kea amayapi
malene.
3
Maleneanagi nagoa veamoya haviya amakupi maleya amametiti ohunaya yateti
Anumaya Kotia Hulokiya vaimalenoa yana mukia veamogamina oamamigahue. huno
hugahifi?
4
Aao ania ohugahie. Mukia veamoya havigeage veane mainesayana Anumaya
Kotia tamageage kano maine. Anumaya Koti avopina mage huya kae-malenayane
Anumaya Kotiga humalenana kemoa Fatago kano mainane. huno hugatene. Kaiyekema
hugateleasina amakasateasine. huya kae-malenayane.
5
Tagaiti kefo yatimoma Anumayamo fatago auava kavama avelisigeta naane
hugahune? Anumaya Kotia kefo kava humainona yateti anonaa haima nevaiya yamaa
lamiana Fatago ohia kava nehie. huta hisuno? Nani kea ohisune. Mukia veamoya nehaya
ke nehue.
6
Fatago ohunea kavala nohie. Fatago kavama ohisiana hanaa huno ma mopale
veamogatina kaiyekea hulategahie?
7
Nagaya havigema nehua yateti Anumaya Koti kelamagemo auava yana amave-lisigeya
agima alisaga hisayana naa hinageno Anumaya Kotia nagaifena Kefo kava nehana kano
mainane. huno hunenate?
8
Naama hisiana Kanale yama falote hisia yafena kefo ya
higetao. huta hisuno. Aao, nagoa veamoya havige huya nagaife Mani kea humaine. huya
haviya haviya-hunatenae. Mani kema humainaya veamogamina Anumaya Kotia kaiyeke
humateteno haima nevaiya yana amamigahie.
Nagola fatago kanoa omaitafa huno omaine.
9
Naane hisune? Tagaya Yuta veamogata nagoa veala ago amakase-mainono? Aao,
tamage huna tamahapauve tagaya mukia veala Yuta veanene Yuta vea omainaya veanene
kefo kava nehuna yamo alino aikagilatene.
10
Anumaya Koti autamafina mage huya kae-
malenayane
Fatago kanoa omaitafa huno omaine.
11
Nago kanomoa Anumaya Kotina aepaa ohavine.
Nago kanomoa Anumaya Kotifena atia noaye.
12
Ago ataleya kefo kavakeya
humainaya veakeya mainagi nagokela fatago kanoa omaitafa huno omaine.
13
Amavayafitila vaya komufitima hia kava huno himanaage nehie. Amavefunamoa
havigeage nehuno ani amavaya aguafinaga osifavemoa vayama amahaegeya
nefaliya augafa tina anifinaga hane.
14
Kamuge vai yaene atuage ke nevaiya yaene
amavayafina havate-maine.
15
Amaiyayeya veala hamaesageya falisaya yategageya
age nemalae.
16
Mukia vea aliya haviya nehuya havi no maisaya yamaage
neamamiye.
17
Amaipa falu huya nagoke amaku amakesale akave malesaya yafena
nohamaiye.
18
Anumaya Kotifena amamayoa aiya kolia nohae. huya kae-
malenayane.
19
Tagaya havunagenoa Anumaya Koti kahegi kemoa ani kahegi kemo aiyafi mainaya
veamogamife humaine. Ani yafe nago kanomoa Nagaya kanale huna fatago kano mainoe.
huno ohisie. Naafenomagi mukia ma mopale veamogata Anumaya Koti aulagafina kefo
kavakeya nehuna veane mainonafe kaiyekea hulateno anonaa tamigahie.
20
Anumaya Koti
kema akave malenea yateti Anumaya Kotia nago kanomofena Fatago kano mainane. huno
hu oategahie. Kahegi kemoa nagoke yamaage tavenelie. Kefo kava nehae. huno tavenelie.
Kalaisifema havino agupi malenesia kanomofena Anumaya Kotia Fatago kano
mainane. huno hutegahie.
21
Menia Anumaya Koti aulagafina fatago veane maisuna yana ago tahapaigeta
nehavune. Kahegi kema akave malenaya yateti ani yana falote ohunegi alu kateti falote
humaineanagino Moseseene Anumaya Koti amaune vayamoyaene kae-malenaya kemoa
anima kanale ya huta fatago kavama hisunafe tahapaimainae.
22
Anima fatago huta maisuna
kavala maa humaine, nago kanomoa Yisasi Kalaisi hulatenea yafe havino agupi maleno
ametiti humainesia yateti Anumaya Kotia Fatago kano mainane. huno hutene. Alu kana
omalene.
23
Mukia veamogata kefo kavaageya nehunanagita Anumaya Kotina haisia kava
hisuna tokiyatia kosa he-otateneanagita ikapinaga ohaigahune.
24
Ohaigahunagi kefo yatimoa
tagaila aikagilateneanagi Yisasi Kalaisia tagaila lavayu hisia miyana atalesiafene huno me
faligeno Anumaya Kotia agaia kayone yamaaleti Fatago veane mainae. huno hulatene.
25
Tagaya kefo yama huna yafena Anumaya Kotia aipa haviya hulateno vea amaulagafi
Yisasiga faligane. huno hutegeno me falitegeno kolamaamoa elavi-mainea yafema havita
tagupi maleta tametiti hunageno Anumaya Kotia aigetateno kefo yatia atalelatene. Anumaya
Kotia nayona kefo yama humainaya veala amakata aisia yana anonaamia aupaa oamaminegi
Yisasi Kalaisina hutegeno me falimainea yateti Anumaya Kotia agaia fatago kavama hia yana
taveli-maine.
26
Menia ma mopafi mainona kanafina agaia fatago kavakeyama nehia yana
tavelisiafe Yisasina hutegeno me fali-maineafe mukia Yisasima hulatenea yafema haviya
amakupi maleya amametiti humainaya veamoya kefo kavala humainayanagi Anumaya Kotia
Fatago veane mainae. huno huneamate.
27
Naa humainegi tagaiti lagima alisaga hisuna kaana hanate hane? Omaletafa huno
omalene. Mukia kahegi kema akave nemalona yateti tagia alisaga hisuno? Aao, tagaiti kanale
kava huna yateti Anumaya Kotia Fatago veane mainae. huno huotatenegi Yisasia
hulatenea yafe havita tagupi maleta tametiti huna yateti hunelate. Ani lagima alisaga hisuna
kaana omalene.
28
Tagaya mage nehune Yisasia hulatenea yafe havita lagupi maleta tametiti
humainona yateti Anumaya Kotia Fatago veane mainae. huno hulategahie huta nehune.
Kahegi kema akave malesuna yateti hu otategahigi Yisasia hulatenea yafema havita tagupi
malona yatetikeya ani kea hulategahie.
29
Hanaa humaine? Anumaya Kotia Yuta veamogami
Anumaya Kotikeya maineo? Ifi Yuta vea omainaya veamogamiene Anumaya Kotiami
maineo? Aao, mukia veala Yuta veanene Yuta vea omainaya veanene Anumaya Kotia
Anumayaami maine.
30
Anumaya Kotia nagoke agaiage maineafe Yuta veamoya Yisasima
hulatenea yafema haviya amakupi maleya amametiti humainaya yateti Anumaya Kotia
Fatago veane mainae. huno humateno Yuta vea omainaya veanene Yisasia hulatenea
yafema haviya amakupi maleya amametiti humainaya yateti Anumaya Kotia Fatago veane
mainae. huno humatene.
31
Ani kea ago humainonafe Yisasife havita lagupi malenona yateti
Anumaya Koti kahegi kemoa afa ya kana ke hane. huta nehuno? Aao naa ohutafa
humainonagi kahegi kemona ali hetita ali lokiya nevaune.
Lomu Lomu
<<
33
>>
Lomu Lomu
<<
44
>>
4
Anumaya Kotia Apalahamufena Fatago kano mainane. huno hutene.
1
Apalahamua Yuta veamogati taginagomofena naane hisune?
2
Apalahamua agaia
aliyateti mukia kahegi kemona akave maleneafe Anumaya Kotia Fatago kano mainane.
huno hileasina Apalahamua agaia agia alisaga hileasinagi Anumaya Koti aufina naa kavala
ohune.
3
Anumaya Koti autamafina mage huno kae-malenayane
Anumaya Kotia Apalahamufena Naa hugategahue. huno hulokiya vai-malenea kehena
Lamage hanafe ania hunategane. huno agupi maleno ametiti hiafe Anumaya
Kotia mage huno hutene Fatago kano mainane. huno huteneane. huya kae-
malenayane.
4
Veamoya aliya nealiya yateti miyama alinuyahena ani miyafena Afaa muse ya nelamie.
huya nohagi Aliya alimainona anonaa nealune. huya nehae.
5
Nago kanomoma Kahegi
kema mukia kanalema akave malesuafe Anumaya Kotia Fatago kano mainane. huno
hunategahie. hunoma ohisiana Anumaya Kotia agaiage kefo kava nehia kanomofena
Fatago kano mainane. huno hutenea kanomoa nagaila Fatago kano mainane. huno
hunategahie. huno ametiti humaineafe Anumaya Kotia anima agupi maleno ametiti
humainea yana ageteno Fatago kano mainane. huno huneate.
6
Yuta veamogatina
taginagomoa, Tevitia, mage humaine nagoa veamoya kahegi kea akave omaleya Anumaya
Kotife haviya amakupi malesayana Anumaya Kotia amakaifena Fatago veane mainae.
huno humatesia veamoya tusia muse hugahae.
7
Tevitia amakaifena mage huno Anumaya
Koti avopina humaineane
Veamogatama kefo kavama haya kavala Anumaya Kotia ago aigetamateno
atalelamateneafe muse hiho. Kefo yama haya kavala ago ayehami-taleneafe muse
hiho.
8
Anumayamoa nago kanomo humainea kefo yafena havino oamino age
kanitesiana ani kanomoa muse hugahie. huno humaineane.
9
Amaugafa laga humainaya Yuta vayafekeya ani musena hisae huno nehio? Aao,
amaugafa laga ohunesaya veanene ania huya musena hugahae. Apalahamufe tagesa
havisune. Anumaya Kotia Apalahamufena Naa kavala hugategahue. huno hulokiya
vaimalenea kehena Tamage hananagika ania hunategane. huno agupi maleno ametiti
humainea yateti Anumaya Kotia Fatago kano mainane. huno hutene.
10
Apalahamua hanaa
huno mainegeno Anumaya Kotia Fatago kano mainane. huno hutene? Agoya anoya laga
hutegeno huteneo? Aao, laga ohunea kanafi ani kea huteneane.
11
Hagoteno augafa laga
ohuneno Anumaya Koti kea havino agupi maleno ametitia humainea yateti Anumaya Kotia
Fatago kanoa mainane. hunoma hutenea yafema veamoya havisaya yafe augafa laga
humaine. Ani yafe mukiamoya amaugafa laga ohuneya Apalahamuma humainea kava huya
Anumaya Kotife haviya amakupi maleya amametiti humainaya yateti Fatago veane
mainae. huno humatenesia veamoya Apalahamuna aginagomoya mainae.
12
Mainagi nagoa
veamoya amaugafa laga humainayanagi ani kavakeyama ohayana Apalahamuma augafa laga
ohunea kanafima humainea kava huya Anumaya Kotife haviya amakupi malenaya kavaene
humainaya veamogami totoamimo maine.
Anumaya Kotia hulokiya vaimalenea kemoa agaifema haviya amakupi malenaya
veafeke humaine.
13
Anumaya Kotia Apalahamuene aginagomoenefe mage huno humaineane Mukia ma
mopagefa kava yagaisayafe tamamigahue. huno hulokiya vaimalene. Kahegi kemona
akave maletesagena tamamigahue. huno ohunegi Tamakaya Anumaya Kotife havitama
lamakupi malagena Fatago veani mainae. huna hulamatoafe tamamigahue. huno
humaineane.
14
Kahegi kema akave nemalaya veamoya alileasina haviya amakupi nemalaya
yamoa afa ya kana higeno hulokiya vai-malenea kemoa falote ohileasine.
15
Kahegi kemoa
Anumaya Kotina hai vaigeno anonaa nelamianagi kahegi kema omalesina Ago ali
neatagaune. huya ohaleasine.
16
Anumaya Kotia hulokiya vai-malenea kemoa kayone nehia yamaaleti falote hisiafeene
mukia Apalahamuna aginagomoya alisaya yafeene Agaife haviya amakupi maleya
amametiti humainaya yateti aligahae. huno humaine. Kahegi kema akave nemalaya
veamoyage oaligahagi taginagomoa, Apalahamuma, ametiti humainea kava hisuna
veamogatina Apalahamua nealafa maine.
17
Mage huya Apalahamufena kae-malenayane
Kagaya mukia kotega veamogamina totoamimoga maigane. huya kae-malenayane.
Apalahamua Anumaya Kotife havino agupi maleno ametiti humaineafe Anumaya Koti
aulagalela tototimo maine. Anumaya Kotia falimainaya veala eteno hamaimula neamamino
falote ohunea yamofena Falote huo. huno higeno falote humainea kano maine.
Apalahamua kanaleya huno Anumaya Kotifena havino agupi malene.
18
Apalahamua ani kehena havino ametitia hianagi nafanema atesia kanaamoa ago hano
humainea yafena agesa ohavinegi Mukia kotega veamogamina totoamimoga maigane.
huno humainea kele ametiti humaine.
19
Ani kanafina Apalahamua vani hataletia (100) kafu
ago hano hutegeno kolamoa ago hau higeno nafane atesia tokiyaa omalegeno aamoenena
namo a mainea yafena tole agesa ohavinegi tokiyaage huno Anumaya Kotife havino agupi
maleno ametitia humaine.
20
Anumaya Kotia Hugategahue. huno humainea kehena
Namisio onamisio? huno tole agesa ohavinegi Anumaya Koti agia alisaga nehuno havino
agupi maleno ametiti hia yamoa alakefa humaine.
21
Hugategahue huno humainea yana
namigahie. huno agesa havilama humaine.
22
Naa humaineafe Anumaya Kotia Fatago
kanoa mainane. huno hutene.
23-24
Anumaya Kotia Fatago kanoa mainane. huno
hutene. huno kae-malenea kea agaiagefekeyana ohunegi tagaienefe mani kea humaineane.
Tagaya Anumaya Kotia Yisasi Kalaisina falimainefiti alino hetitenea kano maine. huta
havita lagupi maleta tametiti hunageno Fatago veanea mainae. huno hulatene.
25
Anumaya
Kotia Yisasina kefo yatia ayehami-talesiafe hutegeno me falimaine. Faliteno tagaifena
Fatago veaneniae. huno hulatenea kemona tokiyaage huno hanesiafe Anumaya Kotia
Yisasina fali-mainefitila ali hetitene.
Lomu Lomu
<<
44
>>
Lomu Lomu
<<
55
>>
5
Anumaya Kotia tagaifena Fatago veane mainae. huno hulatene.
1
Tagaya Yisasia hulatenea yafema havita tagupi maleta tametiti humainonafe Anumaya
Kotia Fatago veane mainae. huno hulatene. Anumayatimoa, Yisasi Kalaisi, ani kavala
hulateneafe Anumaya Koti tokiya hale yapi maigahune.
2
Yisasi Kalaisia agaia hulatenea
yateti ka valilategeta Anumaya Kotina kayone yamaafi umaineta Anumaya Kotina tokiya hale
yamaafi mo lokaeta maisunafe tametitia huta musena nehune.
3
Ani yafekela musena
nohunagi kana yapiti tokiya vaisuna yatimoa falote hisiafene huta kana yama vayi hiana ani
yafena muse nehune.
4
Tokiya vaisuna yatimoma hanesigenoa Anumaya Kotia muse
hulatesia auava yatimoa falote hisigeno Anumaya Kotia tagu tamena aligatisiafe tametitia
nehuta agava mainone.
5
Anumaya Kotia Alu Aotage Avamula ago tamigeno lagupi
mainegeno ani Avamuteti aluya huno hau ayamopafi nehaiya yana tamineafe tametiti hisuna
yana afa ya kana ohugahigi taya hugahie.
6
Nayona tagayama kanale kava hisuna amukotima omalenea kanafina, Anumaya
Kotima malenea kanafina, Kalaisia tagayama kefo yama nehuna veamogatilefene huno me
falimaine.
7
Nago kanomoa fatago kanomona aya hisuafene huno ofalileasine. Tamage
nagoke kanomoa kayoneage kanomona aya hisuafene huno falileasino?
8
Ohavinonagi
tagaya kefo kavakeya huta maunageno Kalaisia tagaifene huno me falimainea yateti
Anumaya Kotia tagaifena hau ayamopafi nehaiya yana taveli-maine.
9
Agaia kolamaaleti kefo
yama humainona anonatia aligeno Anumaya Kotia Fatago veane mainae. huno hulateteno
nagoene taya huno kefo yama nehuna yana Anumaya Kotia hai vaino anonatia tamigahe
hianagi Yisasima falimainea yateti tagai anona ago alimaineafe tagu tamena aligatigahie.
10
Tagaya Anumaya Kotina kame huteta mainona kanafina agaia nafanemo falimainea yateti
Anumaya Kotia Afaa maiho. huno ali falu hulategeta nagoke taipale maineta Anumaya
Kotiene taipamoa falu higeta mainonageno Yisasia fali-mainefiti heti-mainea haimuaene
maineanagino nagoene taya huno tagu tamena aligatigahie.
11
Nagi nago yana
Anumayatimoa, Yisasi Kalaisima hulatenea yafena Anumaya Kotife aluya huta musena
nehune. Yisasi Kalaisia ago lavaleno Anumaya Kotiene nagopi ailokaelategeta nagoke
taipale mainone.
Atamua fali yana ali falote humaineanagi Yisasia haimu alisaya yana ali falote
humaine.
12
Atamua, nagoke kanomo, kefo yana higeno ani kefo yama humainea yamoa ma
mopafina falote hutegeno kefo yama humainea kumiamoa haneafe veama fali yana alifalote
higeno mukia veamoya kefo yama hayafe anonaamia fali yamoa mukia veapina emaine.
13
Kahegi kemoa omenegeno kefo yana haneanagino kahegi kema omalesina Anumaya Kotia
nagoke nagokemogati kefo yatihena ohavisine.
14
Atamu mainea kanaleti aepa heya veala
falimainae. Falime falime uya Mosese mainea kanafina ania huya mukia falimainae. Nagoa
veamoya Atamuma atagae-mainea kava huya oatagaenayanagi afaa falimainae. Haenagama
esia kanoa Yisasi Kalaisi amemaa kana huno Atamua taveli-maine.
15
Atamuma humainea kefo yaene Anumaya Kotia kayone hulatenea yamoene nago
avamete ohunegi alua lua humainae. Tamage nagoke kanomoa kefo yama humainea yateti
mukia veala nefaliyanagi Anumaya Kotia tusi ya huno kayone yamaafiti nagoke kanoa,
Yisasi Kalaisia, kanale yama hulatenea yana afaa lamigeno tusiya huno fali yamona agaseno
kasagoya veala ali kayone humatene.
16
Anumaya Kotia kayone hulatenea yaene Atamua
kefo yama humainea anonaaenena nago avamete ohunegi alua lua humainae. Nagoke
kanomoa kefo kavama humaineafe Anumaya Kotia mukia veamogamina kaiyekea
humateteno Hanimo aguafi agola tamakata aisia no maigahae. huno humateneanagi
kasagoya veamoya kasagoya kefo yana humainayanagi kayone humatenea veamogamina
Fatago veane. huno humatene.
17
Tamage nagoke kanomo kefo yana humainea yateti
faliyamoa falote hu-maineanagiya mukia veamoya nefaliyanagi nagoke kanomoa, Yisasi
Kalaisi, hulatenea yateti kasagoya veamoya Yisasia kanale ya huno kayone hulatenea yafema
haviya amakupi malaya veamogamife Anumaya Kotia Fatago veane mainae. huno hu-
matesigeya agola maige maige hisaya hamaimula aliteya Kalaisia hulatenea yateti tokiya vaiya
maigahae.
18
Naa humaineafe nagoke kanomo kefo yana humainea yateti mukia veamogamina
Anumaya Kotia kaiyekea humateteno Hanimo aguafi agola tamakata aisia no maigahae.
huno hulateanagi nagoke kanomo fatago kava hu-maleneafe Anumaya Kotia agaife havino
neamino kasagoya veamogamifena Fatago veane mainae. huno humatenea yateti agola
maige maige hisaya hamaimula ago alimainae.
19
Nago kanoa, Atamue, Anumaya Koti kea
akave omaleafe mukia veamoya kefo yamaagela nehaya veane mainagi nagoke kanomoa,
Yisasia, Anumaya Koti kea akave maleneafe Anumaya Kotia kasagoya veamogamifena
Fatago veane mainae. huno humategahie.
20
Hu-mategahianagi Anumaya Kotia kahegi kema amamiana tusiya huya alitagae-
mainae. Kefo yama haya yamoa alakefa hianagi Anumaya Kotia kayone hulatenea yamoa ani
kefo yamona agaseno tusia yakefa hane.
21
Kefo yama humainaya anonaa mukia veanea
nefaliyanagi kayone hulatenea yamaa tusiya huno haneafe Anumayatimoa, Yisasi Kalaisi
falimainea yateti Anumaya Kotia kayone hulateno Fatago veanea mainae. huno hulateteno
agola maige maige hisuna tahaimula lamine.
Lomu Lomu
<<
55
>>
Lomu Lomu
<<
66
>>
6
Tagaya Kalaisiene ailokaeta faliteta agaiene fali-mainopiti ago heti-mainone.
1
Tagaya na ke hugahune? Tagaya kefo yama hisunagenoa Anumaya Kotia kayone
hisuna yamaa tagaipina ala huno havatelatesie huta hisuno?
2
Na kea ohutafa huta ohisune.
Kefo kava nehuna yana ago ataleta falimainea augafa veane mainone. Falimainaya veamoya
kefo yana ohugahae.
3
Yisasi Kalaisiene alino tategeta aigamaeta agaiene falimainageya tima
fale-latenaya kea ohavinao?
4
Tamage tima fale-latenaya yamoa Yisasi Kalaisiene aigamaeta
agaiene falunageno komufina hevailategeno Nelafaa tokiya hale yamaaleti Kalaisina
komufitila alino hetitenea kava huno tagaienena ali hetilateteno haegafa tahaimula tamigeta
ali-mainonafe kanaleya huta haegafa auava yapi vaiyesune.
Tagaya Kalaisiene ailokaeta eteta tahaimula alita mainone.
5
Tagaya agaiene aigamaeta agayama humainea kava huta faliteta ania huta agaiene
aigamaeta fali-mainefiti hetimainea kava huta hetigahune.
6
Tagaya havimainone kefo yamo
tokiya ago fali hano hisiafe nayoma nehavuna atafa lagu tagesa Yisasi Kalaisiene aigamaeno
yafaga yosale ago fali-maineanagita tagaya kefo yamo aliya veane nagoene omaisune.
7
Fali-
mainesia kanomona kefo yamoa nagoene atafa ohugahie. Hai falimaine.
8
Tagaya Kalaisiene
aigamaeta fali-mainesunana ania huta agaiene fali-mainesupitila hetita maigahune huta tagupi
havita malenone.
9
Tagaya ago nehavune Yisasi Kalaisia fali-mainefiti ago heti-maineafe
nagoene eteno ofaligahie. Fali yamoa tokiyaa omaletafa huno omaleneafe kava yagai
oategahie.
10
Nagoke yupa kanoa kefo yamo tokiya hegaseno fali-maineafe nagoene eteno
ofaligahie. Haegafa haimu alino Anumaya Kotina haiya kava hisiafe maine.
11
Naa
humaineafe tamakaienena ani lamakesa havi havi hutama maiho, Kalaisi falimainea avamete
nagaya ago fali-mainoanagino kefo yamo tokiyamoa nagoene kava huonategahie. Yisasi
Kalaisiene aigamaena Anumaya Kotina haisia kava hisue. hutama hiho.
12
Na yafe kefo yamoa Ala kavatami mainoe. huno falisia tamaugafamoa Age haye
hisia kava huo. huno kava oyagaisie.
13
Kefo kava hisaya yafena tamaiya, tamayana,
tamaulaga, kefo yamote aliyafena tamakua oamiho. Mukia Anumaya Kotina agaiage amiho.
Tamakaya falimainafiti hetimainaya veane mainagi tamaugafamoa mukia kanale auava yama
alisiafe Anumaya Kotina amiho.
14
Tamakaya kahegi kemoa tamaku tamamena aligatisiafe
tamametitia nohagi Anumaya Kotia kayone hulateteno ago aligati-maine. hutama nehae.
Ani yafe kefo yamoa tamakaila Na kava hiho. huno ala kavatamia omaitafa huno omaisie.
Tagaya fatago auava yamo aliya veane maisune.
15
Tagaya naane hugahune? Kahegi kemo akave malesune huta tametitia nohunagi
Anumaya Kotia kayone hulatenea yafe havita tametitia nehuta kefo yana kanalelagita hisuno?
Ania ohutafa huta ohugahune.
16
Tamakaya ohavinao? Nago kanoma mukia lamaku
tamakesa hakitama amitetama agai avaya ali hipoya hutama maisayana ani kanomo aliya
veaa maigahae. Kefo yama hu yamo aliya veanema mainutamahena ani kefo yama nehaya
anonaa alitetama falitama agola Anumaya Kotienena omaileasinagi tamakaya Anumaya Koti
kea akave male yamo aliya veanema mainutamahena ani kema akave malaya anonaa
alisageno Anumaya Kotia Fatago veane mainae. huno hulamategahie.
17
Tamage nayona
tamakaya kefo yamo aliya veane mainageno Anumaya Koti kea huhalagetama havilama
hutama ago akave malenae. Naa humainayafe Anumaya Kotina musena huneatone.
18
Kefo
yamoma nofi hulamatenea yapitila Anumaya Kotia ago alino kalu helamategetama fatago
yamo aliya veane mainae.
19
Kema havi yatamimoa yaufa akavi ohuneafene huna veamogata
tagu tagesafiti nehuna kea tamahanepaugi haviho hagotetama tamaiya, tamayana, mukia
yatamia Kefo yamo aliya nafane maiho. hutama hu-mainayanagi menia tamaiya, tamayana,
mukia yatamia fatago hisia yamo aliyate aminutamahena Anumaya Kotina alu aotage veanea
maigahae.
20
Hagotetama kefo yamo aliya veanea mainetama fatago kavala ohisaya tamakesa
havimainayane.
21
Kefo yamo aliya veane mainetama ani kavala humainayafe anonatamia
hana augafa kanale ya alimainae? Menia ani yafena tamakaye hisifa yamaage hanegi anonaa
kanale yana oalinae. Ago falitetama Anumaya Kotienena omaisaya yamaage ali falote
humainae.
22
Kefo yamoma nofi hulamatenea yapitila menia Anumaya Kotia ago alino kalu
helamateteno Aliya veanimogatama maiho. huno higetama mainageno ani aliyamo anonaa
Tamakaya alu aotage veanenia agola maige maige hisaya tamahaimula aligahae. huno
humaine.
23
Kefo yamo aliya veamoya anonaamima alisaya yana fali yane. Faligahagi
Anumaya Kotia nagola muse yana afaa nelamie. Anumayatimoa Yisasi Kalaisiene ailokaeta
mainonafe agola maige maige hisuna tahaimula ago tamine.
Lomu Lomu
<<
66
>>
Lomu Lomu
<<
77
>>
7
Menia yaufa tagu tagesale vaiyesuna yafe humaine.
1
Nafunaganagatama, kahegi kema havilama hulinaya veane, tamahanepauve veama
ofaliya afaa mainaya kanafina kahegi kea akave maleya aiyaafinaga mainagi falisayana ani
kemo aiyaafinaga omaigahae. Ani yafena lamakaya havimainafi ohavinae?
2
Nagola avame
kea tamahapaigahugi haviho. Nago amoa vele mainesigenoa kahegi kemoa neveene kino
anatafa hulisigeana mainesaanageno nevema falisigenoa kinoma anatafa huligeana nemaia
kemoa nagoene atafa hulino omaigahianagi afaa alu velela maigahie.
3
Nevema ofalino afaa
mainesigenoma alu vele visiana ani amofena Kumai a mainane. huya hugahagi nevema ago
falisigenoa kahegi kemoa nofima kitenea yana ago kalu hemaineafe nago kanoma alisiana
Kumai he a mainane. huya ohugahae.
4
Nafunaganagatama hagotetama kahegi kemote
tamametitia humainagi Kalaisi augafaene ailokaetama Kalaisiene fali-mainayafe kahegi
kemona ago ataletama Anumaya Kotite kanale auava ya alitama falote hisayafe alu
kanomoene, faliteno komufiti ago eteno heti-mainea kanomoene, ailokaetama mainae.
5
Hagoteta tagaya atafa lagu tagesaene mainonageno kahegi kemoa Naa kavala ohiho.
huno higeta ageta lahaye hisuna kefo tagu tagesa alino helafigeno mukia taugafamoa ania
huno kefo yama hiafe fali yamaagela ali falote humaine.
6
Humaineanagi meni kanafina
tagaya Kalaisiene falunageno tatafama hulinea kahegi kea ago alino kalu hetalegeta menia
haegafa lagu tagesa Alu Aotage Avamuteti Anumayamo kea akave nemalone. Nayoma
hanea avopima kae-malenaya kahegi kemo akavema malenona augafa kavala nohune.
Kefo yamoa veala alino haviya nelahaiye.
7
Naane hisune? Kahegi kemoa havi yane. huta hisuno? Naa ohutafa huta ohugahune.
Kahegi kemoa kefo yama naveotileasina Kefo yana nehue. huna ohavuleasine. Ani kemoa
Alu kanomo yatela ageka kahayea ohuo. huno ohileasina nagaya alu kanomo yatela agena
nahayema nehua yafena nagayea ohileasine.
8
Kahegi kemoa kefo kavala naveligeno kefo
kavala falote huno mukia age nahayema hua yana naguafi falote nehie. Kahegi kema
omaleleasina kefo yamoa fali-mainea augufa kava higena kefo yafena nagayea ohuleasine.
9-
10
Hagotena kahegi kema ohavinoa kanafina afaa mainoanagi kahegi kema falote higena
agetena Kefo yana nehuafe faligahue. huna humainoane. Tamahaimu tamamigahue.
huno humainea kahegi kemoa eteno kefo yama humainoafe nahaegena fali-mainoe.
11
Kahegi
kemoa Naa kavala ohuo. huno higena havuanagi ani kefo yamoa ayenavataga higena ani
kefo yama humainoafe nahaegena fali-mainoe.
12
Kahegi kemoa alu aotage ke, tusiya huno fatago humainea keage hane.
13
Haneanagi
ani kanale yamoa nagaila nahaegena falimainofi? Naa ohutafa huno ohunegi kefo yamoa ani
kanale keleti nagaila nahaegena falimainoe. Kefo yamoa fufu yate efalote hutegeno kahegi
kemoa Tusia havi kefo ya hane. huno aepaa naveligena agetena Tamage ani kefo yana
ase ohu yane. huna nehue.
Kefo yamoa tagu tagesamona alino nofi huneate.
14
Tagaya ago nehavune Anumaya Kotia kahegi kea ago tamineanagi nagaya mopale
kanoa atafa nagu nagesaene kano mainogeno kefo yamoa nofi hunategena agai aliya nealue.
15
Nagayama nehua yamo aepaa ohavinoe. Nenahaiya yama hisue. huna hua yana
nohuanagi Onahaiya yane. huna hua yamaage mukia kanafina maina nehue.
16
Onahaiye.
hunama hua kavala huge huge maina nehue Kahegi kemoa fatago humainea ke hane. huna
nehue.
17
Menia ago havilinoe nagainia ani kavala maina nohugi kefo yamoa nagupi maineno
ani kavala nehie.
18
Nagaya havuana atafa naipafina nago kanale yana omalegena Kanale
kava hisua yafena nenahaiye. huna nehuanagi ani kanale kavala hisua tokiyania omalene.
19
Nahaiya kanale kavala hugahue. huna nehuanagi ani kavala nohugi kefo yafema
Onahaiye. huna nehua yamaage maina nehue.
20
Onahaiyema. huna hua yafema hisuana
ani kavala nakainia nohugi kefo yama nagupima hanea yamo ani kavala nehie.
21
Ania nehigena mania augafa kavama huana nagaya Kanale kavakeya hisue. huna
huanagi kefo yamoa nagaipina hanegena maina nehue.
22
Naguamoa Anumaya Koti haiya
kavafena nehaiye.
23
Nehaigenoagi naulaga, nagesa, nayamoa mukia naugafamoa kefo yama
hisaya amakesa huteya nagupima haneno Anumaya Kotifema nehaiya nagu nagesaene tu
nehuya naugafamona kefo yamoya avaleya nofipi hayagiya ateteya Tagai ke havio. huya
nehae.
24
Avoneo kefo kava nehua kano mainoe. Falisua naugafale mainoanagino hana
kanomo naugafa alino katigahie?
25
Anumayati Yisasi Kalaisia nagu namena ago aligati-
maineafe Anumaya Kotifena aluya huna musena huneatoe. Nagainia nagu nagesafiti
Anumaya Kotina haiya kavala akave nemaloanagi atafa naipamoa kefo yamo akave nemale.
Lomu Lomu
<<
77
>>
Lomu Lomu
<<
88
>>
8
Kalaisia kefo yatia alineataleno Alu Aotage Avamu tamine.
1
Yisasi Kalaisiene ailokaeta mainona veamogata Anumaya Kotia nagola kaiyekea
hulateno kefo yama humainona anonaa otamigahie.
2
Kefo yama huna falisua yamo nofipi
mainogeno Yisasi Kalaisia falimainea yateti haimu hanea Alu Aotage Avamumo tokiyaleti ali
kalu heno natalene.
3
Kahegi kemoa Fatago veane mainae. huno hulatesia tokiyaa atafa
tagu tagesamoa ani kahegi kea akave malesia tokiyamoa omalegeno ani kahegi kemoa tagaila
alino kanale kavala hu otategahigi Anumaya Kotia nafanea hutegeno tagaya kefo veamogata
mauna augafa avamete augafa kalimai kano emainegeno tagayama kefo yama humainona
yateti tagata aisia yana anonatia Yisasina amigeno alino faligeno Anumaya Kotia kefo
yatimo tokiyaa alitalene.
4
Alitalegeta menia tagaya atafa lagu tagesalela tahanepaiya kavala
huta vainoayonagi Alu Aotage Avamumo tahapaiya kava huta vaiyatete nehuta kahegi kemo
fatago auava ya huta kaana vaineayone.
5
Veamoya atafa amaku amakesalema vaiyayana
amaugafa age hamaye hisaya yate amakesa havi havi huya ani katega nevayanagi nagoa
veamoya Alu Aotage Avamumoa Vaiyeho. huno hia kate vaiyatetema hayana Alu Aotage
Avamumona haiya amakesa havi havi huya mainae.
6
Veamoya atafa amaku amakesale
amaugafa age hamahaye hisayana faligahagi veamoya Alu Aotage Avamumo haisia yafema
amakesa havi havi hisayana amaipamoa falu higeya agola maige maige hisaya hamaimula
alimainae.
7
Atafa amaku amakesale amaugafa age hamaye hisaya veamoya Anumaya Kotina
kame tagiya kaeneateya Anumaya Koti kahegi kemona akave omaleya ani kea akave
malesaya tokiyaamia omaletafa huno omalene.
8-9
Veamoya atafa amaku amakesa akave malesayana Anumaya Kotima haiya kavala
ohaleasinagi tamakaya atafa tamaku tamakesa akave nomalagi Alu Aotage Avamumoa
tamakupi maineafe agai kea akave nemalae. Nagoa veamoya Kalaisina Alu Aotage
Avamuamoma amakupinaga omainesiana Kalaisi nafanea omainae.
10
Kefo yama
humainayafe tamaugafamoa ago falimainegi Kalaisia tamakupi mainenageno Anumaya Kotia
Fatago veane mainae. huno hulamateneafe tamaku tamamemoa agola maige maige huno
maine.
11
Anumaya Kotia, Yisasina fali-mainefiti ali hetitenea kanomo, Avamumoa tamakai
tamakupima mainesiana Yisasi Kalaisina fali-mainefiti ali hetitenea kanomoa tamakupi
mainea Avamuteti manima falisaya tamaugafa ali hetilamateno tamahaimula tamamigahie.
Alu Aotage Avamumo kema akave malesunana Anumaya Koti nafane mainone.
12
Nafunaganagatama Yisasia hulatenea yafena anonaa amisuna yana hane. Atafa lagu
tagesamoa kanale yana huotateneanagino agaila amisuna anonaa omaleanagita atafa lagu
tagesa akave maleta taugafamoa age haye hisia kavala ohisune.
13
Aao atafa lamaku
tamakesalema vaiyesayana faligahagi Alu Aotage Avamumo tokiyaleti tamaugafa age haye
hisia yama hae falisayana agola maige maige hisaya tamahaimuene maigahae.
14
Anumaya
Koti Avamumo kema akave maleya vaiyayana Anumaya Koti nafaneyaga mainae.
15
Alu
Aotage Avamumoa etetama koli hisaya nofipina hulamatesiafe tamakupina omenegi
tamakaila Anumaya Koti nafaneyaga maiho. huno hulamatesiafe tamakupi emainegetama
Anumaya Kotife Tatao, Nelafao. hutama nehae.
16
Nehageno Alu Aotage Avamumoa
agaia Tamakaya Anumaya Koti nafane mainae. huno lagupina tahanepaiye.
17
Tahapaigeta
tagaya Anumaya Koti nafanema mainonana Nelafa yana Kalaisiene tagai yatafa hapaegahie.
He Kalaisiene kana yama alisunana ania huta agaiene tokiya haleyamaaene ala agiene
aligahune.
Haenagaa ikapinaga kanale no maisuna yana aligahune.
18
Nagaya nagesa havuana haenagama Anumaya Kotia tokiya hale yamaa fufu yate ali
falote hinageno tavelisigeta agesuna yafe tagesa haviteta Meni kanafima tagata aiya yama
nealuna yana afa ya kana humaine. huta hugahune.
19
Mukia Anumaya Kotima talo
humalenea yana agesaga huya Anumaya Koti nafanemoya falote hisigeya agesaya yafe
ageke huya agava mainae.
20
Mukia Anumaya Koti talo humalenea yana kasaliya haviya
nehae. Amakaya hamaiya yateti ani kavala nohagi Anumaya Kotia Haenagaa kanale yama
falote hugahie. huno agaia anima kasalisaya nofipina humategeya mainae.
21
Mainagi
haenagaa Anumaya Kotia kasalino haviya hisia nofipima mainaya yana ali-talesigeta tagaya,
Anumaya Koti anagamogatina, nofipiti tavayu hinageta ali-mainona tokiya hale yapi tagima
hanea yana aligahune.
22
Tagaya ago nehavune meni kanafina mukia Anumaya Koti talo
humalenea yamoya amakatama aiyana anemoya nafanema ategahe hageno inamu yama
alimatea augafa kava huya hume hume haiya meni kanafina neae.
23
Neagi amakaiamigela ani
kavala nohagi Anumaya Kotia tagaifena Haenagaa mukia yama tamamigahue. huno
hagoteno Alu Aotage Avamula ago tamigeta avale-mainonanagi ania huta tagupi Avonio.
huta kasalisia taugafa aligatisigeno haegafa taugafa falote hisigeno Anumaya Kotia agaia
Nafaneyagani mainae. huno hulatesiafe tametitia nehuta agava mainone.
24
Anumaya Kotia
tagu tamema aligati-mainea kanafina mage huno humaine Tamaugafa aligatisuafe tamametiti
hutama nagava maiho. huno higeta agava mainone. Nagola veamoya agoma alimainaya
yafena agava ohugahae.
25
Oagenona yama Aligahune. huta tametitilafama hisunana
tamena malelava huta agava maigahune.
26
Maigahunanagi fulu fulu veane mainonafe Naafe Anumayamotega nunamuna huta
havigesune? huta nehunanagi Alu Aotage Avamumoa Vaeha. huno ohavunamaa kea
Anumayamotega taya huno havinege.
27
Nehigeno Anumaya Kotia veamogatina taguafima
hanea yana agelama huno neageno Alu Aotage Avamumona agu agesafima hanea yaene
agemaine. Ani Avamumoa Anumaya Kotima haiya yafena ago haviteno Yisasi anagala
amaya hugahe nunamuna huno havinege.
28
Tagaya ago havimainone Anumaya Kotife hamau amayamopafi nehamaiya veamoya,
Anumaya Kotina agaima haisia kava hisayafe ke huno agaialega amavaleno amatenea
veamogamite, mukia falote hisia yana kanale yaene kana yaene Anumaya Kotia alino kanale
huneamate.
29
Anumaya Kotia nayona ago amaketeno hapalimatenea veala agaia nafanemo
avamete veane maisae huno amategeya mukia veala mainagi Kalaisina nafanea hagoteno
ategeno Ala nepuamimo maisiafene. huno hutene.
30
Anima hapalimatenea veafena ke
huno agaialega amateteno kefo yamaage nehaya veane mainagi Yisasi humatenea yateti
Fatago veane mainae. huno humateteno tokiya hale yamaa amamine.
Nago yamoa Anumaya Kotima nehaiya yamaa tileoategahie.
31
Naa humaineafe tagaya naane huta hisune? Anumaya Kotia tagaima laya hisiana ta
tagaila kamea hulategahie?
32
Anumaya Kotia Nafanenia otamamigahue. ohutafa huno
ohunegi afaa lagaife huno hutegeno emaineanagino mukia yama laya hisia yaene tamigahie.
33
Anumaya Kotima hapali-malenea veanea ta kaiyekea humategahie? Anumaya Kotia agaia
Ago fatago veane mainae. huno hulatene.
34
Hana kanomo kaiyekea hulateno Tagata
aisia yana aligahae. huno hulategahie? Yisasi Kalaisia faliteno hetino haino Anumaya Kotina
tamaga ayatega maineno taya hisia yafena Nefatega ke huno nunamupiti havinegeafe nago
kanomoa kaiyekea hulateno ali haviyana huotategahie.
35
Kalaisia tagaifena tusiya huno hau
ayamopafi nehaiya yamaa ta tahafalegahie? Tagaya kana yapi maisunano tusi lagata aisia
yapino, veamoya havi kavama hulatesaya yapino, kafu kana falote hisigeno tagatesia
yapino, mukia yatima omalesia yapino, nagoa havi kavamo tagaila alino haviya hisia yapino,
tahaesageta falisuna yama falote hisia yapino? Ani yayaga hau ayamopafi nehaiya yana alino
tahaofalegahianagino Kalaisia tagaifema hau ayamopafi nehaiya yamaamoa hanege hanege
huno hanegahie.
36
Anima havi yayagama falote hisia yafena Anumaya Koti autamafina mage
huya kae-malenayane
Kagai nafaneyaga mainonafe mukia yagefina tagaila tahaeya fali hano nehae. Tagaya sipi
sipi afu kana huta mainonageya tagaifena Hamaesuna veane mainae. huya
nehae. huya kae-malenayane.
37
Mukia mani havi yayagahema Aoteyamaae. huta hisune. Kalaisia tagaifema hau
ayamopafi haumainea kanomo tokiyaleti mukia ani yayaga amakaseta mainone.
38
Nagaya
ani yafena havilama huna nagupi malenoe. Anumaya Kotia tagaifena hau ayamopafi nehaiya
yana nago yamoa tahaofalegahie. Falisunano, mainesunano, ensole vayalo, Satani Avamulo,
menima hanea yano, haenagama falote hisia yano Anumaya Kotia tagaifema hau ayamopafi
nehaiya yana tahaofaletafa hugahae.
39
Ikate yano mopamona afete hanea yano nagoa mukia
Anumaya Koti talo humalenea yano Anumaya Kotina hau ayamopafima nehaiya yamaa
tahaofaletafa hugahae. Anumayatimoa Yisasi Kalaisi hulatenea yateti agaiene ailokaeta
mainonafe Anumaya Kotia lagaifena hau ayamopafi agola hauge hauge huno nehaiye.
Lomu Lomu
<<
88
>>
Lomu Lomu
<<
99
>>
9
Poloa Isaleli veafe havino hau humatene.
1
Kalaisiene aigamaena mainoafe tamagelafa nehue. Havige nohue. Alu Aotage
Avamumoa nagupi mainegena nagualeti tamage nehue.
2
Yuta anaganimoya Yisasi kea
ohaviyayafe mukia kanafina naipamoa kanaage nehuno nagata neaiye.
3
Nagoke nofi
anaganimoya amakua aiyahae huya Yisasi ke havisayafe Anumayamotega ke huna
havigesugeno Hai vainateno natalenegena hani yapi nagaila nenateka ani veala
amavalesane. huna havigesua nagesa nehavue.
4
Nagai nofi anagala Isaleli veanea Anumaya
Kotina nafaneyagaa mainageno Anumaya Kotia agaia tokiya hale yamaa amaveliteno alino
hagelafi-matenea kea humateteno kahegi kea amamino agai agima alisaga hisaya aliyana
amamino Maa yama hulamategahue. huno hulokiya vaimalenea kea hamapai-maine.
5
Ani
nofipiti tokiyaage taginagomoya falote humainayanagino Kalaisia Anumaya Kotima
tamaugafa aligatigahie huno hutenea kanoa ani taginagomoyafiti velafa maisiafe falote
humaine. Kalaisia mukia yana kava yagaino Anumaya Koti maineanagita mukia kanafina
agola agia alisaga hisune. Tamage.
Anumaya Kotia agaia veane maisaya yafe hapalimatene.
6
Anumaya Kotima hulokiya vaimalenea kemoa falote huno afa ya kana nehie huna
nehuo? Aao na kea nohugi Isaleli veafe tamage nehue mukia ani veamoya Anumaya Kotina
nafaneyagaa omainae.
7
Mukia Apalahamuna aginagomoya nafaneyagaa omaitafa huya
omainagi nayona Anumaya Kotia Apalahamufena mage higeno autamafina kae-maleneane
Kagaika nafanemoa Aisakima atesia nafaneyaga kagai kaginagomoya maitafa huya
maigahae. huno humaineane.
8
Ani kemo aepaa mage humaine mukia vealavemoya nehaya kavateti Apalahamuma atenea
nafaneyaga Anumaya Koti nafaneyaga omainagi Anumaya Kotia hulokiya vai-malenea
kelema amametiti humainaya veafe Apalahamuna nafaneyagaa mainae. huno humateneane.
9
Anima hulokiya vaimalenea kemoa mage huno humaine Nagayama malenoa kanamoma
efalote hisigenoa Selaa ne nafane ategahie. huno humaineane.
10-12
Ani yamaagefeno-magi
taginagomoa Aisakia ko huteno aama Lepekana alitenegeno aipa yama hiana kuyave
nafanelata aipafina kanale yano havi yano huana ohunaa kanafinagino Anumaya Kotima
humaineana agaia haiya yateti veala hapalilatenea kava huno Anumaya Kotia mage huno
itaanimofena hapaiye Yage nafanekamoa haenaga nafanekamo aliya kano maineno akave
malegahie. huno humaineane. Ani yamofena mage huno humaine Anumaya Kotia veala
kanale kavama humainayafene huno ohapaligahianagino haisia kanomofe ke hinageno
agaitega egahie.
13
Anumaya Koti autamafina mage huno humaineane Yekopua nahau
nayamopafi nahaiya kanogi Isoa onahaiya kano maine. huno humaineane.
14
Naa hu-
maineanagita naane huta hisune? Anumaya Kotia fatago ohia kava humaine. huta hisuno?
Aao naa kea ohutafa huta ohugahune.
15
Mosesefena mage huno humaineane Nago
kanohema Nahau hutena kalagi aitegahue. hunama hisua kanomona kalagila aitegahue.
huno humaineane.
16
Naa humaineafe Anumaya Kotia kalagi aisia yana veamoya Namisie
namisie. huya nehuya veamoya Nayamufa aina aliya alisuafe kalagila ainategahie. huya
hisaya yatetila kalagila aioamategahie. Anumaya Kotia Ma kanomofe nenahaiyanagina
kalagi aitegahue. huno hisia kanomona hau huno kalagila aineate.
17
Anumaya Kotia Isipi
sauve kanoa Felofe mage huno higeya kae-malenayane
Alihetigatenoa yafe mukia veamoya tokiyania agesaya yafeene navagemoa mukia kumate
ute ete hisia yafeene Kagaya ala kano maiyo. huna ali hetigatenoe. huno
humaineane.
18
Anumaya Kotia haisia veamogamina hauna humateno kalagila aimatenegi agaia kema
ohavisaya yafe nagoa veamogamina amaku amakesa alino aililematene.
19
Nagoamogatama
nagaifena mage hutama nahavigegahae Naa nehianagi naa higeno veamogamifena Havi
kava nehae. huno nehie? Agaiama haisia agu agesa havisia yana ta ani yafena Ohugane.
huno hutegahie? hutama hugahae.
20
Hugahagi kagaya mopale kanomoga hanaa augafa
kano maineka Anumaya Kotifena aka huka kea vaitegane? Mopaleti aye kakalifeno talo
humalenaya yopamoa talo hutenea kanomofena Naa higeka nagaila maa huka talo
hunatenane? huno hugahio?
21
Aao, naa augafa kea ohugahie. Mopaleti aye kakalifeno talo
humalenesia kanomoa talo humalenesia yana agaia yane. Nagola mopamo alaga alino nagola
kanale susufanea talo huteno ani alagaleti havi aliyate susufanenema talo hisiana agaia yane.
22
Anumaya Kotia ania humaine. Tagaya agaia talo humalenea susufane kana huta mainone.
Nago susufane kana veamoya kefo yama humainayafe tusi hai vaimateno himamualeti
Amakata aisia yana amamigahue. huno humaineanagi mailava huno amakava-maineno
kaiyekea hu noamate.
23-24
Amakava-maineafe tagaya Yuta veamoyaene Yuta vea omainaya
veamoyaene agaialega visunafe ke hulatenea susufane kana veamogatihena, tusiya huno
kalagila ailatenea veamogatina Haenagama tokiya hale yania tamamisugetama aligahae.
huno hulatene. Nayona tokiya hale yamaa alisunafene huno talo hulatene.
25
Ani yafena
Hoseaa, Anumaya Koti aune kanomoa Anumaya Koti humainea kea mage huno kae-
maleneane
Yuta veapi omainaya veafena Nagaini nofi anaga mainae. huna hugahue. Nagua
oamaminesua anagafena Nahau nayamopafi nenahaiya anaga mainae. huna
hugahue.
26
Anumaya Kotia Nagai anaga omainae. huno humainea kumatega
Anumaya Kotia amakaifena mage huno hugahie Tamakaya nahaimu hanea
Anumaya Kotinina nafaneyagania mainae. huno hugahie. huno humaineane.
27
Aisaiyaa Isaleli veafe mage huno kae-maleneane
Isaleli veamoya nafaneamima ateya atagufeyama hage li kahaepa kana huya kasagoya
veane maigahayanagi osi anaga kanoa amaku amamena aligatigahue.
28
Anumayamoa ma mopale mainaya veala kaiyekea humateteno Naa yama
aligahae. huno humainea kemona ani kavala fatago huno aupa kanoa humateteno
ali hano hugahie. huno humaineane.
29
Aisaiyaa hagoteno mage huno humaineane
Mukia tokiyaa hanea Anumayamoa osia anaga kanoatihe kalagi aioamateleasina
mukiamogatina Sotomu mainaya veanene Komola mainaya veanene faliya fanane
humainaya kava huteasine. huno humaineane.
Isaleli veamoya amametiti ohayafe fatago veala omainae.
30
Naa hu-maineanagita naane huta hisune? Yuta veapi omainaya veala fatago veane
maisayafe kasageke vokela ohunaya veamoya afaa Yisasia hulatenea yafe haviya amakupi
maleya amametiti humainaya yateti Anumaya Kotia ani veamogamifena Fatago veane
mainae. huno humatene huta hisuno?
31
Humateneanagi Isaleli veamoya tusiya huya kahegi
kemona akave malesaya yafe kasageke vokela hayanagi ani kemona akave malelama
ohunaya yafe fatago veanea omainae huta hisuno?
32
E, ani ke hisune. Naa higeya fatago
veala omainae? Tagaiti kasageke hisuna aliyateti fatago veane maigahune. huya hayanagi
Yisasia hulatenea yafema havita lagupi maleta tametiti humainonafe Fatago veane mainae.
huno hulategahie. huya ohunayanagiya fatago veanea omainae. Yisasia yafa kana
humaineanagi agaifena haviya amakupina omalenaya yafe ani haletona yafate ayalega amaiya
aye-kayopeliya asaga hulavi-mainae.
33
Anumayamo autamafina mage huya kae-malenayane
Agegeho nagola aye hataga huliya asaga hulavisaya yafana Saiyoni malogeno hane. Asaga
hulavigahayanagi agaifema haviya amakupi malenaya veamoya amakayea
ohugahae. huya kae-malenayane.
Lomu Lomu
<<
99
>>
Lomu Lomu
<<
10 10
>>
10
Mukia Isaleli veamoya Anumaya Koti auava yana oagenae.
1
Nafunaganagatama Anumaya Kotia Yuta veamogami amaku amamena aligatisiafe
aluya huno nenahaigena mukia yupa ani yafena nunamuna nehue.
2
Amakayama nehaya
kavala agetena mani kea nehue amakaya Anumaya Kotina haisia kavala aluya huya hisaya
amaku amakesa nehaviyanagi anima haiya yafena havilama nohuya ani kavala nohae.
3
Anumaya Kotia veafema Fatago veane mainae. huno humatenea yafena nohaviya Ani
kavala hulato. huya havinokagi amakaiamima maiya auava yaamia Anumaya Kotia
ageteno Fatago kava nehae. huno hugahie. huya nehayanagi amakaiami humainaya yafe
ani kea huoamategahie.
4
Huoamategahigi Kalaisia hulatenea yafema haviya amakupi maleya
amametiti humainaya veamogamifena Anumaya Kotia Ago fatago veane mainae. huno
humateteno ani yafena Kalaisia Mosese kahegi kemona alifatago huno ali hano humaineane.
5
Kahegi kema akave malesayana Anumaya Kotia Fatago veane mainae huno
humategahie. huno Mosesea mage huno kae-maleneane.
Nagoa veamoya mukia kahegi kema akave malesayana ani keleti vaiyegahae. huno hu-
maineane.
6
Hu-maineanagi nagoa veamoya Yisasi hulatenea yafema haviya amakupi maleya amametiti
humainayafe Anumaya Kotia Fatago veane mainae. huno humatenea yamofena mage
huno hie tamakuafitila mage hutama haviokeho Ta ikapinaga haiteno Kalaisina avaleno
elavigahie? hutama ohiho.
7
Ta falimainaya veane nelaviya kapina Kalaisina fali-mainefiti
avalegahe tavigahae hutama havi okeho.
8
Naane hie? Ani kemoa tamahanile haneteno
tamavayale haneno tamakupi hane. Anima hu falote nehuna kea Yisasima hulatenea yafema
havita lagupi maleta lametiti hisuna yafe humaine.
9
Tamakaya tamavayafiti Yisasia
Anumayania maine. hutama huhaneletama tamakuafitila Anumaya Kotia Yisasina fali-
mainefiti ali hetitene. hutama tamakupi maletama tamametiti hisageno Anumaya Kotia
tamaku tamamena aligatigahie.
10
Taguafina Yisasia hulatenea yafena havita tagupi maleta
tametiti humainona yateti Anumaya Kotia Fatago veane mainae. huno hunelate. Tavayafiti
Yisasia hulatenea yafe havina nagupi malenoe. huta hufalote nehuna yateti Anumaya Kotia
tagu tamena alinegatie.
11
Anumaya Koti autamafina mage huno humaine
Nagoa veamoya Yisasife haviya amakupi maleya amametiti hisayana amakayea ohugahae.
huno humaineane.
12
Anumaya Koti aulagafina Yuta veanene Yuta veapi omainaya veanene nago avamete huya
mainageno Anumaya Kotia mukia veamogami Anumayaami maineanagiya mukia veamoya
agaitega ke hisageno kanaleya huno amaya hisia yana kasagoya amamigahie.
13
Anumaya
Koti autamafina mage huno humaineane
Mukia veamoya Anumayamo agi ayeya ke hisagenoa amaku amamena aligatigahie. huno
humaineane.
14
Aligatigahianagi Yisasia hulatenea yafema haviya amakupi omalesayana hanaa huya agia
ayegahae? Yisasia hulatenea yafema ohavisayana hanaa huya agaifena haviya amakupi
maleya amametitia hugahae? Nago kanomoma Yisasia hulatenea yafema huhaleno
hamaopaisiana hanaa huya ani kea havigahae?
15
Yisasia hulatenea yafema huhaleya hisaya
veama hu oamatesayana hanaa huya ani kea huhaleya hugahae? Anumaya Koti autamafina
mage huno humaineane
Yisasife kanale mono kea, tamaipa falu hutama maisaya kema, alino esia kanoa kanale
kano maineanagita muse hisune. huno humaineane.
Mukia Isaleli veamoya Yisasima hulatenea yafena haviya amakupina omalenae.
16
Mukia mani kema nehaviya veamoya haviya amakupina nomalae. Anumaya Koti
autamafina Aisaiyaa mage huno humaineane
Anumayamoga hana veamoya hamapauva kea haviya amakupi maleya amametiti
humainae? huno havige-maineane.
17
Amakupi maleya amametiti humainaya yamo havimainaya kefiti falote humaine. Anima
havimainaya kea Kalaisife hamapaigeya havimainae.
18
Nagaya maa huna tamahavi-negoe
mani kanale kea ohavinao? Aao tamagelafa huna tamahapauve mukiamoya ago havilinae.
Anumaya Koti avopina mage huno humaineane
Amake aiyama haya kemoa mukia kotega ute ete huno keamimoa mukia kumate umaine.
huno humaineane.
19
Nagoene tamahavi-negoe mani kanale kea Isaleli veamoya ohavinao? Tamage huya ago
havilinae. Hagoteno Mosesea Anumaya Kotima humainea kea mage huno humaineane
Nagaya havigu veala, nago nofipi omainaya anagapiti amavalesugetama ani yafena tamaipa
havi haviya humategahae. Nago nofi veala, kanaleya huya havisaya amaku
amakesa omalenesia veala amavalesugetama ani yafena ke vaigahae. huno
humaineane.
20
Aisaiyaa tokiyaage huno Anumaya Kotima humainea kea mage huno humaineane
Nagoa veamoya nagaifena natia noayesaya veamoya ago nagemainae. Nagaifema nagoa
veanema hamavi-okenaya veamogami amaulagale ago fufute efalote hugeya
nagemainae.
21
Isaleli veamogami-fena mage humaine Ayaaya kanagefa nayateti
Eho eho huna kea huanagi nagai kea akave omaletama ke vaige vaige nehaya
veamogatamae. huno humaineane.
Lomu Lomu
<<
10 10
>>
Lomu Lomu
<<
11 11
>>
11
Anumaya Kotia nago kaiyaga Isaleli veala ali kayone humatene.
1
Tamahavigoe Anumaya Kotia agaia anagaa amanati-talenefi? Tamage naa ohune.
Nagayaenena Isaleli kano mainoe. Nagaya Apalahamu kola mainena Penisamini nofi kano
mainoe.
2
Mani anagala nayona Anumaya Kotia ehema hapali-malenea anagaa amanati-
oatalene. Ilaiya avagea Anumaya Koti avopima hanea kea ohavinao? Ilaiyaa Isaleli anagafe
nunamuna mage huno Anumayamotega havige-maineane.
3
Anumayamogae veamoya kagai
amaune veamogamina hamaeya falimateya kagaife afu heya kae-salamana hunegataya ata
haluya helagaya vaineatalageya hagena nagainige nagoke mainogeya nahaegahe tusiya huya
natineayae. huno humaineane.
4
Higeno Anumaya Kotia anonaalema humainea kea
havilinao? Agai avopina mage huno kae-maleneane
Kagaikage omainanagi Seveni tausenia (7,000) veamoya onatalenae. Yafateti talo
humalenaya Anumayamo agia Palie agia alisaga huya amakua oaminaya anagania
mainae. huno humaineane.
5
Anima humainea kate meni kanaene Anumaya Kotia agaia kayone yamaaleti osi anagaa
agaia veane maisayafe ago hapali-malene.
6
Anumaya Kotia agaia kayone yamaaleti
hapalimatenegi kanale auava yama nehaya yateti hapalimateleasina agaia kayone yamaamoa
afa ya kana hileasinagi agaia kayone yamaaleti hapalimatene.
7
Naa humaineanagita naane
hisune? Isaleli veamoya Anumaya Kotia Fatago veane mainae. huno humatesiafe
kasageke huge hugetayana oalitafa huya oaligeno Anumaya Kotia osi vea kanoa
hapalimatenea veafe ani kea humatenegi nagoa veamoya ohavisayafene huno amakua alino
aitalako humalene.
8
Anumaya Koti avopina mage huno humaineane
Anumaya Kotia amakuamona alino amaukalo kalo humateno amaulaga alino asu humateno
amakesa alino aililemateno higeya kea ohaviya maime maime eya meni kanaene
ani kavakeya huya mainae. huno humaineane.
9
Tevitia ani avopina mage huno humaineane
Ala imulema maisayana Anumaya Kotia kalifu hanagi-malesigeno amatafa hisigeya vailiya
asaga hulaviya havi yaamimo anonaamia aligahae.
10
Amaulagamoa hanikomako
hisigeya oagetafa hisae. Mukia kana yama alimainayafe amakaveyamoene agola
fago-koko huya vaiyesae. huno humaineane.
Anumaya Kotia Yuta veala omainaya vayamogami amaku amamena aligatimaine.
11
Isaleli veamoya Yisasi kea amakaveno hutenayafe vailiya asaga hulaviya agola
amakoya faimainao? Aao tamage huya naa ohunae. Yisasi kea amakaveno hutenaya yateti
Anumaya Kotia Yuta vea omainaya veamogami amaku amamena aligatisigeya Isaleli
veamoya ageteya Tagaienena tagu tamena alilatisie. huya age hamaye hugahae.
12
Tamage
Isaleli veamoya kefo kava huya yagalaya yafe nagoa ma mopafi veamoya kanale yana
alimainae. Isaleli veamoya Yisasi kea amakaveno hutenayafe Yuta veapi omainaya veamoya
kanale yana alimainae. Kasagoya Isaleli veamoya eteya Anumayamo kea haviya akave
malesayana tusia kanale kanamoa falote humategahie.
13
Nagaifena Yuta vea omainaya
veamogamite Yisasi kea huhaleka hamapaiyo. huno higena Aposolo kano mainoafe muse
nehuna mani aliyana nealua yafe tamakaya Yuta vea omainaya veamogatama tamakaife
nehue.
14
Manima nenahaiya aliyanialeti nagainia anagala, Isaleli anaga, nagoa
alihetimatesugeya age hamaye hisageno Anumaya Kotia amaku amamena aligatisie huna
nehue.
15
Anumaya Kotia Isaleli anagala amanati-taleneafe mukia ma mopafi veafena mage
huno humaine Aigetamatena yuna helamatena nagoke taipa kalisune. huno humaineanagi
Anumaya Kotia eteno Isaleli veanema amavalesiana fali-mainafiti hetiya augafa kava
hugahae.
16
Hagoteya talo haya kai hamemo atupaa Anumaya Koti neamiyane mukia
tamaaenena Anumaya Koti yane. Nagi yosamo hafuyama Anumaya Koti yama hanesiana
mukia yosa akopayagae-nena Anumaya Koti yane.
17
Anumaya Kotia agaia hoyafi hanea
Olivi yosamona akopaa aye sasaeneataleno tamakaila Yuta veane omainaya veamogatamina,
afai Olivi yosamo akopa kana hutama mainageno tamavaleno fukiteti aye kamaelamateteno
nofi kilamategetama mainetama ani yosafiti timaa aitama nenae.
18
Ani yafe tamakaya aye
sasaetalenea akopaahena Afa veane mainagi tagaya tamakaseta ala veane mainone.
hutama hu oamateho. Tamakaya akopamogatama timaa aitama tama yosamona amigeno
nonegi hafuyafiti timaa aitama nenae.
19
Tamakaya mage hutama nehae Tagaya kanale
veane mainonafe tagai akopama aye gamae-malesia yafena Isaleli akopala ago aye
sasaetalene. hutama nehae.
20
Tamage Yisasife haviya amakupi omalaya yateti aye sasae-
talegetama tamakaya Yisasife havitama tamakupi maletama tamametiti humainayafe aye
gamae-malene. Tamakaila naa humaleneafe Ala veane mainone. hutama tamaugafa alitama
ohaitama koli hutama tamakupi maletama tamametiti humainaya yama atalesayafe
tamamayoa aino.
21
Anumaya Kotia agaia Isaleli veamogamina akopa-tafamaa alino asasae-
taleneanagino tamakaila ani kavama hisagenoa tamayoa okigahianagino ani kava huno
tamakaila alino asasae-talegahie.
22
Ani yafe Anumaya Kotia kayone hulate yamaaene
kaiyeke hulateno haviyama anonaa tamisia yamaaene agelama hisune. Agaia kanale auava
yamaa neatalaya veala kaiyeke humateno tusiya huno havi yana anonaa amamiyanagi
tamakaila kayone hunelamate. Tamakaila kayone hulamateneafe tamametiti hisageno
Anumaya Kotia nagoene kayone hulamategahigi naa ohisagenoa tamakaienena ago alino
asasae-talegahie.
23
Nagi alinoma asasae-talenea Isaleli veala akopayagamoyama ke nohavia
yaamima atalesagenoa Anumaya Kotia eteno alino aigamaematesia tokiyaa hanegeno eteno
amavaleno me maleno aigamaemategahie.
24
Tamakaya Yuta veane omainaya veamogatama
hagotetama afai Olivi yosafiti falote humainea akopa mainageno Anumaya Kotia vayamoya
nohaya kava huno tamavaleno Isaleli veamogami Olivi yosale aigamaelamatene. Tamage
mani akopayagamogamina tamaamoya Isaleli veamogamina amavaleno eteno hagote
yosaamile maleno aigamaemategahie.
Anumaya Kotia mukia veala kayone yamaa amaveligahe humaine.
25
Mukia nafunaganagatama nagola falaki-mainea kema havilama hutetama aneginagi
ohisae huna tamahanepauve. Nago kaiyagaa Isaleli anagamoya Yisasi kea ohavigahune.
huya tokiya vaimainagi ani kavala agola ohugahagi Anumaya Kotia hapali-malenea Yuta vea
omainaya veamogatama mukia Anumaya Kotina tamakua amisageno hiyama hinagenoa
Isaleli veamoya eteya Yisasi kea havigahae. Havigu tamakaitamihe Tagaya mukia ago
havitafa huta havilinone. hutama hisaya yafe mamona falaki-mainea ke tamahanepauve.
26
Anumaya Kotia mukia Isaleli veala amaku amamena aligatigahie. Anumaya Koti
autamafina mage huya kae-malenayane
Yelusalemuti nagola amaku amamema aligatisia kanamoa falote huteno veamogamina kefo
auava yaamia alitalegahie.
27
Anumaya Kotia mage huno humaine Mani kea
amakaiene alina nagokepi alina hagelafi nelamatoe. Mage huna hugahue mukia
kefo yatamia alitaletena alina hagelafilamategahue. huno humaine.
28
Isaleli veamoya Yisasia hulatenea yafena amakaveno hutenayafe Anumaya Kotina kame
veaa mainae. Ania humainaya yateti tamakaila Yuta vea omainaya veamogatamina tamaya
humainegi nayona Anumaya Kotia amakinagomogamife hamapaimaine. Isaleli veala
hapalimateno amakaifena Nahau nayamopafi nenagea veane mainae. huno humaine.
29
Tamage Anumaya Kotia hagoteno nagoa veala hapali-maleteno Kanale ya
hulamategahue. huno huteno haenagaa agu agesa eteno havino aiyahae ohugahie.
30
Hagotetama tamakaya Yuta vea omainaya veamogatama Anumaya Kotina tamakaveno
hutenagi menia Isaleli veamoya ania huya Anumaya Koti kea akave omalayafe Anumaya
Kotia tamakaila kalagi ailamatene.
31
Tamakaila kalagi ailamatenageya agesayafe menia Isaleli
veamoya Anumaya Koti kea akave omalenaleti eteya kalagi ailamategetama alimainaya yana
amakaiene aligahae.
32
Anumaya Kotia mukia veamogamina kalagi aimatesiafe hagoteno
mukia veala agai kema akave omalaya yateti nofila humatene.
33
Namayo Anumaya Kotia ala agu agesaene kano maineno mukia yana haviline.
Veamoya Anumaya Kotia Naa maa hugahue. huno hisia agu agesamo aepaamoa afe yapi
tavimaineanagiya ohavigahae.
34
Anumaya Koti autamamoa mage huno humaineane
Hana veamoya Anumayamo agu agesa havilinae? Naa huo. huno agu agesa ta Anumaya
Kotina amileasine?
35
Tae Nagaya Anumaya Kotina nago yana amisugeno
Anumaya Kotia eteno anonaa namigahie? huno humaine?
36
Aao Anumaya Kotia mukia yama talo humalenea kanogino aepaa maine. Mukia yana agaia
haumainea yamaage haneanagita tagaya agola mukia kanaaene kanaaene Anumaya Kotina
agaiage agi alisaga hisune. Tamage.
Lomu Lomu
<<
11 11
>>
Lomu Lomu
<<
12 12
>>
12
Tagaya Anumaya Kotina taugafa muse ya kana huta amisune.
1
Nafunaganagatama Anumaya Kotia kalagi ailatea yafena havina tokiyaage ke
lamahanepauve. Anumaya Kotife muse yaamima sipi sipi heya aminaya kava hutama
tamahaimula hanenagetama muse yana tamaugafa Anumaya Kotina amiho. Agaila alu aotage
veaneagitama Anumaya Kotina haisia kava hisayana fatago lamaku tamakesafiti Anumaya
Koti agia alisaga hugahae.
2
Tamakaya ma mopafi veamoya nehaya augafa kavala ohutama
lamaku tamakesa aiyahae hageno Anumaya Kotia yaufa lamaku tamakesa tamamineafe
agaima nehaiya kavafena havilama hutama havigahae. Ani kavala kanale yane. Mukia
yamona ago agaseno kosa hetenea ya hane.
Anumaya Kotia muse ya taminea yamaaleti aliyana alisune.
3
Anumaya Kotia agaia kayone yamaaleti aliyamaa namineafe nagoke
nagokemogatamina tamahanepauve Anumaya Kotia naa yama namine. huka haviteka
kagaika kaugafa alika ohaiyo. Anumaya Kotia agaialefe havitama tamakupi maletama
tamametiti humainaya yana nagoke nagokemogatamina ala yano osi yano afaa tamamineafe
fatago lamaku tamakesa havitetama lamakaitami fako hiho.
4
Nagoke taugafamoagi alagate
alagate taugafa haneno alu aliya alu aliyana nealiye.
5
Tagaya mukia veamogata ani kava huta
Kalaisiene aigamaeta agai augafa nagoke maineta afalu falu huta nagoke mainone.
6
Mainonageno Anumaya Kotia kayone hulateno muse yatia haote haote huno agaia aliya
alisuna tokiyatia ago tamine. Nagoa veamogamina Anumaya Kotia avayafiti hamapai-mainea
kea huhaleya hisaya tokiya muse hunoma amaminesiana Yisasife haviya amakupi maleya
amametiti humainaya keage huhaleya hamapaisae.
7
Nagoa veamogamima muse yama
amafu-amakanagami amaya hisaya tokiyama amaminesia aliyana aliya tokiya vaisae. Nagoa
veamogamina veane humaveli hamaveli hisaya tokiyama amaminesiana ali lokiya vaiya
humaveliho.
8
Nagoa veamogamina vea amaku amakesa ali hetimatesaya tokiyama
amaminesiana ali tokiya vaiya ani amaku amakesa ali hetimatesae. Nafunaganagamima nago
yama amamigahue. huno humainesia tokiyama amaminesiana kasagoya male kosa heya
amamiho. Kava aliya alisaya tokiyama amaminesiana amakualeti ani kava aliyana aliya
maiho. Hauma huteno afuaganama ayama hisia tokiyama amaminesiana amaipa falu yapiti
amaya hiho.
Tafu-taganagamina tamage huta tagua amamisuna ke humaine.
9
Tamafu-tamakanagamima tamakua amamigahena tamagelafa hutama amamiho. Kefo
kavala tamakaveno hutetama kanale kava hisaya yamaage atafa hutama tokiya vaiho.
10
Tamafu-tamakanafema aluya huno tamahaisigetama tamakua amamiho. Nagoke
nagokemogatama tamafu-tamakanagami amakia alisaga hutama Hagoteho. hutama
humateho.
11
Mukia kanafina aliyageya nealisagetama kasalo kasala kea ohiho. Tamakupina
Alu Aotage Avamumo tokiyaaleti tamakaila ali hetinagetama Anumayamo aliyana aliho.
12
Muse nehutama Anumayamoma hulatesia yafena tamametiti hutama agava maiho. Kana
yama falote hisigetama hetitama tokiya vaiho. Mukia kanafina Anumayamotega havige
havige hutama maiho.
13
Anumaya Koti anagamogamima nagoa yaamimoma kosa
heoamatesigetamahena amaya hiho. Natu veama esagetama ali kayone hutama amateho.
14
Nagoa veamoya ali haviya hulamatesagetama Ani veala alika kanale humato.
hutama Anumaya Kotitega havigeho. Alihaviya humato. hutama haviokeho.
15
Nagoa
veamoya kigi yokalo huya maisagetama tamakaienena ania hutama maiho. Nagoa veamoya
avima atesagetama tamakaienena ania hutama avia ateho.
16
Tamafu-tamakanagamienena
nagoke tamaku tamakesale maiho. Ala vaya mainone. hutama ohutama afa veanene
vaiyatete hiho. Nagainige kanale nagu nagesa hane. hutama ohiho.
17
Nagoa veamoya havi kavama hulamatesagetama anonaa havi kavala hu oamateho.
Mukia veamogami amaufina kanale kavakeya hiho.
18
Tamakaitamia tuma hisaya yafena
tamakesa ohavitafa hutama mukia veanenena yuna hetama maiho.
19
Nahaumainea
nafunaganagatama tamakaima havi yama hulamatesaya anonaa Ani kavala humategahune.
hutama ohiho. Anumaya Kotia ani yama haya kavala agaia anonaa amamisiafe maitama
haleho. Anumaya Koti avopina mage huya kae-malenayane
Anumayamoa mage huno humaine Havi kavama humatesaya anonaa amakata aisia yana
amamisua yana nagaini aliyane. huno humaineane.
20
Havi yamo anonaa oamamigahagi Anumaya Koti avopina mage huya kae-malenayane
Kame vayatamimogamima amakatesigetama kavela afaa amamiho. Tifema amakesigetama
tina afaa amamiho. Na kava hutama ali kayonema humatesageya amakaye
hinageya atalegahae huno humaineane.
21
Atalesanageno havigu havi yamoa katafa huyafenagi kanale yamaage hugeno ani havi
yamona agaseno.
Lomu Lomu
<<
12 12
>>
Lomu Lomu
<<
13 13
>>
13
Tagaya Kamani vayamogami amakave maleta maisune.
1
Mukia veamogatama Kamani vayamogami kea akave maleho. Nago Kamani kanoa
agaia falote huno omainegi mukia Kamani aliyana Anumaya Koti ayapiti alino falote
humalegeya yagai-mainae.
2
Kamani vayamogami kehena Kahaoteyakae. huya hisayana
Anumaya Kotienefe Kahaoteyakae. huya nehae. Ani kavama hisaya veamoya amakaiami
amakata aisia anonaa aligahae.
3
Kanale kava nehisaya veamoya Kamani vayafena kolia
ohugahagi havi kavama nehisaya veamoya koli hugahae. Kamani vayafe kolima ohinutama
kanale kavakeya hiho.
4
Kamani vayamoya tamaya hisagetama kanaleya hutama maisayafe
Anumaya Koti aliya vaya mainagi havi kavama hisayana tamahaesaya tokiyaamia haneafe
koli hiho. Havi kavama hisaya veamogamina havi yana anonaa amakata aisia yama
amamisayafe Anumaya Kotia humategeya agai aliyana nealiye.
5
Kamani vayamoya hamai
vai yama tamisaya yafekela kolia huta amakai kea ohavisunagi tagaiti laguamo Naa hiho.
huno hisia kavakeya huta akave malesunafe Kamani vayamogami kea akave malegahune.
6
Kamani vayamoya Anumaya Koti aliya nealiya mukia kanafina ani aliyatekeya kava
yagai lokiyaage humainayafe tamakaya tamaugafale takesi monea neatalae.
7
Anonaa mukia
kava vayala neamamitama tamaugafaletima kanisole takesiene Kamani takesiene amamiho.
Kava vayatamimogamina amaiyaafinaga ako hutama mainetama amakia alisaga hisaya
vayamogamina amakia alisaga hutama maiho.
Nagoa veamogamina tagua amamitafa huta amamisune.
8
Nago yana tamamitageya Haenagaa tamamigahune. hutama humainesaya yana
aupaa amamiho. Tamafu-tamakanagamina tamakua amamitama amaya hiho. Nagoa
veamoya amafu-amakanama amakuama amamisayana mukia kahegi kemona akave nemalae.
9
E, kahegi kemoa mage humaine, Kumai he kavala ohuo. Veala haegeno ofalino. Musufa
yana ohuo. Alu kanomo kuafenotela ageka kahayea ohuo huno nagoa kene humainegi
mukia kahegi kemona aepaamoa nagoke mage huno hane, kagaika kaugafahema kahaiya
avamete mukia veamogami amaugafahena kahaino huno humaineane.
10
Mukia veamogami
amakuama neamamiya veamoya alu veamogamina havi kavala huoamategahae. Ani yafe
veamoya amakuama neamamiya veala mukia ani kahegi kemona akave nemalae.
Tagaya fatago huta kana vaiyesune.
11
Menima mainona kanafima nehaya kavala ago havilinayafe tamaula faetama
omaitama hetitama maisaya kanamoa ago falote humaine. Tagayama hagoteta Yisasife
havita lagupi maleta tametiti humainona kanafina Anumaya Kotia tagu tamema aligatisia
kanamoa aluale haneanagino meni kanafina ago eno aupa nehie.
12
Hanima kimainea
kanamoa ago hano hugahe nehigeno koma alino halesia kanamoa ago falote hugahe nehiafe
mukia hani yapima nemaiya auava yana ataleteta tuma hisuna kenatia, hale yamo auava
kenatia failisune.
13
Kama vaiyesunana fatago huta veamoya yagefima vaiyaya avamete huta
vaiyesune. Alitalu huta havili neta hagifali kea ohatageta anegi-nagia ohisune. Ageta lahayea
huta augafale maita yokalo oateta moli huliteta ohisune. Alu kanomo yatela ageta lahayea
ohuta tua ohisune.
14
Anumayatimona Yisasi Kalaisina kenatami kana hutama avaletama
taugafale aigamaetama age lamahaye hisaya yafena tamakesa havi havi hutama omaiho.
Lomu Lomu
<<
13 13
>>
Lomu Lomu
<<
14 14
>>
14
Tagaya nelafugami no maiyana fako huoamatesune.
1
Nagoa tamafu-tamakanaya Yisasia hulatenea yafena haviya amakupi maleya amametiti
nehayanagi Anumaya Kotia Ago fatago veane mainae. huno humatenea yafena havilama
ohuya Naa kava hisunageno Anumaya Kotia Fatago veane mainae. huno huotategahie.
huya nehaya veala tamakaiene nagopi maisayafe amavaletama amateho. Amategahagi
amakaya amakesafiti alu ke hisaya yafena kea vaitama ani keletila tua hu omateho.
2
Nagoa
kafu-kaganaa Mukia kavela negahue. huno agesa nehavianagi nagoa kafu-kaganaa
Yisasife havino agupi maleneanagino Anumaya Kotia Ago fatago kano mainane. huno
hutenea yafena havilama ohuno Anumayamoa fatago kano mainane huno hunatesiafe
afumo amela onegahue. huno humaine.
3
Mukia kavema nesia kafu-kaganaa afuma nonesia
afu-agananafena Afa kano mainane. huno huoateno. Afumo ameama nonesia afu-aganaa
mukia kavema nesia afu-aganafena Naa kano mainane. huno huoateno. Anumaya Kotia
ani tole kanolatana ago anavale-maine.
4
Kagaya taga maineka nago kanomo aliya kanohena
Naa aliya kano mainane. huka huneatane? Agayama ani kanomo aliyatema fatago huno
alisiano havi aliya alino maisiano agaia kava kanoamo yane. Kagai yana omalene.
Anumayamoa agaia ali lokiya vaitesia tokiyaa haneafe ali lokiya vaitesigeno maigahie.
5
Nagoa tamafu-tamakanaya ma amakesa nehaviye Nagoke kanalema mauna yamoa
alu kanamona agase-maineanagita ani kanalekeya alitalu huta Anumayamo agia alisaga
hugahune. nehageya nagoa tamafu-tamakanaya Mukia kanamoa nagoke avamete
humainea kanale nemaune. huya nehayanagi nagoke nagoke veamoya amakaiami amaku
amakesa havilama hisae.
6
Nago tamafu-tamakanaa agesa haviteno Nagoke kanama mauna
yamoa nagoa kanamona agase-maineanagita ani kanalekeya alitalu huta Anumayamo agia
alisaga hugahune. huno hisia kanomoa Anumaya Koti agia alisaga hisiafe ani kavala nehie.
Nago tamafu-tamakanaa Mukia kavela negahue. huno hisiana Anumayamotega nunamu
huno muse hutenea yafenagino Anumayamo agia alisaga humainegi nago tamafu-tamakanaa
afumo amema monesia kanomoa Anumaya Koti agia alisaga hugahue. huno monesie.
Agaienena Anumaya Kotitega nunamu huno muse huno havinege.
7
Nago kanoa haegafa
huno maisiana agaialefekeya huno omaine. Nago kanoma falisiana agaialefekeya huno
ofaline.
8
Tahaimuma hanesigeta maisunana Anumayamo agia alisaga hisunafe mainone.
Falisunana ania huta Anumayamo agi alisaga hisunafe faligahune. Ania humaineafe
tahaimuene maisunano falisunano Anumayamo anaga mainone.
9
Fali-mainaya veateene
hamaimu hanegeya mainaya veateene Anumayaamimo maisiafe Kalaisia faliteno eteno haimu
alino heti-maine.
10
Nagoa veamogatama naa higetama tamafu-tamakanagami no maiyana fako
huneamatae? Nagoa veamogatama naa higetama tamafu-tamakanafena Afa kano mainane.
hutama huneamatae? Tagaya mukiamogata Anumaya Kotia ala kaiyekema hulatesifina
hetigahune.
11
Avopina mage huno kae-maleneane
Anumayamoa mage humaine Tamagelafa huna tamahanepauve mukia veamoya nagaifena
mage huya hugahae Kagai veane mainonagi kava hulato. huya hugahae. Mukia
veamoya Kagaya Anumaya Kotiti mainane. huya nagia alisaga hugahae. huno
higeya kae-malenayane.
12
Kae-malenageta tagaya ageteta havilinone mukia nagoke nagokemogata nemauna auava
yatimo aepatia Anumaya Kotina hapaigahune.
Tafu-taganagamina kefo kava hisaya augafa kavala hu oamatesune.
13
Tafu-taganagamifena Naa nehane. huta fakoa humateta nagoene havi tagesa havi
oamamisune. Naa ohisunana tafu-taganaya tageteya asaga hulaviya kefo kava hisaya
yafenagita havi kavala ohisune.
14
Anumayanimoa Yisasiene ailokaena mainena ago havilinoe
nagoa kavemoa oniyaage ohune. Nago kanomoma agaia agu agesafima Oniyaage
humaine. huno havisia kavemoa oniyaage haumaine.
15
Kagaya nagoa kavema nenana
yafena kafu-kaganana agu agesa alihaviya hutesanana kahau kayamopafi negahaiya kavala
nohane. Kalaisia ani kafu-kaganana agu amena aligatisiafene huno fali-maineanagika nesana
kavetetifene huka alihaviya huoato.
16
Kanale kava hisaya yafena havigu veamoya Havi
kava nehae. huya hulamateyafenagi kava yagaiho.
17
Kavema neneya tima neneya nehaya
yamoa Anumaya Kotia kava yagailatesia yamona aepaa omaleneanagi Alu Aotage
Avamumo taminea fatago kavaene taipa falu hisia yaene muse hisuna yaene aepaa hane.
18
Haneafene huya nagoa veamoya ani kava huya Kalaisi aliyama alisayana Anumaya Kotia
Kanale kava haya veane mainae. huno hulamatesigeya nagoa veamoyaene Kanale veane
mainae. huya hulamategahae.
19
Ani yafe tagaya nagoke tagu tagesalema maisuna kavaene tafu-taganagami amaya
huta tokiyaage huya maisaya amaku amakesale maisaya kavala hisune.
20
Tamakaya kave
nesaya yafekeya nehutama Anumaya Koti aliyana alihaviya ohiho. Mukia kave neyana
kanale yanagi kagaya nana kavemoa kafu-kaganaya asaga hulavisaya kava humatesanana
tusia havi kava nehane.
21
Afua nesano havilima nesano nagoa kavama hisana yamo kafu-
kaganana asaga hulavisia kavama hutesanana aniama hisana kavala atalo.
22
Ani yafema
havika kagupi malenana yana kagaikaene Anumaya Kotiene tanakaitanigeya hanesie. Nago
kanomoma nagoa nesia yafeene hisia kavaenena agaia aguamoa kaiyekema huoatesiana ani
kanomoa muse hugahie.
23
Muse hugahianagi nago kanomoma nesia yafema tole agesa
haviteno nesiana Anumaya Kotia Havi kava nehane. huno hutegahie. Ani kanomoa
Kanale ya nenoe. huno agupi omaleneafe havi kava nehie. Mukia yana Maa kavala kanale
kavale. huta lagupi omalenona yana kefo yane.
Lomu Lomu
<<
14 14
>>
Lomu Lomu
<<
15 15
>>
15
Kalaisi agu agesamoma humainea kavafekeya akave hisune.
1
Yisasife tamametiti huta tokiya nevauna veamogata amametiti yaamimoma tokiya
ovainea veamogami kana yaamia Tamakaitami aliho. huta ohisunagi tagaya hamamaeta
alita tagaiti lagu tagesamoma haisia kavala ohisune.
2
Ohisunagi mukiamogata tahaote
tahaote tagaya tavatema mainesaya veala amaya hisunageya kanaleya huya Yisasife haviya
amakupi malenesaya yaamimoa tokiya vaisie.
3
Tagaya ago havimainone Kalaisia agaia agu
agesamoma haiya kavala akave omalenea yafena Anumaya Koti avopina agaife mage huya
kae-malenayane
Veamoya kagaima Anumaya Kotiga hu haviya hunegataya kemoa nagaila melino aiso
hunenate. huno humaineane.
4
Nayoma kae-malenaya kemoa meni kanafima tagesa alino akalo hisiafene huya kae-
malenayane. Anumayamo kema kae-malenaya kefiti tokiya vaisuna yaene tagu tagesa ali
heti-latesia yaene haneafe tametiti yatimoa tokiya vailategahie.
5
Anumaya Kotia veala tokiya
vaisaya yaene amaku amakesa ali hetimatesia yaene aepaagino tamaya hisigetama Yisasi
Kalaisi humainea auava yana akave maletafa hutama nagoke tamaku tamakesale maisae huna
6
Naa hisayafe nagoke tamaipale maitama nagokete tamakua
maletama Anumayatimona Yisasi Kalaisina Nefana Anumaya Koti agia alisaga hisae.
Kalaisia Isaleli veanene Isaleli vea omainaya veanene amaya humaine.
7
Veamoya Anumaya Koti agima alisaga hisayafe Kalaisia tamakaila ali falu fala
hulamateno tamavale-mainea kava hutama tamafu-tamakanagamina ali falu fala humatetama
amavaletama nagoke tamaipale maiho.
8
Tamahapauve Anumaya Kotia Yuta veamogati
taginagomogamife hamapai-mainea kemoa falote huno fatago hinageya Anumaya Kotia
tamageage kano maine. huya hisayafene huno Kalaisia Yuta veamogamina amaya humaine.
9
Amaya higeya Yuta vea omainaya anagamoya Anumaya Kotia kayone hulamatenea yafe
agia alisaga hisaya yafena Anumaya Koti avopina mage huya kae-malenayane
Naa hisigena Yuta veane omainaya veapina kagia alisaga huna musena hugategahue. Mono
yagamefitiene kagia alisaga hugahue. huno humaineane.
10
Ania huno nago kemoa maa humaine
Tamakaya Yuta vea omainaya anagamogatama agaia nofi anagaaene ailalupetama muse
hiho. huno humaineane.
11
Ania huno nago kemoa mage humaineane
Tamakaya Yuta vea omainaya anagala Anumaya Kotina agia alisaga nehigeya mukia
veamoya ania huya agia alisaga hiho. huno humaineane.
12
Ania huno nago kea Aisaiyaa Anumaya Koti aune kanomoa mage humaineane
Yesi anagapiti aginagomoa falote huno Yuta vea omainaya veamogatamina kava yagai-
lamatesigetama agaifena Tagu tamena aligatigahie. hutama tamametiti hugahae.
huno Aisaiyaa humaineane.
13
Anumaya Kotia tametiti yatimo aepaagino agaifema tamakupi malenaya yateti tusia
muse yaene tamaipa falu hisia yaene tamamino havatelamatesigetama Alu Aotage Avamumo
tokiyaleti tusiya hutama Yisasima hulamatenea yafena tamametiti hisae huna nunamuna
nehue.
Poloa Yisasi kema hamapai-mainea yafena agaia tusia muse humaine.
14
Nafunaganagatama nagainia nametiti huana tamakaya kanale auava yana kasagoya
nehae. Mukia ke havi yana tamakesaene veane mainae. Tamakaitami oaya aaya hutama
hamapaisayana kanale amaku amakesa tamafu-tamakanagamina amamigahae.
15-
16
Amamigahagi Anumaya Kotia kayone yamaa namiteno Yuta vea omainaya veamogami
amunopi Yisasi Kalaisi aliya alisanafene huno hunateneafene huna nagoa kema kaemaloa
kemoa tamaku tamakesa alina hao huna ali hagalo hugahe tokiya vaina negaove. Afaa
nokaogi mono note kava vaya kana huna mainena Anumaya Kotia hulatenea kanale mono
kea huhalena hisugeya Yuta vea omainaya anagamoya aliya amakupi malesageno Alu
Aotage Avamumoa Alu aotage veane mainae. huno humatesigena amavalesugeya
Anumayamo avate esagena amisugeno Anumaya Kotia musena hugahie.
17
Naa hisigena
nagaya Yisasi Kalaisiene ailokaena mainena Anumaya Koti aliyama nealua yafena tusia muse
nehue.
18-19
Kea nagoke yafeke huna falote nehue. Yuta vea omainaya veama Anumaya Koti
kema akave malesayafe Kalaisina agaia tokiyaleti nehue. Nagaini kanale auava yatetiene
humainoa keletiene tokiya avameyama hua yaene Alu Aotage Avamumo tokiyaletiene
hamanepauve. Yisasima hulatenea yafema kanale mono kema hulama huna hamapauvana
Yelusalemuti aepa hena mukia kotega ute ete huna Ililikumua uvayi humainoe.
20
Nagoa
mopalega Kalaisi agima ohavinaya haigilega ani aliyana alina Kalaisima hulatenea yafena
kanale mono kea hamapaisua yafekeya nenahaiye. Havigu alu kanomo hagoteno Yisasi kea
hamapaiteno ani kanomoa posi ayemalenesia yosale no mo kisua yafena nonahaiye.
21
Anumaya Koti avopi kae-malenaya kate hugahe nehue. Mage huya kae-malenayane
Agai avagema ohavinesaya veamoya agegahae. Keama ohavinesaya veamoya aepaa
havigahae. huno humaineane.
Poloa Lomu veane tamaketena Sipeni ugahue. huno humaine.
22
Mukia kanafina Lomu mainaya veamogatamalega ugahe huanagi visua kana ani
aliyamo tilegena ounoe.
23-24
Ounogi meni kanafina malega hanea aliyania alivaya ayoanagina
ayaaya kafugefa lamakaitega visue huna nagesa havi havi humainoafe menia Sipeni visua
katelagina osi kanalega tamakaienena mo faena hu falu fala hulamatetena muse huna
mainesugetama naya hisagena Sipenia ugahue.
25
Tamakaitega ugahuanagi hagotena Yisasina
amakua aminaya veane amaya hisuafe Yelusalemu neue.
26
Nagoa yaamima omalenea veala
Yelusalemu maineya Yisasife haviya amakua aminaya veamogamifena Masetonia vealagi
Akaiya vealagi amakesa haviteya muse huya monea amamigahe nehayanagina alina
momamigahue.
27
Hagoteno Yuta veala Anumaya Kotia amaku amamema aligati-mainea
kanale mono kema Yuta vea omainaya veama hamapaimainaya yate ani veamoya anonaamia
haneanagiya amaipamoa kanaleya higeya Amamigahune. huya Yuta veala amaugafale yana
kanale humatesia yama amamisayana kanale yane.
28
Ani monea alitalu huya namisagena
alina Yelusalemu mukia monea momamitena tamakaya mainalega utena Sipenia ugahue.
29
Tamakaitegama uvayi hisuana ago havuana Kalaisina kanale manuamoa
havatenateneanagina tamakaitega egahue.
30
Mukia nafunaganagatama musetami nehugi
Anumayatimoa Yisasi Kalaisi hulatenea yafeene Avamumoma tahau tayamopafi nelahaiya
yama taminea yafeene lamahavi-negoe tokiya vaitama nagaifena ke hutama Anumayamotega
havigegeno nagaila naya hino.
31
Mage hutama nunamuna hiho Yutia mainaya veamoya Yisasi kea nohaviya
vealagiya Polona atafa huya ali haviya hutegahe nehagi kagaya Anumaya Kotiga augafa
aligatio. Yelusalemu maineya Yisasina amakua aminaya veala Poloa amaya hisigeya ma ma
hamamaesia aliyama nealia yafena hamaisigeya musena hisae. hutama havigeho.
32
Naa
hutama havigesagenoa Anumaya Kotia hainagenofena lamakaitega evayi huna muse huna
tamakayaenena maifalu hugahue.
33
Anumaya Kotia taipamoma falu hisia yamona aepaagino
tamakaiene mukiamogatamaene maisie huna nehue. Tamage.
Lomu Lomu
<<
15 15
>>
Lomu Lomu
<<
16 16
>>
16
Poloa mukia veamogamina Felugae. huno hu falu humatene.
1
Fipia tusia kanaleya huno Yisasina agua aminea tasatimoe, Senikalia maineya Yisasina
amakua aminaya veamogamina kanaleya huno amaya humaine.
2
Anumayatimoene
ailokaetama mainayafe Fipina avaletama amunotamifi atesageno maisie. Anumaya Koti
nafanemogatama naa hisunana kanale yane. Nagi nagoa yamoma kanama haisigetama
kanaleya hutama aya hiho. Fipia ania huno hagotenoa nagayaene kasagoya veanene taya
humaineane.
3
Yisasi Kalaisi aliyama nahamaeana nealia alavelafena Palisilagani Akuvilaganina
hutama falu fala hunateho.
4
Kagaima kahaesagetaa faligahune. huana humainaafe
nagayake musena hunoanatogi mukia Yuta vaya omainaya Yisasi anagamoyaene huya
musena huneanatae.
5
Anakai nopima Yisasi kema havigahe melitaluma nehaya veanene nagaila hu falu fala
kenia humateho. Epainetasina, Esia kotega mainaya veamogamina hagoteno amakaseno
Kalaisi kea havino agupi malenea kanoa maineanagino nahau nayamopafi nenagea nenafuna
nagaila hu falu fala kenia huteho.
6
Ania hutama Maliaa, tamakaienema mainenoa tamaya
hugahena tusi aliya ali-mainea alagi hutama falu fala huteho.
7
Atalonikusigani Yuniasiganina
ania hutama nagaila hu falu fala kenia hunateho. Nagaya Yisasi kema ohavinoa kanafina ani
kanolatana Yisasife haviana anakupi maleteana Aposolo vayamogami amunoamifi anaki
hanea kanolata maineana nagaiene Yuta nofi vaya mainonanagita nagaiene Yisasi kema
humainona yateti nofila hulatenayane.
8
Ampiliatusina Anumayamoene ailokaeyaagena nagua aminoa nenafuagi nagaila hu falu
fala kenia huteho.
9
Tamakaya Upanusia Anumayamo aliyana tokaetaa nealua kanoene
Setakisina kanaleya huna nagua aminoa nenafuene nagaila hutama falu fala kenia
huneanatetama hiho.
10
Apelesia Kalaisina akavema nemaliafe agia hanegi nagaila hu falu fala
kenia huteho. Alisitopulusi afamomogamina nagaila hu falu fala kenia humateho.
11
Helotionia nagai nofi vayalagi nagaila hu falu fala kenia huteho. Anumayamoene ailokaeya
mainaya tafu-taganagamina Nasisusi afamomogamina nagaila hu falu fala kenia humateho.
12
Talifinagani Talifosagania Anumayatimo aliya tusiya huana nealia kanolatanagi
nagaila hu falu fala kenia hunateho. Pesisia nahau nayamopafi nenagea alagi Anumayatimo
aliyana ali-maineafe nagaila hu falu fala kenia huteho.
13
Lufusia kanaleya huno Yisasina
akave nemalea kanoene itaamoenena nagaila hu falu fala kenia hunateho. Lufusina itaamoa
itanimo kana huno nahanemaeyane.
14
Asinakalitusima Falegonima Hemisima Patolopasima
Hemasima amakaienema tokaeya mainaya nafunaganagamina nagaila hu falu fala kenia
humateho.
15
Filologusiene Yuliaene Neleusiene asaamoa Olipasiene amakaiene mainaya
Yisasi anagaene nagaila hu falu fala kenia humateho.
16
Anumaya Koti anagamogatama nehuna kava hutama tamahaote tamahaote mukia
tafu-taganagamina tamayana amamitama ali falu fala humateho. Mukia kumate maineya
Yisasi anagamoya Mainafio? huya hu falu fala hulamatae.
Nagoa vayamoya Yisasi anagamogami amunopiti aliya aye fako humainae.
17
Mukia nafunaganagatama tamakesa alisua kea haviho. Nagoa vayamoya emaineya
tamahapai-mainoa kemona amakaveno huteya neatagaeya tamakaya mono kema havigahe
alitaluma nehaya yapi melifako hisaya kema nehaya vayamogamifena kayetama mainetama
ani kema nehaya vayamogamina tamakaveno humateho.
18
Ani vayamoya Anumaya Kalaisi
aliyafena amakesa ohaviya amakaiami age hamaye hisaya yafekeya akave malesaya amakesa
nehae. Hagalama-haisifa ke huya masave amake neaiya amaipafi ayegesageya kanale
amakesama nohaviya veanea ayemavataga huya alihaviya humategahae.
19
Tamakaya
Yisasima hulatenea yafena havitama tamakupi maletama atafa hulinaya kea mukia veamoya
ago havimainaya yafena havitena tusia muse nehue. Kanale auava yamo aepaa havilama
hutama nagoa kefo yamofe tamakesa ohavisae hunahe nehue.
20
Anumaya Kotia, taipa falu
hisia yamona aepaagino, aupa kanafi Satanina taiyafinaga ayeno tatapegahie. Yisasia
Anumayatimona kayone yamaamoa tamakayaene hanesie huna nehue.
Nagoa veamoya avo kaeya Felugae. huya Lomu veafe hu falu fala huneamatae.
21
Nagaiene aliya nealia kanoa, Timotia, huno falu fala hulamate. Ania huya Lusiusima
Yesonima Sosipatama nagaini Isaleli nofi nafunagaya Mainafio? huya hu falu fala
hulamatae.
22
Nagaya Tetiusina Polo avayafiti ke alina mani avona kaena Anumayamo agile
Felugae. huna hu falu fala hunelamatoe.
23-24
Kaiyusia Felugae. huno hu falu fala hunelamate. Nomaafina kanaleya huno
yagainategena mainogeya Yisasi anagamoya Anumayamo kema havisaya yafena agai nopina
melitalu humainae. Elasatusia ani kumaalate Kamanimo kusi kusi kanoene Kavotusia tafu-
taganaene Felugae. huana hu falu fala hunelamatae.
Tagaya Anumaya Koti agi alisaga hisune.
25-26
Anumaya Koti agia tusiya huta alisaga higetao. Yisasima hulatenea kanale mono
kema hu-halena nelamamua keleti Anumaya Kotia hetitama tokiya vaitama maisaya tokiya
tamamigahie. Mani kea hagoteno ayaaya kanagefa falakino haneanagino menia Anumaya
Kotia ago alino falote humalene. Anumaya Kotia maige maige nehia kanomoa mage huno
humaine Mani kea hufalote hiho. huno humainea ke amaune vayamoya kae-malenaya
kefiti Mukia alu nofi veamogamina hamapaisageya haviteya amakupi maleya amametiti
huya nagaila nahaisia kava hisae. huno humaineane.
27
Anumaya Kotia nagokemo mukia kanale havi haviyaami hanea veala amakase-mainea
kano maineafe Yisasi Kalaisia hulateneafene huta agola mukia kanafina agia alisaga hisune.
Tamage.
Lomu Lomu
<<
16 16
>>
Kea
Taitasi
00
11
22
33
Taitasi Taitasi
<<
00
>>
^
Taitasi
Taitasiga kanale vayaage mono notela soka ali hetimato.
Kaliki li amunopi veamoya nagoa veamogami amametitia ali haviya humainae.
Kosuna alekanomo-gamife humaine.
Taitasia kanale auava kava hinageya neyavemoya akave hisae.
Aliya vayamoya kava vayaamimo-gami ke akave maleho.
Tagaya Anumaya Koti auavala akave nemaleta Yisasima esiafe agava maisune.
Tagaya hetita tokiyaage huta kanale kavakeya hisune.
Poloa Taitasife Me nago. huno humaine
Taitasi Taitasi
<<
00
>>
Taitasi Taitasi
<<
11
>>
Taitasi
Poloa Taitasifena Yisasi anagala Kaliti kumatela mainagi mo kava huo. huno huteteno
haenaga aya hisiafe ani avona kaeno Taitasina amine. Yisasia faliteno hetino ikapinaga
haitegeno Poloa teti talia (33) kafu agava maineno Taitasi kea kae-malene.
1
1
Nagaya Polonae Anumaya Koti aliya kano mainoanagina Yisasi Kalaisina Aposolo
kanoa mainena mani avona kaena Taitasiga negamue. Anumaya Kotia hapali-malenea veala
agaife haviya amakupi maleya amametiti huya kelamage kea havilama huteya Anumaya Koti
aulagafina fatago huya maisayafene huno hunatene.
2
Anima haviya amakupi maleya
amametiti nehaya yafena kelamage kemona aepaamoa mage humaine Anumaya Kotia,
havigea ohu kanoe, mukia yana talo ohuneno Agola maige maige hisaya tamahaimula
lamamigahue. huno hu lokiya vaino hu-malene.
3
Hu-maleteno haenagaa agaia hu-malenea
kanafi Anumaya Kotia, tagu tamena aligati-mainea kanogino, Mani kea hamapaiyo. huno
nayapi maleneanagina mani kea huhalena hamapaitogeno efufute huno falote humaine.
4
Taitasiga, Anumaya Koti keleti katenoa nafanenimoga, taametiti nehua yatiamoa
nagoya humaine huna mani avona kaena negamue. Anumaya Kotia Nelaafaene Yisasi
Kalaisia, tagu tamema aligati-mainea kanoene, kayone hu yaene kaipamoa falu hisia yaene
kamisae.
Taitasiga kanale vayaage mono notela soka ali hetimato.
5
Kanale ohunea yama ali fatago hisanafeene mukia kumatefe kahapai-mainoa kava
huka soka vayala mukia kumatela ali heti-matesanageya Yisasi anagatela yagaisayafe Kaliti
kumatela katalogeka mainane.
6
Maama nehisaya vaya ali heti-mato. Kefo yamaama
veamogami amaufima omalenesia kanoe. Aama nagoke atenesia kanoe. Nafaneyagaa
Yisasife haviya amakupi nemaleya neamafagami kehe Aao. huya nohisaya nafaneyagaamima
mainesia kanoe.
7
Soka kanomoa Anumaya Koti aliya alisiafe mukia veamogami amaufina
kefo yamaa omale kano maisie. Kea ohavino agaia augafa alino ohai kano maisie. Aupaa hai
ovai kano maisie. Havili neno aneginagi nohisia kano maisie. Veala mo hamae me hamae
nehisia kanoa omaisie. Havige huno mone alisia yafema nohaisia kanoe.
8
Natu vaya alino
kanaleya hu neamatesia kano maisie. Kanale auava yafema nehauno akave huno agu agesale
yagai lokiya vaino maisie. Fatago kano alu aotage kanoa maineno augafa ageno hayea
nohisia kano maisie.
9
Agaiama kelamage kema havilinesia kea atafa huno atalako hulineno
nagoa veamogami amaku amakesa ali lokiya vaisiafe ani kea hamapaino kema naneka
neaisaya veamogamina Havige nehae. huno ani kea hamapaisigeya havigeamihena amakaye
hisae.
Kaliki li amunopi veamoya nagoa veamogami amametitia ali haviya humainae.
10
Tamage kasagoya veanea ke ohavi veane mainae. Ani veanemoya kemona aepaa
ohuya afa keage maiya nehuya havigeage yaamileti mukia veamogamina aye-mavataga
nehae. Aniama nehaya veala nagoa kasagoya Yuta vayamoya Tamaugafa laga hiho. huya
humainae.
11
Nehagi mani kema nehaya vayala Naa kea ohiho. huka kahegi-mato. Ani
vayamoya moneamia havige hamapaiya yateti nealiya nagoa veamogami afamoamiene
amaku amakesafima hanea kea ali haviya nehae.
12
Nehagi nagola Kaliti kumate kanoa, aune
laga nehia kanomoa, mage huno humaineane Kaliti kumate veamoya havigea tusiya huya
nehuya afai afu kana huya ke ohavi veanea felu maineya kaveage nege nege nehaya veane
mainae. huno hu-maineane.
13
Lamage hu-maineafe kemama-kisanageya amametiti
humainaya kemona atafa huya ali-talako hisae.
14
Yuta vayamoya havigu-nagu kene nehuya
kelamage kemona amakaveno nehaya veamogami kahegi kene ohavisae.
15
Amaku
amakesamoa oniya ohunea veamogami amaulagafina mukia yamoa oniyaagela ohunegi
Yisasife haviya amakupi maleya amametiti nohaya veamogami amakupina oniyaage hu-
maineanagino mukia yana oniyaage hu-mainegeno amaku amakesamoa Ma kavala kanale
yanagi atu yana havi yane. huya ohavinae.
16
Ani veamoya amavayaleti mage nehae
Anumaya Kotina agelama hu-mainone. huya nehayanagi nemaiya auava kavaamimoa ani
kehena Havige nehae. huno tahapai-maine. Anumaya Koti kea aliya neatagayageno kanale
auava kava hisaya tokiyaamia omalegeno Anumaya Kotia amakaifena tusiyate nohaiye.
Taitasi Taitasi
<<
11
>>
Taitasi Taitasi
<<
22
>>
2
Kosuna alekanomo-gamife humaine.
1
Kagaya Taitasiga akave malesayafe kelamage kea huhaleka hamapaiyo.
2
Vayatamamo-gamina mage huka hamapaiyo Havi lina netama aneginagia ohiho. Tamaku
tamakesale yagaitama tokiyaage hiho. Yisasife havitama lamakupi malenaya yatela tokiya
vaitama maiho. Veafena tamahau tamayamopafi nelamahaisia kavaage hiho. Kana yama
falote hulamatesigetama tokiyaage hutama hetiho. huka huo.
3
Ania huka alekano-gamifena
hamapaiyo Anumaya Kotina haisia kava nehutama alumo kea alitama atifi mafi ohiho.
Havilina netama aneginagia ohutama kanale auava kavakeya amaveliho. huka huo.
4
Amave-
lisageya yauva anemoya anauamimo-gamiene nafaneyagaa-miene amakuama amamisayafena
havigahae.
5
Haviteya amaku amakesale yagai lokiya vaiya maineya alu velela ouya
anauamimo-gami amaiyafinaga maineya no kumaamiene nafaneyagaamiene kanaleya huya
yagaiya maisayana nagoa veamoya Anumaya Koti kemofe Afa kea havi ke hane. huya
ohugahae.
Taitasia kanale auava kava hinageya neyavemoya akave hisae.
6
Ania huka neyavemo-gamina tokiyaage kea mage huka hamapaiyo Tamakaitami
tamaku tamakesale yagaitama tokiyaage hutama maiho. huka hamapaiyo.
7
Kagaya mukiama
nehana auavakaa kanale kavaage hisanageya kakave maleya visae. Visageka fatago kavaage
nehuka kanale mono kema hisanana afa kea ohuka kagesafima havilama hu-mainana keage
huhaleka hamapaiyo.
8
Kelamagea hisanageya kame vayatimoya Havige nehane. huya hisaya
keamia omalesigeya tusia amakaye hugahie.
Aliya vayamoya kava vayaamimo-gami ke akave maleho.
9
Aliya veamo-gatama mukia kanafina kava vayaamimo-gami amaiyaafi maisageya
kavaamimoya muse hu-mainaya kava hutama amakaifena amakavelaga kefo kea ohiho.
10
Haviva yaamiene monene musufayana ohutama efi efi hutama kanale kava hisageya kava
vayatamimoya tagu tamema aligati-mainea Anumaya Koti kea alisaga huya havisaya amaku
amakesa hanegahie. huka hamapaiyo.
Tagaya Anumaya Koti auavala akave nemaleta Yisasima esiafe agava maisune.
11
Veamogami amaku amamema aligatisiafe Anumaya Kotina kayone yamaa ago
efalote humaine.
12
Efalote humaineno Anumaya Koti auava ya akave omalesunafeene
mopafi yafema age lahaye nehisuna kefo kavafeene takaveno hutesuna yafe lave-neliye.
Menia ma kanafina lagu tagesale yagaita tokiyaage huta maineta fatago huta kaana vaiyesuna
kavala lave-neliye.
13
Lagu tamema aligati-mainea Anumayati Yisasi Kalaisia hale yamo
tokiyaaene efufute ataleno evayi hisiafene huta tametitia nehuta muse huta agava mainone.
14
Kefo kavama maita nehuna yamo nofila hulatenegeno tagu tamema aligatisiafene huno
Yisasia agaia augafa hakino fali-maine. Ani kefo yapiti alino kalu helateno lavayu hisia miya
ataleno fali-maine. Lavayu huteno mukia kefo yatia ago aye hami-lategeno taguamoa efeage
higeta agaia veane mainonafe tagaya taya mukiki huta kanale aliya alisunafene huno fali-
maine.
15
Manima hua kea tokiyaage huka veamogamina amaku amakesa alika amakafa hugeya
haviya lokiyaage huya akave malesae. Havigu nagoa veamoya kagaife Afa kano mainane.
huya hugateyafenagi kagaya tokiyaage huka maiyo.
Taitasi Taitasi
<<
22
>>
Taitasi Taitasi
<<
33
>>
3
Tagaya hetita tokiyaage huta kanale kavakeya hisune.
1
Mukia veamoya ala Kamani kava vayamogami amaiyaafi maisayafe ali-makafa
hisanageya amakai kea akave maleya kanale auava kavakeya hiho.
2
Nagoa veamogami
amakia hu haviya hu oamatetama tamaipa falu yapi maiho. Tamaugafa alitama ohaitama
mukia veamogamina ali kayone humateho. huka hamapaiyo.
3
Nayona tagayaenena aifonafo
lagu tagesa havita Anumaya Koti kea akave omalonageno Satania aye-lavataga higeta lagaiti
age lahaye huna kefo yaene taugafamo muse hia yamoene tatafa huno atalako higeta ani
nofipi maineta veafe havita haviya humateta alumogami yatefe age lahaye hunageya
veamoya lagaila tusiya huya kamea hu-latenayanagita ania huta kame huta mainone.
4
Naa
huta mainonanagi lagu tamema aligati-mainea Anumaya Kotia kayone hisuna yamaaene
tagaife hau ayamopafi hau-mainea yaene taveli-mainea kanamoa vayi higeno tagu tamena
ago aligatimaine.
5
Tagayama fatago kavama humainona yateti tagu tamena ali okatinegi
tagaifena agaia hauma hulatenea yateti kefo yatia aye hami-lategeno Alu Aotage Avamumoa
haegafa tahaimula ago tamigeta haegafa veane mainone.
6
Mainonageno lagu tamema aligati-
mainea Yisasi Kalaisia fali-mainea yateti Anumaya Kotia Alu Aotage Avamula ago ali
helafino lamine.
7
Tamineafe Kalaisia agaia kayone hulatenea yateti tagaifena Nagaini fatago
veane mainae. huno hu-lateteno maige maige hisuna tahaimula tamineanagita agaima
agesunafe tametitia nehuta agava mainone.
8
Mani kemoa kelamagelafa haneafe nagaya
musekaa nehugi Anumaya Koti veamogamife mani kea huhaleka hulokiya vaika huo.
Anumaya Kotife amakupi malenaya veanea kanale auava ya huya hetiya tokiyaage hisayafe
mani kea huhaleka huo. Ani yamoa kanaleya huno mukia veala amaya hugahie.
9
Amaya
hugahigi keoke kaoke kene agili kene tototamimo-gami amakile kene kahegi kemofeene
hatagetama ke ovai avai ohiho. Ani yamoa tagaila laya huno nago augafa kanale yana
otamigahie.
10
Nagoa veamoya mono keleti ke ovai avai huya ali haviya nehisaya
veamogamina amakesa alio. Aliteka tole kanalema hisanageya kekama ohavisageka afaa
neamataleka kakaveno humato.
11
Naa veamoya Anumayamo kafena neataleya amakaiamima
kefo kavama haya yafe amakaiami amakuamoa kaiyekea humatene huta ago havimainone.
Poloa Taitasife Me nago. huno humaine
12
Nagayama Atemasipi Tikikusipi hunatesugeana kagaitega uvayima hisaageka kagaya
aupaa nagaitega Nikopolisi kumate eno. Nagaya Nikopolisi kumate tani kotisia kanafina
maisua nagesa nehie.
13
Apolosiene kahegi kema havilinea kanoa Senasiene kava hunateka
katema visaageka anaya hisanageana nago yafena ati oayeana visae.
14
Tagai veamogamina
mukia yaamima omalenesia veala hamamaesayafe kanale aliya alisae. Na kavama hisayana
kanale alagaa ayegahae.
15
Nagaienema mainaya veamoya Mainafio? huya hu falu fala hugatae. Anumaya Koti
kema aliya amakupi malenayafenagiya tagaifema hamaiya veamo-gamifena Mainafio? huya
hae huka hu falu fala humato. Anumaya Kotia kayone hisaya yamaa tamamisie.
Taitasi Taitasi
<<
33
>>

Kanite Bible Papua New Guinea

Uploaded by

Copyright:

Available Formats

Kanite Bible Papua New Guinea

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Kanite Bible Papua New Guinea

Uploaded by

Copyright:

Available Formats

Anumayamo'a Haegafa Alino Hagelafilatenea

You might also like