Vol.

XV :

Issue No. 50

Dt. 15th December

Pathianni

Phek 1 - na

Vohbik Chibai
Chibai, Vohbik! Lalpa i hnenah a awm(Luka : 1: 28) Mari vohbik chibai buktu hi vantirhkoh Gabriela, Pathianin thu pawimawh kengtu atana a hman thin,a bula ding thin a ni. Mari hnena a inlar hma lawk hian baptistu Johana pa zawlnei Zakaria hnenah a inlar tawh a, fapa Johana a la neih tur thu a hrilh tawh a ni. Vohbik chibai chungchang hi i han chhui chiang dawn teh ang. Vohbik chibai dawngtu : Mi naranin vohbik chibai hi an dawng ngai lo. Kum 600 dawn lai liam ta a zawlnei Isaian Lal Isua pian tur thu a lo sawi lawk khan nula thianghlim tam takin a paitu nih an inbeisei ngeiin a rinawm. A pian dawn lai vel pawh khan Israel ramah nula thianghlim engemawzat an awm ang tih a rin theih. Mahse, engatinge Mari kher hi thlan a nih le? Lal Isua pai tur hian harsatna leh hmusitna tam tak Pathian avanga tawrh a tul dawn a. Chutiang hunah pawh chuan sawisel lova, I thu ang zelin ka chungah thleng rawh se tih ngam a ngai tlat a ni. Thinlung thianghlim taka Pathian thiltihtheihna beiseitu nih a ngai. Chutiang mi chu Mari hi a nih avangin a ni kher hi thlan a ni. Lal Isua hnathawh a zarah Pathianin a tana mi rinawm tur, khawvel sualna leh harsatna tam tak karah pawh a tana ding ngam tur tunah pawh hian a la zawng reng a ni. Vohbik chibai min buk tumin kan thinlung kawngkhar a la kik reng. Vohbik chibai hi kan dawng ngam dawn em? Mawhphurhna a keng tel : Israel faten hnam thlan an nihna kawnga an hriat hmaih fo chu mawhphurhna a keng tel tih hi a ni. A duhsakna leh malsawmna, an nun dan chu eng pawh lo ni se, hnam dang laka a bik taka Pathian chhandamna an beisei reng a. Pathianin a thlan chhan chu a hming ropui hnam dangte zinga thehdarh a, khawvela mi zawng zawngin amah chibai an buk a ni. Hei tak hi an hre tel thin lo va, Pathian hremna pawh an tuar nasa reng a ni. Marin vohbik chibai a dawn a, Lal Isua paitu a nih dawn hian ngaihtuah tur a nei tam ngawt ang. Nula thianghlim a ni a, pasal hual Josefa a nei bawk. Chutih laia mite hriatthiampui miah loh tur, mihring pawh ni lo, Thlarau Thianghlim fa han pai kha thil namai a ni lo. Juda danin den hlum a hmabak a, a pasal hual Josefa laka insawi fihlim kha thil huphurhawm tak a ni bawk ang. Mite hriatthiam loh leh endawng chiah a hmabak. Sumeonan nanga thinlung pawh ngunhnamin a la chhun tlang ang, a la ti zui. Keini pawhin Pathian laka vohbik chibai kan dawn hian mite tih ang kan ti ve thei tawh dawn lo va, mite sawi ang kan sawi thei tawh dawn lo bawk. Kan thinlung a nat vawng vawng chang a tam dawn a ni. A chaknate chawpa boral tur mah nise, khawvel hi a itawm tawlh tawlh dawn. Pathian tel lova inawm tleina mai tur thil a tam tulh tulh ang. Channa leh harsatna karah pawh lungawi taka amah kan zui zel a ngai thung ang. Hei hi kan mawhphurhna tur chu a ni. Chungnungbera hliahkhuhna a keng tel : Thutlukna siam mai thei lova Mari rilru mangang taka a awm laia Gabriela thusawi, a thinlung hnehtu chu, chungnungbera thiltihtheihnain a hliahkhuh ang che, tih a ni. Mari hian he hliahkhuhna hi a ring ngam a, a hmaah hmuhsitna, mualphona leh denhlum hial awm mahse, Lalpa bawihnu ka ni, a ti thei ta a ni. Pathian hliahkhuhna hi Mari hian a dawng chiang khawp mai. Josefa hnenah a insawi fihlim a ngai lo, Lalpan a vantirhkoh hmangin a lo sawifel vek mai. Nupuia a neih zui tak avangin Juda dana denhlum pawh a pumpelh bawk. Daniela kha sakeibaknei puka thlak hmabak ni mahse, chungnungbera thiltihtheihnain a hliahkhuh a, Sakeibaknei puk chu Pathian thiltihtheihzia lanna hmun a lo ni ta a nih kha. Daniela Pathian chu tunge a nih hre lo mahse, an lalpa meuh pawhin a ropuizia a hmuh khan a ram chhungah a chawimawi zui ta a nih kha. Tuipui Sen chunga a kut a phar khan Mosia tan khan huaisen leh Pathian rin ngam, Chungnungbera hliahkhuhna ropuizia rin a va ngai nasa dawn em! A rin ngam avanga Pathian thiltih mak lo thleng chu kan hriat vek kha. Krismas kan lo hnaih leh ta. Vantirhkoh mai ni lovin, Lal Isua ngeiin vohbik chibai min buk tumin min sawm mek a ni tih i hre thar leh ang u. He vohbik chibai hi kan chhang dawn nge khawvel hipna avangin kan hnar ang? Khawvelah chan tur leh kalsan tur tam tak kan neih bakah mawhphurhna nasa takin min delh dawn tih hre chung hian kan chhang ngam ang em? Pathian hliahkhuhna leh malsawmna erawh chu kan chan hauh lo vang.

Kohhran Aw

Pathianni chhuak

Dt. 15th December

Phek 2- na

2013- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Lalrinzuala, Zahmingliana B-3: Vanlalruata, Lalfakmawia, Lalruatsanga B-4: Vanlalawmpuii, Lalrinawma B-5: Lalruatkima, Lalramluahkima B-6: Lalawmpuia, Lalmuanawma, Zonunmawia B-7: Zodinmawia, Jonathan Lalnuntluanga B-8: F. Lalremruatpuia, Lalrindika, MS Dawngliana, Zohmingkima B-9: Lalrinhlui,Lalbiaksiami, Lalramtharzuala B-10: Lalhmangaiha, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga, Lalruatkima

Synod News
** Mizoram Presbyterian Church Synod Inkhawmpui vawi 90-na, December 3 - 8 chhunga Ramhlun North Kohhran Biak Ina neih chu tluang takin December ni 8 (Pathianni) zan khan a tiak ta. December 4-7 chhung khan palai rorel inkhawm neih a ni a, rorelnaah Nomination leh Pastoral thu bakah General agenda 85 lai ngaihtuah a ni. December 8 (Pathianni) chawhma inkhawmah Pro. Pastor 17 Pastor atan a nemnghet a, Pro. Pastor atana lak thar mi 19 a dah nghet bawk. Chawhnu Inkhawmah Synod Moderator, Rev. K. Lalhmuchhuakan Lalpa Zanriah Sakramen a buatsaih a, kum 2013 chhunga Minister chatuan ram pan tate sunna hun hman a ni bawk. Zan inkhawmah Rev. Lalramliana Pachuau, Moderator kalchhuakin thuchah hnuhnung (valedictory sermon) a sawi. Kumin Synod-ah hian palai hming ziak 1940 vel an awm a, Inkhawmpuina hmuna riak lut hi hriat theih chinah mi 932 vel an ni. Nakum (2014) Synod Inkhawmpui chu December 9-14, 2014 chhungin Mission Vengthlang Bialin Mission Vengthlang Kohhran Biak Inah an thleng dawn a, Moderator chu Rev. Lalrinmawia a ni ang a, Thlarau lam thupui atan Rinawmna thlan a ni a, Rev. Zosangliana Colney-in a sawi ang. ** December 4, 2013 (Nilaini) zing dar 9:00 khan Synod Bookroom Hqrs. kawt, Mission Veng-ah CKTP buatsaih Krismas Hla Bu leh KTP General Conference 2014 Hla Bu tlangzarh leh hlanna inkhawm neih a ni a, T.Upa Zohmangaiha, Fin.Secretary, CKTP-in kaihruaiin Upa Zothangzuala Chhangte, Treasurer, CKTP-in report a pe a. Rev.Lalrinmawia, Leader, CKTP-in tlangzarh leh hlanna hun a hmang. Kum 1990 khan Central KTPin hla 52 awmna Krismas Hla Bu a lo buatsaih tawh a, kum 1997 khan hla 131 awmna chhuah leh a ni a, kum 2004 khan hla 151 awmna chhuah leh a ni bawk. Nikum 2012 KTP Gen.Conference, Thenzawla neih khan Krismas Hla Bu chhuah leh turin a rel a. Krismas Hla Bu, hla 160 awmna chu tihchhuah a ni leh ta a ni. KTP Gen.Confrence hla bu hi kum 1972 atangin buatsaih tan a ni a. Kum 1993 Gen. Conference, Vairengte-a Kristian Hla Bu an rin tum tih lohah chuan General Conference apiangin Hla Bu hi buatsaih ziah thin a ni. Kum 2014 KTP General Conference Hla Bu-ah hian Hla 60 (Solfa hla 50 leh Mizo Lengkhawm hla 10) dah a ni. Krismas Hla Bu hi Rs. 100/- man a ni a, Gen.Conference Hla Bu hi Rs. 30/- man a ni a, Synod Bookroom Branch hrang hrangah zawrh chhuah mek a ni. ** January 5, 2014 (Pathianni) chawhnu dar 1:30 hian Synod Mission Board chuan Mission Vengthlang Kohhran Biak Inah Missionary tirhchhuah inkhawm a buatsaih dawn a, Synod Moderator Rev. K. Lalhmuchhuakan Tirhchhuahna hun a hmang ang. Tun tumah hian Pastor 13 leh Contract Missionary 147 te thlah an ni dawn a ni. ** December 14 (Inrinni) hian Central Kohhran Hmeichhe Committee chuan Krismas thilpek hlanin hmun hrang hrang an tlawh dawn a, TNT, Zuangtui hnenah ` 20,000/- an hlan ang a, Hmangaihna In, Durtlangah thawktute leh naupangte hnenah thilpek an hlan ang a, Grace Home, Durtlangah ` 20,000/ an hlan bawk ang.

Editorial : Rilru Tharin Aw Khawlaiah mipui kan pung a, lei tum leh hralh duh kan indawr a, lirthei lo pung bawk nen, fimkhur a ngai. YMA-in khawlai an chei a, zanah phei chuan a mawi leh tawh hle. KTP pawhin Biak in an chei tan leh tawh a. TV-ah leh Biak inah pawh Krismas hla an leh ta ber mai. Heng zawng zawngte hi tisa lama khawvel sual tlan tura lo piang Lal Isua Krista kan hmuahna vek a ni. Lal Isua hi khawvel tan a hlu em a, tisa thil tak pawh a nasa taka lo inbuatsaih hi a phu khawp mai. Mi ropui tuemaw piancham pawh nasa takin an lawm a lawm. Kan theih ang anga kan lo lawm hi a phu hliah hliah a ni. Mite tih thik emaw ti ve lo nih hreh avanga thei lo chung chunga lo tih ve chiam erawhchu a tul ber lo mai thei. Kan phak ang tawk tawka kan tih hi a tha tawk hle a ni. Mahse.... i han ti teh ang. Tisa lama inbuatsaihnaah hian kan zo der mai ang tih erawhchu a hlauhawm. I theihna zawng zawngin, i rilru zawng zawngin, i thlarau zawng zawngin... tih ang khan rilru leh thlarau lama nasa taka kan lo inbuatsaih hi a tul hle mai. Kan thinlung a lamah hawn ila. He Krismas hi Krismas kan hman tawh zawng zawnga thlarau lama kan hlawk ber tum a nih theihna turin tawngtaina nen, kan thinlungah lalna chantirin he hun lawmawm tak hi hman theuh i tum ang u. Rilru tharin, thinlung tharin he Krismas hi i hmang ang u.

Kohhran Aw

Pathianni chhuak

Dt. 15th December 2013

Phek 3-na

Jail-ah Hun Hmang Ang

Vawiin chawhma hian Kohhran Social Front Committee leh Branch KTP te chu Champhai District Jail ah hun hmang turin an kal dawn a. Chawhma dar 10:00 a Biak in tual atanga chhuak hman turin Social Front Committee member te leh KTP member te kan inngen a ni. Bus hmanga kal tur a ni. Bialtu Pastorin hun a hmang ang a, KTP mipa group zai Cantatour ten hun an hmang dawn a ni. Jail tangte Krismas hmanna tur `3000/- pek an ni ang. A hun A hmun Tantu Zaiho Thuchah tawi Action song Zaipawl Solo Chhang sawi Group zai Zaipawl Male voice Zaiho Hruaitu Zai hruaitute

Pathianni Zan Tawngtai

Zanin inkhawm bana tawngtai hruaitu Nl. Elizabeth Roluahpuii a ni a, tawngtai turin Kohhran mipuite sawm kan ni.

Damlo Tawngtaipui Ngaite

Pu Lalzarmawia, Pi Sangkhawli,Upa Hrangvelthanga, Pi Zoramthari, Nl. Zoramthangi,Pi Siamliani, Pu T. Lalduhawma, Pu VL Hriata, Pi Vanlengi, Pu Lalramliana, Pi Lallawmi, Lalrosangi, Pi Ngaihtlingi leh Pi Bawitluangi te i Kohhranhoten i tawngtai pui zel ang u.

Sum Audit Ang

Dt. 17.12.2013(Thawhlehni) khian K ohhran sum chi hrang hrang audit tur a ni a. Kohhran Committee hnuaia sum enkawltu ten audit hman ngei tura thehluh tur a ni e. Kumina kan Kohhran sum auditor te chu Upa K. Lalthlengliana, T/Upa C. Lallianzauva leh T/Upa Lalhuapzauva te an ni.

Pangpar Enkawltu Turte

Dt.16-22.12.2013 chhunga pangpar enkawltu tur te:- (1) Pi Lalbiakmawii (2) Pi Lalnipuii (3) Pi Zosiamthangi (4) Pi H. Lalzawmliani

NPSS : Krismas Carol Service Programme

: Ni 20.12.2013(Zirtawpni), zan dar 6:15 : Biak In : Tv. Zarzokima Hrahsel, Beginner Department : Kum sul liam hnu kan nun ngaihlai tho leh thin : Pu H. Lalthanmawia, Leader, Primary Department : Beginner Department : Junior Department : Lalremruati, Sacrament Department : Primary Department : Dulcet Vocal Band : Intermediate & Sacrament Department : Senior Department atangin : Khawvel lawm nan a lo kal a : Upa BS Kailiana, Supernitendent, NPSS : Tv. Ricky Hmingthansanga Tv. VL Ramdina Hla hriltu : Nl. R. Lalrinkimi Krismas thilpek : Inkhawm zawng zawngte tan

Pangpar Khawitu Turte

Vawiina pangpar khawitute : 1) Pi Zosiamthangi 2) Pi Lalbiaknguri Pathianni leha pangpar khawi turte: 1) Nl. C. Darthangpuii 2) Nl. C. Laltani 3) Pi R. Laldinpuii Anni hian Krismas ah pawh pangpar an khawi nghal ang.

Vawiin NPSS Zirlai

Beginner Primary Junior Inter Sakramen Senior S.S Exam S.S Exam S.S Exam S.S Exam S.S Exam S.S Exam

S.S Report : Dt 08.12.2013

Particulars Puitling Naupang Hming ziak 1230 914 Kal 459 733 Kal lo 771 181 Thawhlawm `6855 `4995

KOHHRAN PAVA L A I PAW L

Music Video Hlanna & Advance Christmas Programme
A hun : Ni 16.12.2013 (Thawhtanni) 6:15 p.m. A hmun : Centenary Hall. Chairman : Upa Vanlalhruaia Sailo Tantu : Pu H.S. Zoramliana Thusawi : Rev Lalramdinthara Colney Solo : Pu Ralkapthanga Report : Upa B.L. Chuailova Thusawi tawi : A duh apiang Group zai : Pu R.C. Lalzuithanga leh a thiante Tawngtai hona : Music Video hlanna leh Pathian hnena lawmthu sawina .... REFRESHMENT....REFRESHMENT.... N.B : Pavalai member zawng zawng he hun hmang tur hian ngen kan ni e.

Sunna
Pi K. Laltluangi (k-76), d/o Pu Taia(L) chu Dt 09. 12.2013 (Thawhtanni), 10:10 a.m khan cancer-in a boral a. Tlaivarpui a nih hnuah a tukah vuiliam a ni. Khawhar chhungte Pathian thlamuanna kan ngensak e.

Kohhran Aw

Pathianni chhuak

Dt. 15th December

2013

Phek 4-na

Darthlalang : Tumah Hmusit Lovin

1803 khan US President Thomas Jefferson chuan America khawtlang lam Pacific tuipui kam vela thil awmte chanchin zir turin tuipuia zin thin lawng hmingthang Lewis leh Clark te chu a tirchhuak a. He thil hmuhchhuah tuma zinchhuahna hi Corps of Discovery tiin a hming an phuah nghe nghe a. Heta zinchhuakte hian thil thar chi hrang hrang, Europe lama an la hriat ngai hauh loh 300 lai mai an chhinchhiah a. Chung zingah chuan Red Indian hnam hrang hrang 50 lai an tel bawk a. He lawnga zinchhuakte hi Sahmul hmanga sumdawng thin French mi leh a nupui mi vakvai, Sacajawea , Red Indian hnam mawl tak mai chuan an zui ve bawk a. A tirah chuan chung sumdawng nupate chu hnamdang an nih bakah an hmusit tak mai Red Indian nupui nei a lo ni vei bawk nen, lawnga chuang ve sawrkar mi pawimawh leh lehkha thiam tak takte chuan an ning ru hle mai a. Mahse, an beisei loh lam atangin an hmusit em em French sumdawng nupui Sacajawea chu an hmang tangkai ta hle a. An kalna khaw pakhatah chuan Sacajawea leh a chhungte chu an intawng hlawl mai a. A unaupa phei chu an hnam lal a lo ni hial a. Tichuan American thil hrang hrang chanchin zirmite chuan Sacajawea chu tawnglettu ah hmangin sakawr leh kalkawng hriat theihna tur map lam chite chu a unaupa chuan a pe a. Sacajawea te chhungkaw zarah khawvel chanchina hmun thar tlawhpawhna ropui ber an neih theih phah a ni. Bible-ah pawh hetiang chanchin hi kan hre awm e. Israel faten Jeriko an lak dawn khan enthlatu te chu Nawhchizuar Rahabi puihnain an talchhuak leh thei hram a nih kha. Mizo upaten Lampui chang khatah mi an be chhe ngai lo an tih kha a dik hle mai a. Pathian hian kan chhiat kan thatna atan hian hmanrua atan eng pawh hi a hmang thiam vek a. Mi te ber leh mi lian ber thlengin Pathian thilsiam vek leh a hmangaih, a thisena a tlan te, chatuan roluah tura a duhte vek kan ni a. Mahni mihringpuite hmusit a, diriam ching chuan Pathian thilsiam a zah lova, chu chu Pathian pawisawina a ni.Tuna kan hmusit leh engamah kan ngaih lohte hi Pathian hnena kan chanchin hrilhtu turte an ni a, he leia kan mizia thai langtute an ni bawk a ni. Chuvangin fimkhur ila, mi te ber kan tih te, mi lian kan tihte hi Pathian ta vek an ni tih hriain, Pathian hian kan tan remchang takin a hmang thei a ni. Chuvangin hleih nei miah lovin roreltute pawhin ro kan rel hi Pathian duhdan a ni a, kan Kohhran inkaihhruaina danah pawh a awm hial a nih kha.

Dec. Chairman : Upa Lalthlamuana

VAWIIN BIAK INPUI

Chawhma : Sunday School Inkhawm Tantu : Pi Nu-i (Bial 5-na) Zirlai : Tanpui dil au hla Chawhnu : Pathian Biak Inkhawm Tantu : Pi Thangthuii (Bial 14-na) Thuhriltu : Upa BL Chuailova Zan : Pathian Biak Inkhawm Thuhriltu : Upa H. Thangliana KTP TAWNGTAI INKHAWM Hruaitu : Nl. H. Ramengmawii Tantu : Nl. Malsawmtluangi Khawlhring Beat Group: Senior Department atangin Dt. 16. 12. 2013:THAWHTAN ZAN (KTP Inkhawm) Kum 2014 Branch KTP O.B Thlan Dt. 16. 12. 2013 : THAWHTAN ZAN (Pavalai Inkhawm) Hruaitu : Upa Vanlalhruaia Sailo Tantu : Pu HS Zoramliana Thuhriltu : Rev Lalramdinthara Colney N.B : Hemi zan hian Music Video hlanna leh Advance Krismas hman a ni dawn a, Programme phek 3-na ah tarlan a ni. Dt. 17. 12. 2013 : THAWHLEH ZAN (Kohhran Hmeichhe Inkhawm) Hruaitu : Pi Lalropari Tantu : Pi Lalparmawii Thuhriltu : Pi H. Lalzawmliani Thilpek la : Pi Nothangi khawmtute : Pi H. Rokimi Zai hruaitute: Pi Lalremmawii Pi Lalhmachhuani Dt. 18. 12. 2013 : NILAI ZAN Tantu : Nl. Lalramlawmi (B-7) Thupui : Ennawnna Hawngtu : Pu F. Lalrinmuana Dt. 21. 12. 2013 : INRINNI ZAN Crusade Speaker : Rev. Lalramdinthara Colney

TAWNGTAI INKHAWM HRUAITU

TAHRIK ZING :Dar 6:00 AM TLAI: Dar 4:00 PM 16.12.13(Thawhtanni) : Pu R. Biaktluanga Pi Zoramliani 17.12.13(Thawhlehni) : Pi Lalventhangi Pu K. Thangdailova 18.12.13(Nilaini) : T/Upa Lalhuapzauva Pi Lalsiammawii 19.12.13(Ningani) : Pi Zosiamthangi Pu Laikhama Pu H.S. Zoramliana 20.12.13(Zirtawpni) : Tv. PC Lalruatfela 21.12.13(Inrinni) : Pi Lalhlupuii Pi V. Lalremveli 22.12.13(Pathianni) : Upa Lalchungnunga Pu Biakkhuma

Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Adviser : Upa C. Hualchhunga Cir. Manager : Zorampari, Published by Vengthlang Kohhran & Printed at C.K.Offset, Vengthlang. Biak In Ph.: 235380