沙特阿拉伯

沙特阿拉伯个位置

沙特阿拉伯（المملكة العربية السعودية 英语：Saudi Arabia）亚洲西部国家之一。

面积：2百万平方公里横里

人口：2千7百万弗罢

地理环境

沙特阿拉伯沙漠风光

沙特在拉阿拉伯半岛个中心区域，气候条件邪气推板，水资源少，空气干旱，弗适合耕种；倒是箇个场许邪气适合放牧，箇咾从古代开始，迭个地方就一直是放羊个场许。条件稍许好一点个是靠近红海个地区，有绿洲搭水资源，个咾现在沙特大部分经济也集中在拉伊搭。

政治

沙特是一个典型个君主制国家，国王搭伊拉个家族成员控制全国个权利搭财富。政府部门侪是伊拉家族个成员掌握。沙特弗允许有议会政党，对别他思想个控制也邪气严格。在拉阿拉伯之春个活动里向，沙特受到个冲击比较小。

经济

沙特是一个石油国家，国家主要个收入侪是依靠石油。因为别个方面条件比较推板，思想上向貤有得交关限制，沙特个工业搭服务业发展侪比较推板。到乃，主要个石油加工还是要依靠其他国家个公司开发，自家开发弗出。

除脱仔石油出口，沙特另外一个支柱是伊拉个朝圣经济。因为掌握麦加，麦地那两个圣城，沙特每年要有上千万穆斯林来朝拜，带来个收入邪气多，迭个也成为仔沙特个一大增长点。

宗教

沙特阿拉伯是一个回教国家，国家是回教个瓦哈比派，执行严格个宗教法律，弗允许交关现代个娱乐活动，妇女弗好开车子。但不过，2018年6月份开始，沙特阿拉伯允许女性驾车哉，希望用迭个策改善国家形象，促进经济发展。同年1月同2月，沙特女性获准进入足球场看比赛，还弗需要通过男性亲属个同意就好自家开办事业。2019年8月2号，沙特阿拉伯又颁布一系列有利妇女个法令。

对于别他宗教，侪弗允许传播。沙特也是世界上向宗教迫害顶结棍个国家之一。

国内个穆斯林大部分是瓦哈比派个信徒，弗过来勒波斯湾地区，也有交关什叶派信徒，伊拉经常搭沙特中央政府爆发矛盾。

在拉外来务工人员里向，有交关来自菲律宾个天主教信徒，弗过伊拉弗好公开崇拜个，否则要畀沙特个宗教警察捉牢驱逐出国个。

外国人在拉沙特旅游搭工作一定要当心，作兴碰弗碰就会得在拉宗教问题上向“冒犯”伊拉沙特人。

• 
  Sulaiman Al-Jbilan
• 
  Holy Place
• 
  Khaled Al-Jubeir

外部链接

Government

• Saudi Arabian Information Resource 档案，存勒互联网档案馆当中。（2020年7月12号）, Saudi Ministry Education
• Saudi Arabian Information Resource, Saudi Ministry of Culture and Information
• Royal Embassy of Saudi Arabia in Washington, DC
• Chief of State and Cabinet Members 档案，存勒互联网档案馆当中。（2013年8月19号）

General

• CIA World Factbook entry on Saudi Arabia
• Saudi Arabia 档案，存勒互联网档案馆当中。（2010年6月11号） at UCB Libraries GovPubs
• Understanding Saudi Arabia, Kamal Nawash
• Saudi Arabia 档案，存勒互联网档案馆当中。（2008年10月14号） from al-Bab

维基共享资源里向寻得着搭该篇文章搭界个多媒体资源：

沙特阿拉伯