世界杯2022｜专栏: 喀麦隆进攻或有惊喜

世界杯2022｜专栏: 喀麦隆进攻或有惊喜

今届世界杯热门之一阿根廷喺有惊无险之下晋身十六强，最后一场比赛以2:0战胜波兰，三战两胜得六分以首名出綫。呢个结果对阿根廷球迷来讲，可谓放下心头大石。另一大热门巴西喺已确定出綫嘅姿态下，出战第三场分组赛，佢哋嘅对手将会系喀麦隆。

巴西今届分组赛两场获胜，都可以用轻描淡写来形容。对塞尔维亚嘅赛事，全场压逼下以两球取胜，过程充满说服力；而即使对瑞士嘅比赛要靠卡斯米路喺比赛尾段建功小胜一球，但综观全场赛事，巴西表现依然充满统治力，瑞士偶有反击，但未对佢哋后防造成真正威胁。

喀麦隆自从首败于端士之后，喺对塞尔维亚嘅第二场比赛展现出截然不同嘅精神面貌，一度落后两球之下，最后以3:3逼和对手。尤其是阿布巴卡及祖普莫亭合作炮制扳平的一球，更凸显到非洲球员嘅爆发力同速度，当然佢哋嘅教练桑治对球队喺落败后嘅调整，亦应记一功。

借之前法国队为鉴，巴西队喺确定出綫之下，预计只会派遣副选上阵，而且踢起嚟唔会有包袱，而喀麦隆必须取胜以保最后出綫希望，双方对攻起来，应该会制造唔少入球。 - 球乐

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

卡斯米路喺瑞士嘅比赛尾段建功小胜一球。Reuters