Aquilino Pimentel, Jr.

Aquilino Q. Pimentel, Jr.

I Pimentel aniang 2018
Linukluk  June 30, 1998 – June 30, 2010
Linukluk  November 13, 2000 – July 23, 2001
Linukluk  June 30, 1987 – June 30, 1992
Linukluk  March 25, 1986 – June 30, 1987
Kebaitan	Disiembri 11 1933 Claveria, Misamis Oriental
Politika partidu	Lakas ng Bayan (1978-1986) PDP-Laban (1982– )
Asawa	Lourdes de la Llana
Obra	Politician
Kapanwalan/Kasalpantayanan	Roman Catholic

I Aquilino "Nene" Quilinging Pimentel, Jr. (born December 11, 1933) metung yang puliticung Filipinu. Minuna yang mialal antimong delegadu king 1971 Constitutional Convention, at merakap ya aniang mibulalag ing leyi militar lalam nang Presidenti Ferdinand Marcos. Aniang 1980, mialal yang Alcaldi ning Cagayan de Oro Lakanbalen king Misamis Oriental, leko neng Marcos, at misubli ya kaibat ding mangaragul a demonstrasiun ding malda aniang 1981, at merakap yang pasibayu aniang 1982 ampong 1985. Kaibat, mialal yang Assemblyman ning Batasang Pambansa, nung nu ya migsilbi manibat 1984 anggang 1986.

Kaibat ning People Power Revolution, pinili neng Presidenti Corazon Aquino antimong Ministru ning Kapamahalang Local (Minister of Local Government) ampong talausuk ning pamuntuk/pekapun a negosiador (Presidential advisor/chief negotiator) kareng rebelding Muslim king Mindanao. Kaibat, mialal yang Senador (1987-1992), at ya ing meging talalalang ning katatalakaran (seminal) a Local Government Code. Kaibat, tinagal yang kaduang pamuntuk kanitang 1992 king lalam ning Partidu Liberal king kayabe ne i Jovito Salonga a tinagal pamuntuk, at panglima ya kareng candidatung kaduang pamuntuk, at menikua yang 9.9% ning botu. Mepirait ya aniang alalang pambangsa kanitang 1995 kaibat nang tinagal pasibayu king panga-senador. Dela ne ing casu king Kakataskatasan a Ukuman, at simbut ne ing kayang dalum aniang 2004. Kanitang 1998, sinambut ne namang senador, at migsilbi ya manibat 1998-2004. Inalal deng kalabing siam (19) a Pamuntuk ning Senadu, at migsilbi yang 2000-2001. Aniang Mayu 10 2004, misubli ya king Senadu; katlu yang pekamatas kareng botu king mabilug a Filipinas, king metung a alalan a maki alus 80 candidatu para kareng 12 puestu king Senadu.

Anting talapamuntuk (chair) ning Blue Ribbon Committee, rinecomenda na ing pamanusig kareng mangatas a opisial ning kapamahalan ibat kareng minunang administrasiun dikil king Expo Pilipino centennial scam, ampo ing e ustung pamangamit kareng pondu ning Retirement and Separation Benefits Systems of the Armed Forces. Rinecomenda na murin ing pamanusig da reng mapilang tauan ning Land Registration Administration a misangkut king pamangawang e tutung titulu king gabun. Mas bayu kaniti, mika imbistigasiun ya ing kayang lupung (committee) kareng sasabian nang Gobernador Luis “Chavit” Singson dikil king jueteng scandal. Antimong Talapamuntuk ning Lupung king Kapamahalang Local (Committee on Local Government), susuportan na ing maleparan a pamagbayu bang pasikanan ing papil da reng local a kapamahalan king paniulung ning bangsa. Ikua na murin ing pamag-apruba ning Senadu bang isubli ing pamanibala kareng pulicia kareng local a kapamahalan, at sinulat yang leying mitutuldu king petsa da reng alalan king ARMM.

Ya ing pamuntuk ampong talatátag king partidung PDP-Laban. Aniang April 25, 2008, megi yang talalalang king metung a munikalang leyi (bill) a manalis keng sistema ning Filipinas ba yang maging republicang federal.

Suglung palual

• Senate of the Philippines
• Aquilino Pimentel's Official Personal Website Archived Eneru 21, 2022 at the Wayback Machine
• Aquilino Pimentel's Assets and Liabilities

Minuna kaya {{{before}}}

{{{title}}} 2000–2001

Menalili kaya {{{after}}}

Minuna kaya {{{before}}}

{{{title}}} 1980–1984

Menalili kaya {{{after}}}

Minuna kaya {{{before}}}

{{{title}}} 1980–1984

Menalili kaya {{{after}}}