Ismail Marzuki
Ismail Marzuki (11 Mei 1914 - 25 Mei 1958) panèka sala sèttong komponis Indonèsia sè èkennal. Asmana samangkèn èabadiaghi mènangka pusat kesenian è Jakarta, èngghi panèka Taman Ismail Marzuki (TIM) è ḍaerah Cikini, Jakarta Tengnga.[1]
Ismail Marzuki èlahiraghi ban raja neng è Jakarta ḍhari kalowarga Betawi. Nyama aslina Ismail, seddheng nyamana eppa’na Marzuki, ḍadḍi nyamana lengkap Ismail bin Marzuki. Namong, kabânnya'an orèng nyèbbut nyama lengkapna Ismail Marzuki, maske è antarana ca-kancana serrèng èsebbhut Mail, Maing, otabâ Bang Maing. Salerana laher è ḍisa Kwitang, teppa’na è kecamatan Senen, ḍaerah Jakarta Tengnga, tanggal 11 Mei 1914. Tello bulân saamponna Ismail lahir, emma’na seda. Sabellunna, Ismail Marzuki jhughân ampon kaèlangan duwâ' taretan lake' sè anyama Yusuf bân Yakup sè ampon èmolaè è bâkto lahir. Saellana jârèya èpèyara è bâbâna ramana bân ale'na sè ghi' odhi' sè anyama Hamidah, sè lebbi towa 12 taon dâri Ismail.
Ismail Marzuki abâdâhaghi debut è bidang musik è omorra 17 taon, è bâkto èpon berhasil aghâbây lagu "O Sarinah" kaangghuy pertama kalèna è taon 1931. Ismail andi' minat sè dâlem dâ' bidang seni È taon 1936, Ismail maso' ka Lief. Orkestra musik Java mènangka pemain gitar, saksofon, bân harmonium pompa.
Sombher
[beccè' | beccè' sombher]- ↑ Fahri Zulfikar. "Ismail Marzuki dikenal sebagai komponis yang aktif dan produktif". DETIK ADU. 2022-09-26. akses 2024-08-18