Սուրբ Կարապետ վանք (Ֆռնուզ)
Անվան այլ կիրառումների համար տե՛ս՝ Սուրբ Կարապետ (այլ կիրառումներ)
Սուրբ Կարապետ վանք, վանք Կիլիկյան Հայաստանի Մարաշի գավառի Զեյթունի գավառակի Ֆռնուզ (Խժոտ) գյուղում[1]։
Անվանումներ
[խմբագրել | խմբագրել կոդը]Վանքը կոչվում է նաև՝ Օհաննու Կարապետի վանք, Ֆըռնուզի Սուրբ Կարապետ վանք, Ֆռնուզի վանք, Ֆռնուսի վանք, Ֆոռնոսի վանք, Խժոտի վանք[1]։
Պատմություն
[խմբագրել | խմբագրել կոդը]Վանքը գտնվում է Հալեպի նահանգում, Մարաշի գավառի Զեյթունի գավառակում, Ֆռնուս (Ֆռնուզ, Խժոտ) ավանի մոտ, դրանից 2-3 կմ հեռավորությամբ, Դրախտիկ լեռան մոտ, բարձրադիր սարահարթի վրա։ Առաջին անգամ հիշատակվում է 1557 թվականին։ Հայ ճարտարապետության աչքի ընկնող կոթողներից էր, որտեղ միջին դարերում պահվում էին հայերեն և հունարեն ձեռագրեր։ Ուներ գեղեցիկ շենքեր, կալվածքներ, ջրաղաց, վարելահողեր ու այգիներ։ 1895 թվականին հայկական կոտորածների ժամանակ դարձել է ինքնապաշտպանության կենտրոն և կռվիների հետևանքով ավերվել է։ Վանքն ավերվելուց հետո՝ թուրքերը ոչնչացրել են բազմաթիվ ձեռագրեր։ 1909 թվականին Բարդուղիմեոս վարդապետ Թագաճյանը վանքը վերանորոգել էր, իսկ 1915-1920 թվականներին այն վերջնականապես լքվել ու ամայացել է[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Ստեփան Մելիք-Բախշյան, Հայոց պաշտամունքային վայրեր, Երևան, «ԵՊՀ հրատարակչություն», 2009 — 426, էջեր 426 — 432 + 10 էջ ներդիր էջ. — 500 հատ։
Գրականություն
[խմբագրել | խմբագրել կոդը]- Ստեփան Մելիք-Բախշյան, Հայոց պաշտամունքային վայրեր (խմբ. Լ.Գ. Մանուկյան), Երևան, «ԵՊՀ Հրատարակություն» — 432 էջ. — 500 հատ։
|
Սա Հայաստանի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |