Սուրբ Աստվածածին եկեղեցի (Կարս)
Անվան այլ կիրառումների համար տե՛ս՝ Սուրբ Աստվածածին եկեղեցի (այլ կիրառումներ)
| Սուրբ Աստվածածին եկեղեցի | |
|---|---|
 Սուրբ Աստվածածին եկեղեցու մնացորդները Կարսի բերդի հարավային ստորոտին (կենտրոնում) | |
| Հիմնական տվյալներ | |
| Տեսակ | եկեղեցի |
| Երկիր |  Թուրքիա |
| Տեղագրություն | Կարս |
| Անվանված | Մարիամ Աստվածածին |
| Ճարտարապետական ոճ | հայկական ճարտարապետություն |
 | |
 | |
Սուրբ Աստվածածին եկեղեցի (նաև՝ Կարսի Ավագ եկեղեցի), Հայ Առաքելական եկեղեցուն պատկանող հիմնահատակ ավերված եկեղեցի Կարսի մարզի կենտրոն Կարս քաղաքում, Կարսի բերդի հարավային ստորոտին (ներկայումս գտնվում է Թուրքիայի տարածքում)[1]։ Եկեղեցին գտնվել է Կարս գետի աջակողմյան թեք ձորալանջի հայոց հին թաղի կենտրոնում։
Պատմության ընթացքում եկեղեցին մի քանի անգամ վերանորոգվել է։ Եկեղեցին հիմնավոր վերակառուցման է ենթարկվել 17-րդ դարում և 1865-1866 թվականներին[2]։ Վերջին վերակառուցման ժամանակ շինության հարավային ճակատի արևմտյան անկյանը կից կառուցվել է եռահարկ զանգակատուն։ Մինչև 1920 թվականը եկեղեցին գործել է, որից հետո այն լքվել և անտերության է մատնվել։ 2014 թվականի դրությամբ կանգուն էր միայն խորանին հարող արևելյան պատը։
Ծանոթագրություններ
[խմբագրել | խմբագրել կոդը]- ↑ «Հայոց պաշտամունքային վայրեր», Ստեփան Մելիք-Բախշյան, Երևան, ԵՊՀ Հրատարակչություն, 2009, էջ 48․
- ↑ «Եղեռն` եղեռնից հետո», Հատոր Ա, Երևան, Հայկական ճարտարապետությունն ուսումնասիրող հիմնադրամ, 2016, էջ 122․