ANNESS

Appoġġ mill-UE għall-Kodiċi ta’ Kondotta tal-Aja kontra l-Proliferazzjoni tal-Missili Ballistiċi fil-qafas tal-implimentazzjoni tal-Istrateġija tal-UE kontra l-Proliferazzjoni tal-Armi ta’ Qerda Massiva

1.   Għanijiet

L-Unjoni Ewropea appoġġat b'qawwa l-Kodiċi sa mill-bidu tiegħu. L-Unjoni Ewropea tqis il-Kodiċi bħala strument multilaterali importanti li għandu l-għan li jrażżan il-proliferazzjoni ta’ sistemi ta’ missili ballistiċi u teknoloġiji relatati permezz ta’ miżuri ta’ trasparenza u ta’ tisħiħ ta’ fiduċja. L-Istati Membri kollha tal-Unjoni Ewropea ffirmaw il-Kodiċi u qegħdin jimplimetaw il-Kodiċi in bona fede.

Fl-imgħoddi, l-Unjoni Ewropea ppruvat tegħleb in-nuqqasijiet li kien għad fadal fl-implimentazzjoni tal-Kodiċi u l-universalità tiegħu billi torganizza workshop bejn l-Istati firmatarji u dawk li mhumiex firmatarji tal-Kodiċi fil-marġini tal-Laqgħa annwali tal-2007. Imħeġġa mill-eżitu tal-workshop, l-Unjoni Ewropea tixtieq tkompli b'din l-inizjattiva u tappoġġa tliet aspetti tal-Kodiċi kif ġej:

—	L-universalità tal-Kodiċi;

—	L-implimentazzjoni tal-Kodiċi;

—	It-titjib u l-funzjonament imtejjeb tal-Kodiċi.

2.   Deskrizzjoni tal-proġetti

2.1.   Proġett 1: Promozzjoni tal-universalità tal-Kodiċi

2.1.1.   Skop tal-proġett

Filwaqt li n-numru ta’ Stati firmatarji laħaq il-livell ta’ żewġ terzi mill-Istati Membri kollha tan-NU, għad fadal iżjed xi jsir biex tinkiseb l-universalità tal-Kodiċi. Fil-Laqgħat annwali, l-Istati firmatarji nnotaw li r-raġunijiet għaliex Stati mhux firmatarji qed isibuha bi tqila biex jiffirmaw il-Kodiċi jvarjaw b'mod estensiv, minn nuqqas ġenerali ta’ għarfien u intendiment tal-Kodiċi għal raġunijiet aktar politiċi.

2.1.2.   Riżultati tal-proġett

—	li jiżdiedu l-għarfien, l-intendiment u l-appoġġ għall-Kodiċi;

—	li tittejjeb l-interazzjoni fost l-Istati firmatarji u dawk li mhumiex firmatarji tal-Kodiċi;

—	li jiżdied in-numru ta’ Stati firmatarji tal-Kodiċi.

2.1.3.   Deskrizzjoni tal-proġett

Il-proġett jipprevedi l-organizzazzjoni ta’ żewġ workshops:

—

workshop ta’ sensibilizzazzjoni għar-reġjun bl-akbar numru ta’ Stati li mhumiex firmatarji. Fl-Afrika, il-pajjiżi li ġejjin ma ffirmawx il-Kodiċi: l-Alġerija, l-Angola, il-Botswana, ir-Repubblika Ċentru-Afrikana, il-Cote d'Ivoire, ir-RepubblikaDemokratika tal-Kongo, l-Eġittu, il-Lesoto, in-Namibja, ir-Repubblika tal-Kongo, isSomalja, is-Sważiland, it-Togo u ż-Żimbabwe.

—

workshop ġenerali, li jsegwi l-mudell tal-workshop li kien organizzat fil-marġini tal-Laqgħa Annwali tal-Istati firmatarji tal-2007 bi skambji ffokati u strutturati dwar konsiderazzjonijiet ta’ sigurtà tekniċi jew politiċi relatati mal-proliferazzjoni ta’ missili ballistiċi u r-rilevanza tal-Kodiċi.

2.2.   Proġett 2: Appoġġ għall-implimentazzjoni tal-Kodiċi fost l-Istati firmatarji

2.2.1.   Skop tal-proġett

Filwaqt li l-Kodiċi jirrappreżenta strument importanti biex titrażżan il-proliferazzjoni tal-missili ballistiċi u t-teknoloġiji relatati permezz ta’ miżuri ta’ tisħiħ ta’ fiduċja u tat-trasparenza, għad fadal iżjed xi jsir biex jiġu promossi skambji aħjar fost l-Istati firmatarji. Il-proġett ser jiffoka fuq dawk l-aspetti tal-iskambji fejn jistgħu jinkisbu riżultati tanġibbli.

2.2.2.   Riżultati tal-proġett

—	il-ħolqien ta’ prototip ta’ mekkaniżmu sigur ta’ informazzjoni u komunikazzjoni bbażat fuq l-internet (e-ICC) li jista’ jippermetti skambju ta’ informazzjoni aktar mgħaġġel, aktar faċli u ta’ sigurtà mħarsa fost l-Istati firmatarji u li jipprovdu distribuzzjoni elettronika tad-dokumenti,

—	fl-eventwalità li l-Istati firmatarji jiddeċiedu li jistabbilixxu e-ICC fil-Laqgħa annwali tagħhom, dan il-prototip jista’ jsir operattiv;

—	aktar appoġġ għaż-żjarat tal-osservaturi f'siti fejn isiru t-testijiet tal-varar tal-SLV.

2.2.3.   Deskrizzjoni tal-proġett

Il-proġett jipprevedi żewġ tipi ta’ miżuri:

(a)

Il-faċilitazzjoni tal-iskambju ta’ informazzjoni u komunikazzjoni fost l-Istati firmatarji permezz tal-ħolqien ta’ e-ICC. L-esperjenza ta’ Franza bis-sistema e-POC tar-Reġim ta’ Kontroll tat-Teknoloġija tal-Missili (MTCR) hi ta’ rilevanza partikolari għal dan il-proġett. Peress li d-deċiżjoni li tiġi stabbilita sistema bħal din trid tittieħed mill-Istatifirmatarji tal-Kodiċi fil-Laqgħa annwali, il-proġett ser jiġi implimentat f'żewġfażijiet. L-implimentazzjoni tat-tieni fażi ser tkun soġġetta għal deliberazzjoni minnqabel mill-Istati firmatarji dwar l-e-ICC fil-Laqgħa annwali. Fażi 1: Proposta tal-UE lill-Istati firmatarji tal-Kodiċi biex tinħoloq e-ICC Ser jitħejja prototip ta’ e-ICC bil-ħsieb li jiġi ppreżentat lill-Istati firmatarji, possibbilment fl-2009 u biex jinġabar rispons mill-Istati firmatarji dwar it-tħaddim tiegħu. Fażi 2: Dħul fl-operat tal-prototip tal-e-ICC Fl-eventwalità li l-Istati firmatarji jiddeċiedu li jistabbilixxu e-ICC fil-Laqgħa annwali, prototip bħal dak imsemmi hawn fuq jista’ jsir operattiv. Għal dan il-għan, l-aspetti ta’ kompetenza u dawk materjali tal-prototip ikunu trasferiti lill-ICC/Segretarjat eżekuttiv għall-ġestjoni u jkun provdut taħriġ lill-ICC u lill-Istati firmatarji.

(b)	Il-provvista ta’ mezzi finanzjarji għal numru limitat ta’ żjarat ta’ osservaturi internazzjonali f'siti fejn isiru t-testijiet tal-varar tal-SLVs tal-Istati Membri tal-UE. Il-proġett jista’ jipprevedi żewġ żjarat ta’ total ta’ madwar erbatax-il osservatur mill-Istati firmatarji.

2.3.   Proġett 3: Promozzjoni ta’ aktar titjib u tħaddim aħjar tal-Kodiċi

2.3.1.   Skop tal-proġett

L-ambjent tas-sigurtà qiegħed jevolvi b'mod kostanti, inkluż fil-qasam tal-proliferazzjoni tal-mezzi li kapaċi jwasslu Armi ta’ Qerda Massiva. L-Istati firmatarji jiltaqgħu darba fis-sena biex jivvalutaw l-implimentazzjoni tal-Kodiċi kif ukoll ix-xejriet il-ġodda fil-proliferazzjoni ta’ missili ballistiċi u teknoloġiji relatati.

Il-proġett ser jippromwovi diskussjoni aktar fil-fond fost l-Istati firmatarji, u, fejn ikun meħtieġ, jinkludi Stati li mhumiex firmatarji, f'ambjent aktar informali u ser jipprevedi aċċess għall-ħila esperta teknika dwar il-proliferazzjoni tal-missili ballistiċi barra mill-ambjenti governattivi. L-eżiti tal-proġett jistgħu jiġu ppreżentati bħala dokument ta’ punti ta’ riflessjoni fil-Laqgħa annwali tal-Istati firmatarji.

2.3.2.   Riżultati tal-proġett

—	intendiment aħjar tax-xejriet preżenti fil-proliferazzjoni tal-missili ballistiċi u l-programmi tal-SLV b'rakkommandazzjonijiet għall-Istati firmatarji;

—	analiżi tal-għażliet ta’ kif l-Istati firmatarji jiġu motivati biex jidħlu għall-programmi tal-Missili Ballistiċi u tal-SLV;

—	intendiment aħjar tal-interface bejn il-Kodiċi, l-MTCR u l-arranġamenti bilaterali u reġjonali dwar miżuri ta’ tisħiħ ta’ fiduċja fit-twettiq tal-għan ta’ non-proliferazzjoni tal-missili u definizzjoni ta’ rakkommandazzjonijiet ta’ politika;

—	dokumenti ta’ ħidma jew forom oħrajn ta’ dokumentazzjoni mill-workshops, li jistgħu jkunu ppreżentati mill-UE lil-Laqgħa annwali tal-HCoC.

2.3.3.   Deskrizzjoni tal-proġett

Il-proġett ser jipprovdi żewġ tipi ta’ attivitajiet:

(a)

Il-finanzjament ta’ studju dwar ix-xejriet preżenti fil-missili ballistiċi u d-dinamika fil-proliferazzjoni tagħhom, kif ukoll il-programmi tal-SLV, li jistgħu jiġu ppreżentati bħala dokument ta’ punti ta’ riflessjoni fil-Laqgħa Annwali tal-Istati firmatarji. Fit-twettiq ta’ dan l-istudju, l-FRS ser tiżgura li ma jkunx hemm duplikazzjoni tal-ħidma mal-Grupp ta’ Esperti Governattivi tan-NU.

(b)

Il-finanzjament ta’ workshops ta’ esperti mill-Istati firmatarji u dawk li mhumiex firmatarji, kemm mis-settur governattiv kif ukoll dak mhux governattiv. Il-workshops jistgħu jiġu organizzati fil-marġini tal-Laqgħat annwali. Ir-riżultati jistgħu jiġu ppreżentati bħala dokument ta’ ħidma fil-Laqgħa annwali tal-Istati firmatarji. Il-workshops ser jindirizzaw il-kwistjonijiet li ġejjin: — L-interface bejn il-Kodiċi, l-MTCR u, l-arranġamenti ta’ miżuri ta’ tisħiħ ta’ fiduċja bilaterali u reġjonali fit-twettiq tal-għan ta’ non-proliferazzjoni tal-missili kif ukoll bejn il-Kodiċi u s-sistema tan-NU (UNGA). — Kif l-Istati firmatarji jistgħu jiġu motivati biex jidħlu għall-programmi tal-Missili Ballistiċi u tal-SLV.

3.   Tul ta’ żmien

It-tul ta’ żmien totali stmat għall-implimentazzjoni tal-proġetti hu ta’ 24 xahar.

4.   Benefiċjarji

Il-benefiċjarji tal-proġetti f'din l-Azzjoni Konġunta huma kemm l-Istati firmatarji kif ukoll dawk li mhumiex firmatarji tal-Kodiċi, kif ukoll l-ICC/Segretarjat Eżekuttiv tal-HCoC.

L-għażla finali tal-Istati benefiċjarji ser issir b'konsultazzjoni bejn l-entità ta’ implimentazzjoni u l-Presidenza, assistita mis-SĠ/RGħ, b'konsultazzjoni mill-qrib mal-Istati Membri u l-Kummissjoni fil-qafas tal-Grupp ta’ Ħidma kompetenti tal-Kunsill. Id-deċiżjoni finali ser tkun ibbażata fuq proposti mill-entità ta’ implimentazzjoni skont l-Artikolu 2(2) tal-Azzjoni Konġunta.

5.   Entità ta’ implementazzjoni

L-FRS ser tiġi fdata bl-implementazzjoni teknika tal-proġetti. Il-proġetti ser jiġu implimentati direttament mill-persunal tal-FRS jew dak tal-imsieħba kooperattivi tagħha, l-Istitut tar-Riċerka dwar il-Paċi u l-Politika ta’ Sigurtà tal-Università ta’ Hamburg u ċ-Ċentru Pollakk ta’ Riċerka Spazjali f'Varsavja.

L-entità ta’ implimentazzjoni ser tħejji:

(a)	Rapporti kull tliet xhur dwar l-implimentazzjoni tal-proġetti;

(b)	Rapport finali mhux iktar tard minn xahar mit-tmiem tal-implimentazzjoni tal-proġetti.

Ir-rapporti għandhom jintbagħtu lill-Presidenza, assistita mis-SĠ/RGħ.

L-FRS ser tiżgura l-viżibbiltà tal-kontribuzzjoni tal-UE, b'mod adegwat għad-daqs tagħha.

6.   Partijiet terzi parteċipanti

Il-proġetti ser jiġu ffinanzjati kollha kemm huma minn din l-Azzjoni Konġunta. L-Esperti mill-Istati Firmatarji tal-Kodiċi jew mill-Istati li mhumiex firmatarji jistgħu jitqiesu bħala parteċipanti terzi. Huma ser jaħdmu skont ir-regoli ta’ ħidma standard tal-FRS.