Gan cur i gcoinne comhchruinniú ar tugadh fógra faoi

(Cás M.10835 — ALLIANZ / DALMORE / AMBER / TIDEWAY)

(Téacs atá ábhartha maidir le LEE)

(2022/C 312/01)

An 10 Lúnasa 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10835. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10718 – KINGSPAN / ONDURA)

(Téacs atá ábhartha maidir le LEE)

(2022/C 312/02)

An 8 Lúnasa 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10718. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Gan cur i gcoinne comhchruinniú ar tugadh fógra faoi

(Cás M.10836 — EQUINOR / SSE / TRITON POWER)

(Téacs atá ábhartha maidir le LEE)

(2022/C 312/03)

An 11 Lúnasa 2022, chinn an Coimisiún gan cur i gcoinne an chomhchruinnithe thuas ar tugadh fógra faoi agus a dhearbhú go bhfuil sé comhoiriúnach leis an margadh inmheánach. Tá an cinneadh sin bunaithe ar Airteagal 6(1)(b) de Rialachán (CE) Uimh. 139/2004 ón gComhairle (1). Is i mBéarla amháin atá an cinneadh ar fáil agus déanfar é a phoibliú ach a mbeidh aon rún gnó a d’fhéadfadh a bheith ann a bainte as. Beidh sé ar fáil:

—

i roinn na gcumasc ar an suíomh gréasáin faoin “mBeartas iomaíochta” atá ag an gCoimisiún (http://ec.europa.eu/competition/mergers/cases/). Cuireann an suíomh gréasáin sin saoráidí éagsúla ar fáil chun cuidiú cinntí aonair cumaisc a aimsiú trí úsáid ainm na cuideachta, cásuimhreacha, dátaí agus earnálacha gníomhaíochta,

—	i bhfoirm leictreonach ar shuíomh gréasáin EUR-Lex (http://eur-lex.europa.eu/homepage.html?locale=en) faoin uimhir dhoiciméid 32022M10836. Is é EUR-Lex an tairseach ar líne chuig dlí an Aontais Eorpaigh.

---

(1)  IO L 24, 29.1.2004, lch. 1.

Rátaí malairte an euro (1)

16 Lúnasa 2022

(2022/C 312/04)

1 euro =

	Airgeadra	Ráta malairte
USD	dollar na Stát Aontaithe	1,0131
JPY	yen na Seapáine	136,11
DKK	krone na Danmhairge	7,4368
GBP	punt steirling	0,84218
SEK	krona na Sualainne	10,5365
CHF	franc na hEilvéise	0,9625
ISK	króna na hÍoslainne	140,30
NOK	krone na hIorua	9,8428
BGN	lev na Bulgáire	1,9558
CZK	koruna Phoblacht na Seice	24,540
HUF	forint na hUngáire	406,20
PLN	zloty na Polainne	4,7043
RON	leu na Rómáine	4,8820
TRY	lira na Tuirce	18,1994
AUD	dollar na hAstráile	1,4463
CAD	dollar Cheanada	1,3076
HKD	dollar Hong Cong	7,9449
NZD	dollar na Nua-Shéalainne	1,6012
SGD	dollar Shingeapór	1,3980
KRW	won na Cóiré Theas	1 329,66
ZAR	rand na hAfraice Theas	16,6556
CNY	renminbi-yuan na Síne	6,8767
HRK	kuna na Cróite	7,5100
IDR	rupiah na hIndinéise	14 968,68
MYR	ringgit na Malaeisia	4,5245
PHP	peso na nOileán Filipíneach	56,602
RUB	rúbal na Rúise
THB	baht na Téalainne	35,930
BRL	real na Brasaíle	5,1835
MXN	peso Mheicsiceo	20,1595
INR	rúipí na hIndia	80,3745

---

(1)  Foinse: ráta malairte tagartha arna fhoilsiú ag an mBanc Ceannais Eorpach (BCE).

Foilsiú an doiciméid aonair leasaithe i ndiaidh formheas mionleasaithe de bhun an dara fomhír d’Airteagal 53(2) de Rialachán (AE) Uimh. 1151/2012

(2022/C 312/05)

D’fhormheas an Coimisiún an mionleasú seo i gcomhréir leis an tríú fomhír d’Airteagal 6(2) de Rialachán Tarmligthe (AE) Uimh. 664/2014 ón gCoimisiún (1).

Is féidir an t-iarratas ar fhormheas an mhionleasaithe sin a fheiceáil sa bhunachar sonraí eAmbrosia de chuid an Choimisiúin.

DOICIMÉAD AONAIR

“RIGOTTE DE CONDRIEU”

Uimh. AE: PDO-FR-0782-AM02 – 11.5.2022

STFC (X) TGFC ( )

1.   Ainm(neacha)

“Rigotte de Condrieu”

2.   Ballstát nó Tríú Tír

an Fhrainc

3.   Tuairisc ar an táirge talmhaíochta nó ar an táirge bia

3.1.   Cineál táirge

Aicme 1.3 Cáiseanna

3.2.   Tuairisc ar an táirge a bhfuil an t-ainm in (1) ag tagairt dó

Cáis bheag neamhchaighdeánaithe is ea “Rigotte de Condrieu” agus déantar í as bainne gabhair lánmhéathrais amh. Déantar é as bainne gabhair gruthach. Cáis bhog neamhbhrúite is ea í.

Ag deireadh na tréimhse aibiúcháin íosta (8 lá ón lá a bhaintear as an múnla é), déantar í a mhúnlú ar chuma cnaig bhig chruinn idir 4.2 cm agus 5 cm ar trastomhas agus 1.9 cm agus 2.4 cm ar airde. Ní ceart a meáchan a bheith faoi bhun 30 gram fiú tar éis próiseas aibiúcháin níos faide.

Tá dromchla an fhlóra comhdhéanta de mhúscán eabhartha, bán agus gorm. Tá an taos cáise bán nó eabhartha, é teann mín. Tar éis díslithe iomláin tá 40 g saill ar a laghad in aghaidh 100 g cáis an agus ní mór nach lú ná 40 g ábhar tirim in aghaidh 100 g cáis a bhíonn ann.

Agus é sa bhéal, tá meascán blasanna air lena dtugtar chun cuimhne cnó coill, fásra agus meadhg, é measartha goirt.

3.3.   Beatha (i gcás táirgí de bhunús ainmhíoch amháin) agus amhábhair (i gcás táirgí próiseáilte amháin)

Is éard is príomhbheatha do na gabhair i gcaitheamh na bliana, den chuid is mó, farae garbh a fhástar sa limistéar geografach sainithe.

Leis an farae garbh sin áirítear féar úr, féar tirim ó fhéarach buan nó ó fhéarach sealadach agus, ar an mórgóir, aon phlanda a itear le linn innilte, alfalfa triomaithe ag a bhfuil cion próitéine is lú ná 20 % agus aon fharae neamhchoipthe eile nach ligeann don bhainne géarú, e.g. gránaigh nach bhfuil aibí fós, barra próitéine, síolta ola, tiúbair agus piseánaigh, is féidir iad a úsáid chun farae.

Ina theannta sin, is féidir féar burlaí a úsáid mar bheatha do na gabhair, fad atá 55 % d’ábhar tirim ar a laghad ann agus a gearradh é úr ó thalamh féaraigh na feirme.

Bíonn na gabhair ag innilt farae glas nó déantar iad a bheathú le farae glas a fhástar sa limistéar geografach sainithe, má fhágann dálaí aimsire áitiúla gur féidir sin, agus ar feadh 120 lá in aghaidh na bliana ar a laghad.

Ní féidir méid is mó ná 350 kg ábhar amh in aghaidh an ghabhair a dháileadh ar na gabhair. Tá liosta socraithe den bheatha fhorlíontach atá údaraithe ann. Is plandaí, seachtháirgí agus beatha fhorlíontach a dhíorthaítear ó tháirgí neamh-trasghineacha amháin a údaraítear i mbeatha na ngabhar.

Tugtar tús áite d’fharae agus do bheatha fhorlíontach a fhástar sa limistéar geografach sainithe.

Farae nó beatha fhorlíontach a fhástar lasmuigh den limistéar geografach sainithe, ní fhéadfaidh méid is mó ná 20 % den ábhar tirim iomlán a itheann na gabhair a bheith ann.

3.4.   Céimeanna sonracha sa táirgeadh nach mór a thógáil sa limistéar geografach sainithe

Ní mór an bainne a tháirgeadh agus a phróiseáil agus ní mór an cháis a aibiú laistigh den limistéar geografach sainithe.

3.5.   Rialacha sonracha maidir le slisniú, grátáil, pacáistiú etc. an táirge dá dtagraíonn an t-ainm cláraithe

—

3.6.   Rialacha sonracha maidir le lipéadú an táirge dá dtagraíonn an t-ainm cláraithe

Sa bhreis ar an bhfaisnéis shainordaitheach a cheanglaítear leis na rialacha maidir le lipéadú agus le cur i láthair earraí bia, gach cáis ag a bhfuil an sonrúchán tionscnaimh faoi chosaint “Rigotte de Condrieu”, nó gach aonad lena dhíol leis an tomhaltóir ar a laghad, déantar í nó é a mhargú faoi lipéad aonair ar a bhfuil ainm an tsonrúcháin tionscnaimh faoi chosaint i gcarachtair nach lú ná dhá thrian ar a laghad de mhéid na gcarachtar is mó ar an lipéad, agus ní mór lógó EU STFC a bheith sa réimse radhairc céanna.

4.   Sainmhíniú gonta ar an limistéar geografach

Déantar “Rigotte de Condrieu” in Massif du Pilat, limistéar atá siar ó dheas ó Lyon. Tá an mhaisíf sin lonnaithe idir dhá département. an Rhône agus an Loire. Is cuid de réigiún Rhône-Alpes atá ann. Is sna bardais seo a leanas amháin is féidir an bainne a tháirgeadh agus a iompú ina cháis a dhéantar a aibiú ansin: Bardais a bhaineann le département an Rhône:

Bardais atá cumhdaithe go hiomlán: Ampuis, Condrieu, Echalas, Les Haies, Loire-sur-Rhône, Longes, Sainte-Colombe, Saint-Cyr-sur-Rhône, Saint-Romain-en-Gal, Trèves agus Tupin-et-Semons.

Bardais atá cumhdaithe go páirteach, cé is moite de cheantair uirbeacha: Givors agus Saint-Romain-en-Gier.

Bardais a bhaineann le département Loire:

Bardais atá cumhdaithe go hiomlán: Le Bessat, Bessey, Bourg-Argental, Burdignes, La Chapelle-Villars, Châteauneuf, Chavanay, Chuyer, Colombier, Doizieux, Farnay, Graix, Lupe, Maclas, Malleval, Pavezin, Pelussin, Planfoy, Roisey, Saint-Appolinard, Sainte-Croix-en-Jarez, Saint-Julien-Molin-Molette, Saint-Michel-Sur-Rhône, Saint-Paul-en-Jarez, Saint-Pierre-de-Boeuf, Saint-Sauveur-en-Rue, Tarentaise, La Terrasse-sur-Dorlay, Thélis-la-Combe, La Valla-en-Gier, Veranne, Verin and La Versanne.

Bardais atá cumhdaithe go páirteach, cé is moite de cheantair uirbeacha: Saint-Chamond and Saint-Etienne.

5.   Baint leis an limistéar geografach

Saintréithe nádúrtha Massif du Pilat, an méid suntasach den fharae áitiúil a bhíonn i mbeatha na n-ainmhithe agus na modhanna traidisiúnta um dhéanamh na cáise, bíonn tionchar ag na nithe sin ar nádúr sonrach agus ar bhlasanna na cáise bige gabhair seo, Rigotte de Condrieu, cáis a bhfuil dea-cháil uirthi le breis agus céad bliain.

Saintréith de chuid an limistéir gheografaigh ina dtáirgtear “Rigotte de Condrieu” is ea na tosca sonracha geografacha agus daonna ann Ós rud é gur maisíf atá sa cheantar, tá aeráid an-éagsúil ann, fánaí an sórt talún is coitianta ann, ithir dhonn atá aigéadach agus éadomhain, agus tá go leor bithéagsúlachta ann.

Dá thoradh sin, tá cineálacha éagsúla feirmeoireachta ann agus tá tábhacht leis an tógáil gabhar sa traidisiún agus i ngeilleagar an lae inniu araon.

Is limistéar é Massif du Pilat arb iad is teorainneacha nádúrtha leis na gleannta ar an taobh thiar ó thuaidh agus thoir agus cnoic Eteize (gleannta Gier, Ondaine agus an Rhône) ar an taobh theas. Cuid den Massif Central atá ann ach ní gnáthchuid de é i bhfianaise a gheolaíochta casta, a ithir atá aigéadach agus éadrom agus a thírdhreach an-sléibhtiúil a mbaineann fánaí móra leis. Saintréith de chuid Massif du Pilat is ea na carraigeacha ársa dhoigheartha agus meiteamorfacha ann. Tugtar chirats faoi deara ann, foirmíochtaí geolaíochta annamh de dhéantús na gcarn carraigeacha is saintréith don limistéar agus iad táthaithe le chéile. Tá comhdhéanamh ceimiceach na ithreach aonchineálach go maith. tá cion ard silice ann agus cion íseal iarainn. Is meascán é seo atá fabhrach d’fhorbairt na hithreach aigéadaí.

Tá an Pilat ar chrosbhóthar aeráide ina gcomhlíonann dtagann dálaí aeráide an Atlantaigh, na Meánmhara agus na Mór-Roinne le chéile. Bíonn tionchar mór ag an tír-raon sléibhtiúil ar na leibhéil teochta agus báistí. Leibhéil báistí measartha a bhíonn ann (idir 580 mm agus 1000 mm) ach bíonn siad scaipthe go míchothrom i rith na bliana: bíonn an samhradh an-tirim. Bíonn gaoth láidir go minic ann agus bíonn tionchar aici ar aeráid Pilat freisin.

An fásra nádúrtha atá ann is é is gnách do cheantair cnoic shléibhtiúla. In ainneoin na hairde measartha agus a shuímh ilchríochaigh dheisceartaigh, an fásra in Pilat is é is gnách do cheantair sléibhe.

Is í an bhuaic an ghné is suntasaí sa tírdhreach. Tá na sráidbhailte suite taobh le chéile ar na cinn tíre idir crêts nó dromanna an tírdhreacha, agus tá siad sin clúdaithe le móinteach sléibhe, foraoiseacha péine measctha agus gleannta géara.

Tá leath den limistéar clúdaithe le crainn, agus 80 % den limistéar talmhaíochta a úsáidtear le haghaidh feirmeoireachta, limistéar ar 36 % den limistéar iomlán amháin atá ann, úsáidtear é chun farae a fhás. Tagann dhá thrian den fharae ó thalamh féaraigh nádúrtha.

Díol suntais is ea éagsúlacht bláthanna Massif du Pilat (ó 40 go 60 speiceas in aghaidh an chineáil féaraigh) agus dá thoradh sin tá go leor de na féaraigh sin ainmnithe mar “ghnáthóga nádúrtha” atá ar leas an chomhphobail faoi Threoir 92/43/CEE.

Is éard atá san fhlóra den chuid is mó na speicis aigéadaifileacha agus na speicis aigéadaiclín. Ar na speicis féir is coitianta díobh seo, tá an fear coirce, plandaí léagúmacha amhail seamair nó plandaí eile den ghéineas succisa agus knautia.

Tá traidisiún láidir i dtaca leis an tógáil gabhar ar fheirmeacha measctha Massif du Pilat mar ar tháinig ann don éagsúlú de thoradh gabhair a choinneáil, cúram arb iad na mná a dhéanadh é i dtús ama.

Tá an-tóir ar an tógáil gabhar ón 18ú haois i leith sna codanna is tirime de Massif du Pilat, mar gurb áiteanna iad sin nach n-oireann don tógáil eallaigh. Rinneadh cáis as bainne bó agus as bainne gabhair araon ar fheirmeacha sna limistéir sin go traidisiúnta. Is d’úsáid phríobháideach a dhéantaí cáis as bainne bó go minic, ionas go bhféadfaí an cháis a dhéantaí as bainne gabhair a dhíol, de réir mar a bhíodh praghsanna ní b’airde le fáil air.

I limistéir ina raibh an táirgeadh teoranta, bhí ciall eacnamaíoch le gabhair a thógáil, toisc go bhféadfaí iad a phórú ar thalamh nár oir d’eallach. Bhí sé éifeachtach mar d’fhéadfaí níos mó bainne a tháirgeadh ar an achar dromchla céanna.

Ós rud é go raibh an cháis sin á trádáil in aice láimhe (i Lyon agus Saint-Étienne), ba ghnách í a bheith beag toisc gur fhág a méid beag gurbh fhéidir í a thriomú agus a aibiú go tapa. Bhaintí úsáid as síothláin bheaga a bhí thart ar 7 cm ar trastomhas, agus bhíodh na síothláin bheaga sin ina gcabhair maidir leis an gcáis ghabhair a dhealú ó cháis na bó, ar le múnlaí níos mó a dhéantaí í a shíothlú. Anuas air sin, roghnaítí an síothlán ar bhonn na fírice nach raibh an chuid is mó de na feirmeacha ag táirgeadh bainne gabhair mar gheall nach raibh ach tréada beaga orthu.

Is bainne gabhair lánmhéathrais amh neamhchaighdeánaithe a d’úsáidtí go traidisiúnta. Cuireadh na próisis táirgthe in oiriúint chun bainne gabhair gruthach a dhéanamh, ionas go n-aibeoidh an bainne agus gur aigéadaí a bheidh sé. Nuair is féidir, cuirtear isteach meadhg ó chéimeanna gruthaithe níos luaithe, meadhg ina bhfuil baictéir lachtacha. Ní mór an múnla a bheith oiriúnach do struchtúr an ghrutha, ionas nach gá é a shlisniú, a réamhdhraenáil ná a mheascadh. Déantar an cháis a iompú uair amháin laistigh de 12 uair an chloig ó cuireadh sa mhúnla í agus déantar í a shailleadh ar an dá thaobh ag an am céanna.

Tar éis 8 lá, tar éis an cháis a thógáil amach as an múnla, bíonn saintréithe sonracha “Rigotte de Condrieu” forbartha.

Is iad seo a leanas saintréithe “Rigotte de Condrieu”:

—	tá sí beag (cnag beag cruinn ina bhfuil meáchan beagán os cionn 30 g),

—	tá dromchla íogair an fhlóra comhdhéanta de mhúscán eabhartha, bán agus gorm.

—	tá uigeacht theann mhín ag a taos, tá sí gan phoill, í bog sa bhéal,

—	tá meascán blasanna uirthi, idir cnó coill, fásra agus meadhg, agus tá sí measartha goirt.

De thoradh na hithreach aigéadaí, gainmhí agus éadoimhne is gnách don limistéar seo agus don aeráid áitiúil shonrach, chomh maith leis na cleachtais phóraithe áitiúla, tá éagsúlacht mhór flóra ag baint leis an bplandáil agus an saothrú féarach a dhéantar ann, flóra a rathaíonn ar ithir aigéadach.

Bhí tionchar ag éagsúlacht agus comhdhéanamh luibheolaíoch an fhlóra sa limistéar seo ar chion agus ar chomhdhéanamh na gcomhdhúl saillthuaslagtha sa bhainne. Cuireadh le fás an fhlóra mhiocróbaigh dá dtoradh sin freisin, flóra a dhéantar a chur isteach tríd an meadhg roimh an ngruthú, agus ar an gcaoi sin cuidítear le haibiú na cáise lena blas a fhorbairt.

Sna modhanna pórúcháin a úsáidtear chun “Rigotte de Condrieu” baintear an úsáid is fearr is féidir as saintréithe speisialta an limistéir trí acmhainní áitiúla a shaothrú, trí fharae a tháirgeadh go háitiúil, tríd an bhféarach agus tríd an mbeathú atá glas agus tríd an innilt lasmuigh.

Le próiseáil bainne lánmhéathrais amh, agus, nuair is féidir, baictéir a chur isteach tríd an meadhg ó chéimeanna gruthaithe níos luaithe, caomhnaítear flóra an bhainne freisin.

Leis an bpróiseas gruthaithe ina mbaintear úsáid as múnla lena n-urramaítear struchtúr an ghrutha, tagann do thaos ag a bhfuil uigeacht mhín aonchineálach ar saintréith de chuid “Rigotte de Condrieu” atá ann. De thoradh an cháis a iompú tar éis í a chur sa mhúnla agus an dá thaobh á shailleadh ag an am céanna, bíonn an salann dea-scaipthe. Cuidíonn na teicnící próiseála seo le cáis a tháirgeadh a bhfuil taos teann aonchineálach aici agus a bhíonn bog sa bhéal.

Le suíomh geografach Pilat atá gar d’ionaid trádála mhóra, lena aeráid ghaofar (san am atá caite, dhéantaí “Rigotte de Condrieu” a thriomú i chasière, saghas cófra a mbíodh barraí faoin aer aige) agus leis an mbealach ina leagtaí amach na feirmeacha ann, tháinig ann do tháirgeadh na cáise gabhair bige. Is furasta an cháis a thriomú go tapa agus a aibiú ina dhiaidh sin de thoradh mhéid beag na cáise.

Is de thoradh shaintréithe na gnáthóige nádúrtha, mar aon leis an méid suntasach farae áitiúil i mbeatha na n-ainmhithe agus an saineolas áitiúil faoin gcaoi is fearr chun an cáis a dhraenáil agus an flóra sa bhainne a chaomhnú, í an cháis bheag (4.2 cm go 5 cm ar trastomhas) ag a bhfuil flóra dromchla íogair ar dhathanna éagsúla, flóra is gnách don chineál seo cáise ar féidir í a dhíol ag céimeanna éagsúla aibiúcháin, agus ar a bhfuil meascán blasanna, i.e. cnónna coill, fásra agus meadhg, agus a shalann measartha.

Tá an cáis bheag seo á táirgeadh in Massif du Pilat ó dheireadh an 18ú haois i leith, agus de thoradh na saintréithe speisialta seo, tá a cáil réigiúnach á tógáil de réir a chéile. Tugadh “Rigotte” air den chéad uair agus ansin “Rigotte de Condrieu” mar gheall ar chantún Condrieu, áit ar a raibh rath mar ionad trádála le haghaidh réigiún an Rhône go dtí gur forbraíodh báid ghaile i lár an 19ú haois. Faoin tráth a foilsíodh staidéar Guicherd agus Ponsart ar “L’Agriculture du Rhône en 1926” (“Talmhaíocht sa Rhône in 1926”) in 1927, bhíothas ag tagairt cheana do “Rigotte de Condrieu” mar cheann den dá cháis ghabhair ab fearr de chuid département an Rhône.

Tagairt d’fhoilsiú na sonraíochta

https://info.agriculture.gouv.fr/gedei/site/bo-agri/document_administratif-423d5444-b239-4166-96ee-327fe057d3a2

---

(1)  IO L 179, 19.6.2014, lch. 17.

Foilsiú iarratais ar fhormheas a dhéanamh ar leasú, nach mionleasú é, ar shonraíocht táirge, de bhun Airteagal 50(2)(a) de Rialachán (AE) Uimh. 1151/2012 ó Pharlaimint na hEorpa agus ón gComhairle maidir le scéimeanna cáilíochta do tháirgí talmhaíochta agus do bhia-earraí

(2022/C 312/06)

Leis an bhfoilsiú seo, tugtar an ceart cur in aghaidh an iarratais ar leasú de bhun Airteagal 51 de Rialachán (AE) Uimh. 1151/2012 ó Pharlaimint na hEorpa agus ón gComhairle (1) laistigh de 3 mhí ó dháta an fhoilseacháin seo.

IARRATAS AR LEASÚ A CHEADÚ AR SHONRAÍOCHT TÁIRGE MAIDIR LE hAINMNIÚCHÁN TIONSCNAIMH/TÁSCA GEOGRAFACHA FAOI CHOSAINT NACH MIONLEASÚ É

Iarratas ar leasú a cheadú i gcomhréir leis an gcéad fhomhír d’Airteagal 53(2) de Rialachán (AE) Uimh. 1151/2012.

“Pitina”

Uimh. AE: PGI-IT-02332-AM01 – 21.2.2022

STFC ( ) TGFC (X)

1.   Grúpa iarrthach agus leas dlisteanach

Associazione Produttori Pitina

Via Roma, 1 - 33092 Meduno - PN

ITALIA

Teil. +39 3356987484

R-phost: [email protected]

Tá Associazione Produttori Pitina [Cumann Táirgeoirí “Pitina”] i dteideal iarratas ar leasú a chur isteach i gcomhréir le hAirteagal 13(1) d’Fhoraithe Uimh. 12511 an 14 Deireadh Fómhair 2013 ón Aireacht um Beartas Talmhaíochta, Bia agus Foraoiseachta na hAireachta Talmhaíochta, Bia agus Foraoiseachta .

2.   Ballstát nó tríú tír

An Iodáil

3.   Ceannteideal sa tsonraíocht táirge a mbaineann an leasú nó na leasuithe leis

☐	Ainm an táirge

☒	Tuairisc ar an táirge

☐	Limistéar geografach

☐	Cruthúnas ar thionscnamh

☒	An modh táirgthe

☐

Nasc

☐

Lipéadú

☐	Eile [le sonrú]

4.   Cineál an leasaithe nó na leasuithe

☒	Leasú ar shonraíocht táirge STFC nó TGFC cláraithe nach bhfuil le cáiliú mar mhionleasú i gcomhréir leis an tríú fomhír d’Airteagal 53(2) de Rialachán (AE) Uimh. 1151/2012.

☐	Leasú ar shonraíocht táirge STFC nó TGFC cláraithe nár foilsíodh Doiciméad Aonair (ná doiciméad coibhéiseach) ina leith nach bhfuil le cáiliú mar mhionleasú i gcomhréir leis an tríú fomhír d’Airteagal 53(2) de Rialachán (AE) Uimh. 1151/2012.

5.   Leasú nó leasuithe

5.1.   Leasú ar ghnéithe criticiúla: Tuairisc ar an táirge

Rinneadh an cion uasta salainn agus próitéine a léirítear in Airteagal 2(4) den tsonraíocht táirge (Tuairisc ar an táirge) agus i bpointe 3.2 den Doiciméad Aonair (Tuairisc ar an táirge lena mbaineann an t-ainm in (1)) a leasú mar a leanas.

Leasaíodh an teorainnluach maidir leis an gcion salainn ó “< 3,5 %” go “< 5,3 %”.

Baineann an leasú le hearráid chléireachais sa pharaiméadar maidir le “salann” a cheartú. Tá an luach reatha mar thoradh ar earráid chlóscríofa lenar aisiompaíodh an dá dhigit. Féadfar é sin a fheiceáil go soiléir ó chomparáid leis na figiúirí a léirítear in Airteagal 5(2 )( 5) den tsonraíocht táirge, ina léirítear go gceadaítear íoschion 15 g agus uaschion 32 g salainn sa bhlastanas in aghaidh an chileagraim taois feola: i bhfianaise an laghdaithe 30-35 % ar an meáchan le linn aibithe, is é a bheidh sa 32 g salainn a chuirtear leis an mblastanas le haghaidh gach cileagraim d’fheoil úr anois 47.5-49.2 g salainn san fheoil aibithe, atá gar don teorainn cheart 5,3 % agus ní bheadh sé ag teacht leis an teorainn mhícheart atá i bhfeidhm faoi láthair. Tá an figiúr ceart comhsheasmhach fós le dáileog íseal salainn, ós rud é go ngníomhaíonn clóiríd sóidiam go traidisiúnta mar leasaitheach i gcomhar le deatú.

Leasaíodh an teorainnluach maidir leis an gcion próitéine ó “< 28 %” go “< 38 %”.

Baineann an leasú le hathrú ar an bparaiméadar maidir le “próitéin”. Go stairiúil, ba shean-ainmhithe a raibh deireadh lena ngairm iad na caoirigh agus na gabhair ar úsáideadh a gcuid feola chun “Pitina” a tháirgeadh. Mar thoradh ar athruithe ina dhiaidh sin ar cad a measadh a bheith ina “dheireadh gairme” tosaíodh ag baint úsáid as ainmhithe níos óige de réir a chéile, agus is é an toradh air sin go bhfuil an cion próitéine níos airde.

Ba ghnáthrud é go raibh níos lú ná 28 % próitéine in “Pitina” nuair a rinneadh na chéad mheasúnuithe fisiceimiceacha ar shamplaí réasúnacha táirgí a rinneadh as feoil sean-ainmhithe a raibh cion íseal próitéine iontu. Tá feabhas tagtha ar chaighdeán na feola a úsáidtear mar thoradh ar leathnú an táirgthe mar fhreagairt ar theacht chun cinn seasta nósanna nua-aimseartha caithimh agraibhia agus ar úsáid ainmhithe a thagann ó thimthriallta tógála táirgthe (feoil agus bainne) agus mar thoradh air sin rinneadh an cion próitéine a chaighdeánú de réir shaintréithe na feola is mó a úsáidtear, agus na modhanna próiseála traidisiúnta fós á n-urramú.

Déantar traidisiún “Pitina” agus a shaintréithe bunaidh a chaomhnú go hiomlán le rialacháin lena sonraítear uaschion próitéine seachas íosluach, agus is amhlaidh an cás, seachas sin, i gcás fhormhór na gceanglas tuairisciúil maidir le charcuterie agus/nó maidir le táirgí feola eile.

5.2.   Leasú ar ghnéithe neamhchriticiúla: an modh táirgthe

Rinneadh pointe 5 d’Airteagal 5 (2) den tsonraíocht táirge (céimeanna agus modhanna próiseála) agus pointe 3.3 den Doiciméad Aonair (Beatha agus amhábhair) a leasú a mhéid a bhaineann le níotráit agus nítrít a úsáid i meascán an bhlastanais chun go mbeidh úsáid an dá bhreiseán sin roghnach, seachas éigeantach.

Tugtar isteach leis an leasú an focal “roghnach” sa tsonraíocht maidir le nítrít agus níotráit a úsáid i meascán an bhlastanais.

Is é an cuspóir leis an leasú foráil shonrach a dhéanamh maidir leis an bhféidearthacht gan nítrít ná níotráit a úsáid mar leasaithigh agus/nó mar chobhsaitheoirí, toisc go measann roinnt táirgeoirí nach bhfuil an cleachtas sin riachtanach le haghaidh táirgeadh “Pitina” a chomhlíonann na ceanglais. Ní cheanglaítear leis an leasú go ndéanfaí athrú ar thuairisc an táirge, ós rud é go sonraítear leis an tuairisc ar an táirge críochnaithe go bhfuil na breiseáin sin ann i gcainníochtaí níos lú ná 100 mg/kg le haghaidh níotráite agus níos lú ná 25 mg/kg le haghaidh nítríte, rud a chiallaíonn nach bhfuil breiseáin ar bith ar chor ar bith ann freisin.

5.3.   Leasú ar ghnéithe neamhchriticiúla: an modh táirgthe

Rinneadh pointí 6 agus 7 d’Airteagal 5(2) den tsonraíocht táirge (céimeanna próiseála agus modhanna) a leasú chun sonraíochtaí níos mionsonraithe a sholáthar maidir leis na céimeanna deataithe agus triomaithe.

Go sonrach, leasaíodh pointe 6 lena shonrú gur féidir deatú “a mhalartú le triomú” agus athraíodh an teocht chomhthimpeallach maidir le deatú ó “18–30 °C” go “nárab airde é ná 30 °C”.

I bpointe 7, rinneadh an t-am tosaithe chun fad an triomaithe a ríomh a athrú ó “24:00 ar an lá a thosaíonn an triomú” go “ón uair a thosaíonn an triomú”.

Is é éifeacht chomhcheangailte na leasuithe sin go ndéantar follasach an fhéidearthacht gur féidir na céimeanna triomaithe agus deataithe a mhalartú, gan dochar do na ceanglais chomhfhreagracha atá sonraithe cheana féin. Mar gheall ar an leibhéal íseal deataithe a dhéantar ar “Pitina” agus ar chineál éadrom an phróisis triomaithe, ní theastaíonn seicheamh docht an dá oibríocht a oiread agus a theastaíonn le comhcheangal éifeachtaí atá riachtanach do chéim an aibithe. I bpróiseas táirgthe “Pitina”, caithfear na céimeanna deataithe agus triomaithe a mhalartú corruair, agus an fad agus na hamanna bunaithe íosta, uasta agus iomlána faid agus dócháin á gcoinneáil, agus ní mór iad sin a dhéanamh in aon chás roimh chéim an aibithe.

Baineadh an íosteorainn teochta don spás deataithe toisc nach paraiméadar teicneolaíochta é a théann i bhfeidhm ar thorthaí an phróisis táirgthe agus mar gheall air sin féadfar na teochtaí ag deireadh an phróisis a chlúdach chomh maith, a d’fhéadfadh dul faoi bhun 18 °C, go háirithe i rith mhíonna fuara an gheimhridh. Chun deatú agus caomhnú ceart an táirge a áirithiú, is é an teocht uasta 30 ° C an t-aon teorainn teochta thábhachtach nach mór cloí léi.

Ar deireadh, rinneadh an fhoclaíocht a bhaineann leis an modh a ríomh an tús na céime triomaithe a cheartú chun an earráid dréachtaithe sa tsonraíocht táirge reatha a bhaint, ina sonraítear go mícheart go dtosaíonn ríomh na céime thriomaithe 24 uair an chloig i ndiaidh thosú an triomaithe i ndáiríre.

Níl dhéantar athruithe ar chomhdhéanamh ná ar thuairisc an táirge mar thoradh ar na leasuithe a thuairiscítear.

DOICIMÉAD AONAIR

“PITINA”

Uimh. AE: PGI-IT-02332-AM01 – 21.2.2022

STFC ( ) TGFC (X)

1.   Ainm(neacha)

“Pitina”

2.   Ballstát nó Tríú Tír

An Iodáil

3.   Tuairisc ar an táirge talmhaíochta nó ar an táirge bia

3.1.   Cineál táirge

Aicme 1.2. Táirgí feola (cócaráilte, saillte, deataithe, etc.)

3.2.   Tuairisc ar an táirge a bhfuil an t-ainm in (1) ag tagairt dó

Tá “Pitina” déanta as taos ina bhfuil:

—	cuid thrua den chuid is mó ina bhfuil feoil ó cheann de na speicis ainmhithe seo a leanas: caoirigh, gabhair, fianna odhar, fianna buí, fianna rud nó seamaí,

—	cuid shailleach den chuid is mó ina bhfuil bolg muiceola nó gualainn mhuiceola.

Tá sé leathsféarúil, agus tá dath seachtrach air a théann ó dhath órbhuí go dath buídonn;

nuair a bhíonn sé gearrtha athraíonn an dath idir gealdearg agus dúdhearg ar dhath bordeaux, éiríonn sé níos dorcha i dtreo an imill sheachtraigh. Nuair a ghearrtar an taos bíonn sé trua agus gráin an-mhín ann. Tá blas tathagach blasta air, agus tá boladh deataigh sainiúil air.

Nuair a scaoiltear é lena ithe, ní foláir go mbeidh na saintréithe ceimiceacha agus fisiceacha seo a leanas in “Pitina ”:

Cion taise: < 55 %

Salann < 5,3 %

Próitéin: < 38 %

Níotráit < 100 mg/kg

Nítrít < 25 mg/kg

Tá meáchan idir 100 g agus 300 g ann.

3.3.   Beatha (do tháirgí de bhunadh ainmhíoch amháin) agus amhábhair (do tháirgí próiseáilte amháin)

—

Amhábhar (feoil): — Is é an t-amhábhar a úsáidtear chun “Pitina” a dhéanamh feoil ó chaoirigh nó ó ghabhair nó ó ghéim chrúbach, atá teoranta d’fhianna odhar, d’fhianna buí, d’fhianna rua nó do sheamaí don chuid is trua, agus ó bholg muiceola agus/nó ó ghualainn muiceola don chuid is saillí. — Ní mór gurb ionann an chuid thrua agus feoil ó speiceas aonair amháin ó na cinn atá liostaithe thuas.

Blastanas:

Is meascán é sin de shalann saile nó de chlochshalann nó meascán den dá cheann, mar aon le piobar, gairleog, fíon agus luibheanna aramatacha; go roghnach, úsáidtear nítrít agus níotráit freisin.

Ceadaítear na luibheanna aramatacha seo a leanas: aitil, cearbhas nó finéal fiáin, síolta finéil, líonán muisc.

Cumhdach:

Plúr arbhair Indiaigh

Ní mór na riachtanais seo a leanas a bheith leis an amhábhar:

(a)	dath agus tréithe na feola: feoil dhearg thrua, gan aon chumhdach saille, gan aon mhicri-rith fola ná gan aon haematóma;

(b)	dath agus tréithe an bhoilg agus/nó gualainne muiceola: truafheoil dhearg-bhándearg agus saill gheal bán.

Ní cheadaítear feoil inneall-scartha.

Caithfidh an t-amhábhar cloí leis na céatadáin seo a leanas:

	Íosmhéid	Uasmhéid
An chuid thrua	70  %	90  %
A chuid shailleach	10  %	30  %

3.4.   Céimeanna sonracha sa táirgeadh nach mór a thógáil sa limistéar geografach sainithe

Déantar gach céim i dtáirgeadh “Pitina”, idir bhaint saille seachtraí ón amhábhar agus aibiú an táirge, sa limistéar geografach táirgthe.

3.5.   Rialacha sonracha maidir le slisniú, grátáil, pacáistiú etc. an táirge dá dtagraíonn an t-ainm cláraithe

Díoltar “Pitina” ina iomláine, bíodh sé folúsphacáilte nó pacáistithe faoi atmaisféar modhnaithe. Ní cheadaítear é a phacáistiú ach sa limistéar táirgthe agus mar chuid den phróiseas táirgthe céanna. Is gá an pacáistiú a theorannú ar an mbealach sin chun saintréithe sonracha an táirge a ráthú. Murab ionann agus táirgí aibithe eile, ní bíonn an taos le haghaidh “Pitina” i gcásáil. Is é an t-aon “clúdach” agus oibreán cosanta an plúr arbhair Indiaigh a fhaightear ar dhromchla mhíllín leathsféarúil an taois. Dá bhrí sin, tríd an táirge a phacáistiú le linn an phróisis táirgthe, ní chaillfidh an “Pitina” a chruth nó ní éireoidh sé ró-chrua trí bheith neamhchosanta ar thaise agus ar theochtaí neamh-rialaithe.

3.6.   Rialacha sonracha maidir le lipéadú an táirge dá dtagraíonn an t-ainm cláraithe

Ní mór lógó an táirge agus siombail AE a bheith ar gach pacáistiú. Caithfidh go mbeidh Tásc Geografach faoi Chosaint “Pitina” le feiceáil an lipéad i litreacha soiléire doscriosta, go mbeidh sé in-aitheanta ó aon fhoclaíocht eile ar an lipéad; ní mór na focail “Tásc Geografach faoi Chosaint” agus/nó an giorrúchán “TGFC” a chur isteach díreach ina dhiaidh sin.

Taispeántar lógó an táirge thíos:

4.   Sainmhíniú gonta ar an limistéar geografach

Déantar “Pitina” a tháirgeadh go heisiach i gCúige Pordenone, i mbardais Andreis, Barcis, Cavasso Nuovo, Cimolais, Claut, Erto Casso, Frisanco, Maniago, Meduno, Montereale Valcellina, Tramonti di Sopra agus Tramonti di Sotto.

5.   Baint leis an limistéar geografach

Tá sainiúlacht “Pitina” bunaithe ar airíonna intreacha agus úrnuacht an táirge, ar féidir é a achoimriú in úsáid neamhghnách feola géime, caorach nó gabhair, nach bhfeictear in aon áit eile sna hAlpa, agus trí mhodhanna caomhnaithe, murab ionann agus ullmhóidí eile bunaithe ar fheoil, nach bhfuil cásáil nó craiceann i gceist leo, ach sraith tanaí de phlúr arbhair Indiaigh trína féidir, mar aon le deatú tomhaiste, leis an táirge aosú agus lena gcuirtear cosc air triomú amach. Déantar “Pitina” a tháirgeadh i limistéar ina bhfuil dálaí sainiúla éicea-chomhshaoil, atá sainithe ag an bhFaireachlann Mheitéareolaíoch Réigiúnach (OSMER, 2011) mar ‘cheantar réamh-Alpach ag a bhfuil próifíl aeráide ar leith a shonraítear le meánbháisteach bhliantúil agus le meascadh rialta maise aeir, mar aon le sainiúlacht an tírdhreacha shléibhtiúil ina bhfuil an “blár sneachta buan is ísle sna hAlpa”. I dtéarmaí geografacha, tá an limistéar táirgthe do “Pitina” suite i dtrí ghleann — Valcellina, Val Colvera agus Val Tramontina - laistigh den réigiún sléibhtiúil os cionn machairí arda Friuli an Iarthair, idir abhainn Tagliamento agus abhainn Piave. Tá cuid den limistéar sin laistigh de Friuli Dolomites Natural Park. Bhí an réigiún sin millte ag an mbochtaineacht, eisimirce agus geilleagar cothaithe ina raibh an fheoil ina tráchtearra luachmhar agus ina raibh feirmeoireacht muc an-annamh. D’fhaightí próitéiní ainmhithe ó caoirigh agus ó ghabhair a mharataí nuair a shlánódh siad an aois riachtanach, nó b’fhéidir go ndéantaí iad a ghortú nó a mharú i ailteanna nó, ó am go chéile, i ngéim chrúbach a bhíodh á seilg, i bhformhór na gcásanna, ag póitseálaithe. Mar thoradh ar an ngá a bhí leis an mbeagán feola a bhí ar fáil a chaomhnú chomh fada agus is féidir, go háirithe i rith an gheimhridh, forbraíodh teicnící caomhnaithe atá coiteann go deimhin don réigiún Alpach ar fad agus do thuaisceart na hEorpa, amhail feoil a dheatú agus í a chobhsú le saill mhuiceola. I gcás “Pitina”, dhéantaí an fheoil atá fágtha, na gearrthacha ba lú tóir go minic, a ghearradh go garbh, bhaintí an tsaill agus na teannáin, agus dhéantaí é a mhionghearradh ar bord ar a dtugtaí “pestadoria” le scian throm ar a dtugtaí “manarin”; dhéantaí milltíní feola den mhais agus chuirtí salann, spíosraí (chuirtí i a maos i bhfíon iad corruair) agus finéal fiáin leis. Ansin dhéantaí na millíní feola (“pitine”) a rolladh i bplúr arbhair Indiaigh agus dhéantaí iad a dheatú sa tinteán (“fogher” nó “fogolar”). Mar thoradh ar shraith teistiméireachtaí béil a bhailigh staraithe áitiúla ó 1978 ar aghaidh (sa tráchtas céime a scríobh Renata Ventorelli dar teideal “La cultura popolare di Andreis e la sua valle” (An cultúr coiteann in Andreis agus ina ghleann), Ollscoil Urbino, an bhliain acadúil 1981-1982), creidimid go láidir go mbíodh “Pitina” ullmhaithe agus go ndéantaí é a ithe go forleathan in Val Tramontina agus sna gleannta in aice láimhe ag tús na 1800í. Tá sé tábhachtach freisin an tagairt do “Pitina” agus dá shaintréithe sonracha a thabhairt faoi deara sa leabhar “La valle del Colvera” (Mazzoli, Maniago, 1973): “… Dhéantaí Pitina as feoil caorach agus ghabhair …”, chomh maith leis an tuairisc níos mionsonraithe a fuarthas sa leabhar “Civiltà contadina del Friuli — architettura spontanea e lavoro a Navarons” (Peasant life in Friuli - spontaneous architecture and work in Navarons) a foilsíodh in 1979: ‘Is millín rollta é Pitina (ocht gceintiméadar ar trastomhas agus trí cheintiméadar ar tiús) d’fheoil caorach, reithe, gabhair bhaineannigh, poic gabhair nó seamaí. Bíonn an fheoil díchnámhaithe, i ndiaidh an tsaill sheachtrach a bhaint, agus déantar í a mhionú i meaisín nó de láimh, ansin déantar í a bhlaistiú le salann, piobar agus gairleog agus cuirtear méid áirithe saille leis. Déantar an taos a mheascadh go maith agus a rolladh i plúr arbhair Indiaigh. Déantar na millíní a dheatú thar aibhleoga dearga adhmaid aitil. Is féidir na “pitini” a choinneáil in áit thirim ar feadh breis agus bliain (is é “pitini” iarracht an údair ar iolra an ainm a aimsiú).

Luaitear traidisiún “Pitina” in Val Tramontina i “dTreoir Thurasóireachta” V Comunità Montana 1989: ‘… ba cheart tagairt ar leith a dhéanamh do “pitina ‘… déanta d’fheoil reithe a dheataítear le luibheanna agus spíosraí aramatacha neamhchoitianta, a chuirtear isteach go sciliúil, de réir seanoideas teaghlaigh a chosnaítear ar éad’. Tagann an t-ainm ‘Pitina’ ó Val Tramontina. Ba iad na chéad daoine a tháirg é, de réir na fianaise stairiúla, muintir an tsráidbhaile in Inglagna agus Frasaneit, i mbardas Tramonti di Sopra, agus is é anseo, ó 1969 ar aghaidh, a rinne an cumann Pro Loco an traidisiún áitiúil a athbheochan trí Fhéile Pitina a eagrú agus bíonn an fhéile sin ar siúl gach mí Iúil ó shin. Idir 1997 agus 2000 bhí ‘Pitina’ sa chéad liosta de tháirgí i mbaol de chuid Arcigola Slow Food, rinneadh físeán (Pieffe immagini, Maniago, 1999), agus bunaíodh ‘coiste’ chun an traidisiún agus an t-oideas a chosaint. Ag an am céanna beagnach, bhí an táirge sa chéad liosta de tháirgí traidisiúnta arna ndréachtú ag Réigiún Friuli-Venezia Giulia i gcomhréir le Foraithne 350/99 ón Aire.

Tagairt d’fhoilsiú na sonraíochta táirge

Tá fáil ar théacs iomlán na sonraíochta táirge ar an suíomh gréasáin seo a leanas: http://www.politicheagricole.it/flex/cm/pages/ServeBLOB.php/L/IT/IDPagina/3335”

nó mar rogha ar an méid sin:

ar leathanach baile na hAireachta Talmhaíochta, Bia agus Beartais Foraoiseachta (www.politicheagricole.it) ach cliceáil ar “Qualità” [Cáilíochtaí] (ar an taobh deas ag barr an scáileáin), agus ansin ar “Prodotti DOP IGP STG” [Táirgí STFC IGP STR] (ar an taobh clé den scáileán) agus, ar deireadh, ar “Disciplinari di Produzione all’esame dell’UE” [Sonraíochtaí táirgí a cuireadh faoi bhráid an Aontais Eorpaigh].

---

(1)  IO L 343, 14.12.2012, lch. 1.