FIFO

Kontabilitatean, FIFO, ingelesez First In First Out esaldiaren siglak, inbentarioa egiterakoan izakinak baloratzeko metodo bat da. Izakinak prezio ezberdinetan erosita, lehen jasotako izakinak (first, ingelesez) saltzen dira lehenbizi. Horrela, inflazio egoera batean une bateko inbentarioa azken prezio altuetan baloratzen da, gehiegiz. Salmenta jakin baterako kontabilizatzen den irabazia ere handiagoa izango da, LIFO eta beste metodoekin alderatuta, saldutako unitateen kostua lehen prezio txikietan baloratzen delako.

Adibide bat

Enpresa batek ekitaldiaren hasieran, urtarrilaren 1ean, dituen izakinen kopurua 100 unitatekoa da, 10 euro unitateko prezioan. Ondorengo egunetan, eragiketa hauek burutzen ditu:

• urtarrilaren 3an, 50 unitate erosten ditu 12 euro unitateko prezioan;
• urtarrilaren 5ean 100 unitate saltzen ditu 20 euro unitateko prezioan;
• urtarrilaren 7an 200 unitate erosten ditu 15 euro unitateko prezioan;
• urtarrilaren 9an 100 unitate saltzen ditu 20 euro unitateko prezioan.

Izakinen kontrol-orria

Zenbakia	Data	Erosketak			Salmentak			Inbentarioa
		Unitateak	Prezioa	Guztira	Unitateak	Prezioa	Guztira	Unitateak	Prezioa	Guztira
	01/01							100	10	1000
1	01/03	50	12	600				100	10	↓
								50	12	1600
2	01/05				100	20	2000	50	12	600
3	01/07	200	15	3000				50	12	↓
								200	15	3600
4	01/09				100	20	2000	150	15	2250

FIFO metodoak salmenta bakoitzak duen irabazian ere badu eragina. Adibidez, urtarrilaren 9ko salmentak dakarren irabazia 2000-50×12-50*15=650 eurokoa da; LIFO (Last In First Out) metodoa erabiliko balitz, berriz, salmentak dakarren irabazia 2000-100×15=500 eurokoa litzateke.

Ikus, gainera

• LIFO (kontabilitatea)

Kanpo estekak

• Datuak: Q515636