Tajpeo (臺北市, 台北市, Taibei, Taipei)
Lando	Tajvano
Loĝantaro	2 670 000 (2018)
Alto	10m

Tajpeo (ĉine: 臺北市 aŭ 台北市, pinjine: Táiběi, ofte ankaŭ Taipei; prononco: /ˌtaɪˈpeɪ/) estas la ĉefurbo de Tajvano.

Kompreni

Aliri

Aliri avie

Estas du flughavenoj en Tajpeo:

• la Internacia Flughaveno Taojuan (kodo: TPE), ĉ. 30 km okcidente de Tajpeo
• la Flughaveno Songshan (kodo: TSA), tre proksima al la urbo

ATENTU: Se vi petas taksion porti vin al la flughaveno, estu tre klara, kiun flughavenon vi celas, ĉar ili ne estas proksimaj.

La Internacia Flughaveno Taojuan (臺灣桃園國際機場, Táiwan Táoyuán Gúojì Jichǎng, Taiwan Taoyuan International Airport; malnova nomo: Flughaveno Chiang Kai Shek) estas la ĉefa flughaveno de la tuta insulo; je 15a minuto du trajnoj (rapida kaj ordinara) kunligas ĝin al la urbocentro; aldone estas busoj kaj taksioj. Ĝia retejo (en la angla, la ĉina kaj la japana) estas www.taoyuan-airport.com.

La Flughaveno Songshan (台北松山機場) estas pli malgranda. Flugoj de/al ĝi kunligas Tajpeon al aliaj lokoj en Tajvano aŭ en proksimaj landoj (Ĉinio, Koreio, Japanio). Ĝia retejo (en la angla, la ĉina, la japana kaj la korea) estas www.tsa.gov.tw.

Moviĝi

Tajpea metroo

Publika transporto

En Tajpeo estas metroo nomata MRT, kun 6 linioj montrataj per diversaj koloroj (bruna, flava, verda ktp).

Estas ankaŭ multaj busaj linioj.

Vidi

1 - Nacia Muzeo de la Palaco (t.e. la Imperia Palaco). Ĝi entenas grandan parton de la kolekto de artaj kaj historiaj aĵoj poseditaj de la ĉinaj imperiestroj en Pekino. Fuĝante de la kontinenta Ĉinio, la Respublikanoj kunportis ĝin por gardi ĝin de la detruo. Nun kontinenta Ĉinio petas ke oni revenigu ĝin al Pekino. Nur malmultaj (sed ne ĉiam la samaj!) de la multegaj artaĵoj estas proponataj al la vizitantoj, en belaj ĉambroj kun klarigantaj afiŝoj.

• Muzeo Shunye. La temo estas la kulturoj de la praloĝantoj de la insulo.

• Templo Longshan. Konstruita en 1738, ĝi estis detruita de tertremo (1815), tajfuno (1867), bomboj (1945 - nur parte), kaj ĉiun fojon ĝi estis rekonstruita.

• Turo 101 (yi ling yi). Tiu turego kun 101 etaĝoj, alta 508 m, estis la plej alta turo en la mondo de 2004 al 2007.

• Memordomo de Ĉiang Kaj-Ŝek (Chiang Kai-Shek).

• Urbaj pordegoj.

Aĉeti

Loĝi

Esperanto