Петрова, Ксения Семёновна

Петрова, Ксения Семёновна
Петрова, Ксения Семёновна
	руз. Петрова, Ксения Семёновна
чачома чись	1892
Чачома тарка	Бугуруслан[d], Самарская губерния[d], Россиянь империясь;
Кулома чись	1942
Кулома тарка	Клявлянь буе Самарань ёнкссо, Самара ёнкс, Российянь Советэнь Федеративной Социалистической Республикась[d], Советэнь Вейсэндявкс[d];
Мастор	Советэнь Вейсэндявкс[d]; Россиянь империясь;
Важодема ёрокчизе	валморозей, драма сёрмадысь, сёрмадей

Те терминэнть улить лият смустьгак, вн. Петрова (смустьтне).

Ксения Семеновна Петрова (1892—1942) — эрзянь валморозей, сёрмадей, драматург. СССР-нь Сёрмадеень кужос совиця (1938)^[1].

Эрямо пингензэ

Петрова Ксения Семеновна чачсь 1892 Бугуруслан ошсо Самарань губерниясо моданьтеме, кажов семиясо.

Тонавтнесь ансяк колмо ковт. Ловномо-сёрмадомо тонадсь сонсь. 1919 иестэ икелев кирдсь экзамен тонавтыцянь лемекс, ды седе тов тонавтнесь школасо, ды пек лездась тонавтомо покш ломанень.

Гражданонь ойнанть иетнестэ тюрьсь ашогвардеецтнэнь ды чехословактнэнь каршо Бугурусланонь уездсэ. Ульнесь стакасто ранязь.

1920 иестэ — Бугурусланонь уездэнь Раськень образованиянь пельксэнть прявтокс.

1921 иестэ Москов ошсо вети шкинемань-ёвтнемань важодема (Главполитпросветэнь Мордовиянь секциясо) ды сон Раськень Наркоматсо инструктор.

1923 иестэ велявсь Самарань губернияв ды важоди сисемиень школань прявтветицяксселе Бинарадка велентень Ташто-Буянонь буесэ.

1926 иестэ саезь 1932 иенть видс — тиринь келень тонавтыця Вишка-Толканонь педагогикань техникумсо. Сон ульнесь драмкужонь ды студеньэнь эсьтеезь театрасо.

Бугурусланонь уездэсь содавиксэв ды эрявиксэв эрзянь раськень шкинемань ды литературань куншкатарка. Тестэ литературав састь валморозеень, сёрмадеень, учёноень покш пурнавкс — Пётр Эрьке, Т.А. Раптанов, В.К. Радаев, А. Моро, А.М. Лукьянов ды лият, содавиксэвть эрзянь валморозейть ды ёвксоньладийть, эйсэст Числав Журавлев , К.Г. Батраев, И.П. Новокаев, Е.П. Бузуев, Я.В. Губернский, И.П. Верховцев, С.М. Люлякина.

Ламонь од эрзянь валморозеень, сёрмадеень ды Мордовиянь шкинемань ветийтнень тонавтомась ютась Ксениянь Петровань трокс.

1932 иестэ тусь эрямо Саран ошов, тонавтсь эрзянь кель ды литературанть Комвузсо ды совпартшколасо, ветясь наукань-вановксонь важодемат.

1936 - 1942 иетнестэ — тонавтыця Сыре Пиче велесэ^[1] Клявлянь буень Куйбышевэнь ёнкссо, тоско калмазьгак.

Важодевксэнзэ

1926 иестэ «Якстере теште» кулялопасо ульнесь максозь «Оля» валморозо. Теде мейле сёрмадовксонзо лиснесть «Сятко» ковставкссо. 1932 иестэ, теке ковставкссо лиссь «Гайги вирь» поэмазо.
Пек содавикс «1921-й год» веактонь драмась, кона ёвтни Равчирева стакачиденть, вачочиденть.
1933 «Сятко» ковставкссо ульнесь максозь «Кода сынь глушасть» пьесась, алтазель 1905—1907 иень революциянтень. «Кизэнь ве» сёрмадовксозо ульнесь невтезь Гражданонь ойнань шкась Самарань губерниясо. Драмань ёрокчизэ панжовсь «Ташто койсэ» пьесасонзо (1932).

Валморот

«Оля» (1926, «Якстере теште» кулялопась)

Поэмат

«Гайги вирь» ( 1932, «Сятко» ковставксось)

Драматургиясь

«1921-й год» (вейкеактонь драма)
«Кизэнь ве» (1932)
«Ташто койсэ» (1932)
«Кода сынь глушасть» (1933, «Сятко» ковставксось)
«Чопуда вий» (1933)

Книганзо

«Кизэнь ве» (1932)
«Чопуда вий» (1933)

Шкинемань касомазо

Эрзянь келень граматикаванть, конань сёрмадызе Ксения Петровась, аволь вейке ие тонавтнесть эрзянь школатнесэ.
Сёрмадеень кужось совиця 1938 иестэ.

Невтевкст

Библиотека литературы Мордовии Архивировазь 28 Сундерьковонь 2009 иестэ.
Поэты Мордовии Архивировазь 24 Ацамковонь 2011 иестэ.

Лисьм.

↑ ^1,0 ^1,1 Ксения Семёновна Петрова. Чачома чистэнзэ 115 иетненень. // Сятко.-2007.- №12.- С. 66-68. ISSN 0207-1894 (эрз.)

[Ксения_Семёновна_Петрова-1] 1,0 ^1,1 Ксения Семёновна Петрова. Чачома чистэнзэ 115 иетненень. // Сятко.-2007.- №12.- С. 66-68. ISSN 0207-1894 (эрз.)

[1]