Юхвитов Петр Сергеевич

	Петр Сергеевич Юхвитов
Çуралнă вăхăт	1918 çул, юпа, 1
Çуралнă вырăн	Хурăнвар ялĕ, Çĕпрел районĕ; Тутар АССР, РСФСР
Вилнĕ вăхăт	1944 çул, çурла, 12
Вилнĕ вырăн	Коростенька ялĕ ҫывӑхӗнче, Украина
Пăхăнулăх	СССР
Çар ăрачĕ	пехота
Хĕсмет çулĕсем	1939-1944
Хисеп	Аслă лейтенант
Çапăçусем/вăрçăсем	Иккĕмĕш Тĕнче вăрçи

Петр Сергеевич Юхвитов (1918 çул, юпа, 1, Хурăнвар ялĕ, Çĕпрел районĕ
Тутарстан, РСФСР — 1944 çул, çурла, 12, Коростенька ялĕ ҫывӑхӗнче, Украина) — Совет Союзĕн Паттăрĕ.

Биографи

Вăл 1918 çулта юпа уйӑхӗн 1-мӗшӗнче Тутарстанăн Çĕпрел районĕчи Хурăнвар ялĕнче çуралнă.

Патăръел педагогика училищинчен вĕренсе тухнă (1937). Тăван Çĕршывăн Аслă вăрçине 1943 ҫултан хутшăннă. Рота командирĕ пулса çапăçнă. 1944 çулхи ҫурла уйӑхӗн 12-мӗшӗнче Коростенька ялĕ патĕнче хăйĕн ротипе нимĕçсен батальонне тылран пырса çапăçу пуçланă. Тăшмана вăйсăрлатса хупăрланă, 47 салтака пĕтернĕ, 19 салтакпа 2 офицера тыткăна илнĕ. Çав майпах 521-мĕш сăрта ярса илнĕ.

1944 çулхи çурла уйӑхӗн 12-мӗшӗнче Украинӑн Ивано-Франковск облаçĕнчи Коростеньки ялӗ патӗнче хĕрӳ çапăçура Юхвитов паттăррăн пуçне хунă.

Çапăçусенче харсăр çапăçнăшăн ăна вилнĕ хыççăн Совет Союзĕн Паттăрĕн ятне тивĕçтернĕ.

Украинӑри Ивано-Франков облаçĕчи Бурштын поселокра пытарнӑ.

Вуламалли

Батыревская энциклопедия. – Чебоксары, 2005. – С. 275.
Совет Союзӗн Геройӗ : [Петр Юхвитов ҫинчен] // Хыпар. – 2013. – 21авӑн. – С. 4 : портр.
Михайлов, В. М. Юхвитов Петр Сергеевич / В. М. Михайлов // Чувашская энциклопедия. – Чебоксары, 2011. – Т. 4 : Си-Я. – С. 699.
Юхвитов Петр Сергеевич // Наши земляки – Герои Советского Союза. – Чебоксары, 1980. – С. 508.
Юхвитов Петр Сергеевич // Чуваши Татарстана = Тутарстан чăвашĕсем : [кн.-альбом]. – Чебоксары, 2006. – C. 415.