RTR Radiotelevisiun Svizra Rumantscha

Il pled da l’onn 2024 è «segundimorant:a». Il pled stat per persunas che possedan in’abitaziun secundara en noss vitgs e tematisescha la problematica dal spazi d’abitar pajabel. La furma gendrada dal pled fa attent al fatg che la Rumantschia ha sviluppà sco ina da las emprimas linguas neolatinas in mussavia uffizial per il diever da la lingua inclusiva. Ed il meglier: tut las instituziuns linguisticas rumantschas al renconuschan. Nossa linguista Marietta Cathomas Manetsch ha elavurà las basas linguisticas. En collavuraziun cun collegas linguistas e collegas linguists è la finala resultà il mussavia ch’ins chatta sin la pagina dal Pledari Grond ubain qua sutvart. Collavurà han: Fundaziun Medias Rumantschas (FMR) Lia Rumantscha (LR) Universitad da Turitg, RoSe Chanzlia chantunala dal Grischun Institut dal Dicziunari Rumantsch Grischun (DRG) Asa S. Hendry Bundesamt für Kultur BAK https://lnkd.in/d_eaG74m

Nus tschertgain tai! Es ti nossa nova redactura u noss nov redactur d'online e novitads (70%)? Has ti plaschair vid l'actualitad e gust da fascinar ed infurmar noss public? Alura t'annunzia ussa. Nus ans legrain da ti'annunzia. Dapli davart la plazza chattas ti qua: https://lnkd.in/d-MjVaru Flurina Foppa Flavio Bundi #teamrtr

A Bergamo ha lieu il Festival delle Foreste, il festival dal guaud che sa deditgescha dapi il 2018 cun ils guauds sin l'entir mund. El vul dar a la populaziun la pussaivladad da scuvrir e sentir il guaud. Quai cun agid da films, fotografias e poesia. A chaschun da l'ediziun da quest onn ha il film «Bun enfin miserabel» da la schurnalista grischuna Bertilla Giossi gudagnà il premi principal. Il film ch'è vegnì producì per ils Cuntrasts da RTR sa fatschenta cun la dumonda: «Co statti cun il guaud grischun?» – e preschenta trais guauds cun differentas sfidas. Cordiala gratulaziun chara Bertilla! Nus avain grond plaschair. #teamrtr #teamsrgssr #servicepublic #publicvalue #medien #medienhaus #rätoromanisch

"SRF sagt Bonjour, RTS sagt Grüezi!" Moderationspersonen der SRG tauschen die Plätze und zeigen, wie vielfältig die Schweiz ist. Im Rahmen des Movetia-Projekts treffen SRF, RTS, RSI und RTR aufeinander, um Brücken zwischen den Sprachregionen zu bauen. Gleichzeitig verbindet die nationale Austauschwoche von Movetia – Austausch und Mobilität über 3500 Schüler:innen aus der ganzen Schweiz – mit Exkursionen, Workshops und Highlights wie dem interaktiven Culturetrail in Bern. Danke an Michael Rauchenstein Fanny Zuercher Curdin Vincenz Katharina Locher. SRF - Schweizer Radio und Fernsehen RTR Radiotelevisiun Svizra Rumantscha

Nossas impressiuns da la sonda lunga per Vus! Grazia fitg da la visita.

Tge grondius di! In grond grazia fitg a tuttas e tuts che han visità nossa chasa da medias durant la sonda lunga. Nus avain gì plaschair da tut ils resuns e da las reacziuns. Pudair mussar nossa lavur live fa a nus enorm plaschair. Was für ein wundervoller Tag. Vielen herzlichen Dank an alle, welche unser Medienhaus während der Veranstaltung "Langer Samstag" besucht haben. Wir hatten grosse Freude gross und klein, jung und alt bei uns begrüssen zu dürfen. Die Möglichkeit mit unserem Publikum im Dialog zu treten und unser Arbeit zeigen zu können macht uns unglaublich viel Spass. Grazia fitg! https://lnkd.in/dJWX6jaT #teamsrgssr #teamrtr #publicvalue #medien #rumantsch

Di dal futur @RTR 🥰 En chasa RTR hai oz dapli travasch ch'usitadamain. 21 scolaras e scolars da differentas regiuns visitan RTR a chaschun dal di da futur per survegnir in'invista en il mund da las medias. Ma guardai savess qua: https://lnkd.in/dnsfJ3eB Nus avain gì grond plaschair da vossa visita, voss engaschi e plaschair per nossa chasa da medias e per il schurnalissem. E tgi sa - ina u l'auter da vus udin u vesain nus forsa en entgins onns sin ils chanals da RTR :) Tut mo il bun per voss futur chars uffants!

Temp per far in viva... Ensemen pon nossas collavuraturas e collavuraturs festivar in giubleum da 175 onns 🥳 In grond grazia fitg per voss engaschi per RTR durant tut quests onns. Bel che vus faschais part da noss team. Cordiala gratulaziun: Valentin Schmed, 20 onns Sandra Carisch-Killias, 25 onns Claudine Cavegn, 25 onns Patrick Capaul, 25 onns Alexi Baselgia, 25 onns Conrad Schlosser, 25 onns Armon Schlegel, 30 onns

Prest èsi uschè lunsch - nus avrin las portas durant l'occurrenza "Langer Samstag" che ha lieu sonda, ils 16-11-2024. Vegni era Vus e dai in sguard davos las culissas. Nus ans legrain da Vossa visita. Uras d'avertura: 12:00 - 20:30 Il program detaglià cun la survista dals concerts chattais Vus qua: https://lnkd.in/diqNCrVJ

Nus avain grond plaschair 🥳 🎬 Ier han cumenzà las lavurs da filmar per la 2. stafla da la seria ficziunala «L'ultim Rumantsch». La seria vegn emessa il november 2025 sin PlayRTR, SRF - Schweizer Radio und Fernsehen e sin divers chanals da la SRG SSR. Era quest onn è quai ina co-producziun da shining nice e schau. En il center da la segunda stafla da «L’ultim Rumantsch» stattan las dispitas da la famiglia Durisch, possessura e gestiunaria da la pli gronda chasa da medias dal Grischun. Gion (Marco Luca Castelli) zuppenta ils problems finanzials da la chasa da medias fertant che sia nezza Ladina (Annina Hunziker) publitgescha artitgels che mussan praticas dubiusas da famiglias grischunas. Andrietta (Marietta Jemmi), la mamma da Ladina emprova d’in maun da salvar il num da la fatschenta da famiglia e da l’autra vart er da carmalar enavos en il manaschi sia feglia Ladina.  https://lnkd.in/dbKrxHxh