Ansel Adams

Ansel Adams
Vida
Nacimientu	San Francisco, 20 de febreru de 1902
Nacionalidá	Estaos Xuníos
Muerte	Carmel-by-the-Sea (es) , 22 d'abril de 1984 (82 años)
Causa de la muerte	enfermedad cardiovascular rara (es)
Familia
Padre	Charles Hitchcock Adams
Estudios
Llingües falaes	inglés
Oficiu
Oficiu	fotógrafu, pianista, escritor, alpinista, profesor universitariu, ambientalista, documentary photographer (en)
Llugares de trabayu	San Francisco
Emplegadores	Departamento del Interior de los Estados Unidos (es)
Trabayos destacaos	Moonrise, Hernandez, New Mexico (es) ; The Tetons and the Snake River (en)
Premios	ver miembru de l'Academia de les Artes y les Ciencies d'Estaos Xuníos ; Medaya Presidencial de la Llibertá ; Beca Guggenheim (1946, 1948, 1959) ; Sierra Club John Muir Award (1963) ; Progress Medal (1969) ; Premio internacional de la Fundación Hasselblad (1981) ; Salón de la Fama de California (2007) ;
Miembru de	Academia de les Artes y les Ciencies d'Estaos Xuníos ; Grupo f/64 (es)
Seudónimos	Adams, Ansel Easton
Xéneru artísticu	pintura de paisaxe
Instrumentu musical	pianu
IMDb	nm1168720
	anseladams.com

Ansel Easton Adams (20 de febreru de 1902, San Francisco – 22 d'abril de 1984, Carmel-by-the-Sea ^(es) ) foi un fotógrafu estauxunidense desarrollador del sistema de zones.

Conocíu poles sos fotografíes en blancu y negru de paisaxes del parque nacional Yosemite nos Estaos Xuníos (ente otros paisaxes) y como autor de numberosos llibros sobro fotografía como la so triloxía de manuales d'instrucción téunica (La Cámara, El Negativu y La Copia). Fundó l'asociación fotográfica Grupu f/64 xunto con otros maestros como Edward Weston, Willard Van Dyke, Imogen Cunningham y otros.

El so sistema de zones ye una demostración de cómo la cámara o'l fotómetru (o exposímetro) de la mesma mide'l gris mediu de 18% de reflectancia como zona media. El fotógrafu tien d'aumentar la esposición (o menguala) dependiendo de cuántos pasos de gris quiera afitar como puntu de midida. El fotómetru de cualesquier cámara, inclusive dixital, siempres "quier" ver la zona midida como un gris mediu.

Vida

Ansel Easton Adams nació'l 20 de febreru de 1902 en San Francisco, California. Foi consideráu fotógrafu y ecoloxista. Captó'l blancu y prietu na maxestuosidá de la naturaleza. Nos años trenta desendolco'l Sistema de Zones, Cuandu Adams tenía namás cuatru años, tuvo presente nel terremotu de San Francisco de 1906, onde sufrió un frayatu de tabique nasal.

Fíu únicu de Charles Hitchcock Adams y Olive Bray, medró nun ambiente Victoriano (social y conservador).

Magar ser intelixente yera bien cobarde, lo que xuníu a la dislexa que carecía, causó-y ciertos problemes al intentar integrase na escuela. Ansel Adams lluchó mientres tola so vida por defender y protexer la naturaleza.

Estudió pianu mientres dellos años, lo que-y dio disciplina y estructura. Comencipió na fotografía utilizando una cámara Kodak 1 Box Brownie que-y dieron los sos padres. Xunióse a un club onde conoció a la so esposa, Virginia Best, y casáronse en 1928, niciando a dos fíos.

En 1927 apaeció Albert M. Bender na so vida, quien lu ayudo dándo-y enerxía y seguridá.

En 1930, Ansel Adams conoció al fotógrafu Paul Strand. Les sos imáxenes tuvieron un gran impautu en Adams, ayudar a aliñase del estilu pictorialista y a emponese escontra l'estilu de “straight photography” (fotografía direuta, o pura), onde la claridá de la lente ye lo más importante, y onde la fotografía hai de sufrir el menor númberu d'axustes y retoques posible.

En 1927 Ansel Adams conoció a Edward Weston, con quien entabló una gran amistá. Xuntos, Adams, Strand, Cunningham y Weston formaron un grupu llamáu "f/64" en 1932. Ésti grupu promovió y evolucionó “straight photography”.

Adams foi destacando cada vez más pola so enerxía y entusiasmu. Visitó per primer vegada Nueva York en 1933 y conoció a Alfred Stieglitz, un fotógrafu al que siempres almirara. Stieglitz ayudólu a faer la so primer esposición.

En 1936 collaboró entamando la primer seición de fotografía nel Muséu d'Arte Moderno de Nueva York (MoMA). Ende conoció a Beaumont (historiador de la fotografía) y a Nancy Newhall (escritora-diseñadora). Más tarde collaboraría con Dorothea Lange pa un trabayu de la revista Life.

El 6 d'agostu de 1953, Adams escribió-y una carta a Stieglitz, pa fala-y de la so precaria situación económica. Foi entós cuando empezó a faer fotografía comercial. Nun yera daqué que lu encantase, yá que creía que nun lo dexaba esplotar la so creatividá, anque-y apurría abondu dineru pa vivir. Trabayó pa marques como IBM, AT&T, Nacional Park Service y Kodak, y pa revistes como Life y Fortune, amás de ser fotógrafu asesor pa Polaroid y Hasselblad. Esti trabayu nun-y sirvió a Adams pal mentáu sustentu financieru, sinón que fizo de les sos fotografíes un iconu de les guapures naturales norteamericanes reconocíes perdayuri del mundu.

Weston y Strand empezáron-y a pidir conseyos téunicos. Adams desenvolvió'l famosu “sistema de zones”, un métodu de midida y reveláu que s'utilizaba pa estremar la graduación de lluz d'una escena en 11 zones distintes, del blancu al negru. Esto dexába-y visualizar los distintos niveles de gris na fotografía final con gran precisión.

Les sos imáxenes empezaron a volvese símbolos de Angloamérica, munches d'elles centraes nel parque natural Yosemite. Ansel Adams lluchó por defender la naturaleza y a los sos animales, siendo los paisaxes la principal tema de les sos fotografíes. Precisamente por esto foi criticáu de cutiu, yá que raramente podía vese a una persona nuna fotografía so. El fotógrafu francés Henri Cartier-Bresson dixo sobre él: “El mundu ta cayéndose a cachos y tou lo que Adams y Weston fotografíen son piedres y árboles". Magar opiniones como ésa, recibió en 1981 el Premiu internacional de la fundación Hasselblad.

Dalgunos dicen que Adams fotografió llugares que yá nin esisten, pero pa otros asocede lo contrario; dellos llugares siguen esistiendo por cuenta de Adams y el so entusiasmu y esfuerciu por salvar estos llugares, al traviés de les sos fotografíes.

Morrió'l 22 d'abril de 1984, por cuenta de un fallu nel corazón, posiblemente agraváu por un cáncer pancreáticu.

Obra

El proyeutu Mural

En 1941, Adams foi contratáu pol Departamentu d'Interior del Gobiernu de los EE.XX. pa faer semeyes de parques naturales, reserves aboríxenes y otros llugares, pa ser usaes como fotografíes murales nel nuevu edificiu del Departamentu en Washington D.C. Parte del so alcuerdu col Departamentu foi que podría tamién faer fotografíes pal so propiu usu, ocupando la so propia película y reveláu. A pesar de que Adams guardó rexistros meticulosos del so viaxe y los sos gastos, foi menos disciplináu col rexistru de les feches de les sos imáxenes y negóse a rexistrar la fecha de "Moonrise over Hernandez", polo que nun quedó claru si pertenecía a Adams o al Gobiernu de EE. XX. La posición de la lluna dexó que la imaxe fuera fechada por aciu cálculos astronómicos y determinóse que foi tomada'l 1 de payares de 1941, una xornada que Adams nun trabayara pal Departamentu, polo cual la imaxe pertenecía a Adams. Lo mesma disputa resultó nun ser verdadera en munchos otros negativos, incluyendo The Tetons y Río culiebra que, siendo realizaos pal proyeutu Mural, son propiedá del gobiernu de EE. XX. El proyeutu Mural detense pola entrada na Segunda Guerra Mundial de los Estaos Xuníos en 1942, y nunca foi termináu.

Fotografíes más importantes

Monolith, The Face of Half Dome, 1927.
Rose and Driftwood, 1932.
Clearing Winter Storm, 1940.
Moonrise over Hernandez, Nuevu Méxicu, 1941.
Ice on Ellery Lake, Sierra Nevada, 1941.
Xeorxa O'Keeffe and Orville Cox at Canyon de Chelly 1945.
Aspens, Nuevu Méxicu, 1958.

Llibros de fotografíes

Ansel Adams: The Spirit of Wild Places, 2005. ISBN 1-59764-069-7
America's Wilderness, 1997. ISBN 1-56138-744-4
California, 1997. ISBN 0-8212-2369-0
Yosemite, 1995. ISBN 0-8212-2196-5
The National Park Photographs, 1995. ISBN 0-89660-056-4
Photographs of the Southwest, 1994. ISBN 0-8212-0699-0
Ansel Adams: In Color, 1993. ISBN 0-8212-1980-4
Our Current National Parks, 1992.
Ansel Adams: Classic Images, 1986. ISBN 0-8212-1629-5
Polaroid Land Photography, 1978. ISBN 0-8212-0729-6
These We Inherit: The Parklands of America, with Nancy Newhall, 1962.
This is the American Earth, with Nancy Newhall, 1960. ISBN 0-8212-2182-5
Born Free and Equal, 1944. Spotted Dog Press

Llibros téunicos

La cámara, 2002. Editorial: Omnicón. ISBN 84-88914-11-3
El negativu, 1999. Editorial: Omnicón. ISBN 84-88914-10-5
La copia, 1997. Editorial: Omnicón. ISBN 84-88914-07-5
Examples: The Making of 40 Photographs ISBN 0-8212-1750-X

Referencies

↑ ^1,0 ^1,1 Afirmao en: Guggenheim Fellows database. Identificador Beca Guggenheim: ansel-adams. Llingua de la obra o nome: inglés.
↑ ^2,0 ^2,1 Afirmao en: autoridaes BNF. Identificador BnF: 123681937. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 60. Data de consulta: 4 avientu 2019. Llingua de la obra o nome: inglés.
↑ «Union List of Artist Names» (inglés).
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: https://www.hasselbladfoundation.org/wp/hasselblad-priset-2/award-winners/. Data de consulta: 19 marzu 2022.

Enllaces esternos

Wikimedia Commons tien conteníu multimedia tocante a Ansel Adams.

[7a45723b4a0a7384658ef8c2e955f43b0b96aa51-1] 1,0 ^1,1 Afirmao en: Guggenheim Fellows database. Identificador Beca Guggenheim: ansel-adams. Llingua de la obra o nome: inglés.

[235aea1ea6944c10f0b77ed1b634fdd55b999331-2] 2,0 ^2,1 Afirmao en: autoridaes BNF. Identificador BnF: 123681937. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[f7e06fce9232163d56937876dd97d2395e1a02b9-3] Afirmao en: coleición en llinia del Muséu d'Arte Modernu de Nueva York. Identificador MoMA de artista: 60. Data de consulta: 4 avientu 2019. Llingua de la obra o nome: inglés.

[3d61cb1c2512ad1bcdf83635545a3c029fc4039f-4] «Union List of Artist Names» (inglés).

[9a2f1a55ba3265f1bf7281f60536fba3a8cd0186-5] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[f1d38a01292e4a015a06cfa1d97e3ccf86df8da9-6] URL de la referencia: https://www.hasselbladfoundation.org/wp/hasselblad-priset-2/award-winners/. Data de consulta: 19 marzu 2022.

[1]

[2]

[3]

[4]

[5]

[6]