Investigación
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una investigación ye un proceso analitico, sistematico, organizato y obchectivo, que o suyo proposito ye de responder a una pregunta u hipotesi ta ixamplar asinas o conoiximiento y a información sobre bella cosa esconoixita d'a que se deseya saber mas a fundo. En bels textos modernos tamién se fa servir metaforicament os vocables rechirar y rechira como sinonimos d'"investigar" y "investigación".
Caracteristicas
editarUna investigación se caracteriza por estar un proceso:
- Sistematico: A partir d'a formulación d'una hipotesi u obchectivo de treballo, se recullen unos datos seguntes un plan preestableixito que, una vegata affdhdnalizatos y interpretatos, modificarán u adhibirán nuevos conoiximientos a os ya existents, encetando-se alavez un nuevo ciclo d'investigación. A sistematica emplegata en una investigación ye a d'o metodo cientifico.
- Organizato: Toz os miembros d'un equipo d'investigación han de conoixer o que deben fer durant tot o estudio, aplicando as mesmas definicions y criterios a toz os participants y actuando de forma identica debant de cualsiquier dandalo. Ta aconseguir-lo, ye imprescindible escribir un protocolo d'investigación an que s'especifiquen toz os detalles relacionatos con o estudio.
- Obchectivo: As conclusions obtenitas d'o estudio no se basan en impresions subchectivas, sino en feitos que s'han observato y miditos, y que en a suya interpretación se priva cualsiquier prechuicio que os responsables d'o estudio pudesen tener.
Actividaz
editarAs actividaz basicas d'una investigación son:
- Medir fenomenos.
- Contimparar os resultatos obtenitos.
- Entrepetar os resultatos en función d'as conoixencias actuals, considerando as variables que pueden haber influito en o resultato.
Tamién tien como función social l'adquisición de conoixencias t'o desembolique u superación humana, social y economica d'a sociedat.
Menas d'investigación
editar- Investigación basica. Tamién dita investigación fundamental u investigación pura. Se gosa levar a termino en os laboratorios.
- Investigación aplicata. Ye l'aplicación d'os conoiximientos, en a mayoría d'os casos, en proveito d'a sociedat. Un eixemplo son os protocolos d'investigación clinica.
Investigación entre disciplinas
editarS'han descrito diferents menas d'investigación entre disciplinas, así como una terminolochía especifica. Bellas definicions comunment aceptatas son:
- Multidisciplinariedat: en iste nivel d'investigación l'aproximación con o fin d'estudio se realiza dende diferents anguls, emplegando diferents perspectivas disciplinarias sin plegar en a integración.
- Interdisciplinariedat: iste nivel d'investigación se refiere a la creyación d'una identidat metodolochica, teorica y conceptual, de forma que os resultatos sigan mas coderents y integratos.
- Transdisciplinariedat: va dillá d'as anteriors y se refiere a lo proceso en o cual ocurre a converchencia entre disciplinas, acompanyato por una integración mutua d'as epistemolochías disciplinaras (Teoría d'as Ciencias Humanas).
