Barbados

	Barbados
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: Pride and Industry ; ängl., „Stolz und Fliss“
Amtsspraach	Änglisch
Hauptstadt	Bridgetown
Staatsoberhaupt	Sandra Mason
Regierigschef	Mia Mottley
Flächi	430 km²
Iiwohnerzahl	284.589
Bevölkerigsdichti	647 Iiwohner pro km²
Bruttoinlandsprodukt nominal (2007)	3.739 Mio. US$ (142.)
Bruttoinlandsprodukt pro Iiwohner	13.605 US$ (45.)
Human Development Index	0,788 (42.)
Währig	1 Barbados-Dollar = 100 Cent ; 1 € = 2,15 BBD ; 1 BBD = 0,46 € ; (Stand: 8. Novämber 2024)
Unabhängigkeit	vom Vereinigte Königriich am 30.Novämber 1966
Nationalhimne	In Plenty and In Time of Need
Zitzone	UTC −4
Kfz-Kennzeiche	BDS
Internet-TLD	.bb
Vorwahl	+1 (246) lueg NANP

Barbados [baʁˈbaːdɔs] isch en Insle in de Chliine Antille und e Staat im Commonwealth of Nations.

Geografii

Barbados isch die östligsti Insle vo dr Inslechetti vo de Chliinen Antille und lit im Atlantischen Ozean. Im Gegesatz zu vile vo de benochberte Karibikinsle isch dr Ursprung vo Barbados nid vulkanisch, sondern isch dr höchsti Deil vom ene unterseeische Chalchsteirugge. S Chalchsteiplateau erreicht im Mount Hillaby e Höchi vo 336 m. Zu Barbados ghört näbe dr Hauptinsle no s winzige Culpepper Island, wo diräkt vor dr Ostküste lit.

Öbbe 180 km westlig lit dr Inselstaat St. Vincent und d Grenadine.

Bevölkerig

De Iiwohner vo dr Insle sait mä Barbadier, s Adjektiv, wo drzue ghört, isch barbadisch^[4].

D Bevölkerig bestoht zu öbbe 90 % us de Nochkomme vo afrikanische Sklave, öbbe 4 % Wissi, vor Allem mit britische und irische Vorfahre, und dr Räscht si Asiate (Inder und Chinese) und Mulatte.

Öbbe 30 % vo dr Bevölkerig si Anglikaner, 18 % ghöre zur Pfingstbewegig, wiiteri bedütendi Gruppe si d Methodiste und d Adventiste. 4 % si katholisch.

D Chinderstärblikeit lit bi 11 pro 1000 Läbiggeburte. D Läbenserwartig isch 76,4 Johr und d Alphabetisierigsroote 97,6 %.

Ungfäär e Driddel vo dr Bevölkerig vo dr Insle läbt in dr Hauptstadt Bridgetown und iire Vorort. Non e Driddel läbt an dr Süd- und Westküste in de Gmäinde Christ Church und St. James, wo au d Zentrum vom Turismus si. S letschte Driddel läbt in e Hufe Siidlige, wo über die ganzi Insle verstreut sin.

Usser dr Hauptstadt git s no drei Stedt: Speightstown, Holetown und Oistins. Ihri Iiwohnerzahle chönne nume gschetzt wärde, wil s keini definierte Gmeindsgränze git. Wiiteri relevanti Ort si Bathsheba as touristischs Zentrum an dr Ostküste und Six Cross Roads as regionals Zentrum im Ostdeil vo dr Insle.