Drie-eenheid
Die Christelike leerstelling van die Drie-eenheid (Latyn: Trinitas, van trinus, "drievoud")[1] leer dat God een God is, maar drie saambestaande persone[2] – die Vader, die Seun en die Heilige Gees.
 |
Die hele skepping en idee van genade betrek al drie Goddelike persone, sodat alle dinge "van die Vader", "deur die Seun" en "in die Heilige Gees" is.[3] Prof. Kobus Kok verduidelik die Drie-eenheid aan die hand van ’n appel wat bestaan uit ’n skil, die vleis van die appel en die stronk. Die drie verskillende dele is almal appel, maar het verskillende funksies en gestaltes.[4]
Teoloë glo die manifestasie van die Drie-eenheid word reeds aan die begin van die Bybel duidelik gemaak. In Genesis 1:1-3 word by die skepping van die hemel en die aarde gepraat van "God" en die "Gees van God"[5][6]. In die eerste vers word in die Hebreeuse Bybel die meervoudige naamwoord Elohim gebruik. Dit dui op meer as twee.[7]
Die Bybel praat nêrens van die Drie-eenheid nie, maar die basis vir die ontwikkeling van die idee is in die Nuwe Testament gevind. Een van die belangrikste tekste wat op die Drie-eenheid dui, is Matteus 28:19: "Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees". Nog ’n Bybelgedeelte is Johannes 1:1-14 waar "die Woord" beskryf word. Dit toon weer die elemente van ’n drieledige God en hul ewige bestaan ("wat is en wat was en wat kom"; Openbaring 1:8).
Uit Romeine 8:9-11, waar gepraat word van die redding van verloste mense "deur sy Gees wat in julle woon", blyk duidelik die interafhanklikheid en interverwantskap tussen die Vader, Seun en Heilige Gees.
Toe in die 4de eeu besluit is om ’n Christelike belydenis te formuleer wat eenvormig is in die ganse Romeinse Ryk, is die geloofsbelydenis van Nicea op die eerste konsilie in dié stad (325 n.C.) aanvaar, waarin die idee van die Drie-eenheid duidelik uitgestippel word.[8]
Verwysings
[wysig | wysig bron]- ↑ "Definition of trinity in English". Oxford Dictionaries - English (in Engels). Geargiveer vanaf die oorspronklike op 20 Augustus 2016. Besoek op 18 November 2018.
- ↑ The Family Bible Encyclopedia (1972). p. 3790.
- ↑ CCC §253–267: "The dogma of the Holy Trinity"
- ↑ Kok, Kobus. Bybelkennis. Geargiveer 13 Junie 2019 op Wayback Machine Hoe moet ek die Drie-eenheid verstaan?
- ↑ Younker, Randall W. "Crucial Questions of Interpretation in Genesis 1" (PDF). Biblical Research Institute. Biblical Research Institute General Conference of Seventh-day Adventists. Geargiveer vanaf die oorspronklike (PDF) op 12 Junie 2015. Besoek op 21 Julie 2017.
- ↑ "John 1:1-4". Biblia.com (in Engels). Faithlife. Geargiveer vanaf die oorspronklike op 11 Augustus 2017. Besoek op 21 Julie 2017.
- ↑ In Afrikaans kry ’n mens net enkel- en meervoud. "In Hebreeus kry ’n mens egter drie vorme: enkelvoud, tweeledig en meervoud. Die woord “Elohim” en die voornaamwoord “ons” is meervoudige vorme – definitief meer as twee." "Wat leer die Bybel ons omtrent die Drie-eenheid?"
- ↑ "Trinity, doctrine of" in The Oxford Dictionary of the Christian Church (Oxford University Press 2005 ISBN 978-0-192-80290-3)
Eksterne skakels
[wysig | wysig bron]
Wikimedia Commons het meer media in die kategorie Drie-eenheid.
Hierdie artikel is merendeels vertaal uit die Engelse Wikipedia
