منشور Mahmoud Abdelmoneam

استراتيجية كامبين سيرش في Google Ads قللت التكلفة ورفعت معدل المبيعات والـ Acquisition بنسبة 70% 🚀 خلينا في البداية نقول إن الأفضل للكامبين دي علشان تجيب معاك نتائج ممتازة، على حسب تجربتي الشخصية: 1️⃣ تشغلها ككامبين براند، دا لو معاك عميل تقيل ومشهور ومنافسينه شغالين على الكيورد الخاصة بالبراند ومحتاج تستحوذ على أكبر نسبة في المزاد وتظهر في السيرش قبل المنافسين. 2️⃣ هتكون Step 2 للمبيعات، وهنا بتكلم عن إن يكون في كامبين سيرش قبلها وتكون حققت معاك مبيعات علشان تعرف تميز الكلمات اللي جايبة معاك كونفرجن. نيجي للمهم 🎯 احنا عندنا 3 انواع رئيسية لاستهداف الكيورد:   Exact Match 1️⃣: هنا بنستهدف الكلمة بالظبط، يعني لو حد كتب الكلمة بشكل دقيق، إعلانك هيتعرض. ده بيكون فعال لو عايز تجيب عميل محدد وعندك منتج متميز. 2️⃣ Broad Match: النوع ده بيوسع دائرة الاستهداف. لو حد كتب كلمات مشابهة أو مرتبطة، إعلانك ممكن يظهر. المفيد في النوع ده هو الوصول لجمهور أوسع، لكن لازم تكون عارف مخاطرك.  3️⃣ Phrase Match: هنا بنستهدف عبارة معينة، ولو حد كتبها في نص كلامه، إعلانك هيظهر. ده بيوفر توازن بين الدقة والمرونة، ويساعدك توصل للجمهور اللي عنده اهتمامات مشابهة. 1️⃣ الطريق الأول كامبين البراند: بنعمل سيرش للكيورد الخاص بالبراند وبنجمع كل الكيورد وبنطبق عليها الـ 3 أنواع في نفس الكامبين. وهنا بجانب استهدافك للكيورد دا، انت هتحقق معدل أعلى في الكواليتي سكور لأن اسم البراند موجود في الكيورد وكذلك في الموقع. وليكن عندي مثلاً براند اسمه x، الكيورد لما بضيفها للكامبين بتكون بالشكل دا: "x" x [x] 2️⃣ الطريق الثاني لو أنا شغال على كامبين وبالفعل محققة نتائج معايا ومحتاج أقلل التكلفة واخد نسبة ماركت شير اكبر، وهنا عارف التراك بتاعك وفي كيورد محققة كونفرجن. كل اللي مطلوب تجمع كل الكيورد اللي محققة معاك كونفرجن، وليكن الكيورد اللي محققة نتائج (عود مروكي) ، هتجمع كل الكيوردات اللي جايبة كونفرجن وهتكتب كل كيورد بالشكل دا: "عود مروكي" عود مروكي [عود مروكي] ليه استخدام الاستراتيجية دي في إعلانات جوجل ممكن يفيدك ويحقق مبيعات بشكل افضل وكذلك هيقلل التكلفة: 1️⃣ تحقيق التوازن: الجمع بين الأنواع الثلاثة بيديك توازن بين استهداف دقيق لجمهور محدد (Exact Match)، والمرونة في الوصول لجمهور أوسع ولكن مستهدف (Phrase Match)، وأيضاً اكتشاف فرص جديدة من عمليات بحث غير متوقعة (Broad Match) 2️⃣ تحسين الكفاءة: بتقدر تتحكم في ميزانيتك بشكل أفضل لأنك بتحدد أي نوع من الكيورد يستهلك ميزانية أكبر وأي نوع يحقق أفضل عائد على الاستثمار وبالتالي تبداء تحسن الكيوردات مع الوقت. 3️⃣ زيادة حجم الترافيك المفيد: Broad Match بيوسع نطاق الوصول وبيساعدك تكتشف كلمات بحث جديدة، في حين أن Exact Match بيضمن استهداف الجمهور الجاد اللي عنده نية شراء. 4️⃣ ودا الاهم فكرة ال Acquisition انك بتنافس علي كلمة ب 3 type دا بيضمنلك انك تظهر في كافة عمليات البحث وبكل الأشكال وهنا تضمن بنسبة كبيرة زيادة مبيعات 🏆 من الكلمة اللي حققت معاك كونفرجن. لو استفدت، متنساش تعمل شير للمحتوى علشان غيرك يستفاد، ولو ليك تجربة سابقة مع تحسين حملات جوجل أدز، هكون حابب أعرفها في الكومنتات. 💬